CDLI-Archival View

Publication
Primary publication:	RINAP 3/1 Sennacherib 002 composite
Author:	Grayson, A. Kirk & Novotny, Jamie R.
Publication date:	2012
Secondary publication(s):	Bezold C 1896a
Citation:
Author remarks:
Published collation:
CDLI no.:	P462810
UCLA Library ARK	21198/z10v9jfc
CDLI comments:

Source of original electronic files
Catalogue:	20140116 cdliadmin
Transliteration:	Grayson, A. Kirk & Novotny, Jamie R.
Translation:	no translation
Photo:	If not otherwise indicated, digital images were prepared in their current form by CDLI staff, in some cases with the kind assistance of collection staff. For terms of use, click here.
Line Art:	If not otherwise indicated, line art drawings prepared in their digital form by CDLI staff are to be credited to primary publication author(s).

Collection Information
Owner:
Museum no.:
Accession no.:
Acquisition history:

Text Content:
Genre:	Royal/Monumental
Sub-genre:	composite
Sub-genre remarks:
Composite no.:	Q003476
Language:	Akkadian

Physical Information
Object type:	other (see object remarks)
Material:	composite
Object remarks:	composite text
Measurements (mm):	x x
Object preservation:
Surface preservation:
Condition description:
Join information:
Seal no.:
Seal information:

Provenience:
Provenience:	Nineveh (mod. Kuyunjik)
Provenience remarks:
Excavation no.:
Findspot square:
Elevation:
Stratigraphic level:
Findspot remarks:

Chronology:
Period:	Neo-Assyrian (ca. 911-612 BC)
Period remarks:
Date of Origin:	Sennacherib.00.00.00
Dates referenced:	Sennacherib.00.00.00
Date remarks:
Alternative years:
Accounting period:

Unclear abbreviations? Can you improve upon the content of this page? Please contact us!

