CDLI-Archival View

Publication
Primary publication:	RINAP 3/1 Sennacherib 018 composite
Author:	Grayson, A. Kirk & Novotny, Jamie R.
Publication date:	2012
Secondary publication(s):
Citation:
Author remarks:
Published collation:
CDLI no.:	P462826
UCLA Library ARK	21198/z1xw5qg3
CDLI comments:

Source of original electronic files
Catalogue:	20140116 cdliadmin
Transliteration:	Grayson, A. Kirk & Novotny, Jamie R.
Translation:	no translation
Photo:	If not otherwise indicated, digital images were prepared in their current form by CDLI staff, in some cases with the kind assistance of collection staff. For terms of use, click here.
Line Art:	If not otherwise indicated, line art drawings prepared in their digital form by CDLI staff are to be credited to primary publication author(s).

Collection Information
Owner:
Museum no.:
Accession no.:
Acquisition history:

Text Content:
Genre:	Royal/Monumental
Sub-genre:	composite
Sub-genre remarks:
Composite no.:	Q003492
Language:	Akkadian

Physical Information
Object type:	other (see object remarks)
Material:	composite
Object remarks:	composite text
Measurements (mm):	x x
Object preservation:
Surface preservation:
Condition description:
Join information:
Seal no.:
Seal information:

Provenience:
Provenience:	Nineveh (mod. Kuyunjik)
Provenience remarks:
Excavation no.:
Findspot square:
Elevation:
Stratigraphic level:
Findspot remarks:

Chronology:
Period:	Neo-Assyrian (ca. 911-612 BC)
Period remarks:
Date of Origin:	Sennacherib.00.00.00
Dates referenced:	Sennacherib.00.00.00
Date remarks:
Alternative years:
Accounting period:

Unclear abbreviations? Can you improve upon the content of this page? Please contact us!

Composite text

surface a
$ beginning broken
1'. mi-gir _dingir-mesz gal-mesz_ na-s,ir kit-ti
2'. ra-'i-im mi-sza2-ri e-pisz u2-sa-a-ti
3'. a-lik tap-pu-ut a-ki-i
4'. sa-hi-ru dam-qa-a-ti
5'. et,-lum git2-ma-lum zi-ka-ru qar-du
6'. a-sza2-red kal mal-ki
7'. rap-pu la-'i-it, la ma-gi-ri
8'. mu-szab-ri-qu za-ma-a-ni
$ n lines broken
9'. x [...] sza {disz}{d}muati-en-mu-mesz
10'. {lu2}qi2-pi {iri}ha-ra-ra-ti _ku3-sig17 ku3-babbar_
11'. {gesz}mu-suk-kan-ni _gal-mesz ansze-mesz ansze-gam-mal-mesz_
12'. _gu4-mesz_ u3 s,e-e-ni ta-mar-ta-szu2
13'. ka-bit-tu am-hur ba-hu-la-ti {iri}hi-rim-me
14'. _{lu2}kur2_ ak-s,i i-na _{gesz}tukul-mesz_ u2-szam-qit-ma
15'. e-du ul e-zib pag-ri-szu-un
16'. i-na ga-szi-szi a-lul-ma
17'. si-hir-ti _iri_ u2-szal-me
18'. na-gu-u2 szu-a-tu a-na esz-szu-ti as,-bat
19'. 1(disz)-en _gu4 1(u) udu-nita2-mesz 1(u) ansze gesztin_
20'. _2(u) ansze zu2-lum-ma_ re-sze-te-szu2 a-na _dingir-mesz_-ni
21'. _kur_ asz-szur{ki} _en-mesz_-ia u2-kin da3-ri-szam
22'. i-na 2(disz)-e ger-ri-ia {d}asz-szur be-li2
23'. u2-tak-kil-an-ni-ma a-na _kur_ {lu2}kasz-szi-i
24'. u3 _kur_ {lu2}ia-su-bi-gal-la-a-a
25'. sza ul-tu ul-la a-na _lugal-mesz_-ni
26'. _ad-mesz_-ia la kit-nu-szu2 lu al-lik
27'. qe2-reb hur-sza2-a-ni zaq-ru-ti _a-sza3_ nam-ra-s,i
28'. i-na _ansze-kur-ra_ ar-kab-ma _{gesz}gigir giri3-min_-ia
