CDLI RIAI 001a (Behistun Akkadian) (P429856)

object relief
surface a
1. [a-na-ku {disz}da-ri-ia-musz _lugal gal_-u2 _lugal kur-kur_] a_-szu2 sza2 {disz}usz-ta-as-pi a-ha-ma-ni-isz-szi-i' _lugal-lugal-mesz_ {lu2}par-sa-a-a _lugal_ {kur}par-su {disz}da-ri-ia-musz _lugal_ ki-a-am i-qab-bi at-tu-u-a _ad_-u-a {disz}usz-ta-as-pi _ad_ sza2 {disz}usz-ta-as-pi
2. {disz}ar-sza2-am-ma-a' _ad_ sza2 {disz}ar-sza2-am-ma-a' {disz}ar-ia-ra-am-na-a' _ad_ sza2 {disz}ar-ia-ra-am-na-a' {disz}szi-isz-pi-isz _ad_ sza2 {disz}szi-isz-pi-isz {disz}a-ha-ma-ni-isz-i' {disz}da-ra-ia-musz _lugal_ ki-a-am i-qab-bi a-na lib3-bi a-ga-a
3. _numun#_ sza2# a-ha-ma-ni-isz-szi _mesz_ a-ni-ni ni-qab-bi ul#-tu _suhusz# dumu-du3-mesz#_ a-ni-ni ul-tu _suhusz#-numun#_-u2#-ni _lugal-mesz_-szu2-nu {disz}da-ri-ia-musz _lugal_ ki-a-am i-qab-bi 8(disz) ina _sza3 numun_-ia at-tu-u-a ina pa-na-tu-u-a _lugal_-tu i-te-ep-szu2
4. 9(disz)-_kam#_ ana-ku 9 _lugal-mesz#_ sza2 _numun_ da-ru-u2 a-ni-ni {disz}da-ri-ia-musz _lugal_ ki-a-am i-qab-bi ina _gissu_ sza2 {d}u2-ri-mi-iz-da-a' ana-ku _lugal_ {d}u2-ri-mi-iz-da-a' _lugal_-tu ana-ku it-tan-nu {disz}da-ri-ia-musz _lugal_ ki-a-am i-qab-bi a-ga-ni-tu2
5. _kur-kur_ sza2 ana-ku i-szem-ma-'i#-in#-ni# ina _gissu_ sza2 {d}u2-ri-mi-iz-da-a' ana-ku a-na _lugal_-szi-na at-tur {kur}pa-ar-su {kur}elam-ma{ki} _din-tur{ki}_ {kur}asz-szur {kur}a-ra-bi {kur}mi-s,ir ina mar-ra-ti {kur}sa-par-du {kur}ia-a-ma-nu
6. {kur}ma-da-a#-a# {kur}u2-ra-asz2-t,u {kur}kat2-pa-tuk-ka# {kur}pa-ar-tu-u2 {kur}za-ra-an#-ga# {kur}a-ri-e-mu {kur}hu-ma-ri-iz-mu {kur}ba-ah-tar {kur}su-ug-du {kur}pa-ar-u2-pa-ra-e-sa-an-na {kur}gi-mi-ri {kur}sa-at-ta-gu-u2
7. {kur}a-ru-hat#-ti {kur}ma-ka _pap_ 2(u) 3(disz) _kur-kur-mesz_ {disz}da-ri-ia-musz _lugal_ ki-a-am i-qab-bi a-ga-ni-e-tu2 _kur-kur_ sza2 ana-ku i-szem-ma-'i-in-ni _gissu_ sza2 {d}u2-ri-mi-iz-da-' a-na a-na-ku _{lu2}arad-mesz_ it-tu-ru-nu man-da-at-ta
8. a-na ana-ku i-na-asz2-szu-u' sza2 la-pa-ni-ia at-tu-u-a iq-qab-bu-u' lu mu-sza lu _u4_-mu a-na sza2-a!(ZA)-szu2 ip-pu-szu-u' {disz}da-ri-ia-musz LUGAL ki-a-am i-qab-bi ina bi-rit _kur-kur_ a-ga-ni-e-tu2 _lu2_ pi-it-qu-du a-na sza2-a-szu2
9. ana-ku lu ma-a-du u2-sa-ad-di-id [_lu2_] sza2# lib3-bi bi#-i#-szu2 al-ta-ta-al-szu2 ina _gissu_ sza2 {d}u2-ri-mi-iz-da-a' di-na-a-tu2 at-tu-u-a ina bi-rit _kur-kur_ a-ga-ni-e-tu2 u2-sza2-as-gu-u sza2 la-pa-ni-ia at-tu-u-a
10. iq-qab-bu-u'# lu mu-szu lu _u4_-mu a-na sza2#-a-szu2 ip-pu-szu-u' {disz}da-ri-ia-musz _lugal_ ki-a-am i-qab-bi {d}u2-ri-mi-iz-da-a'# _lugal_-tu it-tan-nu {d}u2-ri-mi-iz-da is-se-dan-nu a-di _ugu#_ sza2 _lugal_-tu a-ga-ta
11. at-tu-a ta#-at#-tu-ru-u' ina _gissu_ sza2 {d}u2-ri-mi-iz-da _lugal_-u2-tu ana-ku as,-s,a-bat {disz}da-ri-ia-musz _lugal_ ki-a-am i-qab-bi a-ga-a- sza2 ana-ku e-pu-szu ina _gissu_ sza2 {d}u2-ri-mi-iz-da ar2-ki sza2 a-na _lugal_ a-tu-ru
12. {disz}-en _lu2_ {disz}kam-bu-zi#-ia# _dumu_-szu2 sza2 {disz}ku-ra-asz2 _lugal_ {kur}par#-su _lugal kur-kur_ szu-u2 sza2 _numun_-ia a-kan#-na# a-na _lugal it-tur sza2 {disz}kam-bu-zi-ia a-ga-szu-u _szesz_-szu2 {disz}bar-zi-ia {disz}-en _ad_-szu2-nu 1(disz)-et _ama_-szu2-nu
13. {disz}kam-bu-zi-ia2 a-ga-sza2 a-na {disz}bar-zi-ia2 id-duk ar2-ki sza2 {disz}kam-bu-zi-ia2 id-duk-ku a-na {disz}bar-zi-ia2 a-na u2-qu ul me-e-di sza2 {disz}bar-zi-ia2 di-i-ki ar2-ki {disz}kam-bu-zi-ia2 a-na {kur}mi-s,ir
14. it#-ti u2-qu it-ta-lak ar2-ki# sza2 {disz}kam#-bu-zi-ia2 a-na {kur}mi-s,ir il-li-ku ar2-ki u2-qu lib3-bi bi-i-szu2 it-tasz-kan ar2-ki pir-s,a-a-tu2 ina _kur-kur_ lu ma-a-du ina {kur}par-su ina {kur}ma-da-a-a
15. ina# _din-tur{ki}_ u# ina _kur-kur_ sza2-n-e-tu2 ar2-ki# {disz#}-en# _lu2_ {kur}ma-da-a#-a# {disz}gu-ma-a-tu2 ma#-gu-sza2# szu-u2 it#-ba#-am-ma# ul-tu {kur}pi-szi-i'-hu-ma-du {kur#}a-ra-a'#-ka-ad-ri-i' _kur_-u2 _mu_-szu2 il-tu lib3-bi _u4 1(u) 4(disz)-kam_ sza2 _iti sze_ szu-u-a-na#
16. u2!-qu! i-par-ra-as, um#-ma a-na#-ku {disz}bar-zi-ia2 _dumu_-szu2 sza2 {disz}ku#-ra-asz2# _lugal_ sza2 {kur}par-su _szesz tur_ sza2 {disz}kam-bu-zi-ia2 ar2-ki u2-qu gab-bi la-pa-ni {disz}kam-bu-zi-ia2 it-te-ek-ru-u' ana muh-hi-szu2 it-tal-ku-u' {kur}par-su {kur}ma-da-a-a
17. _e-ki {kur}elam-ma{ki} kur-kur_ sza2-ni-e-ti _u4 9(disz)-kam_ sza2# _iti# szu#_ a-ga-szu-u2 _lugal#_-u2-tu sza# {disz}kam-bu-zi-ia2 is,-s,a-bat ar2#-ki {disz}kam-bu-zi-iz2 mi-tu-tu ra-ma#-ni-szu2 mi-i-ti {disz}da-ri-ia-musz _lugal_ ki-a-am i-qab-bi
18. _lugal#_-u2-tu [sza2 {disz}] gu-ma-a-tu2 a-ga-szu-u ma-gu-szu2 a-na {disz}kam-bu-zi-ia2 i-ki-mu-u2 a-ga-ta- ul-tu _suhusz#_-szu2# at-tu-nu u sza2 _numun_-i-ni szi-i ar2-ki {disz}gu-ma-a-tu2 a-ga-szu-u ma-gu-szu2 _lugal_-u2-tu a-na
19. {disz}kam-bu-zi-ia2 i#-ki-im {kur}par#-su {kur}ma-da-a-a _din-tir{ki} kur-kur_ sza2-ni-e-ti a-na sza2 ra-ma-ni-szu2 ut-te-er szu-u ana _lugal_ it-tur {disz}da-ri-ia-musz _lugal_ ki-a-am i-qab-bi mam-ma ia-a-nu
