2021-02-07 06:49:33, entered by dahl for dahl
&P249253 = RIME 4.03.06.add21, ex. 01
#atf: lang akk
@object stele
@surface a
@column 1
@prologue
1. i3-nu an s,i-ru-um
2. _lugal_ {d}a-nun-na-ki
3. {d}en-lil2
4. be-el sza-me-e
5. u3 er-s,e-tim
6. sza-i-im
7. szi-ma-at _kalam_
8. a-na {d}marduk
9. _dumu_ re-esz-ti-im
10. sza {d}en-ki
11. {d}en-lil2-ut
12. kisz ni-szi3
13. i-szi-mu-szum
14. in i-gi4-gi4
15. u2-szar-bi2-u3-szu
16. babila{ki}
17. szum-szu s,i-ra-am ib-bi-u3
18. in ki-ib-ra-tim
19. u2-sza-t,e4-ru-szu
20. i-na li-ib-bi-szu
21. szar-ru-tam da-ri2-tam
22. sza ki-ma sza-me-e
23. u3 er-s,e-tim
24. isz-da-sza
25. szu-ur2-szu-da
26. u2-ki-in-nu-szum
27. i-nu-mi-szu
28. {disz}ha-am-mu-ra-pi2
29. ru-ba-am
30. na-a'-dam
31. pa-li-ih i3-li2 ia-ti
32. mi-sza-ra-am
33. i-na ma-tim
34. a-na szu-pi2-i-im
35. ra-ga-am u3 s,e-nam
36. a-na hu-ul-lu-qi2-im
37. dan-nu-um
38. en-sza-am
39. a-na la ha-ba-li-im
40. ki-ma {d}utu
41. a-na _sag-ge6_
42. wa-s,e-e-em-ma
43. ma-tim
44. nu-wu-ri-im
45. an
46. u3 {d}en-lil2
47. a-na szi-ir ni-szi
48. t,u2-ub-bi-im
49. szu-mi ib-bu-u2
50. {disz}ha-am-mu-ra-pi2
51. re-iu-um
52. ni-bi-it
53. {d}en-lil2 a-na-ku
54. mu-kam-me-er
55. nu-uh2-szi-im
56. u3 t,u2-uh2-di-im
57. mu-sza-ak-li-il
58. mi-im-ma szum-szu
59. a-na nibru{ki} _dur-an-ki_
60. za-ni-nu-um
61. na-a'-du-um
62. sza e2-kur
63. _lugal_ le-iu-um
64. mu-te-er {iri}eridu{ki}
65. a-na asz-ri-szu
66. mu-ub-bi-ib
@column 2
1. szu-luh e2-abzu
2. ti-i-ib
3. ki-ib-ra-at
4. er-be2-tim
5. mu-szar-bi2 zi-ik-ru
6. babila{ki}
7. mu-t,i3-ib
8. li-ib-bi {d}marduk
9. be-li2-szu
10. sza u4-mi-szu
11. iz-za-zu
12. a-na e2-sag-il2
13. _numun_ szar-ru-tim
14. sza {d}suen
15. ib-ni-u3-szu
16. mu-na-ah-hi-isz
17. {iri}uri5{ki}
18. wa-asz-ru-um
19. mu-usz-te-mi-qum
20. ba-bil2 _he2-gal2_
21. a-na e2-kisz-nu-gal2
22. _lugal_ ta-szi-im-tim
23. sze-mu {d}utu da-num2
24. mu-ki-in
25. _suhusz_ zimbir{ki}
26. mu-sza-al-bi-isz
27. wa-ar-qi2-im
28. gi-gu-ne-e {d}a-a
29. mu-s,i-ir
30. e2-babbar
31. sza ki szu-ba-at sza-ma-i
32. _ur-sag_ ga#-mi-il
33. larsa{ki}
34. mu-u4-di-isz e2-babbar
35. a-na {d}utu
36. re-s,i-szu
37. be-lum mu-ba-li2-it,
38. unu{ki}
39. sza-ki-in me-e
40. nu-uh2-szi-im
41. a-na ni-szi-szu
42. mu-ul-li
43. re-esz e2-an-na
44. mu-kam-me-er
45. hi-is,-bi-im
46. a-na _an_-nim
47. u3 {d}inanna
48. _an-dul3_ ma-tim
49. mu-pa-ah-hi-ir
50. ni-szi sa6-ap-ha-tim
51. sza i3-si-in{ki}
52. mu-t,a-ah-hi-id
53. nu-uh2-szi-im
54. _e2_ e2-gal-mah
55. _uszumgal lugal_-ri2
56. ta-li-im
57. {d}za-ba4-ba4
58. mu-szar-szi-id
59. szu-ba-at {iri}kisz{ki}
60. mu-usz-ta-as2-hi-ir
61. me-le-em-mi
62. e2-me-te-ur-sag
63. mu-usz-te-es,-bi
64. pa-ar-s,i2 ra-bu-u2-tim
65. sza {d}inanna
66. pa-qi2-id bi-tim
67. hur-sag-kalam-ma
68. sa-par4 na-ki-ri
69. sza {d}er3-ra ru-szu
70. u2-sza-ak-szi-du
@column 3
1. ni-iz-ma-su2
2. mu-sza-te-er
3. {iri}gu2-du8-a{ki}
4. mu-ra-ap-pi2-isz
5. mi-im-ma szum-szu
6. ana mes-lam
7. ri-mu-um
8. ka-ad-ru-um
9. mu-na-ak-ki-ip za-i-ri
10. na-ra-am {d}tu-tu
11. mu-ri-isz
12. {iri}bar-si2-pa2{ki}
13. na-a'-du-um
14. la mu-up-pa-ar-ku-u2-um
15. a-na e2-zi-da
16. i-lu _lugal_-ri2
17. mu-de _igi-gal2_-im
18. mu-sza-ad-di-il
19. me-re-esz-tim
20. sza dil-bat{ki}
21. mu-ga-ar-ri-in _guru7-guru7_
22. a-na {d}urasz
23. ga-asz-ri-im
24. be-lum si2-ma-at
25. ha-at,-t,i-im
26. u3 a-ge-em
27. sza u2-sza-ak-li-lu-szu
28. e-ri-isz-tum
29. {d}ma-ma
30. mu-ki-in
31. u2-s,u2-ra-tim
32. sza kesz3{ki}
33. mu-de-esz-szi
34. ma-ka-li el-lu-tim
35. a-na {d}nin-tu
36. mu-usz-ta-lum
37. gi-it-ma-lum
38. sza-i-im
39. mi-ri-tim
40. u3 ma-asz-qi2-tim
41. a-na lagasz{ki}
42. u3 gir2-su{ki}
43. mu-ki-il
44. ni-in-da-be2-e
45. ra-bu-tim
46. a-na e2-ninnu
47. mu-tam-me-eh a-a-bi
48. mi-gi4-ir
49. te-li-tim
50. mu-sza-ak-li-il
51. te-re-tim
52. sza zabala2{ki}
53. mu-ha-ad-di
54. li-ib-bi {d}esz18-dar
55. ru-bu-um el-lum
56. sza ni-isz qa2-ti-szu
57. {d}iszkur i-du-u2
58. mu-ne-eh
59. li-ib-bi {d}iszkur
60. gu2-ra-di-im
61. i-na {iri}im{ki}
62. mu-usz-ta-ak-ki-in
63. si2-ma-tim
64. i-na e2-u4-gal-gal
65. _lugal_ na-di-in
66. na-pi2-isz-tim
67. a-na adab{ki}
68. a-sze-er
69. _e2_ e2-mah
70. e-te-el _lugal_-ri2
71. qa2-ba-al
72. la ma-ha-ri-im
@column 4
1. szu i-qi2-szu
2. na-ap-sza-tam
3. a-na {iri}masz-gan-szabra{ki}
4. mu-sze-esz-qi2
5. nu-uh2-szi-im
6. a-na _mes-lam_
7. em-qum
8. mu-tab-bi-lum
9. szu ik-szu-du
10. na-ga-ab ur2-szi-im
11. mu-usz-pa-az-zi-ir
12. ni-szi ma3-al-nag-a {ki}
13. in ka-ra-szi-im
14. mu-szar-szi-du
15. szu-ba-ti-szi-in
16. in nu-uh2-szi-in
17. a-na {d}en-ki
18. u3 {d}dam-gal-nun-na
19. mu-szar-bu-u2
20. szar-ru-ti-szu
21. da-ri2-isz i-szi-mu
22. zi-bi el-lu-tim
23. a-sza-re-ed _lugal_-ri2
24. mu-ka-an-ni-isz
25. da-ad-mi
26. {i7}buranun-na
27. i3-tum {d}da-gan
28. ba-ni-szu
29. szu ig-mi-lu
30. ni-szi me-ra{ki}
31. u3 tu-tu-ul{ki}
32. ru-bu-um
33. na-a'-du-um
34. mu-na-wi-ir
35. pa-ni {d}tiszpak
36. sza-ki-in ma-ka-li el-lu-tim
37. a-na {d}nin-a-zu
38. sza-t,i3-ip ni-szi-szu
39. in pu-usz-qi2-im
40. mu-ki-in-nu
41. isz-di-szi-in
42. qer-bu-um
43. babila{ki}
44. szu-ul-ma-ni-isz
45. _sipa_ ni-szi3
46. sza ep-sze-tu-szu
47. e-li {d}esz18-dar t,a-ba
48. mu-ki-in-ni {d}esz18-dar
49. i-na e2-ul-masz
50. qer-bu-um
51. a-ga-de3{ki}
52. re-bi-tim
53. mu-sze-pi2 ki-na-tim
54. mu-szu-sze-er am-mi
55. mu-te-er
56. {d}lamma-szu
57. da-mi-iq-tim
58. a-na {iri}a-szur4{ki}
59. mu-sze-ep-pi2 na-bi-hi
60. _lugal_ sza i-na ni-nu-a{ki}
61. i-na e2-mes-mes
62. u2-szu-pi2-u3
63. me-e {d}inanna
64. na-a'-du-um
65. mu-usz-te-mi-qum
66. a-na _dingir gal-gal_
67. li-ip-li-pi2
68. sza {disz}su-mu-la-il3
69. _ibila_ da-num2
70. sza {disz}{d}suen-mu-ba-li2-it,
@column 5
1. _numun_ da-ri2-um
2. sza szar-ru-tim
3. _lugal_ da-num2
4. {d}utu-szu
5. babila{ki}
6. mu-sze-s,i2 nu-ri-im
7. a-na ma-at
8. szu-me-ri2-im
9. u3 ak-ka-di-im
10. _lugal_ mu-usz-te-esz-mi
11. ki-ib-ra-at
12. ar-ba-im
13. mi-gi4-ir {d}inanna a-na-ku
14. i-nu-ma
15. {d}marduk
16. a-na szu-te-szu-ur ni-szi
17. _kalam_ u2-si-[im]
18. szu-hu-zi-im
19. u2-wa-e-ra-an-ni
20. ki-it-tam
21. u3 mi-sza-ra-am
22. i-na _ka_ ma-tim
23. asz-ku-un
24. szi-ir ni-szi u2-t,i-ib
25. i-nu-mi-szu
@law 1
26. szum-ma a-wi-lum a-wi-lam
27. u2-ub-bi-ir-ma
28. ne-er-tam e-li-szu
29. id-di-ma
30. la uk-ti-in-szu
31. mu-ub-bi-ir-szu
32. id-da-ak
@law 2
33. szum-ma a-wi-lum
34. ki-isz-pi2
35. e-li a-wi-lim id-di-ma
36. la uk-ti-in-szu
37. sza e-li-szu
38. ki-isz-pu na-du-u2
39. a-na {d}i7
40. i-il-la-ak
41. {d}i7 i-sza-al-li-a-am-ma
42. szum-ma {d}i7
43. ik-ta-sza-su2
44. mu-ub-bi-ir-szu
45. _e2_-su2 i-tab-ba-al
46. szum#-ma a-wi-lam szu-a-ti
47. {d}i7
48. u2-te-eb-bi-ba-asz-szu-ma
49. isz-ta-al-ma-am
50. sza e-li-szu
51. ki-isz-pi2 id-du-u2
52. id-da-ak
53. sza {d}i7
54. isz-li-a-am
55. _e2_ mu-ub-bi-ri-szu
56. i-tab-ba-al
@law 3
57. szum-ma a-wi-lum
58. i-na di-nim
59. a-na szi-bu-ut
60. sa3-ar-ra-tim
61. u2-s,i-a-am-ma
62. a-wa-at iq-bu-u2
63. la uk-ti-in
64. szum-ma di-nu-um szu-u2
65. di-in na-pi2-isz-tim
66. a-wi-lum szu-u2
67. id-da-ak
@law 4
68. szum-ma a-na szi-bu-ut
@column 6
1. _sze_ u3 _ku3-babbar_
2. u2-s,i-a-am
3. a-ra-an
4. di-nim szu-a-ti
5. it-ta-na-asz-szi
@law 5
6. szum-ma da-a-a-nu-um
7. di-nam i-di-in
8. pu-ru-sa3-am
9. ip-ru-us2
10. ku-nu-uk-kam
11. u2-sze-zi-ib
12. wa-ar-ka-nu-um-ma
13. di-in-szu i-te-ni
14. da-a-a-nam szu-a-ti
15. i-na di-in i-di-nu
16. e-ne-em
17. u2-ka-an-nu-szu-ma
18. ru-gu-um-ma-am
19. sza i-na di-nim szu-a-ti
20. ib-ba-asz-szu-u2
21. _a-ra2_ 1(u) 2(disz)-szu
22. i-na-ad-di-in
23. u3 i-na pu-uh2-ri-im
24. i-na _{gesz}gu-za_
25. da-a-a-nu-ti-szu
26. u2-sze-et-bu-u2-szu-ma
27. u2-ul i-ta-ar-ma
28. it-ti da-a-a-ni
29. i-na di-nim
30. u2-ul usz-ta-ab
@law 6
31. szum-ma a-wi-lum
32. _nig2-gur11 dingir_
33. u3 _e2-gal_
34. isz-ri-iq
35. a-wi-lum szu-u2
36. id-da-ak
37. u3 sza szu-ur2-qa2-am
38. i-na qa2-ti-szu
39. im-hu-ru
40. id-da-ak
@law 7
41. szum#-ma a-wi-lum
42. lu _ku3-babbar_
43. lu _ku3-sig17_
44. lu _ARAD2_ lu _geme2_
45. lu _gu4_ lu _udu_
46. lu _ansze_
47. u3 lu mi-im-ma szum-szu
48. i-na qa2-at _dumu_ a-wi-lim
49. u3 lu _ARAD2_ a-wi-lim
50. ba-lum szi-bi
51. u3 ri-ik-sa-tim
52. isz-ta-am
53. u3 lu a-na ma-s,a-ru-tim
54. im-hu-ur
55. a-wi-lum szu-u2
56. szar-ra-aq id-da-ak
@law 8
57. szum-ma a-wi-lum
58. lu _gu4_ lu _udu_ lu _ansze_ lu _szah2_
59. u3 lu _{gesz}ma2_
60. isz-ri-iq
61. szum-ma sza i-lim
62. szum-ma sza _e2-gal_
63. _a-ra2_ 3(u)-szu
64. i-na-ad-di-in
65. szum-ma sza _|MASZ.EN.GAG|_
66. _a-ra2_ 1(u)-szu i-ri-a-ab
67. szum-ma szar-ra-qa2-nu-um
68. sza na-da-nim la i-szu
69. id-da-ak
@law 9
70. szum-ma a-wi-lum
@column 7
1. sza mi-im-mu-szu hal-qu2
2. mi-im-ma-szu
3. hal-qa2-am
4. i-na qa2-ti a-wi-lim
5. is,-s,a-ba-at
6. a-wi-lum sza hu-ul-qum
7. i-na qa2-ti-szu
8. s,a-ab-tu
9. na-di-na-nu-um-mi id-di-nam
10. ma-har szi-bi-mi
11. a-sza-am
12. iq-ta-bi
13. u3 be-el hu-ul-qi2-im
14. szi-bi mu-de
15. hu-ul-qi2-ia-mi
16. lu-ub-lam
17. iq-ta-bi
18. sza-a-a-ma-nu-um
19. na-di-in
20. id-di-nu-szum
21. u3 szi-bi
22. sza i-na mah-ri-szu-nu
23. i-sza-mu it-ba-lam
24. u3 be-el hu-ul-qi2-im
25. szi-bi mu-de hu-ul-qi2-szu
26. it-ba-lam
27. da-a-a-nu
28. a-wa-a-ti-szu-nu
29. i-im-ma-ru-ma
30. szi-bu sza mah-ri-szu-nu
31. szi-mu-um
32. isz-sza-mu
33. u3 szi-bu mu-de
34. hu-ul-qi2-im
35. mu-du-su2-nu
36. ma-har i-lim
37. i-qa2-ab-bu-ma
38. na-di-na-nu-um
39. szar-ra-aq id-da-ak
40. be-el hu-ul-qi2-im
41. hu-lu-uq-szu
42. i-le-qe2
43. sza-a-a-ma-nu-um
44. a-na bi-it
45. na-di-na-nim
46. _ku3-babbar_ isz-qu2-lu
47. i-le-qe2
@law 10
48. szum-ma sza-a-a-ma-nu-um
49. na-di-in
50. id-di-nu-szum
51. u3 szi-bi sza i-na mah-ri-szu-nu
52. i-sza-mu
53. la it-ba-lam
54. be-el hu-ul-qi2-im-ma
55. szi-bi mu-de
56. hu-ul-qi2-szu it-ba-lam
57. sza-a-a-ma-nu-um
58. szar-ra-aq id-da-ak
59. be-el hu-ul-qi2-im
60. hu-lu-uq-szu
61. i-le-qe2
@law 11
62. szum-ma be-el hu-ul-qi2-im
63. szi-bi mu-de
64. hu-ul-qi2-szu
65. la it-ba-lam
@column 8
1. sa3-ar
2. tu-usz-sza-am-ma id-ke
3. id-da-ak
@law 12
4. szum-ma na-di-na-nu-um
5. a-na szi-im-tim
6. it-ta-la-ak
7. sza-a-a-ma-nu-um
8. i-na bi-it
9. na-di-na-nim
10. ru-gu-um-me-e
11. di-nim szu-a-ti
12. _a-ra2_ 5(disz)-szu
13. i-le-qe2
@law 13
14. szum#-ma a-wi-lum szu-u2
15. szi-bu-szu la qer-bu
16. da-a-a-nu a-da-nam
17. a-na _iti 6(disz)-kam_
18. i-sza-ak-ka-nu-szum-ma
19. szum-ma i-na _iti 6(disz)-kam_
20. szi-bi-szu la ir-de-a-am
21. a-wi-lum szu-u2
22. sa3-ar
23. a-ra-an di-nim szu-a-ti
24. it-ta-na-asz-szi
@law 14
25. szum-ma a-wi-lum
26. _dumu_ a-wi-lim
27. s,e-eh-ra-am
28. isz-ta-ri-iq
29. id-da-ak
@law 15
30. szum-ma a-wi-lum
31. lu _ARAD2 e2-gal_
32. lu _geme2 e2-gal_
33. lu _ARAD2 |MASZ.EN.GAG|_
34. lu _geme2 |MASZ.EN.GAG|_
35. _abul_ usz-te-s,i2
36. id-da-ak
@law 16
37. szum-ma a-wi-lum
38. lu _ARAD2_ lu _geme2_
39. hal-qa2-am
40. sza _e2-gal_
41. u3 lu _|MASZ.EN.GAG|_
42. i-na bi-ti-szu
43. ir-ta-qi2-ma
44. a-na szi-si-it
45. na-gi-ri-im
46. la usz-te-s,i2-a-am
47. be-el _e2_ szu-u2
48. id-da-ak
@law 17
49. szum-ma a-wi-lum
50. lu _ARAD2_ lu _geme2_
51. hal-qa2-am
52. i-na s,e-ri-im
53. is,-ba-at-ma
54. a-na be-li2-szu
55. ir-te-de-a-asz-szu
56. 2(disz) _gin2 ku3-babbar_
57. be-el _ARAD2_
58. i-na-ad-di-isz-szum
@law 18
59. szum-ma _ARAD2_ szu-u2
60. be-el-szu
61. la iz-za-kar
62. a-na _e2-gal_
63. i-re-ed-de-szu
64. wa-ar-ka-su2
65. ip-pa-ar-ra-as2-ma
66. a-na be-li2-szu
67. u2-ta-ar-ru-szu
@law 19
68. szum-ma _ARAD2_
69. szu-a-ti
70. i-na bi-ti-szu
71. ik-ta-la-szu
72. wa-ar-ka _ARAD2_
@column 9
1. i-na qa2-ti-szu
2. it-ta-as,-ba-at
3. a-wi-lum szu-u2
4. id-da-ak
@law 20
5. szum-ma _ARAD2_
6. i-na qa2-at
7. s,a-bi-ta-ni-szu
8. ih-ta-li-iq
9. a-wi-lum szu-u2
10. a-na be-el _ARAD2_
11. ni-isz i-lim
12. i-za-kar-ma
13. u2-ta-asz-szar
@law 21
14. szum-ma a-wi-lum
15. bi-tam
16. ip-lu-usz
17. i-na pa-ni
18. pi2-il-szi-im
19. szu-a-ti
20. i-du-uk-ku-szu-ma
21. i-ha-al-la-lu-szu
@law 22
22. szum-ma a-wi-lum
23. hu-ub-tam
24. ih-bu-ut-ma
25. it-ta-as,-ba-at
26. a-wi-lum szu-u2
27. id-da-ak
@law 23
28. szum-ma ha-ab-ba-tum
29. la it-ta-as,-ba-at
30. a-wi-lum
31. ha-ab-tum
32. mi-im-ma-szu
33. hal-qa2-am
34. ma-ha-ar
35. i-lim
36. u2-ba-ar-ma
37. _iri_
38. u3 ra-bi-a-nu-um
39. sza i-na er-s,e-ti-szu-nu
40. u3 pa-t,i-szu-nu
41. hu-ub-tum
42. ih-ha-ab-tu
43. mi-im-ma-szu
44. hal-qa2-am
45. i-ri-a-ab-bu-szum
@law 24
46. szum-ma na-pi2-isz-tum
47. _iri_ u3 ra-bi-a-nu-um
48. 1(disz) _ma-na ku3-babbar_
49. a-na ni-szi-szu
50. i-sza-qa2-lu
@law 25
51. szum-ma i-na _e2_ a-wi-lim
52. i-sza-tum
53. in-na-pi2-ih-ma
54. a-wi-lum
55. sza a-na bu-ul-li-im
56. il-li-ku
57. a-na nu-ma-at
58. be-el _e2_
59. i-in-szu isz-szi-ma
60. nu-ma-at
61. be-el _e2_
62. il-te-di
63. a-wi-lum szu-u2
64. a-na i-sza-tim szu-a-ti
65. in-na-ad-di
@law 26
66. szum-ma lu _aga-us2_
67. u3 lu _szu-ku6_
68. sza a-na har-ra-an szar-ri-im
69. a-la-ak-szu
@column 10
1. qa2-bu-u2
2. la-il-li-ik
3. lu _{lu2}hun-ga2_
4. i-gur-ma
5. pu-uh2-szu
6. it,-t,a-ra-ad
7. lu _aga-us2_
8. u3 lu _szu-ku6_ szu-u2
9. id-da-ak
10. mu-na-ag-gi-ir-szu
11. _e2_-su2
12. i-tab-ba-al
@law 27
13. szum-ma lu _aga-us2_
14. u3 lu _szu-ku6_
15. sza i-na dan-na-at
16. szar-ri-im
17. tu-ur2-ru
18. wa-ar-ki-szu
19. _a-sza3_-szu u3 _{gesz}kiri6_-szu
20. a-na sza-ni-im
21. id-di-nu-ma
22. i-li-ik-szu
23. it-ta-la-ak
24. szum-ma it#-tu-ra-am-ma
25. _iri_-szu ik-ta-asz2-dam
26. _a-sza3_-szu u3 _{gesz}kiri6_-szu
27. u2-ta-ar-ru-szum-ma
28. szu-ma i-li-ik-szu
29. i-il-la-ak
@law 28
30. szum-ma lu _aga#-us2_
31. u3 lu _szu-ku6_
32. sza i-na dan#-na-at
33. szar-ri-im
34. tu-ur2#-ru
35. _dumu_-szu il-kam
36. a-la-kam i-le-i
37. _a-sza3_ u3 _{gesz}kiri6_
38. in-na-ad-di-isz-szum#-ma
39. i-li-ik# [a]-bi-szu
40. i-il-[la]-ak#
@law 29
41. szum-ma _dumu_-szu
42. s,e-he-er-ma#
43. i-li-ik a-bi-szu
44. a-la-kam
45. la i-le-i
46. sza-lu-usz-ti _a-sza3_ u3 _{gesz}kiri6_
47. a-na um-mi-szu
48. in-na-ad#-di-in-ma
49. um-ma-szu
50. u2-ra-ab-ba-szu
@law 30
51. szum-ma lu _aga-us2#_
52. u3 lu _szu-ku6_
53. _a-sza3_-szu _{gesz}kiri6_-szu# u3 _e2_-su2#
54. i-na pa-ni il-ki-im
55. id-di-ma
56. u4-da-ap-pi2-ir
57. sza-nu-um
58. wa-ar-ki-szu#
59. _a-sza3_-szu _{gesz}kiri6_-szu
60. u3 _e2_-su2
61. is,-ba-at-ma
62. _mu 3(disz)-kam_
63. i-li-ik-szu
64. it-ta-la-ak
65. szum-ma it-tu-ra-am-ma
66. _a-sza3_-szu _{gesz}kiri6_-szu u3 _e2_-su2
67. i-ir-ri-isz
68. u2-ul in-na-ad-di-isz-szum
@column 11
1. sza is,-s,a-ab-tu-ma
2. i-li-ik-szu
3. it-ta-al-ku
4. szu-ma i-il-la-ak
@law 31
5. szum-ma sza-at-tam
6. isz-ti-a-at-ma
7. u4-da-ap-pi2-ir-ma
8. it-tu-ra-am
9. _a-sza3_-szu u3 _e2_-su2
10. in-na-ad-di-isz-szum-ma
11. szu-ma i-li-ik-szu
12. i-il#-la#-ak#
@law 32
13. szum#-ma# lu _aga-us2_
14. u3 lu _szu-ku6_
15. sza i-na har-ra-an
16. szar-ri-im
17. tu-ur2-ru
18. _dam-gar3_ ip-t,u2-ra-asz-szu-ma
19. _iri_-szu usz-ta-ak-szi-da-asz-szu
20. szum-ma i-na bi-ti-szu
21. sza pa-t,a-ri-im
22. i-ba-asz-szi
23. szu-ma ra-ma-an-szu
24. i-pa-at,-t,a-ar
25. szum-ma i-na bi-ti-szu
26. sza pa-t,a-ri-szu
27. la i-ba-asz-szi
28. i-na _e2 dingir iri_-szu
29. ip-pa-at,-t,ar2
30. szum-ma i-na _e2_
31. _dingir iri_-szu
32. sza pa-t,a-ri-szu
33. la i-ba-asz-szi
34. _e2-gal_ i-pa-at,-t,a-ar!(RI)-szu
35. _a-sza3_-szu _{gesz}kiri6_-szu
36. u3 _e2_-su2
37. a-na ip-t,e4-ri-szu
38. u2-ul in-na-ad-di-in
@law 33
39. szum-ma lu _ugula-ugula_
40. u3 lu _nu-banda3_
41. _erin2_ ni-is-ha-tim
42. ir-ta-szi
43. u3 lu a-na _kaskal_
44. szar-ri-im
45. _{lu2}hun-ga2_ pu-ha-am
46. im-hu-ur-ma
47. ir-te-de
48. lu _ugula-ugula_
49. u3 lu _nu-banda3_ szu-u2
50. id-da-ak
@law 34
51. szum-ma lu _ugula-ugula_
52. u3 lu _nu-banda3_
53. nu-ma-at _aga-us2_ il-te-qe2
54. _aga-us2_ ih-ta-ba-al
55. _aga-us2_ a-na ig-ri-im
56. it-ta-di-in
57. _aga-us2_ i-na di-nim
58. a#-na# dan-nim isz-ta-ra-ak
59. qi2#-isz-ti szar-ru-um
60. [a]-na# _aga-us2_ id-di-nu
61. il#-te-di
62. lu# _ugula-ugula_
63. u3# lu _nu-banda3_ szu-u2
64. id#-da#-ak
@law 35
65. szum#-ma a-wi-lum
66. _ab2# gu4!(BI) hi-a_
67. u3 _u8 udu hi-a_
68. sza szar-ru-um
69. a-na _aga-us2_
70. id-di-nu
@column 12
1. i-na qa2-ti _aga-us2_
2. isz-ta-am
3. i-na _ku3-babbar_-szu
4. i-te-el-li
@law 36
5. _a-sza3_-um _{gesz}kiri6_ u3 _e2_
6. sza _aga-us2 szu-ku6_
7. u3 na-szi bi-il-tim
8. a-na _ku3-babbar_
9. u2-ul i-na-ad-di-in
@law 37
10. szum-ma a-wi-lum
11. _a-sza3 {gesz}kiri6_ u3 _e2_
12. sza _aga-us2 szu-ku6_
13. u3# na#-szi _gun#_
14. isz#-ta#-am#
15. t,up-pa-szu
16. ih-he-ep-pe2
17. u3 i-na _ku3-babbar_-szu
18. i-te-el-li
19. _a-sza3 {gesz}kiri6_ u3 _e2_
20. a-na be-li2-szu
21. i-ta-ar
@law 38
22. _aga-us2 szu-ku6_
23. u3 na-szi _gun_
24. i-na _a-sza3 {gesz}kiri6_ u3 _e2_
25. sza il-ki-szu
26. a-na asz-sza-ti-szu
27. u3 _dumu-munus_-szu
28. u2-ul i-sza-at,-t,a-ar
29. u3 a-na i-il-ti-szu
30. u2-ul i-na-ad-di-in
@law 39
31. i-na _a-sza3 kiri6_ u3 _e2_
32. sza i-sza-am-mu-ma
33. i-ra-asz-szu-u2
34. a-na asz-sza-ti-szu
35. u3 _dumu-munus_-szu
36. i-sza-at,-t,ar2
37. u3 a-na e-hi-il-ti-szu
38. i-na-ad-di-in
@law 40
39. _lukur dam-gar3_
40. u3 il-kum a-hu-u2-um
41. _a-sza3_-szu _{gesz}kiri6_-szu
42. u3 _e2_-su2 a-na _ku3-babbar_
43. i-na-ad-di-in
44. sza-a-a-ma-nu-um
45. i-li-ik _a-sza3_
46. _{gesz}kiri6_ u3 _e2_
47. sza i-sza-am-mu
48. i-il-la-ak
@law 41
49. szum-ma a-wi-lum
50. _a-sza3 {gesz}kiri6_ u3 _e2_
51. sza _aga-us2 szu-ku6_
52. u3 na-szi bi-il-tim
53. u2-pi2-ih
54. u3 ni-ip-la-ti
55. id-di-in
56. _aga-us2 szu-ku6_
57. u3 na-szi bi-il-tim
58. a-na _a-sza3_-szu _{gesz}kiri6_-szu u3 _e2_-szu
59. i-ta-ar
60. u3 ni-ip-la-tim
61. sza in-na-ad-nu-szum
62. i-tab-ba-al
@law 42
63. szum-ma a-wi-lum
64. _a-sza3_ a-na er-re-szu-tim
65. u2-sze-s,i-ma
66. i-na _a-sza3 sze_ la usz-tab-szi
67. i-na _a-sza3_ szi-ip-ri-im
@column 13
1. la e-pe2-szi-im
2. u2-ka-an-nu-szu-ma
3. _sze_ ki-ma i-te-szu
4. a-na be-el _a-sza3_
5. i-na-ad-di-in
@law 43
6. szum-ma _a-sza3_-am la i-ri-isz-ma
7. it-ta-di
8. _sze_ ki-ma i-te-szu
9. a-na be-el _a-sza3_
10. i-na-ad-di-in
11. u3 _a-sza3_ sza id-du-u2
12. ma-a-a-ri
13. i-ma-ah-ha-as,
14. i-sza-ak-ka-ak-ma
15. a-na be-el _a-sza3_
16. u2-ta-ar
@law 44
17. szum-ma a-wi-lum
18. _a-sza3 |KI.KAL|_
19. a-na _mu 3(disz)-kam_
20. a-na te-ep-ti-tim
21. u2-sze-s,i-ma
22. a-ah-szu id-di-ma
23. _a-sza3_ la ip-te-te
24. i-na re-bu-tim
25. sza-at-tim
26. _a-sza3_ ma-a-a-ri
27. i-ma-ah-ha-as,
28. i-mar-ra-ar
29. u3 i-sza-ak-ka-ak-ma
30. a-na be-el _a-sza3_
31. u2-ta-ar
32. u3 1(bur3) _GAN2_-e
33. 1(u) _sze gur_
34. i-ma-ad-da-ad
@law 45
35. szum-ma a-wi-lum
36. _a-sza3_-szu a-na _gun_
37. a-na er-re-szi-im
38. id-di-in-ma
39. u3 _gun a-sza3_-szu
40. im-ta-ha-ar
41. wa-ar-ka _a-sza3_
42. {d}iszkur ir-ta-hi-is,
43. u3 lu bi-ib-bu-lum
44. it-ba-al
45. bi-ti-iq-tum
46. sza er-re-szi-im-ma
@law 46
47. szum-ma _gun a-sza3_-szu
48. la im-ta-ha-ar
49. u3 lu a-na mi-isz-la-ni
50. u3 lu a-na sza-lu-usz
51. _a-sza3_ id-di-in
52. _sze_ sza i-na _a-sza3_
53. ib-ba-asz-szu-u2
54. er-re-szum
55. u3 be-el _a-sza3_
56. a-na ap-szi-te-em
57. i-zu-uz-zu
@law 47
58. szum-ma er-re-szum
59. asz-szum i-na sza-at-tim
60. mah-ri-tim
61. ma-na-ha-ti-szu
62. la il-qu2-u2
63. _a-sza3_ e-re-sza-am iq-ta-bi
64. be-el _a-sza3_
65. u2-ul u2-up-pa-as
66. er-re-su-ma
67. _a-sza3_-szu i-ir-ri-isz-ma
68. i-na _buru14_
69. ki-ma ri-ik-sa-ti-szu
70. _sze_ i-le-qe2
@law 48
71. szum-ma a-wi-lum
72. hu-bu-ul-lum
73. e-li-szu
@column 14
1. i-ba-asz-szi-ma
2. _[a]-sza3_-szu
3. {d}iszkur
4. ir-ta-hi-is,
5. u3 lu-u2 bi-ib-bu-lum#
6. it-ba-al
7. u3 lu-u2 i-na la me-e
8. _sze_ i-na _a-sza3_
9. la it-tab-szi
10. i-na sza-at-tim szu-a-ti
11. _sze_ a-na be-el hu-bu-ul-li-szu
12. u2-ul u2-ta-ar
13. t,up-pa-szu
14. u2-ra-at,-t,a-ab
15. u3 s,i-ib-tam
16. sza sza-at-tim szu-a-ti
17. u2-ul i-na-ad-di-in
@law 49
18. szum-ma a-wi-lum
19. _ku3-babbar_ it-ti _dam-gar3_
20. il-qe2-ma
21. _a-sza3_ ep-e-tim
22. sza _sze_ u3 lu _sze-gesz-i3_
23. a-na _dam-gar3_ id-di-in
24. _a-sza3_ e-ri-isz-ma
25. _sze_ u3 lu-u2 _sze-gesz-i3_
26. sza ib-ba-asz-szu-u2
27. e-si-ip ta-ba-al
28. iq-bi-szum
29. szum-ma er-re-szum
30. i-na _a-sza3 sze_
31. u3 lu _sze-gesz-i3_
32. usz-tab-szi
33. i-na _buru14 sze_ u3 _sze-gesz-i3_
34. sza i-na _a-sza3_ ib-ba-asz-szu-u2
35. be-el _a-sza3_-ma
36. i-le-qe2-ma
37. _sze_ sza _ku3-babbar_-szu
38. u3 s,i-ba-su2
39. sza it-ti _dam-gar3_
40. il-qu2-u2
41. u3 ma-na-ha-at
42. e-re-szi-im
43. a-na _dam-gar3_
44. i-na-ad-di-in
@law 50
45. szum-ma _a-sza3_ er-sza-am
46. u3 lu-u2
47. _a-sza3 sze-gesz-i3_
48. er-sza-am id-di-in
49. _sze_ u3 lu _sze-gesz-i3_
50. sza i-na _a-sza3_
51. ib-ba-asz-szu-u2
52. be-el _a-sza3_-ma
53. i-le-qe2-ma
54. _ku3-babbar_ u3 s,i-ba-su2
55. a-na _dam-gar3_ u2-ta-ar
@law 51
56. szum-ma _ku3-babbar_
57. a-na tu-ur2-ri-im
58. la i-szu
59. _sze-gesz-i3_
60. a-na ma-hi-ra-ti-szu-nu
61. sza _ku3-babbar_-szu
62. u3 s,i-ib-ti-szu
63. sza it-ti _dam-gar3_ il-qu2-u2
64. a-na _ka_ s,i-im-da-at
65. szar-ri-im
66. a-na _dam-gar3_ i-na-ad-di-in
@column 15
@law 52
1. szum-ma er-re-szum
2. i-na _a-sza3_ sze-am
3. u3 lu _sze-gesz-i3_
4. la usz-tab-szi
5. ri-ik-sa-ti-szu
6. u2-ul [i]-in-ni
@law 53
7. szum-ma a-wi-lum
8. a-na _kar a-sza3_-szu
9. du-un-nu-nim#
10. a-ah-szu id-di-ma
11. _kar_-szu
12. la u2-dan-ni-in-ma
13. i-na _kar_-szu
14. pi2-tum it-te-ep-te
15. u3 _a-gar3_ me-e usz-ta-bil2
16. a-wi-lum
17. sza i-na _kar_-szu
18. pi2-tum ip-pe2-tu-u2
19. _sze_ sza u2-hal-li-qu2
20. i-ri-a-ab
@law 54
21. szum-ma _sze_ ri-a-ba-am
22. la i-le-i
23. szu-a-ti
24. u3 bi-sza-szu
25. a-na _ku3-babbar_
26. i-na-ad-di-nu-ma
27. _dumu a-gar3-mesz_
28. sza _sze_-szu-nu
29. mu-u2 ub-lu
30. i-zu-uz-zu
@law 55
31. szum-ma a-wi-lum
32. a-tap-pa-szu
33. a-na szi-qi2-tim ip-te
34. a-ah-szu id-di-ma
35. _a-sza3_ i-te-szu
36. me-e usz-ta-bil2
37. _sze_ ki-ma i-te-szu
38. i-ma-ad-da-ad
@law 56
39. szum-ma a-wi-lum
40. me-e ip-te-ma
41. ep-sze-tim sza _a-sza3_ i-te-szu
42. me-e usz-ta-bil2
43. 1(bur3) _GAN2_-e
44. 1(u) _sze gur_
45. i-ma-ad-da-ad
@law 57
46. szum-ma _sipa_
47. a-na sza-am-mi
48. _u8 udu hi-a_ szu-ku-lim
49. it-ti be-el _a-sza3_
50. la im-ta-gar3-ma
51. ba-lum be-el _a-sza3_
52. _a-sza3 u8 udu hi-a_
53. usz-ta-ki-il
54. be-el _a-sza3 a-sza3_-szu
55. i-is,-s,i-id
56. _sipa_ sza i-na ba-lum
57. be-el _a-sza3_
58. _a-sza3 u8 udu hi-a_
59. u2-sza-ki-lu
60. e-le-nu-um-ma
61. 1(bur3) _GAN2_-e
62. 2(u) _sze gur_
63. a-na be-el _a-sza3_
64. i-na-ad-di-in
@law 58
65. szum-ma isz-tu _u8 udu hi-a_
66. i-na _a-gar3_
67. i-te-li-a-nim
68. ka-an-nu ga-ma-ar-tim
69. i-na _abul_
70. it-ta-ah-la-lu
71. _sipa u8 udu hi-a_
72. a-na _a-sza3_ id-di-ma
73. _a-sza3 u8 udu hi-a_
74. usz-ta-ki-il
75. _sipa a-sza3_ u2-sza-ki-lu
76. i-na-s,a-ar-ma
77. i-na _buru14_
78. 1(bur3) _GAN2_-e
@column 16
1. 1(gesz2) _sze gur_
2. a-na be-el _a-sza3_
3. i-ma-ad-da-ad
@law 59
4. szum-ma a-wi-lum
5. ba-lum be-el _{gesz}kiri6_
6. i-na _{gesz}kiri6_ a-wi-lim
7. i-s,a-am ik-ki-is
8. 1/2(disz) _ma-na ku3-babbar_
9. i-sza-qal
@law 60
10. szum-ma a-wi-lum
11. _a-sza3_ a-na _{gesz}kiri6_ [za]-qa2-pi2-im
12. [a]-na# _nu-{gesz}kiri6_ id-di-in
13. _nu-{gesz}kiri6_
14. _{gesz}kiri6_ iz-qu2-up
15. _mu 4(disz)-kam_
16. _{gesz}kiri6_ u2-ra-ab-ba
17. i-na ha-mu-usz-tim
18. sza-at-tim
19. be-el _{gesz}kiri6_
20. u3 _nu-{gesz}kiri6_
21. mi-it-ha-ri-isz
22. i-zu-zu
23. be-el _{gesz}kiri6_
24. _ha-la_-szu
25. i-na-sa3-aq-ma
26. i-le-qe2
@law 61
27. szum-ma _nu-{gesz}kiri6_
28. _a-sza3_ i-na za-qa2-pi2-im
29. la ig-mur-ma
30. ni-di-tam i-zi-ib
31. ni-di-tam
32. a-na li-ib-bi _ha-la_-szu
33. i-sza-ak-ka-nu-szum
@law 62
34. szum-ma _a-sza3_
35. sza in-na-ad-nu-szum
36. a-na _{gesz}kiri6_ la iz-qu2-up
37. szum-ma _ab-sin2_
38. _gun a-sza3_
39. sza sza-na-tim
40. sza in-na-du-u2
41. _nu-{gesz}kiri6_
42. a-na be-el _a-sza3_
43. ki-ma i-te-szu
44. i-ma-ad-da-ad
45. u3 _a-sza3_ szi-ip-ra-am
46. i-ip-pe2-esz-ma
47. a-na be-el _a-sza3_ u2-ta-ar
@law 63
48. szum-ma _a-sza3 |KI.KAL|_
49. _a-sza3_ szi-ip-ra-am
50. i-ip-pe2-esz-ma
51. _a-sza3_ be-el _a-sza3_
52. u2-ta-ar
53. u3 1(bur3) _GAN2_-e
54. 1(u) _sze gur_
55. sza sza-at-tim
56. isz-ti-a-at
57. i-ma-ad-da-ad
@law 64
58. szum-ma a-wi-lum
59. _{gesz}kiri6_-szu
60. a-na _nu-{gesz}kiri6_
61. a-na ru-ku-bi-im
62. id-di-in
63. _nu-{gesz}kiri6_
64. a-di _{gesz}kiri6_ s,a-ab-tu
65. i-na bi-la-at _{gesz}kiri6_
66. szi-it-ti-in
67. a-na be-el _{gesz}kiri6_
68. i-na-ad-di-in
69. sza-lu-usz-tam
70. szu-u2 i-le-qe2
@law 65
71. szum-ma _nu-{gesz}kiri6_
72. _{gesz}kiri6_ la u2-ra-ak-ki-ib-ma
73. bi-il-tam um-ta-t,i
74. _nu-{gesz}kiri6_
75. bi-la-at _{gesz}kiri6_
76. a-na i-te-szu
@column 17
$column missing
1. [i-ma-ad-da-ad]
2. [...]
@reverse
@column 1
1. s,i-ba-a-at _ku3-babbar_
2. ma-la il-qu2-u2
3. i-sa-ad-dar-ma
4. u4-mi-szu
5. i-ma-an-nu-u2-ma
6. _dam-gar3_-szu
7. i-ip-pa-al
@law 101
8. szum-ma a-szar il-li-ku
9. ne-me-lam
10. la i-ta-mar
11. _ku3-babbar_ il-qu2-u2
12. usz-ta-sza-na-ma
13. _szaman2-la2_ a-na _dam-gar3_
14. i-na-ad-di-in
@law 102
15. szum-ma _dam-gar3_
16. a-na _szaman2-la2_
17. _ku3-babbar_ a-na ta-ad-mi-iq-tim
18. it-ta-di-in-ma
19. a-szar il-li-ku
20. bi-ti-iq-tam
21. i-ta-mar
22. qa2-qa2-ad _ku3-babbar_
23. a-na _dam-gar3_ u2-ta-ar
@law 103
24. szum-ma har-ra-nam
25. i-na a-la-ki-szu
26. na-ak-ru-um
27. mi-im-ma sza na-szu-u2
28. usz-ta-ad-di-szu
29. _szaman2-la2_ ni-isz i-lim
30. i-za-kar-ma
31. u2-ta-asz-szar
@law 104
32. szum-ma _dam-gar3_
33. a-na _szaman2-la2_
34. _sze siki i3-gisz_
35. u3 mi-im-ma bi-sza-am
36. a-na pa-sza-ri-im
37. id-di-in
38. _szaman2-la2 ku3-babbar_
39. i-sa-ad-dar-ma
40. a-na _dam-gar3_
41. u2-ta-ar
42. _szaman2-la2_ ka-ni-ik _ku3-babbar_
43. sza a-na _dam-gar3_
44. i-na-ad-di-nu
45. i-le-qe2
@law 105
46. szum-ma _szaman2-la2_
47. i-te-gi-ma
48. ka-ni-ik _ku3-babbar_
49. a-na _dam-gar3_
50. id-di-nu
51. la-il-te-qe2
52. _ku3-babbar_ la ka-ni-ki-im
53. a-na ni-ik-ka-as-si2-im
54. u2-ul isz-sza-ak-ka-an
@law 106
55. szum-ma _szaman2-la2_
56. _ku3-babbar_ it-ti _dam-gar3_
57. il-qe2-ma
58. _dam-gar3_-szu
59. it-ta-ki-ir
60. _dam-gar3_ szu-u2
61. i-na ma-har i-lim u3 szi-bi
62. i-na _ku3-babbar_ le-qe2-em
63. _szaman2-la2_ u2-ka-an-ma
64. _szaman2-la2 ku3-babbar_
65. ma-la il-qu2-u2
66. _a-ra2_ 3(disz)-szu a-na _dam-gar3_
67. i-na-ad-di-in
@law 107
68. szum-ma _dam-gar3 ku3-babbar_
69. _szaman2-la2_ i-qi2-ip-ma
70. _szaman2-la2_ mi-im-ma
71. sza _dam-gar3_ id-di-nu-szum
72. a-na _dam-gar3_-szu
@column 2
1. ut-te-er
2. _dam-gar3_ mi-im-ma
3. sza _szaman2-la2_
4. id-di-nu-szum
5. it-ta-ki-ir-szu
6. _szaman2-la2_ szu-u2
7. i-na ma-har i-lim u3 szi-bi
8. _dam-gar3_ u2-ka-an-ma
9. _dam-gar3_ asz-szum _szaman2-la2_-szu
10. ik-ki-ru
11. mi-im-ma sza il-qu2-u2
12. _a-ra2_ 6(disz)-szu
13. a-na _szaman2-la2_
14. i-na-ad-di-in
@law 108
15. szum-ma _munus-kurun-na_
16. a-na _sa10# kasz_
17. _sze_ la im-ta-har
18. i-na _na4_ ra-bi-tim
19. _ku3-babbar_ im-ta-har
20. u3 _ganba kasz_
21. a-na _ganba sze_ um-ta-t,i
22. _munus-kurun-na_ szu-a-ti
23. u2-ka-an-nu-szi-ma
24. a-na me#-e
25. i-na#-[ad]-du#-u2-szi
@law 109
26. szum#-ma# _munus-kurun-na_
27. sa3-ar#-ru-tum
28. i-na _e2_-sza
29. it-tar-ka-su2#?-ma
30. sa3-ar-ru-tim szu-nu-ti
31. la is,-s,a-ab-tam-ma
32. a-na _e2-gal_
33. la ir-de-a-am
34. _munus-kurun-na_ szi-i
35. id-da-ak
@law 110
36. szum#-ma _lukur nin-dingir_
37. sza i-na _ga2-gi4-a_
38. la wa-asz-ba-at
39. _e2 kurun-na_ ip-te-te
40. u3 lu a-na _kasz_
41. a-na _e2 kurun-na_
42. i-te-ru-ub
43. a-wi-il-tam szu-a-ti
44. i-qal-lu-u2-szi
@law 111
45. szum-ma _munus-kurun-na_
46. 1(disz) _kasz dida ka gag_
47. a-na qi2-ip-tim id-di-in
48. i-na _buru14_
49. 5(ban2) _sze_ i-le-qe2
@law 112
50. szum-ma a-wi-lum
51. i-na har-ra-nim
52. wa-szi-ib-ma
53. _ku3-babbar ku3-sig17 na4_
54. u3 bi-isz qa2-ti-szu
55. a-na a-wi-lim
56. id-di-in-ma
57. a-na szi-bu-ul-tim
58. u2-sza-bil2-szu
59. a-wi-lum szu-u2
60. mi-im-ma sza szu-bu-lu
61. a-szar szu-bu-lu
62. la id-[di]-in-ma
63. it-ba-al
64. be-el szi-bu-ul-tim
65. a-wi-lam szu-a-ti
66. i-na mi-im-ma
67. sza szu-bu-lu-ma
68. la id-di-nu
69. u2-ka-an-nu-szu-ma
70. a-wi-lum szu-u2
71. _a-ra2_ 5(disz)-szu mi-im-ma
72. sza in-na-ad-nu-szum
73. a-na be-el szi-bu-ul-tim
74. i-na-ad-di-in
@law 113
75. szum-ma a-wi-lum
76. e-li a-wi-lim
@column 3
1. _sze_ u3 _ku3-babbar_ i-szu-ma
2. i-na ba-lum be-el _sze_
3. i-na na-asz-pa-ki-im
4. u3 lu i-na ma-asz-ka-nim
5. _sze_ il-te-qe2
6. a-wi-lam szu-a-ti
7. i-na ba-lum be-el _sze_
8. i-na na-asz-pa-ki-im
9. u3# lu i-na _kislah_
10. i#-na# _sze_ le-qe2-em
11. u2-ka-an-nu-szu-ma
12. _sze_ ma-la il-qu2-u2
13. u2-ta-ar
14. u3 i-na mi-im-ma szum-szu
15. ma-la id-di-nu
16. i-te-el-li
@law 114
17. szum-ma a-wi-lum
18. e-li a-wi-lim
19. _sze_ u3 _ku3-babbar_
20. la i-szu-ma
21. ni-pu-su2 it-te-pe2
22. a-na ni-pu-tim
23. isz-ti-a-at
24. 1/3(disz) _ma-na ku3-babbar_
25. i-sza-qal
@law 115
26. szum-ma a-wi-lum
27. e-li a-wi-lim
28. _sze_ u3 _ku3-babbar_
29. i-szu-ma
30. ni-pu-su2 ip-pe2-ma
31. ni-pu-tum
32. i-na _e2_ ne-pi2-sza
33. i-na szi-ma-ti-sza
34. im-tu-ut
35. di-nu-um szu-u2
36. ru-gu-um-ma-am
37. u2-ul i-szu
@law 116
38. szum-ma ni-pu-tum
39. i-na _e2_ ne-pi2-sza
40. i-na ma-ha-s,i2-im
41. u3-lu i-na usz-szu-szi-im
42. im-tu-ut
43. be-el ni-pu-tim
44. _dam-gar3_-szu
45. u2-ka-an-ma
46. szum-ma _dumu_ a-wi-lim
47. _dumu_-szu i-du-uk-ku
48. szum-ma _ARAD2_ a-wi-lim
49. 1/3(disz) _ma-na ku3-babbar_
50. i-sza-qal
51. u3 i-na mi-im-ma szum-szu
52. ma-la id-di-nu
53. i-te-el-li
@law 117
54. szum-ma a-wi-lam
55. e-hi-il-tum
56. is,-ba-su2-ma
57. _dam_-su2 _dumu_-szu u3 _dumu-munus_-su2
58. a-na _ku3-babbar_ id-di-in
59. u3 lu a-na ki-isz-sza-tim
60. it-ta-an-di-in
61. _mu 3(disz)-kam_
62. _e2_ sza-a-a-ma-ni-szu-nu
63. u3 ka-szi-szi-szu-nu
64. i-ip-pe2-szu i-na re-bu-tim
65. sza-at-tim
66. an-du-ra-ar-szu-nu
67. isz-sza-ak-ka-an
@law 118
68. szum-ma _ARAD2_ u3 lu _geme2_
69. a-na ki-isz-sza-tim
70. it-ta-an-di-in
71. _dam-gar3_ u2-sze-te-eq
72. a-na _ku3-babbar_ i-na-ad-din
73. u2-ul ib-ba-qar
@law 119
74. szum-ma a-wi-lam
75. e-hi-il-tum
76. is,-ba-su2-ma
77. _geme2_-su2 sza _dumu-mesz_ ul-du-szum
78. a-na _ku3-babbar_ it-ta-din
@column 4
1. _ku3-babbar dam-gar3_ isz-qu2-lu
2. be-el _geme2#_ i-sza-qal-ma
3. _geme2_-su2 i-pa-t,ar2#
@law 120
4. szum-ma a-wi-lum
5. sze-szu a-na na-asz-pa-ku-tim
6. i-na _e2_ a-wi-lim
7. isz-pu-uk-ma
8. i-na qa2-ri-tim
9. i-ib-bu-u2-um it-tab-szi
10. u3 lu be-el _e2_
11. na-asz-pa-kam ip-te-ma
12. _sze_ il-qe2
13. u3 lu _sze_ sza a-na _e2_-szu
14. isz-sza-ap-ku
15. a-na ga-am-ri-im
16. it-ta-ki-ir
17. be-el _sze_ ma-har i-lim
18. sze-szu u2-ba-ar-ma
19. be-el _e2_
20. _sze_ sza il-qu2-u2
21. usz-ta-sza-na-ma
22. a-na be-el _sze_
23. i-na-ad-di-in
@law 121
24. szum-ma a-wi-lum
25. i-na _e2_ a-wi-lim
26. _sze_ isz-pu-uk
27. i-na sza-na-at
28. a-na _1(asz) sze gur-e 5(disz) sila3 sze_
29. _a2_ na-asz-pa-ki-im
30. i-na-ad-di-in
@law 122
31. szum-ma a-wi-lum
32. a-na a-wi-lim
33. _ku3-babbar ku3-sig17_
34. u3 mi-im-ma szum-szu
35. a-na ma-s,a-ru-tim
36. i-na-ad-di-in
37. mi-im-ma ma-la
38. i-na-ad-di-nu
39. szi-bi-u2-kal2-lam
40. ri-ik-sa-tim
41. i-sza-ak-ka-an-ma
42. a-na ma-s,a-ru-tim
43. i-na-ad-di-in
@law 123
44. szum-ma ba-lum szi-bi
45. u3 ri-ik-sa-tim
46. a-na ma-s,a-ru-tim
47. id-di-in-ma
48. a-sar id-di-nu
49. it-ta-ak-ru-szu
50. di-nu-um szu-u2
51. ru-gu-um-ma-am
52. u2-ul i-szu
@law 124
53. szum-ma a-wi-lum
54. a-na a-wi-lim
55. _ku3-babbar ku3-sig17_
56. u3 mi-im-ma szum-szu
57. ma-har szi-bi
58. a-na ma-s,a-ru-tim
59. id-di-in-ma
60. it-ta-ki-ir-szu
61. a-wi-lam szu-a-ti
62. u2-ka-an-nu-szu-ma
63. mi-im-ma sza ik-ki-ru
64. usz-ta-sza-na-ma
65. i-na-ad-di-in
@law 125
66. szum-ma a-wi-lum
67. mi-im-ma-szu
68. a-na ma-s,a-ru-tim id-di-in-ma
69. a-szar id-di-nu
70. u3 lu a-na pi2-il-szi-im
71. u3 lu i-na na-ba;-al-ka-at-tim
73. mi-im-mu-szu
74. it-ti mi-im-me-e
75. be-el _e2_ ih-ta-li-iq be-el _e2_ sza i-gu-ma
76. mi-im-ma sza a-na
77. ma-s,a-ru-tim id-di-nu-szum-ma
78. u2-hal-li-qu2
79. u2-sza-lam-ma
@column 5
1. a-na be-el _nig2-gur11_
2. i-ri-a-ab
3. be-el _e2_
4. mi-im-ma-szu hal-qa2-am
5. isz#-te-ne-i-ma
6. [it]-ti szar-ra-qa2-ni-szu
7. i-le-qe2
@law 126
8. szum-ma# [a]-wi-lum
9. mi-im-mu-szu
10. la ha-li-iq#-ma
11. mi-im-me-e
12. ha-li-iq iq-ta-bi
13. ba-ab-ta-szu
14. u2-te-eb-bi-ir
15. ki-ma mi-im-mu-szu
16. la hal-qu2
17. ba-ab-ta-szu
18. i-na ma-har i-lim
19. u2-ba-ar-szu-ma
20. mi-im-ma
21. sza ir-gu-mu
22. usz-ta-sza-na-ma
23. a-na ba-ab-ti-szu
24. i-na-ad-di-in
@law 127
25. szum-ma a-wi-lum
26. e-li _nin-dingir_
27. u3 a-sza-at a-wi-lim
28. u2-ba-nam u2-sza-at-ri-is,-ma
29. la uk-ti-in
30. a-wi-lam szu-a-ti
31. ma-har da-a-a-ni
32. i-na-ad-du-u2-szu
33. u3 mu-ut-ta-su2
34. u2-gal-la-bu
@law 128
35. szum-ma a-wi-lum
36. asz-sza-tam
37. i-hu-uz-ma
38. ri-ik-sa-ti-sza
39. la isz-ku-un
40. _munus_ szi-i
41. u2-ul asz-sza-at
@law 129
42. szum-ma asz-sza-at a-wi-lim
43. it-ti zi-ka-ri-im
44. sza-ni-im
45. i-na i-tu-lim
46. it-ta-as,-bat
47. i-ka-su2-szu-nu-ti-ma
48. a-na me-e
49. i-na-ad-du-u2-szu-nu-ti
50. szum-ma be-el asz-sza-tim
51. asz-sza-su2 u2-ba-la-at,
52. u3 szar-ru-um
53. _ARAD2_-su2 u2-ba-la-at,
@law 130
54. szum-ma a-wi-lum
55. asz-sza-at a-wi-lim
56. sza zi-ka-ra-am
57. la i-du-u2-ma
58. i-na _e2_ a-bi-sza
59. wa-asz-ba-at
60. u2-kab-bil2-szi-ma
61. i-na su-ni-sza
62. it-ta-ti-il-ma
63. is,-s,a-ab-tu-szu
64. a-wi-lum szu-u2
65. id-da-ak
66. _munus_ szi-i
67. u2-ta-a-sza-ar
@law 131
68. szum-ma asz#-sza-at
69. a-wi-lim
70. mu-sa3 u2-ub-bi-ir-szi-ma
71. it-ti zi-ka-ri-im sza-ni-im
72. i-na u2-tu-lim
73. la is,-s,a-bi-it
74. ni-isz i-lim
75. i-za-kar-ma
76. a-na _e2_-sza i-ta-ar
@law 132
77. szum-ma asz-sza-at
78. a-wi-lim
79. asz-szum zi-ka-ri-im sza-ni-im
80. u2-ba-nu-um
81. e-li-sza
82. it-ta-ri-is,-ma
83. it-ti zi-ka-ri-im
@column 6
1. sza-ni-im
2. i-na u2-tu-lim
3. la it-ta-as,-ba-at
4. a-na mu-ti-sza
5. {d}i7
6. i-sza-al-li
@law 133
7. szum-ma a-wi-lum
8. isz-sza-li-il-ma
9. i-na _e2_-szu
10. sza a-ka-lim
11. [i]-ba-asz-szi
12. [asz-sza]-su2
13. [a-di mu?]-sa3 [s,a-ab]-tu#?
14. [pa-gar3]-sza#
15. [i-na-s,a]-ar#
16. [a-na _e2_ sza-ni]-im#
17. [u2-ul i-ir]-ru-ub
18. szum#-[ma] _munus_ szi-i
19. [pa]-gar3#-sza
20. la is,-s,ur-ma
21. a-na _e2_ sza-ni-im
22. i-te-ru-ub
23. _munus_ szu-a-ti
24. u2-ka-an-nu-szi-ma
25. a-na me-e
26. i-na-ad-du-u2-szi
@law 134
27. szum-ma a-wi-lum
28. isz-sza-li-il-ma
29. i-na _e2_-szu
30. sza a-ka-li-im
31. la i-ba-asz-szi
32. asz-sza-su2
33. a-na _e2_ sza-ni-im
34. i-ir-ru-ub
35. _munus_ szi-i
36. ar-nam u2-ul i-szu
@law 135
37. szum-ma a-wi-lum
38. isz-sza-li-il-ma
39. i-na _e2_-szu
40. sza a-ka-li-im
41. la i-ba-asz-szi
42. a-na pa-ni-szu
43. asz-sza-su2
44. a-na _e2_ sza-ni-im
45. i-te-ru-ub-ma
46. _dumu-mesz_ it-ta-la-ad
47. i-na wa-ar-ka
48. mu-sa3 it-tu-ra-am-ma
49. _iri_-szu
50. ik-ta-asz2-dam
51. _munus_ szi-i
52. a-na ha-wi-ri-sza
53. i-ta-ar
54. _dumu-mesz_ wa-ar-ki
55. a-bi-szu-nu
56. i-il-la-ku
@law 136
57. szum-ma a-wi-lum
58. _iri_-szu id-di-ma
59. it-ta-bi-it
60. wa-ar-ki-szu
61. asz-sza-su2
62. a-na _e2_ sza-ni-im
63. i-te-ru-ub
64. szum-ma a-wi-lum szu-u2
65. it-tu-ra-am-ma
66. asz-sza-su2
67. is,-s,a-ba-at
68. asz-szum _iri_-szu
69. i-ze-ru-ma
70. in-na-bi-tu
71. asz-sza-at mu-na-ab-tim
72. a-na mu-ti-sza
73. u2-ul i-ta-ar
@law 137
74. szum-ma a-wi-lum
75. a-na {munus}szu-gi4-tim
76. sza _dumu-mesz_ ul-du-szum u3 lu _lukur_ sza _dumu-mesz_
77. u2-szar-szu-szu
78. e-ze2-bi-im
79. pa-ni-szu
80. isz-ta-ka-an
81. a-na _munus_ szu-a-ti
82. sze-ri-ik-ta-sza
83. u2-ta-ar-ru-szi-im
84. u3 mu-ut-ta-at
85. _a-sza3 {gesz}kiri6_ u3 bi-szi-im
@column 7
1. i-na-ad-di-nu-szi-im-ma
2. _dumu-mesz_-sza
3. u2-ra-ab-ba
4. isz-tu _dumu-mesz_-sza
5. ur2-ta-ab-bu-u2
6. i-na mi-im-ma
7. sza a-na _dumu-mesz_-sza
8. in-na-ad-nu
9. zi2-it-tam
10. ki-ma ap-lim isz-te-en
11. i-na-ad-di-nu-szi-im-ma
12. mu-tu li-ib-bi-sza
13. i-ih-ha-as-si2
@law 138
14. szum-ma a-wi-lum
15. hi-ir-ta-szu
16. sza _dumu-mesz_ la ul-du-szum
17. i-iz-zi-ib
18. _ku3-babbar_ ma-la
19. ter-ha-ti-sza
20. i-na-ad-di-isz-szi-im
21. u3 sze-ri-ik-tam
22. sza isz-tu _e2_ a-bi-sza ub-lam
23. u2-sza-lam-szi-im-ma
24. i-iz-zi-ib-szi
@law 139
25. szum-ma ter-ha-tum
26. la i-ba-asz-szi
27. 1(disz) ma-na _ku3-babbar_
28. a-na u2-zu-ub-be2-em
29. i-na-ad-di-isz-szi-im
@law 140
30. szum-ma _|MASZ.EN.GAG|!_
# MASZ-EN-NI
31. 1/3(disz) _ma-na ku3-babbar_
32. i-na-ad-di-isz-szi-im
@law 141
33. szum-ma asz-sza-at a-wi-lim
34. sza i-na _e2_ a-wi-lim
35. wa-asz-ba-at
36. a-na wa-s,e-em
37. pa-ni-sza
38. isz-ta-ka-an-ma
39. si2-ki-il-tam
40. i-sa3-ak-ki-il
41. _e2_-sa3 u2-sa3-ap-pa-ah
42. mu-sa3 u2-sza-am-t,a
43. u2-ka-an-nu-szi-ma
44. szum-ma mu-sa3
45. e-ze2-eb-sza
46. iq-ta-bi
47. i-iz-zi-ib-szi
48. ha-ra-an-sza
49. u2-zu-ub-bu-sza
50. mi-im-ma
51. u2-ul in-na-ad-di-isz-szi-im
52. szum-ma mu-sa3
53. la e-ze2-eb-sza iq-ta-bi
54. mu-sa3 _munus_ sza-ni-tam
55. i-ih-ha-az
56. _munus_ szi-i
57. ki-ma _geme2_
58. i-na _e2_ mu-ti-sza
59. usz-sza-ab
@law 142
60. szum-ma _munus_ mu-sa3 i-ze-er-ma
61. u2-ul ta-ah-ha-za-an-ni
62. iq-ta-bi
63. wa-ar-ka-sa3
64. i-na ba-ab-ti-sza
65. ip-pa-ar-ra-as2-ma
66. szum-ma na-as,-ra-at-ma
67. hi-t,i-tam
68. la i-szu
69. u3 mu-sa6
70. wa-s,i2-ma
71. ma-ga-al
72. u2-sza-am-t,a-szi
73. _munus_ szi-i
@column 8
1. ar-nam u2-ul i-szu
2. sze-ri-ik-ta-sza
3. i-le-qe2-ma
4. a-na _e2_ a-bi-sza
5. it-ta-al-la-ak
@law 143
6. szum-ma la na-as,-ra-at-ma
7. wa-s,i2-a-at
8. bi-sa3 u2-sa3-ap-pa-ah
9. mu-sa3 u2-sza-am-t,a
10. _munus_ szu-a-ti
11. a-na me-e
12. i-na-ad-du-u2-szi
@law 144
13. szum-ma a-wi-lum
14. _lukur_ i-hu-uz-ma
15. _lukur_ szi-i
16. _geme2_ a-na mu-ti-sza
17. id-di-in-ma
18. _dumu-mesz_ usz-tab-szi
19. a-wi-lum szu-u2
20. a-na {munus}szu-gi4-tim
21. a-ha-zi-im
22. pa-ni-szu
23. isz-ta-ka-an
24. a-wi-lam szu-a-ti
25. u2-ul i-ma-ag-ga-ru-szu
26. {munus}szu-gi4-tam
27. u2-ul i-ih-ha-az
@law 145
28. szum-ma a-wi-lum
29. _lukur_ i-hu-uz-ma
30. _dumu-mesz_ la u2-szar-szi-szu-ma
31. a-na {munus}szu-gi4-tim
32. a-ha-zi-im
33. pa-ni-szu
34. isz-ta-ka-an
35. a-wi-lum szu-u2
36. {munus}szu-gi4-tam
37. i-ih-ha-az
38. a-na _e2_-szu
39. u2-sze-er-re-eb-szi
40. {munus}szu-gi4-tum szi-i
41. it-ti _lukur_
42. u2-ul usz-ta-ma-ah-ha-ar
@law 146
43. szum-ma a-wi-lum
44. _lukur_ i-hu-uz-ma
45. _geme2_ a-na mu-ti-sza
46. id-di-in-ma
47. _dumu-mesz_ it-ta-la-ad
48. wa-ar-ka-nu-um
49. _geme2_ szi-i
50. it-ti be-el-ti-sza
51. usz-ta-tam-hi-ir
52. asz-szum _dumu-mesz_ ul-du
53. be-le-sa3
54. a-na _ku3-babbar_
55. u2-ul i-na-ad-di-isz-szi
56. ab-bu-ut-tam
57. i-sza-ak-ka-an-szi-ma
58. it-ti _geme2 hi-a_
59. i-ma-an-nu-szi
@law 147
60. szum-ma _dumu-mesz_
61. la u2-li-id
62. be-le-sa3
63. a-na _ku3-babbar_
64. i-na-ad-di-isz-szi
@law 148
65. szum-ma a-wi-lum
66. asz-sza-tam
67. i-hu-uz-ma
68. la-a'-bu-um
69. is,-s,a-ba-as-si2
70. a-na sza-ni-tim
71. a-ha-zi-im
72. pa-ni-szu
73. isz-ta-ka-an
74. i-ih-ha-az
75. asz-sza-su2
76. sza la-a'-bu-um
77. is,-ba-tu
78. u2-ul i-iz-zi-ib-szi
79. i-na _e2_ i-pu-szu
80. usz-sza-am-ma
81. a-di ba-al-t,a-at it-ta-na-asz-szi-szi
@column 9
@law 149
1. szum-ma _munus_ szi-i
2. i-na _e2_ mu-ti-sza
3. wa-sza-ba-am
4. la im-ta-gar3
5. sze-ri-ik-ta-sza
6. sza isz-tu _e2_ a-bi-sza
7. ub-lam
8. u2-sza#-lam-szim-ma
9. it-ta-al-la-ak
@law 150
10. szum-ma a-wi-lum
11. a-na asz-sza-ti-szu
12. _a-sza3 {gesz}kiri6 e2_
13. u3 bi-sza-am
14. isz-ru-uk-szim
15. ku-nu-uk-kam
16. i-zi-ib-szi-im
17. wa-ar-ki mu-ti-sza
18. _dumu-mesz_-sza u2-ul i-ba-qa2-ru-szi
19. um-mu-um
20. wa-ar-ka-sa3
21. a-na _dumu_-sza
22. sza i-ra-am-mu
23. i-na-ad-di-in
24. a-na a-hi-im
25. u2-ul i-na-ad-di-in
@law 151
26. szum-ma _munus_
27. sza i-na _e2_ a-wi-lim
28. wa-asz-ba-at
29. asz-szum be-el hu-bu-ul-lim
30. sza mu-ti-sza
31. la s,a-ba-ti-sza
32. mu-sa3 ur2-ta-ak-ki-is
33. t,up-pa-am
34. usz-te-zi-ib
35. szum-ma a-wi-lum
36. la-ma _munus_ szu-a-ti
37. i-ih-ha-zu
38. hu-bu-ul-lum
39. e-li-szu
40. i-ba-asz-szi
41. be-el hu-bu-ul-li-szu
42. asz-sza-su2
43. u2-ul i-s,a-ba-tu
44. u3 szum-ma _munus_ szi-i
45. la-ma a-na _e2_ a-wi-lim
46. i-ir-ru-bu
47. hu-bu-ul-lum
48. e-li-sza
49. i-ba-asz-szi
50. be-el hu-bu-ul-li-sza
51. mu-sa3 u2-ul i-s,a-ba-tu
@law 152
52. szum-ma isz-tu
53. _munus_ szi-i
54. a-na _e2_ a-wi-lim
55. i-ru-bu
56. e-li-szu-nu
57. hu-bu-ul-lum
58. it-tab-szi
59. ki-la-la-szu-nu
60. _dam-gar3_ i-ip-pa-lu
@law 153
61. szum-ma asz-sza-at a-wi-lim
62. asz-szum zi-ka-ri-im
63. sza-ni-im
64. mu-sa3 usz-di-ik
65. _munus_ szu-a-ti i-na ga-szi-szi-im
66. i-sza-ak-ka-nu-szi
@law 154
67. szum-ma a-wi-lum
68. _dumu-munus_-su2
69. il-ta-ma-ad
70. a-wi-lam szu-a-ti
71. _iri_ u2-sze-es,-s,u2-u2-szu
@law 155
72. szum-ma a-wi-lum
73. a-na _dumu_-szu
74. _e2-gi4-a_ i-hi-ir-ma
75. _dumu_-szu il-ma-si2
76. szu-u2 wa-ar-ka-nu-um
77. i-na su2-ni-sza
78. it-ta-ti-il-ma
79. is,-s,a-ab-tu-szu
80. a-wi-lam szu-a-ti
81. i-ka-su2-szu-ma
82. a-na me-e
@column 10
1. i-na-ad-du-u2-szi!
@law 156
2. szum-ma a-wi-lum
3. a-na _dumu_-szu
4. _e2-gi4-a_
5. i-hi-ir-ma
6. _dumu_-szu la il-ma-si2-ma
7. szu-u2 i-na su2-ni-sza
8. it-ta-ti-il
9. 1/2(disz) _ma-na ku3-babbar_
10. i-sza-qal-szi-im-ma
11. u3 mi-im-ma
12. sza isz-tu
13. _e2_ a-bi-sza
14. ub-lam
15. u2-sza-lam-szi-im-ma
16. mu-tu li-ib-bi-sza
17. i-ih-ha-as-si2
@law 157
18. szum-ma a-wi-lum
19. wa-ar-ki a-bi-szu
20. i-na su2-un um-mi-szu
21. i-ta-ti-il
22. ki-la-li-szu-nu
23. i-qal-lu-u2-szu-nu-ti
@law 158
24. szum-ma a-wi-lum
25. wa-ar-ki a-bi-szu
26. i-na su2-un
27. ra-bi-ti-szu
28. sza _dumu-mesz_ wa-al-da-at
29. it-ta-as,-ba-at
30. a-wi-lum szu-u2
31. i-na _e2 a-ba_
32. in-na-as-sa3-ah
@law 159
33. szum-ma a-wi-lum
34. sza a-na _e2_ e-mi-szu
35. bi-ib-lam
36. u2-sza-bi-lu
37. ter-ha-tam id-di-nu
38. a-na _munus_ sza-ni-tim
39. ub-ta-al-li-is,-ma
40. a-na e-mi-szu
41. _dumu-munus_-ka
42. u2-ul a-ha-az iq-ta-bi
43. a-bi _dumu-munus_
44. mi-im-ma
45. sza ib-ba-ab-lu-szum
46. i-tab-ba-al
@law 160
47. szum-ma a-wi-lum
48. a-na _e2_ e-mi-im
49. bi-ib-lam
50. u2-sza-bi-il
51. ter-ha-tam
52. id-di-in-ma
53. a-bi _dumu-munus_
54. _dumu-munus_-i u2-ul a-na-ad-di-ik-kum
55. iq-ta-bi
56. mi-im-ma ma-la
57. ib-ba-ab-lu-szum
58. usz-ta-sza-an-na-ma
59. u2-ta-ar
@law 161
60. szum-ma a-wi-lum
61. a-na _e2_ e-mi-szu
62. bi-ib-lam u2-sza-bil2
63. ter-ha-tam
64. id-di-in-ma
65. i-bi-ir-szu
66. uk-tar-ri-su2
67. e-mu-szu
68. a-na be-el asz-sza-tim
69. _dumu-munus_-i u2-ul ta-ah-ha-az
70. iq-ta-bi
71. mi-im-ma ma-la
72. ib-ba-ab-lu-szum
73. usz-ta-sza-an-na-ma
74. u2-ta-ar
75. u3 asz-sza-su2
76. i-bi-ir-szu
77. u2-ul i-ih-ha-az
@law 162
78. szum-ma a-wi-lum
79. asz-sza-tam
80. i-hu-uz
81. _dumu-mesz_ u2-li-sum2-ma
82. _munus_ szi-i
83. a-na szi-im-tim
@column 11
1. it-ta-la-ak
2. a-na sze-ri-ik-ta-sza
3. a-bu-sza
4. u2-ul i-ra-ag-gu-um
5. sze-ri-ik-ta-sza
6. sza _dumu-mesz_-sza-ma
@law 163
7. szum-ma a-wi-lum
8. asz-sza-tam
9. i-hu-uz-ma
10. _dumu-mesz_ la u2-szar-szi-szu
11. _munus_ szi-i
12. a-na szi-im-tim
13. it-ta-la-ak
14. szum-ma ter-ha-tam
15. sza a-wi-lum szu-u2
16. a-na _e2_ e-mi-szu ub-lu
17. e-mu-szu
18. ut-te-er-szum
19. a-na sze-ri-ik-ti
20. _munus_ szu-a-ti
21. mu-sa3 u2-ul i-ra-ag-gu-um
22. sze-ri-ik-ta-sza
23. sza _e2_ a-bi-sza-ma
@law 164
24. szum-ma e-mu-szu
25. ter-ha-tam
26. la ut-te-er-szum
27. i-na sze-ri-ik-ti-sza
28. ma-la ter-ha-ti-sza
29. i-har-ra-as,-ma
30. sze-ri-ik-ta-sza
31. a-na _e2_ a-ta!-sza
32. u2-ta-ar
@law 165
33. szum-ma a-wi-lum
34. a-na _ibila_-szu
35. sza i-in-szu mah-ru
36. _a-sza3 {gesz}kiri6_ u3 _e2_
37. isz-ru-uk
38. ku-nu-kam isz-t,ur-szum
39. wa-ar-ka a-bu-um
40. a-na szi-im-tim
41. it-ta-al-ku
42. i-nu-ma ah-hu
43. i-zu-uz-zu
44. qi2-isz-ti a-bu-um
45. id-di-nu-szum
46. i-le-qe2-ma
47. e-le-nu-um-ma
48. i-na _nig2-gur11 e2 a-ba_
49. mi-it-ha-ri-isz
50. i-zu-uz-zu
@law 166
51. szum-ma a-wi-lum
52. a-na _dumu-mesz_ sza ir-szu-u2
53. asz-sza-tim i-hu-uz
54. a-na _dumu_-szu
55. s,e-eh-ri-im
56. asz-sza-tam
57. la i-hu-uz
58. wa-ar-ka a-bu-um
59. a-na szi-im-tim
60. it-ta-al-ku
61. i-nu-ma ah-hu
62. i-zu-uz-zu
63. i-na _nig2-gur11 e2 a-ba_
64. a-na a-hi-szu-nu
65. s,e-eh-ri-im
66. sza asz-sza-tam
67. la ah-zu
68. e-li-a-at
69. zi-it-ti-szu
70. _ku3-babbar_ ter-ha-tim
71. i-sza-ak-ka-nu-szum-ma
72. asz-sza-tam
73. u2-sza-ah-ha-zu-szu
@law 167
74. szum-ma a-wi-lum
75. asz-sza-tam
76. i-hu-uz-ma
77. _dumu-mesz_ u2-li-sum2
78. _munus_ szi-i
79. a-na szi-im-tim
80. it-ta-la-ak
81. wa-ar-ki-sza
82. _munus_ sza-ni-tam
83. i-ta-ha-az-ma
84. _dumu-mesz_ it-ta-la-ad
85. wa-ar-ka-nu-um
86. a-bu-um a-na szi-im-tim
87. it-ta-al-ku
@column 12
1. _dumu-mesz_ a-na um-ma-tim
2. u2-ul i-zu-uz-zu
3. sze-ri-ik-ti
4. um-ma-ti-szu-nu
5. i-le-qu2-ma
6. _nig2-gur11 e2 a-ba_
7. mi-it-ha-ri-isz
8. i-zu-uz-zu
@law 168
9. szum-ma a-wi-lum
10. a-na _dumu_-szu
11. na-sa-hi-im
12. pa-nam isz-ta-ka-an
13. a-na da-a-a-ni
14. _dumu_-i a-na-sa3-ah iq-ta-bi
15. da-a-a-nu
16. wa-ar-ka-su2
17. i-par2-ra-su-ma
18. szum-ma _dumu_ ar-nam kab-tam
19. sza i-na ap-lu-tim
20. na-sa-hi-im
21. la ub-lam
22. a-bu-um _dumu_-szu
23. i-na ap-lu-tim
24. u2-ul i-na-sa3-ah
@law 169
25. szum-ma ar-nam kab-tam
26. sza i-na ap-lu-tim
27. na-sa-hi-im
28. a-na a-bi-szu
29. it-ba-lam
30. a-na isz-ti-isz-szu
31. pa-ni-szu ub-ba-lu
32. szum-ma ar-nam kab-tam
33. a-di szi-ni-szu it-ba-lam
34. a-bu-um _dumu_-szu
35. i-na ap-lu-tim
36. i-na-sa3-ah
@law 170
37. szum-ma a-wi-lum
38. hi-ir-ta-szu
39. _dumu-mesz_ u2-li-sum2
40. u3 _geme2_-su2
41. _dumu-mesz_ u2-li-sum2
42. a-bu-um
43. i-na bu-ul-t,i3-szu
44. a-na _dumu-mesz_ sza _geme2_ ul-du-szum
45. _dumu-mesz_-u2-a iq-ta-bi
46. it-ti _dumu-mesz_ hi-ir-tim
47. im-ta-nu-szu-nu-ti
48. wa-ar-ka a-bu-um
49. a-na szi-im-tim
50. it-ta-al-ku
51. i-na _nig2-gur11 e2 a-ba_
52. _dumu-mesz_ hi-ir-tim
53. u3 _dumu-mesz geme2_
54. mi-it-ha-ri-isz
55. i-zu-uz-zu
56. _ibila dumu_ hi-ir-tim
57. i-na zi-it-tim
58. i-na-sa3-aq-ma
59. i-le-qe2
@law 171
60. u3 szum-ma a-bu-um
61. i-na bu-ul-t,i3-szu
62. a-na _dumu-mesz_ sza _geme2_ ul-du-szum
63. _dumu-mesz_-u2-a la iq-ta-bi
64. wa-ar-ka a-bu-um
65. a-na szi-im-tim
66. it-ta-al-ku
67. i-na _nig2-gur11 e2 a-ba_
68. _dumu-mesz geme2_
69. it-ti _dumu-mesz_ hi-ir-tim
70. u2-ul i-zu-uz-zu
71. an-du-ra-ar
72. _geme2_ u3 _dumu-mesz_-sza
73. isz-sza-ak-ka-an
74. _dumu-mesz_ hi-ir-tim
75. a-na _dumu-mesz geme2_
76. a-na wa-ar-du-tim
77. u2-ul i-ra-ag-gu-mu
78. hi-ir-tum
79. sze-ri-ik-ta-sza
80. u3 nu-du-un-na-am
81. sza mu-sa3
82. id-di-nu-szi-im
83. i-na t,up-pi2-im
84. isz-t,u2-ru-szi-im
85. i-le-qe2-ma
86. i-na szu-ba-at
87. mu-ti-sza usz-sza-ab
@column 13
1. a-di ba-al-t,a-at i-ik-ka-al
2. a-na _ku3-babbar_
3. u2-ul i-na-ad-di-in
4. wa-ar-ka-sa3
5. sza _dumu-mesz_-sza-ma
@law 172
6. szum-ma mu-sa3
7. nu-du-un-na-am
8. la id-di-isz-szi-im
9. sze-ri-ik-ta-sza
10. u2-sza-la-mu-szi-im-ma
11. i-na _nig2-gur11_
12. _e2_ mu-ti-sza
13. zi2-it-tam
14. ki-ma _ibila_ isz-te-en
15. i-le-qe2
16. szum-ma _dumu-mesz_-sza
17. asz-szum i-na _e2_ szu-s,i2-im
18. u2-sa3-ah-ha-mu-szi
19. da-a-a-nu
20. wa-ar-ka-sa3
21. i-par2-ra-su-ma
22. _dumu-mesz_ ar-nam
23. i-im-mi-du
24. _munus_ szi-i
25. i-na _e2_ mu-ti-sza
26. u2-ul us,-s,i2
27. szum-ma _munus_ szi-i
28. a-na wa-s,e-em
29. pa-ni-sza
30. isz-ta-ka-an
31. nu-du-un-na-am
32. sza mu-sa3
33. id-di-nu-szi-im
34. a-na _dumu-mesz_-sza
35. i-iz-zi-ib
36. sze-ri-ik-tam
37. sza _e2_ a-bi-sza
38. i-le-qe2-ma
39. mu-ut li-ib-bi-sza
40. i-ih-ha-as-si2
@law 173
41. szum-ma _munus_ szi-i
42. a-szar i-ru-bu
43. a-na mu-ti-sza
44. wa-ar-ki-im
45. _dumu-mesz_ it-ta-la-ad
46. wa-ar-ka _munus_ szi-i im-tu-ut
47. sze-ri-ik-ta-sza
48. _dumu-mesz_ mah-ru-tum
49. u3 wa-ar-ku-tum
50. i-zu-uz-zu
@law 174
51. szum-ma a-na mu-ti-sza
52. wa-ar-ki-im
53. _dumu-mesz_ la it-ta-la-ad
54. sze-ri-ik-ta-sza
55. _dumu-mesz_ ha-wi-ri-sza-ma
56. i-le-qu2-u2
@law 175
57. szum-ma lu _ARAD2 e2-gal_
58. u3 lu _ARAD2_
59. _|MASZ.EN.GAG|_
60. _dumu-munus_ a-wi-lim
61. i-hu-uz-ma
62. _dumu-mesz_
63. it-ta-la-ad
64. be-el _ARAD2_
65. a-na _dumu-mesz_
66. _dumu-munus_ a-wi-lim
67. a-na wa-ar-du-tim
68. u2-ul i-ra-ag-gu-um
@law 176
69. u3 szum-ma _ARAD2 e2-gal_
70. u3 lu _ARAD2 |MASZ.EN.GAG|_
71. _dumu-munus_ a-wi-lim
72. i-hu-uz-ma
73. i-nu-ma i-hu-zu-szi
74. qa2-du-um
75. sze-ri-ik-tim
76. sza _e2_ a-bi-sza
77. a-na _e2 ARAD2 e2-gal_
78. u3 lu _ARAD2 |MASZ.EN.GAG|_
79. i-ru-ub-ma
80. isz-tu in-ne-em-du
81. _e2_ i-pu-szu
82. bi-sza-am ir-szu-u2
83. wa-ar-ka-nu-um-ma
84. lu _ARAD2 e2-gal_
85. u3 lu _ARAD2 |MASZ.EN.GAG|_
86. a-na szi-im-tim
87. it-ta-la-ak
88. _dumu-munus_ a-wi-lim
89. sze-ri-ik-ta-sza
90. i-le-qe2
91. u3 mi-im-ma
92. sza mu-sa3 u3 szi-i
@column 14
1. isz-tu in-ne-em-du
2. ir-szu-u2
3. a-na szi-ni-szu
4. i-zu-uz-zu-ma
5. mi-isz-lam be-el _ARAD2_
6. i-le-qe2
7. mi-isz-lam
8. _dumu-munus_ a-wi-lim
9. a-na _dumu-mesz_-sza i-le-qe2
10. szum-ma _dumu-munus_ a-wi-lim
11. sze-ri-ik-tam la i-szu
12. mi-im#-ma sza mu-sa3 u3 szi-i
13. isz-tu in-ne-em-du
14. ir-szu-u2
15. a-na szi-ni-szu
16. i-zu-uz-zu-ma
17. mi-isz-lam be-el _ARAD2_
18. i-le-qe2
19. mi-isz-lam
20. _dumu-munus_ a-wi-lim
21. a-na _dumu-mesz_-sza i-le-qe2
@law 177
22. szum-ma _nu-mu-su_
23. sza _dumu-mesz_-sza
24. s,e-eh-he-ru
25. a-na _e2_ sza-ni-im
26. e-re-bi-im
27. pa-ni-sza
28. isz-ta-ka-an
29. ba-lum da-a-a-ni
30. u2-ul i-ir-ru-ub
31. i-nu-ma
32. a-na _e2_ sza-ni-im
33. i-ir-ru-bu
34. da-a-a-nu
35. wa-ar-ka-at
36. _e2_ mu-ti-sza
37. pa-ni-im
38. i-par2-ra-su-ma
39. _e2_ sza mu-ti-sza
40. pa-ni-im
41. a-na mu-ti-sza
42. wa-ar-ki-im
43. u3 _munus_ szu-a-ti
44. i-pa-aq-qi2-du-ma
45. t,up-pa-am
46. u2-sze-ez-ze-bu-szu-nu-ti
47. _e2_ i-na-s,a-ru
48. u3 s,e-eh-he-ru-tim
49. u2-ra-ab-bu-u2
50. u2-ni-a-tim
51. a-na _ku3-babbar_
52. u2-ul i-na-ad-di-nu
53. sza-a-a-ma-nu-um
54. sza u2-nu-ut
55. _dumu-mesz nu-mu-su_
56. i-sza-am-mu
57. i-na _ku3-babbar_-szu
58. i-te-el-li
59. _nig2-gur11_ a-na be-li2-szu
60. i-ta-ar
@law 178
61. szum-ma _nin-dingir lukur_
62. u3 lu {munus}_zi-ik-ru-um_
63. sza a-bu-sza
64. sze-ri-ik-tam
65. isz-ru-uk-szi-im
66. t,up-pa-am
67. isz-t,u2-ru-szi-im
68. i-na t,up-pi2-im
69. sza isz-t,u2-ru-szi-im
70. wa-ar-ka-sa3
71. e-me e-li-sza
72. t,a-bu na-da-nam
73. la isz-t,ur-szi-im-ma
74. ma-la li-ib-bi-sza
75. la u2-sza-am-s,i2-szi
76. wa-ar-ka a-bu-um
77. a-na szi-im-tim
78. it-ta-al-ku
79. _a-sza3_-sza u3 _kiri6_-sza
80. ah-hu-sza
81. i-le-qu2-ma
82. ki-ma e-mu-uq
83. zi-it-ti-sza
84. _sze-ba i3-ba_ u3 _siki-ba_
85. i-na-ad-di-nu-szim-ma
86. li-ib-ba-sza
87. u2-t,a-ab-bu
88. szum-ma ah-hu-sza
89. ki-ma e-mu-uq
90. zi-it-ti-sza
91. _sze-ba i3-ba_ u3 _siki-ba_
92. la it-ta-ad-nu-szi-im-ma
@column 15
1. li-ib-ba-sza
2. la ut,-t,i-ib-bu
3. _a-sza3_-sza u3 _kiri6_-sza
4. a-na er-re-szi-im
5. sza e-li-sza t,a-bu
6. i-na-ad-di-in-ma
7. er-re-sa3
8. it-ta-na-asz-szi-szi
9. _a-sza3 {gesz}kiri6_
10. u3 mi-im-ma
11. sza a-bu-sza
12. id-di-nu-szi-im
13. a-di ba-al-t,a-at i3-kal
14. a-na _ku3-babbar_
15. u2-ul i-na-ad-di-in
16. sza-ni-a-am
17. u2-ul u2-up-pa-al
18. ap-lu-sa3
19. sza ah-hi-sza-ma
@law 179
20. szum-ma _nin-dingir lukur_
21. u3 lu {munus}_zi-ik-ru-um_
22. sza a-bu-sza
23. sze-ri-ik-tam
24. isz-ru-uk-szi-im
25. ku-nu-kam
26. isz-t,u2-ru-szi-im
27. i-na t,up-pi2-im
28. sza isz-t,u2-ru-szi-im
29. wa-ar-ka-sa3
30. e-ma e-li-sza t,a-bu
31. na-da-nam
32. isz-t,ur-szi-im-ma
33. ma-la li-ib-bi-sza
34. usz-tam-s,i2-szi
35. wa-ar-ka a-bu-um
36. a-na szi-im-tim
37. it-ta-al-ku
38. wa-ar-ka-sa3
39. e-ma e-li-sza t,a-bu
40. i-na-ad-di-in
41. ah-hu-sza
42. u2-ul i-ba-aq-qa2-ru-szi
@law 180
43. szum-ma a-bu-um
44. a-na _dumu-munus_-szu
45. _lukur ga2-gi4-a_
46. u3 lu {munus}_zi-ik-ru-um_
47. sze-ri-ik-tam
48. la isz-<ru>-uk-szi-im
49. wa-ar-ka a-bu-um
50. a-na szi-im-tim
51. it-ta-al-ku
52. i-na _nig2-gur11 e2 a-ba_
53. zi2-it-tam ki-ma
54. ap-lim isz-te-en
55. i-za-az-ma
56. a-di ba-al-t,a-at
57. i-ik-ka-al
58. wa-ar-ka-sa3
59. sza ah-hi-sza-ma
@law 181
60. szum-ma a-bu-um
61. _lukur nu-gig_
62. u3 lu _nu-bar_
63. a-na _dingir_ isz-szi-ma
64. sze-ri-ik-tam
65. la isz-ru-uk-szi-im
66. wa-ar-ka a-bu-um
67. a-na szi-im-tim
68. it-ta-al-ku
69. i-na _nig2-gur11 e2 a-ba_
70. _igi 3(disz)-gal2 ibila_-sza
71. i-za-az-ma
72. a-di ba-al-t,a-at
73. i-ik-ka-al
74. wa-ar-ka-sa3
75. sza ah-hi-sza-am-ma
@law 182
76. szum-ma a-bu-um
77. a-na _dumu-munus_-szu
78. _lukur_ {d}marduk
79. sza babila#{ki}
80. sze-ri-ik-tam
81. la isz-ru-uk-szi-im
82. ku-nu-kam
83. la isz-t,ur-szi-im
84. wa-ar-ka a-bu-um
85. a-na szi-im-tim
86. it-ta-al-ku
87. i-na _nig2-gur11 e2 a-ba_
88. _igi 3(disz)-gal2 ibila_-sza
89. it-ti ah-hi-sza
90. i-za-az-ma
91. il-kam
92. u2-ul i-il-la-ak
93. _lukur_ {d}marduk
94. wa-ar-ka-sa3
95. e-ma e-li-sza
96. t,a-bu
@column 16
1. i-na-ad-di-in
@law 183
2. szum-ma a-bu-um
3. a-na _dumu-munus_-szu szu-gi4-tim
4. sze-ri-ik-tam
5. isz-ru-uk-szi-im
6. a-na mu-tim
7. id-di-isz-szi
8. ku-nu-uk-kam
9. isz-t,ur-szi-im
10. wa-ar-ka a-bu-um
11. a-na szi-im-tim
12. it-ta-al-ku
13. i-na _nig2-gur11 e2 a-ba_
14. u2-ul i-za-az
@law 184
15. szum-ma a-wi-lum
16. a-na _dumu-munus_-szu
17. szu-gi4-tim
18. sze-ri-ik-tam
19. la isz-ru-uk-szim
20. a-na mu-tim
21. la id-di-isz-szi
22. wa-ar-ka a-bu-um
23. a-na szi-im-tim
24. it-ta-al-ku
25. ah-hu-sza
26. ki-ma e-mu-uq _e2 a-ba_
27. sze-ri-ik-tam
28. i-szar-ra-ku-szi-im-ma
29. a-na mu-tim
30. i-na-ad-di-nu-szi
@law 185
31. szum-ma a-wi-lum
32. s,e-eh-ra-am
33. i-na me-e-szu
34. a-na ma-ru-tim
35. il-qe2-ma
36. ur2-ta-ab-bi-szu
37. tar-bi-tum szi-i
38. u2-ul ib-ba-aq-qar
@law 186
39. szum-ma a-wi-lum
40. s,e-eh-ra-am
41. a-na ma-ru-tim il-qe2
42. i-nu-ma
43. il-qu2-u2-szu
44. a-ba-szu
45. u3 um-ma-szu
46. i-hi-a-at,
47. tar-bi-tum szi-i
48. a-na _e2_ a-bi-szu
49. i-ta-ar
@law 187
50. _dumu giri3-se3-ga_
51. mu-za-az _e2-gal_
52. u3 _dumu {munus}zi-ik-ru-um_
53. u2-ul ib-ba-aq-qar
@law 188
54. szum-ma _dumu um-mi-a_
55. _dumu_ a-na tar-bi-tim
56. il-qe2-ma
57. szi-pi2-ir qa2-ti-szu
58. usz-ta-hi-su2
59. u2-ul ib-ba-qar
@law 189
60. szum-ma szi-pi2-ir qa2-ti-szu
61. la usz-ta-hi-su2
62. tar-bi-tum szi-i
63. a-na _e2_ a-bi-szu
64. i-ta-ar
@law 190
65. szum-ma a-wi-lum
66. s,e-eh-ra-am
67. sza a-na ma-ru-ti-szu
68. il-qu2-szu-ma
69. u2-ra-ab-bu-szu
70. it-ti _dumu-mesz_-szu
71. la im-ta-nu-szu
72. tar-bi-tum szi-i
73. a-na _e2_ a-bi-szu
74. i-ta-ar
@law 191
75. szum-ma a-wi-lum
76. s,e-eh-ra-am
77. sza a-na ma-ru-ti-szu
78. il-qu2-szu-ma
79. u2-ra-ab-bu-u2-szu
80. _e2_-ba! i-pu-usz
81. wa-ar-ka _dumu-mesz_
82. ir-ta-szi-ma
83. a-na tar-bi-tim na-sa-hi-im
84. pa-nam isz-ta-ka-an
85. _dumu_ szu-u2 ri-qu2-su2
86. u2-ul it-ta-al-la-ak
87. a-bu-um mu-ra-bi-szu
88. i-na _nig2-gur11_-szu
89. _igi 3(disz)-gal2 ibila_-szu
90. i-na-ad-di-isz-szum-ma
91. it-ta-la-ak
92. i-na _a-sza3 {gesz}kiri6_
93. u3 _e2_
94. u2-ul i-na-ad-di;-isz-szum
@law 192
96. szum-ma _dumu giri3-se3-ga_
@column 17
1. u3 lu _dumu {munus}zi-ik-ru-um#_
2. a-na a-bi-im
3. mu-ra-bi-szu
4. u3 um-mi-im
5. mu-ra-bi-ti-szu
6. u2-ul a-bi at-ta
7. u2-ul um-mi at-ti iq-ta-bi
8. _eme_-szu
9. i-na-ak-ki-su
@law 193
10. szum-ma _dumu giri3-se3-ga_
11. u3 lu _dumu {munus}zi-ik-ru-um_
12. _e2_ a-bi-szu
13. u2-we-ed-di-ma
14. a-ba-am
15. mu-ra-bi-szu
16. u3 um-ma-am
17. mu-ra-bi-su2
18. i-ze2-er-ma
19. a-na _e2_ a-bi-szu
20. it-ta-la-ak
21. i-in-szu
22. i-na-sa3-hu
@law 194
23. szum-ma a-wi-lum
24. _dumu_-szu a-na mu-sze-ni-iq-tim
25. id-di-in-ma
26. _dumu_ szu-u2
27. i-na# qa2-at mu-sze-ni-iq-tim
28. im-tu-ut
29. mu-sze-ni-iq-tum#
30. ba-lum a-bi-szu
31. u3 um-mi-szu
32. _dumu_ sza-ni-a-am-ma
33. ir-ta-ka-as2
34. u2-ka-an-nu-szi-ma
35. asz-szum ba-lum a-bi-szu#
36. u3 um-mi-[szu]
37. _dumu_ sza-ni-a-am#
38. ir-ku-su#
39. _ubur_-sza
40. i-na-ak-ki-su
@law 195
41. szum-ma _dumu a-ba_-szu
42. im-ta-ha-as,
43. _kiszib3-la2_-szu
44. i-na-ak-ki-su
@law 196
45. szum-ma a-wi-lum
46. i-in _dumu_ a-wi-lim
47. uh2-tap-pi2-id
48. i-in-szu
49. u2-ha-ap-pa-du
@law 197
50. szum-ma _giri3-pad-ra2_ a-wi-lim
51. isz-te-bi-ir
52. _giri3-pad-ra2_-szu
53. i-sze-eb-bi-ru
@law 198
54. szum-ma i-in _|MASZ.EN.GAG|_
55. uh2-tap-pi2-id
56. u3 lu _giri3-pad-ra2 |MASZ.EN.GAG|_
57. isz-te-bi-ir
58. 1(disz) _ma-na ku3-babbar_
59. i-sza-qal
@law 199
60. szum-ma i-in _ARAD2_ a-wi-lim
61. uh2-tap-pi2-id
62. u3 lu _giri3-pad-ra2 ARAD2_ a-wi-lim
63. isz-te-bi-ir
64. mi-szi-il _sa10_-szu
65. i-sza-qal
@law 200
66. szum-ma a-wi-lum
67. szi-in-ni a-wi-lim
68. me-eh-ri-szu
69. it-ta-di
70. szi-in-na-szu i-na-ad-du-u2
@law 201
71. szum-ma szi-in-ni
72. _|MASZ.EN.GAG|_ it-ta-di
73. 1/3(disz) _ma-na ku3-babbar_
74. i-sza-qal
@law 202
75. szum-ma a-wi-lum
76. le-e-et a-wi-lim
77. sza e-li-szu ra-bu-u2
78. im-ta-ha-as,
79. i-na pu-uh2-ri-im
80. i-na _{kusz}usan3 gu4_
81. 1(disz) szu-szi im-mah-ha-as,
@law 203
82. szum-ma _dumu_ a-wi-lim
83. le-e-et _dumu_ a-wi-lim
84. sza ki-ma szu-a-ti
85. im-ta-ha-as,
86. 1(disz) ma-na _ku3-babbar_
87. i-sza-qal
@law 204
88. szum-ma _|MASZ.EN.GAG|_
89. le-e-et _|MASZ.EN.GAG|_
90. im-ta-ha-as,
91. 1(u) _gin2 ku3-babbar_ i-sza-qal
@law 205
92. szum-ma _ARAD2_ a-wi-lim
93. le-e-et _dumu_ a-wi-lim
@column 18
1. im-ta-ha-as,
2. u2-zu-un-szu
3. i-na-ak-ki-su
@law 206
4. szum-ma a-wi-lum a-wi-lam
5. i-na ri-is-ba-tim
6. im-ta-ha-as,-ma
7. si2-im-ma-am
8. isz-ta-ka-an-szu
9. a-wi-lum szu-u2
10. i-na i-du-u2
11. la am-ha-s,u2
12. i-tam-ma
13. u3 _a-zu_ i-ip-pa-al
@law 207
14. szum-ma i-na ma-ha-s,i2-szu
15. im-tu-ut
16. i-tam-ma-ma
17. szum-ma _dumu_ a-wi-lim
18. 1/2(disz) _ma-na ku3-babbar_
19. i-sza-qal
@law 208
20. szum-ma _dumu |MASZ.EN.GAG|_
21. 1/3(disz) _ma-na ku3-babbar_
22. i-sza-qal
@law 209
23. szum-ma a-wi-lum
24. _dumu-munus_ a-wi-lim
25. im-ha-as,-ma
26. sza li-ib-bi-sza
27. usz-ta-di-szi
28. 1(u) _gin2 ku3-babbar_
29. a-na sza li-ib-bi-sza
30. i-sza-qal
@law 210
31. szum-ma _munus_ szi-i
32. im-tu-ut
33. _dumu-munus_-su2
34. i-du-uk-ku
@law 211
35. szum-ma _dumu-munus |MASZ.EN.GAG|_
36. i-na ma-ha-s,i2-im
37. sza li-ib-bi-sza
38. usz-ta-ad-di-szi
39. 5(disz) _gin2 ku3-babbar_
40. i-sza-qal
@law 212
41. szum-ma _munus_ szi-<i>
42. im-tu-ut
43. 1/2(disz) _ma-na ku3-babbar_
44. i-sza-qal
@law 213
45. szum-ma _geme2_ a-wi-lim
46. im-ha-as,-ma
47. sza li-ib-bi-sza
48. usz-ta-ad-di-szi
49. 2(disz) _gin2 ku3-babbar_
50. i-sza-qal
@law 214
51. szum-ma _geme2_ szi-i
52. im-tu-ut
53. 1/3(disz) _ma-na ku3-babbar_
54. i-sza-qal
@law 215
55. szum-ma _a-zu_
56. a-wi-lam si2-im-ma-am kab-tam
57. i-na _gir2 gag zabar_
58. i-pu-usz-ma
59. a-wi-lam ub-ta-al-li-it,
60. u3 lu na-kap-ti a-wi-lim
61. i-na _gir2 gag zabar_
62. ip-te-ma
63. i-in a-wi-lim
64. ub-ta-al-li-it,
65. 1(u) _gin2 ku3-babbar_
66. i-le-qe2
@law 216
67. szum-ma _dumu |MASZ.EN.GAG|_
68. 5(disz) _gin2 ku3-babbar_
69. i-le-qe2
@law 217
70. szum-ma _ARAD2_ a-wi-lim
71. be-el _ARAD2_ a-na _a-zu_
72. 2(disz) _gin2 ku3-babbar_
73. i-na-ad-di-in
@law 218
74. szum-ma _a-zu_ a-wi-lam
75. si2-im-ma-am kab-tam
76. i-na _gir2 gag zabar_
77. i-pu-usz-ma
78. a-wi-lam usz-ta-mi-it
79. u3 lu na-a2!-ti a-wi-lim
80. i-na _gir2 gag zabar_
81. ip-te-ma i-in a-wi-lim
82. uh2-tap-pi2-id
83. _kiszib3-la2_-szu i-na-ki-su
@law 219
84. szum-ma _a-zu_ si2-im-ma-am kab-tam
85. _ARAD2 |MASZ.EN.GAG|_
86. i-na _gir2 gag zabar_
87. i-pu-usz-ma usz-ta-mi-it
88. _ARAD2_ ki-ma _ARAD2_ i-ri-ab
@law 220
89. szum-ma na-kap-ta-szu
90. i-na _gir2 gag zabar_
91. ip-te-ma
92. i-in-szu uh2-tap-<pi2>-da
93. _ku3-babbar_ mi-szi-il
94. _sa10_-szu i-sza-qal
@law 221
95. szum-ma _a-zu_
96. _giri3-pad-ra2_ a-wi-lim
@column 19
1. sze-bi-ir-tam
2. usz-ta-li-im
3. u3 lu sze-er-ha-nam
4. mar-s,a-am _ku3-babbar_
5. ub-ta-al-li-it,
6. be-el s,e-em-ma-im
7. a-na _a-zu_
8. 5(disz) _gin2 ku3-babbar_
9. i-na-ad-di-in
@law 222
10. szum-ma _dumu |MASZ.EN.GAG|_
11. 3(disz) _gin2 ku3-babbar_
12. i-na-ad-di-in
@law 223
13. szum-ma _ARAD2_ a-wi-lim
14. be-el _ARAD2_
15. a-na _a-zu_
16. 2(disz) _gin2 ku3-babbar_
17. i-na-ad-di-in
@law 224
18. szum-ma _a-zu gu4_
19. u3 lu _ansze_
20. lu _gu4_ u3 lu _ansze_
21. s,e-em-ma-am kab-tam
22. i-pu-usz-ma
23. ub-ta-al-li-it,
24. be-el _gu4_ u3 lu _ansze_
25. _igi 6(disz)-gal2 ku3-babbar_
26. a-na _a-zu_
27. _a2_-szu
28. i-na-ad-di-in
@law 225
29. szum-ma _gu4_ u3 lu _ansze_
30. si2-im-ma-am kab-tam
31. i-pu-usz-ma
32. usz-ta-mi-it
33. _igi 4(disz)?-gal2 sa10_-szu
34. a-na be-el _gu4_ u3 lu _ansze_
35. i-na-ad-di-in
@law 226
36. szum-ma _szu-i_
37. ba-lum be-el _ARAD2_
38. ab-bu-ti _ARAD2_ la sze-e-em
40. u2-ga-al-li-ib
41. _kiszib3-la2 szu-i_ szu-a-ti
42. i-na-ak-ki-su2
@law 227
43. szum-ma a-wi-lum
44. _szu-i_ i-da-as,-ma
45. ab-bu-ti
46. _ARAD2_ la sze-e-em
47. ug-da-al-li-ib
48. a-wi-lam szu-a-ti
49. i-du-uk-ku-szu-ma
50. i-na _ka2_-szu
51. i-ha-al-la-lu-szu
52. _szu-i_ i-na i-du-u2
53. la u2-gal-li-bu
54. i-tam-ma-ma
55. u2-ta-asz-szar
@law 228
56. szum-ma _szitim_
57. _e2_ a-na a-wi-lim
58. i-pu-usz-ma
59. u2-sza-ak-li-il-szum
60. a-na 1(disz) _sar e2_
61. 2(disz) _gin2 ku3-babbar_
62. a-na qi2-isz-ti-szu
63. i-na-ad-di-isz-szum
@law 229
64. szum-ma _szitim_
65. a-na a-wi-lim
66. _e2_ i-pu-usz-ma
67. szi-pi2-ir-szu
68. la u2-da-an-ni-in-ma
69. _e2_ i-pu-szu
70. im-qu2-ut-ma
71. be-el _e2_ usz-ta-mi-it
72. _szitim_ szu-u2 id-da-ak
@law 230
73. szum-ma _dumu_ be-el _e2_
74. usz-ta-mi-it
75. _dumu szitim_ szu-a-ti
76. i-du-uk-ku
@law 231
77. szum-ma _ARAD2_ be-el _e2_
78. usz-ta-mi-it
79. _ARAD2_ ki-ma _ARAD2_
80. a-na be-el _e2_
81. i-na-ad-di-in
@law 232
82. szum-ma _nig2-gur11_
83. uh2-ta-al-li-iq
84. mi-im-ma
85. sza u2-hal-li-qu2
86. i-ri-ab
87. u3 asz-szum _e2_ i-pu-szu
88. la u2-dan-ni-nu-ma
89. im-qu2-tu
90. i-na _nig2-gur11_
91. ra-ma-ni-szu
92. _e2_ im-qu2-tu i-ip-pe2-esz
@law 233
93. szum-ma _szitim e2_
94. a-na a-wi-lim i-pu-usz-ma
95. szi-pi2-ir-szu
96. la usz-te-es,-bi-ma
97. _e2-gar8_ iq-tu-up
98. _szitim_ szu-u2
@column 20
1. i-na _ku3-babbar_ ra-ma-ni-szu
2. _e2-gar8_ szu-a-ti
3. u2-dan-na-an
@law 234
4. szum-ma _ma2-lah5_
5. _{gesz}ma2 1(gesz2) gur_
6. a-na a-wi-lim ip-he
7. 2(disz) _gin2 ku3-babbar_
8. a-na qi2-isz-ti-szu
9. i-na-ad-di-isz-szum
@law 235
10. szum-ma _ma2-lah5_
11. _{gesz}ma2_ a-na a-wi-lim
12. ip-he-ma
13. szi-pi2-ir-szu
14. la u2-tak2-ki-il-ma
15. i-na sza-at-tim-ma szu-a-ti
16. _{gesz}ma2_ szi-i
17. is,-s,a-bar
18. hi-t,i-tam ir-ta-szi
19. _ma2-lah5_
20. _{gesz}ma2_ szu-a-ti
21. i-na-qar-ma
22. i-na _nig2-gur11_ ra-ma-ni-szu
23. u2-dan-na-an-ma
24. _{gesz}ma2_ dan-na-tam
25. a-na be-el _{gesz}ma2_
26. i-na-ad-di-in
@law 236
27. szum-ma a-wi-lum
28. _{gesz}ma2_-szu
29. a-na _ma2-lah5_
30. a-na ig-ri-im
31. id-di-in-ma
32. _ma2-lah5_ i-gi-ma
33. _{gesz}ma2_ ut,-t,e4-bi
34. u3 lu uh2-ta-al-li-iq
35. _ma2-lah5 {gesz}ma2_
36. a-na be-el _{gesz}ma2_
37. i-ri-a-ab
@law 237
38. szum-ma a-wi-lum
39. _ma2-lah5_ u3 _{gesz}ma2_
40. i-gur-ma
41. _sze siki i3-gesz zu2-lum_
42. u3 mi-im-ma szum-szu
43. sza s,e-nim
44. i-s,e-en-szi
45. _ma2-lah5_ szu-u2
46. i-gi-ma
47. _{gesz}ma2_ ut,-t,e4-eb-bi
48. u3 sza li-ib-bi-sza
49. uh2-ta-al-li-iq
50. _ma2-lah5_
51. _{gesz}ma2_ sza u2-t,e4-eb-bu-u2
52. u3 mi-im-ma
53. sza i-na li-ib-bi-sza
54. u2-hal-li-qu2
55. i-ri-a-ab
@law 238
56. szum-ma _ma2-lah5_
57. _{gesz}ma2_ a-wi-lim
58. u2-t,e4-eb-bi-ma
59. usz-te-li-a-asz-szi#
60. _ku3-babbar_ mi-szi-il# _sa10_-sza#
61. i-na-ad-di-in#
@law 239
62. szum-ma a-wi-lum#
63. _ma2-lah5_ [i-gur]
64. 6(asz) [_sze gur_]
65. i-na sza-na#-[at]
66. i-na-ad#-[di]-isz-[szum]
@law 240
67. szum-ma {gesz#}[_ma2_]
68. sza ma-hi-ir-tim
69. _{gesz}ma2_ sza mu-uq-qe2-el-pi2-tim
70. im-ha-as,-ma
71. ut,-t,e4-eb-bi
72. be-el _{gesz}ma2_ sza _{gesz}ma2_-szu t,e4-bi-a-at
73. mi-im-ma sza i-na _{gesz}ma2_-szu hal-qu2
74. i-na ma-har i-lim
75. u2-ba-ar-ma
76. sza ma-hi-ir-tim
77. sza _{gesz}ma2_ sza mu-uq-qe2-el-pi2-tim
78. u2-t,e4-eb-bu-u2
79. _{gesz}ma2_-szu u3 mi-im-ma-szu hal-qa2-am
80. i-ri-a-ab-szum
@law 241
81. szum-ma a-wi-lum
82. _gu4_ a-na ni-pu-tim
83. it-te-pe2
84. 1/3(disz) _ma-na ku3-babbar_ i-sza-qal
@law 242-243
85. szum-ma a-wi-lum <_gu4_>
86. a-na _mu_ 1(disz) i-gur
87. _a2 gu4-a2-ur3-ra_
88. 4(asz) _sze gur_
89. _a2 gu4 ab2 muru2 sag_
90. 3(asz) _sze gur_ a-na be-li2-szu
91. i-na-ad-di-in
@column 21
@law 244
1. szum-ma a-wi-lum
2. _gu4 ansze_ i-gur-ma
3. i-na s,e-ri-im
4. _ur-mah_ id-du-uk-szu
5. a-na be-li2-szu-ma
@law 245
6. szum-ma a-wi-lum
7. _gu4_ i-gur-ma
8. i-na me-gu-tim
9. u3 lu i-na ma-ha-s,i2-im
10. usz-ta-mi-it
11. _gu4_ ki-ma _gu4_
12. a-na be-el _gu4_
13. i-ri-a-ab
@law 246
14. szum-ma a-wi-lum
15. _gu4_ i-gur-ma
16. _giri3_-szu isz-te-bi-ir
17. u3 lu la-bi-a-an-szu
18. it-ta-ki-is
19. _gu4_ ki-ma _gu4_
20. a-na be-el _gu4_
21. i-ri-a-ab
@law 247
22. szum-ma a-wi-lum
23. _gu4_ i-gur-ma
24. _igi_-szu uh2-tap-pi2-id
25. _ku3-babbar_ mi-szi-il _sa10_-szu
26. a-na be-el _gu4_
27. i-na-ad-di-in
@law 248
28. szum-ma a-wi-lum
29. _gu4_ i-gur-ma
30. _si_-szu isz-bi-ir
31. _kun_-su2 it-ta-ki-is
32. u3 lu {uzu}_sa-sal_-szu
33. it-ta-sa-ag!
34. _ku3-babbar igi 4(disz)?-gal2 sa10_-szu
35. i-na-ad-di-in
@law 249
36. szum-ma a-wi-lum
37. _gu4_ i-gur-ma
38. i-lum im-ha-su2-ma
39. im-tu-ut
40. a-wi-lum sza _gu4_ i-gu-ru
41. ni-isz i-lim
42. i-za-kar-ma
43. u2-ta-asz-szar
@law 250
44. szum-ma _gu4_ su2?-qa2-am
45. i-na a-la-ki-szu
46. a-wi-lam
47. ik-ki-ip-ma
48. usz-ta-mi-it
49. di-nu-um szu-u2
50. ru-gu-um-ma-am
51. u2-ul i-szu
@law 251
52. szum-ma# _gu4_ a-wi-lim
53. na-ak-ka#-pi2-[ma]
54. ki-ma na-ak-ka#-pu-u2
55. ba-ab-ta-szu
56. u2-sze-di-szum-ma
57. qar-ni-szu
58. la u2-szar-ri#-im
59. _gu4_-szu la u2-sa-an-ni-iq-ma
60. _gu4_ szu-u2
61. _dumu_ a#-wi-lim
62. ik#-ki#-ip-ma
63. usz#-[ta]-mi-it
64. 1/2(disz)# _[ma]-na ku3-babbar_
65. i#-[na]-ad-di-in
@law 252
66. [szum]-ma# _ARAD2_ a-wi-lim
67. 1/3(disz)# _[ma]-na ku3-babbar_
68. i#-na-ad-di-in
@law 253
69. szum#-ma a-wi-lum a-wi-lam
70. a-na pa-ni _a-sza3_-szu
71. u2-zu-uz-zi-im
72. i-gur-ma
73. _al# du3-a_-am
74. [i]-qi2-ip-szu
75. _[ab2] gu4 hi-a_ ip#-qi2-sum2
76. [a-na?] _a-sza3_ e-re-szi-im u2-ra-ak-ki-su2
77. szum#-ma a-wi-lum szu-u2
78. _sze numun_ u3 lu _sza3-gal_
79. isz-ri-iq-ma
80. i-na qa2-ti-szu
81. it-ta-as,-ba-at
82. _kiszib3-la2_-szu i-na-ak-ki-su
@law 254
83. szum-ma _al du3-a_-am
84. il-qe2-ma _ab2 gu4 hi-a_
85. u2-te-en-ni!-isz u2-te-en-gag-isz
86. ta-[asz?]-na _sze_ sza im-ri!-ru
87. i-ri-ab
@law 255
88. szum-ma _ab2 gu4 hi-a_
89. a-wi-lim a-na# ig-ri-im
90. it-ta-di-in
91. u3 lu _sze numun#_ isz-ri-iq-ma
92. i-na _a-sza3#_ la usz-tab-szi
93. a-wi-lam szu-a-ti
94. u2-ka-an-nu-szu-ma
95. i-na _buru14 1(bur3) GAN2_-e
96. 1(gesz2) _sze gur#_ i-ma-ad-da-ad
@law 256
97. szum-ma pi2-ha-su2
98. a-pa-lam la-i-le-i
99. i-na _a-sza3_ szu-a-ti i-na _ab2 gu4 hi-a_
100. im-ta-na-asz-sza-ru-szu
@law 257
101. szum-ma a-wi-lum
@column 22
1. _engar_ i-gur
2. 8(asz) _sze gur_
3. i-na _mu 1(disz)-kam_
4. i-na-ad-di-isz-szum
@law 258
5. szum-ma a-wi-lum
6. _sza3 gu4_ i-gur
7. 6(asz) _sze gur_
8. i-na _mu 1(disz)-kam_
9. i-na-ad-di-isz-szum
@law 259
10. szum-ma a-wi-lum
11. {gesz}APIN i-na _a-gar3_
12. isz-ri-iq
13. 5(disz) _gin2 ku3-babbar_
14. a-na be-el _{gesz}apin_
15. i-na-ad-di-in
@law 260
16. szum-ma _{gesz}apin tug2-gur10_
17. u3 lu _GAN2 ur3_
18. isz-ta-ri-iq
19. 3(disz) _gin2 ku3-babbar_
20. i-na-ad-di-in
@law 261
21. szum-ma a-wi-lum
22. _na-gada_ a-na _ab2 gu4 hi-a_
23. u3 _u8 udu hi-a_
24. re-im i-gur
25. 8(asz) _sze gur_
26. i-na _mu 1(disz)-kam_
27. i-na-ad-di-isz-szum
@law 262
28. szum-ma a-wi-lum
29. _gu4_ u3 lu _udu#_
30. a-na [...]
31. [...]
32. [...]
33. [...]
34. [...]
35. [...]
36. [...]
@law 263
37. szum-ma# [_gu4_] u3 lu [_udu_]
38. sza in-na-ad-nu-szum#
39. uh2-ta-al-li-[iq]
40. _gu4_ ki-ma [_gu4_]
41. _udu_ ki-ma [_udu_]
42. a-na be-li2-[szu-nu]
43. i-ri-a-[ab]
@law 264
44. szum-ma [_sipa_]
45. sza _ab2 gu4 [hi-a_]
46. u3 lu _u8 [udu hi-a_]
47. a-na re#-[im]
48. in-na-[ad]-nu#-szum#
49. _a2_-szu ga#-am#-ra-tim
50. ma-hi-ir
51. li-ib#-ba-szu t,a-ab
52. _ab2 gu4# hi-a_
53. us,-s,a-ah-hi-ir
54. _u8# udu hi-a_
55. us,-s,a-ah-hi-ir
56. ta-li-it-tam um-ta-t,i
57. a-na _ka_ ri-ik-sa-ti-szu
58. ta-li-it-tam
59. u3 bi-il-tam
60. i-na-ad-di-in
@law 265
61. szum-ma _sipa_
62. sza _ab2 gu4 hi-a_
63. u3 lu _u8 udu hi-a_
64. a-na re-im
65. in-na-ad-nu-szum
66. u2-sa-ar-ri-ir-ma
67. szi-im-tam ut-ta-ak-ki-ir
68. u3 a-na _ku3-babbar_
69. it-ta-di-in
70. u2-ka-an-nu-szu-ma
71. _a-ra2_ 1(u)-szu sza isz-ri-qu2
72. _ab2 gu4 hi-a_
73. u3 _u8 udu hi-a_
74. a-na be-li2-szu-nu
75. i-ri-a-ab
@law 266
76. szum-ma i-na _tur3_
77. li-pi2-it _dingir_ it-tab-szi
78. u3 lu _ur-mah_ id-du-uk _sipa_ ma-hi! _dingir_
79. u2-ub-ba-am-ma
80. mi-qi2-it-ti _tur3_
81. be-el _tur3_ i-mah-har-szu
@law 267
82. szum-ma _sipa_ i-_geme2_-ma
83. i-na _tur3_ pe2-sa3-tam usz-tab-szi
84. _sipa_ hi-t,i-it pe2-sa3-tim
85. sza i-na _tur3_ u2-sza-ab-szu-u2
86. _ab2 gu4 hi-a_ u3 _u8 udu hi-a_
87. u2-sza-lam-ma
88. a-na be-li2-szu-nu
89. i-na-ad-di-in
@law 268
90. szum-ma a-wi-lum _gu4_
91. a-na di-a-szi-im i-gur
92. 2(ban2) _sze a2_-szu
@law 269
93. szum-ma _ansze_
94. a-na di-a-szi-im i-gur
95. 1(ban2) _sze a2_-szu
@law 270
96. szum-ma _masz2_
97. a-na di-a-szi-im i-gur
98. 1(disz) _sila3 sze a2_-szu
@law 271
99. szum-ma a-wi-lum
100. _ab2 gu4 hi-a {gesz}mar-gid2-da_
101. u3 mu-ur2-te-di-sza i-gur
@column 23
1. i-na _u4 1(disz)-kam 3(barig) sze_
2. i-na-ad-di-in
@law 272
3. szum-ma a-wi-lum
4. _{gesz}mar-gid2-da_-ma
5. a-na ra-ma-ni-sza i-gur
6. i-na _u4 1(disz)-kam 4(ban2) sze_
7. i-na-ad-di-in
@law 273
8. szum-ma a-wi-lum
9. _{lu2}hun-ga2_ i-gur
10. isz-tu re-esz sza-at-tim
11. a-di ha-am-szi-im _iti_-im
12. 1(u) 2(disz) _sze ku3-babbar_
13. i-na _u4 1(disz)-kam_
14. i-na-ad-di-in
15. isz-tu szi-szi-im _iti_-im
16. a-di ta-aq-ti-da! sza-at-tim
17. 5(disz) _sze ku3-babbar_
18. i-na _u4 1(disz)-kam_
19. i-na-ad-di-in
@law 274
20. szum-ma a-wi-lum
21. _dumu um-mi-a_
22. i-ig-ga-ar#
23. _a2 {lu2}[hun-ga2?]_
24. 5(disz) _sze ku3#-babbar#_
25. _a2 {lu2}[tug2]-du8-a_
26. 5(disz) _[sze ku3]-babbar_
27. [_a2] {lu2#}gada_
28. [n(disz) _sze] ku3-babbar_
29. [_a2 bur]-gul_
30. [n(disz) _sze ku3]-babbar_
31. [_a2] zadim#?_
32. [n(disz) _sze ku3]-babbar_
33. [_a2] simug#_
34. [n(disz) _sze ku3]-babbar_
35. [_a2] nagar_
36. 5(disz)#? _sze ku3-babbar_
37. _a2 aszgab_
38. [n(disz)] _sze ku3-babbar_
39. _a2 ad-kup4_
40. [n(disz)] _sze ku3-babbar_
41. [_a2] szitim_
42. [n(disz) _sze ku3]-babbar_
43. [i-na _u4] 1(disz)-kam_
44. [i-na-ad]-di#-in
@law 275
45. [szum-ma a]-wi-lum
46. [...] i-gur
47. i-na _u4 1(disz)-kam_
48. 3(disz) _sze ku3-babbar a2_-szu
@law 276
49. szum-ma ma-hi-ir-tam i-gur
50. 1/2(disz) _sze ku3-babbar a2_-sza
51. i-na _u4 1(disz)-kam_
52. i-na-ad-di-in
@law 277
53. szum-ma a-wi-lum
54. _{gesz}ma2 1(gesz2) gur_ i-gur
55. i-na _u4 1(disz)-kam_
56. _igi 6(disz)-gal2 ku3-babbar a2_-sza
57. i-na-ad-di-in
@law 278
58. szum-ma a-wi-lum
59. _ARAD2 geme2_ i-sza-am-ma
60. _iti_-szu la im-la-ma
61. be2-en-ni e-li-szu
62. im-ta-qu2-ut a-na na-di-na-ni-szu
63. u2-ta-ar-ma
64. sza-a-a-ma-nu-um
65. _ku3-babbar_ isz-qu2-lu
66. i-le-qe2
@law 279
67. szum-ma a-wi-lum
68. _ARAD2 geme2_ i-sza-am-ma
69. ba-aq-ri ir-ta-szi
70. na-di-na-an-szu
71. ba-aq-ri i-ip-pa-al
@law 280
72. szum-ma a-wi-lum
73. i-na ma-at
74. nu-ku-ur2-tim
75. _ARAD2 geme2_ sza a-wi-lim
76. isz-ta-am
77. i-nu-ma
78. i-na li-ib-bu _kalam_
79. it-ta-al-kam-ma
80. be-el _ARAD2_ u3 lu _geme2_
81. lu _ARAD2_-su2 u3 lu _geme2_-su2
82. u2-te-ed-di
83. szum-ma _ARAD2_ u3 lu _geme2_ szu-nu
84. _dumu-mesz_ ma-tim
85. ba-lum _ku3-babbar_-ma
86. an-du-ra-ar-szu-nu
87. isz-sza-ak-ka-an
@law 281
88. szum-ma _dumu-mesz_ ma-tim sza-ni-tim
89. sza-a-a-ma-nu-ma
90. i-na ma-har i-lim
91. _ku3-babbar_ isz-lu!-lu
92. i-bi!-ab-bi-ma
93. be-el _ARAD2_ u3 lu _geme2_
94. _ku3-babbar_ isz-qu2-lu a-na _dam-gar3_
95. i-na-ad-di-in-ma
96. lu _ARAD2_-su2 lu _geme2_-su2 i-pa-ag!