29'. i-na ti-ik-ka-ti u2-sza2-asz2-szi
30'. asz2-ru szup-szu-qu i-na _giri3-min_-ia
31'. ri-ma-nisz at-tag-gesz {iri}e2-{disz}ki-lam-za-ah
32'. {iri}ha-ar-disz-pi {iri}e2-{disz}ku-bat-ti
33'. _iri-mesz_-ni-szu2-nu _e2 bad3-mesz_ dan-nu-ti
34'. al-me _kur_-ud _ug3-mesz ansze-kur-ra-mesz ansze-kunga-mesz_
35'. _ansze-mesz gu4-mesz_ u3 s,e-e-ni
36'. ul-tu qer-bi-szu2-un u2-sze-s,a-am-ma
37'. szal-la-tisz am-nu u3 _iri-mesz_-szu2-nu
38'. _tur-mesz_ sza ni-ba la i-szu-u2 ap-pul aq-qur
39'. u2-sze-me kar-mesz _e2 edin_ kul-ta-ri
40'. mu-sza2-bi-szu2-nu i-na {d}gesz-bar aq-mu-ma
41'. di-tal-lisz u2-sze-me u2-ter-ma
42'. {iri}e2-{disz}ki-lam-za-ah szu-a-tu
43'. a-na {iri}bir-tu-ti as,-bat _ugu_ sza2 u4-um pa-ni
44'. _bad3-mesz_-szu2 u2-dan-nin-ma _ug3-mesz kur-kur_
45'. ki-szit-ti _szu-min_-ia i-na lib3-bi u2-sze-szib
46'. _ug3-mesz kur_ {lu2}kasz-szi-i
$ n lines broken
47'. _e2_ ni-s,ir-ti-szu2 u2-masz-szir-ma
48'. a-na ru-qe2-e-ti in-na-bit gim-ri
49'. _kur_-szu2 _dagal_-tim ki-ma _muru9_ as-hu-up
50'. {iri}mar-u2-bisz-ti {iri}ak-ku-ud-du
51'. _iri-mesz_-ni _e2 lugal_-ti-szu2 a-di _3(u) 4(disz) iri-mesz tur-mesz_
52'. sza li-me-ti-szu2-nu al-me ak-szud{ud}
53'. ap-pul aq-qur i-na {d}gesz-bar aq-mu
54'. _ug3-mesz tur gal nita_ u3 _munus ansze-kur-ra-mesz_
55'. _ansze-kunga-mesz ansze-mesz ansze-gam-mal-mesz gu4-mesz_
56'. u3 s,e-e-ni a-na la mi-nam
57'. asz2-lu-lam-ma a-di la ba-szi-i
58'. u2-sza2-lik-szu-ma u2-s,a-ah-hir _kur_-su
59'. {iri}s,i-s,i-ir-tu {iri}ku-um-ma-ah-lum
60'. _iri-mesz_-ni dan-nu-ti a-di _iri-mesz tur-mesz_
61'. sza li-me-ti-szu2-nu {kur}e2-{disz}ba-ar-ru-u
62'. na-gu-u2 a-na gi-mir-ti-szu2
63'. ul-tu qe2-reb _kur_-szu2 ab-tuq-ma
64'. _ugu_ mi-s,ir _kur_ asz-szur{ki} u2-rad-di
65'. {iri}el-en-za-asz2 a-na _iri lugal_-u2-ti
66'. u3 dan-na-at na-ge-e szu-a-tu2 as,-bat-ma
67'. _mu_-szu2 mah-ra-a u2-nak-kir-ma
68'. {iri}kar_-{disz}{d}suen-szesz-mesz_-eri-ba
69'. at-ta-bi ni-bit-su _ug3-mesz kur-kur_ ki-szit-ti _szu-min_-ia
70'. i-na lib3-bi u2-sze-szib i-na _szu-min_
71'. {lu2}szu-ut _sag_-ia _{lu2}en-nam_ {iri}har-har
72'. am-nu-ma u2-rap-pisz ma-a-ti
73'. i-na ta-a-a-ar-ti-ia
74'. [...] x x [...]
$ n lines broken
75'. _lugal_ {iri}is-qa-al-lu-na sza la ik-nu-szu2
76'. a-na ni-ri-ia _dingir-mesz e2 ad_-szu2 sza2-a-szu2
77'. _dam_-su _dumu-mesz_-szu2 _dumu-munus-mesz_-szu2 _szesz-mesz_-szu2
78'. _numun e2 ad_-szu2 as-su-ha-am-ma a-na _kur_ asz-szur{ki}
79'. u2-ra-asz2-szu2 {disz}lugal-lu-da3-ri _dumu_ {disz}ru-kib-ti
80'. _lugal_-szu-nu mah-ru-u2 _ugu ug3-mesz_
81'. {iri}is-qa-al-lu-na asz2-kun-ma
82'. na-dan _gun_ kad3-re-e be-lu-ti-ia
83'. e-mid-su-ma i-sza2-a-at, ab-sza2-a-ni
84'. i-na me-ti-iq ger-ri-ia {iri}e2-da-gan-na
85'. {iri}ia-ap-pu-u2 {iri}ba-na-a-a-bar-qa
86'. {iri}a-zu-ru _iri-mesz_-ni sza {disz}s,i-id-qa-a
87'. sza a-na _giri3-min_-ia ar2-hisz la ik-nu-szu2
88'. al-me _kur_-ud asz2-lu-la szal-la-su-un
89'. _{lu2}szagina-mesz {lu2}nun-mesz_ u3 _ug3-mesz_ {iri}am-qar-ru-na
90'. x [...]