20. ul {lu2#}par-sa-a#-a# ul ma#-da#-a#-a# ul _din-tir{ki}_-a-a ul mam-ma ina _kur-kur_ ul _lu2_ sza2 _numun_i#-ni sza2 a-na {disz}gu-ma-a-tu2 a-ga-szu-u ma-gu-szu2 _lugal_-u2-tu ik-ki-mu u2-qu ma-a-du la-pa-ni-szu2 ip-ta-lah3
21. szu-u i-da-ku u2-qu ma-du-tu sza2 mah-ru#-u2# a-na {disz}bar-zi-ia2 i-du-u' ina lib3-bi u2-qu i-da-ku um-ma mam-ma la u2-ma-as-sa-nu sza2 la {disz}bar-zi-ia2 ana-ku _a_-szu2 {disz}ku-ra-asz2 mam-ma ul i-szal-lim-ma ina _ugu_
22. {disz}gu-ma-a-tu2 a-ga-szu-u ma-gu-szu2 ul mam-ma i#-qab#-bi a-di _ugu_ sza2 ana-ku al-li-ku ar2-ki ana-ku ana {d}u2-ri-mi-iz-da us,-s,al-la {d}u2-ri-mi-iz-da is-se-dan-nu _gissu_ sza2 {d}u2-ri-mi-iz-da
23. _ud 1(u)-kam#_ sza2 _iti du6_ ad-du-uk it-ti _lu2 dumu#-du3-mesz_ i-s,u#-tu a-na {disz}gu-ma-a-tu2 a-ga-szu-u ma-gu-szu2 [u] _lu2 dumu-du3-mesz_ sza2# it-ti-szu2 ina _iri_ si#-ku#-u2-ba-at-ti-i' ina {kur}ni-is-sa-a-a _mu_-szu2 ina {kur}ma-da-a-a
24. ina lib3#-bi ana-ku ad#-du-uk-szu2 _lugal_-u2-tu e-ki-im ina _gissu_ sza2 {d}u2-ri-mi-iz-da ana-ku a-na _lugal_ at-tur {d}u2-ri-mi-iz-da _lugal_-u2-tu ana-ku it-tan-nu {disz}da-ri-ia-musz _lugal_ ki-a-am i-qab-bi _lugal_-u-tu2 sza2 la-pa-ni
25. _numun_-i-ni szu-u2 isz-szu-u2 lib3-bu-u2 pa#-na-as-su# a-na-ku ul-te-er#-ti# ina asz2-ri-szu2 ana-ku ul-ta-az-zi-iz ana-ku e#-te#-pu-usz _e2-mesz_ sza2 _dingir-mesz_ sza2 {disz}gu-ma-a-tu2 a-ga-szu-u ma-gu-szu2 ip-pu-lu ana-ku
26. a#-na u2-qu# at-ta#-din _gu4#-hi#-a# udu#-hi#-a# a#-sza3-mesz# {lu2}hun#-ga2#-mesz# e2#_ qa-sza2-a-tu2 {disz}gu-ma-a-tu2 a-ga-szu2-u ma-gu-szu2 i#-ki#-mu-szu2-nu-tu2 ana-ku u2-qu ina asz2-ri-szu2 ul-ta-az-zi-iz {kur}par-su {kur}ma-da-a-a
27. [u] _kur-kur_ sza2#-ni#-e-ti# sza2 szu2-u2 isz-szu-u2 lib3#-bu-u2 pa-na-as-su a-na-ku al-ta-kan# ina!(GISZ) _gissu_ sza2 {d}u2-ri-mi-iz-da a-ga-a [ana]-ku e-te-pu-usz ana-ku up-te-te-qi-id a-di _ugu_ sza2 _e2_ at-tu-nu ina sza2-ri-szu2
28. a-na-ku lib3-bu-u2 pa-na#-as-su ul-ta-az-zi-zu a-na-ku up-te-te-et-qi-id ina _gissu_ sza2 {d}u2-ri-mi-iz-da lib3-bu-u sza2 {disz}gu-ma-a-tu2 a-ga-szu2-u ma-gu-szu2 _e2_ at-tu-nu la-isz-szu-u {disz}da-ri-ia-musz
29. _lugal_ ki-a-am i-qab-bi lib3-bu-u2 sza2 pa-na-tu-u2-a e-pu-usz#-szu ar2-ki sza2 ana _lugal_ at-tu-ru {disz}da-ri-ia-musz _lugal_ ki-a-am i-qab-bi al-la sza2 ana-ku ad#-du-ku a-na {disz}gu-ma-a-tu2 _lu2_ ma-gu-szu2 ar2-ki _i_-en _lu2_
30. {disz}at-ri-na#-a' szu-um-szu2 _dumu#_-[szu2] sza2 {disz}u2-pa#-da#-ar#-am#-ma-a' _lu2 nim-ma{ki}_ szu-[u2] ina {kur}_nim-ma{ki}_ it-ba-am-ma i-qab-bi um-ma ana-ku _lugal {kur}_nim-ma{ki}_ ar2-ki {lu2}nim-ma{ki}-mesz_ it-te-ek-ru-u' la-pa-na-ia2
31. [a-na] {disz}at-ri-na-a' a-ga-szu-u it-tal-ku szu-u a#-na# _lugal {kur#} _nim#-ma{ki}_ it-tur al#-la _i_-en _lu2_ {disz}ni-din-tu-{d}_en dumu_-szu2 sza2# [{disz}] kin-_numun_ [x x] za-za#-ak-ku# szu-u ina _din-tir{ki}_ it-ba-am-ma ana u2-qu i-par-ra-as,# um-ma ana-ku
32. {disz}{d}muati-nig2-du-uri3# _dumu_-szu2 sza2 {disz}{d}muati-ni2-tuk# _lugal# din-tir{ki}_ u2-qu sza2 _din-tir{ki}_ a-na {disz}ni-din-tu2-{d}en a-ga-szu-u it-ta-lak _din-tir{ki}_ it-te-ki-ir ana _lugal_-u2-tu _din-tir{ki}_ is,-s,a-bat {disz}da-re-ia-musz _lugal_ ki-a-am i-qab-bi
33. [ar2]-ki a-na#-ku a-na {kur#} _nim-ma#{ki} dumu#_ [szip]-ri al-ta-par {disz#} at#-ri-na-a' a-ga-szu-u# s,ab-tu2# a-na pa-ni-ia isz-pu#-ru a#-na#-ku# ad-du-uk-szu2 {disz}da-ri-ia-musz _lugal_ ki-a-am i-qab-bi ar2-ki ana-ku ana _din-tir{ki}_ al-lik-ma a-na _ugu_
34. {disz}ni#-din#-tu2-{d}en a-ga-szu-u sza2 iq-bu-u um-ma a-na-ku {disz}{d}muati-nig2-du# uri3 at#-ta-lak u2-qu sza2 {disz}ni-din-tu2-{d}en [ina!] _gu2_ {id2}di-ig-lat# u2-szu-uz-zu {id2}ku-ul-lu-u' {id2}_idigna_ ma-li ar2-ki ana-ku u2-qu
35. a#-na# _sza3 [{gesz}]ma2-mesz#_ sza2 _kusz_ u2-se-li# it-ti _ansze-kur-ra-mesz# ansze-a-ab-ba#-mesz# {id2}idigna_ ni#-te#-bir {d}u2-ri-mi-iz-da is-se-dan-nu ina _gissu_ sza2 {d}u2-ri-mi-iz-da {id2}di-ig-lat ni-te-bi-ir ad-du-uk#
36. a-na u2-qu sza2 {disz#} ni#-din#-tu2#-{d}en _ud 2(u) 6(disz)-kam_ sza2 _iti gan_ s,e-el-tu2# ni-te#-pu-usz gab#-bi#-szu2#-nu# ni#-du-uk# u#-bal#-t,u-tu2 ul nu#-us,-s,ab-bit {disz}da-ri-ia-musz _lugal_ ki-a-am i-qab-bi ar2-ki ana-ku ana _din-tir{ki}_ at-ta-lak ana _din-tir{ki}_ la ka-sza2-du in a _iri_ za-za-a-nu _mu_szu sza2 _gu3 {id2}buranun_
37. [ina] lib3#-bi {disz}ni-din-tu2-{d}en sza2 iq#-bu-u um-ma ana-ku [{disz}{d}]muati-nig2-du-uri3 _lugal din-tir[{ki}_ ana] tar-s,i#-ia it#-ta-lak it#-ti# u2-qu ana e-pe-szu2 ta-ha#-zi# ar2-ki s,e-el-tu2 ni-te-pu-szu2 {d}u2-ri-mi-iz-da is-se-dan-nu ina _gissu_ sza2 {d}u2-ri-mi-iz-da u2-qu sza2 {disz}ni-din-tu2-{d}en