Composite text

surface a
1. {disz}{d}en-zu-szesz-mesz-eri-ba _lugal gal lugal_ dan-nu _lugal kur_ asz-szur{ki} _lugal_ la sza2-na-an _re-e2-um_ mut-nen-nu-u2 pa-lih _dingir-mesz gal-mesz_
2. na-s,ir kit-ti ra-'i-im mi-sza2-ri e-pisz u2-sa-a-ti a-lik tap-pu-ut a-ki-i sa-hi-ru dam-qa-a-ti
3. et,-lu git2-ma-lum zi-ka-ru qar-du a-sza2-red kal ma-al-ki rap-pu la-'i-it, la ma-gi-ri mu-szab-ri-qu za-ma-a-ni
4. {d}asz-szur _kur_-u2 _gal_-u2 _lugal_-ut la sza2-na-an u2-szat-li-ma-an-ni-ma _ugu_ gi-mir a-szib pa-rak-ki u2-szar-ba-a _{gesz}tukul-mesz_-ia
5. i-na _sag lugal_-ti-ia sza {disz}{d}marduk-ibila-szum2-na _lugal_ {kur}kar2-dun-ia2-asz2 a-di _erin2 hi-a_ elam-ma{ki} re-s,i-szu2 i-na ta-mir-ti kisz{ki} asz2-ta-kan _bad5-bad5_-szu2
6. i-na _muru2_ tam-ha-ri szu-a-tu e-zib _karasz_-su e-disz ip-par-szid-ma a-na {kur}gu-zu-um-ma-ni in-na-bit qe2-reb {i7}a-gam-me u3 ap-pa-ra-a-te e-ru-um-ma na-pisz-tusz e-t,i2-ir
7. _{gesz}gigir-mesz_ {gesz}s,u-um-bi _ansze-kur-ra-mesz {ansze}kunga-mesz ansze-mesz {ansze}gam-mal-mesz_ u3 {ansze}ud-ri sza i-na qit-ru-ub ta-ha-zi u2-masz-szi-ru ik-szu-da _szu-min_-a-a
8. a-na _e2-gal_-szu2 sza qe2-reb babila2{ki} ha-disz e-ru-um-ma ap-te-e-ma _e2_ ni-s,ir-ti-szu2 _ku3-sig17 ku3-babbar_ u2-nu-ut _ku3-sig17 ku3-babbar na4_ a-qar-tu mim-ma szum-szu _nig2-szu nig2-gur11_ ni-s,ir-tu ka-bit-tu
9. _dam_-su {munus}_ug3-mesz e2-gal_-szu2 _{lu2}tirum-mesz_ {lu2}man-za-az pa-ni si-hir-ti {lu2}um-ma-a-ni ma-la ba-szu-u2 mut-tab-bi-lu-tu _e2-gal_ u2-sze-s,a-am-ma szal-la-tisz am-nu
10. as,-bat-ma _egir_-szu2 a-na {kur}gu-zu-um-ma-ni {lu2}mun-dah-s,i-ia a-na qe2-reb {i7}a-gam-me u3 ap-pa-ra-a-te u2-ma-'e-er-ma 5(disz) u4-me i-pa-ru-nim-ma ul in-na-mir a-szar-szu
11. i-na e-muq {d}asz-szur _en_-ia 1(gesz2) 2(u) 9(disz) _iri-mesz_-ni dan-nu-ti _e2 bad3-mesz_-ni sza {kur}kal-di u3 8(disz) _me_ 2(u) _iri-mesz tur-mesz_ sza li-me-ti-szu2-nu al-me ak-szud{ud} asz2-lu-la szal-la-su-un
12. {lu2}ur2-bi {lu2}a-ra-mu u3 {lu2}kal-du sza qe2-reb _unu{ki} nibru_{ki} kisz{ki} hur-sag-kalam-ma{ki} gu2-du8-a{ki} a-di _dumu-mesz iri en_ hi-it,-t,i u2-sze-s,a-am-ma szal-la-tisz am-nu
13. {disz}en-du3 _dumu {lu2}gal-du3_ pe-er-'i szu-an-na{ki} sza _gim_ mi-ra-ni s,a-ah-ri qe2-reb _e2-gal_-ia ir-bu-u2 a-na _lugal_-ut _kur eme-gi7_ u3 uri{ki} asz2-ta-kan _ugu_-szu2-un
14. i-na ta-a-a-ar-ti-ia {lu2}tu-'u-mu-na {lu2}ri-hi-hu {lu2}ia-daq-qu {lu2}u2-bu-du {lu2}gib-re-e {lu2}ma-li-hu {lu2}gu-ru-mu {lu2}u2-bu-lum {lu2}da-mu-nu
15. {lu2}gam-bu-lu {lu2}hi-in-da-ru {lu2}ru-'u-u-a {lu2}pu-qu-du {lu2}ha-am-ra-a-nu {lu2}ha-ga-ra-nu {lu2}na-ba-tu {lu2}li-i'-ta-a-u2 {lu2}a-ra-mu la kan-szu2 mit-ha-risz ak-szud{ud}
