CDLI-Archival View

Publication
Primary publication:	RINAP 3/1 Sennacherib 034, ex. 001
Author:	Grayson, A. Kirk & Novotny, Jamie R.
Publication date:	2012
Secondary publication(s):
Citation:
Author remarks:
Published collation:
CDLI no.:	P450380
UCLA Library ARK	21198/zz002h41kc
CDLI comments:

Source of original electronic files
Catalogue:	20130327 cdliadmin_tinney
Transliteration:	Grayson, A. Kirk & Novotny, Jamie R.
Translation:	no translation
Photo:	If not otherwise indicated, digital images were prepared in their current form by CDLI staff, in some cases with the kind assistance of collection staff. For terms of use, click here.
Line Art:	If not otherwise indicated, line art drawings prepared in their digital form by CDLI staff are to be credited to primary publication author(s).

Collection Information
Owner:	unlocated
Museum no.:	unknown
Accession no.:
Acquisition history:

Text Content:
Genre:	Royal/Monumental
Sub-genre:	witness
Sub-genre remarks:
Composite no.:	Q003508
Language:	Akkadian

Physical Information
Object type:	tablet
Material:	stone
Object remarks:
Measurements (mm):	x x
Object preservation:
Surface preservation:
Condition description:
Join information:
Seal no.:
Seal information:

Provenience:
Provenience:	Nineveh (mod. Kuyunjik)
Provenience remarks:
Excavation no.:
Findspot square:
Elevation:
Stratigraphic level:
Findspot remarks:

Chronology:
Period:	Neo-Assyrian (ca. 911-612 BC)
Period remarks:
Date of Origin:	Sennacherib.15.00.00
Dates referenced:	Sennacherib.15.00.00
Date remarks:
Alternative years:
Accounting period:

Unclear abbreviations? Can you improve upon the content of this page? Please contact us!