38. ad-du-uk ana lib3-bi _id2#_ ih#-li-qu-ma# _id2_ u2-bil-szu2-nu-tu ni-te-pu-usz s,e-el#-tu2 _ud 2(disz)-kam_ sza2 _iti ab_ gab-bi-szu2-nu ni-du-uk# u# bal#-t,u-tu2 ul nu-us,-s,ab-bit {disz}da-ri-ia-musz _lugal_ ki-a-am i-qab-bi ar2-ki {disz}ni-din-tu2-{d}en a-ga-szu-u ina _{lu2}erin2-mesz_ i-s,u-tu2 e-li _edin#_ sza2
39. _[ansze]-kur-ra-[mesz]_ ih-liq#-ma# a-na _e-ki_ it-ta-lak ar2-ki a-na-ku-a-na tar#s,i-szu2 a-na _e-ki_ at-ta-lak in a _gissu_ sza2 {d}u2-ri#-[mi]-iz#-da a-na-ju a-[na _din]-tir#{ki}_ at-ta-lak in a _gissu_ sza2 {d}u2-ri-mi-iz-da _e-ki_ as,-s,a-bat u {disz}ni-din-tu2-{d}en as,-s,a-bat ar2-ki ana-ku ina _din-tir{ki}_ a-na
40. {disz#} ni#-din#-tu2-{d}en a-ga-szu-u [u] _{lu2}dumu-du2-mesz#_ sza2 it-ti-szu2# al-ta-kan ina za-qi-pi# ad-du#-uk _[pap] 4(u)# 9(disz)# a-ga-a sza2 a-na-ku e#-pu-szu2 ina _din-tir{ki}_ {disz}da-ri-ia-musz _lugal_ ki-a-am i-qab-bi a-di _ugu_ sza2 a-na-ku ina# _din#-tir{ki}_ a-tu-ru an-na-a-tu2 _kur-kur_ sza2 ik-ki-ra-'i-in-ni {kur}par-su {kur} _nim-ma{ki}_ {kur}ma-da-a-a {kur}asz-szur{ki}
41. {kur}mi#-s,ir {kur}pa-ar-tu-u2 {kur}mar-gu-u2 {kur}sa-at-ta-gu#-u2# u {kur}gi-mi-ri-i' {disz}da-ri-ia-musz _lugal_ ki-a-am i-qab-bi ar2-ki _i_-en _lu2_ {disz}mar-ti-ia2 _mu_-szu2 _a_szu2 sza2 {disz}szi-in-sza2-ah#-ri-isz ina _iri_ ku-gu-na-ak#-ka ina {kur}par-su a-szib szu-u ina {kur}e-lam-mat it-ba-am-ma
42. [a-na] u2-qu sza2 {kur}e#-lam-mat [i-par]-ra-as, um-ma [a-na]-ku {disz}im#-ma-ni-e-szu2 _lugal {kur}elam-ma{ki}_ a-di _ugu#_ sza2 ana#-ku it-ta-hu {kur}e-lam-mat [{lu2}]_e#-lam#-mat-_[mesz]_ la-pa-ni-ia2# ip-tal#-hu# ar2-ki is,-s,ab-tu-[u']-ma a-ma {disz}mar-ti-ia2 a-ga-szu-u sza2 ina muh-hi-szu2-nu _gal_-u2 ina ra-ma-ni-szu2-nu id-du-ku-szu2 {disz}da-ri-ia-musz _lugal_
43. ki-a-am i-qab-bi ar2-ki# _i_en _lu2#_ {disz}pa-ar-u2#-mar-ti-isz szu-um-szu2 _lu2#_ ma-da-[a-a] szu-u2 it-ba-am#-ma [ina] {kur#}ma-da-a#-a# a-na sz2# {kur}ma-da-a-a i-par-ra#-as, um-[ma a]-na#-ku {disz}[ha]-sza2-at-ri-it-ti _numun_ sza2 {disz}u2-ma-ku-isz-tar ar2-ki u2-qu sza2 {kur}ma-da-a-a ma-la ina _e2_ la-_igi_-ia2
44. it-te-ek-ru-u'# a-na _ugu_ {disz}pa-ar#-u2#-mar#-ti#-isz it-tal-ku-u' ar2-ki szu-u2 ana _lugal_ {kur#}ma-da-a-a it-tur u2-qu sza2 it-ti-ia sza2 {kur}par-su u {kur}ma-da-a-a i-s,u-tu2 ar2-ki a-na-ku u2-qu al-ta-par ana {kur}ma-da-a-a {disz}u2-mi-da-ar-na-a' _mu_szu2 _lu2_ qal-la-a _lur!(KUR)_ par-sa-a-a a-na
45. _gal#_-u2 ina# _ugu_-szu-nu al-ta-par um#-ma# al-ka-ma# ana u2-qu sza2 {kur}ma-da-a-a sza2 la# i-szem-mu-'i-in-ni du-ka-a'#-szu-nu-tu ar2-ki# {disz#} u2#-mi#-da-ar-na-a'# a-na {kur#}ma-da-a-a it-ti u2-qu it-ta-lak ana {kur}ma-da-a-a ana ka-sza-du ina _iri_ ma-ru-u' _mu_szu2 sza2 ina {kur}ma-da-a-a
46. ina lib3-bi s,e-el-tu2 i-te-ep-szu-u' it-ti u2-qu sza2# {kur#}ma-da-a-a szu-u sza2 ina# _ugu# lu2_ ma-da-a-a-_mesz gal_u2 ina lib3-bi ia-a-nu {d}u2-ra-mi-iz-da is-se-dan-nu ina _gissu_ sza2 {d}u2-ra-mi-iz-da u2-qu at-tu-u-a id-du-ku ana ni-ik-ru-tu a-ga-szu2-nu _ud 2(u) 7(disz)-kam_ sza2 _iti ab_ s,e-el-tu2 i-te-ep-szu-u'
47. id-du-ku-u' in a li3-be-szu2-nu [3(disz) _lim_] 8(disz) _me#_ 2(u)# 7(disz)# u bal-t,u-tu2 us,-s,ab-bi-tu-u' 4(disz) _lim_ 3(disz) _me_ 2(u) 9(disz) ar2-ki {disz}u2-mi-da-ar-na-a' sza2-ni#-tu4 _kaskal_ a-na- _ugu {kur}_ma-da-a-a in a lib3-bi i-dag-ga-lu-u' pa-ni-ia2 a-di _ugu_ sza2 ana-ku al-la-ku ana {kur}ma-da-a-a
48. ar2-ki a-na {iri}a-ga-ma-ta-nu pa-ni#-ia2 [il]-li-ku {disz}da-ri-ia-musz _lugal_ ki-a-am i#-qab-bi {disz}da-da-ar-szu2 szu-um-szu2 _lu2_ qal-la-a _lu2_ u2-ra-asz2-t,a#-a#-a# asz2-pur#-ma al#-ta-par um-ma a-lik-ma a-na ni-ik-ru-tu sza2 la i-szem-mu-'i-in-ni du-u2-ku-szu-nu-u2-tu
49. ar2-ki {disz}da-da-ar-szu2# a-na- {kur}u2-ra-asz2-t,u it#-[ta]-lak a-na ka-sza2-du a-na {kur}u2-ra-asz2-t,u ni-ik-ru-tu2 ip-hu-ru-nim-ma a#-na tar#-s,i {disz}da-da-ar#-szu2# it-tal-ku a-na e-pe-szu2 ta-ha-za ar2-ki {disz}da-da-ar-szu2 s,a-al-tu4 _ki_-szu2-nu i-te-pu-usz ina {iri}zu-u2-zu szu-um-szu2 i-na {kur}u2-ra-asz2-t,u
50. {d}u2-ra-mi-iz-da is-se-dan-nu ina _gissu_ sza2 {d}u2-ra-mi-iz-da u2-qu at-tu-u-a a-na u2-qu ni-ik#-ru#-tu2 id-du-ku-u' _u4 8(disz)-kam_ sza2 _iti gu4_ s,a-al-tu4 i-te-ep-szu-u' ar2-ki# [ina] sza2-[ni-tu4] _kaskal_ ni-ik#-ru-tu2 ip-hu-ru-nim-ma it-tal-ku-u' a-na tar-s,i {disz}da-da-ar-szu2 a-na e-pe-szu2 ta-ha-za ar2-ki i-te-ep-szu2 s,al-tu4
51. ina {iri}di-ig-ra# sza2 ina# {kur#}u2-ra-asz2-t,u {d}u2-ra-mi#-iz#-da is-se-dan-nu ina _gissu_ sza2-{d}u2-ra-mi-iz-da u2-qu at-tu-u-a ana ni-[ki-ru-tu2 id-du-ku] _u4 1(u)# 8(disz)-kam#_ sza2 _iti gu4_ i-te-ep-szu s,a#-al#-tu4# id-du-ku ina lib3-bi-szu2#-nu 5(disz) _me#_ 4(u) 6(disz) u bal-t,u-tu2 us,-s,ab-bi-tu-nu 5(disz) _me_ 2(u) ar2-ki ina sza2-ni-tu4 _kaskal_ ni-ik-ru-u2-tu