16. 2(disz) _me_ 8(disz) _lim un-mesz_ zik-ru u _munus_ 7(disz) _lim_ 2(disz) _me ansze-kur-ra-mesz {ansze}kunga-mesz_ 1(u) 1(disz) _lim_ 1(gesz2) 1(u) 3(disz) _ansze-mesz_ 5(disz) _lim_ 2(disz) _me_ 3(u) _{ansze}gam-mal-mesz_ 1(gesz2) 2(u) _lim_ 1(disz) _me gu4-mesz_ 8(disz) _me lim_ 6(disz) _me u8-udu hi-a_ szal-la-tu ka-bit-tu asz2-lu-la a-na qe2-reb _kur_ asz-szur{ki}
17. i-na me-ti-iq ger-ri-ia sza {disz}{d}ag-en-mu-mesz {lu2}qi2-pi {iri}ha-ra-ra-ti _ku3-sig17 ku3-babbar_ {gesz}mu-suk-kan-ni _gal-mesz ansze-mesz {ansze}gam-mal-mesz gu4-mesz_ u3 _u8-udu hi-a_ ta-mar-ta-szu2 ka-bit-tu am-hur
18. ba-hu-la-ti {iri}hi-rim-me _{lu2}kur2_ ak-s,u sza ul-tu ul-la a-na ni-ri-ia la kit-nu-szu i-na _{gesz}tukul_ u2-szam-qit-ma na-pisz-tu ul e-zib
19. na-gu-u2 szu-a-tu a-na esz-szu-ti as,-bat 1(disz)-en _gu4_ 1(u) _udu-mesz_ 1(u) _ansze gesztin-mesz_ 2(u) _ansze zu2-lum-ma_ re-sze-te-szu2 a-na _dingir-mesz_-ni _kur_ asz-szur{ki} _en-mesz_-ia u2-kin da3-ri-szam
20. i-na 2(disz)-e ger-ri-ia {d}asz-szur be-li2 u2-tak-kil-an-ni-ma a-na _kur_ {lu2}kasz-szi-i u3 _kur_ ia-su-bi-gal-la-a-a _{lu2}kur2_ ak-s,i sza ul-tu ul-la a-na _lugal-mesz_-ni _ad-mesz_-ia la kit-nu-szu lu al-lik
21. qe2-reb hur-sza2-a-ni zaq-ru-te _a-sza3_ nam-ra-s,i i-na _ansze-kur-ra_ ar-kab-ma _{gesz}gigir giri3-min_-ia i-na ti-ik-ka-a-te u2-sza2-asz2-szi asz2-ru szup-szu-qu i-na _giri3-min_-ia ri-ma-nisz at-tag-gisz
22. {iri}_e2_-{disz}ki-lam-za-ah _iri_ dan-nu-ti-szu2-nu al-me ak-szud{ud} _ug3-mesz tur gal ansze-kur-ra-mesz {ansze}kunga-mesz ansze-mesz gu4-mesz_ u3 _u8-udu hi-a_ ul-tu qer-bi-szu u2-sze-s,a-am-ma szal-la-tisz am-nu
23. _iri-mesz_-szu2-nu _tur-mesz_ sza ni-ba la i-szu-u2 ap-pul aq-qur u2-sze-me kar-mesz _e2 edin_ kul-ta-ri tu-kul-ti-szu2-nu i-na {d}gesz-bar aq-mu-ma di-tal-lisz u2-sze-mi
24. u2-ter-ma {iri}e2-{disz}ki-lam-za-ah szu-a-tu a-na bir-tu-ti as,-bat _ugu_ sza u4-me pa-ni u2-dan-nin a-muh-husz _ug3-mesz kur-kur_ ki-szit-ti _szu-min_-ia ina lib3-bi u2-sze-szib
25. _un-mesz kur_ {lu2}kasz-szi-i u3 _kur_ ia-su-bi-gal-la-a-a sza la-pa-an _{gesz}tukul-mesz_-ia ip-par-szi-du ul-tu qe2-reb _kur_-i u2-sze-ri-dam-ma i-na {iri}har-disz-pi {iri}_e2_-{disz}ku-bat-ti u2-szar-me
26. i-na _szu-min_ {lu2}szu-ut _sag_-ia _{lu2}en-nam_ {iri}ar-rap-ha am-nu-szu2-nu-ti _{na4}na-ru2-a_ u2-sze-pisz-ma li-i-tum ki-szit-ti _szu-min_ sza _ugu_-szu2-un asz2-tak-ka-nu s,e-ru-usz-szu2 u2-sza2-asz2-t,ir-ma ina qer-bi _iri_ ul-ziz
27. pa-an ni-ri-ia u2-ter-ma a-na {kur}el-li-pi as,-s,a-bat har-ra-nu el-la-mu-u-a {disz}is-pa-ba-a-ra _lugal_-szu2-un _iri-mesz_-szu2 dan-nu-ti _e2_ ni-s,ir-ti-szu2 u2-masz-szir-ma a-na ru-qe2-ti in-na-bit
28. gim-ri _kur_-szu _dagal_-ti ki-ma _muru9_ as-hu-up {iri}mar-u2-bisz-ti {iri}ak-ku-ud-du _iri-mesz e2 lugal_-ti-szu2 a-di 3(u) 4(disz) _iri-mesz_ dan-nu-ti u3 _iri-mesz tur-mesz_ sza li-me-ti-szu2-nu sza2 ni-ba la i-szu-u