@law 282
97. szum-ma _ARAD2_ a-na be-li2-szu
98. u2-ul be-li2 at-ta
99. iq-ta-bi
100. ki-ma _ARAD2_-su2
101. u2-ka-an-szu-ma
102. be-el-szu u2-zu-un-szu i-na-ak-ki-is
@column 24
@epilogue
1. di-na-a-at
2. mi-sza-ri-im
3. sza {disz}ha-am-mu-ra-pi2
4. szar-ru-um le-u2-um
5. u2-ki-in-nu-ma
6. ma-tam u2-sa-am ki-nam#
7. u3 ri-dam dam-qa2-am
8. u2-sza-as,-bi-tu
9. {disz}ha-am-mu-ra-pi2
10. szar-ru-um gi-it-ma-lum a-na-ku
11. a-na _sag-ge6_
12. sza {d}en-lil2 isz-ru-kam
13. re-u2-si2-na
14. {d}marduk i-din-nam
15. u2-ul e-gu
16. a-hi u2-ul ad-di
17. asz-ri szu-ul-mi-im
18. esz-te-i-szi-na-szim#
19. pu-usz-qi2 wa-asz-t,u2-tim
20. u2-pe#-et-ti
21. nu-ra-am u2-sze-s,i-szi-na-szi-im
22. i-na _{gesz}tukul_ da-an-nim
23. sza {d}za-ba4-ba4
24. u3 {d}inanna
25. u2-sza-at-li-mu-nim
26. i-na _igi-gal2_
27. sza {d}en-ki i-szi-ma-am
28. i-na le-u2-tim
29. sza {d}marduk id-di-nam
30. na-ak-ri e-li-isz
31. u3 sza-ap-li-isz as-su2-uh2
32. qa2-ab-la-tim u2-be2-el-li
33. szi-ir ma-tim
34. u2-t,i3-ib
35. ni-szi da-ad-mi
36. a-bu-ur2-ri
37. u2-szar-bi2-is,
38. mu-gal-li-tam
39. u2-ul u2-szar-szi-szi-na-ti
40. _dingir gal-gal_
41. ib-bu-u2-nin-ni-ma
42. a-na-ku-ma
43. _sipa_ mu-sza-al-li-mu-um
44. sza _{gesz}gidri_-szu
45. i-sza-ra-at
46. s,i-li2 t,a-bu-um
47. a-na _iri_-ia
48. ta-ri-is,
49. i-na ut-li-ia
50. ni-szi _kalam_ szu-me-ri2-im
51. u3 ak-ka-di-im
52. u2-ki-il
53. i-na la-ma-si2-ia
54. ih-hi-sza
55. i-na szu-ul-mi-im
56. at-tab-ba-al-szi-na-ti
57. i-na ne-me-qi2-ia
58. usz-tap-zi2-ir-szi-na-ti
59. dan-nu-um en-sza-am
60. a-na la ha-ba-lim
61. _nu-siki nu-mu-su_
62. szu-te-szu-ri-im
63. i-na babila{ki}
64. _iri_ sza an u3 {d}en-lil2
65. re-szi-szu
66. u2-ul#-lu-u2
67. i-na e2-sag-il2
68. _e2_ sza ki-ma sza-me-e
69. u3 er-s,e-tim _suhusz_-szu ki-na
70. di-in ma-tim a-na di-a-nim
71. pu-ru-se2-e ma-tim
72. a-na pa-ra-si-im
73. ha-ab-lim szu-te-szu-ri-im
74. a-wa-ti-ia szu-qu2-ra-tim
75. i-na _na-ru_-ia asz-t,ur-ma
76. i-na ma-har _alan_-ia
77. _lugal_ mi-sza-ri-im
78. u2-ki-in
79. _lugal_ sza in _lugal_-ri2
80. szu-tu-ru a-na-ku
81. a-wa-tu-u2-a na-as2-qa2
82. le-u2-ti sza-ni-nam
83. u2-ul i-szu
84. i-na qi2-bi-it {d}utu
85. da-a-a-nim ra-bi-im
86. sza _an_ u3 _ki_
87. mi-sza-ri i-na _kalam_
88. li-isz-te-pi2
89. i-na a-wa-at
90. {d}marduk be-li2-ia
91. u2-s,u2-ra-tu-u2-a
92. mu-sza-si2-kam# a-ir-szi-a
93. i-na e2-sag-il2
94. sza a-ra-am-mu szu-mi i-na da-mi-iq-tim
@column 25
1. a-na da-ar
2. li-iz-za-ki-ir
3. a-wi-lum ha-ab-lum
4. sza a-wa-tam
5. i-ra-asz-szu-u2
6. a-na ma-ha-ar _alan_-ia
7. _lugal_ mi-sza-ri-im
8. li-il-li-ik-ma
9. _na-ru_-i
10. sza-at,-ra-am
11. li-isz-ta-as2-si-ma
12. a-wa-ti-ia
13. szu-qu2-ra-tim
14. li-isz-me-ma
15. _na-ru_-i a-wa-tam
16. li-kal2-lim-szu
17. di-in-szu li-mu-ur2
18. li-ib-ba-szu
19. li#-na#-ap-pi2-isz-ma
20. {disz}ha-am-mu-ra-pi2-mi
21. be-lum sza ki-ma a-bi-im
22. wa-li-di-im
23. a-na ni-szi
24. i-ba-asz-szu-u2
25. a-na a-wa-at
26. {d}marduk be-li2-szu
27. usz-ta-ak-ti-it-ma
28. ir-ni-ti {d}marduk
29. e-li-isz
30. u3 sza-ap-li-isz
31. ik-szu-u4
32. li-ib-bi {d}marduk
33. be-li2-szu u2-t,i3-ib
34. u3 szi-ra-am t,a-ba-am
35. a-na ni-szi
36. a-na da-ar i-szi-im
37. u3 ma-tam
38. usz-te-sze-er
39. a2-ni-tam
40. li-iq-bi-ma
41. i-na ma-har
42. {d}marduk be-li2-ia
43. {d}s,ar-pa-ni-tum
44. be-el-ti-ia
45. i-na li-ib-bi-szu
46. ga-am-ri-im
47. li-ik-ru-ba-am
48. sze-du-um la-ma-sum2
49. _dingir dingir_ e-ri-bu-ut
50. e2-sag-il2
51. _sig4_ e2-sag-il2
52. i-gi-ir-re-e
53. u4-mi-sza-am
54. i-na ma-har
55. {d}marduk be-li2-ia
56. {d}s,ar-pa-ni-tum
57. be-el-ti-ia
58. li-dam-mi-qu2
59. a-na wa-ar-ki-a-at
60. _u4_-mi
61. a-na ma-ti-ma
62. _lugal_ sza i-na _kalam_
63. ib-ba-asz-szu-u2
64. a-wa-a-at
65. mi-sza-ri-im
66. sza i-na _na-ru_-ia
67. asz-t,u2-ru li-s,ur
68. di-in ma-tim
69. sza a-di-nu
70. pu-ru-se2-e _kalam_
71. sza ap-ru-su
72. a u2-na-ak-ki-ir
73. u2-s,u2-ra-ti-ia
74. a u2-sza-si2-ik
75. szum-ma a-wi-lum szu-u2
76. ta-szi-im-tam i-szu-ma
77. ma-su2 szu-te-szu-ra-am i-le-i
78. a-na a-wa-a-tim
79. sza i-na _na-ru_-ia asz-t,u2-ru li-qul2-ma
80. ki-ib-sa-am ri-dam
81. di-in _kalam_ sza a-di-nu
82. pu-ru-se2-e _kalam_
83. sza ap-ru-su
84. _na-ru_-um szu-u2
85. li-kal2-lim-szu-ma
86. s,a-al-ma-at qa2-qa2-di-szu
87. li-isz-te-sze-er
88. di-in-szi-na li-di-in
89. pu-ru-sa3-szi-na
90. li-ip-ru-us2
91. i-na ma-ti-szu ra-ga-am
92. u3 s,e-nam li-su2-uh2
93. szi-ir ni-szi-szu
94. li-t,i-ib
95. {disz}ha-am-mu-ra-pi2
96. _lugal_ mi-sza-ri-im
97. sza {d}utu ki-na-tim
98. isz-ru-ku-szum a-na-ku
99. a-wa-tu-u2-a na-as2-qa2
100. ep-sze-tu-u2-a
101. sza-ni-nam
102. u2-ul i-sza-a
103. e-la a-na la ha-si2-im
104. ri-qa2
105. a-na em-qi2-im
@column 26
1. a-na ta-na-da-tim szu-s,a-a
2. szum-ma a-wi-lum szu-u2
3. a-na a-wa-ti-ia
4. sza i-na _na-ru_-ia asz-t,u2-ru
5. i-qul2-ma
6. di-ni la u2-sza-as-si2-ik
7. a-wa-ti-ia
8. la usz-te-pe-el
9. u2-s,u2-ra-ti-ia
10. la u2-na-ki-ir
11. a-wi-lum szu-u2
12. ki-ma ia-ti
13. _lugal_ mi-sza-ri-im
14. {d}utu _{gesz}gidri_-szu
15. li-ir-ri-ik
16. ni-szi-szu
17. i-na mi-sza-ri-im li-re
18. szum-ma a-wi-lum szu-u2
19. <a-na> a-wa-ti-ia
20. sza i-na _na-ru_-ia
21. asz-t,u2-ru
22. la i-qul2-ma
23. er-re-ti-ia
24. i-me-esz-ma
25. er-re-et i3-li2
26. la i-dur-ma
27. di-in a-di-nu
28. up-ta-as-si2-is
29. a-wa-ti-ia
30. usz-te-pe-el
31. u2-s,u2-ra-ti-ia
32. ut-ta-ak-ki-ir
33. szu-mi sza-at-ra-am
34. ip-szi-it,-ma
35. szum-szu isz-ta-t,ar2
36. asz-szum er-re-szum! szi-na-ti
37. sza-ni-a-am-ma
38. usz-ta-hi-iz
39. a-wi-lum szu-u2
40. lu _lugal_
41. lu _en_
42. lu _ensi2_
43. u3 lu a-wi-lu-tum
44. sza szu-ma-am na-bi-a-at
45. AN ra-bu-um
46. a-bu i3-li2
47. na-bu-u2 _bala_-ia
48. _me-lam2_ szar-ru-tim
49. li-t,e4-er-szu
50. _{gesz}gidri_-szu
51. li-isz-bi-ir
52. szi-ma-ti-szu li-ru-ur
53. {d}en-lil2 be-lum
54. mu-szi-im szi-ma-tim
55. sza qi2-bi2-su2
56. la ut-ta-ka-ru
57. mu-szar-bu-u3
58. szar-ru-ti-ia
59. te-szi la szu-up-pi2-im
60. ga-ba-ra-ah
61. ha-la-qi2-szu
62. i-na szu-ub-ti-szu
63. li-sza-ab!-bi!-ha-asz-szum
64. _bala_ ta-ne-hi-im
65. _u4_-mi i-s,u2-tim
66. sza-na-a-at
67. hu-sza-ah-hi-im
68. ek-le-et
69. la na-wa-ri-im
70. mu-ut ni-t,i-il i-nim
71. a-na szi-im-tim
72. li-szi-im-szum
73. ha-la-aq _iri_-szu
74. na-as2-pu-uh2 ni-szi-szu
75. szar-ru-su2 szu-pe2-lam
76. szum-szu u3 zi-kir-szu
77. i-na ma-tim
78. la szu-ub-sza-a-am
79. i-na _ka_-szu kab-tim
80. li-iq-bi
81. {d}nin-lil2
82. _ama_ ra-bi2-tum
83. sza qi2-bi2-sa3
84. i-na e2-kur kab-ta-at
85. _nin_ mu-dam-mi-qa2-at
86. i-gi-ir-re-ia
87. a-szar szi-ip-t,i-im
88. u3 pu-ru-se2-em
89. i-na ma-har {d}en-lil2
90. a-wa-su2 li-le-mi-in
91. szu-ul-pu-ut ma-ti-szu
92. ha-la-aq ni-szi-szu
93. ta-ba-ak na-pisz-ti-szu
94. ki-ma me-e
95. i-na _ka_ {d}en-lil2
96. szar-ri-im
97. li-sza-asz-ki-in
98. {d}en-ki _nun_ ra-bi-um
99. sza szi-ma-tu-szu
100. i-na mah-ra i-la-ka
101. _abgal_ i3-li2
102. mu-de mi-im-ma szum-szu
103. mu-sza-ri-ku
@column 27
1. _u4_-um ba-la-t,i-ia
2. uz-nam
3. u3 ne-me-qam
4. li-t,e4-er-szu-ma
5. i-na mi-szi-tim
6. li-it-ta-ar-ru-szu
7. _i7-i7_-szu
8. i-na na-ag-bi-im
9. li-is-ki-ir
10. i-na er-s,e-ti-szu
11. {d}asznan
12. na-pi2-isz-ti ni-szi
13. a u2-sza-ab-szi
14. {d}utu da-a-a-nu-um ra-bi-um
15. sza sza-me-e
16. u3 er-s,e-tim
17. mu-usz-te-sze-er
18. sza-ak-na-at na-pi2-isz-tim
19. be-lum tu-kul2-ti
20. szar-ru-su2 li-is-ki-ip
21. di-in-szu
22. a i-di-in
23. u2-ru-uh2-szu li-szi
24. _DU_ um-ma-ni-szu
25. li-isz-he-el-s,i2
26. i-na bi-ri-szu
27. _uzu_ lem-nam
28. sza na-sa-ah
29. _suhusz_ szar-ru-ti-szu
30. u3 ha-la-aq ma-ti-szu li-isz-ku-un-szum
31. a-wa-tum ma-ru-usz-tum
32. sza {d}utu ar-hi-isz
33. li-ik-szu-su2
34. e-li-isz
35. i-na ba-al#-t,u2-tim
36. li-is-su2-uh2-szu
37. sza-ap-li-isz
38. i-na er-s,e-tim
39. _gidim4-gidim4_-szu
40. me-e li-sza-az-mi
41. {d}suen be-el sza-me-e
42. _dingir_ ba-ni
43. sza sze-re-su2
44. i-na i3-li2 szu-pa-a-at
45. _aga {gesz}gu-za_ sza szar-ru-tim
46. li-t,e4-er-szu
47. ar-nam kab-tam
48. sze-re-su2 ra-bi-tam
49. sza i-na zu-um-ri-szu
50. la i-hal-li-qu2
51. li-mu-su2-ma
52. _u4_-mi _iti-iti_
53. sza-na-a-at _bala_-szu
54. i-na ta-ne-hi-im
55. u3 di-im-ma-tim
56. li-sza-aq-ti
57. kam-ma-al szar-ru-tim
58. li-sza-at,-t,i-il-szu
59. ba-la-t,am
60. sza it-ti mu-tim
61. szi-ta-an-nu
62. a-na szi-im-tim
63. li-szi-im-szum
64. {d}iszkur be-el _he2-gal2_
65. _gu2-gal_ sza-me-e
66. u3 er-s,e-tim
67. re-s,u2-u2-a
68. zu-ni i-na sza-me-e
69. mi-lam
70. i-na na-ag-bi-im
71. li-t,e4-er-szu
72. ma-su2
73. i-na hu-sza-ah-hi-im
74. u3 bu-bu-tim
75. li-hal-li-iq
76. e-li _iri_-szu
77. ez-zi-isz
78. li-is-si-ma
79. ma-su2 a-na _du6_ a-bu-bi-im
80. li-te-er
81. {d}za-ba4-ba4
82. qar-ra-du-um ra-bi-um
83. _dumu_ re-esz-tu-um
84. sza e2-kur
85. a-li-ku im-ni-ia
86. a-szar tam2-ha-ri-im
87. _{gesz}tukul_-szu li-isz-bi-ir
88. u4-ma-am a-na mu-szi-im
89. li-te-er-szum-ma
90. na-ki-ir-szu e-li-szu
91. li-isz-zi-iz
92. {d}inanna be-le-et
93. _me6_ u3 _szen-szen_
94. pa-ti-a-at
95. _{gesz}tukul#_-ia
96. la-ma-si2
97. da-mi-iq-tum
98. ra-i-ma-at _bala_-ia
99. i-na li-ib-bi-sza
100. ag-gi-im
101. i-na uz-za-ti-sza
102. ra-bi2-a-tim
103. szar-ru-su2 li-ru-ur
104. dam-qa2-ti-szu
105. a-na le-em-ne-tim
106. li-te-er
@column 28
1. li-te-er
# sic
2. a-szar _me6_ u3 _szen-szen_
3. _{gesz}tukul_-szu
4. li-isz-bi#-ir
5. i-szi-tam
6. sa3-ah-ma-asz-tam
7. li-isz-ku-un-szum
8. qar-ra-di-szu
9. li-sza-am-qi2-it
10. da-mi-szu-nu
11. er-s,e-tam li-isz-qi2
12. gu-ru-un
13. sza-al-ma-at
14. um-ma-na-ti-szu
15. i-na s,e-ri-im
16. li-it-ta-ad-di
17. _erin2_-szu-ma? re-ma-am
18. a-i u2-szar-szi
19. szu-a-ti
20. a-na qa2-at na-ak-ri-szu
21. li-ma-al-li-szu-ma
22. a-na ma-at nu-ku-ur2-ti-szu
23. ka-mi-isz li-ru-szu
24. {d}ne3-eri11-gal
25. dan-nu-um i-na i3-li2
26. qa2-ba-al la ma-ha-ar
27. mu-sza-ak-szi-du
28. ir-ni-ti-ia
29. i-na ka-szu-szi-szu
30. ra-bi-im
31. ki-ma i-sza-tim
32. ez-ze-tim sza a-pi2-im
33. ni-szi-szu
34. li-iq-me
35. in _{gesz}tukul_-szu dan-nim
36. li-sza-ti-szu-ma
37. bi-ni-a-ti-szu
38. ki-ma s,a-lam t,i-t,i-im
39. li-ih-bu-usz
40. {d}nin-tu
41. _nin_ s,i-ir-tum
42. sza ma-ta-tim
43. _ama_ ba-ni-ti
44. _ibila_ li-t,e4-re-szu-ma
45. szu-ma-am
46. a u2-szar-szi-szu
47. i-na qer-bi-it ni-szi-szu
48. _numun_ a-wi-lu-tim
49. a ib-ni
50. {d}nin-kar-ra-ak
51. _dumu-munus an_-nim
52. qa2-bi-a-at
53. dum-qi2-ia
54. i-na e2-kur
55. mur-s,a-am kab-tam
56. _a2-sag3_ le-em-nam
57. si2-im-ma-am mar-s,a-am
58. sza la i-pa-asz-sze-hu
59. _a-zu!_ qe2-re-eb-szu
60. la i-lam-ma-du
61. i-na s,i2-im-di
62. la u2-na-ah-hu-szu
63. ki-ma ni-szi-ik mu-tim la in-na-sa3-hu
64. i-na bi-ni-a-ti-szu
65. li-sza-s,i-a-asz-szum-ma
66. a-di na-pi2-isz-ta-szu
67. i-be2-el-lu-u2
68. a-na et,-lu-ti-szu
69. li-da!-dam-ma-am
70. _dingir gal-gal_
71. sza sza-me-e
72. u3 er-s,e-tim
73. {d}a-nun-na
74. i-na _szunigin_-szu-nu
75. sze-ed bi-tim
76. _sig4_ e2-babbar-ra
77. szu-a-ti
78. _numun_-szu
79. ma-su2 _erin2_-szu
80. ni-szi-szu
81. u3 um-ma-an-szu
82. er-re-tam
83. ma-ru-usz-tam li-ru-ru
84. er-re-tim
85. da!-ni-a-tim
86. {d}en-lil2
87. i-na _ka_-szu
88. sza la ut-ta-ak-ka-ru
89. li-ru-ur-szu-ma
90. ar-hi-isz
91. li-ik-szu-da-szu

2018-10-19 18:19:42, entered by page-perron for page-perron
&P249253 = RIME 4.03.06.add21, ex. 01
#atf: lang akk
@object stele
@surface a
@column 1
@prologue
1. i3-nu an s,i-ru-um
2. _lugal_ {d}a-nun-na-ki
3. {d}en-lil2
4. be-el sza-me-e
5. u3 er-s,e-tim
6. sza-i-im
7. szi-ma-at _kalam_
8. a-na {d}marduk
9. _dumu_ re-esz-ti-im
10. sza {d}en-ki
11. {d}en-lil2-ut
12. kisz ni-szi3
13. i-szi-mu-szum
14. in i-gi4-gi4
15. u2-szar-bi2-u3-szu
16. babila{ki}
17. szum-szu s,i-ra-am ib-bi-u3
18. in ki-ib-ra-tim
19. u2-sza-t,e4-ru-szu
20. i-na li-ib-bi-szu
21. szar-ru-tam da-ri2-tam
22. sza ki-ma sza-me-e
23. u3 er-s,e-tim
24. isz-da-sza
25. szu-ur2-szu-da
26. u2-ki-in-nu-szum
27. i-nu-mi-szu
28. {disz}ha-am-mu-ra-pi2
29. ru-ba-am
30. na-a'-dam
31. pa-li-ih i3-li2 ia-ti
32. mi-sza-ra-am
33. i-na ma-tim
34. a-na szu-pi2-i-im
35. ra-ga-am u3 s,e-nam
36. a-na hu-ul-lu-qi2-im
37. dan-nu-um
38. en-sza-am
39. a-na la ha-ba-li-im
40. ki-ma {d}utu
41. a-na _sag-ge6_
42. wa-s,e-e-em-ma
43. ma-tim
44. nu-wu-ri-im
45. an
46. u3 {d}en-lil2
47. a-na szi-ir ni-szi
48. t,u2-ub-bi-im
49. szu-mi ib-bu-u2
50. {disz}ha-am-mu-ra-pi2
51. re-iu-um
52. ni-bi-it
53. {d}en-lil2 a-na-ku
54. mu-kam-me-er
55. nu-uh2-szi-im
56. u3 t,u2-uh2-di-im
57. mu-sza-ak-li-il
58. mi-im-ma szum-szu
59. a-na nibru{ki} _dur-an-ki_
60. za-ni-nu-um
61. na-a'-du-um
62. sza e2-kur
63. _lugal_ le-iu-um
64. mu-te-er {iri}eridu{ki}
65. a-na asz-ri-szu
66. mu-ub-bi-ib
@column 2
1. szu-luh e2-abzu
2. ti-i-ib
3. ki-ib-ra-at
4. er-be2-tim
5. mu-szar-bi2 zi-ik-ru
6. babila{ki}
7. mu-t,i3-ib
8. li-ib-bi {d}marduk
9. be-li2-szu
10. sza u4-mi-szu
11. iz-za-zu
12. a-na e2-sag-il2
13. _numun_ szar-ru-tim
14. sza {d}suen
15. ib-ni-u3-szu
16. mu-na-ah-hi-isz
17. {iri}uri5{ki}
18. wa-asz-ru-um
19. mu-usz-te-mi-qum
20. ba-bil2 _he2-gal2_
21. a-na e2-kisz-nu-gal2
22. _lugal_ ta-szi-im-tim
23. sze-mu {d}utu da-num2
24. mu-ki-in
25. _suhusz_ zimbir{ki}
26. mu-sza-al-bi-isz
27. wa-ar-qi2-im
28. gi-gu-ne-e {d}a-a
29. mu-s,i-ir
30. e2-babbar
31. sza ki szu-ba-at sza-ma-i
32. _ur-sag_ ga#-mi-il
33. larsa{ki}
34. mu-u4-di-isz e2-babbar
35. a-na {d}utu
36. re-s,i-szu
37. be-lum mu-ba-li2-it,
38. unu{ki}
39. sza-ki-in me-e
40. nu-uh2-szi-im
41. a-na ni-szi-szu
42. mu-ul-li
43. re-esz e2-an-na
44. mu-kam-me-er
45. hi-is,-bi-im
46. a-na _an_-nim
47. u3 {d}inanna
48. _an-dul3_ ma-tim
49. mu-pa-ah-hi-ir
50. ni-szi sa6-ap-ha-tim
51. sza i3-si-in{ki}
52. mu-t,a-ah-hi-id
53. nu-uh2-szi-im
54. _e2_ e2-gal-mah
55. _uszumgal lugal_-ri2
56. ta-li-im
57. {d}za-ba4-ba4
58. mu-szar-szi-id
59. szu-ba-at {iri}kisz{ki}
60. mu-usz-ta-as2-hi-ir
61. me-le-em-mi
62. e2-me-te-ur-sag
63. mu-usz-te-es,-bi
64. pa-ar-s,i2 ra-bu-u2-tim
65. sza {d}inanna
66. pa-qi2-id bi-tim
67. hur-sag-kalam-ma
68. sa-par4 na-ki-ri
69. sza {d}er3-ra ru-szu
70. u2-sza-ak-szi-du
@column 3
1. ni-iz-ma-su2
2. mu-sza-te-er
3. {iri}gu2-du8-a{ki}
4. mu-ra-ap-pi2-isz
5. mi-im-ma szum-szu
6. ana mes-lam
7. ri-mu-um
8. ka-ad-ru-um
9. mu-na-ak-ki-ip za-i-ri
10. na-ra-am {d}tu-tu
11. mu-ri-isz
12. {iri}bar-si2-pa2{ki}
13. na-a'-du-um
14. la mu-up-pa-ar-ku-u2-um
15. a-na e2-zi-da
16. i-lu _lugal_-ri2
17. mu-de _igi-gal2_-im
18. mu-sza-ad-di-il
19. me-re-esz-tim
20. sza dil-bat{ki}
21. mu-ga-ar-ri-in _guru7-guru7_
22. a-na {d}urasz
23. ga-asz-ri-im
24. be-lum si2-ma-at
25. ha-at,-t,i-im
26. u3 a-ge-em
27. sza u2-sza-ak-li-lu-szu
28. e-ri-isz-tum
29. {d}ma-ma
30. mu-ki-in
31. u2-s,u2-ra-tim
32. sza kesz3{ki}
33. mu-de-esz-szi
34. ma-ka-li el-lu-tim
35. a-na {d}nin-tu
36. mu-usz-ta-lum
37. gi-it-ma-lum
38. sza-i-im
39. mi-ri-tim
40. u3 ma-asz-qi2-tim
41. a-na lagasz{ki}
42. u3 gir2-su{ki}
43. mu-ki-il
44. ni-in-da-be2-e
45. ra-bu-tim
46. a-na e2-ninnu
47. mu-tam-me-eh a-a-bi
48. mi-gi4-ir
49. te-li-tim
50. mu-sza-ak-li-il
51. te-re-tim
52. sza zabala2{ki}
53. mu-ha-ad-di
54. li-ib-bi {d}esz18-dar
55. ru-bu-um el-lum
56. sza ni-isz qa2-ti-szu
57. {d}iszkur i-du-u2
58. mu-ne-eh
59. li-ib-bi {d}iszkur
60. gu2-ra-di-im
61. i-na {iri}im{ki}
62. mu-usz-ta-ak-ki-in
63. si2-ma-tim
64. i-na e2-u4-gal-gal
65. _lugal_ na-di-in
66. na-pi2-isz-tim
67. a-na adab{ki}
68. a-sze-er
69. _e2_ e2-mah
70. e-te-el _lugal_-ri2
71. qa2-ba-al
72. la ma-ha-ri-im
@column 4
1. szu i-qi2-szu
2. na-ap-sza-tam
3. a-na {iri}masz-gan-szabra{ki}
4. mu-sze-esz-qi2
5. nu-uh2-szi-im
6. a-na _mes-lam_
7. em-qum
8. mu-tab-bi-lum
9. szu ik-szu-du
10. na-ga-ab ur2-szi-im
11. mu-usz-pa-az-zi-ir
12. ni-szi ma3-al-nag-a {ki}
13. in ka-ra-szi-im
14. mu-szar-szi-du
15. szu-ba-ti-szi-in
16. in nu-uh2-szi-in
17. a-na {d}en-ki
18. u3 {d}dam-gal-nun-na
19. mu-szar-bu-u2
20. szar-ru-ti-szu
21. da-ri2-isz i-szi-mu
22. zi-bi el-lu-tim
23. a-sza-re-ed _lugal_-ri2
24. mu-ka-an-ni-isz
25. da-ad-mi
26. {i7}buranun-na
27. i3-tum {d}da-gan
28. ba-ni-szu
29. szu ig-mi-lu
30. ni-szi me-ra{ki}
31. u3 tu-tu-ul{ki}
32. ru-bu-um
33. na-a'-du-um
34. mu-na-wi-ir
35. pa-ni {d}tiszpak
36. sza-ki-in ma-ka-li el-lu-tim
37. a-na {d}nin-a-zu
38. sza-t,i3-ip ni-szi-szu
39. in pu-usz-qi2-im
40. mu-ki-in-nu
41. isz-di-szi-in
42. qer-bu-um
43. babila{ki}
44. szu-ul-ma-ni-isz
45. _sipa_ ni-szi3
46. sza ep-sze-tu-szu
47. e-li {d}esz18-dar t,a-ba
48. mu-ki-in-ni {d}esz18-dar
49. i-na e2-ul-masz
50. qer-bu-um
51. a-ga-de3{ki}
52. re-bi-tim
53. mu-sze-pi2 ki-na-tim
54. mu-szu-sze-er am-mi
55. mu-te-er
56. {d}lamma-szu
57. da-mi-iq-tim
58. a-na {iri}a-szur4{ki}
59. mu-sze-ep-pi2 na-bi-hi
60. _lugal_ sza i-na ni-nu-a{ki}
61. i-na e2-mes-mes
62. u2-szu-pi2-u3
63. me-e {d}inanna
64. na-a'-du-um
65. mu-usz-te-mi-qum
66. a-na _dingir gal-gal_
67. li-ip-li-pi2
68. sza {disz}su-mu-la-il3
69. _ibila_ da-num2
70. sza {disz}{d}suen-mu-ba-li2-it,
@column 5
1. _numun_ da-ri2-um
2. sza szar-ru-tim
3. _lugal_ da-num2
4. {d}utu-szu
5. babila{ki}
6. mu-sze-s,i2 nu-ri-im
7. a-na ma-at
8. szu-me-ri2-im
9. u3 ak-ka-di-im
10. _lugal_ mu-usz-te-esz-mi
11. ki-ib-ra-at
12. ar-ba-im
13. mi-gi4-ir {d}inanna a-na-ku
14. i-nu-ma
15. {d}marduk
16. a-na szu-te-szu-ur ni-szi
17. _kalam_ u2-si-[im]
18. szu-hu-zi-im
19. u2-wa-e-ra-an-ni
20. ki-it-tam
21. u3 mi-sza-ra-am
22. i-na _ka_ ma-tim
23. asz-ku-un
24. szi-ir ni-szi u2-t,i-ib
25. i-nu-mi-szu
@law 1
26. szum-ma a-wi-lum a-wi-lam
27. u2-ub-bi-ir-ma
28. ne-er-tam e-li-szu
29. id-di-ma
30. la uk-ti-in-szu
31. mu-ub-bi-ir-szu
32. id-da-ak
@law 2
33. szum-ma a-wi-lum
34. ki-isz-pi2
35. e-li a-wi-lim id-di-ma
36. la uk-ti-in-szu
37. sza e-li-szu
38. ki-isz-pu na-du-u2
39. a-na {d}i7
40. i-il-la-ak
41. {d}i7 i-sza-al-li-a-am-ma
42. szum-ma {d}i7
43. ik-ta-sza-su2
44. mu-ub-bi-ir-szu
45. _e2_-su2 i-tab-ba-al
46. szum#-ma a-wi-lam szu-a-ti
47. {d}i7
48. u2-te-eb-bi-ba-asz-szu-ma
49. isz-ta-al-ma-am
50. sza e-li-szu
51. ki-isz-pi2 id-du-u2
52. id-da-ak
53. sza {d}i7
54. isz-li-a-am
55. _e2_ mu-ub-bi-ri-szu
56. i-tab-ba-al
@law 3
57. szum-ma a-wi-lum
58. i-na di-nim
59. a-na szi-bu-ut
60. sa3-ar-ra-tim
61. u2-s,i-a-am-ma
62. a-wa-at iq-bu-u2
63. la uk-ti-in
64. szum-ma di-nu-um szu-u2
65. di-in na-pi2-isz-tim
66. a-wi-lum szu-u2
67. id-da-ak
@law 4
68. szum-ma a-na szi-bu-ut
@column 6
1. _sze_ u3 _ku3-babbar_
2. u2-s,i-a-am
3. a-ra-an
4. di-nim szu-a-ti
5. it-ta-na-asz-szi
@law 5
6. szum-ma da-a-a-nu-um
7. di-nam i-di-in
8. pu-ru-sa3-am
9. ip-ru-us2
10. ku-nu-uk-kam
11. u2-sze-zi-ib
12. wa-ar-ka-nu-um-ma
13. di-in-szu i-te-ni
14. da-a-a-nam szu-a-ti
15. i-na di-in i-di-nu
16. e-ne-em
17. u2-ka-an-nu-szu-ma
18. ru-gu-um-ma-am
19. sza i-na di-nim szu-a-ti
20. ib-ba-asz-szu-u2
21. _a-ra2_ 1(u) 2(disz)-szu
22. i-na-ad-di-in
23. u3 i-na pu-uh2-ri-im
24. i-na _{gesz}gu-za_
25. da-a-a-nu-ti-szu
26. u2-sze-et-bu-u2-szu-ma
27. u2-ul i-ta-ar-ma
28. it-ti da-a-a-ni
29. i-na di-nim
30. u2-ul usz-ta-ab
@law 6
31. szum-ma a-wi-lum
32. _nig2-gur11 dingir_
33. u3 _e2-gal_
34. isz-ri-iq
35. a-wi-lum szu-u2
36. id-da-ak
37. u3 sza szu-ur2-qa2-am
38. i-na qa2-ti-szu
39. im-hu-ru
40. id-da-ak
@law 7
41. szum#-ma a-wi-lum
42. lu _ku3-babbar_
43. lu _ku3-sig17_
44. lu _ARAD2_ lu _geme2_
45. lu _gu4_ lu _udu_
46. lu _ansze_
47. u3 lu mi-im-ma szum-szu
48. i-na qa2-at _dumu_ a-wi-lim
49. u3 lu _ARAD2_ a-wi-lim
50. ba-lum szi-bi
51. u3 ri-ik-sa-tim
52. isz-ta-am
53. u3 lu a-na ma-s,a-ru-tim
54. im-hu-ur
55. a-wi-lum szu-u2
56. szar-ra-aq id-da-ak
@law 8
57. szum-ma a-wi-lum
58. lu _gu4_ lu _udu_ lu _ansze_ lu _szah2_
59. u3 lu _{gesz}ma2_
60. isz-ri-iq
61. szum-ma sza i-lim
62. szum-ma sza _e2-gal_
63. _a-ra2_ 3(u)-szu
64. i-na-ad-di-in
65. szum-ma sza _|MASZ.EN.GAG|_
66. _a-ra2_ 1(u)-szu i-ri-a-ab
67. szum-ma szar-ra-qa2-nu-um
68. sza na-da-nim la i-szu
69. id-da-ak
@law 9
70. szum-ma a-wi-lum
@column 7
1. sza mi-im-mu-szu hal-qu2
2. mi-im-ma-szu
3. hal-qa2-am
4. i-na qa2-ti a-wi-lim
5. is,-s,a-ba-at
6. a-wi-lum sza hu-ul-qum
7. i-na qa2-ti-szu
8. s,a-ab-tu
9. na-di-na-nu-um-mi id-di-nam
10. ma-har szi-bi-mi
11. a-sza-am
12. iq-ta-bi
13. u3 be-el hu-ul-qi2-im
14. szi-bi mu-de
15. hu-ul-qi2-ia-mi
16. lu-ub-lam
17. iq-ta-bi
18. sza-a-a-ma-nu-um
19. na-di-in
20. id-di-nu-szum
21. u3 szi-bi
22. sza i-na mah-ri-szu-nu
23. i-sza-mu it-ba-lam
24. u3 be-el hu-ul-qi2-im
25. szi-bi mu-de hu-ul-qi2-szu
26. it-ba-lam
27. da-a-a-nu
28. a-wa-a-ti-szu-nu
29. i-im-ma-ru-ma
30. szi-bu sza mah-ri-szu-nu
31. szi-mu-um
32. isz-sza-mu
33. u3 szi-bu mu-de
34. hu-ul-qi2-im
35. mu-du-su2-nu
36. ma-har i-lim
37. i-qa2-ab-bu-ma
38. na-di-na-nu-um
39. szar-ra-aq id-da-ak
40. be-el hu-ul-qi2-im
41. hu-lu-uq-szu
42. i-le-qe2
43. sza-a-a-ma-nu-um
44. a-na bi-it
45. na-di-na-nim
46. _ku3-babbar_ isz-qu2-lu
47. i-le-qe2
@law 10
48. szum-ma sza-a-a-ma-nu-um
49. na-di-in
50. id-di-nu-szum
51. u3 szi-bi sza i-na mah-ri-szu-nu
52. i-sza-mu
53. la it-ba-lam
54. be-el hu-ul-qi2-im-ma
55. szi-bi mu-de
56. hu-ul-qi2-szu it-ba-lam
57. sza-a-a-ma-nu-um
58. szar-ra-aq id-da-ak
59. be-el hu-ul-qi2-im
60. hu-lu-uq-szu
61. i-le-qe2
@law 11
62. szum-ma be-el hu-ul-qi2-im
63. szi-bi mu-de
64. hu-ul-qi2-szu
65. la it-ba-lam
@column 8
1. sa3-ar
2. tu-usz-sza-am-ma id-ke
3. id-da-ak
@law 12
4. szum-ma na-di-na-nu-um
5. a-na szi-im-tim
6. it-ta-la-ak
7. sza-a-a-ma-nu-um
8. i-na bi-it
9. na-di-na-nim
10. ru-gu-um-me-e
11. di-nim szu-a-ti
12. _a-ra2_ 5(disz)-szu
13. i-le-qe2
@law 13
14. szum#-ma a-wi-lum szu-u2
15. szi-bu-szu la qer-bu
16. da-a-a-nu a-da-nam
17. a-na _iti 6(disz)-kam_
18. i-sza-ak-ka-nu-szum-ma
19. szum-ma i-na _iti 6(disz)-kam_
20. szi-bi-szu la ir-de-a-am
21. a-wi-lum szu-u2
22. sa3-ar
23. a-ra-an di-nim szu-a-ti
24. it-ta-na-asz-szi
@law 14
25. szum-ma a-wi-lum
26. _dumu_ a-wi-lim
27. s,e-eh-ra-am
28. isz-ta-ri-iq
29. id-da-ak
@law 15
30. szum-ma a-wi-lum
31. lu _ARAD2 e2-gal_
32. lu _geme2 e2-gal_
33. lu _ARAD2 |MASZ.EN.GAG|_
34. lu _geme2 |MASZ.EN.GAG|_
35. _abul_ usz-te-s,i2
36. id-da-ak
@law 16
37. szum-ma a-wi-lum
38. lu _ARAD2_ lu _geme2_
39. hal-qa2-am
40. sza _e2-gal_
41. u3 lu _|MASZ.EN.GAG|_
42. i-na bi-ti-szu
43. ir-ta-qi2-ma
44. a-na szi-si-it
45. na-gi-ri-im
46. la usz-te-s,i2-a-am
47. be-el _e2_ szu-u2
48. id-da-ak
@law 17
49. szum-ma a-wi-lum
50. lu _ARAD2_ lu _geme2_
51. hal-qa2-am
52. i-na s,e-ri-im
53. is,-ba-at-ma
54. a-na be-li2-szu
55. ir-te-de-a-asz-szu
56. 2(disz) _gin2 ku3-babbar_
57. be-el _ARAD2_
58. i-na-ad-di-isz-szum
@law 18
59. szum-ma _ARAD2_ szu-u2
60. be-el-szu
61. la iz-za-kar
62. a-na _e2-gal_
63. i-re-ed-de-szu
64. wa-ar-ka-su2
65. ip-pa-ar-ra-as2-ma
66. a-na be-li2-szu
67. u2-ta-ar-ru-szu
@law 19
68. szum-ma _ARAD2_
69. szu-a-ti
70. i-na bi-ti-szu
71. ik-ta-la-szu
72. wa-ar-ka _ARAD2_
@column 9
1. i-na qa2-ti-szu
2. it-ta-as,-ba-at
3. a-wi-lum szu-u2
4. id-da-ak
@law 20
5. szum-ma _ARAD2_
6. i-na qa2-at
7. s,a-bi-ta-ni-szu
8. ih-ta-li-iq
9. a-wi-lum szu-u2
10. a-na be-el _ARAD2_
11. ni-isz i-lim
12. i-za-kar-ma
13. u2-ta-asz-szar
@law 21
14. szum-ma a-wi-lum
15. bi-tam
16. ip-lu-usz
17. i-na pa-ni
18. pi2-il-szi-im
19. szu-a-ti
20. i-du-uk-ku-szu-ma
21. i-ha-al-la-lu-szu
@law 22
22. szum-ma a-wi-lum
23. hu-ub-tam
24. ih-bu-ut-ma
25. it-ta-as,-ba-at
26. a-wi-lum szu-u2
27. id-da-ak
@law 23
28. szum-ma ha-ab-ba-tum
29. la it-ta-as,-ba-at
30. a-wi-lum
31. ha-ab-tum
32. mi-im-ma-szu
33. hal-qa2-am
34. ma-ha-ar
35. i-lim
36. u2-ba-ar-ma
37. _iri_
38. u3 ra-bi-a-nu-um
39. sza i-na er-s,e-ti-szu-nu
40. u3 pa-t,i-szu-nu
41. hu-ub-tum
42. ih-ha-ab-tu
43. mi-im-ma-szu
44. hal-qa2-am
45. i-ri-a-ab-bu-szum
@law 24
46. szum-ma na-pi2-isz-tum
47. _iri_ u3 ra-bi-a-nu-um
48. 1(disz) _ma-na ku3-babbar_
49. a-na ni-szi-szu
50. i-sza-qa2-lu
@law 25
51. szum-ma i-na _e2_ a-wi-lim
52. i-sza-tum
53. in-na-pi2-ih-ma
54. a-wi-lum
55. sza a-na bu-ul-li-im
56. il-li-ku
57. a-na nu-ma-at
58. be-el _e2_
59. i-in-szu isz-szi-ma
60. nu-ma-at
61. be-el _e2_
62. il-te-di
63. a-wi-lum szu-u2
64. a-na i-sza-tim szu-a-ti
65. in-na-ad-di
@law 26
66. szum-ma lu _aga-us2_
67. u3 lu _szu-ku6_
68. sza a-na har-ra-an szar-ri-im
69. a-la-ak-szu
@column 10
1. qa2-bu-u2
2. la-il-li-ik
3. lu _{lu2}hun-ga2_
4. i-gur-ma
5. pu-uh2-szu
6. it,-t,a-ra-ad
7. lu _aga-us2_
8. u3 lu _szu-ku6_ szu-u2
9. id-da-ak
10. mu-na-ag-gi-ir-szu
11. _e2_-su2
12. i-tab-ba-al
@law 27
13. szum-ma lu _aga-us2_
14. u3 lu _szu-ku6_
15. sza i-na dan-na-at
16. szar-ri-im
17. tu-ur2-ru
18. wa-ar-ki-szu
19. _a-sza3_-szu u3 _{gesz}kiri6_-szu
20. a-na sza-ni-im
21. id-di-nu-ma
22. i-li-ik-szu
23. it-ta-la-ak
24. szum-ma it#-tu-ra-am-ma
25. _iri_-szu ik-ta-asz2-dam
26. _a-sza3_-szu u3 _{gesz}kiri6_-szu
27. u2-ta-ar-ru-szum-ma
28. szu-ma i-li-ik-szu
29. i-il-la-ak
@law 28
30. szum-ma lu _aga#-us2_
31. u3 lu _szu-ku6_
32. sza i-na dan#-na-at
33. szar-ri-im
34. tu-ur2#-ru
35. _dumu_-szu il-kam
36. a-la-kam i-le-i
37. _a-sza3_ u3 _{gesz}kiri6_
38. in-na-ad-di-isz-szum#-ma
39. i-li-ik# [a]-bi-szu
40. i-il-[la]-ak#
@law 29
41. szum-ma _dumu_-szu
42. s,e-he-er-ma#
43. i-li-ik a-bi-szu
44. a-la-kam
45. la i-le-i
46. sza-lu-usz-ti _a-sza3_ u3 _{gesz}kiri6_
47. a-na um-mi-szu
48. in-na-ad#-di-in-ma
49. um-ma-szu
50. u2-ra-ab-ba-szu
@law 30
51. szum-ma lu _aga-us2#_
52. u3 lu _szu-ku6_
53. _a-sza3_-szu _{gesz}kiri6_-szu# u3 _e2_-su2#
54. i-na pa-ni il-ki-im
55. id-di-ma
56. u4-da-ap-pi2-ir
57. sza-nu-um
58. wa-ar-ki-szu#
59. _a-sza3_-szu _{gesz}kiri6_-szu
60. u3 _e2_-su2
61. is,-ba-at-ma
62. _mu 3(disz)-kam_
63. i-li-ik-szu
64. it-ta-la-ak
65. szum-ma it-tu-ra-am-ma
66. _a-sza3_-szu _{gesz}kiri6_-szu u3 _e2_-su2
67. i-ir-ri-isz
68. u2-ul in-na-ad-di-isz-szum
@column 11
1. sza is,-s,a-ab-tu-ma
2. i-li-ik-szu
3. it-ta-al-ku
4. szu-ma i-il-la-ak
@law 31
5. szum-ma sza-at-tam
6. isz-ti-a-at-ma
7. u4-da-ap-pi2-ir-ma
8. it-tu-ra-am
9. _a-sza3_-szu u3 _e2_-su2
10. in-na-ad-di-isz-szum-ma
11. szu-ma i-li-ik-szu
12. i-il#-la#-ak#
@law 32
13. szum#-ma# lu _aga-us2_
14. u3 lu _szu-ku6_
15. sza i-na har-ra-an
16. szar-ri-im
17. tu-ur2-ru
18. _dam-gar3_ ip-t,u2-ra-asz-szu-ma
19. _iri_-szu usz-ta-ak-szi-da-asz-szu
20. szum-ma i-na bi-ti-szu
21. sza pa-t,a-ri-im
22. i-ba-asz-szi
23. szu-ma ra-ma-an-szu
24. i-pa-at,-t,a-ar
25. szum-ma i-na bi-ti-szu
26. sza pa-t,a-ri-szu
27. la i-ba-asz-szi
28. i-na _e2 dingir iri_-szu
29. ip-pa-at,-t,ar2
30. szum-ma i-na _e2_
31. _dingir iri_-szu
32. sza pa-t,a-ri-szu
33. la i-ba-asz-szi
34. _e2-gal_ i-pa-at,-t,a-ar!(RI)-szu
35. _a-sza3_-szu _{gesz}kiri6_-szu
36. u3 _e2_-su2
37. a-na ip-t,e4-ri-szu
38. u2-ul in-na-ad-di-in
@law 33
39. szum-ma lu _ugula-ugula_
40. u3 lu _nu-banda3_
41. _erin2_ ni-is-ha-tim
42. ir-ta-szi
43. u3 lu a-na _kaskal_
44. szar-ri-im
45. _{lu2}hun-ga2_ pu-ha-am
46. im-hu-ur-ma
47. ir-te-de
48. lu _ugula-ugula_
49. u3 lu _nu-banda3_ szu-u2
50. id-da-ak
@law 34
51. szum-ma lu _ugula-ugula_
52. u3 lu _nu-banda3_
53. nu-ma-at _aga-us2_ il-te-qe2
54. _aga-us2_ ih-ta-ba-al
55. _aga-us2_ a-na ig-ri-im
56. it-ta-di-in
57. _aga-us2_ i-na di-nim
58. a#-na# dan-nim isz-ta-ra-ak
59. qi2#-isz-ti szar-ru-um
60. [a]-na# _aga-us2_ id-di-nu
61. il#-te-di
62. lu# _ugula-ugula_
63. u3# lu _nu-banda3_ szu-u2
64. id#-da#-ak
@law 35
65. szum#-ma a-wi-lum
66. _ab2# gu4!(BI) hi-a_
67. u3 _u8 udu hi-a_
68. sza szar-ru-um
69. a-na _aga-us2_
70. id-di-nu
@column 12
1. i-na qa2-ti _aga-us2_
2. isz-ta-am
3. i-na _ku3-babbar_-szu
4. i-te-el-li
@law 36
5. _a-sza3_-um _{gesz}kiri6_ u3 _e2_
6. sza _aga-us2 szu-ku6_
7. u3 na-szi bi-il-tim
8. a-na _ku3-babbar_
9. u2-ul i-na-ad-di-in
@law 37
10. szum-ma a-wi-lum
11. _a-sza3 {gesz}kiri6_ u3 _e2_
12. sza _aga-us2 szu-ku6_
13. u3# na#-szi _gun#_
14. isz#-ta#-am#
15. t,up-pa-szu
16. ih-he-ep-pe2
17. u3 i-na _ku3-babbar_-szu
18. i-te-el-li
19. _a-sza3 {gesz}kiri6_ u3 _e2_
20. a-na be-li2-szu
21. i-ta-ar
@law 38
22. _aga-us2 szu-ku6_
23. u3 na-szi _gun_
24. i-na _a-sza3 {gesz}kiri6_ u3 _e2_
25. sza il-ki-szu
26. a-na asz-sza-ti-szu
27. u3 _dumu-munus_-szu
28. u2-ul i-sza-at,-t,a-ar
29. u3 a-na i-il-ti-szu
30. u2-ul i-na-ad-di-in
@law 39
31. i-na _a-sza3 kiri6_ u3 _e2_
32. sza i-sza-am-mu-ma
33. i-ra-asz-szu-u2
34. a-na asz-sza-ti-szu
35. u3 _dumu-munus_-szu
36. i-sza-at,-t,ar2
37. u3 a-na e-hi-il-ti-szu
38. i-na-ad-di-in
@law 40
39. _lukur dam-gar3_
40. u3 il-kum a-hu-u2-um
41. _a-sza3_-szu _{gesz}kiri6_-szu
42. u3 _e2_-su2 a-na _ku3-babbar_
43. i-na-ad-di-in
44. sza-a-a-ma-nu-um
45. i-li-ik _a-sza3_
46. _{gesz}kiri6_ u3 _e2_
47. sza i-sza-am-mu
48. i-il-la-ak
@law 41
49. szum-ma a-wi-lum
50. _a-sza3 {gesz}kiri6_ u3 _e2_
51. sza _aga-us2 szu-ku6_
52. u3 na-szi bi-il-tim
53. u2-pi2-ih
54. u3 ni-ip-la-ti
55. id-di-in
56. _aga-us2 szu-ku6_
57. u3 na-szi bi-il-tim
58. a-na _a-sza3_-szu _{gesz}kiri6_-szu u3 _e2_-szu
59. i-ta-ar
60. u3 ni-ip-la-tim
61. sza in-na-ad-nu-szum
62. i-tab-ba-al
@law 42
63. szum-ma a-wi-lum
64. _a-sza3_ a-na er-re-szu-tim
65. u2-sze-s,i-ma
66. i-na _a-sza3 sze_ la usz-tab-szi
67. i-na _a-sza3_ szi-ip-ri-im
@column 13
1. la e-pe2-szi-im
2. u2-ka-an-nu-szu-ma
3. _sze_ ki-ma i-te-szu
4. a-na be-el _a-sza3_
5. i-na-ad-di-in
@law 43
6. szum-ma _a-sza3_-am la i-ri-isz-ma
7. it-ta-di
8. _sze_ ki-ma i-te-szu
9. a-na be-el _a-sza3_
10. i-na-ad-di-in
11. u3 _a-sza3_ sza id-du-u2
12. ma-a-a-ri
13. i-ma-ah-ha-as,
14. i-sza-ak-ka-ak-ma
15. a-na be-el _a-sza3_
16. u2-ta-ar
@law 44
17. szum-ma a-wi-lum
18. _a-sza3 |KI.KAL|_
19. a-na _mu 3(disz)-kam_
20. a-na te-ep-ti-tim
21. u2-sze-s,i-ma
22. a-ah-szu id-di-ma
23. _a-sza3_ la ip-te-te
24. i-na re-bu-tim
25. sza-at-tim
26. _a-sza3_ ma-a-a-ri
27. i-ma-ah-ha-as,
28. i-mar-ra-ar
29. u3 i-sza-ak-ka-ak-ma
30. a-na be-el _a-sza3_
31. u2-ta-ar
32. u3 1(bur3) _GAN2_-e
33. 1(u) _sze gur_
34. i-ma-ad-da-ad
@law 45
35. szum-ma a-wi-lum
36. _a-sza3_-szu a-na _gun_
37. a-na er-re-szi-im
38. id-di-in-ma
39. u3 _gun a-sza3_-szu
40. im-ta-ha-ar
41. wa-ar-ka _a-sza3_
42. {d}iszkur ir-ta-hi-is,
43. u3 lu bi-ib-bu-lum
44. it-ba-al
45. bi-ti-iq-tum
46. sza er-re-szi-im-ma
@law 46
47. szum-ma _gun a-sza3_-szu
48. la im-ta-ha-ar
49. u3 lu a-na mi-isz-la-ni
50. u3 lu a-na sza-lu-usz
51. _a-sza3_ id-di-in
52. _sze_ sza i-na _a-sza3_
53. ib-ba-asz-szu-u2
54. er-re-szum
55. u3 be-el _a-sza3_
56. a-na ap-szi-te-em
57. i-zu-uz-zu
@law 47
58. szum-ma er-re-szum
59. asz-szum i-na sza-at-tim
60. mah-ri-tim
61. ma-na-ha-ti-szu
62. la il-qu2-u2
63. _a-sza3_ e-re-sza-am iq-ta-bi
64. be-el _a-sza3_
65. u2-ul u2-up-pa-as
66. er-re-su-ma
67. _a-sza3_-szu i-ir-ri-isz-ma
68. i-na _buru14_
69. ki-ma ri-ik-sa-ti-szu
70. _sze_ i-le-qe2
@law 48
71. szum-ma a-wi-lum
72. hu-bu-ul-lum
73. e-li-szu
@column 14
1. i-ba-asz-szi-ma
2. _[a]-sza3_-szu
3. {d}iszkur
4. ir-ta-hi-is,
5. u3 lu-u2 bi-ib-bu-lum#
6. it-ba-al
7. u3 lu-u2 i-na la me-e
8. _sze_ i-na _a-sza3_
9. la it-tab-szi
10. i-na sza-at-tim szu-a-ti
11. _sze_ a-na be-el hu-bu-ul-li-szu
12. u2-ul u2-ta-ar
13. t,up-pa-szu
14. u2-ra-at,-t,a-ab
15. u3 s,i-ib-tam
16. sza sza-at-tim szu-a-ti
17. u2-ul i-na-ad-di-in
@law 49
18. szum-ma a-wi-lum
19. _ku3-babbar_ it-ti _dam-gar3_
20. il-qe2-ma
21. _a-sza3_ ep-e-tim
22. sza _sze_ u3 lu _sze-gesz-i3_
23. a-na _dam-gar3_ id-di-in
24. _a-sza3_ e-ri-isz-ma
25. _sze_ u3 lu-u2 _sze-gesz-i3_
26. sza ib-ba-asz-szu-u2
27. e-si-ip ta-ba-al
28. iq-bi-szum
29. szum-ma er-re-szum
30. i-na _a-sza3 sze_
31. u3 lu _sze-gesz-i3_
32. usz-tab-szi
33. i-na _buru14 sze_ u3 _sze-gesz-i3_
34. sza i-na _a-sza3_ ib-ba-asz-szu-u2
35. be-el _a-sza3_-ma
36. i-le-qe2-ma
37. _sze_ sza _ku3-babbar_-szu
38. u3 s,i-ba-su2
39. sza it-ti _dam-gar3_
40. il-qu2-u2
41. u3 ma-na-ha-at
42. e-re-szi-im
43. a-na _dam-gar3_
44. i-na-ad-di-in
@law 50
45. szum-ma _a-sza3_ er-sza-am
46. u3 lu-u2
47. _a-sza3 sze-gesz-i3_
48. er-sza-am id-di-in
49. _sze_ u3 lu _sze-gesz-i3_
50. sza i-na _a-sza3_
51. ib-ba-asz-szu-u2
52. be-el _a-sza3_-ma
53. i-le-qe2-ma
54. _ku3-babbar_ u3 s,i-ba-su2
55. a-na _dam-gar3_ u2-ta-ar
@law 51
56. szum-ma _ku3-babbar_
57. a-na tu-ur2-ri-im
58. la i-szu
59. _sze-gesz-i3_
60. a-na ma-hi-ra-ti-szu-nu
61. sza _ku3-babbar_-szu
62. u3 s,i-ib-ti-szu
63. sza it-ti _dam-gar3_ il-qu2-u2
64. a-na _ka_ s,i-im-da-at
65. szar-ri-im
66. a-na _dam-gar3_ i-na-ad-di-in
@column 15
@law 52
1. szum-ma er-re-szum
2. i-na _a-sza3_ sze-am
3. u3 lu _sze-gesz-i3_
4. la usz-tab-szi
5. ri-ik-sa-ti-szu
6. u2-ul [i]-in-ni
@law 53
7. szum-ma a-wi-lum
8. a-na _kar a-sza3_-szu
9. du-un-nu-nim#
10. a-ah-szu id-di-ma
11. _kar_-szu
12. la u2-dan-ni-in-ma
13. i-na _kar_-szu
14. pi2-tum it-te-ep-te
15. u3 _a-gar3_ me-e usz-ta-bil2
16. a-wi-lum
17. sza i-na _kar_-szu
18. pi2-tum ip-pe2-tu-u2
19. _sze_ sza u2-hal-li-qu2
20. i-ri-a-ab
@law 54
21. szum-ma _sze_ ri-a-ba-am
22. la i-le-i
23. szu-a-ti
24. u3 bi-sza-szu
25. a-na _ku3-babbar_
26. i-na-ad-di-nu-ma
27. _dumu a-gar3-mesz_
28. sza _sze_-szu-nu
29. mu-u2 ub-lu
30. i-zu-uz-zu
@law 55
31. szum-ma a-wi-lum
32. a-tap-pa-szu
33. a-na szi-qi2-tim ip-te
34. a-ah-szu id-di-ma
35. _a-sza3_ i-te-szu
36. me-e usz-ta-bil2
37. _sze_ ki-ma i-te-szu
38. i-ma-ad-da-ad
@law 56
39. szum-ma a-wi-lum
40. me-e ip-te-ma
41. ep-sze-tim sza _a-sza3_ i-te-szu
42. me-e usz-ta-bil2
43. 1(bur3) _GAN2_-e
44. 1(u) _sze gur_
45. i-ma-ad-da-ad
@law 57
46. szum-ma _sipa_
47. a-na sza-am-mi
48. _u8 udu hi-a_ szu-ku-lim
49. it-ti be-el _a-sza3_
50. la im-ta-gar3-ma
51. ba-lum be-el _a-sza3_
52. _a-sza3 u8 udu hi-a_
53. usz-ta-ki-il
54. be-el _a-sza3 a-sza3_-szu
55. i-is,-s,i-id
56. _sipa_ sza i-na ba-lum
57. be-el _a-sza3_
58. _a-sza3 u8 udu hi-a_
59. u2-sza-ki-lu
60. e-le-nu-um-ma
61. 1(bur3) _GAN2_-e
62. 2(u) _sze gur_
63. a-na be-el _a-sza3_
64. i-na-ad-di-in
@law 58
65. szum-ma isz-tu _u8 udu hi-a_
66. i-na _a-gar3_
67. i-te-li-a-nim
68. ka-an-nu ga-ma-ar-tim
69. i-na _abul_
70. it-ta-ah-la-lu
71. _sipa u8 udu hi-a_
72. a-na _a-sza3_ id-di-ma
73. _a-sza3 u8 udu hi-a_
74. usz-ta-ki-il
75. _sipa a-sza3_ u2-sza-ki-lu
76. i-na-s,a-ar-ma
77. i-na _buru14_
78. 1(bur3) _GAN2_-e
@column 16
1. 1(gesz2) _sze gur_
2. a-na be-el _a-sza3_
3. i-ma-ad-da-ad
@law 59
4. szum-ma a-wi-lum
5. ba-lum be-el _{gesz}kiri6_
6. i-na _{gesz}kiri6_ a-wi-lim
7. i-s,a-am ik-ki-is
8. 1/2(disz) _ma-na ku3-babbar_
9. i-sza-qal
@law 60
10. szum-ma a-wi-lum
11. _a-sza3_ a-na _{gesz}kiri6_ [za]-qa2-pi2-im
12. [a]-na# _nu-{gesz}kiri6_ id-di-in
13. _nu-{gesz}kiri6_
14. _{gesz}kiri6_ iz-qu2-up
15. _mu 4(disz)-kam_
16. _{gesz}kiri6_ u2-ra-ab-ba
17. i-na ha-mu-usz-tim
18. sza-at-tim
19. be-el _{gesz}kiri6_
20. u3 _nu-{gesz}kiri6_
21. mi-it-ha-ri-isz
22. i-zu-zu
23. be-el _{gesz}kiri6_
24. _ha-la_-szu
25. i-na-sa3-aq-ma
26. i-le-qe2
@law 61
27. szum-ma _nu-{gesz}kiri6_
28. _a-sza3_ i-na za-qa2-pi2-im
29. la ig-mur-ma
30. ni-di-tam i-zi-ib
31. ni-di-tam
32. a-na li-ib-bi _ha-la_-szu
33. i-sza-ak-ka-nu-szum
@law 62
34. szum-ma _a-sza3_
35. sza in-na-ad-nu-szum
36. a-na _{gesz}kiri6_ la iz-qu2-up
37. szum-ma _ab-sin2_
38. _gun a-sza3_
39. sza sza-na-tim
40. sza in-na-du-u2
41. _nu-{gesz}kiri6_
42. a-na be-el _a-sza3_
43. ki-ma i-te-szu
44. i-ma-ad-da-ad
45. u3 _a-sza3_ szi-ip-ra-am
46. i-ip-pe2-esz-ma
47. a-na be-el _a-sza3_ u2-ta-ar
@law 63
48. szum-ma _a-sza3 |KI.KAL|_
49. _a-sza3_ szi-ip-ra-am
50. i-ip-pe2-esz-ma
51. _a-sza3_ be-el _a-sza3_
52. u2-ta-ar
53. u3 1(bur3) _GAN2_-e
54. 1(u) _sze gur_
55. sza sza-at-tim
56. isz-ti-a-at
57. i-ma-ad-da-ad
@law 64
58. szum-ma a-wi-lum
59. _{gesz}kiri6_-szu
60. a-na _nu-{gesz}kiri6_
61. a-na ru-ku-bi-im
62. id-di-in
63. _nu-{gesz}kiri6_
64. a-di _{gesz}kiri6_ s,a-ab-tu
65. i-na bi-la-at _{gesz}kiri6_
66. szi-it-ti-in
67. a-na be-el _{gesz}kiri6_
68. i-na-ad-di-in
69. sza-lu-usz-tam
70. szu-u2 i-le-qe2
@law 65
71. szum-ma _nu-{gesz}kiri6_
72. _{gesz}kiri6_ la u2-ra-ak-ki-ib-ma
73. bi-il-tam um-ta-t,i
74. _nu-{gesz}kiri6_
75. bi-la-at _{gesz}kiri6_
76. a-na i-te-szu
@column 17
$column missing
1. [i-ma-ad-da-ad]
2. [...]
@reverse
@column 1
1. s,i-ba-a-at _ku3-babbar_
2. ma-la il-qu2-u2
3. i-sa-ad-dar-ma
4. u4-mi-szu
5. i-ma-an-nu-u2-ma
6. _dam-gar3_-szu
7. i-ip-pa-al
@law 101
8. szum-ma a-szar il-li-ku
9. ne-me-lam
10. la i-ta-mar
11. _ku3-babbar_ il-qu2-u2
12. usz-ta-sza-na-ma
13. _szaman2-la2_ a-na _dam-gar3_
14. i-na-ad-di-in
@law 102
15. szum-ma _dam-gar3_
16. a-na _szaman2-la2_
17. _ku3-babbar_ a-na ta-ad-mi-iq-tim
18. it-ta-di-in-ma
19. a-szar il-li-ku
20. bi-ti-iq-tam
21. i-ta-mar
22. qa2-qa2-ad _ku3-babbar_
23. a-na _dam-gar3_ u2-ta-ar
@law 103
24. szum-ma har-ra-nam
25. i-na a-la-ki-szu
26. na-ak-ru-um
27. mi-im-ma sza na-szu-u2
28. usz-ta-ad-di-szu
29. _szaman2-la2_ ni-isz i-lim
30. i-za-kar-ma
31. u2-ta-asz-szar
@law 104
32. szum-ma _dam-gar3_
33. a-na _szaman2-la2_
34. _sze siki i3-gisz_
35. u3 mi-im-ma bi-sza-am
36. a-na pa-sza-ri-im
37. id-di-in
38. _szaman2-la2 ku3-babbar_
39. i-sa-ad-dar-ma
40. a-na _dam-gar3_
41. u2-ta-ar
42. _szaman2-la2_ ka-ni-ik _ku3-babbar_
43. sza a-na _dam-gar3_
44. i-na-ad-di-nu
45. i-le-qe2
@law 105
46. szum-ma _szaman2-la2_
47. i-te-gi-ma
48. ka-ni-ik _ku3-babbar_
49. a-na _dam-gar3_
50. id-di-nu
51. la-il-te-qe2
52. _ku3-babbar_ la ka-ni-ki-im
53. a-na ni-ik-ka-as-si2-im
54. u2-ul isz-sza-ak-ka-an
@law 106
55. szum-ma _szaman2-la2_
56. _ku3-babbar_ it-ti _dam-gar3_
57. il-qe2-ma
58. _dam-gar3_-szu
59. it-ta-ki-ir
60. _dam-gar3_ szu-u2
61. i-na ma-har i-lim u3 szi-bi
62. i-na _ku3-babbar_ le-qe2-em
63. _szaman2-la2_ u2-ka-an-ma
64. _szaman2-la2 ku3-babbar_
65. ma-la il-qu2-u2
66. _a-ra2_ 3(disz)-szu a-na _dam-gar3_
67. i-na-ad-di-in
@law 107
68. szum-ma _dam-gar3 ku3-babbar_
69. _szaman2-la2_ i-qi2-ip-ma
70. _szaman2-la2_ mi-im-ma
71. sza _dam-gar3_ id-di-nu-szum
72. a-na _dam-gar3_-szu
@column 2
1. ut-te-er
2. _dam-gar3_ mi-im-ma
3. sza _szaman2-la2_
4. id-di-nu-szum
5. it-ta-ki-ir-szu
6. _szaman2-la2_ szu-u2
7. i-na ma-har i-lim u3 szi-bi
8. _dam-gar3_ u2-ka-an-ma
9. _dam-gar3_ asz-szum _szaman2-la2_-szu
10. ik-ki-ru
11. mi-im-ma sza il-qu2-u2
12. _a-ra2_ 6(disz)-szu
13. a-na _szaman2-la2_
14. i-na-ad-di-in
@law 108
15. szum-ma _munus-kurun-na_
16. a-na _sa10# kasz_
17. _sze_ la im-ta-har
18. i-na _na4_ ra-bi-tim
19. _ku3-babbar_ im-ta-har
20. u3 _ganba kasz_
21. a-na _ganba sze_ um-ta-t,i
22. _munus-kurun-na_ szu-a-ti
23. u2-ka-an-nu-szi-ma
24. a-na me#-e
25. i-na#-[ad]-du#-u2-szi
@law 109
26. szum#-ma# _munus-kurun-na_
27. sa3-ar#-ru-tum
28. i-na _e2_-sza
29. it-tar-ka-su2#?-ma
30. sa3-ar-ru-tim szu-nu-ti
31. la is,-s,a-ab-tam-ma
32. a-na _e2-gal_
33. la ir-de-a-am
34. _munus-kurun-na_ szi-i
35. id-da-ak
@law 110
36. szum#-ma _lukur nin-dingir_
37. sza i-na _ga2-gi4-a_
38. la wa-asz-ba-at
39. _e2 kurun-na_ ip-te-te
40. u3 lu a-na _kasz_
41. a-na _e2 kurun-na_
42. i-te-ru-ub
43. a-wi-il-tam szu-a-ti
44. i-qal-lu-u2-szi
@law 111
45. szum-ma _munus-kurun-na_
46. 1(disz) _kasz dida ka gag_
47. a-na qi2-ip-tim id-di-in
48. i-na _buru14_
49. 5(ban2) _sze_ i-le-qe2
@law 112
50. szum-ma a-wi-lum
51. i-na har-ra-nim
52. wa-szi-ib-ma
53. _ku3-babbar ku3-sig17 na4_
54. u3 bi-isz qa2-ti-szu
55. a-na a-wi-lim
56. id-di-in-ma
57. a-na szi-bu-ul-tim
58. u2-sza-bil2-szu
59. a-wi-lum szu-u2
60. mi-im-ma sza szu-bu-lu
61. a-szar szu-bu-lu
62. la id-[di]-in-ma
63. it-ba-al
64. be-el szi-bu-ul-tim
65. a-wi-lam szu-a-ti
66. i-na mi-im-ma
67. sza szu-bu-lu-ma
68. la id-di-nu
69. u2-ka-an-nu-szu-ma
70. a-wi-lum szu-u2
71. _a-ra2_ 5(disz)-szu mi-im-ma
72. sza in-na-ad-nu-szum
73. a-na be-el szi-bu-ul-tim
74. i-na-ad-di-in
@law 113
75. szum-ma a-wi-lum
76. e-li a-wi-lim
@column 3
1. _sze_ u3 _ku3-babbar_ i-szu-ma
2. i-na ba-lum be-el _sze_
3. i-na na-asz-pa-ki-im
4. u3 lu i-na ma-asz-ka-nim
5. _sze_ il-te-qe2
6. a-wi-lam szu-a-ti
7. i-na ba-lum be-el _sze_
8. i-na na-asz-pa-ki-im
9. u3# lu i-na _kislah_
10. i#-na# _sze_ le-qe2-em
11. u2-ka-an-nu-szu-ma
12. _sze_ ma-la il-qu2-u2
13. u2-ta-ar
14. u3 i-na mi-im-ma szum-szu
15. ma-la id-di-nu
16. i-te-el-li
@law 114
17. szum-ma a-wi-lum
18. e-li a-wi-lim
19. _sze_ u3 _ku3-babbar_
20. la i-szu-ma
21. ni-pu-su2 it-te-pe2
22. a-na ni-pu-tim
23. isz-ti-a-at
24. 1/3(disz) _ma-na ku3-babbar_
25. i-sza-qal
@law 115
26. szum-ma a-wi-lum
27. e-li a-wi-lim
28. _sze_ u3 _ku3-babbar_
29. i-szu-ma
30. ni-pu-su2 ip-pe2-ma
31. ni-pu-tum
32. i-na _e2_ ne-pi2-sza
33. i-na szi-ma-ti-sza
34. im-tu-ut
35. di-nu-um szu-u2
36. ru-gu-um-ma-am
37. u2-ul i-szu
@law 116
38. szum-ma ni-pu-tum
39. i-na _e2_ ne-pi2-sza
40. i-na ma-ha-s,i2-im
41. u3-lu i-na usz-szu-szi-im
42. im-tu-ut
43. be-el ni-pu-tim
44. _dam-gar3_-szu
45. u2-ka-an-ma
46. szum-ma _dumu_ a-wi-lim
47. _dumu_-szu i-du-uk-ku
48. szum-ma _ARAD2_ a-wi-lim
49. 1/3(disz) _ma-na ku3-babbar_
50. i-sza-qal
51. u3 i-na mi-im-ma szum-szu
52. ma-la id-di-nu
53. i-te-el-li
@law 117
54. szum-ma a-wi-lam
55. e-hi-il-tum
56. is,-ba-su2-ma
57. _dam_-su2 _dumu_-szu u3 _dumu-munus_-su2
58. a-na _ku3-babbar_ id-di-in
59. u3 lu a-na ki-isz-sza-tim
60. it-ta-an-di-in
61. _mu 3(disz)-kam_
62. _e2_ sza-a-a-ma-ni-szu-nu
63. u3 ka-szi-szi-szu-nu
64. i-ip-pe2-szu i-na re-bu-tim
65. sza-at-tim
66. an-du-ra-ar-szu-nu
67. isz-sza-ak-ka-an
@law 118
68. szum-ma _ARAD2_ u3 lu _geme2_
69. a-na ki-isz-sza-tim
70. it-ta-an-di-in
71. _dam-gar3_ u2-sze-te-eq
72. a-na _ku3-babbar_ i-na-ad-din
73. u2-ul ib-ba-qar
@law 119
74. szum-ma a-wi-lam
75. e-hi-il-tum
76. is,-ba-su2-ma
77. _geme2_-su2 sza _dumu-mesz_ ul-du-szum
78. a-na _ku3-babbar_ it-ta-din
@column 4
1. _ku3-babbar dam-gar3_ isz-qu2-lu
2. be-el _geme2#_ i-sza-qal-ma
3. _geme2_-su2 i-pa-t,ar2#
@law 120
4. szum-ma a-wi-lum
5. sze-szu a-na na-asz-pa-ku-tim
6. i-na _e2_ a-wi-lim
7. isz-pu-uk-ma
8. i-na qa2-ri-tim
9. i-ib-bu-u2-um it-tab-szi
10. u3 lu be-el _e2_
11. na-asz-pa-kam ip-te-ma
12. _sze_ il-qe2
13. u3 lu _sze_ sza a-na _e2_-szu
14. isz-sza-ap-ku
15. a-na ga-am-ri-im
16. it-ta-ki-ir
17. be-el _sze_ ma-har i-lim
18. sze-szu u2-ba-ar-ma
19. be-el _e2_
20. _sze_ sza il-qu2-u2
21. usz-ta-sza-na-ma
22. a-na be-el _sze_
23. i-na-ad-di-in
@law 121
24. szum-ma a-wi-lum
25. i-na _e2_ a-wi-lim
26. _sze_ isz-pu-uk
27. i-na sza-na-at
28. a-na _1(asz) sze gur-e 5(disz) sila3 sze_
29. _a2_ na-asz-pa-ki-im
30. i-na-ad-di-in
@law 122
31. szum-ma a-wi-lum
32. a-na a-wi-lim
33. _ku3-babbar ku3-sig17_
34. u3 mi-im-ma szum-szu
35. a-na ma-s,a-ru-tim
36. i-na-ad-di-in
37. mi-im-ma ma-la
38. i-na-ad-di-nu
39. szi-bi-u2-kal2-lam
40. ri-ik-sa-tim
41. i-sza-ak-ka-an-ma
42. a-na ma-s,a-ru-tim
43. i-na-ad-di-in
@law 123
44. szum-ma ba-lum szi-bi
45. u3 ri-ik-sa-tim
46. a-na ma-s,a-ru-tim
47. id-di-in-ma
48. a-sar id-di-nu
49. it-ta-ak-ru-szu
50. di-nu-um szu-u2
51. ru-gu-um-ma-am
52. u2-ul i-szu
@law 124
53. szum-ma a-wi-lum
54. a-na a-wi-lim
55. _ku3-babbar ku3-sig17_
56. u3 mi-im-ma szum-szu
57. ma-har szi-bi
58. a-na ma-s,a-ru-tim
59. id-di-in-ma
60. it-ta-ki-ir-szu
61. a-wi-lam szu-a-ti
62. u2-ka-an-nu-szu-ma
63. mi-im-ma sza ik-ki-ru
64. usz-ta-sza-na-ma
65. i-na-ad-di-in
@law 125
66. szum-ma a-wi-lum
67. mi-im-ma-szu
68. a-na ma-s,a-ru-tim id-di-in-ma
69. a-szar id-di-nu
70. u3 lu a-na pi2-il-szi-im
71. u3 lu i-na na-ba;-al-ka-at-tim
73. mi-im-mu-szu
74. it-ti mi-im-me-e
75. be-el _e2_ ih-ta-li-iq be-el _e2_ sza i-gu-ma
76. mi-im-ma sza a-na
77. ma-s,a-ru-tim id-di-nu-szum-ma
78. u2-hal-li-qu2
79. u2-sza-lam-ma
@column 5
1. a-na be-el _nig2-gur11_
2. i-ri-a-ab
3. be-el _e2_
4. mi-im-ma-szu hal-qa2-am
5. isz#-te-ne-i-ma
6. [it]-ti szar-ra-qa2-ni-szu
7. i-le-qe2
@law 126
8. szum-ma# [a]-wi-lum
9. mi-im-mu-szu
10. la ha-li-iq#-ma
11. mi-im-me-e
12. ha-li-iq iq-ta-bi
13. ba-ab-ta-szu
14. u2-te-eb-bi-ir
15. ki-ma mi-im-mu-szu
16. la hal-qu2
17. ba-ab-ta-szu
18. i-na ma-har i-lim
19. u2-ba-ar-szu-ma
20. mi-im-ma
21. sza ir-gu-mu
22. usz-ta-sza-na-ma
23. a-na ba-ab-ti-szu
24. i-na-ad-di-in
@law 127
25. szum-ma a-wi-lum
26. e-li _nin-dingir_
27. u3 a-sza-at a-wi-lim
28. u2-ba-nam u2-sza-at-ri-is,-ma
29. la uk-ti-in
30. a-wi-lam szu-a-ti
31. ma-har da-a-a-ni
32. i-na-ad-du-u2-szu
33. u3 mu-ut-ta-su2
34. u2-gal-la-bu
@law 128
35. szum-ma a-wi-lum
36. asz-sza-tam
37. i-hu-uz-ma
38. ri-ik-sa-ti-sza
39. la isz-ku-un
40. _munus_ szi-i
41. u2-ul asz-sza-at
@law 129
42. szum-ma asz-sza-at a-wi-lim
43. it-ti zi-ka-ri-im
44. sza-ni-im
45. i-na i-tu-lim
46. it-ta-as,-bat
47. i-ka-su2-szu-nu-ti-ma
48. a-na me-e
49. i-na-ad-du-u2-szu-nu-ti
50. szum-ma be-el asz-sza-tim
51. asz-sza-su2 u2-ba-la-at,
52. u3 szar-ru-um
53. _ARAD2_-su2 u2-ba-la-at,
@law 130
54. szum-ma a-wi-lum
55. asz-sza-at a-wi-lim
56. sza zi-ka-ra-am
57. la i-du-u2-ma
58. i-na _e2_ a-bi-sza
59. wa-asz-ba-at
60. u2-kab-bil2-szi-ma
61. i-na su-ni-sza
62. it-ta-ti-il-ma
63. is,-s,a-ab-tu-szu
64. a-wi-lum szu-u2
65. id-da-ak
66. _munus_ szi-i
67. u2-ta-a-sza-ar
@law 131
68. szum-ma asz#-sza-at
69. a-wi-lim
70. mu-sa3 u2-ub-bi-ir-szi-ma
71. it-ti zi-ka-ri-im sza-ni-im
72. i-na u2-tu-lim
73. la is,-s,a-bi-it
74. ni-isz i-lim
75. i-za-kar-ma
76. a-na _e2_-sza i-ta-ar
@law 132
77. szum-ma asz-sza-at
78. a-wi-lim
79. asz-szum zi-ka-ri-im sza-ni-im
80. u2-ba-nu-um
81. e-li-sza
82. it-ta-ri-is,-ma
83. it-ti zi-ka-ri-im
@column 6
1. sza-ni-im
2. i-na u2-tu-lim
3. la it-ta-as,-ba-at
4. a-na mu-ti-sza
5. {d}i7
6. i-sza-al-li
@law 133
7. szum-ma a-wi-lum
8. isz-sza-li-il-ma
9. i-na _e2_-szu
10. sza a-ka-lim
11. [i]-ba-asz-szi
12. [asz-sza]-su2
13. [a-di mu?]-sa3 [s,a-ab]-tu#?
14. [pa-gar3]-sza#
15. [i-na-s,a]-ar#
16. [a-na _e2_ sza-ni]-im#
17. [u2-ul i-ir]-ru-ub
18. szum#-[ma] _munus_ szi-i
19. [pa]-gar3#-sza
20. la is,-s,ur-ma
21. a-na _e2_ sza-ni-im
22. i-te-ru-ub
23. _munus_ szu-a-ti
24. u2-ka-an-nu-szi-ma
25. a-na me-e
26. i-na-ad-du-u2-szi
@law 134
27. szum-ma a-wi-lum
28. isz-sza-li-il-ma
29. i-na _e2_-szu
30. sza a-ka-li-im
31. la i-ba-asz-szi
32. asz-sza-su2
33. a-na _e2_ sza-ni-im
34. i-ir-ru-ub
35. _munus_ szi-i
36. ar-nam u2-ul i-szu
@law 135
37. szum-ma a-wi-lum
38. isz-sza-li-il-ma
39. i-na _e2_-szu
40. sza a-ka-li-im
41. la i-ba-asz-szi
42. a-na pa-ni-szu
43. asz-sza-su2
44. a-na _e2_ sza-ni-im
45. i-te-ru-ub-ma
46. _dumu-mesz_ it-ta-la-ad
47. i-na wa-ar-ka
48. mu-sa3 it-tu-ra-am-ma
49. _iri_-szu
50. ik-ta-asz2-dam
51. _munus_ szi-i
52. a-na ha-wi-ri-sza
53. i-ta-ar
54. _dumu-mesz_ wa-ar-ki
55. a-bi-szu-nu
56. i-il-la-ku
@law 136
57. szum-ma a-wi-lum
58. _iri_-szu id-di-ma
59. it-ta-bi-it
60. wa-ar-ki-szu
61. asz-sza-su2
62. a-na _e2_ sza-ni-im
63. i-te-ru-ub
64. szum-ma a-wi-lum szu-u2
65. it-tu-ra-am-ma
66. asz-sza-su2
67. is,-s,a-ba-at
68. asz-szum _iri_-szu
69. i-ze-ru-ma
70. in-na-bi-tu
71. asz-sza-at mu-na-ab-tim
72. a-na mu-ti-sza
73. u2-ul i-ta-ar
@law 137
74. szum-ma a-wi-lum
75. a-na {munus}szu-gi4-tim
76. sza _dumu-mesz_ ul-du-szum u3 lu _lukur_ sza _dumu-mesz_
77. u2-szar-szu-szu
78. e-ze2-bi-im
79. pa-ni-szu
80. isz-ta-ka-an
81. a-na _munus_ szu-a-ti
82. sze-ri-ik-ta-sza
83. u2-ta-ar-ru-szi-im
84. u3 mu-ut-ta-at
85. _a-sza3 {gesz}kiri6_ u3 bi-szi-im
@column 7
1. i-na-ad-di-nu-szi-im-ma
2. _dumu-mesz_-sza
3. u2-ra-ab-ba
4. isz-tu _dumu-mesz_-sza
5. ur2-ta-ab-bu-u2
6. i-na mi-im-ma
7. sza a-na _dumu-mesz_-sza
8. in-na-ad-nu
9. zi2-it-tam
10. ki-ma ap-lim isz-te-en
11. i-na-ad-di-nu-szi-im-ma
12. mu-tu li-ib-bi-sza
13. i-ih-ha-as-si2
@law 138
14. szum-ma a-wi-lum
15. hi-ir-ta-szu
16. sza _dumu-mesz_ la ul-du-szum
17. i-iz-zi-ib
18. _ku3-babbar_ ma-la
19. ter-ha-ti-sza
20. i-na-ad-di-isz-szi-im
21. u3 sze-ri-ik-tam
22. sza isz-tu _e2_ a-bi-sza ub-lam
23. u2-sza-lam-szi-im-ma
24. i-iz-zi-ib-szi
@law 139
25. szum-ma ter-ha-tum
26. la i-ba-asz-szi
27. 1(disz) ma-na _ku3-babbar_
28. a-na u2-zu-ub-be2-em
29. i-na-ad-di-isz-szi-im
@law 140
30. szum-ma _|MASZ.EN.GAG|!_
# MASZ-EN-NI
31. 1/3(disz) _ma-na ku3-babbar_
32. i-na-ad-di-isz-szi-im
@law 141
33. szum-ma asz-sza-at a-wi-lim
34. sza i-na _e2_ a-wi-lim
35. wa-asz-ba-at
36. a-na wa-s,e-em
37. pa-ni-sza
38. isz-ta-ka-an-ma
39. si2-ki-il-tam
40. i-sa3-ak-ki-il
41. _e2_-sa3 u2-sa3-ap-pa-ah
42. mu-sa3 u2-sza-am-t,a
43. u2-ka-an-nu-szi-ma
44. szum-ma mu-sa3
45. e-ze2-eb-sza
46. iq-ta-bi
47. i-iz-zi-ib-szi
48. ha-ra-an-sza
49. u2-zu-ub-bu-sza
50. mi-im-ma
51. u2-ul in-na-ad-di-isz-szi-im
52. szum-ma mu-sa3
53. la e-ze2-eb-sza iq-ta-bi
54. mu-sa3 _munus_ sza-ni-tam
55. i-ih-ha-az
56. _munus_ szi-i
57. ki-ma _geme2_
58. i-na _e2_ mu-ti-sza
59. usz-sza-ab
@law 142
60. szum-ma _munus_ mu-sa3 i-ze-er-ma
61. u2-ul ta-ah-ha-za-an-ni
62. iq-ta-bi
63. wa-ar-ka-sa3
64. i-na ba-ab-ti-sza
65. ip-pa-ar-ra-as2-ma
66. szum-ma na-as,-ra-at-ma
67. hi-t,i-tam
68. la i-szu
69. u3 mu-sa6
70. wa-s,i2-ma
71. ma-ga-al
72. u2-sza-am-t,a-szi
73. _munus_ szi-i
@column 8
1. ar-nam u2-ul i-szu
2. sze-ri-ik-ta-sza
3. i-le-qe2-ma
4. a-na _e2_ a-bi-sza
5. it-ta-al-la-ak
@law 143
6. szum-ma la na-as,-ra-at-ma
7. wa-s,i2-a-at
8. bi-sa3 u2-sa3-ap-pa-ah
9. mu-sa3 u2-sza-am-t,a
10. _munus_ szu-a-ti
11. a-na me-e
12. i-na-ad-du-u2-szi
@law 144
13. szum-ma a-wi-lum
14. _lukur_ i-hu-uz-ma
15. _lukur_ szi-i
16. _geme2_ a-na mu-ti-sza
17. id-di-in-ma
18. _dumu-mesz_ usz-tab-szi
19. a-wi-lum szu-u2
20. a-na {munus}szu-gi4-tim
21. a-ha-zi-im
22. pa-ni-szu
23. isz-ta-ka-an
24. a-wi-lam szu-a-ti
25. u2-ul i-ma-ag-ga-ru-szu
26. {munus}szu-gi4-tam
27. u2-ul i-ih-ha-az
@law 145
28. szum-ma a-wi-lum
29. _lukur_ i-hu-uz-ma
30. _dumu-mesz_ la u2-szar-szi-szu-ma
31. a-na {munus}szu-gi4-tim
32. a-ha-zi-im
33. pa-ni-szu
34. isz-ta-ka-an
35. a-wi-lum szu-u2
36. {munus}szu-gi4-tam
37. i-ih-ha-az
38. a-na _e2_-szu
39. u2-sze-er-re-eb-szi
40. {munus}szu-gi4-tum szi-i
41. it-ti _lukur_
42. u2-ul usz-ta-ma-ah-ha-ar
@law 146
43. szum-ma a-wi-lum
44. _lukur_ i-hu-uz-ma
45. _geme2_ a-na mu-ti-sza
46. id-di-in-ma
47. _dumu-mesz_ it-ta-la-ad
48. wa-ar-ka-nu-um
49. _geme2_ szi-i
50. it-ti be-el-ti-sza
51. usz-ta-tam-hi-ir
52. asz-szum _dumu-mesz_ ul-du
53. be-le-sa3
54. a-na _ku3-babbar_
55. u2-ul i-na-ad-di-isz-szi
56. ab-bu-ut-tam
57. i-sza-ak-ka-an-szi-ma
58. it-ti _geme2 hi-a_
59. i-ma-an-nu-szi
@law 147
60. szum-ma _dumu-mesz_
61. la u2-li-id
62. be-le-sa3
63. a-na _ku3-babbar_
64. i-na-ad-di-isz-szi
@law 148
65. szum-ma a-wi-lum
66. asz-sza-tam
67. i-hu-uz-ma
68. la-a'-bu-um
69. is,-s,a-ba-as-si2
70. a-na sza-ni-tim
71. a-ha-zi-im
72. pa-ni-szu
73. isz-ta-ka-an
74. i-ih-ha-az
75. asz-sza-su2
76. sza la-a'-bu-um
77. is,-ba-tu
78. u2-ul i-iz-zi-ib-szi
79. i-na _e2_ i-pu-szu
80. usz-sza-am-ma
81. a-di ba-al-t,a-at it-ta-na-asz-szi-szi
@column 9
@law 149
1. szum-ma _munus_ szi-i
2. i-na _e2_ mu-ti-sza
3. wa-sza-ba-am
4. la im-ta-gar3
5. sze-ri-ik-ta-sza
6. sza isz-tu _e2_ a-bi-sza
7. ub-lam
8. u2-sza#-lam-szim-ma
9. it-ta-al-la-ak
@law 150
10. szum-ma a-wi-lum
11. a-na asz-sza-ti-szu
12. _a-sza3 {gesz}kiri6 e2_
13. u3 bi-sza-am
14. isz-ru-uk-szim
15. ku-nu-uk-kam
16. i-zi-ib-szi-im
17. wa-ar-ki mu-ti-sza
18. _dumu-mesz_-sza u2-ul i-ba-qa2-ru-szi
19. um-mu-um
20. wa-ar-ka-sa3
21. a-na _dumu_-sza
22. sza i-ra-am-mu
23. i-na-ad-di-in
24. a-na a-hi-im
25. u2-ul i-na-ad-di-in
@law 151
26. szum-ma _munus_
27. sza i-na _e2_ a-wi-lim
28. wa-asz-ba-at
29. asz-szum be-el hu-bu-ul-lim
30. sza mu-ti-sza
31. la s,a-ba-ti-sza
32. mu-sa3 ur2-ta-ak-ki-is
33. t,up-pa-am
34. usz-te-zi-ib
35. szum-ma a-wi-lum
36. la-ma _munus_ szu-a-ti
37. i-ih-ha-zu
38. hu-bu-ul-lum
39. e-li-szu
40. i-ba-asz-szi
41. be-el hu-bu-ul-li-szu
42. asz-sza-su2
43. u2-ul i-s,a-ba-tu
44. u3 szum-ma _munus_ szi-i
45. la-ma a-na _e2_ a-wi-lim
46. i-ir-ru-bu
47. hu-bu-ul-lum
48. e-li-sza
49. i-ba-asz-szi
50. be-el hu-bu-ul-li-sza
51. mu-sa3 u2-ul i-s,a-ba-tu
@law 152
52. szum-ma isz-tu
53. _munus_ szi-i
54. a-na _e2_ a-wi-lim
55. i-ru-bu
56. e-li-szu-nu
57. hu-bu-ul-lum
58. it-tab-szi
59. ki-la-la-szu-nu
60. _dam-gar3_ i-ip-pa-lu
@law 153
61. szum-ma asz-sza-at a-wi-lim
62. asz-szum zi-ka-ri-im
63. sza-ni-im
64. mu-sa3 usz-di-ik
65. _munus_ szu-a-ti i-na ga-szi-szi-im
66. i-sza-ak-ka-nu-szi
@law 154
67. szum-ma a-wi-lum
68. _dumu-munus_-su2
69. il-ta-ma-ad
70. a-wi-lam szu-a-ti
71. _iri_ u2-sze-es,-s,u2-u2-szu
@law 155
72. szum-ma a-wi-lum
73. a-na _dumu_-szu
74. _e2-gi4-a_ i-hi-ir-ma
75. _dumu_-szu il-ma-si2
76. szu-u2 wa-ar-ka-nu-um
77. i-na su2-ni-sza
78. it-ta-ti-il-ma
79. is,-s,a-ab-tu-szu
80. a-wi-lam szu-a-ti
81. i-ka-su2-szu-ma
82. a-na me-e
@column 10
1. i-na-ad-du-u2-szi!
@law 156
2. szum-ma a-wi-lum
3. a-na _dumu_-szu
4. _e2-gi4-a_
5. i-hi-ir-ma
6. _dumu_-szu la il-ma-si2-ma
7. szu-u2 i-na su2-ni-sza
8. it-ta-ti-il
9. 1/2(disz) _ma-na ku3-babbar_
10. i-sza-qal-szi-im-ma
11. u3 mi-im-ma
12. sza isz-tu
13. _e2_ a-bi-sza
14. ub-lam
15. u2-sza-lam-szi-im-ma
16. mu-tu li-ib-bi-sza
17. i-ih-ha-as-si2
@law 157
18. szum-ma a-wi-lum
19. wa-ar-ki a-bi-szu
20. i-na su2-un um-mi-szu
21. i-ta-ti-il
22. ki-la-li-szu-nu
23. i-qal-lu-u2-szu-nu-ti
@law 158
24. szum-ma a-wi-lum
25. wa-ar-ki a-bi-szu
26. i-na su2-un
27. ra-bi-ti-szu
28. sza _dumu-mesz_ wa-al-da-at
29. it-ta-as,-ba-at
30. a-wi-lum szu-u2
31. i-na _e2 a-ba_
32. in-na-as-sa3-ah
@law 159
33. szum-ma a-wi-lum
34. sza a-na _e2_ e-mi-szu
35. bi-ib-lam
36. u2-sza-bi-lu
37. ter-ha-tam id-di-nu
38. a-na _munus_ sza-ni-tim
39. ub-ta-al-li-is,-ma
40. a-na e-mi-szu
41. _dumu-munus_-ka
42. u2-ul a-ha-az iq-ta-bi
43. a-bi _dumu-munus_
44. mi-im-ma
45. sza ib-ba-ab-lu-szum
46. i-tab-ba-al
@law 160
47. szum-ma a-wi-lum
48. a-na _e2_ e-mi-im
49. bi-ib-lam
50. u2-sza-bi-il
51. ter-ha-tam
52. id-di-in-ma
53. a-bi _dumu-munus_
54. _dumu-munus_-i u2-ul a-na-ad-di-ik-kum
55. iq-ta-bi
56. mi-im-ma ma-la
57. ib-ba-ab-lu-szum
58. usz-ta-sza-an-na-ma
59. u2-ta-ar
@law 161
60. szum-ma a-wi-lum
61. a-na _e2_ e-mi-szu
62. bi-ib-lam u2-sza-bil2
63. ter-ha-tam
64. id-di-in-ma
65. i-bi-ir-szu
66. uk-tar-ri-su2
67. e-mu-szu
68. a-na be-el asz-sza-tim
69. _dumu-munus_-i u2-ul ta-ah-ha-az
70. iq-ta-bi
71. mi-im-ma ma-la
72. ib-ba-ab-lu-szum
73. usz-ta-sza-an-na-ma
74. u2-ta-ar
75. u3 asz-sza-su2
76. i-bi-ir-szu
77. u2-ul i-ih-ha-az
@law 162
78. szum-ma a-wi-lum
79. asz-sza-tam
80. i-hu-uz
81. _dumu-mesz_ u2-li-sum2-ma
82. _munus_ szi-i
83. a-na szi-im-tim
@column 11
1. it-ta-la-ak
2. a-na sze-ri-ik-ta-sza
3. a-bu-sza
4. u2-ul i-ra-ag-gu-um
5. sze-ri-ik-ta-sza
6. sza _dumu-mesz_-sza-ma
@law 163
7. szum-ma a-wi-lum
8. asz-sza-tam
9. i-hu-uz-ma
10. _dumu-mesz_ la u2-szar-szi-szu
11. _munus_ szi-i
12. a-na szi-im-tim
13. it-ta-la-ak
14. szum-ma ter-ha-tam
15. sza a-wi-lum szu-u2
16. a-na _e2_ e-mi-szu ub-lu
17. e-mu-szu
18. ut-te-er-szum
19. a-na sze-ri-ik-ti
20. _munus_ szu-a-ti
21. mu-sa3 u2-ul i-ra-ag-gu-um
22. sze-ri-ik-ta-sza
23. sza _e2_ a-bi-sza-ma
@law 164
24. szum-ma e-mu-szu
25. ter-ha-tam
26. la ut-te-er-szum
27. i-na sze-ri-ik-ti-sza
28. ma-la ter-ha-ti-sza
29. i-har-ra-as,-ma
30. sze-ri-ik-ta-sza
31. a-na _e2_ a-ta!-sza
32. u2-ta-ar
@law 165
33. szum-ma a-wi-lum
34. a-na _ibila_-szu
35. sza i-in-szu mah-ru
36. _a-sza3 {gesz}kiri6_ u3 _e2_
37. isz-ru-uk
38. ku-nu-kam isz-t,ur-szum
39. wa-ar-ka a-bu-um
40. a-na szi-im-tim
41. it-ta-al-ku
42. i-nu-ma ah-hu
43. i-zu-uz-zu
44. qi2-isz-ti a-bu-um
45. id-di-nu-szum
46. i-le-qe2-ma
47. e-le-nu-um-ma
48. i-na _nig2-gur11 e2 a-ba_
49. mi-it-ha-ri-isz
50. i-zu-uz-zu
@law 166
51. szum-ma a-wi-lum
52. a-na _dumu-mesz_ sza ir-szu-u2
53. asz-sza-tim i-hu-uz
54. a-na _dumu_-szu
55. s,e-eh-ri-im
56. asz-sza-tam
57. la i-hu-uz
58. wa-ar-ka a-bu-um
59. a-na szi-im-tim
60. it-ta-al-ku
61. i-nu-ma ah-hu
62. i-zu-uz-zu
63. i-na _nig2-gur11 e2 a-ba_
64. a-na a-hi-szu-nu
65. s,e-eh-ri-im
66. sza asz-sza-tam
67. la ah-zu
68. e-li-a-at
69. zi-it-ti-szu
70. _ku3-babbar_ ter-ha-tim
71. i-sza-ak-ka-nu-szum-ma
72. asz-sza-tam
73. u2-sza-ah-ha-zu-szu
@law 167
74. szum-ma a-wi-lum
75. asz-sza-tam
76. i-hu-uz-ma
77. _dumu-mesz_ u2-li-sum2
78. _munus_ szi-i
79. a-na szi-im-tim
80. it-ta-la-ak
81. wa-ar-ki-sza
82. _munus_ sza-ni-tam
83. i-ta-ha-az-ma
84. _dumu-mesz_ it-ta-la-ad
85. wa-ar-ka-nu-um
86. a-bu-um a-na szi-im-tim
87. it-ta-al-ku
@column 12
1. _dumu-mesz_ a-na um-ma-tim
2. u2-ul i-zu-uz-zu
3. sze-ri-ik-ti
4. um-ma-ti-szu-nu
5. i-le-qu2-ma
6. _nig2-gur11 e2 a-ba_
7. mi-it-ha-ri-isz
8. i-zu-uz-zu
@law 168
9. szum-ma a-wi-lum
10. a-na _dumu_-szu
11. na-sa-hi-im
12. pa-nam isz-ta-ka-an
13. a-na da-a-a-ni
14. _dumu_-i a-na-sa3-ah iq-ta-bi
15. da-a-a-nu
16. wa-ar-ka-su2
17. i-par2-ra-su-ma
18. szum-ma _dumu_ ar-nam kab-tam
19. sza i-na ap-lu-tim
20. na-sa-hi-im
21. la ub-lam
22. a-bu-um _dumu_-szu
23. i-na ap-lu-tim
24. u2-ul i-na-sa3-ah
@law 169
25. szum-ma ar-nam kab-tam
26. sza i-na ap-lu-tim
27. na-sa-hi-im
28. a-na a-bi-szu
29. it-ba-lam
30. a-na isz-ti-isz-szu
31. pa-ni-szu ub-ba-lu
32. szum-ma ar-nam kab-tam
33. a-di szi-ni-szu it-ba-lam
34. a-bu-um _dumu_-szu
35. i-na ap-lu-tim
36. i-na-sa3-ah
@law 170
37. szum-ma a-wi-lum
38. hi-ir-ta-szu
39. _dumu-mesz_ u2-li-sum2
40. u3 _geme2_-su2
41. _dumu-mesz_ u2-li-sum2
42. a-bu-um
43. i-na bu-ul-t,i3-szu
44. a-na _dumu-mesz_ sza _geme2_ ul-du-szum
45. _dumu-mesz_-u2-a iq-ta-bi
46. it-ti _dumu-mesz_ hi-ir-tim
47. im-ta-nu-szu-nu-ti
48. wa-ar-ka a-bu-um
49. a-na szi-im-tim
50. it-ta-al-ku
51. i-na _nig2-gur11 e2 a-ba_
52. _dumu-mesz_ hi-ir-tim
53. u3 _dumu-mesz geme2_
54. mi-it-ha-ri-isz
55. i-zu-uz-zu
56. _ibila dumu_ hi-ir-tim
57. i-na zi-it-tim
58. i-na-sa3-aq-ma
59. i-le-qe2
@law 171
60. u3 szum-ma a-bu-um
61. i-na bu-ul-t,i3-szu
62. a-na _dumu-mesz_ sza _geme2_ ul-du-szum
63. _dumu-mesz_-u2-a la iq-ta-bi
64. wa-ar-ka a-bu-um
65. a-na szi-im-tim
66. it-ta-al-ku
67. i-na _nig2-gur11 e2 a-ba_
68. _dumu-mesz geme2_
69. it-ti _dumu-mesz_ hi-ir-tim
70. u2-ul i-zu-uz-zu
71. an-du-ra-ar
72. _geme2_ u3 _dumu-mesz_-sza
73. isz-sza-ak-ka-an
74. _dumu-mesz_ hi-ir-tim
75. a-na _dumu-mesz geme2_
76. a-na wa-ar-du-tim
77. u2-ul i-ra-ag-gu-mu
78. hi-ir-tum
79. sze-ri-ik-ta-sza
80. u3 nu-du-un-na-am
81. sza mu-sa3
82. id-di-nu-szi-im
83. i-na t,up-pi2-im
84. isz-t,u2-ru-szi-im
85. i-le-qe2-ma
86. i-na szu-ba-at
87. mu-ti-sza usz-sza-ab
@column 13
1. a-di ba-al-t,a-at i-ik-ka-al
2. a-na _ku3-babbar_
3. u2-ul i-na-ad-di-in
4. wa-ar-ka-sa3
5. sza _dumu-mesz_-sza-ma
@law 172
6. szum-ma mu-sa3
7. nu-du-un-na-am
8. la id-di-isz-szi-im
9. sze-ri-ik-ta-sza
10. u2-sza-la-mu-szi-im-ma
11. i-na _nig2-gur11_
12. _e2_ mu-ti-sza
13. zi2-it-tam
14. ki-ma _ibila_ isz-te-en
15. i-le-qe2
16. szum-ma _dumu-mesz_-sza
17. asz-szum i-na _e2_ szu-s,i2-im
18. u2-sa3-ah-ha-mu-szi
19. da-a-a-nu
20. wa-ar-ka-sa3
21. i-par2-ra-su-ma
22. _dumu-mesz_ ar-nam
23. i-im-mi-du
24. _munus_ szi-i
25. i-na _e2_ mu-ti-sza
26. u2-ul us,-s,i2
27. szum-ma _munus_ szi-i
28. a-na wa-s,e-em
29. pa-ni-sza
30. isz-ta-ka-an
31. nu-du-un-na-am
32. sza mu-sa3
33. id-di-nu-szi-im
34. a-na _dumu-mesz_-sza
35. i-iz-zi-ib
36. sze-ri-ik-tam
37. sza _e2_ a-bi-sza
38. i-le-qe2-ma
39. mu-ut li-ib-bi-sza
40. i-ih-ha-as-si2
@law 173
41. szum-ma _munus_ szi-i
42. a-szar i-ru-bu
43. a-na mu-ti-sza
44. wa-ar-ki-im
45. _dumu-mesz_ it-ta-la-ad
46. wa-ar-ka _munus_ szi-i im-tu-ut
47. sze-ri-ik-ta-sza
48. _dumu-mesz_ mah-ru-tum
49. u3 wa-ar-ku-tum
50. i-zu-uz-zu
@law 174
51. szum-ma a-na mu-ti-sza
52. wa-ar-ki-im
53. _dumu-mesz_ la it-ta-la-ad
54. sze-ri-ik-ta-sza
55. _dumu-mesz_ ha-wi-ri-sza-ma
56. i-le-qu2-u2
@law 175
57. szum-ma lu _ARAD2 e2-gal_
58. u3 lu _ARAD2_
59. _|MASZ.EN.GAG|_
60. _dumu-munus_ a-wi-lim
61. i-hu-uz-ma
62. _dumu-mesz_
63. it-ta-la-ad
64. be-el _ARAD2_
65. a-na _dumu-mesz_
66. _dumu-munus_ a-wi-lim
67. a-na wa-ar-du-tim
68. u2-ul i-ra-ag-gu-um
@law 176
69. u3 szum-ma _ARAD2 e2-gal_
70. u3 lu _ARAD2 |MASZ.EN.GAG|_
71. _dumu-munus_ a-wi-lim
72. i-hu-uz-ma
73. i-nu-ma i-hu-zu-szi
74. qa2-du-um
75. sze-ri-ik-tim
76. sza _e2_ a-bi-sza
77. a-na _e2 ARAD2 e2-gal_
78. u3 lu _ARAD2 |MASZ.EN.GAG|_
79. i-ru-ub-ma
80. isz-tu in-ne-em-du
81. _e2_ i-pu-szu
82. bi-sza-am ir-szu-u2
83. wa-ar-ka-nu-um-ma
84. lu _ARAD2 e2-gal_
85. u3 lu _ARAD2 |MASZ.EN.GAG|_
86. a-na szi-im-tim
87. it-ta-la-ak
88. _dumu-munus_ a-wi-lim
89. sze-ri-ik-ta-sza
90. i-le-qe2
91. u3 mi-im-ma
92. sza mu-sa3 u3 szi-i
@column 14
1. isz-tu in-ne-em-du
2. ir-szu-u2
3. a-na szi-ni-szu
4. i-zu-uz-zu-ma
5. mi-isz-lam be-el _ARAD2_
6. i-le-qe2
7. mi-isz-lam
8. _dumu-munus_ a-wi-lim
9. a-na _dumu-mesz_-sza i-le-qe2
10. szum-ma _dumu-munus_ a-wi-lim
11. sze-ri-ik-tam la i-szu
12. mi-im#-ma sza mu-sa3 u3 szi-i
13. isz-tu in-ne-em-du
14. ir-szu-u2
15. a-na szi-ni-szu
16. i-zu-uz-zu-ma
17. mi-isz-lam be-el _ARAD2_
18. i-le-qe2
19. mi-isz-lam
20. _dumu-munus_ a-wi-lim
21. a-na _dumu-mesz_-sza i-le-qe2
@law 177
22. szum-ma _nu-mu-su_
23. sza _dumu-mesz_-sza
24. s,e-eh-he-ru
25. a-na _e2_ sza-ni-im
26. e-re-bi-im
27. pa-ni-sza
28. isz-ta-ka-an
29. ba-lum da-a-a-ni
30. u2-ul i-ir-ru-ub
31. i-nu-ma
32. a-na _e2_ sza-ni-im
33. i-ir-ru-bu
34. da-a-a-nu
35. wa-ar-ka-at
36. _e2_ mu-ti-sza
37. pa-ni-im
38. i-par2-ra-su-ma
39. _e2_ sza mu-ti-sza
40. pa-ni-im
41. a-na mu-ti-sza
42. wa-ar-ki-im
43. u3 _munus_ szu-a-ti
44. i-pa-aq-qi2-du-ma
45. t,up-pa-am
46. u2-sze-ez-ze-bu-szu-nu-ti
47. _e2_ i-na-s,a-ru
48. u3 s,e-eh-he-ru-tim
49. u2-ra-ab-bu-u2
50. u2-ni-a-tim
51. a-na _ku3-babbar_
52. u2-ul i-na-ad-di-nu
53. sza-a-a-ma-nu-um
54. sza u2-nu-ut
55. _dumu-mesz nu-mu-su_
56. i-sza-am-mu
57. i-na _ku3-babbar_-szu
58. i-te-el-li
59. _nig2-gur11_ a-na be-li2-szu
60. i-ta-ar
@law 178
61. szum-ma _nin-dingir lukur_
62. u3 lu {munus}_zi-ik-ru-um_
63. sza a-bu-sza
64. sze-ri-ik-tam
65. isz-ru-uk-szi-im
66. t,up-pa-am
67. isz-t,u2-ru-szi-im
68. i-na t,up-pi2-im
69. sza isz-t,u2-ru-szi-im
70. wa-ar-ka-sa3
71. e-me e-li-sza
72. t,a-bu na-da-nam
73. la isz-t,ur-szi-im-ma
74. ma-la li-ib-bi-sza
75. la u2-sza-am-s,i2-szi
76. wa-ar-ka a-bu-um
77. a-na szi-im-tim
78. it-ta-al-ku
79. _a-sza3_-sza u3 _kiri6_-sza
80. ah-hu-sza
81. i-le-qu2-ma
82. ki-ma e-mu-uq
83. zi-it-ti-sza
84. _sze-ba i3-ba_ u3 _siki-ba_
85. i-na-ad-di-nu-szim-ma
86. li-ib-ba-sza
87. u2-t,a-ab-bu
88. szum-ma ah-hu-sza
89. ki-ma e-mu-uq
90. zi-it-ti-sza
91. _sze-ba i3-ba_ u3 _siki-ba_
92. la it-ta-ad-nu-szi-im-ma
@column 15
1. li-ib-ba-sza
2. la ut,-t,i-ib-bu
3. _a-sza3_-sza u3 _kiri6_-sza
4. a-na er-re-szi-im
5. sza e-li-sza t,a-bu
6. i-na-ad-di-in-ma
7. er-re-sa3
8. it-ta-na-asz-szi-szi
9. _a-sza3 {gesz}kiri6_
10. u3 mi-im-ma
11. sza a-bu-sza
12. id-di-nu-szi-im
13. a-di ba-al-t,a-at i3-kal
14. a-na _ku3-babbar_
15. u2-ul i-na-ad-di-in
16. sza-ni-a-am
17. u2-ul u2-up-pa-al
18. ap-lu-sa3
19. sza ah-hi-sza-ma
@law 179
20. szum-ma _nin-dingir lukur_
21. u3 lu {munus}_zi-ik-ru-um_
22. sza a-bu-sza
23. sze-ri-ik-tam
24. isz-ru-uk-szi-im
25. ku-nu-kam
26. isz-t,u2-ru-szi-im
27. i-na t,up-pi2-im
28. sza isz-t,u2-ru-szi-im
29. wa-ar-ka-sa3
30. e-ma e-li-sza t,a-bu
31. na-da-nam
32. isz-t,ur-szi-im-ma
33. ma-la li-ib-bi-sza
34. usz-tam-s,i2-szi
35. wa-ar-ka a-bu-um
36. a-na szi-im-tim
37. it-ta-al-ku
38. wa-ar-ka-sa3
39. e-ma e-li-sza t,a-bu
40. i-na-ad-di-in
41. ah-hu-sza
42. u2-ul i-ba-aq-qa2-ru-szi
@law 180
43. szum-ma a-bu-um
44. a-na _dumu-munus_-szu
45. _lukur ga2-gi4-a_
46. u3 lu {munus}_zi-ik-ru-um_
47. sze-ri-ik-tam
48. la isz-<ru>-uk-szi-im
49. wa-ar-ka a-bu-um
50. a-na szi-im-tim
51. it-ta-al-ku
52. i-na _nig2-gur11 e2 a-ba_
53. zi2-it-tam ki-ma
54. ap-lim isz-te-en
55. i-za-az-ma
56. a-di ba-al-t,a-at
57. i-ik-ka-al
58. wa-ar-ka-sa3
59. sza ah-hi-sza-ma
@law 181
60. szum-ma a-bu-um
61. _lukur nu-gig_
62. u3 lu _nu-bar_
63. a-na _dingir_ isz-szi-ma
64. sze-ri-ik-tam
65. la isz-ru-uk-szi-im
66. wa-ar-ka a-bu-um
67. a-na szi-im-tim
68. it-ta-al-ku
69. i-na _nig2-gur11 e2 a-ba_
70. _igi 3(disz)-gal2 ibila_-sza
71. i-za-az-ma
72. a-di ba-al-t,a-at
73. i-ik-ka-al
74. wa-ar-ka-sa3
75. sza ah-hi-sza-am-ma
@law 182
76. szum-ma a-bu-um
77. a-na _dumu-munus_-szu
78. _lukur_ {d}marduk
79. sza babila#{ki}
80. sze-ri-ik-tam
81. la isz-ru-uk-szi-im
82. ku-nu-kam
83. la isz-t,ur-szi-im
84. wa-ar-ka a-bu-um
85. a-na szi-im-tim
86. it-ta-al-ku
87. i-na _nig2-gur11 e2 a-ba_
88. _igi 3(disz)-gal2 ibila_-sza
89. it-ti ah-hi-sza
90. i-za-az-ma
91. il-kam
92. u2-ul i-il-la-ak
93. _lukur_ {d}marduk
94. wa-ar-ka-sa3
95. e-ma e-li-sza
96. t,a-bu
@column 16
1. i-na-ad-di-in
@law 183
2. szum-ma a-bu-um
3. a-na _dumu-munus_-szu szu-gi4-tim
4. sze-ri-ik-tam
5. isz-ru-uk-szi-im
6. a-na mu-tim
7. id-di-isz-szi
8. ku-nu-uk-kam
9. isz-t,ur-szi-im
10. wa-ar-ka a-bu-um
11. a-na szi-im-tim
12. it-ta-al-ku
13. i-na _nig2-gur11 e2 a-ba_
14. u2-ul i-za-az
@law 184
15. szum-ma a-wi-lum
16. a-na _dumu-munus_-szu
17. szu-gi4-tim
18. sze-ri-ik-tam
19. la isz-ru-uk-szim
20. a-na mu-tim
21. la id-di-isz-szi
22. wa-ar-ka a-bu-um
23. a-na szi-im-tim
24. it-ta-al-ku
25. ah-hu-sza
26. ki-ma e-mu-uq _e2 a-ba_
27. sze-ri-ik-tam
28. i-szar-ra-ku-szi-im-ma
29. a-na mu-tim
30. i-na-ad-di-nu-szi
@law 185
31. szum-ma a-wi-lum
32. s,e-eh-ra-am
33. i-na me-e-szu
34. a-na ma-ru-tim
35. il-qe2-ma
36. ur2-ta-ab-bi-szu
37. tar-bi-tum szi-i
38. u2-ul ib-ba-aq-qar
@law 186
39. szum-ma a-wi-lum
40. s,e-eh-ra-am
41. a-na ma-ru-tim il-qe2
42. i-nu-ma
43. il-qu2-u2-szu
44. a-ba-szu
45. u3 um-ma-szu
46. i-hi-a-at,
47. tar-bi-tum szi-i
48. a-na _e2_ a-bi-szu
49. i-ta-ar
@law 187
50. _dumu giri3-se3-ga_
51. mu-za-az _e2-gal_
52. u3 _dumu {munus}zi-ik-ru-um_
53. u2-ul ib-ba-aq-qar
@law 188
54. szum-ma _dumu um-mi-a_
55. _dumu_ a-na tar-bi-tim
56. il-qe2-ma
57. szi-pi2-ir qa2-ti-szu
58. usz-ta-hi-su2
59. u2-ul ib-ba-qar
@law 189
60. szum-ma szi-pi2-ir qa2-ti-szu
61. la usz-ta-hi-su2
62. tar-bi-tum szi-i
63. a-na _e2_ a-bi-szu
64. i-ta-ar
@law 190
65. szum-ma a-wi-lum
66. s,e-eh-ra-am
67. sza a-na ma-ru-ti-szu
68. il-qu2-szu-ma
69. u2-ra-ab-bu-szu
70. it-ti _dumu-mesz_-szu
71. la im-ta-nu-szu
72. tar-bi-tum szi-i
73. a-na _e2_ a-bi-szu
74. i-ta-ar
@law 191
75. szum-ma a-wi-lum
76. s,e-eh-ra-am
77. sza a-na ma-ru-ti-szu
78. il-qu2-szu-ma
79. u2-ra-ab-bu-u2-szu
80. _e2_-ba! i-pu-usz
81. wa-ar-ka _dumu-mesz_
82. ir-ta-szi-ma
83. a-na tar-bi-tim na-sa-hi-im
84. pa-nam isz-ta-ka-an
85. _dumu_ szu-u2 ri-qu2-su2
86. u2-ul it-ta-al-la-ak
87. a-bu-um mu-ra-bi-szu
88. i-na _nig2-gur11_-szu
89. _igi 3(disz)-gal2 ibila_-szu
90. i-na-ad-di-isz-szum-ma
91. it-ta-la-ak
92. i-na _a-sza3 {gesz}kiri6_
93. u3 _e2_
94. u2-ul i-na-ad-di;-isz-szum
@law 192
96. szum-ma _dumu giri3-se3-ga_
@column 17
1. u3 lu _dumu {munus}zi-ik-ru-um#_
2. a-na a-bi-im
3. mu-ra-bi-szu
4. u3 um-mi-im
5. mu-ra-bi-ti-szu
6. u2-ul a-bi at-ta
7. u2-ul um-mi at-ti iq-ta-bi
8. _eme_-szu
9. i-na-ak-ki-su
@law 193
10. szum-ma _dumu giri3-se3-ga_
11. u3 lu _dumu {munus}zi-ik-ru-um_
12. _e2_ a-bi-szu
13. u2-we-ed-di-ma
14. a-ba-am
15. mu-ra-bi-szu
16. u3 um-ma-am
17. mu-ra-bi-su2
18. i-ze2-er-ma
19. a-na _e2_ a-bi-szu
20. it-ta-la-ak
21. i-in-szu
22. i-na-sa3-hu
@law 194
23. szum-ma a-wi-lum
24. _dumu_-szu a-na mu-sze-ni-iq-tim
25. id-di-in-ma
26. _dumu_ szu-u2
27. i-na# qa2-at mu-sze-ni-iq-tim
28. im-tu-ut
29. mu-sze-ni-iq-tum#
30. ba-lum a-bi-szu
31. u3 um-mi-szu
32. _dumu_ sza-ni-a-am-ma
33. ir-ta-ka-as2
34. u2-ka-an-nu-szi-ma
35. asz-szum ba-lum a-bi-szu#
36. u3 um-mi-[szu]
37. _dumu_ sza-ni-a-am#
38. ir-ku-su#
39. _ubur_-sza
40. i-na-ak-ki-su
@law 195
41. szum-ma _dumu a-ba_-szu
42. im-ta-ha-as,
43. _kiszib3-la2_-szu
44. i-na-ak-ki-su
@law 196
45. szum-ma a-wi-lum
46. i-in _dumu_ a-wi-lim
47. uh2-tap-pi2-id
48. i-in-szu
49. u2-ha-ap-pa-du
@law 197
50. szum-ma _giri3-pad-ra2_ a-wi-lim
51. isz-te-bi-ir
52. _giri3-pad-ra2_-szu
53. i-sze-eb-bi-ru
@law 198
54. szum-ma i-in _|MASZ.EN.GAG|_
55. uh2-tap-pi2-id
56. u3 lu _giri3-pad-ra2 |MASZ.EN.GAG|_
57. isz-te-bi-ir
58. 1(disz) _ma-na ku3-babbar_
59. i-sza-qal
@law 199
60. szum-ma i-in _ARAD2_ a-wi-lim
61. uh2-tap-pi2-id
62. u3 lu _giri3-pad-ra2 ARAD2_ a-wi-lim
63. isz-te-bi-ir
64. mi-szi-il _sa10_-szu
65. i-sza-qal
@law 200
66. szum-ma a-wi-lum
67. szi-in-ni a-wi-lim
68. me-eh-ri-szu
69. it-ta-di
70. szi-in-na-szu i-na-ad-du-u2
@law 201
71. szum-ma szi-in-ni szi-in-gag
72. _|MASZ.EN.GAG|_ it-ta-di
73. 1/3(disz) _ma-na ku3-babbar_
74. i-sza-qal
@law 202
75. szum-ma a-wi-lum
76. le-e-et a-wi-lim
77. sza e-li-szu ra-bu-u2
78. im-ta-ha-as,
79. i-na pu-uh2-ri-im
80. i-na _{kusz}usan3 gu4_
81. 1(disz) szu-szi im-mah-ha-as,
@law 203
82. szum-ma _dumu_ a-wi-lim
83. le-e-et _dumu_ a-wi-lim
84. sza ki-ma szu-a-ti
85. im-ta-ha-as,
86. 1(disz) ma-na _ku3-babbar_
87. i-sza-qal
@law 204
88. szum-ma _|MASZ.EN.GAG|_
89. le-e-et _|MASZ.EN.GAG|_
90. im-ta-ha-as,
91. 1(u) _gin2 ku3-babbar_ i-sza-qal
@law 205
92. szum-ma _ARAD2_ a-wi-lim
93. le-e-et _dumu_ a-wi-lim
@column 18
1. im-ta-ha-as,
2. u2-zu-un-szu
3. i-na-ak-ki-su
@law 206
4. szum-ma a-wi-lum a-wi-lam
5. i-na ri-is-ba-tim
6. im-ta-ha-as,-ma
7. si2-im-ma-am
8. isz-ta-ka-an-szu
9. a-wi-lum szu-u2
10. i-na i-du-u2
11. la am-ha-s,u2
12. i-tam-ma
13. u3 _a-zu_ i-ip-pa-al
@law 207
14. szum-ma i-na ma-ha-s,i2-szu
15. im-tu-ut
16. i-tam-ma-ma
17. szum-ma _dumu_ a-wi-lim
18. 1/2(disz) _ma-na ku3-babbar_
19. i-sza-qal
@law 208
20. szum-ma _dumu |MASZ.EN.GAG|_
21. 1/3(disz) _ma-na ku3-babbar_
22. i-sza-qal
@law 209
23. szum-ma a-wi-lum
24. _dumu-munus_ a-wi-lim
25. im-ha-as,-ma
26. sza li-ib-bi-sza
27. usz-ta-di-szi
28. 1(u) _gin2 ku3-babbar_
29. a-na sza li-ib-bi-sza
30. i-sza-qal
@law 210
31. szum-ma _munus_ szi-i
32. im-tu-ut
33. _dumu-munus_-su2
34. i-du-uk-ku
@law 211
35. szum-ma _dumu-munus |MASZ.EN.GAG|_
36. i-na ma-ha-s,i2-im
37. sza li-ib-bi-sza
38. usz-ta-ad-di-szi
39. 5(disz) _gin2 ku3-babbar_
40. i-sza-qal
@law 212
41. szum-ma _munus_ szi-<i>
42. im-tu-ut
43. 1/2(disz) _ma-na ku3-babbar_
44. i-sza-qal
@law 213
45. szum-ma _geme2_ a-wi-lim
46. im-ha-as,-ma
47. sza li-ib-bi-sza
48. usz-ta-ad-di-szi
49. 2(disz) _gin2 ku3-babbar_
50. i-sza-qal
@law 214
51. szum-ma _geme2_ szi-i
52. im-tu-ut
53. 1/3(disz) _ma-na ku3-babbar_
54. i-sza-qal
@law 215
55. szum-ma _a-zu_
56. a-wi-lam si2-im-ma-am kab-tam
57. i-na _gir2 gag zabar_
58. i-pu-usz-ma
59. a-wi-lam ub-ta-al-li-it,
60. u3 lu na-kap-ti a-wi-lim
61. i-na _gir2 gag zabar_
62. ip-te-ma
63. i-in a-wi-lim
64. ub-ta-al-li-it,
65. 1(u) _gin2 ku3-babbar_
66. i-le-qe2
@law 216
67. szum-ma _dumu |MASZ.EN.GAG|_
68. 5(disz) _gin2 ku3-babbar_
69. i-le-qe2
@law 217
70. szum-ma _ARAD2_ a-wi-lim
71. be-el _ARAD2_ a-na _a-zu_
72. 2(disz) _gin2 ku3-babbar_
73. i-na-ad-di-in
@law 218
74. szum-ma _a-zu_ a-wi-lam
75. si2-im-ma-am kab-tam
76. i-na _gir2 gag zabar_
77. i-pu-usz-ma
78. a-wi-lam usz-ta-mi-it
79. u3 lu na-a2!-ti a-wi-lim
80. i-na _gir2 gag zabar_
81. ip-te-ma i-in a-wi-lim
82. uh2-tap-pi2-id
83. _kiszib3-la2_-szu i-na-ki-su
@law 219
84. szum-ma _a-zu_ si2-im-ma-am kab-tam
85. _ARAD2 |MASZ.EN.GAG|_
86. i-na _gir2 gag zabar_
87. i-pu-usz-ma usz-ta-mi-it
88. _ARAD2_ ki-ma _ARAD2_ i-ri-ab
@law 220
89. szum-ma na-kap-ta-szu
90. i-na _gir2 gag zabar_
91. ip-te-ma
92. i-in-szu uh2-tap-<pi2>-da
93. _ku3-babbar_ mi-szi-il
94. _sa10_-szu i-sza-qal
@law 221
95. szum-ma _a-zu_
96. _giri3-pad-ra2_ a-wi-lim
@column 19
1. sze-bi-ir-tam
2. usz-ta-li-im
3. u3 lu sze-er-ha-nam
4. mar-s,a-am _ku3-babbar_
5. ub-ta-al-li-it,
6. be-el s,e-em-ma-im
7. a-na _a-zu_
8. 5(disz) _gin2 ku3-babbar_
9. i-na-ad-di-in
@law 222
10. szum-ma _dumu |MASZ.EN.GAG|_
11. 3(disz) _gin2 ku3-babbar_
12. i-na-ad-di-in
@law 223
13. szum-ma _ARAD2_ a-wi-lim
14. be-el _ARAD2_
15. a-na _a-zu_
16. 2(disz) _gin2 ku3-babbar_
17. i-na-ad-di-in
@law 224
18. szum-ma _a-zu gu4_
19. u3 lu _ansze_
20. lu _gu4_ u3 lu _ansze_
21. s,e-em-ma-am kab-tam
22. i-pu-usz-ma
23. ub-ta-al-li-it,
24. be-el _gu4_ u3 lu _ansze_
25. _igi 6(disz)-gal2 ku3-babbar_
26. a-na _a-zu_
27. _a2_-szu
28. i-na-ad-di-in
@law 225
29. szum-ma _gu4_ u3 lu _ansze_
30. si2-im-ma-am kab-tam
31. i-pu-usz-ma
32. usz-ta-mi-it
33. _igi 4(disz)?-gal2 sa10_-szu
34. a-na be-el _gu4_ u3 lu _ansze_
35. i-na-ad-di-in
@law 226
36. szum-ma _szu-i_
37. ba-lum be-el _ARAD2_
38. ab-bu-ti _ARAD2_ la sze-e-em
40. u2-ga-al-li-ib
41. _kiszib3-la2 szu-i_ szu-a-ti
42. i-na-ak-ki-su2
@law 227
43. szum-ma a-wi-lum
44. _szu-i_ i-da-as,-ma
45. ab-bu-ti
46. _ARAD2_ la sze-e-em
47. ug-da-al-li-ib
48. a-wi-lam szu-a-ti
49. i-du-uk-ku-szu-ma
50. i-na _ka2_-szu
51. i-ha-al-la-lu-szu
52. _szu-i_ i-na i-du-u2
53. la u2-gal-li-bu
54. i-tam-ma-ma
55. u2-ta-asz-szar
@law 228
56. szum-ma _szitim_
57. _e2_ a-na a-wi-lim
58. i-pu-usz-ma
59. u2-sza-ak-li-il-szum
60. a-na 1(disz) _sar e2_
61. 2(disz) _gin2 ku3-babbar_
62. a-na qi2-isz-ti-szu
63. i-na-ad-di-isz-szum
@law 229
64. szum-ma _szitim_
65. a-na a-wi-lim
66. _e2_ i-pu-usz-ma
67. szi-pi2-ir-szu
68. la u2-da-an-ni-in-ma
69. _e2_ i-pu-szu
70. im-qu2-ut-ma
71. be-el _e2_ usz-ta-mi-it
72. _szitim_ szu-u2 id-da-ak
@law 230
73. szum-ma _dumu_ be-el _e2_
74. usz-ta-mi-it
75. _dumu szitim_ szu-a-ti
76. i-du-uk-ku
@law 231
77. szum-ma _ARAD2_ be-el _e2_
78. usz-ta-mi-it
79. _ARAD2_ ki-ma _ARAD2_
80. a-na be-el _e2_
81. i-na-ad-di-in
@law 232
82. szum-ma _nig2-gur11_
83. uh2-ta-al-li-iq
84. mi-im-ma
85. sza u2-hal-li-qu2
86. i-ri-ab
87. u3 asz-szum _e2_ i-pu-szu
88. la u2-dan-ni-nu-ma
89. im-qu2-tu
90. i-na _nig2-gur11_
91. ra-ma-ni-szu
92. _e2_ im-qu2-tu i-ip-pe2-esz
@law 233
93. szum-ma _szitim e2_
94. a-na a-wi-lim i-pu-usz-ma
95. szi-pi2-ir-szu
96. la usz-te-es,-bi-ma
97. _e2-gar8_ iq-tu-up
98. _szitim_ szu-u2
@column 20
1. i-na _ku3-babbar_ ra-ma-ni-szu
2. _e2-gar8_ szu-a-ti
3. u2-dan-na-an
@law 234
4. szum-ma _ma2-lah5_
5. _{gesz}ma2 1(gesz2) gur_
6. a-na a-wi-lim ip-he
7. 2(disz) _gin2 ku3-babbar_
8. a-na qi2-isz-ti-szu
9. i-na-ad-di-isz-szum
@law 235
10. szum-ma _ma2-lah5_
11. _{gesz}ma2_ a-na a-wi-lim
12. ip-he-ma
13. szi-pi2-ir-szu
14. la u2-tak2-ki-il-ma
15. i-na sza-at-tim-ma szu-a-ti
16. _{gesz}ma2_ szi-i
17. is,-s,a-bar
18. hi-t,i-tam ir-ta-szi
19. _ma2-lah5_
20. _{gesz}ma2_ szu-a-ti
21. i-na-qar-ma
22. i-na _nig2-gur11_ ra-ma-ni-szu
23. u2-dan-na-an-ma
24. _{gesz}ma2_ dan-na-tam
25. a-na be-el _{gesz}ma2_
26. i-na-ad-di-in
@law 236
27. szum-ma a-wi-lum
28. _{gesz}ma2_-szu
29. a-na _ma2-lah5_
30. a-na ig-ri-im
31. id-di-in-ma
32. _ma2-lah5_ i-gi-ma
33. _{gesz}ma2_ ut,-t,e4-bi
34. u3 lu uh2-ta-al-li-iq
35. _ma2-lah5 {gesz}ma2_
36. a-na be-el _{gesz}ma2_
37. i-ri-a-ab
@law 237
38. szum-ma a-wi-lum
39. _ma2-lah5_ u3 _{gesz}ma2_
40. i-gur-ma
41. _sze siki i3-gesz zu2-lum_
42. u3 mi-im-ma szum-szu
43. sza s,e-nim
44. i-s,e-en-szi
45. _ma2-lah5_ szu-u2
46. i-gi-ma
47. _{gesz}ma2_ ut,-t,e4-eb-bi
48. u3 sza li-ib-bi-sza
49. uh2-ta-al-li-iq
50. _ma2-lah5_
51. _{gesz}ma2_ sza u2-t,e4-eb-bu-u2
52. u3 mi-im-ma
53. sza i-na li-ib-bi-sza
54. u2-hal-li-qu2
55. i-ri-a-ab
@law 238
56. szum-ma _ma2-lah5_
57. _{gesz}ma2_ a-wi-lim
58. u2-t,e4-eb-bi-ma
59. usz-te-li-a-asz-szi#
60. _ku3-babbar_ mi-szi-il# _sa10_-sza#
61. i-na-ad-di-in#
@law 239
62. szum-ma a-wi-lum#
63. _ma2-lah5_ [i-gur]
64. 6(asz) [_sze gur_]
65. i-na sza-na#-[at]
66. i-na-ad#-[di]-isz-[szum]
@law 240
67. szum-ma {gesz#}[_ma2_]
68. sza ma-hi-ir-tim
69. _{gesz}ma2_ sza mu-uq-qe2-el-pi2-tim
70. im-ha-as,-ma
71. ut,-t,e4-eb-bi
72. be-el _{gesz}ma2_ sza _{gesz}ma2_-szu t,e4-bi-a-at
73. mi-im-ma sza i-na _{gesz}ma2_-szu hal-qu2
74. i-na ma-har i-lim
75. u2-ba-ar-ma
76. sza ma-hi-ir-tim
77. sza _{gesz}ma2_ sza mu-uq-qe2-el-pi2-tim
78. u2-t,e4-eb-bu-u2
79. _{gesz}ma2_-szu u3 mi-im-ma-szu hal-qa2-am
80. i-ri-a-ab-szum
@law 241
81. szum-ma a-wi-lum
82. _gu4_ a-na ni-pu-tim
83. it-te-pe2
84. 1/3(disz) _ma-na ku3-babbar_ i-sza-qal
@law 242-243
85. szum-ma a-wi-lum <_gu4_>
86. a-na _mu_ 1(disz) i-gur
87. _a2 gu4-a2-ur3-ra_
88. 4(asz) _sze gur_
89. _a2 gu4 ab2 muru2 sag_
90. 3(asz) _sze gur_ a-na be-li2-szu
91. i-na-ad-di-in
@column 21
@law 244
1. szum-ma a-wi-lum
2. _gu4 ansze_ i-gur-ma
3. i-na s,e-ri-im
4. _ur-mah_ id-du-uk-szu
5. a-na be-li2-szu-ma
@law 245
6. szum-ma a-wi-lum
7. _gu4_ i-gur-ma
8. i-na me-gu-tim
9. u3 lu i-na ma-ha-s,i2-im
10. usz-ta-mi-it
11. _gu4_ ki-ma _gu4_
12. a-na be-el _gu4_
13. i-ri-a-ab
@law 246
14. szum-ma a-wi-lum
15. _gu4_ i-gur-ma
16. _giri3_-szu isz-te-bi-ir
17. u3 lu la-bi-a-an-szu
18. it-ta-ki-is
19. _gu4_ ki-ma _gu4_
20. a-na be-el _gu4_
21. i-ri-a-ab
@law 247
22. szum-ma a-wi-lum
23. _gu4_ i-gur-ma
24. _igi_-szu uh2-tap-pi2-id
25. _ku3-babbar_ mi-szi-il _sa10_-szu
26. a-na be-el _gu4_
27. i-na-ad-di-in
@law 248
28. szum-ma a-wi-lum
29. _gu4_ i-gur-ma
30. _si_-szu isz-bi-ir
31. _kun_-su2 it-ta-ki-is
32. u3 lu {uzu}_sa-sal_-szu
33. it-ta-sa-ag!
34. _ku3-babbar igi 4(disz)?-gal2 sa10_-szu
35. i-na-ad-di-in
@law 249
36. szum-ma a-wi-lum
37. _gu4_ i-gur-ma
38. i-lum im-ha-su2-ma
39. im-tu-ut
40. a-wi-lum sza _gu4_ i-gu-ru
41. ni-isz i-lim
42. i-za-kar-ma
43. u2-ta-asz-szar
@law 250
44. szum-ma _gu4_ su2?-qa2-am
45. i-na a-la-ki-szu
46. a-wi-lam
47. ik-ki-ip-ma
48. usz-ta-mi-it
49. di-nu-um szu-u2
50. ru-gu-um-ma-am
51. u2-ul i-szu
@law 251
52. szum-ma# _gu4_ a-wi-lim
53. na-ak-ka#-pi2-[ma]
54. ki-ma na-ak-ka#-pu-u2
55. ba-ab-ta-szu
56. u2-sze-di-szum-ma
57. qar-ni-szu
58. la u2-szar-ri#-im
59. _gu4_-szu la u2-sa-an-ni-iq-ma
60. _gu4_ szu-u2
61. _dumu_ a#-wi-lim
62. ik#-ki#-ip-ma
63. usz#-[ta]-mi-it
64. 1/2(disz)# _[ma]-na ku3-babbar_
65. i#-[na]-ad-di-in
@law 252
66. [szum]-ma# _ARAD2_ a-wi-lim
67. 1/3(disz)# _[ma]-na ku3-babbar_
68. i#-na-ad-di-in
@law 253
69. szum#-ma a-wi-lum a-wi-lam
70. a-na pa-ni _a-sza3_-szu
71. u2-zu-uz-zi-im
72. i-gur-ma
73. _al# du3-a_-am
74. [i]-qi2-ip-szu
75. _[ab2] gu4 hi-a_ ip#-qi2-sum2
76. [a-na?] _a-sza3_ e-re-szi-im u2-ra-ak-ki-su2
77. szum#-ma a-wi-lum szu-u2
78. _sze numun_ u3 lu _sza3-gal_
79. isz-ri-iq-ma
80. i-na qa2-ti-szu
81. it-ta-as,-ba-at
82. _kiszib3-la2_-szu i-na-ak-ki-su
@law 254
83. szum-ma _al du3-a_-am
84. il-qe2-ma _ab2 gu4 hi-a_
85. u2-te-en-ni!-isz u2-te-en-gag-isz
86. ta-[asz?]-na _sze_ sza im-ri!-ru
87. i-ri-ab
@law 255
88. szum-ma _ab2 gu4 hi-a_
89. a-wi-lim a-na# ig-ri-im
90. it-ta-di-in
91. u3 lu _sze numun#_ isz-ri-iq-ma
92. i-na _a-sza3#_ la usz-tab-szi
93. a-wi-lam szu-a-ti
94. u2-ka-an-nu-szu-ma
95. i-na _buru14 1(bur3) GAN2_-e
96. 1(gesz2) _sze gur#_ i-ma-ad-da-ad
@law 256
97. szum-ma pi2-ha-su2
98. a-pa-lam la-i-le-i
99. i-na _a-sza3_ szu-a-ti i-na _ab2 gu4 hi-a_
100. im-ta-na-asz-sza-ru-szu
@law 257
101. szum-ma a-wi-lum
@column 22
1. _engar_ i-gur
2. 8(asz) _sze gur_
3. i-na _mu 1(disz)-kam_
4. i-na-ad-di-isz-szum
@law 258
5. szum-ma a-wi-lum
6. _sza3 gu4_ i-gur
7. 6(asz) _sze gur_
8. i-na _mu 1(disz)-kam_
9. i-na-ad-di-isz-szum
@law 259
10. szum-ma a-wi-lum
11. {gesz}APIN i-na _a-gar3_
12. isz-ri-iq
13. 5(disz) _gin2 ku3-babbar_
14. a-na be-el _{gesz}apin_
15. i-na-ad-di-in
@law 260
16. szum-ma _{gesz}apin tug2-gur10_
17. u3 lu _GAN2 ur3_
18. isz-ta-ri-iq
19. 3(disz) _gin2 ku3-babbar_
20. i-na-ad-di-in
@law 261
21. szum-ma a-wi-lum
22. _na-gada_ a-na _ab2 gu4 hi-a_
23. u3 _u8 udu hi-a_
24. re-im i-gur
25. 8(asz) _sze gur_
26. i-na _mu 1(disz)-kam_
27. i-na-ad-di-isz-szum
@law 262
28. szum-ma a-wi-lum
29. _gu4_ u3 lu _udu#_
30. a-na [...]
31. [...]
32. [...]
33. [...]
34. [...]
35. [...]
36. [...]
@law 263
37. szum-ma# [_gu4_] u3 lu [_udu_]
38. sza in-na-ad-nu-szum#
39. uh2-ta-al-li-[iq]
40. _gu4_ ki-ma [_gu4_]
41. _udu_ ki-ma [_udu_]
42. a-na be-li2-[szu-nu]
43. i-ri-a-[ab]
@law 264
44. szum-ma [_sipa_]
45. sza _ab2 gu4 [hi-a_]
46. u3 lu _u8 [udu hi-a_]
47. a-na re#-[im]
48. in-na-[ad]-nu#-szum#
49. _a2_-szu ga#-am#-ra-tim
50. ma-hi-ir
51. li-ib#-ba-szu t,a-ab
52. _ab2 gu4# hi-a_
53. us,-s,a-ah-hi-ir
54. _u8# udu hi-a_
55. us,-s,a-ah-hi-ir
56. ta-li-it-tam um-ta-t,i
57. a-na _ka_ ri-ik-sa-ti-szu
58. ta-li-it-tam
59. u3 bi-il-tam
60. i-na-ad-di-in
@law 265
61. szum-ma _sipa_
62. sza _ab2 gu4 hi-a_
63. u3 lu _u8 udu hi-a_
64. a-na re-im
65. in-na-ad-nu-szum
66. u2-sa-ar-ri-ir-ma
67. szi-im-tam ut-ta-ak-ki-ir
68. u3 a-na _ku3-babbar_
69. it-ta-di-in
70. u2-ka-an-nu-szu-ma
71. _a-ra2_ 1(u)-szu sza isz-ri-qu2
72. _ab2 gu4 hi-a_
73. u3 _u8 udu hi-a_
74. a-na be-li2-szu-nu
75. i-ri-a-ab
@law 266
76. szum-ma i-na _tur3_
77. li-pi2-it _dingir_ it-tab-szi
78. u3 lu _ur-mah_ id-du-uk _sipa_ ma-hi! _dingir_
79. u2-ub-ba-am-ma
80. mi-qi2-it-ti _tur3_
81. be-el _tur3_ i-mah-har-szu
@law 267
82. szum-ma _sipa_ i-_geme2_-ma
83. i-na _tur3_ pe2-sa3-tam usz-tab-szi
84. _sipa_ hi-t,i-it pe2-sa3-tim
85. sza i-na _tur3_ u2-sza-ab-szu-u2
86. _ab2 gu4 hi-a_ u3 _u8 udu hi-a_
87. u2-sza-lam-ma
88. a-na be-li2-szu-nu
89. i-na-ad-di-in
@law 268
90. szum-ma a-wi-lum _gu4_
91. a-na di-a-szi-im i-gur
92. 2(ban2) _sze a2_-szu
@law 269
93. szum-ma _ansze_
94. a-na di-a-szi-im i-gur
95. 1(ban2) _sze a2_-szu
@law 270
96. szum-ma _masz2_
97. a-na di-a-szi-im i-gur
98. 1(disz) _sila3 sze a2_-szu
@law 271
99. szum-ma a-wi-lum
100. _ab2 gu4 hi-a {gesz}mar-gid2-da_
101. u3 mu-ur2-te-di-sza i-gur
@column 23
1. i-na _u4 1(disz)-kam 3(barig) sze_
2. i-na-ad-di-in
@law 272
3. szum-ma a-wi-lum
4. _{gesz}mar-gid2-da_-ma
5. a-na ra-ma-ni-sza i-gur
6. i-na _u4 1(disz)-kam 4(ban2) sze_
7. i-na-ad-di-in
@law 273
8. szum-ma a-wi-lum
9. _{lu2}hun-ga2_ i-gur
10. isz-tu re-esz sza-at-tim
11. a-di ha-am-szi-im _iti_-im
12. 1(u) 2(disz) _sze ku3-babbar_
13. i-na _u4 1(disz)-kam_
14. i-na-ad-di-in
15. isz-tu szi-szi-im _iti_-im
16. a-di ta-aq-ti-da! sza-at-tim
17. 5(disz) _sze ku3-babbar_
18. i-na _u4 1(disz)-kam_
19. i-na-ad-di-in
@law 274
20. szum-ma a-wi-lum
21. _dumu um-mi-a_
22. i-ig-ga-ar#
23. _a2 {lu2}[hun-ga2?]_
24. 5(disz) _sze ku3#-babbar#_
25. _a2 {lu2}[tug2]-du8-a_
26. 5(disz) _[sze ku3]-babbar_
27. [_a2] {lu2#}gada_
28. [n(disz) _sze] ku3-babbar_
29. [_a2 bur]-gul_
30. [n(disz) _sze ku3]-babbar_
31. [_a2] zadim#?_
32. [n(disz) _sze ku3]-babbar_
33. [_a2] simug#_
34. [n(disz) _sze ku3]-babbar_
35. [_a2] nagar_
36. 5(disz)#? _sze ku3-babbar_
37. _a2 aszgab_
38. [n(disz)] _sze ku3-babbar_
39. _a2 ad-kup4_
40. [n(disz)] _sze ku3-babbar_
41. [_a2] szitim_
42. [n(disz) _sze ku3]-babbar_
43. [i-na _u4] 1(disz)-kam_
44. [i-na-ad]-di#-in
@law 275
45. [szum-ma a]-wi-lum
46. [...] i-gur
47. i-na _u4 1(disz)-kam_
48. 3(disz) _sze ku3-babbar a2_-szu
@law 276
49. szum-ma ma-hi-ir-tam i-gur
50. 1/2(disz) _sze ku3-babbar a2_-sza
51. i-na _u4 1(disz)-kam_
52. i-na-ad-di-in
@law 277
53. szum-ma a-wi-lum
54. _{gesz}ma2 1(gesz2) gur_ i-gur
55. i-na _u4 1(disz)-kam_
56. _igi 6(disz)-gal2 ku3-babbar a2_-sza
57. i-na-ad-di-in
@law 278
58. szum-ma a-wi-lum
59. _ARAD2 geme2_ i-sza-am-ma
60. _iti_-szu la im-la-ma
61. be2-en-ni e-li-szu
62. im-ta-qu2-ut a-na na-di-na-ni-szu
63. u2-ta-ar-ma
64. sza-a-a-ma-nu-um
65. _ku3-babbar_ isz-qu2-lu
66. i-le-qe2
@law 279
67. szum-ma a-wi-lum
68. _ARAD2 geme2_ i-sza-am-ma
69. ba-aq-ri ir-ta-szi
70. na-di-na-an-szu
71. ba-aq-ri i-ip-pa-al
@law 280
72. szum-ma a-wi-lum
73. i-na ma-at
74. nu-ku-ur2-tim
75. _ARAD2 geme2_ sza a-wi-lim
76. isz-ta-am
77. i-nu-ma
78. i-na li-ib-bu _kalam_
79. it-ta-al-kam-ma
80. be-el _ARAD2_ u3 lu _geme2_
81. lu _ARAD2_-su2 u3 lu _geme2_-su2
82. u2-te-ed-di
83. szum-ma _ARAD2_ u3 lu _geme2_ szu-nu
84. _dumu-mesz_ ma-tim
85. ba-lum _ku3-babbar_-ma
86. an-du-ra-ar-szu-nu
87. isz-sza-ak-ka-an
@law 281
88. szum-ma _dumu-mesz_ ma-tim sza-ni-tim
89. sza-a-a-ma-nu-ma
90. i-na ma-har i-lim
91. _ku3-babbar_ isz-lu!-lu
92. i-bi!-ab-bi-ma
93. be-el _ARAD2_ u3 lu _geme2_
94. _ku3-babbar_ isz-qu2-lu a-na _dam-gar3_
95. i-na-ad-di-in-ma
96. lu _ARAD2_-su2 lu _geme2_-su2 i-pa-ag!