52. ip-hu-ru-nim-ma a-na tar-s,i {disz}da-da-ar-szu2 it-tal-ku it-ti u2-qu a-na e-pesz _me3_ i-te#-ep#-szu s,a-al-tu4 ina {iri}u2-ia-a#-ma#-a'# szu-um#-szu2 sza2 [ina {kur}]u2#-ra#-asz2#-t,u# {d}u2-ra-[mi-iz]-da is-se-dan-nu ina _gissu_ sza2 {d}u2-ra-mi-iz-da u2-qu at-tu-u-a ana ni-ik-ru-tu id-du-ku _u4 9(disz)-kam_ sza2 _iti sig4_ i-te-ep-szu2 s,a-al-tu2
53. ina lib3-bi-szu2#-nu id-du#-ku 4(disz) _me_ 7(u) 2(disz) u bal-t,u-tu2 us,-s,ab-bi-tu2 5(disz)# _me_ 2(u) 5(disz) ar2-ki {disz}da-da-ar-szu2 _kaskal_ la e-pu-usz i-dag-ga-lu-u' pa-ni-ia2 a-di# _ugu#_ sza2 ana-ku al-la-ku ana {kur}ma-da-a-a {disz}da-ri-ia-musz _lugal_ ki-a-am i-qab-bi {disz}u2-mi-is-si szu-um-szu2 _lu2_ qal-la-a {lu2}par-sa-a-a a-na {kur}u2-ra-asz2-t,u
54. ana-ku sza2-pur-ma al-ta-par um-ma a-lik-ma a-na u2-qu ni-ik-ru-tu2 sza2 la i-szem-mu-'i-in-ni du-u2-ku-szu2-nu-tu2 [ar2-ki] {disz}u2-mi-is-su it-ta#-lak a-na {kur}u2-ra-asz2-t,u a-[na] ka-sza2-du ni-ik-ru-tu2 ip-hu-ru-nim-ma it-tal-ku-u' a-na tar-s,i {disz}u2-mi-is-su a-na _kak_-esz ta-ha-za ar2-ki i-te-ep-szu2 s,a-al-tu2
55. [ina] {kur}i-za#-al#-la#-a' {disz}u2-ra-mi-iz-da is-se-dan-nu in a _gissu_ sza2 {disz}u2-ra-mi-iz-da u2-qu at-ta-u-a u2-qu ni-ik#-ru#-tu2 id-du-ku _u4 1(u)# 5(disz)#-kam#_ sza2 _iti ab_ i-te-ep-szu2 s,a-al-tu4 id-du-ku [ina lib3]-bi-szu2-ni 2(disz) _lim_ 3(u) 4(disz) ina sza2-ni-ti _kaskal#_ ni-ik-ru-tu2 ip-hu-ru-nim-ma il-li-ku-u' a-na tar-s,i {disz}u2-mi-is-si a-na e-pesz _me3_
56. ar2-ki in a {kur#}u2-ti#-[ia-a-ri] szu-um-szu2 ina {kur}u2-ra-asz2-t,u i-te-ep-szu s,a-al-tu4 {d}u2-ra-mi-iz-da is-se-dan-nu ina _gissu_ sza2 {d}u2-ra-mi-iz-da u2-qu at-tu-a u2-qu ni-ik#-ru#-tu2# id-du-ku _u4 3(u)-kam_ sza2 _iti gu4_ i-te-ep-szu2 s,al-tu4 id-du-ku ina lib3-bi-szu2-nu 2(disz) _lim_ 4(u) 5(disz) u bal-t,u-tu2 us,-s,ab-bi-tu2 {disz}_lim_ 5(disz) _me_ 5(u) 8(disz)
57. ar2-ki {disz}u2-mi-is-si sza2-ni-ti _kaskal_ la e-pu-usz ina {kur}u2-ra-asz2-t,u i-dag-ga-lu pa-ni-ia2 a-di _ugu_ sza2 ana-ku a-na {kur}ma-da-a-a al-la#-ku {disz}da-ri-ia-musz _lugal_ ki-a-am i-qab-bi ar2-ki ul-tu babilax(|DIN.TIR|){ki} ana-ku u2-s,a-am-ma at-ta-lak a-na {kur}ma-da-a-a a-na ka-sza2-di a-na {kur}ma-da-a-a ina {iri}ku-un-du-ur szu-um-szu2 ina {kur}ma-da-a-a
58. a-na tar-s,i-ia2 {disz}pa-ar-u2-mar-ti-isz a-ga-szu-u sza2 iq-bu-u um-ma a-na-ku {disz}ha-sza2-at-ri-it-ti# _numun_ sza2 {disz}u2-ma-ku-isz-tar _lugal {kur}ma-da-a#-a# it-ti# u2-qu it-ta3-lak a#-na# e-pesz _me3#_ ar2#-ki ni-te-pu#-usz s,al#-tu4 {d}u2-ra-mi-iz-da is-se-dan-nu ina _gissu_ sza2 {d}u2-ra-mi-iz-da u2-qu sza2 {disz}pa-ar-u2-mar-ti-isz
59. [ni]-du#-uk _u4 2(u) 5(disz)-kam#_ sza2# _iti# bar2_ ni-te-pu-usz s,a#-[al-tu4] ni-du#-uk# ina# lib3#-bi-szu2-nu 3(u)# 4(disz)# _lim_ 4(disz)# _me_ 2(u) 5(disz) u bal-t,u-tu2 us,#-s,ab#-bi#-tu2 [...] ar2-ki {disz}pa-ar-u2-mar-ti-isz a#-ga-szu-u# it-ti _lu2# erin2-mesz_ i-s,u#-tu2 e-li _edin_ sza2 _ansze-kur-ra-mesz_ zah2_-ma il-lik-ma ina {kur}ra-ga-a' szu-um-szu2 ina {kur}ma-da-a-a ar2-ki a-na-ku u2-qu
60. a-na tar-s,i-szu2-nu asz2#-pur#-ma {disz#}pa#-ar#-u2#-mar#-ti#-isz a-ga-szu-u u# _lu2# erin2-mesz#_ sza2 it-ti#-szu2 is,-s,ab#-tu-ma a-na pa#-ni-ia2 isz-pu-ru ar2-ki ana-ku ap-pi-szu2 _gesztu_szu2 li-sza2-an#-szu2 u2-bat#-tiq {disz}-en _igi_[szu2] u2-nap-pil szu#-u2 s,ab-tu ku-ul#lu# ina _ka2_-ia2 u2-qu gab-bi im-ma-ru-usz ar2-ki ina za-qi-pi ina {iri}a-ga-ma-ta-nu al-ta-kan-szu2
61. _{lu2}dumu-du3-mesz#_-szu2 ad#-du#-uk# _pap# 4(u)# 7(disz)#_ [bi]-rit# _{iri#}_a-ga-ma-ta-nu _sad-du-[mesz]_szu-nu a-lu-ul ul-tu ki-li-li# [sza2] bir-tu {disz}da-ri-ia-musz _lugal_ ki-a-am i#-qab-bi ar2-ki {disz}-en _lu2_ {disz}szi-it-ra-an-tah-ma {lu2}sa-ga-ar-ta-a-a it-ba-am-ma i-qab-bi a-na u2-qu um-ma ana-ku _lugal numun_sza2 {disz}u2-ma-ku-isz-tar ar2-i ana-ku u2-qu {kur}ma-da-a-a
62. [u] {kur#}par-su# asz2-pur#-ma# {disz}tah-ma-as-pa-da _mu_szu2 {lu2}qal#-la#-a {lu2}ma-da-a#-a# _gal#_-u2 ina# _ugu_-[szu2-nu] al-ta-par# um-ma al#-ka-ma# du-ka-a'# ni-ik-ru-tu2 sza2 la# i-szem-mu-'i-in-ni ar2-ki {disz}tah-ma-as-pa-da it-ta-lak it-ti u2-qu s,a-al-tu4 it-ti {disz}szi-it-ra-an-tah-ma i-pu-usz-ma {d}u2-ra-mi-iz-da is-se-dan-nu ina _gissu_ sza2 {d}u2-ra-mi-iz-da
63. u2-qu at-tu-u-a a-na ni#-ik#-ru-tu id-du-ku _u4 5(disz)-kam_ sza2 _iti# du6_ [i-te]-ep-szu2# s,al-tu2 {disz}szi-it-ta-an-tah-ma is,-s,ab-tu2-ma a-na pa-ni-ia2 isz-pu-ru ar2-ki a-na#-ku ap#-pi-szu _gesztu_szu li-sza2-an#-szu u2-[bat]-tiq {disz}-en _igi_-szu2 [u2]-nap-pil su-u2 s,ab#-tu# ku#-ul#-lu ina# _ka2_-ia2 u2-qu gab-bi im-ma-ru-usz ar2-ki ina {iri}ar-ba-'i-il ina za-qi-pi asz2-ku-un-szu2 _pap_ di-i-ki u bal-t,u
64. [sza2] u2-qu ni-ik-ru#-tu2 4(disz)# _me#_ 4(u)# 7(disz)# {disz}da-ri-ia-musz _lugal_ ki-a-am i-qab-bi a-ga-a sza2 a-na-ku ina# {kur#}ma-da-a-a e-pu-szu2 {disz}da-ri-ia-musz _lugal_ ki-a-am# i-qab-bi {lu2}pa-ar-tu-ma#-a-a _mesz {lu2}_[mar]-gu-ma-a _mesz_ la-pa-ni#-ia2# it-te-ek-ru it-ti {disz}pa-ar-mar-ti-isz iz-zi-zu-u {disz}usz-ta-as-pi _ad_-u2-a ina {kur}pa-ar-tu-u2 a-szib-ma