29. ap-pu-ul aq-qur i-na {d}gesz-bar aq-mu-ma _kiri6-mesz_-szu2-nu ak-szit, _ugu a-gar3-mesz_-szu2-un hab-s,u-ti sza2-hur-ra-tum at-bu-uk {kur}el-li-pi a-na pat, gim-ri-sza2 ar-bu-ta u2-sza2-lik
30. _un-mesz tur gal nita_ u _munus ansze-kur-ra-mesz {ansze}kunga-mesz ansze-mesz gu4-mesz_ u3 _u8-udu hi-a_ la mi-nam asz2-lu-lam-ma a-di la ba-sze20-e u2-sza2-lik-szu2-nu-ti
31. {iri}s,i-s,i-ir-tu {iri}ku-um-ma-ah-lum _iri-mesz_ dan-nu-ti a-di _iri-mesz tur-mesz_ sza li-me-ti-szu2-nu {kur}e2-bar-ru-u2 na-gu-u a-na gi-mir-ti-szu2 ul-tu qe2-reb _kur_-szu2 ab-tuq-ma _ugu_ mi-s,ir _kur_ asz-szur{ki} u2-rad-di
32. {iri}el-en-za-asz2 a-na _iri lugal_-ti u3 dan-na-at na-ge-e szu-a-tu as,-bat-ma _mu_-szu2 mah-ra-a u2-nak-kir-ma {iri}kar-{disz}{d}en-zu-szesz-mesz-eri-ba at-ta-bi ni-bit-su
33. i-na ta-a-a-ar-ti-ia sza {kur}ma-da-a-a ru-qu-ti sza i-na _lugal-mesz_-ni _ad-mesz_-ia ma-am-man la isz-mu-u zi-kir _kur-mesz_-szu2-un man-da-ta-szu2-nu ka-bit-tu2 am-hur a-na ni-ri be-lu-ti-ia u2-szak-ni-su-nu-ti
34. i-na u4-mi-szu-ma nina{ki} ma-ha-zu s,i-i-ru _iri_ na-ram {d}isz-tar sza nap-har ki-du-de-e _dingir-mesz_ u3 _{d}isz-tar-mesz_ ba-szu-u2 qe2-reb-szu
35. tem-me-en-nu da-ru-u2 du-ru-usz s,a-a-ti sza ul-tu ul-la it-ti szi-t,ir bu-ru-um-me es,-rat-su es,-ret-ma szu-pu-u2 s,i-in-du-szu
36. asz2-ru nak-lu szu-bat pi-risz-ti sza mim-ma szum-szu szi-pir ni-kil-ti gi-mir pel-lu-de-e ni-s,ir-ti lal3-gar szu-ta-bu-lu qe2-reb-szu
37. sza ul-tu ul-la _lugal-mesz_-ni a-li-kut mah-ri _ad-mesz_-ia ul-la-nu-u-a be-lu-ut _kur_ asz-szur{ki} e-pu-szu-ma u2-ma-'e-ru ba-'u-lat {d}en-lil2
38. u3 szat-ti-szam la na-par-ka-a e-reb la nar-ba-a-ti _gun_ mal-ki kib-rat ar-ba-'i im-da-na-ah-ha-ru qe2-reb-szu
39. a-a-um-ma i-na lib-bi-szu2-nu a-na _e2-gal_ qer-bi-szu kum2-mu ri-mit be-lu-ti sza s,u-uh-hur szu-bat-su le-e-su ul i-da-a lib-bu-usz ul ih-su-us
40. a-na szu-te-szur _sila iri_ u3 szum-dul re-ba-a-ti ha-re-e _i7_ za-qa-ap s,ip-pa-a-ti u2-zu-un-szu2 ul ib-szi-ma ul usz-ta-bil ka-ras-su
41. ia-a-ti {disz}{d}en-zu-szesz-mesz-eri-ba _lugal kur_ asz-szur{ki} e-pesz szip-ri szu-a-tu ki-i t,e3-em _dingir-mesz_ i-na uz-ni-ia ib-szi-ma ka-bat-ti ub-lam-ma
42. te-ne-szet {kur}kal-di {lu2}a-ra-mu {kur}man-na-a-a {kur}qu-e u3 {kur}hi-lak-ku sza a-na ni-ri-ia la kit-nu-szu as-su-ha-am-ma tup-szik-ki u2-sza2-asz2-szi-szu2-nu-ti-ma il-bi-nu _sig4_
43. a-pe ku-pe-e sza qe2-reb {kur}kal-di ak-szit,-ma ap-pa-ri-szu2-un szam-hu-ti i-na ba-hu-la-ti na-ki-ri ki-szit-ti _szu-min_-ia u2-szal-di-da a-na e-pesz szip-ri-sza2
44. _e2-gal_ mah-ri-tu sza 3(disz) _me_ 1(gesz2) ina 1(disz) _kusz3 us2_ i-na tar-s,i za-me-e _e2_ ziq-qur-rat 1(gesz2) 2(u) ina 1(disz) _kusz3 dagal_ i-na tar-s,i {e2}na-ma-ri _e2 {d}1(u)-5(disz)_ 1(disz) _me_ 3(u) 4(disz) ina 1(disz) _kusz3 dagal_ i-na tar-s,i {e2}na-ma-ri _e2_-kid9-mu-ri 1(gesz2) 3(u) 5(disz) ina 1(disz) _kusz3 dagal_