$ n lines broken
91'. _{lu2}en {gesz}gigir-mesz_ u3 _dumu-mesz lugal_ {kur}mu-s,u-ra-a-a
92'. a-di _{lu2}en {gesz}gigir-mesz_ sza _lugal_ {kur}me-luh-hi
93'. bal-t,u-su-un i-na _murub4_ tam-ha-ri ik-szu-da _szu-min_-a-a
94'. {iri}al-ta-qu-u {iri}ta-am-na-a al-me _kur_-ud asz2-lu-la szal-la-sun2
95'. a-na {iri}am-qar-ru-na aq-rib-ma
96'. _{lu2}szagina-mesz {lu2}nun-mesz_ sza hi-it,-t,u
97'. u2-szab-szu-u2 a-duk-ma i-na di-ma-a-ti
98'. si-hir-ti _iri_ a-lul pag-ri-szu2-un
99'. _dumu-mesz iri_ e-pisz an-ni u3 gil2-la-ti
100'. a-na szal-la-ti am-nu si-it-tu-te-szu2-nu
101'. la ba-bil hi-t,i-ti u3 gul-lul-ti
102'. sza a-ra-an-szu2-nu la ib-szu-u2
103'. usz-szur-szu2-un aq-bi {disz}pa-di-i _lugal_-szu2-nu
104'. ul-tu qe2-reb {iri}ur-sa-li-im-mu
105'. u2-sze-s,a-am-ma i-na _{gesz}gu-za_ be-lu-ti
106'. _ugu_-szu2-un u2-sze-szib-ma man-da-at-tu
107'. be-lu-ti-ia u2-kin s,e-ru-usz-szu2
108'. u3 {disz}ha-za-qi-a-u2 {kur}ia-u2-da-a-a
109'. sza la ik-nu-szu a-na ni-ri-ia
110'. _4(u) 6(disz) iri-mesz_-szu2 dan-nu-ti _e2 bad3-mesz_
111'. u3 _iri-mesz tur-mesz_ sza li-me-ti-szu2-nu
112'. sza ni-ba la i-szu-u2 i-na szuk-bu-us
113'. a-ram-me u3 qit-ru-ub szu-pi-i
114'. mit-hu-us, zu-uk _giri3-min_ pil-szi nik-si
115'. u3 kal-ban-na-te al-me _kur_-ud
116'. _2(disz) me lim 1(disz) me 5(u) ug3-mesz tur gal nita_ u3 _munus_
117'. _ansze-kur-ra-mesz ansze-kunga-mesz ansze-mesz ansze-gam-mal-mesz_
118'. _gu4-mesz_ u3 s,e-e-ni sza la ni-bi
119'. ul-tu qer-bi-szu2-un u2-sze-s,a-am-ma
120'. szal-la-tisz am-nu sza2-a-szu2 _gin7 muszen_ qu-up-pi
121'. qe2-reb {iri}ur-sa-li-im-mu _iri lugal_-ti-szu2
122'. e-sir2-szu2 _{iri}hal-s,u-mesz ugu_-szu2 u2-rak-kis-ma
123'. a-s,e-e _abul iri_-szu2 u2-ter-ra ik-ki-bu-usz
124'. _iri-mesz_-szu2 sza asz2-lu-la ul-tu qe2-reb _kur_-szu2
$ n lines broken
125'. i-na 4(disz)-e ger-ri-ia {d}asz-szur be-li2
126'. u2-tak-kil-an-ni-ma um-ma-na-ti-ia
127'. gap-sza2-te ad-ke-ma a-na {kur}e2-{disz}ia-kin7
128'. a-la-ku aq-bi i-na me-ti-iq ger-ri-ia
129'. sza {disz}szu-zu-bi {lu2}kal-da3-a-a a-szib qe2-reb {i7}a-gam-me
130'. i-na {iri}bi-it-tu-u2-tu asz2-ta-kan _bad5-bad5_-szu2
131'. szu-u2 hur-ba-szu2 ta-ha-zi-ia _ugu_-szu2
132'. im-qut-ma it-ru-ku lib-bu-szu2
133'. ki-ma az-za-ri e-disz ip-par-szid-ma
134'. ul in-na-mir a-szar-szu2 pa-an ni-ri-ia
135'. u2-ter-ma a-na {kur}e2-{disz}ia-kin7 as,-s,a-bat
136'. har-ra-nu szu-u2 {disz}{d}marduk-ibila-szum2-na
137'. sza i-na a-lak ger-ri-ia mah-re-e
138'. _bad5-bad5_-szu2 asz2-ku-nu-ma u2-par-ri-ru el-lat-su
139'. ri-gim _{gesz}tukul-mesz_-ia dan-nu-ti
140'. u3 ti-ib ta-ha-zi-ia ez-zi
141'. e-dur-ma _dingir-mesz_ ma-rak _kur_-szu2 ina _ki-tusz_-szu2-nu
142'. id-ke-ma qe2-reb _{gesz}ma2-mesz_ u2-szar-kib-ma
143'. a-na {iri}na-gi-ti-raq-qi2 sza _murub4_ tam-tim
144'. is,-s,u-risz ip-pa-risz _szesz-mesz_-szu2 _numun e2 ad_-szu2
145'. sza u2-masz-szi-ru a-hi tam-tim a-di si-it-ti
146'. _ug3-mesz kur_-szu2 ul-tu {kur}e2-{disz}ia-kin7
147'. qe2-reb {i7}a-gam-me u ap-pa-ra-a-ti
148'. u2-sze-s,a-am-ma szal-la-ti-isz am-nu
149'. u2-ter-ma _iri-mesz_-szu2 ap-pul aq-qur
150'. u2-sze-me kar-mesz _ugu en_ sa-li-me-szu2
151'. _lugal {kur}elam-ma{ki}_ na-mur-ra-tum at-bu-uk
152'. i-na ta-a-a-ar-ti-ia {disz}asz-szur-na-din_-mu_
153'. _dumu_ resz-tu-u2 tar-bit bir-ki-ia
154'. i-na _{gesz}gu-za_ be-lu-ti-szu2 u2-sze-szib-ma
$ n lines broken
155'. {iri}sza2-ru-um {iri}e-za-ma {iri}kib-szu2 {iri}hal-bu-da
156'. {iri}qu-u-a {iri}qa-na sza _gin7_ qin-ni _ti8{muszen}_ a-sza2-red
157'. _muszen-hi-a_ s,e-er zuq-ti {kur}ni-pur _kur_-i mar-s,i
158'. szu-bat-sun2 szit-ku-na-at-ma la kit-nu-szu2 a-na ni-ri
159'. i-na _giri3-min_ {kur}ni-pur ka-ra-szi u2-sza2-asz2-kin-ma
160'. it-ti {lu2}qur-bu-ti _giri3-min_-ia na-as-qu-ti
161'. u3 _{lu2}erin2-mesz_ ta-ha-zi-ia la ga-me-lu-ti
162'. a-na-ku _gin7 am_ ek-di pa-nu-usz-szu-un as,-bat
163'. [...] x [...]
