CDLI-Archival View

Publication
Primary publication:	RINAP 4 Esarhaddon 003 composite
Author:	Leichty, Erle V.
Publication date:	2011
Secondary publication(s):
Citation:
Author remarks:
Published collation:
CDLI no.:	P462853
UCLA Library ARK	21198/z1fr1289
CDLI comments:

Source of original electronic files
Catalogue:	20140117 cdliadmin
Transliteration:	Leichty, Erle V. & Novotny, Jamie R.
Translation:	no translation
Photo:	If not otherwise indicated, digital images were prepared in their current form by CDLI staff, in some cases with the kind assistance of collection staff. For terms of use, click here.
Line Art:	If not otherwise indicated, line art drawings prepared in their digital form by CDLI staff are to be credited to primary publication author(s).

Collection Information
Owner:
Museum no.:
Accession no.:
Acquisition history:

Text Content:
Genre:	Royal/Monumental
Sub-genre:	composite
Sub-genre remarks:
Composite no.:	Q003232
Language:	Akkadian

Physical Information
Object type:	other (see object remarks)
Material:	composite
Object remarks:	composite text
Measurements (mm):	x x
Object preservation:
Surface preservation:
Condition description:
Join information:
Seal no.:
Seal information:

Provenience:
Provenience:	Nineveh (mod. Kuyunjik)
Provenience remarks:
Excavation no.:
Findspot square:
Elevation:
Stratigraphic level:
Findspot remarks:

Chronology:
Period:	Neo-Assyrian (ca. 911-612 BC)
Period remarks:
Date of Origin:	Esarhaddon.00.00.00
Dates referenced:	Esarhaddon.00.00.00
Date remarks:
Alternative years:
Accounting period:

Unclear abbreviations? Can you improve upon the content of this page? Please contact us!