Tablet

obverse
1. _e2-gal_ {disz}{d}en-zu-szesz-mesz-eri-ba _lugal gal lugal#_ dan#-nu# _lugal# szu2# lugal# kur#_ asz#-szur#{ki#} _lugal#_ kib#-rat# _limmu2#_-tim#
2. mi-gir _dingir-mesz gal-mesz_ lu-li-mu er-szu ma-al#-ku# pit#-qu#-du# _re#-e2#-um#_ ba#-hu#-la#-a#-ti#
3. mut-tar-ru-u2 _ug3-mesz_ rap-sza2-a-ti a-na-ku {d}asz#-szur# _ad# dingir#-mesz#_ i#-na# kul#-lat# ma#-li#-ki#
4. ke-nisz _igi-bar_-ni-ma _ugu_ gi-mir a-szib pa-rak-ki u2-szar#-ba#-a# _{gesz#}tukul#-mesz#_-ia# id#-di#-nam#
5. _{gesz}gidru_ i-szar-tu mu-rap-pi-szat mi-is,-ri szi-bir-ru la pa#-du#-u2# a#-na# szum#-qut# za#-'i#-ri#
6. u2-szat-me-eh rit-tu-u2-a i-na ta-ha-az _edin_ {disz}{d}marduk-ibila#-szum2#-na# _lugal#_ {kur#}kar2#-{d#}dun#-ia2#-asz3#
7. {lu2}kal-du u3 {lu2}a-ra-me a-di _erin2 hi-a_ elam-ma{ki} re-s,i-szu2 a-bu-bisz as-pu-un szu-u2
8. a-na _kur_ tam-tim e-disz ip-par-szid-ma _dingir-mesz_ ma-rak _kur_-szu2 it-ti _giri3-pad-ra2-mesz ad-mesz_-szu2
9. mah-ru-ti ul-tu qe2-reb _ki-mah_ ih-pi-ir-ma _ug3-mesz_-szu2# a#-na# qe2-reb _{gesz}ma2-mesz_
10. u2-sze-li-ma a-na {iri}na-gi-ti sza e-ber-tan {i7#}mar#-rat# e#-bir#-ma# i#-na# asz2#-ri#
11. szu-a-tu i-mid szad-da-szu2 gi-mir _kur_-szu2 ak-szud{ud}-ma szal-la-tisz# am#-nu# _iri-mesz_-szu2 ap-pul aq-qur
12. i-na {d}gesz-bar aq-mu ak-szud{ud} {iri}hi-rim-mu u3 _kur_ ia-su-bi-gal-la-a-a {kur}el-li-pi
13. u2-szal-pit-ma u2-ab-bit da-ad2-me-sza2 sza {disz}lu-li-i _lugal_ {iri}s,i-du-un-ni e-kim _lugal_-su
14. {disz}tu-ba-a'-lu i-na _{gesz}gu-za_-szu2 u2-sze-szib-ma man-da-at-tu _en_-ti-ia u2-kin s,e-ru-usz-szu2
15. u2-szal-pit rap-szu2 na-gu-u2 {kur}ia-u2-di {disz}ha-za-qi-a-u2 _lugal_-szu e-mid ab-sza2-a-ni
16. _lu2-mesz_ {iri}tu-mur-ra-a-a a-szi-bu-ut _kur_-i mar-s,i i-na _{gesz}tukul_ u2-szam-qit {iri}uk-ku
17. a-di nap-har da-ad2-me-szu2 ki-ma _du6_ a-bu-bi u2-ab-bit _ug3-mesz_ {kur}hi-lak-ki a-szi-bu-ut
18. hur-sza2-a-ni a-nar i-na _{gesz}tukul iri-mesz_-szu2-nu ap-pul aq-qur i-na {d}gesz-bar aq-mu
19. {iri}du6-ga-rim-mu sza pa-at, {kur}ta-ba-li _kur_-ud-ma u2-ter a-na kar-me {iri}na-gi-tu
20. {iri}na-gi-tu-di-i'-bi-na {kur}hi-il-mu {kur}pil-la-tu {kur}hu-pa-pa-a-nu na-ge-e
21. sza _lugal_ {kur}elam-ma{ki} sza i-na e-ber-tan _a-ab-ba_ szit-ku-na-at szu-bat-sun2 sza _ug3-mesz_
22. {kur}e2-{disz}ia-kin7 la-pa-an _{gesz}tukul-mesz_-ia dan-nu-ti _dingir-mesz kur_-szu2-un i-na _tusz-tusz_-szu2-nu
23. id-ku-u2 tam-tim e-bi-ru-ma u2-szi-bu qe2-reb-szu2-un i-na _{gesz}ma2-mesz_ {kur}hat-ti