@law 282
97. szum-ma _ARAD2_ a-na be-li2-szu
98. u2-ul be-li2 at-ta
99. iq-ta-bi
100. ki-ma _ARAD2_-su2
101. u2-ka-an-szu-ma
102. be-el-szu u2-zu-un-szu i-na-ak-ki-is
@column 24
@epilogue
1. di-na-a-at
2. mi-sza-ri-im
3. sza {disz}ha-am-mu-ra-pi2
4. szar-ru-um le-u2-um
5. u2-ki-in-nu-ma
6. ma-tam u2-sa-am ki-nam#
7. u3 ri-dam dam-qa2-am
8. u2-sza-as,-bi-tu
9. {disz}ha-am-mu-ra-pi2
10. szar-ru-um gi-it-ma-lum a-na-ku
11. a-na _sag-ge6_
12. sza {d}en-lil2 isz-ru-kam
13. re-u2-si2-na
14. {d}marduk i-din-nam
15. u2-ul e-gu
16. a-hi u2-ul ad-di
17. asz-ri szu-ul-mi-im
18. esz-te-i-szi-na-szim#
19. pu-usz-qi2 wa-asz-t,u2-tim
20. u2-pe#-et-ti
21. nu-ra-am u2-sze-s,i-szi-na-szi-im
22. i-na _{gesz}tukul_ da-an-nim
23. sza {d}za-ba4-ba4
24. u3 {d}inanna
25. u2-sza-at-li-mu-nim
26. i-na _igi-gal2_
27. sza {d}en-ki i-szi-ma-am
28. i-na le-u2-tim
29. sza {d}marduk id-di-nam
30. na-ak-ri e-li-isz
31. u3 sza-ap-li-isz as-su2-uh2
32. qa2-ab-la-tim u2-be2-el-li
33. szi-ir ma-tim
34. u2-t,i3-ib
35. ni-szi da-ad-mi
36. a-bu-ur2-ri
37. u2-szar-bi2-is,
38. mu-gal-li-tam
39. u2-ul u2-szar-szi-szi-na-ti
40. _dingir gal-gal_
41. ib-bu-u2-nin-ni-ma
42. a-na-ku-ma
43. _sipa_ mu-sza-al-li-mu-um
44. sza _{gesz}gidri_-szu
45. i-sza-ra-at
46. s,i-li2 t,a-bu-um
47. a-na _iri_-ia
48. ta-ri-is,
49. i-na ut-li-ia
50. ni-szi _kalam_ szu-me-ri2-im
51. u3 ak-ka-di-im
52. u2-ki-il
53. i-na la-ma-si2-ia
54. ih-hi-sza
55. i-na szu-ul-mi-im
56. at-tab-ba-al-szi-na-ti
57. i-na ne-me-qi2-ia
58. usz-tap-zi2-ir-szi-na-ti
59. dan-nu-um en-sza-am
60. a-na la ha-ba-lim
61. _nu-siki nu-mu-su_
62. szu-te-szu-ri-im
63. i-na babila{ki}
64. _iri_ sza an u3 {d}en-lil2
65. re-szi-szu
66. u2-ul#-lu-u2
67. i-na e2-sag-il2
68. _e2_ sza ki-ma sza-me-e
69. u3 er-s,e-tim _suhusz_-szu ki-na
70. di-in ma-tim a-na di-a-nim
71. pu-ru-se2-e ma-tim
72. a-na pa-ra-si-im
73. ha-ab-lim szu-te-szu-ri-im
74. a-wa-ti-ia szu-qu2-ra-tim
75. i-na _na-ru_-ia asz-t,ur-ma
76. i-na ma-har _alan_-ia
77. _lugal_ mi-sza-ri-im
78. u2-ki-in
79. _lugal_ sza in _lugal_-ri2
80. szu-tu-ru a-na-ku
81. a-wa-tu-u2-a na-as2-qa2
82. le-u2-ti sza-ni-nam
83. u2-ul i-szu
84. i-na qi2-bi-it {d}utu
85. da-a-a-nim ra-bi-im
86. sza _an_ u3 _ki_
87. mi-sza-ri i-na _kalam_
88. li-isz-te-pi2
89. i-na a-wa-at
90. {d}marduk be-li2-ia
91. u2-s,u2-ra-tu-u2-a
92. mu-sza-si2-kam# a-ir-szi-a
93. i-na e2-sag-il2
94. sza a-ra-am-mu szu-mi i-na da-mi-iq-tim
@column 25
1. a-na da-ar
2. li-iz-za-ki-ir
3. a-wi-lum ha-ab-lum
4. sza a-wa-tam
5. i-ra-asz-szu-u2
6. a-na ma-ha-ar _alan_-ia
7. _lugal_ mi-sza-ri-im
8. li-il-li-ik-ma
9. _na-ru_-i
10. sza-at,-ra-am
11. li-isz-ta-as2-si-ma
12. a-wa-ti-ia
13. szu-qu2-ra-tim
14. li-isz-me-ma
15. _na-ru_-i a-wa-tam
16. li-kal2-lim-szu
17. di-in-szu li-mu-ur2
18. li-ib-ba-szu
19. li#-na#-ap-pi2-isz-ma
20. {disz}ha-am-mu-ra-pi2-mi
21. be-lum sza ki-ma a-bi-im
22. wa-li-di-im
23. a-na ni-szi
24. i-ba-asz-szu-u2
25. a-na a-wa-at
26. {d}marduk be-li2-szu
27. usz-ta-ak-ti-it-ma
28. ir-ni-ti {d}marduk
29. e-li-isz
30. u3 sza-ap-li-isz
31. ik-szu-u4
32. li-ib-bi {d}marduk
33. be-li2-szu u2-t,i3-ib
34. u3 szi-ra-am t,a-ba-am
35. a-na ni-szi
36. a-na da-ar i-szi-im
37. u3 ma-tam
38. usz-te-sze-er
39. a2-ni-tam
40. li-iq-bi-ma
41. i-na ma-har
42. {d}marduk be-li2-ia
43. {d}s,ar-pa-ni-tum
44. be-el-ti-ia
45. i-na li-ib-bi-szu
46. ga-am-ri-im
47. li-ik-ru-ba-am
48. sze-du-um la-ma-sum2
49. _dingir dingir_ e-ri-bu-ut
50. e2-sag-il2
51. _sig4_ e2-sag-il2
52. i-gi-ir-re-e
53. u4-mi-sza-am
54. i-na ma-har
55. {d}marduk be-li2-ia
56. {d}s,ar-pa-ni-tum
57. be-el-ti-ia
58. li-dam-mi-qu2
59. a-na wa-ar-ki-a-at
60. _u4_-mi
61. a-na ma-ti-ma
62. _lugal_ sza i-na _kalam_
63. ib-ba-asz-szu-u2
64. a-wa-a-at
65. mi-sza-ri-im
66. sza i-na _na-ru_-ia
67. asz-t,u2-ru li-s,ur
68. di-in ma-tim
69. sza a-di-nu
70. pu-ru-se2-e _kalam_
71. sza ap-ru-su
72. a u2-na-ak-ki-ir
73. u2-s,u2-ra-ti-ia
74. a u2-sza-si2-ik
75. szum-ma a-wi-lum szu-u2
76. ta-szi-im-tam i-szu-ma
77. ma-su2 szu-te-szu-ra-am i-le-i
78. a-na a-wa-a-tim
79. sza i-na _na-ru_-ia asz-t,u2-ru li-qul2-ma
80. ki-ib-sa-am ri-dam
81. di-in _kalam_ sza a-di-nu
82. pu-ru-se2-e _kalam_
83. sza ap-ru-su
84. _na-ru_-um szu-u2
85. li-kal2-lim-szu-ma
86. s,a-al-ma-at qa2-qa2-di-szu
87. li-isz-te-sze-er
88. di-in-szi-na li-di-in
89. pu-ru-sa3-szi-na
90. li-ip-ru-us2
91. i-na ma-ti-szu ra-ga-am
92. u3 s,e-nam li-su2-uh2
93. szi-ir ni-szi-szu
94. li-t,i-ib
95. {disz}ha-am-mu-ra-pi2
96. _lugal_ mi-sza-ri-im
97. sza {d}utu ki-na-tim
98. isz-ru-ku-szum a-na-ku
99. a-wa-tu-u2-a na-as2-qa2
100. ep-sze-tu-u2-a
101. sza-ni-nam
102. u2-ul i-sza-a
103. e-la a-na la ha-si2-im
104. ri-qa2
105. a-na em-qi2-im
@column 26
1. a-na ta-na-da-tim szu-s,a-a
2. szum-ma a-wi-lum szu-u2
3. a-na a-wa-ti-ia
4. sza i-na _na-ru_-ia asz-t,u2-ru
5. i-qul2-ma
6. di-ni la u2-sza-as-si2-ik
7. a-wa-ti-ia
8. la usz-te-pe-el
9. u2-s,u2-ra-ti-ia
10. la u2-na-ki-ir
11. a-wi-lum szu-u2
12. ki-ma ia-ti
13. _lugal_ mi-sza-ri-im
14. {d}utu _{gesz}gidri_-szu
15. li-ir-ri-ik
16. ni-szi-szu
17. i-na mi-sza-ri-im li-re
18. szum-ma a-wi-lum szu-u2
19. <a-na> a-wa-ti-ia
20. sza i-na _na-ru_-ia
21. asz-t,u2-ru
22. la i-qul2-ma
23. er-re-ti-ia
24. i-me-esz-ma
25. er-re-et i3-li2
26. la i-dur-ma
27. di-in a-di-nu
28. up-ta-as-si2-is
29. a-wa-ti-ia
30. usz-te-pe-el
31. u2-s,u2-ra-ti-ia
32. ut-ta-ak-ki-ir
33. szu-mi sza-at-ra-am
34. ip-szi-it,-ma
35. szum-szu isz-ta-t,ar2
36. asz-szum er-re-szum! szi-na-ti
37. sza-ni-a-am-ma
38. usz-ta-hi-iz
39. a-wi-lum szu-u2
40. lu _lugal_
41. lu _en_
42. lu _ensi2_
43. u3 lu a-wi-lu-tum
44. sza szu-ma-am na-bi-a-at
45. AN ra-bu-um
46. a-bu i3-li2
47. na-bu-u2 _bala_-ia
48. _me-lam2_ szar-ru-tim
49. li-t,e4-er-szu
50. _{gesz}gidri_-szu
51. li-isz-bi-ir
52. szi-ma-ti-szu li-ru-ur
53. {d}en-lil2 be-lum
54. mu-szi-im szi-ma-tim
55. sza qi2-bi2-su2
56. la ut-ta-ka-ru
57. mu-szar-bu-u3
58. szar-ru-ti-ia
59. te-szi la szu-up-pi2-im
60. ga-ba-ra-ah
61. ha-la-qi2-szu
62. i-na szu-ub-ti-szu
63. li-sza-ab!-bi!-ha-asz-szum
64. _bala_ ta-ne-hi-im
65. _u4_-mi i-s,u2-tim
66. sza-na-a-at
67. hu-sza-ah-hi-im
68. ek-le-et
69. la na-wa-ri-im
70. mu-ut ni-t,i-il i-nim
71. a-na szi-im-tim
72. li-szi-im-szum
73. ha-la-aq _iri_-szu
74. na-as2-pu-uh2 ni-szi-szu
75. szar-ru-su2 szu-pe2-lam
76. szum-szu u3 zi-kir-szu
77. i-na ma-tim
78. la szu-ub-sza-a-am
79. i-na _ka_-szu kab-tim
80. li-iq-bi
81. {d}nin-lil2
82. _ama_ ra-bi2-tum
83. sza qi2-bi2-sa3
84. i-na e2-kur kab-ta-at
85. _nin_ mu-dam-mi-qa2-at
86. i-gi-ir-re-ia
87. a-szar szi-ip-t,i-im
88. u3 pu-ru-se2-em
89. i-na ma-har {d}en-lil2
90. a-wa-su2 li-le-mi-in
91. szu-ul-pu-ut ma-ti-szu
92. ha-la-aq ni-szi-szu
93. ta-ba-ak na-pisz-ti-szu
94. ki-ma me-e
95. i-na _ka_ {d}en-lil2
96. szar-ri-im
97. li-sza-asz-ki-in
98. {d}en-ki _nun_ ra-bi-um
99. sza szi-ma-tu-szu
100. i-na mah-ra i-la-ka
101. _abgal_ i3-li2
102. mu-de mi-im-ma szum-szu
103. mu-sza-ri-ku
@column 27
1. _u4_-um ba-la-t,i-ia
2. uz-nam
3. u3 ne-me-qam
4. li-t,e4-er-szu-ma
5. i-na mi-szi-tim
6. li-it-ta-ar-ru-szu
7. _i7-i7_-szu
8. i-na na-ag-bi-im
9. li-is-ki-ir
10. i-na er-s,e-ti-szu
11. {d}asznan
12. na-pi2-isz-ti ni-szi
13. a u2-sza-ab-szi
14. {d}utu da-a-a-nu-um ra-bi-um
15. sza sza-me-e
16. u3 er-s,e-tim
17. mu-usz-te-sze-er
18. sza-ak-na-at na-pi2-isz-tim
19. be-lum tu-kul2-ti
20. szar-ru-su2 li-is-ki-ip
21. di-in-szu
22. a i-di-in
23. u2-ru-uh2-szu li-szi
24. _DU_ um-ma-ni-szu
25. li-isz-he-el-s,i2
26. i-na bi-ri-szu
27. _uzu_ lem-nam
28. sza na-sa-ah
29. _suhusz_ szar-ru-ti-szu
30. u3 ha-la-aq ma-ti-szu li-isz-ku-un-szum
31. a-wa-tum ma-ru-usz-tum
32. sza {d}utu ar-hi-isz
33. li-ik-szu-su2
34. e-li-isz
35. i-na ba-al#-t,u2-tim
36. li-is-su2-uh2-szu
37. sza-ap-li-isz
38. i-na er-s,e-tim
39. _gidim4-gidim4_-szu
40. me-e li-sza-az-mi
41. {d}suen be-el sza-me-e
42. _dingir_ ba-ni
43. sza sze-re-su2
44. i-na i3-li2 szu-pa-a-at
45. _aga {gesz}gu-za_ sza szar-ru-tim
46. li-t,e4-er-szu
47. ar-nam kab-tam
48. sze-re-su2 ra-bi-tam
49. sza i-na zu-um-ri-szu
50. la i-hal-li-qu2
51. li-mu-su2-ma
52. _u4_-mi _iti-iti_
53. sza-na-a-at _bala_-szu
54. i-na ta-ne-hi-im
55. u3 di-im-ma-tim
56. li-sza-aq-ti
57. kam-ma-al szar-ru-tim
58. li-sza-at,-t,i-il-szu
59. ba-la-t,am
60. sza it-ti mu-tim
61. szi-ta-an-nu
62. a-na szi-im-tim
63. li-szi-im-szum
64. {d}iszkur be-el _he2-gal2_
65. _gu2-gal_ sza-me-e
66. u3 er-s,e-tim
67. re-s,u2-u2-a
68. zu-ni i-na sza-me-e
69. mi-lam
70. i-na na-ag-bi-im
71. li-t,e4-er-szu
72. ma-su2
73. i-na hu-sza-ah-hi-im
74. u3 bu-bu-tim
75. li-hal-li-iq
76. e-li _iri_-szu
77. ez-zi-isz
78. li-is-si-ma
79. ma-su2 a-na _du6_ a-bu-bi-im
80. li-te-er
81. {d}za-ba4-ba4
82. qar-ra-du-um ra-bi-um
83. _dumu_ re-esz-tu-um
84. sza e2-kur
85. a-li-ku im-ni-ia
86. a-szar tam2-ha-ri-im
87. _{gesz}tukul_-szu li-isz-bi-ir
88. u4-ma-am a-na mu-szi-im
89. li-te-er-szum-ma
90. na-ki-ir-szu e-li-szu
91. li-isz-zi-iz
92. {d}inanna be-le-et
93. _me6_ u3 _szen-szen_
94. pa-ti-a-at
95. _{gesz}tukul#_-ia
96. la-ma-si2
97. da-mi-iq-tum
98. ra-i-ma-at _bala_-ia
99. i-na li-ib-bi-sza
100. ag-gi-im
101. i-na uz-za-ti-sza
102. ra-bi2-a-tim
103. szar-ru-su2 li-ru-ur
104. dam-qa2-ti-szu
105. a-na le-em-ne-tim
106. li-te-er
@column 28
1. li-te-er
# sic
2. a-szar _me6_ u3 _szen-szen_
3. _{gesz}tukul_-szu
4. li-isz-bi#-ir
5. i-szi-tam
6. sa3-ah-ma-asz-tam
7. li-isz-ku-un-szum
8. qar-ra-di-szu
9. li-sza-am-qi2-it
10. da-mi-szu-nu
11. er-s,e-tam li-isz-qi2
12. gu-ru-un
13. sza-al-ma-at
14. um-ma-na-ti-szu
15. i-na s,e-ri-im
16. li-it-ta-ad-di
17. _erin2_-szu-ma? re-ma-am
18. a-i u2-szar-szi
19. szu-a-ti
20. a-na qa2-at na-ak-ri-szu
21. li-ma-al-li-szu-ma
22. a-na ma-at nu-ku-ur2-ti-szu
23. ka-mi-isz li-ru-szu
24. {d}ne3-eri11-gal
25. dan-nu-um i-na i3-li2
26. qa2-ba-al la ma-ha-ar
27. mu-sza-ak-szi-du
28. ir-ni-ti-ia
29. i-na ka-szu-szi-szu
30. ra-bi-im
31. ki-ma i-sza-tim
32. ez-ze-tim sza a-pi2-im
33. ni-szi-szu
34. li-iq-me
35. in _{gesz}tukul_-szu dan-nim
36. li-sza-ti-szu-ma
37. bi-ni-a-ti-szu
38. ki-ma s,a-lam t,i-t,i-im
39. li-ih-bu-usz
40. {d}nin-tu
41. _nin_ s,i-ir-tum
42. sza ma-ta-tim
43. _ama_ ba-ni-ti
44. _ibila_ li-t,e4-re-szu-ma
45. szu-ma-am
46. a u2-szar-szi-szu
47. i-na qer-bi-it ni-szi-szu
48. _numun_ a-wi-lu-tim
49. a ib-ni
50. {d}nin-kar-ra-ak
51. _dumu-munus an_-nim
52. qa2-bi-a-at
53. dum-qi2-ia
54. i-na e2-kur
55. mur-s,a-am kab-tam
56. _a2-sag3_ le-em-nam
57. si2-im-ma-am mar-s,a-am
58. sza la i-pa-asz-sze-hu
59. _a-zu!_ qe2-re-eb-szu
60. la i-lam-ma-du
61. i-na s,i2-im-di
62. la u2-na-ah-hu-szu
63. ki-ma ni-szi-ik mu-tim la in-na-sa3-hu
64. i-na bi-ni-a-ti-szu
65. li-sza-s,i-a-asz-szum-ma
66. a-di na-pi2-isz-ta-szu
67. i-be2-el-lu-u2
68. a-na et,-lu-ti-szu
69. li-da!-dam-ma-am
70. _dingir gal-gal_
71. sza sza-me-e
72. u3 er-s,e-tim
73. {d}a-nun-na
74. i-na _szunigin_-szu-nu
75. sze-ed bi-tim
76. _sig4_ e2-babbar-ra
77. szu-a-ti
78. _numun_-szu
79. ma-su2 _erin2_-szu
80. ni-szi-szu
81. u3 um-ma-an-szu
82. er-re-tam
83. ma-ru-usz-tam li-ru-ru
84. er-re-tim
85. da!-ni-a-tim
86. {d}en-lil2
87. i-na _ka_-szu
88. sza la ut-ta-ak-ka-ru
89. li-ru-ur-szu-ma
90. ar-hi-isz
91. li-ik-szu-da-szu

2018-09-29 09:28:44, entered by englund for meyer-laurin
&P249253 = RIME 4.03.06.add21, ex. 01
#atf: lang akk
@object stele
@surface a
@columnn 1
@prologue
1. i3-nu an s,i-ru-um
2. _lugal_ {d}a-nun-na-ki
3. {d}en-lil2
4. be-el sza-me-e
5. u3 er-s,e-tim
6. sza-i-im
7. szi-ma-at _kalam_
8. a-na {d}marduk
9. _dumu_ re-esz-ti-im
10. sza {d}en-ki
11. {d}en-lil2-ut
12. kisz ni-szi3
13. i-szi-mu-szum
14. in i-gi4-gi4
15. u2-szar-bi2-u3-szu
16. babila{ki}
17. szum-szu s,i-ra-am ib-bi-u3
18. in ki-ib-ra-tim
19. u2-sza-t,e4-ru-szu
20. i-na li-ib-bi-szu
21. szar-ru-tam da-ri2-tam
22. sza ki-ma sza-me-e
23. u3 er-s,e-tim
24. isz-da-sza
25. szu-ur2-szu-da
26. u2-ki-in-nu-szum
27. i-nu-mi-szu
28. {disz}ha-am-mu-ra-pi2
29. ru-ba-am
30. na-a'-dam
31. pa-li-ih i3-li2 ia-ti
32. mi-sza-ra-am
33. i-na ma-tim
34. a-na szu-pi2-i-im
35. ra-ga-am u3 s,e-nam
36. a-na hu-ul-lu-qi2-im
37. dan-nu-um
38. en-sza-am
39. a-na la ha-ba-li-im
40. ki-ma {d}utu
41. a-na _sag-ge6_
42. wa-s,e-e-em-ma
43. ma-tim
44. nu-wu-ri-im
45. an
46. u3 {d}en-lil2
47. a-na szi-ir ni-szi
48. t,u2-ub-bi-im
49. szu-mi ib-bu-u2
50. {disz}ha-am-mu-ra-pi2
51. re-iu-um
52. ni-bi-it
53. {d}en-lil2 a-na-ku
54. mu-kam-me-er
55. nu-uh2-szi-im
56. u3 t,u2-uh2-di-im
57. mu-sza-ak-li-il
58. mi-im-ma szum-szu
59. a-na nibru{ki} _dur-an-ki_
60. za-ni-nu-um
61. na-a'-du-um
62. sza e2-kur
63. _lugal_ le-iu-um
64. mu-te-er {iri}eridu{ki}
65. a-na asz-ri-szu
66. mu-ub-bi-ib
@columnn 2
1. szu-luh e2-abzu
2. ti-i-ib
3. ki-ib-ra-at
4. er-be2-tim
5. mu-szar-bi2 zi-ik-ru
6. babila{ki}
7. mu-t,i3-ib
8. li-ib-bi {d}marduk
9. be-li2-szu
10. sza u4-mi-szu
11. iz-za-zu
12. a-na e2-sag-il2
13. _numun_ szar-ru-tim
14. sza {d}suen
15. ib-ni-u3-szu
16. mu-na-ah-hi-isz
17. {iri}uri5{ki}
18. wa-asz-ru-um
19. mu-usz-te-mi-qum
20. ba-bil2 _he2-gal2_
21. a-na e2-kisz-nu-gal2
22. _lugal_ ta-szi-im-tim
23. sze-mu {d}utu da-num2
24. mu-ki-in
25. _suhusz_ zimbir{ki}
26. mu-sza-al-bi-isz
27. wa-ar-qi2-im
28. gi-gu-ne-e {d}a-a
29. mu-s,i-ir
30. e2-babbar
31. sza ki szu-ba-at sza-ma-i
32. _ur-sag_ ga#-mi-il
33. larsa{ki}
34. mu-u4-di-isz e2-babbar
35. a-na {d}utu
36. re-s,i-szu
37. be-lum mu-ba-li2-it,
38. unu{ki}
39. sza-ki-in me-e
40. nu-uh2-szi-im
41. a-na ni-szi-szu
42. mu-ul-li
43. re-esz e2-an-na
44. mu-kam-me-er
45. hi-is,-bi-im
46. a-na _an_-nim
47. u3 {d}inanna
48. _an-dul3_ ma-tim
49. mu-pa-ah-hi-ir
50. ni-szi sa6-ap-ha-tim
51. sza i3-si-in{ki}
52. mu-t,a-ah-hi-id
53. nu-uh2-szi-im
54. _e2_ e2-gal-mah
55. _uszumgal lugal_-ri2
56. ta-li-im
57. {d}za-ba4-ba4
58. mu-szar-szi-id
59. szu-ba-at {iri}kisz{ki}
60. mu-usz-ta-as2-hi-ir
61. me-le-em-mi
62. e2-me-te-ur-sag
63. mu-usz-te-es,-bi
64. pa-ar-s,i2 ra-bu-u2-tim
65. sza {d}inanna
66. pa-qi2-id bi-tim
67. hur-sag-kalam-ma
68. sa-par4 na-ki-ri
69. sza {d}er3-ra ru-szu
70. u2-sza-ak-szi-du
@columnn 3
1. ni-iz-ma-su2
2. mu-sza-te-er
3. {iri}gu2-du8-a{ki}
4. mu-ra-ap-pi2-isz
5. mi-im-ma szum-szu
6. ana mes-lam
7. ri-mu-um
8. ka-ad-ru-um
9. mu-na-ak-ki-ip za-i-ri
10. na-ra-am {d}tu-tu
11. mu-ri-isz
12. {iri}bar-si2-pa2{ki}
13. na-a'-du-um
14. la mu-up-pa-ar-ku-u2-um
15. a-na e2-zi-da
16. i-lu _lugal_-ri2
17. mu-de _igi-gal2_-im
18. mu-sza-ad-di-il
19. me-re-esz-tim
20. sza dil-bat{ki}
21. mu-ga-ar-ri-in _guru7-guru7_
22. a-na {d}urasz
23. ga-asz-ri-im
24. be-lum si2-ma-at
25. ha-at,-t,i-im
26. u3 a-ge-em
27. sza u2-sza-ak-li-lu-szu
28. e-ri-isz-tum
29. {d}ma-ma
30. mu-ki-in
31. u2-s,u2-ra-tim
32. sza kesz3{ki}
33. mu-de-esz-szi
34. ma-ka-li el-lu-tim
35. a-na {d}nin-tu
36. mu-usz-ta-lum
37. gi-it-ma-lum
38. sza-i-im
39. mi-ri-tim
40. u3 ma-asz-qi2-tim
41. a-na lagasz{ki}
42. u3 gir2-su{ki}
43. mu-ki-il
44. ni-in-da-be2-e
45. ra-bu-tim
46. a-na e2-ninnu
47. mu-tam-me-eh a-a-bi
48. mi-gi4-ir
49. te-li-tim
50. mu-sza-ak-li-il
51. te-re-tim
52. sza zabala2{ki}
53. mu-ha-ad-di
54. li-ib-bi {d}esz18-dar
55. ru-bu-um el-lum
56. sza ni-isz qa2-ti-szu
57. {d}iszkur i-du-u2
58. mu-ne-eh
59. li-ib-bi {d}iszkur
60. gu2-ra-di-im
61. i-na {iri}im{ki}
62. mu-usz-ta-ak-ki-in
63. si2-ma-tim
64. i-na e2-u4-gal-gal
65. _lugal_ na-di-in
66. na-pi2-isz-tim
67. a-na adab{ki}
68. a-sze-er
69. _e2_ e2-mah
70. e-te-el _lugal_-ri2
71. qa2-ba-al
72. la ma-ha-ri-im
@columnn 4
1. szu i-qi2-szu
2. na-ap-sza-tam
3. a-na {iri}masz-gan-szabra{ki}
4. mu-sze-esz-qi2
5. nu-uh2-szi-im
6. a-na _mes-lam_
7. em-qum
8. mu-tab-bi-lum
9. szu ik-szu-du
10. na-ga-ab ur2-szi-im
11. mu-usz-pa-az-zi-ir
12. ni-szi ma3-al-nag-a {ki}
13. in ka-ra-szi-im
14. mu-szar-szi-du
15. szu-ba-ti-szi-in
16. in nu-uh2-szi-in
17. a-na {d}en-ki
18. u3 {d}dam-gal-nun-na
19. mu-szar-bu-u2
20. szar-ru-ti-szu
21. da-ri2-isz i-szi-mu
22. zi-bi el-lu-tim
23. a-sza-re-ed _lugal_-ri2
24. mu-ka-an-ni-isz
25. da-ad-mi
26. {i7}buranun-na
27. i3-tum {d}da-gan
28. ba-ni-szu
29. szu ig-mi-lu
30. ni-szi me-ra{ki}
31. u3 tu-tu-ul{ki}
32. ru-bu-um
33. na-a'-du-um
34. mu-na-wi-ir
35. pa-ni {d}tiszpak
36. sza-ki-in ma-ka-li el-lu-tim
37. a-na {d}nin-a-zu
38. sza-t,i3-ip ni-szi-szu
39. in pu-usz-qi2-im
40. mu-ki-in-nu
41. isz-di-szi-in
42. qer-bu-um
43. babila{ki}
44. szu-ul-ma-ni-isz
45. _sipa_ ni-szi3
46. sza ep-sze-tu-szu
47. e-li {d}esz18-dar t,a-ba
48. mu-ki-in-ni {d}esz18-dar
49. i-na e2-ul-masz
50. qer-bu-um
51. a-ga-de3{ki}
52. re-bi-tim
53. mu-sze-pi2 ki-na-tim
54. mu-szu-sze-er am-mi
55. mu-te-er
56. {d}lamma-szu
57. da-mi-iq-tim
58. a-na {iri}a-szur4{ki}
59. mu-sze-ep-pi2 na-bi-hi
60. _lugal_ sza i-na ni-nu-a{ki}
61. i-na e2-mes-mes
62. u2-szu-pi2-u3
63. me-e {d}inanna
64. na-a'-du-um
65. mu-usz-te-mi-qum
66. a-na _dingir gal-gal_
67. li-ip-li-pi2
68. sza {disz}su-mu-la-il3
69. _ibila_ da-num2
70. sza {disz}{d}suen-mu-ba-li2-it,
@columnn 5
1. _numun_ da-ri2-um
2. sza szar-ru-tim
3. _lugal_ da-num2
4. {d}utu-szu
5. babila{ki}
6. mu-sze-s,i2 nu-ri-im
7. a-na ma-at
8. szu-me-ri2-im
9. u3 ak-ka-di-im
10. _lugal_ mu-usz-te-esz-mi
11. ki-ib-ra-at
12. ar-ba-im
13. mi-gi4-ir {d}inanna a-na-ku
14. i-nu-ma
15. {d}marduk
16. a-na szu-te-szu-ur ni-szi
17. _kalam_ u2-si-[im]
18. szu-hu-zi-im
19. u2-wa-e-ra-an-ni
20. ki-it-tam
21. u3 mi-sza-ra-am
22. i-na _ka_ ma-tim
23. asz-ku-un
24. szi-ir ni-szi u2-t,i-ib
25. i-nu-mi-szu
@law 1
26. szum-ma a-wi-lum a-wi-lam
27. u2-ub-bi-ir-ma
28. ne-er-tam e-li-szu
29. id-di-ma
30. la uk-ti-in-szu
31. mu-ub-bi-ir-szu
32. id-da-ak
@law 2
33. szum-ma a-wi-lum
34. ki-isz-pi2
35. e-li a-wi-lim id-di-ma
36. la uk-ti-in-szu
37. sza e-li-szu
38. ki-isz-pu na-du-u2
39. a-na {d}i7
40. i-il-la-ak
41. {d}i7 i-sza-al-li-a-am-ma
42. szum-ma {d}i7
43. ik-ta-sza-su2
44. mu-ub-bi-ir-szu
45. _e2_-su2 i-tab-ba-al
46. szum#-ma a-wi-lam szu-a-ti
47. {d}i7
48. u2-te-eb-bi-ba-asz-szu-ma
49. isz-ta-al-ma-am
50. sza e-li-szu
51. ki-isz-pi2 id-du-u2
52. id-da-ak
53. sza {d}i7
54. isz-li-a-am
55. _e2_ mu-ub-bi-ri-szu
56. i-tab-ba-al
@law 3
57. szum-ma a-wi-lum
58. i-na di-nim
59. a-na szi-bu-ut
60. sa3-ar-ra-tim
61. u2-s,i-a-am-ma
62. a-wa-at iq-bu-u2
63. la uk-ti-in
64. szum-ma di-nu-um szu-u2
65. di-in na-pi2-isz-tim
66. a-wi-lum szu-u2
67. id-da-ak
@law 4
68. szum-ma a-na szi-bu-ut
@columnn 6
1. _sze_ u3 _ku3-babbar_
2. u2-s,i-a-am
3. a-ra-an
4. di-nim szu-a-ti
5. it-ta-na-asz-szi
@law 5
6. szum-ma da-a-a-nu-um
7. di-nam i-di-in
8. pu-ru-sa3-am
9. ip-ru-us2
10. ku-nu-uk-kam
11. u2-sze-zi-ib
12. wa-ar-ka-nu-um-ma
13. di-in-szu i-te-ni
14. da-a-a-nam szu-a-ti
15. i-na di-in i-di-nu
16. e-ne-em
17. u2-ka-an-nu-szu-ma
18. ru-gu-um-ma-am
19. sza i-na di-nim szu-a-ti
20. ib-ba-asz-szu-u2
21. _a-ra2_ 1(u) 2(disz)-szu
22. i-na-ad-di-in
23. u3 i-na pu-uh2-ri-im
24. i-na _{gesz}gu-za_
25. da-a-a-nu-ti-szu
26. u2-sze-et-bu-u2-szu-ma
27. u2-ul i-ta-ar-ma
28. it-ti da-a-a-ni
29. i-na di-nim
30. u2-ul usz-ta-ab
@law 6
31. szum-ma a-wi-lum
32. _nig2-gur11 dingir_
33. u3 _e2-gal_
34. isz-ri-iq
35. a-wi-lum szu-u2
36. id-da-ak
37. u3 sza szu-ur2-qa2-am
38. i-na qa2-ti-szu
39. im-hu-ru
40. id-da-ak
@law 7
41. szum#-ma a-wi-lum
42. lu _ku3-babbar_
43. lu _ku3-sig17_
44. lu _ARAD2_ lu _geme2_
45. lu _gu4_ lu _udu_
46. lu _ansze_
47. u3 lu mi-im-ma szum-szu
48. i-na qa2-at _dumu_ a-wi-lim
49. u3 lu _ARAD2_ a-wi-lim
50. ba-lum szi-bi
51. u3 ri-ik-sa-tim
52. isz-ta-am
53. u3 lu a-na ma-s,a-ru-tim
54. im-hu-ur
55. a-wi-lum szu-u2
56. szar-ra-aq id-da-ak
@law 8
57. szum-ma a-wi-lum
58. lu _gu4_ lu _udu_ lu _ansze_ lu _szah2_
59. u3 lu _{gesz}ma2_
60. isz-ri-iq
61. szum-ma sza i-lim
62. szum-ma sza _e2-gal_
63. _a-ra2_ 3(u)-szu
64. i-na-ad-di-in
65. szum-ma sza _|MASZ.EN.GAG|_
66. _a-ra2_ 1(u)-szu i-ri-a-ab
67. szum-ma szar-ra-qa2-nu-um
68. sza na-da-nim la i-szu
69. id-da-ak
@law 9
70. szum-ma a-wi-lum
@columnn 7
1. sza mi-im-mu-szu hal-qu2
2. mi-im-ma-szu
3. hal-qa2-am
4. i-na qa2-ti a-wi-lim
5. is,-s,a-ba-at
6. a-wi-lum sza hu-ul-qum
7. i-na qa2-ti-szu
8. s,a-ab-tu
9. na-di-na-nu-um-mi id-di-nam
10. ma-har szi-bi-mi
11. a-sza-am
12. iq-ta-bi
13. u3 be-el hu-ul-qi2-im
14. szi-bi mu-de
15. hu-ul-qi2-ia-mi
16. lu-ub-lam
17. iq-ta-bi
18. sza-a-a-ma-nu-um
19. na-di-in
20. id-di-nu-szum
21. u3 szi-bi
22. sza i-na mah-ri-szu-nu
23. i-sza-mu it-ba-lam
24. u3 be-el hu-ul-qi2-im
25. szi-bi mu-de hu-ul-qi2-szu
26. it-ba-lam
27. da-a-a-nu
28. a-wa-a-ti-szu-nu
29. i-im-ma-ru-ma
30. szi-bu sza mah-ri-szu-nu
31. szi-mu-um
32. isz-sza-mu
33. u3 szi-bu mu-de
34. hu-ul-qi2-im
35. mu-du-su2-nu
36. ma-har i-lim
37. i-qa2-ab-bu-ma
38. na-di-na-nu-um
39. szar-ra-aq id-da-ak
40. be-el hu-ul-qi2-im
41. hu-lu-uq-szu
42. i-le-qe2
43. sza-a-a-ma-nu-um
44. a-na bi-it
45. na-di-na-nim
46. _ku3-babbar_ isz-qu2-lu
47. i-le-qe2
@law 10
48. szum-ma sza-a-a-ma-nu-um
49. na-di-in
50. id-di-nu-szum
51. u3 szi-bi sza i-na mah-ri-szu-nu
52. i-sza-mu
53. la it-ba-lam
54. be-el hu-ul-qi2-im-ma
55. szi-bi mu-de
56. hu-ul-qi2-szu it-ba-lam
57. sza-a-a-ma-nu-um
58. szar-ra-aq id-da-ak
59. be-el hu-ul-qi2-im
60. hu-lu-uq-szu
61. i-le-qe2
@law 11
62. szum-ma be-el hu-ul-qi2-im
63. szi-bi mu-de
64. hu-ul-qi2-szu
65. la it-ba-lam
@columnn 8
1. sa3-ar
2. tu-usz-sza-am-ma id-ke
3. id-da-ak
@law 12
4. szum-ma na-di-na-nu-um
5. a-na szi-im-tim
6. it-ta-la-ak
7. sza-a-a-ma-nu-um
8. i-na bi-it
9. na-di-na-nim
10. ru-gu-um-me-e
11. di-nim szu-a-ti
12. _a-ra2_ 5(disz)-szu
13. i-le-qe2
@law 13
14. szum#-ma a-wi-lum szu-u2
15. szi-bu-szu la qer-bu
16. da-a-a-nu a-da-nam
17. a-na _iti 6(disz)-kam_
18. i-sza-ak-ka-nu-szum-ma
19. szum-ma i-na _iti 6(disz)-kam_
20. szi-bi-szu la ir-de-a-am
21. a-wi-lum szu-u2
22. sa3-ar
23. a-ra-an di-nim szu-a-ti
24. it-ta-na-asz-szi
@law 14
25. szum-ma a-wi-lum
26. _dumu_ a-wi-lim
27. s,e-eh-ra-am
28. isz-ta-ri-iq
29. id-da-ak
@law 15
30. szum-ma a-wi-lum
31. lu _ARAD2 e2-gal_
32. lu _geme2 e2-gal_
33. lu _ARAD2 |MASZ.EN.GAG|_
34. lu _geme2 |MASZ.EN.GAG|_
35. _abul_ usz-te-s,i2
36. id-da-ak
@law 16
37. szum-ma a-wi-lum
38. lu _ARAD2_ lu _geme2_
39. hal-qa2-am
40. sza _e2-gal_
41. u3 lu _|MASZ.EN.GAG|_
42. i-na bi-ti-szu
43. ir-ta-qi2-ma
44. a-na szi-si-it
45. na-gi-ri-im
46. la usz-te-s,i2-a-am
47. be-el _e2_ szu-u2
48. id-da-ak
@law 17
49. szum-ma a-wi-lum
50. lu _ARAD2_ lu _geme2_
51. hal-qa2-am
52. i-na s,e-ri-im
53. is,-ba-at-ma
54. a-na be-li2-szu
55. ir-te-de-a-asz-szu
56. 2(disz) _gin2 ku3-babbar_
57. be-el _ARAD2_
58. i-na-ad-di-isz-szum
@law 18
59. szum-ma _ARAD2_ szu-u2
60. be-el-szu
61. la iz-za-kar
62. a-na _e2-gal_
63. i-re-ed-de-szu
64. wa-ar-ka-su2
65. ip-pa-ar-ra-as2-ma
66. a-na be-li2-szu
67. u2-ta-ar-ru-szu
@law 19
68. szum-ma _ARAD2_
69. szu-a-ti
70. i-na bi-ti-szu
71. ik-ta-la-szu
72. wa-ar-ka _ARAD2_
@columnn 9
1. i-na qa2-ti-szu
2. it-ta-as,-ba-at
3. a-wi-lum szu-u2
4. id-da-ak
@law 20
5. szum-ma _ARAD2_
6. i-na qa2-at
7. s,a-bi-ta-ni-szu
8. ih-ta-li-iq
9. a-wi-lum szu-u2
10. a-na be-el _ARAD2_
11. ni-isz i-lim
12. i-za-kar-ma
13. u2-ta-asz-szar
@law 21
14. szum-ma a-wi-lum
15. bi-tam
16. ip-lu-usz
17. i-na pa-ni
18. pi2-il-szi-im
19. szu-a-ti
20. i-du-uk-ku-szu-ma
21. i-ha-al-la-lu-szu
@law 22
22. szum-ma a-wi-lum
23. hu-ub-tam
24. ih-bu-ut-ma
25. it-ta-as,-ba-at
26. a-wi-lum szu-u2
27. id-da-ak
@law 23
28. szum-ma ha-ab-ba-tum
29. la it-ta-as,-ba-at
30. a-wi-lum
31. ha-ab-tum
32. mi-im-ma-szu
33. hal-qa2-am
34. ma-ha-ar
35. i-lim
36. u2-ba-ar-ma
37. _iri_
38. u3 ra-bi-a-nu-um
39. sza i-na er-s,e-ti-szu-nu
40. u3 pa-t,i-szu-nu
41. hu-ub-tum
42. ih-ha-ab-tu
43. mi-im-ma-szu
44. hal-qa2-am
45. i-ri-a-ab-bu-szum
@law 24
46. szum-ma na-pi2-isz-tum
47. _iri_ u3 ra-bi-a-nu-um
48. 1(disz) _ma-na ku3-babbar_
49. a-na ni-szi-szu
50. i-sza-qa2-lu
@law 25
51. szum-ma i-na _e2_ a-wi-lim
52. i-sza-tum
53. in-na-pi2-ih-ma
54. a-wi-lum
55. sza a-na bu-ul-li-im
56. il-li-ku
57. a-na nu-ma-at
58. be-el _e2_
59. i-in-szu isz-szi-ma
60. nu-ma-at
61. be-el _e2_
62. il-te-di
63. a-wi-lum szu-u2
64. a-na i-sza-tim szu-a-ti
65. in-na-ad-di
@law 26
66. szum-ma lu _aga-us2_
67. u3 lu _szu-ku6_
68. sza a-na har-ra-an szar-ri-im
69. a-la-ak-szu
@columnn 10
1. qa2-bu-u2
2. la-il-li-ik
3. lu _{lu2}hun-ga2_
4. i-gur-ma
5. pu-uh2-szu
6. it,-t,a-ra-ad
7. lu _aga-us2_
8. u3 lu _szu-ku6_ szu-u2
9. id-da-ak
10. mu-na-ag-gi-ir-szu
11. _e2_-su2
12. i-tab-ba-al
@law 27
13. szum-ma lu _aga-us2_
14. u3 lu _szu-ku6_
15. sza i-na dan-na-at
16. szar-ri-im
17. tu-ur2-ru
18. wa-ar-ki-szu
19. _a-sza3_-szu u3 _{gesz}kiri6_-szu
20. a-na sza-ni-im
21. id-di-nu-ma
22. i-li-ik-szu
23. it-ta-la-ak
24. szum-ma it#-tu-ra-am-ma
25. _iri_-szu ik-ta-asz2-dam
26. _a-sza3_-szu u3 _{gesz}kiri6_-szu
27. u2-ta-ar-ru-szum-ma
28. szu-ma i-li-ik-szu
29. i-il-la-ak
@law 28
30. szum-ma lu _aga#-us2_
31. u3 lu _szu-ku6_
32. sza i-na dan#-na-at
33. szar-ri-im
34. tu-ur2#-ru
35. _dumu_-szu il-kam
36. a-la-kam i-le-i
37. _a-sza3_ u3 _{gesz}kiri6_
38. in-na-ad-di-isz-szum#-ma
39. i-li-ik# [a]-bi-szu
40. i-il-[la]-ak#
@law 29
41. szum-ma _dumu_-szu
42. s,e-he-er-ma#
43. i-li-ik a-bi-szu
44. a-la-kam
45. la i-le-i
46. sza-lu-usz-ti _a-sza3_ u3 _{gesz}kiri6_
47. a-na um-mi-szu
48. in-na-ad#-di-in-ma
49. um-ma-szu
50. u2-ra-ab-ba-szu
@law 30
51. szum-ma lu _aga-us2#_
52. u3 lu _szu-ku6_
53. _a-sza3_-szu _{gesz}kiri6_-szu# u3 _e2_-su2#
54. i-na pa-ni il-ki-im
55. id-di-ma
56. u4-da-ap-pi2-ir
57. sza-nu-um
58. wa-ar-ki-szu#
59. _a-sza3_-szu _{gesz}kiri6_-szu
60. u3 _e2_-su2
61. is,-ba-at-ma
62. _mu 3(disz)-kam_
63. i-li-ik-szu
64. it-ta-la-ak
65. szum-ma it-tu-ra-am-ma
66. _a-sza3_-szu _{gesz}kiri6_-szu u3 _e2_-su2
67. i-ir-ri-isz
68. u2-ul in-na-ad-di-isz-szum
@columnn 11
1. sza is,-s,a-ab-tu-ma
2. i-li-ik-szu
3. it-ta-al-ku
4. szu-ma i-il-la-ak
@law 31
5. szum-ma sza-at-tam
6. isz-ti-a-at-ma
7. u4-da-ap-pi2-ir-ma
8. it-tu-ra-am
9. _a-sza3_-szu u3 _e2_-su2
10. in-na-ad-di-isz-szum-ma
11. szu-ma i-li-ik-szu
12. i-il#-la#-ak#
@law 32
13. szum#-ma# lu _aga-us2_
14. u3 lu _szu-ku6_
15. sza i-na har-ra-an
16. szar-ri-im
17. tu-ur2-ru
18. _dam-gar3_ ip-t,u2-ra-asz-szu-ma
19. _iri_-szu usz-ta-ak-szi-da-asz-szu
20. szum-ma i-na bi-ti-szu
21. sza pa-t,a-ri-im
22. i-ba-asz-szi
23. szu-ma ra-ma-an-szu
24. i-pa-at,-t,a-ar
25. szum-ma i-na bi-ti-szu
26. sza pa-t,a-ri-szu
27. la i-ba-asz-szi
28. i-na _e2 dingir iri_-szu
29. ip-pa-at,-t,ar2
30. szum-ma i-na _e2_
31. _dingir iri_-szu
32. sza pa-t,a-ri-szu
33. la i-ba-asz-szi
34. _e2-gal_ i-pa-at,-t,a-ar!(RI)-szu
35. _a-sza3_-szu _{gesz}kiri6_-szu
36. u3 _e2_-su2
37. a-na ip-t,e4-ri-szu
38. u2-ul in-na-ad-di-in
@law 33
39. szum-ma lu _ugula-ugula_
40. u3 lu _nu-banda3_
41. _erin2_ ni-is-ha-tim
42. ir-ta-szi
43. u3 lu a-na _kaskal_
44. szar-ri-im
45. _{lu2}hun-ga2_ pu-ha-am
46. im-hu-ur-ma
47. ir-te-de
48. lu _ugula-ugula_
49. u3 lu _nu-banda3_ szu-u2
50. id-da-ak
@law 34
51. szum-ma lu _ugula-ugula_
52. u3 lu _nu-banda3_
53. nu-ma-at _aga-us2_ il-te-qe2
54. _aga-us2_ ih-ta-ba-al
55. _aga-us2_ a-na ig-ri-im
56. it-ta-di-in
57. _aga-us2_ i-na di-nim
58. a#-na# dan-nim isz-ta-ra-ak
59. qi2#-isz-ti szar-ru-um
60. [a]-na# _aga-us2_ id-di-nu
61. il#-te-di
62. lu# _ugula-ugula_
63. u3# lu _nu-banda3_ szu-u2
64. id#-da#-ak
@law 35
65. szum#-ma a-wi-lum
66. _ab2# gu4!(BI) hi-a_
67. u3 _u8 udu hi-a_
68. sza szar-ru-um
69. a-na _aga-us2_
70. id-di-nu
@columnn 12
1. i-na qa2-ti _aga-us2_
2. isz-ta-am
3. i-na _ku3-babbar_-szu
4. i-te-el-li
@law 36
5. _a-sza3_-um _{gesz}kiri6_ u3 _e2_
6. sza _aga-us2 szu-ku6_
7. u3 na-szi bi-il-tim
8. a-na _ku3-babbar_
9. u2-ul i-na-ad-di-in
@law 37
10. szum-ma a-wi-lum
11. _a-sza3 {gesz}kiri6_ u3 _e2_
12. sza _aga-us2 szu-ku6_
13. u3# na#-szi _gun#_
14. isz#-ta#-am#
15. t,up-pa-szu
16. ih-he-ep-pe2
17. u3 i-na _ku3-babbar_-szu
18. i-te-el-li
19. _a-sza3 {gesz}kiri6_ u3 _e2_
20. a-na be-li2-szu
21. i-ta-ar
@law 38
22. _aga-us2 szu-ku6_
23. u3 na-szi _gun_
24. i-na _a-sza3 {gesz}kiri6_ u3 _e2_
25. sza il-ki-szu
26. a-na asz-sza-ti-szu
27. u3 _dumu-munus_-szu
28. u2-ul i-sza-at,-t,a-ar
29. u3 a-na i-il-ti-szu
30. u2-ul i-na-ad-di-in
@law 39
31. i-na _a-sza3 kiri6_ u3 _e2_
32. sza i-sza-am-mu-ma
33. i-ra-asz-szu-u2
34. a-na asz-sza-ti-szu
35. u3 _dumu-munus_-szu
36. i-sza-at,-t,ar2
37. u3 a-na e-hi-il-ti-szu
38. i-na-ad-di-in
@law 40
39. _lukur dam-gar3_
40. u3 il-kum a-hu-u2-um
41. _a-sza3_-szu _{gesz}kiri6_-szu
42. u3 _e2_-su2 a-na _ku3-babbar_
43. i-na-ad-di-in
44. sza-a-a-ma-nu-um
45. i-li-ik _a-sza3_
46. _{gesz}kiri6_ u3 _e2_
47. sza i-sza-am-mu
48. i-il-la-ak
@law 41
49. szum-ma a-wi-lum
50. _a-sza3 {gesz}kiri6_ u3 _e2_
51. sza _aga-us2 szu-ku6_
52. u3 na-szi bi-il-tim
53. u2-pi2-ih
54. u3 ni-ip-la-ti
55. id-di-in
56. _aga-us2 szu-ku6_
57. u3 na-szi bi-il-tim
58. a-na _a-sza3_-szu _{gesz}kiri6_-szu u3 _e2_-szu
59. i-ta-ar
60. u3 ni-ip-la-tim
61. sza in-na-ad-nu-szum
62. i-tab-ba-al
@law 42
63. szum-ma a-wi-lum
64. _a-sza3_ a-na er-re-szu-tim
65. u2-sze-s,i-ma
66. i-na _a-sza3 sze_ la usz-tab-szi
67. i-na _a-sza3_ szi-ip-ri-im
@columnn 13
1. la e-pe2-szi-im
2. u2-ka-an-nu-szu-ma
3. _sze_ ki-ma i-te-szu
4. a-na be-el _a-sza3_
5. i-na-ad-di-in
@law 43
6. szum-ma _a-sza3_-am la i-ri-isz-ma
7. it-ta-di
8. _sze_ ki-ma i-te-szu
9. a-na be-el _a-sza3_
10. i-na-ad-di-in
11. u3 _a-sza3_ sza id-du-u2
12. ma-a-a-ri
13. i-ma-ah-ha-as,
14. i-sza-ak-ka-ak-ma
15. a-na be-el _a-sza3_
16. u2-ta-ar
@law 44
17. szum-ma a-wi-lum
18. _a-sza3 |KI.KAL|_
19. a-na _mu 3(disz)-kam_
20. a-na te-ep-ti-tim
21. u2-sze-s,i-ma
22. a-ah-szu id-di-ma
23. _a-sza3_ la ip-te-te
24. i-na re-bu-tim
25. sza-at-tim
26. _a-sza3_ ma-a-a-ri
27. i-ma-ah-ha-as,
28. i-mar-ra-ar
29. u3 i-sza-ak-ka-ak-ma
30. a-na be-el _a-sza3_
31. u2-ta-ar
32. u3 1(bur3) _GAN2_-e
33. 1(u) _sze gur_
34. i-ma-ad-da-ad
@law 45
35. szum-ma a-wi-lum
36. _a-sza3_-szu a-na _gun_
37. a-na er-re-szi-im
38. id-di-in-ma
39. u3 _gun a-sza3_-szu
40. im-ta-ha-ar
41. wa-ar-ka _a-sza3_
42. {d}iszkur ir-ta-hi-is,
43. u3 lu bi-ib-bu-lum
44. it-ba-al
45. bi-ti-iq-tum
46. sza er-re-szi-im-ma
@law 46
47. szum-ma _gun a-sza3_-szu
48. la im-ta-ha-ar
49. u3 lu a-na mi-isz-la-ni
50. u3 lu a-na sza-lu-usz
51. _a-sza3_ id-di-in
52. _sze_ sza i-na _a-sza3_
53. ib-ba-asz-szu-u2
54. er-re-szum
55. u3 be-el _a-sza3_
56. a-na ap-szi-te-em
57. i-zu-uz-zu
@law 47
58. szum-ma er-re-szum
59. asz-szum i-na sza-at-tim
60. mah-ri-tim
61. ma-na-ha-ti-szu
62. la il-qu2-u2
63. _a-sza3_ e-re-sza-am iq-ta-bi
64. be-el _a-sza3_
65. u2-ul u2-up-pa-as
66. er-re-su-ma
67. _a-sza3_-szu i-ir-ri-isz-ma
68. i-na _buru14_
69. ki-ma ri-ik-sa-ti-szu
70. _sze_ i-le-qe2
@law 48
71. szum-ma a-wi-lum
72. hu-bu-ul-lum
73. e-li-szu
@columnn 14
1. i-ba-asz-szi-ma
2. _[a]-sza3_-szu
3. {d}iszkur
4. ir-ta-hi-is,
5. u3 lu-u2 bi-ib-bu-lum#
6. it-ba-al
7. u3 lu-u2 i-na la me-e
8. _sze_ i-na _a-sza3_
9. la it-tab-szi
10. i-na sza-at-tim szu-a-ti
11. _sze_ a-na be-el hu-bu-ul-li-szu
12. u2-ul u2-ta-ar
13. t,up-pa-szu
14. u2-ra-at,-t,a-ab
15. u3 s,i-ib-tam
16. sza sza-at-tim szu-a-ti
17. u2-ul i-na-ad-di-in
@law 49
18. szum-ma a-wi-lum
19. _ku3-babbar_ it-ti _dam-gar3_
20. il-qe2-ma
21. _a-sza3_ ep-e-tim
22. sza _sze_ u3 lu _sze-gesz-i3_
23. a-na _dam-gar3_ id-di-in
24. _a-sza3_ e-ri-isz-ma
25. _sze_ u3 lu-u2 _sze-gesz-i3_
26. sza ib-ba-asz-szu-u2
27. e-si-ip ta-ba-al
28. iq-bi-szum
29. szum-ma er-re-szum
30. i-na _a-sza3 sze_
31. u3 lu _sze-gesz-i3_
32. usz-tab-szi
33. i-na _buru14 sze_ u3 _sze-gesz-i3_
34. sza i-na _a-sza3_ ib-ba-asz-szu-u2
35. be-el _a-sza3_-ma
36. i-le-qe2-ma
37. _sze_ sza _ku3-babbar_-szu
38. u3 s,i-ba-su2
39. sza it-ti _dam-gar3_
40. il-qu2-u2
41. u3 ma-na-ha-at
42. e-re-szi-im
43. a-na _dam-gar3_
44. i-na-ad-di-in
@law 50
45. szum-ma _a-sza3_ er-sza-am
46. u3 lu-u2
47. _a-sza3 sze-gesz-i3_
48. er-sza-am id-di-in
49. _sze_ u3 lu _sze-gesz-i3_
50. sza i-na _a-sza3_
51. ib-ba-asz-szu-u2
52. be-el _a-sza3_-ma
53. i-le-qe2-ma
54. _ku3-babbar_ u3 s,i-ba-su2
55. a-na _dam-gar3_ u2-ta-ar
@law 51
56. szum-ma _ku3-babbar_
57. a-na tu-ur2-ri-im
58. la i-szu
59. _sze-gesz-i3_
60. a-na ma-hi-ra-ti-szu-nu
61. sza _ku3-babbar_-szu
62. u3 s,i-ib-ti-szu
63. sza it-ti _dam-gar3_ il-qu2-u2
64. a-na _ka_ s,i-im-da-at
65. szar-ri-im
66. a-na _dam-gar3_ i-na-ad-di-in
@columnn 15
@law 52
1. szum-ma er-re-szum
2. i-na _a-sza3_ sze-am
3. u3 lu _sze-gesz-i3_
4. la usz-tab-szi
5. ri-ik-sa-ti-szu
6. u2-ul [i]-in-ni
@law 53
7. szum-ma a-wi-lum
8. a-na _kar a-sza3_-szu
9. du-un-nu-nim#
10. a-ah-szu id-di-ma
11. _kar_-szu
12. la u2-dan-ni-in-ma
13. i-na _kar_-szu
14. pi2-tum it-te-ep-te
15. u3 _a-gar3_ me-e usz-ta-bil2
16. a-wi-lum
17. sza i-na _kar_-szu
18. pi2-tum ip-pe2-tu-u2
19. _sze_ sza u2-hal-li-qu2
20. i-ri-a-ab
@law 54
21. szum-ma _sze_ ri-a-ba-am
22. la i-le-i
23. szu-a-ti
24. u3 bi-sza-szu
25. a-na _ku3-babbar_
26. i-na-ad-di-nu-ma
27. _dumu a-gar3-mesz_
28. sza _sze_-szu-nu
29. mu-u2 ub-lu
30. i-zu-uz-zu
@law 55
31. szum-ma a-wi-lum
32. a-tap-pa-szu
33. a-na szi-qi2-tim ip-te
34. a-ah-szu id-di-ma
35. _a-sza3_ i-te-szu
36. me-e usz-ta-bil2
37. _sze_ ki-ma i-te-szu
38. i-ma-ad-da-ad
@law 56
39. szum-ma a-wi-lum
40. me-e ip-te-ma
41. ep-sze-tim sza _a-sza3_ i-te-szu
42. me-e usz-ta-bil2
43. 1(bur3) _GAN2_-e
44. 1(u) _sze gur_
45. i-ma-ad-da-ad
@law 57
46. szum-ma _sipa_
47. a-na sza-am-mi
48. _u8 udu hi-a_ szu-ku-lim
49. it-ti be-el _a-sza3_
50. la im-ta-gar3-ma
51. ba-lum be-el _a-sza3_
52. _a-sza3 u8 udu hi-a_
53. usz-ta-ki-il
54. be-el _a-sza3 a-sza3_-szu
55. i-is,-s,i-id
56. _sipa_ sza i-na ba-lum
57. be-el _a-sza3_
58. _a-sza3 u8 udu hi-a_
59. u2-sza-ki-lu
60. e-le-nu-um-ma
61. 1(bur3) _GAN2_-e
62. 2(u) _sze gur_
63. a-na be-el _a-sza3_
64. i-na-ad-di-in
@law 58
65. szum-ma isz-tu _u8 udu hi-a_
66. i-na _a-gar3_
67. i-te-li-a-nim
68. ka-an-nu ga-ma-ar-tim
69. i-na _abul_
70. it-ta-ah-la-lu
71. _sipa u8 udu hi-a_
72. a-na _a-sza3_ id-di-ma
73. _a-sza3 u8 udu hi-a_
74. usz-ta-ki-il
75. _sipa a-sza3_ u2-sza-ki-lu
76. i-na-s,a-ar-ma
77. i-na _buru14_
78. 1(bur3) _GAN2_-e
@columnn 16
1. 1(gesz2) _sze gur_
2. a-na be-el _a-sza3_
3. i-ma-ad-da-ad
@law 59
4. szum-ma a-wi-lum
5. ba-lum be-el _{gesz}kiri6_
6. i-na _{gesz}kiri6_ a-wi-lim
7. i-s,a-am ik-ki-is
8. 1/2(disz) _ma-na ku3-babbar_
9. i-sza-qal
@law 60
10. szum-ma a-wi-lum
11. _a-sza3_ a-na _{gesz}kiri6_ [za]-qa2-pi2-im
12. [a]-na# _nu-{gesz}kiri6_ id-di-in
13. _nu-{gesz}kiri6_
14. _{gesz}kiri6_ iz-qu2-up
15. _mu 4(disz)-kam_
16. _{gesz}kiri6_ u2-ra-ab-ba
17. i-na ha-mu-usz-tim
18. sza-at-tim
19. be-el _{gesz}kiri6_
20. u3 _nu-{gesz}kiri6_
21. mi-it-ha-ri-isz
22. i-zu-zu
23. be-el _{gesz}kiri6_
24. _ha-la_-szu
25. i-na-sa3-aq-ma
26. i-le-qe2
@law 61
27. szum-ma _nu-{gesz}kiri6_
28. _a-sza3_ i-na za-qa2-pi2-im
29. la ig-mur-ma
30. ni-di-tam i-zi-ib
31. ni-di-tam
32. a-na li-ib-bi _ha-la_-szu
33. i-sza-ak-ka-nu-szum
@law 62
34. szum-ma _a-sza3_
35. sza in-na-ad-nu-szum
36. a-na _{gesz}kiri6_ la iz-qu2-up
37. szum-ma _ab-sin2_
38. _gun a-sza3_
39. sza sza-na-tim
40. sza in-na-du-u2
41. _nu-{gesz}kiri6_
42. a-na be-el _a-sza3_
43. ki-ma i-te-szu
44. i-ma-ad-da-ad
45. u3 _a-sza3_ szi-ip-ra-am
46. i-ip-pe2-esz-ma
47. a-na be-el _a-sza3_ u2-ta-ar
@law 63
48. szum-ma _a-sza3 |KI.KAL|_
49. _a-sza3_ szi-ip-ra-am
50. i-ip-pe2-esz-ma
51. _a-sza3_ be-el _a-sza3_
52. u2-ta-ar
53. u3 1(bur3) _GAN2_-e
54. 1(u) _sze gur_
55. sza sza-at-tim
56. isz-ti-a-at
57. i-ma-ad-da-ad
@law 64
58. szum-ma a-wi-lum
59. _{gesz}kiri6_-szu
60. a-na _nu-{gesz}kiri6_
61. a-na ru-ku-bi-im
62. id-di-in
63. _nu-{gesz}kiri6_
64. a-di _{gesz}kiri6_ s,a-ab-tu
65. i-na bi-la-at _{gesz}kiri6_
66. szi-it-ti-in
67. a-na be-el _{gesz}kiri6_
68. i-na-ad-di-in
69. sza-lu-usz-tam
70. szu-u2 i-le-qe2
@law 65
71. szum-ma _nu-{gesz}kiri6_
72. _{gesz}kiri6_ la u2-ra-ak-ki-ib-ma
73. bi-il-tam um-ta-t,i
74. _nu-{gesz}kiri6_
75. bi-la-at _{gesz}kiri6_
76. a-na i-te-szu
@columnn 17
$columnn missing
1. [i-ma-ad-da-ad]
2. [...]
@reverse
@columnn 1
1. s,i-ba-a-at _ku3-babbar_
2. ma-la il-qu2-u2
3. i-sa-ad-dar-ma
4. u4-mi-szu
5. i-ma-an-nu-u2-ma
6. _dam-gar3_-szu
7. i-ip-pa-al
@law 101
8. szum-ma a-szar il-li-ku
9. ne-me-lam
10. la i-ta-mar
11. _ku3-babbar_ il-qu2-u2
12. usz-ta-sza-na-ma
13. _szaman2-la2_ a-na _dam-gar3_
14. i-na-ad-di-in
@law 102
15. szum-ma _dam-gar3_
16. a-na _szaman2-la2_
17. _ku3-babbar_ a-na ta-ad-mi-iq-tim
18. it-ta-di-in-ma
19. a-szar il-li-ku
20. bi-ti-iq-tam
21. i-ta-mar
22. qa2-qa2-ad _ku3-babbar_
23. a-na _dam-gar3_ u2-ta-ar
@law 103
24. szum-ma har-ra-nam
25. i-na a-la-ki-szu
26. na-ak-ru-um
27. mi-im-ma sza na-szu-u2
28. usz-ta-ad-di-szu
29. _szaman2-la2_ ni-isz i-lim
30. i-za-kar-ma
31. u2-ta-asz-szar
@law 104
32. szum-ma _dam-gar3_
33. a-na _szaman2-la2_
34. _sze siki i3-gisz_
35. u3 mi-im-ma bi-sza-am
36. a-na pa-sza-ri-im
37. id-di-in
38. _szaman2-la2 ku3-babbar_
39. i-sa-ad-dar-ma
40. a-na _dam-gar3_
41. u2-ta-ar
42. _szaman2-la2_ ka-ni-ik _ku3-babbar_
43. sza a-na _dam-gar3_
44. i-na-ad-di-nu
45. i-le-qe2
@law 105
46. szum-ma _szaman2-la2_
47. i-te-gi-ma
48. ka-ni-ik _ku3-babbar_
49. a-na _dam-gar3_
50. id-di-nu
51. la-il-te-qe2
52. _ku3-babbar_ la ka-ni-ki-im
53. a-na ni-ik-ka-as-si2-im
54. u2-ul isz-sza-ak-ka-an
@law 106
55. szum-ma _szaman2-la2_
56. _ku3-babbar_ it-ti _dam-gar3_
57. il-qe2-ma
58. _dam-gar3_-szu
59. it-ta-ki-ir
60. _dam-gar3_ szu-u2
61. i-na ma-har i-lim u3 szi-bi
62. i-na _ku3-babbar_ le-qe2-em
63. _szaman2-la2_ u2-ka-an-ma
64. _szaman2-la2 ku3-babbar_
65. ma-la il-qu2-u2
66. _a-ra2_ 3(disz)-szu a-na _dam-gar3_
67. i-na-ad-di-in
@law 107
68. szum-ma _dam-gar3 ku3-babbar_
69. _szaman2-la2_ i-qi2-ip-ma
70. _szaman2-la2_ mi-im-ma
71. sza _dam-gar3_ id-di-nu-szum
72. a-na _dam-gar3_-szu
@columnn 2
1. ut-te-er
2. _dam-gar3_ mi-im-ma
3. sza _szaman2-la2_
4. id-di-nu-szum
5. it-ta-ki-ir-szu
6. _szaman2-la2_ szu-u2
7. i-na ma-har i-lim u3 szi-bi
8. _dam-gar3_ u2-ka-an-ma
9. _dam-gar3_ asz-szum _szaman2-la2_-szu
10. ik-ki-ru
11. mi-im-ma sza il-qu2-u2
12. _a-ra2_ 6(disz)-szu
13. a-na _szaman2-la2_
14. i-na-ad-di-in
@law 108
15. szum-ma _munus-kurun-na_
16. a-na _sa10# kasz_
17. _sze_ la im-ta-har
18. i-na _na4_ ra-bi-tim
19. _ku3-babbar_ im-ta-har
20. u3 _ganba kasz_
21. a-na _ganba sze_ um-ta-t,i
22. _munus-kurun-na_ szu-a-ti
23. u2-ka-an-nu-szi-ma
24. a-na me#-e
25. i-na#-[ad]-du#-u2-szi
@law 109
26. szum#-ma# _munus-kurun-na_
27. sa3-ar#-ru-tum
28. i-na _e2_-sza
29. it-tar-ka-su2#?-ma
30. sa3-ar-ru-tim szu-nu-ti
31. la is,-s,a-ab-tam-ma
32. a-na _e2-gal_
33. la ir-de-a-am
34. _munus-kurun-na_ szi-i
35. id-da-ak
@law 110
36. szum#-ma _lukur nin-dingir_
37. sza i-na _ga2-gi4-a_
38. la wa-asz-ba-at
39. _e2 kurun-na_ ip-te-te
40. u3 lu a-na _kasz_
41. a-na _e2 kurun-na_
42. i-te-ru-ub
43. a-wi-il-tam szu-a-ti
44. i-qal-lu-u2-szi
@law 111
45. szum-ma _munus-kurun-na_
46. 1(disz) _kasz dida ka gag_
47. a-na qi2-ip-tim id-di-in
48. i-na _buru14_
49. 5(ban2) _sze_ i-le-qe2
@law 112
50. szum-ma a-wi-lum
51. i-na har-ra-nim
52. wa-szi-ib-ma
53. _ku3-babbar ku3-sig17 na4_
54. u3 bi-isz qa2-ti-szu
55. a-na a-wi-lim
56. id-di-in-ma
57. a-na szi-bu-ul-tim
58. u2-sza-bil2-szu
59. a-wi-lum szu-u2
60. mi-im-ma sza szu-bu-lu
61. a-szar szu-bu-lu
62. la id-[di]-in-ma
63. it-ba-al
64. be-el szi-bu-ul-tim
65. a-wi-lam szu-a-ti
66. i-na mi-im-ma
67. sza szu-bu-lu-ma
68. la id-di-nu
69. u2-ka-an-nu-szu-ma
70. a-wi-lum szu-u2
71. _a-ra2_ 5(disz)-szu mi-im-ma
72. sza in-na-ad-nu-szum
73. a-na be-el szi-bu-ul-tim
74. i-na-ad-di-in
@law 113
75. szum-ma a-wi-lum
76. e-li a-wi-lim
@columnn 3
1. _sze_ u3 _ku3-babbar_ i-szu-ma
2. i-na ba-lum be-el _sze_
3. i-na na-asz-pa-ki-im
4. u3 lu i-na ma-asz-ka-nim
5. _sze_ il-te-qe2
6. a-wi-lam szu-a-ti
7. i-na ba-lum be-el _sze_
8. i-na na-asz-pa-ki-im
9. u3# lu i-na _kislah_
10. i#-na# _sze_ le-qe2-em
11. u2-ka-an-nu-szu-ma
12. _sze_ ma-la il-qu2-u2
13. u2-ta-ar
14. u3 i-na mi-im-ma szum-szu
15. ma-la id-di-nu
16. i-te-el-li
@law 114
17. szum-ma a-wi-lum
18. e-li a-wi-lim
19. _sze_ u3 _ku3-babbar_
20. la i-szu-ma
21. ni-pu-su2 it-te-pe2
22. a-na ni-pu-tim
23. isz-ti-a-at
24. 1/3(disz) _ma-na ku3-babbar_
25. i-sza-qal
@law 115
26. szum-ma a-wi-lum
27. e-li a-wi-lim
28. _sze_ u3 _ku3-babbar_
29. i-szu-ma
30. ni-pu-su2 ip-pe2-ma
31. ni-pu-tum
32. i-na _e2_ ne-pi2-sza
33. i-na szi-ma-ti-sza
34. im-tu-ut
35. di-nu-um szu-u2
36. ru-gu-um-ma-am
37. u2-ul i-szu
@law 116
38. szum-ma ni-pu-tum
39. i-na _e2_ ne-pi2-sza
40. i-na ma-ha-s,i2-im
41. u3-lu i-na usz-szu-szi-im
42. im-tu-ut
43. be-el ni-pu-tim
44. _dam-gar3_-szu
45. u2-ka-an-ma
46. szum-ma _dumu_ a-wi-lim
47. _dumu_-szu i-du-uk-ku
48. szum-ma _ARAD2_ a-wi-lim
49. 1/3(disz) _ma-na ku3-babbar_
50. i-sza-qal
51. u3 i-na mi-im-ma szum-szu
52. ma-la id-di-nu
53. i-te-el-li
@law 117
54. szum-ma a-wi-lam
55. e-hi-il-tum
56. is,-ba-su2-ma
57. _dam_-su2 _dumu_-szu u3 _dumu-munus_-su2
58. a-na _ku3-babbar_ id-di-in
59. u3 lu a-na ki-isz-sza-tim
60. it-ta-an-di-in
61. _mu 3(disz)-kam_
62. _e2_ sza-a-a-ma-ni-szu-nu
63. u3 ka-szi-szi-szu-nu
64. i-ip-pe2-szu i-na re-bu-tim
65. sza-at-tim
66. an-du-ra-ar-szu-nu
67. isz-sza-ak-ka-an
@law 118
68. szum-ma _ARAD2_ u3 lu _geme2_
69. a-na ki-isz-sza-tim
70. it-ta-an-di-in
71. _dam-gar3_ u2-sze-te-eq
72. a-na _ku3-babbar_ i-na-ad-din
73. u2-ul ib-ba-qar
@law 119
74. szum-ma a-wi-lam
75. e-hi-il-tum
76. is,-ba-su2-ma
77. _geme2_-su2 sza _dumu-mesz_ ul-du-szum
78. a-na _ku3-babbar_ it-ta-din
@columnn 4
1. _ku3-babbar dam-gar3_ isz-qu2-lu
2. be-el _geme2#_ i-sza-qal-ma
3. _geme2_-su2 i-pa-t,ar2#
@law 120
4. szum-ma a-wi-lum
5. sze-szu a-na na-asz-pa-ku-tim
6. i-na _e2_ a-wi-lim
7. isz-pu-uk-ma
8. i-na qa2-ri-tim
9. i-ib-bu-u2-um it-tab-szi
10. u3 lu be-el _e2_
11. na-asz-pa-kam ip-te-ma
12. _sze_ il-qe2
13. u3 lu _sze_ sza a-na _e2_-szu
14. isz-sza-ap-ku
15. a-na ga-am-ri-im
16. it-ta-ki-ir
17. be-el _sze_ ma-har i-lim
18. sze-szu u2-ba-ar-ma
19. be-el _e2_
20. _sze_ sza il-qu2-u2
21. usz-ta-sza-na-ma
22. a-na be-el _sze_
23. i-na-ad-di-in
@law 121
24. szum-ma a-wi-lum
25. i-na _e2_ a-wi-lim
26. _sze_ isz-pu-uk
27. i-na sza-na-at
28. a-na _1(asz) sze gur-e 5(disz) sila3 sze_
29. _a2_ na-asz-pa-ki-im
30. i-na-ad-di-in
@law 122
31. szum-ma a-wi-lum
32. a-na a-wi-lim
33. _ku3-babbar ku3-sig17_
34. u3 mi-im-ma szum-szu
35. a-na ma-s,a-ru-tim
36. i-na-ad-di-in
37. mi-im-ma ma-la
38. i-na-ad-di-nu
39. szi-bi-u2-kal2-lam
40. ri-ik-sa-tim
41. i-sza-ak-ka-an-ma
42. a-na ma-s,a-ru-tim
43. i-na-ad-di-in
@law 123
44. szum-ma ba-lum szi-bi
45. u3 ri-ik-sa-tim
46. a-na ma-s,a-ru-tim
47. id-di-in-ma
48. a-sar id-di-nu
49. it-ta-ak-ru-szu
50. di-nu-um szu-u2
51. ru-gu-um-ma-am
52. u2-ul i-szu
@law 124
53. szum-ma a-wi-lum
54. a-na a-wi-lim
55. _ku3-babbar ku3-sig17_
56. u3 mi-im-ma szum-szu
57. ma-har szi-bi
58. a-na ma-s,a-ru-tim
59. id-di-in-ma
60. it-ta-ki-ir-szu
61. a-wi-lam szu-a-ti
62. u2-ka-an-nu-szu-ma
63. mi-im-ma sza ik-ki-ru
64. usz-ta-sza-na-ma
65. i-na-ad-di-in
@law 125
66. szum-ma a-wi-lum
67. mi-im-ma-szu
68. a-na ma-s,a-ru-tim id-di-in-ma
69. a-szar id-di-nu
70. u3 lu a-na pi2-il-szi-im
71. u3 lu i-na na-ba;-al-ka-at-tim
73. mi-im-mu-szu
74. it-ti mi-im-me-e
75. be-el _e2_ ih-ta-li-iq be-el _e2_ sza i-gu-ma
76. mi-im-ma sza a-na
77. ma-s,a-ru-tim id-di-nu-szum-ma
78. u2-hal-li-qu2
79. u2-sza-lam-ma
@columnn 5
1. a-na be-el _nig2-gur11_
2. i-ri-a-ab
3. be-el _e2_
4. mi-im-ma-szu hal-qa2-am
5. isz#-te-ne-i-ma
6. [it]-ti szar-ra-qa2-ni-szu
7. i-le-qe2
@law 126
8. szum-ma# [a]-wi-lum
9. mi-im-mu-szu
10. la ha-li-iq#-ma
11. mi-im-me-e
12. ha-li-iq iq-ta-bi
13. ba-ab-ta-szu
14. u2-te-eb-bi-ir
15. ki-ma mi-im-mu-szu
16. la hal-qu2
17. ba-ab-ta-szu
18. i-na ma-har i-lim
19. u2-ba-ar-szu-ma
20. mi-im-ma
21. sza ir-gu-mu
22. usz-ta-sza-na-ma
23. a-na ba-ab-ti-szu
24. i-na-ad-di-in
@law 127
25. szum-ma a-wi-lum
26. e-li _nin-dingir_
27. u3 a-sza-at a-wi-lim
28. u2-ba-nam u2-sza-at-ri-is,-ma
29. la uk-ti-in
30. a-wi-lam szu-a-ti
31. ma-har da-a-a-ni
32. i-na-ad-du-u2-szu
33. u3 mu-ut-ta-su2
34. u2-gal-la-bu
@law 128
35. szum-ma a-wi-lum
36. asz-sza-tam
37. i-hu-uz-ma
38. ri-ik-sa-ti-sza
39. la isz-ku-un
40. _munus_ szi-i
41. u2-ul asz-sza-at
@law 129
42. szum-ma asz-sza-at a-wi-lim
43. it-ti zi-ka-ri-im
44. sza-ni-im
45. i-na i-tu-lim
46. it-ta-as,-bat
47. i-ka-su2-szu-nu-ti-ma
48. a-na me-e
49. i-na-ad-du-u2-szu-nu-ti
50. szum-ma be-el asz-sza-tim
51. asz-sza-su2 u2-ba-la-at,
52. u3 szar-ru-um
53. _ARAD2_-su2 u2-ba-la-at,
@law 130
54. szum-ma a-wi-lum
55. asz-sza-at a-wi-lim
56. sza zi-ka-ra-am
57. la i-du-u2-ma
58. i-na _e2_ a-bi-sza
59. wa-asz-ba-at
60. u2-kab-bil2-szi-ma
61. i-na su-ni-sza
62. it-ta-ti-il-ma
63. is,-s,a-ab-tu-szu
64. a-wi-lum szu-u2
65. id-da-ak
66. _munus_ szi-i
67. u2-ta-a-sza-ar
@law 131
68. szum-ma asz#-sza-at
69. a-wi-lim
70. mu-sa3 u2-ub-bi-ir-szi-ma
71. it-ti zi-ka-ri-im sza-ni-im
72. i-na u2-tu-lim
73. la is,-s,a-bi-it
74. ni-isz i-lim
75. i-za-kar-ma
76. a-na _e2_-sza i-ta-ar
@law 132
77. szum-ma asz-sza-at
78. a-wi-lim
79. asz-szum zi-ka-ri-im sza-ni-im
80. u2-ba-nu-um
81. e-li-sza
82. it-ta-ri-is,-ma
83. it-ti zi-ka-ri-im
@columnn 6
1. sza-ni-im
2. i-na u2-tu-lim
3. la it-ta-as,-ba-at
4. a-na mu-ti-sza
5. {d}i7
6. i-sza-al-li
@law 133
7. szum-ma a-wi-lum
8. isz-sza-li-il-ma
9. i-na _e2_-szu
10. sza a-ka-lim
11. [i]-ba-asz-szi
12. [asz-sza]-su2
13. [a-di mu?]-sa3 [s,a-ab]-tu#?
14. [pa-gar3]-sza#
15. [i-na-s,a]-ar#
16. [a-na _e2_ sza-ni]-im#
17. [u2-ul i-ir]-ru-ub
18. szum#-[ma] _munus_ szi-i
19. [pa]-gar3#-sza
20. la is,-s,ur-ma
21. a-na _e2_ sza-ni-im
22. i-te-ru-ub
23. _munus_ szu-a-ti
24. u2-ka-an-nu-szi-ma
25. a-na me-e
26. i-na-ad-du-u2-szi
@law 134
27. szum-ma a-wi-lum
28. isz-sza-li-il-ma
29. i-na _e2_-szu
30. sza a-ka-li-im
31. la i-ba-asz-szi
32. asz-sza-su2
33. a-na _e2_ sza-ni-im
34. i-ir-ru-ub
35. _munus_ szi-i
36. ar-nam u2-ul i-szu
@law 135
37. szum-ma a-wi-lum
38. isz-sza-li-il-ma
39. i-na _e2_-szu
40. sza a-ka-li-im
41. la i-ba-asz-szi
42. a-na pa-ni-szu
43. asz-sza-su2
44. a-na _e2_ sza-ni-im
45. i-te-ru-ub-ma
46. _dumu-mesz_ it-ta-la-ad
47. i-na wa-ar-ka
48. mu-sa3 it-tu-ra-am-ma
49. _iri_-szu
50. ik-ta-asz2-dam
51. _munus_ szi-i
52. a-na ha-wi-ri-sza
53. i-ta-ar
54. _dumu-mesz_ wa-ar-ki
55. a-bi-szu-nu
56. i-il-la-ku
@law 136
57. szum-ma a-wi-lum
58. _iri_-szu id-di-ma
59. it-ta-bi-it
60. wa-ar-ki-szu
61. asz-sza-su2
62. a-na _e2_ sza-ni-im
63. i-te-ru-ub
64. szum-ma a-wi-lum szu-u2
65. it-tu-ra-am-ma
66. asz-sza-su2
67. is,-s,a-ba-at
68. asz-szum _iri_-szu
69. i-ze-ru-ma
70. in-na-bi-tu
71. asz-sza-at mu-na-ab-tim
72. a-na mu-ti-sza
73. u2-ul i-ta-ar
@law 137
74. szum-ma a-wi-lum
75. a-na {munus}szu-gi4-tim
76. sza _dumu-mesz_ ul-du-szum u3 lu _lukur_ sza _dumu-mesz_
77. u2-szar-szu-szu
78. e-ze2-bi-im
79. pa-ni-szu
80. isz-ta-ka-an
81. a-na _munus_ szu-a-ti
82. sze-ri-ik-ta-sza
83. u2-ta-ar-ru-szi-im
84. u3 mu-ut-ta-at
85. _a-sza3 {gesz}kiri6_ u3 bi-szi-im
@columnn 7
1. i-na-ad-di-nu-szi-im-ma
2. _dumu-mesz_-sza
3. u2-ra-ab-ba
4. isz-tu _dumu-mesz_-sza
5. ur2-ta-ab-bu-u2
6. i-na mi-im-ma
7. sza a-na _dumu-mesz_-sza
8. in-na-ad-nu
9. zi2-it-tam
10. ki-ma ap-lim isz-te-en
11. i-na-ad-di-nu-szi-im-ma
12. mu-tu li-ib-bi-sza
13. i-ih-ha-as-si2
@law 138
14. szum-ma a-wi-lum
15. hi-ir-ta-szu
16. sza _dumu-mesz_ la ul-du-szum
17. i-iz-zi-ib
18. _ku3-babbar_ ma-la
19. ter-ha-ti-sza
20. i-na-ad-di-isz-szi-im
21. u3 sze-ri-ik-tam
22. sza isz-tu _e2_ a-bi-sza ub-lam
23. u2-sza-lam-szi-im-ma
24. i-iz-zi-ib-szi
@law 139
25. szum-ma ter-ha-tum
26. la i-ba-asz-szi
27. 1(disz) ma-na _ku3-babbar_
28. a-na u2-zu-ub-be2-em
29. i-na-ad-di-isz-szi-im
@law 140
30. szum-ma _|MASZ.EN.GAG|!_
# MASZ-EN-NI
31. 1/3(disz) _ma-na ku3-babbar_
32. i-na-ad-di-isz-szi-im
@law 141
33. szum-ma asz-sza-at a-wi-lim
34. sza i-na _e2_ a-wi-lim
35. wa-asz-ba-at
36. a-na wa-s,e-em
37. pa-ni-sza
38. isz-ta-ka-an-ma
39. si2-ki-il-tam
40. i-sa3-ak-ki-il
41. _e2_-sa3 u2-sa3-ap-pa-ah
42. mu-sa3 u2-sza-am-t,a
43. u2-ka-an-nu-szi-ma
44. szum-ma mu-sa3
45. e-ze2-eb-sza
46. iq-ta-bi
47. i-iz-zi-ib-szi
48. ha-ra-an-sza
49. u2-zu-ub-bu-sza
50. mi-im-ma
51. u2-ul in-na-ad-di-isz-szi-im
52. szum-ma mu-sa3
53. la e-ze2-eb-sza iq-ta-bi
54. mu-sa3 _munus_ sza-ni-tam
55. i-ih-ha-az
56. _munus_ szi-i
57. ki-ma _geme2_
58. i-na _e2_ mu-ti-sza
59. usz-sza-ab
@law 142
60. szum-ma _munus_ mu-sa3 i-ze-er-ma
61. u2-ul ta-ah-ha-za-an-ni
62. iq-ta-bi
63. wa-ar-ka-sa3
64. i-na ba-ab-ti-sza
65. ip-pa-ar-ra-as2-ma
66. szum-ma na-as,-ra-at-ma
67. hi-t,i-tam
68. la i-szu
69. u3 mu-sa6
70. wa-s,i2-ma
71. ma-ga-al
72. u2-sza-am-t,a-szi
73. _munus_ szi-i
@columnn 8
1. ar-nam u2-ul i-szu
2. sze-ri-ik-ta-sza
3. i-le-qe2-ma
4. a-na _e2_ a-bi-sza
5. it-ta-al-la-ak
@law 143
6. szum-ma la na-as,-ra-at-ma
7. wa-s,i2-a-at
8. bi-sa3 u2-sa3-ap-pa-ah
9. mu-sa3 u2-sza-am-t,a
10. _munus_ szu-a-ti
11. a-na me-e
12. i-na-ad-du-u2-szi
@law 144
13. szum-ma a-wi-lum
14. _lukur_ i-hu-uz-ma
15. _lukur_ szi-i
16. _geme2_ a-na mu-ti-sza
17. id-di-in-ma
18. _dumu-mesz_ usz-tab-szi
19. a-wi-lum szu-u2
20. a-na {munus}szu-gi4-tim
21. a-ha-zi-im
22. pa-ni-szu
23. isz-ta-ka-an
24. a-wi-lam szu-a-ti
25. u2-ul i-ma-ag-ga-ru-szu
26. {munus}szu-gi4-tam
27. u2-ul i-ih-ha-az
@law 145
28. szum-ma a-wi-lum
29. _lukur_ i-hu-uz-ma
30. _dumu-mesz_ la u2-szar-szi-szu-ma
31. a-na {munus}szu-gi4-tim
32. a-ha-zi-im
33. pa-ni-szu
34. isz-ta-ka-an
35. a-wi-lum szu-u2
36. {munus}szu-gi4-tam
37. i-ih-ha-az
38. a-na _e2_-szu
39. u2-sze-er-re-eb-szi
40. {munus}szu-gi4-tum szi-i
41. it-ti _lukur_
42. u2-ul usz-ta-ma-ah-ha-ar
@law 146
43. szum-ma a-wi-lum
44. _lukur_ i-hu-uz-ma
45. _geme2_ a-na mu-ti-sza
46. id-di-in-ma
47. _dumu-mesz_ it-ta-la-ad
48. wa-ar-ka-nu-um
49. _geme2_ szi-i
50. it-ti be-el-ti-sza
51. usz-ta-tam-hi-ir
52. asz-szum _dumu-mesz_ ul-du
53. be-le-sa3
54. a-na _ku3-babbar_
55. u2-ul i-na-ad-di-isz-szi
56. ab-bu-ut-tam
57. i-sza-ak-ka-an-szi-ma
58. it-ti _geme2 hi-a_
59. i-ma-an-nu-szi
@law 147
60. szum-ma _dumu-mesz_
61. la u2-li-id
62. be-le-sa3
63. a-na _ku3-babbar_
64. i-na-ad-di-isz-szi
@law 148
65. szum-ma a-wi-lum
66. asz-sza-tam
67. i-hu-uz-ma
68. la-a'-bu-um
69. is,-s,a-ba-as-si2
70. a-na sza-ni-tim
71. a-ha-zi-im
72. pa-ni-szu
73. isz-ta-ka-an
74. i-ih-ha-az
75. asz-sza-su2
76. sza la-a'-bu-um
77. is,-ba-tu
78. u2-ul i-iz-zi-ib-szi
79. i-na _e2_ i-pu-szu
80. usz-sza-am-ma
81. a-di ba-al-t,a-at it-ta-na-asz-szi-szi
@columnn 9
@law 149
1. szum-ma _munus_ szi-i
2. i-na _e2_ mu-ti-sza
3. wa-sza-ba-am
4. la im-ta-gar3
5. sze-ri-ik-ta-sza
6. sza isz-tu _e2_ a-bi-sza
7. ub-lam
8. u2-sza#-lam-szim-ma
9. it-ta-al-la-ak
@law 150
10. szum-ma a-wi-lum
11. a-na asz-sza-ti-szu
12. _a-sza3 {gesz}kiri6 e2_
13. u3 bi-sza-am
14. isz-ru-uk-szim
15. ku-nu-uk-kam
16. i-zi-ib-szi-im
17. wa-ar-ki mu-ti-sza
18. _dumu-mesz_-sza u2-ul i-ba-qa2-ru-szi
19. um-mu-um
20. wa-ar-ka-sa3
21. a-na _dumu_-sza
22. sza i-ra-am-mu
23. i-na-ad-di-in
24. a-na a-hi-im
25. u2-ul i-na-ad-di-in
@law 151
26. szum-ma _munus_
27. sza i-na _e2_ a-wi-lim
28. wa-asz-ba-at
29. asz-szum be-el hu-bu-ul-lim
30. sza mu-ti-sza
31. la s,a-ba-ti-sza
32. mu-sa3 ur2-ta-ak-ki-is
33. t,up-pa-am
34. usz-te-zi-ib
35. szum-ma a-wi-lum
36. la-ma _munus_ szu-a-ti
37. i-ih-ha-zu
38. hu-bu-ul-lum
39. e-li-szu
40. i-ba-asz-szi
41. be-el hu-bu-ul-li-szu
42. asz-sza-su2
43. u2-ul i-s,a-ba-tu
44. u3 szum-ma _munus_ szi-i
45. la-ma a-na _e2_ a-wi-lim
46. i-ir-ru-bu
47. hu-bu-ul-lum
48. e-li-sza
49. i-ba-asz-szi
50. be-el hu-bu-ul-li-sza
51. mu-sa3 u2-ul i-s,a-ba-tu
@law 152
52. szum-ma isz-tu
53. _munus_ szi-i
54. a-na _e2_ a-wi-lim
55. i-ru-bu
56. e-li-szu-nu
57. hu-bu-ul-lum
58. it-tab-szi
59. ki-la-la-szu-nu
60. _dam-gar3_ i-ip-pa-lu
@law 153
61. szum-ma asz-sza-at a-wi-lim
62. asz-szum zi-ka-ri-im
63. sza-ni-im
64. mu-sa3 usz-di-ik
65. _munus_ szu-a-ti i-na ga-szi-szi-im
66. i-sza-ak-ka-nu-szi
@law 154
67. szum-ma a-wi-lum
68. _dumu-munus_-su2
69. il-ta-ma-ad
70. a-wi-lam szu-a-ti
71. _iri_ u2-sze-es,-s,u2-u2-szu
@law 155
72. szum-ma a-wi-lum
73. a-na _dumu_-szu
74. _e2-gi4-a_ i-hi-ir-ma
75. _dumu_-szu il-ma-si2
76. szu-u2 wa-ar-ka-nu-um
77. i-na su2-ni-sza
78. it-ta-ti-il-ma
79. is,-s,a-ab-tu-szu
80. a-wi-lam szu-a-ti
81. i-ka-su2-szu-ma
82. a-na me-e
@columnn 10
1. i-na-ad-du-u2-szi!
@law 156
2. szum-ma a-wi-lum
3. a-na _dumu_-szu
4. _e2-gi4-a_
5. i-hi-ir-ma
6. _dumu_-szu la il-ma-si2-ma
7. szu-u2 i-na su2-ni-sza
8. it-ta-ti-il
9. 1/2(disz) _ma-na ku3-babbar_
10. i-sza-qal-szi-im-ma
11. u3 mi-im-ma
12. sza isz-tu
13. _e2_ a-bi-sza
14. ub-lam
15. u2-sza-lam-szi-im-ma
16. mu-tu li-ib-bi-sza
17. i-ih-ha-as-si2
@law 157
18. szum-ma a-wi-lum
19. wa-ar-ki a-bi-szu
20. i-na su2-un um-mi-szu
21. i-ta-ti-il
22. ki-la-li-szu-nu
23. i-qal-lu-u2-szu-nu-ti
@law 158
24. szum-ma a-wi-lum
25. wa-ar-ki a-bi-szu
26. i-na su2-un
27. ra-bi-ti-szu
28. sza _dumu-mesz_ wa-al-da-at
29. it-ta-as,-ba-at
30. a-wi-lum szu-u2
31. i-na _e2 a-ba_
32. in-na-as-sa3-ah
@law 159
33. szum-ma a-wi-lum
34. sza a-na _e2_ e-mi-szu
35. bi-ib-lam
36. u2-sza-bi-lu
37. ter-ha-tam id-di-nu
38. a-na _munus_ sza-ni-tim
39. ub-ta-al-li-is,-ma
40. a-na e-mi-szu
41. _dumu-munus_-ka
42. u2-ul a-ha-az iq-ta-bi
43. a-bi _dumu-munus_
44. mi-im-ma
45. sza ib-ba-ab-lu-szum
46. i-tab-ba-al
@law 160
47. szum-ma a-wi-lum
48. a-na _e2_ e-mi-im
49. bi-ib-lam
50. u2-sza-bi-il
51. ter-ha-tam
52. id-di-in-ma
53. a-bi _dumu-munus_
54. _dumu-munus_-i u2-ul a-na-ad-di-ik-kum
55. iq-ta-bi
56. mi-im-ma ma-la
57. ib-ba-ab-lu-szum
58. usz-ta-sza-an-na-ma
59. u2-ta-ar
@law 161
60. szum-ma a-wi-lum
61. a-na _e2_ e-mi-szu
62. bi-ib-lam u2-sza-bil2
63. ter-ha-tam
64. id-di-in-ma
65. i-bi-ir-szu
66. uk-tar-ri-su2
67. e-mu-szu
68. a-na be-el asz-sza-tim
69. _dumu-munus_-i u2-ul ta-ah-ha-az
70. iq-ta-bi
71. mi-im-ma ma-la
72. ib-ba-ab-lu-szum
73. usz-ta-sza-an-na-ma
74. u2-ta-ar
75. u3 asz-sza-su2
76. i-bi-ir-szu
77. u2-ul i-ih-ha-az
@law 162
78. szum-ma a-wi-lum
79. asz-sza-tam
80. i-hu-uz
81. _dumu-mesz_ u2-li-sum2-ma
82. _munus_ szi-i
83. a-na szi-im-tim
@columnn 11
1. it-ta-la-ak
2. a-na sze-ri-ik-ta-sza
3. a-bu-sza
4. u2-ul i-ra-ag-gu-um
5. sze-ri-ik-ta-sza
6. sza _dumu-mesz_-sza-ma
@law 163
7. szum-ma a-wi-lum
8. asz-sza-tam
9. i-hu-uz-ma
10. _dumu-mesz_ la u2-szar-szi-szu
11. _munus_ szi-i
12. a-na szi-im-tim
13. it-ta-la-ak
14. szum-ma ter-ha-tam
15. sza a-wi-lum szu-u2
16. a-na _e2_ e-mi-szu ub-lu
17. e-mu-szu
18. ut-te-er-szum
19. a-na sze-ri-ik-ti
20. _munus_ szu-a-ti
21. mu-sa3 u2-ul i-ra-ag-gu-um
22. sze-ri-ik-ta-sza
23. sza _e2_ a-bi-sza-ma
@law 164
24. szum-ma e-mu-szu
25. ter-ha-tam
26. la ut-te-er-szum
27. i-na sze-ri-ik-ti-sza
28. ma-la ter-ha-ti-sza
29. i-har-ra-as,-ma
30. sze-ri-ik-ta-sza
31. a-na _e2_ a-ta!-sza
32. u2-ta-ar
@law 165
33. szum-ma a-wi-lum
34. a-na _ibila_-szu
35. sza i-in-szu mah-ru
36. _a-sza3 {gesz}kiri6_ u3 _e2_
37. isz-ru-uk
38. ku-nu-kam isz-t,ur-szum
39. wa-ar-ka a-bu-um
40. a-na szi-im-tim
41. it-ta-al-ku
42. i-nu-ma ah-hu
43. i-zu-uz-zu
44. qi2-isz-ti a-bu-um
45. id-di-nu-szum
46. i-le-qe2-ma
47. e-le-nu-um-ma
48. i-na _nig2-gur11 e2 a-ba_
49. mi-it-ha-ri-isz
50. i-zu-uz-zu
@law 166
51. szum-ma a-wi-lum
52. a-na _dumu-mesz_ sza ir-szu-u2
53. asz-sza-tim i-hu-uz
54. a-na _dumu_-szu
55. s,e-eh-ri-im
56. asz-sza-tam
57. la i-hu-uz
58. wa-ar-ka a-bu-um
59. a-na szi-im-tim
60. it-ta-al-ku
61. i-nu-ma ah-hu
62. i-zu-uz-zu
63. i-na _nig2-gur11 e2 a-ba_
64. a-na a-hi-szu-nu
65. s,e-eh-ri-im
66. sza asz-sza-tam
67. la ah-zu
68. e-li-a-at
69. zi-it-ti-szu
70. _ku3-babbar_ ter-ha-tim
71. i-sza-ak-ka-nu-szum-ma
72. asz-sza-tam
73. u2-sza-ah-ha-zu-szu
@law 167
74. szum-ma a-wi-lum
75. asz-sza-tam
76. i-hu-uz-ma
77. _dumu-mesz_ u2-li-sum2
78. _munus_ szi-i
79. a-na szi-im-tim
80. it-ta-la-ak
81. wa-ar-ki-sza
82. _munus_ sza-ni-tam
83. i-ta-ha-az-ma
84. _dumu-mesz_ it-ta-la-ad
85. wa-ar-ka-nu-um
86. a-bu-um a-na szi-im-tim
87. it-ta-al-ku
@columnn 12
1. _dumu-mesz_ a-na um-ma-tim
2. u2-ul i-zu-uz-zu
3. sze-ri-ik-ti
4. um-ma-ti-szu-nu
5. i-le-qu2-ma
6. _nig2-gur11 e2 a-ba_
7. mi-it-ha-ri-isz
8. i-zu-uz-zu
@law 168
9. szum-ma a-wi-lum
10. a-na _dumu_-szu
11. na-sa-hi-im
12. pa-nam isz-ta-ka-an
13. a-na da-a-a-ni
14. _dumu_-i a-na-sa3-ah iq-ta-bi
15. da-a-a-nu
16. wa-ar-ka-su2
17. i-par2-ra-su-ma
18. szum-ma _dumu_ ar-nam kab-tam
19. sza i-na ap-lu-tim
20. na-sa-hi-im
21. la ub-lam
22. a-bu-um _dumu_-szu
23. i-na ap-lu-tim
24. u2-ul i-na-sa3-ah
@law 169
25. szum-ma ar-nam kab-tam
26. sza i-na ap-lu-tim
27. na-sa-hi-im
28. a-na a-bi-szu
29. it-ba-lam
30. a-na isz-ti-isz-szu
31. pa-ni-szu ub-ba-lu
32. szum-ma ar-nam kab-tam
33. a-di szi-ni-szu it-ba-lam
34. a-bu-um _dumu_-szu
35. i-na ap-lu-tim
36. i-na-sa3-ah
@law 170
37. szum-ma a-wi-lum
38. hi-ir-ta-szu
39. _dumu-mesz_ u2-li-sum2
40. u3 _geme2_-su2
41. _dumu-mesz_ u2-li-sum2
42. a-bu-um
43. i-na bu-ul-t,i3-szu
44. a-na _dumu-mesz_ sza _geme2_ ul-du-szum
45. _dumu-mesz_-u2-a iq-ta-bi
46. it-ti _dumu-mesz_ hi-ir-tim
47. im-ta-nu-szu-nu-ti
48. wa-ar-ka a-bu-um
49. a-na szi-im-tim
50. it-ta-al-ku
51. i-na _nig2-gur11 e2 a-ba_
52. _dumu-mesz_ hi-ir-tim
53. u3 _dumu-mesz geme2_
54. mi-it-ha-ri-isz
55. i-zu-uz-zu
56. _ibila dumu_ hi-ir-tim
57. i-na zi-it-tim
58. i-na-sa3-aq-ma
59. i-le-qe2
@law 171
60. u3 szum-ma a-bu-um
61. i-na bu-ul-t,i3-szu
62. a-na _dumu-mesz_ sza _geme2_ ul-du-szum
63. _dumu-mesz_-u2-a la iq-ta-bi
64. wa-ar-ka a-bu-um
65. a-na szi-im-tim
66. it-ta-al-ku
67. i-na _nig2-gur11 e2 a-ba_
68. _dumu-mesz geme2_
69. it-ti _dumu-mesz_ hi-ir-tim
70. u2-ul i-zu-uz-zu
71. an-du-ra-ar
72. _geme2_ u3 _dumu-mesz_-sza
73. isz-sza-ak-ka-an
74. _dumu-mesz_ hi-ir-tim
75. a-na _dumu-mesz geme2_
76. a-na wa-ar-du-tim
77. u2-ul i-ra-ag-gu-mu
78. hi-ir-tum
79. sze-ri-ik-ta-sza
80. u3 nu-du-un-na-am
81. sza mu-sa3
82. id-di-nu-szi-im
83. i-na t,up-pi2-im
84. isz-t,u2-ru-szi-im
85. i-le-qe2-ma
86. i-na szu-ba-at
87. mu-ti-sza usz-sza-ab
@columnn 13
1. a-di ba-al-t,a-at i-ik-ka-al
2. a-na _ku3-babbar_
3. u2-ul i-na-ad-di-in
4. wa-ar-ka-sa3
5. sza _dumu-mesz_-sza-ma
@law 172
6. szum-ma mu-sa3
7. nu-du-un-na-am
8. la id-di-isz-szi-im
9. sze-ri-ik-ta-sza
10. u2-sza-la-mu-szi-im-ma
11. i-na _nig2-gur11_
12. _e2_ mu-ti-sza
13. zi2-it-tam
14. ki-ma _ibila_ isz-te-en
15. i-le-qe2
16. szum-ma _dumu-mesz_-sza
17. asz-szum i-na _e2_ szu-s,i2-im
18. u2-sa3-ah-ha-mu-szi
19. da-a-a-nu
20. wa-ar-ka-sa3
21. i-par2-ra-su-ma
22. _dumu-mesz_ ar-nam
23. i-im-mi-du
24. _munus_ szi-i
25. i-na _e2_ mu-ti-sza
26. u2-ul us,-s,i2
27. szum-ma _munus_ szi-i
28. a-na wa-s,e-em
29. pa-ni-sza
30. isz-ta-ka-an
31. nu-du-un-na-am
32. sza mu-sa3
33. id-di-nu-szi-im
34. a-na _dumu-mesz_-sza
35. i-iz-zi-ib
36. sze-ri-ik-tam
37. sza _e2_ a-bi-sza
38. i-le-qe2-ma
39. mu-ut li-ib-bi-sza
40. i-ih-ha-as-si2
@law 173
41. szum-ma _munus_ szi-i
42. a-szar i-ru-bu
43. a-na mu-ti-sza
44. wa-ar-ki-im
45. _dumu-mesz_ it-ta-la-ad
46. wa-ar-ka _munus_ szi-i im-tu-ut
47. sze-ri-ik-ta-sza
48. _dumu-mesz_ mah-ru-tum
49. u3 wa-ar-ku-tum
50. i-zu-uz-zu
@law 174
51. szum-ma a-na mu-ti-sza
52. wa-ar-ki-im
53. _dumu-mesz_ la it-ta-la-ad
54. sze-ri-ik-ta-sza
55. _dumu-mesz_ ha-wi-ri-sza-ma
56. i-le-qu2-u2
@law 175
57. szum-ma lu _ARAD2 e2-gal_
58. u3 lu _ARAD2_
59. _|MASZ.EN.GAG|_
60. _dumu-munus_ a-wi-lim
61. i-hu-uz-ma
62. _dumu-mesz_
63. it-ta-la-ad
64. be-el _ARAD2_
65. a-na _dumu-mesz_
66. _dumu-munus_ a-wi-lim
67. a-na wa-ar-du-tim
68. u2-ul i-ra-ag-gu-um
@law 176
69. u3 szum-ma _ARAD2 e2-gal_
70. u3 lu _ARAD2 |MASZ.EN.GAG|_
71. _dumu-munus_ a-wi-lim
72. i-hu-uz-ma
73. i-nu-ma i-hu-zu-szi
74. qa2-du-um
75. sze-ri-ik-tim
76. sza _e2_ a-bi-sza
77. a-na _e2 ARAD2 e2-gal_
78. u3 lu _ARAD2 |MASZ.EN.GAG|_
79. i-ru-ub-ma
80. isz-tu in-ne-em-du
81. _e2_ i-pu-szu
82. bi-sza-am ir-szu-u2
83. wa-ar-ka-nu-um-ma
84. lu _ARAD2 e2-gal_
85. u3 lu _ARAD2 |MASZ.EN.GAG|_
86. a-na szi-im-tim
87. it-ta-la-ak
88. _dumu-munus_ a-wi-lim
89. sze-ri-ik-ta-sza
90. i-le-qe2
91. u3 mi-im-ma
92. sza mu-sa3 u3 szi-i
@columnn 14
1. isz-tu in-ne-em-du
2. ir-szu-u2
3. a-na szi-ni-szu
4. i-zu-uz-zu-ma
5. mi-isz-lam be-el _ARAD2_
6. i-le-qe2
7. mi-isz-lam
8. _dumu-munus_ a-wi-lim
9. a-na _dumu-mesz_-sza i-le-qe2
10. szum-ma _dumu-munus_ a-wi-lim
11. sze-ri-ik-tam la i-szu
12. mi-im#-ma sza mu-sa3 u3 szi-i
13. isz-tu in-ne-em-du
14. ir-szu-u2
15. a-na szi-ni-szu
16. i-zu-uz-zu-ma
17. mi-isz-lam be-el _ARAD2_
18. i-le-qe2
19. mi-isz-lam
20. _dumu-munus_ a-wi-lim
21. a-na _dumu-mesz_-sza i-le-qe2
@law 177
22. szum-ma _nu-mu-su_
23. sza _dumu-mesz_-sza
24. s,e-eh-he-ru
25. a-na _e2_ sza-ni-im
26. e-re-bi-im
27. pa-ni-sza
28. isz-ta-ka-an
29. ba-lum da-a-a-ni
30. u2-ul i-ir-ru-ub
31. i-nu-ma
32. a-na _e2_ sza-ni-im
33. i-ir-ru-bu
34. da-a-a-nu
35. wa-ar-ka-at
36. _e2_ mu-ti-sza
37. pa-ni-im
38. i-par2-ra-su-ma
39. _e2_ sza mu-ti-sza
40. pa-ni-im
41. a-na mu-ti-sza
42. wa-ar-ki-im
43. u3 _munus_ szu-a-ti
44. i-pa-aq-qi2-du-ma
45. t,up-pa-am
46. u2-sze-ez-ze-bu-szu-nu-ti
47. _e2_ i-na-s,a-ru
48. u3 s,e-eh-he-ru-tim
49. u2-ra-ab-bu-u2
50. u2-ni-a-tim
51. a-na _ku3-babbar_
52. u2-ul i-na-ad-di-nu
53. sza-a-a-ma-nu-um
54. sza u2-nu-ut
55. _dumu-mesz nu-mu-su_
56. i-sza-am-mu
57. i-na _ku3-babbar_-szu
58. i-te-el-li
59. _nig2-gur11_ a-na be-li2-szu
60. i-ta-ar
@law 178
61. szum-ma _nin-dingir lukur_
62. u3 lu {munus}_zi-ik-ru-um_
63. sza a-bu-sza
64. sze-ri-ik-tam
65. isz-ru-uk-szi-im
66. t,up-pa-am
67. isz-t,u2-ru-szi-im
68. i-na t,up-pi2-im
69. sza isz-t,u2-ru-szi-im
70. wa-ar-ka-sa3
71. e-me e-li-sza
72. t,a-bu na-da-nam
73. la isz-t,ur-szi-im-ma
74. ma-la li-ib-bi-sza
75. la u2-sza-am-s,i2-szi
76. wa-ar-ka a-bu-um
77. a-na szi-im-tim
78. it-ta-al-ku
79. _a-sza3_-sza u3 _kiri6_-sza
80. ah-hu-sza
81. i-le-qu2-ma
82. ki-ma e-mu-uq
83. zi-it-ti-sza
84. _sze-ba i3-ba_ u3 _siki-ba_
85. i-na-ad-di-nu-szim-ma
86. li-ib-ba-sza
87. u2-t,a-ab-bu
88. szum-ma ah-hu-sza
89. ki-ma e-mu-uq
90. zi-it-ti-sza
91. _sze-ba i3-ba_ u3 _siki-ba_
92. la it-ta-ad-nu-szi-im-ma
@columnn 15
1. li-ib-ba-sza
2. la ut,-t,i-ib-bu
3. _a-sza3_-sza u3 _kiri6_-sza
4. a-na er-re-szi-im
5. sza e-li-sza t,a-bu
6. i-na-ad-di-in-ma
7. er-re-sa3
8. it-ta-na-asz-szi-szi
9. _a-sza3 {gesz}kiri6_
10. u3 mi-im-ma
11. sza a-bu-sza
12. id-di-nu-szi-im
13. a-di ba-al-t,a-at i3-kal
14. a-na _ku3-babbar_
15. u2-ul i-na-ad-di-in
16. sza-ni-a-am
17. u2-ul u2-up-pa-al
18. ap-lu-sa3
19. sza ah-hi-sza-ma
@law 179
20. szum-ma _nin-dingir lukur_
21. u3 lu {munus}_zi-ik-ru-um_
22. sza a-bu-sza
23. sze-ri-ik-tam
24. isz-ru-uk-szi-im
25. ku-nu-kam
26. isz-t,u2-ru-szi-im
27. i-na t,up-pi2-im
28. sza isz-t,u2-ru-szi-im
29. wa-ar-ka-sa3
30. e-ma e-li-sza t,a-bu
31. na-da-nam
32. isz-t,ur-szi-im-ma
33. ma-la li-ib-bi-sza
34. usz-tam-s,i2-szi
35. wa-ar-ka a-bu-um
36. a-na szi-im-tim
37. it-ta-al-ku
38. wa-ar-ka-sa3
39. e-ma e-li-sza t,a-bu
40. i-na-ad-di-in
41. ah-hu-sza
42. u2-ul i-ba-aq-qa2-ru-szi
@law 180
43. szum-ma a-bu-um
44. a-na _dumu-munus_-szu
45. _lukur ga2-gi4-a_
46. u3 lu {munus}_zi-ik-ru-um_
47. sze-ri-ik-tam
48. la isz-<ru>-uk-szi-im
49. wa-ar-ka a-bu-um
50. a-na szi-im-tim
51. it-ta-al-ku
52. i-na _nig2-gur11 e2 a-ba_
53. zi2-it-tam ki-ma
54. ap-lim isz-te-en
55. i-za-az-ma
56. a-di ba-al-t,a-at
57. i-ik-ka-al
58. wa-ar-ka-sa3
59. sza ah-hi-sza-ma
@law 181
60. szum-ma a-bu-um
61. _lukur nu-gig_
62. u3 lu _nu-bar_
63. a-na _dingir_ isz-szi-ma
64. sze-ri-ik-tam
65. la isz-ru-uk-szi-im
66. wa-ar-ka a-bu-um
67. a-na szi-im-tim
68. it-ta-al-ku
69. i-na _nig2-gur11 e2 a-ba_
70. _igi 3(disz)-gal2 ibila_-sza
71. i-za-az-ma
72. a-di ba-al-t,a-at
73. i-ik-ka-al
74. wa-ar-ka-sa3
75. sza ah-hi-sza-am-ma
@law 182
76. szum-ma a-bu-um
77. a-na _dumu-munus_-szu
78. _lukur_ {d}marduk
79. sza babila#{ki}
80. sze-ri-ik-tam
81. la isz-ru-uk-szi-im
82. ku-nu-kam
83. la isz-t,ur-szi-im
84. wa-ar-ka a-bu-um
85. a-na szi-im-tim
86. it-ta-al-ku
87. i-na _nig2-gur11 e2 a-ba_
88. _igi 3(disz)-gal2 ibila_-sza
89. it-ti ah-hi-sza
90. i-za-az-ma
91. il-kam
92. u2-ul i-il-la-ak
93. _lukur_ {d}marduk
94. wa-ar-ka-sa3
95. e-ma e-li-sza
96. t,a-bu
@columnn 16
1. i-na-ad-di-in
@law 183
2. szum-ma a-bu-um
3. a-na _dumu-munus_-szu szu-gi4-tim
4. sze-ri-ik-tam
5. isz-ru-uk-szi-im
6. a-na mu-tim
7. id-di-isz-szi
8. ku-nu-uk-kam
9. isz-t,ur-szi-im
10. wa-ar-ka a-bu-um
11. a-na szi-im-tim
12. it-ta-al-ku
13. i-na _nig2-gur11 e2 a-ba_
14. u2-ul i-za-az
@law 184
15. szum-ma a-wi-lum
16. a-na _dumu-munus_-szu
17. szu-gi4-tim
18. sze-ri-ik-tam
19. la isz-ru-uk-szim
20. a-na mu-tim
21. la id-di-isz-szi
22. wa-ar-ka a-bu-um
23. a-na szi-im-tim
24. it-ta-al-ku
25. ah-hu-sza
26. ki-ma e-mu-uq _e2 a-ba_
27. sze-ri-ik-tam
28. i-szar-ra-ku-szi-im-ma
29. a-na mu-tim
30. i-na-ad-di-nu-szi
@law 185
31. szum-ma a-wi-lum
32. s,e-eh-ra-am
33. i-na me-e-szu
34. a-na ma-ru-tim
35. il-qe2-ma
36. ur2-ta-ab-bi-szu
37. tar-bi-tum szi-i
38. u2-ul ib-ba-aq-qar
@law 186
39. szum-ma a-wi-lum
40. s,e-eh-ra-am
41. a-na ma-ru-tim il-qe2
42. i-nu-ma
43. il-qu2-u2-szu
44. a-ba-szu
45. u3 um-ma-szu
46. i-hi-a-at,
47. tar-bi-tum szi-i
48. a-na _e2_ a-bi-szu
49. i-ta-ar
@law 187
50. _dumu giri3-se3-ga_
51. mu-za-az _e2-gal_
52. u3 _dumu {munus}zi-ik-ru-um_
53. u2-ul ib-ba-aq-qar
@law 188
54. szum-ma _dumu um-mi-a_
55. _dumu_ a-na tar-bi-tim
56. il-qe2-ma
57. szi-pi2-ir qa2-ti-szu
58. usz-ta-hi-su2
59. u2-ul ib-ba-qar
@law 189
60. szum-ma szi-pi2-ir qa2-ti-szu
61. la usz-ta-hi-su2
62. tar-bi-tum szi-i
63. a-na _e2_ a-bi-szu
64. i-ta-ar
@law 190
65. szum-ma a-wi-lum
66. s,e-eh-ra-am
67. sza a-na ma-ru-ti-szu
68. il-qu2-szu-ma
69. u2-ra-ab-bu-szu
70. it-ti _dumu-mesz_-szu
71. la im-ta-nu-szu
72. tar-bi-tum szi-i
73. a-na _e2_ a-bi-szu
74. i-ta-ar
@law 191
75. szum-ma a-wi-lum
76. s,e-eh-ra-am
77. sza a-na ma-ru-ti-szu
78. il-qu2-szu-ma
79. u2-ra-ab-bu-u2-szu
80. _e2_-ba! i-pu-usz
81. wa-ar-ka _dumu-mesz_
82. ir-ta-szi-ma
83. a-na tar-bi-tim na-sa-hi-im
84. pa-nam isz-ta-ka-an
85. _dumu_ szu-u2 ri-qu2-su2
86. u2-ul it-ta-al-la-ak
87. a-bu-um mu-ra-bi-szu
88. i-na _nig2-gur11_-szu
89. _igi 3(disz)-gal2 ibila_-szu
90. i-na-ad-di-isz-szum-ma
91. it-ta-la-ak
92. i-na _a-sza3 {gesz}kiri6_
93. u3 _e2_
94. u2-ul i-na-ad-di;-isz-szum
@law 192
96. szum-ma _dumu giri3-se3-ga_
@columnn 17
1. u3 lu _dumu {munus}zi-ik-ru-um#_
2. a-na a-bi-im
3. mu-ra-bi-szu
4. u3 um-mi-im
5. mu-ra-bi-ti-szu
6. u2-ul a-bi at-ta
7. u2-ul um-mi at-ti iq-ta-bi
8. _eme_-szu
9. i-na-ak-ki-su
@law 193
10. szum-ma _dumu giri3-se3-ga_
11. u3 lu _dumu {munus}zi-ik-ru-um_
12. _e2_ a-bi-szu
13. u2-we-ed-di-ma
14. a-ba-am
15. mu-ra-bi-szu
16. u3 um-ma-am
17. mu-ra-bi-su2
18. i-ze2-er-ma
19. a-na _e2_ a-bi-szu
20. it-ta-la-ak
21. i-in-szu
22. i-na-sa3-hu
@law 194
23. szum-ma a-wi-lum
24. _dumu_-szu a-na mu-sze-ni-iq-tim
25. id-di-in-ma
26. _dumu_ szu-u2
27. i-na# qa2-at mu-sze-ni-iq-tim
28. im-tu-ut
29. mu-sze-ni-iq-tum#
30. ba-lum a-bi-szu
31. u3 um-mi-szu
32. _dumu_ sza-ni-a-am-ma
33. ir-ta-ka-as2
34. u2-ka-an-nu-szi-ma
35. asz-szum ba-lum a-bi-szu#
36. u3 um-mi-[szu]
37. _dumu_ sza-ni-a-am#
38. ir-ku-su#
39. _ubur_-sza
40. i-na-ak-ki-su
@law 195
41. szum-ma _dumu a-ba_-szu
42. im-ta-ha-as,
43. _kiszib3-la2_-szu
44. i-na-ak-ki-su
@law 196
45. szum-ma a-wi-lum
46. i-in _dumu_ a-wi-lim
47. uh2-tap-pi2-id
48. i-in-szu
49. u2-ha-ap-pa-du
@law 197
50. szum-ma _giri3-pad-ra2_ a-wi-lim
51. isz-te-bi-ir
52. _giri3-pad-ra2_-szu
53. i-sze-eb-bi-ru
@law 198
54. szum-ma i-in _|MASZ.EN.GAG|_
55. uh2-tap-pi2-id
56. u3 lu _giri3-pad-ra2 |MASZ.EN.GAG|_
57. isz-te-bi-ir
58. 1(disz) _ma-na ku3-babbar_
59. i-sza-qal
@law 199
60. szum-ma i-in _ARAD2_ a-wi-lim
61. uh2-tap-pi2-id
62. u3 lu _giri3-pad-ra2 ARAD2_ a-wi-lim
63. isz-te-bi-ir
64. mi-szi-il _sa10_-szu
65. i-sza-qal
@law 200
66. szum-ma a-wi-lum
67. szi-in-ni a-wi-lim
68. me-eh-ri-szu
69. it-ta-di
70. szi-in-na-szu i-na-ad-du-u2
@law 201
71. szum-ma szi-in-ni szi-in-gag
72. _|MASZ.EN.GAG|_ it-ta-di
73. 1/3(disz) _ma-na ku3-babbar_
74. i-sza-qal
@law 202
75. szum-ma a-wi-lum
76. le-e-et a-wi-lim
77. sza e-li-szu ra-bu-u2
78. im-ta-ha-as,
79. i-na pu-uh2-ri-im
80. i-na _{kusz}usan3 gu4_
81. 1(disz) szu-szi im-mah-ha-as,
@law 203
82. szum-ma _dumu_ a-wi-lim
83. le-e-et _dumu_ a-wi-lim
84. sza ki-ma szu-a-ti
85. im-ta-ha-as,
86. 1(disz) ma-na _ku3-babbar_
87. i-sza-qal
@law 204
88. szum-ma _|MASZ.EN.GAG|_
89. le-e-et _|MASZ.EN.GAG|_
90. im-ta-ha-as,
91. 1(u) _gin2 ku3-babbar_ i-sza-qal
@law 205
92. szum-ma _ARAD2_ a-wi-lim
93. le-e-et _dumu_ a-wi-lim
@columnn 18
1. im-ta-ha-as,
2. u2-zu-un-szu
3. i-na-ak-ki-su
@law 206
4. szum-ma a-wi-lum a-wi-lam
5. i-na ri-is-ba-tim
6. im-ta-ha-as,-ma
7. si2-im-ma-am
8. isz-ta-ka-an-szu
9. a-wi-lum szu-u2
10. i-na i-du-u2
11. la am-ha-s,u2
12. i-tam-ma
13. u3 _a-zu_ i-ip-pa-al
@law 207
14. szum-ma i-na ma-ha-s,i2-szu
15. im-tu-ut
16. i-tam-ma-ma
17. szum-ma _dumu_ a-wi-lim
18. 1/2(disz) _ma-na ku3-babbar_
19. i-sza-qal
@law 208
20. szum-ma _dumu |MASZ.EN.GAG|_
21. 1/3(disz) _ma-na ku3-babbar_
22. i-sza-qal
@law 209
23. szum-ma a-wi-lum
24. _dumu-munus_ a-wi-lim
25. im-ha-as,-ma
26. sza li-ib-bi-sza
27. usz-ta-di-szi
28. 1(u) _gin2 ku3-babbar_
29. a-na sza li-ib-bi-sza
30. i-sza-qal
@law 210
31. szum-ma _munus_ szi-i
32. im-tu-ut
33. _dumu-munus_-su2
34. i-du-uk-ku
@law 211
35. szum-ma _dumu-munus |MASZ.EN.GAG|_
36. i-na ma-ha-s,i2-im
37. sza li-ib-bi-sza
38. usz-ta-ad-di-szi
39. 5(disz) _gin2 ku3-babbar_
40. i-sza-qal
@law 212
41. szum-ma _munus_ szi-<i>
42. im-tu-ut
43. 1/2(disz) _ma-na ku3-babbar_
44. i-sza-qal
@law 213
45. szum-ma _geme2_ a-wi-lim
46. im-ha-as,-ma
47. sza li-ib-bi-sza
48. usz-ta-ad-di-szi
49. 2(disz) _gin2 ku3-babbar_
50. i-sza-qal
@law 214
51. szum-ma _geme2_ szi-i
52. im-tu-ut
53. 1/3(disz) _ma-na ku3-babbar_
54. i-sza-qal
@law 215
55. szum-ma _a-zu_
56. a-wi-lam si2-im-ma-am kab-tam
57. i-na _gir2 gag zabar_
58. i-pu-usz-ma
59. a-wi-lam ub-ta-al-li-it,
60. u3 lu na-kap-ti a-wi-lim
61. i-na _gir2 gag zabar_
62. ip-te-ma
63. i-in a-wi-lim
64. ub-ta-al-li-it,
65. 1(u) _gin2 ku3-babbar_
66. i-le-qe2
@law 216
67. szum-ma _dumu |MASZ.EN.GAG|_
68. 5(disz) _gin2 ku3-babbar_
69. i-le-qe2
@law 217
70. szum-ma _ARAD2_ a-wi-lim
71. be-el _ARAD2_ a-na _a-zu_
72. 2(disz) _gin2 ku3-babbar_
73. i-na-ad-di-in
@law 218
74. szum-ma _a-zu_ a-wi-lam
75. si2-im-ma-am kab-tam
76. i-na _gir2 gag zabar_
77. i-pu-usz-ma
78. a-wi-lam usz-ta-mi-it
79. u3 lu na-a2!-ti a-wi-lim
80. i-na _gir2 gag zabar_
81. ip-te-ma i-in a-wi-lim
82. uh2-tap-pi2-id
83. _kiszib3-la2_-szu i-na-ki-su
@law 219
84. szum-ma _a-zu_ si2-im-ma-am kab-tam
85. _ARAD2 |MASZ.EN.GAG|_
86. i-na _gir2 gag zabar_
87. i-pu-usz-ma usz-ta-mi-it
88. _ARAD2_ ki-ma _ARAD2_ i-ri-ab
@law 220
89. szum-ma na-kap-ta-szu
90. i-na _gir2 gag zabar_
91. ip-te-ma
92. i-in-szu uh2-tap-<pi2>-da
93. _ku3-babbar_ mi-szi-il
94. _sa10_-szu i-sza-qal
@law 221
95. szum-ma _a-zu_
96. _giri3-pad-ra2_ a-wi-lim
@columnn 19
1. sze-bi-ir-tam
2. usz-ta-li-im
3. u3 lu sze-er-ha-nam
4. mar-s,a-am _ku3-babbar_
5. ub-ta-al-li-it,
6. be-el s,e-em-ma-im
7. a-na _a-zu_
8. 5(disz) _gin2 ku3-babbar_
9. i-na-ad-di-in
@law 222
10. szum-ma _dumu |MASZ.EN.GAG|_
11. 3(disz) _gin2 ku3-babbar_
12. i-na-ad-di-in
@law 223
13. szum-ma _ARAD2_ a-wi-lim
14. be-el _ARAD2_
15. a-na _a-zu_
16. 2(disz) _gin2 ku3-babbar_
17. i-na-ad-di-in
@law 224
18. szum-ma _a-zu gu4_
19. u3 lu _ansze_
20. lu _gu4_ u3 lu _ansze_
21. s,e-em-ma-am kab-tam
22. i-pu-usz-ma
23. ub-ta-al-li-it,
24. be-el _gu4_ u3 lu _ansze_
25. _igi 6(disz)-gal2 ku3-babbar_
26. a-na _a-zu_
27. _a2_-szu
28. i-na-ad-di-in
@law 225
29. szum-ma _gu4_ u3 lu _ansze_
30. si2-im-ma-am kab-tam
31. i-pu-usz-ma
32. usz-ta-mi-it
33. _igi 4(disz)?-gal2 sa10_-szu
34. a-na be-el _gu4_ u3 lu _ansze_
35. i-na-ad-di-in
@law 226
36. szum-ma _szu-i_
37. ba-lum be-el _ARAD2_
38. ab-bu-ti _ARAD2_ la sze-e-em
40. u2-ga-al-li-ib
41. _kiszib3-la2 szu-i_ szu-a-ti
42. i-na-ak-ki-su2
@law 227
43. szum-ma a-wi-lum
44. _szu-i_ i-da-as,-ma
45. ab-bu-ti
46. _ARAD2_ la sze-e-em
47. ug-da-al-li-ib
48. a-wi-lam szu-a-ti
49. i-du-uk-ku-szu-ma
50. i-na _ka2_-szu
51. i-ha-al-la-lu-szu
52. _szu-i_ i-na i-du-u2
53. la u2-gal-li-bu
54. i-tam-ma-ma
55. u2-ta-asz-szar
@law 228
56. szum-ma _szitim_
57. _e2_ a-na a-wi-lim
58. i-pu-usz-ma
59. u2-sza-ak-li-il-szum
60. a-na 1(disz) _sar e2_
61. 2(disz) _gin2 ku3-babbar_
62. a-na qi2-isz-ti-szu
63. i-na-ad-di-isz-szum
@law 229
64. szum-ma _szitim_
65. a-na a-wi-lim
66. _e2_ i-pu-usz-ma
67. szi-pi2-ir-szu
68. la u2-da-an-ni-in-ma
69. _e2_ i-pu-szu
70. im-qu2-ut-ma
71. be-el _e2_ usz-ta-mi-it
72. _szitim_ szu-u2 id-da-ak
@law 230
73. szum-ma _dumu_ be-el _e2_
74. usz-ta-mi-it
75. _dumu szitim_ szu-a-ti
76. i-du-uk-ku
@law 231
77. szum-ma _ARAD2_ be-el _e2_
78. usz-ta-mi-it
79. _ARAD2_ ki-ma _ARAD2_
80. a-na be-el _e2_
81. i-na-ad-di-in
@law 232
82. szum-ma _nig2-gur11_
83. uh2-ta-al-li-iq
84. mi-im-ma
85. sza u2-hal-li-qu2
86. i-ri-ab
87. u3 asz-szum _e2_ i-pu-szu
88. la u2-dan-ni-nu-ma
89. im-qu2-tu
90. i-na _nig2-gur11_
91. ra-ma-ni-szu
92. _e2_ im-qu2-tu i-ip-pe2-esz
@law 233
93. szum-ma _szitim e2_
94. a-na a-wi-lim i-pu-usz-ma
95. szi-pi2-ir-szu
96. la usz-te-es,-bi-ma
97. _e2-gar8_ iq-tu-up
98. _szitim_ szu-u2
@columnn 20
1. i-na _ku3-babbar_ ra-ma-ni-szu
2. _e2-gar8_ szu-a-ti
3. u2-dan-na-an
@law 234
4. szum-ma _ma2-lah5_
5. _{gesz}ma2 1(gesz2) gur_
6. a-na a-wi-lim ip-he
7. 2(disz) _gin2 ku3-babbar_
8. a-na qi2-isz-ti-szu
9. i-na-ad-di-isz-szum
@law 235
10. szum-ma _ma2-lah5_
11. _{gesz}ma2_ a-na a-wi-lim
12. ip-he-ma
13. szi-pi2-ir-szu
14. la u2-tak2-ki-il-ma
15. i-na sza-at-tim-ma szu-a-ti
16. _{gesz}ma2_ szi-i
17. is,-s,a-bar
18. hi-t,i-tam ir-ta-szi
19. _ma2-lah5_
20. _{gesz}ma2_ szu-a-ti
21. i-na-qar-ma
22. i-na _nig2-gur11_ ra-ma-ni-szu
23. u2-dan-na-an-ma
24. _{gesz}ma2_ dan-na-tam
25. a-na be-el _{gesz}ma2_
26. i-na-ad-di-in
@law 236
27. szum-ma a-wi-lum
28. _{gesz}ma2_-szu
29. a-na _ma2-lah5_
30. a-na ig-ri-im
31. id-di-in-ma
32. _ma2-lah5_ i-gi-ma
33. _{gesz}ma2_ ut,-t,e4-bi
34. u3 lu uh2-ta-al-li-iq
35. _ma2-lah5 {gesz}ma2_
36. a-na be-el _{gesz}ma2_
37. i-ri-a-ab
@law 237
38. szum-ma a-wi-lum
39. _ma2-lah5_ u3 _{gesz}ma2_
40. i-gur-ma
41. _sze siki i3-gesz zu2-lum_
42. u3 mi-im-ma szum-szu
43. sza s,e-nim
44. i-s,e-en-szi
45. _ma2-lah5_ szu-u2
46. i-gi-ma
47. _{gesz}ma2_ ut,-t,e4-eb-bi
48. u3 sza li-ib-bi-sza
49. uh2-ta-al-li-iq
50. _ma2-lah5_
51. _{gesz}ma2_ sza u2-t,e4-eb-bu-u2
52. u3 mi-im-ma
53. sza i-na li-ib-bi-sza
54. u2-hal-li-qu2
55. i-ri-a-ab
@law 238
56. szum-ma _ma2-lah5_
57. _{gesz}ma2_ a-wi-lim
58. u2-t,e4-eb-bi-ma
59. usz-te-li-a-asz-szi#
60. _ku3-babbar_ mi-szi-il# _sa10_-sza#
61. i-na-ad-di-in#
@law 239
62. szum-ma a-wi-lum#
63. _ma2-lah5_ [i-gur]
64. 6(asz) [_sze gur_]
65. i-na sza-na#-[at]
66. i-na-ad#-[di]-isz-[szum]
@law 240
67. szum-ma {gesz#}[_ma2_]
68. sza ma-hi-ir-tim
69. _{gesz}ma2_ sza mu-uq-qe2-el-pi2-tim
70. im-ha-as,-ma
71. ut,-t,e4-eb-bi
72. be-el _{gesz}ma2_ sza _{gesz}ma2_-szu t,e4-bi-a-at
73. mi-im-ma sza i-na _{gesz}ma2_-szu hal-qu2
74. i-na ma-har i-lim
75. u2-ba-ar-ma
76. sza ma-hi-ir-tim
77. sza _{gesz}ma2_ sza mu-uq-qe2-el-pi2-tim
78. u2-t,e4-eb-bu-u2
79. _{gesz}ma2_-szu u3 mi-im-ma-szu hal-qa2-am
80. i-ri-a-ab-szum
@law 241
81. szum-ma a-wi-lum
82. _gu4_ a-na ni-pu-tim
83. it-te-pe2
84. 1/3(disz) _ma-na ku3-babbar_ i-sza-qal
@law 242-243
85. szum-ma a-wi-lum <_gu4_>
86. a-na _mu_ 1(disz) i-gur
87. _a2 gu4-a2-ur3-ra_
88. 4(asz) _sze gur_
89. _a2 gu4 ab2 muru2 sag_
90. 3(asz) _sze gur_ a-na be-li2-szu
91. i-na-ad-di-in
@columnn 21
@law 244
1. szum-ma a-wi-lum
2. _gu4 ansze_ i-gur-ma
3. i-na s,e-ri-im
4. _ur-mah_ id-du-uk-szu
5. a-na be-li2-szu-ma
@law 245
6. szum-ma a-wi-lum
7. _gu4_ i-gur-ma
8. i-na me-gu-tim
9. u3 lu i-na ma-ha-s,i2-im
10. usz-ta-mi-it
11. _gu4_ ki-ma _gu4_
12. a-na be-el _gu4_
13. i-ri-a-ab
@law 246
14. szum-ma a-wi-lum
15. _gu4_ i-gur-ma
16. _giri3_-szu isz-te-bi-ir
17. u3 lu la-bi-a-an-szu
18. it-ta-ki-is
19. _gu4_ ki-ma _gu4_
20. a-na be-el _gu4_
21. i-ri-a-ab
@law 247
22. szum-ma a-wi-lum
23. _gu4_ i-gur-ma
24. _igi_-szu uh2-tap-pi2-id
25. _ku3-babbar_ mi-szi-il _sa10_-szu
26. a-na be-el _gu4_
27. i-na-ad-di-in
@law 248
28. szum-ma a-wi-lum
29. _gu4_ i-gur-ma
30. _si_-szu isz-bi-ir
31. _kun_-su2 it-ta-ki-is
32. u3 lu {uzu}_sa-sal_-szu
33. it-ta-sa-ag!
34. _ku3-babbar igi 4(disz)?-gal2 sa10_-szu
35. i-na-ad-di-in
@law 249
36. szum-ma a-wi-lum
37. _gu4_ i-gur-ma
38. i-lum im-ha-su2-ma
39. im-tu-ut
40. a-wi-lum sza _gu4_ i-gu-ru
41. ni-isz i-lim
42. i-za-kar-ma
43. u2-ta-asz-szar
@law 250
44. szum-ma _gu4_ su2?-qa2-am
45. i-na a-la-ki-szu
46. a-wi-lam
47. ik-ki-ip-ma
48. usz-ta-mi-it
49. di-nu-um szu-u2
50. ru-gu-um-ma-am
51. u2-ul i-szu
@law 251
52. szum-ma# _gu4_ a-wi-lim
53. na-ak-ka#-pi2-[ma]
54. ki-ma na-ak-ka#-pu-u2
55. ba-ab-ta-szu
56. u2-sze-di-szum-ma
57. qar-ni-szu
58. la u2-szar-ri#-im
59. _gu4_-szu la u2-sa-an-ni-iq-ma
60. _gu4_ szu-u2
61. _dumu_ a#-wi-lim
62. ik#-ki#-ip-ma
63. usz#-[ta]-mi-it
64. 1/2(disz)# _[ma]-na ku3-babbar_
65. i#-[na]-ad-di-in
@law 252
66. [szum]-ma# _ARAD2_ a-wi-lim
67. 1/3(disz)# _[ma]-na ku3-babbar_
68. i#-na-ad-di-in
@law 253
69. szum#-ma a-wi-lum a-wi-lam
70. a-na pa-ni _a-sza3_-szu
71. u2-zu-uz-zi-im
72. i-gur-ma
73. _al# du3-a_-am
74. [i]-qi2-ip-szu
75. _[ab2] gu4 hi-a_ ip#-qi2-sum2
76. [a-na?] _a-sza3_ e-re-szi-im u2-ra-ak-ki-su2
77. szum#-ma a-wi-lum szu-u2
78. _sze numun_ u3 lu _sza3-gal_
79. isz-ri-iq-ma
80. i-na qa2-ti-szu
81. it-ta-as,-ba-at
82. _kiszib3-la2_-szu i-na-ak-ki-su
@law 254
83. szum-ma _al du3-a_-am
84. il-qe2-ma _ab2 gu4 hi-a_
85. u2-te-en-ni!-isz u2-te-en-gag-isz
86. ta-[asz?]-na _sze_ sza im-ri!-ru
87. i-ri-ab
@law 255
88. szum-ma _ab2 gu4 hi-a_
89. a-wi-lim a-na# ig-ri-im
90. it-ta-di-in
91. u3 lu _sze numun#_ isz-ri-iq-ma
92. i-na _a-sza3#_ la usz-tab-szi
93. a-wi-lam szu-a-ti
94. u2-ka-an-nu-szu-ma
95. i-na _buru14 1(bur3) GAN2_-e
96. 1(gesz2) _sze gur#_ i-ma-ad-da-ad
@law 256
97. szum-ma pi2-ha-su2
98. a-pa-lam la-i-le-i
99. i-na _a-sza3_ szu-a-ti i-na _ab2 gu4 hi-a_
100. im-ta-na-asz-sza-ru-szu
@law 257
101. szum-ma a-wi-lum
@columnn 22
1. _engar_ i-gur
2. 8(asz) _sze gur_
3. i-na _mu 1(disz)-kam_
4. i-na-ad-di-isz-szum
@law 258
5. szum-ma a-wi-lum
6. _sza3 gu4_ i-gur
7. 6(asz) _sze gur_
8. i-na _mu 1(disz)-kam_
9. i-na-ad-di-isz-szum
@law 259
10. szum-ma a-wi-lum
11. {gesz}APIN i-na _a-gar3_
12. isz-ri-iq
13. 5(disz) _gin2 ku3-babbar_
14. a-na be-el _{gesz}apin_
15. i-na-ad-di-in
@law 260
16. szum-ma _{gesz}apin tug2-gur10_
17. u3 lu _GAN2 ur3_
18. isz-ta-ri-iq
19. 3(disz) _gin2 ku3-babbar_
20. i-na-ad-di-in
@law 261
21. szum-ma a-wi-lum
22. _na-gada_ a-na _ab2 gu4 hi-a_
23. u3 _u8 udu hi-a_
24. re-im i-gur
25. 8(asz) _sze gur_
26. i-na _mu 1(disz)-kam_
27. i-na-ad-di-isz-szum
@law 262
28. szum-ma a-wi-lum
29. _gu4_ u3 lu _udu#_
30. a-na [...]
31. [...]
32. [...]
33. [...]
34. [...]
35. [...]
36. [...]
@law 263
37. szum-ma# [_gu4_] u3 lu [_udu_]
38. sza in-na-ad-nu-szum#
39. uh2-ta-al-li-[iq]
40. _gu4_ ki-ma [_gu4_]
41. _udu_ ki-ma [_udu_]
42. a-na be-li2-[szu-nu]
43. i-ri-a-[ab]
@law 264
44. szum-ma [_sipa_]
45. sza _ab2 gu4 [hi-a_]
46. u3 lu _u8 [udu hi-a_]
47. a-na re#-[im]
48. in-na-[ad]-nu#-szum#
49. _a2_-szu ga#-am#-ra-tim
50. ma-hi-ir
51. li-ib#-ba-szu t,a-ab
52. _ab2 gu4# hi-a_
53. us,-s,a-ah-hi-ir
54. _u8# udu hi-a_
55. us,-s,a-ah-hi-ir
56. ta-li-it-tam um-ta-t,i
57. a-na _ka_ ri-ik-sa-ti-szu
58. ta-li-it-tam
59. u3 bi-il-tam
60. i-na-ad-di-in
@law 265
61. szum-ma _sipa_
62. sza _ab2 gu4 hi-a_
63. u3 lu _u8 udu hi-a_
64. a-na re-im
65. in-na-ad-nu-szum
66. u2-sa-ar-ri-ir-ma
67. szi-im-tam ut-ta-ak-ki-ir
68. u3 a-na _ku3-babbar_
69. it-ta-di-in
70. u2-ka-an-nu-szu-ma
71. _a-ra2_ 1(u)-szu sza isz-ri-qu2
72. _ab2 gu4 hi-a_
73. u3 _u8 udu hi-a_
74. a-na be-li2-szu-nu
75. i-ri-a-ab
@law 266
76. szum-ma i-na _tur3_
77. li-pi2-it _dingir_ it-tab-szi
78. u3 lu _ur-mah_ id-du-uk _sipa_ ma-hi! _dingir_
79. u2-ub-ba-am-ma
80. mi-qi2-it-ti _tur3_
81. be-el _tur3_ i-mah-har-szu
@law 267
82. szum-ma _sipa_ i-_geme2_-ma
83. i-na _tur3_ pe2-sa3-tam usz-tab-szi
84. _sipa_ hi-t,i-it pe2-sa3-tim
85. sza i-na _tur3_ u2-sza-ab-szu-u2
86. _ab2 gu4 hi-a_ u3 _u8 udu hi-a_
87. u2-sza-lam-ma
88. a-na be-li2-szu-nu
89. i-na-ad-di-in
@law 268
90. szum-ma a-wi-lum _gu4_
91. a-na di-a-szi-im i-gur
92. 2(ban2) _sze a2_-szu
@law 269
93. szum-ma _ansze_
94. a-na di-a-szi-im i-gur
95. 1(ban2) _sze a2_-szu
@law 270
96. szum-ma _masz2_
97. a-na di-a-szi-im i-gur
98. 1(disz) _sila3 sze a2_-szu
@law 271
99. szum-ma a-wi-lum
100. _ab2 gu4 hi-a {gesz}mar-gid2-da_
101. u3 mu-ur2-te-di-sza i-gur
@columnn 23
1. i-na _u4 1(disz)-kam 3(barig) sze_
2. i-na-ad-di-in
@law 272
3. szum-ma a-wi-lum
4. _{gesz}mar-gid2-da_-ma
5. a-na ra-ma-ni-sza i-gur
6. i-na _u4 1(disz)-kam 4(ban2) sze_
7. i-na-ad-di-in
@law 273
8. szum-ma a-wi-lum
9. _{lu2}hun-ga2_ i-gur
10. isz-tu re-esz sza-at-tim
11. a-di ha-am-szi-im _iti_-im
12. 1(u) 2(disz) _sze ku3-babbar_
13. i-na _u4 1(disz)-kam_
14. i-na-ad-di-in
15. isz-tu szi-szi-im _iti_-im
16. a-di ta-aq-ti-da! sza-at-tim
17. 5(disz) _sze ku3-babbar_
18. i-na _u4 1(disz)-kam_
19. i-na-ad-di-in
@law 274
20. szum-ma a-wi-lum
21. _dumu um-mi-a_
22. i-ig-ga-ar#
23. _a2 {lu2}[hun-ga2?]_
24. 5(disz) _sze ku3#-babbar#_
25. _a2 {lu2}[tug2]-du8-a_
26. 5(disz) _[sze ku3]-babbar_
27. [_a2] {lu2#}gada_
28. [n(disz) _sze] ku3-babbar_
29. [_a2 bur]-gul_
30. [n(disz) _sze ku3]-babbar_
31. [_a2] zadim#?_
32. [n(disz) _sze ku3]-babbar_
33. [_a2] simug#_
34. [n(disz) _sze ku3]-babbar_
35. [_a2] nagar_
36. 5(disz)#? _sze ku3-babbar_
37. _a2 aszgab_
38. [n(disz)] _sze ku3-babbar_
39. _a2 ad-kup4_
40. [n(disz)] _sze ku3-babbar_
41. [_a2] szitim_
42. [n(disz) _sze ku3]-babbar_
43. [i-na _u4] 1(disz)-kam_
44. [i-na-ad]-di#-in
@law 275
45. [szum-ma a]-wi-lum
46. [...] i-gur
47. i-na _u4 1(disz)-kam_
48. 3(disz) _sze ku3-babbar a2_-szu
@law 276
49. szum-ma ma-hi-ir-tam i-gur
50. 1/2(disz) _sze ku3-babbar a2_-sza
51. i-na _u4 1(disz)-kam_
52. i-na-ad-di-in
@law 277
53. szum-ma a-wi-lum
54. _{gesz}ma2 1(gesz2) gur_ i-gur
55. i-na _u4 1(disz)-kam_
56. _igi 6(disz)-gal2 ku3-babbar a2_-sza
57. i-na-ad-di-in
@law 278
58. szum-ma a-wi-lum
59. _ARAD2 geme2_ i-sza-am-ma
60. _iti_-szu la im-la-ma
61. be2-en-ni e-li-szu
62. im-ta-qu2-ut a-na na-di-na-ni-szu
63. u2-ta-ar-ma
64. sza-a-a-ma-nu-um
65. _ku3-babbar_ isz-qu2-lu
66. i-le-qe2
@law 279
67. szum-ma a-wi-lum
68. _ARAD2 geme2_ i-sza-am-ma
69. ba-aq-ri ir-ta-szi
70. na-di-na-an-szu
71. ba-aq-ri i-ip-pa-al
@law 280
72. szum-ma a-wi-lum
73. i-na ma-at
74. nu-ku-ur2-tim
75. _ARAD2 geme2_ sza a-wi-lim
76. isz-ta-am
77. i-nu-ma
78. i-na li-ib-bu _kalam_
79. it-ta-al-kam-ma
80. be-el _ARAD2_ u3 lu _geme2_
81. lu _ARAD2_-su2 u3 lu _geme2_-su2
82. u2-te-ed-di
83. szum-ma _ARAD2_ u3 lu _geme2_ szu-nu
84. _dumu-mesz_ ma-tim
85. ba-lum _ku3-babbar_-ma
86. an-du-ra-ar-szu-nu
87. isz-sza-ak-ka-an
@law 281
88. szum-ma _dumu-mesz_ ma-tim sza-ni-tim
89. sza-a-a-ma-nu-ma
90. i-na ma-har i-lim
91. _ku3-babbar_ isz-lu!-lu
92. i-bi!-ab-bi-ma
93. be-el _ARAD2_ u3 lu _geme2_
94. _ku3-babbar_ isz-qu2-lu a-na _dam-gar3_
95. i-na-ad-di-in-ma
96. lu _ARAD2_-su2 lu _geme2_-su2 i-pa-ag!