Composite text

surface a
$ beginning broken
1'. [...] x? x x x x?
2'. [...] u2-rab-bu-x
3'. [...]-ti-szu2 iq-bu-szu2
4'. [...] x il-lik-u-ma
5'. [...] x-szi-bu
6'. [...] x-al
7'. [...]-mu-u2
8'. [...] im-ha-as,
9'. [...] x-tu2
10'. [...]-kin
11'. [...] x
12'. [...] x
13'. [...] x
14'. [...] x
15'. [...]-na?
16'. [...] {disz}{d}ag-numun-zi-si-sa2?
17'. [...] x x [...]
18'. x x x x x x? a-lak ger-ri-ia isz-me-ma
19'. a-na {kur}elam-ma{ki} sze-la-bisz in-na-bit
20'. asz2-szu2 ma-mit _dingir-mesz gal-mesz_ sza e-ti-qu
21'. {d}asz-szur {d}sin {d}utu {d}en u {d}ag
22'. an-nu kab-tu e-mi3-du-szu2-ma
23'. qe2-reb {kur}elam-ma{ki} i-na-ru-szu2 ina _{gesz}tukul_
24'. {disz}na-'i-id-{d}mar-duk _szesz_-szu2
25'. ep-szet {kur}elam-ma{ki} sza ana _szesz_-szu2 e-tep-pu-szu2
26'. e-mur-ma ul-tu {kur}elam-ma{ki} in-nab-tam-ma
27'. a-na e-pesz _ARAD_-ti-ia
28'. ana nina{ki} il-lik-am-ma [...] x x x?
29'. [...] x x [...]
$ n lines broken
30'. [...] x [...]
31'. u3 {disz}ab-di-mi-il-ku-ti _lugal_ {iri}s,i-du-un-ni
32'. a-na re-s,u-ti-szu2 isz-kun-ma _mu dingir-mesz gal-mesz_
33'. a-na a-ha-mesz iz-kur-u2-ma a-na e-mu-qi-szu2-un it-tak-lu
34'. a-na-ku a-na {d}a-szur _en_-ia at-ta-kil-ma
35'. ki-ma is,-s,u-ri ul-tu qe2-reb _kur_-i a-bar-szu2-ma ak-ki-sa _sag-du_-su
36'. asz2-szu2 da-na-an {d}asz-szur _en_-ia _ug3-mesz_ kul-lu-mi3-im-ma
37'. _sag-du-mesz_ {disz}sa-an-du-u-ar-ri u {disz}ab-di-mi3-il-ku-ut-ti
38'. ina ki-sza2-a-di _{lu2}gal-mesz_-szu2-un a-lul-ma it-ti _{lu2}nar-mesz_
39'. u _{gesz}za3-mi2_ ina re-bet nina{ki} e-te-et-ti-iq
40'. sza2-lil {iri}ar-za-a sza2 pa-a-t,i na-hal {kur}mu-us,-ri
41'. sza2 {disz}a-su-hi-li _lugal_-szu a-di ma-li-ke-e-szu2
42'. bi-re-tu2 ad-di-i-ma a-na _kur_ asz-szur{ki} u2-ra-a
43'. ina t,e-hi _abul muru2 iri_ sza2 _nina{ki?}_ it-ti a-si _ur-gi7_
44'. u _szah_ u2-sze-szib-szu2-nu-ti ka-mi3-isz
45'. u3 {disz}te-usz-pa-a {kur}gi-mir-a-a erin2-man-du
46'. sza2 a-szar-szu2 ru-u2-qu ina _ki_-tim {kur}hu-bu-usz-na
47'. a-di gi-mir _erin2-hi-a_-szu2 u2-ra-as-si-ba ina _{gesz}tukul_
48'. ka-bi-is ki-sza2-di _ug3-mesz_ {kur}hi-lak-ki
49'. szad-du-u8-a a-szi-bu-te hur-sza2-a-ni sza2 t,e-hi {kur}ta-bal
50'. sza _ugu kur-mesz_-szu2-nu it-tak-lu-ma ul-tu u4-me pa-ni
51'. la ik-nu-szu2 a-na ni-i-ri 2(u) 1(disz) _iri-mesz_-szu2-nu dan-nu-ti
52'. a-di _iri-mesz tur-mesz_ sza2 li-me-ti-szu2-nu al-me
53'. ak-szud asz2-lu-la szal-lat-sun2 ap-pul aq-qur
54'. ina {d}gesz-bar aq-mu si-tu-ti-szu2-nu sza hi-it,-t,u
55'. u gul-lul-tu2 la i-szu-u kab-tu ni-ir
56'. be-lu-ti-ia e-mid-su-nu-ti
57'. da-isz {kur}bar-na-ki _{lu2}kur2_ ak-s,i a-szi-bu-te
58'. {iri}du6-a-szur-ri sza2 ina pi-i _ug3-mesz_ {iri}me-eh-ra-a-nu