24. sza i-na nina{ki} u3 {iri}du6-bar-si-ip e-pu-szu2 tam-tim lu e-bir _iri-mesz_ sza qe2-reb
25. na-ge-e sza2-tu-nu _kur_-ud-ma i-na gesz-bar aq-mu _ug3-mesz_ {kur}e2-{disz}ia-kin7 u3 _dingir-mesz_-szu2-nu
26. a-di ba-hu-la-a-te _lugal_ {kur}elam-ma{ki} asz2-lu-lam-ma a-na _kur_ asz-szur{ki} u2-ra-a
27. ar-ka _babila2{ki}-mesz_ sza2 it-ti {disz}{d}marduk-ibila-szum2-na u2-s,u-u2 in-nab-tu e-lam-tasz
28. _lugal_ {kur}elam-ma{ki} a-na babila2{ki} il-du-du-nim-ma {disz}szu-zu-bu _dumu_ {disz}ga-hul2 i-na _{gesz}gu-za lugal_-ti
29. _ugu_-szu2-nu u2-sze-szib-ma _erin2-mesz {gesz}pan {gesz}gigir-mesz ansze-kur-ra-mesz_ ki-s,ir _lugal_-ti-ia a-na me2-eh-ret
30. _lugal_ {kur}elam-ma{ki} u2-ma-'e-er _erin2 hi-a_ ma-a'-du it-ti _dumu_-szu2 i-du-ku-ma i-tur ar-ka-nisz
31. szu-nu a-di unu{ki} isz-tam-di-hu {d}utu sza ararma{ki} {d}gaszan-sza-re?-e-szi {d}gaszan-sza-unu{ki} {d}na-na-a
32. {d}u2-s,ur-a-mat-sa {d}be-let-ti-la {d}kurun-nam {d}kasz-szi-tu {d}igi-du _dingir-mesz_ a-szi-bu-ut
33. unu{ki} a-di _nig2-szu_-szu-nu _nig2-gur11_-szu2-nu sza la ni-bi isz-lu-lu-ni i-na ta-a-a-ar-ti-szu2-nu
34. {disz}szu-zu-bu _lugal_ babila2{ki} i-na _me3 edin_ bal-t,u-su ik-szu-da _szu-min_-szu2-un e-ri-in-nu
35. bi-re-tu id-du-szu-ma a-di mah-ri-ia ub-lu-nisz-szu i-na _ka2-gal muru2 iri_ sza nina{ki}
36. ar-ku-su da-bu-u2-isz3 _lugal_ {kur}elam-ma{ki} sza re-s,u-ut _babila2{ki}-mesz_ il-li-ku
37. a-na _kur_-szu2 lu al-lik _iri-mesz_ dan-nu-ti _e2_ ni-s,ir-ti-szu2 u3 _iri-mesz tur-mesz_ sza li-me-ti-szu2-nu
38. a-di ne-re-bi sza {kur}e2-{disz}bu-na-ak-ki al-me ak-szud{ud} asz2-lu-la szal-la-su-un ap-pul
39. aq-qur i-na {d}gesz-bar aq-mu _lugal_ elam-ma{ki} ka-szad _iri-mesz_-szu2 isz-me-ma im-qu-su hat-tum
40. si-it-ti _ug3-mesz kur_-szu2 a-na dan-na-a-ti u2-sze-li szu-u2 {iri}ma-dak-tu _iri lugal_-ti-szu2
41. e-zib-ma a-na {iri}ha-i-da-la sza qe2-reb szad-di-i isz-ta-kan pa-ni-szu
42. a-na {iri}ma-dak-te _iri lugal_-ti-szu2 a-la-ku aq-bi {iti}ab ku-us,-s,u dan-nu ik-szu-dam-ma
43. sza2-mu-tum la-zi-iz-tum il-lik-ma szal-gu na-hal-lum na-at-bak _kur_-i a-du-ra u2-ter-ma
44. a-na _kur_ asz-szur{ki} as,-ba-ta har-ra-na ar-ka _lugal_ {kur}e-lam-ti {kur}par-su-asz2 {kur}an-za-an
45. {kur}pa-szi-ru {kur}el-li-pi nap-har {kur}kal-di {lu2}a-ra-me ka-li-szu2-un kit-ru _gal_-u2
46. ik-te-ra it-ti-szu2 a-di _lugal_ babila2{ki} a-na a-ha-mesz iq-ri-bu-ma a-na e-pesz
47. _me3_ i-na _gaba_-ia _du_-ku-ni i-na e-muq {d}asz-szur _en_-ia i-na ta-mir-ti {iri}ha-lu-le-e
48. it-ti-szu2-nu am-da-hi-is, _bad5-bad5_-szu2-nu asz2-kun 1(disz) _me_ 5(u) _lim erin2-mesz me3_-szu2-nu i-na _{gesz}tukul_