65. u2-qu la-pa-ni-szu2 a-na {disz}pa-ar-mar-ti-is it-tal-ku ar2-ki {disz}usz-ta-as-pi it-ti u2-qu lib3-bi ki-i-nu it-ta-lak ina {iri}u2-mi-isz-pa-za#-tu szu#-um#-[szu2] ina {kur}pa-ar#-tu#-u2# i-te-ep-szu2 s,a-al-tu4 {d}u2-ra-mi-iz-da is-se-dan-nu ina _gissu_ sza2 {d}u2-ra-mi-iz-da {disz}usz-ta-as-pi id-duk a-na ni-ik-ru-tu2 a-ga-szu2-nu _u4 2(u) 2(disz)-kam_
66. sza2# _iti sze_ i-te-ep-szu2 s,a-al-tu4 id-du-ku ina lib3-bi-szu2#-[nu] 6(disz)# _lim_ 3(disz) _me#_ 4(u)# 6(disz)# u bal-t,u-tu2 us,-s,ab-bi-tu2 4(disz) _lim_ 3(disz)# [_me_] 4(u) 6(disz) {disz}da-ri-ia-musz _lugal_ ki-[a-am] i#-qab#-bi# ar2-ki# a-na-ku u2-qu sza2# {kur}par-su ki-i#-nu ana _ugu_ {disz}usz-ta-as-pi ul#-tu {kur#}ra#-ga-a' asz2-pur-ma ar2-ki sza2 u2-qu ana _ugu_ {disz}usz-ta-as-pi ik-szu-du {disz}usz-ta-as-pi u2-qu szu-a-tim
67. id-ki-e-ma a-na {iri}pa-tig#-ra#-[ba]-na szu-um-szu2 sza2 ina {kur}pa-ar-tu-u2 it-ta-lak a-na e-pesz _me3_ {disz}u2-ra-ma-az-da is-se-dan-nu ina# _gissu#_ sza2 {disz}u2-ra-ma-az-da {disz}usz-ta-as-pi u2-qu ni-[ik]-ru#-tu4 id-du-uk _u4 {disz}-kam_ sza2 _iti szu_ i-te-ep-szu2 s,al-tu4 id-du-ku ina lib3-bi-szu2-nu 6(disz) _lim_ 5(disz) _me_ 7(u) u2 bal-t,u-tu2 us,-s,ab-bit 4(disz) _lim_ {disz}_me_ 9(u) 2(disz)
68. ar2-ki _lu2_ sza2 ra-bu-u2-szu2#-ni# u3 _{lu2}dumu-du3-mesz_ [sza2] it-ti-szu2 id-[du]-uk _pap#_ 8(u) [x] {disz}da-ri-ia-musz _lugal_ ki-a-am i-qab-bi ar2-ki# _ma-da_ a-ga-ta a-na-tu#-u#-a# ta-at-tur a-ga-a sza2 a-na-ku ina# {kur}pa-ar-tu-u2 e#-pu-szu {disz}da-ri-ia-musz _lugal_ ki-a-am i-qab-bi {kur}mar-gu-u' szu-um-szu2 tak-ki-ra-an-ni-ma {disz}-en {lu2}{disz}pa-ra-da-a' szu-um-szu2
69. {lu2}mar-gu-ma-a-a szu-u a-na ra-bu-u2 ina# _ugu_-szu2-nu it-tur ar2-ki a#-na#-ku {disz}da-da-ar-szu2 szu-[um-szu2] {lu2}qal-la-a {lu2}par-sa-a-a _{lu2}nam_ {kur}ba-ah-tar asz2-pur-ma al-ta-par um-ma a-lik-ma du-[u2]-ku a-na u2-qu ni-ik-ru-tu4 sza2 la i-szem-mu-'i-in-n ar2-ki {disz}da-da-ar-szu2 it-ta-lak it-ti u2-qu i-te-ep-szu s,al-tu4 _ki_ {kur}mar-gu-ma-a-a
70. {d}u2-ra-ma-az-da is-se-dan#-nu ina _gissu_ sza2 {d}u2-ra-ma-az-[da] u2-qu at#-tu-u-a# a#-na u#_qu ni-ik-ru-tu4 id-du#-ku# _u4 2(u) 3(disz)-kam_ sza2# _iti# gan_ i-te-ep-szu s,a-al#-tu4 {disz}pa-ra#-da#-a'# u3# _{lu2}dumu-du3-mesz#_ sza2# it-ti#-szu2# id-duk [_pap_] 4(u)# 6(disz) id-duk [ina] lib3-bi-szu2-nu 5(u) 5(disz) _lim_ 2 (disz) _me_ 7(u) 2(disz) {disz}da-ri-ia-musz _lugal_ ki-a-am
71. ki-a-am i-qab-bi ar2-ki _ma#-da#_ a-ga-ta# a-na at-tu-u-a ta#-at#-tur a-ga#-a# sza2 a-na#-ku# [ina] {kur}ba-[ah-tar] u3 {kur}mar-gu-u' e#-pu-szu {disz}da-ri-ia-musz _lugal_ ki-a-am i-qab-bi {disz}-en _lu2_ {disz}u2-mi-iz-da-a-tu4 szu-um-szu2 {lu2}par-sa-a-a [ina] {iri}ta-ar-ma szu-um-szu2 [ina {kur}ia-u2-ti-ia szu-um-szu2 ina {kur}par-su a-szi-ib szu-u2 it-ba-am-ma ina {kur}par-su i-qab-bi a-na u2-qu
72. um#-ma a-na-ku {disz}bar-zi-ia# _dumu_-[szu2 sza2] {disz}ku-ra-asz2 _lugal kur-[kur]_ ar2-ki u2-qu sza2 {kur}par#-su# [ma-la] ina _e2_ babilax(|DIN.TIR|){ki} mah-ru-u2 ul-tu [{kur}]an-za-an _ki_ a-na pa-ni-ia il-li#-ku-u' it#-te-ek-ru-u' la-pa-ni-ia a#-na# _ugu_ {disz}u2-mi-iz-da-a-tu4 it-tal-ku-u' szu-u2 a-na _lugal_ {kur}par-su it-tur {disz}da-ri-ia-musz _lugal_ ki-a-am i-qab-bi ar2-ki ana-ku u2#-qu sza2 {kur}par-su mi-i-s,i
73. sza2-ni-tu4 sza2 la-pa-ni-ia la it-te-ek-ru-u2 u3 u2-qu sza2 {kur}ma-da-a-a sza2 pa-ni-ia al#-ta-par a#-na# {kur}par-su {disz}-en _lu2_ {disz}ar-ta#-mar#-zi-ia szu#-um#-szu2 {lu2}qal-la-a {lu2}par-sa-a-a ra-bu#-u2 ina# _ugu_-szu2#-nu# a#-na# {kur}par-su asz2-pur ar2-ki ni-[ik]-ru-tu4 u2-qu sza2 {kur}par-su it-ti-ia2 it-tal-ku-u' ana {kur}ma-da-a-a ar2-ki {disz}ar-ta-mar-zi-ia it-ti u2-qu
74. it-ta-lak a-na {kur}par-su ana ka-sza2-du a-na {kur}par-su [ina] {iri}ra-[ha]-a' szu-um-szu2# ina# {kur}par-su# {disz}u2-mi#iz-da-a-tu4 sza2# iq#-bu-u um-ma a-na-ku [{disz}bar]-zi-ia _dumu_-szu2 sza2# [{disz}]ku-ra-asz2 it-[ti] u2#-qu# it-ta-lak a-na tar-s,i {disz}ar-ta-mar-zi a-na e-pesz _me3_ i-te-ep-szu2 s,a-al-tu4 {d}u2-ra-ma-az-da is-se-dan-nu ina _gissu_ sza2 {d}u2-ra-ma-az-da
75. u2-qu at-tu-u-a id-du-ku u2-qu sza2 {disz}u2-mi-iz-da-a-tu4 sza2 iq-bu-u2 um-ma a-na-ku {disz}bar-zi-ia2 _u4 1(u) 2(disz)-kam_ sza2# _iti# gu4_ i-te-ep-szu s,a-al-tu4 id-du-ku [ina] lib3-bi-szu2-nu 4(disz) _lim#_ 4(disz) _me_ 4(disz) u3 bal-t,u-tu2 us,-s,ab-bi-tu2 2(disz) _lim_ [...] _me_ [...] ar2-ki {disz}u2-mi-iz-da-a-tu4 a-ga-szu-u it-ti u2-qu i-s,i e-li _edin_ sza2 _ansze-kur-ra-mesz_ ih-liq-ma a-na
76. {kur}pi-szi-i'-hu-ma-da il-lik-ma ul-tu lib3-bi-sza2 id-ki-e-ma u2-qu# it-[ta]-lak# a-na tar#-s,i {disz}ar-ta-mar-zi-ia a-na e-pesz _me3#_ {kur}pa-ar-ga-a' szu#-um-szu2 _kur_-u2 [ina] {kur}par-su ina lib3-bi i#-te-ep#-szu2 s,a-al-tu4 {d}u2-ra-ma-az-da is-se-dan-nu ina _gissu_ sza2 {d}u2-ra-ma-az-da u2-qu at-tu-u-a id-du-ku a-na u2-qu sza2 {disz}u2-mi-iz-da-a-ti