@law 282
97. szum-ma _ARAD2_ a-na be-li2-szu
98. u2-ul be-li2 at-ta
99. iq-ta-bi
100. ki-ma _ARAD2_-su2
101. u2-ka-an-szu-ma
102. be-el-szu u2-zu-un-szu i-na-ak-ki-is
@columnn 24
@epilogue
1. di-na-a-at
2. mi-sza-ri-im
3. sza {disz}ha-am-mu-ra-pi2
4. szar-ru-um le-u2-um
5. u2-ki-in-nu-ma
6. ma-tam u2-sa-am ki-nam#
7. u3 ri-dam dam-qa2-am
8. u2-sza-as,-bi-tu
9. {disz}ha-am-mu-ra-pi2
10. szar-ru-um gi-it-ma-lum a-na-ku
11. a-na _sag-ge6_
12. sza {d}en-lil2 isz-ru-kam
13. re-u2-si2-na
14. {d}marduk i-din-nam
15. u2-ul e-gu
16. a-hi u2-ul ad-di
17. asz-ri szu-ul-mi-im
18. esz-te-i-szi-na-szim#
19. pu-usz-qi2 wa-asz-t,u2-tim
20. u2-pe#-et-ti
21. nu-ra-am u2-sze-s,i-szi-na-szi-im
22. i-na _{gesz}tukul_ da-an-nim
23. sza {d}za-ba4-ba4
24. u3 {d}inanna
25. u2-sza-at-li-mu-nim
26. i-na _igi-gal2_
27. sza {d}en-ki i-szi-ma-am
28. i-na le-u2-tim
29. sza {d}marduk id-di-nam
30. na-ak-ri e-li-isz
31. u3 sza-ap-li-isz as-su2-uh2
32. qa2-ab-la-tim u2-be2-el-li
33. szi-ir ma-tim
34. u2-t,i3-ib
35. ni-szi da-ad-mi
36. a-bu-ur2-ri
37. u2-szar-bi2-is,
38. mu-gal-li-tam
39. u2-ul u2-szar-szi-szi-na-ti
40. _dingir gal-gal_
41. ib-bu-u2-nin-ni-ma
42. a-na-ku-ma
43. _sipa_ mu-sza-al-li-mu-um
44. sza _{gesz}gidri_-szu
45. i-sza-ra-at
46. s,i-li2 t,a-bu-um
47. a-na _iri_-ia
48. ta-ri-is,
49. i-na ut-li-ia
50. ni-szi _kalam_ szu-me-ri2-im
51. u3 ak-ka-di-im
52. u2-ki-il
53. i-na la-ma-si2-ia
54. ih-hi-sza
55. i-na szu-ul-mi-im
56. at-tab-ba-al-szi-na-ti
57. i-na ne-me-qi2-ia
58. usz-tap-zi2-ir-szi-na-ti
59. dan-nu-um en-sza-am
60. a-na la ha-ba-lim
61. _nu-siki nu-mu-su_
62. szu-te-szu-ri-im
63. i-na babila{ki}
64. _iri_ sza an u3 {d}en-lil2
65. re-szi-szu
66. u2-ul#-lu-u2
67. i-na e2-sag-il2
68. _e2_ sza ki-ma sza-me-e
69. u3 er-s,e-tim _suhusz_-szu ki-na
70. di-in ma-tim a-na di-a-nim
71. pu-ru-se2-e ma-tim
72. a-na pa-ra-si-im
73. ha-ab-lim szu-te-szu-ri-im
74. a-wa-ti-ia szu-qu2-ra-tim
75. i-na _na-ru_-ia asz-t,ur-ma
76. i-na ma-har _alan_-ia
77. _lugal_ mi-sza-ri-im
78. u2-ki-in
79. _lugal_ sza in _lugal_-ri2
80. szu-tu-ru a-na-ku
81. a-wa-tu-u2-a na-as2-qa2
82. le-u2-ti sza-ni-nam
83. u2-ul i-szu
84. i-na qi2-bi-it {d}utu
85. da-a-a-nim ra-bi-im
86. sza _an_ u3 _ki_
87. mi-sza-ri i-na _kalam_
88. li-isz-te-pi2
89. i-na a-wa-at
90. {d}marduk be-li2-ia
91. u2-s,u2-ra-tu-u2-a
92. mu-sza-si2-kam# a-ir-szi-a
93. i-na e2-sag-il2
94. sza a-ra-am-mu szu-mi i-na da-mi-iq-tim
@columnn 25
1. a-na da-ar
2. li-iz-za-ki-ir
3. a-wi-lum ha-ab-lum
4. sza a-wa-tam
5. i-ra-asz-szu-u2
6. a-na ma-ha-ar _alan_-ia
7. _lugal_ mi-sza-ri-im
8. li-il-li-ik-ma
9. _na-ru_-i
10. sza-at,-ra-am
11. li-isz-ta-as2-si-ma
12. a-wa-ti-ia
13. szu-qu2-ra-tim
14. li-isz-me-ma
15. _na-ru_-i a-wa-tam
16. li-kal2-lim-szu
17. di-in-szu li-mu-ur2
18. li-ib-ba-szu
19. li#-na#-ap-pi2-isz-ma
20. {disz}ha-am-mu-ra-pi2-mi
21. be-lum sza ki-ma a-bi-im
22. wa-li-di-im
23. a-na ni-szi
24. i-ba-asz-szu-u2
25. a-na a-wa-at
26. {d}marduk be-li2-szu
27. usz-ta-ak-ti-it-ma
28. ir-ni-ti {d}marduk
29. e-li-isz
30. u3 sza-ap-li-isz
31. ik-szu-u4
32. li-ib-bi {d}marduk
33. be-li2-szu u2-t,i3-ib
34. u3 szi-ra-am t,a-ba-am
35. a-na ni-szi
36. a-na da-ar i-szi-im
37. u3 ma-tam
38. usz-te-sze-er
39. a2-ni-tam
40. li-iq-bi-ma
41. i-na ma-har
42. {d}marduk be-li2-ia
43. {d}s,ar-pa-ni-tum
44. be-el-ti-ia
45. i-na li-ib-bi-szu
46. ga-am-ri-im
47. li-ik-ru-ba-am
48. sze-du-um la-ma-sum2
49. _dingir dingir_ e-ri-bu-ut
50. e2-sag-il2
51. _sig4_ e2-sag-il2
52. i-gi-ir-re-e
53. u4-mi-sza-am
54. i-na ma-har
55. {d}marduk be-li2-ia
56. {d}s,ar-pa-ni-tum
57. be-el-ti-ia
58. li-dam-mi-qu2
59. a-na wa-ar-ki-a-at
60. _u4_-mi
61. a-na ma-ti-ma
62. _lugal_ sza i-na _kalam_
63. ib-ba-asz-szu-u2
64. a-wa-a-at
65. mi-sza-ri-im
66. sza i-na _na-ru_-ia
67. asz-t,u2-ru li-s,ur
68. di-in ma-tim
69. sza a-di-nu
70. pu-ru-se2-e _kalam_
71. sza ap-ru-su
72. a u2-na-ak-ki-ir
73. u2-s,u2-ra-ti-ia
74. a u2-sza-si2-ik
75. szum-ma a-wi-lum szu-u2
76. ta-szi-im-tam i-szu-ma
77. ma-su2 szu-te-szu-ra-am i-le-i
78. a-na a-wa-a-tim
79. sza i-na _na-ru_-ia asz-t,u2-ru li-qul2-ma
80. ki-ib-sa-am ri-dam
81. di-in _kalam_ sza a-di-nu
82. pu-ru-se2-e _kalam_
83. sza ap-ru-su
84. _na-ru_-um szu-u2
85. li-kal2-lim-szu-ma
86. s,a-al-ma-at qa2-qa2-di-szu
87. li-isz-te-sze-er
88. di-in-szi-na li-di-in
89. pu-ru-sa3-szi-na
90. li-ip-ru-us2
91. i-na ma-ti-szu ra-ga-am
92. u3 s,e-nam li-su2-uh2
93. szi-ir ni-szi-szu
94. li-t,i-ib
95. {disz}ha-am-mu-ra-pi2
96. _lugal_ mi-sza-ri-im
97. sza {d}utu ki-na-tim
98. isz-ru-ku-szum a-na-ku
99. a-wa-tu-u2-a na-as2-qa2
100. ep-sze-tu-u2-a
101. sza-ni-nam
102. u2-ul i-sza-a
103. e-la a-na la ha-si2-im
104. ri-qa2
105. a-na em-qi2-im
@columnn 26
1. a-na ta-na-da-tim szu-s,a-a
2. szum-ma a-wi-lum szu-u2
3. a-na a-wa-ti-ia
4. sza i-na _na-ru_-ia asz-t,u2-ru
5. i-qul2-ma
6. di-ni la u2-sza-as-si2-ik
7. a-wa-ti-ia
8. la usz-te-pe-el
9. u2-s,u2-ra-ti-ia
10. la u2-na-ki-ir
11. a-wi-lum szu-u2
12. ki-ma ia-ti
13. _lugal_ mi-sza-ri-im
14. {d}utu _{gesz}gidri_-szu
15. li-ir-ri-ik
16. ni-szi-szu
17. i-na mi-sza-ri-im li-re
18. szum-ma a-wi-lum szu-u2
19. <a-na> a-wa-ti-ia
20. sza i-na _na-ru_-ia
21. asz-t,u2-ru
22. la i-qul2-ma
23. er-re-ti-ia
24. i-me-esz-ma
25. er-re-et i3-li2
26. la i-dur-ma
27. di-in a-di-nu
28. up-ta-as-si2-is
29. a-wa-ti-ia
30. usz-te-pe-el
31. u2-s,u2-ra-ti-ia
32. ut-ta-ak-ki-ir
33. szu-mi sza-at-ra-am
34. ip-szi-it,-ma
35. szum-szu isz-ta-t,ar2
36. asz-szum er-re-szum! szi-na-ti
37. sza-ni-a-am-ma
38. usz-ta-hi-iz
39. a-wi-lum szu-u2
40. lu _lugal_
41. lu _en_
42. lu _ensi2_
43. u3 lu a-wi-lu-tum
44. sza szu-ma-am na-bi-a-at
45. AN ra-bu-um
46. a-bu i3-li2
47. na-bu-u2 _bala_-ia
48. _me-lam2_ szar-ru-tim
49. li-t,e4-er-szu
50. _{gesz}gidri_-szu
51. li-isz-bi-ir
52. szi-ma-ti-szu li-ru-ur
53. {d}en-lil2 be-lum
54. mu-szi-im szi-ma-tim
55. sza qi2-bi2-su2
56. la ut-ta-ka-ru
57. mu-szar-bu-u3
58. szar-ru-ti-ia
59. te-szi la szu-up-pi2-im
60. ga-ba-ra-ah
61. ha-la-qi2-szu
62. i-na szu-ub-ti-szu
63. li-sza-ab!-bi!-ha-asz-szum
64. _bala_ ta-ne-hi-im
65. _u4_-mi i-s,u2-tim
66. sza-na-a-at
67. hu-sza-ah-hi-im
68. ek-le-et
69. la na-wa-ri-im
70. mu-ut ni-t,i-il i-nim
71. a-na szi-im-tim
72. li-szi-im-szum
73. ha-la-aq _iri_-szu
74. na-as2-pu-uh2 ni-szi-szu
75. szar-ru-su2 szu-pe2-lam
76. szum-szu u3 zi-kir-szu
77. i-na ma-tim
78. la szu-ub-sza-a-am
79. i-na _ka_-szu kab-tim
80. li-iq-bi
81. {d}nin-lil2
82. _ama_ ra-bi2-tum
83. sza qi2-bi2-sa3
84. i-na e2-kur kab-ta-at
85. _nin_ mu-dam-mi-qa2-at
86. i-gi-ir-re-ia
87. a-szar szi-ip-t,i-im
88. u3 pu-ru-se2-em
89. i-na ma-har {d}en-lil2
90. a-wa-su2 li-le-mi-in
91. szu-ul-pu-ut ma-ti-szu
92. ha-la-aq ni-szi-szu
93. ta-ba-ak na-pisz-ti-szu
94. ki-ma me-e
95. i-na _ka_ {d}en-lil2
96. szar-ri-im
97. li-sza-asz-ki-in
98. {d}en-ki _nun_ ra-bi-um
99. sza szi-ma-tu-szu
100. i-na mah-ra i-la-ka
101. _abgal_ i3-li2
102. mu-de mi-im-ma szum-szu
103. mu-sza-ri-ku
@columnn 27
1. _u4_-um ba-la-t,i-ia
2. uz-nam
3. u3 ne-me-qam
4. li-t,e4-er-szu-ma
5. i-na mi-szi-tim
6. li-it-ta-ar-ru-szu
7. _i7-i7_-szu
8. i-na na-ag-bi-im
9. li-is-ki-ir
10. i-na er-s,e-ti-szu
11. {d}asznan
12. na-pi2-isz-ti ni-szi
13. a u2-sza-ab-szi
14. {d}utu da-a-a-nu-um ra-bi-um
15. sza sza-me-e
16. u3 er-s,e-tim
17. mu-usz-te-sze-er
18. sza-ak-na-at na-pi2-isz-tim
19. be-lum tu-kul2-ti
20. szar-ru-su2 li-is-ki-ip
21. di-in-szu
22. a i-di-in
23. u2-ru-uh2-szu li-szi
24. _DU_ um-ma-ni-szu
25. li-isz-he-el-s,i2
26. i-na bi-ri-szu
27. _uzu_ lem-nam
28. sza na-sa-ah
29. _suhusz_ szar-ru-ti-szu
30. u3 ha-la-aq ma-ti-szu li-isz-ku-un-szum
31. a-wa-tum ma-ru-usz-tum
32. sza {d}utu ar-hi-isz
33. li-ik-szu-su2
34. e-li-isz
35. i-na ba-al#-t,u2-tim
36. li-is-su2-uh2-szu
37. sza-ap-li-isz
38. i-na er-s,e-tim
39. _gidim4-gidim4_-szu
40. me-e li-sza-az-mi
41. {d}suen be-el sza-me-e
42. _dingir_ ba-ni
43. sza sze-re-su2
44. i-na i3-li2 szu-pa-a-at
45. _aga {gesz}gu-za_ sza szar-ru-tim
46. li-t,e4-er-szu
47. ar-nam kab-tam
48. sze-re-su2 ra-bi-tam
49. sza i-na zu-um-ri-szu
50. la i-hal-li-qu2
51. li-mu-su2-ma
52. _u4_-mi _iti-iti_
53. sza-na-a-at _bala_-szu
54. i-na ta-ne-hi-im
55. u3 di-im-ma-tim
56. li-sza-aq-ti
57. kam-ma-al szar-ru-tim
58. li-sza-at,-t,i-il-szu
59. ba-la-t,am
60. sza it-ti mu-tim
61. szi-ta-an-nu
62. a-na szi-im-tim
63. li-szi-im-szum
64. {d}iszkur be-el _he2-gal2_
65. _gu2-gal_ sza-me-e
66. u3 er-s,e-tim
67. re-s,u2-u2-a
68. zu-ni i-na sza-me-e
69. mi-lam
70. i-na na-ag-bi-im
71. li-t,e4-er-szu
72. ma-su2
73. i-na hu-sza-ah-hi-im
74. u3 bu-bu-tim
75. li-hal-li-iq
76. e-li _iri_-szu
77. ez-zi-isz
78. li-is-si-ma
79. ma-su2 a-na _du6_ a-bu-bi-im
80. li-te-er
81. {d}za-ba4-ba4
82. qar-ra-du-um ra-bi-um
83. _dumu_ re-esz-tu-um
84. sza e2-kur
85. a-li-ku im-ni-ia
86. a-szar tam2-ha-ri-im
87. _{gesz}tukul_-szu li-isz-bi-ir
88. u4-ma-am a-na mu-szi-im
89. li-te-er-szum-ma
90. na-ki-ir-szu e-li-szu
91. li-isz-zi-iz
92. {d}inanna be-le-et
93. _me6_ u3 _szen-szen_
94. pa-ti-a-at
95. _{gesz}tukul#_-ia
96. la-ma-si2
97. da-mi-iq-tum
98. ra-i-ma-at _bala_-ia
99. i-na li-ib-bi-sza
100. ag-gi-im
101. i-na uz-za-ti-sza
102. ra-bi2-a-tim
103. szar-ru-su2 li-ru-ur
104. dam-qa2-ti-szu
105. a-na le-em-ne-tim
106. li-te-er
@columnn 28
1. li-te-er
# sic
2. a-szar _me6_ u3 _szen-szen_
3. _{gesz}tukul_-szu
4. li-isz-bi#-ir
5. i-szi-tam
6. sa3-ah-ma-asz-tam
7. li-isz-ku-un-szum
8. qar-ra-di-szu
9. li-sza-am-qi2-it
10. da-mi-szu-nu
11. er-s,e-tam li-isz-qi2
12. gu-ru-un
13. sza-al-ma-at
14. um-ma-na-ti-szu
15. i-na s,e-ri-im
16. li-it-ta-ad-di
17. _erin2_-szu-ma? re-ma-am
18. a-i u2-szar-szi
19. szu-a-ti
20. a-na qa2-at na-ak-ri-szu
21. li-ma-al-li-szu-ma
22. a-na ma-at nu-ku-ur2-ti-szu
23. ka-mi-isz li-ru-szu
24. {d}ne3-eri11-gal
25. dan-nu-um i-na i3-li2
26. qa2-ba-al la ma-ha-ar
27. mu-sza-ak-szi-du
28. ir-ni-ti-ia
29. i-na ka-szu-szi-szu
30. ra-bi-im
31. ki-ma i-sza-tim
32. ez-ze-tim sza a-pi2-im
33. ni-szi-szu
34. li-iq-me
35. in _{gesz}tukul_-szu dan-nim
36. li-sza-ti-szu-ma
37. bi-ni-a-ti-szu
38. ki-ma s,a-lam t,i-t,i-im
39. li-ih-bu-usz
40. {d}nin-tu
41. _nin_ s,i-ir-tum
42. sza ma-ta-tim
43. _ama_ ba-ni-ti
44. _ibila_ li-t,e4-re-szu-ma
45. szu-ma-am
46. a u2-szar-szi-szu
47. i-na qer-bi-it ni-szi-szu
48. _numun_ a-wi-lu-tim
49. a ib-ni
50. {d}nin-kar-ra-ak
51. _dumu-munus an_-nim
52. qa2-bi-a-at
53. dum-qi2-ia
54. i-na e2-kur
55. mur-s,a-am kab-tam
56. _a2-sag3_ le-em-nam
57. si2-im-ma-am mar-s,a-am
58. sza la i-pa-asz-sze-hu
59. _a-zu!_ qe2-re-eb-szu
60. la i-lam-ma-du
61. i-na s,i2-im-di
62. la u2-na-ah-hu-szu
63. ki-ma ni-szi-ik mu-tim la in-na-sa3-hu
64. i-na bi-ni-a-ti-szu
65. li-sza-s,i-a-asz-szum-ma
66. a-di na-pi2-isz-ta-szu
67. i-be2-el-lu-u2
68. a-na et,-lu-ti-szu
69. li-da!-dam-ma-am
70. _dingir gal-gal_
71. sza sza-me-e
72. u3 er-s,e-tim
73. {d}a-nun-na
74. i-na _szunigin_-szu-nu
75. sze-ed bi-tim
76. _sig4_ e2-babbar-ra
77. szu-a-ti
78. _numun_-szu
79. ma-su2 _erin2_-szu
80. ni-szi-szu
81. u3 um-ma-an-szu
82. er-re-tam
83. ma-ru-usz-tam li-ru-ru
84. er-re-tim
85. da!-ni-a-tim
86. {d}en-lil2
87. i-na _ka_-szu
88. sza la ut-ta-ak-ka-ru
89. li-ru-ur-szu-ma
90. ar-hi-isz
91. li-ik-szu-da-szu

2018-06-22 05:59:27, entered by page-perron for page-perron
&P249253 = RIME 4.03.06.add21, ex. 01
#atf: lang akk
@object stele
@surface a
@columnn 1
@prologue
1. i3-nu an s,i-ru-um
2. _lugal_ {d}a-nun-na-ki
3. {d}en-lil2
4. be-el sza-me-e
5. u3 er-s,e-tim
6. sza-i-im
7. szi-ma-at _kalam_
8. a-na {d}marduk
9. _dumu_ re-esz-ti-im
10. sza {d}en-ki
11. {d}en-lil2-ut
12. kisz ni-szi3
13. i-szi-mu-szum
14. in i-gi4-gi4
15. u2-szar-bi2-u3-szu
16. babila{ki}
17. szum-szu s,i-ra-am ib-bi-u3
18. in ki-ib-ra-tim
19. u2-sza-t,e4-ru-szu
20. i-na li-ib-bi-szu
21. szar-ru-tam da-ri2-tam
22. sza ki-ma sza-me-e
23. u3 er-s,e-tim
24. isz-da-sza
25. szu-ur2-szu-da
26. u2-ki-in-nu-szum
27. i-nu-mi-szu
28. {disz}ha-am-mu-ra-pi2
29. ru-ba-am
30. na-a'-dam
31. pa-li-ih i3-li2 ia-ti
32. mi-sza-ra-am
33. i-na ma-tim
34. a-na szu-pi2-i-im
35. ra-ga-am u3 s,e-nam
36. a-na hu-ul-lu-qi2-im
37. dan-nu-um
38. en-sza-am
39. a-na la ha-ba-li-im
40. ki-ma {d}utu
41. a-na _sag-ge6_
42. wa-s,e-e-em-ma
43. ma-tim
44. nu-wu-ri-im
45. an
46. u3 {d}en-lil2
47. a-na szi-ir ni-szi
48. t,u2-ub-bi-im
49. szu-mi ib-bu-u2
50. {disz}ha-am-mu-ra-pi2
51. re-iu-um
52. ni-bi-it
53. {d}en-lil2 a-na-ku
54. mu-kam-me-er
55. nu-uh2-szi-im
56. u3 t,u2-uh2-di-im
57. mu-sza-ak-li-il
58. mi-im-ma szum-szu
59. a-na nibru{ki} _dur-an-ki_
60. za-ni-nu-um
61. na-a'-du-um
62. sza e2-kur
63. _lugal_ le-iu-um
64. mu-te-er {iri}eridu{ki}
65. a-na asz-ri-szu
66. mu-ub-bi-ib
@columnn 2
1. szu-luh e2-abzu
2. ti-i-ib
3. ki-ib-ra-at
4. er-be2-tim
5. mu-szar-bi2 zi-ik-ru
6. babila{ki}
7. mu-t,i3-ib
8. li-ib-bi {d}marduk
9. be-li2-szu
10. sza u4-mi-szu
11. iz-za-zu
12. a-na e2-sag-il2
13. _numun_ szar-ru-tim
14. sza {d}suen
15. ib-ni-u3-szu
16. mu-na-ah-hi-isz
17. {iri}uri5{ki}
18. wa-asz-ru-um
19. mu-usz-te-mi-qum
20. ba-bil2 _he2-gal2_
21. a-na e2-kisz-nu-gal2
22. _lugal_ ta-szi-im-tim
23. sze-mu {d}utu da-num2
24. mu-ki-in
25. _suhusz_ zimbir{ki}
26. mu-sza-al-bi-isz
27. wa-ar-qi2-im
28. gi-gu-ne-e {d}a-a
29. mu-s,i-ir
30. e2-babbar
31. sza ki szu-ba-at sza-ma-i
32. _ur-sag_ ga#-mi-il
33. larsa{ki}
34. mu-u4-di-isz e2-babbar
35. a-na {d}utu
36. re-s,i-szu
37. be-lum mu-ba-li2-it,
38. unu{ki}
39. sza-ki-in me-e
40. nu-uh2-szi-im
41. a-na ni-szi-szu
42. mu-ul-li
43. re-esz e2-an-na
44. mu-kam-me-er
45. hi-is,-bi-im
46. a-na _an_-nim
47. u3 {d}inanna
48. _an-dul3_ ma-tim
49. mu-pa-ah-hi-ir
50. ni-szi sa6-ap-ha-tim
51. sza i3-si-in{ki}
52. mu-t,a-ah-hi-id
53. nu-uh2-szi-im
54. _e2_ e2-gal-mah
55. _uszumgal lugal_-ri2
56. ta-li-im
57. {d}za-ba4-ba4
58. mu-szar-szi-id
59. szu-ba-at {iri}kisz{ki}
60. mu-usz-ta-as2-hi-ir
61. me-le-em-mi
62. e2-me-te-ur-sag
63. mu-usz-te-es,-bi
64. pa-ar-s,i2 ra-bu-u2-tim
65. sza {d}inanna
66. pa-qi2-id bi-tim
67. hur-sag-kalam-ma
68. sa-par4 na-ki-ri
69. sza {d}er3-ra ru-szu
70. u2-sza-ak-szi-du
@columnn 3
1. ni-iz-ma-su2
2. mu-sza-te-er
3. {iri}gu2-du8-a{ki}
4. mu-ra-ap-pi2-isz
5. mi-im-ma szum-szu
6. ana mes-lam
7. ri-mu-um
8. ka-ad-ru-um
9. mu-na-ak-ki-ip za-i-ri
10. na-ra-am {d}tu-tu
11. mu-ri-isz
12. {iri}bar-si2-pa2{ki}
13. na-a'-du-um
14. la mu-up-pa-ar-ku-u2-um
15. a-na e2-zi-da
16. i-lu _lugal_-ri2
17. mu-de _igi-gal2_-im
18. mu-sza-ad-di-il
19. me-re-esz-tim
20. sza dil-bat{ki}
21. mu-ga-ar-ri-in _guru7-guru7_
22. a-na {d}urasz
23. ga-asz-ri-im
24. be-lum si2-ma-at
25. ha-at,-t,i-im
26. u3 a-ge-em
27. sza u2-sza-ak-li-lu-szu
28. e-ri-isz-tum
29. {d}ma-ma
30. mu-ki-in
31. u2-s,u2-ra-tim
32. sza kesz3{ki}
33. mu-de-esz-szi
34. ma-ka-li el-lu-tim
35. a-na {d}nin-tu
36. mu-usz-ta-lum
37. gi-it-ma-lum
38. sza-i-im
39. mi-ri-tim
40. u3 ma-asz-qi2-tim
41. a-na lagasz{ki}
42. u3 gir2-su{ki}
43. mu-ki-il
44. ni-in-da-be2-e
45. ra-bu-tim
46. a-na e2-ninnu
47. mu-tam-me-eh a-a-bi
48. mi-gi4-ir
49. te-li-tim
50. mu-sza-ak-li-il
51. te-re-tim
52. sza zabala2{ki}
53. mu-ha-ad-di
54. li-ib-bi {d}esz18-dar
55. ru-bu-um el-lum
56. sza ni-isz qa2-ti-szu
57. {d}iszkur i-du-u2
58. mu-ne-eh
59. li-ib-bi {d}iszkur
60. gu2-ra-di-im
61. i-na {iri}im{ki}
62. mu-usz-ta-ak-ki-in
63. si2-ma-tim
64. i-na e2-u4-gal-gal
65. _lugal_ na-di-in
66. na-pi2-isz-tim
67. a-na adab{ki}
68. a-sze-er
69. _e2_ e2-mah
70. e-te-el _lugal_-ri2
71. qa2-ba-al
72. la ma-ha-ri-im
@columnn 4
1. szu i-qi2-szu
2. na-ap-sza-tam
3. a-na {iri}masz-gan-szabra{ki}
4. mu-sze-esz-qi2
5. nu-uh2-szi-im
6. a-na _mes-lam_
7. em-qum
8. mu-tab-bi-lum
9. szu ik-szu-du
10. na-ga-ab ur2-szi-im
11. mu-usz-pa-az-zi-ir
12. ni-szi ma3-al-nag-a {ki}
13. in ka-ra-szi-im
14. mu-szar-szi-du
15. szu-ba-ti-szi-in
16. in nu-uh2-szi-in
17. a-na {d}en-ki
18. u3 {d}dam-gal-nun-na
19. mu-szar-bu-u2
20. szar-ru-ti-szu
21. da-ri2-isz i-szi-mu
22. zi-bi el-lu-tim
23. a-sza-re-ed _lugal_-ri2
24. mu-ka-an-ni-isz
25. da-ad-mi
26. {i7}buranun-na
27. i3-tum {d}da-gan
28. ba-ni-szu
29. szu ig-mi-lu
30. ni-szi me-ra{ki}
31. u3 tu-tu-ul{ki}
32. ru-bu-um
33. na-a'-du-um
34. mu-na-wi-ir
35. pa-ni {d}tiszpak
36. sza-ki-in ma-ka-li el-lu-tim
37. a-na {d}nin-a-zu
38. sza-t,i3-ip ni-szi-szu
39. in pu-usz-qi2-im
40. mu-ki-in-nu
41. isz-di-szi-in
42. qer-bu-um
43. babila{ki}
44. szu-ul-ma-ni-isz
45. _sipa_ ni-szi3
46. sza ep-sze-tu-szu
47. e-li {d}esz18-dar t,a-ba
48. mu-ki-in-ni {d}esz18-dar
49. i-na e2-ul-masz
50. qer-bu-um
51. a-ga-de3{ki}
52. re-bi-tim
53. mu-sze-pi2 ki-na-tim
54. mu-szu-sze-er am-mi
55. mu-te-er
56. {d}lamma-szu
57. da-mi-iq-tim
58. a-na {iri}a-szur4{ki}
59. mu-sze-ep-pi2 na-bi-hi
60. _lugal_ sza i-na ni-nu-a{ki}
61. i-na e2-mes-mes
62. u2-szu-pi2-u3
63. me-e {d}inanna
64. na-a'-du-um
65. mu-usz-te-mi-qum
66. a-na _dingir gal-gal_
67. li-ip-li-pi2
68. sza {disz}su-mu-la-il3
69. _ibila_ da-num2
70. sza {disz}{d}suen-mu-ba-li2-it,
@columnn 5
1. _numun_ da-ri2-um
2. sza szar-ru-tim
3. _lugal_ da-num2
4. {d}utu-szu
5. babila{ki}
6. mu-sze-s,i2 nu-ri-im
7. a-na ma-at
8. szu-me-ri2-im
9. u3 ak-ka-di-im
10. _lugal_ mu-usz-te-esz-mi
11. ki-ib-ra-at
12. ar-ba-im
13. mi-gi4-ir {d}inanna a-na-ku
14. i-nu-ma
15. {d}marduk
16. a-na szu-te-szu-ur ni-szi
17. _kalam_ u2-si-[im]
18. szu-hu-zi-im
19. u2-wa-e-ra-an-ni
20. ki-it-tam
21. u3 mi-sza-ra-am
22. i-na _ka_ ma-tim
23. asz-ku-un
24. szi-ir ni-szi u2-t,i-ib
25. i-nu-mi-szu
@law 1
26. szum-ma a-wi-lum a-wi-lam
27. u2-ub-bi-ir-ma
28. ne-er-tam e-li-szu
29. id-di-ma
30. la uk-ti-in-szu
31. mu-ub-bi-ir-szu
32. id-da-ak
@law 2
33. szum-ma a-wi-lum
34. ki-isz-pi2
35. e-li a-wi-lim id-di-ma
36. la uk-ti-in-szu
37. sza e-li-szu
38. ki-isz-pu na-du-u2
39. a-na {d}i7
40. i-il-la-ak
41. {d}i7 i-sza-al-li-a-am-ma
42. szum-ma {d}i7
43. ik-ta-sza-su2
44. mu-ub-bi-ir-szu
45. _e2_-su2 i-tab-ba-al
46. szum#-ma a-wi-lam szu-a-ti
47. {d}i7
48. u2-te-eb-bi-ba-asz-szu-ma
49. isz-ta-al-ma-am
50. sza e-li-szu
51. ki-isz-pi2 id-du-u2
52. id-da-ak
53. sza {d}i7
54. isz-li-a-am
55. _e2_ mu-ub-bi-ri-szu
56. i-tab-ba-al
@law 3
57. szum-ma a-wi-lum
58. i-na di-nim
59. a-na szi-bu-ut
60. sa3-ar-ra-tim
61. u2-s,i-a-am-ma
62. a-wa-at iq-bu-u2
63. la uk-ti-in
64. szum-ma di-nu-um szu-u2
65. di-in na-pi2-isz-tim
66. a-wi-lum szu-u2
67. id-da-ak
@law 4
68. szum-ma a-na szi-bu-ut
@columnn 6
1. _sze_ u3 _ku3-babbar_
2. u2-s,i-a-am
3. a-ra-an
4. di-nim szu-a-ti
5. it-ta-na-asz-szi
@law 5
6. szum-ma da-a-a-nu-um
7. di-nam i-di-in
8. pu-ru-sa2-am
9. ip-ru-us2
10. ku-nu-uk-kam
11. u2-sze-zi-ib
12. wa-ar-ka-nu-um-ma
13. di-in-szu i-te-ni
14. da-a-a-nam szu-a-ti
15. i-na di-in i-di-nu
16. e-ne-em
17. u2-ka-an-nu-szu-ma
18. ru-gu-um-ma-am
19. sza i-na di-nim szu-a-ti
20. ib-ba-asz-szu-u2
21. _a-ra2_ 1(u) 2(disz)-szu
22. i-na-ad-di-in
23. u3 i-na pu-uh2-ri-im
24. i-na _{gesz}gu-za_
25. da-a-a-nu-ti-szu
26. u2-sze-et-bu-u2-szu-ma
27. u2-ul i-ta-ar-ma
28. it-ti da-a-a-ni
29. i-na di-nim
30. u2-ul usz-ta-ab
@law 6
31. szum-ma a-wi-lum
32. _nig2-gur11 dingir_
33. u3 _e2-gal_
34. isz-ri-iq
35. a-wi-lum szu-u2
36. id-da-ak
37. u3 sza szu-ur2-qa2-am
38. i-na qa2-ti-szu
39. im-hu-ru
40. id-da-ak
@law 7
41. szum#-ma a-wi-lum
42. lu _ku3-babbar_
43. lu _ku3-sig17_
44. lu _ARAD2_ lu _geme2_
45. lu _gu4_ lu _udu_
46. lu _ansze_
47. u3 lu mi-im-ma szum-szu
48. i-na qa2-at _dumu_ a-wi-lim
49. u3 lu _ARAD2_ a-wi-lim
50. ba-lum szi-bi
51. u3 ri-ik-sa-tim
52. isz-ta-am
53. u3 lu a-na ma-s,a-ru-tim
54. im-hu-ur
55. a-wi-lum szu-u2
56. szar-ra-aq id-da-ak
@law 8
57. szum-ma a-wi-lum
58. lu _gu4_ lu _udu_ lu _ansze_ lu _szah2_
59. u3 lu _{gesz}ma2_
60. isz-ri-iq
61. szum-ma sza i-lim
62. szum-ma sza _e2-gal_
63. _a-ra2_ 3(u)-szu
64. i-na-ad-di-in
65. szum-ma sza _|MASZ.EN.GAG|_
66. _a-ra2_ 1(u)-szu i-ri-a-ab
67. szum-ma szar-ra-qa2-nu-um
68. sza na-da-nim la i-szu
69. id-da-ak
@law 9
70. szum-ma a-wi-lum
@columnn 7
1. sza mi-im-mu-szu hal-qu2
2. mi-im-ma-szu
3. hal-qa2-am
4. i-na qa2-ti a-wi-lim
5. is,-s,a-ba-at
6. a-wi-lum sza hu-ul-qum
7. i-na qa2-ti-szu
8. s,a-ab-tu
9. na-di-na-nu-um-mi id-di-nam
10. ma-har szi-bi-mi
11. a-sza-am
12. iq-ta-bi
13. u3 be-el hu-ul-qi2-im
14. szi-bi mu-de
15. hu-ul-qi2-ia-mi
16. lu-ub-lam
17. iq-ta-bi
18. sza-a-a-ma-nu-um
19. na-di-in
20. id-di-nu-szum
21. u3 szi-bi
22. sza i-na mah-ri-szu-nu
23. i-sza-mu it-ba-lam
24. u3 be-el hu-ul-qi2-im
25. szi-bi mu-de hu-ul-qi2-szu
26. it-ba-lam
27. da-a-a-nu
28. a-wa-a-ti-szu-nu
29. i-im-ma-ru-ma
30. szi-bu sza mah-ri-szu-nu
31. szi-mu-um
32. isz-sza-mu
33. u3 szi-bu mu-de
34. hu-ul-qi2-im
35. mu-du-su2-nu
36. ma-har i-lim
37. i-qa2-ab-bu-ma
38. na-di-na-nu-um
39. szar-ra-aq id-da-ak
40. be-el hu-ul-qi2-im
41. hu-lu-uq-szu
42. i-le-qe2
43. sza-a-a-ma-nu-um
44. a-na bi-it
45. na-di-na-nim
46. _ku3-babbar_ isz-qu2-lu
47. i-le-qe2
@law 10
48. szum-ma sza-a-a-ma-nu-um
49. na-di-in
50. id-di-nu-szum
51. u3 szi-bi sza i-na mah-ri-szu-nu
52. i-sza-mu
53. la it-ba-lam
54. be-el hu-ul-qi2-im-ma
55. szi-bi mu-de
56. hu-ul-qi2-szu it-ba-lam
57. sza-a-a-ma-nu-um
58. szar-ra-aq id-da-ak
59. be-el hu-ul-qi2-im
60. hu-lu-uq-szu
61. i-le-qe2
@law 11
62. szum-ma be-el hu-ul-qi2-im
63. szi-bi mu-de
64. hu-ul-qi2-szu
65. la it-ba-lam
@columnn 8
1. sa3-ar
2. tu-usz-sza-am-ma id-ke
3. id-da-ak
@law 12
4. szum-ma na-di-na-nu-um
5. a-na szi-im-tim
6. it-ta-la-ak
7. sza-a-a-ma-nu-um
8. i-na bi-it
9. na-di-na-nim
10. ru-gu-um-me-e
11. di-nim szu-a-ti
12. _a-ra2_ 5(disz)-szu
13. i-le-qe2
@law 13
14. szum#-ma a-wi-lum szu-u2
15. szi-bu-szu la qer-bu
16. da-a-a-nu a-da-nam
17. a-na _iti 6(disz)-kam_
18. i-sza-ak-ka-nu-szum-ma
19. szum-ma i-na _iti 6(disz)-kam_
20. szi-bi-szu la ir-de-a-am
21. a-wi-lum szu-u2
22. sa3-ar
23. a-ra-an di-nim szu-a-ti
24. it-ta-na-asz-szi
@law 14
25. szum-ma a-wi-lum
26. _dumu_ a-wi-lim
27. s,e-eh-ra-am
28. isz-ta-ri-iq
29. id-da-ak
@law 15
30. szum-ma a-wi-lum
31. lu _ARAD2 e2-gal_
32. lu _geme2 e2-gal_
33. lu _ARAD2 |MASZ.EN.GAG|_
34. lu _geme2 |MASZ.EN.GAG|_
35. _abul_ usz-te-s,i2
36. id-da-ak
@law 16
37. szum-ma a-wi-lum
38. lu _ARAD2_ lu _geme2_
39. hal-qa2-am
40. sza _e2-gal_
41. u3 lu _|MASZ.EN.GAG|_
42. i-na bi-ti-szu
43. ir-ta-qi2-ma
44. a-na szi-si-it
45. na-gi-ri-im
46. la usz-te-s,i2-a-am
47. be-el _e2_ szu-u2
48. id-da-ak
@law 17
49. szum-ma a-wi-lum
50. lu _ARAD2_ lu _geme2_
51. hal-qa2-am
52. i-na s,e-ri-im
53. is,-ba-at-ma
54. a-na be-li2-szu
55. ir-te-de-a-asz-szu
56. 2(disz) _gin2 ku3-babbar_
57. be-el _ARAD2_
58. i-na-ad-di-isz-szum
@law 18
59. szum-ma _ARAD2_ szu-u2
60. be-el-szu
61. la iz-za-kar
62. a-na _e2-gal_
63. i-re-ed-de-szu
64. wa-ar-ka-su2
65. ip-pa-ar-ra-as2-ma
66. a-na be-li2-szu
67. u2-ta-ar-ru-szu
@law 19
68. szum-ma _ARAD2_
69. szu-a-ti
70. i-na bi-ti-szu
71. ik-ta-la-szu
72. wa-ar-ka _ARAD2_
@columnn 9
1. i-na qa2-ti-szu
2. it-ta-as,-ba-at
3. a-wi-lum szu-u2
4. id-da-ak
@law 20
5. szum-ma _ARAD2_
6. i-na qa2-at
7. s,a-bi-ta-ni-szu
8. ih-ta-li-iq
9. a-wi-lum szu-u2
10. a-na be-el _ARAD2_
11. ni-isz i-lim
12. i-za-kar-ma
13. u2-ta-asz-szar
@law 21
14. szum-ma a-wi-lum
15. bi-tam
16. ip-lu-usz
17. i-na pa-ni
18. pi2-il-szi-im
19. szu-a-ti
20. i-du-uk-ku-szu-ma
21. i-ha-al-la-lu-szu
@law 22
22. szum-ma a-wi-lum
23. hu-ub-tam
24. ih-bu-ut-ma
25. it-ta-as,-ba-at
26. a-wi-lum szu-u2
27. id-da-ak
@law 23
28. szum-ma ha-ab-ba-tum
29. la it-ta-as,-ba-at
30. a-wi-lum
31. ha-ab-tum
32. mi-im-ma-szu
33. hal-qa2-am
34. ma-ha-ar
35. i-lim
36. u2-ba-ar-ma
37. _iri_
38. u3 ra-bi-a-nu-um
39. sza i-na er-s,e-ti-szu-nu
40. u3 pa-t,i-szu-nu
41. hu-ub-tum
42. ih-ha-ab-tu
43. mi-im-ma-szu
44. hal-qa2-am
45. i-ri-a-ab-bu-szum
@law 24
46. szum-ma na-pi2-isz-tum
47. _iri_ u3 ra-bi-a-nu-um
48. 1(disz) _ma-na ku3-babbar_
49. a-na ni-szi-szu
50. i-sza-qa2-lu
@law 25
51. szum-ma i-na _e2_ a-wi-lim
52. i-sza-tum
53. in-na-pi2-ih-ma
54. a-wi-lum
55. sza a-na bu-ul-li-im
56. il-li-ku
57. a-na nu-ma-at
58. be-el _e2_
59. i-in-szu isz-szi-ma
60. nu-ma-at
61. be-el _e2_
62. il-te-di
63. a-wi-lum szu-u2
64. a-na i-sza-tim szu-a-ti
65. in-na-ad-di
@law 26
66. szum-ma lu _aga-us2_
67. u3 lu _szu-ku6_
68. sza a-na har-ra-an szar-ri-im
69. a-la-ak-szu
@columnn 10
1. qa2-bu-u2
2. la-il-li-ik
3. lu _{lu2}hun-ga2_
4. i-gur-ma
5. pu-uh2-szu
6. it,-t,a-ra-ad
7. lu _aga-us2_
8. u3 lu _szu-ku6_ szu-u2
9. id-da-ak
10. mu-na-ag-gi-ir-szu
11. _e2_-su2
12. i-tab-ba-al
@law 27
13. szum-ma lu _aga-us2_
14. u3 lu _szu-ku6_
15. sza i-na dan-na-at
16. szar-ri-im
17. tu-ur2-ru
18. wa-ar-ki-szu
19. _a-sza3_-szu u3 _{gesz}kiri6_-szu
20. a-na sza-ni-im
21. id-di-nu-ma
22. i-li-ik-szu
23. it-ta-la-ak
24. szum-ma it#-tu-ra-am-ma
25. _iri_-szu ik-ta-asz2-dam
26. _a-sza3_-szu u3 _{gesz}kiri6_-szu
27. u2-ta-ar-ru-szum-ma
28. szu-ma i-li-ik-szu
29. i-il-la-ak
@law 28
30. szum-ma lu _aga#-us2_
31. u3 lu _szu-ku6_
32. sza i-na dan#-na-at
33. szar-ri-im
34. tu-ur2#-ru
35. _dumu_-szu il-kam
36. a-la-kam i-le-i
37. _a-sza3_ u3 _{gesz}kiri6_
38. in-na-ad-di-isz-szum#-ma
39. i-li-ik# [a]-bi-szu
40. i-il-[la]-ak#
@law 29
41. szum-ma _dumu_-szu
42. s,e-he-er-ma#
43. i-li-ik a-bi-szu
44. a-la-kam
45. la i-le-i
46. sza-lu-usz-ti _a-sza3_ u3 _{gesz}kiri6_
47. a-na um-mi-szu
48. in-na-ad#-di-in-ma
49. um-ma-szu
50. u2-ra-ab-ba-szu
@law 30
51. szum-ma lu _aga-us2#_
52. u3 lu _szu-ku6_
53. _a-sza3_-szu _{gesz}kiri6_-szu# u3 _e2_-su2#
54. i-na pa-ni il-ki-im
55. id-di-ma
56. u4-da-ap-pi2-ir
57. sza-nu-um
58. wa-ar-ki-szu#
59. _a-sza3_-szu _{gesz}kiri6_-szu
60. u3 _e2_-su2
61. is,-ba-at-ma
62. _mu 3(disz)-kam_
63. i-li-ik-szu
64. it-ta-la-ak
65. szum-ma it-tu-ra-am-ma
66. _a-sza3_-szu _{gesz}kiri6_-szu u3 _e2_-su2
67. i-ir-ri-isz
68. u2-ul in-na-ad-di-isz-szum
@columnn 11
1. sza is,-s,a-ab-tu-ma
2. i-li-ik-szu
3. it-ta-al-ku
4. szu-ma i-il-la-ak
@law 31
5. szum-ma sza-at-tam
6. isz-ti-a-at-ma
7. u4-da-ap-pi2-ir-ma
8. it-tu-ra-am
9. _a-sza3_-szu u3 _e2_-su2
10. in-na-ad-di-isz-szum-ma
11. szu-ma i-li-ik-szu
12. i-il#-la#-ak#
@law 32
13. szum#-ma# lu _aga-us2_
14. u3 lu _szu-ku6_
15. sza i-na har-ra-an
16. szar-ri-im
17. tu-ur2-ru
18. _dam-gar3_ ip-t,u2-ra-asz-szu-ma
19. _iri_-szu usz-ta-ak-szi-da-asz-szu
20. szum-ma i-na bi-ti-szu
21. sza pa-t,a-ri-im
22. i-ba-asz-szi
23. szu-ma ra-ma-an-szu
24. i-pa-at,-t,a-ar
25. szum-ma i-na bi-ti-szu
26. sza pa-t,a-ri-szu
27. la i-ba-asz-szi
28. i-na _e2 dingir iri_-szu
29. ip-pa-at,-t,ar2
30. szum-ma i-na _e2_
31. _dingir iri_-szu
32. sza pa-t,a-ri-szu
33. la i-ba-asz-szi
34. _e2-gal_ i-pa-at,-t,a-ar!(RI)-szu
35. _a-sza3_-szu _{gesz}kiri6_-szu
36. u3 _e2_-su2
37. a-na ip-t,e4-ri-szu
38. u2-ul in-na-ad-di-in
@law 33
39. szum-ma lu _ugula-ugula_
40. u3 lu _nu-banda3_
41. _erin2_ ni-is-ha-tim
42. ir-ta-szi
43. u3 lu a-na _kaskal_
44. szar-ri-im
45. _{lu2}hun-ga2_ pu-ha-am
46. im-hu-ur-ma
47. ir-te-de
48. lu _ugula-ugula_
49. u3 lu _nu-banda3_ szu-u2
50. id-da-ak
@law 34
51. szum-ma lu _ugula-ugula_
52. u3 lu _nu-banda3_
53. nu-ma-at _aga-us2_ il-te-qe2
54. _aga-us2_ ih-ta-ba-al
55. _aga-us2_ a-na ig-ri-im
56. it-ta-di-in
57. _aga-us2_ i-na di-nim
58. a#-na# dan-nim isz-ta-ra-ak
59. qi2#-isz-ti szar-ru-um
60. [a]-na# _aga-us2_ id-di-nu
61. il#-te-di
62. lu# _ugula-ugula_
63. u3# lu _nu-banda3_ szu-u2
64. id#-da#-ak
@law 35
65. szum#-ma a-wi-lum
66. _ab2# gu4!(BI) hi-a_
67. u3 _u8 udu hi-a_
68. sza szar-ru-um
69. a-na _aga-us2_
70. id-di-nu
@columnn 12
1. i-na qa2-ti _aga-us2_
2. isz-ta-am
3. i-na _ku3-babbar_-szu
4. i-te-el-li
@law 36
5. _a-sza3_-um _{gesz}kiri6_ u3 _e2_
6. sza _aga-us2 szu-ku6_
7. u3 na-szi bi-il-tim
8. a-na _ku3-babbar_
9. u2-ul i-na-ad-di-in
@law 37
10. szum-ma a-wi-lum
11. _a-sza3 {gesz}kiri6_ u3 _e2_
12. sza _aga-us2 szu-ku6_
13. u3# na#-szi _gun#_
14. isz#-ta#-am#
15. t,up-pa-szu
16. ih-he-ep-pe2
17. u3 i-na _ku3-babbar_-szu
18. i-te-el-li
19. _a-sza3 {gesz}kiri6_ u3 _e2_
20. a-na be-li2-szu
21. i-ta-ar
@law 38
22. _aga-us2 szu-ku6_
23. u3 na-szi _gun_
24. i-na _a-sza3 {gesz}kiri6_ u3 _e2_
25. sza il-ki-szu
26. a-na asz-sza-ti-szu
27. u3 _dumu-munus_-szu
28. u2-ul i-sza-at,-t,a-ar
29. u3 a-na i-il-ti-szu
30. u2-ul i-na-ad-di-in
@law 39
31. i-na _a-sza3 kiri6_ u3 _e2_
32. sza i-sza-am-mu-ma
33. i-ra-asz-szu-u2
34. a-na asz-sza-ti-szu
35. u3 _dumu-munus_-szu
36. i-sza-at,-t,ar2
37. u3 a-na e-hi-il-ti-szu
38. i-na-ad-di-in
@law 40
39. _lukur dam-gar3_
40. u3 il-kum a-hu-u2-um
41. _a-sza3_-szu _{gesz}kiri6_-szu
42. u3 _e2_-su2 a-na _ku3-babbar_
43. i-na-ad-di-in
44. sza-a-a-ma-nu-um
45. i-li-ik _a-sza3_
46. _{gesz}kiri6_ u3 _e2_
47. sza i-sza-am-mu
48. i-il-la-ak
@law 41
49. szum-ma a-wi-lum
50. _a-sza3 {gesz}kiri6_ u3 _e2_
51. sza _aga-us2 szu-ku6_
52. u3 na-szi bi-il-tim
53. u2-pi2-ih
54. u3 ni-ip-la-ti
55. id-di-in
56. _aga-us2 szu-ku6_
57. u3 na-szi bi-il-tim
58. a-na _a-sza3_-szu _{gesz}kiri6_-szu u3 _e2_-szu
59. i-ta-ar
60. u3 ni-ip-la-tim
61. sza in-na-ad-nu-szum
62. i-tab-ba-al
@law 42
63. szum-ma a-wi-lum
64. _a-sza3_ a-na er-re-szu-tim
65. u2-sze-s,i-ma
66. i-na _a-sza3 sze_ la usz-tab-szi
67. i-na _a-sza3_ szi-ip-ri-im
@columnn 13
1. la e-pe2-szi-im
2. u2-ka-an-nu-szu-ma
3. _sze_ ki-ma i-te-szu
4. a-na be-el _a-sza3_
5. i-na-ad-di-in
@law 43
6. szum-ma _a-sza3_-am la i-ri-isz-ma
7. it-ta-di
8. _sze_ ki-ma i-te-szu
9. a-na be-el _a-sza3_
10. i-na-ad-di-in
11. u3 _a-sza3_ sza id-du-u2
12. ma-a-a-ri
13. i-ma-ah-ha-as,
14. i-sza-ak-ka-ak-ma
15. a-na be-el _a-sza3_
16. u2-ta-ar
@law 44
17. szum-ma a-wi-lum
18. _a-sza3 |KI.KAL|_
19. a-na _mu 3(disz)-kam_
20. a-na te-ep-ti-tim
21. u2-sze-s,i-ma
22. a-ah-szu id-di-ma
23. _a-sza3_ la ip-te-te
24. i-na re-bu-tim
25. sza-at-tim
26. _a-sza3_ ma-a-a-ri
27. i-ma-ah-ha-as,
28. i-mar-ra-ar
29. u3 i-sza-ak-ka-ak-ma
30. a-na be-el _a-sza3_
31. u2-ta-ar
32. u3 1(bur3) _GAN2_-e
33. 1(u) _sze gur_
34. i-ma-ad-da-ad
@law 45
35. szum-ma a-wi-lum
36. _a-sza3_-szu a-na _gun_
37. a-na er-re-szi-im
38. id-di-in-ma
39. u3 _gun a-sza3_-szu
40. im-ta-ha-ar
41. wa-ar-ka _a-sza3_
42. {d}iszkur ir-ta-hi-is,
43. u3 lu bi-ib-bu-lum
44. it-ba-al
45. bi-ti-iq-tum
46. sza er-re-szi-im-ma
@law 46
47. szum-ma _gun a-sza3_-szu
48. la im-ta-ha-ar
49. u3 lu a-na mi-isz-la-ni
50. u3 lu a-na sza-lu-usz
51. _a-sza3_ id-di-in
52. _sze_ sza i-na _a-sza3_
53. ib-ba-asz-szu-u2
54. er-re-szum
55. u3 be-el _a-sza3_
56. a-na ap-szi-te-em
57. i-zu-uz-zu
@law 47
58. szum-ma er-re-szum
59. asz-szum i-na sza-at-tim
60. mah-ri-tim
61. ma-na-ha-ti-szu
62. la il-qu2-u2
63. _a-sza3_ e-re-sza-am iq-ta-bi
64. be-el _a-sza3_
65. u2-ul u2-up-pa-as
66. er-re-su-ma
67. _a-sza3_-szu i-ir-ri-isz-ma
68. i-na _buru14_
69. ki-ma ri-ik-sa-ti-szu
70. _sze_ i-le-qe2
@law 48
71. szum-ma a-wi-lum
72. hu-bu-ul-lum
73. e-li-szu
@columnn 14
1. i-ba-asz-szi-ma
2. _[a]-sza3_-szu
3. {d}iszkur
4. ir-ta-hi-is,
5. u3 lu-u2 bi-ib-bu-lum#
6. it-ba-al
7. u3 lu-u2 i-na la me-e
8. _sze_ i-na _a-sza3_
9. la it-tab-szi
10. i-na sza-at-tim szu-a-ti
11. _sze_ a-na be-el hu-bu-ul-li-szu
12. u2-ul u2-ta-ar
13. t,up-pa-szu
14. u2-ra-at,-t,a-ab
15. u3 s,i-ib-tam
16. sza sza-at-tim szu-a-ti
17. u2-ul i-na-ad-di-in
@law 49
18. szum-ma a-wi-lum
19. _ku3-babbar_ it-ti _dam-gar3_
20. il-qe2-ma
21. _a-sza3_ ep-e-tim
22. sza _sze_ u3 lu _sze-gesz-i3_
23. a-na _dam-gar3_ id-di-in
24. _a-sza3_ e-ri-isz-ma
25. _sze_ u3 lu-u2 _sze-gesz-i3_
26. sza ib-ba-asz-szu-u2
27. e-si-ip ta-ba-al
28. iq-bi-szum
29. szum-ma er-re-szum
30. i-na _a-sza3 sze_
31. u3 lu _sze-gesz-i3_
32. usz-tab-szi
33. i-na _buru14 sze_ u3 _sze-gesz-i3_
34. sza i-na _a-sza3_ ib-ba-asz-szu-u2
35. be-el _a-sza3_-ma
36. i-le-qe2-ma
37. _sze_ sza _ku3-babbar_-szu
38. u3 s,i-ba-su2
39. sza it-ti _dam-gar3_
40. il-qu2-u2
41. u3 ma-na-ha-at
42. e-re-szi-im
43. a-na _dam-gar3_
44. i-na-ad-di-in
@law 50
45. szum-ma _a-sza3_ er-sza-am
46. u3 lu-u2
47. _a-sza3 sze-gesz-i3_
48. er-sza-am id-di-in
49. _sze_ u3 lu _sze-gesz-i3_
50. sza i-na _a-sza3_
51. ib-ba-asz-szu-u2
52. be-el _a-sza3_-ma
53. i-le-qe2-ma
54. _ku3-babbar_ u3 s,i-ba-su2
55. a-na _dam-gar3_ u2-ta-ar
@law 51
56. szum-ma _ku3-babbar_
57. a-na tu-ur2-ri-im
58. la i-szu
59. _sze-gesz-i3_
60. a-na ma-hi-ra-ti-szu-nu
61. sza _ku3-babbar_-szu
62. u3 s,i-ib-ti-szu
63. sza it-ti _dam-gar3_ il-qu2-u2
64. a-na _ka_ s,i-im-da-at
65. szar-ri-im
66. a-na _dam-gar3_ i-na-ad-di-in
@columnn 15
@law 52
1. szum-ma er-re-szum
2. i-na _a-sza3_ sze-am
3. u3 lu _sze-gesz-i3_
4. la usz-tab-szi
5. ri-ik-sa-ti-szu
6. u2-ul [i]-in-ni
@law 53
7. szum-ma a-wi-lum
8. a-na _kar a-sza3_-szu
9. du-un-nu-nim#
10. a-ah-szu id-di-ma
11. _kar_-szu
12. la u2-dan-ni-in-ma
13. i-na _kar_-szu
14. pi2-tum it-te-ep-te
15. u3 _a-gar3_ me-e usz-ta-bil2
16. a-wi-lum
17. sza i-na _kar_-szu
18. pi2-tum ip-pe2-tu-u2
19. _sze_ sza u2-hal-li-qu2
20. i-ri-a-ab
@law 54
21. szum-ma _sze_ ri-a-ba-am
22. la i-le-i
23. szu-a-ti
24. u3 bi-sza-szu
25. a-na _ku3-babbar_
26. i-na-ad-di-nu-ma
27. _dumu a-gar3-mesz_
28. sza _sze_-szu-nu
29. mu-u2 ub-lu
30. i-zu-uz-zu
@law 55
31. szum-ma a-wi-lum
32. a-tap-pa-szu
33. a-na szi-qi2-tim ip-te
34. a-ah-szu id-di-ma
35. _a-sza3_ i-te-szu
36. me-e usz-ta-bil2
37. _sze_ ki-ma i-te-szu
38. i-ma-ad-da-ad
@law 56
39. szum-ma a-wi-lum
40. me-e ip-te-ma
41. ep-sze-tim sza _a-sza3_ i-te-szu
42. me-e usz-ta-bil2
43. 1(bur3) _GAN2_-e
44. 1(u) _sze gur_
45. i-ma-ad-da-ad
@law 57
46. szum-ma _sipa_
47. a-na sza-am-mi
48. _u8 udu hi-a_ szu-ku-lim
49. it-ti be-el _a-sza3_
50. la im-ta-gar3-ma
51. ba-lum be-el _a-sza3_
52. _a-sza3 u8 udu hi-a_
53. usz-ta-ki-il
54. be-el _a-sza3 a-sza3_-szu
55. i-is,-s,i-id
56. _sipa_ sza i-na ba-lum
57. be-el _a-sza3_
58. _a-sza3 u8 udu hi-a_
59. u2-sza-ki-lu
60. e-le-nu-um-ma
61. 1(bur3) _GAN2_-e
62. 2(u) _sze gur_
63. a-na be-el _a-sza3_
64. i-na-ad-di-in
@law 58
65. szum-ma isz-tu _u8 udu hi-a_
66. i-na _a-gar3_
67. i-te-li-a-nim
68. ka-an-nu ga-ma-ar-tim
69. i-na _abul_
70. it-ta-ah-la-lu
71. _sipa u8 udu hi-a_
72. a-na _a-sza3_ id-di-ma
73. _a-sza3 u8 udu hi-a_
74. usz-ta-ki-il
75. _sipa a-sza3_ u2-sza-ki-lu
76. i-na-s,a-ar-ma
77. i-na _buru14_
78. 1(bur3) _GAN2_-e
@columnn 16
1. 1(gesz2) _sze gur_
2. a-na be-el _a-sza3_
3. i-ma-ad-da-ad
@law 59
4. szum-ma a-wi-lum
5. ba-lum be-el _{gesz}kiri6_
6. i-na _{gesz}kiri6_ a-wi-lim
7. i-s,a-am ik-ki-is
8. 1/2(disz) _ma-na ku3-babbar_
9. i-sza-qal
@law 60
10. szum-ma a-wi-lum
11. _a-sza3_ a-na _{gesz}kiri6_ [za]-qa2-pi2-im
12. [a]-na# _nu-{gesz}kiri6_ id-di-in
13. _nu-{gesz}kiri6_
14. _{gesz}kiri6_ iz-qu2-up
15. _mu 4(disz)-kam_
16. _{gesz}kiri6_ u2-ra-ab-ba
17. i-na ha-mu-usz-tim
18. sza-at-tim
19. be-el _{gesz}kiri6_
20. u3 _nu-{gesz}kiri6_
21. mi-it-ha-ri-isz
22. i-zu-zu
23. be-el _{gesz}kiri6_
24. _ha-la_-szu
25. i-na-sa3-aq-ma
26. i-le-qe2
@law 61
27. szum-ma _nu-{gesz}kiri6_
28. _a-sza3_ i-na za-qa2-pi2-im
29. la ig-mur-ma
30. ni-di-tam i-zi-ib
31. ni-di-tam
32. a-na li-ib-bi _ha-la_-szu
33. i-sza-ak-ka-nu-szum
@law 62
34. szum-ma _a-sza3_
35. sza in-na-ad-nu-szum
36. a-na _{gesz}kiri6_ la iz-qu2-up
37. szum-ma _ab-sin2_
38. _gun a-sza3_
39. sza sza-na-tim
40. sza in-na-du-u2
41. _nu-{gesz}kiri6_
42. a-na be-el _a-sza3_
43. ki-ma i-te-szu
44. i-ma-ad-da-ad
45. u3 _a-sza3_ szi-ip-ra-am
46. i-ip-pe2-esz-ma
47. a-na be-el _a-sza3_ u2-ta-ar
@law 63
48. szum-ma _a-sza3 |KI.KAL|_
49. _a-sza3_ szi-ip-ra-am
50. i-ip-pe2-esz-ma
51. _a-sza3_ be-el _a-sza3_
52. u2-ta-ar
53. u3 1(bur3) _GAN2_-e
54. 1(u) _sze gur_
55. sza sza-at-tim
56. isz-ti-a-at
57. i-ma-ad-da-ad
@law 64
58. szum-ma a-wi-lum
59. _{gesz}kiri6_-szu
60. a-na _nu-{gesz}kiri6_
61. a-na ru-ku-bi-im
62. id-di-in
63. _nu-{gesz}kiri6_
64. a-di _{gesz}kiri6_ s,a-ab-tu
65. i-na bi-la-at _{gesz}kiri6_
66. szi-it-ti-in
67. a-na be-el _{gesz}kiri6_
68. i-na-ad-di-in
69. sza-lu-usz-tam
70. szu-u2 i-le-qe2
@law 65
71. szum-ma _nu-{gesz}kiri6_
72. _{gesz}kiri6_ la u2-ra-ak-ki-ib-ma
73. bi-il-tam um-ta-t,i
74. _nu-{gesz}kiri6_
75. bi-la-at _{gesz}kiri6_
76. a-na i-te-szu
@columnn 17
$columnn missing
1. [i-ma-ad-da-ad]
2. [...]
@reverse
@columnn 1
1. s,i-ba-a-at _ku3-babbar_
2. ma-la il-qu2-u2
3. i-sa-ad-dar-ma
4. u4-mi-szu
5. i-ma-an-nu-u2-ma
6. _dam-gar3_-szu
7. i-ip-pa-al
@law 101
8. szum-ma a-szar il-li-ku
9. ne-me-lam
10. la i-ta-mar
11. _ku3-babbar_ il-qu2-u2
12. usz-ta-sza-na-ma
13. _szaman2-la2_ a-na _dam-gar3_
14. i-na-ad-di-in
@law 102
15. szum-ma _dam-gar3_
16. a-na _szaman2-la2_
17. _ku3-babbar_ a-na ta-ad-mi-iq-tim
18. it-ta-di-in-ma
19. a-szar il-li-ku
20. bi-ti-iq-tam
21. i-ta-mar
22. qa2-qa2-ad _ku3-babbar_
23. a-na _dam-gar3_ u2-ta-ar
@law 103
24. szum-ma har-ra-nam
25. i-na a-la-ki-szu
26. na-ak-ru-um
27. mi-im-ma sza na-szu-u2
28. usz-ta-ad-di-szu
29. _szaman2-la2_ ni-isz i-lim
30. i-za-kar-ma
31. u2-ta-asz-szar
@law 104
32. szum-ma _dam-gar3_
33. a-na _szaman2-la2_
34. _sze siki i3-gisz_
35. u3 mi-im-ma bi-sza-am
36. a-na pa-sza-ri-im
37. id-di-in
38. _szaman2-la2 ku3-babbar_
39. i-sa-ad-dar-ma
40. a-na _dam-gar3_
41. u2-ta-ar
42. _szaman2-la2_ ka-ni-ik _ku3-babbar_
43. sza a-na _dam-gar3_
44. i-na-ad-di-nu
45. i-le-qe2
@law 105
46. szum-ma _szaman2-la2_
47. i-te-gi-ma
48. ka-ni-ik _ku3-babbar_
49. a-na _dam-gar3_
50. id-di-nu
51. la-il-te-qe2
52. _ku3-babbar_ la ka-ni-ki-im
53. a-na ni-ik-ka-as-si2-im
54. u2-ul isz-sza-ak-ka-an
@law 106
55. szum-ma _szaman2-la2_
56. _ku3-babbar_ it-ti _dam-gar3_
57. il-qe2-ma
58. _dam-gar3_-szu
59. it-ta-ki-ir
60. _dam-gar3_ szu-u2
61. i-na ma-har i-lim u3 szi-bi
62. i-na _ku3-babbar_ le-qe2-em
63. _szaman2-la2_ u2-ka-an-ma
64. _szaman2-la2 ku3-babbar_
65. ma-la il-qu2-u2
66. _a-ra2_ 3(disz)-szu a-na _dam-gar3_
67. i-na-ad-di-in
@law 107
68. szum-ma _dam-gar3 ku3-babbar_
69. _szaman2-la2_ i-qi2-ip-ma
70. _szaman2-la2_ mi-im-ma
71. sza _dam-gar3_ id-di-nu-szum
72. a-na _dam-gar3_-szu
@columnn 2
1. ut-te-er
2. _dam-gar3_ mi-im-ma
3. sza _szaman2-la2_
4. id-di-nu-szum
5. it-ta-ki-ir-szu
6. _szaman2-la2_ szu-u2
7. i-na ma-har i-lim u3 szi-bi
8. _dam-gar3_ u2-ka-an-ma
9. _dam-gar3_ asz-szum _szaman2-la2_-szu
10. ik-ki-ru
11. mi-im-ma sza il-qu2-u2
12. _a-ra2_ 6(disz)-szu
13. a-na _szaman2-la2_
14. i-na-ad-di-in
@law 108
15. szum-ma _munus-kurun-na_
16. a-na _sa10# kasz_
17. _sze_ la im-ta-har
18. i-na _na4_ ra-bi-tim
19. _ku3-babbar_ im-ta-har
20. u3 _ganba kasz_
21. a-na _ganba sze_ um-ta-t,i
22. _munus-kurun-na_ szu-a-ti
23. u2-ka-an-nu-szi-ma
24. a-na me#-e
25. i-na#-[ad]-du#-u2-szi
@law 109
26. szum#-ma# _munus-kurun-na_
27. sa3-ar#-ru-tum
28. i-na _e2_-sza
29. it-tar-ka-su2#?-ma
30. sa3-ar-ru-tim szu-nu-ti
31. la is,-s,a-ab-tam-ma
32. a-na _e2-gal_
33. la ir-de-a-am
34. _munus-kurun-na_ szi-i
35. id-da-ak
@law 110
36. szum#-ma _lukur nin-dingir_
37. sza i-na _ga2-gi4-a_
38. la wa-asz-ba-at
39. _e2 kurun-na_ ip-te-te
40. u3 lu a-na _kasz_
41. a-na _e2 kurun-na_
42. i-te-ru-ub
43. a-wi-il-tam szu-a-ti
44. i-qal-lu-u2-szi
@law 111
45. szum-ma _munus-kurun-na_
46. 1(disz) _kasz dida ka gag_
47. a-na qi2-ip-tim id-di-in
48. i-na _buru14_
49. 5(ban2) _sze_ i-le-qe2
@law 112
50. szum-ma a-wi-lum
51. i-na har-ra-nim
52. wa-szi-ib-ma
53. _ku3-babbar ku3-sig17 na4_
54. u3 bi-isz qa2-ti-szu
55. a-na a-wi-lim
56. id-di-in-ma
57. a-na szi-bu-ul-tim
58. u2-sza-bil2-szu
59. a-wi-lum szu-u2
60. mi-im-ma sza szu-bu-lu
61. a-szar szu-bu-lu
62. la id-[di]-in-ma
63. it-ba-al
64. be-el szi-bu-ul-tim
65. a-wi-lam szu-a-ti
66. i-na mi-im-ma
67. sza szu-bu-lu-ma
68. la id-di-nu
69. u2-ka-an-nu-szu-ma
70. a-wi-lum szu-u2
71. _a-ra2_ 5(disz)-szu mi-im-ma
72. sza in-na-ad-nu-szum
73. a-na be-el szi-bu-ul-tim
74. i-na-ad-di-in
@law 113
75. szum-ma a-wi-lum
76. e-li a-wi-lim
@columnn 3
1. _sze_ u3 _ku3-babbar_ i-szu-ma
2. i-na ba-lum be-el _sze_
3. i-na na-asz-pa-ki-im
4. u3 lu i-na ma-asz-ka-nim
5. _sze_ il-te-qe2
6. a-wi-lam szu-a-ti
7. i-na ba-lum be-el _sze_
8. i-na na-asz-pa-ki-im
9. u3# lu i-na _kislah_
10. i#-na# _sze_ le-qe2-em
11. u2-ka-an-nu-szu-ma
12. _sze_ ma-la il-qu2-u2
13. u2-ta-ar
14. u3 i-na mi-im-ma szum-szu
15. ma-la id-di-nu
16. i-te-el-li
@law 114
17. szum-ma a-wi-lum
18. e-li a-wi-lim
19. _sze_ u3 _ku3-babbar_
20. la i-szu-ma
21. ni-pu-su2 it-te-pe2
22. a-na ni-pu-tim
23. isz-ti-a-at
24. 1/3(disz) _ma-na ku3-babbar_
25. i-sza-qal
@law 115
26. szum-ma a-wi-lum
27. e-li a-wi-lim
28. _sze_ u3 _ku3-babbar_
29. i-szu-ma
30. ni-pu-su2 ip-pe2-ma
31. ni-pu-tum
32. i-na _e2_ ne-pi2-sza
33. i-na szi-ma-ti-sza
34. im-tu-ut
35. di-nu-um szu-u2
36. ru-gu-um-ma-am
37. u2-ul i-szu
@law 116
38. szum-ma ni-pu-tum
39. i-na _e2_ ne-pi2-sza
40. i-na ma-ha-s,i2-im
41. u3-lu i-na usz-szu-szi-im
42. im-tu-ut
43. be-el ni-pu-tim
44. _dam-gar3_-szu
45. u2-ka-an-ma
46. szum-ma _dumu_ a-wi-lim
47. _dumu_-szu i-du-uk-ku
48. szum-ma _ARAD2_ a-wi-lim
49. 1/3(disz) _ma-na ku3-babbar_
50. i-sza-qal
51. u3 i-na mi-im-ma szum-szu
52. ma-la id-di-nu
53. i-te-el-li
@law 117
54. szum-ma a-wi-lam
55. e-hi-il-tum
56. is,-ba-su2-ma
57. _dam_-su2 _dumu_-szu u3 _dumu-munus_-su2
58. a-na _ku3-babbar_ id-di-in
59. u3 lu a-na ki-isz-sza-tim
60. it-ta-an-di-in
61. _mu 3(disz)-kam_
62. _e2_ sza-a-a-ma-ni-szu-nu
63. u3 ka-szi-szi-szu-nu
64. i-ip-pe2-szu i-na re-bu-tim
65. sza-at-tim
66. an-du-ra-ar-szu-nu
67. isz-sza-ak-ka-an
@law 118
68. szum-ma _ARAD2_ u3 lu _geme2_
69. a-na ki-isz-sza-tim
70. it-ta-an-di-in
71. _dam-gar3_ u2-sze-te-eq
72. a-na _ku3-babbar_ i-na-ad-din
73. u2-ul ib-ba-qar
@law 119
74. szum-ma a-wi-lam
75. e-hi-il-tum
76. is,-ba-su2-ma
77. _geme2_-su2 sza _dumu-mesz_ ul-du-szum
78. a-na _ku3-babbar_ it-ta-din
@columnn 4
1. _ku3-babbar dam-gar3_ isz-qu2-lu
2. be-el _geme2#_ i-sza-qal-ma
3. _geme2_-su2 i-pa-t,ar2#
@law 120
4. szum-ma a-wi-lum
5. sze-szu a-na na-asz-pa-ku-tim
6. i-na _e2_ a-wi-lim
7. isz-pu-uk-ma
8. i-na qa2-ri-tim
9. i-ib-bu-u2-um it-tab-szi
10. u3 lu be-el _e2_
11. na-asz-pa-kam ip-te-ma
12. _sze_ il-qe2
13. u3 lu _sze_ sza a-na _e2_-szu
14. isz-sza-ap-ku
15. a-na ga-am-ri-im
16. it-ta-ki-ir
17. be-el _sze_ ma-har i-lim
18. sze-szu u2-ba-ar-ma
19. be-el _e2_
20. _sze_ sza il-qu2-u2
21. usz-ta-sza-na-ma
22. a-na be-el _sze_
23. i-na-ad-di-in
@law 121
24. szum-ma a-wi-lum
25. i-na _e2_ a-wi-lim
26. _sze_ isz-pu-uk
27. i-na sza-na-at
28. a-na _1(asz) sze gur-e 5(disz) sila3 sze_
29. _a2_ na-asz-pa-ki-im
30. i-na-ad-di-in
@law 122
31. szum-ma a-wi-lum
32. a-na a-wi-lim
33. _ku3-babbar ku3-sig17_
34. u3 mi-im-ma szum-szu
35. a-na ma-s,a-ru-tim
36. i-na-ad-di-in
37. mi-im-ma ma-la
38. i-na-ad-di-nu
39. szi-bi-u2-kal2-lam
40. ri-ik-sa-tim
41. i-sza-ak-ka-an-ma
42. a-na ma-s,a-ru-tim
43. i-na-ad-di-in
@law 123
44. szum-ma ba-lum szi-bi
45. u3 ri-ik-sa-tim
46. a-na ma-s,a-ru-tim
47. id-di-in-ma
48. a-sar id-di-nu
49. it-ta-ak-ru-szu
50. di-nu-um szu-u2
51. ru-gu-um-ma-am
52. u2-ul i-szu
@law 124
53. szum-ma a-wi-lum
54. a-na a-wi-lim
55. _ku3-babbar ku3-sig17_
56. u3 mi-im-ma szum-szu
57. ma-har szi-bi
58. a-na ma-s,a-ru-tim
59. id-di-in-ma
60. it-ta-ki-ir-szu
61. a-wi-lam szu-a-ti
62. u2-ka-an-nu-szu-ma
63. mi-im-ma sza ik-ki-ru
64. usz-ta-sza-na-ma
65. i-na-ad-di-in
@law 125
66. szum-ma a-wi-lum
67. mi-im-ma-szu
68. a-na ma-s,a-ru-tim id-di-in-ma
69. a-szar id-di-nu
70. u3 lu a-na pi2-il-szi-im
71. u3 lu i-na na-ba;-al-ka-at-tim
73. mi-im-mu-szu
74. it-ti mi-im-me-e
75. be-el _e2_ ih-ta-li-iq be-el _e2_ sza i-gu-ma
76. mi-im-ma sza a-na
77. ma-s,a-ru-tim id-di-nu-szum-ma
78. u2-hal-li-qu2
79. u2-sza-lam-ma
@columnn 5
1. a-na be-el _nig2-gur11_
2. i-ri-a-ab
3. be-el _e2_
4. mi-im-ma-szu hal-qa2-am
5. isz#-te-ne-i-ma
6. [it]-ti szar-ra-qa2-ni-szu
7. i-le-qe2
@law 126
8. szum-ma# [a]-wi-lum
9. mi-im-mu-szu
10. la ha-li-iq#-ma
11. mi-im-me-e
12. ha-li-iq iq-ta-bi
13. ba-ab-ta-szu
14. u2-te-eb-bi-ir
15. ki-ma mi-im-mu-szu
16. la hal-qu2
17. ba-ab-ta-szu
18. i-na ma-har i-lim
19. u2-ba-ar-szu-ma
20. mi-im-ma
21. sza ir-gu-mu
22. usz-ta-sza-na-ma
23. a-na ba-ab-ti-szu
24. i-na-ad-di-in
@law 127
25. szum-ma a-wi-lum
26. e-li _nin-dingir_
27. u3 a-sza-at a-wi-lim
28. u2-ba-nam u2-sza-at-ri-is,-ma
29. la uk-ti-in
30. a-wi-lam szu-a-ti
31. ma-har da-a-a-ni
32. i-na-ad-du-u2-szu
33. u3 mu-ut-ta-su2
34. u2-gal-la-bu
@law 128
35. szum-ma a-wi-lum
36. asz-sza-tam
37. i-hu-uz-ma
38. ri-ik-sa-ti-sza
39. la isz-ku-un
40. _munus_ szi-i
41. u2-ul asz-sza-at
@law 129
42. szum-ma asz-sza-at a-wi-lim
43. it-ti zi-ka-ri-im
44. sza-ni-im
45. i-na i-tu-lim
46. it-ta-as,-bat
47. i-ka-su2-szu-nu-ti-ma
48. a-na me-e
49. i-na-ad-du-u2-szu-nu-ti
50. szum-ma be-el asz-sza-tim
51. asz-sza-su2 u2-ba-la-at,
52. u3 szar-ru-um
53. _ARAD2_-su2 u2-ba-la-at,
@law 130
54. szum-ma a-wi-lum
55. asz-sza-at a-wi-lim
56. sza zi-ka-ra-am
57. la i-du-u2-ma
58. i-na _e2_ a-bi-sza
59. wa-asz-ba-at
60. u2-kab-bil2-szi-ma
61. i-na su-ni-sza
62. it-ta-ti-il-ma
63. is,-s,a-ab-tu-szu
64. a-wi-lum szu-u2
65. id-da-ak
66. _munus_ szi-i
67. u2-ta-a-sza-ar
@law 131
68. szum-ma asz#-sza-at
69. a-wi-lim
70. mu-sa3 u2-ub-bi-ir-szi-ma
71. it-ti zi-ka-ri-im sza-ni-im
72. i-na u2-tu-lim
73. la is,-s,a-bi-it
74. ni-isz i-lim
75. i-za-kar-ma
76. a-na _e2_-sza i-ta-ar
@law 132
77. szum-ma asz-sza-at
78. a-wi-lim
79. asz-szum zi-ka-ri-im sza-ni-im
80. u2-ba-nu-um
81. e-li-sza
82. it-ta-ri-is,-ma
83. it-ti zi-ka-ri-im
@columnn 6
1. sza-ni-im
2. i-na u2-tu-lim
3. la it-ta-as,-ba-at
4. a-na mu-ti-sza
5. {d}i7
6. i-sza-al-li
@law 133
7. szum-ma a-wi-lum
8. isz-sza-li-il-ma
9. i-na _e2_-szu
10. sza a-ka-lim
11. [i]-ba-asz-szi
12. [asz-sza]-su2
13. [a-di mu?]-sa3 [s,a-ab]-tu#?
14. [pa-gar3]-sza#
15. [i-na-s,a]-ar#
16. [a-na _e2_ sza-ni]-im#
17. [u2-ul i-ir]-ru-ub
18. szum#-[ma] _munus_ szi-i
19. [pa]-gar3#-sza
20. la is,-s,ur-ma
21. a-na _e2_ sza-ni-im
22. i-te-ru-ub
23. _munus_ szu-a-ti
24. u2-ka-an-nu-szi-ma
25. a-na me-e
26. i-na-ad-du-u2-szi
@law 134
27. szum-ma a-wi-lum
28. isz-sza-li-il-ma
29. i-na _e2_-szu
30. sza a-ka-li-im
31. la i-ba-asz-szi
32. asz-sza-su2
33. a-na _e2_ sza-ni-im
34. i-ir-ru-ub
35. _munus_ szi-i
36. ar-nam u2-ul i-szu
@law 135
37. szum-ma a-wi-lum
38. isz-sza-li-il-ma
39. i-na _e2_-szu
40. sza a-ka-li-im
41. la i-ba-asz-szi
42. a-na pa-ni-szu
43. asz-sza-su2
44. a-na _e2_ sza-ni-im
45. i-te-ru-ub-ma
46. _dumu-mesz_ it-ta-la-ad
47. i-na wa-ar-ka
48. mu-sa3 it-tu-ra-am-ma
49. _iri_-szu
50. ik-ta-asz2-dam
51. _munus_ szi-i
52. a-na ha-wi-ri-sza
53. i-ta-ar
54. _dumu-mesz_ wa-ar-ki
55. a-bi-szu-nu
56. i-il-la-ku
@law 136
57. szum-ma a-wi-lum
58. _iri_-szu id-di-ma
59. it-ta-bi-it
60. wa-ar-ki-szu
61. asz-sza-su2
62. a-na _e2_ sza-ni-im
63. i-te-ru-ub
64. szum-ma a-wi-lum szu-u2
65. it-tu-ra-am-ma
66. asz-sza-su2
67. is,-s,a-ba-at
68. asz-szum _iri_-szu
69. i-ze-ru-ma
70. in-na-bi-tu
71. asz-sza-at mu-na-ab-tim
72. a-na mu-ti-sza
73. u2-ul i-ta-ar
@law 137
74. szum-ma a-wi-lum
75. a-na {munus}szu-gi4-tim
76. sza _dumu-mesz_ ul-du-szum u3 lu _lukur_ sza _dumu-mesz_
77. u2-szar-szu-szu
78. e-ze2-bi-im
79. pa-ni-szu
80. isz-ta-ka-an
81. a-na _munus_ szu-a-ti
82. sze-ri-ik-ta-sza
83. u2-ta-ar-ru-szi-im
84. u3 mu-ut-ta-at
85. _a-sza3 {gesz}kiri6_ u3 bi-szi-im
@columnn 7
1. i-na-ad-di-nu-szi-im-ma
2. _dumu-mesz_-sza
3. u2-ra-ab-ba
4. isz-tu _dumu-mesz_-sza
5. ur2-ta-ab-bu-u2
6. i-na mi-im-ma
7. sza a-na _dumu-mesz_-sza
8. in-na-ad-nu
9. zi2-it-tam
10. ki-ma ap-lim isz-te-en
11. i-na-ad-di-nu-szi-im-ma
12. mu-tu li-ib-bi-sza
13. i-ih-ha-as-si2
@law 138
14. szum-ma a-wi-lum
15. hi-ir-ta-szu
16. sza _dumu-mesz_ la ul-du-szum
17. i-iz-zi-ib
18. _ku3-babbar_ ma-la
19. ter-ha-ti-sza
20. i-na-ad-di-isz-szi-im
21. u3 sze-ri-ik-tam
22. sza isz-tu _e2_ a-bi-sza ub-lam
23. u2-sza-lam-szi-im-ma
24. i-iz-zi-ib-szi
@law 139
25. szum-ma ter-ha-tum
26. la i-ba-asz-szi
27. 1(disz) ma-na _ku3-babbar_
28. a-na u2-zu-ub-be2-em
29. i-na-ad-di-isz-szi-im
@law 140
30. szum-ma _|MASZ.EN.GAG|!_
# MASZ-EN-NI
31. 1/3(disz) _ma-na ku3-babbar_
32. i-na-ad-di-isz-szi-im
@law 141
33. szum-ma asz-sza-at a-wi-lim
34. sza i-na _e2_ a-wi-lim
35. wa-asz-ba-at
36. a-na wa-s,e-em
37. pa-ni-sza
38. isz-ta-ka-an-ma
39. si2-ki-il-tam
40. i-sa3-ak-ki-il
41. _e2_-sa3 u2-sa3-ap-pa-ah
42. mu-sa3 u2-sza-am-t,a
43. u2-ka-an-nu-szi-ma
44. szum-ma mu-sa3
45. e-ze2-eb-sza
46. iq-ta-bi
47. i-iz-zi-ib-szi
48. ha-ra-an-sza
49. u2-zu-ub-bu-sza
50. mi-im-ma
51. u2-ul in-na-ad-di-isz-szi-im
52. szum-ma mu-sa3
53. la e-ze2-eb-sza iq-ta-bi
54. mu-sa3 _munus_ sza-ni-tam
55. i-ih-ha-az
56. _munus_ szi-i
57. ki-ma _geme2_
58. i-na _e2_ mu-ti-sza
59. usz-sza-ab
@law 142
60. szum-ma _munus_ mu-sa3 i-ze-er-ma
61. u2-ul ta-ah-ha-za-an-ni
62. iq-ta-bi
63. wa-ar-ka-sa3
64. i-na ba-ab-ti-sza
65. ip-pa-ar-ra-as2-ma
66. szum-ma na-as,-ra-at-ma
67. hi-t,i-tam
68. la i-szu
69. u3 mu-sa6
70. wa-s,i2-ma
71. ma-ga-al
72. u2-sza-am-t,a-szi
73. _munus_ szi-i
@columnn 8
1. ar-nam u2-ul i-szu
2. sze-ri-ik-ta-sza
3. i-le-qe2-ma
4. a-na _e2_ a-bi-sza
5. it-ta-al-la-ak
@law 143
6. szum-ma la na-as,-ra-at-ma
7. wa-s,i2-a-at
8. bi-sa3 u2-sa3-ap-pa-ah
9. mu-sa3 u2-sza-am-t,a
10. _munus_ szu-a-ti
11. a-na me-e
12. i-na-ad-du-u2-szi
@law 144
13. szum-ma a-wi-lum
14. _lukur_ i-hu-uz-ma
15. _lukur_ szi-i
16. _geme2_ a-na mu-ti-sza
17. id-di-in-ma
18. _dumu-mesz_ usz-tab-szi
19. a-wi-lum szu-u2
20. a-na {munus}szu-gi4-tim
21. a-ha-zi-im
22. pa-ni-szu
23. isz-ta-ka-an
24. a-wi-lam szu-a-ti
25. u2-ul i-ma-ag-ga-ru-szu
26. {munus}szu-gi4-tam
27. u2-ul i-ih-ha-az
@law 145
28. szum-ma a-wi-lum
29. _lukur_ i-hu-uz-ma
30. _dumu-mesz_ la u2-szar-szi-szu-ma
31. a-na {munus}szu-gi4-tim
32. a-ha-zi-im
33. pa-ni-szu
34. isz-ta-ka-an
35. a-wi-lum szu-u2
36. {munus}szu-gi4-tam
37. i-ih-ha-az
38. a-na _e2_-szu
39. u2-sze-er-re-eb-szi
40. {munus}szu-gi4-tum szi-i
41. it-ti _lukur_
42. u2-ul usz-ta-ma-ah-ha-ar
@law 146
43. szum-ma a-wi-lum
44. _lukur_ i-hu-uz-ma
45. _geme2_ a-na mu-ti-sza
46. id-di-in-ma
47. _dumu-mesz_ it-ta-la-ad
48. wa-ar-ka-nu-um
49. _geme2_ szi-i
50. it-ti be-el-ti-sza
51. usz-ta-tam-hi-ir
52. asz-szum _dumu-mesz_ ul-du
53. be-le-sa3
54. a-na _ku3-babbar_
55. u2-ul i-na-ad-di-isz-szi
56. ab-bu-ut-tam
57. i-sza-ak-ka-an-szi-ma
58. it-ti _geme2 hi-a_
59. i-ma-an-nu-szi
@law 147
60. szum-ma _dumu-mesz_
61. la u2-li-id
62. be-le-sa3
63. a-na _ku3-babbar_
64. i-na-ad-di-isz-szi
@law 148
65. szum-ma a-wi-lum
66. asz-sza-tam
67. i-hu-uz-ma
68. la-a'-bu-um
69. is,-s,a-ba-as-si2
70. a-na sza-ni-tim
71. a-ha-zi-im
72. pa-ni-szu
73. isz-ta-ka-an
74. i-ih-ha-az
75. asz-sza-su2
76. sza la-a'-bu-um
77. is,-ba-tu
78. u2-ul i-iz-zi-ib-szi
79. i-na _e2_ i-pu-szu
80. usz-sza-am-ma
81. a-di ba-al-t,a-at it-ta-na-asz-szi-szi
@columnn 9
@law 149
1. szum-ma _munus_ szi-i
2. i-na _e2_ mu-ti-sza
3. wa-sza-ba-am
4. la im-ta-gar3
5. sze-ri-ik-ta-sza
6. sza isz-tu _e2_ a-bi-sza
7. ub-lam
8. u2-sza#-lam-szim-ma
9. it-ta-al-la-ak
@law 150
10. szum-ma a-wi-lum
11. a-na asz-sza-ti-szu
12. _a-sza3 {gesz}kiri6 e2_
13. u3 bi-sza-am
14. isz-ru-uk-szim
15. ku-nu-uk-kam
16. i-zi-ib-szi-im
17. wa-ar-ki mu-ti-sza
18. _dumu-mesz_-sza u2-ul i-ba-qa2-ru-szi
19. um-mu-um
20. wa-ar-ka-sa3
21. a-na _dumu_-sza
22. sza i-ra-am-mu
23. i-na-ad-di-in
24. a-na a-hi-im
25. u2-ul i-na-ad-di-in
@law 151
26. szum-ma _munus_
27. sza i-na _e2_ a-wi-lim
28. wa-asz-ba-at
29. asz-szum be-el hu-bu-ul-lim
30. sza mu-ti-sza
31. la s,a-ba-ti-sza
32. mu-sa3 ur2-ta-ak-ki-is
33. t,up-pa-am
34. usz-te-zi-ib
35. szum-ma a-wi-lum
36. la-ma _munus_ szu-a-ti
37. i-ih-ha-zu
38. hu-bu-ul-lum
39. e-li-szu
40. i-ba-asz-szi
41. be-el hu-bu-ul-li-szu
42. asz-sza-su2
43. u2-ul i-s,a-ba-tu
44. u3 szum-ma _munus_ szi-i
45. la-ma a-na _e2_ a-wi-lim
46. i-ir-ru-bu
47. hu-bu-ul-lum
48. e-li-sza
49. i-ba-asz-szi
50. be-el hu-bu-ul-li-sza
51. mu-sa3 u2-ul i-s,a-ba-tu
@law 152
52. szum-ma isz-tu
53. _munus_ szi-i
54. a-na _e2_ a-wi-lim
55. i-ru-bu
56. e-li-szu-nu
57. hu-bu-ul-lum
58. it-tab-szi
59. ki-la-la-szu-nu
60. _dam-gar3_ i-ip-pa-lu
@law 153
61. szum-ma asz-sza-at a-wi-lim
62. asz-szum zi-ka-ri-im
63. sza-ni-im
64. mu-sa3 usz-di-ik
65. _munus_ szu-a-ti i-na ga-szi-szi-im
66. i-sza-ak-ka-nu-szi
@law 154
67. szum-ma a-wi-lum
68. _dumu-munus_-su2
69. il-ta-ma-ad
70. a-wi-lam szu-a-ti
71. _iri_ u2-sze-es,-s,u2-u2-szu
@law 155
72. szum-ma a-wi-lum
73. a-na _dumu_-szu
74. _e2-gi4-a_ i-hi-ir-ma
75. _dumu_-szu il-ma-si2
76. szu-u2 wa-ar-ka-nu-um
77. i-na su2-ni-sza
78. it-ta-ti-il-ma
79. is,-s,a-ab-tu-szu
80. a-wi-lam szu-a-ti
81. i-ka-su2-szu-ma
82. a-na me-e
@columnn 10
1. i-na-ad-du-u2-szi!
@law 156
2. szum-ma a-wi-lum
3. a-na _dumu_-szu
4. _e2-gi4-a_
5. i-hi-ir-ma
6. _dumu_-szu la il-ma-si2-ma
7. szu-u2 i-na su2-ni-sza
8. it-ta-ti-il
9. 1/2(disz) _ma-na ku3-babbar_
10. i-sza-qal-szi-im-ma
11. u3 mi-im-ma
12. sza isz-tu
13. _e2_ a-bi-sza
14. ub-lam
15. u2-sza-lam-szi-im-ma
16. mu-tu li-ib-bi-sza
17. i-ih-ha-as-si2
@law 157
18. szum-ma a-wi-lum
19. wa-ar-ki a-bi-szu
20. i-na su2-un um-mi-szu
21. i-ta-ti-il
22. ki-la-li-szu-nu
23. i-qal-lu-u2-szu-nu-ti
@law 158
24. szum-ma a-wi-lum
25. wa-ar-ki a-bi-szu
26. i-na su2-un
27. ra-bi-ti-szu
28. sza _dumu-mesz_ wa-al-da-at
29. it-ta-as,-ba-at
30. a-wi-lum szu-u2
31. i-na _e2 a-ba_
32. in-na-as-sa3-ah
@law 159
33. szum-ma a-wi-lum
34. sza a-na _e2_ e-mi-szu
35. bi-ib-lam
36. u2-sza-bi-lu
37. ter-ha-tam id-di-nu
38. a-na _munus_ sza-ni-tim
39. ub-ta-al-li-is,-ma
40. a-na e-mi-szu
41. _dumu-munus_-ka
42. u2-ul a-ha-az iq-ta-bi
43. a-bi _dumu-munus_
44. mi-im-ma
45. sza ib-ba-ab-lu-szum
46. i-tab-ba-al
@law 160
47. szum-ma a-wi-lum
48. a-na _e2_ e-mi-im
49. bi-ib-lam
50. u2-sza-bi-il
51. ter-ha-tam
52. id-di-in-ma
53. a-bi _dumu-munus_
54. _dumu-munus_-i u2-ul a-na-ad-di-ik-kum
55. iq-ta-bi
56. mi-im-ma ma-la
57. ib-ba-ab-lu-szum
58. usz-ta-sza-an-na-ma
59. u2-ta-ar
@law 161
60. szum-ma a-wi-lum
61. a-na _e2_ e-mi-szu
62. bi-ib-lam u2-sza-bil2
63. ter-ha-tam
64. id-di-in-ma
65. i-bi-ir-szu
66. uk-tar-ri-su2
67. e-mu-szu
68. a-na be-el asz-sza-tim
69. _dumu-munus_-i u2-ul ta-ah-ha-az
70. iq-ta-bi
71. mi-im-ma ma-la
72. ib-ba-ab-lu-szum
73. usz-ta-sza-an-na-ma
74. u2-ta-ar
75. u3 asz-sza-su2
76. i-bi-ir-szu
77. u2-ul i-ih-ha-az
@law 162
78. szum-ma a-wi-lum
79. asz-sza-tam
80. i-hu-uz
81. _dumu-mesz_ u2-li-sum2-ma
82. _munus_ szi-i
83. a-na szi-im-tim
@columnn 11
1. it-ta-la-ak
2. a-na sze-ri-ik-ta-sza
3. a-bu-sza
4. u2-ul i-ra-ag-gu-um
5. sze-ri-ik-ta-sza
6. sza _dumu-mesz_-sza-ma
@law 163
7. szum-ma a-wi-lum
8. asz-sza-tam
9. i-hu-uz-ma
10. _dumu-mesz_ la u2-szar-szi-szu
11. _munus_ szi-i
12. a-na szi-im-tim
13. it-ta-la-ak
14. szum-ma ter-ha-tam
15. sza a-wi-lum szu-u2
16. a-na _e2_ e-mi-szu ub-lu
17. e-mu-szu
18. ut-te-er-szum
19. a-na sze-ri-ik-ti
20. _munus_ szu-a-ti
21. mu-sa3 u2-ul i-ra-ag-gu-um
22. sze-ri-ik-ta-sza
23. sza _e2_ a-bi-sza-ma
@law 164
24. szum-ma e-mu-szu
25. ter-ha-tam
26. la ut-te-er-szum
27. i-na sze-ri-ik-ti-sza
28. ma-la ter-ha-ti-sza
29. i-har-ra-as,-ma
30. sze-ri-ik-ta-sza
31. a-na _e2_ a-ta!-sza
32. u2-ta-ar
@law 165
33. szum-ma a-wi-lum
34. a-na _ibila_-szu
35. sza i-in-szu mah-ru
36. _a-sza3 {gesz}kiri6_ u3 _e2_
37. isz-ru-uk
38. ku-nu-kam isz-t,ur-szum
39. wa-ar-ka a-bu-um
40. a-na szi-im-tim
41. it-ta-al-ku
42. i-nu-ma ah-hu
43. i-zu-uz-zu
44. qi2-isz-ti a-bu-um
45. id-di-nu-szum
46. i-le-qe2-ma
47. e-le-nu-um-ma
48. i-na _nig2-gur11 e2 a-ba_
49. mi-it-ha-ri-isz
50. i-zu-uz-zu
@law 166
51. szum-ma a-wi-lum
52. a-na _dumu-mesz_ sza ir-szu-u2
53. asz-sza-tim i-hu-uz
54. a-na _dumu_-szu
55. s,e-eh-ri-im
56. asz-sza-tam
57. la i-hu-uz
58. wa-ar-ka a-bu-um
59. a-na szi-im-tim
60. it-ta-al-ku
61. i-nu-ma ah-hu
62. i-zu-uz-zu
63. i-na _nig2-gur11 e2 a-ba_
64. a-na a-hi-szu-nu
65. s,e-eh-ri-im
66. sza asz-sza-tam
67. la ah-zu
68. e-li-a-at
69. zi-it-ti-szu
70. _ku3-babbar_ ter-ha-tim
71. i-sza-ak-ka-nu-szum-ma
72. asz-sza-tam
73. u2-sza-ah-ha-zu-szu
@law 167
74. szum-ma a-wi-lum
75. asz-sza-tam
76. i-hu-uz-ma
77. _dumu-mesz_ u2-li-sum2
78. _munus_ szi-i
79. a-na szi-im-tim
80. it-ta-la-ak
81. wa-ar-ki-sza
82. _munus_ sza-ni-tam
83. i-ta-ha-az-ma
84. _dumu-mesz_ it-ta-la-ad
85. wa-ar-ka-nu-um
86. a-bu-um a-na szi-im-tim
87. it-ta-al-ku
@columnn 12
1. _dumu-mesz_ a-na um-ma-tim
2. u2-ul i-zu-uz-zu
3. sze-ri-ik-ti
4. um-ma-ti-szu-nu
5. i-le-qu2-ma
6. _nig2-gur11 e2 a-ba_
7. mi-it-ha-ri-isz
8. i-zu-uz-zu
@law 168
9. szum-ma a-wi-lum
10. a-na _dumu_-szu
11. na-sa-hi-im
12. pa-nam isz-ta-ka-an
13. a-na da-a-a-ni
14. _dumu_-i a-na-sa3-ah iq-ta-bi
15. da-a-a-nu
16. wa-ar-ka-su2
17. i-par2-ra-su-ma
18. szum-ma _dumu_ ar-nam kab-tam
19. sza i-na ap-lu-tim
20. na-sa-hi-im
21. la ub-lam
22. a-bu-um _dumu_-szu
23. i-na ap-lu-tim
24. u2-ul i-na-sa3-ah
@law 169
25. szum-ma ar-nam kab-tam
26. sza i-na ap-lu-tim
27. na-sa-hi-im
28. a-na a-bi-szu
29. it-ba-lam
30. a-na isz-ti-isz-szu
31. pa-ni-szu ub-ba-lu
32. szum-ma ar-nam kab-tam
33. a-di szi-ni-szu it-ba-lam
34. a-bu-um _dumu_-szu
35. i-na ap-lu-tim
36. i-na-sa3-ah
@law 170
37. szum-ma a-wi-lum
38. hi-ir-ta-szu
39. _dumu-mesz_ u2-li-sum2
40. u3 _geme2_-su2
41. _dumu-mesz_ u2-li-sum2
42. a-bu-um
43. i-na bu-ul-t,i3-szu
44. a-na _dumu-mesz_ sza _geme2_ ul-du-szum
45. _dumu-mesz_-u2-a iq-ta-bi
46. it-ti _dumu-mesz_ hi-ir-tim
47. im-ta-nu-szu-nu-ti
48. wa-ar-ka a-bu-um
49. a-na szi-im-tim
50. it-ta-al-ku
51. i-na _nig2-gur11 e2 a-ba_
52. _dumu-mesz_ hi-ir-tim
53. u3 _dumu-mesz geme2_
54. mi-it-ha-ri-isz
55. i-zu-uz-zu
56. _ibila dumu_ hi-ir-tim
57. i-na zi-it-tim
58. i-na-sa3-aq-ma
59. i-le-qe2
@law 171
60. u3 szum-ma a-bu-um
61. i-na bu-ul-t,i3-szu
62. a-na _dumu-mesz_ sza _geme2_ ul-du-szum
63. _dumu-mesz_-u2-a la iq-ta-bi
64. wa-ar-ka a-bu-um
65. a-na szi-im-tim
66. it-ta-al-ku
67. i-na _nig2-gur11 e2 a-ba_
68. _dumu-mesz geme2_
69. it-ti _dumu-mesz_ hi-ir-tim
70. u2-ul i-zu-uz-zu
71. an-du-ra-ar
72. _geme2_ u3 _dumu-mesz_-sza
73. isz-sza-ak-ka-an
74. _dumu-mesz_ hi-ir-tim
75. a-na _dumu-mesz geme2_
76. a-na wa-ar-du-tim
77. u2-ul i-ra-ag-gu-mu
78. hi-ir-tum
79. sze-ri-ik-ta-sza
80. u3 nu-du-un-na-am
81. sza mu-sa3
82. id-di-nu-szi-im
83. i-na t,up-pi2-im
84. isz-t,u2-ru-szi-im
85. i-le-qe2-ma
86. i-na szu-ba-at
87. mu-ti-sza usz-sza-ab
@columnn 13
1. a-di ba-al-t,a-at i-ik-ka-al
2. a-na _ku3-babbar_
3. u2-ul i-na-ad-di-in
4. wa-ar-ka-sa3
5. sza _dumu-mesz_-sza-ma
@law 172
6. szum-ma mu-sa3
7. nu-du-un-na-am
8. la id-di-isz-szi-im
9. sze-ri-ik-ta-sza
10. u2-sza-la-mu-szi-im-ma
11. i-na _nig2-gur11_
12. _e2_ mu-ti-sza
13. zi2-it-tam
14. ki-ma _ibila_ isz-te-en
15. i-le-qe2
16. szum-ma _dumu-mesz_-sza
17. asz-szum i-na _e2_ szu-s,i2-im
18. u2-sa3-ah-ha-mu-szi
19. da-a-a-nu
20. wa-ar-ka-sa3
21. i-par2-ra-su-ma
22. _dumu-mesz_ ar-nam
23. i-im-mi-du
24. _munus_ szi-i
25. i-na _e2_ mu-ti-sza
26. u2-ul us,-s,i2
27. szum-ma _munus_ szi-i
28. a-na wa-s,e-em
29. pa-ni-sza
30. isz-ta-ka-an
31. nu-du-un-na-am
32. sza mu-sa3
33. id-di-nu-szi-im
34. a-na _dumu-mesz_-sza
35. i-iz-zi-ib
36. sze-ri-ik-tam
37. sza _e2_ a-bi-sza
38. i-le-qe2-ma
39. mu-ut li-ib-bi-sza
40. i-ih-ha-as-si2
@law 173
41. szum-ma _munus_ szi-i
42. a-szar i-ru-bu
43. a-na mu-ti-sza
44. wa-ar-ki-im
45. _dumu-mesz_ it-ta-la-ad
46. wa-ar-ka _munus_ szi-i im-tu-ut
47. sze-ri-ik-ta-sza
48. _dumu-mesz_ mah-ru-tum
49. u3 wa-ar-ku-tum
50. i-zu-uz-zu
@law 174
51. szum-ma a-na mu-ti-sza
52. wa-ar-ki-im
53. _dumu-mesz_ la it-ta-la-ad
54. sze-ri-ik-ta-sza
55. _dumu-mesz_ ha-wi-ri-sza-ma
56. i-le-qu2-u2
@law 175
57. szum-ma lu _ARAD2 e2-gal_
58. u3 lu _ARAD2_
59. _|MASZ.EN.GAG|_
60. _dumu-munus_ a-wi-lim
61. i-hu-uz-ma
62. _dumu-mesz_
63. it-ta-la-ad
64. be-el _ARAD2_
65. a-na _dumu-mesz_
66. _dumu-munus_ a-wi-lim
67. a-na wa-ar-du-tim
68. u2-ul i-ra-ag-gu-um
@law 176
69. u3 szum-ma _ARAD2 e2-gal_
70. u3 lu _ARAD2 |MASZ.EN.GAG|_
71. _dumu-munus_ a-wi-lim
72. i-hu-uz-ma
73. i-nu-ma i-hu-zu-szi
74. qa2-du-um
75. sze-ri-ik-tim
76. sza _e2_ a-bi-sza
77. a-na _e2 ARAD2 e2-gal_
78. u3 lu _ARAD2 |MASZ.EN.GAG|_
79. i-ru-ub-ma
80. isz-tu in-ne-em-du
81. _e2_ i-pu-szu
82. bi-sza-am ir-szu-u2
83. wa-ar-ka-nu-um-ma
84. lu _ARAD2 e2-gal_
85. u3 lu _ARAD2 |MASZ.EN.GAG|_
86. a-na szi-im-tim
87. it-ta-la-ak
88. _dumu-munus_ a-wi-lim
89. sze-ri-ik-ta-sza
90. i-le-qe2
91. u3 mi-im-ma
92. sza mu-sa3 u3 szi-i
@columnn 14
1. isz-tu in-ne-em-du
2. ir-szu-u2
3. a-na szi-ni-szu
4. i-zu-uz-zu-ma
5. mi-isz-lam be-el _ARAD2_
6. i-le-qe2
7. mi-isz-lam
8. _dumu-munus_ a-wi-lim
9. a-na _dumu-mesz_-sza i-le-qe2
10. szum-ma _dumu-munus_ a-wi-lim
11. sze-ri-ik-tam la i-szu
12. mi-im#-ma sza mu-sa3 u3 szi-i
13. isz-tu in-ne-em-du
14. ir-szu-u2
15. a-na szi-ni-szu
16. i-zu-uz-zu-ma
17. mi-isz-lam be-el _ARAD2_
18. i-le-qe2
19. mi-isz-lam
20. _dumu-munus_ a-wi-lim
21. a-na _dumu-mesz_-sza i-le-qe2
@law 177
22. szum-ma _nu-mu-su_
23. sza _dumu-mesz_-sza
24. s,e-eh-he-ru
25. a-na _e2_ sza-ni-im
26. e-re-bi-im
27. pa-ni-sza
28. isz-ta-ka-an
29. ba-lum da-a-a-ni
30. u2-ul i-ir-ru-ub
31. i-nu-ma
32. a-na _e2_ sza-ni-im
33. i-ir-ru-bu
34. da-a-a-nu
35. wa-ar-ka-at
36. _e2_ mu-ti-sza
37. pa-ni-im
38. i-par2-ra-su-ma
39. _e2_ sza mu-ti-sza
40. pa-ni-im
41. a-na mu-ti-sza
42. wa-ar-ki-im
43. u3 _munus_ szu-a-ti
44. i-pa-aq-qi2-du-ma
45. t,up-pa-am
46. u2-sze-ez-ze-bu-szu-nu-ti
47. _e2_ i-na-s,a-ru
48. u3 s,e-eh-he-ru-tim
49. u2-ra-ab-bu-u2
50. u2-ni-a-tim
51. a-na _ku3-babbar_
52. u2-ul i-na-ad-di-nu
53. sza-a-a-ma-nu-um
54. sza u2-nu-ut
55. _dumu-mesz nu-mu-su_
56. i-sza-am-mu
57. i-na _ku3-babbar_-szu
58. i-te-el-li
59. _nig2-gur11_ a-na be-li2-szu
60. i-ta-ar
@law 178
61. szum-ma _nin-dingir lukur_
62. u3 lu {munus}_zi-ik-ru-um_
63. sza a-bu-sza
64. sze-ri-ik-tam
65. isz-ru-uk-szi-im
66. t,up-pa-am
67. isz-t,u2-ru-szi-im
68. i-na t,up-pi2-im
69. sza isz-t,u2-ru-szi-im
70. wa-ar-ka-sa3
71. e-me e-li-sza
72. t,a-bu na-da-nam
73. la isz-t,ur-szi-im-ma
74. ma-la li-ib-bi-sza
75. la u2-sza-am-s,i2-szi
76. wa-ar-ka a-bu-um
77. a-na szi-im-tim
78. it-ta-al-ku
79. _a-sza3_-sza u3 _kiri6_-sza
80. ah-hu-sza
81. i-le-qu2-ma
82. ki-ma e-mu-uq
83. zi-it-ti-sza
84. _sze-ba i3-ba_ u3 _siki-ba_
85. i-na-ad-di-nu-szim-ma
86. li-ib-ba-sza
87. u2-t,a-ab-bu
88. szum-ma ah-hu-sza
89. ki-ma e-mu-uq
90. zi-it-ti-sza
91. _sze-ba i3-ba_ u3 _siki-ba_
92. la it-ta-ad-nu-szi-im-ma
@columnn 15
1. li-ib-ba-sza
2. la ut,-t,i-ib-bu
3. _a-sza3_-sza u3 _kiri6_-sza
4. a-na er-re-szi-im
5. sza e-li-sza t,a-bu
6. i-na-ad-di-in-ma
7. er-re-sa3
8. it-ta-na-asz-szi-szi
9. _a-sza3 {gesz}kiri6_
10. u3 mi-im-ma
11. sza a-bu-sza
12. id-di-nu-szi-im
13. a-di ba-al-t,a-at i3-kal
14. a-na _ku3-babbar_
15. u2-ul i-na-ad-di-in
16. sza-ni-a-am
17. u2-ul u2-up-pa-al
18. ap-lu-sa3
19. sza ah-hi-sza-ma
@law 179
20. szum-ma _nin-dingir lukur_
21. u3 lu {munus}_zi-ik-ru-um_
22. sza a-bu-sza
23. sze-ri-ik-tam
24. isz-ru-uk-szi-im
25. ku-nu-kam
26. isz-t,u2-ru-szi-im
27. i-na t,up-pi2-im
28. sza isz-t,u2-ru-szi-im
29. wa-ar-ka-sa3
30. e-ma e-li-sza t,a-bu
31. na-da-nam
32. isz-t,ur-szi-im-ma
33. ma-la li-ib-bi-sza
34. usz-tam-s,i2-szi
35. wa-ar-ka a-bu-um
36. a-na szi-im-tim
37. it-ta-al-ku
38. wa-ar-ka-sa3
39. e-ma e-li-sza t,a-bu
40. i-na-ad-di-in
41. ah-hu-sza
42. u2-ul i-ba-aq-qa2-ru-szi
@law 180
43. szum-ma a-bu-um
44. a-na _dumu-munus_-szu
45. _lukur ga2-gi4-a_
46. u3 lu {munus}_zi-ik-ru-um_
47. sze-ri-ik-tam
48. la isz-<ru>-uk-szi-im
49. wa-ar-ka a-bu-um
50. a-na szi-im-tim
51. it-ta-al-ku
52. i-na _nig2-gur11 e2 a-ba_
53. zi2-it-tam ki-ma
54. ap-lim isz-te-en
55. i-za-az-ma
56. a-di ba-al-t,a-at
57. i-ik-ka-al
58. wa-ar-ka-sa3
59. sza ah-hi-sza-ma
@law 181
60. szum-ma a-bu-um
61. _lukur nu-gig_
62. u3 lu _nu-bar_
63. a-na _dingir_ isz-szi-ma
64. sze-ri-ik-tam
65. la isz-ru-uk-szi-im
66. wa-ar-ka a-bu-um
67. a-na szi-im-tim
68. it-ta-al-ku
69. i-na _nig2-gur11 e2 a-ba_
70. _igi 3(disz)-gal2 ibila_-sza
71. i-za-az-ma
72. a-di ba-al-t,a-at
73. i-ik-ka-al
74. wa-ar-ka-sa3
75. sza ah-hi-sza-am-ma
@law 182
76. szum-ma a-bu-um
77. a-na _dumu-munus_-szu
78. _lukur_ {d}marduk
79. sza babila#{ki}
80. sze-ri-ik-tam
81. la isz-ru-uk-szi-im
82. ku-nu-kam
83. la isz-t,ur-szi-im
84. wa-ar-ka a-bu-um
85. a-na szi-im-tim
86. it-ta-al-ku
87. i-na _nig2-gur11 e2 a-ba_
88. _igi 3(disz)-gal2 ibila_-sza
89. it-ti ah-hi-sza
90. i-za-az-ma
91. il-kam
92. u2-ul i-il-la-ak
93. _lukur_ {d}marduk
94. wa-ar-ka-sa3
95. e-ma e-li-sza
96. t,a-bu
@columnn 16
1. i-na-ad-di-in
@law 183
2. szum-ma a-bu-um
3. a-na _dumu-munus_-szu szu-gi4-tim
4. sze-ri-ik-tam
5. isz-ru-uk-szi-im
6. a-na mu-tim
7. id-di-isz-szi
8. ku-nu-uk-kam
9. isz-t,ur-szi-im
10. wa-ar-ka a-bu-um
11. a-na szi-im-tim
12. it-ta-al-ku
13. i-na _nig2-gur11 e2 a-ba_
14. u2-ul i-za-az
@law 184
15. szum-ma a-wi-lum
16. a-na _dumu-munus_-szu
17. szu-gi4-tim
18. sze-ri-ik-tam
19. la isz-ru-uk-szim
20. a-na mu-tim
21. la id-di-isz-szi
22. wa-ar-ka a-bu-um
23. a-na szi-im-tim
24. it-ta-al-ku
25. ah-hu-sza
26. ki-ma e-mu-uq _e2 a-ba_
27. sze-ri-ik-tam
28. i-szar-ra-ku-szi-im-ma
29. a-na mu-tim
30. i-na-ad-di-nu-szi
@law 185
31. szum-ma a-wi-lum
32. s,e-eh-ra-am
33. i-na me-e-szu
34. a-na ma-ru-tim
35. il-qe2-ma
36. ur2-ta-ab-bi-szu
37. tar-bi-tum szi-i
38. u2-ul ib-ba-aq-qar
@law 186
39. szum-ma a-wi-lum
40. s,e-eh-ra-am
41. a-na ma-ru-tim il-qe2
42. i-nu-ma
43. il-qu2-u2-szu
44. a-ba-szu
45. u3 um-ma-szu
46. i-hi-a-at,
47. tar-bi-tum szi-i
48. a-na _e2_ a-bi-szu
49. i-ta-ar
@law 187
50. _dumu giri3-se3-ga_
51. mu-za-az _e2-gal_
52. u3 _dumu {munus}zi-ik-ru-um_
53. u2-ul ib-ba-aq-qar
@law 188
54. szum-ma _dumu um-mi-a_
55. _dumu_ a-na tar-bi-tim
56. il-qe2-ma
57. szi-pi2-ir qa2-ti-szu
58. usz-ta-hi-su2
59. u2-ul ib-ba-qar
@law 189
60. szum-ma szi-pi2-ir qa2-ti-szu
61. la usz-ta-hi-su2
62. tar-bi-tum szi-i
63. a-na _e2_ a-bi-szu
64. i-ta-ar
@law 190
65. szum-ma a-wi-lum
66. s,e-eh-ra-am
67. sza a-na ma-ru-ti-szu
68. il-qu2-szu-ma
69. u2-ra-ab-bu-szu
70. it-ti _dumu-mesz_-szu
71. la im-ta-nu-szu
72. tar-bi-tum szi-i
73. a-na _e2_ a-bi-szu
74. i-ta-ar
@law 191
75. szum-ma a-wi-lum
76. s,e-eh-ra-am
77. sza a-na ma-ru-ti-szu
78. il-qu2-szu-ma
79. u2-ra-ab-bu-u2-szu
80. _e2_-ba! i-pu-usz
81. wa-ar-ka _dumu-mesz_
82. ir-ta-szi-ma
83. a-na tar-bi-tim na-sa-hi-im
84. pa-nam isz-ta-ka-an
85. _dumu_ szu-u2 ri-qu2-su2
86. u2-ul it-ta-al-la-ak
87. a-bu-um mu-ra-bi-szu
88. i-na _nig2-gur11_-szu
89. _igi 3(disz)-gal2 ibila_-szu
90. i-na-ad-di-isz-szum-ma
91. it-ta-la-ak
92. i-na _a-sza3 {gesz}kiri6_
93. u3 _e2_
94. u2-ul i-na-ad-di;-isz-szum
@law 192
96. szum-ma _dumu giri3-se3-ga_
@columnn 17
1. u3 lu _dumu {munus}zi-ik-ru-um#_
2. a-na a-bi-im
3. mu-ra-bi-szu
4. u3 um-mi-im
5. mu-ra-bi-ti-szu
6. u2-ul a-bi at-ta
7. u2-ul um-mi at-ti iq-ta-bi
8. _eme_-szu
9. i-na-ak-ki-su
@law 193
10. szum-ma _dumu giri3-se3-ga_
11. u3 lu _dumu {munus}zi-ik-ru-um_
12. _e2_ a-bi-szu
13. u2-we-ed-di-ma
14. a-ba-am
15. mu-ra-bi-szu
16. u3 um-ma-am
17. mu-ra-bi-su2
18. i-ze2-er-ma
19. a-na _e2_ a-bi-szu
20. it-ta-la-ak
21. i-in-szu
22. i-na-sa3-hu
@law 194
23. szum-ma a-wi-lum
24. _dumu_-szu a-na mu-sze-ni-iq-tim
25. id-di-in-ma
26. _dumu_ szu-u2
27. i-na# qa2-at mu-sze-ni-iq-tim
28. im-tu-ut
29. mu-sze-ni-iq-tum#
30. ba-lum a-bi-szu
31. u3 um-mi-szu
32. _dumu_ sza-ni-a-am-ma
33. ir-ta-ka-as2
34. u2-ka-an-nu-szi-ma
35. asz-szum ba-lum a-bi-szu#
36. u3 um-mi-[szu]
37. _dumu_ sza-ni-a-am#
38. ir-ku-su#
39. _ubur_-sza
40. i-na-ak-ki-su
@law 195
41. szum-ma _dumu a-ba_-szu
42. im-ta-ha-as,
43. _kiszib3-la2_-szu
44. i-na-ak-ki-su
@law 196
45. szum-ma a-wi-lum
46. i-in _dumu_ a-wi-lim
47. uh2-tap-pi2-id
48. i-in-szu
49. u2-ha-ap-pa-du
@law 197
50. szum-ma _giri3-pad-ra2_ a-wi-lim
51. isz-te-bi-ir
52. _giri3-pad-ra2_-szu
53. i-sze-eb-bi-ru
@law 198
54. szum-ma i-in _|MASZ.EN.GAG|_
55. uh2-tap-pi2-id
56. u3 lu _giri3-pad-ra2 |MASZ.EN.GAG|_
57. isz-te-bi-ir
58. 1(disz) _ma-na ku3-babbar_
59. i-sza-qal
@law 199
60. szum-ma i-in _ARAD2_ a-wi-lim
61. uh2-tap-pi2-id
62. u3 lu _giri3-pad-ra2 ARAD2_ a-wi-lim
63. isz-te-bi-ir
64. mi-szi-il _sa10_-szu
65. i-sza-qal
@law 200
66. szum-ma a-wi-lum
67. szi-in-ni a-wi-lim
68. me-eh-ri-szu
69. it-ta-di
70. szi-in-na-szu i-na-ad-du-u2
@law 201
71. szum-ma szi-in-ni szi-in-gag
72. _|MASZ.EN.GAG|_ it-ta-di
73. 1/3(disz) _ma-na ku3-babbar_
74. i-sza-qal
@law 202
75. szum-ma a-wi-lum
76. le-e-et a-wi-lim
77. sza e-li-szu ra-bu-u2
78. im-ta-ha-as,
79. i-na pu-uh2-ri-im
80. i-na _{kusz}usan3 gu4_
81. 1(disz) szu-szi im-mah-ha-as,
@law 203
82. szum-ma _dumu_ a-wi-lim
83. le-e-et _dumu_ a-wi-lim
84. sza ki-ma szu-a-ti
85. im-ta-ha-as,
86. 1(disz) ma-na _ku3-babbar_
87. i-sza-qal
@law 204
88. szum-ma _|MASZ.EN.GAG|_
89. le-e-et _|MASZ.EN.GAG|_
90. im-ta-ha-as,
91. 1(u) _gin2 ku3-babbar_ i-sza-qal
@law 205
92. szum-ma _ARAD2_ a-wi-lim
93. le-e-et _dumu_ a-wi-lim
@columnn 18
1. im-ta-ha-as,
2. u2-zu-un-szu
3. i-na-ak-ki-su
@law 206
4. szum-ma a-wi-lum a-wi-lam
5. i-na ri-is-ba-tim
6. im-ta-ha-as,-ma
7. si2-im-ma-am
8. isz-ta-ka-an-szu
9. a-wi-lum szu-u2
10. i-na i-du-u2
11. la am-ha-s,u2
12. i-tam-ma
13. u3 _a-zu_ i-ip-pa-al
@law 207
14. szum-ma i-na ma-ha-s,i2-szu
15. im-tu-ut
16. i-tam-ma-ma
17. szum-ma _dumu_ a-wi-lim
18. 1/2(disz) _ma-na ku3-babbar_
19. i-sza-qal
@law 208
20. szum-ma _dumu |MASZ.EN.GAG|_
21. 1/3(disz) _ma-na ku3-babbar_
22. i-sza-qal
@law 209
23. szum-ma a-wi-lum
24. _dumu-munus_ a-wi-lim
25. im-ha-as,-ma
26. sza li-ib-bi-sza
27. usz-ta-di-szi
28. 1(u) _gin2 ku3-babbar_
29. a-na sza li-ib-bi-sza
30. i-sza-qal
@law 210
31. szum-ma _munus_ szi-i
32. im-tu-ut
33. _dumu-munus_-su2
34. i-du-uk-ku
@law 211
35. szum-ma _dumu-munus |MASZ.EN.GAG|_
36. i-na ma-ha-s,i2-im
37. sza li-ib-bi-sza
38. usz-ta-ad-di-szi
39. 5(disz) _gin2 ku3-babbar_
40. i-sza-qal
@law 212
41. szum-ma _munus_ szi-<i>
42. im-tu-ut
43. 1/2(disz) _ma-na ku3-babbar_
44. i-sza-qal
@law 213
45. szum-ma _geme2_ a-wi-lim
46. im-ha-as,-ma
47. sza li-ib-bi-sza
48. usz-ta-ad-di-szi
49. 2(disz) _gin2 ku3-babbar_
50. i-sza-qal
@law 214
51. szum-ma _geme2_ szi-i
52. im-tu-ut
53. 1/3(disz) _ma-na ku3-babbar_
54. i-sza-qal
@law 215
55. szum-ma _a-zu_
56. a-wi-lam si2-im-ma-am kab-tam
57. i-na _gir2 gag zabar_
58. i-pu-usz-ma
59. a-wi-lam ub-ta-al-li-it,
60. u3 lu na-kap-ti a-wi-lim
61. i-na _gir2 gag zabar_
62. ip-te-ma
63. i-in a-wi-lim
64. ub-ta-al-li-it,
65. 1(u) _gin2 ku3-babbar_
66. i-le-qe2
@law 216
67. szum-ma _dumu |MASZ.EN.GAG|_
68. 5(disz) _gin2 ku3-babbar_
69. i-le-qe2
@law 217
70. szum-ma _ARAD2_ a-wi-lim
71. be-el _ARAD2_ a-na _a-zu_
72. 2(disz) _gin2 ku3-babbar_
73. i-na-ad-di-in
@law 218
74. szum-ma _a-zu_ a-wi-lam
75. si2-im-ma-am kab-tam
76. i-na _gir2 gag zabar_
77. i-pu-usz-ma
78. a-wi-lam usz-ta-mi-it
79. u3 lu na-a2!-ti a-wi-lim
80. i-na _gir2 gag zabar_
81. ip-te-ma i-in a-wi-lim
82. uh2-tap-pi2-id
83. _kiszib3-la2_-szu i-na-ki-su
@law 219
84. szum-ma _a-zu_ si2-im-ma-am kab-tam
85. _ARAD2 |MASZ.EN.GAG|_
86. i-na _gir2 gag zabar_
87. i-pu-usz-ma usz-ta-mi-it
88. _ARAD2_ ki-ma _ARAD2_ i-ri-ab
@law 220
89. szum-ma na-kap-ta-szu
90. i-na _gir2 gag zabar_
91. ip-te-ma
92. i-in-szu uh2-tap-<pi2>-da
93. _ku3-babbar_ mi-szi-il
94. _sa10_-szu i-sza-qal
@law 221
95. szum-ma _a-zu_
96. _giri3-pad-ra2_ a-wi-lim
@columnn 19
1. sze-bi-ir-tam
2. usz-ta-li-im
3. u3 lu sze-er-ha-nam
4. mar-s,a-am _ku3-babbar_
5. ub-ta-al-li-it,
6. be-el s,e-em-ma-im
7. a-na _a-zu_
8. 5(disz) _gin2 ku3-babbar_
9. i-na-ad-di-in
@law 222
10. szum-ma _dumu |MASZ.EN.GAG|_
11. 3(disz) _gin2 ku3-babbar_
12. i-na-ad-di-in
@law 223
13. szum-ma _ARAD2_ a-wi-lim
14. be-el _ARAD2_
15. a-na _a-zu_
16. 2(disz) _gin2 ku3-babbar_
17. i-na-ad-di-in
@law 224
18. szum-ma _a-zu gu4_
19. u3 lu _ansze_
20. lu _gu4_ u3 lu _ansze_
21. s,e-em-ma-am kab-tam
22. i-pu-usz-ma
23. ub-ta-al-li-it,
24. be-el _gu4_ u3 lu _ansze_
25. _igi 6(disz)-gal2 ku3-babbar_
26. a-na _a-zu_
27. _a2_-szu
28. i-na-ad-di-in
@law 225
29. szum-ma _gu4_ u3 lu _ansze_
30. si2-im-ma-am kab-tam
31. i-pu-usz-ma
32. usz-ta-mi-it
33. _igi 4(disz)?-gal2 sa10_-szu
34. a-na be-el _gu4_ u3 lu _ansze_
35. i-na-ad-di-in
@law 226
36. szum-ma _szu-i_
37. ba-lum be-el _ARAD2_
38. ab-bu-ti _ARAD2_ la sze-e-em
40. u2-ga-al-li-ib
41. _kiszib3-la2 szu-i_ szu-a-ti
42. i-na-ak-ki-su2
@law 227
43. szum-ma a-wi-lum
44. _szu-i_ i-da-as,-ma
45. ab-bu-ti
46. _ARAD2_ la sze-e-em
47. ug-da-al-li-ib
48. a-wi-lam szu-a-ti
49. i-du-uk-ku-szu-ma
50. i-na _ka2_-szu
51. i-ha-al-la-lu-szu
52. _szu-i_ i-na i-du-u2
53. la u2-gal-li-bu
54. i-tam-ma-ma
55. u2-ta-asz-szar
@law 228
56. szum-ma _szitim_
57. _e2_ a-na a-wi-lim
58. i-pu-usz-ma
59. u2-sza-ak-li-il-szum
60. a-na 1(disz) _sar e2_
61. 2(disz) _gin2 ku3-babbar_
62. a-na qi2-isz-ti-szu
63. i-na-ad-di-isz-szum
@law 229
64. szum-ma _szitim_
65. a-na a-wi-lim
66. _e2_ i-pu-usz-ma
67. szi-pi2-ir-szu
68. la u2-da-an-ni-in-ma
69. _e2_ i-pu-szu
70. im-qu2-ut-ma
71. be-el _e2_ usz-ta-mi-it
72. _szitim_ szu-u2 id-da-ak
@law 230
73. szum-ma _dumu_ be-el _e2_
74. usz-ta-mi-it
75. _dumu szitim_ szu-a-ti
76. i-du-uk-ku
@law 231
77. szum-ma _ARAD2_ be-el _e2_
78. usz-ta-mi-it
79. _ARAD2_ ki-ma _ARAD2_
80. a-na be-el _e2_
81. i-na-ad-di-in
@law 232
82. szum-ma _nig2-gur11_
83. uh2-ta-al-li-iq
84. mi-im-ma
85. sza u2-hal-li-qu2
86. i-ri-ab
87. u3 asz-szum _e2_ i-pu-szu
88. la u2-dan-ni-nu-ma
89. im-qu2-tu
90. i-na _nig2-gur11_
91. ra-ma-ni-szu
92. _e2_ im-qu2-tu i-ip-pe2-esz
@law 233
93. szum-ma _szitim e2_
94. a-na a-wi-lim i-pu-usz-ma
95. szi-pi2-ir-szu
96. la usz-te-es,-bi-ma
97. _e2-gar8_ iq-tu-up
98. _szitim_ szu-u2
@columnn 20
1. i-na _ku3-babbar_ ra-ma-ni-szu
2. _e2-gar8_ szu-a-ti
3. u2-dan-na-an
@law 234
4. szum-ma _ma2-lah5_
5. _{gesz}ma2 1(gesz2) gur_
6. a-na a-wi-lim ip-he
7. 2(disz) _gin2 ku3-babbar_
8. a-na qi2-isz-ti-szu
9. i-na-ad-di-isz-szum
@law 235
10. szum-ma _ma2-lah5_
11. _{gesz}ma2_ a-na a-wi-lim
12. ip-he-ma
13. szi-pi2-ir-szu
14. la u2-tak2-ki-il-ma
15. i-na sza-at-tim-ma szu-a-ti
16. _{gesz}ma2_ szi-i
17. is,-s,a-bar
18. hi-t,i-tam ir-ta-szi
19. _ma2-lah5_
20. _{gesz}ma2_ szu-a-ti
21. i-na-qar-ma
22. i-na _nig2-gur11_ ra-ma-ni-szu
23. u2-dan-na-an-ma
24. _{gesz}ma2_ dan-na-tam
25. a-na be-el _{gesz}ma2_
26. i-na-ad-di-in
@law 236
27. szum-ma a-wi-lum
28. _{gesz}ma2_-szu
29. a-na _ma2-lah5_
30. a-na ig-ri-im
31. id-di-in-ma
32. _ma2-lah5_ i-gi-ma
33. _{gesz}ma2_ ut,-t,e4-bi
34. u3 lu uh2-ta-al-li-iq
35. _ma2-lah5 {gesz}ma2_
36. a-na be-el _{gesz}ma2_
37. i-ri-a-ab
@law 237
38. szum-ma a-wi-lum
39. _ma2-lah5_ u3 _{gesz}ma2_
40. i-gur-ma
41. _sze siki i3-gesz zu2-lum_
42. u3 mi-im-ma szum-szu
43. sza s,e-nim
44. i-s,e-en-szi
45. _ma2-lah5_ szu-u2
46. i-gi-ma
47. _{gesz}ma2_ ut,-t,e4-eb-bi
48. u3 sza li-ib-bi-sza
49. uh2-ta-al-li-iq
50. _ma2-lah5_
51. _{gesz}ma2_ sza u2-t,e4-eb-bu-u2
52. u3 mi-im-ma
53. sza i-na li-ib-bi-sza
54. u2-hal-li-qu2
55. i-ri-a-ab
@law 238
56. szum-ma _ma2-lah5_
57. _{gesz}ma2_ a-wi-lim
58. u2-t,e4-eb-bi-ma
59. usz-te-li-a-asz-szi#
60. _ku3-babbar_ mi-szi-il# _sa10_-sza#
61. i-na-ad-di-in#
@law 239
62. szum-ma a-wi-lum#
63. _ma2-lah5_ [i-gur]
64. 6(asz) [_sze gur_]
65. i-na sza-na#-[at]
66. i-na-ad#-[di]-isz-[szum]
@law 240
67. szum-ma {gesz#}[_ma2_]
68. sza ma-hi-ir-tim
69. _{gesz}ma2_ sza mu-uq-qe2-el-pi2-tim
70. im-ha-as,-ma
71. ut,-t,e4-eb-bi
72. be-el _{gesz}ma2_ sza _{gesz}ma2_-szu t,e4-bi-a-at
73. mi-im-ma sza i-na _{gesz}ma2_-szu hal-qu2
74. i-na ma-har i-lim
75. u2-ba-ar-ma
76. sza ma-hi-ir-tim
77. sza _{gesz}ma2_ sza mu-uq-qe2-el-pi2-tim
78. u2-t,e4-eb-bu-u2
79. _{gesz}ma2_-szu u3 mi-im-ma-szu hal-qa2-am
80. i-ri-a-ab-szum
@law 241
81. szum-ma a-wi-lum
82. _gu4_ a-na ni-pu-tim
83. it-te-pe2
84. 1/3(disz) _ma-na ku3-babbar_ i-sza-qal
@law 242-243
85. szum-ma a-wi-lum <_gu4_>
86. a-na _mu_ 1(disz) i-gur
87. _a2 gu4-a2-ur3-ra_
88. 4(asz) _sze gur_
89. _a2 gu4 ab2 muru2 sag_
90. 3(asz) _sze gur_ a-na be-li2-szu
91. i-na-ad-di-in
@columnn 21
@law 244
1. szum-ma a-wi-lum
2. _gu4 ansze_ i-gur-ma
3. i-na s,e-ri-im
4. _ur-mah_ id-du-uk-szu
5. a-na be-li2-szu-ma
@law 245
6. szum-ma a-wi-lum
7. _gu4_ i-gur-ma
8. i-na me-gu-tim
9. u3 lu i-na ma-ha-s,i2-im
10. usz-ta-mi-it
11. _gu4_ ki-ma _gu4_
12. a-na be-el _gu4_
13. i-ri-a-ab
@law 246
14. szum-ma a-wi-lum
15. _gu4_ i-gur-ma
16. _giri3_-szu isz-te-bi-ir
17. u3 lu la-bi-a-an-szu
18. it-ta-ki-is
19. _gu4_ ki-ma _gu4_
20. a-na be-el _gu4_
21. i-ri-a-ab
@law 247
22. szum-ma a-wi-lum
23. _gu4_ i-gur-ma
24. _igi_-szu uh2-tap-pi2-id
25. _ku3-babbar_ mi-szi-il _sa10_-szu
26. a-na be-el _gu4_
27. i-na-ad-di-in
@law 248
28. szum-ma a-wi-lum
29. _gu4_ i-gur-ma
30. _si_-szu isz-bi-ir
31. _kun_-su2 it-ta-ki-is
32. u3 lu {uzu}_sa-sal_-szu
33. it-ta-sa-ag!
34. _ku3-babbar igi 4(disz)?-gal2 sa10_-szu
35. i-na-ad-di-in
@law 249
36. szum-ma a-wi-lum
37. _gu4_ i-gur-ma
38. i-lum im-ha-su2-ma
39. im-tu-ut
40. a-wi-lum sza _gu4_ i-gu-ru
41. ni-isz i-lim
42. i-za-kar-ma
43. u2-ta-asz-szar
@law 250
44. szum-ma _gu4_ su2?-qa2-am
45. i-na a-la-ki-szu
46. a-wi-lam
47. ik-ki-ip-ma
48. usz-ta-mi-it
49. di-nu-um szu-u2
50. ru-gu-um-ma-am
51. u2-ul i-szu
@law 251
52. szum-ma# _gu4_ a-wi-lim
53. na-ak-ka#-pi2-[ma]
54. ki-ma na-ak-ka#-pu-u2
55. ba-ab-ta-szu
56. u2-sze-di-szum-ma
57. qar-ni-szu
58. la u2-szar-ri#-im
59. _gu4_-szu la u2-sa-an-ni-iq-ma
60. _gu4_ szu-u2
61. _dumu_ a#-wi-lim
62. ik#-ki#-ip-ma
63. usz#-[ta]-mi-it
64. 1/2(disz)# _[ma]-na ku3-babbar_
65. i#-[na]-ad-di-in
@law 252
66. [szum]-ma# _ARAD2_ a-wi-lim
67. 1/3(disz)# _[ma]-na ku3-babbar_
68. i#-na-ad-di-in
@law 253
69. szum#-ma a-wi-lum a-wi-lam
70. a-na pa-ni _a-sza3_-szu
71. u2-zu-uz-zi-im
72. i-gur-ma
73. _al# du3-a_-am
74. [i]-qi2-ip-szu
75. _[ab2] gu4 hi-a_ ip#-qi2-sum2
76. [a-na?] _a-sza3_ e-re-szi-im u2-ra-ak-ki-su2
77. szum#-ma a-wi-lum szu-u2
78. _sze numun_ u3 lu _sza3-gal_
79. isz-ri-iq-ma
80. i-na qa2-ti-szu
81. it-ta-as,-ba-at
82. _kiszib3-la2_-szu i-na-ak-ki-su
@law 254
83. szum-ma _al du3-a_-am
84. il-qe2-ma _ab2 gu4 hi-a_
85. u2-te-en-ni!-isz u2-te-en-gag-isz
86. ta-[asz?]-na _sze_ sza im-ri!-ru
87. i-ri-ab
@law 255
88. szum-ma _ab2 gu4 hi-a_
89. a-wi-lim a-na# ig-ri-im
90. it-ta-di-in
91. u3 lu _sze numun#_ isz-ri-iq-ma
92. i-na _a-sza3#_ la usz-tab-szi
93. a-wi-lam szu-a-ti
94. u2-ka-an-nu-szu-ma
95. i-na _buru14 1(bur3) GAN2_-e
96. 1(gesz2) _sze gur#_ i-ma-ad-da-ad
@law 256
97. szum-ma pi2-ha-su2
98. a-pa-lam la-i-le-i
99. i-na _a-sza3_ szu-a-ti i-na _ab2 gu4 hi-a_
100. im-ta-na-asz-sza-ru-szu
@law 257
101. szum-ma a-wi-lum
@columnn 22
1. _engar_ i-gur
2. 8(asz) _sze gur_
3. i-na _mu 1(disz)-kam_
4. i-na-ad-di-isz-szum
@law 258
5. szum-ma a-wi-lum
6. _sza3 gu4_ i-gur
7. 6(asz) _sze gur_
8. i-na _mu 1(disz)-kam_
9. i-na-ad-di-isz-szum
@law 259
10. szum-ma a-wi-lum
11. {gesz}APIN i-na _a-gar3_
12. isz-ri-iq
13. 5(disz) _gin2 ku3-babbar_
14. a-na be-el _{gesz}apin_
15. i-na-ad-di-in
@law 260
16. szum-ma _{gesz}apin tug2-gur10_
17. u3 lu _GAN2 ur3_
18. isz-ta-ri-iq
19. 3(disz) _gin2 ku3-babbar_
20. i-na-ad-di-in
@law 261
21. szum-ma a-wi-lum
22. _na-gada_ a-na _ab2 gu4 hi-a_
23. u3 _u8 udu hi-a_
24. re-im i-gur
25. 8(asz) _sze gur_
26. i-na _mu 1(disz)-kam_
27. i-na-ad-di-isz-szum
@law 262
28. szum-ma a-wi-lum
29. _gu4_ u3 lu _udu#_
30. a-na [...]
31. [...]
32. [...]
33. [...]
34. [...]
35. [...]
36. [...]
@law 263
37. szum-ma# [_gu4_] u3 lu [_udu_]
38. sza in-na-ad-nu-szum#
39. uh2-ta-al-li-[iq]
40. _gu4_ ki-ma [_gu4_]
41. _udu_ ki-ma [_udu_]
42. a-na be-li2-[szu-nu]
43. i-ri-a-[ab]
@law 264
44. szum-ma [_sipa_]
45. sza _ab2 gu4 [hi-a_]
46. u3 lu _u8 [udu hi-a_]
47. a-na re#-[im]
48. in-na-[ad]-nu#-szum#
49. _a2_-szu ga#-am#-ra-tim
50. ma-hi-ir
51. li-ib#-ba-szu t,a-ab
52. _ab2 gu4# hi-a_
53. us,-s,a-ah-hi-ir
54. _u8# udu hi-a_
55. us,-s,a-ah-hi-ir
56. ta-li-it-tam um-ta-t,i
57. a-na _ka_ ri-ik-sa-ti-szu
58. ta-li-it-tam
59. u3 bi-il-tam
60. i-na-ad-di-in
@law 265
61. szum-ma _sipa_
62. sza _ab2 gu4 hi-a_
63. u3 lu _u8 udu hi-a_
64. a-na re-im
65. in-na-ad-nu-szum
66. u2-sa-ar-ri-ir-ma
67. szi-im-tam ut-ta-ak-ki-ir
68. u3 a-na _ku3-babbar_
69. it-ta-di-in
70. u2-ka-an-nu-szu-ma
71. _a-ra2_ 1(u)-szu sza isz-ri-qu2
72. _ab2 gu4 hi-a_
73. u3 _u8 udu hi-a_
74. a-na be-li2-szu-nu
75. i-ri-a-ab
@law 266
76. szum-ma i-na _tur3_
77. li-pi2-it _dingir_ it-tab-szi
78. u3 lu _ur-mah_ id-du-uk _sipa_ ma-hi! _dingir_
79. u2-ub-ba-am-ma
80. mi-qi2-it-ti _tur3_
81. be-el _tur3_ i-mah-har-szu
@law 267
82. szum-ma _sipa_ i-_geme2_-ma
83. i-na _tur3_ pe2-sa2-tam usz-tab-szi
84. _sipa_ hi-t,i-it pe2-sa3-tim
85. sza i-na _tur3_ u2-sza-ab-szu-u2
86. _ab2 gu4 hi-a_ u3 _u8 udu hi-a_
87. u2-sza-lam-ma
88. a-na be-li2-szu-nu
89. i-na-ad-di-in
@law 268
90. szum-ma a-wi-lum _gu4_
91. a-na di-a-szi-im i-gur
92. 2(ban2) _sze a2_-szu
@law 269
93. szum-ma _ansze_
94. a-na di-a-szi-im i-gur
95. 1(ban2) _sze a2_-szu
@law 270
96. szum-ma _masz2_
97. a-na di-a-szi-im i-gur
98. 1(disz) _sila3 sze a2_-szu
@law 271
99. szum-ma a-wi-lum
100. _ab2 gu4 hi-a {gesz}mar-gid2-da_
101. u3 mu-ur2-te-di-sza i-gur
@columnn 23
1. i-na _u4 1(disz)-kam 3(barig) sze_
2. i-na-ad-di-in
@law 272
3. szum-ma a-wi-lum
4. _{gesz}mar-gid2-da_-ma
5. a-na ra-ma-ni-sza i-gur
6. i-na _u4 1(disz)-kam 4(ban2) sze_
7. i-na-ad-di-in
@law 273
8. szum-ma a-wi-lum
9. _{lu2}hun-ga2_ i-gur
10. isz-tu re-esz sza-at-tim
11. a-di ha-am-szi-im _iti_-im
12. 1(u) 2(disz) _sze ku3-babbar_
13. i-na _u4 1(disz)-kam_
14. i-na-ad-di-in
15. isz-tu szi-szi-im _iti_-im
16. a-di ta-aq-ti-da! sza-at-tim
17. 5(disz) _sze ku3-babbar_
18. i-na _u4 1(disz)-kam_
19. i-na-ad-di-in
@law 274
20. szum-ma a-wi-lum
21. _dumu um-mi-a_
22. i-ig-ga-ar#
23. _a2 {lu2}[hun-ga2?]_
24. 5(disz) _sze ku3#-babbar#_
25. _a2 {lu2}[tug2]-du8-a_
26. 5(disz) _[sze ku3]-babbar_
27. [_a2] {lu2#}gada_
28. [n(disz) _sze] ku3-babbar_
29. [_a2 bur]-gul_
30. [n(disz) _sze ku3]-babbar_
31. [_a2] zadim#?_
32. [n(disz) _sze ku3]-babbar_
33. [_a2] simug#_
34. [n(disz) _sze ku3]-babbar_
35. [_a2] nagar_
36. 5(disz)#? _sze ku3-babbar_
37. _a2 aszgab_
38. [n(disz)] _sze ku3-babbar_
39. _a2 ad-kup4_
40. [n(disz)] _sze ku3-babbar_
41. [_a2] szitim_
42. [n(disz) _sze ku3]-babbar_
43. [i-na _u4] 1(disz)-kam_
44. [i-na-ad]-di#-in
@law 275
45. [szum-ma a]-wi-lum
46. [...] i-gur
47. i-na _u4 1(disz)-kam_
48. 3(disz) _sze ku3-babbar a2_-szu
@law 276
49. szum-ma ma-hi-ir-tam i-gur
50. 1/2(disz) _sze ku3-babbar a2_-sza
51. i-na _u4 1(disz)-kam_
52. i-na-ad-di-in
@law 277
53. szum-ma a-wi-lum
54. _{gesz}ma2 1(gesz2) gur_ i-gur
55. i-na _u4 1(disz)-kam_
56. _igi 6(disz)-gal2 ku3-babbar a2_-sza
57. i-na-ad-di-in
@law 278
58. szum-ma a-wi-lum
59. _ARAD2 geme2_ i-sza-am-ma
60. _iti_-szu la im-la-ma
61. be2-en-ni e-li-szu
62. im-ta-qu2-ut a-na na-di-na-ni-szu
63. u2-ta-ar-ma
64. sza-a-a-ma-nu-um
65. _ku3-babbar_ isz-qu2-lu
66. i-le-qe2
@law 279
67. szum-ma a-wi-lum
68. _ARAD2 geme2_ i-sza-am-ma
69. ba-aq-ri ir-ta-szi
70. na-di-na-an-szu
71. ba-aq-ri i-ip-pa-al
@law 280
72. szum-ma a-wi-lum
73. i-na ma-at
74. nu-ku-ur2-tim
75. _ARAD2 geme2_ sza a-wi-lim
76. isz-ta-am
77. i-nu-ma
78. i-na li-ib-bu _kalam_
79. it-ta-al-kam-ma
80. be-el _ARAD2_ u3 lu _geme2_
81. lu _ARAD2_-su2 u3 lu _geme2_-su2
82. u2-te-ed-di
83. szum-ma _ARAD2_ u3 lu _geme2_ szu-nu
84. _dumu-mesz_ ma-tim
85. ba-lum _ku3-babbar_-ma
86. an-du-ra-ar-szu-nu
87. isz-sza-ak-ka-an
@law 281
88. szum-ma _dumu-mesz_ ma-tim sza-ni-tim
89. sza-a-a-ma-nu-ma
90. i-na ma-har i-lim
91. _ku3-babbar_ isz-lu!-lu
92. i-bi!-ab-bi-ma
93. be-el _ARAD2_ u3 lu _geme2_
94. _ku3-babbar_ isz-qu2-lu a-na _dam-gar3_
95. i-na-ad-di-in-ma
96. lu _ARAD2_-su2 lu _geme2_-su2 i-pa-ag!