49. u2-szam-qit _{gesz}gigir-mesz_ {gesz}s,u-um-ba-a-ti {gesz}za-ra-ti _lugal_-ti-szu2-nu e-kim-szu2-nu-ti
50. _{lu2}gal-mesz_-szu2-nu a-di {disz}{d}ag-mu-gar-un _dumu_ {disz}{d}marduk-ibila-szum2-na sza i-na _{gesz}gigir-mesz ku3-babbar_
51. u2#-szu#-uz#-zu as-ma-a-ti _ku3-sig17_ tul5-lu-u2 _gir2-mesz ku3-sig17_ szit-ku-nu u3 i-na
52. _har#-mesz ku3-sig17_ ru-uk-ku-sa rit-ti-szu2-un bal-t,u-su-un qe2-reb tam-ha-ri ik-szu-da
53. _szu#-min_-a-a _lugal_ babila2{ki} u3 _lugal_ {kur}elam-ma{ki} hur-ba-szu2 _me3_-ia is-hup-szu2-nu-ti qe2-reb
54. _{gesz}gigir-mesz_-szu2-nu u2-masz-sze-ru-ni zu-u2-szu2-un e-disz ip-par-szid-du-ma ma-tu-usz-szu2-un
55. in-nab-tu i-nu-szu2 _e2-gal_ ku-tal-li sza qe2-reb nina{ki} sza a-na szu-te-szur ka-ra-szi
56. pa-qa-ad _ansze-kur-ra-mesz_ u3 sa-na-a-qi2 mim-ma szum-szu2 u2-sze-pi-szu2 _<lugal-mesz_-ni> a-li-kut mah-ri
57. _ad-mesz_-e-a sza _e2-gal_ sza2-a-tu tam-lu-u2-sza2 ul ib-szi-ma s,u-uh-hu-rat szu-bat-sa
58. a-na szu-usz-mur _ansze-kur-ra-mesz_ ul szum-du-la _ka2_-nu-u2 ki-sal-lu la-ba-risz _u4-mesz_
59. tem-me-en-sza2 i-nisz-ma it-ru-ra re-sza2-a-sza2 _e2-gal_ sza2-a-tu a-na si-hir-ti-sza2 aq-qur
60. ki-ma a-tar-tim-ma ki-szub-bu-u2 ma-a-du ul-tu qe2-reb u2-szal-li lu as,-ba-ta
61. s,e-ru-usz-sza2 usz-rad-di masz-kan2 _e2-gal_ mah-ri-ti e-zib-ma i-na qe2-reb ki-szub-be2-e
62. sza ul-tu u2-szal-li as,-ba-ta tam-la-a usz-mal-li 3(disz) _usz_ 2(u) ti-ib-ki i-na na-al-ban-ia
63. _gal_-i a-na e-la-ni u2-szaq-qi2 re-e-su s,e-er tam-le-e sza2-a-tu sza _e2-gal-mesz_-ia
64. at-ta-di tem-me-en-szin _e2-gal_ {na4}pi-i-li {gesz}ere-ni tam-szil _e2-gal_ {kur}ha-at-ti
65. u3 _e2-gal_ s,i-ir-tu e-pisz-ti _kur_ asz-szur{ki} sza ma-disz szu-tu-ra _gal_-a u3 szar-ha a-na mu-szab
66. _lugal_-ti-ia u2-sze-pisz asz2-szu mur-ni-is-qi2-ia szuk-nu-sze a-na ni-i-ri u3 pa-qa-du
67. szal-la-at na-ki-ri ka-bit-tu sza u2-szat-li-ma {d}asz-szur ki-sal-la-sza2 _ka2_-nu-u2 ma-gal
68. usz-rab-bi i-na e-mu-qe s,i-ra-a-ti sza _dingir-mesz en-mesz_-ia _lugal-mesz kur mar-tu{ki} du3_-szu2-un
69. sza a-na _giri3-min_-ia u2-sza2-ak-ni-szu u2-ma-er-szu2-nu-ti ur-tu _gesz-ur3-mesz_ {gesz}ere-ni
70. _gal-mesz_ qe2-reb {kur}ha-ma-nim ik-szi-t,u a-na nina{ki} i-szu-t,u-nim-ma u2-szat-ri-s,a e-li-szin
71. _{gesz}ig-mesz {gesz}szur-min3_ li-ia-ri me-ser _uruda_ u2-rak-kis-ma u2-rat-ta-a ba-bi-szin
72. {na4}{d}asznan sza _gin7 numun_ qisz-sze-e _gar_-szu2 nu-su-qu ma-la _na4 gu2_ aq-ru _na4_ qa-be2-e