$ n lines broken
164'. x [...]
165'. i-na _szu-si-mesz_ hur-sza2-a-ni ar-de-szu2-nu-ti-ma
166'. asz2-ta-kan tah-ta-szu2-un _iri-mesz_-szu2-nu _kur_-ma
167'. asz2-lu-la szal-la-su-un ap-pul aq-qur
168'. i-na {d}gesz-bar aq-mu pa-an ni-ri-ia
169'. u2-ter-ma s,e-er {disz}ma-ni-ia-e
170'. _lugal_ {iri}uk-ki szad-da-a-a-e la kan-sze
171'. as,-s,a-bat har-ra-nu ur-hi la pe-tu-ti
172'. t,u-di pa-asz2-qu-ti sza la-pa-an _kur-mesz_
173'. mar-s,u-ti ul-la-nu-u2-a qe2-reb-szu2-un
174'. ma-am-man la il-li-ku _lugal-mesz_ pa-ni mah-ru-ti
$ n lines broken
175'. [...] x [...]
176'. szum-man-nu u3 bi-re-tu _an-bar_ ad-di-szu-ma
177'. a-na _kur_ asz-szur{ki} u2-ra-asz2-szu2 _lugal {kur}elam-ma{ki}_
178'. sza _a2-min_-szu2 is-hu-ru-ma il-li-ku
179'. re-s,u-su _bad5-bad5_-szu2 asz2-kun _illat-mesz_-szu2
180'. u2-sap-pi-ih-ma u2-par-ri-ir pu-hur-szu2
181'. i-na 7(disz)-e ger-ri-ia {d}asz-szur be-li2
182'. u2-tak-kil-an-ni-ma a-na {kur}e-lam-ti
183'. lu al-lik {iri}e2-{disz}ha-'i-i-ri {iri}ra-s,a-a
184'. _iri-mesz_-ni sza mi-s,ir _kur_ asz-szur{ki}
185'. sza i-na tar-s,i _ad_-ia e-la-mu-u2
186'. e-ki-mu da-na-nisz i-na me-ti-iq
187'. ger-ri-ia _kur_-ud-ma asz2-lu-la szal-la-sun2
188'. _{lu2}erin2-mesz_ szu-lu-ti-ia u2-sze-rib
189'. qe2-reb-szu2-un a-na mi-s,ir _kur_ asz-szur{ki}
190'. u2-ter-ram-ma _szu-min {lu2}gal_ {iri}hal-s,u
191'. bad3-dingir{ki} am-nu {iri}bu-be2-e
192'. {iri}dun-ni-{d}utu {iri}e2-{disz}ri-si-ia
193'. {iri}e2-ah-la-me-e {iri}du-ru
194'. {iri}dan-nat-{disz}su-la-a-a {iri}szi-li-ib-tu
195'. {iri}e2-{disz}a-s,u-si {iri}kar-{disz}numun-ba-sza2
196'. {iri}e2-{disz}gi-is,-s,i {iri}e2-{disz}kat3-pa-la-ni
197'. {iri}e2-{disz}im-bi-ia {iri}ha-ma-nu
198'. {iri}e2-{disz}ar-ra-bi {iri}bu-ru-tu
199'. {iri}di-in-tu-sza-{disz}su-la-a-a
200'. {iri}di-in-tu-sza-{disz}{d}dumu-e2-kar-ir
201'. {iri}har-ri-asz2-la-ke-e {iri}rab-ba-a-a
202'. {iri}ra-a-su {iri}ak-ka-ba-ri-na
203'. {iri}du6-{disz}u2-hu-ri {iri}ha-am-ra-nu
204'. {iri}na-di-tu a-di _iri-mesz_ sza ne2-re-bi
205'. sza {iri}e2-bu-na-ki {iri}du6-{d}hu-um-bi
206'. {iri}di-in-tu-sza-{disz}du-me-dingir
207'. {iri}e2-{disz}u2-bi-ia {iri}bal-ti-li-szir
208'. {iri}ta-qab-li-szir {iri}sza-na-qi-da-ti
209'. {iri}ma-su-tu2-szap-li-tu2 {iri}sa-ar-hu-de-ri
210'. {iri}a-lum-sza-gaszan-e2 {iri}e2-{disz}pap-mesz-szum2-na
$ n lines broken
211'. x x [...]
