Archival view of P281827



Return to Search Page
Search aids
Terms of Use
Internal login

Reduce to catalogue data


Publication
Primary publication: BAM 4, 339
Author: Köcher, Franz
Publication date: 1971
Secondary publication(s): KAR 357
Citation:
Author remarks:
Published collation:
CDLI no.: P281827
UCLA Library ARK 21198/zz001vvxh2
CDLI comments:
Source of original electronic files
Catalogue: 20051111 dahl
Transliteration: BabMed Team
Translation: no translation
Photo: If not otherwise indicated, digital images were prepared in their current form by CDLI staff, in some cases with the kind assistance of collection staff. For terms of use, click here.

Line Art: If not otherwise indicated, line art drawings prepared in their digital form by CDLI staff are to be credited to primary publication author(s).

Collection Information
Owner: Vorderasiatisches Museum, Berlin, Germany
Museum no.: VAT 10034 + VAT 11425 + VAT 11571 + VAT 12115 + VAT 12216
Accession no.:
Acquisition history:

Text Content:
Genre: Scientific
Sub-genre: medical
Sub-genre remarks:
Composite no.:
Language:
Physical Information
Object type: tablet
Material: clay
Object remarks:
Measurements (mm): ? x ? x ?
Object preservation:
Surface preservation:
Condition description:
Join information: P281827 lead, single entry
Seal no.:
Seal information:
Provenience:
Provenience: Assur (mod. Qalat Sherqat)
Provenience remarks:
Excavation no.: Ass 22790c
Findspot square:
Elevation:
Stratigraphic level:
Findspot remarks:
Chronology:
Period: Middle Assyrian (ca. 1400-1000 BC)
Period remarks:
Date of Origin:
Dates referenced:
Date remarks:
Alternative years:
Accounting period:


Unclear abbreviations? Can you improve upon the content of this page? Please contact us!