77. _u4 5(disz)-kam_ sza2 _iti szu_ i#-te-ep#-szu s,a-al-tu4 id-du-ku ina lib3-bi-szu2-nu 6(disz) _lim_ 2(disz)# _me_ 4(u) 6(disz) u3 bal-t,u-tu4 us,-s,ab-bi-tu 4(disz)# _lim_ 4(disz) _me#_ 6(u) 4(disz) {disz}u2-[mi]-iz-da-a-tu4 u3 _{lu2}dumu-du3-mesz_ sza2 it-ti-szu2 us,-s,ab-bi-tu s,ab-tu {disz}da-ri-ia-musz _lugal_ ki-a-am i-qab-bi ar2-ki ana-ku {disz}u2-mi-iz-da-a-tu2 a-ga-szu-u2 u3 _{lu2}dumu-du3-mesz_ sza2 it-ti-szu2 gab-bi ina za-qi-pi
78. asz2#-ku-un ina {iri}u2-ba-da-sa-ia# szu-um-szu2# ina {kur}par-su ina lib3-bi ad-du-uk _pap_ [5(u)] 2(disz) {disz}da-ri-ia-musz _lugal_ ki-a#-am i-qab-bi ar2-ki _ma-da_ a-ga-to a-na at-tu-u-a ta-at-tur a-ga-a sza2 a-na-ku ina# {kur}par-su e-pu-szu2 {disz}da-ri-ia-musz _lugal_ ki-a-am i-qab-bi {disz}u2-mi-iz-da-a-tu2 a-ga-szu-u2 sza2 iq-bu-u2
79. um-ma a-na-ku {disz}bar-zi-ia _dumu_-szu2 sza2# {disz}ku-ra-asz2 u2-qu a-na# {kur}a#-ru-ha#-at-ti isz-pur-ma il#-ta-par a-na {disz}-en _lu2_ sza2 ra-bu-u2 ina# _ugu#_-szu2-nu a#-na tar-s,i {disz}u2-mi-ma-na-a' szu2-um-szu2 {lu2}qal-la-a {lu2}par-sa-a-a _{lu2#}nam# {kur}a-ru-ha-at-ti um-ma al-ka-ma {disz}u2-mi-ma-na-a' du-ka-a' u a-na
80. u2-qu sza2 a-na {disz}da-ri-ia-musz i-szem-mu-u' ar2-ki u2-qu sza2 {disz}u2-mi-iz-da-a-tu4 isz#-pu#-ru# it-tal-ku a#-na tar-s,i {disz#}u2-mi-ma-na-a' a#-na e-pesz _me3_ [ina] {iri#}ka#-pi-sza2-ka-na#-a' szu2-um-szu2# [ina] {kur}a-ru-ha-at-ti# ina lib3-bi i-te-ep-szu s,a-al-tu2 {d}u2-ra-ma-az-da is-se-dan-nu ina _gissu_ sza2 {d}u2-ra-ma-az-da u2-qu
81. at-tu-u-a a-na u2-qu ni-ik-ru-tu id-du-ku _u3 1(u) 3(disz)-kam_ sza2 _iti# ab#_ i-te#-ep-szu2 s,a#-al-tu4# _pap#_ di-i-ku u# bal#-t,u sza2 u2-qu sza2 {disz}u2-mi-iz-da-a-tu4 isz#-pu#-ru# [x_me_ x x] ar2-[ki] sza2-ni#-tu [ina] {kur}gan#-da-ta-[ma]-ki-i'# szu-um-szu2 ina {kur}sa-at-ta-gu#-u2 i-te-ep-szu2 s,al-tu4 {d}u2-ra-mi-iz-da is-se-dan-nu ina _gissu_ sza2 {d}u2-ra-ma-az-da
82. u2-qu at-tu-u-a a#-na# u2-qu ni#-ik-ru-tu4 id#-du-ku _u4 7(disz)#-kam#_ sza2 _iti# sze_ i-te-ep-szu s,a-al-tu2 _pap#_ di-i#-ku# u# bal#-t,u sza2 u2-qu sza2 {disz}u2-mi-iz-da#-a#tu4# isz-ru-pu-ru 4(disz) _lim_ 5(disz) _me_ 7(u) 9(disz) ar2-ki a-me-lu a-ga-szu-u2 sza2 ina _ugu_ u2-qu ra-bu-u2 sza2 {disz}u2-mi-iz-da-a-tu4 isz-pu-ru it-ti u2-qu i-s,i e-li
83. _edin ansze-kur-ra-mesz_ ih-liq#!(IP)-ma it-ta-lak a-na t,e3-eh# {iri}ar-sza2-da-a' szu-um-szu2 ina# {kur}a-ru-ha-at-ti bir-tu-sza2 {disz}u2-mi#-ma#-na-a' ar2-ki# [{disz}u2]-mi-ma-na-a' a-na tar-s,i-szu2#-nu it#-ta-lak [_ki_] u2-qu szu-u2 [ina] lib3-bi# is,-s,a-bat-su id-duk-szu2 u _{lu2}dumu-du3-mesz_ sza2 _ki_-szu2 id-duk _pap_ di-i-ku u bal-t,u sza2 u2-qu
84. sza2 {disz}u2-mi-ma#-[na]-a' 4(disz) _lim_ 2(disz)# _me_ [x x] {disz}da-ri-[ia]-musz _lugal_ ki-a-am i#-qab-bi ar2-ki _ma-da_ a#-ga#-ta# a#-na at-tu-u2-a ta-at-tur# a-ga#-a [sza2] a-na-ku [ina] {kur}[sa]-at-ta-ga#-[u] u {kur#}a#-ru-ha-at-ti e-pu-szu# {disz}da-ri-ia-musz _lugal_ ki-a-am i-qab-bi a-di _ugu_ sza2 a-na-ku ina {kur}par-su u {kur}ma-da-a-a
85. at#-tu-ru lu2 babilax(|DIN.TIR|){ki}-a-a _mesz#_ la-pa-ni-ia it-te-ek#-ru#-u' {disz}-en _lu2_ {disz#}a#-ra-hu szu-um-szu2 {lu2}u2-ra-asz2-t,a-a-[a _a_]-szu2 [sza2 {disz}]hal-di-ta it#-ba-am-ma _szesz_ ina# _szesz-unug{ki#}_ szu-um-szu2 ina# babilax(|DIN.TIR|){ki} [ina] lib3-bi a-na u2-qu i#-par-ra-as, um-ma a-na-ku {disz}{d}muati.nig2.du.uri3 _a_-szu2 sza2 {disz}{d}muati.i ar2-ki u2-qu sza2 babilax(|DIN.TIR|){ki} la-pa-ni-ia2
86. it-te-ek-ru#-u'# a#-na _ugu_ {disz}a-ra-hu a#-ga#-szu-u2 it-tal-ku-u' babilax(|DIN.TIR|)#{ki} [is,]-s,ab-tu-u' [szu]-u2 ana _lugal_ babilax(|DIN.TIR|){ki} it-tur ar2-ki u2-qu ana babilax(|DIN.TIR|){ki} asz2-pur# {disz}u2-mi#-in-ta-pa-ar-na-a' szu-um#-szu2 {lu2}qal-la-a {lu2}par-sa#-a#-a# ra-bu-[u2] ina [_ugu_]-szu2-nu al-ta-par um-ma a-lik-ma du-u2-ku a-na u2-qu ni-ik-ru-tu2
87. [sza2] babilax(|DIN.TIR|){ki} sza2 la i#-szem-mu-'i-in-ni ar2#-ki# {disz#}u2#-mi-in-ta-pa-ar#-na#-a'# it-ti u2-qu a-na babilax(|DIN.TIR|)#{ki} it-ta-lak {d}u2-ra-ma-az#-da is#-se-dan-nu ina# _gissu#_ sza2 {u2-ra-ma#-az#-da {disz}u2-mi#-in-ta-pa-ar#-na-a' u2-qu sz2 _e-ki_ ni-ik-ru-tu2 id-duk u us,-s,ab-bit-su-nu-tu u2-qu sza2 ina lib3-bi-szu3-nu
88. ni#-ik-ru-tu gab-bi# _u4# 2(u) 2(disz)-kam_ sza2# _iti# apin_ i-te-ep-szu s,a-al-tu4 ina# u4#-mu-szu-ma {disz}a-ra-hu a-ga-szu-u2 sza2 i-par#-ra-s,u um-ma a-na-ku {disz}{d}muati#-ni2#-tuk s,u#-ub-bu-tu [u] _{lu2}dumu-du3#-mesz#_ sza2 it-ti-szu2 _ki_-szu2 s,u-ub-bu-tu-u' ar2-ki a-na-ku t,e3-e-me al-ta-kan um-ma {disz}a-ra-hu u _{lu2}dumu-du3-mesz_