212'. isz-me-ma ki-szit-ti _iri-mesz_-szu2 {disz}nig2-du-{d}na-hu-un-du
213'. {lu2}e-la-mu-u2 im-qut-su hat-tum
214'. si-it-ti _iri-mesz_-szu2 a-na dan-na-a-ti u2-sze-rib
215'. szu-u2 {iri}ma-dak-ti _iri lugal_-ti-szu2 e-zib-ma
216'. a-na {iri}ha-i-da-la sza qe2-reb szad-di-i _su3-mesz_
217'. is,-s,a-bat har-ra-nu a-na {iri}ma-dak-ti _iri lugal_-ti-szu2
218'. a-la-ku aq-bi {iti}tam-hi-ri _en-te-na_ dan-nu
219'. e-ru-ba-am-ma sza2-mu-tum ma-at-tum u2-sza2-az-ni-na
220'. _szeg3-mesz_-sza2 _szeg3-mesz_ u3 szal-gu [...]
221'. [...] x [...] x [...]
$ n lines broken
222'. sza dun-ni e-ri-ia-ti pa-an _an_-e
223'. rap-szu-ti ka-ti-im el-la-mu-u2-a
224'. i-na {iri}ha-lu-le-e sza ki-szad {i7}idigna
225'. szit-ku-nu si-dir-ta pa-an masz-qi2-ia
226'. s,ab-tu-ma u2-sza2-'a-lu _{gesz}tukul-mesz_-szu2-un
227'. a-na-ku a-na {d}asz-szur {d}sin _{d}utu {d}en {d}muati_
228'. {d}u-gur {d}inanna sza nina{ki} {d}inanna sza {iri}limmu2-dingir
229'. _dingir-mesz_ ti-ik-li-ia a-na ka-sza2-di
230'. _{lu2}kur2_ dan-ni am-hur-szu2-nu-ti-ma
231'. su-pe-e-a ur-ru-hi-isz isz-mu-u2
232'. il-li-ku re-s,u-ti la-ab-bisz
233'. an-na-dir-ma at-tal-bi-sza2 si-ri-ia-am
234'. hu-li-ia-am si-mat s,i-il-te a-pi-ra
235'. ra-szu-u2-a i-na _{gesz}gigir_ ta-ha-zi-ia
236'. s,ir-ti sa-pi-na-at za-'i-i-ri
237'. i-na ug-gat lib-bi-ia ar-ta-kab ha-an-t,isz
238'. _{gesz}pan_ dan-na-tum sza {d}asz-szur u2-szat-li-ma
239'. i-na _szu-min_-ia as,-bat {gesz}szil-ta-hu pa-ri-i'
240'. nap-sza2-ti at-muh rit-tu-u-a
241'. s,e-er gi-mir um-ma-na-ti na-ki-ri
242'. lem-nu-ti u4-mi3-isz s,ar-pisz al-sa-a
243'. _gin7_ {d}iszkur asz2-gu-um i-na qi2-bit {d}asz-szur
244'. _en gal en_-ia a-na szid-di u pu-ti _gin7_
245'. ti-ib me-he-e szam-ri a-na _{lu2}kur2_ a-zi-iq
246'. i-na _{gesz}tukul-mesz_ {d}asz-szur _en_-ia u3
247'. ti-ib ta-ha-zi-ia ez-zi i-rat-su-un
248'. a-ne2-e'-ma suh-hur-ta-szu2-nu
249'. asz2-kun _erim-hi-a_ na-ki-ri i-na us,-s,i
250'. mul-mul-li u2-sza2-qir-ma
251'. gim-ri _adda-mesz_-szu2-nu u2-pal-li-sza2
252'. _u4_-zi-zi-isz {disz}{d}hu-um-ban-un-da-sza2 [...]
$ n lines broken
253'. [...] u3-mun-ni-szu2-nu u2-szar-da-a
254'. s,e-er er-s,e-ti sza2-di-il-ti
255'. [...] x? x x x
$ n lines broken
256'. [...] x x x x?