Tablet

obverse
1. [ina _{iti}szu]-numun#-na u4-1(u)#-[kam_ e-nu-ma {d}isz8-tar2 _un-mesz kur]_
2. [u]-sab#?-ku-u2 _igi_ {d}a-[nun-na-ki? u?] _gidim#?_ [kim-ti]
3. [ana] _{d}dumu-zi_ i-bak-ka-a _im#-[ri-a lu2_ asz-ra]-nu [pah-rat]
4. {d}isz8-tar2 _gub_-az-ma ka _un-mesz_ i-ha-ra# _[u4_-um _tur3-mesz] gal4-la_ sza _{na4}za-gin3 mul#_-tam _gar_-an _gi-duh <gin_-an>
5. _mu lu2_ ta-za-kar 1(u) 2(disz) _ninda_ u mi-ih-ha _[ti?_-qe2-ma] _lu2#-gig_ szu-zi-bi# [ta]-qab-bi
6. ana {d}isz8-tar2-re-s,u2-u2-a ka-par2-ri sza _{d}dumu-zi#_ [na-as,]-rap-tam u gu-has,-s,a ba-asz
7. {d}isz8-tar2-re-s,u2-u2-a s,a-bat a-bu-ut _lu2-gig_ [ana _{d}]dumu#-zi_ ta-qab-bi
8. an-na-a-am ina _e2_ {d}isz8-tar2 _u4_-um _tur3-mesz# [du3]_-usz ina _a2-gu2-zi-ga_
9. e-nu-ma ma-a-a-al-tum ana _{d}dumu-zi szub_-u2 [1(disz)] _sila3# zi3-da_ sza2 _nita_ i-t,e3-nu _ti_-qe2
10. ina _sag_ ma-a-a-al-ti _izi mu2_-ah ka-ma-na# tu-szab-szal ina _ga_ ta-mar-ra-as
11. ina _sag_ ma-a-a-al-ti _gar_-an _{dug}la-ha-an kasz# gin_-an _gi-gid2 gi_-s,i-in-na-ta
12. _{gesz}szab {gesz}bunin-tur nig2-ba_ ana _{d}dumu-zi_ ba-asz _nig2-na szem-szesz_ ina _sag_-szu2 ta-sar2-raq
13. _nig2-na {szim}li_ ina sze-pi-it ma-a-a-al-ti ana {d}isz8-tar2 ta-sar2-raq ana _igi_ {d}isz8-tar2 _gi-duh gin_-an
14. 1(u) 2(disz) _ninda ziz2-an-na gar_-an _ninda-i3-de2-a lal3 i3-nun-na gar_-an _{dug}a-da-gur5 gin_-an _sila4 kud_-is
15. _kasz-sag bal_-qi2 szid-di _gid2_-ad _{zi3}dub-dub-bu szub-szub_-di ina _zag_ ma-a-a-al-ti
16. ana _gidim im-ri-a_-szu ina _gub3_ ma#-[a-a]-al#-ti ana {d}a-nun-na-ki _ki-se3-ga#_ [ta]-kas#-sip
17. _a kasz_ u3 _ga bal_-qi2 x [x x] x-ma _lu2-gig tug2-sza3-ha mu4-mu4_-asz
18. ana _igi_ {d}isz8-tar2 tu-qar-rab#-[szu]-ma ki-a-am tu-szad-bab-szu2
$ single ruling
19. _en2_ sza-qu2-tum {d}isz8-[tar2] _du3#_-at te-ne-sze-ti mu-kin2-nat par-s,i a-szi-kad2 _bara2-mesz_
20. {d}isz8-tar2 ru-bu-tum# sza-ru-uh-ti# {d}i-gi4-gi4
21. ba-na-a-at kul#-lat _un-mesz_ musz-te-szi-rat szik-na-at na-pisz-ti
22. dir-ni-[ni] sza-ru-uh-tu qa-rit-tu at-ti
23. [ge]-rat# qab-lim musz-tak3#?-ki#?-pat#? x a-na#-[an-ti]
# erasure before a-na-an-ti
24. [ba-lu-uk]-ki _id2 nu bad_-te _id2 nu_ is-[se-ker] sza# ub-ba-lu nu-uh#-[sza]
25. [ba-lu]-uk-ki _pa5 nu bad_-te _pa5 nu_ is#-[se-ker] sza _nag-mesz un-mesz [dagal-mesz]_
26. [ba]-lu-uk-ki _gal5-la2 hul_ ana _lu2 nu dim4_ ba-[lu-uk-ki] '-lum _lu2-lil2-la2 munus#-[lil2-la2_ u]
27. _ki-sikil-lil2-la2 nu_ te-hi ana _lu2-gig_ ana-ku _[ir3]_-ki# an-hu szu-nu-hu a-ta-[mar _igi_-ki]
28. {d}isz8-tar2 be-let in-bi u a-gu-uh-hi a-ta#-[ziz] _igi_-ki zi-ti ana ka-a-szi [ub-la]
29. ina _du11-ga_ ki-s,ir-tim sza2 _nu kur2_-ru u3 an-ni-ki _ki_-nim sza2 _nu bal_-[u2]
30. lem-nam ha-a-a-t,am mu-kil _sag hul_-tim sza _gar_-ma _usz-mesz_-ma _nu_ duh-[ru]
31. ina _u4_-me an-ni-i ina _su_-ia _zi_-szu2-ma ana ag-gi _sza3_-ki id-ni-szu2
32. isz-tu _szid_-tam an-ni-tam tusz-tam-nu-szu ana _igi {d}dumu-zi-kam du11-ga_
$ single ruling
33. _en2 {d}dumu-zi_ be-lum _sipa_ sza {d}a-nim ra-szub-bu
34. har-mi {d}isz-dar szar-ra-tim bu-kur _{d}nu-dim2-mud_
35. ga-asz-rum mas-se-e la sza-na-an a-kil el-le-ti ka-man tum3-ri
36. la-bisz ku-si-ti na-szi szi#-bir#-ri sza2-ti-u2 _a-mesz_ na-a-di ha-li-ib-ti
37. ba-nu-u2 kul-la2-tim _en-tur3# nun_ sza-qu2-u mut-tal-lu-u2 at-ta-ma
38. lem-nam ha-a-a-t,am mu-kil _sag hul#_-tim# [sza2] _ki_-ia rak-su-ma ana _kud zi_-ia _gub-zu#?_
39. _ki_-ia _szu#?_-si na-pisz-ti ub-lak-ku ana _udug#_ lem-ni _gal5-la2_ la ba-bil2 pa-ni
40. pi-qid-su-ma ki-ia lip-pa-ri-is na-pis-ti qi2-szam
41. lem-nam ha-a-a-t,am sza2 ina _su_-ia _gal2_-u2 ina _su_-ia u2-suh-szu-ma
42. ana _gizkim u4_-me an-nu-tim lu-mur-ka-ma da3-li2-li2-ka# lud-lul
$ single ruling
43. _gin7 szid_-tam an-ni-tam tusz-tam-nu-szu2 _lu2-gig_ ana _ki-ta {gesz}na2 {d}dumu-zi_ tu-sze-reb-ma
44. _igi-mesz_-szu2 ana sze-pi-ti _gar_-an ana si-hi-ip pa-ni-szu _szu2-szu2_-ma _ur5-gin7# du11-ga_
$ single ruling
45. _en2 {d}dumu-zi_ har-mi {d}isz8-tar2 li-qe2 un-ne-ni# _mar_-s,i
46. ka#-sza-a-ma _lu2-gig lugal_ git2-ma-lum u2-qi2-ka
47. [i-na] ki#?-tim-ru3 {d}a-nun-na-ki _igi_-ka _im#-ri#-a_-szu2 _gub_-az
48. [pu-t,ur? a-dir]-ta#?-szu u2-suh lem-na a-a-ba sza _uzu-mesz_-szu2
49. [szu-s,u] _gidim usz-mesz_-szu2 t,u2-ru-ud mur-s,a sza _sa#-[mesz_-szu2]
50. e-nu-ma at-ta ana _ki-ta#_-tim# _gar_-nu _igi-mesz_-ka ana _nenni a nenni gig_ a-a [isz-ku-na pa-ni-szu2]
51. e-nu-ma tal2-la-ku u2-ru-uh-ka lem#-na# suh-hir-szu2 pa-nu-uk-ka lil2#-[lik]
52. e-nu-ma tal-la-ku _edin_ tum-mi-szu qer#-bi#-tam a-a is-sah-ra
53. e-nu-ma ta-zak-ki-pu bu-lam bu-lum li2-tar-ru-szu2 ka-lu _edin_
54. e-nu-ma te-eb-bi-ru _id2_ tum-mi-szu2 de2-a-ma a-a is-sah#-ra#
55. e-t,ir _lu2-gig_-ma lisz-ta-mar _dingir_-ut-ka da3-li2-li2-ka lid-lul ana _un-[mesz] dagal-mesz_
56. {d}isz8-tar2 na-ram-ta-ka _a2_-ka lil#-lik
$ single ruling
57. _gin7# szid_-nu-u2 ina gi tu-lap-pat-su 7(disz)-szu2 tusz-pel2-szu2 _nigin#?_-ma
58. ina _ki#-hul_ ip-pa-ra-sah-ma _ur5-gin7 du11#-ga#_
$ single ruling
59. {d}isz8-tar2 [ina _ki]-hul_-ki ap-pa-ra-si-ih it-ti _un-mesz_-ki
60. as#?-pi?-[id lem-nam ha-a-a]-tam# sza2 ana _hul_-tim _gub-gub_-za-ma _usz-mesz_-ni
61. [ina] _su#?_-ia us#-hi#-[szu-ma ana ag]-gi#? _sza3#_-ki# id-ni-szu2 te-de-ki-szu-ma _sig2 sag-ki_-szu2 ta-ha#-[sip]
62. ana? _igi#?_ 1(u) 2(disz)? _ninda?-hi#?-a_ [u _zi3]-ma#?-[ad]-ga2#? mu2-mu2_-ar2 _kasz-sag bal_-qi2-ma KU x [x]
63. x [...] x x x ni? KAR KID x x NAGA?
64. [...] x _szennur?_-ra ku2#? x x u be#? x x
$ rest broken