@law 282
97. szum-ma _ARAD2_ a-na be-li2-szu
98. u2-ul be-li2 at-ta
99. iq-ta-bi
100. ki-ma _ARAD2_-su2
101. u2-ka-an-szu-ma
102. be-el-szu u2-zu-un-szu i-na-ak-ki-is
@columnn 24
@epilogue
1. di-na-a-at
2. mi-sza-ri-im
3. sza {disz}ha-am-mu-ra-pi2
4. szar-ru-um le-u2-um
5. u2-ki-in-nu-ma
6. ma-tam u2-sa-am ki-nam#
7. u3 ri-dam dam-qa2-am
8. u2-sza-as,-bi-tu
9. {disz}ha-am-mu-ra-pi2
10. szar-ru-um gi-it-ma-lum a-na-ku
11. a-na _sag-ge6_
12. sza {d}en-lil2 isz-ru-kam
13. re-u2-si2-na
14. {d}marduk i-din-nam
15. u2-ul e-gu
16. a-hi u2-ul ad-di
17. asz-ri szu-ul-mi-im
18. esz-te-i-szi-na-szim#
19. pu-usz-qi2 wa-asz-t,u2-tim
20. u2-pe#-et-ti
21. nu-ra-am u2-sze-s,i-szi-na-szi-im
22. i-na _{gesz}tukul_ da-an-nim
23. sza {d}za-ba4-ba4
24. u3 {d}inanna
25. u2-sza-at-li-mu-nim
26. i-na _igi-gal2_
27. sza {d}en-ki i-szi-ma-am
28. i-na le-u2-tim
29. sza {d}marduk id-di-nam
30. na-ak-ri e-li-isz
31. u3 sza-ap-li-isz as-su2-uh2
32. qa2-ab-la-tim u2-be2-el-li
33. szi-ir ma-tim
34. u2-t,i3-ib
35. ni-szi da-ad-mi
36. a-bu-ur2-ri
37. u2-szar-bi2-is,
38. mu-gal-li-tam
39. u2-ul u2-szar-szi-szi-na-ti
40. _dingir gal-gal_
41. ib-bu-u2-nin-ni-ma
42. a-na-ku-ma
43. _sipa_ mu-sza-al-li-mu-um
44. sza _{gesz}gidri_-szu
45. i-sza-ra-at
46. s,i-li2 t,a-bu-um
47. a-na _iri_-ia
48. ta-ri-is,
49. i-na ut-li-ia
50. ni-szi _kalam_ szu-me-ri2-im
51. u3 ak-ka-di-im
52. u2-ki-il
53. i-na la-ma-si2-ia
54. ih-hi-sza
55. i-na szu-ul-mi-im
56. at-tab-ba-al-szi-na-ti
57. i-na ne-me-qi2-ia
58. usz-tap-zi2-ir-szi-na-ti
59. dan-nu-um en-sza-am
60. a-na la ha-ba-lim
61. _nu-siki nu-mu-su_
62. szu-te-szu-ri-im
63. i-na babila{ki}
64. _iri_ sza an u3 {d}en-lil2
65. re-szi-szu
66. u2-ul#-lu-u2
67. i-na e2-sag-il2
68. _e2_ sza ki-ma sza-me-e
69. u3 er-s,e-tim _suhusz_-szu ki-na
70. di-in ma-tim a-na di-a-nim
71. pu-ru-se2-e ma-tim
72. a-na pa-ra-si-im
73. ha-ab-lim szu-te-szu-ri-im
74. a-wa-ti-ia szu-qu2-ra-tim
75. i-na _na-ru_-ia asz-t,ur-ma
76. i-na ma-har _alan_-ia
77. _lugal_ mi-sza-ri-im
78. u2-ki-in
79. _lugal_ sza in _lugal_-ri2
80. szu-tu-ru a-na-ku
81. a-wa-tu-u2-a na-as2-qa2
82. le-u2-ti sza-ni-nam
83. u2-ul i-szu
84. i-na qi2-bi-it {d}utu
85. da-a-a-nim ra-bi-im
86. sza _an_ u3 _ki_
87. mi-sza-ri i-na _kalam_
88. li-isz-te-pi2
89. i-na a-wa-at
90. {d}marduk be-li2-ia
91. u2-s,u2-ra-tu-u2-a
92. mu-sza-si2-kam# a-ir-szi-a
93. i-na e2-sag-il2
94. sza a-ra-am-mu szu-mi i-na da-mi-iq-tim
@columnn 25
1. a-na da-ar
2. li-iz-za-ki-ir
3. a-wi-lum ha-ab-lum
4. sza a-wa-tam
5. i-ra-asz-szu-u2
6. a-na ma-ha-ar _alan_-ia
7. _lugal_ mi-sza-ri-im
8. li-il-li-ik-ma
9. _na-ru_-i
10. sza-at,-ra-am
11. li-isz-ta-as2-si-ma
12. a-wa-ti-ia
13. szu-qu2-ra-tim
14. li-isz-me-ma
15. _na-ru_-i a-wa-tam
16. li-kal2-lim-szu
17. di-in-szu li-mu-ur2
18. li-ib-ba-szu
19. li#-na#-ap-pi2-isz-ma
20. {disz}ha-am-mu-ra-pi2-mi
21. be-lum sza ki-ma a-bi-im
22. wa-li-di-im
23. a-na ni-szi
24. i-ba-asz-szu-u2
25. a-na a-wa-at
26. {d}marduk be-li2-szu
27. usz-ta-ak-ti-it-ma
28. ir-ni-ti {d}marduk
29. e-li-isz
30. u3 sza-ap-li-isz
31. ik-szu-u4
32. li-ib-bi {d}marduk
33. be-li2-szu u2-t,i3-ib
34. u3 szi-ra-am t,a-ba-am
35. a-na ni-szi
36. a-na da-ar i-szi-im
37. u3 ma-tam
38. usz-te-sze-er
39. a2-ni-tam
40. li-iq-bi-ma
41. i-na ma-har
42. {d}marduk be-li2-ia
43. {d}s,ar-pa-ni-tum
44. be-el-ti-ia
45. i-na li-ib-bi-szu
46. ga-am-ri-im
47. li-ik-ru-ba-am
48. sze-du-um la-ma-sum2
49. _dingir dingir_ e-ri-bu-ut
50. e2-sag-il2
51. _sig4_ e2-sag-il2
52. i-gi-ir-re-e
53. u4-mi-sza-am
54. i-na ma-har
55. {d}marduk be-li2-ia
56. {d}s,ar-pa-ni-tum
57. be-el-ti-ia
58. li-dam-mi-qu2
59. a-na wa-ar-ki-a-at
60. _u4_-mi
61. a-na ma-ti-ma
62. _lugal_ sza i-na _kalam_
63. ib-ba-asz-szu-u2
64. a-wa-a-at
65. mi-sza-ri-im
66. sza i-na _na-ru_-ia
67. asz-t,u2-ru li-s,ur
68. di-in ma-tim
69. sza a-di-nu
70. pu-ru-se2-e _kalam_
71. sza ap-ru-su
72. a u2-na-ak-ki-ir
73. u2-s,u2-ra-ti-ia
74. a u2-sza-si2-ik
75. szum-ma a-wi-lum szu-u2
76. ta-szi-im-tam i-szu-ma
77. ma-su2 szu-te-szu-ra-am i-le-i
78. a-na a-wa-a-tim
79. sza i-na _na-ru_-ia asz-t,u2-ru li-qul2-ma
80. ki-ib-sa-am ri-dam
81. di-in _kalam_ sza a-di-nu
82. pu-ru-se2-e _kalam_
83. sza ap-ru-su
84. _na-ru_-um szu-u2
85. li-kal2-lim-szu-ma
86. s,a-al-ma-at qa2-qa2-di-szu
87. li-isz-te-sze-er
88. di-in-szi-na li-di-in
89. pu-ru-sa3-szi-na
90. li-ip-ru-us2
91. i-na ma-ti-szu ra-ga-am
92. u3 s,e-nam li-su2-uh2
93. szi-ir ni-szi-szu
94. li-t,i-ib
95. {disz}ha-am-mu-ra-pi2
96. _lugal_ mi-sza-ri-im
97. sza {d}utu ki-na-tim
98. isz-ru-ku-szum a-na-ku
99. a-wa-tu-u2-a na-as2-qa2
100. ep-sze-tu-u2-a
101. sza-ni-nam
102. u2-ul i-sza-a
103. e-la a-na la ha-si2-im
104. ri-qa2
105. a-na em-qi2-im
@columnn 26
1. a-na ta-na-da-tim szu-s,a-a
2. szum-ma a-wi-lum szu-u2
3. a-na a-wa-ti-ia
4. sza i-na _na-ru_-ia asz-t,u2-ru
5. i-qul2-ma
6. di-ni la u2-sza-as-si2-ik
7. a-wa-ti-ia
8. la usz-te-pe-el
9. u2-s,u2-ra-ti-ia
10. la u2-na-ki-ir
11. a-wi-lum szu-u2
12. ki-ma ia-ti
13. _lugal_ mi-sza-ri-im
14. {d}utu _{gesz}gidri_-szu
15. li-ir-ri-ik
16. ni-szi-szu
17. i-na mi-sza-ri-im li-re
18. szum-ma a-wi-lum szu-u2
19. <a-na> a-wa-ti-ia
20. sza i-na _na-ru_-ia
21. asz-t,u2-ru
22. la i-qul2-ma
23. er-re-ti-ia
24. i-me-esz-ma
25. er-re-et i3-li2
26. la i-dur-ma
27. di-in a-di-nu
28. up-ta-as-si2-is
29. a-wa-ti-ia
30. usz-te-pe-el
31. u2-s,u2-ra-ti-ia
32. ut-ta-ak-ki-ir
33. szu-mi sza-at-ra-am
34. ip-szi-it,-ma
35. szum-szu isz-ta-t,ar2
36. asz-szum er-re-szum! szi-na-ti
37. sza-ni-a-am-ma
38. usz-ta-hi-iz
39. a-wi-lum szu-u2
40. lu _lugal_
41. lu _en_
42. lu _ensi2_
43. u3 lu a-wi-lu-tum
44. sza szu-ma-am na-bi-a-at
45. AN ra-bu-um
46. a-bu i3-li2
47. na-bu-u2 _bala_-ia
48. _me-lam2_ szar-ru-tim
49. li-t,e4-er-szu
50. _{gesz}gidri_-szu
51. li-isz-bi-ir
52. szi-ma-ti-szu li-ru-ur
53. {d}en-lil2 be-lum
54. mu-szi-im szi-ma-tim
55. sza qi2-bi2-su2
56. la ut-ta-ka-ru
57. mu-szar-bu-u3
58. szar-ru-ti-ia
59. te-szi la szu-up-pi2-im
60. ga-ba-ra-ah
61. ha-la-qi2-szu
62. i-na szu-ub-ti-szu
63. li-sza-ab!-bi!-ha-asz-szum
64. _bala_ ta-ne-hi-im
65. _u4_-mi i-s,u2-tim
66. sza-na-a-at
67. hu-sza-ah-hi-im
68. ek-le-et
69. la na-wa-ri-im
70. mu-ut ni-t,i-il i-nim
71. a-na szi-im-tim
72. li-szi-im-szum
73. ha-la-aq _iri_-szu
74. na-as2-pu-uh2 ni-szi-szu
75. szar-ru-su2 szu-pe2-lam
76. szum-szu u3 zi-kir-szu
77. i-na ma-tim
78. la szu-ub-sza-a-am
79. i-na _ka_-szu kab-tim
80. li-iq-bi
81. {d}nin-lil2
82. _ama_ ra-bi2-tum
83. sza qi2-bi2-sa3
84. i-na e2-kur kab-ta-at
85. _nin_ mu-dam-mi-qa2-at
86. i-gi-ir-re-ia
87. a-szar szi-ip-t,i-im
88. u3 pu-ru-se2-em
89. i-na ma-har {d}en-lil2
90. a-wa-su2 li-le-mi-in
91. szu-ul-pu-ut ma-ti-szu
92. ha-la-aq ni-szi-szu
93. ta-ba-ak na-pisz-ti-szu
94. ki-ma me-e
95. i-na _ka_ {d}en-lil2
96. szar-ri-im
97. li-sza-asz-ki-in
98. {d}en-ki _nun_ ra-bi-um
99. sza szi-ma-tu-szu
100. i-na mah-ra i-la-ka
101. _abgal_ i3-li2
102. mu-de mi-im-ma szum-szu
103. mu-sza-ri-ku
@columnn 27
1. _u4_-um ba-la-t,i-ia
2. uz-nam
3. u3 ne-me-qam
4. li-t,e4-er-szu-ma
5. i-na mi-szi-tim
6. li-it-ta-ar-ru-szu
7. _i7-i7_-szu
8. i-na na-ag-bi-im
9. li-is-ki-ir
10. i-na er-s,e-ti-szu
11. {d}asznan
12. na-pi2-isz-ti ni-szi
13. a u2-sza-ab-szi
14. {d}utu da-a-a-nu-um ra-bi-um
15. sza sza-me-e
16. u3 er-s,e-tim
17. mu-usz-te-sze-er
18. sza-ak-na-at na-pi2-isz-tim
19. be-lum tu-kul2-ti
20. szar-ru-su2 li-is-ki-ip
21. di-in-szu
22. a i-di-in
23. u2-ru-uh2-szu li-szi
24. _DU_ um-ma-ni-szu
25. li-isz-he-el-s,i2
26. i-na bi-ri-szu
27. _uzu_ lem-nam
28. sza na-sa-ah
29. _suhusz_ szar-ru-ti-szu
30. u3 ha-la-aq ma-ti-szu li-isz-ku-un-szum
31. a-wa-tum ma-ru-usz-tum
32. sza {d}utu ar-hi-isz
33. li-ik-szu-su2
34. e-li-isz
35. i-na ba-al#-t,u2-tim
36. li-is-su2-uh2-szu
37. sza-ap-li-isz
38. i-na er-s,e-tim
39. _gidim4-gidim4_-szu
40. me-e li-sza-az-mi
41. {d}suen be-el sza-me-e
42. _dingir_ ba-ni
43. sza sze-re-su2
44. i-na i3-li2 szu-pa-a-at
45. _aga {gesz}gu-za_ sza szar-ru-tim
46. li-t,e4-er-szu
47. ar-nam kab-tam
48. sze-re-su2 ra-bi-tam
49. sza i-na zu-um-ri-szu
50. la i-hal-li-qu2
51. li-mu-su2-ma
52. _u4_-mi _iti-iti_
53. sza-na-a-at _bala_-szu
54. i-na ta-ne-hi-im
55. u3 di-im-ma-tim
56. li-sza-aq-ti
57. kam-ma-al szar-ru-tim
58. li-sza-at,-t,i-il-szu
59. ba-la-t,am
60. sza it-ti mu-tim
61. szi-ta-an-nu
62. a-na szi-im-tim
63. li-szi-im-szum
64. {d}iszkur be-el _he2-gal2_
65. _gu2-gal_ sza-me-e
66. u3 er-s,e-tim
67. re-s,u2-u2-a
68. zu-ni i-na sza-me-e
69. mi-lam
70. i-na na-ag-bi-im
71. li-t,e4-er-szu
72. ma-su2
73. i-na hu-sza-ah-hi-im
74. u3 bu-bu-tim
75. li-hal-li-iq
76. e-li _iri_-szu
77. ez-zi-isz
78. li-is-si-ma
79. ma-su2 a-na _du6_ a-bu-bi-im
80. li-te-er
81. {d}za-ba4-ba4
82. qar-ra-du-um ra-bi-um
83. _dumu_ re-esz-tu-um
84. sza e2-kur
85. a-li-ku im-ni-ia
86. a-szar tam2-ha-ri-im
87. _{gesz}tukul_-szu li-isz-bi-ir
88. u4-ma-am a-na mu-szi-im
89. li-te-er-szum-ma
90. na-ki-ir-szu e-li-szu
91. li-isz-zi-iz
92. {d}inanna be-le-et
93. _me6_ u3 _szen-szen_
94. pa-ti-a-at
95. _{gesz}tukul#_-ia
96. la-ma-si2
97. da-mi-iq-tum
98. ra-i-ma-at _bala_-ia
99. i-na li-ib-bi-sza
100. ag-gi-im
101. i-na uz-za-ti-sza
102. ra-bi2-a-tim
103. szar-ru-su2 li-ru-ur
104. dam-qa2-ti-szu
105. a-na le-em-ne-tim
106. li-te-er
@columnn 28
1. li-te-er
# sic
2. a-szar _me6_ u3 _szen-szen_
3. _{gesz}tukul_-szu
4. li-isz-bi#-ir
5. i-szi-tam
6. sa3-ah-ma-asz-tam
7. li-isz-ku-un-szum
8. qar-ra-di-szu
9. li-sza-am-qi2-it
10. da-mi-szu-nu
11. er-s,e-tam li-isz-qi2
12. gu-ru-un
13. sza-al-ma-at
14. um-ma-na-ti-szu
15. i-na s,e-ri-im
16. li-it-ta-ad-di
17. _erin2_-szu-ma? re-ma-am
18. a-i u2-szar-szi
19. szu-a-ti
20. a-na qa2-at na-ak-ri-szu
21. li-ma-al-li-szu-ma
22. a-na ma-at nu-ku-ur2-ti-szu
23. ka-mi-isz li-ru-szu
24. {d}ne3-eri11-gal
25. dan-nu-um i-na i3-li2
26. qa2-ba-al la ma-ha-ar
27. mu-sza-ak-szi-du
28. ir-ni-ti-ia
29. i-na ka-szu-szi-szu
30. ra-bi-im
31. ki-ma i-sza-tim
32. ez-ze-tim sza a-pi2-im
33. ni-szi-szu
34. li-iq-me
35. in _{gesz}tukul_-szu dan-nim
36. li-sza-ti-szu-ma
37. bi-ni-a-ti-szu
38. ki-ma s,a-lam t,i-t,i-im
39. li-ih-bu-usz
40. {d}nin-tu
41. _nin_ s,i-ir-tum
42. sza ma-ta-tim
43. _ama_ ba-ni-ti
44. _ibila_ li-t,e4-re-szu-ma
45. szu-ma-am
46. a u2-szar-szi-szu
47. i-na qer-bi-it ni-szi-szu
48. _numun_ a-wi-lu-tim
49. a ib-ni
50. {d}nin-kar-ra-ak
51. _dumu-munus an_-nim
52. qa2-bi-a-at
53. dum-qi2-ia
54. i-na e2-kur
55. mur-s,a-am kab-tam
56. _a2-sag3_ le-em-nam
57. si2-im-ma-am mar-s,a-am
58. sza la i-pa-asz-sze-hu
59. _a-zu!_ qe2-re-eb-szu
60. la i-lam-ma-du
61. i-na s,i2-im-di
62. la u2-na-ah-hu-szu
63. ki-ma ni-szi-ik mu-tim la in-na-sa3-hu
64. i-na bi-ni-a-ti-szu
65. li-sza-s,i-a-asz-szum-ma
66. a-di na-pi2-isz-ta-szu
67. i-be2-el-lu-u2
68. a-na et,-lu-ti-szu
69. li-da!-dam-ma-am
70. _dingir gal-gal_
71. sza sza-me-e
72. u3 er-s,e-tim
73. {d}a-nun-na
74. i-na _szunigin_-szu-nu
75. sze-ed bi-tim
76. _sig4_ e2-babbar-ra
77. szu-a-ti
78. _numun_-szu
79. ma-su2 _erin2_-szu
80. ni-szi-szu
81. u3 um-ma-an-szu
82. er-re-tam
83. ma-ru-usz-tam li-ru-ru
84. er-re-tim
85. da!-ni-a-tim
86. {d}en-lil2
87. i-na _ka_-szu
88. sza la ut-ta-ak-ka-ru
89. li-ru-ur-szu-ma
90. ar-hi-isz
91. li-ik-szu-da-szu

2017-03-03 09:55:18, entered by englund for cdlistaff
&P249253 = RIME 4.03.06.add21, ex. 01
#atf: lang akk
@object stele
@surface a
@column 1
@prologue
1. i3-nu an s,i-ru-um
2. _lugal_ {d}a-nun-na-ki
3. {d}en-lil2
4. be-el sza-me-e
5. u3 er-s,e-tim
6. sza-i-im
7. szi-ma-at _kalam_
8. a-na {d}marduk
9. _dumu_ re-esz-ti-im
10. sza {d}en-ki
11. {d}en-lil2-ut
12. kisz ni-szi3
13. i-szi-mu-szum
14. in i-gi4-gi4
15. u2-szar-bi2-u3-szu
16. babila{ki}
17. szum-szu s,i-ra-am ib-bi-u3
18. in ki-ib-ra-tim
19. u2-sza-t,e4-ru-szu
20. i-na li-ib-bi-szu
21. szar-ru-tam da-ri2-tam
22. sza ki-ma sza-me-e
23. u3 er-s,e-tim
24. isz-da-sza
25. szu-ur2-szu-da
26. u2-ki-in-nu-szum
27. i-nu-mi-szu
28. {disz}ha-am-mu-ra-pi2
29. ru-ba-am
30. na-a'-dam
31. pa-li-ih i3-li2 ia-ti
32. mi-sza-ra-am
33. i-na ma-tim
34. a-na szu-pi2-i-im
35. ra-ga-am u3 s,e-nam
36. a-na hu-ul-lu-qi2-im
37. dan-nu-um
38. en-sza-am
39. a-na la ha-ba-li-im
40. ki-ma {d}utu
41. a-na _sag-ge6_
42. wa-s,e-e-em-ma
43. ma-tim
44. nu-wu-ri-im
45. an
46. u3 {d}en-lil2
47. a-na szi-ir ni-szi
48. t,u2-ub-bi-im
49. szu-mi ib-bu-u2
50. {disz}ha-am-mu-ra-pi2
51. re-iu-um
52. ni-bi-it
53. {d}en-lil2 a-na-ku
54. mu-kam-me-er
55. nu-uh2-szi-im
56. u3 t,u2-uh2-di-im
57. mu-sza-ak-li-il
58. mi-im-ma szum-szu
59. a-na nibru{ki} _dur-an-ki_
60. za-ni-nu-um
61. na-a'-du-um
62. sza e2-kur
63. _lugal_ le-iu-um
64. mu-te-er {iri}eridu{ki}
65. a-na asz-ri-szu
66. mu-ub-bi-ib
@column 2
1. szu-luh e2-abzu
2. ti-i-ib
3. ki-ib-ra-at
4. er-be2-tim
5. mu-szar-bi2 zi-ik-ru
6. babila{ki}
7. mu-t,i3-ib
8. li-ib-bi {d}marduk
9. be-li2-szu
10. sza u4-mi-szu
11. iz-za-zu
12. a-na e2-sag-il2
13. _numun_ szar-ru-tim
14. sza {d}suen
15. ib-ni-u3-szu
16. mu-na-ah-hi-isz
17. {iri}uri5{ki}
18. wa-asz-ru-um
19. mu-usz-te-mi-qum
20. ba-bil2 _he2-gal2_
21. a-na e2-kisz-nu-gal2
22. _lugal_ ta-szi-im-tim
23. sze-mu {d}utu da-num2
24. mu-ki-in
25. _suhusz_ zimbir{ki}
26. mu-sza-al-bi-isz
27. wa-ar-qi2-im
28. gi-gu-ne-e {d}a-a
29. mu-s,i-ir
30. e2-babbar
31. sza ki szu-ba-at sza-ma-i
32. _ur-sag_ ga#-mi-il
33. larsa{ki}
34. mu-u4-di-isz e2-babbar
35. a-na {d}utu
36. re-s,i-szu
37. be-lum mu-ba-li2-it,
38. unu{ki}
39. sza-ki-in me-e
40. nu-uh2-szi-im
41. a-na ni-szi-szu
42. mu-ul-li
43. re-esz e2-an-na
44. mu-kam-me-er
45. hi-is,-bi-im
46. a-na _an_-nim
47. u3 {d}inanna
48. _an-dul3_ ma-tim
49. mu-pa-ah-hi-ir
50. ni-szi sa6-ap-ha-tim
51. sza i3-si-in{ki}
52. mu-t,a-ah-hi-id
53. nu-uh2-szi-im
54. _e2_ e2-gal-mah
55. _uszumgal lugal_-ri2
56. ta-li-im
57. {d}za-ba4-ba4
58. mu-szar-szi-id
59. szu-ba-at {iri}kisz{ki}
60. mu-usz-ta-as2-hi-ir
61. me-le-em-mi
62. e2-me-te-ur-sag
63. mu-usz-te-es,-bi
64. pa-ar-s,i2 ra-bu-u2-tim
65. sza {d}inanna
66. pa-qi2-id bi-tim
67. hur-sag-kalam-ma
68. sa-par4 na-ki-ri
69. sza {d}er3-ra ru-szu
70. u2-sza-ak-szi-du
@column 3
1. ni-iz-ma-su2
2. mu-sza-te-er
3. {iri}gu2-du8-a{ki}
4. mu-ra-ap-pi2-isz
5. mi-im-ma szum-szu
6. ana mes-lam
7. ri-mu-um
8. ka-ad-ru-um
9. mu-na-ak-ki-ip za-i-ri
10. na-ra-am {d}tu-tu
11. mu-ri-isz
12. {iri}bar-si2-pa2{ki}
13. na-a'-du-um
14. la mu-up-pa-ar-ku-u2-um
15. a-na e2-zi-da
16. i-lu _lugal_-ri2
17. mu-de _igi-gal2_-im
18. mu-sza-ad-di-il
19. me-re-esz-tim
20. sza dil-bat{ki}
21. mu-ga-ar-ri-in _guru7-guru7_
22. a-na {d}urasz
23. ga-asz-ri-im
24. be-lum si2-ma-at
25. ha-at,-t,i-im
26. u3 a-ge-em
27. sza u2-sza-ak-li-lu-szu
28. e-ri-isz-tum
29. {d}ma-ma
30. mu-ki-in
31. u2-s,u2-ra-tim
32. sza kesz3{ki}
33. mu-de-esz-szi
34. ma-ka-li el-lu-tim
35. a-na {d}nin-tu
36. mu-usz-ta-lum
37. gi-it-ma-lum
38. sza-i-im
39. mi-ri-tim
40. u3 ma-asz-qi2-tim
41. a-na lagasz{ki}
42. u3 gir2-su{ki}
43. mu-ki-il
44. ni-in-da-be2-e
45. ra-bu-tim
46. a-na e2-ninnu
47. mu-tam-me-eh a-a-bi
48. mi-gi4-ir
49. te-li-tim
50. mu-sza-ak-li-il
51. te-re-tim
52. sza zabala2{ki}
53. mu-ha-ad-di
54. li-ib-bi {d}esz18-dar
55. ru-bu-um el-lum
56. sza ni-isz qa2-ti-szu
57. {d}iszkur i-du-u2
58. mu-ne-eh
59. li-ib-bi {d}iszkur
60. gu2-ra-di-im
61. i-na {iri}im{ki}
62. mu-usz-ta-ak-ki-in
63. si2-ma-tim
64. i-na e2-u4-gal-gal
65. _lugal_ na-di-in
66. na-pi2-isz-tim
67. a-na adab{ki}
68. a-sze-er
69. _e2_ e2-mah
70. e-te-el _lugal_-ri2
71. qa2-ba-al
72. la ma-ha-ri-im
@column 4
1. szu i-qi2-szu
2. na-ap-sza-tam
3. a-na {iri}masz-gan-szabra{ki}
4. mu-sze-esz-qi2
5. nu-uh2-szi-im
6. a-na _mes-lam_
7. em-qum
8. mu-tab-bi-lum
9. szu ik-szu-du
10. na-ga-ab ur2-szi-im
11. mu-usz-pa-az-zi-ir
12. ni-szi ma3-al-nag-a {ki}
13. in ka-ra-szi-im
14. mu-szar-szi-du
15. szu-ba-ti-szi-in
16. in nu-uh2-szi-in
17. a-na {d}en-ki
18. u3 {d}dam-gal-nun-na
19. mu-szar-bu-u2
20. szar-ru-ti-szu
21. da-ri2-isz i-szi-mu
22. zi-bi el-lu-tim
23. a-sza-re-ed _lugal_-ri2
24. mu-ka-an-ni-isz
25. da-ad-mi
26. {i7}buranun-na
27. i3-tum {d}da-gan
28. ba-ni-szu
29. szu ig-mi-lu
30. ni-szi me-ra{ki}
31. u3 tu-tu-ul{ki}
32. ru-bu-um
33. na-a'-du-um
34. mu-na-wi-ir
35. pa-ni {d}tiszpak
36. sza-ki-in ma-ka-li el-lu-tim
37. a-na {d}nin-a-zu
38. sza-t,i3-ip ni-szi-szu
39. in pu-usz-qi2-im
40. mu-ki-in-nu
41. isz-di-szi-in
42. qer-bu-um
43. babila{ki}
44. szu-ul-ma-ni-isz
45. _sipa_ ni-szi3
46. sza ep-sze-tu-szu
47. e-li {d}esz18-dar t,a-ba
48. mu-ki-in-ni {d}esz18-dar
49. i-na e2-ul-masz
50. qer-bu-um
51. a-ga-de3{ki}
52. re-bi-tim
53. mu-sze-pi2 ki-na-tim
54. mu-szu-sze-er am-mi
55. mu-te-er
56. {d}lamma-szu
57. da-mi-iq-tim
58. a-na {iri}a-szur4{ki}
59. mu-sze-ep-pi2 na-bi-hi
60. _lugal_ sza i-na ni-nu-a{ki}
61. i-na e2-mes-mes
62. u2-szu-pi2-u3
63. me-e {d}inanna
64. na-a'-du-um
65. mu-usz-te-mi-qum
66. a-na _dingir gal-gal_
67. li-ip-li-pi2
68. sza {disz}su-mu-la-il3
69. _ibila_ da-num2
70. sza {disz}{d}suen-mu-ba-li2-it,
@column 5
1. _numun_ da-ri2-um
2. sza szar-ru-tim
3. _lugal_ da-num2
4. {d}utu-szu
5. babila{ki}
6. mu-sze-s,i2 nu-ri-im
7. a-na ma-at
8. szu-me-ri2-im
9. u3 ak-ka-di-im
10. _lugal_ mu-usz-te-esz-mi
11. ki-ib-ra-at
12. ar-ba-im
13. mi-gi4-ir {d}inanna a-na-ku
14. i-nu-ma
15. {d}marduk
16. a-na szu-te-szu-ur ni-szi
17. _kalam_ u2-si-[im]
18. szu-hu-zi-im
19. u2-wa-e-ra-an-ni
20. ki-it-tam
21. u3 mi-sza-ra-am
22. i-na _ka_ ma-tim
23. asz-ku-un
24. szi-ir ni-szi u2-t,i-ib
25. i-nu-mi-szu
@law 1
26. szum-ma a-wi-lum a-wi-lam
27. u2-ub-bi-ir-ma
28. ne-er-tam e-li-szu
29. id-di-ma
30. la uk-ti-in-szu
31. mu-ub-bi-ir-szu
32. id-da-ak
@law 2
33. szum-ma a-wi-lum
34. ki-isz-pi2
35. e-li a-wi-lim id-di-ma
36. la uk-ti-in-szu
37. sza e-li-szu
38. ki-isz-pu na-du-u2
39. a-na {d}i7
40. i-il-la-ak
41. {d}i7 i-sza-al-li-a-am-ma
42. szum-ma {d}i7
43. ik-ta-sza-su2
44. mu-ub-bi-ir-szu
45. _e2_-su2 i-tab-ba-al
46. szum#-ma a-wi-lam szu-a-ti
47. {d}i7
48. u2-te-eb-bi-ba-asz-szu-ma
49. isz-ta-al-ma-am
50. sza e-li-szu
51. ki-isz-pi2 id-du-u2
52. id-da-ak
53. sza {d}i7
54. isz-li-a-am
55. _e2_ mu-ub-bi-ri-szu
56. i-tab-ba-al
@law 3
57. szum-ma a-wi-lum
58. i-na di-nim
59. a-na szi-bu-ut
60. sa3-ar-ra-tim
61. u2-s,i-a-am-ma
62. a-wa-at iq-bu-u2
63. la uk-ti-in
64. szum-ma di-nu-um szu-u2
65. di-in na-pi2-isz-tim
66. a-wi-lum szu-u2
67. id-da-ak
@law 4
68. szum-ma a-na szi-bu-ut
@column 6
1. _sze_ u3 _ku3-babbar_
2. u2-s,i-a-am
3. a-ra-an
4. di-nim szu-a-ti
5. it-ta-na-asz-szi
@law 5
6. szum-ma da-a-a-nu-um
7. di-nam i-di-in
8. pu-ru-sa2-am
9. ip-ru-us2
10. ku-nu-uk-kam
11. u2-sze-zi-ib
12. wa-ar-ka-nu-um-ma
13. di-in-szu i-te-ni
14. da-a-a-nam szu-a-ti
15. i-na di-in i-di-nu
16. e-ne-em
17. u2-ka-an-nu-szu-ma
18. ru-gu-um-ma-am
19. sza i-na di-nim szu-a-ti
20. ib-ba-asz-szu-u2
21. _a-ra2_ 1(u) 2(disz)-szu
22. i-na-ad-di-in
23. u3 i-na pu-uh2-ri-im
24. i-na _{gesz}gu-za_
25. da-a-a-nu-ti-szu
26. u2-sze-et-bu-u2-szu-ma
27. u2-ul i-ta-ar-ma
28. it-ti da-a-a-ni
29. i-na di-nim
30. u2-ul usz-ta-ab
@law 6
31. szum-ma a-wi-lum
32. _nig2-gur11 dingir_
33. u3 _e2-gal_
34. isz-ri-iq
35. a-wi-lum szu-u2
36. id-da-ak
37. u3 sza szu-ur2-qa2-am
38. i-na qa2-ti-szu
39. im-hu-ru
40. id-da-ak
@law 7
41. szum#-ma a-wi-lum
42. lu _ku3-babbar_
43. lu _ku3-sig17_
44. lu _ARAD2_ lu _geme2_
45. lu _gu4_ lu _udu_
46. lu _ansze_
47. u3 lu mi-im-ma szum-szu
48. i-na qa2-at _dumu_ a-wi-lim
49. u3 lu _ARAD2_ a-wi-lim
50. ba-lum szi-bi
51. u3 ri-ik-sa-tim
52. isz-ta-am
53. u3 lu a-na ma-s,a-ru-tim
54. im-hu-ur
55. a-wi-lum szu-u2
56. szar-ra-aq id-da-ak
@law 8
57. szum-ma a-wi-lum
58. lu _gu4_ lu _udu_ lu _ansze_ lu _szah2_
59. u3 lu _{gesz}ma2_
60. isz-ri-iq
61. szum-ma sza i-lim
62. szum-ma sza _e2-gal_
63. _a-ra2_ 3(u)-szu
64. i-na-ad-di-in
65. szum-ma sza _|MASZ.EN.GAG|_
66. _a-ra2_ 1(u)-szu i-ri-a-ab
67. szum-ma szar-ra-qa2-nu-um
68. sza na-da-nim la i-szu
69. id-da-ak
@law 9
70. szum-ma a-wi-lum
@column 7
1. sza mi-im-mu-szu hal-qu2
2. mi-im-ma-szu
3. hal-qa2-am
4. i-na qa2-ti a-wi-lim
5. is,-s,a-ba-at
6. a-wi-lum sza hu-ul-qum
7. i-na qa2-ti-szu
8. s,a-ab-tu
9. na-di-na-nu-um-mi id-di-nam
10. ma-har szi-bi-mi
11. a-sza-am
12. iq-ta-bi
13. u3 be-el hu-ul-qi2-im
14. szi-bi mu-de
15. hu-ul-qi2-ia-mi
16. lu-ub-lam
17. iq-ta-bi
18. sza-a-a-ma-nu-um
19. na-di-in
20. id-di-nu-szum
21. u3 szi-bi
22. sza i-na mah-ri-szu-nu
23. i-sza-mu it-ba-lam
24. u3 be-el hu-ul-qi2-im
25. szi-bi mu-de hu-ul-qi2-szu
26. it-ba-lam
27. da-a-a-nu
28. a-wa-a-ti-szu-nu
29. i-im-ma-ru-ma
30. szi-bu sza mah-ri-szu-nu
31. szi-mu-um
32. isz-sza-mu
33. u3 szi-bu mu-de
34. hu-ul-qi2-im
35. mu-du-su2-nu
36. ma-har i-lim
37. i-qa2-ab-bu-ma
38. na-di-na-nu-um
39. szar-ra-aq id-da-ak
40. be-el hu-ul-qi2-im
41. hu-lu-uq-szu
42. i-le-qe2
43. sza-a-a-ma-nu-um
44. a-na bi-it
45. na-di-na-nim
46. _ku3-babbar_ isz-qu2-lu
47. i-le-qe2
@law 10
48. szum-ma sza-a-a-ma-nu-um
49. na-di-in
50. id-di-nu-szum
51. u3 szi-bi sza i-na mah-ri-szu-nu
52. i-sza-mu
53. la it-ba-lam
54. be-el hu-ul-qi2-im-ma
55. szi-bi mu-de
56. hu-ul-qi2-szu it-ba-lam
57. sza-a-a-ma-nu-um
58. szar-ra-aq id-da-ak
59. be-el hu-ul-qi2-im
60. hu-lu-uq-szu
61. i-le-qe2
@law 11
62. szum-ma be-el hu-ul-qi2-im
63. szi-bi mu-de
64. hu-ul-qi2-szu
65. la it-ba-lam
@column 8
1. sa3-ar
2. tu-usz-sza-am-ma id-ke
3. id-da-ak
@law 12
4. szum-ma na-di-na-nu-um
5. a-na szi-im-tim
6. it-ta-la-ak
7. sza-a-a-ma-nu-um
8. i-na bi-it
9. na-di-na-nim
10. ru-gu-um-me-e
11. di-nim szu-a-ti
12. _a-ra2_ 5(disz)-szu
13. i-le-qe2
@law 13
14. szum#-ma a-wi-lum szu-u2
15. szi-bu-szu la qer-bu
16. da-a-a-nu a-da-nam
17. a-na _iti 6(disz)-kam_
18. i-sza-ak-ka-nu-szum-ma
19. szum-ma i-na _iti 6(disz)-kam_
20. szi-bi-szu la ir-de-a-am
21. a-wi-lum szu-u2
22. sa3-ar
23. a-ra-an di-nim szu-a-ti
24. it-ta-na-asz-szi
@law 14
25. szum-ma a-wi-lum
26. _dumu_ a-wi-lim
27. s,e-eh-ra-am
28. isz-ta-ri-iq
29. id-da-ak
@law 15
30. szum-ma a-wi-lum
31. lu _ARAD2 e2-gal_
32. lu _geme2 e2-gal_
33. lu _ARAD2 |MASZ.EN.GAG|_
34. lu _geme2 |MASZ.EN.GAG|_
35. _abul_ usz-te-s,i2
36. id-da-ak
@law 16
37. szum-ma a-wi-lum
38. lu _ARAD2_ lu _geme2_
39. hal-qa2-am
40. sza _e2-gal_
41. u3 lu _|MASZ.EN.GAG|_
42. i-na bi-ti-szu
43. ir-ta-qi2-ma
44. a-na szi-si-it
45. na-gi-ri-im
46. la usz-te-s,i2-a-am
47. be-el _e2_ szu-u2
48. id-da-ak
@law 17
49. szum-ma a-wi-lum
50. lu _ARAD2_ lu _geme2_
51. hal-qa2-am
52. i-na s,e-ri-im
53. is,-ba-at-ma
54. a-na be-li2-szu
55. ir-te-de-a-asz-szu
56. 2(disz) _gin2 ku3-babbar_
57. be-el _ARAD2_
58. i-na-ad-di-isz-szum
@law 18
59. szum-ma _ARAD2_ szu-u2
60. be-el-szu
61. la iz-za-kar
62. a-na _e2-gal_
63. i-re-ed-de-szu
64. wa-ar-ka-su2
65. ip-pa-ar-ra-as2-ma
66. a-na be-li2-szu
67. u2-ta-ar-ru-szu
@law 19
68. szum-ma _ARAD2_
69. szu-a-ti
70. i-na bi-ti-szu
71. ik-ta-la-szu
72. wa-ar-ka _ARAD2_
@column 9
1. i-na qa2-ti-szu
2. it-ta-as,-ba-at
3. a-wi-lum szu-u2
4. id-da-ak
@law 20
5. szum-ma _ARAD2_
6. i-na qa2-at
7. s,a-bi-ta-ni-szu
8. ih-ta-li-iq
9. a-wi-lum szu-u2
10. a-na be-el _ARAD2_
11. ni-isz i-lim
12. i-za-kar-ma
13. u2-ta-asz-szar
@law 21
14. szum-ma a-wi-lum
15. bi-tam
16. ip-lu-usz
17. i-na pa-ni
18. pi2-il-szi-im
19. szu-a-ti
20. i-du-uk-ku-szu-ma
21. i-ha-al-la-lu-szu
@law 22
22. szum-ma a-wi-lum
23. hu-ub-tam
24. ih-bu-ut-ma
25. it-ta-as,-ba-at
26. a-wi-lum szu-u2
27. id-da-ak
@law 23
28. szum-ma ha-ab-ba-tum
29. la it-ta-as,-ba-at
30. a-wi-lum
31. ha-ab-tum
32. mi-im-ma-szu
33. hal-qa2-am
34. ma-ha-ar
35. i-lim
36. u2-ba-ar-ma
37. _iri_
38. u3 ra-bi-a-nu-um
39. sza i-na er-s,e-ti-szu-nu
40. u3 pa-t,i-szu-nu
41. hu-ub-tum
42. ih-ha-ab-tu
43. mi-im-ma-szu
44. hal-qa2-am
45. i-ri-a-ab-bu-szum
@law 24
46. szum-ma na-pi2-isz-tum
47. _iri_ u3 ra-bi-a-nu-um
48. 1(disz) _ma-na ku3-babbar_
49. a-na ni-szi-szu
50. i-sza-qa2-lu
@law 25
51. szum-ma i-na _e2_ a-wi-lim
52. i-sza-tum
53. in-na-pi2-ih-ma
54. a-wi-lum
55. sza a-na bu-ul-li-im
56. il-li-ku
57. a-na nu-ma-at
58. be-el _e2_
59. i-in-szu isz-szi-ma
60. nu-ma-at
61. be-el _e2_
62. il-te-di
63. a-wi-lum szu-u2
64. a-na i-sza-tim szu-a-ti
65. in-na-ad-di
@law 26
66. szum-ma lu _aga-us2_
67. u3 lu _szu-ku6_
68. sza a-na har-ra-an szar-ri-im
69. a-la-ak-szu
@column 10
1. qa2-bu-u2
2. la-il-li-ik
3. lu _{lu2}hun-ga2_
4. i-gur-ma
5. pu-uh2-szu
6. it,-t,a-ra-ad
7. lu _aga-us2_
8. u3 lu _szu-ku6_ szu-u2
9. id-da-ak
10. mu-na-ag-gi-ir-szu
11. _e2_-su2
12. i-tab-ba-al
@law 27
13. szum-ma lu _aga-us2_
14. u3 lu _szu-ku6_
15. sza i-na dan-na-at
16. szar-ri-im
17. tu-ur2-ru
18. wa-ar-ki-szu
19. _a-sza3_-szu u3 _{gesz}kiri6_-szu
20. a-na sza-ni-im
21. id-di-nu-ma
22. i-li-ik-szu
23. it-ta-la-ak
24. szum-ma it#-tu-ra-am-ma
25. _iri_-szu ik-ta-asz2-dam
26. _a-sza3_-szu u3 _{gesz}kiri6_-szu
27. u2-ta-ar-ru-szum-ma
28. szu-ma i-li-ik-szu
29. i-il-la-ak
@law 28
30. szum-ma lu _aga#-us2_
31. u3 lu _szu-ku6_
32. sza i-na dan#-na-at
33. szar-ri-im
34. tu-ur2#-ru
35. _dumu_-szu il-kam
36. a-la-kam i-le-i
37. _a-sza3_ u3 _{gesz}kiri6_
38. in-na-ad-di-isz-szum#-ma
39. i-li-ik# [a]-bi-szu
40. i-il-[la]-ak#
@law 29
41. szum-ma _dumu_-szu
42. s,e-he-er-ma#
43. i-li-ik a-bi-szu
44. a-la-kam
45. la i-le-i
46. sza-lu-usz-ti _a-sza3_ u3 _{gesz}kiri6_
47. a-na um-mi-szu
48. in-na-ad#-di-in-ma
49. um-ma-szu
50. u2-ra-ab-ba-szu
@law 30
51. szum-ma lu _aga-us2#_
52. u3 lu _szu-ku6_
53. _a-sza3_-szu _{gesz}kiri6_-szu# u3 _e2_-su2#
54. i-na pa-ni il-ki-im
55. id-di-ma
56. u4-da-ap-pi2-ir
57. sza-nu-um
58. wa-ar-ki-szu#
59. _a-sza3_-szu _{gesz}kiri6_-szu
60. u3 _e2_-su2
61. is,-ba-at-ma
62. _mu 3(disz)-kam_
63. i-li-ik-szu
64. it-ta-la-ak
65. szum-ma it-tu-ra-am-ma
66. _a-sza3_-szu _{gesz}kiri6_-szu u3 _e2_-su2
67. i-ir-ri-isz
68. u2-ul in-na-ad-di-isz-szum
@column 11
1. sza is,-s,a-ab-tu-ma
2. i-li-ik-szu
3. it-ta-al-ku
4. szu-ma i-il-la-ak
@law 31
5. szum-ma sza-at-tam
6. isz-ti-a-at-ma
7. u4-da-ap-pi2-ir-ma
8. it-tu-ra-am
9. _a-sza3_-szu u3 _e2_-su2
10. in-na-ad-di-isz-szum-ma
11. szu-ma i-li-ik-szu
12. i-il#-la#-ak#
@law 32
13. szum#-ma# lu _aga-us2_
14. u3 lu _szu-ku6_
15. sza i-na har-ra-an
16. szar-ri-im
17. tu-ur2-ru
18. _dam-gar3_ ip-t,u2-ra-asz-szu-ma
19. _iri_-szu usz-ta-ak-szi-da-asz-szu
20. szum-ma i-na bi-ti-szu
21. sza pa-t,a-ri-im
22. i-ba-asz-szi
23. szu-ma ra-ma-an-szu
24. i-pa-at,-t,a-ar
25. szum-ma i-na bi-ti-szu
26. sza pa-t,a-ri-szu
27. la i-ba-asz-szi
28. i-na _e2 dingir iri_-szu
29. ip-pa-at,-t,ar2
30. szum-ma i-na _e2_
31. _dingir iri_-szu
32. sza pa-t,a-ri-szu
33. la i-ba-asz-szi
34. _e2-gal_ i-pa-at,-t,a-ar!(RI)-szu
35. _a-sza3_-szu _{gesz}kiri6_-szu
36. u3 _e2_-su2
37. a-na ip-t,e4-ri-szu
38. u2-ul in-na-ad-di-in
@law 33
39. szum-ma lu _ugula-ugula_
40. u3 lu _nu-banda3_
41. _erin2_ ni-is-ha-tim
42. ir-ta-szi
43. u3 lu a-na _kaskal_
44. szar-ri-im
45. _{lu2}hun-ga2_ pu-ha-am
46. im-hu-ur-ma
47. ir-te-de
48. lu _ugula-ugula_
49. u3 lu _nu-banda3_ szu-u2
50. id-da-ak
@law 34
51. szum-ma lu _ugula-ugula_
52. u3 lu _nu-banda3_
53. nu-ma-at _aga-us2_ il-te-qe2
54. _aga-us2_ ih-ta-ba-al
55. _aga-us2_ a-na ig-ri-im
56. it-ta-di-in
57. _aga-us2_ i-na di-nim
58. a#-na# dan-nim isz-ta-ra-ak
59. qi2#-isz-ti szar-ru-um
60. [a]-na# _aga-us2_ id-di-nu
61. il#-te-di
62. lu# _ugula-ugula_
63. u3# lu _nu-banda3_ szu-u2
64. id#-da#-ak
@law 35
65. szum#-ma a-wi-lum
66. _ab2# gu4!(BI) hi-a_
67. u3 _u8 udu hi-a_
68. sza szar-ru-um
69. a-na _aga-us2_
70. id-di-nu
@column 12
1. i-na qa2-ti _aga-us2_
2. isz-ta-am
3. i-na _ku3-babbar_-szu
4. i-te-el-li
@law 36
5. _a-sza3_-um _{gesz}kiri6_ u3 _e2_
6. sza _aga-us2 szu-ku6_
7. u3 na-szi bi-il-tim
8. a-na _ku3-babbar_
9. u2-ul i-na-ad-di-in
@law 37
10. szum-ma a-wi-lum
11. _a-sza3 {gesz}kiri6_ u3 _e2_
12. sza _aga-us2 szu-ku6_
13. u3# na#-szi _gun#_
14. isz#-ta#-am#
15. t,up-pa-szu
16. ih-he-ep-pe2
17. u3 i-na _ku3-babbar_-szu
18. i-te-el-li
19. _a-sza3 {gesz}kiri6_ u3 _e2_
20. a-na be-li2-szu
21. i-ta-ar
@law 38
22. _aga-us2 szu-ku6_
23. u3 na-szi _gun_
24. i-na _a-sza3 {gesz}kiri6_ u3 _e2_
25. sza il-ki-szu
26. a-na asz-sza-ti-szu
27. u3 _dumu-munus_-szu
28. u2-ul i-sza-at,-t,a-ar
29. u3 a-na i-il-ti-szu
30. u2-ul i-na-ad-di-in
@law 39
31. i-na _a-sza3 kiri6_ u3 _e2_
32. sza i-sza-am-mu-ma
33. i-ra-asz-szu-u2
34. a-na asz-sza-ti-szu
35. u3 _dumu-munus_-szu
36. i-sza-at,-t,ar2
37. u3 a-na e-hi-il-ti-szu
38. i-na-ad-di-in
@law 40
39. _lukur dam-gar3_
40. u3 il-kum a-hu-u2-um
41. _a-sza3_-szu _{gesz}kiri6_-szu
42. u3 _e2_-su2 a-na _ku3-babbar_
43. i-na-ad-di-in
44. sza-a-a-ma-nu-um
45. i-li-ik _a-sza3_
46. _{gesz}kiri6_ u3 _e2_
47. sza i-sza-am-mu
48. i-il-la-ak
@law 41
49. szum-ma a-wi-lum
50. _a-sza3 {gesz}kiri6_ u3 _e2_
51. sza _aga-us2 szu-ku6_
52. u3 na-szi bi-il-tim
53. u2-pi2-ih
54. u3 ni-ip-la-ti
55. id-di-in
56. _aga-us2 szu-ku6_
57. u3 na-szi bi-il-tim
58. a-na _a-sza3_-szu _{gesz}kiri6_-szu u3 _e2_-szu
59. i-ta-ar
60. u3 ni-ip-la-tim
61. sza in-na-ad-nu-szum
62. i-tab-ba-al
@law 42
63. szum-ma a-wi-lum
64. _a-sza3_ a-na er-re-szu-tim
65. u2-sze-s,i-ma
66. i-na _a-sza3 sze_ la usz-tab-szi
67. i-na _a-sza3_ szi-ip-ri-im
@column 13
1. la e-pe2-szi-im
2. u2-ka-an-nu-szu-ma
3. _sze_ ki-ma i-te-szu
4. a-na be-el _a-sza3_
5. i-na-ad-di-in
@law 43
6. szum-ma _a-sza3_-am la i-ri-isz-ma
7. it-ta-di
8. _sze_ ki-ma i-te-szu
9. a-na be-el _a-sza3_
10. i-na-ad-di-in
11. u3 _a-sza3_ sza id-du-u2
12. ma-a-a-ri
13. i-ma-ah-ha-as,
14. i-sza-ak-ka-ak-ma
15. a-na be-el _a-sza3_
16. u2-ta-ar
@law 44
17. szum-ma a-wi-lum
18. _a-sza3 |KI.KAL|_
19. a-na _mu 3(disz)-kam_
20. a-na te-ep-ti-tim
21. u2-sze-s,i-ma
22. a-ah-szu id-di-ma
23. _a-sza3_ la ip-te-te
24. i-na re-bu-tim
25. sza-at-tim
26. _a-sza3_ ma-a-a-ri
27. i-ma-ah-ha-as,
28. i-mar-ra-ar
29. u3 i-sza-ak-ka-ak-ma
30. a-na be-el _a-sza3_
31. u2-ta-ar
32. u3 1(bur3) _GAN2_-e
33. 1(u) _sze gur_
34. i-ma-ad-da-ad
@law 45
35. szum-ma a-wi-lum
36. _a-sza3_-szu a-na _gun_
37. a-na er-re-szi-im
38. id-di-in-ma
39. u3 _gun a-sza3_-szu
40. im-ta-ha-ar
41. wa-ar-ka _a-sza3_
42. {d}iszkur ir-ta-hi-is,
43. u3 lu bi-ib-bu-lum
44. it-ba-al
45. bi-ti-iq-tum
46. sza er-re-szi-im-ma
@law 46
47. szum-ma _gun a-sza3_-szu
48. la im-ta-ha-ar
49. u3 lu a-na mi-isz-la-ni
50. u3 lu a-na sza-lu-usz
51. _a-sza3_ id-di-in
52. _sze_ sza i-na _a-sza3_
53. ib-ba-asz-szu-u2
54. er-re-szum
55. u3 be-el _a-sza3_
56. a-na ap-szi-te-em
57. i-zu-uz-zu
@law 47
58. szum-ma er-re-szum
59. asz-szum i-na sza-at-tim
60. mah-ri-tim
61. ma-na-ha-ti-szu
62. la il-qu2-u2
63. _a-sza3_ e-re-sza-am iq-ta-bi
64. be-el _a-sza3_
65. u2-ul u2-up-pa-as
66. er-re-su-ma
67. _a-sza3_-szu i-ir-ri-isz-ma
68. i-na _buru14_
69. ki-ma ri-ik-sa-ti-szu
70. _sze_ i-le-qe2
@law 48
71. szum-ma a-wi-lum
72. hu-bu-ul-lum
73. e-li-szu
@column 14
1. i-ba-asz-szi-ma
2. _[a]-sza3_-szu
3. {d}iszkur
4. ir-ta-hi-is,
5. u3 lu-u2 bi-ib-bu-lum#
6. it-ba-al
7. u3 lu-u2 i-na la me-e
8. _sze_ i-na _a-sza3_
9. la it-tab-szi
10. i-na sza-at-tim szu-a-ti
11. _sze_ a-na be-el hu-bu-ul-li-szu
12. u2-ul u2-ta-ar
13. t,up-pa-szu
14. u2-ra-at,-t,a-ab
15. u3 s,i-ib-tam
16. sza sza-at-tim szu-a-ti
17. u2-ul i-na-ad-di-in
@law 49
18. szum-ma a-wi-lum
19. _ku3-babbar_ it-ti _dam-gar3_
20. il-qe2-ma
21. _a-sza3_ ep-e-tim
22. sza _sze_ u3 lu _sze-gesz-i3_
23. a-na _dam-gar3_ id-di-in
24. _a-sza3_ e-ri-isz-ma
25. _sze_ u3 lu-u2 _sze-gesz-i3_
26. sza ib-ba-asz-szu-u2
27. e-si-ip ta-ba-al
28. iq-bi-szum
29. szum-ma er-re-szum
30. i-na _a-sza3 sze_
31. u3 lu _sze-gesz-i3_
32. usz-tab-szi
33. i-na _buru14 sze_ u3 _sze-gesz-i3_
34. sza i-na _a-sza3_ ib-ba-asz-szu-u2
35. be-el _a-sza3_-ma
36. i-le-qe2-ma
37. _sze_ sza _ku3-babbar_-szu
38. u3 s,i-ba-su2
39. sza it-ti _dam-gar3_
40. il-qu2-u2
41. u3 ma-na-ha-at
42. e-re-szi-im
43. a-na _dam-gar3_
44. i-na-ad-di-in
@law 50
45. szum-ma _a-sza3_ er-sza-am
46. u3 lu-u2
47. _a-sza3 sze-gesz-i3_
48. er-sza-am id-di-in
49. _sze_ u3 lu _sze-gesz-i3_
50. sza i-na _a-sza3_
51. ib-ba-asz-szu-u2
52. be-el _a-sza3_-ma
53. i-le-qe2-ma
54. _ku3-babbar_ u3 s,i-ba-su2
55. a-na _dam-gar3_ u2-ta-ar
@law 51
56. szum-ma _ku3-babbar_
57. a-na tu-ur2-ri-im
58. la i-szu
59. _sze-gesz-i3_
60. a-na ma-hi-ra-ti-szu-nu
61. sza _ku3-babbar_-szu
62. u3 s,i-ib-ti-szu
63. sza it-ti _dam-gar3_ il-qu2-u2
64. a-na _ka_ s,i-im-da-at
65. szar-ri-im
66. a-na _dam-gar3_ i-na-ad-di-in
@column 15
@law 52
1. szum-ma er-re-szum
2. i-na _a-sza3_ sze-am
3. u3 lu _sze-gesz-i3_
4. la usz-tab-szi
5. ri-ik-sa-ti-szu
6. u2-ul [i]-in-ni
@law 53
7. szum-ma a-wi-lum
8. a-na _kar a-sza3_-szu
9. du-un-nu-nim#
10. a-ah-szu id-di-ma
11. _kar_-szu
12. la u2-dan-ni-in-ma
13. i-na _kar_-szu
14. pi2-tum it-te-ep-te
15. u3 _a-gar3_ me-e usz-ta-bil2
16. a-wi-lum
17. sza i-na _kar_-szu
18. pi2-tum ip-pe2-tu-u2
19. _sze_ sza u2-hal-li-qu2
20. i-ri-a-ab
@law 54
21. szum-ma _sze_ ri-a-ba-am
22. la i-le-i
23. szu-a-ti
24. u3 bi-sza-szu
25. a-na _ku3-babbar_
26. i-na-ad-di-nu-ma
27. _dumu a-gar3-mesz_
28. sza _sze_-szu-nu
29. mu-u2 ub-lu
30. i-zu-uz-zu
@law 55
31. szum-ma a-wi-lum
32. a-tap-pa-szu
33. a-na szi-qi2-tim ip-te
34. a-ah-szu id-di-ma
35. _a-sza3_ i-te-szu
36. me-e usz-ta-bil2
37. _sze_ ki-ma i-te-szu
38. i-ma-ad-da-ad
@law 56
39. szum-ma a-wi-lum
40. me-e ip-te-ma
41. ep-sze-tim sza _a-sza3_ i-te-szu
42. me-e usz-ta-bil2
43. 1(bur3) _GAN2_-e
44. 1(u) _sze gur_
45. i-ma-ad-da-ad
@law 57
46. szum-ma _sipa_
47. a-na sza-am-mi
48. _u8 udu hi-a_ szu-ku-lim
49. it-ti be-el _a-sza3_
50. la im-ta-gar3-ma
51. ba-lum be-el _a-sza3_
52. _a-sza3 u8 udu hi-a_
53. usz-ta-ki-il
54. be-el _a-sza3 a-sza3_-szu
55. i-is,-s,i-id
56. _sipa_ sza i-na ba-lum
57. be-el _a-sza3_
58. _a-sza3 u8 udu hi-a_
59. u2-sza-ki-lu
60. e-le-nu-um-ma
61. 1(bur3) _GAN2_-e
62. 2(u) _sze gur_
63. a-na be-el _a-sza3_
64. i-na-ad-di-in
@law 58
65. szum-ma isz-tu _u8 udu hi-a_
66. i-na _a-gar3_
67. i-te-li-a-nim
68. ka-an-nu ga-ma-ar-tim
69. i-na _abul_
70. it-ta-ah-la-lu
71. _sipa u8 udu hi-a_
72. a-na _a-sza3_ id-di-ma
73. _a-sza3 u8 udu hi-a_
74. usz-ta-ki-il
75. _sipa a-sza3_ u2-sza-ki-lu
76. i-na-s,a-ar-ma
77. i-na _buru14_
78. 1(bur3) _GAN2_-e
@column 16
1. 1(gesz2) _sze gur_
2. a-na be-el _a-sza3_
3. i-ma-ad-da-ad
@law 59
4. szum-ma a-wi-lum
5. ba-lum be-el _{gesz}kiri6_
6. i-na _{gesz}kiri6_ a-wi-lim
7. i-s,a-am ik-ki-is
8. 1/2(disz) _ma-na ku3-babbar_
9. i-sza-qal
@law 60
10. szum-ma a-wi-lum
11. _a-sza3_ a-na _{gesz}kiri6_ [za]-qa2-pi2-im
12. [a]-na# _nu-{gesz}kiri6_ id-di-in
13. _nu-{gesz}kiri6_
14. _{gesz}kiri6_ iz-qu2-up
15. _mu 4(disz)-kam_
16. _{gesz}kiri6_ u2-ra-ab-ba
17. i-na ha-mu-usz-tim
18. sza-at-tim
19. be-el _{gesz}kiri6_
20. u3 _nu-{gesz}kiri6_
21. mi-it-ha-ri-isz
22. i-zu-zu
23. be-el _{gesz}kiri6_
24. _ha-la_-szu
25. i-na-sa3-aq-ma
26. i-le-qe2
@law 61
27. szum-ma _nu-{gesz}kiri6_
28. _a-sza3_ i-na za-qa2-pi2-im
29. la ig-mur-ma
30. ni-di-tam i-zi-ib
31. ni-di-tam
32. a-na li-ib-bi _ha-la_-szu
33. i-sza-ak-ka-nu-szum
@law 62
34. szum-ma _a-sza3_
35. sza in-na-ad-nu-szum
36. a-na _{gesz}kiri6_ la iz-qu2-up
37. szum-ma _ab-sin2_
38. _gun a-sza3_
39. sza sza-na-tim
40. sza in-na-du-u2
41. _nu-{gesz}kiri6_
42. a-na be-el _a-sza3_
43. ki-ma i-te-szu
44. i-ma-ad-da-ad
45. u3 _a-sza3_ szi-ip-ra-am
46. i-ip-pe2-esz-ma
47. a-na be-el _a-sza3_ u2-ta-ar
@law 63
48. szum-ma _a-sza3 |KI.KAL|_
49. _a-sza3_ szi-ip-ra-am
50. i-ip-pe2-esz-ma
51. _a-sza3_ be-el _a-sza3_
52. u2-ta-ar
53. u3 1(bur3) _GAN2_-e
54. 1(u) _sze gur_
55. sza sza-at-tim
56. isz-ti-a-at
57. i-ma-ad-da-ad
@law 64
58. szum-ma a-wi-lum
59. _{gesz}kiri6_-szu
60. a-na _nu-{gesz}kiri6_
61. a-na ru-ku-bi-im
62. id-di-in
63. _nu-{gesz}kiri6_
64. a-di _{gesz}kiri6_ s,a-ab-tu
65. i-na bi-la-at _{gesz}kiri6_
66. szi-it-ti-in
67. a-na be-el _{gesz}kiri6_
68. i-na-ad-di-in
69. sza-lu-usz-tam
70. szu-u2 i-le-qe2
@law 65
71. szum-ma _nu-{gesz}kiri6_
72. _{gesz}kiri6_ la u2-ra-ak-ki-ib-ma
73. bi-il-tam um-ta-t,i
74. _nu-{gesz}kiri6_
75. bi-la-at _{gesz}kiri6_
76. a-na i-te-szu
@column 17
$column missing
1. [i-ma-ad-da-ad]
2. [...]
@reverse
@column 1
1. s,i-ba-a-at _ku3-babbar_
2. ma-la il-qu2-u2
3. i-sa-ad-dar-ma
4. u4-mi-szu
5. i-ma-an-nu-u2-ma
6. _dam-gar3_-szu
7. i-ip-pa-al
@law 101
8. szum-ma a-szar il-li-ku
9. ne-me-lam
10. la i-ta-mar
11. _ku3-babbar_ il-qu2-u2
12. usz-ta-sza-na-ma
13. _szaman2-la2_ a-na _dam-gar3_
14. i-na-ad-di-in
@law 102
15. szum-ma _dam-gar3_
16. a-na _szaman2-la2_
17. _ku3-babbar_ a-na ta-ad-mi-iq-tim
18. it-ta-di-in-ma
19. a-szar il-li-ku
20. bi-ti-iq-tam
21. i-ta-mar
22. qa2-qa2-ad _ku3-babbar_
23. a-na _dam-gar3_ u2-ta-ar
@law 103
24. szum-ma har-ra-nam
25. i-na a-la-ki-szu
26. na-ak-ru-um
27. mi-im-ma sza na-szu-u2
28. usz-ta-ad-di-szu
29. _szaman2-la2_ ni-isz i-lim
30. i-za-kar-ma
31. u2-ta-asz-szar
@law 104
32. szum-ma _dam-gar3_
33. a-na _szaman2-la2_
34. _sze siki i3-gisz_
35. u3 mi-im-ma bi-sza-am
36. a-na pa-sza-ri-im
37. id-di-in
38. _szaman2-la2 ku3-babbar_
39. i-sa-ad-dar-ma
40. a-na _dam-gar3_
41. u2-ta-ar
42. _szaman2-la2_ ka-ni-ik _ku3-babbar_
43. sza a-na _dam-gar3_
44. i-na-ad-di-nu
45. i-le-qe2
@law 105
46. szum-ma _szaman2-la2_
47. i-te-gi-ma
48. ka-ni-ik _ku3-babbar_
49. a-na _dam-gar3_
50. id-di-nu
51. la-il-te-qe2
52. _ku3-babbar_ la ka-ni-ki-im
53. a-na ni-ik-ka-as-si2-im
54. u2-ul isz-sza-ak-ka-an
@law 106
55. szum-ma _szaman2-la2_
56. _ku3-babbar_ it-ti _dam-gar3_
57. il-qe2-ma
58. _dam-gar3_-szu
59. it-ta-ki-ir
60. _dam-gar3_ szu-u2
61. i-na ma-har i-lim u3 szi-bi
62. i-na _ku3-babbar_ le-qe2-em
63. _szaman2-la2_ u2-ka-an-ma
64. _szaman2-la2 ku3-babbar_
65. ma-la il-qu2-u2
66. _a-ra2_ 3(disz)-szu a-na _dam-gar3_
67. i-na-ad-di-in
@law 107
68. szum-ma _dam-gar3 ku3-babbar_
69. _szaman2-la2_ i-qi2-ip-ma
70. _szaman2-la2_ mi-im-ma
71. sza _dam-gar3_ id-di-nu-szum
72. a-na _dam-gar3_-szu
@column 2
1. ut-te-er
2. _dam-gar3_ mi-im-ma
3. sza _szaman2-la2_
4. id-di-nu-szum
5. it-ta-ki-ir-szu
6. _szaman2-la2_ szu-u2
7. i-na ma-har i-lim u3 szi-bi
8. _dam-gar3_ u2-ka-an-ma
9. _dam-gar3_ asz-szum _szaman2-la2_-szu
10. ik-ki-ru
11. mi-im-ma sza il-qu2-u2
12. _a-ra2_ 6(disz)-szu
13. a-na _szaman2-la2_
14. i-na-ad-di-in
@law 108
15. szum-ma _munus-kurun-na_
16. a-na _sa10# kasz_
17. _sze_ la im-ta-har
18. i-na _na4_ ra-bi-tim
19. _ku3-babbar_ im-ta-har
20. u3 _ganba kasz_
21. a-na _ganba sze_ um-ta-t,i
22. _munus-kurun-na_ szu-a-ti
23. u2-ka-an-nu-szi-ma
24. a-na me#-e
25. i-na#-[ad]-du#-u2-szi
@law 109
26. szum#-ma# _munus-kurun-na_
27. sa3-ar#-ru-tum
28. i-na _e2_-sza
29. it-tar-ka-su2#?-ma
30. sa3-ar-ru-tim szu-nu-ti
31. la is,-s,a-ab-tam-ma
32. a-na _e2-gal_
33. la ir-de-a-am
34. _munus-kurun-na_ szi-i
35. id-da-ak
@law 110
36. szum#-ma _lukur nin-dingir_
37. sza i-na _ga2-gi4-a_
38. la wa-asz-ba-at
39. _e2 kurun-na_ ip-te-te
40. u3 lu a-na _kasz_
41. a-na _e2 kurun-na_
42. i-te-ru-ub
43. a-wi-il-tam szu-a-ti
44. i-qal-lu-u2-szi
@law 111
45. szum-ma _munus-kurun-na_
46. 1(disz) _kasz dida ka gag_
47. a-na qi2-ip-tim id-di-in
48. i-na _buru14_
49. 5(ban2) _sze_ i-le-qe2
@law 112
50. szum-ma a-wi-lum
51. i-na har-ra-nim
52. wa-szi-ib-ma
53. _ku3-babbar ku3-sig17 na4_
54. u3 bi-isz qa2-ti-szu
55. a-na a-wi-lim
56. id-di-in-ma
57. a-na szi-bu-ul-tim
58. u2-sza-bil2-szu
59. a-wi-lum szu-u2
60. mi-im-ma sza szu-bu-lu
61. a-szar szu-bu-lu
62. la id-[di]-in-ma
63. it-ba-al
64. be-el szi-bu-ul-tim
65. a-wi-lam szu-a-ti
66. i-na mi-im-ma
67. sza szu-bu-lu-ma
68. la id-di-nu
69. u2-ka-an-nu-szu-ma
70. a-wi-lum szu-u2
71. _a-ra2_ 5(disz)-szu mi-im-ma
72. sza in-na-ad-nu-szum
73. a-na be-el szi-bu-ul-tim
74. i-na-ad-di-in
@law 113
75. szum-ma a-wi-lum
76. e-li a-wi-lim
@column 3
1. _sze_ u3 _ku3-babbar_ i-szu-ma
2. i-na ba-lum be-el _sze_
3. i-na na-asz-pa-ki-im
4. u3 lu i-na ma-asz-ka-nim
5. _sze_ il-te-qe2
6. a-wi-lam szu-a-ti
7. i-na ba-lum be-el _sze_
8. i-na na-asz-pa-ki-im
9. u3# lu i-na _kislah_
10. i#-na# _sze_ le-qe2-em
11. u2-ka-an-nu-szu-ma
12. _sze_ ma-la il-qu2-u2
13. u2-ta-ar
14. u3 i-na mi-im-ma szum-szu
15. ma-la id-di-nu
16. i-te-el-li
@law 114
17. szum-ma a-wi-lum
18. e-li a-wi-lim
19. _sze_ u3 _ku3-babbar_
20. la i-szu-ma
21. ni-pu-su2 it-te-pe2
22. a-na ni-pu-tim
23. isz-ti-a-at
24. 1/3(disz) _ma-na ku3-babbar_
25. i-sza-qal
@law 115
26. szum-ma a-wi-lum
27. e-li a-wi-lim
28. _sze_ u3 _ku3-babbar_
29. i-szu-ma
30. ni-pu-su2 ip-pe2-ma
31. ni-pu-tum
32. i-na _e2_ ne-pi2-sza
33. i-na szi-ma-ti-sza
34. im-tu-ut
35. di-nu-um szu-u2
36. ru-gu-um-ma-am
37. u2-ul i-szu
@law 116
38. szum-ma ni-pu-tum
39. i-na _e2_ ne-pi2-sza
40. i-na ma-ha-s,i2-im
41. u3-lu i-na usz-szu-szi-im
42. im-tu-ut
43. be-el ni-pu-tim
44. _dam-gar3_-szu
45. u2-ka-an-ma
46. szum-ma _dumu_ a-wi-lim
47. _dumu_-szu i-du-uk-ku
48. szum-ma _ARAD2_ a-wi-lim
49. 1/3(disz) _ma-na ku3-babbar_
50. i-sza-qal
51. u3 i-na mi-im-ma szum-szu
52. ma-la id-di-nu
53. i-te-el-li
@law 117
54. szum-ma a-wi-lam
55. e-hi-il-tum
56. is,-ba-su2-ma
57. _dam_-su2 _dumu_-szu u3 _dumu-munus_-su2
58. a-na _ku3-babbar_ id-di-in
59. u3 lu a-na ki-isz-sza-tim
60. it-ta-an-di-in
61. _mu 3(disz)-kam_
62. _e2_ sza-a-a-ma-ni-szu-nu
63. u3 ka-szi-szi-szu-nu
64. i-ip-pe2-szu i-na re-bu-tim
65. sza-at-tim
66. an-du-ra-ar-szu-nu
67. isz-sza-ak-ka-an
@law 118
68. szum-ma _ARAD2_ u3 lu _geme2_
69. a-na ki-isz-sza-tim
70. it-ta-an-di-in
71. _dam-gar3_ u2-sze-te-eq
72. a-na _ku3-babbar_ i-na-ad-din
73. u2-ul ib-ba-qar
@law 119
74. szum-ma a-wi-lam
75. e-hi-il-tum
76. is,-ba-su2-ma
77. _geme2_-su2 sza _dumu-mesz_ ul-du-szum
78. a-na _ku3-babbar_ it-ta-din
@column 4
1. _ku3-babbar dam-gar3_ isz-qu2-lu
2. be-el _geme2#_ i-sza-qal-ma
3. _geme2_-su2 i-pa-t,ar2#
@law 120
4. szum-ma a-wi-lum
5. sze-szu a-na na-asz-pa-ku-tim
6. i-na _e2_ a-wi-lim
7. isz-pu-uk-ma
8. i-na qa2-ri-tim
9. i-ib-bu-u2-um it-tab-szi
10. u3 lu be-el _e2_
11. na-asz-pa-kam ip-te-ma
12. _sze_ il-qe2
13. u3 lu _sze_ sza a-na _e2_-szu
14. isz-sza-ap-ku
15. a-na ga-am-ri-im
16. it-ta-ki-ir
17. be-el _sze_ ma-har i-lim
18. sze-szu u2-ba-ar-ma
19. be-el _e2_
20. _sze_ sza il-qu2-u2
21. usz-ta-sza-na-ma
22. a-na be-el _sze_
23. i-na-ad-di-in
@law 121
24. szum-ma a-wi-lum
25. i-na _e2_ a-wi-lim
26. _sze_ isz-pu-uk
27. i-na sza-na-at
28. a-na _1(asz) sze gur-e 5(disz) sila3 sze_
29. _a2_ na-asz-pa-ki-im
30. i-na-ad-di-in
@law 122
31. szum-ma a-wi-lum
32. a-na a-wi-lim
33. _ku3-babbar ku3-sig17_
34. u3 mi-im-ma szum-szu
35. a-na ma-s,a-ru-tim
36. i-na-ad-di-in
37. mi-im-ma ma-la
38. i-na-ad-di-nu
39. szi-bi-u2-kal2-lam
40. ri-ik-sa-tim
41. i-sza-ak-ka-an-ma
42. a-na ma-s,a-ru-tim
43. i-na-ad-di-in
@law 123
44. szum-ma ba-lum szi-bi
45. u3 ri-ik-sa-tim
46. a-na ma-s,a-ru-tim
47. id-di-in-ma
48. a-sar id-di-nu
49. it-ta-ak-ru-szu
50. di-nu-um szu-u2
51. ru-gu-um-ma-am
52. u2-ul i-szu
@law 124
53. szum-ma a-wi-lum
54. a-na a-wi-lim
55. _ku3-babbar ku3-sig17_
56. u3 mi-im-ma szum-szu
57. ma-har szi-bi
58. a-na ma-s,a-ru-tim
59. id-di-in-ma
60. it-ta-ki-ir-szu
61. a-wi-lam szu-a-ti
62. u2-ka-an-nu-szu-ma
63. mi-im-ma sza ik-ki-ru
64. usz-ta-sza-na-ma
65. i-na-ad-di-in
@law 125
66. szum-ma a-wi-lum
67. mi-im-ma-szu
68. a-na ma-s,a-ru-tim id-di-in-ma
69. a-szar id-di-nu
70. u3 lu a-na pi2-il-szi-im
71. u3 lu i-na na-ba;-al-ka-at-tim
73. mi-im-mu-szu
74. it-ti mi-im-me-e
75. be-el _e2_ ih-ta-li-iq be-el _e2_ sza i-gu-ma
76. mi-im-ma sza a-na
77. ma-s,a-ru-tim id-di-nu-szum-ma
78. u2-hal-li-qu2
79. u2-sza-lam-ma
@column 5
1. a-na be-el _nig2-gur11_
2. i-ri-a-ab
3. be-el _e2_
4. mi-im-ma-szu hal-qa2-am
5. isz#-te-ne-i-ma
6. [it]-ti szar-ra-qa2-ni-szu
7. i-le-qe2
@law 126
8. szum-ma# [a]-wi-lum
9. mi-im-mu-szu
10. la ha-li-iq#-ma
11. mi-im-me-e
12. ha-li-iq iq-ta-bi
13. ba-ab-ta-szu
14. u2-te-eb-bi-ir
15. ki-ma mi-im-mu-szu
16. la hal-qu2
17. ba-ab-ta-szu
18. i-na ma-har i-lim
19. u2-ba-ar-szu-ma
20. mi-im-ma
21. sza ir-gu-mu
22. usz-ta-sza-na-ma
23. a-na ba-ab-ti-szu
24. i-na-ad-di-in
@law 127
25. szum-ma a-wi-lum
26. e-li _nin-dingir_
27. u3 a-sza-at a-wi-lim
28. u2-ba-nam u2-sza-at-ri-is,-ma
29. la uk-ti-in
30. a-wi-lam szu-a-ti
31. ma-har da-a-a-ni
32. i-na-ad-du-u2-szu
33. u3 mu-ut-ta-su2
34. u2-gal-la-bu
@law 128
35. szum-ma a-wi-lum
36. asz-sza-tam
37. i-hu-uz-ma
38. ri-ik-sa-ti-sza
39. la isz-ku-un
40. _munus_ szi-i
41. u2-ul asz-sza-at
@law 129
42. szum-ma asz-sza-at a-wi-lim
43. it-ti zi-ka-ri-im
44. sza-ni-im
45. i-na i-tu-lim
46. it-ta-as,-bat
47. i-ka-su2-szu-nu-ti-ma
48. a-na me-e
49. i-na-ad-du-u2-szu-nu-ti
50. szum-ma be-el asz-sza-tim
51. asz-sza-su2 u2-ba-la-at,
52. u3 szar-ru-um
53. _ARAD2_-su2 u2-ba-la-at,
@law 130
54. szum-ma a-wi-lum
55. asz-sza-at a-wi-lim
56. sza zi-ka-ra-am
57. la i-du-u2-ma
58. i-na _e2_ a-bi-sza
59. wa-asz-ba-at
60. u2-kab-bil2-szi-ma
61. i-na su-ni-sza
62. it-ta-ti-il-ma
63. is,-s,a-ab-tu-szu
64. a-wi-lum szu-u2
65. id-da-ak
66. _munus_ szi-i
67. u2-ta-a-sza-ar
@law 131
68. szum-ma asz#-sza-at
69. a-wi-lim
70. mu-sa3 u2-ub-bi-ir-szi-ma
71. it-ti zi-ka-ri-im sza-ni-im
72. i-na u2-tu-lim
73. la is,-s,a-bi-it
74. ni-isz i-lim
75. i-za-kar-ma
76. a-na _e2_-sza i-ta-ar
@law 132
77. szum-ma asz-sza-at
78. a-wi-lim
79. asz-szum zi-ka-ri-im sza-ni-im
80. u2-ba-nu-um
81. e-li-sza
82. it-ta-ri-is,-ma
83. it-ti zi-ka-ri-im
@column 6
1. sza-ni-im
2. i-na u2-tu-lim
3. la it-ta-as,-ba-at
4. a-na mu-ti-sza
5. {d}i7
6. i-sza-al-li
@law 133
7. szum-ma a-wi-lum
8. isz-sza-li-il-ma
9. i-na _e2_-szu
10. sza a-ka-lim
11. [i]-ba-asz-szi
12. [asz-sza]-su2
13. [a-di mu?]-sa3 [s,a-ab]-tu#?
14. [pa-gar3]-sza#
15. [i-na-s,a]-ar#
16. [a-na _e2_ sza-ni]-im#
17. [u2-ul i-ir]-ru-ub
18. szum#-[ma] _munus_ szi-i
19. [pa]-gar3#-sza
20. la is,-s,ur-ma
21. a-na _e2_ sza-ni-im
22. i-te-ru-ub
23. _munus_ szu-a-ti
24. u2-ka-an-nu-szi-ma
25. a-na me-e
26. i-na-ad-du-u2-szi
@law 134
27. szum-ma a-wi-lum
28. isz-sza-li-il-ma
29. i-na _e2_-szu
30. sza a-ka-li-im
31. la i-ba-asz-szi
32. asz-sza-su2
33. a-na _e2_ sza-ni-im
34. i-ir-ru-ub
35. _munus_ szi-i
36. ar-nam u2-ul i-szu
@law 135
37. szum-ma a-wi-lum
38. isz-sza-li-il-ma
39. i-na _e2_-szu
40. sza a-ka-li-im
41. la i-ba-asz-szi
42. a-na pa-ni-szu
43. asz-sza-su2
44. a-na _e2_ sza-ni-im
45. i-te-ru-ub-ma
46. _dumu-mesz_ it-ta-la-ad
47. i-na wa-ar-ka
48. mu-sa3 it-tu-ra-am-ma
49. _iri_-szu
50. ik-ta-asz2-dam
51. _munus_ szi-i
52. a-na ha-wi-ri-sza
53. i-ta-ar
54. _dumu-mesz_ wa-ar-ki
55. a-bi-szu-nu
56. i-il-la-ku
@law 136
57. szum-ma a-wi-lum
58. _iri_-szu id-di-ma
59. it-ta-bi-it
60. wa-ar-ki-szu
61. asz-sza-su2
62. a-na _e2_ sza-ni-im
63. i-te-ru-ub
64. szum-ma a-wi-lum szu-u2
65. it-tu-ra-am-ma
66. asz-sza-su2
67. is,-s,a-ba-at
68. asz-szum _iri_-szu
69. i-ze-ru-ma
70. in-na-bi-tu
71. asz-sza-at mu-na-ab-tim
72. a-na mu-ti-sza
73. u2-ul i-ta-ar
@law 137
74. szum-ma a-wi-lum
75. a-na {munus}szu-gi4-tim
76. sza _dumu-mesz_ ul-du-szum u3 lu _lukur_ sza _dumu-mesz_
77. u2-szar-szu-szu
78. e-ze2-bi-im
79. pa-ni-szu
80. isz-ta-ka-an
81. a-na _munus_ szu-a-ti
82. sze-ri-ik-ta-sza
83. u2-ta-ar-ru-szi-im
84. u3 mu-ut-ta-at
85. _a-sza3 {gesz}kiri6_ u3 bi-szi-im
@column 7
1. i-na-ad-di-nu-szi-im-ma
2. _dumu-mesz_-sza
3. u2-ra-ab-ba
4. isz-tu _dumu-mesz_-sza
5. ur2-ta-ab-bu-u2
6. i-na mi-im-ma
7. sza a-na _dumu-mesz_-sza
8. in-na-ad-nu
9. zi2-it-tam
10. ki-ma ap-lim isz-te-en
11. i-na-ad-di-nu-szi-im-ma
12. mu-tu li-ib-bi-sza
13. i-ih-ha-as-si2
@law 138
14. szum-ma a-wi-lum
15. hi-ir-ta-szu
16. sza _dumu-mesz_ la ul-du-szum
17. i-iz-zi-ib
18. _ku3-babbar_ ma-la
19. ter-ha-ti-sza
20. i-na-ad-di-isz-szi-im
21. u3 sze-ri-ik-tam
22. sza isz-tu _e2_ a-bi-sza ub-lam
23. u2-sza-lam-szi-im-ma
24. i-iz-zi-ib-szi
@law 139
25. szum-ma ter-ha-tum
26. la i-ba-asz-szi
27. 1(disz) ma-na _ku3-babbar_
28. a-na u2-zu-ub-be2-em
29. i-na-ad-di-isz-szi-im
@law 140
30. szum-ma _|MASZ.EN.GAG|!_
# MASZ-EN-NI
31. 1/3(disz) _ma-na ku3-babbar_
32. i-na-ad-di-isz-szi-im
@law 141
33. szum-ma asz-sza-at a-wi-lim
34. sza i-na _e2_ a-wi-lim
35. wa-asz-ba-at
36. a-na wa-s,e-em
37. pa-ni-sza
38. isz-ta-ka-an-ma
39. si2-ki-il-tam
40. i-sa3-ak-ki-il
41. _e2_-sa3 u2-sa3-ap-pa-ah
42. mu-sa3 u2-sza-am-t,a
43. u2-ka-an-nu-szi-ma
44. szum-ma mu-sa3
45. e-ze2-eb-sza
46. iq-ta-bi
47. i-iz-zi-ib-szi
48. ha-ra-an-sza
49. u2-zu-ub-bu-sza
50. mi-im-ma
51. u2-ul in-na-ad-di-isz-szi-im
52. szum-ma mu-sa3
53. la e-ze2-eb-sza iq-ta-bi
54. mu-sa3 _munus_ sza-ni-tam
55. i-ih-ha-az
56. _munus_ szi-i
57. ki-ma _geme2_
58. i-na _e2_ mu-ti-sza
59. usz-sza-ab
@law 142
60. szum-ma _munus_ mu-sa3 i-ze-er-ma
61. u2-ul ta-ah-ha-za-an-ni
62. iq-ta-bi
63. wa-ar-ka-sa3
64. i-na ba-ab-ti-sza
65. ip-pa-ar-ra-as2-ma
66. szum-ma na-as,-ra-at-ma
67. hi-t,i-tam
68. la i-szu
69. u3 mu-sa6
70. wa-s,i2-ma
71. ma-ga-al
72. u2-sza-am-t,a-szi
73. _munus_ szi-i
@column 8
1. ar-nam u2-ul i-szu
2. sze-ri-ik-ta-sza
3. i-le-qe2-ma
4. a-na _e2_ a-bi-sza
5. it-ta-al-la-ak
@law 143
6. szum-ma la na-as,-ra-at-ma
7. wa-s,i2-a-at
8. bi-sa3 u2-sa3-ap-pa-ah
9. mu-sa3 u2-sza-am-t,a
10. _munus_ szu-a-ti
11. a-na me-e
12. i-na-ad-du-u2-szi
@law 144
13. szum-ma a-wi-lum
14. _lukur_ i-hu-uz-ma
15. _lukur_ szi-i
16. _geme2_ a-na mu-ti-sza
17. id-di-in-ma
18. _dumu-mesz_ usz-tab-szi
19. a-wi-lum szu-u2
20. a-na {munus}szu-gi4-tim
21. a-ha-zi-im
22. pa-ni-szu
23. isz-ta-ka-an
24. a-wi-lam szu-a-ti
25. u2-ul i-ma-ag-ga-ru-szu
26. {munus}szu-gi4-tam
27. u2-ul i-ih-ha-az
@law 145
28. szum-ma a-wi-lum
29. _lukur_ i-hu-uz-ma
30. _dumu-mesz_ la u2-szar-szi-szu-ma
31. a-na {munus}szu-gi4-tim
32. a-ha-zi-im
33. pa-ni-szu
34. isz-ta-ka-an
35. a-wi-lum szu-u2
36. {munus}szu-gi4-tam
37. i-ih-ha-az
38. a-na _e2_-szu
39. u2-sze-er-re-eb-szi
40. {munus}szu-gi4-tum szi-i
41. it-ti _lukur_
42. u2-ul usz-ta-ma-ah-ha-ar
@law 146
43. szum-ma a-wi-lum
44. _lukur_ i-hu-uz-ma
45. _geme2_ a-na mu-ti-sza
46. id-di-in-ma
47. _dumu-mesz_ it-ta-la-ad
48. wa-ar-ka-nu-um
49. _geme2_ szi-i
50. it-ti be-el-ti-sza
51. usz-ta-tam-hi-ir
52. asz-szum _dumu-mesz_ ul-du
53. be-le-sa3
54. a-na _ku3-babbar_
55. u2-ul i-na-ad-di-isz-szi
56. ab-bu-ut-tam
57. i-sza-ak-ka-an-szi-ma
58. it-ti _geme2 hi-a_
59. i-ma-an-nu-szi
@law 147
60. szum-ma _dumu-mesz_
61. la u2-li-id
62. be-le-sa3
63. a-na _ku3-babbar_
64. i-na-ad-di-isz-szi
@law 148
65. szum-ma a-wi-lum
66. asz-sza-tam
67. i-hu-uz-ma
68. la-a'-bu-um
69. is,-s,a-ba-as-si2
70. a-na sza-ni-tim
71. a-ha-zi-im
72. pa-ni-szu
73. isz-ta-ka-an
74. i-ih-ha-az
75. asz-sza-su2
76. sza la-a'-bu-um
77. is,-ba-tu
78. u2-ul i-iz-zi-ib-szi
79. i-na _e2_ i-pu-szu
80. usz-sza-am-ma
81. a-di ba-al-t,a-at it-ta-na-asz-szi-szi
@column 9
@law 149
1. szum-ma _munus_ szi-i
2. i-na _e2_ mu-ti-sza
3. wa-sza-ba-am
4. la im-ta-gar3
5. sze-ri-ik-ta-sza
6. sza isz-tu _e2_ a-bi-sza
7. ub-lam
8. u2-sza#-lam-szim-ma
9. it-ta-al-la-ak
@law 150
10. szum-ma a-wi-lum
11. a-na asz-sza-ti-szu
12. _a-sza3 {gesz}kiri6 e2_
13. u3 bi-sza-am
14. isz-ru-uk-szim
15. ku-nu-uk-kam
16. i-zi-ib-szi-im
17. wa-ar-ki mu-ti-sza
18. _dumu-mesz_-sza u2-ul i-ba-qa2-ru-szi
19. um-mu-um
20. wa-ar-ka-sa3
21. a-na _dumu_-sza
22. sza i-ra-am-mu
23. i-na-ad-di-in
24. a-na a-hi-im
25. u2-ul i-na-ad-di-in
@law 151
26. szum-ma _munus_
27. sza i-na _e2_ a-wi-lim
28. wa-asz-ba-at
29. asz-szum be-el hu-bu-ul-lim
30. sza mu-ti-sza
31. la s,a-ba-ti-sza
32. mu-sa3 ur2-ta-ak-ki-is
33. t,up-pa-am
34. usz-te-zi-ib
35. szum-ma a-wi-lum
36. la-ma _munus_ szu-a-ti
37. i-ih-ha-zu
38. hu-bu-ul-lum
39. e-li-szu
40. i-ba-asz-szi
41. be-el hu-bu-ul-li-szu
42. asz-sza-su2
43. u2-ul i-s,a-ba-tu
44. u3 szum-ma _munus_ szi-i
45. la-ma a-na _e2_ a-wi-lim
46. i-ir-ru-bu
47. hu-bu-ul-lum
48. e-li-sza
49. i-ba-asz-szi
50. be-el hu-bu-ul-li-sza
51. mu-sa3 u2-ul i-s,a-ba-tu
@law 152
52. szum-ma isz-tu
53. _munus_ szi-i
54. a-na _e2_ a-wi-lim
55. i-ru-bu
56. e-li-szu-nu
57. hu-bu-ul-lum
58. it-tab-szi
59. ki-la-la-szu-nu
60. _dam-gar3_ i-ip-pa-lu
@law 153
61. szum-ma asz-sza-at a-wi-lim
62. asz-szum zi-ka-ri-im
63. sza-ni-im
64. mu-sa3 usz-di-ik
65. _munus_ szu-a-ti i-na ga-szi-szi-im
66. i-sza-ak-ka-nu-szi
@law 154
67. szum-ma a-wi-lum
68. _dumu-munus_-su2
69. il-ta-ma-ad
70. a-wi-lam szu-a-ti
71. _iri_ u2-sze-es,-s,u2-u2-szu
@law 155
72. szum-ma a-wi-lum
73. a-na _dumu_-szu
74. _e2-gi4-a_ i-hi-ir-ma
75. _dumu_-szu il-ma-si2
76. szu-u2 wa-ar-ka-nu-um
77. i-na su2-ni-sza
78. it-ta-ti-il-ma
79. is,-s,a-ab-tu-szu
80. a-wi-lam szu-a-ti
81. i-ka-su2-szu-ma
82. a-na me-e
@column 10
1. i-na-ad-du-u2-szi!
@law 156
2. szum-ma a-wi-lum
3. a-na _dumu_-szu
4. _e2-gi4-a_
5. i-hi-ir-ma
6. _dumu_-szu la il-ma-si2-ma
7. szu-u2 i-na su2-ni-sza
8. it-ta-ti-il
9. 1/2(disz) _ma-na ku3-babbar_
10. i-sza-qal-szi-im-ma
11. u3 mi-im-ma
12. sza isz-tu
13. _e2_ a-bi-sza
14. ub-lam
15. u2-sza-lam-szi-im-ma
16. mu-tu li-ib-bi-sza
17. i-ih-ha-as-si2
@law 157
18. szum-ma a-wi-lum
19. wa-ar-ki a-bi-szu
20. i-na su2-un um-mi-szu
21. i-ta-ti-il
22. ki-la-li-szu-nu
23. i-qal-lu-u2-szu-nu-ti
@law 158
24. szum-ma a-wi-lum
25. wa-ar-ki a-bi-szu
26. i-na su2-un
27. ra-bi-ti-szu
28. sza _dumu-mesz_ wa-al-da-at
29. it-ta-as,-ba-at
30. a-wi-lum szu-u2
31. i-na _e2 a-ba_
32. in-na-as-sa3-ah
@law 159
33. szum-ma a-wi-lum
34. sza a-na _e2_ e-mi-szu
35. bi-ib-lam
36. u2-sza-bi-lu
37. ter-ha-tam id-di-nu
38. a-na _munus_ sza-ni-tim
39. ub-ta-al-li-is,-ma
40. a-na e-mi-szu
41. _dumu-munus_-ka
42. u2-ul a-ha-az iq-ta-bi
43. a-bi _dumu-munus_
44. mi-im-ma
45. sza ib-ba-ab-lu-szum
46. i-tab-ba-al
@law 160
47. szum-ma a-wi-lum
48. a-na _e2_ e-mi-im
49. bi-ib-lam
50. u2-sza-bi-il
51. ter-ha-tam
52. id-di-in-ma
53. a-bi _dumu-munus_
54. _dumu-munus_-i u2-ul a-na-ad-di-ik-kum
55. iq-ta-bi
56. mi-im-ma ma-la
57. ib-ba-ab-lu-szum
58. usz-ta-sza-an-na-ma
59. u2-ta-ar
@law 161
60. szum-ma a-wi-lum
61. a-na _e2_ e-mi-szu
62. bi-ib-lam u2-sza-bil2
63. ter-ha-tam
64. id-di-in-ma
65. i-bi-ir-szu
66. uk-tar-ri-su2
67. e-mu-szu
68. a-na be-el asz-sza-tim
69. _dumu-munus_-i u2-ul ta-ah-ha-az
70. iq-ta-bi
71. mi-im-ma ma-la
72. ib-ba-ab-lu-szum
73. usz-ta-sza-an-na-ma
74. u2-ta-ar
75. u3 asz-sza-su2
76. i-bi-ir-szu
77. u2-ul i-ih-ha-az
@law 162
78. szum-ma a-wi-lum
79. asz-sza-tam
80. i-hu-uz
81. _dumu-mesz_ u2-li-sum2-ma
82. _munus_ szi-i
83. a-na szi-im-tim
@column 11
1. it-ta-la-ak
2. a-na sze-ri-ik-ta-sza
3. a-bu-sza
4. u2-ul i-ra-ag-gu-um
5. sze-ri-ik-ta-sza
6. sza _dumu-mesz_-sza-ma
@law 163
7. szum-ma a-wi-lum
8. asz-sza-tam
9. i-hu-uz-ma
10. _dumu-mesz_ la u2-szar-szi-szu
11. _munus_ szi-i
12. a-na szi-im-tim
13. it-ta-la-ak
14. szum-ma ter-ha-tam
15. sza a-wi-lum szu-u2
16. a-na _e2_ e-mi-szu ub-lu
17. e-mu-szu
18. ut-te-er-szum
19. a-na sze-ri-ik-ti
20. _munus_ szu-a-ti
21. mu-sa3 u2-ul i-ra-ag-gu-um
22. sze-ri-ik-ta-sza
23. sza _e2_ a-bi-sza-ma
@law 164
24. szum-ma e-mu-szu
25. ter-ha-tam
26. la ut-te-er-szum
27. i-na sze-ri-ik-ti-sza
28. ma-la ter-ha-ti-sza
29. i-har-ra-as,-ma
30. sze-ri-ik-ta-sza
31. a-na _e2_ a-ta!-sza
32. u2-ta-ar
@law 165
33. szum-ma a-wi-lum
34. a-na _ibila_-szu
35. sza i-in-szu mah-ru
36. _a-sza3 {gesz}kiri6_ u3 _e2_
37. isz-ru-uk
38. ku-nu-kam isz-t,ur-szum
39. wa-ar-ka a-bu-um
40. a-na szi-im-tim
41. it-ta-al-ku
42. i-nu-ma ah-hu
43. i-zu-uz-zu
44. qi2-isz-ti a-bu-um
45. id-di-nu-szum
46. i-le-qe2-ma
47. e-le-nu-um-ma
48. i-na _nig2-gur11 e2 a-ba_
49. mi-it-ha-ri-isz
50. i-zu-uz-zu
@law 166
51. szum-ma a-wi-lum
52. a-na _dumu-mesz_ sza ir-szu-u2
53. asz-sza-tim i-hu-uz
54. a-na _dumu_-szu
55. s,e-eh-ri-im
56. asz-sza-tam
57. la i-hu-uz
58. wa-ar-ka a-bu-um
59. a-na szi-im-tim
60. it-ta-al-ku
61. i-nu-ma ah-hu
62. i-zu-uz-zu
63. i-na _nig2-gur11 e2 a-ba_
64. a-na a-hi-szu-nu
65. s,e-eh-ri-im
66. sza asz-sza-tam
67. la ah-zu
68. e-li-a-at
69. zi-it-ti-szu
70. _ku3-babbar_ ter-ha-tim
71. i-sza-ak-ka-nu-szum-ma
72. asz-sza-tam
73. u2-sza-ah-ha-zu-szu
@law 167
74. szum-ma a-wi-lum
75. asz-sza-tam
76. i-hu-uz-ma
77. _dumu-mesz_ u2-li-sum2
78. _munus_ szi-i
79. a-na szi-im-tim
80. it-ta-la-ak
81. wa-ar-ki-sza
82. _munus_ sza-ni-tam
83. i-ta-ha-az-ma
84. _dumu-mesz_ it-ta-la-ad
85. wa-ar-ka-nu-um
86. a-bu-um a-na szi-im-tim
87. it-ta-al-ku
@column 12
1. _dumu-mesz_ a-na um-ma-tim
2. u2-ul i-zu-uz-zu
3. sze-ri-ik-ti
4. um-ma-ti-szu-nu
5. i-le-qu2-ma
6. _nig2-gur11 e2 a-ba_
7. mi-it-ha-ri-isz
8. i-zu-uz-zu
@law 168
9. szum-ma a-wi-lum
10. a-na _dumu_-szu
11. na-sa-hi-im
12. pa-nam isz-ta-ka-an
13. a-na da-a-a-ni
14. _dumu_-i a-na-sa3-ah iq-ta-bi
15. da-a-a-nu
16. wa-ar-ka-su2
17. i-par2-ra-su-ma
18. szum-ma _dumu_ ar-nam kab-tam
19. sza i-na ap-lu-tim
20. na-sa-hi-im
21. la ub-lam
22. a-bu-um _dumu_-szu
23. i-na ap-lu-tim
24. u2-ul i-na-sa3-ah
@law 169
25. szum-ma ar-nam kab-tam
26. sza i-na ap-lu-tim
27. na-sa-hi-im
28. a-na a-bi-szu
29. it-ba-lam
30. a-na isz-ti-isz-szu
31. pa-ni-szu ub-ba-lu
32. szum-ma ar-nam kab-tam
33. a-di szi-ni-szu it-ba-lam
34. a-bu-um _dumu_-szu
35. i-na ap-lu-tim
36. i-na-sa3-ah
@law 170
37. szum-ma a-wi-lum
38. hi-ir-ta-szu
39. _dumu-mesz_ u2-li-sum2
40. u3 _geme2_-su2
41. _dumu-mesz_ u2-li-sum2
42. a-bu-um
43. i-na bu-ul-t,i3-szu
44. a-na _dumu-mesz_ sza _geme2_ ul-du-szum
45. _dumu-mesz_-u2-a iq-ta-bi
46. it-ti _dumu-mesz_ hi-ir-tim
47. im-ta-nu-szu-nu-ti
48. wa-ar-ka a-bu-um
49. a-na szi-im-tim
50. it-ta-al-ku
51. i-na _nig2-gur11 e2 a-ba_
52. _dumu-mesz_ hi-ir-tim
53. u3 _dumu-mesz geme2_
54. mi-it-ha-ri-isz
55. i-zu-uz-zu
56. _ibila dumu_ hi-ir-tim
57. i-na zi-it-tim
58. i-na-sa3-aq-ma
59. i-le-qe2
@law 171
60. u3 szum-ma a-bu-um
61. i-na bu-ul-t,i3-szu
62. a-na _dumu-mesz_ sza _geme2_ ul-du-szum
63. _dumu-mesz_-u2-a la iq-ta-bi
64. wa-ar-ka a-bu-um
65. a-na szi-im-tim
66. it-ta-al-ku
67. i-na _nig2-gur11 e2 a-ba_
68. _dumu-mesz geme2_
69. it-ti _dumu-mesz_ hi-ir-tim
70. u2-ul i-zu-uz-zu
71. an-du-ra-ar
72. _geme2_ u3 _dumu-mesz_-sza
73. isz-sza-ak-ka-an
74. _dumu-mesz_ hi-ir-tim
75. a-na _dumu-mesz geme2_
76. a-na wa-ar-du-tim
77. u2-ul i-ra-ag-gu-mu
78. hi-ir-tum
79. sze-ri-ik-ta-sza
80. u3 nu-du-un-na-am
81. sza mu-sa3
82. id-di-nu-szi-im
83. i-na t,up-pi2-im
84. isz-t,u2-ru-szi-im
85. i-le-qe2-ma
86. i-na szu-ba-at
87. mu-ti-sza usz-sza-ab
@column 13
1. a-di ba-al-t,a-at i-ik-ka-al
2. a-na _ku3-babbar_
3. u2-ul i-na-ad-di-in
4. wa-ar-ka-sa3
5. sza _dumu-mesz_-sza-ma
@law 172
6. szum-ma mu-sa3
7. nu-du-un-na-am
8. la id-di-isz-szi-im
9. sze-ri-ik-ta-sza
10. u2-sza-la-mu-szi-im-ma
11. i-na _nig2-gur11_
12. _e2_ mu-ti-sza
13. zi2-it-tam
14. ki-ma _ibila_ isz-te-en
15. i-le-qe2
16. szum-ma _dumu-mesz_-sza
17. asz-szum i-na _e2_ szu-s,i2-im
18. u2-sa3-ah-ha-mu-szi
19. da-a-a-nu
20. wa-ar-ka-sa3
21. i-par2-ra-su-ma
22. _dumu-mesz_ ar-nam
23. i-im-mi-du
24. _munus_ szi-i
25. i-na _e2_ mu-ti-sza
26. u2-ul us,-s,i2
27. szum-ma _munus_ szi-i
28. a-na wa-s,e-em
29. pa-ni-sza
30. isz-ta-ka-an
31. nu-du-un-na-am
32. sza mu-sa3
33. id-di-nu-szi-im
34. a-na _dumu-mesz_-sza
35. i-iz-zi-ib
36. sze-ri-ik-tam
37. sza _e2_ a-bi-sza
38. i-le-qe2-ma
39. mu-ut li-ib-bi-sza
40. i-ih-ha-as-si2
@law 173
41. szum-ma _munus_ szi-i
42. a-szar i-ru-bu
43. a-na mu-ti-sza
44. wa-ar-ki-im
45. _dumu-mesz_ it-ta-la-ad
46. wa-ar-ka _munus_ szi-i im-tu-ut
47. sze-ri-ik-ta-sza
48. _dumu-mesz_ mah-ru-tum
49. u3 wa-ar-ku-tum
50. i-zu-uz-zu
@law 174
51. szum-ma a-na mu-ti-sza
52. wa-ar-ki-im
53. _dumu-mesz_ la it-ta-la-ad
54. sze-ri-ik-ta-sza
55. _dumu-mesz_ ha-wi-ri-sza-ma
56. i-le-qu2-u2
@law 175
57. szum-ma lu _ARAD2 e2-gal_
58. u3 lu _ARAD2_
59. _|MASZ.EN.GAG|_
60. _dumu-munus_ a-wi-lim
61. i-hu-uz-ma
62. _dumu-mesz_
63. it-ta-la-ad
64. be-el _ARAD2_
65. a-na _dumu-mesz_
66. _dumu-munus_ a-wi-lim
67. a-na wa-ar-du-tim
68. u2-ul i-ra-ag-gu-um
@law 176
69. u3 szum-ma _ARAD2 e2-gal_
70. u3 lu _ARAD2 |MASZ.EN.GAG|_
71. _dumu-munus_ a-wi-lim
72. i-hu-uz-ma
73. i-nu-ma i-hu-zu-szi
74. qa2-du-um
75. sze-ri-ik-tim
76. sza _e2_ a-bi-sza
77. a-na _e2 ARAD2 e2-gal_
78. u3 lu _ARAD2 |MASZ.EN.GAG|_
79. i-ru-ub-ma
80. isz-tu in-ne-em-du
81. _e2_ i-pu-szu
82. bi-sza-am ir-szu-u2
83. wa-ar-ka-nu-um-ma
84. lu _ARAD2 e2-gal_
85. u3 lu _ARAD2 |MASZ.EN.GAG|_
86. a-na szi-im-tim
87. it-ta-la-ak
88. _dumu-munus_ a-wi-lim
89. sze-ri-ik-ta-sza
90. i-le-qe2
91. u3 mi-im-ma
92. sza mu-sa3 u3 szi-i
@column 14
1. isz-tu in-ne-em-du
2. ir-szu-u2
3. a-na szi-ni-szu
4. i-zu-uz-zu-ma
5. mi-isz-lam be-el _ARAD2_
6. i-le-qe2
7. mi-isz-lam
8. _dumu-munus_ a-wi-lim
9. a-na _dumu-mesz_-sza i-le-qe2
10. szum-ma _dumu-munus_ a-wi-lim
11. sze-ri-ik-tam la i-szu
12. mi-im#-ma sza mu-sa3 u3 szi-i
13. isz-tu in-ne-em-du
14. ir-szu-u2
15. a-na szi-ni-szu
16. i-zu-uz-zu-ma
17. mi-isz-lam be-el _ARAD2_
18. i-le-qe2
19. mi-isz-lam
20. _dumu-munus_ a-wi-lim
21. a-na _dumu-mesz_-sza i-le-qe2
@law 177
22. szum-ma _nu-mu-su_
23. sza _dumu-mesz_-sza
24. s,e-eh-he-ru
25. a-na _e2_ sza-ni-im
26. e-re-bi-im
27. pa-ni-sza
28. isz-ta-ka-an
29. ba-lum da-a-a-ni
30. u2-ul i-ir-ru-ub
31. i-nu-ma
32. a-na _e2_ sza-ni-im
33. i-ir-ru-bu
34. da-a-a-nu
35. wa-ar-ka-at
36. _e2_ mu-ti-sza
37. pa-ni-im
38. i-par2-ra-su-ma
39. _e2_ sza mu-ti-sza
40. pa-ni-im
41. a-na mu-ti-sza
42. wa-ar-ki-im
43. u3 _munus_ szu-a-ti
44. i-pa-aq-qi2-du-ma
45. t,up-pa-am
46. u2-sze-ez-ze-bu-szu-nu-ti
47. _e2_ i-na-s,a-ru
48. u3 s,e-eh-he-ru-tim
49. u2-ra-ab-bu-u2
50. u2-ni-a-tim
51. a-na _ku3-babbar_
52. u2-ul i-na-ad-di-nu
53. sza-a-a-ma-nu-um
54. sza u2-nu-ut
55. _dumu-mesz nu-mu-su_
56. i-sza-am-mu
57. i-na _ku3-babbar_-szu
58. i-te-el-li
59. _nig2-gur11_ a-na be-li2-szu
60. i-ta-ar
@law 178
61. szum-ma _nin-dingir lukur_
62. u3 lu {munus}_zi-ik-ru-um_
63. sza a-bu-sza
64. sze-ri-ik-tam
65. isz-ru-uk-szi-im
66. t,up-pa-am
67. isz-t,u2-ru-szi-im
68. i-na t,up-pi2-im
69. sza isz-t,u2-ru-szi-im
70. wa-ar-ka-sa3
71. e-me e-li-sza
72. t,a-bu na-da-nam
73. la isz-t,ur-szi-im-ma
74. ma-la li-ib-bi-sza
75. la u2-sza-am-s,i2-szi
76. wa-ar-ka a-bu-um
77. a-na szi-im-tim
78. it-ta-al-ku
79. _a-sza3_-sza u3 _kiri6_-sza
80. ah-hu-sza
81. i-le-qu2-ma
82. ki-ma e-mu-uq
83. zi-it-ti-sza
84. _sze-ba i3-ba_ u3 _siki-ba_
85. i-na-ad-di-nu-szim-ma
86. li-ib-ba-sza
87. u2-t,a-ab-bu
88. szum-ma ah-hu-sza
89. ki-ma e-mu-uq
90. zi-it-ti-sza
91. _sze-ba i3-ba_ u3 _siki-ba_
92. la it-ta-ad-nu-szi-im-ma
@column 15
1. li-ib-ba-sza
2. la ut,-t,i-ib-bu
3. _a-sza3_-sza u3 _kiri6_-sza
4. a-na er-re-szi-im
5. sza e-li-sza t,a-bu
6. i-na-ad-di-in-ma
7. er-re-sa3
8. it-ta-na-asz-szi-szi
9. _a-sza3 {gesz}kiri6_
10. u3 mi-im-ma
11. sza a-bu-sza
12. id-di-nu-szi-im
13. a-di ba-al-t,a-at i3-kal
14. a-na _ku3-babbar_
15. u2-ul i-na-ad-di-in
16. sza-ni-a-am
17. u2-ul u2-up-pa-al
18. ap-lu-sa3
19. sza ah-hi-sza-ma
@law 179
20. szum-ma _nin-dingir lukur_
21. u3 lu {munus}_zi-ik-ru-um_
22. sza a-bu-sza
23. sze-ri-ik-tam
24. isz-ru-uk-szi-im
25. ku-nu-kam
26. isz-t,u2-ru-szi-im
27. i-na t,up-pi2-im
28. sza isz-t,u2-ru-szi-im
29. wa-ar-ka-sa3
30. e-ma e-li-sza t,a-bu
31. na-da-nam
32. isz-t,ur-szi-im-ma
33. ma-la li-ib-bi-sza
34. usz-tam-s,i2-szi
35. wa-ar-ka a-bu-um
36. a-na szi-im-tim
37. it-ta-al-ku
38. wa-ar-ka-sa3
39. e-ma e-li-sza t,a-bu
40. i-na-ad-di-in
41. ah-hu-sza
42. u2-ul i-ba-aq-qa2-ru-szi
@law 180
43. szum-ma a-bu-um
44. a-na _dumu-munus_-szu
45. _lukur ga2-gi4-a_
46. u3 lu {munus}_zi-ik-ru-um_
47. sze-ri-ik-tam
48. la isz-<ru>-uk-szi-im
49. wa-ar-ka a-bu-um
50. a-na szi-im-tim
51. it-ta-al-ku
52. i-na _nig2-gur11 e2 a-ba_
53. zi2-it-tam ki-ma
54. ap-lim isz-te-en
55. i-za-az-ma
56. a-di ba-al-t,a-at
57. i-ik-ka-al
58. wa-ar-ka-sa3
59. sza ah-hi-sza-ma
@law 181
60. szum-ma a-bu-um
61. _lukur nu-gig_
62. u3 lu _nu-bar_
63. a-na _dingir_ isz-szi-ma
64. sze-ri-ik-tam
65. la isz-ru-uk-szi-im
66. wa-ar-ka a-bu-um
67. a-na szi-im-tim
68. it-ta-al-ku
69. i-na _nig2-gur11 e2 a-ba_
70. _igi 3(disz)-gal2 ibila_-sza
71. i-za-az-ma
72. a-di ba-al-t,a-at
73. i-ik-ka-al
74. wa-ar-ka-sa3
75. sza ah-hi-sza-am-ma
@law 182
76. szum-ma a-bu-um
77. a-na _dumu-munus_-szu
78. _lukur_ {d}marduk
79. sza babila#{ki}
80. sze-ri-ik-tam
81. la isz-ru-uk-szi-im
82. ku-nu-kam
83. la isz-t,ur-szi-im
84. wa-ar-ka a-bu-um
85. a-na szi-im-tim
86. it-ta-al-ku
87. i-na _nig2-gur11 e2 a-ba_
88. _igi 3(disz)-gal2 ibila_-sza
89. it-ti ah-hi-sza
90. i-za-az-ma
91. il-kam
92. u2-ul i-il-la-ak
93. _lukur_ {d}marduk
94. wa-ar-ka-sa3
95. e-ma e-li-sza
96. t,a-bu
@column 16
1. i-na-ad-di-in
@law 183
2. szum-ma a-bu-um
3. a-na _dumu-munus_-szu szu-gi4-tim
4. sze-ri-ik-tam
5. isz-ru-uk-szi-im
6. a-na mu-tim
7. id-di-isz-szi
8. ku-nu-uk-kam
9. isz-t,ur-szi-im
10. wa-ar-ka a-bu-um
11. a-na szi-im-tim
12. it-ta-al-ku
13. i-na _nig2-gur11 e2 a-ba_
14. u2-ul i-za-az
@law 184
15. szum-ma a-wi-lum
16. a-na _dumu-munus_-szu
17. szu-gi4-tim
18. sze-ri-ik-tam
19. la isz-ru-uk-szim
20. a-na mu-tim
21. la id-di-isz-szi
22. wa-ar-ka a-bu-um
23. a-na szi-im-tim
24. it-ta-al-ku
25. ah-hu-sza
26. ki-ma e-mu-uq _e2 a-ba_
27. sze-ri-ik-tam
28. i-szar-ra-ku-szi-im-ma
29. a-na mu-tim
30. i-na-ad-di-nu-szi
@law 185
31. szum-ma a-wi-lum
32. s,e-eh-ra-am
33. i-na me-e-szu
34. a-na ma-ru-tim
35. il-qe2-ma
36. ur2-ta-ab-bi-szu
37. tar-bi-tum szi-i
38. u2-ul ib-ba-aq-qar
@law 186
39. szum-ma a-wi-lum
40. s,e-eh-ra-am
41. a-na ma-ru-tim il-qe2
42. i-nu-ma
43. il-qu2-u2-szu
44. a-ba-szu
45. u3 um-ma-szu
46. i-hi-a-at,
47. tar-bi-tum szi-i
48. a-na _e2_ a-bi-szu
49. i-ta-ar
@law 187
50. _dumu giri3-se3-ga_
51. mu-za-az _e2-gal_
52. u3 _dumu {munus}zi-ik-ru-um_
53. u2-ul ib-ba-aq-qar
@law 188
54. szum-ma _dumu um-mi-a_
55. _dumu_ a-na tar-bi-tim
56. il-qe2-ma
57. szi-pi2-ir qa2-ti-szu
58. usz-ta-hi-su2
59. u2-ul ib-ba-qar
@law 189
60. szum-ma szi-pi2-ir qa2-ti-szu
61. la usz-ta-hi-su2
62. tar-bi-tum szi-i
63. a-na _e2_ a-bi-szu
64. i-ta-ar
@law 190
65. szum-ma a-wi-lum
66. s,e-eh-ra-am
67. sza a-na ma-ru-ti-szu
68. il-qu2-szu-ma
69. u2-ra-ab-bu-szu
70. it-ti _dumu-mesz_-szu
71. la im-ta-nu-szu
72. tar-bi-tum szi-i
73. a-na _e2_ a-bi-szu
74. i-ta-ar
@law 191
75. szum-ma a-wi-lum
76. s,e-eh-ra-am
77. sza a-na ma-ru-ti-szu
78. il-qu2-szu-ma
79. u2-ra-ab-bu-u2-szu
80. _e2_-ba! i-pu-usz
81. wa-ar-ka _dumu-mesz_
82. ir-ta-szi-ma
83. a-na tar-bi-tim na-sa-hi-im
84. pa-nam isz-ta-ka-an
85. _dumu_ szu-u2 ri-qu2-su2
86. u2-ul it-ta-al-la-ak
87. a-bu-um mu-ra-bi-szu
88. i-na _nig2-gur11_-szu
89. _igi 3(disz)-gal2 ibila_-szu
90. i-na-ad-di-isz-szum-ma
91. it-ta-la-ak
92. i-na _a-sza3 {gesz}kiri6_
93. u3 _e2_
94. u2-ul i-na-ad-di;-isz-szum
@law 192
96. szum-ma _dumu giri3-se3-ga_
@column 17
1. u3 lu _dumu {munus}zi-ik-ru-um#_
2. a-na a-bi-im
3. mu-ra-bi-szu
4. u3 um-mi-im
5. mu-ra-bi-ti-szu
6. u2-ul a-bi at-ta
7. u2-ul um-mi at-ti iq-ta-bi
8. _eme_-szu
9. i-na-ak-ki-su
@law 193
10. szum-ma _dumu giri3-se3-ga_
11. u3 lu _dumu {munus}zi-ik-ru-um_
12. _e2_ a-bi-szu
13. u2-we-ed-di-ma
14. a-ba-am
15. mu-ra-bi-szu
16. u3 um-ma-am
17. mu-ra-bi-su2
18. i-ze2-er-ma
19. a-na _e2_ a-bi-szu
20. it-ta-la-ak
21. i-in-szu
22. i-na-sa3-hu
@law 194
23. szum-ma a-wi-lum
24. _dumu_-szu a-na mu-sze-ni-iq-tim
25. id-di-in-ma
26. _dumu_ szu-u2
27. i-na# qa2-at mu-sze-ni-iq-tim
28. im-tu-ut
29. mu-sze-ni-iq-tum#
30. ba-lum a-bi-szu
31. u3 um-mi-szu
32. _dumu_ sza-ni-a-am-ma
33. ir-ta-ka-as2
34. u2-ka-an-nu-szi-ma
35. asz-szum ba-lum a-bi-szu#
36. u3 um-mi-[szu]
37. _dumu_ sza-ni-a-am#
38. ir-ku-su#
39. _ubur_-sza
40. i-na-ak-ki-su
@law 195
41. szum-ma _dumu a-ba_-szu
42. im-ta-ha-as,
43. _kiszib3-la2_-szu
44. i-na-ak-ki-su
@law 196
45. szum-ma a-wi-lum
46. i-in _dumu_ a-wi-lim
47. uh2-tap-pi2-id
48. i-in-szu
49. u2-ha-ap-pa-du
@law 197
50. szum-ma _giri3-pad-ra2_ a-wi-lim
51. isz-te-bi-ir
52. _giri3-pad-ra2_-szu
53. i-sze-eb-bi-ru
@law 198
54. szum-ma i-in _|MASZ.EN.GAG|_
55. uh2-tap-pi2-id
56. u3 lu _giri3-pad-ra2 |MASZ.EN.GAG|_
57. isz-te-bi-ir
58. 1(disz) _ma-na ku3-babbar_
59. i-sza-qal
@law 199
60. szum-ma i-in _ARAD2_ a-wi-lim
61. uh2-tap-pi2-id
62. u3 lu _giri3-pad-ra2 ARAD2_ a-wi-lim
63. isz-te-bi-ir
64. mi-szi-il _sa10_-szu
65. i-sza-qal
@law 200
66. szum-ma a-wi-lum
67. szi-in-ni a-wi-lim
68. me-eh-ri-szu
69. it-ta-di
70. szi-in-na-szu i-na-ad-du-u2
@law 201
71. szum-ma szi-in-ni szi-in-gag
72. _|MASZ.EN.GAG|_ it-ta-di
73. 1/3(disz) _ma-na ku3-babbar_
74. i-sza-qal
@law 202
75. szum-ma a-wi-lum
76. le-e-et a-wi-lim
77. sza e-li-szu ra-bu-u2
78. im-ta-ha-as,
79. i-na pu-uh2-ri-im
80. i-na _{kusz}usan3 gu4_
81. 1(disz) szu-szi im-mah-ha-as,
@law 203
82. szum-ma _dumu_ a-wi-lim
83. le-e-et _dumu_ a-wi-lim
84. sza ki-ma szu-a-ti
85. im-ta-ha-as,
86. 1(disz) ma-na _ku3-babbar_
87. i-sza-qal
@law 204
88. szum-ma _|MASZ.EN.GAG|_
89. le-e-et _|MASZ.EN.GAG|_
90. im-ta-ha-as,
91. 1(u) _gin2 ku3-babbar_ i-sza-qal
@law 205
92. szum-ma _ARAD2_ a-wi-lim
93. le-e-et _dumu_ a-wi-lim
@column 18
1. im-ta-ha-as,
2. u2-zu-un-szu
3. i-na-ak-ki-su
@law 206
4. szum-ma a-wi-lum a-wi-lam
5. i-na ri-is-ba-tim
6. im-ta-ha-as,-ma
7. si2-im-ma-am
8. isz-ta-ka-an-szu
9. a-wi-lum szu-u2
10. i-na i-du-u2
11. la am-ha-s,u2
12. i-tam-ma
13. u3 _a-zu_ i-ip-pa-al
@law 207
14. szum-ma i-na ma-ha-s,i2-szu
15. im-tu-ut
16. i-tam-ma-ma
17. szum-ma _dumu_ a-wi-lim
18. 1/2(disz) _ma-na ku3-babbar_
19. i-sza-qal
@law 208
20. szum-ma _dumu |MASZ.EN.GAG|_
21. 1/3(disz) _ma-na ku3-babbar_
22. i-sza-qal
@law 209
23. szum-ma a-wi-lum
24. _dumu-munus_ a-wi-lim
25. im-ha-as,-ma
26. sza li-ib-bi-sza
27. usz-ta-di-szi
28. 1(u) _gin2 ku3-babbar_
29. a-na sza li-ib-bi-sza
30. i-sza-qal
@law 210
31. szum-ma _munus_ szi-i
32. im-tu-ut
33. _dumu-munus_-su2
34. i-du-uk-ku
@law 211
35. szum-ma _dumu-munus |MASZ.EN.GAG|_
36. i-na ma-ha-s,i2-im
37. sza li-ib-bi-sza
38. usz-ta-ad-di-szi
39. 5(disz) _gin2 ku3-babbar_
40. i-sza-qal
@law 212
41. szum-ma _munus_ szi-<i>
42. im-tu-ut
43. 1/2(disz) _ma-na ku3-babbar_
44. i-sza-qal
@law 213
45. szum-ma _geme2_ a-wi-lim
46. im-ha-as,-ma
47. sza li-ib-bi-sza
48. usz-ta-ad-di-szi
49. 2(disz) _gin2 ku3-babbar_
50. i-sza-qal
@law 214
51. szum-ma _geme2_ szi-i
52. im-tu-ut
53. 1/3(disz) _ma-na ku3-babbar_
54. i-sza-qal
@law 215
55. szum-ma _a-zu_
56. a-wi-lam si2-im-ma-am kab-tam
57. i-na _gir2 gag zabar_
58. i-pu-usz-ma
59. a-wi-lam ub-ta-al-li-it,
60. u3 lu na-kap-ti a-wi-lim
61. i-na _gir2 gag zabar_
62. ip-te-ma
63. i-in a-wi-lim
64. ub-ta-al-li-it,
65. 1(u) _gin2 ku3-babbar_
66. i-le-qe2
@law 216
67. szum-ma _dumu |MASZ.EN.GAG|_
68. 5(disz) _gin2 ku3-babbar_
69. i-le-qe2
@law 217
70. szum-ma _ARAD2_ a-wi-lim
71. be-el _ARAD2_ a-na _a-zu_
72. 2(disz) _gin2 ku3-babbar_
73. i-na-ad-di-in
@law 218
74. szum-ma _a-zu_ a-wi-lam
75. si2-im-ma-am kab-tam
76. i-na _gir2 gag zabar_
77. i-pu-usz-ma
78. a-wi-lam usz-ta-mi-it
79. u3 lu na-a2!-ti a-wi-lim
80. i-na _gir2 gag zabar_
81. ip-te-ma i-in a-wi-lim
82. uh2-tap-pi2-id
83. _kiszib3-la2_-szu i-na-ki-su
@law 219
84. szum-ma _a-zu_ si2-im-ma-am kab-tam
85. _ARAD2 |MASZ.EN.GAG|_
86. i-na _gir2 gag zabar_
87. i-pu-usz-ma usz-ta-mi-it
88. _ARAD2_ ki-ma _ARAD2_ i-ri-ab
@law 220
89. szum-ma na-kap-ta-szu
90. i-na _gir2 gag zabar_
91. ip-te-ma
92. i-in-szu uh2-tap-<pi2>-da
93. _ku3-babbar_ mi-szi-il
94. _sa10_-szu i-sza-qal
@law 221
95. szum-ma _a-zu_
96. _giri3-pad-ra2_ a-wi-lim
@column 19
1. sze-bi-ir-tam
2. usz-ta-li-im
3. u3 lu sze-er-ha-nam
4. mar-s,a-am _ku3-babbar_
5. ub-ta-al-li-it,
6. be-el s,e-em-ma-im
7. a-na _a-zu_
8. 5(disz) _gin2 ku3-babbar_
9. i-na-ad-di-in
@law 222
10. szum-ma _dumu |MASZ.EN.GAG|_
11. 3(disz) _gin2 ku3-babbar_
12. i-na-ad-di-in
@law 223
13. szum-ma _ARAD2_ a-wi-lim
14. be-el _ARAD2_
15. a-na _a-zu_
16. 2(disz) _gin2 ku3-babbar_
17. i-na-ad-di-in
@law 224
18. szum-ma _a-zu gu4_
19. u3 lu _ansze_
20. lu _gu4_ u3 lu _ansze_
21. s,e-em-ma-am kab-tam
22. i-pu-usz-ma
23. ub-ta-al-li-it,
24. be-el _gu4_ u3 lu _ansze_
25. _igi 6(disz)-gal2 ku3-babbar_
26. a-na _a-zu_
27. _a2_-szu
28. i-na-ad-di-in
@law 225
29. szum-ma _gu4_ u3 lu _ansze_
30. si2-im-ma-am kab-tam
31. i-pu-usz-ma
32. usz-ta-mi-it
33. _igi 4(disz)?-gal2 sa10_-szu
34. a-na be-el _gu4_ u3 lu _ansze_
35. i-na-ad-di-in
@law 226
36. szum-ma _szu-i_
37. ba-lum be-el _ARAD2_
38. ab-bu-ti _ARAD2_ la sze-e-em
40. u2-ga-al-li-ib
41. _kiszib3-la2 szu-i_ szu-a-ti
42. i-na-ak-ki-su2
@law 227
43. szum-ma a-wi-lum
44. _szu-i_ i-da-as,-ma
45. ab-bu-ti
46. _ARAD2_ la sze-e-em
47. ug-da-al-li-ib
48. a-wi-lam szu-a-ti
49. i-du-uk-ku-szu-ma
50. i-na _ka2_-szu
51. i-ha-al-la-lu-szu
52. _szu-i_ i-na i-du-u2
53. la u2-gal-li-bu
54. i-tam-ma-ma
55. u2-ta-asz-szar
@law 228
56. szum-ma _szitim_
57. _e2_ a-na a-wi-lim
58. i-pu-usz-ma
59. u2-sza-ak-li-il-szum
60. a-na 1(disz) _sar e2_
61. 2(disz) _gin2 ku3-babbar_
62. a-na qi2-isz-ti-szu
63. i-na-ad-di-isz-szum
@law 229
64. szum-ma _szitim_
65. a-na a-wi-lim
66. _e2_ i-pu-usz-ma
67. szi-pi2-ir-szu
68. la u2-da-an-ni-in-ma
69. _e2_ i-pu-szu
70. im-qu2-ut-ma
71. be-el _e2_ usz-ta-mi-it
72. _szitim_ szu-u2 id-da-ak
@law 230
73. szum-ma _dumu_ be-el _e2_
74. usz-ta-mi-it
75. _dumu szitim_ szu-a-ti
76. i-du-uk-ku
@law 231
77. szum-ma _ARAD2_ be-el _e2_
78. usz-ta-mi-it
79. _ARAD2_ ki-ma _ARAD2_
80. a-na be-el _e2_
81. i-na-ad-di-in
@law 232
82. szum-ma _nig2-gur11_
83. uh2-ta-al-li-iq
84. mi-im-ma
85. sza u2-hal-li-qu2
86. i-ri-ab
87. u3 asz-szum _e2_ i-pu-szu
88. la u2-dan-ni-nu-ma
89. im-qu2-tu
90. i-na _nig2-gur11_
91. ra-ma-ni-szu
92. _e2_ im-qu2-tu i-ip-pe2-esz
@law 233
93. szum-ma _szitim e2_
94. a-na a-wi-lim i-pu-usz-ma
95. szi-pi2-ir-szu
96. la usz-te-es,-bi-ma
97. _e2-gar8_ iq-tu-up
98. _szitim_ szu-u2
@column 20
1. i-na _ku3-babbar_ ra-ma-ni-szu
2. _e2-gar8_ szu-a-ti
3. u2-dan-na-an
@law 234
4. szum-ma _ma2-lah5_
5. _{gesz}ma2 1(gesz2) gur_
6. a-na a-wi-lim ip-he
7. 2(disz) _gin2 ku3-babbar_
8. a-na qi2-isz-ti-szu
9. i-na-ad-di-isz-szum
@law 235
10. szum-ma _ma2-lah5_
11. _{gesz}ma2_ a-na a-wi-lim
12. ip-he-ma
13. szi-pi2-ir-szu
14. la u2-tak2-ki-il-ma
15. i-na sza-at-tim-ma szu-a-ti
16. _{gesz}ma2_ szi-i
17. is,-s,a-bar
18. hi-t,i-tam ir-ta-szi
19. _ma2-lah5_
20. _{gesz}ma2_ szu-a-ti
21. i-na-qar-ma
22. i-na _nig2-gur11_ ra-ma-ni-szu
23. u2-dan-na-an-ma
24. _{gesz}ma2_ dan-na-tam
25. a-na be-el _{gesz}ma2_
26. i-na-ad-di-in
@law 236
27. szum-ma a-wi-lum
28. _{gesz}ma2_-szu
29. a-na _ma2-lah5_
30. a-na ig-ri-im
31. id-di-in-ma
32. _ma2-lah5_ i-gi-ma
33. _{gesz}ma2_ ut,-t,e4-bi
34. u3 lu uh2-ta-al-li-iq
35. _ma2-lah5 {gesz}ma2_
36. a-na be-el _{gesz}ma2_
37. i-ri-a-ab
@law 237
38. szum-ma a-wi-lum
39. _ma2-lah5_ u3 _{gesz}ma2_
40. i-gur-ma
41. _sze siki i3-gesz zu2-lum_
42. u3 mi-im-ma szum-szu
43. sza s,e-nim
44. i-s,e-en-szi
45. _ma2-lah5_ szu-u2
46. i-gi-ma
47. _{gesz}ma2_ ut,-t,e4-eb-bi
48. u3 sza li-ib-bi-sza
49. uh2-ta-al-li-iq
50. _ma2-lah5_
51. _{gesz}ma2_ sza u2-t,e4-eb-bu-u2
52. u3 mi-im-ma
53. sza i-na li-ib-bi-sza
54. u2-hal-li-qu2
55. i-ri-a-ab
@law 238
56. szum-ma _ma2-lah5_
57. _{gesz}ma2_ a-wi-lim
58. u2-t,e4-eb-bi-ma
59. usz-te-li-a-asz-szi#
60. _ku3-babbar_ mi-szi-il# _sa10_-sza#
61. i-na-ad-di-in#
@law 239
62. szum-ma a-wi-lum#
63. _ma2-lah5_ [i-gur]
64. 6(asz) [_sze gur_]
65. i-na sza-na#-[at]
66. i-na-ad#-[di]-isz-[szum]
@law 240
67. szum-ma {gesz#}[_ma2_]
68. sza ma-hi-ir-tim
69. _{gesz}ma2_ sza mu-uq-qe2-el-pi2-tim
70. im-ha-as,-ma
71. ut,-t,e4-eb-bi
72. be-el _{gesz}ma2_ sza _{gesz}ma2_-szu t,e4-bi-a-at
73. mi-im-ma sza i-na _{gesz}ma2_-szu hal-qu2
74. i-na ma-har i-lim
75. u2-ba-ar-ma
76. sza ma-hi-ir-tim
77. sza _{gesz}ma2_ sza mu-uq-qe2-el-pi2-tim
78. u2-t,e4-eb-bu-u2
79. _{gesz}ma2_-szu u3 mi-im-ma-szu hal-qa2-am
80. i-ri-a-ab-szum
@law 241
81. szum-ma a-wi-lum
82. _gu4_ a-na ni-pu-tim
83. it-te-pe2
84. 1/3(disz) _ma-na ku3-babbar_ i-sza-qal
@law 242-243
85. szum-ma a-wi-lum <_gu4_>
86. a-na _mu_ 1(disz) i-gur
87. _a2 gu4-a2-ur3-ra_
88. 4(asz) _sze gur_
89. _a2 gu4 ab2 muru2 sag_
90. 3(asz) _sze gur_ a-na be-li2-szu
91. i-na-ad-di-in
@column 21
@law 244
1. szum-ma a-wi-lum
2. _gu4 ansze_ i-gur-ma
3. i-na s,e-ri-im
4. _ur-mah_ id-du-uk-szu
5. a-na be-li2-szu-ma
@law 245
6. szum-ma a-wi-lum
7. _gu4_ i-gur-ma
8. i-na me-gu-tim
9. u3 lu i-na ma-ha-s,i2-im
10. usz-ta-mi-it
11. _gu4_ ki-ma _gu4_
12. a-na be-el _gu4_
13. i-ri-a-ab
@law 246
14. szum-ma a-wi-lum
15. _gu4_ i-gur-ma
16. _giri3_-szu isz-te-bi-ir
17. u3 lu la-bi-a-an-szu
18. it-ta-ki-is
19. _gu4_ ki-ma _gu4_
20. a-na be-el _gu4_
21. i-ri-a-ab
@law 247
22. szum-ma a-wi-lum
23. _gu4_ i-gur-ma
24. _igi_-szu uh2-tap-pi2-id
25. _ku3-babbar_ mi-szi-il _sa10_-szu
26. a-na be-el _gu4_
27. i-na-ad-di-in
@law 248
28. szum-ma a-wi-lum
29. _gu4_ i-gur-ma
30. _si_-szu isz-bi-ir
31. _kun_-su2 it-ta-ki-is
32. u3 lu {uzu}_sa-sal_-szu
33. it-ta-sa-ag!
34. _ku3-babbar igi 4(disz)?-gal2 sa10_-szu
35. i-na-ad-di-in
@law 249
36. szum-ma a-wi-lum
37. _gu4_ i-gur-ma
38. i-lum im-ha-su2-ma
39. im-tu-ut
40. a-wi-lum sza _gu4_ i-gu-ru
41. ni-isz i-lim
42. i-za-kar-ma
43. u2-ta-asz-szar
@law 250
44. szum-ma _gu4_ su2?-qa2-am
45. i-na a-la-ki-szu
46. a-wi-lam
47. ik-ki-ip-ma
48. usz-ta-mi-it
49. di-nu-um szu-u2
50. ru-gu-um-ma-am
51. u2-ul i-szu
@law 251
52. szum-ma# _gu4_ a-wi-lim
53. na-ak-ka#-pi2-[ma]
54. ki-ma na-ak-ka#-pu-u2
55. ba-ab-ta-szu
56. u2-sze-di-szum-ma
57. qar-ni-szu
58. la u2-szar-ri#-im
59. _gu4_-szu la u2-sa-an-ni-iq-ma
60. _gu4_ szu-u2
61. _dumu_ a#-wi-lim
62. ik#-ki#-ip-ma
63. usz#-[ta]-mi-it
64. 1/2(disz)# _[ma]-na ku3-babbar_
65. i#-[na]-ad-di-in
@law 252
66. [szum]-ma# _ARAD2_ a-wi-lim
67. 1/3(disz)# _[ma]-na ku3-babbar_
68. i#-na-ad-di-in
@law 253
69. szum#-ma a-wi-lum a-wi-lam
70. a-na pa-ni _a-sza3_-szu
71. u2-zu-uz-zi-im
72. i-gur-ma
73. _al# du3-a_-am
74. [i]-qi2-ip-szu
75. _[ab2] gu4 hi-a_ ip#-qi2-sum2
76. [a-na?] _a-sza3_ e-re-szi-im u2-ra-ak-ki-su2
77. szum#-ma a-wi-lum szu-u2
78. _sze numun_ u3 lu _sza3-gal_
79. isz-ri-iq-ma
80. i-na qa2-ti-szu
81. it-ta-as,-ba-at
82. _kiszib3-la2_-szu i-na-ak-ki-su
@law 254
83. szum-ma _al du3-a_-am
84. il-qe2-ma _ab2 gu4 hi-a_
85. u2-te-en-ni!-isz u2-te-en-gag-isz
86. ta-[asz?]-na _sze_ sza im-ri!-ru
87. i-ri-ab
@law 255
88. szum-ma _ab2 gu4 hi-a_
89. a-wi-lim a-na# ig-ri-im
90. it-ta-di-in
91. u3 lu _sze numun#_ isz-ri-iq-ma
92. i-na _a-sza3#_ la usz-tab-szi
93. a-wi-lam szu-a-ti
94. u2-ka-an-nu-szu-ma
95. i-na _buru14 1(bur3) GAN2_-e
96. 1(gesz2) _sze gur#_ i-ma-ad-da-ad
@law 256
97. szum-ma pi2-ha-su2
98. a-pa-lam la-i-le-i
99. i-na _a-sza3_ szu-a-ti i-na _ab2 gu4 hi-a_
100. im-ta-na-asz-sza-ru-szu
@law 257
101. szum-ma a-wi-lum
@column 22
1. _engar_ i-gur
2. 8(asz) _sze gur_
3. i-na _mu 1(disz)-kam_
4. i-na-ad-di-isz-szum
@law 258
5. szum-ma a-wi-lum
6. _sza3 gu4_ i-gur
7. 6(asz) _sze gur_
8. i-na _mu 1(disz)-kam_
9. i-na-ad-di-isz-szum
@law 259
10. szum-ma a-wi-lum
11. {gesz}APIN i-na _a-gar3_
12. isz-ri-iq
13. 5(disz) _gin2 ku3-babbar_
14. a-na be-el _{gesz}apin_
15. i-na-ad-di-in
@law 260
16. szum-ma _{gesz}apin tug2-gur10_
17. u3 lu _GAN2 ur3_
18. isz-ta-ri-iq
19. 3(disz) _gin2 ku3-babbar_
20. i-na-ad-di-in
@law 261
21. szum-ma a-wi-lum
22. _na-gada_ a-na _ab2 gu4 hi-a_
23. u3 _u8 udu hi-a_
24. re-im i-gur
25. 8(asz) _sze gur_
26. i-na _mu 1(disz)-kam_
27. i-na-ad-di-isz-szum
@law 262
28. szum-ma a-wi-lum
29. _gu4_ u3 lu _udu#_
30. a-na [...]
31. [...]
32. [...]
33. [...]
34. [...]
35. [...]
36. [...]
@law 263
37. szum-ma# [_gu4_] u3 lu [_udu_]
38. sza in-na-ad-nu-szum#
39. uh2-ta-al-li-[iq]
40. _gu4_ ki-ma [_gu4_]
41. _udu_ ki-ma [_udu_]
42. a-na be-li2-[szu-nu]
43. i-ri-a-[ab]
@law 264
44. szum-ma [_sipa_]
45. sza _ab2 gu4 [hi-a_]
46. u3 lu _u8 [udu hi-a_]
47. a-na re#-[im]
48. in-na-[ad]-nu#-szum#
49. _a2_-szu ga#-am#-ra-tim
50. ma-hi-ir
51. li-ib#-ba-szu t,a-ab
52. _ab2 gu4# hi-a_
53. us,-s,a-ah-hi-ir
54. _u8# udu hi-a_
55. us,-s,a-ah-hi-ir
56. ta-li-it-tam um-ta-t,i
57. a-na _ka_ ri-ik-sa-ti-szu
58. ta-li-it-tam
59. u3 bi-il-tam
60. i-na-ad-di-in
@law 265
61. szum-ma _sipa_
62. sza _ab2 gu4 hi-a_
63. u3 lu _u8 udu hi-a_
64. a-na re-im
65. in-na-ad-nu-szum
66. u2-sa-ar-ri-ir-ma
67. szi-im-tam ut-ta-ak-ki-ir
68. u3 a-na _ku3-babbar_
69. it-ta-di-in
70. u2-ka-an-nu-szu-ma
71. _a-ra2_ 1(u)-szu sza isz-ri-qu2
72. _ab2 gu4 hi-a_
73. u3 _u8 udu hi-a_
74. a-na be-li2-szu-nu
75. i-ri-a-ab
@law 266
76. szum-ma i-na _tur3_
77. li-pi2-it _dingir_ it-tab-szi
78. u3 lu _ur-mah_ id-du-uk _sipa_ ma-hi! _dingir_
79. u2-ub-ba-am-ma
80. mi-qi2-it-ti _tur3_
81. be-el _tur3_ i-mah-har-szu
@law 267
82. szum-ma _sipa_ i-_geme2_-ma
83. i-na _tur3_ pe2-sa2-tam usz-tab-szi
84. _sipa_ hi-t,i-it pe2-sa3-tim
85. sza i-na _tur3_ u2-sza-ab-szu-u2
86. _ab2 gu4 hi-a_ u3 _u8 udu hi-a_
87. u2-sza-lam-ma
88. a-na be-li2-szu-nu
89. i-na-ad-di-in
@law 268
90. szum-ma a-wi-lum _gu4_
91. a-na di-a-szi-im i-gur
92. 2(ban2) _sze a2_-szu
@law 269
93. szum-ma _ansze_
94. a-na di-a-szi-im i-gur
95. 1(ban2) _sze a2_-szu
@law 270
96. szum-ma _masz2_
97. a-na di-a-szi-im i-gur
98. 1(disz) _sila3 sze a2_-szu
@law 271
99. szum-ma a-wi-lum
100. _ab2 gu4 hi-a {gesz}mar-gid2-da_
101. u3 mu-ur2-te-di-sza i-gur
@column 23
1. i-na _u4 1(disz)-kam 3(barig) sze_
2. i-na-ad-di-in
@law 272
3. szum-ma a-wi-lum
4. _{gesz}mar-gid2-da_-ma
5. a-na ra-ma-ni-sza i-gur
6. i-na _u4 1(disz)-kam 4(ban2) sze_
7. i-na-ad-di-in
@law 273
8. szum-ma a-wi-lum
9. _{lu2}hun-ga2_ i-gur
10. isz-tu re-esz sza-at-tim
11. a-di ha-am-szi-im _iti_-im
12. 1(u) 2(disz) _sze ku3-babbar_
13. i-na _u4 1(disz)-kam_
14. i-na-ad-di-in
15. isz-tu szi-szi-im _iti_-im
16. a-di ta-aq-ti-da! sza-at-tim
17. 5(disz) _sze ku3-babbar_
18. i-na _u4 1(disz)-kam_
19. i-na-ad-di-in
@law 274
20. szum-ma a-wi-lum
21. _dumu um-mi-a_
22. i-ig-ga-ar#
23. _a2 {lu2}[hun-ga2?]_
24. 5(disz) _sze ku3#-babbar#_
25. _a2 {lu2}[tug2]-du8-a_
26. 5(disz) _[sze ku3]-babbar_
27. [_a2] {lu2#}gada_
28. [n(disz) _sze] ku3-babbar_
29. [_a2 bur]-gul_
30. [n(disz) _sze ku3]-babbar_
31. [_a2] zadim#?_
32. [n(disz) _sze ku3]-babbar_
33. [_a2] simug#_
34. [n(disz) _sze ku3]-babbar_
35. [_a2] nagar_
36. 5(disz)#? _sze ku3-babbar_
37. _a2 aszgab_
38. [n(disz)] _sze ku3-babbar_
39. _a2 ad-kup4_
40. [n(disz)] _sze ku3-babbar_
41. [_a2] szitim_
42. [n(disz) _sze ku3]-babbar_
43. [i-na _u4] 1(disz)-kam_
44. [i-na-ad]-di#-in
@law 275
45. [szum-ma a]-wi-lum
46. [...] i-gur
47. i-na _u4 1(disz)-kam_
48. 3(disz) _sze ku3-babbar a2_-szu
@law 276
49. szum-ma ma-hi-ir-tam i-gur
50. 1/2(disz) _sze ku3-babbar a2_-sza
51. i-na _u4 1(disz)-kam_
52. i-na-ad-di-in
@law 277
53. szum-ma a-wi-lum
54. _{gesz}ma2 1(gesz2) gur_ i-gur
55. i-na _u4 1(disz)-kam_
56. _igi 6(disz)-gal2 ku3-babbar a2_-sza
57. i-na-ad-di-in
@law 278
58. szum-ma a-wi-lum
59. _ARAD2 geme2_ i-sza-am-ma
60. _iti_-szu la im-la-ma
61. be2-en-ni e-li-szu
62. im-ta-qu2-ut a-na na-di-na-ni-szu
63. u2-ta-ar-ma
64. sza-a-a-ma-nu-um
65. _ku3-babbar_ isz-qu2-lu
66. i-le-qe2
@law 279
67. szum-ma a-wi-lum
68. _ARAD2 geme2_ i-sza-am-ma
69. ba-aq-ri ir-ta-szi
70. na-di-na-an-szu
71. ba-aq-ri i-ip-pa-al
@law 280
72. szum-ma a-wi-lum
73. i-na ma-at
74. nu-ku-ur2-tim
75. _ARAD2 geme2_ sza a-wi-lim
76. isz-ta-am
77. i-nu-ma
78. i-na li-ib-bu _kalam_
79. it-ta-al-kam-ma
80. be-el _ARAD2_ u3 lu _geme2_
81. lu _ARAD2_-su2 u3 lu _geme2_-su2
82. u2-te-ed-di
83. szum-ma _ARAD2_ u3 lu _geme2_ szu-nu
84. _dumu-mesz_ ma-tim
85. ba-lum _ku3-babbar_-ma
86. an-du-ra-ar-szu-nu
87. isz-sza-ak-ka-an
@law 281
88. szum-ma _dumu-mesz_ ma-tim sza-ni-tim
89. sza-a-a-ma-nu-ma
90. i-na ma-har i-lim
91. _ku3-babbar_ isz-lu!-lu
92. i-bi!-ab-bi-ma
93. be-el _ARAD2_ u3 lu _geme2_
94. _ku3-babbar_ isz-qu2-lu a-na _dam-gar3_
95. i-na-ad-di-in-ma
96. lu _ARAD2_-su2 lu _geme2_-su2 i-pa-ag!