257'. u2-na-kis-ma bal-ta-szu2-un a-bu-ut ki-ma bi-ni qisz-sze-e
258'. si-ma-ni u2-na-kis qa-ti-szu2-un
259'. _har-mesz_ as-pi _ku3-sig17 ki-sag_ eb-bi
260'. sza2 rit-ti-szu2-nu am-hur i-na nam-s,a-ri
261'. zaq-tu-ti hu-s,a-an-ni-szu2-nu u2-par-ri-i'
262'. _gir2-mesz_ szib-bi _ku3-sig17 ku3-babbar_ sza2 _murub4-mesz_-szu2-nu e-kim
263'. si-it-ti _{lu2}gal-mesz_-szu2 a-di {disz}{d}muati-mu-gar-un
264'. _dumu_ {disz}{d}marduk-ibila-szum2-na sza la-pa-an _me3_-ia
265'. ip-la-hu id-ku-u2 _a2-min_-szu2-un bal-t,u-su-un
266'. i-na _murub4_ tam-ha-ri it-mu-ha _szu-min_-a-a
267'. _{gesz}gigir-mesz_ a-di _ansze-kur-ra-mesz_-szi-na sza i-na qit-ru-ub
268'. ta-ha-zi dan-ni ra-ki-bu-szin de-ku-ma
269'. u3 szi-na musz-szu-ra-ma ra-ma-nu-usz-szin
270'. it-ta-na-al-la-ka mit-ha-risz u2-ter-ra
$ n lines broken
271'. [...] _iri_ x x
272'. [...] sza ul?-tu _u4-mesz_
273'. _su3-mesz_ [...] s,u-uh-hu-rat szu-bat-su
274'. [...] sza 3(disz) _me_ 3(u)
275'. i-na _1(disz) kusz3 usz_ x x x i-na _1(disz) kusz3 sag-ki_
276'. ma-ra-ku szit-ku-na-at-ma la nu-ku-lat e-pisz-tasz
277'. [...] qa?-bal?-ti _iri_ u2-s,u-u2
278'. [...]-x-du-u2? usz-sze-sza2
279'. [...] a-na ar-ke-e-sza2
280'. [...]-u2 i-na _illu_-sza2 gap-szi
281'. [...] x x-tu _ug3-mesz_ a-szib
282'. [...]-hu szat-ti-szam _iri dingir-mesz_
283'. [...] a-szar _lugal-mesz_-ni _ad-mesz_-ia
284'. _gun?_ mal-ki? kib-ra-a-ti im-da-na-ha-ru
285'. qe2-reb-szu [...] x gi-mir ad-na-a-ti
286'. [...]-me? da-na-ni sza _dingir-mesz_
287'. [...] szug-lu-du szat-ti-szam
288'. [...] a-na qe2-reb nina{ki}
289'. _iri?_ be-lu-ti-ia? i-bab-ba-lu-ni man-da-ta-szu2-nu
290'. [...] _iri_ s,e-eh-ru
291'. [...] x pi-i x x-ki-szu2
292'. [...]-a-ti _iri_ ma-lu-u2
293'. [...] _x-mesz_ szit-ku-na
294'. [...] a-na a-tal-lu-ki la t,a-bu
295'. [...]-mu-u2 i-ta-at _iri_
296'. [...] x-bu u3 sza2-am-mu
297'. [...] sza ina la ma-a-me szu-lu-ka na-mu-ta
298'. [...] sza2-ta-ta qe2-e et-tu-tu
299'. [...] i-na e-bi-hi rak-su-ma
300'. [...] u2-szu-zu i-ta-ti-szu2
301'. [...]-s,a-bu la i-ba-szu-u2
302'. [...] szab-bur-ti _sag iri_
303'. [...] sa?-ra-bu u3 s,u-mu
304'. [...] ze-ri pu-qut-tu
305'. [...] x-sza2 et,-lum
306'. [...] e-lu-u2 e-li-sza2
307'. [...] a-na masz-ti-ti-szu2
308'. [...] ni-iz-mat-su
309'. [...] sza i-na
310'. [...] x
311'. [...] x
312'. [...]
313'. [...] _u4_
314'. [...]-u2
315'. [...] _kur-mesz_
316'. [...] x-li
317'. [...] is?-pu-nu
318'. [...]-u2
$ n lines broken
319'. x x x [...]
320'. [...] _ad_ [...]
321'. x x-ti-szu2-un [...] _lugal-mesz_-ni
322'. a-li-kut mah-ri _ad-mesz_-ia sza ul-tu u4-me
323'. ul-lu-ti ul-la-nu-u2-a be-lu-ut _kur_ asz-szur{ki}
324'. e-pu-szu-ma u2-ma-'e-ru ba-'u-lat {d}en-lil2
325'. a-a-um-ma i-na lib3-bi-szu2-nu a-na e-pesz?
326'. _e2-gal_ s,i-ir-ti [...]
327'. u3 szum-dul6? szu-bat _iri_ [...]
328'. u3 x [...]
329'. x x x [...]
$ n lines broken
330'. qaq-qa-ru at-ru [...]
331'. i-na _ugu 3(disz) me n_ ina _1(disz) kusz3 usz_
332'. _n me 1(gesz2) 2(u)_ i-na _1(disz) kusz3 sag-ki_ [...]
333'. lu u2-rad-di a-na _9(disz) me n_ i-na _1(disz) kusz3? gal_-ti? _usz_
334'. u3 _n me 1(gesz2)_ i-na _1(disz) kusz3 gal_-ti?
335'. _sag-ki_ szi-kit-ti _e2-gal_ u2-ter-ma szu-bat-sa usz-rab-bi
336'. _1(disz) me 1(gesz2) 3(u)_ ti-ib-ki a-na e-la-ni tam-la-a?
337'. usz-mal-li s,e-ru-usz-szu2 [...]
338'. sza i-na kib-rat ar-ba-'i [...]
339'. a-na mu-szab be-lu-ti-ia ina? _murub4? iri?_
340'. sza nina{ki} esz-szisz ab-ni [...]
341'. _ugu_ sza u4-um pa-ni usz-rab-bi [...]
342'. u2-sze-pisz-ma u2-zaq-qir hur-sza2-nisz
343'. sze-hi-ni-tu-szu2 sza a-gur2-ri [...]
344'. i-na szi-pir _{lu2}szitim-gal_-le-e en-qu-ti
345'. u2-sze-pisz nak-lisz asz2-szu2 i-na _szeg3-mesz?_
346'. u3 szal-gi usz-sze-szu2 la? e-ne2-szi?
347'. ki-su-szu2 i-na {na4}pi-i-li _gal-mesz_ u2-sze-pi-sza2?