59'. {iri}pi-ta-a-nu i-nam-bu-u? zi-kir-szu2-un
60'. mu-sap-pi-ih _ug3-mesz_ {kur}man-na-a-a qu-tu-u2 la sa-an-qu
61'. sza2 um-ma-na-a-ti {disz}isz-pa-ka-a-a {kur}asz2-gu-za-a-a
62'. [...] x x x [...]
$ n lines broken
63'. da-na-an {d}asz-szur _en_-ia u szi-t,ir _mu_-ia
64'. _ugu_-szu2-nu u2-sza2-asz2-t,ir-ma u2-ter-ma ad-din-szu2
65'. {munus}ta-bu-u-a tar-bit _e2-gal_-ia
66'. a-na _lugal_-u2-ti _ugu_-szu2-nu asz2-kun-ma
67'. it-ti _dingir-mesz_-sza2 a-na _kur_-sza2 u2-ter-szi
68'. 1(gesz2) 5(disz) _ansze-gam-mal-mesz ugu_ ma-da-at-ti _ad_-ia
69'. mah-ri-ti u2-rad-di-ma u2-kin s,e-ru-usz-szu2
70'. ar-ka {disz}ha-za_-dingir_ szim-tu u2-bil-szu2-ma
71'. {disz}ia-a'-lu-u _dumu_-szu2 ina _{gesz}gu-za_-szu2 u2-sze-szib-ma
72'. 1(u) _ma-na ku3-sig17_ 1(disz) _lim na4-mesz_ be2-ru-ti
73'. 5(u) _ansze-gam-mal-mesz_ 1(disz) _lim_ kun-zi _szim-hi-a_
74'. _ugu_ ma-da-at-ti _ad_-szu2 u2-rad-di-ma e-mid-su
75'. {kur}ba-a-zu na-gu-u sza2 a-szar-szu2 ru-u2-qu
76'. mi-szit na-ba-li qaq-qar _mun_ a-szar s,u-um-me
77'. 1(disz) _me_ 2(u) _danna_ qaq-qar ba-a-s,i pu-qut-ti u _{na4}zu2_ s,a-bi-ti
78'. 2(u) _danna_ qaq-qar _musz_ u _gir2-tab_ sza2 ki-ma kul-ba-bi
79'. ma-lu-u2 u2-ga-ru
80'. 2(u) _danna_ {kur}ha-zu-u szad-di _{na4}sag-gil-mud_
81'. a-na _egir_-ia u2-masz-szir-ma e-ti-iq
82'. sza2 ul-tu u4-me ul-lu-ti la il-li-ku _lugal_ pa-ni mah-ri-ia
83'. ina qi2-bit {d}asz-szur _en_-ia ina qer-bi-szu2 szal-t,a-nisz at-tal-lak
84'. 8(disz) _lugal-mesz_ sza2 qe2-reb na-ge-e szu-a-tu2 a-duk
85'. _dingir-mesz_-szu2-nu _nig2-szu_-szu2-nu _nig2-gur11_-szu2-nu _ug3-mesz_-szu2-nu
86'. asz2-lu-la a-na qe2-reb _kur_ asz-szur{ki}
87'. {disz}la-a-a-le-e _lugal_ {iri}ia-di-i'
88'. sza2 ul-tu la-pa-an _{gesz}tukul-mesz_-ia ip-par-szi-du
89'. szal-la-at _dingir-mesz_-szu2 isz-me2-e-ma a-na nina{ki} _iri_ be-lu-ti-ia
90'. a-di mah-ri-ia il-lik-am-ma u2-na-asz2-sziq
91'. _giri3-min_-ia re-e-mu ar-szi-szu2-ma aq-ta-bi-szu2
92'. a-hu-lap na-ge-e {kur}ba-a-zu szu-a-tu2
93'. u2-szad-gil pa-nu-usz-szu2
94'. _gun_ man-da-at-tu2 be-lu-ti-ia u2-kin s,e-ru-usz-szu2
95'. {disz}en-ba-sza2 _dumu_ {disz}bu-na-ni {lu2}{kur}gam-bu-la-a-a
96'. [...] x [...]
97'. [...]
$ n lines broken
98'. _ansze-kur-ra-mesz_ ru-ku-bi-szu2-nu _gu4-mesz_ s,e-e-ni _ansze-mesz_
99'. {ansze}u2-du-ri szal-la-sun2 ka-bit-tu2 asz2-lu-la a-na _kur_ asz-szur{ki}
100'. {disz}up-pi-is _{lu2}en-iri_ sza2 {iri}pa-ar-tak-ka
101'. {disz}za-na-sa-na _{lu2}en-iri_ sza2 {iri}pa-ar-tuk-ka
102'. {disz}ra-ma-te-ia _{lu2}en-iri_ sza2 {iri}u2-ra-ka-za-bar-na
103'. {kur}ma-da-a-a sza2 a-szar-szu2-nu ru-u2-qu