@law 282
97. szum-ma _ARAD2_ a-na be-li2-szu
98. u2-ul be-li2 at-ta
99. iq-ta-bi
100. ki-ma _ARAD2_-su2
101. u2-ka-an-szu-ma
102. be-el-szu u2-zu-un-szu i-na-ak-ki-is
@column 24
@epilogue
1. di-na-a-at
2. mi-sza-ri-im
3. sza {disz}ha-am-mu-ra-pi2
4. szar-ru-um le-u2-um
5. u2-ki-in-nu-ma
6. ma-tam u2-sa-am ki-nam#
7. u3 ri-dam dam-qa2-am
8. u2-sza-as,-bi-tu
9. {disz}ha-am-mu-ra-pi2
10. szar-ru-um gi-it-ma-lum a-na-ku
11. a-na _sag-ge6_
12. sza {d}en-lil2 isz-ru-kam
13. re-u2-si2-na
14. {d}marduk i-din-nam
15. u2-ul e-gu
16. a-hi u2-ul ad-di
17. asz-ri szu-ul-mi-im
18. esz-te-i-szi-na-szim#
19. pu-usz-qi2 wa-asz-t,u2-tim
20. u2-pe#-et-ti
21. nu-ra-am u2-sze-s,i-szi-na-szi-im
22. i-na _{gesz}tukul_ da-an-nim
23. sza {d}za-ba4-ba4
24. u3 {d}inanna
25. u2-sza-at-li-mu-nim
26. i-na _igi-gal2_
27. sza {d}en-ki i-szi-ma-am
28. i-na le-u2-tim
29. sza {d}marduk id-di-nam
30. na-ak-ri e-li-isz
31. u3 sza-ap-li-isz as-su2-uh2
32. qa2-ab-la-tim u2-be2-el-li
33. szi-ir ma-tim
34. u2-t,i3-ib
35. ni-szi da-ad-mi
36. a-bu-ur2-ri
37. u2-szar-bi2-is,
38. mu-gal-li-tam
39. u2-ul u2-szar-szi-szi-na-ti
40. _dingir gal-gal_
41. ib-bu-u2-nin-ni-ma
42. a-na-ku-ma
43. _sipa_ mu-sza-al-li-mu-um
44. sza _{gesz}gidri_-szu
45. i-sza-ra-at
46. s,i-li2 t,a-bu-um
47. a-na _iri_-ia
48. ta-ri-is,
49. i-na ut-li-ia
50. ni-szi _kalam_ szu-me-ri2-im
51. u3 ak-ka-di-im
52. u2-ki-il
53. i-na la-ma-si2-ia
54. ih-hi-sza
55. i-na szu-ul-mi-im
56. at-tab-ba-al-szi-na-ti
57. i-na ne-me-qi2-ia
58. usz-tap-zi2-ir-szi-na-ti
59. dan-nu-um en-sza-am
60. a-na la ha-ba-lim
61. _nu-siki nu-mu-su_
62. szu-te-szu-ri-im
63. i-na babila{ki}
64. _iri_ sza an u3 {d}en-lil2
65. re-szi-szu
66. u2-ul#-lu-u2
67. i-na e2-sag-il2
68. _e2_ sza ki-ma sza-me-e
69. u3 er-s,e-tim _suhusz_-szu ki-na
70. di-in ma-tim a-na di-a-nim
71. pu-ru-se2-e ma-tim
72. a-na pa-ra-si-im
73. ha-ab-lim szu-te-szu-ri-im
74. a-wa-ti-ia szu-qu2-ra-tim
75. i-na _na-ru_-ia asz-t,ur-ma
76. i-na ma-har _alan_-ia
77. _lugal_ mi-sza-ri-im
78. u2-ki-in
79. _lugal_ sza in _lugal_-ri2
80. szu-tu-ru a-na-ku
81. a-wa-tu-u2-a na-as2-qa2
82. le-u2-ti sza-ni-nam
83. u2-ul i-szu
84. i-na qi2-bi-it {d}utu
85. da-a-a-nim ra-bi-im
86. sza _an_ u3 _ki_
87. mi-sza-ri i-na _kalam_
88. li-isz-te-pi2
89. i-na a-wa-at
90. {d}marduk be-li2-ia
91. u2-s,u2-ra-tu-u2-a
92. mu-sza-si2-kam# a-ir-szi-a
93. i-na e2-sag-il2
94. sza a-ra-am-mu szu-mi i-na da-mi-iq-tim
@column 25
1. a-na da-ar
2. li-iz-za-ki-ir
3. a-wi-lum ha-ab-lum
4. sza a-wa-tam
5. i-ra-asz-szu-u2
6. a-na ma-ha-ar _alan_-ia
7. _lugal_ mi-sza-ri-im
8. li-il-li-ik-ma
9. _na-ru_-i
10. sza-at,-ra-am
11. li-isz-ta-as2-si-ma
12. a-wa-ti-ia
13. szu-qu2-ra-tim
14. li-isz-me-ma
15. _na-ru_-i a-wa-tam
16. li-kal2-lim-szu
17. di-in-szu li-mu-ur2
18. li-ib-ba-szu
19. li#-na#-ap-pi2-isz-ma
20. {disz}ha-am-mu-ra-pi2-mi
21. be-lum sza ki-ma a-bi-im
22. wa-li-di-im
23. a-na ni-szi
24. i-ba-asz-szu-u2
25. a-na a-wa-at
26. {d}marduk be-li2-szu
27. usz-ta-ak-ti-it-ma
28. ir-ni-ti {d}marduk
29. e-li-isz
30. u3 sza-ap-li-isz
31. ik-szu-u4
32. li-ib-bi {d}marduk
33. be-li2-szu u2-t,i3-ib
34. u3 szi-ra-am t,a-ba-am
35. a-na ni-szi
36. a-na da-ar i-szi-im
37. u3 ma-tam
38. usz-te-sze-er
39. a2-ni-tam
40. li-iq-bi-ma
41. i-na ma-har
42. {d}marduk be-li2-ia
43. {d}s,ar-pa-ni-tum
44. be-el-ti-ia
45. i-na li-ib-bi-szu
46. ga-am-ri-im
47. li-ik-ru-ba-am
48. sze-du-um la-ma-sum2
49. _dingir dingir_ e-ri-bu-ut
50. e2-sag-il2
51. _sig4_ e2-sag-il2
52. i-gi-ir-re-e
53. u4-mi-sza-am
54. i-na ma-har
55. {d}marduk be-li2-ia
56. {d}s,ar-pa-ni-tum
57. be-el-ti-ia
58. li-dam-mi-qu2
59. a-na wa-ar-ki-a-at
60. _u4_-mi
61. a-na ma-ti-ma
62. _lugal_ sza i-na _kalam_
63. ib-ba-asz-szu-u2
64. a-wa-a-at
65. mi-sza-ri-im
66. sza i-na _na-ru_-ia
67. asz-t,u2-ru li-s,ur
68. di-in ma-tim
69. sza a-di-nu
70. pu-ru-se2-e _kalam_
71. sza ap-ru-su
72. a u2-na-ak-ki-ir
73. u2-s,u2-ra-ti-ia
74. a u2-sza-si2-ik
75. szum-ma a-wi-lum szu-u2
76. ta-szi-im-tam i-szu-ma
77. ma-su2 szu-te-szu-ra-am i-le-i
78. a-na a-wa-a-tim
79. sza i-na _na-ru_-ia asz-t,u2-ru li-qul2-ma
80. ki-ib-sa-am ri-dam
81. di-in _kalam_ sza a-di-nu
82. pu-ru-se2-e _kalam_
83. sza ap-ru-su
84. _na-ru_-um szu-u2
85. li-kal2-lim-szu-ma
86. s,a-al-ma-at qa2-qa2-di-szu
87. li-isz-te-sze-er
88. di-in-szi-na li-di-in
89. pu-ru-sa3-szi-na
90. li-ip-ru-us2
91. i-na ma-ti-szu ra-ga-am
92. u3 s,e-nam li-su2-uh2
93. szi-ir ni-szi-szu
94. li-t,i-ib
95. {disz}ha-am-mu-ra-pi2
96. _lugal_ mi-sza-ri-im
97. sza {d}utu ki-na-tim
98. isz-ru-ku-szum a-na-ku
99. a-wa-tu-u2-a na-as2-qa2
100. ep-sze-tu-u2-a
101. sza-ni-nam
102. u2-ul i-sza-a
103. e-la a-na la ha-si2-im
104. ri-qa2
105. a-na em-qi2-im
@column 26
1. a-na ta-na-da-tim szu-s,a-a
2. szum-ma a-wi-lum szu-u2
3. a-na a-wa-ti-ia
4. sza i-na _na-ru_-ia asz-t,u2-ru
5. i-qul2-ma
6. di-ni la u2-sza-as-si2-ik
7. a-wa-ti-ia
8. la usz-te-pe-el
9. u2-s,u2-ra-ti-ia
10. la u2-na-ki-ir
11. a-wi-lum szu-u2
12. ki-ma ia-ti
13. _lugal_ mi-sza-ri-im
14. {d}utu _{gesz}gidri_-szu
15. li-ir-ri-ik
16. ni-szi-szu
17. i-na mi-sza-ri-im li-re
18. szum-ma a-wi-lum szu-u2
19. <a-na> a-wa-ti-ia
20. sza i-na _na-ru_-ia
21. asz-t,u2-ru
22. la i-qul2-ma
23. er-re-ti-ia
24. i-me-esz-ma
25. er-re-et i3-li2
26. la i-dur-ma
27. di-in a-di-nu
28. up-ta-as-si2-is
29. a-wa-ti-ia
30. usz-te-pe-el
31. u2-s,u2-ra-ti-ia
32. ut-ta-ak-ki-ir
33. szu-mi sza-at-ra-am
34. ip-szi-it,-ma
35. szum-szu isz-ta-t,ar2
36. asz-szum er-re-szum! szi-na-ti
37. sza-ni-a-am-ma
38. usz-ta-hi-iz
39. a-wi-lum szu-u2
40. lu _lugal_
41. lu _en_
42. lu _ensi2_
43. u3 lu a-wi-lu-tum
44. sza szu-ma-am na-bi-a-at
45. AN ra-bu-um
46. a-bu i3-li2
47. na-bu-u2 _bala_-ia
48. _me-lam2_ szar-ru-tim
49. li-t,e4-er-szu
50. _{gesz}gidri_-szu
51. li-isz-bi-ir
52. szi-ma-ti-szu li-ru-ur
53. {d}en-lil2 be-lum
54. mu-szi-im szi-ma-tim
55. sza qi2-bi2-su2
56. la ut-ta-ka-ru
57. mu-szar-bu-u3
58. szar-ru-ti-ia
59. te-szi la szu-up-pi2-im
60. ga-ba-ra-ah
61. ha-la-qi2-szu
62. i-na szu-ub-ti-szu
63. li-sza-ab!-bi!-ha-asz-szum
64. _bala_ ta-ne-hi-im
65. _u4_-mi i-s,u2-tim
66. sza-na-a-at
67. hu-sza-ah-hi-im
68. ek-le-et
69. la na-wa-ri-im
70. mu-ut ni-t,i-il i-nim
71. a-na szi-im-tim
72. li-szi-im-szum
73. ha-la-aq _iri_-szu
74. na-as2-pu-uh2 ni-szi-szu
75. szar-ru-su2 szu-pe2-lam
76. szum-szu u3 zi-kir-szu
77. i-na ma-tim
78. la szu-ub-sza-a-am
79. i-na _ka_-szu kab-tim
80. li-iq-bi
81. {d}nin-lil2
82. _ama_ ra-bi2-tum
83. sza qi2-bi2-sa3
84. i-na e2-kur kab-ta-at
85. _nin_ mu-dam-mi-qa2-at
86. i-gi-ir-re-ia
87. a-szar szi-ip-t,i-im
88. u3 pu-ru-se2-em
89. i-na ma-har {d}en-lil2
90. a-wa-su2 li-le-mi-in
91. szu-ul-pu-ut ma-ti-szu
92. ha-la-aq ni-szi-szu
93. ta-ba-ak na-pisz-ti-szu
94. ki-ma me-e
95. i-na _ka_ {d}en-lil2
96. szar-ri-im
97. li-sza-asz-ki-in
98. {d}en-ki _nun_ ra-bi-um
99. sza szi-ma-tu-szu
100. i-na mah-ra i-la-ka
101. _abgal_ i3-li2
102. mu-de mi-im-ma szum-szu
103. mu-sza-ri-ku
@column 27
1. _u4_-um ba-la-t,i-ia
2. uz-nam
3. u3 ne-me-qam
4. li-t,e4-er-szu-ma
5. i-na mi-szi-tim
6. li-it-ta-ar-ru-szu
7. _i7-i7_-szu
8. i-na na-ag-bi-im
9. li-is-ki-ir
10. i-na er-s,e-ti-szu
11. {d}asznan
12. na-pi2-isz-ti ni-szi
13. a u2-sza-ab-szi
14. {d}utu da-a-a-nu-um ra-bi-um
15. sza sza-me-e
16. u3 er-s,e-tim
17. mu-usz-te-sze-er
18. sza-ak-na-at na-pi2-isz-tim
19. be-lum tu-kul2-ti
20. szar-ru-su2 li-is-ki-ip
21. di-in-szu
22. a i-di-in
23. u2-ru-uh2-szu li-szi
24. _DU_ um-ma-ni-szu
25. li-isz-he-el-s,i2
26. i-na bi-ri-szu
27. _uzu_ lem-nam
28. sza na-sa-ah
29. _suhusz_ szar-ru-ti-szu
30. u3 ha-la-aq ma-ti-szu li-isz-ku-un-szum
31. a-wa-tum ma-ru-usz-tum
32. sza {d}utu ar-hi-isz
33. li-ik-szu-su2
34. e-li-isz
35. i-na ba-al#-t,u2-tim
36. li-is-su2-uh2-szu
37. sza-ap-li-isz
38. i-na er-s,e-tim
39. _gidim4-gidim4_-szu
40. me-e li-sza-az-mi
41. {d}suen be-el sza-me-e
42. _dingir_ ba-ni
43. sza sze-re-su2
44. i-na i3-li2 szu-pa-a-at
45. _aga {gesz}gu-za_ sza szar-ru-tim
46. li-t,e4-er-szu
47. ar-nam kab-tam
48. sze-re-su2 ra-bi-tam
49. sza i-na zu-um-ri-szu
50. la i-hal-li-qu2
51. li-mu-su2-ma
52. _u4_-mi _iti-iti_
53. sza-na-a-at _bala_-szu
54. i-na ta-ne-hi-im
55. u3 di-im-ma-tim
56. li-sza-aq-ti
57. kam-ma-al szar-ru-tim
58. li-sza-at,-t,i-il-szu
59. ba-la-t,am
60. sza it-ti mu-tim
61. szi-ta-an-nu
62. a-na szi-im-tim
63. li-szi-im-szum
64. {d}iszkur be-el _he2-gal2_
65. _gu2-gal_ sza-me-e
66. u3 er-s,e-tim
67. re-s,u2-u2-a
68. zu-ni i-na sza-me-e
69. mi-lam
70. i-na na-ag-bi-im
71. li-t,e4-er-szu
72. ma-su2
73. i-na hu-sza-ah-hi-im
74. u3 bu-bu-tim
75. li-hal-li-iq
76. e-li _iri_-szu
77. ez-zi-isz
78. li-is-si-ma
79. ma-su2 a-na _du6_ a-bu-bi-im
80. li-te-er
81. {d}za-ba4-ba4
82. qar-ra-du-um ra-bi-um
83. _dumu_ re-esz-tu-um
84. sza e2-kur
85. a-li-ku im-ni-ia
86. a-szar tam2-ha-ri-im
87. _{gesz}tukul_-szu li-isz-bi-ir
88. u4-ma-am a-na mu-szi-im
89. li-te-er-szum-ma
90. na-ki-ir-szu e-li-szu
91. li-isz-zi-iz
92. {d}inanna be-le-et
93. _me6_ u3 _szen-szen_
94. pa-ti-a-at
95. _{gesz}tukul#_-ia
96. la-ma-si2
97. da-mi-iq-tum
98. ra-i-ma-at _bala_-ia
99. i-na li-ib-bi-sza
100. ag-gi-im
101. i-na uz-za-ti-sza
102. ra-bi2-a-tim
103. szar-ru-su2 li-ru-ur
104. dam-qa2-ti-szu
105. a-na le-em-ne-tim
106. li-te-er
@column 28
1. li-te-er
# sic
2. a-szar _me6_ u3 _szen-szen_
3. _{gesz}tukul_-szu
4. li-isz-bi#-ir
5. i-szi-tam
6. sa3-ah-ma-asz-tam
7. li-isz-ku-un-szum
8. qar-ra-di-szu
9. li-sza-am-qi2-it
10. da-mi-szu-nu
11. er-s,e-tam li-isz-qi2
12. gu-ru-un
13. sza-al-ma-at
14. um-ma-na-ti-szu
15. i-na s,e-ri-im
16. li-it-ta-ad-di
17. _erin2_-szu-ma? re-ma-am
18. a-i u2-szar-szi
19. szu-a-ti
20. a-na qa2-at na-ak-ri-szu
21. li-ma-al-li-szu-ma
22. a-na ma-at nu-ku-ur2-ti-szu
23. ka-mi-isz li-ru-szu
24. {d}ne3-eri11-gal
25. dan-nu-um i-na i3-li2
26. qa2-ba-al la ma-ha-ar
27. mu-sza-ak-szi-du
28. ir-ni-ti-ia
29. i-na ka-szu-szi-szu
30. ra-bi-im
31. ki-ma i-sza-tim
32. ez-ze-tim sza a-pi2-im
33. ni-szi-szu
34. li-iq-me
35. in _{gesz}tukul_-szu dan-nim
36. li-sza-ti-szu-ma
37. bi-ni-a-ti-szu
38. ki-ma s,a-lam t,i-t,i-im
39. li-ih-bu-usz
40. {d}nin-tu
41. _nin_ s,i-ir-tum
42. sza ma-ta-tim
43. _ama_ ba-ni-ti
44. _ibila_ li-t,e4-re-szu-ma
45. szu-ma-am
46. a u2-szar-szi-szu
47. i-na qer-bi-it ni-szi-szu
48. _numun_ a-wi-lu-tim
49. a ib-ni
50. {d}nin-kar-ra-ak
51. _dumu-munus an_-nim
52. qa2-bi-a-at
53. dum-qi2-ia
54. i-na e2-kur
55. mur-s,a-am kab-tam
56. _a2-sag3_ le-em-nam
57. si2-im-ma-am mar-s,a-am
58. sza la i-pa-asz-sze-hu
59. _a-zu!_ qe2-re-eb-szu
60. la i-lam-ma-du
61. i-na s,i2-im-di
62. la u2-na-ah-hu-szu
63. ki-ma ni-szi-ik mu-tim la in-na-sa3-hu
64. i-na bi-ni-a-ti-szu
65. li-sza-s,i-a-asz-szum-ma
66. a-di na-pi2-isz-ta-szu
67. i-be2-el-lu-u2
68. a-na et,-lu-ti-szu
69. li-da!-dam-ma-am
70. _dingir gal-gal_
71. sza sza-me-e
72. u3 er-s,e-tim
73. {d}a-nun-na
74. i-na _szunigin_-szu-nu
75. sze-ed bi-tim
76. _sig4_ e2-babbar-ra
77. szu-a-ti
78. _numun_-szu
79. ma-su2 _erin2_-szu
80. ni-szi-szu
81. u3 um-ma-an-szu
82. er-re-tam
83. ma-ru-usz-tam li-ru-ru
84. er-re-tim
85. da!-ni-a-tim
86. {d}en-lil2
87. i-na _ka_-szu
88. sza la ut-ta-ak-ka-ru
89. li-ru-ur-szu-ma
90. ar-hi-isz
91. li-ik-szu-da-szu

2016-12-11 08:52:03, entered by englund for englund
&P249253 = RIME 4.03.06.add21, ex. 01
#atf: lang akk
@object stele
@surface a
@column 1
@prologue
1. i3-nu an s,i-ru-um
2. _lugal_ {d}a-nun-na-ki
3. {d}en-lil2
4. be-el sza-me-e
5. u3 er-s,e-tim
6. sza-i-im
7. szi-ma-at _kalam_
8. a-na {d}marduk
9. _dumu_ re-esz-ti-im
10. sza {d}en-ki
11. {d}en-lil2-ut
12. kisz ni-szi3
13. i-szi-mu-szum
14. in i-gi4-gi4
15. u2-szar-bi2-u3-szu
16. babila{ki}
17. szum-szu s,i-ra-am ib-bi-u3
18. in ki-ib-ra-tim
19. u2-sza-t,e4-ru-szu
20. i-na li-ib-bi-szu
21. szar-ru-tam da-ri2-tam
22. sza ki-ma sza-me-e
23. u3 er-s,e-tim
24. isz-da-sza
25. szu-ur2-szu-da
26. u2-ki-in-nu-szum
27. i-nu-mi-szu
28. {disz}ha-am-mu-ra-pi2
29. ru-ba-am
30. na-a'-dam
31. pa-li-ih i3-li2 ia-ti
32. mi-sza-ra-am
33. i-na ma-tim
34. a-na szu-pi2-i-im
35. ra-ga-am u3 s,e-nam
36. a-na hu-ul-lu-qi2-im
37. dan-nu-um
38. en-sza-am
39. a-na la ha-ba-li-im
40. ki-ma {d}utu
41. a-na _sag-ge6_
42. wa-s,e-e-em-ma
43. ma-tim
44. nu-wu-ri-im
45. an
46. u3 {d}en-lil2
47. a-na szi-ir ni-szi
48. t,u2-ub-bi-im
49. szu-mi ib-bu-u2
50. {disz}ha-am-mu-ra-pi2
51. re-iu-um
52. ni-bi-it
53. {d}en-lil2 a-na-ku
54. mu-kam-me-er
55. nu-uh2-szi-im
56. u3 t,u2-uh2-di-im
57. mu-sza-ak-li-il
58. mi-im-ma szum-szu
59. a-na nibru{ki} _dur-an-ki_
60. za-ni-nu-um
61. na-a'-du-um
62. sza e2-kur
63. _lugal_ le-iu-um
64. mu-te-er {iri}eridu{ki}
65. a-na asz-ri-szu
66. mu-ub-bi-ib
@column 2
1. szu-luh e2-abzu
2. ti-i-ib
3. ki-ib-ra-at
4. er-be2-tim
5. mu-szar-bi2 zi-ik-ru
6. babila{ki}
7. mu-t,i3-ib
8. li-ib-bi {d}marduk
9. be-li2-szu
10. sza u4-mi-szu
11. iz-za-zu
12. a-na e2-sag-il2
13. _numun_ szar-ru-tim
14. sza {d}suen
15. ib-ni-u3-szu
16. mu-na-ah-hi-isz
17. {iri}uri5{ki}
18. wa-asz-ru-um
19. mu-usz-te-mi-qum
20. ba-bil2 _he2-gal2_
21. a-na e2-kisz-nu-gal2
22. _lugal_ ta-szi-im-tim
23. sze-mu {d}utu da-num2
24. mu-ki-in
25. _suhusz_ zimbir{ki}
26. mu-sza-al-bi-isz
27. wa-ar-qi2-im
28. gi-gu-ne-e {d}a-a
29. mu-s,i-ir
30. e2-babbar
31. sza ki szu-ba-at sza-ma-i
32. _ur-sag_ ga#-mi-il
33. larsa{ki}
34. mu-u4-di-isz e2-babbar
35. a-na {d}utu
36. re-s,i-szu
37. be-lum mu-ba-li2-it,
38. unu{ki}
39. sza-ki-in me-e
40. nu-uh2-szi-im
41. a-na ni-szi-szu
42. mu-ul-li
43. re-esz e2-an-na
44. mu-kam-me-er
45. hi-is,-bi-im
46. a-na _an_-nim
47. u3 {d}inanna
48. _an-dul3_ ma-tim
49. mu-pa-ah-hi-ir
50. ni-szi sa6-ap-ha-tim
51. sza i3-si-in{ki}
52. mu-t,a-ah-hi-id
53. nu-uh2-szi-im
54. _e2_ e2-gal-mah
55. _uszumgal lugal_-ri2
56. ta-li-im
57. {d}za-ba4-ba4
58. mu-szar-szi-id
59. szu-ba-at {iri}kisz{ki}
60. mu-usz-ta-as2-hi-ir
61. me-le-em-mi
62. e2-me-te-ur-sag
63. mu-usz-te-es,-bi
64. pa-ar-s,i2 ra-bu-u2-tim
65. sza {d}inanna
66. pa-qi2-id bi-tim
67. hur-sag-kalam-ma
68. sa-par4 na-ki-ri
69. sza {d}er3-ra ru-szu
70. u2-sza-ak-szi-du
@column 3
1. ni-iz-ma-su2
2. mu-sza-te-er
3. {iri}gu2-du8-a{ki}
4. mu-ra-ap-pi2-isz
5. mi-im-ma szum-szu
6. ana mes-lam
7. ri-mu-um
8. ka-ad-ru-um
9. mu-na-ak-ki-ip za-i-ri
10. na-ra-am {d}tu-tu
11. mu-ri-isz
12. {iri}bar-si2-pa2{ki}
13. na-a'-du-um
14. la mu-up-pa-ar-ku-u2-um
15. a-na e2-zi-da
16. i-lu _lugal_-ri2
17. mu-de _igi-gal2_-im
18. mu-sza-ad-di-il
19. me-re-esz-tim
20. sza dil-bat{ki}
21. mu-ga-ar-ri-in _guru7-guru7_
22. a-na {d}urasz
23. ga-asz-ri-im
24. be-lum si2-ma-at
25. ha-at,-t,i-im
26. u3 a-ge-em
27. sza u2-sza-ak-li-lu-szu
28. e-ri-isz-tum
29. {d}ma-ma
30. mu-ki-in
31. u2-s,u2-ra-tim
32. sza kesz3{ki}
33. mu-de-esz-szi
34. ma-ka-li el-lu-tim
35. a-na {d}nin-tu
36. mu-usz-ta-lum
37. gi-it-ma-lum
38. sza-i-im
39. mi-ri-tim
40. u3 ma-asz-qi2-tim
41. a-na lagasz{ki}
42. u3 gir2-su{ki}
43. mu-ki-il
44. ni-in-da-be2-e
45. ra-bu-tim
46. a-na e2-ninnu
47. mu-tam-me-eh a-a-bi
48. mi-gi4-ir
49. te-li-tim
50. mu-sza-ak-li-il
51. te-re-tim
52. sza zabala2{ki}
53. mu-ha-ad-di
54. li-ib-bi {d}esz18-dar
55. ru-bu-um el-lum
56. sza ni-isz qa2-ti-szu
57. {d}iszkur i-du-u2
58. mu-ne-eh
59. li-ib-bi {d}iszkur
60. gu2-ra-di-im
61. i-na {iri}im{ki}
62. mu-usz-ta-ak-ki-in
63. si2-ma-tim
64. i-na e2-u4-gal-gal
65. _lugal_ na-di-in
66. na-pi2-isz-tim
67. a-na adab{ki}
68. a-sze-er
69. _e2_ e2-mah
70. e-te-el _lugal_-ri2
71. qa2-ba-al
72. la ma-ha-ri-im
@column 4
1. szu i-qi2-szu
2. na-ap-sza-tam
3. a-na {iri}masz-gan-szabra{ki}
4. mu-sze-esz-qi2
5. nu-uh2-szi-im
6. a-na _mes-lam_
7. em-qum
8. mu-tab-bi-lum
9. szu ik-szu-du
10. na-ga-ab ur2-szi-im
11. mu-usz-pa-az-zi-ir
12. ni-szi ma3-al-nag-a {ki}
13. in ka-ra-szi-im
14. mu-szar-szi-du
15. szu-ba-ti-szi-in
16. in nu-uh2-szi-in
17. a-na {d}en-ki
18. u3 {d}dam-gal-nun-na
19. mu-szar-bu-u2
20. szar-ru-ti-szu
21. da-ri2-isz i-szi-mu
22. zi-bi el-lu-tim
23. a-sza-re-ed _lugal_-ri2
24. mu-ka-an-ni-isz
25. da-ad-mi
26. {i7}buranun-na
27. i3-tum {d}da-gan
28. ba-ni-szu
29. szu ig-mi-lu
30. ni-szi me-ra{ki}
31. u3 tu-tu-ul{ki}
32. ru-bu-um
33. na-a'-du-um
34. mu-na-wi-ir
35. pa-ni {d}tiszpak
36. sza-ki-in ma-ka-li el-lu-tim
37. a-na {d}nin-a-zu
38. sza-t,i3-ip ni-szi-szu
39. in pu-usz-qi2-im
40. mu-ki-in-nu
41. isz-di-szi-in
42. qer-bu-um
43. babila{ki}
44. szu-ul-ma-ni-isz
45. _sipa_ ni-szi3
46. sza ep-sze-tu-szu
47. e-li {d}esz18-dar t,a-ba
48. mu-ki-in-ni {d}esz18-dar
49. i-na e2-ul-masz
50. qer-bu-um
51. a-ga-de3{ki}
52. re-bi-tim
53. mu-sze-pi2 ki-na-tim
54. mu-szu-sze-er am-mi
55. mu-te-er
56. {d}lamma-szu
57. da-mi-iq-tim
58. a-na {iri}a-szur4{ki}
59. mu-sze-ep-pi2 na-bi-hi
60. _lugal_ sza i-na ni-nu-a{ki}
61. i-na e2-mes-mes
62. u2-szu-pi2-u3
63. me-e {d}inanna
64. na-a'-du-um
65. mu-usz-te-mi-qum
66. a-na _dingir gal-gal_
67. li-ip-li-pi2
68. sza {disz}su-mu-la-il3
69. _ibila_ da-num2
70. sza {disz}{d}suen-mu-ba-li2-it,
@column 5
1. _numun_ da-ri2-um
2. sza szar-ru-tim
3. _lugal_ da-num2
4. {d}utu-szu
5. babila{ki}
6. mu-sze-s,i2 nu-ri-im
7. a-na ma-at
8. szu-me-ri2-im
9. u3 ak-ka-di-im
10. _lugal_ mu-usz-te-esz-mi
11. ki-ib-ra-at
12. ar-ba-im
13. mi-gi4-ir {d}inanna a-na-ku
14. i-nu-ma
15. {d}marduk
16. a-na szu-te-szu-ur ni-szi
17. _kalam_ u2-si-[im]
18. szu-hu-zi-im
19. u2-wa-e-ra-an-ni
20. ki-it-tam
21. u3 mi-sza-ra-am
22. i-na _ka_ ma-tim
23. asz-ku-un
24. szi-ir ni-szi u2-t,i-ib
25. i-nu-mi-szu
@law 1
26. szum-ma a-wi-lum a-wi-lam
27. u2-ub-bi-ir-ma
28. ne-er-tam e-li-szu
29. id-di-ma
30. la uk-ti-in-szu
31. mu-ub-bi-ir-szu
32. id-da-ak
@law 2
33. szum-ma a-wi-lum
34. ki-isz-pi2
35. e-li a-wi-lim id-di-ma
36. la uk-ti-in-szu
37. sza e-li-szu
38. ki-isz-pu na-du-u2
39. a-na {d}i7
40. i-il-la-ak
41. {d}i7 i-sza-al-li-a-am-ma
42. szum-ma {d}i7
43. ik-ta-sza-su2
44. mu-ub-bi-ir-szu
45. _e2_-su2 i-tab-ba-al
46. szum#-ma a-wi-lam szu-a-ti
47. {d}i7
48. u2-te-eb-bi-ba-asz-szu-ma
49. isz-ta-al-ma-am
50. sza e-li-szu
51. ki-isz-pi2 id-du-u2
52. id-da-ak
53. sza {d}i7
54. isz-li-a-am
55. _e2_ mu-ub-bi-ri-szu
56. i-tab-ba-al
@law 3
57. szum-ma a-wi-lum
58. i-na di-nim
59. a-na szi-bu-ut
60. sa3-ar-ra-tim
61. u2-s,i-a-am-ma
62. a-wa-at iq-bu-u2
63. la uk-ti-in
64. szum-ma di-nu-um szu-u2
65. di-in na-pi2-isz-tim
66. a-wi-lum szu-u2
67. id-da-ak
@law 4
68. szum-ma a-na szi-bu-ut
@column 6
1. _sze_ u3 _ku3-babbar_
2. u2-s,i-a-am
3. a-ra-an
4. di-nim szu-a-ti
5. it-ta-na-asz-szi
@law 5
6. szum-ma da-a-a-nu-um
7. di-nam i-di-in
8. pu-ru-sa2-am
9. ip-ru-us2
10. ku-nu-uk-kam
11. u2-sze-zi-ib
12. wa-ar-ka-nu-um-ma
13. di-in-szu i-te-ni
14. da-a-a-nam szu-a-ti
15. i-na di-in i-di-nu
16. e-ne-em
17. u2-ka-an-nu-szu-ma
18. ru-gu-um-ma-am
19. sza i-na di-nim szu-a-ti
20. ib-ba-asz-szu-u2
21. _a-ra2_ 1(u) 2(disz)-szu
22. i-na-ad-di-in
23. u3 i-na pu-uh2-ri-im
24. i-na _{gesz}gu-za_
25. da-a-a-nu-ti-szu
26. u2-sze-et-bu-u2-szu-ma
27. u2-ul i-ta-ar-ma
28. it-ti da-a-a-ni
29. i-na di-nim
30. u2-ul usz-ta-ab
@law 6
31. szum-ma a-wi-lum
32. _nig2-gur11 dingir_
33. u3 _e2-gal_
34. isz-ri-iq
35. a-wi-lum szu-u2
36. id-da-ak
37. u3 sza szu-ur2-qa2-am
38. i-na qa2-ti-szu
39. im-hu-ru
40. id-da-ak
@law 7
41. szum#-ma a-wi-lum
42. lu _ku3-babbar_
43. lu _ku3-sig17_
44. lu _ARAD2_ lu _geme2_
45. lu _gu4_ lu _udu_
46. lu _ansze_
47. u3 lu mi-im-ma szum-szu
48. i-na qa2-at _dumu_ a-wi-lim
49. u3 lu _ARAD2_ a-wi-lim
50. ba-lum szi-bi
51. u3 ri-ik-sa-tim
52. isz-ta-am
53. u3 lu a-na ma-s,a-ru-tim
54. im-hu-ur
55. a-wi-lum szu-u2
56. szar-ra-aq id-da-ak
@law 8
57. szum-ma a-wi-lum
58. lu _gu4_ lu _udu_ lu _ansze_ lu _szah2_
59. u3 lu _{gesz}ma2_
60. isz-ri-iq
61. szum-ma sza i-lim
62. szum-ma sza _e2-gal_
63. _a-ra2_ 3(u)-szu
64. i-na-ad-di-in
65. szum-ma sza _|MASZ.EN.GAG|_
66. _a-ra2_ 1(u)-szu i-ri-a-ab
67. szum-ma szar-ra-qa2-nu-um
68. sza na-da-nim la i-szu
69. id-da-ak
@law 9
70. szum-ma a-wi-lum
@column 7
1. sza mi-im-mu-szu hal-qu2
2. mi-im-ma-szu
3. hal-qa2-am
4. i-na qa2-ti a-wi-lim
5. is,-s,a-ba-at
6. a-wi-lum sza hu-ul-qum
7. i-na qa2-ti-szu
8. s,a-ab-tu
9. na-di-na-nu-um-mi id-di-nam
10. ma-har szi-bi-mi
11. a-sza-am
12. iq-ta-bi
13. u3 be-el hu-ul-qi2-im
14. szi-bi mu-de
15. hu-ul-qi2-ia-mi
16. lu-ub-lam
17. iq-ta-bi
18. sza-a-a-ma-nu-um
19. na-di-in
20. id-di-nu-szum
21. u3 szi-bi
22. sza i-na mah-ri-szu-nu
23. i-sza-mu it-ba-lam
24. u3 be-el hu-ul-qi2-im
25. szi-bi mu-de hu-ul-qi2-szu
26. it-ba-lam
27. da-a-a-nu
28. a-wa-a-ti-szu-nu
29. i-im-ma-ru-ma
30. szi-bu sza mah-ri-szu-nu
31. szi-mu-um
32. isz-sza-mu
33. u3 szi-bu mu-de
34. hu-ul-qi2-im
35. mu-du-su2-nu
36. ma-har i-lim
37. i-qa2-ab-bu-ma
38. na-di-na-nu-um
39. szar-ra-aq id-da-ak
40. be-el hu-ul-qi2-im
41. hu-lu-uq-szu
42. i-le-qe2
43. sza-a-a-ma-nu-um
44. a-na bi-it
45. na-di-na-nim
46. _ku3-babbar_ isz-qu2-lu
47. i-le-qe2
@law 10
48. szum-ma sza-a-a-ma-nu-um
49. na-di-in
50. id-di-nu-szum
51. u3 szi-bi sza i-na mah-ri-szu-nu
52. i-sza-mu
53. la it-ba-lam
54. be-el hu-ul-qi2-im-ma
55. szi-bi mu-de
56. hu-ul-qi2-szu it-ba-lam
57. sza-a-a-ma-nu-um
58. szar-ra-aq id-da-ak
59. be-el hu-ul-qi2-im
60. hu-lu-uq-szu
61. i-le-qe2
@law 11
62. szum-ma be-el hu-ul-qi2-im
63. szi-bi mu-de
64. hu-ul-qi2-szu
65. la it-ba-lam
@column 8
1. sa3-ar
2. tu-usz-sza-am-ma id-ke
3. id-da-ak
@law 12
4. szum-ma na-di-na-nu-um
5. a-na szi-im-tim
6. it-ta-la-ak
7. sza-a-a-ma-nu-um
8. i-na bi-it
9. na-di-na-nim
10. ru-gu-um-me-e
11. di-nim szu-a-ti
12. _a-ra2_ 5(disz)-szu
13. i-le-qe2
@law 13
14. szum#-ma a-wi-lum szu-u2
15. szi-bu-szu la qer-bu
16. da-a-a-nu a-da-nam
17. a-na _iti 6(disz)-kam_
18. i-sza-ak-ka-nu-szum-ma
19. szum-ma i-na _iti 6(disz)-kam_
20. szi-bi-szu la ir-de-a-am
21. a-wi-lum szu-u2
22. sa3-ar
23. a-ra-an di-nim szu-a-ti
24. it-ta-na-asz-szi
@law 14
25. szum-ma a-wi-lum
26. _dumu_ a-wi-lim
27. s,e-eh-ra-am
28. isz-ta-ri-iq
29. id-da-ak
@law 15
30. szum-ma a-wi-lum
31. lu _ARAD2 e2-gal_
32. lu _geme2 e2-gal_
33. lu _ARAD2 |MASZ.EN.GAG|_
34. lu _geme2 |MASZ.EN.GAG|_
35. _abul_ usz-te-s,i2
36. id-da-ak
@law 16
37. szum-ma a-wi-lum
38. lu _ARAD2_ lu _geme2_
39. hal-qa2-am
40. sza _e2-gal_
41. u3 lu _|MASZ.EN.GAG|_
42. i-na bi-ti-szu
43. ir-ta-qi2-ma
44. a-na szi-si-it
45. na-gi-ri-im
46. la usz-te-s,i2-a-am
47. be-el _e2_ szu-u2
48. id-da-ak
@law 17
49. szum-ma a-wi-lum
50. lu _ARAD2_ lu _geme2_
51. hal-qa2-am
52. i-na s,e-ri-im
53. is,-ba-at-ma
54. a-na be-li2-szu
55. ir-te-de-a-asz-szu
56. 2(disz) _gin2 ku3-babbar_
57. be-el _ARAD2_
58. i-na-ad-di-isz-szum
@law 18
59. szum-ma _ARAD2_ szu-u2
60. be-el-szu
61. la iz-za-kar
62. a-na _e2-gal_
63. i-re-ed-de-szu
64. wa-ar-ka-su2
65. ip-pa-ar-ra-as2-ma
66. a-na be-li2-szu
67. u2-ta-ar-ru-szu
@law 19
68. szum-ma _ARAD2_
69. szu-a-ti
70. i-na bi-ti-szu
71. ik-ta-la-szu
72. wa-ar-ka _ARAD2_
@column 9
1. i-na qa2-ti-szu
2. it-ta-as,-ba-at
3. a-wi-lum szu-u2
4. id-da-ak
@law 20
5. szum-ma _ARAD2_
6. i-na qa2-at
7. s,a-bi-ta-ni-szu
8. ih-ta-li-iq
9. a-wi-lum szu-u2
10. a-na be-el _ARAD2_
11. ni-isz i-lim
12. i-za-kar-ma
13. u2-ta-asz-szar
@law 21
14. szum-ma a-wi-lum
15. bi-tam
16. ip-lu-usz
17. i-na pa-ni
18. pi2-il-szi-im
19. szu-a-ti
20. i-du-uk-ku-szu-ma
21. i-ha-al-la-lu-szu
@law 22
22. szum-ma a-wi-lum
23. hu-ub-tam
24. ih-bu-ut-ma
25. it-ta-as,-ba-at
26. a-wi-lum szu-u2
27. id-da-ak
@law 23
28. szum-ma ha-ab-ba-tum
29. la it-ta-as,-ba-at
30. a-wi-lum
31. ha-ab-tum
32. mi-im-ma-szu
33. hal-qa2-am
34. ma-ha-ar
35. i-lim
36. u2-ba-ar-ma
37. _iri_
38. u3 ra-bi-a-nu-um
39. sza i-na er-s,e-ti-szu-nu
40. u3 pa-t,i-szu-nu
41. hu-ub-tum
42. ih-ha-ab-tu
43. mi-im-ma-szu
44. hal-qa2-am
45. i-ri-a-ab-bu-szum
@law 24
46. szum-ma na-pi2-isz-tum
47. _iri_ u3 ra-bi-a-nu-um
48. 1(disz) _ma-na ku3-babbar_
49. a-na ni-szi-szu
50. i-sza-qa2-lu
@law 25
51. szum-ma i-na _e2_ a-wi-lim
52. i-sza-tum
53. in-na-pi2-ih-ma
54. a-wi-lum
55. sza a-na bu-ul-li-im
56. il-li-ku
57. a-na nu-ma-at
58. be-el _e2_
59. i-in-szu isz-szi-ma
60. nu-ma-at
61. be-el _e2_
62. il-te-di
63. a-wi-lum szu-u2
64. a-na i-sza-tim szu-a-ti
65. in-na-ad-di
@law 26
66. szum-ma lu _aga-us2_
67. u3 lu _szu-ku6_
68. sza a-na har-ra-an szar-ri-im
69. a-la-ak-szu
@column 10
1. qa2-bu-u2
2. la-il-li-ik
3. lu _{lu2}hun-ga2_
4. i-gur-ma
5. pu-uh2-szu
6. it,-t,a-ra-ad
7. lu _aga-us2_
8. u3 lu _szu-ku6_ szu-u2
9. id-da-ak
10. mu-na-ag-gi-ir-szu
11. _e2_-su2
12. i-tab-ba-al
@law 27
13. szum-ma lu _aga-us2_
14. u3 lu _szu-ku6_
15. sza i-na dan-na-at
16. szar-ri-im
17. tu-ur2-ru
18. wa-ar-ki-szu
19. _a-sza3_-szu u3 _{gesz}kiri6_-szu
20. a-na sza-ni-im
21. id-di-nu-ma
22. i-li-ik-szu
23. it-ta-la-ak
24. szum-ma it#-tu-ra-am-ma
25. _iri_-szu ik-ta-asz2-dam
26. _a-sza3_-szu u3 _{gesz}kiri6_-szu
27. u2-ta-ar-ru-szum-ma
28. szu-ma i-li-ik-szu
29. i-il-la-ak
@law 28
30. szum-ma lu _aga#-us2_
31. u3 lu _szu-ku6_
32. sza i-na dan#-na-at
33. szar-ri-im
34. tu-ur2#-ru
35. _dumu_-szu il-kam
36. a-la-kam i-le-i
37. _a-sza3_ u3 _{gesz}kiri6_
38. in-na-ad-di-isz-szum#-ma
39. i-li-ik# [a]-bi-szu
40. i-il-[la]-ak#
@law 29
41. szum-ma _dumu_-szu
42. s,e-he-er-ma#
43. i-li-ik a-bi-szu
44. a-la-kam
45. la i-le-i
46. sza-lu-usz-ti _a-sza3_ u3 _{gesz}kiri6_
47. a-na um-mi-szu
48. in-na-ad#-di-in-ma
49. um-ma-szu
50. u2-ra-ab-ba-szu
@law 30
51. szum-ma lu _aga-us2#_
52. u3 lu _szu-ku6_
53. _a-sza3_-szu _{gesz}kiri6_-szu# u3 _e2_-su2#
54. i-na pa-ni il-ki-im
55. id-di-ma
56. u4-da-ap-pi2-ir
57. sza-nu-um
58. wa-ar-ki-szu#
59. _a-sza3_-szu _{gesz}kiri6_-szu
60. u3 _e2_-su2
61. is,-ba-at-ma
62. _mu 3(disz)-kam_
63. i-li-ik-szu
64. it-ta-la-ak
65. szum-ma it-tu-ra-am-ma
66. _a-sza3_-szu _{gesz}kiri6_-szu u3 _e2_-su2
67. i-ir-ri-isz
68. u2-ul in-na-ad-di-isz-szum
@column 11
1. sza is,-s,a-ab-tu-ma
2. i-li-ik-szu
3. it-ta-al-ku
4. szu-ma i-il-la-ak
@law 31
5. szum-ma sza-at-tam
6. isz-ti-a-at-ma
7. u4-da-ap-pi2-ir-ma
8. it-tu-ra-am
9. _a-sza3_-szu u3 _e2_-su2
10. in-na-ad-di-isz-szum-ma
11. szu-ma i-li-ik-szu
12. i-il#-la#-ak#
@law 32
13. szum#-ma# lu _aga-us2_
14. u3 lu _szu-ku6_
15. sza i-na har-ra-an
16. szar-ri-im
17. tu-ur2-ru
18. _dam-gar3_ ip-t,u2-ra-asz-szu-ma
19. _iri_-szu usz-ta-ak-szi-da-asz-szu
20. szum-ma i-na bi-ti-szu
21. sza pa-t,a-ri-im
22. i-ba-asz-szi
23. szu-ma ra-ma-an-szu
24. i-pa-at,-t,a-ar
25. szum-ma i-na bi-ti-szu
26. sza pa-t,a-ri-szu
27. la i-ba-asz-szi
28. i-na _e2 dingir iri_-szu
29. ip-pa-at,-t,ar2
30. szum-ma i-na _e2_
31. _dingir iri_-szu
32. sza pa-t,a-ri-szu
33. la i-ba-asz-szi
34. _e2-gal_ i-pa-at,-t,a-ar!(RI)-szu
35. _a-sza3_-szu _{gesz}kiri6_-szu
36. u3 _e2_-su2
37. a-na ip-t,e4-ri-szu
38. u2-ul in-na-ad-di-in
@law 33
39. szum-ma lu _ugula-ugula_
40. u3 lu _nu-banda3_
41. _erin2_ ni-is-ha-tim
42. ir-ta-szi
43. u3 lu a-na _kaskal_
44. szar-ri-im
45. _{lu2}hun-ga2_ pu-ha-am
46. im-hu-ur-ma
47. ir-te-de
48. lu _ugula-ugula_
49. u3 lu _nu-banda3_ szu-u2
50. id-da-ak
@law 34
51. szum-ma lu _ugula-ugula_
52. u3 lu _nu-banda3_
53. nu-ma-at _aga-us2_ il-te-qe2
54. _aga-us2_ ih-ta-ba-al
55. _aga-us2_ a-na ig-ri-im
56. it-ta-di-in
57. _aga-us2_ i-na di-nim
58. a#-na# dan-nim isz-ta-ra-ak
59. qi2#-isz-ti szar-ru-um
60. [a]-na# _aga-us2_ id-di-nu
61. il#-te-di
62. lu# _ugula-ugula_
63. u3# lu _nu-banda3_ szu-u2
64. id#-da#-ak
@law 35
65. szum#-ma a-wi-lum
66. _ab2# gu4!(BI) hi-a_
67. u3 _u8 udu hi-a_
68. sza szar-ru-um
69. a-na _aga-us2_
70. id-di-nu
@column 12
1. i-na qa2-ti _aga-us2_
2. isz-ta-am
3. i-na _ku3-babbar_-szu
4. i-te-el-li
@law 36
5. _a-sza3_-um _{gesz}kiri6_ u3 _e2_
6. sza _aga-us2 szu-ku6_
7. u3 na-szi bi-il-tim
8. a-na _ku3-babbar_
9. u2-ul i-na-ad-di-in
@law 37
10. szum-ma a-wi-lum
11. _a-sza3 {gesz}kiri6_ u3 _e2_
12. sza _aga-us2 szu-ku6_
13. u3# na#-szi _gun#_
14. isz#-ta#-am#
15. t,up-pa-szu
16. ih-he-ep-pe2
17. u3 i-na _ku3-babbar_-szu
18. i-te-el-li
19. _a-sza3 {gesz}kiri6_ u3 _e2_
20. a-na be-li2-szu
21. i-ta-ar
@law 38
22. _aga-us2 szu-ku6_
23. u3 na-szi _gun_
24. i-na _a-sza3 {gesz}kiri6_ u3 _e2_
25. sza il-ki-szu
26. a-na asz-sza-ti-szu
27. u3 _dumu-munus_-szu
28. u2-ul i-sza-at,-t,a-ar
29. u3 a-na i-il-ti-szu
30. u2-ul i-na-ad-di-in
@law 39
31. i-na _a-sza3 kiri6_ u3 _e2_
32. sza i-sza-am-mu-ma
33. i-ra-asz-szu-u2
34. a-na asz-sza-ti-szu
35. u3 _dumu-munus_-szu
36. i-sza-at,-t,ar2
37. u3 a-na e-hi-il-ti-szu
38. i-na-ad-di-in
@law 40
39. _lukur dam-gar3_
40. u3 il-kum a-hu-u2-um
41. _a-sza3_-szu _{gesz}kiri6_-szu
42. u3 _e2_-su2 a-na _ku3-babbar_
43. i-na-ad-di-in
44. sza-a-a-ma-nu-um
45. i-li-ik _a-sza3_
46. _{gesz}kiri6_ u3 _e2_
47. sza i-sza-am-mu
48. i-il-la-ak
@law 41
49. szum-ma a-wi-lum
50. _a-sza3 {gesz}kiri6_ u3 _e2_
51. sza _aga-us2 szu-ku6_
52. u3 na-szi bi-il-tim
53. u2-pi2-ih
54. u3 ni-ip-la-ti
55. id-di-in
56. _aga-us2 szu-ku6_
57. u3 na-szi bi-il-tim
58. a-na _a-sza3_-szu _{gesz}kiri6_-szu u3 _e2_-szu
59. i-ta-ar
60. u3 ni-ip-la-tim
61. sza in-na-ad-nu-szum
62. i-tab-ba-al
@law 42
63. szum-ma a-wi-lum
64. _a-sza3_ a-na er-re-szu-tim
65. u2-sze-s,i-ma
66. i-na _a-sza3 sze_ la usz-tab-szi
67. i-na _a-sza3_ szi-ip-ri-im
@column 13
1. la e-pe2-szi-im
2. u2-ka-an-nu-szu-ma
3. _sze_ ki-ma i-te-szu
4. a-na be-el _a-sza3_
5. i-na-ad-di-in
@law 43
6. szum-ma _a-sza3_-am la i-ri-isz-ma
7. it-ta-di
8. _sze_ ki-ma i-te-szu
9. a-na be-el _a-sza3_
10. i-na-ad-di-in
11. u3 _a-sza3_ sza id-du-u2
12. ma-a-a-ri
13. i-ma-ah-ha-as,
14. i-sza-ak-ka-ak-ma
15. a-na be-el _a-sza3_
16. u2-ta-ar
@law 44
17. szum-ma a-wi-lum
18. _a-sza3 |KI.KAL|_
19. a-na _mu 3(disz)-kam_
20. a-na te-ep-ti-tim
21. u2-sze-s,i-ma
22. a-ah-szu id-di-ma
23. _a-sza3_ la ip-te-te
24. i-na re-bu-tim
25. sza-at-tim
26. _a-sza3_ ma-a-a-ri
27. i-ma-ah-ha-as,
28. i-mar-ra-ar
29. u3 i-sza-ak-ka-ak-ma
30. a-na be-el _a-sza3_
31. u2-ta-ar
32. u3 1(bur3) _GAN2_-e
33. 1(u) _sze gur_
34. i-ma-ad-da-ad
@law 45
35. szum-ma a-wi-lum
36. _a-sza3_-szu a-na _gun_
37. a-na er-re-szi-im
38. id-di-in-ma
39. u3 _gun a-sza3_-szu
40. im-ta-ha-ar
41. wa-ar-ka _a-sza3_
42. {d}iszkur ir-ta-hi-is,
43. u3 lu bi-ib-bu-lum
44. it-ba-al
45. bi-ti-iq-tum
46. sza er-re-szi-im-ma
@law 46
47. szum-ma _gun a-sza3_-szu
48. la im-ta-ha-ar
49. u3 lu a-na mi-isz-la-ni
50. u3 lu a-na sza-lu-usz
51. _a-sza3_ id-di-in
52. _sze_ sza i-na _a-sza3_
53. ib-ba-asz-szu-u2
54. er-re-szum
55. u3 be-el _a-sza3_
56. a-na ap-szi-te-em
57. i-zu-uz-zu
@law 47
58. szum-ma er-re-szum
59. asz-szum i-na sza-at-tim
60. mah-ri-tim
61. ma-na-ha-ti-szu
62. la il-qu2-u2
63. _a-sza3_ e-re-sza-am iq-ta-bi
64. be-el _a-sza3_
65. u2-ul u2-up-pa-as
66. er-re-su-ma
67. _a-sza3_-szu i-ir-ri-isz-ma
68. i-na _buru14_
69. ki-ma ri-ik-sa-ti-szu
70. _sze_ i-le-qe2
@law 48
71. szum-ma a-wi-lum
72. hu-bu-ul-lum
73. e-li-szu
@column 14
1. i-ba-asz-szi-ma
2. _[a]-sza3_-szu
3. {d}iszkur
4. ir-ta-hi-is,
5. u3 lu-u2 bi-ib-bu-lum#
6. it-ba-al
7. u3 lu-u2 i-na la me-e
8. _sze_ i-na _a-sza3_
9. la it-tab-szi
10. i-na sza-at-tim szu-a-ti
11. _sze_ a-na be-el hu-bu-ul-li-szu
12. u2-ul u2-ta-ar
13. t,up-pa-szu
14. u2-ra-at,-t,a-ab
15. u3 s,i-ib-tam
16. sza sza-at-tim szu-a-ti
17. u2-ul i-na-ad-di-in
@law 49
18. szum-ma a-wi-lum
19. _ku3-babbar_ it-ti _dam-gar3_
20. il-qe2-ma
21. _a-sza3_ ep-e-tim
22. sza _sze_ u3 lu _sze-gisz-i3_
23. a-na _dam-gar3_ id-di-in
24. _a-sza3_ e-ri-isz-ma
25. _sze_ u3 lu-u2 _sze-gisz-i3_
26. sza ib-ba-asz-szu-u2
27. e-si-ip ta-ba-al
28. iq-bi-szum
29. szum-ma er-re-szum
30. i-na _a-sza3 sze_
31. u3 lu _sze-gisz-i3_
32. usz-tab-szi
33. i-na _buru14 sze_ u3 _sze-gisz-i3_
34. sza i-na _a-sza3_ ib-ba-asz-szu-u2
35. be-el _a-sza3_-ma
36. i-le-qe2-ma
37. _sze_ sza _ku3-babbar_-szu
38. u3 s,i-ba-su2
39. sza it-ti _dam-gar3_
40. il-qu2-u2
41. u3 ma-na-ha-at
42. e-re-szi-im
43. a-na _dam-gar3_
44. i-na-ad-di-in
@law 50
45. szum-ma _a-sza3_ er-sza-am
46. u3 lu-u2
47. _a-sza3 sze-gisz-i3_
48. er-sza-am id-di-in
49. _sze_ u3 lu _sze-gisz-i3_
50. sza i-na _a-sza3_
51. ib-ba-asz-szu-u2
52. be-el _a-sza3_-ma
53. i-le-qe2-ma
54. _ku3-babbar_ u3 s,i-ba-su2
55. a-na _dam-gar3_ u2-ta-ar
@law 51
56. szum-ma _ku3-babbar_
57. a-na tu-ur2-ri-im
58. la i-szu
59. _sze-gisz-i3_
60. a-na ma-hi-ra-ti-szu-nu
61. sza _ku3-babbar_-szu
62. u3 s,i-ib-ti-szu
63. sza it-ti _dam-gar3_ il-qu2-u2
64. a-na _ka_ s,i-im-da-at
65. szar-ri-im
66. a-na _dam-gar3_ i-na-ad-di-in
@column 15
@law 52
1. szum-ma er-re-szum
2. i-na _a-sza3_ sze-am
3. u3 lu _sze-gisz-i3_
4. la usz-tab-szi
5. ri-ik-sa-ti-szu
6. u2-ul [i]-in-ni
@law 53
7. szum-ma a-wi-lum
8. a-na _kar a-sza3_-szu
9. du-un-nu-nim#
10. a-ah-szu id-di-ma
11. _kar_-szu
12. la u2-dan-ni-in-ma
13. i-na _kar_-szu
14. pi2-tum it-te-ep-te
15. u3 _a-gar3_ me-e usz-ta-bil2
16. a-wi-lum
17. sza i-na _kar_-szu
18. pi2-tum ip-pe2-tu-u2
19. _sze_ sza u2-hal-li-qu2
20. i-ri-a-ab
@law 54
21. szum-ma _sze_ ri-a-ba-am
22. la i-le-i
23. szu-a-ti
24. u3 bi-sza-szu
25. a-na _ku3-babbar_
26. i-na-ad-di-nu-ma
27. _dumu a-gar3-mesz_
28. sza _sze_-szu-nu
29. mu-u2 ub-lu
30. i-zu-uz-zu
@law 55
31. szum-ma a-wi-lum
32. a-tap-pa-szu
33. a-na szi-qi2-tim ip-te
34. a-ah-szu id-di-ma
35. _a-sza3_ i-te-szu
36. me-e usz-ta-bil2
37. _sze_ ki-ma i-te-szu
38. i-ma-ad-da-ad
@law 56
39. szum-ma a-wi-lum
40. me-e ip-te-ma
41. ep-sze-tim sza _a-sza3_ i-te-szu
42. me-e usz-ta-bil2
43. 1(bur3) _GAN2_-e
44. 1(u) _sze gur_
45. i-ma-ad-da-ad
@law 57
46. szum-ma _sipa_
47. a-na sza-am-mi
48. _u8 udu hi-a_ szu-ku-lim
49. it-ti be-el _a-sza3_
50. la im-ta-gar3-ma
51. ba-lum be-el _a-sza3_
52. _a-sza3 u8 udu hi-a_
53. usz-ta-ki-il
54. be-el _a-sza3 a-sza3_-szu
55. i-is,-s,i-id
56. _sipa_ sza i-na ba-lum
57. be-el _a-sza3_
58. _a-sza3 u8 udu hi-a_
59. u2-sza-ki-lu
60. e-le-nu-um-ma
61. 1(bur3) _GAN2_-e
62. 2(u) _sze gur_
63. a-na be-el _a-sza3_
64. i-na-ad-di-in
@law 58
65. szum-ma isz-tu _u8 udu hi-a_
66. i-na _a-gar3_
67. i-te-li-a-nim
68. ka-an-nu ga-ma-ar-tim
69. i-na _abul_
70. it-ta-ah-la-lu
71. _sipa u8 udu hi-a_
72. a-na _a-sza3_ id-di-ma
73. _a-sza3 u8 udu hi-a_
74. usz-ta-ki-il
75. _sipa a-sza3_ u2-sza-ki-lu
76. i-na-s,a-ar-ma
77. i-na _buru14_
78. 1(bur3) _GAN2_-e
@column 16
1. 1(gesz2) _sze gur_
2. a-na be-el _a-sza3_
3. i-ma-ad-da-ad
@law 59
4. szum-ma a-wi-lum
5. ba-lum be-el _{gesz}kiri6_
6. i-na _{gesz}kiri6_ a-wi-lim
7. i-s,a-am ik-ki-is
8. 1/2(disz) _ma-na ku3-babbar_
9. i-sza-qal
@law 60
10. szum-ma a-wi-lum
11. _a-sza3_ a-na _{gesz}kiri6_ [za]-qa2-pi2-im
12. [a]-na# _nu-{gesz}kiri6_ id-di-in
13. _nu-{gesz}kiri6_
14. _{gesz}kiri6_ iz-qu2-up
15. _mu 4(disz)-kam_
16. _{gesz}kiri6_ u2-ra-ab-ba
17. i-na ha-mu-usz-tim
18. sza-at-tim
19. be-el _{gesz}kiri6_
20. u3 _nu-{gesz}kiri6_
21. mi-it-ha-ri-isz
22. i-zu-zu
23. be-el _{gesz}kiri6_
24. _ha-la_-szu
25. i-na-sa3-aq-ma
26. i-le-qe2
@law 61
27. szum-ma _nu-{gesz}kiri6_
28. _a-sza3_ i-na za-qa2-pi2-im
29. la ig-mur-ma
30. ni-di-tam i-zi-ib
31. ni-di-tam
32. a-na li-ib-bi _ha-la_-szu
33. i-sza-ak-ka-nu-szum
@law 62
34. szum-ma _a-sza3_
35. sza in-na-ad-nu-szum
36. a-na _{gesz}kiri6_ la iz-qu2-up
37. szum-ma _ab-sin2_
38. _gun a-sza3_
39. sza sza-na-tim
40. sza in-na-du-u2
41. _nu-{gesz}kiri6_
42. a-na be-el _a-sza3_
43. ki-ma i-te-szu
44. i-ma-ad-da-ad
45. u3 _a-sza3_ szi-ip-ra-am
46. i-ip-pe2-esz-ma
47. a-na be-el _a-sza3_ u2-ta-ar
@law 63
48. szum-ma _a-sza3 |KI.KAL|_
49. _a-sza3_ szi-ip-ra-am
50. i-ip-pe2-esz-ma
51. _a-sza3_ be-el _a-sza3_
52. u2-ta-ar
53. u3 1(bur3) _GAN2_-e
54. 1(u) _sze gur_
55. sza sza-at-tim
56. isz-ti-a-at
57. i-ma-ad-da-ad
@law 64
58. szum-ma a-wi-lum
59. _{gesz}kiri6_-szu
60. a-na _nu-{gesz}kiri6_
61. a-na ru-ku-bi-im
62. id-di-in
63. _nu-{gesz}kiri6_
64. a-di _{gesz}kiri6_ s,a-ab-tu
65. i-na bi-la-at _{gesz}kiri6_
66. szi-it-ti-in
67. a-na be-el _{gesz}kiri6_
68. i-na-ad-di-in
69. sza-lu-usz-tam
70. szu-u2 i-le-qe2
@law 65
71. szum-ma _nu-{gesz}kiri6_
72. _{gesz}kiri6_ la u2-ra-ak-ki-ib-ma
73. bi-il-tam um-ta-t,i
74. _nu-{gesz}kiri6_
75. bi-la-at _{gesz}kiri6_
76. a-na i-te-szu
@column 17
$column missing
1. [i-ma-ad-da-ad]
2. [...]
@reverse
@column 1
1. s,i-ba-a-at _ku3-babbar_
2. ma-la il-qu2-u2
3. i-sa-ad-dar-ma
4. u4-mi-szu
5. i-ma-an-nu-u2-ma
6. _dam-gar3_-szu
7. i-ip-pa-al
@law 101
8. szum-ma a-szar il-li-ku
9. ne-me-lam
10. la i-ta-mar
11. _ku3-babbar_ il-qu2-u2
12. usz-ta-sza-na-ma
13. _szaman2-la2_ a-na _dam-gar3_
14. i-na-ad-di-in
@law 102
15. szum-ma _dam-gar3_
16. a-na _szaman2-la2_
17. _ku3-babbar_ a-na ta-ad-mi-iq-tim
18. it-ta-di-in-ma
19. a-szar il-li-ku
20. bi-ti-iq-tam
21. i-ta-mar
22. qa2-qa2-ad _ku3-babbar_
23. a-na _dam-gar3_ u2-ta-ar
@law 103
24. szum-ma har-ra-nam
25. i-na a-la-ki-szu
26. na-ak-ru-um
27. mi-im-ma sza na-szu-u2
28. usz-ta-ad-di-szu
29. _szaman2-la2_ ni-isz i-lim
30. i-za-kar-ma
31. u2-ta-asz-szar
@law 104
32. szum-ma _dam-gar3_
33. a-na _szaman2-la2_
34. _sze siki i3-gisz_
35. u3 mi-im-ma bi-sza-am
36. a-na pa-sza-ri-im
37. id-di-in
38. _szaman2-la2 ku3-babbar_
39. i-sa-ad-dar-ma
40. a-na _dam-gar3_
41. u2-ta-ar
42. _szaman2-la2_ ka-ni-ik _ku3-babbar_
43. sza a-na _dam-gar3_
44. i-na-ad-di-nu
45. i-le-qe2
@law 105
46. szum-ma _szaman2-la2_
47. i-te-gi-ma
48. ka-ni-ik _ku3-babbar_
49. a-na _dam-gar3_
50. id-di-nu
51. la-il-te-qe2
52. _ku3-babbar_ la ka-ni-ki-im
53. a-na ni-ik-ka-as-si2-im
54. u2-ul isz-sza-ak-ka-an
@law 106
55. szum-ma _szaman2-la2_
56. _ku3-babbar_ it-ti _dam-gar3_
57. il-qe2-ma
58. _dam-gar3_-szu
59. it-ta-ki-ir
60. _dam-gar3_ szu-u2
61. i-na ma-har i-lim u3 szi-bi
62. i-na _ku3-babbar_ le-qe2-em
63. _szaman2-la2_ u2-ka-an-ma
64. _szaman2-la2 ku3-babbar_
65. ma-la il-qu2-u2
66. _a-ra2_ 3(disz)-szu a-na _dam-gar3_
67. i-na-ad-di-in
@law 107
68. szum-ma _dam-gar3 ku3-babbar_
69. _szaman2-la2_ i-qi2-ip-ma
70. _szaman2-la2_ mi-im-ma
71. sza _dam-gar3_ id-di-nu-szum
72. a-na _dam-gar3_-szu
@column 2
1. ut-te-er
2. _dam-gar3_ mi-im-ma
3. sza _szaman2-la2_
4. id-di-nu-szum
5. it-ta-ki-ir-szu
6. _szaman2-la2_ szu-u2
7. i-na ma-har i-lim u3 szi-bi
8. _dam-gar3_ u2-ka-an-ma
9. _dam-gar3_ asz-szum _szaman2-la2_-szu
10. ik-ki-ru
11. mi-im-ma sza il-qu2-u2
12. _a-ra2_ 6(disz)-szu
13. a-na _szaman2-la2_
14. i-na-ad-di-in
@law 108
15. szum-ma _munus-kurun-na_
16. a-na _sa10# kasz_
17. _sze_ la im-ta-har
18. i-na _na4_ ra-bi-tim
19. _ku3-babbar_ im-ta-har
20. u3 _ganba kasz_
21. a-na _ganba sze_ um-ta-t,i
22. _munus-kurun-na_ szu-a-ti
23. u2-ka-an-nu-szi-ma
24. a-na me#-e
25. i-na#-[ad]-du#-u2-szi
@law 109
26. szum#-ma# _munus-kurun-na_
27. sa3-ar#-ru-tum
28. i-na _e2_-sza
29. it-tar-ka-su2#?-ma
30. sa3-ar-ru-tim szu-nu-ti
31. la is,-s,a-ab-tam-ma
32. a-na _e2-gal_
33. la ir-de-a-am
34. _munus-kurun-na_ szi-i
35. id-da-ak
@law 110
36. szum#-ma _lukur nin-dingir_
37. sza i-na _ga2-gi4-a_
38. la wa-asz-ba-at
39. _e2 kurun-na_ ip-te-te
40. u3 lu a-na _kasz_
41. a-na _e2 kurun-na_
42. i-te-ru-ub
43. a-wi-il-tam szu-a-ti
44. i-qal-lu-u2-szi
@law 111
45. szum-ma _munus-kurun-na_
46. 1(disz) _kasz dida ka gag_
47. a-na qi2-ip-tim id-di-in
48. i-na _buru14_
49. 5(ban2) _sze_ i-le-qe2
@law 112
50. szum-ma a-wi-lum
51. i-na har-ra-nim
52. wa-szi-ib-ma
53. _ku3-babbar ku3-sig17 na4_
54. u3 bi-isz qa2-ti-szu
55. a-na a-wi-lim
56. id-di-in-ma
57. a-na szi-bu-ul-tim
58. u2-sza-bil2-szu
59. a-wi-lum szu-u2
60. mi-im-ma sza szu-bu-lu
61. a-szar szu-bu-lu
62. la id-[di]-in-ma
63. it-ba-al
64. be-el szi-bu-ul-tim
65. a-wi-lam szu-a-ti
66. i-na mi-im-ma
67. sza szu-bu-lu-ma
68. la id-di-nu
69. u2-ka-an-nu-szu-ma
70. a-wi-lum szu-u2
71. _a-ra2_ 5(disz)-szu mi-im-ma
72. sza in-na-ad-nu-szum
73. a-na be-el szi-bu-ul-tim
74. i-na-ad-di-in
@law 113
75. szum-ma a-wi-lum
76. e-li a-wi-lim
@column 3
1. _sze_ u3 _ku3-babbar_ i-szu-ma
2. i-na ba-lum be-el _sze_
3. i-na na-asz-pa-ki-im
4. u3 lu i-na ma-asz-ka-nim
5. _sze_ il-te-qe2
6. a-wi-lam szu-a-ti
7. i-na ba-lum be-el _sze_
8. i-na na-asz-pa-ki-im
9. u3# lu i-na _kislah_
10. i#-na# _sze_ le-qe2-em
11. u2-ka-an-nu-szu-ma
12. _sze_ ma-la il-qu2-u2
13. u2-ta-ar
14. u3 i-na mi-im-ma szum-szu
15. ma-la id-di-nu
16. i-te-el-li
@law 114
17. szum-ma a-wi-lum
18. e-li a-wi-lim
19. _sze_ u3 _ku3-babbar_
20. la i-szu-ma
21. ni-pu-su2 it-te-pe2
22. a-na ni-pu-tim
23. isz-ti-a-at
24. 1/3(disz) _ma-na ku3-babbar_
25. i-sza-qal
@law 115
26. szum-ma a-wi-lum
27. e-li a-wi-lim
28. _sze_ u3 _ku3-babbar_
29. i-szu-ma
30. ni-pu-su2 ip-pe2-ma
31. ni-pu-tum
32. i-na _e2_ ne-pi2-sza
33. i-na szi-ma-ti-sza
34. im-tu-ut
35. di-nu-um szu-u2
36. ru-gu-um-ma-am
37. u2-ul i-szu
@law 116
38. szum-ma ni-pu-tum
39. i-na _e2_ ne-pi2-sza
40. i-na ma-ha-s,i2-im
41. u3-lu i-na usz-szu-szi-im
42. im-tu-ut
43. be-el ni-pu-tim
44. _dam-gar3_-szu
45. u2-ka-an-ma
46. szum-ma _dumu_ a-wi-lim
47. _dumu_-szu i-du-uk-ku
48. szum-ma _ARAD2_ a-wi-lim
49. 1/3(disz) _ma-na ku3-babbar_
50. i-sza-qal
51. u3 i-na mi-im-ma szum-szu
52. ma-la id-di-nu
53. i-te-el-li
@law 117
54. szum-ma a-wi-lam
55. e-hi-il-tum
56. is,-ba-su2-ma
57. _dam_-su2 _dumu_-szu u3 _dumu-munus_-su2
58. a-na _ku3-babbar_ id-di-in
59. u3 lu a-na ki-isz-sza-tim
60. it-ta-an-di-in
61. _mu 3(disz)-kam_
62. _e2_ sza-a-a-ma-ni-szu-nu
63. u3 ka-szi-szi-szu-nu
64. i-ip-pe2-szu i-na re-bu-tim
65. sza-at-tim
66. an-du-ra-ar-szu-nu
67. isz-sza-ak-ka-an
@law 118
68. szum-ma _ARAD2_ u3 lu _geme2_
69. a-na ki-isz-sza-tim
70. it-ta-an-di-in
71. _dam-gar3_ u2-sze-te-eq
72. a-na _ku3-babbar_ i-na-ad-din
73. u2-ul ib-ba-qar
@law 119
74. szum-ma a-wi-lam
75. e-hi-il-tum
76. is,-ba-su2-ma
77. _geme2_-su2 sza _dumu-mesz_ ul-du-szum
78. a-na _ku3-babbar_ it-ta-din
@column 4
1. _ku3-babbar dam-gar3_ isz-qu2-lu
2. be-el _geme2#_ i-sza-qal-ma
3. _geme2_-su2 i-pa-t,ar2#
@law 120
4. szum-ma a-wi-lum
5. sze-szu a-na na-asz-pa-ku-tim
6. i-na _e2_ a-wi-lim
7. isz-pu-uk-ma
8. i-na qa2-ri-tim
9. i-ib-bu-u2-um it-tab-szi
10. u3 lu be-el _e2_
11. na-asz-pa-kam ip-te-ma
12. _sze_ il-qe2
13. u3 lu _sze_ sza a-na _e2_-szu
14. isz-sza-ap-ku
15. a-na ga-am-ri-im
16. it-ta-ki-ir
17. be-el _sze_ ma-har i-lim
18. sze-szu u2-ba-ar-ma
19. be-el _e2_
20. _sze_ sza il-qu2-u2
21. usz-ta-sza-na-ma
22. a-na be-el _sze_
23. i-na-ad-di-in
@law 121
24. szum-ma a-wi-lum
25. i-na _e2_ a-wi-lim
26. _sze_ isz-pu-uk
27. i-na sza-na-at
28. a-na _1(asz) sze gur-e 5(disz) sila3 sze_
29. _a2_ na-asz-pa-ki-im
30. i-na-ad-di-in
@law 122
31. szum-ma a-wi-lum
32. a-na a-wi-lim
33. _ku3-babbar ku3-sig17_
34. u3 mi-im-ma szum-szu
35. a-na ma-s,a-ru-tim
36. i-na-ad-di-in
37. mi-im-ma ma-la
38. i-na-ad-di-nu
39. szi-bi-u2-kal2-lam
40. ri-ik-sa-tim
41. i-sza-ak-ka-an-ma
42. a-na ma-s,a-ru-tim
43. i-na-ad-di-in
@law 123
44. szum-ma ba-lum szi-bi
45. u3 ri-ik-sa-tim
46. a-na ma-s,a-ru-tim
47. id-di-in-ma
48. a-sar id-di-nu
49. it-ta-ak-ru-szu
50. di-nu-um szu-u2
51. ru-gu-um-ma-am
52. u2-ul i-szu
@law 124
53. szum-ma a-wi-lum
54. a-na a-wi-lim
55. _ku3-babbar ku3-sig17_
56. u3 mi-im-ma szum-szu
57. ma-har szi-bi
58. a-na ma-s,a-ru-tim
59. id-di-in-ma
60. it-ta-ki-ir-szu
61. a-wi-lam szu-a-ti
62. u2-ka-an-nu-szu-ma
63. mi-im-ma sza ik-ki-ru
64. usz-ta-sza-na-ma
65. i-na-ad-di-in
@law 125
66. szum-ma a-wi-lum
67. mi-im-ma-szu
68. a-na ma-s,a-ru-tim id-di-in-ma
69. a-szar id-di-nu
70. u3 lu a-na pi2-il-szi-im
71. u3 lu i-na na-ba;-al-ka-at-tim
73. mi-im-mu-szu
74. it-ti mi-im-me-e
75. be-el _e2_ ih-ta-li-iq be-el _e2_ sza i-gu-ma
76. mi-im-ma sza a-na
77. ma-s,a-ru-tim id-di-nu-szum-ma
78. u2-hal-li-qu2
79. u2-sza-lam-ma
@column 5
1. a-na be-el _nig2-gur11_
2. i-ri-a-ab
3. be-el _e2_
4. mi-im-ma-szu hal-qa2-am
5. isz#-te-ne-i-ma
6. [it]-ti szar-ra-qa2-ni-szu
7. i-le-qe2
@law 126
8. szum-ma# [a]-wi-lum
9. mi-im-mu-szu
10. la ha-li-iq#-ma
11. mi-im-me-e
12. ha-li-iq iq-ta-bi
13. ba-ab-ta-szu
14. u2-te-eb-bi-ir
15. ki-ma mi-im-mu-szu
16. la hal-qu2
17. ba-ab-ta-szu
18. i-na ma-har i-lim
19. u2-ba-ar-szu-ma
20. mi-im-ma
21. sza ir-gu-mu
22. usz-ta-sza-na-ma
23. a-na ba-ab-ti-szu
24. i-na-ad-di-in
@law 127
25. szum-ma a-wi-lum
26. e-li _nin-dingir_
27. u3 a-sza-at a-wi-lim
28. u2-ba-nam u2-sza-at-ri-is,-ma
29. la uk-ti-in
30. a-wi-lam szu-a-ti
31. ma-har da-a-a-ni
32. i-na-ad-du-u2-szu
33. u3 mu-ut-ta-su2
34. u2-gal-la-bu
@law 128
35. szum-ma a-wi-lum
36. asz-sza-tam
37. i-hu-uz-ma
38. ri-ik-sa-ti-sza
39. la isz-ku-un
40. _munus_ szi-i
41. u2-ul asz-sza-at
@law 129
42. szum-ma asz-sza-at a-wi-lim
43. it-ti zi-ka-ri-im
44. sza-ni-im
45. i-na i-tu-lim
46. it-ta-as,-bat
47. i-ka-su2-szu-nu-ti-ma
48. a-na me-e
49. i-na-ad-du-u2-szu-nu-ti
50. szum-ma be-el asz-sza-tim
51. asz-sza-su2 u2-ba-la-at,
52. u3 szar-ru-um
53. _ARAD2_-su2 u2-ba-la-at,
@law 130
54. szum-ma a-wi-lum
55. asz-sza-at a-wi-lim
56. sza zi-ka-ra-am
57. la i-du-u2-ma
58. i-na _e2_ a-bi-sza
59. wa-asz-ba-at
60. u2-kab-bil2-szi-ma
61. i-na su-ni-sza
62. it-ta-ti-il-ma
63. is,-s,a-ab-tu-szu
64. a-wi-lum szu-u2
65. id-da-ak
66. _munus_ szi-i
67. u2-ta-a-sza-ar
@law 131
68. szum-ma asz#-sza-at
69. a-wi-lim
70. mu-sa3 u2-ub-bi-ir-szi-ma
71. it-ti zi-ka-ri-im sza-ni-im
72. i-na u2-tu-lim
73. la is,-s,a-bi-it
74. ni-isz i-lim
75. i-za-kar-ma
76. a-na _e2_-sza i-ta-ar
@law 132
77. szum-ma asz-sza-at
78. a-wi-lim
79. asz-szum zi-ka-ri-im sza-ni-im
80. u2-ba-nu-um
81. e-li-sza
82. it-ta-ri-is,-ma
83. it-ti zi-ka-ri-im
@column 6
1. sza-ni-im
2. i-na u2-tu-lim
3. la it-ta-as,-ba-at
4. a-na mu-ti-sza
5. {d}i7
6. i-sza-al-li
@law 133
7. szum-ma a-wi-lum
8. isz-sza-li-il-ma
9. i-na _e2_-szu
10. sza a-ka-lim
11. [i]-ba-asz-szi
12. [asz-sza]-su2
13. [a-di mu?]-sa3 [s,a-ab]-tu#?
14. [pa-gar3]-sza#
15. [i-na-s,a]-ar#
16. [a-na _e2_ sza-ni]-im#
17. [u2-ul i-ir]-ru-ub
18. szum#-[ma] _munus_ szi-i
19. [pa]-gar3#-sza
20. la is,-s,ur-ma
21. a-na _e2_ sza-ni-im
22. i-te-ru-ub
23. _munus_ szu-a-ti
24. u2-ka-an-nu-szi-ma
25. a-na me-e
26. i-na-ad-du-u2-szi
@law 134
27. szum-ma a-wi-lum
28. isz-sza-li-il-ma
29. i-na _e2_-szu
30. sza a-ka-li-im
31. la i-ba-asz-szi
32. asz-sza-su2
33. a-na _e2_ sza-ni-im
34. i-ir-ru-ub
35. _munus_ szi-i
36. ar-nam u2-ul i-szu
@law 135
37. szum-ma a-wi-lum
38. isz-sza-li-il-ma
39. i-na _e2_-szu
40. sza a-ka-li-im
41. la i-ba-asz-szi
42. a-na pa-ni-szu
43. asz-sza-su2
44. a-na _e2_ sza-ni-im
45. i-te-ru-ub-ma
46. _dumu-mesz_ it-ta-la-ad
47. i-na wa-ar-ka
48. mu-sa3 it-tu-ra-am-ma
49. _iri_-szu
50. ik-ta-asz2-dam
51. _munus_ szi-i
52. a-na ha-wi-ri-sza
53. i-ta-ar
54. _dumu-mesz_ wa-ar-ki
55. a-bi-szu-nu
56. i-il-la-ku
@law 136
57. szum-ma a-wi-lum
58. _iri_-szu id-di-ma
59. it-ta-bi-it
60. wa-ar-ki-szu
61. asz-sza-su2
62. a-na _e2_ sza-ni-im
63. i-te-ru-ub
64. szum-ma a-wi-lum szu-u2
65. it-tu-ra-am-ma
66. asz-sza-su2
67. is,-s,a-ba-at
68. asz-szum _iri_-szu
69. i-ze-ru-ma
70. in-na-bi-tu
71. asz-sza-at mu-na-ab-tim
72. a-na mu-ti-sza
73. u2-ul i-ta-ar
@law 137
74. szum-ma a-wi-lum
75. a-na {munus}szu-gi4-tim
76. sza _dumu-mesz_ ul-du-szum u3 lu _lukur_ sza _dumu-mesz_
77. u2-szar-szu-szu
78. e-ze2-bi-im
79. pa-ni-szu
80. isz-ta-ka-an
81. a-na _munus_ szu-a-ti
82. sze-ri-ik-ta-sza
83. u2-ta-ar-ru-szi-im
84. u3 mu-ut-ta-at
85. _a-sza3 {gesz}kiri6_ u3 bi-szi-im
@column 7
1. i-na-ad-di-nu-szi-im-ma
2. _dumu-mesz_-sza
3. u2-ra-ab-ba
4. isz-tu _dumu-mesz_-sza
5. ur2-ta-ab-bu-u2
6. i-na mi-im-ma
7. sza a-na _dumu-mesz_-sza
8. in-na-ad-nu
9. zi2-it-tam
10. ki-ma ap-lim isz-te-en
11. i-na-ad-di-nu-szi-im-ma
12. mu-tu li-ib-bi-sza
13. i-ih-ha-as-si2
@law 138
14. szum-ma a-wi-lum
15. hi-ir-ta-szu
16. sza _dumu-mesz_ la ul-du-szum
17. i-iz-zi-ib
18. _ku3-babbar_ ma-la
19. ter-ha-ti-sza
20. i-na-ad-di-isz-szi-im
21. u3 sze-ri-ik-tam
22. sza isz-tu _e2_ a-bi-sza ub-lam
23. u2-sza-lam-szi-im-ma
24. i-iz-zi-ib-szi
@law 139
25. szum-ma ter-ha-tum
26. la i-ba-asz-szi
27. 1(disz) ma-na _ku3-babbar_
28. a-na u2-zu-ub-be2-em
29. i-na-ad-di-isz-szi-im
@law 140
30. szum-ma _|MASZ.EN.GAG|!_
# MASZ-EN-NI
31. 1/3(disz) _ma-na ku3-babbar_
32. i-na-ad-di-isz-szi-im
@law 141
33. szum-ma asz-sza-at a-wi-lim
34. sza i-na _e2_ a-wi-lim
35. wa-asz-ba-at
36. a-na wa-s,e-em
37. pa-ni-sza
38. isz-ta-ka-an-ma
39. si2-ki-il-tam
40. i-sa3-ak-ki-il
41. _e2_-sa3 u2-sa3-ap-pa-ah
42. mu-sa3 u2-sza-am-t,a
43. u2-ka-an-nu-szi-ma
44. szum-ma mu-sa3
45. e-ze2-eb-sza
46. iq-ta-bi
47. i-iz-zi-ib-szi
48. ha-ra-an-sza
49. u2-zu-ub-bu-sza
50. mi-im-ma
51. u2-ul in-na-ad-di-isz-szi-im
52. szum-ma mu-sa3
53. la e-ze2-eb-sza iq-ta-bi
54. mu-sa3 _munus_ sza-ni-tam
55. i-ih-ha-az
56. _munus_ szi-i
57. ki-ma _geme2_
58. i-na _e2_ mu-ti-sza
59. usz-sza-ab
@law 142
60. szum-ma _munus_ mu-sa3 i-ze-er-ma
61. u2-ul ta-ah-ha-za-an-ni
62. iq-ta-bi
63. wa-ar-ka-sa3
64. i-na ba-ab-ti-sza
65. ip-pa-ar-ra-as2-ma
66. szum-ma na-as,-ra-at-ma
67. hi-t,i-tam
68. la i-szu
69. u3 mu-sa6
70. wa-s,i2-ma
71. ma-ga-al
72. u2-sza-am-t,a-szi
73. _munus_ szi-i
@column 8
1. ar-nam u2-ul i-szu
2. sze-ri-ik-ta-sza
3. i-le-qe2-ma
4. a-na _e2_ a-bi-sza
5. it-ta-al-la-ak
@law 143
6. szum-ma la na-as,-ra-at-ma
7. wa-s,i2-a-at
8. bi-sa3 u2-sa3-ap-pa-ah
9. mu-sa3 u2-sza-am-t,a
10. _munus_ szu-a-ti
11. a-na me-e
12. i-na-ad-du-u2-szi
@law 144
13. szum-ma a-wi-lum
14. _lukur_ i-hu-uz-ma
15. _lukur_ szi-i
16. _geme2_ a-na mu-ti-sza
17. id-di-in-ma
18. _dumu-mesz_ usz-tab-szi
19. a-wi-lum szu-u2
20. a-na {munus}szu-gi4-tim
21. a-ha-zi-im
22. pa-ni-szu
23. isz-ta-ka-an
24. a-wi-lam szu-a-ti
25. u2-ul i-ma-ag-ga-ru-szu
26. {munus}szu-gi4-tam
27. u2-ul i-ih-ha-az
@law 145
28. szum-ma a-wi-lum
29. _lukur_ i-hu-uz-ma
30. _dumu-mesz_ la u2-szar-szi-szu-ma
31. a-na {munus}szu-gi4-tim
32. a-ha-zi-im
33. pa-ni-szu
34. isz-ta-ka-an
35. a-wi-lum szu-u2
36. {munus}szu-gi4-tam
37. i-ih-ha-az
38. a-na _e2_-szu
39. u2-sze-er-re-eb-szi
40. {munus}szu-gi4-tum szi-i
41. it-ti _lukur_
42. u2-ul usz-ta-ma-ah-ha-ar
@law 146
43. szum-ma a-wi-lum
44. _lukur_ i-hu-uz-ma
45. _geme2_ a-na mu-ti-sza
46. id-di-in-ma
47. _dumu-mesz_ it-ta-la-ad
48. wa-ar-ka-nu-um
49. _geme2_ szi-i
50. it-ti be-el-ti-sza
51. usz-ta-tam-hi-ir
52. asz-szum _dumu-mesz_ ul-du
53. be-le-sa3
54. a-na _ku3-babbar_
55. u2-ul i-na-ad-di-isz-szi
56. ab-bu-ut-tam
57. i-sza-ak-ka-an-szi-ma
58. it-ti _geme2 hi-a_
59. i-ma-an-nu-szi
@law 147
60. szum-ma _dumu-mesz_
61. la u2-li-id
62. be-le-sa3
63. a-na _ku3-babbar_
64. i-na-ad-di-isz-szi
@law 148
65. szum-ma a-wi-lum
66. asz-sza-tam
67. i-hu-uz-ma
68. la-a'-bu-um
69. is,-s,a-ba-as-si2
70. a-na sza-ni-tim
71. a-ha-zi-im
72. pa-ni-szu
73. isz-ta-ka-an
74. i-ih-ha-az
75. asz-sza-su2
76. sza la-a'-bu-um
77. is,-ba-tu
78. u2-ul i-iz-zi-ib-szi
79. i-na _e2_ i-pu-szu
80. usz-sza-am-ma
81. a-di ba-al-t,a-at it-ta-na-asz-szi-szi
@column 9
@law 149
1. szum-ma _munus_ szi-i
2. i-na _e2_ mu-ti-sza
3. wa-sza-ba-am
4. la im-ta-gar3
5. sze-ri-ik-ta-sza
6. sza isz-tu _e2_ a-bi-sza
7. ub-lam
8. u2-sza#-lam-szim-ma
9. it-ta-al-la-ak
@law 150
10. szum-ma a-wi-lum
11. a-na asz-sza-ti-szu
12. _a-sza3 {gesz}kiri6 e2_
13. u3 bi-sza-am
14. isz-ru-uk-szim
15. ku-nu-uk-kam
16. i-zi-ib-szi-im
17. wa-ar-ki mu-ti-sza
18. _dumu-mesz_-sza u2-ul i-ba-qa2-ru-szi
19. um-mu-um
20. wa-ar-ka-sa3
21. a-na _dumu_-sza
22. sza i-ra-am-mu
23. i-na-ad-di-in
24. a-na a-hi-im
25. u2-ul i-na-ad-di-in
@law 151
26. szum-ma _munus_
27. sza i-na _e2_ a-wi-lim
28. wa-asz-ba-at
29. asz-szum be-el hu-bu-ul-lim
30. sza mu-ti-sza
31. la s,a-ba-ti-sza
32. mu-sa3 ur2-ta-ak-ki-is
33. t,up-pa-am
34. usz-te-zi-ib
35. szum-ma a-wi-lum
36. la-ma _munus_ szu-a-ti
37. i-ih-ha-zu
38. hu-bu-ul-lum
39. e-li-szu
40. i-ba-asz-szi
41. be-el hu-bu-ul-li-szu
42. asz-sza-su2
43. u2-ul i-s,a-ba-tu
44. u3 szum-ma _munus_ szi-i
45. la-ma a-na _e2_ a-wi-lim
46. i-ir-ru-bu
47. hu-bu-ul-lum
48. e-li-sza
49. i-ba-asz-szi
50. be-el hu-bu-ul-li-sza
51. mu-sa3 u2-ul i-s,a-ba-tu
@law 152
52. szum-ma isz-tu
53. _munus_ szi-i
54. a-na _e2_ a-wi-lim
55. i-ru-bu
56. e-li-szu-nu
57. hu-bu-ul-lum
58. it-tab-szi
59. ki-la-la-szu-nu
60. _dam-gar3_ i-ip-pa-lu
@law 153
61. szum-ma asz-sza-at a-wi-lim
62. asz-szum zi-ka-ri-im
63. sza-ni-im
64. mu-sa3 usz-di-ik
65. _munus_ szu-a-ti i-na ga-szi-szi-im
66. i-sza-ak-ka-nu-szi
@law 154
67. szum-ma a-wi-lum
68. _dumu-munus_-su2
69. il-ta-ma-ad
70. a-wi-lam szu-a-ti
71. _iri_ u2-sze-es,-s,u2-u2-szu
@law 155
72. szum-ma a-wi-lum
73. a-na _dumu_-szu
74. _e2-gi4-a_ i-hi-ir-ma
75. _dumu_-szu il-ma-si2
76. szu-u2 wa-ar-ka-nu-um
77. i-na su2-ni-sza
78. it-ta-ti-il-ma
79. is,-s,a-ab-tu-szu
80. a-wi-lam szu-a-ti
81. i-ka-su2-szu-ma
82. a-na me-e
@column 10
1. i-na-ad-du-u2-szi!
@law 156
2. szum-ma a-wi-lum
3. a-na _dumu_-szu
4. _e2-gi4-a_
5. i-hi-ir-ma
6. _dumu_-szu la il-ma-si2-ma
7. szu-u2 i-na su2-ni-sza
8. it-ta-ti-il
9. 1/2(disz) _ma-na ku3-babbar_
10. i-sza-qal-szi-im-ma
11. u3 mi-im-ma
12. sza isz-tu
13. _e2_ a-bi-sza
14. ub-lam
15. u2-sza-lam-szi-im-ma
16. mu-tu li-ib-bi-sza
17. i-ih-ha-as-si2
@law 157
18. szum-ma a-wi-lum
19. wa-ar-ki a-bi-szu
20. i-na su2-un um-mi-szu
21. i-ta-ti-il
22. ki-la-li-szu-nu
23. i-qal-lu-u2-szu-nu-ti
@law 158
24. szum-ma a-wi-lum
25. wa-ar-ki a-bi-szu
26. i-na su2-un
27. ra-bi-ti-szu
28. sza _dumu-mesz_ wa-al-da-at
29. it-ta-as,-ba-at
30. a-wi-lum szu-u2
31. i-na _e2 a-ba_
32. in-na-as-sa3-ah
@law 159
33. szum-ma a-wi-lum
34. sza a-na _e2_ e-mi-szu
35. bi-ib-lam
36. u2-sza-bi-lu
37. ter-ha-tam id-di-nu
38. a-na _munus_ sza-ni-tim
39. ub-ta-al-li-is,-ma
40. a-na e-mi-szu
41. _dumu-munus_-ka
42. u2-ul a-ha-az iq-ta-bi
43. a-bi _dumu-munus_
44. mi-im-ma
45. sza ib-ba-ab-lu-szum
46. i-tab-ba-al
@law 160
47. szum-ma a-wi-lum
48. a-na _e2_ e-mi-im
49. bi-ib-lam
50. u2-sza-bi-il
51. ter-ha-tam
52. id-di-in-ma
53. a-bi _dumu-munus_
54. _dumu-munus_-i u2-ul a-na-ad-di-ik-kum
55. iq-ta-bi
56. mi-im-ma ma-la
57. ib-ba-ab-lu-szum
58. usz-ta-sza-an-na-ma
59. u2-ta-ar
@law 161
60. szum-ma a-wi-lum
61. a-na _e2_ e-mi-szu
62. bi-ib-lam u2-sza-bil2
63. ter-ha-tam
64. id-di-in-ma
65. i-bi-ir-szu
66. uk-tar-ri-su2
67. e-mu-szu
68. a-na be-el asz-sza-tim
69. _dumu-munus_-i u2-ul ta-ah-ha-az
70. iq-ta-bi
71. mi-im-ma ma-la
72. ib-ba-ab-lu-szum
73. usz-ta-sza-an-na-ma
74. u2-ta-ar
75. u3 asz-sza-su2
76. i-bi-ir-szu
77. u2-ul i-ih-ha-az
@law 162
78. szum-ma a-wi-lum
79. asz-sza-tam
80. i-hu-uz
81. _dumu-mesz_ u2-li-sum2-ma
82. _munus_ szi-i
83. a-na szi-im-tim
@column 11
1. it-ta-la-ak
2. a-na sze-ri-ik-ta-sza
3. a-bu-sza
4. u2-ul i-ra-ag-gu-um
5. sze-ri-ik-ta-sza
6. sza _dumu-mesz_-sza-ma
@law 163
7. szum-ma a-wi-lum
8. asz-sza-tam
9. i-hu-uz-ma
10. _dumu-mesz_ la u2-szar-szi-szu
11. _munus_ szi-i
12. a-na szi-im-tim
13. it-ta-la-ak
14. szum-ma ter-ha-tam
15. sza a-wi-lum szu-u2
16. a-na _e2_ e-mi-szu ub-lu
17. e-mu-szu
18. ut-te-er-szum
19. a-na sze-ri-ik-ti
20. _munus_ szu-a-ti
21. mu-sa3 u2-ul i-ra-ag-gu-um
22. sze-ri-ik-ta-sza
23. sza _e2_ a-bi-sza-ma
@law 164
24. szum-ma e-mu-szu
25. ter-ha-tam
26. la ut-te-er-szum
27. i-na sze-ri-ik-ti-sza
28. ma-la ter-ha-ti-sza
29. i-har-ra-as,-ma
30. sze-ri-ik-ta-sza
31. a-na _e2_ a-ta!-sza
32. u2-ta-ar
@law 165
33. szum-ma a-wi-lum
34. a-na _ibila_-szu
35. sza i-in-szu mah-ru
36. _a-sza3 {gesz}kiri6_ u3 _e2_
37. isz-ru-uk
38. ku-nu-kam isz-t,ur-szum
39. wa-ar-ka a-bu-um
40. a-na szi-im-tim
41. it-ta-al-ku
42. i-nu-ma ah-hu
43. i-zu-uz-zu
44. qi2-isz-ti a-bu-um
45. id-di-nu-szum
46. i-le-qe2-ma
47. e-le-nu-um-ma
48. i-na _nig2-gur11 e2 a-ba_
49. mi-it-ha-ri-isz
50. i-zu-uz-zu
@law 166
51. szum-ma a-wi-lum
52. a-na _dumu-mesz_ sza ir-szu-u2
53. asz-sza-tim i-hu-uz
54. a-na _dumu_-szu
55. s,e-eh-ri-im
56. asz-sza-tam
57. la i-hu-uz
58. wa-ar-ka a-bu-um
59. a-na szi-im-tim
60. it-ta-al-ku
61. i-nu-ma ah-hu
62. i-zu-uz-zu
63. i-na _nig2-gur11 e2 a-ba_
64. a-na a-hi-szu-nu
65. s,e-eh-ri-im
66. sza asz-sza-tam
67. la ah-zu
68. e-li-a-at
69. zi-it-ti-szu
70. _ku3-babbar_ ter-ha-tim
71. i-sza-ak-ka-nu-szum-ma
72. asz-sza-tam
73. u2-sza-ah-ha-zu-szu
@law 167
74. szum-ma a-wi-lum
75. asz-sza-tam
76. i-hu-uz-ma
77. _dumu-mesz_ u2-li-sum2
78. _munus_ szi-i
79. a-na szi-im-tim
80. it-ta-la-ak
81. wa-ar-ki-sza
82. _munus_ sza-ni-tam
83. i-ta-ha-az-ma
84. _dumu-mesz_ it-ta-la-ad
85. wa-ar-ka-nu-um
86. a-bu-um a-na szi-im-tim
87. it-ta-al-ku
@column 12
1. _dumu-mesz_ a-na um-ma-tim
2. u2-ul i-zu-uz-zu
3. sze-ri-ik-ti
4. um-ma-ti-szu-nu
5. i-le-qu2-ma
6. _nig2-gur11 e2 a-ba_
7. mi-it-ha-ri-isz
8. i-zu-uz-zu
@law 168
9. szum-ma a-wi-lum
10. a-na _dumu_-szu
11. na-sa-hi-im
12. pa-nam isz-ta-ka-an
13. a-na da-a-a-ni
14. _dumu_-i a-na-sa3-ah iq-ta-bi
15. da-a-a-nu
16. wa-ar-ka-su2
17. i-par2-ra-su-ma
18. szum-ma _dumu_ ar-nam kab-tam
19. sza i-na ap-lu-tim
20. na-sa-hi-im
21. la ub-lam
22. a-bu-um _dumu_-szu
23. i-na ap-lu-tim
24. u2-ul i-na-sa3-ah
@law 169
25. szum-ma ar-nam kab-tam
26. sza i-na ap-lu-tim
27. na-sa-hi-im
28. a-na a-bi-szu
29. it-ba-lam
30. a-na isz-ti-isz-szu
31. pa-ni-szu ub-ba-lu
32. szum-ma ar-nam kab-tam
33. a-di szi-ni-szu it-ba-lam
34. a-bu-um _dumu_-szu
35. i-na ap-lu-tim
36. i-na-sa3-ah
@law 170
37. szum-ma a-wi-lum
38. hi-ir-ta-szu
39. _dumu-mesz_ u2-li-sum2
40. u3 _geme2_-su2
41. _dumu-mesz_ u2-li-sum2
42. a-bu-um
43. i-na bu-ul-t,i3-szu
44. a-na _dumu-mesz_ sza _geme2_ ul-du-szum
45. _dumu-mesz_-u2-a iq-ta-bi
46. it-ti _dumu-mesz_ hi-ir-tim
47. im-ta-nu-szu-nu-ti
48. wa-ar-ka a-bu-um
49. a-na szi-im-tim
50. it-ta-al-ku
51. i-na _nig2-gur11 e2 a-ba_
52. _dumu-mesz_ hi-ir-tim
53. u3 _dumu-mesz geme2_
54. mi-it-ha-ri-isz
55. i-zu-uz-zu
56. _ibila dumu_ hi-ir-tim
57. i-na zi-it-tim
58. i-na-sa3-aq-ma
59. i-le-qe2
@law 171
60. u3 szum-ma a-bu-um
61. i-na bu-ul-t,i3-szu
62. a-na _dumu-mesz_ sza _geme2_ ul-du-szum
63. _dumu-mesz_-u2-a la iq-ta-bi
64. wa-ar-ka a-bu-um
65. a-na szi-im-tim
66. it-ta-al-ku
67. i-na _nig2-gur11 e2 a-ba_
68. _dumu-mesz geme2_
69. it-ti _dumu-mesz_ hi-ir-tim
70. u2-ul i-zu-uz-zu
71. an-du-ra-ar
72. _geme2_ u3 _dumu-mesz_-sza
73. isz-sza-ak-ka-an
74. _dumu-mesz_ hi-ir-tim
75. a-na _dumu-mesz geme2_
76. a-na wa-ar-du-tim
77. u2-ul i-ra-ag-gu-mu
78. hi-ir-tum
79. sze-ri-ik-ta-sza
80. u3 nu-du-un-na-am
81. sza mu-sa3
82. id-di-nu-szi-im
83. i-na t,up-pi2-im
84. isz-t,u2-ru-szi-im
85. i-le-qe2-ma
86. i-na szu-ba-at
87. mu-ti-sza usz-sza-ab
@column 13
1. a-di ba-al-t,a-at i-ik-ka-al
2. a-na _ku3-babbar_
3. u2-ul i-na-ad-di-in
4. wa-ar-ka-sa3
5. sza _dumu-mesz_-sza-ma
@law 172
6. szum-ma mu-sa3
7. nu-du-un-na-am
8. la id-di-isz-szi-im
9. sze-ri-ik-ta-sza
10. u2-sza-la-mu-szi-im-ma
11. i-na _nig2-gur11_
12. _e2_ mu-ti-sza
13. zi2-it-tam
14. ki-ma _ibila_ isz-te-en
15. i-le-qe2
16. szum-ma _dumu-mesz_-sza
17. asz-szum i-na _e2_ szu-s,i2-im
18. u2-sa3-ah-ha-mu-szi
19. da-a-a-nu
20. wa-ar-ka-sa3
21. i-par2-ra-su-ma
22. _dumu-mesz_ ar-nam
23. i-im-mi-du
24. _munus_ szi-i
25. i-na _e2_ mu-ti-sza
26. u2-ul us,-s,i2
27. szum-ma _munus_ szi-i
28. a-na wa-s,e-em
29. pa-ni-sza
30. isz-ta-ka-an
31. nu-du-un-na-am
32. sza mu-sa3
33. id-di-nu-szi-im
34. a-na _dumu-mesz_-sza
35. i-iz-zi-ib
36. sze-ri-ik-tam
37. sza _e2_ a-bi-sza
38. i-le-qe2-ma
39. mu-ut li-ib-bi-sza
40. i-ih-ha-as-si2
@law 173
41. szum-ma _munus_ szi-i
42. a-szar i-ru-bu
43. a-na mu-ti-sza
44. wa-ar-ki-im
45. _dumu-mesz_ it-ta-la-ad
46. wa-ar-ka _munus_ szi-i im-tu-ut
47. sze-ri-ik-ta-sza
48. _dumu-mesz_ mah-ru-tum
49. u3 wa-ar-ku-tum
50. i-zu-uz-zu
@law 174
51. szum-ma a-na mu-ti-sza
52. wa-ar-ki-im
53. _dumu-mesz_ la it-ta-la-ad
54. sze-ri-ik-ta-sza
55. _dumu-mesz_ ha-wi-ri-sza-ma
56. i-le-qu2-u2
@law 175
57. szum-ma lu _ARAD2 e2-gal_
58. u3 lu _ARAD2_
59. _|MASZ.EN.GAG|_
60. _dumu-munus_ a-wi-lim
61. i-hu-uz-ma
62. _dumu-mesz_
63. it-ta-la-ad
64. be-el _ARAD2_
65. a-na _dumu-mesz_
66. _dumu-munus_ a-wi-lim
67. a-na wa-ar-du-tim
68. u2-ul i-ra-ag-gu-um
@law 176
69. u3 szum-ma _ARAD2 e2-gal_
70. u3 lu _ARAD2 |MASZ.EN.GAG|_
71. _dumu-munus_ a-wi-lim
72. i-hu-uz-ma
73. i-nu-ma i-hu-zu-szi
74. qa2-du-um
75. sze-ri-ik-tim
76. sza _e2_ a-bi-sza
77. a-na _e2 ARAD2 e2-gal_
78. u3 lu _ARAD2 |MASZ.EN.GAG|_
79. i-ru-ub-ma
80. isz-tu in-ne-em-du
81. _e2_ i-pu-szu
82. bi-sza-am ir-szu-u2
83. wa-ar-ka-nu-um-ma
84. lu _ARAD2 e2-gal_
85. u3 lu _ARAD2 |MASZ.EN.GAG|_
86. a-na szi-im-tim
87. it-ta-la-ak
88. _dumu-munus_ a-wi-lim
89. sze-ri-ik-ta-sza
90. i-le-qe2
91. u3 mi-im-ma
92. sza mu-sa3 u3 szi-i
@column 14
1. isz-tu in-ne-em-du
2. ir-szu-u2
3. a-na szi-ni-szu
4. i-zu-uz-zu-ma
5. mi-isz-lam be-el _ARAD2_
6. i-le-qe2
7. mi-isz-lam
8. _dumu-munus_ a-wi-lim
9. a-na _dumu-mesz_-sza i-le-qe2
10. szum-ma _dumu-munus_ a-wi-lim
11. sze-ri-ik-tam la i-szu
12. mi-im#-ma sza mu-sa3 u3 szi-i
13. isz-tu in-ne-em-du
14. ir-szu-u2
15. a-na szi-ni-szu
16. i-zu-uz-zu-ma
17. mi-isz-lam be-el _ARAD2_
18. i-le-qe2
19. mi-isz-lam
20. _dumu-munus_ a-wi-lim
21. a-na _dumu-mesz_-sza i-le-qe2
@law 177
22. szum-ma _nu-mu-su_
23. sza _dumu-mesz_-sza
24. s,e-eh-he-ru
25. a-na _e2_ sza-ni-im
26. e-re-bi-im
27. pa-ni-sza
28. isz-ta-ka-an
29. ba-lum da-a-a-ni
30. u2-ul i-ir-ru-ub
31. i-nu-ma
32. a-na _e2_ sza-ni-im
33. i-ir-ru-bu
34. da-a-a-nu
35. wa-ar-ka-at
36. _e2_ mu-ti-sza
37. pa-ni-im
38. i-par2-ra-su-ma
39. _e2_ sza mu-ti-sza
40. pa-ni-im
41. a-na mu-ti-sza
42. wa-ar-ki-im
43. u3 _munus_ szu-a-ti
44. i-pa-aq-qi2-du-ma
45. t,up-pa-am
46. u2-sze-ez-ze-bu-szu-nu-ti
47. _e2_ i-na-s,a-ru
48. u3 s,e-eh-he-ru-tim
49. u2-ra-ab-bu-u2
50. u2-ni-a-tim
51. a-na _ku3-babbar_
52. u2-ul i-na-ad-di-nu
53. sza-a-a-ma-nu-um
54. sza u2-nu-ut
55. _dumu-mesz nu-mu-su_
56. i-sza-am-mu
57. i-na _ku3-babbar_-szu
58. i-te-el-li
59. _nig2-gur11_ a-na be-li2-szu
60. i-ta-ar
@law 178
61. szum-ma _nin-dingir lukur_
62. u3 lu {munus}_zi-ik-ru-um_
63. sza a-bu-sza
64. sze-ri-ik-tam
65. isz-ru-uk-szi-im
66. t,up-pa-am
67. isz-t,u2-ru-szi-im
68. i-na t,up-pi2-im
69. sza isz-t,u2-ru-szi-im
70. wa-ar-ka-sa3
71. e-me e-li-sza
72. t,a-bu na-da-nam
73. la isz-t,ur-szi-im-ma
74. ma-la li-ib-bi-sza
75. la u2-sza-am-s,i2-szi
76. wa-ar-ka a-bu-um
77. a-na szi-im-tim
78. it-ta-al-ku
79. _a-sza3_-sza u3 _kiri6_-sza
80. ah-hu-sza
81. i-le-qu2-ma
82. ki-ma e-mu-uq
83. zi-it-ti-sza
84. _sze-ba i3-ba_ u3 _siki-ba_
85. i-na-ad-di-nu-szim-ma
86. li-ib-ba-sza
87. u2-t,a-ab-bu
88. szum-ma ah-hu-sza
89. ki-ma e-mu-uq
90. zi-it-ti-sza
91. _sze-ba i3-ba_ u3 _siki-ba_
92. la it-ta-ad-nu-szi-im-ma
@column 15
1. li-ib-ba-sza
2. la ut,-t,i-ib-bu
3. _a-sza3_-sza u3 _kiri6_-sza
4. a-na er-re-szi-im
5. sza e-li-sza t,a-bu
6. i-na-ad-di-in-ma
7. er-re-sa3
8. it-ta-na-asz-szi-szi
9. _a-sza3 {gesz}kiri6_
10. u3 mi-im-ma
11. sza a-bu-sza
12. id-di-nu-szi-im
13. a-di ba-al-t,a-at i3-kal
14. a-na _ku3-babbar_
15. u2-ul i-na-ad-di-in
16. sza-ni-a-am
17. u2-ul u2-up-pa-al
18. ap-lu-sa3
19. sza ah-hi-sza-ma
@law 179
20. szum-ma _nin-dingir lukur_
21. u3 lu {munus}_zi-ik-ru-um_
22. sza a-bu-sza
23. sze-ri-ik-tam
24. isz-ru-uk-szi-im
25. ku-nu-kam
26. isz-t,u2-ru-szi-im
27. i-na t,up-pi2-im
28. sza isz-t,u2-ru-szi-im
29. wa-ar-ka-sa3
30. e-ma e-li-sza t,a-bu
31. na-da-nam
32. isz-t,ur-szi-im-ma
33. ma-la li-ib-bi-sza
34. usz-tam-s,i2-szi
35. wa-ar-ka a-bu-um
36. a-na szi-im-tim
37. it-ta-al-ku
38. wa-ar-ka-sa3
39. e-ma e-li-sza t,a-bu
40. i-na-ad-di-in
41. ah-hu-sza
42. u2-ul i-ba-aq-qa2-ru-szi
@law 180
43. szum-ma a-bu-um
44. a-na _dumu-munus_-szu
45. _lukur ga2-gi4-a_
46. u3 lu {munus}_zi-ik-ru-um_
47. sze-ri-ik-tam
48. la isz-<ru>-uk-szi-im
49. wa-ar-ka a-bu-um
50. a-na szi-im-tim
51. it-ta-al-ku
52. i-na _nig2-gur11 e2 a-ba_
53. zi2-it-tam ki-ma
54. ap-lim isz-te-en
55. i-za-az-ma
56. a-di ba-al-t,a-at
57. i-ik-ka-al
58. wa-ar-ka-sa3
59. sza ah-hi-sza-ma
@law 181
60. szum-ma a-bu-um
61. _lukur nu-gig_
62. u3 lu _nu-bar_
63. a-na _dingir_ isz-szi-ma
64. sze-ri-ik-tam
65. la isz-ru-uk-szi-im
66. wa-ar-ka a-bu-um
67. a-na szi-im-tim
68. it-ta-al-ku
69. i-na _nig2-gur11 e2 a-ba_
70. _igi 3(disz)-gal2 ibila_-sza
71. i-za-az-ma
72. a-di ba-al-t,a-at
73. i-ik-ka-al
74. wa-ar-ka-sa3
75. sza ah-hi-sza-am-ma
@law 182
76. szum-ma a-bu-um
77. a-na _dumu-munus_-szu
78. _lukur_ {d}marduk
79. sza babila#{ki}
80. sze-ri-ik-tam
81. la isz-ru-uk-szi-im
82. ku-nu-kam
83. la isz-t,ur-szi-im
84. wa-ar-ka a-bu-um
85. a-na szi-im-tim
86. it-ta-al-ku
87. i-na _nig2-gur11 e2 a-ba_
88. _igi 3(disz)-gal2 ibila_-sza
89. it-ti ah-hi-sza
90. i-za-az-ma
91. il-kam
92. u2-ul i-il-la-ak
93. _lukur_ {d}marduk
94. wa-ar-ka-sa3
95. e-ma e-li-sza
96. t,a-bu
@column 16
1. i-na-ad-di-in
@law 183
2. szum-ma a-bu-um
3. a-na _dumu-munus_-szu szu-gi4-tim
4. sze-ri-ik-tam
5. isz-ru-uk-szi-im
6. a-na mu-tim
7. id-di-isz-szi
8. ku-nu-uk-kam
9. isz-t,ur-szi-im
10. wa-ar-ka a-bu-um
11. a-na szi-im-tim
12. it-ta-al-ku
13. i-na _nig2-gur11 e2 a-ba_
14. u2-ul i-za-az
@law 184
15. szum-ma a-wi-lum
16. a-na _dumu-munus_-szu
17. szu-gi4-tim
18. sze-ri-ik-tam
19. la isz-ru-uk-szim
20. a-na mu-tim
21. la id-di-isz-szi
22. wa-ar-ka a-bu-um
23. a-na szi-im-tim
24. it-ta-al-ku
25. ah-hu-sza
26. ki-ma e-mu-uq _e2 a-ba_
27. sze-ri-ik-tam
28. i-szar-ra-ku-szi-im-ma
29. a-na mu-tim
30. i-na-ad-di-nu-szi
@law 185
31. szum-ma a-wi-lum
32. s,e-eh-ra-am
33. i-na me-e-szu
34. a-na ma-ru-tim
35. il-qe2-ma
36. ur2-ta-ab-bi-szu
37. tar-bi-tum szi-i
38. u2-ul ib-ba-aq-qar
@law 186
39. szum-ma a-wi-lum
40. s,e-eh-ra-am
41. a-na ma-ru-tim il-qe2
42. i-nu-ma
43. il-qu2-u2-szu
44. a-ba-szu
45. u3 um-ma-szu
46. i-hi-a-at,
47. tar-bi-tum szi-i
48. a-na _e2_ a-bi-szu
49. i-ta-ar
@law 187
50. _dumu giri3-se3-ga_
51. mu-za-az _e2-gal_
52. u3 _dumu {munus}zi-ik-ru-um_
53. u2-ul ib-ba-aq-qar
@law 188
54. szum-ma _dumu um-mi-a_
55. _dumu_ a-na tar-bi-tim
56. il-qe2-ma
57. szi-pi2-ir qa2-ti-szu
58. usz-ta-hi-su2
59. u2-ul ib-ba-qar
@law 189
60. szum-ma szi-pi2-ir qa2-ti-szu
61. la usz-ta-hi-su2
62. tar-bi-tum szi-i
63. a-na _e2_ a-bi-szu
64. i-ta-ar
@law 190
65. szum-ma a-wi-lum
66. s,e-eh-ra-am
67. sza a-na ma-ru-ti-szu
68. il-qu2-szu-ma
69. u2-ra-ab-bu-szu
70. it-ti _dumu-mesz_-szu
71. la im-ta-nu-szu
72. tar-bi-tum szi-i
73. a-na _e2_ a-bi-szu
74. i-ta-ar
@law 191
75. szum-ma a-wi-lum
76. s,e-eh-ra-am
77. sza a-na ma-ru-ti-szu
78. il-qu2-szu-ma
79. u2-ra-ab-bu-u2-szu
80. _e2_-ba! i-pu-usz
81. wa-ar-ka _dumu-mesz_
82. ir-ta-szi-ma
83. a-na tar-bi-tim na-sa-hi-im
84. pa-nam isz-ta-ka-an
85. _dumu_ szu-u2 ri-qu2-su2
86. u2-ul it-ta-al-la-ak
87. a-bu-um mu-ra-bi-szu
88. i-na _nig2-gur11_-szu
89. _igi 3(disz)-gal2 ibila_-szu
90. i-na-ad-di-isz-szum-ma
91. it-ta-la-ak
92. i-na _a-sza3 {gesz}kiri6_
93. u3 _e2_
94. u2-ul i-na-ad-di;-isz-szum
@law 192
96. szum-ma _dumu giri3-se3-ga_
@column 17
1. u3 lu _dumu {munus}zi-ik-ru-um#_
2. a-na a-bi-im
3. mu-ra-bi-szu
4. u3 um-mi-im
5. mu-ra-bi-ti-szu
6. u2-ul a-bi at-ta
7. u2-ul um-mi at-ti iq-ta-bi
8. _eme_-szu
9. i-na-ak-ki-su
@law 193
10. szum-ma _dumu giri3-se3-ga_
11. u3 lu _dumu {munus}zi-ik-ru-um_
12. _e2_ a-bi-szu
13. u2-we-ed-di-ma
14. a-ba-am
15. mu-ra-bi-szu
16. u3 um-ma-am
17. mu-ra-bi-su2
18. i-ze2-er-ma
19. a-na _e2_ a-bi-szu
20. it-ta-la-ak
21. i-in-szu
22. i-na-sa3-hu
@law 194
23. szum-ma a-wi-lum
24. _dumu_-szu a-na mu-sze-ni-iq-tim
25. id-di-in-ma
26. _dumu_ szu-u2
27. i-na# qa2-at mu-sze-ni-iq-tim
28. im-tu-ut
29. mu-sze-ni-iq-tum#
30. ba-lum a-bi-szu
31. u3 um-mi-szu
32. _dumu_ sza-ni-a-am-ma
33. ir-ta-ka-as2
34. u2-ka-an-nu-szi-ma
35. asz-szum ba-lum a-bi-szu#
36. u3 um-mi-[szu]
37. _dumu_ sza-ni-a-am#
38. ir-ku-su#
39. _ubur_-sza
40. i-na-ak-ki-su
@law 195
41. szum-ma _dumu a-ba_-szu
42. im-ta-ha-as,
43. _kiszib3-la2_-szu
44. i-na-ak-ki-su
@law 196
45. szum-ma a-wi-lum
46. i-in _dumu_ a-wi-lim
47. uh2-tap-pi2-id
48. i-in-szu
49. u2-ha-ap-pa-du
@law 197
50. szum-ma _giri3-pad-ra2_ a-wi-lim
51. isz-te-bi-ir
52. _giri3-pad-ra2_-szu
53. i-sze-eb-bi-ru
@law 198
54. szum-ma i-in _|MASZ.EN.GAG|_
55. uh2-tap-pi2-id
56. u3 lu _giri3-pad-ra2 |MASZ.EN.GAG|_
57. isz-te-bi-ir
58. 1(disz) _ma-na ku3-babbar_
59. i-sza-qal
@law 199
60. szum-ma i-in _ARAD2_ a-wi-lim
61. uh2-tap-pi2-id
62. u3 lu _giri3-pad-ra2 ARAD2_ a-wi-lim
63. isz-te-bi-ir
64. mi-szi-il _sa10_-szu
65. i-sza-qal
@law 200
66. szum-ma a-wi-lum
67. szi-in-ni a-wi-lim
68. me-eh-ri-szu
69. it-ta-di
70. szi-in-na-szu i-na-ad-du-u2
@law 201
71. szum-ma szi-in-ni szi-in-gag
72. _|MASZ.EN.GAG|_ it-ta-di
73. 1/3(disz) _ma-na ku3-babbar_
74. i-sza-qal
@law 202
75. szum-ma a-wi-lum
76. le-e-et a-wi-lim
77. sza e-li-szu ra-bu-u2
78. im-ta-ha-as,
79. i-na pu-uh2-ri-im
80. i-na _{kusz}usan3 gu4_
81. 1(disz) szu-szi im-mah-ha-as,
@law 203
82. szum-ma _dumu_ a-wi-lim
83. le-e-et _dumu_ a-wi-lim
84. sza ki-ma szu-a-ti
85. im-ta-ha-as,
86. 1(disz) ma-na _ku3-babbar_
87. i-sza-qal
@law 204
88. szum-ma _|MASZ.EN.GAG|_
89. le-e-et _|MASZ.EN.GAG|_
90. im-ta-ha-as,
91. 1(u) _gin2 ku3-babbar_ i-sza-qal
@law 205
92. szum-ma _ARAD2_ a-wi-lim
93. le-e-et _dumu_ a-wi-lim
@column 18
1. im-ta-ha-as,
2. u2-zu-un-szu
3. i-na-ak-ki-su
@law 206
4. szum-ma a-wi-lum a-wi-lam
5. i-na ri-is-ba-tim
6. im-ta-ha-as,-ma
7. si2-im-ma-am
8. isz-ta-ka-an-szu
9. a-wi-lum szu-u2
10. i-na i-du-u2
11. la am-ha-s,u2
12. i-tam-ma
13. u3 _a-zu_ i-ip-pa-al
@law 207
14. szum-ma i-na ma-ha-s,i2-szu
15. im-tu-ut
16. i-tam-ma-ma
17. szum-ma _dumu_ a-wi-lim
18. 1/2(disz) _ma-na ku3-babbar_
19. i-sza-qal
@law 208
20. szum-ma _dumu |MASZ.EN.GAG|_
21. 1/3(disz) _ma-na ku3-babbar_
22. i-sza-qal
@law 209
23. szum-ma a-wi-lum
24. _dumu-munus_ a-wi-lim
25. im-ha-as,-ma
26. sza li-ib-bi-sza
27. usz-ta-di-szi
28. 1(u) _gin2 ku3-babbar_
29. a-na sza li-ib-bi-sza
30. i-sza-qal
@law 210
31. szum-ma _munus_ szi-i
32. im-tu-ut
33. _dumu-munus_-su2
34. i-du-uk-ku
@law 211
35. szum-ma _dumu-munus |MASZ.EN.GAG|_
36. i-na ma-ha-s,i2-im
37. sza li-ib-bi-sza
38. usz-ta-ad-di-szi
39. 5(disz) _gin2 ku3-babbar_
40. i-sza-qal
@law 212
41. szum-ma _munus_ szi-<i>
42. im-tu-ut
43. 1/2(disz) _ma-na ku3-babbar_
44. i-sza-qal
@law 213
45. szum-ma _geme2_ a-wi-lim
46. im-ha-as,-ma
47. sza li-ib-bi-sza
48. usz-ta-ad-di-szi
49. 2(disz) _gin2 ku3-babbar_
50. i-sza-qal
@law 214
51. szum-ma _geme2_ szi-i
52. im-tu-ut
53. 1/3(disz) _ma-na ku3-babbar_
54. i-sza-qal
@law 215
55. szum-ma _a-zu_
56. a-wi-lam si2-im-ma-am kab-tam
57. i-na _gir2 gag zabar_
58. i-pu-usz-ma
59. a-wi-lam ub-ta-al-li-it,
60. u3 lu na-kap-ti a-wi-lim
61. i-na _gir2 gag zabar_
62. ip-te-ma
63. i-in a-wi-lim
64. ub-ta-al-li-it,
65. 1(u) _gin2 ku3-babbar_
66. i-le-qe2
@law 216
67. szum-ma _dumu |MASZ.EN.GAG|_
68. 5(disz) _gin2 ku3-babbar_
69. i-le-qe2
@law 217
70. szum-ma _ARAD2_ a-wi-lim
71. be-el _ARAD2_ a-na _a-zu_
72. 2(disz) _gin2 ku3-babbar_
73. i-na-ad-di-in
@law 218
74. szum-ma _a-zu_ a-wi-lam
75. si2-im-ma-am kab-tam
76. i-na _gir2 gag zabar_
77. i-pu-usz-ma
78. a-wi-lam usz-ta-mi-it
79. u3 lu na-a2!-ti a-wi-lim
80. i-na _gir2 gag zabar_
81. ip-te-ma i-in a-wi-lim
82. uh2-tap-pi2-id
83. _kiszib3-la2_-szu i-na-ki-su
@law 219
84. szum-ma _a-zu_ si2-im-ma-am kab-tam
85. _ARAD2 |MASZ.EN.GAG|_
86. i-na _gir2 gag zabar_
87. i-pu-usz-ma usz-ta-mi-it
88. _ARAD2_ ki-ma _ARAD2_ i-ri-ab
@law 220
89. szum-ma na-kap-ta-szu
90. i-na _gir2 gag zabar_
91. ip-te-ma
92. i-in-szu uh2-tap-<pi2>-da
93. _ku3-babbar_ mi-szi-il
94. _sa10_-szu i-sza-qal
@law 221
95. szum-ma _a-zu_
96. _giri3-pad-ra2_ a-wi-lim
@column 19
1. sze-bi-ir-tam
2. usz-ta-li-im
3. u3 lu sze-er-ha-nam
4. mar-s,a-am _ku3-babbar_
5. ub-ta-al-li-it,
6. be-el s,e-em-ma-im
7. a-na _a-zu_
8. 5(disz) _gin2 ku3-babbar_
9. i-na-ad-di-in
@law 222
10. szum-ma _dumu |MASZ.EN.GAG|_
11. 3(disz) _gin2 ku3-babbar_
12. i-na-ad-di-in
@law 223
13. szum-ma _ARAD2_ a-wi-lim
14. be-el _ARAD2_
15. a-na _a-zu_
16. 2(disz) _gin2 ku3-babbar_
17. i-na-ad-di-in
@law 224
18. szum-ma _a-zu gu4_
19. u3 lu _ansze_
20. lu _gu4_ u3 lu _ansze_
21. s,e-em-ma-am kab-tam
22. i-pu-usz-ma
23. ub-ta-al-li-it,
24. be-el _gu4_ u3 lu _ansze_
25. _igi 6(disz)-gal2 ku3-babbar_
26. a-na _a-zu_
27. _a2_-szu
28. i-na-ad-di-in
@law 225
29. szum-ma _gu4_ u3 lu _ansze_
30. si2-im-ma-am kab-tam
31. i-pu-usz-ma
32. usz-ta-mi-it
33. _igi 4(disz)?-gal2 sa10_-szu
34. a-na be-el _gu4_ u3 lu _ansze_
35. i-na-ad-di-in
@law 226
36. szum-ma _szu-i_
37. ba-lum be-el _ARAD2_
38. ab-bu-ti _ARAD2_ la sze-e-em
40. u2-ga-al-li-ib
41. _kiszib3-la2 szu-i_ szu-a-ti
42. i-na-ak-ki-su2
@law 227
43. szum-ma a-wi-lum
44. _szu-i_ i-da-as,-ma
45. ab-bu-ti
46. _ARAD2_ la sze-e-em
47. ug-da-al-li-ib
48. a-wi-lam szu-a-ti
49. i-du-uk-ku-szu-ma
50. i-na _ka2_-szu
51. i-ha-al-la-lu-szu
52. _szu-i_ i-na i-du-u2
53. la u2-gal-li-bu
54. i-tam-ma-ma
55. u2-ta-asz-szar
@law 228
56. szum-ma _szitim_
57. _e2_ a-na a-wi-lim
58. i-pu-usz-ma
59. u2-sza-ak-li-il-szum
60. a-na 1(disz) _sar e2_
61. 2(disz) _gin2 ku3-babbar_
62. a-na qi2-isz-ti-szu
63. i-na-ad-di-isz-szum
@law 229
64. szum-ma _szitim_
65. a-na a-wi-lim
66. _e2_ i-pu-usz-ma
67. szi-pi2-ir-szu
68. la u2-da-an-ni-in-ma
69. _e2_ i-pu-szu
70. im-qu2-ut-ma
71. be-el _e2_ usz-ta-mi-it
72. _szitim_ szu-u2 id-da-ak
@law 230
73. szum-ma _dumu_ be-el _e2_
74. usz-ta-mi-it
75. _dumu szitim_ szu-a-ti
76. i-du-uk-ku
@law 231
77. szum-ma _ARAD2_ be-el _e2_
78. usz-ta-mi-it
79. _ARAD2_ ki-ma _ARAD2_
80. a-na be-el _e2_
81. i-na-ad-di-in
@law 232
82. szum-ma _nig2-gur11_
83. uh2-ta-al-li-iq
84. mi-im-ma
85. sza u2-hal-li-qu2
86. i-ri-ab
87. u3 asz-szum _e2_ i-pu-szu
88. la u2-dan-ni-nu-ma
89. im-qu2-tu
90. i-na _nig2-gur11_
91. ra-ma-ni-szu
92. _e2_ im-qu2-tu i-ip-pe2-esz
@law 233
93. szum-ma _szitim e2_
94. a-na a-wi-lim i-pu-usz-ma
95. szi-pi2-ir-szu
96. la usz-te-es,-bi-ma
97. _e2-gar8_ iq-tu-up
98. _szitim_ szu-u2
@column 20
1. i-na _ku3-babbar_ ra-ma-ni-szu
2. _e2-gar8_ szu-a-ti
3. u2-dan-na-an
@law 234
4. szum-ma _ma2-lah5_
5. _{gesz}ma2 1(gesz2) gur_
6. a-na a-wi-lim ip-he
7. 2(disz) _gin2 ku3-babbar_
8. a-na qi2-isz-ti-szu
9. i-na-ad-di-isz-szum
@law 235
10. szum-ma _ma2-lah5_
11. _{gesz}ma2_ a-na a-wi-lim
12. ip-he-ma
13. szi-pi2-ir-szu
14. la u2-tak2-ki-il-ma
15. i-na sza-at-tim-ma szu-a-ti
16. _{gesz}ma2_ szi-i
17. is,-s,a-bar
18. hi-t,i-tam ir-ta-szi
19. _ma2-lah5_
20. _{gesz}ma2_ szu-a-ti
21. i-na-qar-ma
22. i-na _nig2-gur11_ ra-ma-ni-szu
23. u2-dan-na-an-ma
24. _{gesz}ma2_ dan-na-tam
25. a-na be-el _{gesz}ma2_
26. i-na-ad-di-in
@law 236
27. szum-ma a-wi-lum
28. _{gesz}ma2_-szu
29. a-na _ma2-lah5_
30. a-na ig-ri-im
31. id-di-in-ma
32. _ma2-lah5_ i-gi-ma
33. _{gesz}ma2_ ut,-t,e4-bi
34. u3 lu uh2-ta-al-li-iq
35. _ma2-lah5 {gesz}ma2_
36. a-na be-el _{gesz}ma2_
37. i-ri-a-ab
@law 237
38. szum-ma a-wi-lum
39. _ma2-lah5_ u3 _{gesz}ma2_
40. i-gur-ma
41. _sze siki i3-gisz zu2-lum_
42. u3 mi-im-ma szum-szu
43. sza s,e-nim
44. i-s,e-en-szi
45. _ma2-lah5_ szu-u2
46. i-gi-ma
47. _{gesz}ma2_ ut,-t,e4-eb-bi
48. u3 sza li-ib-bi-sza
49. uh2-ta-al-li-iq
50. _ma2-lah5_
51. _{gesz}ma2_ sza u2-t,e4-eb-bu-u2
52. u3 mi-im-ma
53. sza i-na li-ib-bi-sza
54. u2-hal-li-qu2
55. i-ri-a-ab
@law 238
56. szum-ma _ma2-lah5_
57. _{gesz}ma2_ a-wi-lim
58. u2-t,e4-eb-bi-ma
59. usz-te-li-a-asz-szi#
60. _ku3-babbar_ mi-szi-il# _sa10_-sza#
61. i-na-ad-di-in#
@law 239
62. szum-ma a-wi-lum#
63. _ma2-lah5_ [i-gur]
64. 6(asz) [_sze gur_]
65. i-na sza-na#-[at]
66. i-na-ad#-[di]-isz-[szum]
@law 240
67. szum-ma {gesz#}[_ma2_]
68. sza ma-hi-ir-tim
69. _{gesz}ma2_ sza mu-uq-qe2-el-pi2-tim
70. im-ha-as,-ma
71. ut,-t,e4-eb-bi
72. be-el _{gesz}ma2_ sza _{gesz}ma2_-szu t,e4-bi-a-at
73. mi-im-ma sza i-na _{gesz}ma2_-szu hal-qu2
74. i-na ma-har i-lim
75. u2-ba-ar-ma
76. sza ma-hi-ir-tim
77. sza _{gesz}ma2_ sza mu-uq-qe2-el-pi2-tim
78. u2-t,e4-eb-bu-u2
79. _{gesz}ma2_-szu u3 mi-im-ma-szu hal-qa2-am
80. i-ri-a-ab-szum
@law 241
81. szum-ma a-wi-lum
82. _gu4_ a-na ni-pu-tim
83. it-te-pe2
84. 1/3(disz) _ma-na ku3-babbar_ i-sza-qal
@law 242-243
85. szum-ma a-wi-lum <_gu4_>
86. a-na _mu_ 1(disz) i-gur
87. _a2 gu4-a2-ur3-ra_
88. 4(asz) _sze gur_
89. _a2 gu4 ab2 muru2 sag_
90. 3(asz) _sze gur_ a-na be-li2-szu
91. i-na-ad-di-in
@column 21
@law 244
1. szum-ma a-wi-lum
2. _gu4 ansze_ i-gur-ma
3. i-na s,e-ri-im
4. _ur-mah_ id-du-uk-szu
5. a-na be-li2-szu-ma
@law 245
6. szum-ma a-wi-lum
7. _gu4_ i-gur-ma
8. i-na me-gu-tim
9. u3 lu i-na ma-ha-s,i2-im
10. usz-ta-mi-it
11. _gu4_ ki-ma _gu4_
12. a-na be-el _gu4_
13. i-ri-a-ab
@law 246
14. szum-ma a-wi-lum
15. _gu4_ i-gur-ma
16. _giri3_-szu isz-te-bi-ir
17. u3 lu la-bi-a-an-szu
18. it-ta-ki-is
19. _gu4_ ki-ma _gu4_
20. a-na be-el _gu4_
21. i-ri-a-ab
@law 247
22. szum-ma a-wi-lum
23. _gu4_ i-gur-ma
24. _igi_-szu uh2-tap-pi2-id
25. _ku3-babbar_ mi-szi-il _sa10_-szu
26. a-na be-el _gu4_
27. i-na-ad-di-in
@law 248
28. szum-ma a-wi-lum
29. _gu4_ i-gur-ma
30. _si_-szu isz-bi-ir
31. _kun_-su2 it-ta-ki-is
32. u3 lu {uzu}_sa-sal_-szu
33. it-ta-sa-ag!
34. _ku3-babbar igi 4(disz)?-gal2 sa10_-szu
35. i-na-ad-di-in
@law 249
36. szum-ma a-wi-lum
37. _gu4_ i-gur-ma
38. i-lum im-ha-su2-ma
39. im-tu-ut
40. a-wi-lum sza _gu4_ i-gu-ru
41. ni-isz i-lim
42. i-za-kar-ma
43. u2-ta-asz-szar
@law 250
44. szum-ma _gu4_ su2?-qa2-am
45. i-na a-la-ki-szu
46. a-wi-lam
47. ik-ki-ip-ma
48. usz-ta-mi-it
49. di-nu-um szu-u2
50. ru-gu-um-ma-am
51. u2-ul i-szu
@law 251
52. szum-ma# _gu4_ a-wi-lim
53. na-ak-ka#-pi2-[ma]
54. ki-ma na-ak-ka#-pu-u2
55. ba-ab-ta-szu
56. u2-sze-di-szum-ma
57. qar-ni-szu
58. la u2-szar-ri#-im
59. _gu4_-szu la u2-sa-an-ni-iq-ma
60. _gu4_ szu-u2
61. _dumu_ a#-wi-lim
62. ik#-ki#-ip-ma
63. usz#-[ta]-mi-it
64. 1/2(disz)# _[ma]-na ku3-babbar_
65. i#-[na]-ad-di-in
@law 252
66. [szum]-ma# _ARAD2_ a-wi-lim
67. 1/3(disz)# _[ma]-na ku3-babbar_
68. i#-na-ad-di-in
@law 253
69. szum#-ma a-wi-lum a-wi-lam
70. a-na pa-ni _a-sza3_-szu
71. u2-zu-uz-zi-im
72. i-gur-ma
73. _al# du3-a_-am
74. [i]-qi2-ip-szu
75. _[ab2] gu4 hi-a_ ip#-qi2-sum2
76. [a-na?] _a-sza3_ e-re-szi-im u2-ra-ak-ki-su2
77. szum#-ma a-wi-lum szu-u2
78. _sze numun_ u3 lu _sza3-gal_
79. isz-ri-iq-ma
80. i-na qa2-ti-szu
81. it-ta-as,-ba-at
82. _kiszib3-la2_-szu i-na-ak-ki-su
@law 254
83. szum-ma _al du3-a_-am
84. il-qe2-ma _ab2 gu4 hi-a_
85. u2-te-en-ni!-isz u2-te-en-gag-isz
86. ta-[asz?]-na _sze_ sza im-ri!-ru
87. i-ri-ab
@law 255
88. szum-ma _ab2 gu4 hi-a_
89. a-wi-lim a-na# ig-ri-im
90. it-ta-di-in
91. u3 lu _sze numun#_ isz-ri-iq-ma
92. i-na _a-sza3#_ la usz-tab-szi
93. a-wi-lam szu-a-ti
94. u2-ka-an-nu-szu-ma
95. i-na _buru14 1(bur3) GAN2_-e
96. 1(gesz2) _sze gur#_ i-ma-ad-da-ad
@law 256
97. szum-ma pi2-ha-su2
98. a-pa-lam la-i-le-i
99. i-na _a-sza3_ szu-a-ti i-na _ab2 gu4 hi-a_
100. im-ta-na-asz-sza-ru-szu
@law 257
101. szum-ma a-wi-lum
@column 22
1. _engar_ i-gur
2. 8(asz) _sze gur_
3. i-na _mu 1(disz)-kam_
4. i-na-ad-di-isz-szum
@law 258
5. szum-ma a-wi-lum
6. _sza3 gu4_ i-gur
7. 6(asz) _sze gur_
8. i-na _mu 1(disz)-kam_
9. i-na-ad-di-isz-szum
@law 259
10. szum-ma a-wi-lum
11. {gesz}APIN i-na _a-gar3_
12. isz-ri-iq
13. 5(disz) _gin2 ku3-babbar_
14. a-na be-el _{gesz}apin_
15. i-na-ad-di-in
@law 260
16. szum-ma _{gesz}apin tug2-gur10_
17. u3 lu _GAN2 ur3_
18. isz-ta-ri-iq
19. 3(disz) _gin2 ku3-babbar_
20. i-na-ad-di-in
@law 261
21. szum-ma a-wi-lum
22. _na-gada_ a-na _ab2 gu4 hi-a_
23. u3 _u8 udu hi-a_
24. re-im i-gur
25. 8(asz) _sze gur_
26. i-na _mu 1(disz)-kam_
27. i-na-ad-di-isz-szum
@law 262
28. szum-ma a-wi-lum
29. _gu4_ u3 lu _udu#_
30. a-na [...]
31. [...]
32. [...]
33. [...]
34. [...]
35. [...]
36. [...]
@law 263
37. szum-ma# [_gu4_] u3 lu [_udu_]
38. sza in-na-ad-nu-szum#
39. uh2-ta-al-li-[iq]
40. _gu4_ ki-ma [_gu4_]
41. _udu_ ki-ma [_udu_]
42. a-na be-li2-[szu-nu]
43. i-ri-a-[ab]
@law 264
44. szum-ma [_sipa_]
45. sza _ab2 gu4 [hi-a_]
46. u3 lu _u8 [udu hi-a_]
47. a-na re#-[im]
48. in-na-[ad]-nu#-szum#
49. _a2_-szu ga#-am#-ra-tim
50. ma-hi-ir
51. li-ib#-ba-szu t,a-ab
52. _ab2 gu4# hi-a_
53. us,-s,a-ah-hi-ir
54. _u8# udu hi-a_
55. us,-s,a-ah-hi-ir
56. ta-li-it-tam um-ta-t,i
57. a-na _ka_ ri-ik-sa-ti-szu
58. ta-li-it-tam
59. u3 bi-il-tam
60. i-na-ad-di-in
@law 265
61. szum-ma _sipa_
62. sza _ab2 gu4 hi-a_
63. u3 lu _u8 udu hi-a_
64. a-na re-im
65. in-na-ad-nu-szum
66. u2-sa-ar-ri-ir-ma
67. szi-im-tam ut-ta-ak-ki-ir
68. u3 a-na _ku3-babbar_
69. it-ta-di-in
70. u2-ka-an-nu-szu-ma
71. _a-ra2_ 1(u)-szu sza isz-ri-qu2
72. _ab2 gu4 hi-a_
73. u3 _u8 udu hi-a_
74. a-na be-li2-szu-nu
75. i-ri-a-ab
@law 266
76. szum-ma i-na _tur3_
77. li-pi2-it _dingir_ it-tab-szi
78. u3 lu _ur-mah_ id-du-uk _sipa_ ma-hi! _dingir_
79. u2-ub-ba-am-ma
80. mi-qi2-it-ti _tur3_
81. be-el _tur3_ i-mah-har-szu
@law 267
82. szum-ma _sipa_ i-_geme2_-ma
83. i-na _tur3_ pe2-sa2-tam usz-tab-szi
84. _sipa_ hi-t,i-it pe2-sa3-tim
85. sza i-na _tur3_ u2-sza-ab-szu-u2
86. _ab2 gu4 hi-a_ u3 _u8 udu hi-a_
87. u2-sza-lam-ma
88. a-na be-li2-szu-nu
89. i-na-ad-di-in
@law 268
90. szum-ma a-wi-lum _gu4_
91. a-na di-a-szi-im i-gur
92. 2(ban2) _sze a2_-szu
@law 269
93. szum-ma _ansze_
94. a-na di-a-szi-im i-gur
95. 1(ban2) _sze a2_-szu
@law 270
96. szum-ma _masz2_
97. a-na di-a-szi-im i-gur
98. 1(disz) _sila3 sze a2_-szu
@law 271
99. szum-ma a-wi-lum
100. _ab2 gu4 hi-a {gesz}mar-gid2-da_
101. u3 mu-ur2-te-di-sza i-gur
@column 23
1. i-na _u4 1(disz)-kam 3(barig) sze_
2. i-na-ad-di-in
@law 272
3. szum-ma a-wi-lum
4. _{gesz}mar-gid2-da_-ma
5. a-na ra-ma-ni-sza i-gur
6. i-na _u4 1(disz)-kam 4(ban2) sze_
7. i-na-ad-di-in
@law 273
8. szum-ma a-wi-lum
9. _{lu2}hun-ga2_ i-gur
10. isz-tu re-esz sza-at-tim
11. a-di ha-am-szi-im _iti_-im
12. 1(u) 2(disz) _sze ku3-babbar_
13. i-na _u4 1(disz)-kam_
14. i-na-ad-di-in
15. isz-tu szi-szi-im _iti_-im
16. a-di ta-aq-ti-da! sza-at-tim
17. 5(disz) _sze ku3-babbar_
18. i-na _u4 1(disz)-kam_
19. i-na-ad-di-in
@law 274
20. szum-ma a-wi-lum
21. _dumu um-mi-a_
22. i-ig-ga-ar#
23. _a2 {lu2}[hun-ga2?]_
24. 5(disz) _sze ku3#-babbar#_
25. _a2 {lu2}[tug2]-du8-a_
26. 5(disz) _[sze ku3]-babbar_
27. [_a2] {lu2#}gada_
28. [n(disz) _sze] ku3-babbar_
29. [_a2 bur]-gul_
30. [n(disz) _sze ku3]-babbar_
31. [_a2] zadim#?_
32. [n(disz) _sze ku3]-babbar_
33. [_a2] simug#_
34. [n(disz) _sze ku3]-babbar_
35. [_a2] nagar_
36. 5(disz)#? _sze ku3-babbar_
37. _a2 aszgab_
38. [n(disz)] _sze ku3-babbar_
39. _a2 ad-kup4_
40. [n(disz)] _sze ku3-babbar_
41. [_a2] szitim_
42. [n(disz) _sze ku3]-babbar_
43. [i-na _u4] 1(disz)-kam_
44. [i-na-ad]-di#-in
@law 275
45. [szum-ma a]-wi-lum
46. [...] i-gur
47. i-na _u4 1(disz)-kam_
48. 3(disz) _sze ku3-babbar a2_-szu
@law 276
49. szum-ma ma-hi-ir-tam i-gur
50. 1/2(disz) _sze ku3-babbar a2_-sza
51. i-na _u4 1(disz)-kam_
52. i-na-ad-di-in
@law 277
53. szum-ma a-wi-lum
54. _{gesz}ma2 1(gesz2) gur_ i-gur
55. i-na _u4 1(disz)-kam_
56. _igi 6(disz)-gal2 ku3-babbar a2_-sza
57. i-na-ad-di-in
@law 278
58. szum-ma a-wi-lum
59. _ARAD2 geme2_ i-sza-am-ma
60. _iti_-szu la im-la-ma
61. be2-en-ni e-li-szu
62. im-ta-qu2-ut a-na na-di-na-ni-szu
63. u2-ta-ar-ma
64. sza-a-a-ma-nu-um
65. _ku3-babbar_ isz-qu2-lu
66. i-le-qe2
@law 279
67. szum-ma a-wi-lum
68. _ARAD2 geme2_ i-sza-am-ma
69. ba-aq-ri ir-ta-szi
70. na-di-na-an-szu
71. ba-aq-ri i-ip-pa-al
@law 280
72. szum-ma a-wi-lum
73. i-na ma-at
74. nu-ku-ur2-tim
75. _ARAD2 geme2_ sza a-wi-lim
76. isz-ta-am
77. i-nu-ma
78. i-na li-ib-bu _kalam_
79. it-ta-al-kam-ma
80. be-el _ARAD2_ u3 lu _geme2_
81. lu _ARAD2_-su2 u3 lu _geme2_-su2
82. u2-te-ed-di
83. szum-ma _ARAD2_ u3 lu _geme2_ szu-nu
84. _dumu-mesz_ ma-tim
85. ba-lum _ku3-babbar_-ma
86. an-du-ra-ar-szu-nu
87. isz-sza-ak-ka-an
@law 281
88. szum-ma _dumu-mesz_ ma-tim sza-ni-tim
89. sza-a-a-ma-nu-ma
90. i-na ma-har i-lim
91. _ku3-babbar_ isz-lu!-lu
92. i-bi!-ab-bi-ma
93. be-el _ARAD2_ u3 lu _geme2_
94. _ku3-babbar_ isz-qu2-lu a-na _dam-gar3_
95. i-na-ad-di-in-ma
96. lu _ARAD2_-su2 lu _geme2_-su2 i-pa-ag!