89. sza2 it-ti-szu2 szu-uk-na-a'-szu-nu#-tu [ina] za-qi-pi ar2-ki {disz}a-ra-hu a-ga-szu-u2 _{lu2}dumu-du3#-mesz#_ sza2 it-ti-szu2 ina za-qi-pi ina babilax(|DIN.TIR|){ki} isz-ku-un _pap_ [di]-i-ku u bal-t,u sza2 u2-qu sza2 {disz}a-ra-hu 2(disz) _lim_ 4(disz) _me_ 9(u) 7(disz) {disz}da-ri-ia-musz _lugal_ ki-a-am i-qab-bi a-ga-a sza2 ana-ku ina _e-ki_ e-pu-szu2 {disz}da-ri-ia-musz _lugal_ ki-a-am i-qab-bi a-ga-a sza2 ana-ku
90. e-pu-szu2 ina _gissu#_ sza2 {d}u2-ra-ma-az-da [ina] 1(disz)-et _mu#-an#-na_ ar2-ki sa2 a-na-ku _lugal#_ at#-tu#-ru 1(u) 9(disz) s,a-la#-a-tu4 a-na-ku e-te#-pu-usz [ina] _gissu#_ [sza2] {d}u2-ra-ma-az#-da a-na-ku ad-du#-uk-szu2-nu-tu2 a-na-ku 9(disz) _lugal-mesz_-szu2-nu us,-s,ab-bit {disz}gu-ma-a-tu2 szu-um-szu2 {lu2}ma-gu-szu2 szu-u2 up-tar-ri-is, i-qab-bi um-ma
91. a-na-ku {disz}bar-zi-ia2 _dumu_-szu2 sza2 {disz}ku-ra-asz2 _lugal_ {kur}par-su u {kur}ma#-da-a#-a# ut-tak#-kir {disz}at-ri-na#-a'# szu-um-szu2 {lu2}_nim-ma{ki}_-a-a szu-u up-[tar]-ri-is, i-qab-bi um-ma a-na-ku _lugal {kur}elam-ma{ki}_ szu-u _{kur}elam-ma{ki}_ ut-tak-kir3 {disz}ni-din-tu4-{d}_en_ szu-um-szu2 {lu2}_e-ki_-a-a szu-u up-tar-ri-is, i-qab-bi um-ma ana-ku {disz}{d}muati-nig2-du-uri3
92. _dumu_-szu2# sza2 {disz}{d}muati-ni2-tuk _lugal# e#-ki_ szu-u babilax(|DIN.TIR|){ki} ut-tak-kir {disz}mar-ti-ia2 szu-um-szu2 {lu2}par-sa-a-a szu-u up-tar-ri#-is,# i#-qab-bi um-ma ana#-ku {disz}im-ma-ni-e-szu2 _lugal {kur}elam-ma{ki}_ szu-u _lu2.mesz {kur}elam-ma{ki}_ ut-tak-kir# {disz}pa-ar-mar-ti-isz szu-um-szu2 {kur}ma-da-a-a szu-u up-tar-ri-is, i-qab-bi um-ma ana-ku {disz}ha-sza2-at-ri-tu4
93. _numun_ sza2 {disz}u2-ma-ku-isz-tar {kur}ma-da-a-a ut-tak-kir3 {disz}szi-tir-an#-tah-mu# szu-um-szu2 {lu2}sa-ga-ar-ta-a-a szu-u up-tar-ri-is, i#-[qab]-bi um-ma a-na-ku _lugal lu2#-mesz#_ sa-ga-ar-ta-a-a _numun#_ sza2 {disz}u2-ma-ku-isz-tar szu-u _lu2-mesz#_ sa-ga-ar-ta-a-a ut-tak-kir3 {disz}pa-ra-da-a' _mu_-szu2 {lu2}mar-gu-ma-a-a szu-u
94. up-tar-ri-is, i-qab-bi um-ma# a#-na#-ku _lugal_ {kur}mar-gu-u szu-u {kur}mar#-gu-u ut-tak-kir3# {disz}u2-mi-iz-da-a-tu2 szu-um-szu2 {lu2}par-sa-a-a szu-u up-tar-ri-is, i#-qab-bi um-ma a-na-ku {disz}bar-zi#-ia _dumu_-szu2 sza2 {disz}ku-ra-asz2 _lugal_ {kur}[par-su] szu-u {kur}par-su ut-tak-kir3 {disz}a-ra-hu szu-um-szu2 {lu2#}u2-ra-asz-t,a-a-a szu-u2
95. up#-tar#-ri-is, i-qab-bi um-[ma a-na]-ku {disz}{d}muati-nig2-du-uri3 _dumu_-szu2 sza2 {disz}{d}muati-ni2-tuk szu-[u] babilax(|DIN.TIR|){ki} ut-tak-[kir3] {disz}da-ri-ia-musz _lugal_ ki-a-am i-qab-bi 9(disz) _lugal-mesz_ a#-gan-nu-tu2 sza2 u2-qu at-tu-u-a id-du-ku#-[u'] u bal-t,u sza2 is,-ba-tu-u' u [id]-du-[ku]-u' u2-qu [at]-tu#-u-a ina bi-rit
96. s,a-la-a-tu2 a-gan-ni-e-tu2 u2#-[qu-szu]-nu id#-[du]-ku-u' [{disz}da-ri]-ia-musz# _lugal_ ki-a-am i-qab-bi _kur-kur_ a-ga-a-ta [sza2] ik-ki-ra-a' pir-s,a-a-tu2 ut-tak-ki#-ra#-asz2#-szi-na-tu2 _{lu2}erin2-mesz_ a-gan-nu-tu2 ip-ru#-[s,u-u' a]-na u2-qu ar2-ki {disz}u2-ra-ma-az#-da a-na _szu_-ia in-da-na-asz2-szu2-nu-tu2
97. lib3-bu-u2 sza2 a#-na#-ku s,e-ba-a-ka# ip-pu-usz-sza2-a'# {disz#}da#-ri-ia#-musz _lugal#_ ki#-a-am# i#-qab-bi man-nu at-ta _lugal#_ sza2 ar2#-ki-ia [tel]-la#-a# la-pa-ni pir-s,a-a-tu2 lu ma-a-du u2-s,ur ra-man-ka la [tu2-sa-ad]-da#-ad _lu2_ sza2 u2-par-ra-s,u# lu ma-[a]-du sza2-al-szu2 ki-i ta-qab-bu
98. um#-ma _suhusz lugal#_-tu2#-ia li-ku#-un# {disz}da-ri#-ia#-musz _lugal#_ ki-a-[am] i#-qab-bi a#-ga#-a# sza2 ana-ku [e]-pu-szu2 ina# _gissu_ sza2 {d}u2-ra-ma-az-da a#-ga#-a# ana-ku e-te-pu-usz [ina] 1(disz)-et _mu-an-na_ at-ta sza2 ina# ar2#-ki# tam#-ma#-[ru x x x] ana-ku e-pu-szu2 sza2-t,a-ri sza2 ina {na4}_na-ru2-a_ szat,-ti qi2-pa-an-ni
99. szi-na pir-s,a-a-tu4 la ta-qab-bi {disz}da-ri-ia-musz [_lugal_] ki-a-[am] i-qab-bi _mu_ sa2 {d}u2-ra-ma-az-da [a]-na-ku u2-sze-el#-li ki-na-a#-tu2 szi-na la pir-s,a-a-tu2 sza2 [aq]-bu#-u2 a-ga-a# sza2# a-na-ku e-pu-szu2 ina [{disz}-et] _mu-an-na_ {disz}da-ri-ia-musz _lugal_ ki-a-am i-qab-bi ina _gissu_ sza2 {d}u2-ra-maz-da
100. lu ma-a-da-tu4 a-na-ku e-pu-usz sza2 ina# sza2-t,a-ri# [sza2] {na4}_na-ru2-a_ ul szat,-ru a#-na lib3-bi# a-ga-a ul szat,-ru man#-nu sza2 ina ar2-ki im-ma-ru sza2-t,a-ri# sza2 ina {na4}_na-ru2-a_ szat,#-ru ma#-la a-na-ku e-pu-szu2 la i#-qi-ip-pi [i]-qab-bi um-ma pir-s,a-tu4 szi-na {disz}da-ri-ia-musz _lugal_ ki-a-am
101. [i]-qab-bi ina _lugal-mesz_ sza2 ina pa-na-tu-u-a ib#-[szu]-u2 mam#-ma#-ia#-a-na sza2 i-te-pu-szu2# ma#-la# a#-na#-ku# e-te-pu-szu2 ina# _gissu_ sza2 {d}u2-ra-ma-az-da a-na-ku a-ga-a e-te-pu-szu2 ina [{disz}-et] _mu-an-na_ {disz}da-ri-ia-musz _lugal_ ki-a-am [i]-qab-bi at-ta qi2-i-pi sza2 ana-ku e-pu-szu2 u _inim_ kit-tu4 a-na
102. u2-qu qi2-bi ul# ta-pi-is-si-in ki-i# dib-bi# [an]-nu-tu2 la# ta-pi-is#-si#-nu# u a-na u2-qu ta-qab-bu {d}u2-ra-ma-[az]-da lu#-sa-ad-di-id-ka lu ma-a-du li-ra-['a]-am-ka u# _numun#_-ka# [li]-mi-id _u4-mesz_-[ka] li-ri-ku-u' u ki-i dib-bi an-nu-tu2 ta-pi-is-si-nu ana u2-qi2-ka!