348'. u2-dan-nin szu-pu-uk-szu _1(disz) me_ ina _1(disz) kusz3 gal_-tim
349'. ha-ri-s,u-usz usz-rap-pisz [...]
350'. ma-da-x [...]
351'. x [...]
$ n lines broken
352'. x x x x x sza _bad3?_-szu2 _gal_ bad3-ni2-gal-bi-lu2-kur2-ra-szu2-szu2
353'. du-u2-ru sza nam-ri-ru-szu
354'. na-ki-ri sah-pu s,e-er {na4}pi-i-li
355'. tem-me-en-szu2 ad-di-ma _4(u) sig4_ i-na na-al-ban-ia
356'. _gal_-i u2-kab-bir-szu2 a-na e-lisz a-di szap-la-nisz
357'. na-bur-ri-szu2 a-na _3(u) 9(disz) sig4_ u2-ter-ma
358'. i-na _3(disz) usz 2(u)_ ti-ib-ki _sig4_ sza szi-zu-u2
359'. mu-bu-sza2 e-la-nisz a-di pa-as2-qi2-szu2 re-szi-szu2
360'. ul-li-ma u2-zaq-qir-szu2 hur-sza2-nisz
361'. a-na er-bet-ti sza2-a-ri _1(u) 8(disz) abul-mesz_
362'. pa-nu u3 ar-ka i-na s,i-li ki-lal-la-an
363'. a-na e-re-bi u3 a-s,e-e u2-szap-ta-a
364'. qe2-reb-szu2 {d}szar2-ur4 mu-szam-qit a-a-ab _lugal_
365'. _abul_ ha-an-du-ri lil-bur _ensi2_ {d}asz-szur
366'. _abul_ {d}asz-szur sza _{iri}sza3-iri_ sa-pi-in gi-mir na-ki-ri
367'. _abul {disz}{d}suen-szesz-mesz-su_ sza {kur}hal-zi
368'. {d}en-lil2 mu-kin _bala_-ia _abul {d}utu_ sza {kur}ga-gal
369'. sza2 {disz}{d}suen-szesz-mesz-su it-ti man-zal-ti e-req-qi2
370'. li-kun _bala_-szu2 _abul {d}nin-lil2_ sza {iri}kar-{d}nin-lil2
371'. mu-sze-s,a-at _uzu azag2 abul_ musz-la-lum
372'. du-muq {d}asz2-na-an u {d}lahar qe2-reb-sza2 ka-a-a-an
373'. _abul_ {iri}szi-ba-ni-ba ba-bi-lat hi-s,ib hur-sza2-a-ni
374'. _abul_ {kur}ha-lah2-hi _szunigin 8(disz) abul-mesz {d}utu-e3_
375'. me2-eh-ret szu-u2-ti u sza2-di-i az-ku-ra
376'. ni-bit-si-in {d}iszkur sza2-rik _he2-gal2_ a-na _kur_
377'. _abul_ {d}iszkur sza am-ba-si {d}er3-ra mu-szam-qit
378'. a-a-bi-ia _abul_ {d}u-gur sza {iri}tar-bi-s,i
379'. _{d}nanna_-ru mu-kin a-ge-e be-lu-ti-ia
380'. _abul_ {d}sin {d}e2-a mu-sze-szir kup3-pi-ia
381'. _abul_ ma-as-qe2-e li-bur e-pi-is?-sa?
382'. musz-la-lum sza _e2-gal {d}igi-sig7-sig7_
383'. mu-szam-me-eh s,ip-pa-ti musz-la-lum sza _{gesz}kiri6_
384'. mu-sze-ri-bat mi-szir3-ti da-ad2-me
385'. _abul_ ka-a-ri lu da-ri ba-nu-sza2
386'. musz-la-lum _e2-gal_ ma-szar-ti {d}a-nu-um
387'. na-s,ir na-pisz-ti-ia _abul_ pil-ku {kur}bar-hal-zi
388'. kad3-re-e {lu2}te-e-me u {lu2}su-mu-'e-el3
389'. qe2-reb-sza2 ir-ru-ub _abul_ mad-ba-ri
390'. _szunigin 1(u) abul-mesz_ sza me2-eh-ret il-ta-ni
391'. u3 a-mur-ri at-ta-bi zi-kir-szi-in
392'. sza szal-hi-i bad3-nig2-erim2-hu-luh-ha
393'. mu-gal-lit za-ma-a-ni usz-sze-szu2 ap-te-e-ma
394'. x x x le e u i x [...]
395'. ma-da-ti? ku x [...]
396'. a-di _ugu a-mesz_ u2-sza2-ak-szid? _4(u) 5(disz)? ninda?_ qe2-reb?
397'. ma-a-me u2-szap-pil-ma szap-la-a-nu
398'. _na4 kur_-i dan-nu ak-si-ma e-la-nisz a-di pa-as2-qi2-szu2
399'. i-na {na4}pi-i-li _gal-mesz_ u2-nak-kil szi-pir-szu
400'. sza _nina{ki} iri_ be-lu-ti-ia szu-bat-su
401'. usz-rab-bi 5(u) 2(disz) i-na _1(disz) kusz3 gal_-tim su-qi2-szu
402'. me-ti-iq ger-ri _lugal_ u2-sza2-an-dil-ma
403'. u2-nam-mir _gin7_ u4-me [...]
$ n lines broken
404'. {iri}ki-si-ri a-di ta-mir-ti nina{ki} _kur_-a?