73. ma-ga-ri u3 ri-ih-s,u szu-tu-qi mur-s,u a-na _na nu te_-e sza ul-tu _giri3_ {kur}ni-pur
74. _kur_-i ib-bab-la it-ti {na4}pi-i-li pe-s,e-e sza i-na {iri}ba-la-t,a-a-a in-nam-ru
75. a-na _{d}alad-{d}lamma-mesz_ u2-sze-pisz-ma u2-sza2-as,-bi-ta _si-gar_-szi-in _{munus}ab2-za-za_-a-ti
76. {na4}{d}asznan tim-me {gesz}ere-ni s,e-ru-szi-in ul-ziz-ma sza _e2-gal_ {na4}pi-i-li sza2-a-tu
77. e-mid _gan-du7-mesz_-sza2 i-na uz-ni ni-kil-ti sza u2-szat-li-ma _en_ ne2-me-qi2 {d}nin-szi-ku3
78. ma-la dul-la-a-ti _zabar_ sza a-na hi-szih-ti _e2-gal-mesz_-ia sza nina{ki} ap-ti-qu
79. ki-i t,e3-em _dingir_ zi-i'-pi t,i-di2 ab-ni-ma _uruda_ qe2-reb-szu2 asz2-pu-uk-ma i-szi-ra
80. szip-ru qa-ti-ia u _{munus}{d}lamma-mesz uruda_ ma-sza2-a-ti as-kup-pu {na4}{d}asznan
81. u2-sza2-asz2-szi-szi-na-ti bi-rit _{munus}ab2-za-za-mesz_ ul-ziz na-bur-risz u2-sze-me-ma u2-sza2-lik
82. as-mi3-isz i-na ki-sa-al-li _gal_-i szap-la-nu _e2-gal_ {na4}pi-i-li a-na ri-mit _lugal_-ti-ia
83. sza {na4}{d}asznan _{na4}dur2-mi-na-banda3{da}_ u3 {na4}sa-a-bu u2-sze-pisz ki-gal-lum 4(disz) tim-me _zabar_
84. sza szesz-sza2-szu2-nu _an-na_ bal-lum s,e-ru-usz-szu2 ul-ziz-ma i-na da-ap-pi {gesz}ere-ni sza _ki-sag_
85. lit-bu-szu2 u2-szat-ri-s,a s,u-lul-szu2 _e2-gal_ ma-szar-ti ma-gal u2-szar-bi u2-sza2-ak#-lil#-szi
86. u2-szar-ri-ih-szi a-na tab-rat kisz-szat _ug3-mesz_ la-la-a usz-mal-lisz man-da-at-tu kul#?-lat# _kur-mesz_
87. a-tar-tu sza {kur}ma-da-a-a ru-qu-ti sza i-na _lugal-mesz_-ni _ad-mesz_-e-a ma-am-man
88. la im-hu-ru bi-lat-su-un it-ti {gesz}s,u-um-ba-te _{gesz}gigir-mesz_ ru#-ku#-bi#? _lugal#?_ {kur?}e-la-mi3-i
89. _lugal_ babila2{ki} u3 {kur}kal-di sza ik-szu-da _szu-min_-a-a it#-ti# hu#?-lap#?-ti# la mi3-nam
90. sza2 ak-ku-mu a-na na-kam-ti sza _e2-gal_ sza2-a-tu u2#-sze#-bi#-lam#-ma u2-sze-rib qe2-reb-sza2
91. i-na qi2-bit {d}asz-szur _ad dingir-mesz_ u3 {d}nin-lil2 szar-ra#-ti qe2#-reb# _e2-gal_ sza2#-a#-tu#
92. i-na t,u-ub _uzu_ hu#-ud# lib3#-bi u3 nu-um-mur pa-ni _ud#-mesz#?_ lu?-sza2?-ri#?-ka#? lu#?-usz#?-ba#?-a#?
93. lit-tu-tu li-pu-u2-a du-ri2 da-ri2 a-na u4#-me# ru#-qu#-ti# li#-ku#-nu# qe2#-reb#-sza2#
94. _{d}alad_ na-s,ir nap-sza2-a-ti _dingir_ mu-szal#-li#-mu# ur#-ru# u3# mu#-szu2# a#-a# ip#-par#-ku#-u2# i#-da#-a#-sza2#

Warning: Unknown: write failed: No space left on device (28) in Unknown on line 0

Warning: Unknown: Failed to write session data (files). Please verify that the current setting of session.save_path is correct () in Unknown on line 0

Archival view of P450380