reverse
$ beginning broken
1'. [...] x x [...]
2'. [te-li]-tu [{d}isz8-tar2? ...]
3'. [dir]-ni-ni sza# sza2#-lum-ma#-ta# [ra-ma-at]
4'. sza-qu-tu# {d}isz8-tar2# [ba-'-lat kib-ra-a]-ti#
5'. a-ku-ku-tu sza qab-la-[at _an_-e u KI-tim] t,e#-rat#
6'. e-ri-bat pa-an bu-li# [ra-'-i-mat u2]-tul-lim
7'. ba-lu#-uk-ki _id2 nu bad id2 [nu_ is-se-ker sza ub-ba]-lu# nu-uh-sza
8'. _ki-min# tir nu bad tir [nu_ is-se-ker] sza2#? ub#?-ba-lu# _un-mesz dagal-mesz_
9'. _[ki]-min# {gesz}szub-ba ha-la# [szuku-{d}]inanna#_ ul isz-szar-rak
10'. [a-na]-ku#? _[nenni] dumu-nita2 nenni# [keszda_-ki] keszda# ku3_ ina _ga ku3_ ka-man _tum2_-ri
11'. [az-qup]-ki# _{dug#}a-da#-[gur4_ si-min3-ni u] mug#-rin-ni
12'. [at,-bu-ha-ak-ki _udu-nita2_ ni]-qi2?-i? _[ku3_ sza bu]-ul# _{d}sumugan#_
13'. [u2-t,ah-hi mir-sa ana] ka#-pa-ar-ra#-[a-ti sza _{d}dumu-zi]_
14'. [asz-tak-kan _szuku-mesz_ a]-na# za-ab-bi za-ab-ba-tim# [...]
15'. [aq-ti-sza-ak-ki _gal4-la] {na4#}za#-gin3 mul_-ti si-mat#? _[dingir_-ti-ki]
16'. [... _gi]-gid2_ s,i-in-na-ta# _{gesz}szab# {gesz}bunin#-[tur?]_ ana _[sipa {d}dumu-zi]_
17'. [...] x x li tum x x [...]
18'. [...] x _ur5?-gin7#? du11#?-[ga?]_
19'. [...] x ni#? isz#? szi#? nu x x [...]
20'. sza#-pu#-[u] ri#-gim em#-bu-bi-ki# mim-ma lem#-[nu]
21'. [la-'-ba]-an#-ni-ma la u2-masz-szar-an-ni _gin7#_ sze#-[e]-ti# [kut-tu-ma-an-ni]
22'. [...] x x sah-pan#-ni# ka#-lu#
23'. ka#? lu#? [...] mu x [...] x x [...]
24'. [... x]-an-ni ha-at-ta pi-rit-ta ul-ta-na#-[ar-sza-an-ni]
25'. [...] ud/pi? kar#? ka-lu# _sa#-mesz_-ia lit#-bu#-[szu]
26'. [lu lem]-nu# lu# _gal5#-la2_ lem#-nu lu#
$ rest broken