45. sza _lugal-mesz_-ni a-li-kut mah-ri _ad-mesz_-ia a-na ri-mi3-ti be-lu-ti-szu2-un u2-sze-pi-szu-ma la u2-nak-ki-lu szi-pir-sza2
46. {i7}te-bil-ti a-gu-u2 szit-mu-ru sza i-na na-szi-sza2 ge-gu-ne2-e qa-bal-ti _iri_ u2-ab-bi-tu-ma ki-mah-hi-szu2-un nak-mu-ti u2-kal-li-mu {d}utu-szu2
47. u3 ul-tu _ud-mesz su3-mesz_ t,e-hi _e2-gal_ i-ba-'u-u2-ma i-na _illu_-sza2 gap-szi i-na usz-szi-sza2 ab-bu u2-szab-szu-u2 u2-ri-ib-bu tem-me-en-sza2
$ n lines broken
48'. _e2_ ap-pa-a-te tam-szil _e2-gal_ {kur}hat-ti sza i-na li-sza2-a-ni _kur mar-tu{ki} e2_ hi-la-a-ni i-sza2-as-su-szu a-na mul-ta-'u-u-ti be-lu-ti-ia u2-sze-pi-sza2 qe2-reb-szin
49'. 8(disz) _ur-mah-mesz_ pe-tan bir-ki szu-ta-tu-ti sza i-na 3(szar2) 1(gesz'u) _gun uruda_ nam-ru pi-ti-iq {d}nin-a2-gal szu-pu-szu ma-lu-u2 nam-ri-ri
50'. u3 2(disz) tim-me szu-ta-hu-ti sza 1(szar2) 4(gesz'u) gun_ pi-ti-iq si-par-ri szu-ub-bu-'u a-di 2(disz) tim-me _{gesz}eren gal-mesz ugu_ pirig3-gal-le-e u2-kin-ma dap2-pi ku-lul _ka2_-szi-in e-mid
51'. er-bet _udu_ szad-di _{d}lamma_ sza _ku3-babbar_ si-par-ri it-ti _udu_ szad-di _{d}lamma_ sza _na4 kur_-i esz-qi2 nak-lisz ab-ni-ma a-na er-bet-ti sza2-a-ri u2-sza2-as,-bi-ta _si-gar_-szi-in as-mu
52'. as-kup-pat {na4}pi-i-li rab-ba-a-ti da-ad2-me na-ki-ri ki-szit-ti _szu-min_-ia qe2-reb-szi-in e-si-ha a-sur-ru-szi-in u2-sza2-as-hi-ra a-na tab-ra-a-ti u2-sza2-lik
53'. _{gesz}kiri6-mah_-hu tam-szil {kur}ha-ma-nim sza gi-mir _szim hi-a gurun_ s,ip-pa-a-te _gesz-mesz_ tuk-lat _kur_-i u3 {kur}kal-di qe2-reb-szu hur-ru-szu i-ta-a-sza2 az-qu-up
54'. asz2-szu za-qa-ap s,ip-pa-a-ti _a-sza3_ ta-mir-ti e-le-en _iri 2(barig)-ta-am3_ a-na _dumu-mesz_ nina{ki} pil-ku u2-pal-lik-ma u2-szad-gi-la pa-nu-usz-szu2-un
55'. a-na mit,-ra-a-ti szum-mu-hi ul-tu pa-a-t,i {iri}ki-si-ri a-di ta-mir-ti _nina{ki} kur_-a u3 bi-ru-tu2 i-na ak-kul-la-te _an-bar_ u2-szat-tir-ma u2-sze-szir {i7}har-ru
56'. 1(disz) 1/2(disz) _danna_ qaq-qa-ru ul-tu qe2-reb {i7}hu-su-ur ma-a-me da-ru-u2-ti a-szar-sza2 u2-szar-da-a qe2-reb s,ip-pa-a-ti sza2-ti-na u2-szah-bi-ba pat-ti-isz
57'. ul-tu szip-ru _e2-gal_ be-lu-ti-ia u2-qat-tu-u u2-sza2-an-di-la re-ba-a-ti bi-re-e-ti su-qa-a-ni usz-par-du-ma u2-nam-mir _gim_ u4-me
58'. {d}asz-szur _en gal_-u2 _dingir-mesz_ u3 _{d}isz-tar-mesz_ a-szi-bu-ut _kur_ asz-szur{ki} i-na qer-be-sza2 aq-re _{udu}siskur-mesz_ tasz-ri-ih-ti aq-qi2-ma u2-szat-lim kad3-ra-a-a
59'. a-na ar2-kat3 u4-me i-na _lugal-mesz_-ni _dumu-mesz_-ia sza {d}asz-szur a-na _re-e2-um_-ut _kur_ u3 _ug3-mesz_ i-nam-bu-u zi-kir-szu2 e-nu-ma _e2-gal_ sza2-a-tu2 i-lab-bi-ru-ma en-na-hu
60'. an-hu-sa lu-ud-disz _mu-sar_-e szi-t,ir szu-me-ia li-mur-ma _i3-gesz_ lip-szu-usz _{udu}siskur_ liq-qi2 a-na asz2-ri-szu2 li-ter {d}asz-szur ik-ri-bi-szu2 i-szem-me

Archival view of P462810