104'. sza2 ina tar-s,i _lugal-mesz ad-mesz_-ia _ki_-tim _kur_ asz-szur{ki}
105'. la ib-bal-ki-tu-nim-ma la ik-bu-su qaq-qar-sza2
106'. pu-luh-tu2 ra-szub-bat {d}asz-szur _en_-ia is-hup-szu2-nu-ti-ma
107'. {ansze}mur-ni-is-qi2 _gal-mesz {na4}za-gin3_ hi-ip _kur_-szu2
108'. a-na nina{ki} _iri_ be-lu-ti-ia isz-szu-nim-ma
109'. u2-na-asz2-szi-qu _giri3-min_-ia asz2-szu2 _{lu2}en-iri-mesz_
110'. sza2 qa-a-tu2 id-ku-szu2-nu-ti be-lu-ti u2-s,al-lu-ma
111'. e-ri-szu-in-ni kit-ru {lu2}szu-ut _sag-mesz_-ia
112'. _{lu2}nam-mesz_ sza2 pa-a-t,i _kur_-szu2-un it-ti-szu2-nu u2-ma-'e-er-ma
113'. _ug3-mesz_ a-szi-bu-te _iri-mesz_-ni sza2-tu-nu
114'. ik-bu-su-ma u2-szak-nisz-szu2 sze-pu-usz-szu2-un
115'. _gun_ man-da-at-tu2
116'. be-lu-ti-ia szat-ti-szam u2-kin s,e-ru-szu2-un
117'. ul-tu {d}a-szur {d}sza2-masz {d}en {d}ag
118'. {d}1(u)-5(disz) sza2 nina{ki} {d}1(u)-5(disz) sza2 {iri}limmu2-dingir{ki}
119'. _ugu_ na-ki-ri-ia ina li-i-ti u2-sza2-zi-zu-ni-ma
120'. am-s,u-u ma-la lib3-bi-ia
121'. ina ki-szit-ti na-ki-ri szad-lu-u2-ti
122'. sza2 ina tu-kul-ti _dingir-mesz gal-mesz en-mesz_-ia
123'. ik-szu-da qa-ta-a-a
124'. esz-ret ma-ha-zi sza2 _kur_ asz-szur{ki} u _kur_ uri{ki}
125'. u2-sze-pisz-ma _ku3-babbar ku3-sig17_ u2-za-in-ma
126'. u2-nam-mir ki-ma u4-me
127'. ina u4-me-szu2-ma _e2-gal_ ma-szar-ti
128'. sza2 qe2-reb {iri}ni-na-a
129'. sza2 _lugal-mesz_ a-lik mah-ri _ad-mesz_-ia u2-sze-pi-szu2
130'. a-na szu-te-szur _karasz_ pa-qa-di {ansze}mur-ni-is-qi2
131'. _ansze-kunga-mesz {gesz}gigir-mesz_ til-li u2-nu-ut _me3_
132'. u3 szal-la-at na-ki-ri gi-mir mim-ma szum-szu2
133'. sza2 {d}a-szur _man dingir-mesz_ a-na esz-qi2 _lugal_-ti-ia isz-ru-ka
134'. a-na szit-mur _ansze-kur-ra-mesz_ szi-tam-du-uh _{gesz}gigir-mesz_
$ n lines broken
135'. _{na4}girim-hi-li-ba_ ul-tu qe2-reb hur-sza2-a-ni
136'. a-szar nab-ni-ti-szu2-nu a-na hi-szih-ti _e2-gal_-ia
137'. mar-s,i-isz pa-asz2-qi2-isz
138'. a-na nina{ki} u2-szal-di-du-u-ni
139'. ina _iti sze-ga_ u4-mu mit-ga-ri
140'. e-li tam-le-e szu-a-tu2
141'. _e2-gal-mesz_ rab-ba-a-ti a-na mu-szab be-lu-ti-ia
142'. ab-ta-ni s,e-ru-usz-szu2 _e2_ dan-ni sza2 1(gesz2) 3(u) 5(disz) ina _1(disz) kusz3 gal_-tim
143'. _gid2-da_ 3(u) 1(disz) ina _1(disz) kusz3 gal_-tim _dagal_
144'. sza ina _lugal-mesz_ a-lik mah-ri _ad-mesz_-ia
145'. mam2-ma la e-pu-szu2 a-na-ku e-pu-usz
146'. _gesz-ur3-mesz {gesz}eren_ s,i-ru-u2-ti
147'. u2-szat-ri-s,a e-li-sza2
148'. _{gesz}ig-mesz {gesz}szur-min3_ sza2 e-re-si-na _du10-ga_
149'. me-ser _ku3-babbar_ u _zabar_ u2-rak-kis-ma
150'. u2-rat-ta-a _ka2-mesz_-sza2
151'. _{d}alad-mesz_ u _{d}lamma-mesz_
152'. sza2 _na4-mesz_ sza2 ki-i pi-i szik-ni-szu2-nu ir-ti lem-ni u2-tar-ru