405'. u3 bi-ru-tu2? ina ak-kul-la-te _an-bar_ u2-szat-tir-ma
406'. u2-sze-szir {i7}har-ru _a-mesz_ {i7}hu-su-ur da-risz
407'. s,e-er ta-mir-ti nina{ki} u2?-kin?-na-ma qe2-reb _{gesz}kiri6-mesz_
408'. _edin_ sza2-ab-bur-ti? u2-szah-bi-ba a-tap-pisz
409'. [...]-x-a?-ti {iri}gi-ir-mu-a
410'. [...]-x-tu2 {iri}a-lum-la-bir
411'. [...] sza ul-tu ul-la
412'. [...] x-ur i-szat-tu-u
413'. [...] i-szat-tu-u2
414'. [...] ma-szar-tu
415'. [...] gal?-lisz
$ n lines broken
416'. x x [...]
417'. _ug3-mesz_ a-szi?-bu-ut [...]
418'. ne2-su-u2 x [...]
419'. ka-a-a-na x [...]
420'. 6(disz) _me {sze}numun_ asz2-na-an u {d}nisaba e-li _iri_
421'. u3 _ki-ta iri_ u2-sza2-an-kar szat-ti-szam
422'. a-na szup-szu-uh a-lak-ti _a-mesz_ szu-nu-ti {i7}a-gam-mu
423'. u2-szab-szi-ma s,u-s,u-u2 qe2-reb-sza2 as-ti-il
424'. _igira2{muszen}-mesz szah2-mesz {gesz}gi_ a-lap qi2-szi
425'. i-na lib3-bi u2-masz-szir i-na t,e3-em _dingir_-ma
426'. qe2-reb _{gesz}kiri6-mesz edin_ sza2-ab-bur-ti _gesztin_ gi-mir _gurun_
427'. {gesz}se-er-du _szim-hi-a_ ma-gal isz-mu-hu _{gesz}szur-min3 {gesz}mes-ma2-kan-na_
428'. nap-har _gesz-mesz_ i-szi-hu-ma u2-s,ar-ri-szu2
429'. pa-pa-al-lum ap-pa-ra-a-ti ma-gal i-szi-ra
430'. _muszen an_-e _igira2{muszen}_ sza a-szar-szu2 ru-u2-qu
431'. qin-na iq-nun-ma _szah2-mesz {gesz}gi_ a-lap qi2-szi
432'. u2-rap-pi-szu2 ta-lit-tu _{gesz}mes-ma2-kan-na {gesz}szur-min3_
433'. tar-bit s,ip-pa-a-ti _gi ambar-mesz_ sza qe2-reb {i7}a-gam-me
434'. ak-szit,-ma a-na szip-ri hi-szih-ti _e2-gal-mesz_
435'. be-lu-ti-ia lu e-pu-usz [...]
436'. ki-lal-la-an ah-[...]
437'. isz-mu-ha qe2-reb [...]
438'. i-mi-du asz2-na-an? [...]
439'. ul-tu szip-ri _e2-gal_-ia u2-qat-tu-u2
440'. {d}asz-szur _en gal_-u2 _dingir-mesz_ u3 _{d}isz-tar-mesz_
441'. a-szi-bu-ut _kur_ asz-szur{ki} i-na qer-bi-sza2 aq-re-ma
442'. _{udu}siskur-mesz_ tasz-ri-ih-te aq-qi2-ma
443'. u2-szat-lim kad3-ra-a-a _i3-gesz_ {gesz}ser2-di
444'. u3 hi-bi-isz-ti u2-raq-qa-a a-na ru-usz-ti
445'. i-na tasz-ri-it _e2-gal_ sza ba-hu-la-te _kur_-ia
446'. u2-sza2-asz2-qa-a muh-ha-szi-in _gesztin_ du-usz-szu-pu
447'. s,ur-ra-szi-in am-kir [...]
$ n lines broken
448'. [...] x
449'. [...] pa?-ni-szu2
450'. [...] x-asz2-szu2-ni
451'. [...] x-ut-tu
452'. [...]-lu? _e2-gal_
453'. [...] i-szu-u2
454'. [...] _ug3-mesz iri-mesz_
455'. [...] x la-ban ap-pi
456'. [...] x a-na nina{ki}
457'. [...]-ti i-na bi-rit
458'. [...]-ki-i sza ina qe2-reb
459'. [...] har?-ra?-na i-szad-di-hu
460'. [...] t,a?-bisz u2-s,a-nu
461'. [...] x-szu2-un a-na ar2-kat3
462'. _u4-mesz_ i-na _lugal-mesz_-ni _dumu-mesz_-ia sza {d}asz-szur
463'. a-na _re-e2-um kur_ u3 _ug3-mesz_ i-nam-bu-u
464'. zi-kir-szu2 e-nu-ma _bad3_ sza2-a-tu2 i-lab-bi-ru-ma
465'. en-na-hu an-hu-us-su lu-ud-disz
466'. _mu-sar_-e szi-t,ir szu-me-ia li-mur-ma
467'. _i3-gesz_ lip-szu-usz _{udu}siskur_ liq-qi2
468'. a-na asz2-ri-szu2 lu-ter {d}asz-szur
469'. u3 {d}isz-tar ik-ri-bi-szu2 i-szem-mu-u2

Archival view of P462826