@law 282
97. szum-ma _ARAD2_ a-na be-li2-szu
98. u2-ul be-li2 at-ta
99. iq-ta-bi
100. ki-ma _ARAD2_-su2
101. u2-ka-an-szu-ma
102. be-el-szu u2-zu-un-szu i-na-ak-ki-is
@column 24
@epilogue
1. di-na-a-at
2. mi-sza-ri-im
3. sza {disz}ha-am-mu-ra-pi2
4. szar-ru-um le-u2-um
5. u2-ki-in-nu-ma
6. ma-tam u2-sa-am ki-nam#
7. u3 ri-dam dam-qa2-am
8. u2-sza-as,-bi-tu
9. {disz}ha-am-mu-ra-pi2
10. szar-ru-um gi-it-ma-lum a-na-ku
11. a-na _sag-ge6_
12. sza {d}en-lil2 isz-ru-kam
13. re-u2-si2-na
14. {d}marduk i-din-nam
15. u2-ul e-gu
16. a-hi u2-ul ad-di
17. asz-ri szu-ul-mi-im
18. esz-te-i-szi-na-szim#
19. pu-usz-qi2 wa-asz-t,u2-tim
20. u2-pe#-et-ti
21. nu-ra-am u2-sze-s,i-szi-na-szi-im
22. i-na _{gesz}tukul_ da-an-nim
23. sza {d}za-ba4-ba4
24. u3 {d}inanna
25. u2-sza-at-li-mu-nim
26. i-na _igi-gal2_
27. sza {d}en-ki i-szi-ma-am
28. i-na le-u2-tim
29. sza {d}marduk id-di-nam
30. na-ak-ri e-li-isz
31. u3 sza-ap-li-isz as-su2-uh2
32. qa2-ab-la-tim u2-be2-el-li
33. szi-ir ma-tim
34. u2-t,i3-ib
35. ni-szi da-ad-mi
36. a-bu-ur2-ri
37. u2-szar-bi2-is,
38. mu-gal-li-tam
39. u2-ul u2-szar-szi-szi-na-ti
40. _dingir gal-gal_
41. ib-bu-u2-nin-ni-ma
42. a-na-ku-ma
43. _sipa_ mu-sza-al-li-mu-um
44. sza _{gesz}gidri_-szu
45. i-sza-ra-at
46. s,i-li2 t,a-bu-um
47. a-na _iri_-ia
48. ta-ri-is,
49. i-na ut-li-ia
50. ni-szi _kalam_ szu-me-ri2-im
51. u3 ak-ka-di-im
52. u2-ki-il
53. i-na la-ma-si2-ia
54. ih-hi-sza
55. i-na szu-ul-mi-im
56. at-tab-ba-al-szi-na-ti
57. i-na ne-me-qi2-ia
58. usz-tap-zi2-ir-szi-na-ti
59. dan-nu-um en-sza-am
60. a-na la ha-ba-lim
61. _nu-siki nu-mu-su_
62. szu-te-szu-ri-im
63. i-na babila{ki}
64. _iri_ sza an u3 {d}en-lil2
65. re-szi-szu
66. u2-ul#-lu-u2
67. i-na e2-sag-il2
68. _e2_ sza ki-ma sza-me-e
69. u3 er-s,e-tim _suhusz_-szu ki-na
70. di-in ma-tim a-na di-a-nim
71. pu-ru-se2-e ma-tim
72. a-na pa-ra-si-im
73. ha-ab-lim szu-te-szu-ri-im
74. a-wa-ti-ia szu-qu2-ra-tim
75. i-na _na-ru_-ia asz-t,ur-ma
76. i-na ma-har _alan_-ia
77. _lugal_ mi-sza-ri-im
78. u2-ki-in
79. _lugal_ sza in _lugal_-ri2
80. szu-tu-ru a-na-ku
81. a-wa-tu-u2-a na-as2-qa2
82. le-u2-ti sza-ni-nam
83. u2-ul i-szu
84. i-na qi2-bi-it {d}utu
85. da-a-a-nim ra-bi-im
86. sza _an_ u3 _ki_
87. mi-sza-ri i-na _kalam_
88. li-isz-te-pi2
89. i-na a-wa-at
90. {d}marduk be-li2-ia
91. u2-s,u2-ra-tu-u2-a
92. mu-sza-si2-kam# a-ir-szi-a
93. i-na e2-sag-il2
94. sza a-ra-am-mu szu-mi i-na da-mi-iq-tim
@column 25
1. a-na da-ar
2. li-iz-za-ki-ir
3. a-wi-lum ha-ab-lum
4. sza a-wa-tam
5. i-ra-asz-szu-u2
6. a-na ma-ha-ar _alan_-ia
7. _lugal_ mi-sza-ri-im
8. li-il-li-ik-ma
9. _na-ru_-i
10. sza-at,-ra-am
11. li-isz-ta-as2-si-ma
12. a-wa-ti-ia
13. szu-qu2-ra-tim
14. li-isz-me-ma
15. _na-ru_-i a-wa-tam
16. li-kal2-lim-szu
17. di-in-szu li-mu-ur2
18. li-ib-ba-szu
19. li#-na#-ap-pi2-isz-ma
20. {disz}ha-am-mu-ra-pi2-mi
21. be-lum sza ki-ma a-bi-im
22. wa-li-di-im
23. a-na ni-szi
24. i-ba-asz-szu-u2
25. a-na a-wa-at
26. {d}marduk be-li2-szu
27. usz-ta-ak-ti-it-ma
28. ir-ni-ti {d}marduk
29. e-li-isz
30. u3 sza-ap-li-isz
31. ik-szu-u4
32. li-ib-bi {d}marduk
33. be-li2-szu u2-t,i3-ib
34. u3 szi-ra-am t,a-ba-am
35. a-na ni-szi
36. a-na da-ar i-szi-im
37. u3 ma-tam
38. usz-te-sze-er
39. a2-ni-tam
40. li-iq-bi-ma
41. i-na ma-har
42. {d}marduk be-li2-ia
43. {d}s,ar-pa-ni-tum
44. be-el-ti-ia
45. i-na li-ib-bi-szu
46. ga-am-ri-im
47. li-ik-ru-ba-am
48. sze-du-um la-ma-sum2
49. _dingir dingir_ e-ri-bu-ut
50. e2-sag-il2
51. _sig4_ e2-sag-il2
52. i-gi-ir-re-e
53. u4-mi-sza-am
54. i-na ma-har
55. {d}marduk be-li2-ia
56. {d}s,ar-pa-ni-tum
57. be-el-ti-ia
58. li-dam-mi-qu2
59. a-na wa-ar-ki-a-at
60. _u4_-mi
61. a-na ma-ti-ma
62. _lugal_ sza i-na _kalam_
63. ib-ba-asz-szu-u2
64. a-wa-a-at
65. mi-sza-ri-im
66. sza i-na _na-ru_-ia
67. asz-t,u2-ru li-s,ur
68. di-in ma-tim
69. sza a-di-nu
70. pu-ru-se2-e _kalam_
71. sza ap-ru-su
72. a u2-na-ak-ki-ir
73. u2-s,u2-ra-ti-ia
74. a u2-sza-si2-ik
75. szum-ma a-wi-lum szu-u2
76. ta-szi-im-tam i-szu-ma
77. ma-su2 szu-te-szu-ra-am i-le-i
78. a-na a-wa-a-tim
79. sza i-na _na-ru_-ia asz-t,u2-ru li-qul2-ma
80. ki-ib-sa-am ri-dam
81. di-in _kalam_ sza a-di-nu
82. pu-ru-se2-e _kalam_
83. sza ap-ru-su
84. _na-ru_-um szu-u2
85. li-kal2-lim-szu-ma
86. s,a-al-ma-at qa2-qa2-di-szu
87. li-isz-te-sze-er
88. di-in-szi-na li-di-in
89. pu-ru-sa3-szi-na
90. li-ip-ru-us2
91. i-na ma-ti-szu ra-ga-am
92. u3 s,e-nam li-su2-uh2
93. szi-ir ni-szi-szu
94. li-t,i-ib
95. {disz}ha-am-mu-ra-pi2
96. _lugal_ mi-sza-ri-im
97. sza {d}utu ki-na-tim
98. isz-ru-ku-szum a-na-ku
99. a-wa-tu-u2-a na-as2-qa2
100. ep-sze-tu-u2-a
101. sza-ni-nam
102. u2-ul i-sza-a
103. e-la a-na la ha-si2-im
104. ri-qa2
105. a-na em-qi2-im
@column 26
1. a-na ta-na-da-tim szu-s,a-a
2. szum-ma a-wi-lum szu-u2
3. a-na a-wa-ti-ia
4. sza i-na _na-ru_-ia asz-t,u2-ru
5. i-qul2-ma
6. di-ni la u2-sza-as-si2-ik
7. a-wa-ti-ia
8. la usz-te-pe-el
9. u2-s,u2-ra-ti-ia
10. la u2-na-ki-ir
11. a-wi-lum szu-u2
12. ki-ma ia-ti
13. _lugal_ mi-sza-ri-im
14. {d}utu _{gesz}gidri_-szu
15. li-ir-ri-ik
16. ni-szi-szu
17. i-na mi-sza-ri-im li-re
18. szum-ma a-wi-lum szu-u2
19. <a-na> a-wa-ti-ia
20. sza i-na _na-ru_-ia
21. asz-t,u2-ru
22. la i-qul2-ma
23. er-re-ti-ia
24. i-me-esz-ma
25. er-re-et i3-li2
26. la i-dur-ma
27. di-in a-di-nu
28. up-ta-as-si2-is
29. a-wa-ti-ia
30. usz-te-pe-el
31. u2-s,u2-ra-ti-ia
32. ut-ta-ak-ki-ir
33. szu-mi sza-at-ra-am
34. ip-szi-it,-ma
35. szum-szu isz-ta-t,ar2
36. asz-szum er-re-szum! szi-na-ti
37. sza-ni-a-am-ma
38. usz-ta-hi-iz
39. a-wi-lum szu-u2
40. lu _lugal_
41. lu _en_
42. lu _ensi2_
43. u3 lu a-wi-lu-tum
44. sza szu-ma-am na-bi-a-at
45. AN ra-bu-um
46. a-bu i3-li2
47. na-bu-u2 _bala_-ia
48. _me-lam2_ szar-ru-tim
49. li-t,e4-er-szu
50. _{gesz}gidri_-szu
51. li-isz-bi-ir
52. szi-ma-ti-szu li-ru-ur
53. {d}en-lil2 be-lum
54. mu-szi-im szi-ma-tim
55. sza qi2-bi2-su2
56. la ut-ta-ka-ru
57. mu-szar-bu-u3
58. szar-ru-ti-ia
59. te-szi la szu-up-pi2-im
60. ga-ba-ra-ah
61. ha-la-qi2-szu
62. i-na szu-ub-ti-szu
63. li-sza-ab!-bi!-ha-asz-szum
64. _bala_ ta-ne-hi-im
65. _u4_-mi i-s,u2-tim
66. sza-na-a-at
67. hu-sza-ah-hi-im
68. ek-le-et
69. la na-wa-ri-im
70. mu-ut ni-t,i-il i-nim
71. a-na szi-im-tim
72. li-szi-im-szum
73. ha-la-aq _iri_-szu
74. na-as2-pu-uh2 ni-szi-szu
75. szar-ru-su2 szu-pe2-lam
76. szum-szu u3 zi-kir-szu
77. i-na ma-tim
78. la szu-ub-sza-a-am
79. i-na _ka_-szu kab-tim
80. li-iq-bi
81. {d}nin-lil2
82. _ama_ ra-bi2-tum
83. sza qi2-bi2-sa3
84. i-na e2-kur kab-ta-at
85. _nin_ mu-dam-mi-qa2-at
86. i-gi-ir-re-ia
87. a-szar szi-ip-t,i-im
88. u3 pu-ru-se2-em
89. i-na ma-har {d}en-lil2
90. a-wa-su2 li-le-mi-in
91. szu-ul-pu-ut ma-ti-szu
92. ha-la-aq ni-szi-szu
93. ta-ba-ak na-pisz-ti-szu
94. ki-ma me-e
95. i-na _ka_ {d}en-lil2
96. szar-ri-im
97. li-sza-asz-ki-in
98. {d}en-ki _nun_ ra-bi-um
99. sza szi-ma-tu-szu
100. i-na mah-ra i-la-ka
101. _abgal_ i3-li2
102. mu-de mi-im-ma szum-szu
103. mu-sza-ri-ku
@column 27
1. _u4_-um ba-la-t,i-ia
2. uz-nam
3. u3 ne-me-qam
4. li-t,e4-er-szu-ma
5. i-na mi-szi-tim
6. li-it-ta-ar-ru-szu
7. _i7-i7_-szu
8. i-na na-ag-bi-im
9. li-is-ki-ir
10. i-na er-s,e-ti-szu
11. {d}asznan
12. na-pi2-isz-ti ni-szi
13. a u2-sza-ab-szi
14. {d}utu da-a-a-nu-um ra-bi-um
15. sza sza-me-e
16. u3 er-s,e-tim
17. mu-usz-te-sze-er
18. sza-ak-na-at na-pi2-isz-tim
19. be-lum tu-kul2-ti
20. szar-ru-su2 li-is-ki-ip
21. di-in-szu
22. a i-di-in
23. u2-ru-uh2-szu li-szi
24. _DU_ um-ma-ni-szu
25. li-isz-he-el-s,i2
26. i-na bi-ri-szu
27. _uzu_ lem-nam
28. sza na-sa-ah
29. _suhusz_ szar-ru-ti-szu
30. u3 ha-la-aq ma-ti-szu li-isz-ku-un-szum
31. a-wa-tum ma-ru-usz-tum
32. sza {d}utu ar-hi-isz
33. li-ik-szu-su2
34. e-li-isz
35. i-na ba-al#-t,u2-tim
36. li-is-su2-uh2-szu
37. sza-ap-li-isz
38. i-na er-s,e-tim
39. _gidim4-gidim4_-szu
40. me-e li-sza-az-mi
41. {d}suen be-el sza-me-e
42. _dingir_ ba-ni
43. sza sze-re-su2
44. i-na i3-li2 szu-pa-a-at
45. _aga {gesz}gu-za_ sza szar-ru-tim
46. li-t,e4-er-szu
47. ar-nam kab-tam
48. sze-re-su2 ra-bi-tam
49. sza i-na zu-um-ri-szu
50. la i-hal-li-qu2
51. li-mu-su2-ma
52. _u4_-mi _iti-iti_
53. sza-na-a-at _bala_-szu
54. i-na ta-ne-hi-im
55. u3 di-im-ma-tim
56. li-sza-aq-ti
57. kam-ma-al szar-ru-tim
58. li-sza-at,-t,i-il-szu
59. ba-la-t,am
60. sza it-ti mu-tim
61. szi-ta-an-nu
62. a-na szi-im-tim
63. li-szi-im-szum
64. {d}iszkur be-el _he2-gal2_
65. _gu2-gal_ sza-me-e
66. u3 er-s,e-tim
67. re-s,u2-u2-a
68. zu-ni i-na sza-me-e
69. mi-lam
70. i-na na-ag-bi-im
71. li-t,e4-er-szu
72. ma-su2
73. i-na hu-sza-ah-hi-im
74. u3 bu-bu-tim
75. li-hal-li-iq
76. e-li _iri_-szu
77. ez-zi-isz
78. li-is-si-ma
79. ma-su2 a-na _du6_ a-bu-bi-im
80. li-te-er
81. {d}za-ba4-ba4
82. qar-ra-du-um ra-bi-um
83. _dumu_ re-esz-tu-um
84. sza e2-kur
85. a-li-ku im-ni-ia
86. a-szar tam2-ha-ri-im
87. _{gesz}tukul_-szu li-isz-bi-ir
88. u4-ma-am a-na mu-szi-im
89. li-te-er-szum-ma
90. na-ki-ir-szu e-li-szu
91. li-isz-zi-iz
92. {d}inanna be-le-et
93. _me6_ u3 _szen-szen_
94. pa-ti-a-at
95. _{gesz}tukul#_-ia
96. la-ma-si2
97. da-mi-iq-tum
98. ra-i-ma-at _bala_-ia
99. i-na li-ib-bi-sza
100. ag-gi-im
101. i-na uz-za-ti-sza
102. ra-bi2-a-tim
103. szar-ru-su2 li-ru-ur
104. dam-qa2-ti-szu
105. a-na le-em-ne-tim
106. li-te-er
@column 28
1. li-te-er
# sic
2. a-szar _me6_ u3 _szen-szen_
3. _{gesz}tukul_-szu
4. li-isz-bi#-ir
5. i-szi-tam
6. sa3-ah-ma-asz-tam
7. li-isz-ku-un-szum
8. qar-ra-di-szu
9. li-sza-am-qi2-it
10. da-mi-szu-nu
11. er-s,e-tam li-isz-qi2
12. gu-ru-un
13. sza-al-ma-at
14. um-ma-na-ti-szu
15. i-na s,e-ri-im
16. li-it-ta-ad-di
17. _erin2_-szu-ma? re-ma-am
18. a-i u2-szar-szi
19. szu-a-ti
20. a-na qa2-at na-ak-ri-szu
21. li-ma-al-li-szu-ma
22. a-na ma-at nu-ku-ur2-ti-szu
23. ka-mi-isz li-ru-szu
24. {d}ne3-eri11-gal
25. dan-nu-um i-na i3-li2
26. qa2-ba-al la ma-ha-ar
27. mu-sza-ak-szi-du
28. ir-ni-ti-ia
29. i-na ka-szu-szi-szu
30. ra-bi-im
31. ki-ma i-sza-tim
32. ez-ze-tim sza a-pi2-im
33. ni-szi-szu
34. li-iq-me
35. in _{gesz}tukul_-szu dan-nim
36. li-sza-ti-szu-ma
37. bi-ni-a-ti-szu
38. ki-ma s,a-lam t,i-t,i-im
39. li-ih-bu-usz
40. {d}nin-tu
41. _nin_ s,i-ir-tum
42. sza ma-ta-tim
43. _ama_ ba-ni-ti
44. _ibila_ li-t,e4-re-szu-ma
45. szu-ma-am
46. a u2-szar-szi-szu
47. i-na qer-bi-it ni-szi-szu
48. _numun_ a-wi-lu-tim
49. a ib-ni
50. {d}nin-kar-ra-ak
51. _dumu-munus an_-nim
52. qa2-bi-a-at
53. dum-qi2-ia
54. i-na e2-kur
55. mur-s,a-am kab-tam
56. _a2-sag3_ le-em-nam
57. si2-im-ma-am mar-s,a-am
58. sza la i-pa-asz-sze-hu
59. _a-zu!_ qe2-re-eb-szu
60. la i-lam-ma-du
61. i-na s,i2-im-di
62. la u2-na-ah-hu-szu
63. ki-ma ni-szi-ik mu-tim la in-na-sa3-hu
64. i-na bi-ni-a-ti-szu
65. li-sza-s,i-a-asz-szum-ma
66. a-di na-pi2-isz-ta-szu
67. i-be2-el-lu-u2
68. a-na et,-lu-ti-szu
69. li-da!-dam-ma-am
70. _dingir gal-gal_
71. sza sza-me-e
72. u3 er-s,e-tim
73. {d}a-nun-na
74. i-na _|SZU+LAGAB|_-szu-nu
75. sze-ed bi-tim
76. _sig4_ e2-babbar-ra
77. szu-a-ti
78. _numun_-szu
79. ma-su2 _erin2_-szu
80. ni-szi-szu
81. u3 um-ma-an-szu
82. er-re-tam
83. ma-ru-usz-tam li-ru-ru
84. er-re-tim
85. da!-ni-a-tim
86. {d}en-lil2
87. i-na _ka_-szu
88. sza la ut-ta-ak-ka-ru
89. li-ru-ur-szu-ma
90. ar-hi-isz
91. li-ik-szu-da-szu

2016-12-10 08:57:03, entered by englund for englund
&P249253 = RIME 4.03.06.add21, ex. 01
#atf: lang akk
@object stele
@surface a
@column 1
@prologue
1. i3-nu an s,i-ru-um
2. _lugal_ {d}a-nun-na-ki
3. {d}en-lil2
4. be-el sza-me-e
5. u3 er-s,e-tim
6. sza-i-im
7. szi-ma-at _kalam_
8. a-na {d}marduk
9. _dumu_ re-esz-ti-im
10. sza {d}en-ki
11. {d}en-lil2-ut
12. kisz ni-szi3
13. i-szi-mu-szum
14. in i-gi4-gi4
15. u2-szar-bi2-u3-szu
16. babila{ki}
17. szum-szu s,i-ra-am ib-bi-u3
18. in ki-ib-ra-tim
19. u2-sza-t,e4-ru-szu
20. i-na li-ib-bi-szu
21. szar-ru-tam da-ri2-tam
22. sza ki-ma sza-me-e
23. u3 er-s,e-tim
24. isz-da-sza
25. szu-ur2-szu-da
26. u2-ki-in-nu-szum
27. i-nu-mi-szu
28. {disz}ha-am-mu-ra-pi2
29. ru-ba-am
30. na-a'-dam
31. pa-li-ih i3-li2 ia-ti
32. mi-sza-ra-am
33. i-na ma-tim
34. a-na szu-pi2-i-im
35. ra-ga-am u3 s,e-nam
36. a-na hu-ul-lu-qi2-im
37. dan-nu-um
38. en-sza-am
39. a-na la ha-ba-li-im
40. ki-ma {d}utu
41. a-na _sag-ge6_
42. wa-s,e-e-em-ma
43. ma-tim
44. nu-wu-ri-im
45. an
46. u3 {d}en-lil2
47. a-na szi-ir ni-szi
48. t,u2-ub-bi-im
49. szu-mi ib-bu-u2
50. {disz}ha-am-mu-ra-pi2
51. re-iu-um
52. ni-bi-it
53. {d}en-lil2 a-na-ku
54. mu-kam-me-er
55. nu-uh2-szi-im
56. u3 t,u2-uh2-di-im
57. mu-sza-ak-li-il
58. mi-im-ma szum-szu
59. a-na nibru{ki} _dur-an-ki_
60. za-ni-nu-um
61. na-a'-du-um
62. sza e2-kur
63. _lugal_ le-iu-um
64. mu-te-er {iri}eridu{ki}
65. a-na asz-ri-szu
66. mu-ub-bi-ib
@column 2
1. szu-luh e2-abzu
2. ti-i-ib
3. ki-ib-ra-at
4. er-be2-tim
5. mu-szar-bi2 zi-ik-ru
6. babila{ki}
7. mu-t,i3-ib
8. li-ib-bi {d}marduk
9. be-li2-szu
10. sza u4-mi-szu
11. iz-za-zu
12. a-na e2-sag-il2
13. _numun_ szar-ru-tim
14. sza {d}suen
15. ib-ni-u3-szu
16. mu-na-ah-hi-isz
17. {iri}uri5{ki}
18. wa-asz-ru-um
19. mu-usz-te-mi-qum
20. ba-bil2 _he2-gal2_
21. a-na e2-kisz-nu-gal2
22. _lugal_ ta-szi-im-tim
23. sze-mu {d}utu da-num2
24. mu-ki-in
25. _suhusz_ zimbir{ki}
26. mu-sza-al-bi-isz
27. wa-ar-qi2-im
28. gi-gu-ne-e {d}a-a
29. mu-s,i-ir
30. e2-babbar
31. sza ki szu-ba-at sza-ma-i
32. _ur-sag_ ga#-mi-il
33. larsa{ki}
34. mu-u4-di-isz e2-babbar
35. a-na {d}utu
36. re-s,i-szu
37. be-lum mu-ba-li2-it,
38. unu{ki}
39. sza-ki-in me-e
40. nu-uh2-szi-im
41. a-na ni-szi-szu
42. mu-ul-li
43. re-esz e2-an-na
44. mu-kam-me-er
45. hi-is,-bi-im
46. a-na _an_-nim
47. u3 {d}inanna
48. _an-dul3_ ma-tim
49. mu-pa-ah-hi-ir
50. ni-szi sa6-ap-ha-tim
51. sza i3-si-in{ki}
52. mu-t,a-ah-hi-id
53. nu-uh2-szi-im
54. _e2_ e2-gal-mah
55. _uszumgal lugal_-ri2
56. ta-li-im
57. {d}za-ba4-ba4
58. mu-szar-szi-id
59. szu-ba-at {iri}kisz{ki}
60. mu-usz-ta-as2-hi-ir
61. me-le-em-mi
62. e2-me-te-ur-sag
63. mu-usz-te-es,-bi
64. pa-ar-s,i2 ra-bu-u2-tim
65. sza {d}inanna
66. pa-qi2-id bi-tim
67. hur-sag-kalam-ma
68. sa-par4 na-ki-ri
69. sza {d}er3-ra ru-szu
70. u2-sza-ak-szi-du
@column 3
1. ni-iz-ma-su2
2. mu-sza-te-er
3. {iri}gu2-du8-a{ki}
4. mu-ra-ap-pi2-isz
5. mi-im-ma szum-szu
6. ana mes-lam
7. ri-mu-um
8. ka-ad-ru-um
9. mu-na-ak-ki-ip za-i-ri
10. na-ra-am {d}tu-tu
11. mu-ri-isz
12. {iri}bar-si2-pa2{ki}
13. na-a'-du-um
14. la mu-up-pa-ar-ku-u2-um
15. a-na e2-zi-da
16. i-lu _lugal_-ri2
17. mu-de _igi-gal2_-im
18. mu-sza-ad-di-il
19. me-re-esz-tim
20. sza dil-bat{ki}
21. mu-ga-ar-ri-in _guru7-guru7_
22. a-na {d}urasz
23. ga-asz-ri-im
24. be-lum si2-ma-at
25. ha-at,-t,i-im
26. u3 a-ge-em
27. sza u2-sza-ak-li-lu-szu
28. e-ri-isz-tum
29. {d}ma-ma
30. mu-ki-in
31. u2-s,u2-ra-tim
32. sza kesz3{ki}
33. mu-de-esz-szi
34. ma-ka-li el-lu-tim
35. a-na {d}nin-tu
36. mu-usz-ta-lum
37. gi-it-ma-lum
38. sza-i-im
39. mi-ri-tim
40. u3 ma-asz-qi2-tim
41. a-na lagasz{ki}
42. u3 gir2-su{ki}
43. mu-ki-il
44. ni-in-da-be2-e
45. ra-bu-tim
46. a-na e2-ninnu
47. mu-tam-me-eh a-a-bi
48. mi-gi4-ir
49. te-li-tim
50. mu-sza-ak-li-il
51. te-re-tim
52. sza zabala2{ki}
53. mu-ha-ad-di
54. li-ib-bi {d}esz18-dar
55. ru-bu-um el-lum
56. sza ni-isz qa2-ti-szu
57. {d}iszkur i-du-u2
58. mu-ne-eh
59. li-ib-bi {d}iszkur
60. gu2-ra-di-im
61. i-na {iri}im{ki}
62. mu-usz-ta-ak-ki-in
63. si2-ma-tim
64. i-na e2-u4-gal-gal
65. _lugal_ na-di-in
66. na-pi2-isz-tim
67. a-na adab{ki}
68. a-sze-er
69. _e2_ e2-mah
70. e-te-el _lugal_-ri2
71. qa2-ba-al
72. la ma-ha-ri-im
@column 4
1. szu i-qi2-szu
2. na-ap-sza-tam
3. a-na {iri}masz-gan-szabra{ki}
4. mu-sze-esz-qi2
5. nu-uh2-szi-im
6. a-na _mes-lam_
7. em-qum
8. mu-tab-bi-lum
9. szu ik-szu-du
10. na-ga-ab ur2-szi-im
11. mu-usz-pa-az-zi-ir
12. ni-szi ma3-al-nag-a {ki}
13. in ka-ra-szi-im
14. mu-szar-szi-du
15. szu-ba-ti-szi-in
16. in nu-uh2-szi-in
17. a-na {d}en-ki
18. u3 {d}dam-gal-nun-na
19. mu-szar-bu-u2
20. szar-ru-ti-szu
21. da-ri2-isz i-szi-mu
22. zi-bi el-lu-tim
23. a-sza-re-ed _lugal_-ri2
24. mu-ka-an-ni-isz
25. da-ad-mi
26. {i7}buranun-na
27. i3-tum {d}da-gan
28. ba-ni-szu
29. szu ig-mi-lu
30. ni-szi me-ra{ki}
31. u3 tu-tu-ul{ki}
32. ru-bu-um
33. na-a'-du-um
34. mu-na-wi-ir
35. pa-ni {d}tiszpak
36. sza-ki-in ma-ka-li el-lu-tim
37. a-na {d}nin-a-zu
38. sza-t,i3-ip ni-szi-szu
39. in pu-usz-qi2-im
40. mu-ki-in-nu
41. isz-di-szi-in
42. qer-bu-um
43. babila{ki}
44. szu-ul-ma-ni-isz
45. _sipa_ ni-szi3
46. sza ep-sze-tu-szu
47. e-li {d}esz18-dar t,a-ba
48. mu-ki-in-ni {d}esz18-dar
49. i-na e2-ul-masz
50. qer-bu-um
51. a-ga-de3{ki}
52. re-bi-tim
53. mu-sze-pi2 ki-na-tim
54. mu-szu-sze-er am-mi
55. mu-te-er
56. {d}lamma-szu
57. da-mi-iq-tim
58. a-na {iri}a-szur4{ki}
59. mu-sze-ep-pi2 na-bi-hi
60. _lugal_ sza i-na ni-nu-a{ki}
61. i-na e2-mes-mes
62. u2-szu-pi2-u3
63. me-e {d}inanna
64. na-a'-du-um
65. mu-usz-te-mi-qum
66. a-na _dingir gal-gal_
67. li-ip-li-pi2
68. sza {disz}su-mu-la-il3
69. _ibila_ da-num2
70. sza {disz}{d}suen-mu-ba-li2-it,
@column 5
1. _numun_ da-ri2-um
2. sza szar-ru-tim
3. _lugal_ da-num2
4. {d}utu-szu
5. babila{ki}
6. mu-sze-s,i2 nu-ri-im
7. a-na ma-at
8. szu-me-ri2-im
9. u3 ak-ka-di-im
10. _lugal_ mu-usz-te-esz-mi
11. ki-ib-ra-at
12. ar-ba-im
13. mi-gi4-ir {d}inanna a-na-ku
14. i-nu-ma
15. {d}marduk
16. a-na szu-te-szu-ur ni-szi
17. _kalam_ u2-si-[im]
18. szu-hu-zi-im
19. u2-wa-e-ra-an-ni
20. ki-it-tam
21. u3 mi-sza-ra-am
22. i-na _ka_ ma-tim
23. asz-ku-un
24. szi-ir ni-szi u2-t,i-ib
25. i-nu-mi-szu
@law 1
26. szum-ma a-wi-lum a-wi-lam
27. u2-ub-bi-ir-ma
28. ne-er-tam e-li-szu
29. id-di-ma
30. la uk-ti-in-szu
31. mu-ub-bi-ir-szu
32. id-da-ak
@law 2
33. szum-ma a-wi-lum
34. ki-isz-pi2
35. e-li a-wi-lim id-di-ma
36. la uk-ti-in-szu
37. sza e-li-szu
38. ki-isz-pu na-du-u2
39. a-na {d}i7
40. i-il-la-ak
41. {d}i7 i-sza-al-li-a-am-ma
42. szum-ma {d}i7
43. ik-ta-sza-su2
44. mu-ub-bi-ir-szu
45. _e2_-su2 i-tab-ba-al
46. szum#-ma a-wi-lam szu-a-ti
47. {d}i7
48. u2-te-eb-bi-ba-asz-szu-ma
49. isz-ta-al-ma-am
50. sza e-li-szu
51. ki-isz-pi2 id-du-u2
52. id-da-ak
53. sza {d}i7
54. isz-li-a-am
55. _e2_ mu-ub-bi-ri-szu
56. i-tab-ba-al
@law 3
57. szum-ma a-wi-lum
58. i-na di-nim
59. a-na szi-bu-ut
60. sa3-ar-ra-tim
61. u2-s,i-a-am-ma
62. a-wa-at iq-bu-u2
63. la uk-ti-in
64. szum-ma di-nu-um szu-u2
65. di-in na-pi2-isz-tim
66. a-wi-lum szu-u2
67. id-da-ak
@law 4
68. szum-ma a-na szi-bu-ut
@column 6
1. _sze_ u3 _ku3-babbar_
2. u2-s,i-a-am
3. a-ra-an
4. di-nim szu-a-ti
5. it-ta-na-asz-szi
@law 5
6. szum-ma da-a-a-nu-um
7. di-nam i-di-in
8. pu-ru-sa2-am
9. ip-ru-us2
10. ku-nu-uk-kam
11. u2-sze-zi-ib
12. wa-ar-ka-nu-um-ma
13. di-in-szu i-te-ni
14. da-a-a-nam szu-a-ti
15. i-na di-in i-di-nu
16. e-ne-em
17. u2-ka-an-nu-szu-ma
18. ru-gu-um-ma-am
19. sza i-na di-nim szu-a-ti
20. ib-ba-asz-szu-u2
21. _a-ra2_ 1(u) 2(disz)-szu
22. i-na-ad-di-in
23. u3 i-na pu-uh2-ri-im
24. i-na _{gesz}gu-za_
25. da-a-a-nu-ti-szu
26. u2-sze-et-bu-u2-szu-ma
27. u2-ul i-ta-ar-ma
28. it-ti da-a-a-ni
29. i-na di-nim
30. u2-ul usz-ta-ab
@law 6
31. szum-ma a-wi-lum
32. _nig2-gur11 dingir_
33. u3 _e2-gal_
34. isz-ri-iq
35. a-wi-lum szu-u2
36. id-da-ak
37. u3 sza szu-ur2-qa2-am
38. i-na qa2-ti-szu
39. im-hu-ru
40. id-da-ak
@law 7
41. szum#-ma a-wi-lum
42. lu _ku3-babbar_
43. lu _ku3-sig17_
44. lu _ARAD2_ lu _geme2_
45. lu _gu4_ lu _udu_
46. lu _ansze_
47. u3 lu mi-im-ma szum-szu
48. i-na qa2-at _dumu_ a-wi-lim
49. u3 lu _ARAD2_ a-wi-lim
50. ba-lum szi-bi
51. u3 ri-ik-sa-tim
52. isz-ta-am
53. u3 lu a-na ma-s,a-ru-tim
54. im-hu-ur
55. a-wi-lum szu-u2
56. szar-ra-aq id-da-ak
@law 8
57. szum-ma a-wi-lum
58. lu _gu4_ lu _udu_ lu _ansze_ lu _szah2_
59. u3 lu _{gesz}ma2_
60. isz-ri-iq
61. szum-ma sza i-lim
62. szum-ma sza _e2-gal_
63. _a-ra2_ 3(u)-szu
64. i-na-ad-di-in
65. szum-ma sza _|MASZ.EN.GAG|_
66. _a-ra2_ 1(u)-szu i-ri-a-ab
67. szum-ma szar-ra-qa2-nu-um
68. sza na-da-nim la i-szu
69. id-da-ak
@law 9
70. szum-ma a-wi-lum
@column 7
1. sza mi-im-mu-szu hal-qu2
2. mi-im-ma-szu
3. hal-qa2-am
4. i-na qa2-ti a-wi-lim
5. is,-s,a-ba-at
6. a-wi-lum sza hu-ul-qum
7. i-na qa2-ti-szu
8. s,a-ab-tu
9. na-di-na-nu-um-mi id-di-nam
10. ma-har szi-bi-mi
11. a-sza-am
12. iq-ta-bi
13. u3 be-el hu-ul-qi2-im
14. szi-bi mu-de
15. hu-ul-qi2-ia-mi
16. lu-ub-lam
17. iq-ta-bi
18. sza-a-a-ma-nu-um
19. na-di-in
20. id-di-nu-szum
21. u3 szi-bi
22. sza i-na mah-ri-szu-nu
23. i-sza-mu it-ba-lam
24. u3 be-el hu-ul-qi2-im
25. szi-bi mu-de hu-ul-qi2-szu
26. it-ba-lam
27. da-a-a-nu
28. a-wa-a-ti-szu-nu
29. i-im-ma-ru-ma
30. szi-bu sza mah-ri-szu-nu
31. szi-mu-um
32. isz-sza-mu
33. u3 szi-bu mu-de
34. hu-ul-qi2-im
35. mu-du-su2-nu
36. ma-har i-lim
37. i-qa2-ab-bu-ma
38. na-di-na-nu-um
39. szar-ra-aq id-da-ak
40. be-el hu-ul-qi2-im
41. hu-lu-uq-szu
42. i-le-qe2
43. sza-a-a-ma-nu-um
44. a-na bi-it
45. na-di-na-nim
46. _ku3-babbar_ isz-qu2-lu
47. i-le-qe2
@law 10
48. szum-ma sza-a-a-ma-nu-um
49. na-di-in
50. id-di-nu-szum
51. u3 szi-bi sza i-na mah-ri-szu-nu
52. i-sza-mu
53. la it-ba-lam
54. be-el hu-ul-qi2-im-ma
55. szi-bi mu-de
56. hu-ul-qi2-szu it-ba-lam
57. sza-a-a-ma-nu-um
58. szar-ra-aq id-da-ak
59. be-el hu-ul-qi2-im
60. hu-lu-uq-szu
61. i-le-qe2
@law 11
62. szum-ma be-el hu-ul-qi2-im
63. szi-bi mu-de
64. hu-ul-qi2-szu
65. la it-ba-lam
@column 8
1. sa3-ar
2. tu-usz-sza-am-ma id-ke
3. id-da-ak
@law 12
4. szum-ma na-di-na-nu-um
5. a-na szi-im-tim
6. it-ta-la-ak
7. sza-a-a-ma-nu-um
8. i-na bi-it
9. na-di-na-nim
10. ru-gu-um-me-e
11. di-nim szu-a-ti
12. _a-ra2_ 5(disz)-szu
13. i-le-qe2
@law 13
14. szum#-ma a-wi-lum szu-u2
15. szi-bu-szu la qer-bu
16. da-a-a-nu a-da-nam
17. a-na _iti 6(disz)-kam_
18. i-sza-ak-ka-nu-szum-ma
19. szum-ma i-na _iti 6(disz)-kam_
20. szi-bi-szu la ir-de-a-am
21. a-wi-lum szu-u2
22. sa3-ar
23. a-ra-an di-nim szu-a-ti
24. it-ta-na-asz-szi
@law 14
25. szum-ma a-wi-lum
26. _dumu_ a-wi-lim
27. s,e-eh-ra-am
28. isz-ta-ri-iq
29. id-da-ak
@law 15
30. szum-ma a-wi-lum
31. lu _ARAD2 e2-gal_
32. lu _geme2 e2-gal_
33. lu _ARAD2 |MASZ.EN.GAG|_
34. lu _geme2 |MASZ.EN.GAG|_
35. _abul_ usz-te-s,i2
36. id-da-ak
@law 16
37. szum-ma a-wi-lum
38. lu _ARAD2_ lu _geme2_
39. hal-qa2-am
40. sza _e2-gal_
41. u3 lu _|MASZ.EN.GAG|_
42. i-na bi-ti-szu
43. ir-ta-qi2-ma
44. a-na szi-si-it
45. na-gi-ri-im
46. la usz-te-s,i2-a-am
47. be-el _e2_ szu-u2
48. id-da-ak
@law 17
49. szum-ma a-wi-lum
50. lu _ARAD2_ lu _geme2_
51. hal-qa2-am
52. i-na s,e-ri-im
53. is,-ba-at-ma
54. a-na be-li2-szu
55. ir-te-de-a-asz-szu
56. 2(disz) _gin2 ku3-babbar_
57. be-el _ARAD2_
58. i-na-ad-di-isz-szum
@law 18
59. szum-ma _ARAD2_ szu-u2
60. be-el-szu
61. la iz-za-kar
62. a-na _e2-gal_
63. i-re-ed-de-szu
64. wa-ar-ka-su2
65. ip-pa-ar-ra-as2-ma
66. a-na be-li2-szu
67. u2-ta-ar-ru-szu
@law 19
68. szum-ma _ARAD2_
69. szu-a-ti
70. i-na bi-ti-szu
71. ik-ta-la-szu
72. wa-ar-ka _ARAD2_
@column 9
1. i-na qa2-ti-szu
2. it-ta-as,-ba-at
3. a-wi-lum szu-u2
4. id-da-ak
@law 20
5. szum-ma _ARAD2_
6. i-na qa2-at
7. s,a-bi-ta-ni-szu
8. ih-ta-li-iq
9. a-wi-lum szu-u2
10. a-na be-el _ARAD2_
11. ni-isz i-lim
12. i-za-kar-ma
13. u2-ta-asz-szar
@law 21
14. szum-ma a-wi-lum
15. bi-tam
16. ip-lu-usz
17. i-na pa-ni
18. pi2-il-szi-im
19. szu-a-ti
20. i-du-uk-ku-szu-ma
21. i-ha-al-la-lu-szu
@law 22
22. szum-ma a-wi-lum
23. hu-ub-tam
24. ih-bu-ut-ma
25. it-ta-as,-ba-at
26. a-wi-lum szu-u2
27. id-da-ak
@law 23
28. szum-ma ha-ab-ba-tum
29. la it-ta-as,-ba-at
30. a-wi-lum
31. ha-ab-tum
32. mi-im-ma-szu
33. hal-qa2-am
34. ma-ha-ar
35. i-lim
36. u2-ba-ar-ma
37. _iri_
38. u3 ra-bi-a-nu-um
39. sza i-na er-s,e-ti-szu-nu
40. u3 pa-t,i-szu-nu
41. hu-ub-tum
42. ih-ha-ab-tu
43. mi-im-ma-szu
44. hal-qa2-am
45. i-ri-a-ab-bu-szum
@law 24
46. szum-ma na-pi2-isz-tum
47. _iri_ u3 ra-bi-a-nu-um
48. 1(disz) _ma-na ku3-babbar_
49. a-na ni-szi-szu
50. i-sza-qa2-lu
@law 25
51. szum-ma i-na _e2_ a-wi-lim
52. i-sza-tum
53. in-na-pi2-ih-ma
54. a-wi-lum
55. sza a-na bu-ul-li-im
56. il-li-ku
57. a-na nu-ma-at
58. be-el _e2_
59. i-in-szu isz-szi-ma
60. nu-ma-at
61. be-el _e2_
62. il-te-di
63. a-wi-lum szu-u2
64. a-na i-sza-tim szu-a-ti
65. in-na-ad-di
@law 26
66. szum-ma lu _aga-us2_
67. u3 lu _szu-ku6_
68. sza a-na har-ra-an szar-ri-im
69. a-la-ak-szu
@column 10
1. qa2-bu-u2
2. la-il-li-ik
3. lu _{lu2}hun-ga2_
4. i-gur-ma
5. pu-uh2-szu
6. it,-t,a-ra-ad
7. lu _aga-us2_
8. u3 lu _szu-ku6_ szu-u2
9. id-da-ak
10. mu-na-ag-gi-ir-szu
11. _e2_-su2
12. i-tab-ba-al
@law 27
13. szum-ma lu _aga-us2_
14. u3 lu _szu-ku6_
15. sza i-na dan-na-at
16. szar-ri-im
17. tu-ur2-ru
18. wa-ar-ki-szu
19. _a-sza3_-szu u3 _{gesz}kiri6_-szu
20. a-na sza-ni-im
21. id-di-nu-ma
22. i-li-ik-szu
23. it-ta-la-ak
24. szum-ma it#-tu-ra-am-ma
25. _iri_-szu ik-ta-asz2-dam
26. _a-sza3_-szu u3 _{gesz}kiri6_-szu
27. u2-ta-ar-ru-szum-ma
28. szu-ma i-li-ik-szu
29. i-il-la-ak
@law 28
30. szum-ma lu _aga#-us2_
31. u3 lu _szu-ku6_
32. sza i-na dan#-na-at
33. szar-ri-im
34. tu-ur2#-ru
35. _dumu_-szu il-kam
36. a-la-kam i-le-i
37. _a-sza3_ u3 _{gesz}kiri6_
38. in-na-ad-di-isz-szum#-ma
39. i-li-ik# [a]-bi-szu
40. i-il-[la]-ak#
@law 29
41. szum-ma _dumu_-szu
42. s,e-he-er-ma#
43. i-li-ik a-bi-szu
44. a-la-kam
45. la i-le-i
46. sza-lu-usz-ti _a-sza3_ u3 _{gesz}kiri6_
47. a-na um-mi-szu
48. in-na-ad#-di-in-ma
49. um-ma-szu
50. u2-ra-ab-ba-szu
@law 30
51. szum-ma lu _aga-us2#_
52. u3 lu _szu-ku6_
53. _a-sza3_-szu _{gesz}kiri6_-szu# u3 _e2_-su2#
54. i-na pa-ni il-ki-im
55. id-di-ma
56. u4-da-ap-pi2-ir
57. sza-nu-um
58. wa-ar-ki-szu#
59. _a-sza3_-szu _{gesz}kiri6_-szu
60. u3 _e2_-su2
61. is,-ba-at-ma
62. _mu 3(disz)-kam_
63. i-li-ik-szu
64. it-ta-la-ak
65. szum-ma it-tu-ra-am-ma
66. _a-sza3_-szu _{gesz}kiri6_-szu u3 _e2_-su2
67. i-ir-ri-isz
68. u2-ul in-na-ad-di-isz-szum
@column 11
1. sza is,-s,a-ab-tu-ma
2. i-li-ik-szu
3. it-ta-al-ku
4. szu-ma i-il-la-ak
@law 31
5. szum-ma sza-at-tam
6. isz-ti-a-at-ma
7. u4-da-ap-pi2-ir-ma
8. it-tu-ra-am
9. _a-sza3_-szu u3 _e2_-su2
10. in-na-ad-di-isz-szum-ma
11. szu-ma i-li-ik-szu
12. i-il#-la#-ak#
@law 32
13. szum#-ma# lu _aga-us2_
14. u3 lu _szu-ku6_
15. sza i-na har-ra-an
16. szar-ri-im
17. tu-ur2-ru
18. _dam-gar3_ ip-t,u2-ra-asz-szu-ma
19. _iri_-szu usz-ta-ak-szi-da-asz-szu
20. szum-ma i-na bi-ti-szu
21. sza pa-t,a-ri-im
22. i-ba-asz-szi
23. szu-ma ra-ma-an-szu
24. i-pa-at,-t,a-ar
25. szum-ma i-na bi-ti-szu
26. sza pa-t,a-ri-szu
27. la i-ba-asz-szi
28. i-na _e2 dingir iri_-szu
29. ip-pa-at,-t,ar2
30. szum-ma i-na _e2_
31. _dingir iri_-szu
32. sza pa-t,a-ri-szu
33. la i-ba-asz-szi
34. _e2-gal_ i-pa-at,-t,a-ar!(RI)-szu
35. _a-sza3_-szu _{gesz}kiri6_-szu
36. u3 _e2_-su2
37. a-na ip-t,e4-ri-szu
38. u2-ul in-na-ad-di-in
@law 33
39. szum-ma lu _ugula-ugula_
40. u3 lu _nu-banda3_
41. _erin2_ ni-is-ha-tim
42. ir-ta-szi
43. u3 lu a-na _kaskal_
44. szar-ri-im
45. _{lu2}hun-ga2_ pu-ha-am
46. im-hu-ur-ma
47. ir-te-de
48. lu _ugula-ugula_
49. u3 lu _nu-banda3_ szu-u2
50. id-da-ak
@law 34
51. szum-ma lu _ugula-ugula_
52. u3 lu _nu-banda3_
53. nu-ma-at _aga-us2_ il-te-qe2
54. _aga-us2_ ih-ta-ba-al
55. _aga-us2_ a-na ig-ri-im
56. it-ta-di-in
57. _aga-us2_ i-na di-nim
58. a#-na# dan-nim isz-ta-ra-ak
59. qi2#-isz-ti szar-ru-um
60. [a]-na# _aga-us2_ id-di-nu
61. il#-te-di
62. lu# _ugula-ugula_
63. u3# lu _nu-banda3_ szu-u2
64. id#-da#-ak
@law 35
65. szum#-ma a-wi-lum
66. _ab2# gu4!(BI) hi-a_
67. u3 _u8 udu hi-a_
68. sza szar-ru-um
69. a-na _aga-us2_
70. id-di-nu
@column 12
1. i-na qa2-ti _aga-us2_
2. isz-ta-am
3. i-na _ku3-babbar_-szu
4. i-te-el-li
@law 36
5. _a-sza3_-um _{gesz}kiri6_ u3 _e2_
6. sza _aga-us2 szu-ku6_
7. u3 na-szi bi-il-tim
8. a-na _ku3-babbar_
9. u2-ul i-na-ad-di-in
@law 37
10. szum-ma a-wi-lum
11. _a-sza3 {gesz}kiri6_ u3 _e2_
12. sza _aga-us2 szu-ku6_
13. u3# na#-szi _gun#_
14. isz#-ta#-am#
15. t,up-pa-szu
16. ih-he-ep-pe2
17. u3 i-na _ku3-babbar_-szu
18. i-te-el-li
19. _a-sza3 {gesz}kiri6_ u3 _e2_
20. a-na be-li2-szu
21. i-ta-ar
@law 38
22. _aga-us2 szu-ku6_
23. u3 na-szi _gun_
24. i-na _a-sza3 {gesz}kiri6_ u3 _e2_
25. sza il-ki-szu
26. a-na asz-sza-ti-szu
27. u3 _dumu-munus_-szu
28. u2-ul i-sza-at,-t,a-ar
29. u3 a-na i-il-ti-szu
30. u2-ul i-na-ad-di-in
@law 39
31. i-na _a-sza3 kiri6_ u3 _e2_
32. sza i-sza-am-mu-ma
33. i-ra-asz-szu-u2
34. a-na asz-sza-ti-szu
35. u3 _dumu-munus_-szu
36. i-sza-at,-t,ar2
37. u3 a-na e-hi-il-ti-szu
38. i-na-ad-di-in
@law 40
39. _lukur dam-gar3_
40. u3 il-kum a-hu-u2-um
41. _a-sza3_-szu _{gesz}kiri6_-szu
42. u3 _e2_-su2 a-na _ku3-babbar_
43. i-na-ad-di-in
44. sza-a-a-ma-nu-um
45. i-li-ik _a-sza3_
46. _{gesz}kiri6_ u3 _e2_
47. sza i-sza-am-mu
48. i-il-la-ak
@law 41
49. szum-ma a-wi-lum
50. _a-sza3 {gesz}kiri6_ u3 _e2_
51. sza _aga-us2 szu-ku6_
52. u3 na-szi bi-il-tim
53. u2-pi2-ih
54. u3 ni-ip-la-ti
55. id-di-in
56. _aga-us2 szu-ku6_
57. u3 na-szi bi-il-tim
58. a-na _a-sza3_-szu _{gesz}kiri6_-szu u3 _e2_-szu
59. i-ta-ar
60. u3 ni-ip-la-tim
61. sza in-na-ad-nu-szum
62. i-tab-ba-al
@law 42
63. szum-ma a-wi-lum
64. _a-sza3_ a-na er-re-szu-tim
65. u2-sze-s,i-ma
66. i-na _a-sza3 sze_ la usz-tab-szi
67. i-na _a-sza3_ szi-ip-ri-im
@column 13
1. la e-pe2-szi-im
2. u2-ka-an-nu-szu-ma
3. _sze_ ki-ma i-te-szu
4. a-na be-el _a-sza3_
5. i-na-ad-di-in
@law 43
6. szum-ma _a-sza3_-am la i-ri-isz-ma
7. it-ta-di
8. _sze_ ki-ma i-te-szu
9. a-na be-el _a-sza3_
10. i-na-ad-di-in
11. u3 _a-sza3_ sza id-du-u2
12. ma-a-a-ri
13. i-ma-ah-ha-as,
14. i-sza-ak-ka-ak-ma
15. a-na be-el _a-sza3_
16. u2-ta-ar
@law 44
17. szum-ma a-wi-lum
18. _a-sza3 |KI.KAL|_
19. a-na _mu 3(disz)-kam_
20. a-na te-ep-ti-tim
21. u2-sze-s,i-ma
22. a-ah-szu id-di-ma
23. _a-sza3_ la ip-te-te
24. i-na re-bu-tim
25. sza-at-tim
26. _a-sza3_ ma-a-a-ri
27. i-ma-ah-ha-as,
28. i-mar-ra-ar
29. u3 i-sza-ak-ka-ak-ma
30. a-na be-el _a-sza3_
31. u2-ta-ar
32. u3 1(bur3) _GAN2_-e
33. 1(u) _sze gur_
34. i-ma-ad-da-ad
@law 45
35. szum-ma a-wi-lum
36. _a-sza3_-szu a-na _gun_
37. a-na er-re-szi-im
38. id-di-in-ma
39. u3 _gun a-sza3_-szu
40. im-ta-ha-ar
41. wa-ar-ka _a-sza3_
42. {d}iszkur ir-ta-hi-is,
43. u3 lu bi-ib-bu-lum
44. it-ba-al
45. bi-ti-iq-tum
46. sza er-re-szi-im-ma
@law 46
47. szum-ma _gun a-sza3_-szu
48. la im-ta-ha-ar
49. u3 lu a-na mi-isz-la-ni
50. u3 lu a-na sza-lu-usz
51. _a-sza3_ id-di-in
52. _sze_ sza i-na _a-sza3_
53. ib-ba-asz-szu-u2
54. er-re-szum
55. u3 be-el _a-sza3_
56. a-na ap-szi-te-em
57. i-zu-uz-zu
@law 47
58. szum-ma er-re-szum
59. asz-szum i-na sza-at-tim
60. mah-ri-tim
61. ma-na-ha-ti-szu
62. la il-qu2-u2
63. _a-sza3_ e-re-sza-am iq-ta-bi
64. be-el _a-sza3_
65. u2-ul u2-up-pa-as
66. er-re-su-ma
67. _a-sza3_-szu i-ir-ri-isz-ma
68. i-na _buru14_
69. ki-ma ri-ik-sa-ti-szu
70. _sze_ i-le-qe2
@law 48
71. szum-ma a-wi-lum
72. hu-bu-ul-lum
73. e-li-szu
@column 14
1. i-ba-asz-szi-ma
2. _[a]-sza3_-szu
3. {d}iszkur
4. ir-ta-hi-is,
5. u3 lu-u2 bi-ib-bu-lum#
6. it-ba-al
7. u3 lu-u2 i-na la me-e
8. _sze_ i-na _a-sza3_
9. la it-tab-szi
10. i-na sza-at-tim szu-a-ti
11. _sze_ a-na be-el hu-bu-ul-li-szu
12. u2-ul u2-ta-ar
13. t,up-pa-szu
14. u2-ra-at,-t,a-ab
15. u3 s,i-ib-tam
16. sza sza-at-tim szu-a-ti
17. u2-ul i-na-ad-di-in
@law 49
18. szum-ma a-wi-lum
19. _ku3-babbar_ it-ti _dam-gar3_
20. il-qe2-ma
21. _a-sza3_ ep-e-tim
22. sza _sze_ u3 lu _sze-gisz-i3_
23. a-na _dam-gar3_ id-di-in
24. _a-sza3_ e-ri-isz-ma
25. _sze_ u3 lu-u2 _sze-gisz-i3_
26. sza ib-ba-asz-szu-u2
27. e-si-ip ta-ba-al
28. iq-bi-szum
29. szum-ma er-re-szum
30. i-na _a-sza3 sze_
31. u3 lu _sze-gisz-i3_
32. usz-tab-szi
33. i-na _buru14 sze_ u3 _sze-gisz-i3_
34. sza i-na _a-sza3_ ib-ba-asz-szu-u2
35. be-el _a-sza3_-ma
36. i-le-qe2-ma
37. _sze_ sza _ku3-babbar_-szu
38. u3 s,i-ba-su2
39. sza it-ti _dam-gar3_
40. il-qu2-u2
41. u3 ma-na-ha-at
42. e-re-szi-im
43. a-na _dam-gar3_
44. i-na-ad-di-in
@law 50
45. szum-ma _a-sza3_ er-sza-am
46. u3 lu-u2
47. _a-sza3 sze-gisz-i3_
48. er-sza-am id-di-in
49. _sze_ u3 lu _sze-gisz-i3_
50. sza i-na _a-sza3_
51. ib-ba-asz-szu-u2
52. be-el _a-sza3_-ma
53. i-le-qe2-ma
54. _ku3-babbar_ u3 s,i-ba-su2
55. a-na _dam-gar3_ u2-ta-ar
@law 51
56. szum-ma _ku3-babbar_
57. a-na tu-ur2-ri-im
58. la i-szu
59. _sze-gisz-i3_
60. a-na ma-hi-ra-ti-szu-nu
61. sza _ku3-babbar_-szu
62. u3 s,i-ib-ti-szu
63. sza it-ti _dam-gar3_ il-qu2-u2
64. a-na _ka_ s,i-im-da-at
65. szar-ri-im
66. a-na _dam-gar3_ i-na-ad-di-in
@column 15
@law 52
1. szum-ma er-re-szum
2. i-na _a-sza3_ sze-am
3. u3 lu _sze-gisz-i3_
4. la usz-tab-szi
5. ri-ik-sa-ti-szu
6. u2-ul [i]-in-ni
@law 53
7. szum-ma a-wi-lum
8. a-na _kar a-sza3_-szu
9. du-un-nu-nim#
10. a-ah-szu id-di-ma
11. _kar_-szu
12. la u2-dan-ni-in-ma
13. i-na _kar_-szu
14. pi2-tum it-te-ep-te
15. u3 _a-gar3_ me-e usz-ta-bil2
16. a-wi-lum
17. sza i-na _kar_-szu
18. pi2-tum ip-pe2-tu-u2
19. _sze_ sza u2-hal-li-qu2
20. i-ri-a-ab
@law 54
21. szum-ma _sze_ ri-a-ba-am
22. la i-le-i
23. szu-a-ti
24. u3 bi-sza-szu
25. a-na _ku3-babbar_
26. i-na-ad-di-nu-ma
27. _dumu a-gar3-mesz_
28. sza _sze_-szu-nu
29. mu-u2 ub-lu
30. i-zu-uz-zu
@law 55
31. szum-ma a-wi-lum
32. a-tap-pa-szu
33. a-na szi-qi2-tim ip-te
34. a-ah-szu id-di-ma
35. _a-sza3_ i-te-szu
36. me-e usz-ta-bil2
37. _sze_ ki-ma i-te-szu
38. i-ma-ad-da-ad
@law 56
39. szum-ma a-wi-lum
40. me-e ip-te-ma
41. ep-sze-tim sza _a-sza3_ i-te-szu
42. me-e usz-ta-bil2
43. 1(bur3) _GAN2_-e
44. 1(u) _sze gur_
45. i-ma-ad-da-ad
@law 57
46. szum-ma _sipa_
47. a-na sza-am-mi
48. _u8 udu hi-a_ szu-ku-lim
49. it-ti be-el _a-sza3_
50. la im-ta-gar3-ma
51. ba-lum be-el _a-sza3_
52. _a-sza3 u8 udu hi-a_
53. usz-ta-ki-il
54. be-el _a-sza3 a-sza3_-szu
55. i-is,-s,i-id
56. _sipa_ sza i-na ba-lum
57. be-el _a-sza3_
58. _a-sza3 u8 udu hi-a_
59. u2-sza-ki-lu
60. e-le-nu-um-ma
61. 1(bur3) _GAN2_-e
62. 2(u) _sze gur_
63. a-na be-el _a-sza3_
64. i-na-ad-di-in
@law 58
65. szum-ma isz-tu _u8 udu hi-a_
66. i-na _a-gar3_
67. i-te-li-a-nim
68. ka-an-nu ga-ma-ar-tim
69. i-na _abul_
70. it-ta-ah-la-lu
71. _sipa u8 udu hi-a_
72. a-na _a-sza3_ id-di-ma
73. _a-sza3 u8 udu hi-a_
74. usz-ta-ki-il
75. _sipa a-sza3_ u2-sza-ki-lu
76. i-na-s,a-ar-ma
77. i-na _buru14_
78. 1(bur3) _GAN2_-e
@column 16
1. 1(gesz2) _sze gur_
2. a-na be-el _a-sza3_
3. i-ma-ad-da-ad
@law 59
4. szum-ma a-wi-lum
5. ba-lum be-el _{gesz}kiri6_
6. i-na _{gesz}kiri6_ a-wi-lim
7. i-s,a-am ik-ki-is
8. 1/2(disz) _ma-na ku3-babbar_
9. i-sza-qal
@law 60
10. szum-ma a-wi-lum
11. _a-sza3_ a-na _{gesz}kiri6_ [za]-qa2-pi2-im
12. [a]-na# _nu-{gesz}kiri6_ id-di-in
13. _nu-{gesz}kiri6_
14. _{gesz}kiri6_ iz-qu2-up
15. _mu 4(disz)-kam_
16. _{gesz}kiri6_ u2-ra-ab-ba
17. i-na ha-mu-usz-tim
18. sza-at-tim
19. be-el _{gesz}kiri6_
20. u3 _nu-{gesz}kiri6_
21. mi-it-ha-ri-isz
22. i-zu-zu
23. be-el _{gesz}kiri6_
24. _ha-la_-szu
25. i-na-sa3-aq-ma
26. i-le-qe2
@law 61
27. szum-ma _nu-{gesz}kiri6_
28. _a-sza3_ i-na za-qa2-pi2-im
29. la ig-mur-ma
30. ni-di-tam i-zi-ib
31. ni-di-tam
32. a-na li-ib-bi _ha-la_-szu
33. i-sza-ak-ka-nu-szum
@law 62
34. szum-ma _a-sza3_
35. sza in-na-ad-nu-szum
36. a-na _{gesz}kiri6_ la iz-qu2-up
37. szum-ma _ab-sin2_
38. _gun a-sza3_
39. sza sza-na-tim
40. sza in-na-du-u2
41. _nu-{gesz}kiri6_
42. a-na be-el _a-sza3_
43. ki-ma i-te-szu
44. i-ma-ad-da-ad
45. u3 _a-sza3_ szi-ip-ra-am
46. i-ip-pe2-esz-ma
47. a-na be-el _a-sza3_ u2-ta-ar
@law 63
48. szum-ma _a-sza3 |KI.KAL|_
49. _a-sza3_ szi-ip-ra-am
50. i-ip-pe2-esz-ma
51. _a-sza3_ be-el _a-sza3_
52. u2-ta-ar
53. u3 1(bur3) _GAN2_-e
54. 1(u) _sze gur_
55. sza sza-at-tim
56. isz-ti-a-at
57. i-ma-ad-da-ad
@law 64
58. szum-ma a-wi-lum
59. _{gesz}kiri6_-szu
60. a-na _nu-{gesz}kiri6_
61. a-na ru-ku-bi-im
62. id-di-in
63. _nu-{gesz}kiri6_
64. a-di _{gesz}kiri6_ s,a-ab-tu
65. i-na bi-la-at _{gesz}kiri6_
66. szi-it-ti-in
67. a-na be-el _{gesz}kiri6_
68. i-na-ad-di-in
69. sza-lu-usz-tam
70. szu-u2 i-le-qe2
@law 65
71. szum-ma _nu-{gesz}kiri6_
72. _{gesz}kiri6_ la u2-ra-ak-ki-ib-ma
73. bi-il-tam um-ta-t,i
74. _nu-{gesz}kiri6_
75. bi-la-at _{gesz}kiri6_
76. a-na i-te-szu
@column 17
$column missing
1. [i-ma-ad-da-ad]
2. [...]
@reverse
@column 1
1. s,i-ba-a-at _ku3-babbar_
2. ma-la il-qu2-u2
3. i-sa-ad-dar-ma
4. u4-mi-szu
5. i-ma-an-nu-u2-ma
6. _dam-gar3_-szu
7. i-ip-pa-al
@law 101
8. szum-ma a-szar il-li-ku
9. ne-me-lam
10. la i-ta-mar
11. _ku3-babbar_ il-qu2-u2
12. usz-ta-sza-na-ma
13. _szaman2-la2_ a-na _dam-gar3_
14. i-na-ad-di-in
@law 102
15. szum-ma _dam-gar3_
16. a-na _szaman2-la2_
17. _ku3-babbar_ a-na ta-ad-mi-iq-tim
18. it-ta-di-in-ma
19. a-szar il-li-ku
20. bi-ti-iq-tam
21. i-ta-mar
22. qa2-qa2-ad _ku3-babbar_
23. a-na _dam-gar3_ u2-ta-ar
@law 103
24. szum-ma har-ra-nam
25. i-na a-la-ki-szu
26. na-ak-ru-um
27. mi-im-ma sza na-szu-u2
28. usz-ta-ad-di-szu
29. _szaman2-la2_ ni-isz i-lim
30. i-za-kar-ma
31. u2-ta-asz-szar
@law 104
32. szum-ma _dam-gar3_
33. a-na _szaman2-la2_
34. _sze siki i3-gisz_
35. u3 mi-im-ma bi-sza-am
36. a-na pa-sza-ri-im
37. id-di-in
38. _szaman2-la2 ku3-babbar_
39. i-sa-ad-dar-ma
40. a-na _dam-gar3_
41. u2-ta-ar
42. _szaman2-la2_ ka-ni-ik _ku3-babbar_
43. sza a-na _dam-gar3_
44. i-na-ad-di-nu
45. i-le-qe2
@law 105
46. szum-ma _szaman2-la2_
47. i-te-gi-ma
48. ka-ni-ik _ku3-babbar_
49. a-na _dam-gar3_
50. id-di-nu
51. la-il-te-qe2
52. _ku3-babbar_ la ka-ni-ki-im
53. a-na ni-ik-ka-as-si2-im
54. u2-ul isz-sza-ak-ka-an
@law 106
55. szum-ma _szaman2-la2_
56. _ku3-babbar_ it-ti _dam-gar3_
57. il-qe2-ma
58. _dam-gar3_-szu
59. it-ta-ki-ir
60. _dam-gar3_ szu-u2
61. i-na ma-har i-lim u3 szi-bi
62. i-na _ku3-babbar_ le-qe2-em
63. _szaman2-la2_ u2-ka-an-ma
64. _szaman2-la2 ku3-babbar_
65. ma-la il-qu2-u2
66. _a-ra2_ 3(disz)-szu a-na _dam-gar3_
67. i-na-ad-di-in
@law 107
68. szum-ma _dam-gar3 ku3-babbar_
69. _szaman2-la2_ i-qi2-ip-ma
70. _szaman2-la2_ mi-im-ma
71. sza _dam-gar3_ id-di-nu-szum
72. a-na _dam-gar3_-szu
@column 2
1. ut-te-er
2. _dam-gar3_ mi-im-ma
3. sza _szaman2-la2_
4. id-di-nu-szum
5. it-ta-ki-ir-szu
6. _szaman2-la2_ szu-u2
7. i-na ma-har i-lim u3 szi-bi
8. _dam-gar3_ u2-ka-an-ma
9. _dam-gar3_ asz-szum _szaman2-la2_-szu
10. ik-ki-ru
11. mi-im-ma sza il-qu2-u2
12. _a-ra2_ 6(disz)-szu
13. a-na _szaman2-la2_
14. i-na-ad-di-in
@law 108
15. szum-ma _munus-kurun-na_
16. a-na _sa10# kasz_
17. _sze_ la im-ta-har
18. i-na _na4_ ra-bi-tim
19. _ku3-babbar_ im-ta-har
20. u3 _ganba kasz_
21. a-na _ganba sze_ um-ta-t,i
22. _munus-kurun-na_ szu-a-ti
23. u2-ka-an-nu-szi-ma
24. a-na me#-e
25. i-na#-[ad]-du#-u2-szi
@law 109
26. szum#-ma# _munus-kurun-na_
27. sa3-ar#-ru-tum
28. i-na _e2_-sza
29. it-tar-ka-su2#?-ma
30. sa3-ar-ru-tim szu-nu-ti
31. la is,-s,a-ab-tam-ma
32. a-na _e2-gal_
33. la ir-de-a-am
34. _munus-kurun-na_ szi-i
35. id-da-ak
@law 110
36. szum#-ma _lukur nin-dingir_
37. sza i-na _ga2-gi4-a_
38. la wa-asz-ba-at
39. _e2 kurun-na_ ip-te-te
40. u3 lu a-na _kasz_
41. a-na _e2 kurun-na_
42. i-te-ru-ub
43. a-wi-il-tam szu-a-ti
44. i-qal-lu-u2-szi
@law 111
45. szum-ma _munus-kurun-na_
46. 1(disz) _kasz dida ka gag_
47. a-na qi2-ip-tim id-di-in
48. i-na _buru14_
49. 5(ban2) _sze_ i-le-qe2
@law 112
50. szum-ma a-wi-lum
51. i-na har-ra-nim
52. wa-szi-ib-ma
53. _ku3-babbar ku3-sig17 na4_
54. u3 bi-isz qa2-ti-szu
55. a-na a-wi-lim
56. id-di-in-ma
57. a-na szi-bu-ul-tim
58. u2-sza-bil2-szu
59. a-wi-lum szu-u2
60. mi-im-ma sza szu-bu-lu
61. a-szar szu-bu-lu
62. la id-[di]-in-ma
63. it-ba-al
64. be-el szi-bu-ul-tim
65. a-wi-lam szu-a-ti
66. i-na mi-im-ma
67. sza szu-bu-lu-ma
68. la id-di-nu
69. u2-ka-an-nu-szu-ma
70. a-wi-lum szu-u2
71. _a-ra2_ 5(disz)-szu mi-im-ma
72. sza in-na-ad-nu-szum
73. a-na be-el szi-bu-ul-tim
74. i-na-ad-di-in
@law 113
75. szum-ma a-wi-lum
76. e-li a-wi-lim
@column 3
1. _sze_ u3 _ku3-babbar_ i-szu-ma
2. i-na ba-lum be-el _sze_
3. i-na na-asz-pa-ki-im
4. u3 lu i-na ma-asz-ka-nim
5. _sze_ il-te-qe2
6. a-wi-lam szu-a-ti
7. i-na ba-lum be-el _sze_
8. i-na na-asz-pa-ki-im
9. u3# lu i-na _kislah_
10. i#-na# _sze_ le-qe2-em
11. u2-ka-an-nu-szu-ma
12. _sze_ ma-la il-qu2-u2
13. u2-ta-ar
14. u3 i-na mi-im-ma szum-szu
15. ma-la id-di-nu
16. i-te-el-li
@law 114
17. szum-ma a-wi-lum
18. e-li a-wi-lim
19. _sze_ u3 _ku3-babbar_
20. la i-szu-ma
21. ni-pu-su2 it-te-pe2
22. a-na ni-pu-tim
23. isz-ti-a-at
24. 1/3(disz) _ma-na ku3-babbar_
25. i-sza-qal
@law 115
26. szum-ma a-wi-lum
27. e-li a-wi-lim
28. _sze_ u3 _ku3-babbar_
29. i-szu-ma
30. ni-pu-su2 ip-pe2-ma
31. ni-pu-tum
32. i-na _e2_ ne-pi2-sza
33. i-na szi-ma-ti-sza
34. im-tu-ut
35. di-nu-um szu-u2
36. ru-gu-um-ma-am
37. u2-ul i-szu
@law 116
38. szum-ma ni-pu-tum
39. i-na _e2_ ne-pi2-sza
40. i-na ma-ha-s,i2-im
41. u3-lu i-na usz-szu-szi-im
42. im-tu-ut
43. be-el ni-pu-tim
44. _dam-gar3_-szu
45. u2-ka-an-ma
46. szum-ma _dumu_ a-wi-lim
47. _dumu_-szu i-du-uk-ku
48. szum-ma _ARAD2_ a-wi-lim
49. 1/3(disz) _ma-na ku3-babbar_
50. i-sza-qal
51. u3 i-na mi-im-ma szum-szu
52. ma-la id-di-nu
53. i-te-el-li
@law 117
54. szum-ma a-wi-lam
55. e-hi-il-tum
56. is,-ba-su2-ma
57. _dam_-su2 _dumu_-szu u3 _dumu-munus_-su2
58. a-na _ku3-babbar_ id-di-in
59. u3 lu a-na ki-isz-sza-tim
60. it-ta-an-di-in
61. _mu 3(disz)-kam_
62. _e2_ sza-a-a-ma-ni-szu-nu
63. u3 ka-szi-szi-szu-nu
64. i-ip-pe2-szu i-na re-bu-tim
65. sza-at-tim
66. an-du-ra-ar-szu-nu
67. isz-sza-ak-ka-an
@law 118
68. szum-ma _ARAD2_ u3 lu _geme2_
69. a-na ki-isz-sza-tim
70. it-ta-an-di-in
71. _dam-gar3_ u2-sze-te-eq
72. a-na _ku3-babbar_ i-na-ad-din
73. u2-ul ib-ba-qar
@law 119
74. szum-ma a-wi-lam
75. e-hi-il-tum
76. is,-ba-su2-ma
77. _geme2_-su2 sza _dumu-mesz_ ul-du-szum
78. a-na _ku3-babbar_ it-ta-din
@column 4
1. _ku3-babbar dam-gar3_ isz-qu2-lu
2. be-el _geme2#_ i-sza-qal-ma
3. _geme2_-su2 i-pa-t,ar2#
@law 120
4. szum-ma a-wi-lum
5. sze-szu a-na na-asz-pa-ku-tim
6. i-na _e2_ a-wi-lim
7. isz-pu-uk-ma
8. i-na qa2-ri-tim
9. i-ib-bu-u2-um it-tab-szi
10. u3 lu be-el _e2_
11. na-asz-pa-kam ip-te-ma
12. _sze_ il-qe2
13. u3 lu _sze_ sza a-na _e2_-szu
14. isz-sza-ap-ku
15. a-na ga-am-ri-im
16. it-ta-ki-ir
17. be-el _sze_ ma-har i-lim
18. sze-szu u2-ba-ar-ma
19. be-el _e2_
20. _sze_ sza il-qu2-u2
21. usz-ta-sza-na-ma
22. a-na be-el _sze_
23. i-na-ad-di-in
@law 121
24. szum-ma a-wi-lum
25. i-na _e2_ a-wi-lim
26. _sze_ isz-pu-uk
27. i-na sza-na-at
28. a-na _1(asz) sze gur-e 5(disz) sila3 sze_
29. _a2_ na-asz-pa-ki-im
30. i-na-ad-di-in
@law 122
31. szum-ma a-wi-lum
32. a-na a-wi-lim
33. _ku3-babbar ku3-sig17_
34. u3 mi-im-ma szum-szu
35. a-na ma-s,a-ru-tim
36. i-na-ad-di-in
37. mi-im-ma ma-la
38. i-na-ad-di-nu
39. szi-bi-u2-kal2-lam
40. ri-ik-sa-tim
41. i-sza-ak-ka-an-ma
42. a-na ma-s,a-ru-tim
43. i-na-ad-di-in
@law 123
44. szum-ma ba-lum szi-bi
45. u3 ri-ik-sa-tim
46. a-na ma-s,a-ru-tim
47. id-di-in-ma
48. a-sar id-di-nu
49. it-ta-ak-ru-szu
50. di-nu-um szu-u2
51. ru-gu-um-ma-am
52. u2-ul i-szu
@law 124
53. szum-ma a-wi-lum
54. a-na a-wi-lim
55. _ku3-babbar ku3-sig17_
56. u3 mi-im-ma szum-szu
57. ma-har szi-bi
58. a-na ma-s,a-ru-tim
59. id-di-in-ma
60. it-ta-ki-ir-szu
61. a-wi-lam szu-a-ti
62. u2-ka-an-nu-szu-ma
63. mi-im-ma sza ik-ki-ru
64. usz-ta-sza-na-ma
65. i-na-ad-di-in
@law 125
66. szum-ma a-wi-lum
67. mi-im-ma-szu
68. a-na ma-s,a-ru-tim id-di-in-ma
69. a-szar id-di-nu
70. u3 lu a-na pi2-il-szi-im
71. u3 lu i-na na-ba;-al-ka-at-tim
73. mi-im-mu-szu
74. it-ti mi-im-me-e
75. be-el _e2_ ih-ta-li-iq be-el _e2_ sza i-gu-ma
76. mi-im-ma sza a-na
77. ma-s,a-ru-tim id-di-nu-szum-ma
78. u2-hal-li-qu2
79. u2-sza-lam-ma
@column 5
1. a-na be-el _nig2-gur11_
2. i-ri-a-ab
3. be-el _e2_
4. mi-im-ma-szu hal-qa2-am
5. isz#-te-ne-i-ma
6. [it]-ti szar-ra-qa2-ni-szu
7. i-le-qe2
@law 126
8. szum-ma# [a]-wi-lum
9. mi-im-mu-szu
10. la ha-li-iq#-ma
11. mi-im-me-e
12. ha-li-iq iq-ta-bi
13. ba-ab-ta-szu
14. u2-te-eb-bi-ir
15. ki-ma mi-im-mu-szu
16. la hal-qu2
17. ba-ab-ta-szu
18. i-na ma-har i-lim
19. u2-ba-ar-szu-ma
20. mi-im-ma
21. sza ir-gu-mu
22. usz-ta-sza-na-ma
23. a-na ba-ab-ti-szu
24. i-na-ad-di-in
@law 127
25. szum-ma a-wi-lum
26. e-li _nin-dingir_
27. u3 a-sza-at a-wi-lim
28. u2-ba-nam u2-sza-at-ri-is,-ma
29. la uk-ti-in
30. a-wi-lam szu-a-ti
31. ma-har da-a-a-ni
32. i-na-ad-du-u2-szu
33. u3 mu-ut-ta-su2
34. u2-gal-la-bu
@law 128
35. szum-ma a-wi-lum
36. asz-sza-tam
37. i-hu-uz-ma
38. ri-ik-sa-ti-sza
39. la isz-ku-un
40. _munus_ szi-i
41. u2-ul asz-sza-at
@law 129
42. szum-ma asz-sza-at a-wi-lim
43. it-ti zi-ka-ri-im
44. sza-ni-im
45. i-na i-tu-lim
46. it-ta-as,-bat
47. i-ka-su2-szu-nu-ti-ma
48. a-na me-e
49. i-na-ad-du-u2-szu-nu-ti
50. szum-ma be-el asz-sza-tim
51. asz-sza-su2 u2-ba-la-at,
52. u3 szar-ru-um
53. _ARAD2_-su2 u2-ba-la-at,
@law 130
54. szum-ma a-wi-lum
55. asz-sza-at a-wi-lim
56. sza zi-ka-ra-am
57. la i-du-u2-ma
58. i-na _e2_ a-bi-sza
59. wa-asz-ba-at
60. u2-kab-bil2-szi-ma
61. i-na su-ni-sza
62. it-ta-ti-il-ma
63. is,-s,a-ab-tu-szu
64. a-wi-lum szu-u2
65. id-da-ak
66. _munus_ szi-i
67. u2-ta-a-sza-ar
@law 131
68. szum-ma asz#-sza-at
69. a-wi-lim
70. mu-sa3 u2-ub-bi-ir-szi-ma
71. it-ti zi-ka-ri-im sza-ni-im
72. i-na u2-tu-lim
73. la is,-s,a-bi-it
74. ni-isz i-lim
75. i-za-kar-ma
76. a-na _e2_-sza i-ta-ar
@law 132
77. szum-ma asz-sza-at
78. a-wi-lim
79. asz-szum zi-ka-ri-im sza-ni-im
80. u2-ba-nu-um
81. e-li-sza
82. it-ta-ri-is,-ma
83. it-ti zi-ka-ri-im
@column 6
1. sza-ni-im
2. i-na u2-tu-lim
3. la it-ta-as,-ba-at
4. a-na mu-ti-sza
5. {d}i7
6. i-sza-al-li
@law 133
7. szum-ma a-wi-lum
8. isz-sza-li-il-ma
9. i-na _e2_-szu
10. sza a-ka-lim
11. [i]-ba-asz-szi
12. [asz-sza]-su2
13. [a-di mu?]-sa3 [s,a-ab]-tu#?
14. [pa-gar3]-sza#
15. [i-na-s,a]-ar#
16. [a-na _e2_ sza-ni]-im#
17. [u2-ul i-ir]-ru-ub
18. szum#-[ma] _munus_ szi-i
19. [pa]-gar3#-sza
20. la is,-s,ur-ma
21. a-na _e2_ sza-ni-im
22. i-te-ru-ub
23. _munus_ szu-a-ti
24. u2-ka-an-nu-szi-ma
25. a-na me-e
26. i-na-ad-du-u2-szi
@law 134
27. szum-ma a-wi-lum
28. isz-sza-li-il-ma
29. i-na _e2_-szu
30. sza a-ka-li-im
31. la i-ba-asz-szi
32. asz-sza-su2
33. a-na _e2_ sza-ni-im
34. i-ir-ru-ub
35. _munus_ szi-i
36. ar-nam u2-ul i-szu
@law 135
37. szum-ma a-wi-lum
38. isz-sza-li-il-ma
39. i-na _e2_-szu
40. sza a-ka-li-im
41. la i-ba-asz-szi
42. a-na pa-ni-szu
43. asz-sza-su2
44. a-na _e2_ sza-ni-im
45. i-te-ru-ub-ma
46. _dumu-mesz_ it-ta-la-ad
47. i-na wa-ar-ka
48. mu-sa3 it-tu-ra-am-ma
49. _iri_-szu
50. ik-ta-asz2-dam
51. _munus_ szi-i
52. a-na ha-wi-ri-sza
53. i-ta-ar
54. _dumu-mesz_ wa-ar-ki
55. a-bi-szu-nu
56. i-il-la-ku
@law 136
57. szum-ma a-wi-lum
58. _iri_-szu id-di-ma
59. it-ta-bi-it
60. wa-ar-ki-szu
61. asz-sza-su2
62. a-na _e2_ sza-ni-im
63. i-te-ru-ub
64. szum-ma a-wi-lum szu-u2
65. it-tu-ra-am-ma
66. asz-sza-su2
67. is,-s,a-ba-at
68. asz-szum _iri_-szu
69. i-ze-ru-ma
70. in-na-bi-tu
71. asz-sza-at mu-na-ab-tim
72. a-na mu-ti-sza
73. u2-ul i-ta-ar
@law 137
74. szum-ma a-wi-lum
75. a-na {munus}szu-gi4-tim
76. sza _dumu-mesz_ ul-du-szum u3 lu _lukur_ sza _dumu-mesz_
77. u2-szar-szu-szu
78. e-ze2-bi-im
79. pa-ni-szu
80. isz-ta-ka-an
81. a-na _munus_ szu-a-ti
82. sze-ri-ik-ta-sza
83. u2-ta-ar-ru-szi-im
84. u3 mu-ut-ta-at
85. _a-sza3 {gesz}kiri6_ u3 bi-szi-im
@column 7
1. i-na-ad-di-nu-szi-im-ma
2. _dumu-mesz_-sza
3. u2-ra-ab-ba
4. isz-tu _dumu-mesz_-sza
5. ur2-ta-ab-bu-u2
6. i-na mi-im-ma
7. sza a-na _dumu-mesz_-sza
8. in-na-ad-nu
9. zi2-it-tam
10. ki-ma ap-lim isz-te-en
11. i-na-ad-di-nu-szi-im-ma
12. mu-tu li-ib-bi-sza
13. i-ih-ha-as-si2
@law 138
14. szum-ma a-wi-lum
15. hi-ir-ta-szu
16. sza _dumu-mesz_ la ul-du-szum
17. i-iz-zi-ib
18. _ku3-babbar_ ma-la
19. ter-ha-ti-sza
20. i-na-ad-di-isz-szi-im
21. u3 sze-ri-ik-tam
22. sza isz-tu _e2_ a-bi-sza ub-lam
23. u2-sza-lam-szi-im-ma
24. i-iz-zi-ib-szi
@law 139
25. szum-ma ter-ha-tum
26. la i-ba-asz-szi
27. 1(disz) ma-na _ku3-babbar_
28. a-na u2-zu-ub-be2-em
29. i-na-ad-di-isz-szi-im
@law 140
30. szum-ma _|MASZ.EN.GAG|!_
# MASZ-EN-NI
31. 1/3(disz) _ma-na ku3-babbar_
32. i-na-ad-di-isz-szi-im
@law 141
33. szum-ma asz-sza-at a-wi-lim
34. sza i-na _e2_ a-wi-lim
35. wa-asz-ba-at
36. a-na wa-s,e-em
37. pa-ni-sza
38. isz-ta-ka-an-ma
39. si2-ki-il-tam
40. i-sa3-ak-ki-il
41. _e2_-sa3 u2-sa3-ap-pa-ah
42. mu-sa3 u2-sza-am-t,a
43. u2-ka-an-nu-szi-ma
44. szum-ma mu-sa3
45. e-ze2-eb-sza
46. iq-ta-bi
47. i-iz-zi-ib-szi
48. ha-ra-an-sza
49. u2-zu-ub-bu-sza
50. mi-im-ma
51. u2-ul in-na-ad-di-isz-szi-im
52. szum-ma mu-sa3
53. la e-ze2-eb-sza iq-ta-bi
54. mu-sa3 _munus_ sza-ni-tam
55. i-ih-ha-az
56. _munus_ szi-i
57. ki-ma _geme2_
58. i-na _e2_ mu-ti-sza
59. usz-sza-ab
@law 142
60. szum-ma _munus_ mu-sa3 i-ze-er-ma
61. u2-ul ta-ah-ha-za-an-ni
62. iq-ta-bi
63. wa-ar-ka-sa3
64. i-na ba-ab-ti-sza
65. ip-pa-ar-ra-as2-ma
66. szum-ma na-as,-ra-at-ma
67. hi-t,i-tam
68. la i-szu
69. u3 mu-sa6
70. wa-s,i2-ma
71. ma-ga-al
72. u2-sza-am-t,a-szi
73. _munus_ szi-i
@column 8
1. ar-nam u2-ul i-szu
2. sze-ri-ik-ta-sza
3. i-le-qe2-ma
4. a-na _e2_ a-bi-sza
5. it-ta-al-la-ak
@law 143
6. szum-ma la na-as,-ra-at-ma
7. wa-s,i2-a-at
8. bi-sa3 u2-sa3-ap-pa-ah
9. mu-sa3 u2-sza-am-t,a
10. _munus_ szu-a-ti
11. a-na me-e
12. i-na-ad-du-u2-szi
@law 144
13. szum-ma a-wi-lum
14. _lukur_ i-hu-uz-ma
15. _lukur_ szi-i
16. _geme2_ a-na mu-ti-sza
17. id-di-in-ma
18. _dumu-mesz_ usz-tab-szi
19. a-wi-lum szu-u2
20. a-na {munus}szu-gi4-tim
21. a-ha-zi-im
22. pa-ni-szu
23. isz-ta-ka-an
24. a-wi-lam szu-a-ti
25. u2-ul i-ma-ag-ga-ru-szu
26. {munus}szu-gi4-tam
27. u2-ul i-ih-ha-az
@law 145
28. szum-ma a-wi-lum
29. _lukur_ i-hu-uz-ma
30. _dumu-mesz_ la u2-szar-szi-szu-ma
31. a-na {munus}szu-gi4-tim
32. a-ha-zi-im
33. pa-ni-szu
34. isz-ta-ka-an
35. a-wi-lum szu-u2
36. {munus}szu-gi4-tam
37. i-ih-ha-az
38. a-na _e2_-szu
39. u2-sze-er-re-eb-szi
40. {munus}szu-gi4-tum szi-i
41. it-ti _lukur_
42. u2-ul usz-ta-ma-ah-ha-ar
@law 146
43. szum-ma a-wi-lum
44. _lukur_ i-hu-uz-ma
45. _geme2_ a-na mu-ti-sza
46. id-di-in-ma
47. _dumu-mesz_ it-ta-la-ad
48. wa-ar-ka-nu-um
49. _geme2_ szi-i
50. it-ti be-el-ti-sza
51. usz-ta-tam-hi-ir
52. asz-szum _dumu-mesz_ ul-du
53. be-le-sa3
54. a-na _ku3-babbar_
55. u2-ul i-na-ad-di-isz-szi
56. ab-bu-ut-tam
57. i-sza-ak-ka-an-szi-ma
58. it-ti _geme2 hi-a_
59. i-ma-an-nu-szi
@law 147
60. szum-ma _dumu-mesz_
61. la u2-li-id
62. be-le-sa3
63. a-na _ku3-babbar_
64. i-na-ad-di-isz-szi
@law 148
65. szum-ma a-wi-lum
66. asz-sza-tam
67. i-hu-uz-ma
68. la-a'-bu-um
69. is,-s,a-ba-as-si2
70. a-na sza-ni-tim
71. a-ha-zi-im
72. pa-ni-szu
73. isz-ta-ka-an
74. i-ih-ha-az
75. asz-sza-su2
76. sza la-a'-bu-um
77. is,-ba-tu
78. u2-ul i-iz-zi-ib-szi
79. i-na _e2_ i-pu-szu
80. usz-sza-am-ma
81. a-di ba-al-t,a-at it-ta-na-asz-szi-szi
@column 9
@law 149
1. szum-ma _munus_ szi-i
2. i-na _e2_ mu-ti-sza
3. wa-sza-ba-am
4. la im-ta-gar3
5. sze-ri-ik-ta-sza
6. sza isz-tu _e2_ a-bi-sza
7. ub-lam
8. u2-sza#-lam-szim-ma
9. it-ta-al-la-ak
@law 150
10. szum-ma a-wi-lum
11. a-na asz-sza-ti-szu
12. _a-sza3 {gesz}kiri6 e2_
13. u3 bi-sza-am
14. isz-ru-uk-szim
15. ku-nu-uk-kam
16. i-zi-ib-szi-im
17. wa-ar-ki mu-ti-sza
18. _dumu-mesz_-sza u2-ul i-ba-qa2-ru-szi
19. um-mu-um
20. wa-ar-ka-sa3
21. a-na _dumu_-sza
22. sza i-ra-am-mu
23. i-na-ad-di-in
24. a-na a-hi-im
25. u2-ul i-na-ad-di-in
@law 151
26. szum-ma _munus_
27. sza i-na _e2_ a-wi-lim
28. wa-asz-ba-at
29. asz-szum be-el hu-bu-ul-lim
30. sza mu-ti-sza
31. la s,a-ba-ti-sza
32. mu-sa3 ur2-ta-ak-ki-is
33. t,up-pa-am
34. usz-te-zi-ib
35. szum-ma a-wi-lum
36. la-ma _munus_ szu-a-ti
37. i-ih-ha-zu
38. hu-bu-ul-lum
39. e-li-szu
40. i-ba-asz-szi
41. be-el hu-bu-ul-li-szu
42. asz-sza-su2
43. u2-ul i-s,a-ba-tu
44. u3 szum-ma _munus_ szi-i
45. la-ma a-na _e2_ a-wi-lim
46. i-ir-ru-bu
47. hu-bu-ul-lum
48. e-li-sza
49. i-ba-asz-szi
50. be-el hu-bu-ul-li-sza
51. mu-sa3 u2-ul i-s,a-ba-tu
@law 152
52. szum-ma isz-tu
53. _munus_ szi-i
54. a-na _e2_ a-wi-lim
55. i-ru-bu
56. e-li-szu-nu
57. hu-bu-ul-lum
58. it-tab-szi
59. ki-la-la-szu-nu
60. _dam-gar3_ i-ip-pa-lu
@law 153
61. szum-ma asz-sza-at a-wi-lim
62. asz-szum zi-ka-ri-im
63. sza-ni-im
64. mu-sa3 usz-di-ik
65. _munus_ szu-a-ti i-na ga-szi-szi-im
66. i-sza-ak-ka-nu-szi
@law 154
67. szum-ma a-wi-lum
68. _dumu-munus_-su2
69. il-ta-ma-ad
70. a-wi-lam szu-a-ti
71. _iri_ u2-sze-es,-s,u2-u2-szu
@law 155
72. szum-ma a-wi-lum
73. a-na _dumu_-szu
74. _e2-gi4-a_ i-hi-ir-ma
75. _dumu_-szu il-ma-si2
76. szu-u2 wa-ar-ka-nu-um
77. i-na su2-ni-sza
78. it-ta-ti-il-ma
79. is,-s,a-ab-tu-szu
80. a-wi-lam szu-a-ti
81. i-ka-su2-szu-ma
82. a-na me-e
@column 10
1. i-na-ad-du-u2-szi!
@law 156
2. szum-ma a-wi-lum
3. a-na _dumu_-szu
4. _e2-gi4-a_
5. i-hi-ir-ma
6. _dumu_-szu la il-ma-si2-ma
7. szu-u2 i-na su2-ni-sza
8. it-ta-ti-il
9. 1/2(disz) _ma-na ku3-babbar_
10. i-sza-qal-szi-im-ma
11. u3 mi-im-ma
12. sza isz-tu
13. _e2_ a-bi-sza
14. ub-lam
15. u2-sza-lam-szi-im-ma
16. mu-tu li-ib-bi-sza
17. i-ih-ha-as-si2
@law 157
18. szum-ma a-wi-lum
19. wa-ar-ki a-bi-szu
20. i-na su2-un um-mi-szu
21. i-ta-ti-il
22. ki-la-li-szu-nu
23. i-qal-lu-u2-szu-nu-ti
@law 158
24. szum-ma a-wi-lum
25. wa-ar-ki a-bi-szu
26. i-na su2-un
27. ra-bi-ti-szu
28. sza _dumu-mesz_ wa-al-da-at
29. it-ta-as,-ba-at
30. a-wi-lum szu-u2
31. i-na _e2 a-ba_
32. in-na-as-sa3-ah
@law 159
33. szum-ma a-wi-lum
34. sza a-na _e2_ e-mi-szu
35. bi-ib-lam
36. u2-sza-bi-lu
37. ter-ha-tam id-di-nu
38. a-na _munus_ sza-ni-tim
39. ub-ta-al-li-is,-ma
40. a-na e-mi-szu
41. _dumu-munus_-ka
42. u2-ul a-ha-az iq-ta-bi
43. a-bi _dumu-munus_
44. mi-im-ma
45. sza ib-ba-ab-lu-szum
46. i-tab-ba-al
@law 160
47. szum-ma a-wi-lum
48. a-na _e2_ e-mi-im
49. bi-ib-lam
50. u2-sza-bi-il
51. ter-ha-tam
52. id-di-in-ma
53. a-bi _dumu-munus_
54. _dumu-munus_-i u2-ul a-na-ad-di-ik-kum
55. iq-ta-bi
56. mi-im-ma ma-la
57. ib-ba-ab-lu-szum
58. usz-ta-sza-an-na-ma
59. u2-ta-ar
@law 161
60. szum-ma a-wi-lum
61. a-na _e2_ e-mi-szu
62. bi-ib-lam u2-sza-bil2
63. ter-ha-tam
64. id-di-in-ma
65. i-bi-ir-szu
66. uk-tar-ri-su2
67. e-mu-szu
68. a-na be-el asz-sza-tim
69. _dumu-munus_-i u2-ul ta-ah-ha-az
70. iq-ta-bi
71. mi-im-ma ma-la
72. ib-ba-ab-lu-szum
73. usz-ta-sza-an-na-ma
74. u2-ta-ar
75. u3 asz-sza-su2
76. i-bi-ir-szu
77. u2-ul i-ih-ha-az
@law 162
78. szum-ma a-wi-lum
79. asz-sza-tam
80. i-hu-uz
81. _dumu-mesz_ u2-li-sum2-ma
82. _munus_ szi-i
83. a-na szi-im-tim
@column 11
1. it-ta-la-ak
2. a-na sze-ri-ik-ta-sza
3. a-bu-sza
4. u2-ul i-ra-ag-gu-um
5. sze-ri-ik-ta-sza
6. sza _dumu-mesz_-sza-ma
@law 163
7. szum-ma a-wi-lum
8. asz-sza-tam
9. i-hu-uz-ma
10. _dumu-mesz_ la u2-szar-szi-szu
11. _munus_ szi-i
12. a-na szi-im-tim
13. it-ta-la-ak
14. szum-ma ter-ha-tam
15. sza a-wi-lum szu-u2
16. a-na _e2_ e-mi-szu ub-lu
17. e-mu-szu
18. ut-te-er-szum
19. a-na sze-ri-ik-ti
20. _munus_ szu-a-ti
21. mu-sa3 u2-ul i-ra-ag-gu-um
22. sze-ri-ik-ta-sza
23. sza _e2_ a-bi-sza-ma
@law 164
24. szum-ma e-mu-szu
25. ter-ha-tam
26. la ut-te-er-szum
27. i-na sze-ri-ik-ti-sza
28. ma-la ter-ha-ti-sza
29. i-har-ra-as,-ma
30. sze-ri-ik-ta-sza
31. a-na _e2_ a-ta!-sza
32. u2-ta-ar
@law 165
33. szum-ma a-wi-lum
34. a-na _ibila_-szu
35. sza i-in-szu mah-ru
36. _a-sza3 {gesz}kiri6_ u3 _e2_
37. isz-ru-uk
38. ku-nu-kam isz-t,ur-szum
39. wa-ar-ka a-bu-um
40. a-na szi-im-tim
41. it-ta-al-ku
42. i-nu-ma ah-hu
43. i-zu-uz-zu
44. qi2-isz-ti a-bu-um
45. id-di-nu-szum
46. i-le-qe2-ma
47. e-le-nu-um-ma
48. i-na _nig2-gur11 e2 a-ba_
49. mi-it-ha-ri-isz
50. i-zu-uz-zu
@law 166
51. szum-ma a-wi-lum
52. a-na _dumu-mesz_ sza ir-szu-u2
53. asz-sza-tim i-hu-uz
54. a-na _dumu_-szu
55. s,e-eh-ri-im
56. asz-sza-tam
57. la i-hu-uz
58. wa-ar-ka a-bu-um
59. a-na szi-im-tim
60. it-ta-al-ku
61. i-nu-ma ah-hu
62. i-zu-uz-zu
63. i-na _nig2-gur11 e2 a-ba_
64. a-na a-hi-szu-nu
65. s,e-eh-ri-im
66. sza asz-sza-tam
67. la ah-zu
68. e-li-a-at
69. zi-it-ti-szu
70. _ku3-babbar_ ter-ha-tim
71. i-sza-ak-ka-nu-szum-ma
72. asz-sza-tam
73. u2-sza-ah-ha-zu-szu
@law 167
74. szum-ma a-wi-lum
75. asz-sza-tam
76. i-hu-uz-ma
77. _dumu-mesz_ u2-li-sum2
78. _munus_ szi-i
79. a-na szi-im-tim
80. it-ta-la-ak
81. wa-ar-ki-sza
82. _munus_ sza-ni-tam
83. i-ta-ha-az-ma
84. _dumu-mesz_ it-ta-la-ad
85. wa-ar-ka-nu-um
86. a-bu-um a-na szi-im-tim
87. it-ta-al-ku
@column 12
1. _dumu-mesz_ a-na um-ma-tim
2. u2-ul i-zu-uz-zu
3. sze-ri-ik-ti
4. um-ma-ti-szu-nu
5. i-le-qu2-ma
6. _nig2-gur11 e2 a-ba_
7. mi-it-ha-ri-isz
8. i-zu-uz-zu
@law 168
9. szum-ma a-wi-lum
10. a-na _dumu_-szu
11. na-sa-hi-im
12. pa-nam isz-ta-ka-an
13. a-na da-a-a-ni
14. _dumu_-i a-na-sa3-ah iq-ta-bi
15. da-a-a-nu
16. wa-ar-ka-su2
17. i-par2-ra-su-ma
18. szum-ma _dumu_ ar-nam kab-tam
19. sza i-na ap-lu-tim
20. na-sa-hi-im
21. la ub-lam
22. a-bu-um _dumu_-szu
23. i-na ap-lu-tim
24. u2-ul i-na-sa3-ah
@law 169
25. szum-ma ar-nam kab-tam
26. sza i-na ap-lu-tim
27. na-sa-hi-im
28. a-na a-bi-szu
29. it-ba-lam
30. a-na isz-ti-isz-szu
31. pa-ni-szu ub-ba-lu
32. szum-ma ar-nam kab-tam
33. a-di szi-ni-szu it-ba-lam
34. a-bu-um _dumu_-szu
35. i-na ap-lu-tim
36. i-na-sa3-ah
@law 170
37. szum-ma a-wi-lum
38. hi-ir-ta-szu
39. _dumu-mesz_ u2-li-sum2
40. u3 _geme2_-su2
41. _dumu-mesz_ u2-li-sum2
42. a-bu-um
43. i-na bu-ul-t,i3-szu
44. a-na _dumu-mesz_ sza _geme2_ ul-du-szum
45. _dumu-mesz_-u2-a iq-ta-bi
46. it-ti _dumu-mesz_ hi-ir-tim
47. im-ta-nu-szu-nu-ti
48. wa-ar-ka a-bu-um
49. a-na szi-im-tim
50. it-ta-al-ku
51. i-na _nig2-gur11 e2 a-ba_
52. _dumu-mesz_ hi-ir-tim
53. u3 _dumu-mesz geme2_
54. mi-it-ha-ri-isz
55. i-zu-uz-zu
56. _ibila dumu_ hi-ir-tim
57. i-na zi-it-tim
58. i-na-sa3-aq-ma
59. i-le-qe2
@law 171
60. u3 szum-ma a-bu-um
61. i-na bu-ul-t,i3-szu
62. a-na _dumu-mesz_ sza _geme2_ ul-du-szum
63. _dumu-mesz_-u2-a la iq-ta-bi
64. wa-ar-ka a-bu-um
65. a-na szi-im-tim
66. it-ta-al-ku
67. i-na _nig2-gur11 e2 a-ba_
68. _dumu-mesz geme2_
69. it-ti _dumu-mesz_ hi-ir-tim
70. u2-ul i-zu-uz-zu
71. an-du-ra-ar
72. _geme2_ u3 _dumu-mesz_-sza
73. isz-sza-ak-ka-an
74. _dumu-mesz_ hi-ir-tim
75. a-na _dumu-mesz geme2_
76. a-na wa-ar-du-tim
77. u2-ul i-ra-ag-gu-mu
78. hi-ir-tum
79. sze-ri-ik-ta-sza
80. u3 nu-du-un-na-am
81. sza mu-sa3
82. id-di-nu-szi-im
83. i-na t,up-pi2-im
84. isz-t,u2-ru-szi-im
85. i-le-qe2-ma
86. i-na szu-ba-at
87. mu-ti-sza usz-sza-ab
@column 13
1. a-di ba-al-t,a-at i-ik-ka-al
2. a-na _ku3-babbar_
3. u2-ul i-na-ad-di-in
4. wa-ar-ka-sa3
5. sza _dumu-mesz_-sza-ma
@law 172
6. szum-ma mu-sa3
7. nu-du-un-na-am
8. la id-di-isz-szi-im
9. sze-ri-ik-ta-sza
10. u2-sza-la-mu-szi-im-ma
11. i-na _nig2-gur11_
12. _e2_ mu-ti-sza
13. zi2-it-tam
14. ki-ma _ibila_ isz-te-en
15. i-le-qe2
16. szum-ma _dumu-mesz_-sza
17. asz-szum i-na _e2_ szu-s,i2-im
18. u2-sa3-ah-ha-mu-szi
19. da-a-a-nu
20. wa-ar-ka-sa3
21. i-par2-ra-su-ma
22. _dumu-mesz_ ar-nam
23. i-im-mi-du
24. _munus_ szi-i
25. i-na _e2_ mu-ti-sza
26. u2-ul us,-s,i2
27. szum-ma _munus_ szi-i
28. a-na wa-s,e-em
29. pa-ni-sza
30. isz-ta-ka-an
31. nu-du-un-na-am
32. sza mu-sa3
33. id-di-nu-szi-im
34. a-na _dumu-mesz_-sza
35. i-iz-zi-ib
36. sze-ri-ik-tam
37. sza _e2_ a-bi-sza
38. i-le-qe2-ma
39. mu-ut li-ib-bi-sza
40. i-ih-ha-as-si2
@law 173
41. szum-ma _munus_ szi-i
42. a-szar i-ru-bu
43. a-na mu-ti-sza
44. wa-ar-ki-im
45. _dumu-mesz_ it-ta-la-ad
46. wa-ar-ka _munus_ szi-i im-tu-ut
47. sze-ri-ik-ta-sza
48. _dumu-mesz_ mah-ru-tum
49. u3 wa-ar-ku-tum
50. i-zu-uz-zu
@law 174
51. szum-ma a-na mu-ti-sza
52. wa-ar-ki-im
53. _dumu-mesz_ la it-ta-la-ad
54. sze-ri-ik-ta-sza
55. _dumu-mesz_ ha-wi-ri-sza-ma
56. i-le-qu2-u2
@law 175
57. szum-ma lu _ARAD2 e2-gal_
58. u3 lu _ARAD2_
59. _|MASZ.EN.GAG|_
60. _dumu-munus_ a-wi-lim
61. i-hu-uz-ma
62. _dumu-mesz_
63. it-ta-la-ad
64. be-el _ARAD2_
65. a-na _dumu-mesz_
66. _dumu-munus_ a-wi-lim
67. a-na wa-ar-du-tim
68. u2-ul i-ra-ag-gu-um
@law 176
69. u3 szum-ma _ARAD2 e2-gal_
70. u3 lu _ARAD2 |MASZ.EN.GAG|_
71. _dumu-munus_ a-wi-lim
72. i-hu-uz-ma
73. i-nu-ma i-hu-zu-szi
74. qa2-du-um
75. sze-ri-ik-tim
76. sza _e2_ a-bi-sza
77. a-na _e2 ARAD2 e2-gal_
78. u3 lu _ARAD2 |MASZ.EN.GAG|_
79. i-ru-ub-ma
80. isz-tu in-ne-em-du
81. _e2_ i-pu-szu
82. bi-sza-am ir-szu-u2
83. wa-ar-ka-nu-um-ma
84. lu _ARAD2 e2-gal_
85. u3 lu _ARAD2 |MASZ.EN.GAG|_
86. a-na szi-im-tim
87. it-ta-la-ak
88. _dumu-munus_ a-wi-lim
89. sze-ri-ik-ta-sza
90. i-le-qe2
91. u3 mi-im-ma
92. sza mu-sa3 u3 szi-i
@column 14
1. isz-tu in-ne-em-du
2. ir-szu-u2
3. a-na szi-ni-szu
4. i-zu-uz-zu-ma
5. mi-isz-lam be-el _ARAD2_
6. i-le-qe2
7. mi-isz-lam
8. _dumu-munus_ a-wi-lim
9. a-na _dumu-mesz_-sza i-le-qe2
10. szum-ma _dumu-munus_ a-wi-lim
11. sze-ri-ik-tam la i-szu
12. mi-im#-ma sza mu-sa3 u3 szi-i
13. isz-tu in-ne-em-du
14. ir-szu-u2
15. a-na szi-ni-szu
16. i-zu-uz-zu-ma
17. mi-isz-lam be-el _ARAD2_
18. i-le-qe2
19. mi-isz-lam
20. _dumu-munus_ a-wi-lim
21. a-na _dumu-mesz_-sza i-le-qe2
@law 177
22. szum-ma _nu-mu-su_
23. sza _dumu-mesz_-sza
24. s,e-eh-he-ru
25. a-na _e2_ sza-ni-im
26. e-re-bi-im
27. pa-ni-sza
28. isz-ta-ka-an
29. ba-lum da-a-a-ni
30. u2-ul i-ir-ru-ub
31. i-nu-ma
32. a-na _e2_ sza-ni-im
33. i-ir-ru-bu
34. da-a-a-nu
35. wa-ar-ka-at
36. _e2_ mu-ti-sza
37. pa-ni-im
38. i-par2-ra-su-ma
39. _e2_ sza mu-ti-sza
40. pa-ni-im
41. a-na mu-ti-sza
42. wa-ar-ki-im
43. u3 _munus_ szu-a-ti
44. i-pa-aq-qi2-du-ma
45. t,up-pa-am
46. u2-sze-ez-ze-bu-szu-nu-ti
47. _e2_ i-na-s,a-ru
48. u3 s,e-eh-he-ru-tim
49. u2-ra-ab-bu-u2
50. u2-ni-a-tim
51. a-na _ku3-babbar_
52. u2-ul i-na-ad-di-nu
53. sza-a-a-ma-nu-um
54. sza u2-nu-ut
55. _dumu-mesz nu-mu-su_
56. i-sza-am-mu
57. i-na _ku3-babbar_-szu
58. i-te-el-li
59. _nig2-gur11_ a-na be-li2-szu
60. i-ta-ar
@law 178
61. szum-ma _nin-dingir lukur_
62. u3 lu {munus}_zi-ik-ru-um_
63. sza a-bu-sza
64. sze-ri-ik-tam
65. isz-ru-uk-szi-im
66. t,up-pa-am
67. isz-t,u2-ru-szi-im
68. i-na t,up-pi2-im
69. sza isz-t,u2-ru-szi-im
70. wa-ar-ka-sa3
71. e-me e-li-sza
72. t,a-bu na-da-nam
73. la isz-t,ur-szi-im-ma
74. ma-la li-ib-bi-sza
75. la u2-sza-am-s,i2-szi
76. wa-ar-ka a-bu-um
77. a-na szi-im-tim
78. it-ta-al-ku
79. _a-sza3_-sza u3 _kiri6_-sza
80. ah-hu-sza
81. i-le-qu2-ma
82. ki-ma e-mu-uq
83. zi-it-ti-sza
84. _sze-ba i3-ba_ u3 _siki-ba_
85. i-na-ad-di-nu-szim-ma
86. li-ib-ba-sza
87. u2-t,a-ab-bu
88. szum-ma ah-hu-sza
89. ki-ma e-mu-uq
90. zi-it-ti-sza
91. _sze-ba i3-ba_ u3 _siki-ba_
92. la it-ta-ad-nu-szi-im-ma
@column 15
1. li-ib-ba-sza
2. la ut,-t,i-ib-bu
3. _a-sza3_-sza u3 _kiri6_-sza
4. a-na er-re-szi-im
5. sza e-li-sza t,a-bu
6. i-na-ad-di-in-ma
7. er-re-sa3
8. it-ta-na-asz-szi-szi
9. _a-sza3 {gesz}kiri6_
10. u3 mi-im-ma
11. sza a-bu-sza
12. id-di-nu-szi-im
13. a-di ba-al-t,a-at i3-kal
14. a-na _ku3-babbar_
15. u2-ul i-na-ad-di-in
16. sza-ni-a-am
17. u2-ul u2-up-pa-al
18. ap-lu-sa3
19. sza ah-hi-sza-ma
@law 179
20. szum-ma _nin-dingir lukur_
21. u3 lu {munus}_zi-ik-ru-um_
22. sza a-bu-sza
23. sze-ri-ik-tam
24. isz-ru-uk-szi-im
25. ku-nu-kam
26. isz-t,u2-ru-szi-im
27. i-na t,up-pi2-im
28. sza isz-t,u2-ru-szi-im
29. wa-ar-ka-sa3
30. e-ma e-li-sza t,a-bu
31. na-da-nam
32. isz-t,ur-szi-im-ma
33. ma-la li-ib-bi-sza
34. usz-tam-s,i2-szi
35. wa-ar-ka a-bu-um
36. a-na szi-im-tim
37. it-ta-al-ku
38. wa-ar-ka-sa3
39. e-ma e-li-sza t,a-bu
40. i-na-ad-di-in
41. ah-hu-sza
42. u2-ul i-ba-aq-qa2-ru-szi
@law 180
43. szum-ma a-bu-um
44. a-na _dumu-munus_-szu
45. _lukur ga2-gi4-a_
46. u3 lu {munus}_zi-ik-ru-um_
47. sze-ri-ik-tam
48. la isz-<ru>-uk-szi-im
49. wa-ar-ka a-bu-um
50. a-na szi-im-tim
51. it-ta-al-ku
52. i-na _nig2-gur11 e2 a-ba_
53. zi2-it-tam ki-ma
54. ap-lim isz-te-en
55. i-za-az-ma
56. a-di ba-al-t,a-at
57. i-ik-ka-al
58. wa-ar-ka-sa3
59. sza ah-hi-sza-ma
@law 181
60. szum-ma a-bu-um
61. _lukur nu-gig_
62. u3 lu _nu-bar_
63. a-na _dingir_ isz-szi-ma
64. sze-ri-ik-tam
65. la isz-ru-uk-szi-im
66. wa-ar-ka a-bu-um
67. a-na szi-im-tim
68. it-ta-al-ku
69. i-na _nig2-gur11 e2 a-ba_
70. _igi 3(disz)-gal2 ibila_-sza
71. i-za-az-ma
72. a-di ba-al-t,a-at
73. i-ik-ka-al
74. wa-ar-ka-sa3
75. sza ah-hi-sza-am-ma
@law 182
76. szum-ma a-bu-um
77. a-na _dumu-munus_-szu
78. _lukur_ {d}marduk
79. sza babila#{ki}
80. sze-ri-ik-tam
81. la isz-ru-uk-szi-im
82. ku-nu-kam
83. la isz-t,ur-szi-im
84. wa-ar-ka a-bu-um
85. a-na szi-im-tim
86. it-ta-al-ku
87. i-na _nig2-gur11 e2 a-ba_
88. _igi 3(disz)-gal2 ibila_-sza
89. it-ti ah-hi-sza
90. i-za-az-ma
91. il-kam
92. u2-ul i-il-la-ak
93. _lukur_ {d}marduk
94. wa-ar-ka-sa3
95. e-ma e-li-sza
96. t,a-bu
@column 16
1. i-na-ad-di-in
@law 183
2. szum-ma a-bu-um
3. a-na _dumu-munus_-szu szu-gi4-tim
4. sze-ri-ik-tam
5. isz-ru-uk-szi-im
6. a-na mu-tim
7. id-di-isz-szi
8. ku-nu-uk-kam
9. isz-t,ur-szi-im
10. wa-ar-ka a-bu-um
11. a-na szi-im-tim
12. it-ta-al-ku
13. i-na _nig2-gur11 e2 a-ba_
14. u2-ul i-za-az
@law 184
15. szum-ma a-wi-lum
16. a-na _dumu-munus_-szu
17. szu-gi4-tim
18. sze-ri-ik-tam
19. la isz-ru-uk-szim
20. a-na mu-tim
21. la id-di-isz-szi
22. wa-ar-ka a-bu-um
23. a-na szi-im-tim
24. it-ta-al-ku
25. ah-hu-sza
26. ki-ma e-mu-uq _e2 a-ba_
27. sze-ri-ik-tam
28. i-szar-ra-ku-szi-im-ma
29. a-na mu-tim
30. i-na-ad-di-nu-szi
@law 185
31. szum-ma a-wi-lum
32. s,e-eh-ra-am
33. i-na me-e-szu
34. a-na ma-ru-tim
35. il-qe2-ma
36. ur2-ta-ab-bi-szu
37. tar-bi-tum szi-i
38. u2-ul ib-ba-aq-qar
@law 186
39. szum-ma a-wi-lum
40. s,e-eh-ra-am
41. a-na ma-ru-tim il-qe2
42. i-nu-ma
43. il-qu2-u2-szu
44. a-ba-szu
45. u3 um-ma-szu
46. i-hi-a-at,
47. tar-bi-tum szi-i
48. a-na _e2_ a-bi-szu
49. i-ta-ar
@law 187
50. _dumu giri3-se3-ga_
51. mu-za-az _e2-gal_
52. u3 _dumu {munus}zi-ik-ru-um_
53. u2-ul ib-ba-aq-qar
@law 188
54. szum-ma _dumu um-mi-a_
55. _dumu_ a-na tar-bi-tim
56. il-qe2-ma
57. szi-pi2-ir qa2-ti-szu
58. usz-ta-hi-su2
59. u2-ul ib-ba-qar
@law 189
60. szum-ma szi-pi2-ir qa2-ti-szu
61. la usz-ta-hi-su2
62. tar-bi-tum szi-i
63. a-na _e2_ a-bi-szu
64. i-ta-ar
@law 190
65. szum-ma a-wi-lum
66. s,e-eh-ra-am
67. sza a-na ma-ru-ti-szu
68. il-qu2-szu-ma
69. u2-ra-ab-bu-szu
70. it-ti _dumu-mesz_-szu
71. la im-ta-nu-szu
72. tar-bi-tum szi-i
73. a-na _e2_ a-bi-szu
74. i-ta-ar
@law 191
75. szum-ma a-wi-lum
76. s,e-eh-ra-am
77. sza a-na ma-ru-ti-szu
78. il-qu2-szu-ma
79. u2-ra-ab-bu-u2-szu
80. _e2_-ba! i-pu-usz
81. wa-ar-ka _dumu-mesz_
82. ir-ta-szi-ma
83. a-na tar-bi-tim na-sa-hi-im
84. pa-nam isz-ta-ka-an
85. _dumu_ szu-u2 ri-qu2-su2
86. u2-ul it-ta-al-la-ak
87. a-bu-um mu-ra-bi-szu
88. i-na _nig2-gur11_-szu
89. _igi 3(disz)-gal2 ibila_-szu
90. i-na-ad-di-isz-szum-ma
91. it-ta-la-ak
92. i-na _a-sza3 {gesz}kiri6_
93. u3 _e2_
94. u2-ul i-na-ad-di;-isz-szum
@law 192
96. szum-ma _dumu giri3-se3-ga_
@column 17
1. u3 lu _dumu {munus}zi-ik-ru-um#_
2. a-na a-bi-im
3. mu-ra-bi-szu
4. u3 um-mi-im
5. mu-ra-bi-ti-szu
6. u2-ul a-bi at-ta
7. u2-ul um-mi at-ti iq-ta-bi
8. _eme_-szu
9. i-na-ak-ki-su
@law 193
10. szum-ma _dumu giri3-se3-ga_
11. u3 lu _dumu {munus}zi-ik-ru-um_
12. _e2_ a-bi-szu
13. u2-we-ed-di-ma
14. a-ba-am
15. mu-ra-bi-szu
16. u3 um-ma-am
17. mu-ra-bi-su2
18. i-ze2-er-ma
19. a-na _e2_ a-bi-szu
20. it-ta-la-ak
21. i-in-szu
22. i-na-sa3-hu
@law 194
23. szum-ma a-wi-lum
24. _dumu_-szu a-na mu-sze-ni-iq-tim
25. id-di-in-ma
26. _dumu_ szu-u2
27. i-na# qa2-at mu-sze-ni-iq-tim
28. im-tu-ut
29. mu-sze-ni-iq-tum#
30. ba-lum a-bi-szu
31. u3 um-mi-szu
32. _dumu_ sza-ni-a-am-ma
33. ir-ta-ka-as2
34. u2-ka-an-nu-szi-ma
35. asz-szum ba-lum a-bi-szu#
36. u3 um-mi-[szu]
37. _dumu_ sza-ni-a-am#
38. ir-ku-su#
39. _ubur_-sza
40. i-na-ak-ki-su
@law 195
41. szum-ma _dumu a-ba_-szu
42. im-ta-ha-as,
43. _kiszib3-la2_-szu
44. i-na-ak-ki-su
@law 196
45. szum-ma a-wi-lum
46. i-in _dumu_ a-wi-lim
47. uh2-tap-pi2-id
48. i-in-szu
49. u2-ha-ap-pa-du
@law 197
50. szum-ma _giri3-pad-ra2_ a-wi-lim
51. isz-te-bi-ir
52. _giri3-pad-ra2_-szu
53. i-sze-eb-bi-ru
@law 198
54. szum-ma i-in _|MASZ.EN.GAG|_
55. uh2-tap-pi2-id
56. u3 lu _giri3-pad-ra2 |MASZ.EN.GAG|_
57. isz-te-bi-ir
58. 1(disz) _ma-na ku3-babbar_
59. i-sza-qal
@law 199
60. szum-ma i-in _ARAD2_ a-wi-lim
61. uh2-tap-pi2-id
62. u3 lu _giri3-pad-ra2 ARAD2_ a-wi-lim
63. isz-te-bi-ir
64. mi-szi-il _sa10_-szu
65. i-sza-qal
@law 200
66. szum-ma a-wi-lum
67. szi-in-ni a-wi-lim
68. me-eh-ri-szu
69. it-ta-di
70. szi-in-na-szu i-na-ad-du-u2
@law 201
71. szum-ma szi-in-ni szi-in-gag
72. _|MASZ.EN.GAG|_ it-ta-di
73. 1/3(disz) _ma-na ku3-babbar_
74. i-sza-qal
@law 202
75. szum-ma a-wi-lum
76. le-e-et a-wi-lim
77. sza e-li-szu ra-bu-u2
78. im-ta-ha-as,
79. i-na pu-uh2-ri-im
80. i-na _{kusz}usan3 gu4_
81. 1(disz) szu-szi im-mah-ha-as,
@law 203
82. szum-ma _dumu_ a-wi-lim
83. le-e-et _dumu_ a-wi-lim
84. sza ki-ma szu-a-ti
85. im-ta-ha-as,
86. 1(disz) ma-na _ku3-babbar_
87. i-sza-qal
@law 204
88. szum-ma _|MASZ.EN.GAG|_
89. le-e-et _|MASZ.EN.GAG|_
90. im-ta-ha-as,
91. 1(u) _gin2 ku3-babbar_ i-sza-qal
@law 205
92. szum-ma _ARAD2_ a-wi-lim
93. le-e-et _dumu_ a-wi-lim
@column 18
1. im-ta-ha-as,
2. u2-zu-un-szu
3. i-na-ak-ki-su
@law 206
4. szum-ma a-wi-lum a-wi-lam
5. i-na ri-is-ba-tim
6. im-ta-ha-as,-ma
7. si2-im-ma-am
8. isz-ta-ka-an-szu
9. a-wi-lum szu-u2
10. i-na i-du-u2
11. la am-ha-s,u2
12. i-tam-ma
13. u3 _a-zu_ i-ip-pa-al
@law 207
14. szum-ma i-na ma-ha-s,i2-szu
15. im-tu-ut
16. i-tam-ma-ma
17. szum-ma _dumu_ a-wi-lim
18. 1/2(disz) _ma-na ku3-babbar_
19. i-sza-qal
@law 208
20. szum-ma _dumu |MASZ.EN.GAG|_
21. 1/3(disz) _ma-na ku3-babbar_
22. i-sza-qal
@law 209
23. szum-ma a-wi-lum
24. _dumu-munus_ a-wi-lim
25. im-ha-as,-ma
26. sza li-ib-bi-sza
27. usz-ta-di-szi
28. 1(u) _gin2 ku3-babbar_
29. a-na sza li-ib-bi-sza
30. i-sza-qal
@law 210
31. szum-ma _munus_ szi-i
32. im-tu-ut
33. _dumu-munus_-su2
34. i-du-uk-ku
@law 211
35. szum-ma _dumu-munus |MASZ.EN.GAG|_
36. i-na ma-ha-s,i2-im
37. sza li-ib-bi-sza
38. usz-ta-ad-di-szi
39. 5(disz) _gin2 ku3-babbar_
40. i-sza-qal
@law 212
41. szum-ma _munus_ szi-<i>
42. im-tu-ut
43. 1/2(disz) _ma-na ku3-babbar_
44. i-sza-qal
@law 213
45. szum-ma _geme2_ a-wi-lim
46. im-ha-as,-ma
47. sza li-ib-bi-sza
48. usz-ta-ad-di-szi
49. 2(disz) _gin2 ku3-babbar_
50. i-sza-qal
@law 214
51. szum-ma _geme2_ szi-i
52. im-tu-ut
53. 1/3(disz) _ma-na ku3-babbar_
54. i-sza-qal
@law 215
55. szum-ma _a-zu_
56. a-wi-lam si2-im-ma-am kab-tam
57. i-na _gir2 gag zabar_
58. i-pu-usz-ma
59. a-wi-lam ub-ta-al-li-it,
60. u3 lu na-kap-ti a-wi-lim
61. i-na _gir2 gag zabar_
62. ip-te-ma
63. i-in a-wi-lim
64. ub-ta-al-li-it,
65. 1(u) _gin2 ku3-babbar_
66. i-le-qe2
@law 216
67. szum-ma _dumu |MASZ.EN.GAG|_
68. 5(disz) _gin2 ku3-babbar_
69. i-le-qe2
@law 217
70. szum-ma _ARAD2_ a-wi-lim
71. be-el _ARAD2_ a-na _a-zu_
72. 2(disz) _gin2 ku3-babbar_
73. i-na-ad-di-in
@law 218
74. szum-ma _a-zu_ a-wi-lam
75. si2-im-ma-am kab-tam
76. i-na _gir2 gag zabar_
77. i-pu-usz-ma
78. a-wi-lam usz-ta-mi-it
79. u3 lu na-a2!-ti a-wi-lim
80. i-na _gir2 gag zabar_
81. ip-te-ma i-in a-wi-lim
82. uh2-tap-pi2-id
83. _kiszib3-la2_-szu i-na-ki-su
@law 219
84. szum-ma _a-zu_ si2-im-ma-am kab-tam
85. _ARAD2 |MASZ.EN.GAG|_
86. i-na _gir2 gag zabar_
87. i-pu-usz-ma usz-ta-mi-it
88. _ARAD2_ ki-ma _ARAD2_ i-ri-ab
@law 220
89. szum-ma na-kap-ta-szu
90. i-na _gir2 gag zabar_
91. ip-te-ma
92. i-in-szu uh2-tap-<pi2>-da
93. _ku3-babbar_ mi-szi-il
94. _sa10_-szu i-sza-qal
@law 221
95. szum-ma _a-zu_
96. _giri3-pad-ra2_ a-wi-lim
@column 19
1. sze-bi-ir-tam
2. usz-ta-li-im
3. u3 lu sze-er-ha-nam
4. mar-s,a-am _ku3-babbar_
5. ub-ta-al-li-it,
6. be-el s,e-em-ma-im
7. a-na _a-zu_
8. 5(disz) _gin2 ku3-babbar_
9. i-na-ad-di-in
@law 222
10. szum-ma _dumu |MASZ.EN.GAG|_
11. 3(disz) _gin2 ku3-babbar_
12. i-na-ad-di-in
@law 223
13. szum-ma _ARAD2_ a-wi-lim
14. be-el _ARAD2_
15. a-na _a-zu_
16. 2(disz) _gin2 ku3-babbar_
17. i-na-ad-di-in
@law 224
18. szum-ma _a-zu gu4_
19. u3 lu _ansze_
20. lu _gu4_ u3 lu _ansze_
21. s,e-em-ma-am kab-tam
22. i-pu-usz-ma
23. ub-ta-al-li-it,
24. be-el _gu4_ u3 lu _ansze_
25. _igi 6(disz)-gal2 ku3-babbar_
26. a-na _a-zu_
27. _a2_-szu
28. i-na-ad-di-in
@law 225
29. szum-ma _gu4_ u3 lu _ansze_
30. si2-im-ma-am kab-tam
31. i-pu-usz-ma
32. usz-ta-mi-it
33. _igi 4(disz)?-gal2 sa10_-szu
34. a-na be-el _gu4_ u3 lu _ansze_
35. i-na-ad-di-in
@law 226
36. szum-ma _szu-i_
37. ba-lum be-el _ARAD2_
38. ab-bu-ti _ARAD2_ la sze-e-em
40. u2-ga-al-li-ib
41. _kiszib3-la2 szu-i_ szu-a-ti
42. i-na-ak-ki-su2
@law 227
43. szum-ma a-wi-lum
44. _szu-i_ i-da-as,-ma
45. ab-bu-ti
46. _ARAD2_ la sze-e-em
47. ug-da-al-li-ib
48. a-wi-lam szu-a-ti
49. i-du-uk-ku-szu-ma
50. i-na _ka2_-szu
51. i-ha-al-la-lu-szu
52. _szu-i_ i-na i-du-u2
53. la u2-gal-li-bu
54. i-tam-ma-ma
55. u2-ta-asz-szar
@law 228
56. szum-ma _szitim_
57. _e2_ a-na a-wi-lim
58. i-pu-usz-ma
59. u2-sza-ak-li-il-szum
60. a-na 1(disz) _sar e2_
61. 2(disz) _gin2 ku3-babbar_
62. a-na qi2-isz-ti-szu
63. i-na-ad-di-isz-szum
@law 229
64. szum-ma _szitim_
65. a-na a-wi-lim
66. _e2_ i-pu-usz-ma
67. szi-pi2-ir-szu
68. la u2-da-an-ni-in-ma
69. _e2_ i-pu-szu
70. im-qu2-ut-ma
71. be-el _e2_ usz-ta-mi-it
72. _szitim_ szu-u2 id-da-ak
@law 230
73. szum-ma _dumu_ be-el _e2_
74. usz-ta-mi-it
75. _dumu szitim_ szu-a-ti
76. i-du-uk-ku
@law 231
77. szum-ma _ARAD2_ be-el _e2_
78. usz-ta-mi-it
79. _ARAD2_ ki-ma _ARAD2_
80. a-na be-el _e2_
81. i-na-ad-di-in
@law 232
82. szum-ma _nig2-gur11_
83. uh2-ta-al-li-iq
84. mi-im-ma
85. sza u2-hal-li-qu2
86. i-ri-ab
87. u3 asz-szum _e2_ i-pu-szu
88. la u2-dan-ni-nu-ma
89. im-qu2-tu
90. i-na _nig2-gur11_
91. ra-ma-ni-szu
92. _e2_ im-qu2-tu i-ip-pe2-esz
@law 233
93. szum-ma _szitim e2_
94. a-na a-wi-lim i-pu-usz-ma
95. szi-pi2-ir-szu
96. la usz-te-es,-bi-ma
97. _e2-gar8_ iq-tu-up
98. _szitim_ szu-u2
@column 20
1. i-na _ku3-babbar_ ra-ma-ni-szu
2. _e2-gar8_ szu-a-ti
3. u2-dan-na-an
@law 234
4. szum-ma _ma2-lah5_
5. _{gesz}ma2 1(gesz2) gur_
6. a-na a-wi-lim ip-he
7. 2(disz) _gin2 ku3-babbar_
8. a-na qi2-isz-ti-szu
9. i-na-ad-di-isz-szum
@law 235
10. szum-ma _ma2-lah5_
11. _{gesz}ma2_ a-na a-wi-lim
12. ip-he-ma
13. szi-pi2-ir-szu
14. la u2-tak2-ki-il-ma
15. i-na sza-at-tim-ma szu-a-ti
16. _{gesz}ma2_ szi-i
17. is,-s,a-bar
18. hi-t,i-tam ir-ta-szi
19. _ma2-lah5_
20. _{gesz}ma2_ szu-a-ti
21. i-na-qar-ma
22. i-na _nig2-gur11_ ra-ma-ni-szu
23. u2-dan-na-an-ma
24. _{gesz}ma2_ dan-na-tam
25. a-na be-el _{gesz}ma2_
26. i-na-ad-di-in
@law 236
27. szum-ma a-wi-lum
28. _{gesz}ma2_-szu
29. a-na _ma2-lah5_
30. a-na ig-ri-im
31. id-di-in-ma
32. _ma2-lah5_ i-gi-ma
33. _{gesz}ma2_ ut,-t,e4-bi
34. u3 lu uh2-ta-al-li-iq
35. _ma2-lah5 {gesz}ma2_
36. a-na be-el _{gesz}ma2_
37. i-ri-a-ab
@law 237
38. szum-ma a-wi-lum
39. _ma2-lah5_ u3 _{gesz}ma2_
40. i-gur-ma
41. _sze siki i3-gisz zu2-lum_
42. u3 mi-im-ma szum-szu
43. sza s,e-nim
44. i-s,e-en-szi
45. _ma2-lah5_ szu-u2
46. i-gi-ma
47. _{gesz}ma2_ ut,-t,e4-eb-bi
48. u3 sza li-ib-bi-sza
49. uh2-ta-al-li-iq
50. _ma2-lah5_
51. _{gesz}ma2_ sza u2-t,e4-eb-bu-u2
52. u3 mi-im-ma
53. sza i-na li-ib-bi-sza
54. u2-hal-li-qu2
55. i-ri-a-ab
@law 238
56. szum-ma _ma2-lah5_
57. _{gesz}ma2_ a-wi-lim
58. u2-t,e4-eb-bi-ma
59. usz-te-li-a-asz-szi#
60. _ku3-babbar_ mi-szi-il# _sa10_-sza#
61. i-na-ad-di-in#
@law 239
62. szum-ma a-wi-lum#
63. _ma2-lah5_ [i-gur]
64. 6(asz) [_sze gur_]
65. i-na sza-na#-[at]
66. i-na-ad#-[di]-isz-[szum]
@law 240
67. szum-ma {gesz#}[_ma2_]
68. sza ma-hi-ir-tim
69. _{gesz}ma2_ sza mu-uq-qe2-el-pi2-tim
70. im-ha-as,-ma
71. ut,-t,e4-eb-bi
72. be-el _{gesz}ma2_ sza _{gesz}ma2_-szu t,e4-bi-a-at
73. mi-im-ma sza i-na _{gesz}ma2_-szu hal-qu2
74. i-na ma-har i-lim
75. u2-ba-ar-ma
76. sza ma-hi-ir-tim
77. sza _{gesz}ma2_ sza mu-uq-qe2-el-pi2-tim
78. u2-t,e4-eb-bu-u2
79. _{gesz}ma2_-szu u3 mi-im-ma-szu hal-qa2-am
80. i-ri-a-ab-szum
@law 241
81. szum-ma a-wi-lum
82. _gu4_ a-na ni-pu-tim
83. it-te-pe2
84. 1/3(disz) _ma-na ku3-babbar_ i-sza-qal
@law 242-243
85. szum-ma a-wi-lum <_gu4_>
86. a-na _mu_ 1(disz) i-gur
87. _a2 gu4-a2-ur3-ra_
88. 4(asz) _sze gur_
89. _a2 gu4 ab2 muru2 sag_
90. 3(asz) _sze gur_ a-na be-li2-szu
91. i-na-ad-di-in
@column 21
@law 244
1. szum-ma a-wi-lum
2. _gu4 ansze_ i-gur-ma
3. i-na s,e-ri-im
4. _ur-mah_ id-du-uk-szu
5. a-na be-li2-szu-ma
@law 245
6. szum-ma a-wi-lum
7. _gu4_ i-gur-ma
8. i-na me-gu-tim
9. u3 lu i-na ma-ha-s,i2-im
10. usz-ta-mi-it
11. _gu4_ ki-ma _gu4_
12. a-na be-el _gu4_
13. i-ri-a-ab
@law 246
14. szum-ma a-wi-lum
15. _gu4_ i-gur-ma
16. _giri3_-szu isz-te-bi-ir
17. u3 lu la-bi-a-an-szu
18. it-ta-ki-is
19. _gu4_ ki-ma _gu4_
20. a-na be-el _gu4_
21. i-ri-a-ab
@law 247
22. szum-ma a-wi-lum
23. _gu4_ i-gur-ma
24. _igi_-szu uh2-tap-pi2-id
25. _ku3-babbar_ mi-szi-il _sa10_-szu
26. a-na be-el _gu4_
27. i-na-ad-di-in
@law 248
28. szum-ma a-wi-lum
29. _gu4_ i-gur-ma
30. _si_-szu isz-bi-ir
31. _kun_-su2 it-ta-ki-is
32. u3 lu {uzu}_sa-sal_-szu
33. it-ta-sa-ag!
34. _ku3-babbar igi 4(disz)?-gal2 sa10_-szu
35. i-na-ad-di-in
@law 249
36. szum-ma a-wi-lum
37. _gu4_ i-gur-ma
38. i-lum im-ha-su2-ma
39. im-tu-ut
40. a-wi-lum sza _gu4_ i-gu-ru
41. ni-isz i-lim
42. i-za-kar-ma
43. u2-ta-asz-szar
@law 250
44. szum-ma _gu4_ su2?-qa2-am
45. i-na a-la-ki-szu
46. a-wi-lam
47. ik-ki-ip-ma
48. usz-ta-mi-it
49. di-nu-um szu-u2
50. ru-gu-um-ma-am
51. u2-ul i-szu
@law 251
52. szum-ma# _gu4_ a-wi-lim
53. na-ak-ka#-pi2-[ma]
54. ki-ma na-ak-ka#-pu-u2
55. ba-ab-ta-szu
56. u2-sze-di-szum-ma
57. qar-ni-szu
58. la u2-szar-ri#-im
59. _gu4_-szu la u2-sa-an-ni-iq-ma
60. _gu4_ szu-u2
61. _dumu_ a#-wi-lim
62. ik#-ki#-ip-ma
63. usz#-[ta]-mi-it
64. 1/2(disz)# _[ma]-na ku3-babbar_
65. i#-[na]-ad-di-in
@law 252
66. [szum]-ma# _ARAD2_ a-wi-lim
67. 1/3(disz)# _[ma]-na ku3-babbar_
68. i#-na-ad-di-in
@law 253
69. szum#-ma a-wi-lum a-wi-lam
70. a-na pa-ni _a-sza3_-szu
71. u2-zu-uz-zi-im
72. i-gur-ma
73. _al# du3-a_-am
74. [i]-qi2-ip-szu
75. _[ab2] gu4 hi-a_ ip#-qi2-sum2
76. [a-na?] _a-sza3_ e-re-szi-im u2-ra-ak-ki-su2
77. szum#-ma a-wi-lum szu-u2
78. _sze numun_ u3 lu _sza3-gal_
79. isz-ri-iq-ma
80. i-na qa2-ti-szu
81. it-ta-as,-ba-at
82. _kiszib3-la2_-szu i-na-ak-ki-su
@law 254
83. szum-ma _al du3-a_-am
84. il-qe2-ma _ab2 gu4 hi-a_
85. u2-te-en-ni!-isz u2-te-en-gag-isz
86. ta-[asz?]-na _sze_ sza im-ri!-ru
87. i-ri-ab
@law 255
88. szum-ma _ab2 gu4 hi-a_
89. a-wi-lim a-na# ig-ri-im
90. it-ta-di-in
91. u3 lu _sze numun#_ isz-ri-iq-ma
92. i-na _a-sza3#_ la usz-tab-szi
93. a-wi-lam szu-a-ti
94. u2-ka-an-nu-szu-ma
95. i-na _buru14 1(bur3) GAN2_-e
96. 1(gesz2) _sze gur#_ i-ma-ad-da-ad
@law 256
97. szum-ma pi2-ha-su2
98. a-pa-lam la-i-le-i
99. i-na _a-sza3_ szu-a-ti i-na _ab2 gu4 hi-a_
100. im-ta-na-asz-sza-ru-szu
@law 257
101. szum-ma a-wi-lum
@column 22
1. _engar_ i-gur
2. 8(asz) _sze gur_
3. i-na _mu 1(disz)-kam_
4. i-na-ad-di-isz-szum
@law 258
5. szum-ma a-wi-lum
6. _sza3 gu4_ i-gur
7. 6(asz) _sze gur_
8. i-na _mu 1(disz)-kam_
9. i-na-ad-di-isz-szum
@law 259
10. szum-ma a-wi-lum
11. {gesz}APIN i-na _a-gar3_
12. isz-ri-iq
13. 5(disz) _gin2 ku3-babbar_
14. a-na be-el _{gesz}apin_
15. i-na-ad-di-in
@law 260
16. szum-ma _{gesz}apin tug2-gur10_
17. u3 lu _GAN2 ur3_
18. isz-ta-ri-iq
19. 3(disz) _gin2 ku3-babbar_
20. i-na-ad-di-in
@law 261
21. szum-ma a-wi-lum
22. _na-gada_ a-na _ab2 gu4 hi-a_
23. u3 _u8 udu hi-a_
24. re-im i-gur
25. 8(asz) _sze gur_
26. i-na _mu 1(disz)-kam_
27. i-na-ad-di-isz-szum
@law 262
28. szum-ma a-wi-lum
29. _gu4_ u3 lu _udu#_
30. a-na [...]
31. [...]
32. [...]
33. [...]
34. [...]
35. [...]
36. [...]
@law 263
37. szum-ma# [_gu4_] u3 lu [_udu_]
38. sza in-na-ad-nu-szum#
39. uh2-ta-al-li-[iq]
40. _gu4_ ki-ma [_gu4_]
41. _udu_ ki-ma [_udu_]
42. a-na be-li2-[szu-nu]
43. i-ri-a-[ab]
@law 264
44. szum-ma [_sipa_]
45. sza _ab2 gu4 [hi-a_]
46. u3 lu _u8 [udu hi-a_]
47. a-na re#-[im]
48. in-na-[ad]-nu#-szum#
49. _a2_-szu ga#-am#-ra-tim
50. ma-hi-ir
51. li-ib#-ba-szu t,a-ab
52. _ab2 gu4# hi-a_
53. us,-s,a-ah-hi-ir
54. _u8# udu hi-a_
55. us,-s,a-ah-hi-ir
56. ta-li-it-tam um-ta-t,i
57. a-na _ka_ ri-ik-sa-ti-szu
58. ta-li-it-tam
59. u3 bi-il-tam
60. i-na-ad-di-in
@law 265
61. szum-ma _sipa_
62. sza _ab2 gu4 hi-a_
63. u3 lu _u8 udu hi-a_
64. a-na re-im
65. in-na-ad-nu-szum
66. u2-sa-ar-ri-ir-ma
67. szi-im-tam ut-ta-ak-ki-ir
68. u3 a-na _ku3-babbar_
69. it-ta-di-in
70. u2-ka-an-nu-szu-ma
71. _a-ra2_ 1(u)-szu sza isz-ri-qu2
72. _ab2 gu4 hi-a_
73. u3 _u8 udu hi-a_
74. a-na be-li2-szu-nu
75. i-ri-a-ab
@law 266
76. szum-ma i-na _tur3_
77. li-pi2-it _dingir_ it-tab-szi
78. u3 lu _ur-mah_ id-du-uk _sipa_ ma-hi! _dingir_
79. u2-ub-ba-am-ma
80. mi-qi2-it-ti _tur3_
81. be-el _tur3_ i-mah-har-szu
@law 267
82. szum-ma _sipa_ i-_geme2_-ma
83. i-na _tur3_ pe2-sa2-tam usz-tab-szi
84. _sipa_ hi-t,i-it pe2-sa3-tim
85. sza i-na _tur3_ u2-sza-ab-szu-u2
86. _ab2 gu4 hi-a_ u3 _u8 udu hi-a_
87. u2-sza-lam-ma
88. a-na be-li2-szu-nu
89. i-na-ad-di-in
@law 268
90. szum-ma a-wi-lum _gu4_
91. a-na di-a-szi-im i-gur
92. 2(ban2) _sze a2_-szu
@law 269
93. szum-ma _ansze_
94. a-na di-a-szi-im i-gur
95. 1(ban2) _sze a2_-szu
@law 270
96. szum-ma _masz2_
97. a-na di-a-szi-im i-gur
98. 1(disz) _sila3 sze a2_-szu
@law 271
99. szum-ma a-wi-lum
100. _ab2 gu4 hi-a {gesz}mar-gid2-da_
101. u3 mu-ur2-te-di-sza i-gur
@column 23
1. i-na _u4 1(disz)-kam 3(barig) sze_
2. i-na-ad-di-in
@law 272
3. szum-ma a-wi-lum
4. _{gesz}mar-gid2-da_-ma
5. a-na ra-ma-ni-sza i-gur
6. i-na _u4 1(disz)-kam 4(ban2) sze_
7. i-na-ad-di-in
@law 273
8. szum-ma a-wi-lum
9. _{lu2}hun-ga2_ i-gur
10. isz-tu re-esz sza-at-tim
11. a-di ha-am-szi-im _iti_-im
12. 1(u) 2(disz) _sze ku3-babbar_
13. i-na _u4 1(disz)-kam_
14. i-na-ad-di-in
15. isz-tu szi-szi-im _iti_-im
16. a-di ta-aq-ti-da! sza-at-tim
17. 5(disz) _sze ku3-babbar_
18. i-na _u4 1(disz)-kam_
19. i-na-ad-di-in
@law 274
20. szum-ma a-wi-lum
21. _dumu um-mi-a_
22. i-ig-ga-ar#
23. _a2 {lu2}[hun-ga2?]_
24. 5(disz) _sze ku3#-babbar#_
25. _a2 {lu2}[tug2]-du8-a_
26. 5(disz) _[sze ku3]-babbar_
27. [_a2] {lu2#}gada_
28. [n(disz) _sze] ku3-babbar_
29. [_a2 bur]-gul_
30. [n(disz) _sze ku3]-babbar_
31. [_a2] zadim#?_
32. [n(disz) _sze ku3]-babbar_
33. [_a2] simug#_
34. [n(disz) _sze ku3]-babbar_
35. [_a2] nagar_
36. 5(disz)#? _sze ku3-babbar_
37. _a2 aszgab_
38. [n(disz)] _sze ku3-babbar_
39. _a2 ad-kup4_
40. [n(disz)] _sze ku3-babbar_
41. [_a2] szitim_
42. [n(disz) _sze ku3]-babbar_
43. [i-na _u4] 1(disz)-kam_
44. [i-na-ad]-di#-in
@law 275
45. [szum-ma a]-wi-lum
46. [...] i-gur
47. i-na _u4 1(disz)-kam_
48. 3(disz) _sze ku3-babbar a2_-szu
@law 276
49. szum-ma ma-hi-ir-tam i-gur
50. 1/2(disz) _sze ku3-babbar a2_-sza
51. i-na _u4 1(disz)-kam_
52. i-na-ad-di-in
@law 277
53. szum-ma a-wi-lum
54. _{gesz}ma2 1(gesz2) gur_ i-gur
55. i-na _u4 1(disz)-kam_
56. _igi 6(disz)-gal2 ku3-babbar a2_-sza
57. i-na-ad-di-in
@law 278
58. szum-ma a-wi-lum
59. _ARAD2 geme2_ i-sza-am-ma
60. _iti_-szu la im-la-ma
61. be2-en-ni e-li-szu
62. im-ta-qu2-ut a-na na-di-na-ni-szu
63. u2-ta-ar-ma
64. sza-a-a-ma-nu-um
65. _ku3-babbar_ isz-qu2-lu
66. i-le-qe2
@law 279
67. szum-ma a-wi-lum
68. _ARAD2 geme2_ i-sza-am-ma
69. ba-aq-ri ir-ta-szi
70. na-di-na-an-szu
71. ba-aq-ri i-ip-pa-al
@law 280
72. szum-ma a-wi-lum
73. i-na ma-at
74. nu-ku-ur2-tim
75. _ARAD2 geme2_ sza a-wi-lim
76. isz-ta-am
77. i-nu-ma
78. i-na li-ib-bu _kalam_
79. it-ta-al-kam-ma
80. be-el _ARAD2_ u3 lu _geme2_
81. lu _ARAD2_-su2 u3 lu _geme2_-su2
82. u2-te-ed-di
83. szum-ma _ARAD2_ u3 lu _geme2_ szu-nu
84. _dumu-mesz_ ma-tim
85. ba-lum _ku3-babbar_-ma
86. an-du-ra-ar-szu-nu
87. isz-sza-ak-ka-an
@law 281
88. szum-ma _dumu-mesz_ ma-tim sza-ni-tim
89. sza-a-a-ma-nu-ma
90. i-na ma-har i-lim
91. _ku3-babbar_ isz-lu!-lu
92. i-bi!-ab-bi-ma
93. be-el _ARAD2_ u3 lu _geme2_
94. _ku3-babbar_ isz-qu2-lu a-na _dam-gar3_
95. i-na-ad-di-in-ma
96. lu _ARAD2_-su2 lu _geme2_-su2 i-pa-ag!