153'. na-s,ir kib-si mu-szal-li-mu
154'. tal-lak-ti _lugal_ ba-ni-szu2-nu
155'. _za3_ u _gub3_ u2-sza2-as,-bi-ta _si-gar_-szi-in
156'. _e2-gal_ {na4}pi-i-li u _{gesz}eren_ szu-te-mu-du-te
157'. a-na mul-ta-u2-ti be-lu-ti-ia
158'. nak-lisz u2-sze-pisz _{munus}{d}lamma-mesz uruda_ masz-sza2-a-ti
159'. sza2 a-he-en-na-a pa-na u ar-ka
160'. i-na-at,-t,a-la ki-la-ta-an qe2-reb-sza2 ul-ziz
161'. {gesz}tim-me _{gesz}eren-mah-mesz_ {gesz}a-dap2-pi
162'. ku-lul _ka2-mesz_-szi-in e-mid
163'. si-hi-ir-ti _e2-gal_ sza2-a-tu
164'. ne2-be2-hu pa-asz2-qu sza2 _{na4}zu2 {na4}za-gin3_
165'. u2-sze-pisz-ma u2-szal-ma-a ki-li-lisz
166'. se-el-lum mat-gi-gu ki-ma {d}tir-an-na
167'. u2-sza2-as-hi-ra gi-mir _ka2-mesz_-ni
168'. sik-kat3 _ku3-babbar_ eb-bi u _zabar_ nam-ri
169'. u2-rat-ta-a qe2-reb-sza2
170'. da-na-an {d}asz-szur _en_-ia sza2 ina _kur-kur_ nak-ra-te e-te-pu-szu2
171'. ina szi-pir {lu2}ur5-ra-ku-te e-si-qa qe2-reb-sza2
172'. _{gesz}kiri6-mah_ tam-szil {kur}ha-ma-nim
173'. sza2 ka-la _szim-hi-a_ u _gesz-mesz_ hur-ru-szu2 i-ta-sza2-a e-mid
$ n lines broken
174'. ta-szi-la-a-ti qe2-reb-sza2 u2-sze-szi-ib-ma
175'. u2-sza2-li-s,a nu-pa-ar-szu2-un
176'. _gesztin-mesz_ ku-ru-un-nu am-ki-ra s,ur-ra-szu2-un
177'. _i3-sag_ i3-gu-la-a muh-ha-szu2-nu u2-sza2-asz2-qi2
178'. ina qi2-bit {d}asz-szur _man dingir-mesz_
179'. u _dingir-mesz kur_ asz-szur{ki} ka-li-szu2-nu
180'. ina t,u-ub _uzu_ hu-ud lib3-bi
181'. nu-um-mur ka-bat-ti sze-be2-e lit-tu-ti
182'. qe2-reb-sza2 da-risz lu-ur-me-ma
183'. lu-usz-ba-a la-la-a-sza2
184'. ina zag-muk-ki _iti_ resz-ti-i
185'. kul-lat mur-ni-is-qi2 _ansze-kunga-mesz_
186'. _ansze-nita2-mesz ansze-gam-mal_ til-li u2-nu-ut _me3_
187'. gi-mir _erin2-hi-a_ szal-la-at na-ki-ri
188'. szat-ti-szam-ma la na-par-ka-a
189'. lu-up-qi2-da qe2-reb-sza2
190'. qe2-reb _e2-gal_ sza2-a-tu
191'. _{d}lamma_ dum-qi _{d}alad_ du-un-qi2
192'. na-s,ir kib-si _lugal_-ti-ia
193'. mu-ha-du-u2 ka-bat-ti-ia
194'. da-risz lisz-tab-ru-u2
195'. a-a ip-par-ku-u i-da-a-sza2
196'. a-na _egir_ u4-me ina _lugal-mesz_-ni _dumu-mesz_-ia
197'. sza {d}asz-szur u {d}isz-tar a-na be-lut _kur_ u _ug3-mesz_
198'. u2-nam-bu-u zi-kir-szu2
199'. e-nu-ma _e2-gal_ sza2-a-tu
200'. i-lab-bi-ru-ma in-na-hu
201'. an-hu-us-sa lu-disz
202'. ki-i sza2 a-na-ku mu-sza2-ru-u2 szi-t,ir szu-me _lugal_
203'. _ad_ ba-ni-ia it-ti _mu-sar_-e szi-t,ir _mu_-ia
204'. asz2-kun at-ta ki-ma ia-a-ti-ma
205'. _mu-sar_-u2 szi-t,ir _mu_-ia a-mur-ma
206'. _i3-gesz_ pu-szu-usz _{udu}siskur bala_-qi2
207'. it-ti _mu-sar_-e szi-t,ir _mu_-ka szu-kun
208'. {d}a-szur u3 {d}isz-tar
209'. ik-ri-bi-ka i-szem-mu-u2

Archival view of P462853