103. la# ta-qab-bu _inim_ kit-tu4 sza2 [ina] lib3-bi# szat,#-ru# {d}u2-ra-ma-az-da li-ru#-ur-ka _numun_-ka lu-u2 ia-a-nu {disz}da-ri-ia-musz _lugal#_ ki-[a-am i]-qab-bi a#-ga-a# sza2 a-na-lu e-pu-szu2 a-na-lu [ina] 1(disz)-et _mu-an-na_ ina _gis-mi_ sza2 {d}u2-ra-ma-az-[da] e-te-pu-usz {d}u2-ra-ma-az-da is-se-dan-nu u _digir-mesz_
104. gab-bi {disz}da-ri-ia-musz _lugal_ ki-a-[am] i-qab-bi a-na lib3-bi a-ga-a {d}u2-ra-ma-az-da is-se-dan-nu u _digir-mesz_ gab#-bi# a-na#-ku ul lib3-bi bi-i-szu ul ap-ru#-s,u# pir-ki# a-na-ku ul e-pu-usz ul a-na-ku ul _numun_-ia ina di-na-a-tu2 a-se-eg-gu a-na kab!-tu2 u musz-ki-nu
105. pir#-ki ul e-te-pu-usz _lu2#_ sza2# a#-na# _e2#_ at-tu-u-a il#-la-ku a-na kit#-ru#-ia# a#-na#-ku# lu# ma#-a-du u2-sa-ad-di-id _lu2_ sza2# u2-ha-ab#-bi#-lu a-na-ku lu ma#a#-du# al-ta-al {disz}da-ri-ia-musz _lugal_ ki-a-am i-qab-bi man-nu at-ta _lugal_ sza2 tel-la-a ar2-ki-ia3 _lu2_ sza2 u2-par-ra-s,u u _lu2_ pir-ka!-a-ni
106. la# ta#-ra-'a-am lu ma-a-du# [sza2]-al#-szu2 {disz}da-ri-ia-musz _lugal#_ ki-a-am# i-qab-bi at-ta sza2 ina ar2-ki {na4}_na-ru2-a_ szu-a-tu2 tam-ma-ru u s,al-ma-a-[nu] a-gan#-nu#-tu2 la tu-ub-ba-tu#-szu2-nu#-tu# a-di kisz-szu#-ut-ka# i#-ba-asz2-szu2# su#-[ud-di-is-su-nu-tu] ki-i {na4}_na-ru2-a_ szu-a-tu2 tam-ma-ri u s,al-ma-a-nu a-gan-nu-tu
107. ul [tu-ub-ba-tu-szu2-nu-tu u a-di kisz-szu-ut-ka i-ba-asz2-szu tu]-sa-ad-di-du-szu2#-nu#-tu# {d}u2-ra-ma#-az-da lu-sa-ad#-[dak]-ka dum#-qi2 li#-id#-[dak]-ka li-ra-'a#-am-ka u _numun!_-ka lusza2-am-'i-id _u4-mesz_-ka [lu-ur]-rik {d}u2-ra-ma-az-da lu-rab-bi-ka!
108. u mi-im-ma ma#-la# te-ep-szu2# {d#}u2#-ra#-ma#-az-da ina# _szu11#_-ka lu#-usz#-te#-sze-er ki-i {na4}_na-ru2-a_ szu-a-tu2 tam-ma-ru u# s,al#-ma#-[a-nu] a-gan#-nu-tu2 u tu#-ub#-[ba]-tu-szu-nu-tu ul tu-sa#-ad#-di-[du-szu2-nu-tu a-di kisz-szu-ut-ka i-ba-asz2-szu] {d}u2-ra-ma-az-da li-ru-ur-[ka]
109. u _numun numun_-ka# lu ia-a-nu# u mi-im-ma ma-la te-ep-pu-su2# {d}u2#-ra-ma-az-da# ul-tu# _szu11_-ka li-is-su#-uh {disz}da#-ri-ia-musz _lugal#_ ki-a-am i-qab-bi _{lu2}erin2-mesz_ a-gan-nu-tu4 sza2 it-ti-ia i-tu-ru-u' a-di _ugu_ sza2 a-na-ku a-na {disz}gu-ma-a-ti aga-szu-u2
110. _lu2_ ma-gu-szu2 ad-du-ku sza2 ip#-ru#-s,u# um-ma ana-ku {disz}bar-zi#-ia3# _dumu_-szu2 sza2 {disz}ku-ra#-asz2# _{lu2}erin2-mesz_ a-ga-nu-tu# sza2 kit-ru#-ia il-li-[ku-u'] {disz}u2-mi#-in#-ta#-par-na-a'# szu-um#-szu2# _a#_-[szu2] sza2 [{disz}]u2-mi-is-pa-ru-u' {lu2}par-sa-a-a {disz}u2-mi-it-ta-na-a' _mu_-szu2 _a_szu2 sza2 {disz}su-uh-ra-a' {lu2}par-sa-a-a
111. {disz}gu-ba-ru-u'# szu-um-szu2 _a_-su2 sza2 {disz#}mar#-du#-ni#-ia# {lu2}par-sa-a-a _lu2_ pa#-di#-isz#-u2-ma#-risz# {disz#}u2#-mi#-da-ar#-na#-a'# szu-um-szu2 _a_-szu2 sza2 {disz}ba-ga-bi#-'i#-ig-na-a' {lu2}par-sa-a#-a# {disz}ba-ga-bu-uk-szu2# szu-um-szu2 _a_-szu2 sza2 {disz}za-a'-tu-'a-a {lu2}par-sa-a-a {disz}a-di-ma-ni-isz _mu_-szu2 _a_-szu2 sza2 {disz}u2-ma-ah-ku
112. {lu2}par-sa-a-a {disz}da-ri-ia-musz _lugal_ ki-a#-am# i-qab-bi [man]-nu# at-ta# _lugal#_ sza2# tel#-la-a ar2-ki-ia _{lu2}erin2-mesz_ a-gan-nu-tu-u u _numun-mesz_ sza2 _{lu2}erin2-mesz_ a-gan-nu-tu lu ma-a-du su-ud-di-id
surface b
  (Gaumata)
1. a-ga-a {disz}gu-ma-a-tu4 {lu2}ma-gu-szu2 sza2 ip-ru-s,u um-<ma> a-na-ku {disz}bar-zi-ia2 _dumu_ {disz}ku-rasz
surface c
  (Acina)
1. a-ga-a {disz}a-szi-na# sza2 ip-ru-s,u um-ma ana-ku _lugal {kur}elam{ki}_
surface d
  (Nidintu-Bel)
1. a-ga-a {disz}ni-din-tu4-{d}en sza2 ip-ru-s,u um-ma ana-ku {disz}{d}muati-nig2-du-uri3 _a_-szu2 sza2 {disz}{d}muati-i
surface e
  (Phraortes)
1. a-ga-a {disz}pa-ar-mar-ti-isz sza2 ip-ru-s,u um-ma ana-ku {disz}ha-sza2-at-ri-e-ti _numun_ sza2 {disz}u2-ma-ku-isz-tar
surface f
  (Maritya)
1. a-ga-a {disz}mar-ti-ia# sza2 ip-ru-s,u um-ma a-na-ku {disz}im-ma-ni-e-szu2 _lugal {kur}elam{ki}_
surface g
  (Tritantaechmes)
1. a-ga-a {disz}szi-tir-an-tah-mu# sza2 ip-ru-s,u um-ma ana-ku _numun_ sza2 {disz}u2-ma-ku-isz-tar
surface h
  (Vahyazdata)
1. a-ga-a {disz}u2-mi-iz-da!(szu)-a-tu2 sza2 ip-ru-s,u um-ma ana-ku {disz}bar-zi-ia2 _dumu_ {disz}ku-ra-asz2
surface i
  (Araxa)
1. a-ga-a {disz}a-ra-hu sza2 ip-ru-s,u um-ma a-na-ku {disz}{d}muati-nig2-du-uri3 _a_ {disz}{d}muati-i
surface j
  (Frada)
1. a-ga-a {disz}pa-ra-da-' sza2 ip-ru#-s,u um-ma ana-ku _lugal A_ {kur}mar-gu-'