@law 282
97. szum-ma _ARAD2_ a-na be-li2-szu
98. u2-ul be-li2 at-ta
99. iq-ta-bi
100. ki-ma _ARAD2_-su2
101. u2-ka-an-szu-ma
102. be-el-szu u2-zu-un-szu i-na-ak-ki-is
@column 24
@epilogue
1. di-na-a-at
2. mi-sza-ri-im
3. sza {disz}ha-am-mu-ra-pi2
4. szar-ru-um le-u2-um
5. u2-ki-in-nu-ma
6. ma-tam u2-sa-am ki-nam#
7. u3 ri-dam dam-qa2-am
8. u2-sza-as,-bi-tu
9. {disz}ha-am-mu-ra-pi2
10. szar-ru-um gi-it-ma-lum a-na-ku
11. a-na _sag-ge6_
12. sza {d}en-lil2 isz-ru-kam
13. re-u2-si2-na
14. {d}marduk i-din-nam
15. u2-ul e-gu
16. a-hi u2-ul ad-di
17. asz-ri szu-ul-mi-im
18. esz-te-i-szi-na-szim#
19. pu-usz-qi2 wa-asz-t,u2-tim
20. u2-pe#-et-ti
21. nu-ra-am u2-sze-s,i-szi-na-szi-im
22. i-na _{gesz}tukul_ da-an-nim
23. sza {d}za-ba4-ba4
24. u3 {d}inanna
25. u2-sza-at-li-mu-nim
26. i-na _igi-gal2_
27. sza {d}en-ki i-szi-ma-am
28. i-na le-u2-tim
29. sza {d}marduk id-di-nam
30. na-ak-ri e-li-isz
31. u3 sza-ap-li-isz as-su2-uh2
32. qa2-ab-la-tim u2-be2-el-li
33. szi-ir ma-tim
34. u2-t,i3-ib
35. ni-szi da-ad-mi
36. a-bu-ur2-ri
37. u2-szar-bi2-is,
38. mu-gal-li-tam
39. u2-ul u2-szar-szi-szi-na-ti
40. _dingir gal-gal_
41. ib-bu-u2-nin-ni-ma
42. a-na-ku-ma
43. _sipa_ mu-sza-al-li-mu-um
44. sza _{gesz}gidri_-szu
45. i-sza-ra-at
46. s,i-li2 t,a-bu-um
47. a-na _iri_-ia
48. ta-ri-is,
49. i-na ut-li-ia
50. ni-szi _kalam_ szu-me-ri2-im
51. u3 ak-ka-di-im
52. u2-ki-il
53. i-na la-ma-si2-ia
54. ih-hi-sza
55. i-na szu-ul-mi-im
56. at-tab-ba-al-szi-na-ti
57. i-na ne-me-qi2-ia
58. usz-tap-zi2-ir-szi-na-ti
59. dan-nu-um en-sza-am
60. a-na la ha-ba-lim
61. _nu-siki nu-mu-su_
62. szu-te-szu-ri-im
63. i-na babila{ki}
64. _iri_ sza an u3 {d}en-lil2
65. re-szi-szu
66. u2-ul#-lu-u2
67. i-na e2-sag-il2
68. _e2_ sza ki-ma sza-me-e
69. u3 er-s,e-tim _suhusz_-szu ki-na
70. di-in ma-tim a-na di-a-nim
71. pu-ru-se2-e ma-tim
72. a-na pa-ra-si-im
73. ha-ab-lim szu-te-szu-ri-im
74. a-wa-ti-ia szu-qu2-ra-tim
75. i-na _na-ru_-ia asz-t,ur-ma
76. i-na ma-har _alan_-ia
77. _lugal_ mi-sza-ri-im
78. u2-ki-in
79. _lugal_ sza in _lugal_-ri2
80. szu-tu-ru a-na-ku
81. a-wa-tu-u2-a na-as2-qa2
82. le-u2-ti sza-ni-nam
83. u2-ul i-szu
84. i-na qi2-bi-it {d}utu
85. da-a-a-nim ra-bi-im
86. sza _an_ u3 _ki_
87. mi-sza-ri i-na _kalam_
88. li-isz-te-pi2
89. i-na a-wa-at
90. {d}marduk be-li2-ia
91. u2-s,u2-ra-tu-u2-a
92. mu-sza-si2-kam# a-ir-szi-a
93. i-na e2-sag-il2
94. sza a-ra-am-mu szu-mi i-na da-mi-iq-tim
@column 25
1. a-na da-ar
2. li-iz-za-ki-ir
3. a-wi-lum ha-ab-lum
4. sza a-wa-tam
5. i-ra-asz-szu-u2
6. a-na ma-ha-ar _alan_-ia
7. _lugal_ mi-sza-ri-im
8. li-il-li-ik-ma
9. _na-ru_-i
10. sza-at,-ra-am
11. li-isz-ta-as2-si-ma
12. a-wa-ti-ia
13. szu-qu2-ra-tim
14. li-isz-me-ma
15. _na-ru_-i a-wa-tam
16. li-kal2-lim-szu
17. di-in-szu li-mu-ur2
18. li-ib-ba-szu
19. li#-na#-ap-pi2-isz-ma
20. {disz}ha-am-mu-ra-pi2-mi
21. be-lum sza ki-ma a-bi-im
22. wa-li-di-im
23. a-na ni-szi
24. i-ba-asz-szu-u2
25. a-na a-wa-at
26. {d}marduk be-li2-szu
27. usz-ta-ak-ti-it-ma
28. ir-ni-ti {d}marduk
29. e-li-isz
30. u3 sza-ap-li-isz
31. ik-szu-u4
32. li-ib-bi {d}marduk
33. be-li2-szu u2-t,i3-ib
34. u3 szi-ra-am t,a-ba-am
35. a-na ni-szi
36. a-na da-ar i-szi-im
37. u3 ma-tam
38. usz-te-sze-er
39. a2-ni-tam
40. li-iq-bi-ma
41. i-na ma-har
42. {d}marduk be-li2-ia
43. {d}s,ar-pa-ni-tum
44. be-el-ti-ia
45. i-na li-ib-bi-szu
46. ga-am-ri-im
47. li-ik-ru-ba-am
48. sze-du-um la-ma-sum2
49. _dingir dingir_ e-ri-bu-ut
50. e2-sag-il2
51. _sig4_ e2-sag-il2
52. i-gi-ir-re-e
53. u4-mi-sza-am
54. i-na ma-har
55. {d}marduk be-li2-ia
56. {d}s,ar-pa-ni-tum
57. be-el-ti-ia
58. li-dam-mi-qu2
59. a-na wa-ar-ki-a-at
60. _u4_-mi
61. a-na ma-ti-ma
62. _lugal_ sza i-na _kalam_
63. ib-ba-asz-szu-u2
64. a-wa-a-at
65. mi-sza-ri-im
66. sza i-na _na-ru_-ia
67. asz-t,u2-ru li-s,ur
68. di-in ma-tim
69. sza a-di-nu
70. pu-ru-se2-e _kalam_
71. sza ap-ru-su
72. a u2-na-ak-ki-ir
73. u2-s,u2-ra-ti-ia
74. a u2-sza-si2-ik
75. szum-ma a-wi-lum szu-u2
76. ta-szi-im-tam i-szu-ma
77. ma-su2 szu-te-szu-ra-am i-le-i
78. a-na a-wa-a-tim
79. sza i-na _na-ru_-ia asz-t,u2-ru li-qul2-ma
80. ki-ib-sa-am ri-dam
81. di-in _kalam_ sza a-di-nu
82. pu-ru-se2-e _kalam_
83. sza ap-ru-su
84. _na-ru_-um szu-u2
85. li-kal2-lim-szu-ma
86. s,a-al-ma-at qa2-qa2-di-szu
87. li-isz-te-sze-er
88. di-in-szi-na li-di-in
89. pu-ru-sa3-szi-na
90. li-ip-ru-us2
91. i-na ma-ti-szu ra-ga-am
92. u3 s,e-nam li-su2-uh2
93. szi-ir ni-szi-szu
94. li-t,i-ib
95. {disz}ha-am-mu-ra-pi2
96. _lugal_ mi-sza-ri-im
97. sza {d}utu ki-na-tim
98. isz-ru-ku-szum a-na-ku
99. a-wa-tu-u2-a na-as2-qa2
100. ep-sze-tu-u2-a
101. sza-ni-nam
102. u2-ul i-sza-a
103. e-la a-na la ha-si2-im
104. ri-qa2
105. a-na em-qi2-im
@column 26
1. a-na ta-na-da-tim szu-s,a-a
2. szum-ma a-wi-lum szu-u2
3. a-na a-wa-ti-ia
4. sza i-na _na-ru_-ia asz-t,u2-ru
5. i-qul2-ma
6. di-ni la u2-sza-as-si2-ik
7. a-wa-ti-ia
8. la usz-te-pe-el
9. u2-s,u2-ra-ti-ia
10. la u2-na-ki-ir
11. a-wi-lum szu-u2
12. ki-ma ia-ti
13. _lugal_ mi-sza-ri-im
14. {d}utu _{gesz}gidri_-szu
15. li-ir-ri-ik
16. ni-szi-szu
17. i-na mi-sza-ri-im li-re
18. szum-ma a-wi-lum szu-u2
19. <a-na> a-wa-ti-ia
20. sza i-na _na-ru_-ia
21. asz-t,u2-ru
22. la i-qul2-ma
23. er-re-ti-ia
24. i-me-esz-ma
25. er-re-et i3-li2
26. la i-dur-ma
27. di-in a-di-nu
28. up-ta-as-si2-is
29. a-wa-ti-ia
30. usz-te-pe-el
31. u2-s,u2-ra-ti-ia
32. ut-ta-ak-ki-ir
33. szu-mi sza-at-ra-am
34. ip-szi-it,-ma
35. szum-szu isz-ta-t,ar2
36. asz-szum er-re-szum! szi-na-ti
37. sza-ni-a-am-ma
38. usz-ta-hi-iz
39. a-wi-lum szu-u2
40. lu _lugal_
41. lu _en_
42. lu _ensi2_
43. u3 lu a-wi-lu-tum
44. sza szu-ma-am na-bi-a-at
45. AN ra-bu-um
46. a-bu i3-li2
47. na-bu-u2 _bala_-ia
48. _me-lam2_ szar-ru-tim
49. li-t,e4-er-szu
50. _{gesz}gidri_-szu
51. li-isz-bi-ir
52. szi-ma-ti-szu li-ru-ur
53. {d}en-lil2 be-lum
54. mu-szi-im szi-ma-tim
55. sza qi2-bi2-su2
56. la ut-ta-ka-ru
57. mu-szar-bu-u3
58. szar-ru-ti-ia
59. te-szi la szu-up-pi2-im
60. ga-ba-ra-ah
61. ha-la-qi2-szu
62. i-na szu-ub-ti-szu
63. li-sza-ab!-bi!-ha-asz-szum
64. _bala_ ta-ne-hi-im
65. _u4_-mi i-s,u2-tim
66. sza-na-a-at
67. hu-sza-ah-hi-im
68. ek-le-et
69. la na-wa-ri-im
70. mu-ut ni-t,i-il i-nim
71. a-na szi-im-tim
72. li-szi-im-szum
73. ha-la-aq _iri_-szu
74. na-as2-pu-uh2 ni-szi-szu
75. szar-ru-su2 szu-pe2-lam
76. szum-szu u3 zi-kir-szu
77. i-na ma-tim
78. la szu-ub-sza-a-am
79. i-na _ka_-szu kab-tim
80. li-iq-bi
81. {d}nin-lil2
82. _ama_ ra-bi2-tum
83. sza qi2-bi2-sa3
84. i-na e2-kur kab-ta-at
85. _nin_ mu-dam-mi-qa2-at
86. i-gi-ir-re-ia
87. a-szar szi-ip-t,i-im
88. u3 pu-ru-se2-em
89. i-na ma-har {d}en-lil2
90. a-wa-su2 li-le-mi-in
91. szu-ul-pu-ut ma-ti-szu
92. ha-la-aq ni-szi-szu
93. ta-ba-ak na-pisz-ti-szu
94. ki-ma me-e
95. i-na _ka_ {d}en-lil2
96. szar-ri-im
97. li-sza-asz-ki-in
98. {d}en-ki _nun_ ra-bi-um
99. sza szi-ma-tu-szu
100. i-na mah-ra i-la-ka
101. _abgal_ i3-li2
102. mu-de mi-im-ma szum-szu
103. mu-sza-ri-ku
@column 27
1. _u4_-um ba-la-t,i-ia
2. uz-nam
3. u3 ne-me-qam
4. li-t,e4-er-szu-ma
5. i-na mi-szi-tim
6. li-it-ta-ar-ru-szu
7. _i7-i7_-szu
8. i-na na-ag-bi-im
9. li-is-ki-ir
10. i-na er-s,e-ti-szu
11. {d}asznan
12. na-pi2-isz-ti ni-szi
13. a u2-sza-ab-szi
14. {d}utu da-a-a-nu-um ra-bi-um
15. sza sza-me-e
16. u3 er-s,e-tim
17. mu-usz-te-sze-er
18. sza-ak-na-at na-pi2-isz-tim
19. be-lum tu-kul2-ti
20. szar-ru-su2 li-is-ki-ip
21. di-in-szu
22. a i-di-in
23. u2-ru-uh2-szu li-szi
24. _DU_ um-ma-ni-szu
25. li-isz-he-el-s,i2
26. i-na bi-ri-szu
27. _uzu_ lem-nam
28. sza na-sa-ah
29. _suhusz_ szar-ru-ti-szu
30. u3 ha-la-aq ma-ti-szu li-isz-ku-un-szum
31. a-wa-tum ma-ru-usz-tum
32. sza {d}utu ar-hi-isz
33. li-ik-szu-su2
34. e-li-isz
35. i-na ba-al#-t,u2-tim
36. li-is-su2-uh2-szu
37. sza-ap-li-isz
38. i-na er-s,e-tim
39. _gidim4-gidim4_-szu
40. me-e li-sza-az-mi
41. {d}suen be-el sza-me-e
42. _dingir_ ba-ni
43. sza sze-re-su2
44. i-na i3-li2 szu-pa-a-at
45. _aga {gesz}gu-za_ sza szar-ru-tim
46. li-t,e4-er-szu
47. ar-nam kab-tam
48. sze-re-su2 ra-bi-tam
49. sza i-na zu-um-ri-szu
50. la i-hal-li-qu2
51. li-mu-su2-ma
52. _u4_-mi _iti-iti_
53. sza-na-a-at _bala_-szu
54. i-na ta-ne-hi-im
55. u3 di-im-ma-tim
56. li-sza-aq-ti
57. kam-ma-al szar-ru-tim
58. li-sza-at,-t,i-il-szu
59. ba-la-t,am
60. sza it-ti mu-tim
61. szi-ta-an-nu
62. a-na szi-im-tim
63. li-szi-im-szum
64. {d}iszkur be-el _he2-gal2_
65. _gu2-gal_ sza-me-e
66. u3 er-s,e-tim
67. re-s,u2-u2-a
68. zu-ni i-na sza-me-e
69. mi-lam
70. i-na na-ag-bi-im
71. li-t,e4-er-szu
72. ma-su2
73. i-na hu-sza-ah-hi-im
74. u3 bu-bu-tim
75. li-hal-li-iq
76. e-li _iri_-szu
77. ez-zi-isz
78. li-is-si-ma
79. ma-su2 a-na _du6_ a-bu-bi-im
80. li-te-er
81. {d}za-ba4-ba4
82. qar-ra-du-um ra-bi-um
83. _dumu_ re-esz-tu-um
84. sza e2-kur
85. a-li-ku im-ni-ia
86. a-szar tam2-ha-ri-im
87. _{gesz}tukul_-szu li-isz-bi-ir
88. u4-ma-am a-na mu-szi-im
89. li-te-er-szum-ma
90. na-ki-ir-szu e-li-szu
91. li-isz-zi-iz
92. {d}inanna be-le-et
93. _me6_ u3 _szen-szen_
94. pa-ti-a-at
95. _{gesz}tukul#_-ia
96. la-ma-si2
97. da-mi-iq-tum
98. ra-i-ma-at _bala_-ia
99. i-na li-ib-bi-sza
100. ag-gi-im
101. i-na uz-za-ti-sza
102. ra-bi2-a-tim
103. szar-ru-su2 li-ru-ur
104. dam-qa2-ti-szu
105. a-na le-em-ne-tim
106. li-te-er
@column 28
1. li-te-er
# sic
2. a-szar _me6_ u3 _szen-szen_
3. _{gesz}tukul_-szu
4. li-isz-bi#-ir
5. i-szi-tam
6. sa3-ah-ma-asz-tam
7. li-isz-ku-un-szum
8. qar-ra-di-szu
9. li-sza-am-qi2-it
10. da-mi-szu-nu
11. er-s,e-tam li-isz-qi2
12. gu-ru-un
13. sza-al-ma-at
14. um-ma-na-ti-szu
15. i-na s,e-ri-im
16. li-it-ta-ad-di
17. _erin2_-szu-ma? re-ma-am
18. a-i u2-szar-szi
19. szu-a-ti
20. a-na qa2-at na-ak-ri-szu
21. li-ma-al-li-szu-ma
22. a-na ma-at nu-ku-ur2-ti-szu
23. ka-mi-isz li-ru-szu
24. {d}ne3-eri11-gal
25. dan-nu-um i-na i3-li2
26. qa2-ba-al la ma-ha-ar
27. mu-sza-ak-szi-du
28. ir-ni-ti-ia
29. i-na ka-szu-szi-szu
30. ra-bi-im
31. ki-ma i-sza-tim
32. ez-ze-tim sza a-pi2-im
33. ni-szi-szu
34. li-iq-me
35. in _{gesz}tukul_-szu dan-nim
36. li-sza-ti-szu-ma
37. bi-ni-a-ti-szu
38. ki-ma s,a-lam t,i-t,i-im
39. li-ih-bu-usz
40. {d}nin-tu
41. _nin_ s,i-ir-tum
42. sza ma-ta-tim
43. _ama_ ba-ni-ti
44. _ibila_ li-t,e4-re-szu-ma
45. szu-ma-am
46. a u2-szar-szi-szu
47. i-na qer-bi-it ni-szi-szu
48. _numun_ a-wi-lu-tim
49. a ib-ni
50. {d}nin-kar-ra-ak
51. _dumu-munus an_-nim
52. qa2-bi-a-at
53. dum-qi2-ia
54. i-na e2-kur
55. mur-s,a-am kab-tam
56. _a2-sag3_ le-em-nam
57. si2-im-ma-am mar-s,a-am
58. sza la i-pa-asz-sze-hu
59. _a-zu!_ qe2-re-eb-szu
60. la i-lam-ma-du
61. i-na s,i2-im-di
62. la u2-na-ah-hu-szu
63. ki-ma ni-szi-ik mu-tim la in-na-sa3-hu
64. i-na bi-ni-a-ti-szu
65. li-sza-s,i-asz-szum-ma
66. a-di na-pi2-isz-ta-szu
67. i-be2-el-lu-u2
68. a-na et,-lu-ti-szu
69. li-da!-dam-ma-am
70. _dingir gal-gal_
71. sza sza-me-e
72. u3 er-s,e-tim
73. {d}a-nun-na
74. i-na _|SZU+LAGAB|_-szu-nu
75. sze-ed bi-tim
76. _sig4_ e2-babbar-ra
77. szu-a-ti
78. _numun_-szu
79. ma-su2 _erin2_-szu
80. ni-szi-szu
81. u3 um-ma-an-szu
82. er-re-tam
83. ma-ru-usz-tam li-ru-ru
84. er-re-tim
85. da!-ni-a-tim
86. {d}en-lil2
87. i-na _ka_-szu
88. sza la ut-ta-ak-ka-ru
89. li-ru-ur-szu-ma
90. ar-hi-isz
91. li-ik-szu-da-szu

2016-11-20 20:02:51, entered by englund for carlo g.
&P249253 = RIME 4.03.06.add21, ex. 01
#atf: lang akk
@object stele
@surface a
@column 1
@prologue
1. i3-nu an s,i-ru-um
2. _lugal_ {d}a-nun-na-ki
3. {d}en-lil2
4. be-el sza-me-e
5. u3 er-s,e-tim
6. sza-i-im
7. szi-ma-at _kalam_
8. a-na {d}marduk
9. _dumu_ re-esz-ti-im
10. sza {d}en-ki
11. {d}en-lil2-ut
12. kisz ni-szi3
13. i-szi-mu-szum
14. in i-gi4-gi4
15. u2-szar-bi2-u3-szu
16. babila{ki}
17. szum-szu s,i-ra-am ib-bi-u3
18. in ki-ib-ra-tim
19. u2-sza-t,e4-ru-szu
20. i-na li-ib-bi-szu
21. szar-ru-tam da-ri2-tam
22. sza ki-ma sza-me-e
23. u3 er-s,e-tim
24. isz-da-sza
25. szu-ur2-szu-da
26. u2-ki-in-nu-szum
27. i-nu-mi-szu
28. {disz}ha-am-mu-ra-pi2
29. ru-ba-am
30. na-a'-dam
31. pa-li-ih i3-li2 ia-ti
32. mi-sza-ra-am
33. i-na ma-tim
34. a-na szu-pi2-i-im
35. ra-ga-am u3 s,e-nam
36. a-na hu-ul-lu-qi2-im
37. dan-nu-um
38. en-sza-am
39. a-na la ha-ba-li-im
40. ki-ma {d}utu
41. a-na _sag-ge6_
42. wa-s,e-e-em-ma
43. ma-tim
44. nu-wu-ri-im
45. an
46. u3 {d}en-lil2
47. a-na szi-ir ni-szi
48. t,u2-ub-bi-im
49. szu-mi ib-bu-u2
50. {disz}ha-am-mu-ra-pi2
51. re-iu-um
52. ni-bi-it
53. {d}en-lil2 a-na-ku
54. mu-kam-me-er
55. nu-uh2-szi-im
56. u3 t,u2-uh2-di-im
57. mu-sza-ak-li-il
58. mi-im-ma szum-szu
59. a-na nibru{ki} _dur-an-ki_
60. za-ni-nu-um
61. na-a'-du-um
62. sza e2-kur
63. _lugal_ le-iu-um
64. mu-te-er {iri}eridu{ki}
65. a-na asz-ri-szu
66. mu-ub-bi-ib
@column 2
1. szu-luh e2-abzu
2. ti-i-ib
3. ki-ib-ra-at
4. er-be2-tim
5. mu-szar-bi2 zi-ik-ru
6. babila{ki}
7. mu-t,i3-ib
8. li-ib-bi {d}marduk
9. be-li2-szu
10. sza u4-mi-szu
11. iz-za-zu
12. a-na e2-sag-il2
13. _numun_ szar-ru-tim
14. sza {d}suen
15. ib-ni-u3-szu
16. mu-na-ah-hi-isz
17. {iri}uri5{ki}
18. wa-asz-ru-um
19. mu-usz-te-mi-qum
20. ba-bil2 _he2-gal2_
21. a-na e2-kisz-nu-gal2
22. _lugal_ ta-szi-im-tim
23. sze-mu {d}utu da-num2
24. mu-ki-in
25. _suhusz_ zimbir{ki}
26. mu-sza-al-bi-isz
27. wa-ar-qi2-im
28. gi-gu-ne-e {d}a-a
29. mu-s,i-ir
30. e2-babbar
31. sza ki szu-ba-at sza-ma-i
32. _ur-sag_ ga#-mi-il
33. larsa{ki}
34. mu-u4-di-isz e2-babbar
35. a-na {d}utu
36. re-s,i-szu
37. be-lum mu-ba-li2-it,
38. unu{ki}
39. sza-ki-in me-e
40. nu-uh2-szi-im
41. a-na ni-szi-szu
42. mu-ul-li
43. re-esz e2-an-na
44. mu-kam-me-er
45. hi-is,-bi-im
46. a-na _an_-nim
47. u3 {d}inanna
48. _an-dul3_ ma-tim
49. mu-pa-ah-hi-ir
50. ni-szi sa6-ap-ha-tim
51. sza i3-si-in{ki}
52. mu-t,a-ah-hi-id
53. nu-uh2-szi-im
54. _e2_ e2-gal-mah
55. _uszumgal lugal_-ri2
56. ta-li-im
57. {d}za-ba4-ba4
58. mu-szar-szi-id
59. szu-ba-at {iri}kisz{ki}
60. mu-usz-ta-as2-hi-ir
61. me-le-em-mi
62. e2-me-te-ur-sag
63. mu-usz-te-es,-bi
64. pa-ar-s,i2 ra-bu-u2-tim
65. sza {d}inanna
66. pa-qi2-id bi-tim
67. hur-sag-kalam-ma
68. sa-par4 na-ki-ri
69. sza {d}er3-ra ru-szu
70. u2-sza-ak-szi-du
@column 3
1. ni-iz-ma-su2
2. mu-sza-te-er
3. {iri}gu2-du8-a{ki}
4. mu-ra-ap-pi2-isz
5. mi-im-ma szum-szu
6. ana mes-lam
7. ri-mu-um
8. ka-ad-ru-um
9. mu-na-ak-ki-ip za-i-ri
10. na-ra-am {d}tu-tu
11. mu-ri-isz
12. {iri}bar-si2-pa2{ki}
13. na-a'-du-um
14. la mu-up-pa-ar-ku-u2-um
15. a-na e2-zi-da
16. i-lu _lugal_-ri2
17. mu-de _igi-gal2_-im
18. mu-sza-ad-di-il
19. me-re-esz-tim
20. sza dil-bat{ki}
21. mu-ga-ar-ri-in _guru7-guru7_
22. a-na {d}urasz
23. ga-asz-ri-im
24. be-lum si2-ma-at
25. ha-at,-t,i-im
26. u3 a-ge-em
27. sza u2-sza-ak-li-lu-szu
28. e-ri-isz-tum
29. {d}ma-ma
30. mu-ki-in
31. u2-s,u2-ra-tim
32. sza kesz3{ki}
33. mu-de-esz-szi
34. ma-ka-li el-lu-tim
35. a-na {d}nin-tu
36. mu-usz-ta-lum
37. gi-it-ma-lum
38. sza-i-im
39. mi-ri-tim
40. u3 ma-asz-qi2-tim
41. a-na lagasz{ki}
42. u3 gir2-su{ki}
43. mu-ki-il
44. ni-in-da-be2-e
45. ra-bu-tim
46. a-na e2-ninnu
47. mu-tam-me-eh a-a-bi
48. mi-gi4-ir
49. te-li-tim
50. mu-sza-ak-li-il
51. te-re-tim
52. sza zabala2{ki}
53. mu-ha-ad-di
54. li-ib-bi {d}esz18-dar
55. ru-bu-um el-lum
56. sza ni-isz qa2-ti-szu
57. {d}iszkur i-du-u2
58. mu-ne-eh
59. li-ib-bi {d}iszkur
60. gu2-ra-di-im
61. i-na {iri}im{ki}
62. mu-usz-ta-ak-ki-in
63. si2-ma-tim
64. i-na e2-u4-gal-gal
65. _lugal_ na-di-in
66. na-pi2-isz-tim
67. a-na adab{ki}
68. a-sze-er
69. _e2_ e2-mah
70. e-te-el _lugal_-ri2
71. qa2-ba-al
72. la ma-ha-ri-im
@column 4
1. szu i-qi2-szu
2. na-ap-sza-tam
3. a-na {iri}masz-gan-szabra{ki}
4. mu-sze-esz-qi2
5. nu-uh2-szi-im
6. a-na _mes-lam_
7. em-qum
8. mu-tab-bi-lum
9. szu ik-szu-du
10. na-ga-ab ur2-szi-im
11. mu-usz-pa-az-zi-ir
12. ni-szi ma3-al-nag-a {ki}
13. in ka-ra-szi-im
14. mu-szar-szi-du
15. szu-ba-ti-szi-in
16. in nu-uh2-szi-in
17. a-na {d}en-ki
18. u3 {d}dam-gal-nun-na
19. mu-szar-bu-u2
20. szar-ru-ti-szu
21. da-ri2-isz i-szi-mu
22. zi-bi el-lu-tim
23. a-sza-re-ed _lugal_-ri2
24. mu-ka-an-ni-isz
25. da-ad-mi
26. {i7}buranun-na
27. i3-tum {d}da-gan
28. ba-ni-szu
29. szu ig-mi-lu
30. ni-szi me-ra{ki}
31. u3 tu-tu-ul{ki}
32. ru-bu-um
33. na-a'-du-um
34. mu-na-wi-ir
35. pa-ni {d}tiszpak
36. sza-ki-in ma-ka-li el-lu-tim
37. a-na {d}nin-a-zu
38. sza-t,i3-ip ni-szi-szu
39. in pu-usz-qi2-im
40. mu-ki-in-nu
41. isz-di-szi-in
42. qer-bu-um
43. babila{ki}
44. szu-ul-ma-ni-isz
45. _sipa_ ni-szi3
46. sza ep-sze-tu-szu
47. e-li {d}esz18-dar t,a-ba
48. mu-ki-in-ni {d}esz18-dar
49. i-na e2-ul-masz
50. qer-bu-um
51. a-ga-de3{ki}
52. re-bi-tim
53. mu-sze-pi2 ki-na-tim
54. mu-szu-sze-er am-mi
55. mu-te-er
56. {d}lamma-szu
57. da-mi-iq-tim
58. a-na {iri}a-szur4{ki}
59. mu-sze-ep-pi2 na-bi-hi
60. _lugal_ sza i-na ni-nu-a{ki}
61. i-na e2-mes-mes
62. u2-szu-pi2-u3
63. me-e {d}inanna
64. na-a'-du-um
65. mu-usz-te-mi-qum
66. a-na _dingir gal-gal_
67. li-ip-li-pi2
68. sza {disz}su-mu-la-il3
69. _ibila_ da-num2
70. sza {disz}{d}suen-mu-ba-li2-it,
@column 5
1. _numun_ da-ri2-um
2. sza szar-ru-tim
3. _lugal_ da-num2
4. {d}utu-szu
5. babila{ki}
6. mu-sze-s,i2 nu-ri-im
7. a-na ma-at
8. szu-me-ri2-im
9. u3 ak-ka-di-im
10. _lugal_ mu-usz-te-esz-mi
11. ki-ib-ra-at
12. ar-ba-im
13. mi-gi4-ir {d}inanna a-na-ku
14. i-nu-ma
15. {d}marduk
16. a-na szu-te-szu-ur ni-szi
17. _kalam_ u2-si-[im]
18. szu-hu-zi-im
19. u2-wa-e-ra-an-ni
20. ki-it-tam
21. u3 mi-sza-ra-am
22. i-na _ka_ ma-tim
23. asz-ku-un
24. szi-ir ni-szi u2-t,i-ib
25. i-nu-mi-szu
@law 1
26. szum-ma a-wi-lum a-wi-lam
27. u2-ub-bi-ir-ma
28. ne-er-tam e-li-szu
29. id-di-ma
30. la uk-ti-in-szu
31. mu-ub-bi-ir-szu
32. id-da-ak
@law 2
33. szum-ma a-wi-lum
34. ki-isz-pi2
35. e-li a-wi-lim id-di-ma
36. la uk-ti-in-szu
37. sza e-li-szu
38. ki-isz-pu na-du-u2
39. a-na {d}i7
40. i-il-la-ak
41. {d}i7 i-sza-al-li-a-am-ma
42. szum-ma {d}i7
43. ik-ta-sza-su2
44. mu-ub-bi-ir-szu
45. _e2_-su2 i-tab-ba-al
46. szum#-ma a-wi-lam szu-a-ti
47. {d}i7
48. u2-te-eb-bi-ba-asz-szu-ma
49. isz-ta-al-ma-am
50. sza e-li-szu
51. ki-isz-pi2 id-du-u2
52. id-da-ak
53. sza {d}i7
54. isz-li-a-am
55. _e2_ mu-ub-bi-ri-szu
56. i-tab-ba-al
@law 3
57. szum-ma a-wi-lum
58. i-na di-nim
59. a-na szi-bu-ut
60. sa3-ar-ra-tim
61. u2-s,i-a-am-ma
62. a-wa-at iq-bu-u2
63. la uk-ti-in
64. szum-ma di-nu-um szu-u2
65. di-in na-pi2-isz-tim
66. a-wi-lum szu-u2
67. id-da-ak
@law 4
68. szum-ma a-na szi-bu-ut
@column 6
1. _sze_ u3 _ku3-babbar_
2. u2-s,i-a-am
3. a-ra-an
4. di-nim szu-a-ti
5. it-ta-na-asz-szi
@law 5
6. szum-ma da-a-a-nu-um
7. di-nam i-di-in
8. pu-ru-sa2-am
9. ip-ru-us2
10. ku-nu-uk-kam
11. u2-sze-zi-ib
12. wa-ar-ka-nu-um-ma
13. di-in-szu i-te-ni
14. da-a-a-nam szu-a-ti
15. i-na di-in i-di-nu
16. e-ne-em
17. u2-ka-an-nu-szu-ma
18. ru-gu-um-ma-am
19. sza i-na di-nim szu-a-ti
20. ib-ba-asz-szu-u2
21. _a-ra2_ 1(u) 2(disz)-szu
22. i-na-ad-di-in
23. u3 i-na pu-uh2-ri-im
24. i-na _{gesz}gu-za_
25. da-a-a-nu-ti-szu
26. u2-sze-et-bu-u2-szu-ma
27. u2-ul i-ta-ar-ma
28. it-ti da-a-a-ni
29. i-na di-nim
30. u2-ul usz-ta-ab
@law 6
31. szum-ma a-wi-lum
32. _nig2-gur11 dingir_
33. u3 _e2-gal_
34. isz-ri-iq
35. a-wi-lum szu-u2
36. id-da-ak
37. u3 sza szu-ur2-qa2-am
38. i-na qa2-ti-szu
39. im-hu-ru
40. id-da-ak
@law 7
41. szum#-ma a-wi-lum
42. lu _ku3-babbar_
43. lu _ku3-sig17_
44. lu _ARAD2_ lu _geme2_
45. lu _gu4_ lu _udu_
46. lu _ansze_
47. u3 lu mi-im-ma szum-szu
48. i-na qa2-at _dumu_ a-wi-lim
49. u3 lu _ARAD2_ a-wi-lim
50. ba-lum szi-bi
51. u3 ri-ik-sa-tim
52. isz-ta-am
53. u3 lu a-na ma-s,a-ru-tim
54. im-hu-ur
55. a-wi-lum szu-u2
56. szar-ra-aq id-da-ak
@law 8
57. szum-ma a-wi-lum
58. lu _gu4_ lu _udu_ lu _ansze_ lu _szah2_
59. u3 lu _{gesz}ma2_
60. isz-ri-iq
61. szum-ma sza i-lim
62. szum-ma sza _e2-gal_
63. _a-ra2_ 3(u)-szu
64. i-na-ad-di-in
65. szum-ma sza _|MASZ.EN.GAG|_
66. _a-ra2_ 1(u)-szu i-ri-a-ab
67. szum-ma szar-ra-qa2-nu-um
68. sza na-da-nim la i-szu
69. id-da-ak
@law 9
70. szum-ma a-wi-lum
@column 7
1. sza mi-im-mu-szu hal-qu2
2. mi-im-ma-szu
3. hal-qa2-am
4. i-na qa2-ti a-wi-lim
5. is,-s,a-ba-at
6. a-wi-lum sza hu-ul-qum
7. i-na qa2-ti-szu
8. s,a-ab-tu
9. na-di-na-nu-um-mi id-di-nam
10. ma-har szi-bi-mi
11. a-sza-am
12. iq-ta-bi
13. u3 be-el hu-ul-qi2-im
14. szi-bi mu-de
15. hu-ul-qi2-ia-mi
16. lu-ub-lam
17. iq-ta-bi
18. sza-a-a-ma-nu-um
19. na-di-in
20. id-di-nu-szum
21. u3 szi-bi
22. sza i-na mah-ri-szu-nu
23. i-sza-mu it-ba-lam
24. u3 be-el hu-ul-qi2-im
25. szi-bi mu-de hu-ul-qi2-szu
26. it-ba-lam
27. da-a-a-nu
28. a-wa-a-ti-szu-nu
29. i-im-ma-ru-ma
30. szi-bu sza mah-ri-szu-nu
31. szi-mu-um
32. isz-sza-mu
33. u3 szi-bu mu-de
34. hu-ul-qi2-im
35. mu-du-su2-nu
36. ma-har i-lim
37. i-qa2-ab-bu-ma
38. na-di-na-nu-um
39. szar-ra-aq id-da-ak
40. be-el hu-ul-qi2-im
41. hu-lu-uq-szu
42. i-le-qe2
43. sza-a-a-ma-nu-um
44. a-na bi-it
45. na-di-na-nim
46. _ku3-babbar_ isz-qu2-lu
47. i-le-qe2
@law 10
48. szum-ma sza-a-a-ma-nu-um
49. na-di-in
50. id-di-nu-szum
51. u3 szi-bi sza i-na mah-ri-szu-nu
52. i-sza-mu
53. la it-ba-lam
54. be-el hu-ul-qi2-im-ma
55. szi-bi mu-de
56. hu-ul-qi2-szu it-ba-lam
57. sza-a-a-ma-nu-um
58. szar-ra-aq id-da-ak
59. be-el hu-ul-qi2-im
60. hu-lu-uq-szu
61. i-le-qe2
@law 11
62. szum-ma be-el hu-ul-qi2-im
63. szi-bi mu-de
64. hu-ul-qi2-szu
65. la it-ba-lam
@column 8
1. sa3-ar
2. tu-usz-sza-am-ma id-ke
3. id-da-ak
@law 12
4. szum-ma na-di-na-nu-um
5. a-na szi-im-tim
6. it-ta-la-ak
7. sza-a-a-ma-nu-um
8. i-na bi-it
9. na-di-na-nim
10. ru-gu-um-me-e
11. di-nim szu-a-ti
12. _a-ra2_ 5(disz)-szu
13. i-le-qe2
@law 13
14. szum#-ma a-wi-lum szu-u2
15. szi-bu-szu la qer-bu
16. da-a-a-nu a-da-nam
17. a-na _iti 6(disz)-kam_
18. i-sza-ak-ka-nu-szum-ma
19. szum-ma i-na _iti 6(disz)-kam_
20. szi-bi-szu la ir-de-a-am
21. a-wi-lum szu-u2
22. sa3-ar
23. a-ra-an di-nim szu-a-ti
24. it-ta-na-asz-szi
@law 14
25. szum-ma a-wi-lum
26. _dumu_ a-wi-lim
27. s,e-eh-ra-am
28. isz-ta-ri-iq
29. id-da-ak
@law 15
30. szum-ma a-wi-lum
31. lu _ARAD2 e2-gal_
32. lu _geme2 e2-gal_
33. lu _ARAD2 |MASZ.EN.GAG|_
34. lu _geme2 |MASZ.EN.GAG|_
35. _abul_ usz-te-s,i2
36. id-da-ak
@law 16
37. szum-ma a-wi-lum
38. lu _ARAD2_ lu _geme2_
39. hal-qa2-am
40. sza _e2-gal_
41. u3 lu _|MASZ.EN.GAG|_
42. i-na bi-ti-szu
43. ir-ta-qi2-ma
44. a-na szi-si-it
45. na-gi-ri-im
46. la usz-te-s,i2-a-am
47. be-el _e2_ szu-u2
48. id-da-ak
@law 17
49. szum-ma a-wi-lum
50. lu _ARAD2_ lu _geme2_
51. hal-qa2-am
52. i-na s,e-ri-im
53. is,-ba-at-ma
54. a-na be-li2-szu
55. ir-te-de-a-asz-szu
56. 2(disz) _gin2 ku3-babbar_
57. be-el _ARAD2_
58. i-na-ad-di-isz-szum
@law 18
59. szum-ma _ARAD2_ szu-u2
60. be-el-szu
61. la iz-za-kar
62. a-na _e2-gal_
63. i-re-ed-de-szu
64. wa-ar-ka-su2
65. ip-pa-ar-ra-as2-ma
66. a-na be-li2-szu
67. u2-ta-ar-ru-szu
@law 19
68. szum-ma _ARAD2_
69. szu-a-ti
70. i-na bi-ti-szu
71. ik-ta-la-szu
72. wa-ar-ka _ARAD2_
@column 9
1. i-na qa2-ti-szu
2. it-ta-as,-ba-at
3. a-wi-lum szu-u2
4. id-da-ak
@law 20
5. szum-ma _ARAD2_
6. i-na qa2-at
7. s,a-bi-ta-ni-szu
8. ih-ta-li-iq
9. a-wi-lum szu-u2
10. a-na be-el _ARAD2_
11. ni-isz i-lim
12. i-za-kar-ma
13. u2-ta-asz-szar
@law 21
14. szum-ma a-wi-lum
15. bi-tam
16. ip-lu-usz
17. i-na pa-ni
18. pi2-il-szi-im
19. szu-a-ti
20. i-du-uk-ku-szu-ma
21. i-ha-al-la-lu-szu
@law 22
22. szum-ma a-wi-lum
23. hu-ub-tam
24. ih-bu-ut-ma
25. it-ta-as,-ba-at
26. a-wi-lum szu-u2
27. id-da-ak
@law 23
28. szum-ma ha-ab-ba-tum
29. la it-ta-as,-ba-at
30. a-wi-lum
31. ha-ab-tum
32. mi-im-ma-szu
33. hal-qa2-am
34. ma-ha-ar
35. i-lim
36. u2-ba-ar-ma
37. _iri_
38. u3 ra-bi-a-nu-um
39. sza i-na er-s,e-ti-szu-nu
40. u3 pa-t,i-szu-nu
41. hu-ub-tum
42. ih-ha-ab-tu
43. mi-im-ma-szu
44. hal-qa2-am
45. i-ri-a-ab-bu-szum
@law 24
46. szum-ma na-pi2-isz-tum
47. _iri_ u3 ra-bi-a-nu-um
48. 1(disz) _ma-na ku3-babbar_
49. a-na ni-szi-szu
50. i-sza-qa2-lu
@law 25
51. szum-ma i-na _e2_ a-wi-lim
52. i-sza-tum
53. in-na-pi2-ih-ma
54. a-wi-lum
55. sza a-na bu-ul-li-im
56. il-li-ku
57. a-na nu-ma-at
58. be-el _e2_
59. i-in-szu isz-szi-ma
60. nu-ma-at
61. be-el _e2_
62. il-te-di
63. a-wi-lum szu-u2
64. a-na i-sza-tim szu-a-ti
65. in-na-ad-di
@law 26
66. szum-ma lu _aga-us2_
67. u3 lu _szu-ku6_
68. sza a-na har-ra-an szar-ri-im
69. a-la-ak-szu
@column 10
1. qa2-bu-u2
2. la-il-li-ik
3. lu _{lu2}hun-ga2_
4. i-gur-ma
5. pu-uh2-szu
6. it,-t,a-ra-ad
7. lu _aga-us2_
8. u3 lu _szu-ku6_ szu-u2
9. id-da-ak
10. mu-na-ag-gi-ir-szu
11. _e2_-su2
12. i-tab-ba-al
@law 27
13. szum-ma lu _aga-us2_
14. u3 lu _szu-ku6_
15. sza i-na dan-na-at
16. szar-ri-im
17. tu-ur2-ru
18. wa-ar-ki-szu
19. _a-sza3_-szu u3 _{gesz}kiri6_-szu
20. a-na sza-ni-im
21. id-di-nu-ma
22. i-li-ik-szu
23. it-ta-la-ak
24. szum-ma it#-tu-ra-am-ma
25. _iri_-szu ik-ta-asz2-dam
26. _a-sza3_-szu u3 _{gesz}kiri6_-szu
27. u2-ta-ar-ru-szum-ma
28. szu-ma i-li-ik-szu
29. i-il-la-ak
@law 28
30. szum-ma lu _aga#-us2_
31. u3 lu _szu-ku6_
32. sza i-na dan#-na-at
33. szar-ri-im
34. tu-ur2#-ru
35. _dumu_-szu il-kam
36. a-la-kam i-le-i
37. _a-sza3_ u3 _{gesz}kiri6_
38. in-na-ad-di-isz-szum#-ma
39. i-li-ik# [a]-bi-szu
40. i-il-[la]-ak#
@law 29
41. szum-ma _dumu_-szu
42. s,e-he-er-ma#
43. i-li-ik a-bi-szu
44. a-la-kam
45. la i-le-i
46. sza-lu-usz-ti _a-sza3_ u3 _{gesz}kiri6_
47. a-na um-mi-szu
48. in-na-ad#-di-in-ma
49. um-ma-szu
50. u2-ra-ab-ba-szu
@law 30
51. szum-ma lu _aga-us2#_
52. u3 lu _szu-ku6_
53. _a-sza3_-szu _{gesz}kiri6_-szu# u3 _e2_-su2#
54. i-na pa-ni il-ki-im
55. id-di-ma
56. u4-da-ap-pi2-ir
57. sza-nu-um
58. wa-ar-ki-szu#
59. _a-sza3_-szu _{gesz}kiri6_-szu
60. u3 _e2_-su2
61. is,-ba-at-ma
62. _mu 3(disz)-kam_
63. i-li-ik-szu
64. it-ta-la-ak
65. szum-ma it-tu-ra-am-ma
66. _a-sza3_-szu _{gesz}kiri6_-szu u3 _e2_-su2
67. i-ir-ri-isz
68. u2-ul in-na-ad-di-isz-szum
@column 11
1. sza is,-s,a-ab-tu-ma
2. i-li-ik-szu
3. it-ta-al-ku
4. szu-ma i-il-la-ak
@law 31
5. szum-ma sza-at-tam
6. isz-ti-a-at-ma
7. u4-da-ap-pi2-ir-ma
8. it-tu-ra-am
9. _a-sza3_-szu u3 _e2_-su2
10. in-na-ad-di-isz-szum-ma
11. szu-ma i-li-ik-szu
12. i-il#-la#-ak#
@law 32
13. szum#-ma# lu _aga-us2_
14. u3 lu _szu-ku6_
15. sza i-na har-ra-an
16. szar-ri-im
17. tu-ur2-ru
18. _dam-gar3_ ip-t,u2-ra-asz-szu-ma
19. _iri_-szu usz-ta-ak-szi-da-asz-szu
20. szum-ma i-na bi-ti-szu
21. sza pa-t,a-ri-im
22. i-ba-asz-szi
23. szu-ma ra-ma-an-szu
24. i-pa-at,-t,a-ar
25. szum-ma i-na bi-ti-szu
26. sza pa-t,a-ri-szu
27. la i-ba-asz-szi
28. i-na _e2 dingir iri_-szu
29. ip-pa-at,-t,ar2
30. szum-ma i-na _e2_
31. _dingir iri_-szu
32. sza pa-t,a-ri-szu
33. la i-ba-asz-szi
34. _e2-gal_ i-pa-at,-t,a-ar!(RI)-szu
35. _a-sza3_-szu _{gesz}kiri6_-szu
36. u3 _e2_-su2
37. a-na ip-t,e4-ri-szu
38. u2-ul in-na-ad-di-in
@law 33
39. szum-ma lu _ugula-ugula_
40. u3 lu _nu-banda3_
41. _erin2_ ni-is-ha-tim
42. ir-ta-szi
43. u3 lu a-na _kaskal_
44. szar-ri-im
45. _{lu2}hun-ga2_ pu-ha-am
46. im-hu-ur-ma
47. ir-te-de
48. lu _ugula-ugula_
49. u3 lu _nu-banda3_ szu-u2
50. id-da-ak
@law 34
51. szum-ma lu _ugula-ugula_
52. u3 lu _nu-banda3_
53. nu-ma-at _aga-us2_ il-te-qe2
54. _aga-us2_ ih-ta-ba-al
55. _aga-us2_ a-na ig-ri-im
56. it-ta-di-in
57. _aga-us2_ i-na di-nim
58. a#-na# dan-nim isz-ta-ra-ak
59. qi2#-isz-ti szar-ru-um
60. [a]-na# _aga-us2_ id-di-nu
61. il#-te-di
62. lu# _ugula-ugula_
63. u3# lu _nu-banda3_ szu-u2
64. id#-da#-ak
@law 35
65. szum#-ma a-wi-lum
66. _ab2# gu4!(BI) hi-a_
67. u3 _u8 udu hi-a_
68. sza szar-ru-um
69. a-na _aga-us2_
70. id-di-nu
@column 12
1. i-na qa2-ti _aga-us2_
2. isz-ta-am
3. i-na _ku3-babbar_-szu
4. i-te-el-li
@law 36
5. _a-sza3_-um _{gesz}kiri6_ u3 _e2_
6. sza _aga-us2 szu-ku6_
7. u3 na-szi bi-il-tim
8. a-na _ku3-babbar_
9. u2-ul i-na-ad-di-in
@law 37
10. szum-ma a-wi-lum
11. _a-sza3 {gesz}kiri6_ u3 _e2_
12. sza _aga-us2 szu-ku6_
13. u3# na#-szi _gun#_
14. isz#-ta#-am#
15. t,up-pa-szu
16. ih-he-ep-pe2
17. u3 i-na _ku3-babbar_-szu
18. i-te-el-li
19. _a-sza3 {gesz}kiri6_ u3 _e2_
20. a-na be-li2-szu
21. i-ta-ar
@law 38
22. _aga-us2 szu-ku6_
23. u3 na-szi _gun_
24. i-na _a-sza3 {gesz}kiri6_ u3 _e2_
25. sza il-ki-szu
26. a-na asz-sza-ti-szu
27. u3 _dumu-munus_-szu
28. u2-ul i-sza-at,-t,a-ar
29. u3 a-na i-il-ti-szu
30. u2-ul i-na-ad-di-in
@law 39
31. i-na _a-sza3 kiri6_ u3 _e2_
32. sza i-sza-am-mu-ma
33. i-ra-asz-szu-u2
34. a-na asz-sza-ti-szu
35. u3 _dumu-munus_-szu
36. i-sza-at,-t,ar2
37. u3 a-na e-hi-il-ti-szu
38. i-na-ad-di-in
@law 40
39. _lukur dam-gar3_
40. u3 il-kum a-hu-u2-um
41. _a-sza3_-szu _{gesz}kiri6_-szu
42. u3 _e2_-su2 a-na _ku3-babbar_
43. i-na-ad-di-in
44. sza-a-a-ma-nu-um
45. i-li-ik _a-sza3_
46. _{gesz}kiri6_ u3 _e2_
47. sza i-sza-am-mu
48. i-il-la-ak
@law 41
49. szum-ma a-wi-lum
50. _a-sza3 {gesz}kiri6_ u3 _e2_
51. sza _aga-us2 szu-ku6_
52. u3 na-szi bi-il-tim
53. u2-pi2-ih
54. u3 ni-ip-la-ti
55. id-di-in
56. _aga-us2 szu-ku6_
57. u3 na-szi bi-il-tim
58. a-na _a-sza3_-szu _{gesz}kiri6_-szu u3 _e2_-szu
59. i-ta-ar
60. u3 ni-ip-la-tim
61. sza in-na-ad-nu-szum
62. i-tab-ba-al
@law 42
63. szum-ma a-wi-lum
64. _a-sza3_ a-na er-re-szu-tim
65. u2-sze-s,i-ma
66. i-na _a-sza3 sze_ la usz-tab-szi
67. i-na _a-sza3_ szi-ip-ri-im
@column 13
1. la e-pe2-szi-im
2. u2-ka-an-nu-szu-ma
3. _sze_ ki-ma i-te-szu
4. a-na be-el _a-sza3_
5. i-na-ad-di-in
@law 43
6. szum-ma _a-sza3_-am la i-ri-isz-ma
7. it-ta-di
8. _sze_ ki-ma i-te-szu
9. a-na be-el _a-sza3_
10. i-na-ad-di-in
11. u3 _a-sza3_ sza id-du-u2
12. ma-a-a-ri
13. i-ma-ah-ha-as,
14. i-sza-ak-ka-ak-ma
15. a-na be-el _a-sza3_
16. u2-ta-ar
@law 44
17. szum-ma a-wi-lum
18. _a-sza3 |KI.KAL|_
19. a-na _mu 3(disz)-kam_
20. a-na te-ep-ti-tim
21. u2-sze-s,i-ma
22. a-ah-szu id-di-ma
23. _a-sza3_ la ip-te-te
24. i-na re-bu-tim
25. sza-at-tim
26. _a-sza3_ ma-a-a-ri
27. i-ma-ah-ha-as,
28. i-mar-ra-ar
29. u3 i-sza-ak-ka-ak-ma
30. a-na be-el _a-sza3_
31. u2-ta-ar
32. u3 1(bur3) _GAN2_-e
33. 1(u) _sze gur_
34. i-ma-ad-da-ad
@law 45
35. szum-ma a-wi-lum
36. _a-sza3_-szu a-na _gun_
37. a-na er-re-szi-im
38. id-di-in-ma
39. u3 _gun a-sza3_-szu
40. im-ta-ha-ar
41. wa-ar-ka _a-sza3_
42. {d}iszkur ir-ta-hi-is,
43. u3 lu bi-ib-bu-lum
44. it-ba-al
45. bi-ti-iq-tum
46. sza er-re-szi-im-ma
@law 46
47. szum-ma _gun a-sza3_-szu
48. la im-ta-ha-ar
49. u3 lu a-na mi-isz-la-ni
50. u3 lu a-na sza-lu-usz
51. _a-sza3_ id-di-in
52. _sze_ sza i-na _a-sza3_
53. ib-ba-asz-szu-u2
54. er-re-szum
55. u3 be-el _a-sza3_
56. a-na ap-szi-te-em
57. i-zu-uz-zu
@law 47
58. szum-ma er-re-szum
59. asz-szum i-na sza-at-tim
60. mah-ri-tim
61. ma-na-ha-ti-szu
62. la il-qu2-u2
63. _a-sza3_ e-re-sza-am iq-ta-bi
64. be-el _a-sza3_
65. u2-ul u2-up-pa-as
66. er-re-su-ma
67. _a-sza3_-szu i-ir-ri-isz-ma
68. i-na _buru14_
69. ki-ma ri-ik-sa-ti-szu
70. _sze_ i-le-qe2
@law 48
71. szum-ma a-wi-lum
72. hu-bu-ul-lum
73. e-li-szu
@column 14
1. i-ba-asz-szi-ma
2. _[a]-sza3_-szu
3. {d}iszkur
4. ir-ta-hi-is,
5. u3 lu-u2 bi-ib-bu-lum#
6. it-ba-al
7. u3 lu-u2 i-na la me-e
8. _sze_ i-na _a-sza3_
9. la it-tab-szi
10. i-na sza-at-tim szu-a-ti
11. _sze_ a-na be-el hu-bu-ul-li-szu
12. u2-ul u2-ta-ar
13. t,up-pa-szu
14. u2-ra-at,-t,a-ab
15. u3 s,i-ib-tam
16. sza sza-at-tim szu-a-ti
17. u2-ul i-na-ad-di-in
@law 49
18. szum-ma a-wi-lum
19. _ku3-babbar_ it-ti _dam-gar3_
20. il-qe2-ma
21. _a-sza3_ ep-e-tim
22. sza _sze_ u3 lu _sze-gisz-i3_
23. a-na _dam-gar3_ id-di-in
24. _a-sza3_ e-ri-isz-ma
25. _sze_ u3 lu-u2 _sze-gisz-i3_
26. sza ib-ba-asz-szu-u2
27. e-si-ip ta-ba-al
28. iq-bi-szum
29. szum-ma er-re-szum
30. i-na _a-sza3 sze_
31. u3 lu _sze-gisz-i3_
32. usz-tab-szi
33. i-na _buru14 sze_ u3 _sze-gisz-i3_
34. sza i-na _a-sza3_ ib-ba-asz-szu-u2
35. be-el _a-sza3_-ma
36. i-le-qe2-ma
37. _sze_ sza _ku3-babbar_-szu
38. u3 s,i-ba-su2
39. sza it-ti _dam-gar3_
40. il-qu2-u2
41. u3 ma-na-ha-at
42. e-re-szi-im
43. a-na _dam-gar3_
44. i-na-ad-di-in
@law 50
45. szum-ma _a-sza3_ er-sza-am
46. u3 lu-u2
47. _a-sza3 sze-gisz-i3_
48. er-sza-am id-di-in
49. _sze_ u3 lu _sze-gisz-i3_
50. sza i-na _a-sza3_
51. ib-ba-asz-szu-u2
52. be-el _a-sza3_-ma
53. i-le-qe2-ma
54. _ku3-babbar_ u3 s,i-ba-su2
55. a-na _dam-gar3_ u2-ta-ar
@law 51
56. szum-ma _ku3-babbar_
57. a-na tu-ur2-ri-im
58. la i-szu
59. _sze-gisz-i3_
60. a-na ma-hi-ra-ti-szu-nu
61. sza _ku3-babbar_-szu
62. u3 s,i-ib-ti-szu
63. sza it-ti _dam-gar3_ il-qu2-u2
64. a-na _ka_ s,i-im-da-at
65. szar-ri-im
66. a-na _dam-gar3_ i-na-ad-di-in
@column 15
@law 52
1. szum-ma er-re-szum
2. i-na _a-sza3_ sze-am
3. u3 lu _sze-gisz-i3_
4. la usz-tab-szi
5. ri-ik-sa-ti-szu
6. u2-ul [i]-in-ni
@law 53
7. szum-ma a-wi-lum
8. a-na _kar a-sza3_-szu
9. du-un-nu-nim#
10. a-ah-szu id-di-ma
11. _kar_-szu
12. la u2-dan-ni-in-ma
13. i-na _kar_-szu
14. pi2-tum it-te-ep-te
15. u3 _a-gar3_ me-e usz-ta-bil2
16. a-wi-lum
17. sza i-na _kar_-szu
18. pi2-tum ip-pe2-tu-u2
19. _sze_ sza u2-hal-li-qu2
20. i-ri-a-ab
@law 54
21. szum-ma _sze_ ri-a-ba-am
22. la i-le-i
23. szu-a-ti
24. u3 bi-sza-szu
25. a-na _ku3-babbar_
26. i-na-ad-di-nu-ma
27. _dumu a-gar3-mesz_
28. sza _sze_-szu-nu
29. mu-u2 ub-lu
30. i-zu-uz-zu
@law 55
31. szum-ma a-wi-lum
32. a-tap-pa-szu
33. a-na szi-qi2-tim ip-te
34. a-ah-szu id-di-ma
35. _a-sza3_ i-te-szu
36. me-e usz-ta-bil2
37. _sze_ ki-ma i-te-szu
38. i-ma-ad-da-ad
@law 56
39. szum-ma a-wi-lum
40. me-e ip-te-ma
41. ep-sze-tim sza _a-sza3_ i-te-szu
42. me-e usz-ta-bil2
43. 1(bur3) _GAN2_-e
44. 1(u) _sze gur_
45. i-ma-ad-da-ad
@law 57
46. szum-ma _sipa_
47. a-na sza-am-mi
48. _u8 udu hi-a_ szu-ku-lim
49. it-ti be-el _a-sza3_
50. la im-ta-gar3-ma
51. ba-lum be-el _a-sza3_
52. _a-sza3 u8 udu hi-a_
53. usz-ta-ki-il
54. be-el _a-sza3 a-sza3_-szu
55. i-is,-s,i-id
56. _sipa_ sza i-na ba-lum
57. be-el _a-sza3_
58. _a-sza3 u8 udu hi-a_
59. u2-sza-ki-lu
60. e-le-nu-um-ma
61. 1(bur3) _GAN2_-e
62. 2(u) _sze gur_
63. a-na be-el _a-sza3_
64. i-na-ad-di-in
@law 58
65. szum-ma isz-tu _u8 udu hi-a_
66. i-na _a-gar3_
67. i-te-li-a-nim
68. ka-an-nu ga-ma-ar-tim
69. i-na _abul_
70. it-ta-ah-la-lu
71. _sipa u8 udu hi-a_
72. a-na _a-sza3_ id-di-ma
73. _a-sza3 u8 udu hi-a_
74. usz-ta-ki-il
75. _sipa a-sza3_ u2-sza-ki-lu
76. i-na-s,a-ar-ma
77. i-na _buru14_
78. 1(bur3) _GAN2_-e
@column 16
1. 1(gesz2) _sze gur_
2. a-na be-el _a-sza3_
3. i-ma-ad-da-ad
@law 59
4. szum-ma a-wi-lum
5. ba-lum be-el _{gesz}kiri6_
6. i-na _{gesz}kiri6_ a-wi-lim
7. i-s,a-am ik-ki-is
8. 1/2(disz) _ma-na ku3-babbar_
9. i-sza-qal
@law 60
10. szum-ma a-wi-lum
11. _a-sza3_ a-na _{gesz}kiri6_ [za]-qa2-pi2-im
12. [a]-na# _nu-{gesz}kiri6_ id-di-in
13. _nu-{gesz}kiri6_
14. _{gesz}kiri6_ iz-qu2-up
15. _mu 4(disz)-kam_
16. _{gesz}kiri6_ u2-ra-ab-ba
17. i-na ha-mu-usz-tim
18. sza-at-tim
19. be-el _{gesz}kiri6_
20. u3 _nu-{gesz}kiri6_
21. mi-it-ha-ri-isz
22. i-zu-zu
23. be-el _{gesz}kiri6_
24. _ha-la_-szu
25. i-na-sa3-aq-ma
26. i-le-qe2
@law 61
27. szum-ma _nu-{gesz}kiri6_
28. _a-sza3_ i-na za-qa2-pi2-im
29. la ig-mur-ma
30. ni-di-tam i-zi-ib
31. ni-di-tam
32. a-na li-ib-bi _ha-la_-szu
33. i-sza-ak-ka-nu-szum
@law 62
34. szum-ma _a-sza3_
35. sza in-na-ad-nu-szum
36. a-na _{gesz}kiri6_ la iz-qu2-up
37. szum-ma _ab-sin2_
38. _gun a-sza3_
39. sza sza-na-tim
40. sza in-na-du-u2
41. _nu-{gesz}kiri6_
42. a-na be-el _a-sza3_
43. ki-ma i-te-szu
44. i-ma-ad-da-ad
45. u3 _a-sza3_ szi-ip-ra-am
46. i-ip-pe2-esz-ma
47. a-na be-el _a-sza3_ u2-ta-ar
@law 63
48. szum-ma _a-sza3 |KI.KAL|_
49. _a-sza3_ szi-ip-ra-am
50. i-ip-pe2-esz-ma
51. _a-sza3_ be-el _a-sza3_
52. u2-ta-ar
53. u3 1(bur3) _GAN2_-e
54. 1(u) _sze gur_
55. sza sza-at-tim
56. isz-ti-a-at
57. i-ma-ad-da-ad
@law 64
58. szum-ma a-wi-lum
59. _{gesz}kiri6_-szu
60. a-na _nu-{gesz}kiri6_
61. a-na ru-ku-bi-im
62. id-di-in
63. _nu-{gesz}kiri6_
64. a-di _{gesz}kiri6_ s,a-ab-tu
65. i-na bi-la-at _{gesz}kiri6_
66. szi-it-ti-in
67. a-na be-el _{gesz}kiri6_
68. i-na-ad-di-in
69. sza-lu-usz-tam
70. szu-u2 i-le-qe2
@law 65
71. szum-ma _nu-{gesz}kiri6_
72. _{gesz}kiri6_ la u2-ra-ak-ki-ib-ma
73. bi-il-tam um-ta-t,i
74. _nu-{gesz}kiri6_
75. bi-la-at _{gesz}kiri6_
76. a-na i-te-szu
@column 17
$column missing
1. [i-ma-ad-da-ad]
2. [...]
@reverse
@column 1
1. s,i-ba-a-at _ku3-babbar_
2. ma-la il-qu2-u2
3. i-sa-ad-dar-ma
4. u4-mi-szu
5. i-ma-an-nu-u2-ma
6. _dam-gar3_-szu
7. i-ip-pa-al
@law 101
8. szum-ma a-szar il-li-ku
9. ne-me-lam
10. la i-ta-mar
11. _ku3-babbar_ il-qu2-u2
12. usz-ta-sza-na-ma
13. _szaman2-la2_ a-na _dam-gar3_
14. i-na-ad-di-in
@law 102
15. szum-ma _dam-gar3_
16. a-na _szaman2-la2_
17. _ku3-babbar_ a-na ta-ad-mi-iq-tim
18. it-ta-di-in-ma
19. a-szar il-li-ku
20. bi-ti-iq-tam
21. i-ta-mar
22. qa2-qa2-ad _ku3-babbar_
23. a-na _dam-gar3_ u2-ta-ar
@law 103
24. szum-ma har-ra-nam
25. i-na a-la-ki-szu
26. na-ak-ru-um
27. mi-im-ma sza na-szu-u2
28. usz-ta-ad-di-szu
29. _szaman2-la2_ ni-isz i-lim
30. i-za-kar-ma
31. u2-ta-asz-szar
@law 104
32. szum-ma _dam-gar3_
33. a-na _szaman2-la2_
34. _sze siki i3-gisz_
35. u3 mi-im-ma bi-sza-am
36. a-na pa-sza-ri-im
37. id-di-in
38. _szaman2-la2 ku3-babbar_
39. i-sa-ad-dar-ma
40. a-na _dam-gar3_
41. u2-ta-ar
42. _szaman2-la2_ ka-ni-ik _ku3-babbar_
43. sza a-na _dam-gar3_
44. i-na-ad-di-nu
45. i-le-qe2
@law 105
46. szum-ma _szaman2-la2_
47. i-te-gi-ma
48. ka-ni-ik _ku3-babbar_
49. a-na _dam-gar3_
50. id-di-nu
51. la-il-te-qe2
52. _ku3-babbar_ la ka-ni-ki-im
53. a-na ni-ik-ka-as-si2-im
54. u2-ul isz-sza-ak-ka-an
@law 106
55. szum-ma _szaman2-la2_
56. _ku3-babbar_ it-ti _dam-gar3_
57. il-qe2-ma
58. _dam-gar3_-szu
59. it-ta-ki-ir
60. _dam-gar3_ szu-u2
61. i-na ma-har i-lim u3 szi-bi
62. i-na _ku3-babbar_ le-qe2-em
63. _szaman2-la2_ u2-ka-an-ma
64. _szaman2-la2 ku3-babbar_
65. ma-la il-qu2-u2
66. _a-ra2_ 3(disz)-szu a-na _dam-gar3_
67. i-na-ad-di-in
@law 107
68. szum-ma _dam-gar3 ku3-babbar_
69. _szaman2-la2_ i-qi2-ip-ma
70. _szaman2-la2_ mi-im-ma
71. sza _dam-gar3_ id-di-nu-szum
72. a-na _dam-gar3_-szu
@column 2
1. ut-te-er
2. _dam-gar3_ mi-im-ma
3. sza _szaman2-la2_
4. id-di-nu-szum
5. it-ta-ki-ir-szu
6. _szaman2-la2_ szu-u2
7. i-na ma-har i-lim u3 szi-bi
8. _dam-gar3_ u2-ka-an-ma
9. _dam-gar3_ asz-szum _szaman2-la2_-szu
10. ik-ki-ru
11. mi-im-ma sza il-qu2-u2
12. _a-ra2_ 6(disz)-szu
13. a-na _szaman2-la2_
14. i-na-ad-di-in
@law 108
15. szum-ma _munus-kurun-na_
16. a-na _sa10# kasz_
17. _sze_ la im-ta-har
18. i-na _na4_ ra-bi-tim
19. _ku3-babbar_ im-ta-har
20. u3 _ganba kasz_
21. a-na _ganba sze_ um-ta-t,i
22. _munus-kurun-na_ szu-a-ti
23. u2-ka-an-nu-szi-ma
24. a-na me#-e
25. i-na#-[ad]-du#-u2-szi
@law 109
26. szum#-ma# _munus-kurun-na_
27. sa3-ar#-ru-tum
28. i-na _e2_-sza
29. it-tar-ka-su2#?-ma
30. sa3-ar-ru-tim szu-nu-ti
31. la is,-s,a-ab-tam-ma
32. a-na _e2-gal_
33. la ir-de-a-am
34. _munus-kurun-na_ szi-i
35. id-da-ak
@law 110
36. szum#-ma _lukur nin-dingir_
37. sza i-na _ga2-gi4-a_
38. la wa-asz-ba-at
39. _e2 kurun-na_ ip-te-te
40. u3 lu a-na _kasz_
41. a-na _e2 kurun-na_
42. i-te-ru-ub
43. a-wi-il-tam szu-a-ti
44. i-qal-lu-u2-szi
@law 111
45. szum-ma _munus-kurun-na_
46. 1(disz) _kasz dida ka gag_
47. a-na qi2-ip-tim id-di-in
48. i-na _buru14_
49. 5(ban2) _sze_ i-le-qe2
@law 112
50. szum-ma a-wi-lum
51. i-na har-ra-nim
52. wa-szi-ib-ma
53. _ku3-babbar ku3-sig17 na4_
54. u3 bi-isz qa2-ti-szu
55. a-na a-wi-lim
56. id-di-in-ma
57. a-na szi-bu-ul-tim
58. u2-sza-bil2-szu
59. a-wi-lum szu-u2
60. mi-im-ma sza szu-bu-lu
61. a-szar szu-bu-lu
62. la id-[di]-in-ma
63. it-ba-al
64. be-el szi-bu-ul-tim
65. a-wi-lam szu-a-ti
66. i-na mi-im-ma
67. sza szu-bu-lu-ma
68. la id-di-nu
69. u2-ka-an-nu-szu-ma
70. a-wi-lum szu-u2
71. _a-ra2_ 5(disz)-szu mi-im-ma
72. sza in-na-ad-nu-szum
73. a-na be-el szi-bu-ul-tim
74. i-na-ad-di-in
@law 113
75. szum-ma a-wi-lum
76. e-li a-wi-lim
@column 3
1. _sze_ u3 _ku3-babbar_ i-szu-ma
2. i-na ba-lum be-el _sze_
3. i-na na-asz-pa-ki-im
4. u3 lu i-na ma-asz-ka-nim
5. _sze_ il-te-qe2
6. a-wi-lam szu-a-ti
7. i-na ba-lum be-el _sze_
8. i-na na-asz-pa-ki-im
9. u3# lu i-na _kislah_
10. i#-na# _sze_ le-qe2-em
11. u2-ka-an-nu-szu-ma
12. _sze_ ma-la il-qu2-u2
13. u2-ta-ar
14. u3 i-na mi-im-ma szum-szu
15. ma-la id-di-nu
16. i-te-el-li
@law 114
17. szum-ma a-wi-lum
18. e-li a-wi-lim
19. _sze_ u3 _ku3-babbar_
20. la i-szu-ma
21. ni-pu-su2 it-te-pe2
22. a-na ni-pu-tim
23. isz-ti-a-at
24. 1/3(disz) _ma-na ku3-babbar_
25. i-sza-qal
@law 115
26. szum-ma a-wi-lum
27. e-li a-wi-lim
28. _sze_ u3 _ku3-babbar_
29. i-szu-ma
30. ni-pu-su2 ip-pe2-ma
31. ni-pu-tum
32. i-na _e2_ ne-pi2-sza
33. i-na szi-ma-ti-sza
34. im-tu-ut
35. di-nu-um szu-u2
36. ru-gu-um-ma-am
37. u2-ul i-szu
@law 116
38. szum-ma ni-pu-tum
39. i-na _e2_ ne-pi2-sza
40. i-na ma-ha-s,i2-im
41. u3-lu i-na usz-szu-szi-im
42. im-tu-ut
43. be-el ni-pu-tim
44. _dam-gar3_-szu
45. u2-ka-an-ma
46. szum-ma _dumu_ a-wi-lim
47. _dumu_-szu i-du-uk-ku
48. szum-ma _ARAD2_ a-wi-lim
49. 1/3(disz) _ma-na ku3-babbar_
50. i-sza-qal
51. u3 i-na mi-im-ma szum-szu
52. ma-la id-di-nu
53. i-te-el-li
@law 117
54. szum-ma a-wi-lam
55. e-hi-il-tum
56. is,-ba-su2-ma
57. _dam_-su2 _dumu_-szu u3 _dumu-munus_-su2
58. a-na _ku3-babbar_ id-di-in
59. u3 lu a-na ki-isz-sza-tim
60. it-ta-an-di-in
61. _mu 3(disz)-kam_
62. _e2_ sza-a-a-ma-ni-szu-nu
63. u3 ka-szi-szi-szu-nu
64. i-ip-pe2-szu i-na re-bu-tim
65. sza-at-tim
66. an-du-ra-ar-szu-nu
67. isz-sza-ak-ka-an
@law 118
68. szum-ma _ARAD2_ u3 lu _geme2_
69. a-na ki-isz-sza-tim
70. it-ta-an-di-in
71. _dam-gar3_ u2-sze-te-eq
72. a-na _ku3-babbar_ i-na-ad-din
73. u2-ul ib-ba-qar
@law 119
74. szum-ma a-wi-lam
75. e-hi-il-tum
76. is,-ba-su2-ma
77. _geme2_-su2 sza _dumu-mesz_ ul-du-szum
78. a-na _ku3-babbar_ it-ta-din
@column 4
1. _ku3-babbar dam-gar3_ isz-qu2-lu
2. be-el _geme2#_ i-sza-qal-ma
3. _geme2_-su2 i-pa-t,ar2#
@law 120
4. szum-ma a-wi-lum
5. sze-szu a-na na-asz-pa-ku-tim
6. i-na _e2_ a-wi-lim
7. isz-pu-uk-ma
8. i-na qa2-ri-tim
9. i-ib-bu-u2-um it-tab-szi
10. u3 lu be-el _e2_
11. na-asz-pa-kam ip-te-ma
12. _sze_ il-qe2
13. u3 lu _sze_ sza a-na _e2_-szu
14. isz-sza-ap-ku
15. a-na ga-am-ri-im
16. it-ta-ki-ir
17. be-el _sze_ ma-har i-lim
18. sze-szu u2-ba-ar-ma
19. be-el _e2_
20. _sze_ sza il-qu2-u2
21. usz-ta-sza-na-ma
22. a-na be-el _sze_
23. i-na-ad-di-in
@law 121
24. szum-ma a-wi-lum
25. i-na _e2_ a-wi-lim
26. _sze_ isz-pu-uk
27. i-na sza-na-at
28. a-na _1(asz) sze gur-e 5(disz) sila3 sze_
29. _a2_ na-asz-pa-ki-im
30. i-na-ad-di-in
@law 122
31. szum-ma a-wi-lum
32. a-na a-wi-lim
33. _ku3-babbar ku3-sig17_
34. u3 mi-im-ma szum-szu
35. a-na ma-s,a-ru-tim
36. i-na-ad-di-in
37. mi-im-ma ma-la
38. i-na-ad-di-nu
39. szi-bi-u2-kal2-lam
40. ri-ik-sa-tim
41. i-sza-ak-ka-an-ma
42. a-na ma-s,a-ru-tim
43. i-na-ad-di-in
@law 123
44. szum-ma ba-lum szi-bi
45. u3 ri-ik-sa-tim
46. a-na ma-s,a-ru-tim
47. id-di-in-ma
48. a-sar id-di-nu
49. it-ta-ak-ru-szu
50. di-nu-um szu-u2
51. ru-gu-um-ma-am
52. u2-ul i-szu
@law 124
53. szum-ma a-wi-lum
54. a-na a-wi-lim
55. _ku3-babbar ku3-sig17_
56. u3 mi-im-ma szum-szu
57. ma-har szi-bi
58. a-na ma-s,a-ru-tim
59. id-di-in-ma
60. it-ta-ki-ir-szu
61. a-wi-lam szu-a-ti
62. u2-ka-an-nu-szu-ma
63. mi-im-ma sza ik-ki-ru
64. usz-ta-sza-na-ma
65. i-na-ad-di-in
@law 125
66. szum-ma a-wi-lum
67. mi-im-ma-szu
68. a-na ma-s,a-ru-tim id-di-in-ma
69. a-szar id-di-nu
70. u3 lu a-na pi2-il-szi-im
71. u3 lu i-na na-ba;-al-ka-at-tim
73. mi-im-mu-szu
74. it-ti mi-im-me-e
75. be-el _e2_ ih-ta-li-iq be-el _e2_ sza i-gu-ma
76. mi-im-ma sza a-na
77. ma-s,a-ru-tim id-di-nu-szum-ma
78. u2-hal-li-qu2
79. u2-sza-lam-ma
@column 5
1. a-na be-el _nig2-gur11_
2. i-ri-a-ab
3. be-el _e2_
4. mi-im-ma-szu hal-qa2-am
5. isz#-te-ne-i-ma
6. [it]-ti szar-ra-qa2-ni-szu
7. i-le-qe2
@law 126
8. szum-ma# [a]-wi-lum
9. mi-im-mu-szu
10. la ha-li-iq#-ma
11. mi-im-me-e
12. ha-li-iq iq-ta-bi
13. ba-ab-ta-szu
14. u2-te-eb-bi-ir
15. ki-ma mi-im-mu-szu
16. la hal-qu2
17. ba-ab-ta-szu
18. i-na ma-har i-lim
19. u2-ba-ar-szu-ma
20. mi-im-ma
21. sza ir-gu-mu
22. usz-ta-sza-na-ma
23. a-na ba-ab-ti-szu
24. i-na-ad-di-in
@law 127
25. szum-ma a-wi-lum
26. e-li _nin-dingir_
27. u3 a-sza-at a-wi-lim
28. u2-ba-nam u2-sza-at-ri-is,-ma
29. la uk-ti-in
30. a-wi-lam szu-a-ti
31. ma-har da-a-a-ni
32. i-na-ad-du-u2-szu
33. u3 mu-ut-ta-su2
34. u2-gal-la-bu
@law 128
35. szum-ma a-wi-lum
36. asz-sza-tam
37. i-hu-uz-ma
38. ri-ik-sa-ti-sza
39. la isz-ku-un
40. _munus_ szi-i
41. u2-ul asz-sza-at
@law 129
42. szum-ma asz-sza-at a-wi-lim
43. it-ti zi-ka-ri-im
44. sza-ni-im
45. i-na i-tu-lim
46. it-ta-as,-bat
47. i-ka-su2-szu-nu-ti-ma
48. a-na me-e
49. i-na-ad-du-u2-szu-nu-ti
50. szum-ma be-el asz-sza-tim
51. asz-sza-su2 u2-ba-la-at,
52. u3 szar-ru-um
53. _ARAD2_-su2 u2-ba-la-at,
@law 130
54. szum-ma a-wi-lum
55. asz-sza-at a-wi-lim
56. sza zi-ka-ra-am
57. la i-du-u2-ma
58. i-na _e2_ a-bi-sza
59. wa-asz-ba-at
60. u2-kab-bil2-szi-ma
61. i-na su-ni-sza
62. it-ta-ti-il-ma
63. is,-s,a-ab-tu-szu
64. a-wi-lum szu-u2
65. id-da-ak
66. _munus_ szi-i
67. u2-ta-a-sza-ar
@law 131
68. szum-ma asz#-sza-at
69. a-wi-lim
70. mu-sa3 u2-ub-bi-ir-szi-ma
71. it-ti zi-ka-ri-im sza-ni-im
72. i-na u2-tu-lim
73. la is,-s,a-bi-it
74. ni-isz i-lim
75. i-za-kar-ma
76. a-na _e2_-sza i-ta-ar
@law 132
77. szum-ma asz-sza-at
78. a-wi-lim
79. asz-szum zi-ka-ri-im sza-ni-im
80. u2-ba-nu-um
81. e-li-sza
82. it-ta-ri-is,-ma
83. it-ti zi-ka-ri-im
@column 6
1. sza-ni-im
2. i-na u2-tu-lim
3. la it-ta-as,-ba-at
4. a-na mu-ti-sza
5. {d}i7
6. i-sza-al-li
@law 133
7. szum-ma a-wi-lum
8. isz-sza-li-il-ma
9. i-na _e2_-szu
10. sza a-ka-lim
11. [i]-ba-asz-szi
12. [asz-sza]-su2
13. [a-di mu?]-sa3 [s,a-ab]-tu#?
14. [pa-gar3]-sza#
15. [i-na-s,a]-ar#
16. [a-na _e2_ sza-ni]-im#
17. [u2-ul i-ir]-ru-ub
18. szum#-[ma] _munus_ szi-i
19. [pa]-gar3#-sza
20. la is,-s,ur-ma
21. a-na _e2_ sza-ni-im
22. i-te-ru-ub
23. _munus_ szu-a-ti
24. u2-ka-an-nu-szi-ma
25. a-na me-e
26. i-na-ad-du-u2-szi
@law 134
27. szum-ma a-wi-lum
28. isz-sza-li-il-ma
29. i-na _e2_-szu
30. sza a-ka-li-im
31. la i-ba-asz-szi
32. asz-sza-su2
33. a-na _e2_ sza-ni-im
34. i-ir-ru-ub
35. _munus_ szi-i
36. ar-nam u2-ul i-szu
@law 135
37. szum-ma a-wi-lum
38. isz-sza-li-il-ma
39. i-na _e2_-szu
40. sza a-ka-li-im
41. la i-ba-asz-szi
42. a-na pa-ni-szu
43. asz-sza-su2
44. a-na _e2_ sza-ni-im
45. i-te-ru-ub-ma
46. _dumu-mesz_ it-ta-la-ad
47. i-na wa-ar-ka
48. mu-sa3 it-tu-ra-am-ma
49. _iri_-szu
50. ik-ta-asz2-dam
51. _munus_ szi-i
52. a-na ha-wi-ri-sza
53. i-ta-ar
54. _dumu-mesz_ wa-ar-ki
55. a-bi-szu-nu
56. i-il-la-ku
@law 136
57. szum-ma a-wi-lum
58. _iri_-szu id-di-ma
59. it-ta-bi-it
60. wa-ar-ki-szu
61. asz-sza-su2
62. a-na _e2_ sza-ni-im
63. i-te-ru-ub
64. szum-ma a-wi-lum szu-u2
65. it-tu-ra-am-ma
66. asz-sza-su2
67. is,-s,a-ba-at
68. asz-szum _iri_-szu
69. i-ze-ru-ma
70. in-na-bi-tu
71. asz-sza-at mu-na-ab-tim
72. a-na mu-ti-sza
73. u2-ul i-ta-ar
@law 137
74. szum-ma a-wi-lum
75. a-na {munus}szu-gi4-tim
76. sza _dumu-mesz_ ul-du-szum u3 lu _lukur_ sza _dumu-mesz_
77. u2-szar-szu-szu
78. e-ze2-bi-im
79. pa-ni-szu
80. isz-ta-ka-an
81. a-na _munus_ szu-a-ti
82. sze-ri-ik-ta-sza
83. u2-ta-ar-ru-szi-im
84. u3 mu-ut-ta-at
85. _a-sza3 {gesz}kiri6_ u3 bi-szi-im
@column 7
1. i-na-ad-di-nu-szi-im-ma
2. _dumu-mesz_-sza
3. u2-ra-ab-ba
4. isz-tu _dumu-mesz_-sza
5. ur2-ta-ab-bu-u2
6. i-na mi-im-ma
7. sza a-na _dumu-mesz_-sza
8. in-na-ad-nu
9. zi2-it-tam
10. ki-ma ap-lim isz-te-en
11. i-na-ad-di-nu-szi-im-ma
12. mu-tu li-ib-bi-sza
13. i-ih-ha-as-si2
@law 138
14. szum-ma a-wi-lum
15. hi-ir-ta-szu
16. sza _dumu-mesz_ la ul-du-szum
17. i-iz-zi-ib
18. _ku3-babbar_ ma-la
19. ter-ha-ti-sza
20. i-na-ad-di-isz-szi-im
21. u3 sze-ri-ik-tam
22. sza isz-tu _e2_ a-bi-sza ub-lam
23. u2-sza-lam-szi-im-ma
24. i-iz-zi-ib-szi
@law 139
25. szum-ma ter-ha-tum
26. la i-ba-asz-szi
27. 1(disz) ma-na _ku3-babbar_
28. a-na u2-zu-ub-be2-em
29. i-na-ad-di-isz-szi-im
@law 140
30. szum-ma _|MASZ.EN.GAG|!_
# MASZ-EN-NI
31. 1/3(disz) _ma-na ku3-babbar_
32. i-na-ad-di-isz-szi-im
@law 141
33. szum-ma asz-sza-at a-wi-lim
34. sza i-na _e2_ a-wi-lim
35. wa-asz-ba-at
36. a-na wa-s,e-em
37. pa-ni-sza
38. isz-ta-ka-an-ma
39. si2-ki-il-tam
40. i-sa3-ak-ki-il
41. _e2_-sa3 u2-sa3-ap-pa-ah
42. mu-sa3 u2-sza-am-t,a
43. u2-ka-an-nu-szi-ma
44. szum-ma mu-sa3
45. e-ze2-eb-sza
46. iq-ta-bi
47. i-iz-zi-ib-szi
48. ha-ra-an-sza
49. u2-zu-ub-bu-sza
50. mi-im-ma
51. u2-ul in-na-ad-di-isz-szi-im
52. szum-ma mu-sa3
53. la e-ze2-eb-sza iq-ta-bi
54. mu-sa3 _munus_ sza-ni-tam
55. i-ih-ha-az
56. _munus_ szi-i
57. ki-ma _geme2_
58. i-na _e2_ mu-ti-sza
59. usz-sza-ab
@law 142
60. szum-ma _munus_ mu-sa3 i-ze-er-ma
61. u2-ul ta-ah-ha-za-an-ni
62. iq-ta-bi
63. wa-ar-ka-sa3
64. i-na ba-ab-ti-sza
65. ip-pa-ar-ra-as2-ma
66. szum-ma na-as,-ra-at-ma
67. hi-t,i-tam
68. la i-szu
69. u3 mu-sa6
70. wa-s,i2-ma
71. ma-ga-al
72. u2-sza-am-t,a-szi
73. _munus_ szi-i
@column 8
1. ar-nam u2-ul i-szu
2. sze-ri-ik-ta-sza
3. i-le-qe2-ma
4. a-na _e2_ a-bi-sza
5. it-ta-al-la-ak
@law 143
6. szum-ma la na-as,-ra-at-ma
7. wa-s,i2-a-at
8. bi-sa3 u2-sa3-ap-pa-ah
9. mu-sa3 u2-sza-am-t,a
10. _munus_ szu-a-ti
11. a-na me-e
12. i-na-ad-du-u2-szi
@law 144
13. szum-ma a-wi-lum
14. _lukur_ i-hu-uz-ma
15. _lukur_ szi-i
16. _geme2_ a-na mu-ti-sza
17. id-di-in-ma
18. _dumu-mesz_ usz-tab-szi
19. a-wi-lum szu-u2
20. a-na {munus}szu-gi4-tim
21. a-ha-zi-im
22. pa-ni-szu
23. isz-ta-ka-an
24. a-wi-lam szu-a-ti
25. u2-ul i-ma-ag-ga-ru-szu
26. {munus}szu-gi4-tam
27. u2-ul i-ih-ha-az
@law 145
28. szum-ma a-wi-lum
29. _lukur_ i-hu-uz-ma
30. _dumu-mesz_ la u2-szar-szi-szu-ma
31. a-na {munus}szu-gi4-tim
32. a-ha-zi-im
33. pa-ni-szu
34. isz-ta-ka-an
35. a-wi-lum szu-u2
36. {munus}szu-gi4-tam
37. i-ih-ha-az
38. a-na _e2_-szu
39. u2-sze-er-re-eb-szi
40. {munus}szu-gi4-tum szi-i
41. it-ti _lukur_
42. u2-ul usz-ta-ma-ah-ha-ar
@law 146
43. szum-ma a-wi-lum
44. _lukur_ i-hu-uz-ma
45. _geme2_ a-na mu-ti-sza
46. id-di-in-ma
47. _dumu-mesz_ it-ta-la-ad
48. wa-ar-ka-nu-um
49. _geme2_ szi-i
50. it-ti be-el-ti-sza
51. usz-ta-tam-hi-ir
52. asz-szum _dumu-mesz_ ul-du
53. be-le-sa3
54. a-na _ku3-babbar_
55. u2-ul i-na-ad-di-isz-szi
56. ab-bu-ut-tam
57. i-sza-ak-ka-an-szi-ma
58. it-ti _geme2 hi-a_
59. i-ma-an-nu-szi
@law 147
60. szum-ma _dumu-mesz_
61. la u2-li-id
62. be-le-sa3
63. a-na _ku3-babbar_
64. i-na-ad-di-isz-szi
@law 148
65. szum-ma a-wi-lum
66. asz-sza-tam
67. i-hu-uz-ma
68. la-a'-bu-um
69. is,-s,a-ba-as-si2
70. a-na sza-ni-tim
71. a-ha-zi-im
72. pa-ni-szu
73. isz-ta-ka-an
74. i-ih-ha-az
75. asz-sza-su2
76. sza la-a'-bu-um
77. is,-ba-tu
78. u2-ul i-iz-zi-ib-szi
79. i-na _e2_ i-pu-szu
80. usz-sza-am-ma
81. a-di ba-al-t,a-at it-ta-na-asz-szi-szi
@column 9
@law 149
1. szum-ma _munus_ szi-i
2. i-na _e2_ mu-ti-sza
3. wa-sza-ba-am
4. la im-ta-gar3
5. sze-ri-ik-ta-sza
6. sza isz-tu _e2_ a-bi-sza
7. ub-lam
8. u2-sza#-lam-szim-ma
9. it-ta-al-la-ak
@law 150
10. szum-ma a-wi-lum
11. a-na asz-sza-ti-szu
12. _a-sza3 {gesz}kiri6 e2_
13. u3 bi-sza-am
14. isz-ru-uk-szim
15. ku-nu-uk-kam
16. i-zi-ib-szi-im
17. wa-ar-ki mu-ti-sza
18. _dumu-mesz_-sza u2-ul i-ba-qa2-ru-szi
19. um-mu-um
20. wa-ar-ka-sa3
21. a-na _dumu_-sza
22. sza i-ra-am-mu
23. i-na-ad-di-in
24. a-na a-hi-im
25. u2-ul i-na-ad-di-in
@law 151
26. szum-ma _munus_
27. sza i-na _e2_ a-wi-lim
28. wa-asz-ba-at
29. asz-szum be-el hu-bu-ul-lim
30. sza mu-ti-sza
31. la s,a-ba-ti-sza
32. mu-sa3 ur2-ta-ak-ki-is
33. t,up-pa-am
34. usz-te-zi-ib
35. szum-ma a-wi-lum
36. la-ma _munus_ szu-a-ti
37. i-ih-ha-zu
38. hu-bu-ul-lum
39. e-li-szu
40. i-ba-asz-szi
41. be-el hu-bu-ul-li-szu
42. asz-sza-su2
43. u2-ul i-s,a-ba-tu
44. u3 szum-ma _munus_ szi-i
45. la-ma a-na _e2_ a-wi-lim
46. i-ir-ru-bu
47. hu-bu-ul-lum
48. e-li-sza
49. i-ba-asz-szi
50. be-el hu-bu-ul-li-sza
51. mu-sa3 u2-ul i-s,a-ba-tu
@law 152
52. szum-ma isz-tu
53. _munus_ szi-i
54. a-na _e2_ a-wi-lim
55. i-ru-bu
56. e-li-szu-nu
57. hu-bu-ul-lum
58. it-tab-szi
59. ki-la-la-szu-nu
60. _dam-gar3_ i-ip-pa-lu
@law 153
61. szum-ma asz-sza-at a-wi-lim
62. asz-szum zi-ka-ri-im
63. sza-ni-im
64. mu-sa3 usz-di-ik
65. _munus_ szu-a-ti i-na ga-szi-szi-im
66. i-sza-ak-ka-nu-szi
@law 154
67. szum-ma a-wi-lum
68. _dumu-munus_-su2
69. il-ta-ma-ad
70. a-wi-lam szu-a-ti
71. _iri_ u2-sze-es,-s,u2-u2-szu
@law 155
72. szum-ma a-wi-lum
73. a-na _dumu_-szu
74. _e2-gi4-a_ i-hi-ir-ma
75. _dumu_-szu il-ma-si2
76. szu-u2 wa-ar-ka-nu-um
77. i-na su2-ni-sza
78. it-ta-ti-il-ma
79. is,-s,a-ab-tu-szu
80. a-wi-lam szu-a-ti
81. i-ka-su2-szu-ma
82. a-na me-e
@column 10
1. i-na-ad-du-u2-szi!
@law 156
2. szum-ma a-wi-lum
3. a-na _dumu_-szu
4. _e2-gi4-a_
5. i-hi-ir-ma
6. _dumu_-szu la il-ma-si2-ma
7. szu-u2 i-na su2-ni-sza
8. it-ta-ti-il
9. 1/2(disz) _ma-na ku3-babbar_
10. i-sza-qal-szi-im-ma
11. u3 mi-im-ma
12. sza isz-tu
13. _e2_ a-bi-sza
14. ub-lam
15. u2-sza-lam-szi-im-ma
16. mu-tu li-ib-bi-sza
17. i-ih-ha-as-si2
@law 157
18. szum-ma a-wi-lum
19. wa-ar-ki a-bi-szu
20. i-na su2-un um-mi-szu
21. i-ta-ti-il
22. ki-la-li-szu-nu
23. i-qal-lu-u2-szu-nu-ti
@law 158
24. szum-ma a-wi-lum
25. wa-ar-ki a-bi-szu
26. i-na su2-un
27. ra-bi-ti-szu
28. sza _dumu-mesz_ wa-al-da-at
29. it-ta-as,-ba-at
30. a-wi-lum szu-u2
31. i-na _e2 a-ba_
32. in-na-as-sa3-ah
@law 159
33. szum-ma a-wi-lum
34. sza a-na _e2_ e-mi-szu
35. bi-ib-lam
36. u2-sza-bi-lu
37. ter-ha-tam id-di-nu
38. a-na _munus_ sza-ni-tim
39. ub-ta-al-li-is,-ma
40. a-na e-mi-szu
41. _dumu-munus_-ka
42. u2-ul a-ha-az iq-ta-bi
43. a-bi _dumu-munus_
44. mi-im-ma
45. sza ib-ba-ab-lu-szum
46. i-tab-ba-al
@law 160
47. szum-ma a-wi-lum
48. a-na _e2_ e-mi-im
49. bi-ib-lam
50. u2-sza-bi-il
51. ter-ha-tam
52. id-di-in-ma
53. a-bi _dumu-munus_
54. _dumu-munus_-i u2-ul a-na-ad-di-ik-kum
55. iq-ta-bi
56. mi-im-ma ma-la
57. ib-ba-ab-lu-szum
58. usz-ta-sza-an-na-ma
59. u2-ta-ar
@law 161
60. szum-ma a-wi-lum
61. a-na _e2_ e-mi-szu
62. bi-ib-lam u2-sza-bil2
63. ter-ha-tam
64. id-di-in-ma
65. i-bi-ir-szu
66. uk-tar-ri-su2
67. e-mu-szu
68. a-na be-el asz-sza-tim
69. _dumu-munus_-i u2-ul ta-ah-ha-az
70. iq-ta-bi
71. mi-im-ma ma-la
72. ib-ba-ab-lu-szum
73. usz-ta-sza-an-na-ma
74. u2-ta-ar
75. u3 asz-sza-su2
76. i-bi-ir-szu
77. u2-ul i-ih-ha-az
@law 162
78. szum-ma a-wi-lum
79. asz-sza-tam
80. i-hu-uz
81. _dumu-mesz_ u2-li-sum2-ma
82. _munus_ szi-i
83. a-na szi-im-tim
@column 11
1. it-ta-la-ak
2. a-na sze-ri-ik-ta-sza
3. a-bu-sza
4. u2-ul i-ra-ag-gu-um
5. sze-ri-ik-ta-sza
6. sza _dumu-mesz_-sza-ma
@law 163
7. szum-ma a-wi-lum
8. asz-sza-tam
9. i-hu-uz-ma
10. _dumu-mesz_ la u2-szar-szi-szu
11. _munus_ szi-i
12. a-na szi-im-tim
13. it-ta-la-ak
14. szum-ma ter-ha-tam
15. sza a-wi-lum szu-u2
16. a-na _e2_ e-mi-szu ub-lu
17. e-mu-szu
18. ut-te-er-szum
19. a-na sze-ri-ik-ti
20. _munus_ szu-a-ti
21. mu-sa3 u2-ul i-ra-ag-gu-um
22. sze-ri-ik-ta-sza
23. sza _e2_ a-bi-sza-ma
@law 164
24. szum-ma e-mu-szu
25. ter-ha-tam
26. la ut-te-er-szum
27. i-na sze-ri-ik-ti-sza
28. ma-la ter-ha-ti-sza
29. i-har-ra-as,-ma
30. sze-ri-ik-ta-sza
31. a-na _e2_ a-ta!-sza
32. u2-ta-ar
@law 165
33. szum-ma a-wi-lum
34. a-na _ibila_-szu
35. sza i-in-szu mah-ru
36. _a-sza3 {gesz}kiri6_ u3 _e2_
37. isz-ru-uk
38. ku-nu-kam isz-t,ur-szum
39. wa-ar-ka a-bu-um
40. a-na szi-im-tim
41. it-ta-al-ku
42. i-nu-ma ah-hu
43. i-zu-uz-zu
44. qi2-isz-ti a-bu-um
45. id-di-nu-szum
46. i-le-qe2-ma
47. e-le-nu-um-ma
48. i-na _nig2-gur11 e2 a-ba_
49. mi-it-ha-ri-isz
50. i-zu-uz-zu
@law 166
51. szum-ma a-wi-lum
52. a-na _dumu-mesz_ sza ir-szu-u2
53. asz-sza-tim i-hu-uz
54. a-na _dumu_-szu
55. s,e-eh-ri-im
56. asz-sza-tam
57. la i-hu-uz
58. wa-ar-ka a-bu-um
59. a-na szi-im-tim
60. it-ta-al-ku
61. i-nu-ma ah-hu
62. i-zu-uz-zu
63. i-na _nig2-gur11 e2 a-ba_
64. a-na a-hi-szu-nu
65. s,e-eh-ri-im
66. sza asz-sza-tam
67. la ah-zu
68. e-li-a-at
69. zi-it-ti-szu
70. _ku3-babbar_ ter-ha-tim
71. i-sza-ak-ka-nu-szum-ma
72. asz-sza-tam
73. u2-sza-ah-ha-zu-szu
@law 167
74. szum-ma a-wi-lum
75. asz-sza-tam
76. i-hu-uz-ma
77. _dumu-mesz_ u2-li-sum2
78. _munus_ szi-i
79. a-na szi-im-tim
80. it-ta-la-ak
81. wa-ar-ki-sza
82. _munus_ sza-ni-tam
83. i-ta-ha-az-ma
84. _dumu-mesz_ it-ta-la-ad
85. wa-ar-ka-nu-um
86. a-bu-um a-na szi-im-tim
87. it-ta-al-ku
@column 12
1. _dumu-mesz_ a-na um-ma-tim
2. u2-ul i-zu-uz-zu
3. sze-ri-ik-ti
4. um-ma-ti-szu-nu
5. i-le-qu2-ma
6. _nig2-gur11 e2 a-ba_
7. mi-it-ha-ri-isz
8. i-zu-uz-zu
@law 168
9. szum-ma a-wi-lum
10. a-na _dumu_-szu
11. na-sa-hi-im
12. pa-nam isz-ta-ka-an
13. a-na da-a-a-ni
14. _dumu_-i a-na-sa3-ah iq-ta-bi
15. da-a-a-nu
16. wa-ar-ka-su2
17. i-par2-ra-su-ma
18. szum-ma _dumu_ ar-nam kab-tam
19. sza i-na ap-lu-tim
20. na-sa-hi-im
21. la ub-lam
22. a-bu-um _dumu_-szu
23. i-na ap-lu-tim
24. u2-ul i-na-sa3-ah
@law 169
25. szum-ma ar-nam kab-tam
26. sza i-na ap-lu-tim
27. na-sa-hi-im
28. a-na a-bi-szu
29. it-ba-lam
30. a-na isz-ti-isz-szu
31. pa-ni-szu ub-ba-lu
32. szum-ma ar-nam kab-tam
33. a-di szi-ni-szu it-ba-lam
34. a-bu-um _dumu_-szu
35. i-na ap-lu-tim
36. i-na-sa3-ah
@law 170
37. szum-ma a-wi-lum
38. hi-ir-ta-szu
39. _dumu-mesz_ u2-li-sum2
40. u3 _geme2_-su2
41. _dumu-mesz_ u2-li-sum2
42. a-bu-um
43. i-na bu-ul-t,i3-szu
44. a-na _dumu-mesz_ sza _geme2_ ul-du-szum
45. _dumu-mesz_-u2-a iq-ta-bi
46. it-ti _dumu-mesz_ hi-ir-tim
47. im-ta-nu-szu-nu-ti
48. wa-ar-ka a-bu-um
49. a-na szi-im-tim
50. it-ta-al-ku
51. i-na _nig2-gur11 e2 a-ba_
52. _dumu-mesz_ hi-ir-tim
53. u3 _dumu-mesz geme2_
54. mi-it-ha-ri-isz
55. i-zu-uz-zu
56. _ibila dumu_ hi-ir-tim
57. i-na zi-it-tim
58. i-na-sa3-aq-ma
59. i-le-qe2
@law 171
60. u3 szum-ma a-bu-um
61. i-na bu-ul-t,i3-szu
62. a-na _dumu-mesz_ sza _geme2_ ul-du-szum
63. _dumu-mesz_-u2-a la iq-ta-bi
64. wa-ar-ka a-bu-um
65. a-na szi-im-tim
66. it-ta-al-ku
67. i-na _nig2-gur11 e2 a-ba_
68. _dumu-mesz geme2_
69. it-ti _dumu-mesz_ hi-ir-tim
70. u2-ul i-zu-uz-zu
71. an-du-ra-ar
72. _geme2_ u3 _dumu-mesz_-sza
73. isz-sza-ak-ka-an
74. _dumu-mesz_ hi-ir-tim
75. a-na _dumu-mesz geme2_
76. a-na wa-ar-du-tim
77. u2-ul i-ra-ag-gu-mu
78. hi-ir-tum
79. sze-ri-ik-ta-sza
80. u3 nu-du-un-na-am
81. sza mu-sa3
82. id-di-nu-szi-im
83. i-na t,up-pi2-im
84. isz-t,u2-ru-szi-im
85. i-le-qe2-ma
86. i-na szu-ba-at
87. mu-ti-sza usz-sza-ab
@column 13
1. a-di ba-al-t,a-at i-ik-ka-al
2. a-na _ku3-babbar_
3. u2-ul i-na-ad-di-in
4. wa-ar-ka-sa3
5. sza _dumu-mesz_-sza-ma
@law 172
6. szum-ma mu-sa3
7. nu-du-un-na-am
8. la id-di-isz-szi-im
9. sze-ri-ik-ta-sza
10. u2-sza-la-mu-szi-im-ma
11. i-na _nig2-gur11_
12. _e2_ mu-ti-sza
13. zi2-it-tam
14. ki-ma _ibila_ isz-te-en
15. i-le-qe2
16. szum-ma _dumu-mesz_-sza
17. asz-szum i-na _e2_ szu-s,i2-im
18. u2-sa3-ah-ha-mu-szi
19. da-a-a-nu
20. wa-ar-ka-sa3
21. i-par2-ra-su-ma
22. _dumu-mesz_ ar-nam
23. i-im-mi-du
24. _munus_ szi-i
25. i-na _e2_ mu-ti-sza
26. u2-ul us,-s,i2
27. szum-ma _munus_ szi-i
28. a-na wa-s,e-em
29. pa-ni-sza
30. isz-ta-ka-an
31. nu-du-un-na-am
32. sza mu-sa3
33. id-di-nu-szi-im
34. a-na _dumu-mesz_-sza
35. i-iz-zi-ib
36. sze-ri-ik-tam
37. sza _e2_ a-bi-sza
38. i-le-qe2-ma
39. mu-ut li-ib-bi-sza
40. i-ih-ha-as-si2
@law 173
41. szum-ma _munus_ szi-i
42. a-szar i-ru-bu
43. a-na mu-ti-sza
44. wa-ar-ki-im
45. _dumu-mesz_ it-ta-la-ad
46. wa-ar-ka _munus_ szi-i im-tu-ut
47. sze-ri-ik-ta-sza
48. _dumu-mesz_ mah-ru-tum
49. u3 wa-ar-ku-tum
50. i-zu-uz-zu
@law 174
51. szum-ma a-na mu-ti-sza
52. wa-ar-ki-im
53. _dumu-mesz_ la it-ta-la-ad
54. sze-ri-ik-ta-sza
55. _dumu-mesz_ ha-wi-ri-sza-ma
56. i-le-qu2-u2
@law 175
57. szum-ma lu _ARAD2 e2-gal_
58. u3 lu _ARAD2_
59. _|MASZ.EN.GAG|_
60. _dumu-munus_ a-wi-lim
61. i-hu-uz-ma
62. _dumu-mesz_
63. it-ta-la-ad
64. be-el _ARAD2_
65. a-na _dumu-mesz_
66. _dumu-munus_ a-wi-lim
67. a-na wa-ar-du-tim
68. u2-ul i-ra-ag-gu-um
@law 176
69. u3 szum-ma _ARAD2 e2-gal_
70. u3 lu _ARAD2 |MASZ.EN.GAG|_
71. _dumu-munus_ a-wi-lim
72. i-hu-uz-ma
73. i-nu-ma i-hu-zu-szi
74. qa2-du-um
75. sze-ri-ik-tim
76. sza _e2_ a-bi-sza
77. a-na _e2 ARAD2 e2-gal_
78. u3 lu _ARAD2 |MASZ.EN.GAG|_
79. i-ru-ub-ma
80. isz-tu in-ne-em-du
81. _e2_ i-pu-szu
82. bi-sza-am ir-szu-u2
83. wa-ar-ka-nu-um-ma
84. lu _ARAD2 e2-gal_
85. u3 lu _ARAD2 |MASZ.EN.GAG|_
86. a-na szi-im-tim
87. it-ta-la-ak
88. _dumu-munus_ a-wi-lim
89. sze-ri-ik-ta-sza
90. i-le-qe2
91. u3 mi-im-ma
92. sza mu-sa3 u3 szi-i
@column 14
1. isz-tu in-ne-em-du
2. ir-szu-u2
3. a-na szi-ni-szu
4. i-zu-uz-zu-ma
5. mi-isz-lam be-el _ARAD2_
6. i-le-qe2
7. mi-isz-lam
8. _dumu-munus_ a-wi-lim
9. a-na _dumu-mesz_-sza i-le-qe2
10. szum-ma _dumu-munus_ a-wi-lim
11. sze-ri-ik-tam la i-szu
12. mi-im#-ma sza mu-sa3 u3 szi-i
13. isz-tu in-ne-em-du
14. ir-szu-u2
15. a-na szi-ni-szu
16. i-zu-uz-zu-ma
17. mi-isz-lam be-el _ARAD2_
18. i-le-qe2
19. mi-isz-lam
20. _dumu-munus_ a-wi-lim
21. a-na _dumu-mesz_-sza i-le-qe2
@law 177
22. szum-ma _nu-mu-su_
23. sza _dumu-mesz_-sza
24. s,e-eh-he-ru
25. a-na _e2_ sza-ni-im
26. e-re-bi-im
27. pa-ni-sza
28. isz-ta-ka-an
29. ba-lum da-a-a-ni
30. u2-ul i-ir-ru-ub
31. i-nu-ma
32. a-na _e2_ sza-ni-im
33. i-ir-ru-bu
34. da-a-a-nu
35. wa-ar-ka-at
36. _e2_ mu-ti-sza
37. pa-ni-im
38. i-par2-ra-su-ma
39. _e2_ sza mu-ti-sza
40. pa-ni-im
41. a-na mu-ti-sza
42. wa-ar-ki-im
43. u3 _munus_ szu-a-ti
44. i-pa-aq-qi2-du-ma
45. t,up-pa-am
46. u2-sze-ez-ze-bu-szu-nu-ti
47. _e2_ i-na-s,a-ru
48. u3 s,e-eh-he-ru-tim
49. u2-ra-ab-bu-u2
50. u2-ni-a-tim
51. a-na _ku3-babbar_
52. u2-ul i-na-ad-di-nu
53. sza-a-a-ma-nu-um
54. sza u2-nu-ut
55. _dumu-mesz nu-mu-su_
56. i-sza-am-mu
57. i-na _ku3-babbar_-szu
58. i-te-el-li
59. _nig2-gur11_ a-na be-li2-szu
60. i-ta-ar
@law 178
61. szum-ma _nin-dingir lukur_
62. u3 lu {munus}_zi-ik-ru-um_
63. sza a-bu-sza
64. sze-ri-ik-tam
65. isz-ru-uk-szi-im
66. t,up-pa-am
67. isz-t,u2-ru-szi-im
68. i-na t,up-pi2-im
69. sza isz-t,u2-ru-szi-im
70. wa-ar-ka-sa3
71. e-me e-li-sza
72. t,a-bu na-da-nam
73. la isz-t,ur-szi-im-ma
74. ma-la li-ib-bi-sza
75. la u2-sza-am-s,i2-szi
76. wa-ar-ka a-bu-um
77. a-na szi-im-tim
78. it-ta-al-ku
79. _a-sza3_-sza u3 _kiri6_-sza
80. ah-hu-sza
81. i-le-qu2-ma
82. ki-ma e-mu-uq
83. zi-it-ti-sza
84. _sze-ba i3-ba_ u3 _siki-ba_
85. i-na-ad-di-nu-szim-ma
86. li-ib-ba-sza
87. u2-t,a-ab-bu
88. szum-ma ah-hu-sza
89. ki-ma e-mu-uq
90. zi-it-ti-sza
91. _sze-ba i3-ba_ u3 _siki-ba_
92. la it-ta-ad-nu-szi-im-ma
@column 15
1. li-ib-ba-sza
2. la ut,-t,i-ib-bu
3. _a-sza3_-sza u3 _kiri6_-sza
4. a-na er-re-szi-im
5. sza e-li-sza t,a-bu
6. i-na-ad-di-in-ma
7. er-re-sa3
8. it-ta-na-asz-szi-szi
9. _a-sza3 {gesz}kiri6_
10. u3 mi-im-ma
11. sza a-bu-sza
12. id-di-nu-szi-im
13. a-di ba-al-t,a-at i3-kal
14. a-na _ku3-babbar_
15. u2-ul i-na-ad-di-in
16. sza-ni-a-am
17. u2-ul u2-up-pa-al
18. ap-lu-sa3
19. sza ah-hi-sza-ma
@law 179
20. szum-ma _nin-dingir lukur_
21. u3 lu {munus}_zi-ik-ru-um_
22. sza a-bu-sza
23. sze-ri-ik-tam
24. isz-ru-uk-szi-im
25. ku-nu-kam
26. isz-t,u2-ru-szi-im
27. i-na t,up-pi2-im
28. sza isz-t,u2-ru-szi-im
29. wa-ar-ka-sa3
30. e-ma e-li-sza t,a-bu
31. na-da-nam
32. isz-t,ur-szi-im-ma
33. ma-la li-ib-bi-sza
34. usz-tam-s,i2-szi
35. wa-ar-ka a-bu-um
36. a-na szi-im-tim
37. it-ta-al-ku
38. wa-ar-ka-sa3
39. e-ma e-li-sza t,a-bu
40. i-na-ad-di-in
41. ah-hu-sza
42. u2-ul i-ba-aq-qa2-ru-szi
@law 180
43. szum-ma a-bu-um
44. a-na _dumu-munus_-szu
45. _lukur ga2-gi4-a_
46. u3 lu {munus}_zi-ik-ru-um_
47. sze-ri-ik-tam
48. la isz-<ru>-uk-szi-im
49. wa-ar-ka a-bu-um
50. a-na szi-im-tim
51. it-ta-al-ku
52. i-na _nig2-gur11 e2 a-ba_
53. zi2-it-tam ki-ma
54. ap-lim isz-te-en
55. i-za-az-ma
56. a-di ba-al-t,a-at
57. i-ik-ka-al
58. wa-ar-ka-sa3
59. sza ah-hi-sza-ma
@law 181
60. szum-ma a-bu-um
61. _lukur nu-gig_
62. u3 lu _nu-bar_
63. a-na _dingir_ isz-szi-ma
64. sze-ri-ik-tam
65. la isz-ru-uk-szi-im
66. wa-ar-ka a-bu-um
67. a-na szi-im-tim
68. it-ta-al-ku
69. i-na _nig2-gur11 e2 a-ba_
70. _igi 3(disz)-gal2 ibila_-sza
71. i-za-az-ma
72. a-di ba-al-t,a-at
73. i-ik-ka-al
74. wa-ar-ka-sa3
75. sza ah-hi-sza-am-ma
@law 182
76. szum-ma a-bu-um
77. a-na _dumu-munus_-szu
78. _lukur_ {d}marduk
79. sza babila#{ki}
80. sze-ri-ik-tam
81. la isz-ru-uk-szi-im
82. ku-nu-kam
83. la isz-t,ur-szi-im
84. wa-ar-ka a-bu-um
85. a-na szi-im-tim
86. it-ta-al-ku
87. i-na _nig2-gur11 e2 a-ba_
88. _igi 3(disz)-gal2 ibila_-sza
89. it-ti ah-hi-sza
90. i-za-az-ma
91. il-kam
92. u2-ul i-il-la-ak
93. _lukur_ {d}marduk
94. wa-ar-ka-sa3
95. e-ma e-li-sza
96. t,a-bu
@column 16
1. i-na-ad-di-in
@law 183
2. szum-ma a-bu-um
3. a-na _dumu-munus_-szu szu-gi4-tim
4. sze-ri-ik-tam
5. isz-ru-uk-szi-im
6. a-na mu-tim
7. id-di-isz-szi
8. ku-nu-uk-kam
9. isz-t,ur-szi-im
10. wa-ar-ka a-bu-um
11. a-na szi-im-tim
12. it-ta-al-ku
13. i-na _nig2-gur11 e2 a-ba_
14. u2-ul i-za-az
@law 184
15. szum-ma a-wi-lum
16. a-na _dumu-munus_-szu
17. szu-gi4-tim
18. sze-ri-ik-tam
19. la isz-ru-uk-szim
20. a-na mu-tim
21. la id-di-isz-szi
22. wa-ar-ka a-bu-um
23. a-na szi-im-tim
24. it-ta-al-ku
25. ah-hu-sza
26. ki-ma e-mu-uq _e2 a-ba_
27. sze-ri-ik-tam
28. i-szar-ra-ku-szi-im-ma
29. a-na mu-tim
30. i-na-ad-di-nu-szi
@law 185
31. szum-ma a-wi-lum
32. s,e-eh-ra-am
33. i-na me-e-szu
34. a-na ma-ru-tim
35. il-qe2-ma
36. ur2-ta-ab-bi-szu
37. tar-bi-tum szi-i
38. u2-ul ib-ba-aq-qar
@law 186
39. szum-ma a-wi-lum
40. s,e-eh-ra-am
41. a-na ma-ru-tim il-qe2
42. i-nu-ma
43. il-qu2-u2-szu
44. a-ba-szu
45. u3 um-ma-szu
46. i-hi-a-at,
47. tar-bi-tum szi-i
48. a-na _e2_ a-bi-szu
49. i-ta-ar
@law 187
50. _dumu giri3-se3-ga_
51. mu-za-az _e2-gal_
52. u3 _dumu {munus}zi-ik-ru-um_
53. u2-ul ib-ba-aq-qar
@law 188
54. szum-ma _dumu um-mi-a_
55. _dumu_ a-na tar-bi-tim
56. il-qe2-ma
57. szi-pi2-ir qa2-ti-szu
58. usz-ta-hi-su2
59. u2-ul ib-ba-qar
@law 189
60. szum-ma szi-pi2-ir qa2-ti-szu
61. la usz-ta-hi-su2
62. tar-bi-tum szi-i
63. a-na _e2_ a-bi-szu
64. i-ta-ar
@law 190
65. szum-ma a-wi-lum
66. s,e-eh-ra-am
67. sza a-na ma-ru-ti-szu
68. il-qu2-szu-ma
69. u2-ra-ab-bu-szu
70. it-ti _dumu-mesz_-szu
71. la im-ta-nu-szu
72. tar-bi-tum szi-i
73. a-na _e2_ a-bi-szu
74. i-ta-ar
@law 191
75. szum-ma a-wi-lum
76. s,e-eh-ra-am
77. sza a-na ma-ru-ti-szu
78. il-qu2-szu-ma
79. u2-ra-ab-bu-u2-szu
80. _e2_-ba! i-pu-usz
81. wa-ar-ka _dumu-mesz_
82. ir-ta-szi-ma
83. a-na tar-bi-tim na-sa-hi-im
84. pa-nam isz-ta-ka-an
85. _dumu_ szu-u2 ri-qu2-su2
86. u2-ul it-ta-al-la-ak
87. a-bu-um mu-ra-bi-szu
88. i-na _nig2-gur11_-szu
89. _igi 3(disz)-gal2 ibila_-szu
90. i-na-ad-di-isz-szum-ma
91. it-ta-la-ak
92. i-na _a-sza3 {gesz}kiri6_
93. u3 _e2_
94. u2-ul i-na-ad-di;-isz-szum
@law 192
96. szum-ma _dumu giri3-se3-ga_
@column 17
1. u3 lu _dumu {munus}zi-ik-ru-um#_
2. a-na a-bi-im
3. mu-ra-bi-szu
4. u3 um-mi-im
5. mu-ra-bi-ti-szu
6. u2-ul a-bi at-ta
7. u2-ul um-mi at-ti iq-ta-bi
8. _eme_-szu
9. i-na-ak-ki-su
@law 193
10. szum-ma _dumu giri3-se3-ga_
11. u3 lu _dumu {munus}zi-ik-ru-um_
12. _e2_ a-bi-szu
13. u2-we-ed-di-ma
14. a-ba-am
15. mu-ra-bi-szu
16. u3 um-ma-am
17. mu-ra-bi-su2
18. i-ze2-er-ma
19. a-na _e2_ a-bi-szu
20. it-ta-la-ak
21. i-in-szu
22. i-na-sa3-hu
@law 194
23. szum-ma a-wi-lum
24. _dumu_-szu a-na mu-sze-ni-iq-tim
25. id-di-in-ma
26. _dumu_ szu-u2
27. i-na# qa2-at mu-sze-ni-iq-tim
28. im-tu-ut
29. mu-sze-ni-iq-tum#
30. ba-lum a-bi-szu
31. u3 um-mi-szu
32. _dumu_ sza-ni-a-am-ma
33. ir-ta-ka-as2
34. u2-ka-an-nu-szi-ma
35. asz-szum ba-lum a-bi-szu#
36. u3 um-mi-[szu]
37. _dumu_ sza-ni-a-am#
38. ir-ku-su#
39. _ubur_-sza
40. i-na-ak-ki-su
@law 195
41. szum-ma _dumu a-ba_-szu
42. im-ta-ha-as,
43. _kiszib3-la2_-szu
44. i-na-ak-ki-su
@law 196
45. szum-ma a-wi-lum
46. i-in _dumu_ a-wi-lim
47. uh2-tap-pi2-id
48. i-in-szu
49. u2-ha-ap-pa-du
@law 197
50. szum-ma _giri3-pad-ra2_ a-wi-lim
51. isz-te-bi-ir
52. _giri3-pad-ra2_-szu
53. i-sze-eb-bi-ru
@law 198
54. szum-ma i-in _|MASZ.EN.GAG|_
55. uh2-tap-pi2-id
56. u3 lu _giri3-pad-ra2 |MASZ.EN.GAG|_
57. isz-te-bi-ir
58. 1(disz) _ma-na ku3-babbar_
59. i-sza-qal
@law 199
60. szum-ma i-in _ARAD2_ a-wi-lim
61. uh2-tap-pi2-id
62. u3 lu _giri3-pad-ra2 ARAD2_ a-wi-lim
63. isz-te-bi-ir
64. mi-szi-il _sa10_-szu
65. i-sza-qal
@law 200
66. szum-ma a-wi-lum
67. szi-in-ni a-wi-lim
68. me-eh-ri-szu
69. it-ta-di
70. szi-in-na-szu i-na-ad-du-u2
@law 201
71. szum-ma szi-in-ni szi-in-gag
72. _|MASZ.EN.GAG|_ it-ta-di
73. 1/3(disz) _ma-na ku3-babbar_
74. i-sza-qal
@law 202
75. szum-ma a-wi-lum
76. le-e-et a-wi-lim
77. sza e-li-szu ra-bu-u2
78. im-ta-ha-as,
79. i-na pu-uh2-ri-im
80. i-na _{kusz}usan3 gu4_
81. 1(disz) szu-szi im-mah-ha-as,
@law 203
82. szum-ma _dumu_ a-wi-lim
83. le-e-et _dumu_ a-wi-lim
84. sza ki-ma szu-a-ti
85. im-ta-ha-as,
86. 1(disz) ma-na _ku3-babbar_
87. i-sza-qal
@law 204
88. szum-ma _|MASZ.EN.GAG|_
89. le-e-et _|MASZ.EN.GAG|_
90. im-ta-ha-as,
91. 1(u) _gin2 ku3-babbar_ i-sza-qal
@law 205
92. szum-ma _ARAD2_ a-wi-lim
93. le-e-et _dumu_ a-wi-lim
@column 18
1. im-ta-ha-as,
2. u2-zu-un-szu
3. i-na-ak-ki-su
@law 206
4. szum-ma a-wi-lum a-wi-lam
5. i-na ri-is-ba-tim
6. im-ta-ha-as,-ma
7. si2-im-ma-am
8. isz-ta-ka-an-szu
9. a-wi-lum szu-u2
10. i-na i-du-u2
11. la am-ha-s,u2
12. i-tam-ma
13. u3 _a-zu_ i-ip-pa-al
@law 207
14. szum-ma i-na ma-ha-s,i2-szu
15. im-tu-ut
16. i-tam-ma-ma
17. szum-ma _dumu_ a-wi-lim
18. 1/2(disz) _ma-na ku3-babbar_
19. i-sza-qal
@law 208
20. szum-ma _dumu |MASZ.EN.GAG|_
21. 1/3(disz) _ma-na ku3-babbar_
22. i-sza-qal
@law 209
23. szum-ma a-wi-lum
24. _dumu-munus_ a-wi-lim
25. im-ha-as,-ma
26. sza li-ib-bi-sza
27. usz-ta-di-szi
28. 1(u) _gin2 ku3-babbar_
29. a-na sza li-ib-bi-sza
30. i-sza-qal
@law 210
31. szum-ma _munus_ szi-i
32. im-tu-ut
33. _dumu-munus_-su2
34. i-du-uk-ku
@law 211
35. szum-ma _dumu-munus |MASZ.EN.GAG|_
36. i-na ma-ha-s,i2-im
37. sza li-ib-bi-sza
38. usz-ta-ad-di-szi
39. 5(disz) _gin2 ku3-babbar_
40. i-sza-qal
@law 212
41. szum-ma _munus_ szi-<i>
42. im-tu-ut
43. 1/2(disz) _ma-na ku3-babbar_
44. i-sza-qal
@law 213
45. szum-ma _geme2_ a-wi-lim
46. im-ha-as,-ma
47. sza li-ib-bi-sza
48. usz-ta-ad-di-szi
49. 2(disz) _gin2 ku3-babbar_
50. i-sza-qal
@law 214
51. szum-ma _geme2_ szi-i
52. im-tu-ut
53. 1/3(disz) _ma-na ku3-babbar_
54. i-sza-qal
@law 215
55. szum-ma _a-zu_
56. a-wi-lam si2-im-ma-am kab-tam
57. i-na _gir2 gag zabar_
58. i-pu-usz-ma
59. a-wi-lam ub-ta-al-li-it,
60. u3 lu na-kap-ti a-wi-lim
61. i-na _gir2 gag zabar_
62. ip-te-ma
63. i-in a-wi-lim
64. ub-ta-al-li-it,
65. 1(u) _gin2 ku3-babbar_
66. i-le-qe2
@law 216
67. szum-ma _dumu |MASZ.EN.GAG|_
68. 5(disz) _gin2 ku3-babbar_
69. i-le-qe2
@law 217
70. szum-ma _ARAD2_ a-wi-lim
71. be-el _ARAD2_ a-na _a-zu_
72. 2(disz) _gin2 ku3-babbar_
73. i-na-ad-di-in
@law 218
74. szum-ma _a-zu_ a-wi-lam
75. si2-im-ma-am kab-tam
76. i-na _gir2 gag zabar_
77. i-pu-usz-ma
78. a-wi-lam usz-ta-mi-it
79. u3 lu na-a2!-ti a-wi-lim
80. i-na _gir2 gag zabar_
81. ip-te-ma i-in a-wi-lim
82. uh2-tap-pi2-id
83. _kiszib3-la2_-szu i-na-ki-su
@law 219
84. szum-ma _a-zu_ si2-im-ma-am kab-tam
85. _ARAD2 |MASZ.EN.GAG|_
86. i-na _gir2 gag zabar_
87. i-pu-usz-ma usz-ta-mi-it
88. _ARAD2_ ki-ma _ARAD2_ i-ri-ab
@law 220
89. szum-ma na-kap-ta-szu
90. i-na _gir2 gag zabar_
91. ip-te-ma
92. i-in-szu uh2-tap-<pi2>-da
93. _ku3-babbar_ mi-szi-il
94. _sa10_-szu i-sza-qal
@law 221
95. szum-ma _a-zu_
96. _giri3-pad-ra2_ a-wi-lim
@column 19
1. sze-bi-ir-tam
2. usz-ta-li-im
3. u3 lu sze-er-ha-nam
4. mar-s,a-am _ku3-babbar_
5. ub-ta-al-li-it,
6. be-el s,e-em-ma-im
7. a-na _a-zu_
8. 5(disz) _gin2 ku3-babbar_
9. i-na-ad-di-in
@law 222
10. szum-ma _dumu |MASZ.EN.GAG|_
11. 3(disz) _gin2 ku3-babbar_
12. i-na-ad-di-in
@law 223
13. szum-ma _ARAD2_ a-wi-lim
14. be-el _ARAD2_
15. a-na _a-zu_
16. 2(disz) _gin2 ku3-babbar_
17. i-na-ad-di-in
@law 224
18. szum-ma _a-zu gu4_
19. u3 lu _ansze_
20. lu _gu4_ u3 lu _ansze_
21. s,e-em-ma-am kab-tam
22. i-pu-usz-ma
23. ub-ta-al-li-it,
24. be-el _gu4_ u3 lu _ansze_
25. _igi 6(disz)-gal2 ku3-babbar_
26. a-na _a-zu_
27. _a2_-szu
28. i-na-ad-di-in
@law 225
29. szum-ma _gu4_ u3 lu _ansze_
30. si2-im-ma-am kab-tam
31. i-pu-usz-ma
32. usz-ta-mi-it
33. _igi 4(disz)?-gal2 sa10_-szu
34. a-na be-el _gu4_ u3 lu _ansze_
35. i-na-ad-di-in
@law 226
36. szum-ma _szu-i_
37. ba-lum be-el _ARAD2_
38. ab-bu-ti _ARAD2_ la sze-e-em
40. u2-ga-al-li-ib
41. _kiszib3-la2 szu-i_ szu-a-ti
42. i-na-ak-ki-su2
@law 227
43. szum-ma a-wi-lum
44. _szu-i_ i-da-as,-ma
45. ab-bu-ti
46. _ARAD2_ la sze-e-em
47. ug-da-al-li-ib
48. a-wi-lam szu-a-ti
49. i-du-uk-ku-szu-ma
50. i-na _ka2_-szu
51. i-ha-al-la-lu-szu
52. _szu-i_ i-na i-du-u2
53. la u2-gal-li-bu
54. i-tam-ma-ma
55. u2-ta-asz-szar
@law 228
56. szum-ma _szitim_
57. _e2_ a-na a-wi-lim
58. i-pu-usz-ma
59. u2-sza-ak-li-il-szum
60. a-na 1(disz) _sar e2_
61. 2(disz) _gin2 ku3-babbar_
62. a-na qi2-isz-ti-szu
63. i-na-ad-di-isz-szum
@law 229
64. szum-ma _szitim_
65. a-na a-wi-lim
66. _e2_ i-pu-usz-ma
67. szi-pi2-ir-szu
68. la u2-da-an-ni-in-ma
69. _e2_ i-pu-szu
70. im-qu2-ut-ma
71. be-el _e2_ usz-ta-mi-it
72. _szitim_ szu-u2 id-da-ak
@law 230
73. szum-ma _dumu_ be-el _e2_
74. usz-ta-mi-it
75. _dumu szitim_ szu-a-ti
76. i-du-uk-ku
@law 231
77. szum-ma _ARAD2_ be-el _e2_
78. usz-ta-mi-it
79. _ARAD2_ ki-ma _ARAD2_
80. a-na be-el _e2_
81. i-na-ad-di-in
@law 232
82. szum-ma _nig2-gur11_
83. uh2-ta-al-li-iq
84. mi-im-ma
85. sza u2-hal-li-qu2
86. i-ri-ab
87. u3 asz-szum _e2_ i-pu-szu
88. la u2-dan-ni-nu-ma
89. im-qu2-tu
90. i-na _nig2-gur11_
91. ra-ma-ni-szu
92. _e2_ im-qu2-tu i-ip-pe2-esz
@law 233
93. szum-ma _szitim e2_
94. a-na a-wi-lim i-pu-usz-ma
95. szi-pi2-ir-szu
96. la usz-te-es,-bi-ma
97. _e2-gar8_ iq-tu-up
98. _szitim_ szu-u2
@column 20
1. i-na _ku3-babbar_ ra-ma-ni-szu
2. _e2-gar8_ szu-a-ti
3. u2-dan-na-an
@law 234
4. szum-ma _ma2-lah5_
5. _{gesz}ma2 1(gesz2) gur_
6. a-na a-wi-lim ip-he
7. 2(disz) _gin2 ku3-babbar_
8. a-na qi2-isz-ti-szu
9. i-na-ad-di-isz-szum
@law 235
10. szum-ma _ma2-lah5_
11. _{gesz}ma2_ a-na a-wi-lim
12. ip-he-ma
13. szi-pi2-ir-szu
14. la u2-tak2-ki-il-ma
15. i-na sza-at-tim-ma szu-a-ti
16. _{gesz}ma2_ szi-i
17. is,-s,a-bar
18. hi-t,i-tam ir-ta-szi
19. _ma2-lah5_
20. _{gesz}ma2_ szu-a-ti
21. i-na-qar-ma
22. i-na _nig2-gur11_ ra-ma-ni-szu
23. u2-dan-na-an-ma
24. _{gesz}ma2_ dan-na-tam
25. a-na be-el _{gesz}ma2_
26. i-na-ad-di-in
@law 236
27. szum-ma a-wi-lum
28. _{gesz}ma2_-szu
29. a-na _ma2-lah5_
30. a-na ig-ri-im
31. id-di-in-ma
32. _ma2-lah5_ i-gi-ma
33. _{gesz}ma2_ ut,-t,e4-bi
34. u3 lu uh2-ta-al-li-iq
35. _ma2-lah5 {gesz}ma2_
36. a-na be-el _{gesz}ma2_
37. i-ri-a-ab
@law 237
38. szum-ma a-wi-lum
39. _ma2-lah5_ u3 _{gesz}ma2_
40. i-gur-ma
41. _sze siki i3-gisz zu2-lum_
42. u3 mi-im-ma szum-szu
43. sza s,e-nim
44. i-s,e-en-szi
45. _ma2-lah5_ szu-u2
46. i-gi-ma
47. _{gesz}ma2_ ut,-t,e4-eb-bi
48. u3 sza li-ib-bi-sza
49. uh2-ta-al-li-iq
50. _ma2-lah5_
51. _{gesz}ma2_ sza u2-t,e4-eb-bu-u2
52. u3 mi-im-ma
53. sza i-na li-ib-bi-sza
54. u2-hal-li-qu2
55. i-ri-a-ab
@law 238
56. szum-ma _ma2-lah5_
57. _{gesz}ma2_ a-wi-lim
58. u2-t,e4-eb-bi-ma
59. usz-te-li-a-asz-szi#
60. _ku3-babbar_ mi-szi-il# _sa10_-sza#
61. i-na-ad-di-in#
@law 239
62. szum-ma a-wi-lum#
63. _ma2-lah5_ [i-gur]
64. 6(asz) [_sze gur_]
65. i-na sza-na#-[at]
66. i-na-ad#-[di]-isz-[szum]
@law 240
67. szum-ma {gesz#}[_ma2_]
68. sza ma-hi-ir-tim
69. _{gesz}ma2_ sza mu-uq-qe2-el-pi2-tim
70. im-ha-as,-ma
71. ut,-t,e4-eb-bi
72. be-el _{gesz}ma2_ sza _{gesz}ma2_-szu t,e4-bi-a-at
73. mi-im-ma sza i-na _{gesz}ma2_-szu hal-qu2
74. i-na ma-har i-lim
75. u2-ba-ar-ma
76. sza ma-hi-ir-tim
77. sza _{gesz}ma2_ sza mu-uq-qe2-el-pi2-tim
78. u2-t,e4-eb-bu-u2
79. _{gesz}ma2_-szu u3 mi-im-ma-szu hal-qa2-am
80. i-ri-a-ab-szum
@law 241
81. szum-ma a-wi-lum
82. _gu4_ a-na ni-pu-tim
83. it-te-pe2
84. 1/3(disz) _ma-na ku3-babbar_ i-sza-qal
@law 242-243
85. szum-ma a-wi-lum <_gu4_>
86. a-na _mu_ 1(disz) i-gur
87. _a2 gu4-a2-ur3-ra_
88. 4(asz) _sze gur_
89. _a2 gu4 ab2 muru2 sag_
90. 3(asz) _sze gur_ a-na be-li2-szu
91. i-na-ad-di-in
@column 21
@law 244
1. szum-ma a-wi-lum
2. _gu4 ansze_ i-gur-ma
3. i-na s,e-ri-im
4. _ur-mah_ id-du-uk-szu
5. a-na be-li2-szu-ma
@law 245
6. szum-ma a-wi-lum
7. _gu4_ i-gur-ma
8. i-na me-gu-tim
9. u3 lu i-na ma-ha-s,i2-im
10. usz-ta-mi-it
11. _gu4_ ki-ma _gu4_
12. a-na be-el _gu4_
13. i-ri-a-ab
@law 246
14. szum-ma a-wi-lum
15. _gu4_ i-gur-ma
16. _giri3_-szu isz-te-bi-ir
17. u3 lu la-bi-a-an-szu
18. it-ta-ki-is
19. _gu4_ ki-ma _gu4_
20. a-na be-el _gu4_
21. i-ri-a-ab
@law 247
22. szum-ma a-wi-lum
23. _gu4_ i-gur-ma
24. _igi_-szu uh2-tap-pi2-id
25. _ku3-babbar_ mi-szi-il _sa10_-szu
26. a-na be-el _gu4_
27. i-na-ad-di-in
@law 248
28. szum-ma a-wi-lum
29. _gu4_ i-gur-ma
30. _si_-szu isz-bi-ir
31. _kun_-su2 it-ta-ki-is
32. u3 lu {uzu}_sa-sal_-szu
33. it-ta-sa-ag!
34. _ku3-babbar igi 4(disz)?-gal2 sa10_-szu
35. i-na-ad-di-in
@law 249
36. szum-ma a-wi-lum
37. _gu4_ i-gur-ma
38. i-lum im-ha-su2-ma
39. im-tu-ut
40. a-wi-lum sza _gu4_ i-gu-ru
41. ni-isz i-lim
42. i-za-kar-ma
43. u2-ta-asz-szar
@law 250
44. szum-ma _gu4_ su2?-qa2-am
45. i-na a-la-ki-szu
46. a-wi-lam
47. ik-ki-ip-ma
48. usz-ta-mi-it
49. di-nu-um szu-u2
50. ru-gu-um-ma-am
51. u2-ul i-szu
@law 251
52. szum-ma# _gu4_ a-wi-lim
53. na-ak-ka#-pi2-[ma]
54. ki-ma na-ak-ka#-pu-u2
55. ba-ab-ta-szu
56. u2-sze-di-szum-ma
57. qar-ni-szu
58. la u2-szar-ri#-im
59. _gu4_-szu la u2-sa-an-ni-iq-ma
60. _gu4_ szu-u2
61. _dumu_ a#-wi-lim
62. ik#-ki#-ip-ma
63. usz#-[ta]-mi-it
64. 1/2(disz)# _[ma]-na ku3-babbar_
65. i#-[na]-ad-di-in
@law 252
66. [szum]-ma# _ARAD2_ a-wi-lim
67. 1/3(disz)# _[ma]-na ku3-babbar_
68. i#-na-ad-di-in
@law 253
69. szum#-ma a-wi-lum a-wi-lam
70. a-na pa-ni _a-sza3_-szu
71. u2-zu-uz-zi-im
72. i-gur-ma
73. _al# du3-a_-am
74. [i]-qi2-ip-szu
75. _[ab2] gu4 hi-a_ ip#-qi2-sum2
76. [a-na?] _a-sza3_ e-re-szi-im u2-ra-ak-ki-su2
77. szum#-ma a-wi-lum szu-u2
78. _sze numun_ u3 lu _sza3-gal_
79. isz-ri-iq-ma
80. i-na qa2-ti-szu
81. it-ta-as,-ba-at
82. _kiszib3-la2_-szu i-na-ak-ki-su
@law 254
83. szum-ma _al du3-a_-am
84. il-qe2-ma _ab2 gu4 hi-a_
85. u2-te-en-ni!-isz u2-te-en-gag-isz
86. ta-[asz?]-na _sze_ sza im-ri!-ru
87. i-ri-ab
@law 255
88. szum-ma _ab2 gu4 hi-a_
89. a-wi-lim a-na# ig-ri-im
90. it-ta-di-in
91. u3 lu _sze numun#_ isz-ri-iq-ma
92. i-na _a-sza3#_ la usz-tab-szi
93. a-wi-lam szu-a-ti
94. u2-ka-an-nu-szu-ma
95. i-na _buru14 1(bur3) GAN2_-e
96. 1(gesz2) _sze gur#_ i-ma-ad-da-ad
@law 256
97. szum-ma pi2-ha-su2
98. a-pa-lam la-i-le-i
99. i-na _a-sza3_ szu-a-ti i-na _ab2 gu4 hi-a_
100. im-ta-na-asz-sza-ru-szu
@law 257
101. szum-ma a-wi-lum
@column 22
1. _engar_ i-gur
2. 8(asz) _sze gur_
3. i-na _mu 1(disz)-kam_
4. i-na-ad-di-isz-szum
@law 258
5. szum-ma a-wi-lum
6. _sza3 gu4_ i-gur
7. 6(asz) _sze gur_
8. i-na _mu 1(disz)-kam_
9. i-na-ad-di-isz-szum
@law 259
10. szum-ma a-wi-lum
11. {gesz}APIN i-na _a-gar3_
12. isz-ri-iq
13. 5(disz) _gin2 ku3-babbar_
14. a-na be-el _{gesz}apin_
15. i-na-ad-di-in
@law 260
16. szum-ma _{gesz}apin tug2-gur10_
17. u3 lu _GAN2 ur3_
18. isz-ta-ri-iq
19. 3(disz) _gin2 ku3-babbar_
20. i-na-ad-di-in
@law 261
21. szum-ma a-wi-lum
22. _na-gada_ a-na _ab2 gu4 hi-a_
23. u3 _u8 udu hi-a_
24. re-im i-gur
25. 8(asz) _sze gur_
26. i-na _mu 1(disz)-kam_
27. i-na-ad-di-isz-szum
@law 262
28. szum-ma a-wi-lum
29. _gu4_ u3 lu _udu#_
30. a-na [...]
31. [...]
32. [...]
33. [...]
34. [...]
35. [...]
36. [...]
@law 263
37. szum-ma# [_gu4_] u3 lu [_udu_]
38. sza in-na-ad-nu-szum#
39. uh2-ta-al-li-[iq]
40. _gu4_ ki-ma [_gu4_]
41. _udu_ ki-ma [_udu_]
42. a-na be-li2-[szu-nu]
43. i-ri-a-[ab]
@law 264
44. szum-ma [_sipa_]
45. sza _ab2 gu4 [hi-a_]
46. u3 lu _u8 [udu hi-a_]
47. a-na re#-[im]
48. in-na-[ad]-nu#-szum#
49. _a2_-szu ga#-am#-ra-tim
50. ma-hi-ir
51. li-ib#-ba-szu t,a-ab
52. _ab2 gu4# hi-a_
53. us,-s,a-ah-hi-ir
54. _u8# udu hi-a_
55. us,-s,a-ah-hi-ir
56. ta-li-it-tam um-ta-t,i
57. a-na _ka_ ri-ik-sa-ti-szu
58. ta-li-it-tam
59. u3 bi-il-tam
60. i-na-ad-di-in
@law 265
61. szum-ma _sipa_
62. sza _ab2 gu4 hi-a_
63. u3 lu _u8 udu hi-a_
64. a-na re-im
65. in-na-ad-nu-szum
66. u2-sa-ar-ri-ir-ma
67. szi-im-tam ut-ta-ak-ki-ir
68. u3 a-na _ku3-babbar_
69. it-ta-di-in
70. u2-ka-an-nu-szu-ma
71. _a-ra2_ 1(u)-szu sza isz-ri-qu2
72. _ab2 gu4 hi-a_
73. u3 _u8 udu hi-a_
74. a-na be-li2-szu-nu
75. i-ri-a-ab
@law 266
76. szum-ma i-na _tur3_
77. li-pi2-it _dingir_ it-tab-szi
78. u3 lu _ur-mah_ id-du-uk _sipa_ ma-hi! _dingir_
79. u2-ub-ba-am-ma
80. mi-qi2-it-ti _tur3_
81. be-el _tur3_ i-mah-har-szu
@law 267
82. szum-ma _sipa_ i-_geme2_-ma
83. i-na _tur3_ pe2-sa2-tam usz-tab-szi
84. _sipa_ hi-t,i-it pe2-sa3-tim
85. sza i-na _tur3_ u2-sza-ab-szu-u2
86. _ab2 gu4 hi-a_ u3 _u8 udu hi-a_
87. u2-sza-lam-ma
88. a-na be-li2-szu-nu
89. i-na-ad-di-in
@law 268
90. szum-ma a-wi-lum _gu4_
91. a-na di-a-szi-im i-gur
92. 2(ban2) _sze a2_-szu
@law 269
93. szum-ma _ansze_
94. a-na di-a-szi-im i-gur
95. 1(ban2) _sze a2_-szu
@law 270
96. szum-ma _masz2_
97. a-na di-a-szi-im i-gur
98. 1(disz) _sila3 sze a2_-szu
@law 271
99. szum-ma a-wi-lum
100. _ab2 gu4 hi-a {gesz}mar-gid2-da_
101. u3 mu-ur2-te-di-sza i-gur
@column 23
1. i-na _u4 1(disz)-kam 3(barig) sze_
2. i-na-ad-di-in
@law 272
3. szum-ma a-wi-lum
4. _{gesz}mar-gid2-da_-ma
5. a-na ra-ma-ni-sza i-gur
6. i-na _u4 1(disz)-kam 4(ban2) sze_
7. i-na-ad-di-in
@law 273
8. szum-ma a-wi-lum
9. _{lu2}hun-ga2_ i-gur
10. isz-tu re-esz sza-at-tim
11. a-di ha-am-szi-im _iti_-im
12. 1(u) 2(disz) _sze ku3-babbar_
13. i-na _u4 1(disz)-kam_
14. i-na-ad-di-in
15. isz-tu szi-szi-im _iti_-im
16. a-di ta-aq-ti-da! sza-at-tim
17. 5(disz) _sze ku3-babbar_
18. i-na _u4 1(disz)-kam_
19. i-na-ad-di-in
@law 274
20. szum-ma a-wi-lum
21. _dumu um-mi-a_
22. i-ig-ga-ar#
23. _a2 {lu2}[hun-ga2?]_
24. 5(disz) _sze ku3#-babbar#_
25. _a2 {lu2}[tug2]-du8-a_
26. 5(disz) _[sze ku3]-babbar_
27. [_a2] {lu2#}gada_
28. [n(disz) _sze] ku3-babbar_
29. [_a2 bur]-gul_
30. [n(disz) _sze ku3]-babbar_
31. [_a2] zadim#?_
32. [n(disz) _sze ku3]-babbar_
33. [_a2] simug#_
34. [n(disz) _sze ku3]-babbar_
35. [_a2] nagar_
36. 5(disz)#? _sze ku3-babbar_
37. _a2 aszgab_
38. [n(disz)] _sze ku3-babbar_
39. _a2 ad-kup4_
40. [n(disz)] _sze ku3-babbar_
41. [_a2] szitim_
42. [n(disz) _sze ku3]-babbar_
43. [i-na _u4] 1(disz)-kam_
44. [i-na-ad]-di#-in
@law 275
45. [szum-ma a]-wi-lum
46. [...] i-gur
47. i-na _u4 1(disz)-kam_
48. 3(disz) _sze ku3-babbar a2_-szu
@law 276
49. szum-ma ma-hi-ir-tam i-gur
50. 1/2(disz) _sze ku3-babbar a2_-sza
51. i-na _u4 1(disz)-kam_
52. i-na-ad-di-in
@law 277
53. szum-ma a-wi-lum
54. _{gesz}ma2 1(gesz2) gur_ i-gur
55. i-na _u4 1(disz)-kam_
56. _igi 6(disz)-gal2 ku3-babbar a2_-sza
57. i-na-ad-di-in
@law 278
58. szum-ma a-wi-lum
59. _ARAD2 geme2_ i-sza-am-ma
60. _iti_-szu la im-la-ma
61. be2-en-ni e-li-szu
62. im-ta-qu2-ut a-na na-di-na-ni-szu
63. u2-ta-ar-ma
64. sza-a-a-ma-nu-um
65. _ku3-babbar_ isz-qu2-lu
66. i-le-qe2
@law 279
67. szum-ma a-wi-lum
68. _ARAD2 geme2_ i-sza-am-ma
69. ba-aq-ri ir-ta-szi
70. na-di-na-an-szu
71. ba-aq-ri i-ip-pa-al
@law 280
72. szum-ma a-wi-lum
73. i-na ma-at
74. nu-ku-ur2-tim
75. _ARAD2 geme2_ sza a-wi-lim
76. isz-ta-am
77. i-nu-ma
78. i-na li-ib-bu _kalam_
79. it-ta-al-kam-ma
80. be-el _ARAD2_ u3 lu _geme2_
81. lu _ARAD2_-su2 u3 lu _geme2_-su2
82. u2-te-ed-di
83. szum-ma _ARAD2_ u3 lu _geme2_ szu-nu
84. _dumu-mesz_ ma-tim
85. ba-lum _ku3-babbar_-ma
86. an-du-ra-ar-szu-nu
87. isz-sza-ak-ka-an
@law 281
88. szum-ma _dumu-mesz_ ma-tim sza-ni-tim
89. sza-a-a-ma-nu-ma
90. i-na ma-har i-lim
91. _ku3-babbar_ isz-lu!-lu
92. i-bi!-ab-bi-ma
93. be-el _ARAD2_ u3 lu _geme2_
94. _ku3-babbar_ isz-qu2-lu a-na _dam-gar3_
95. i-na-ad-di-in-ma
96. lu _ARAD2_-su2 lu _geme2_-su2 i-pa-ag!
@law 282
97. szum-ma _ARAD2_ a-na be-li2-szu
98. u2-ul be-li2 at-ta
99. iq-ta-bi
100. ki-ma _ARAD2_-su2
101. u2-ka-an-szu-ma
102. be-el-szu u2-zu-un-szu i-na-ak-ki-is
@column 24
@epilogue
1. di-na-a-at
2. mi-sza-ri-im
3. sza {disz}ha-am-mu-ra-pi2
4. szar-ru-um le-u2-um
5. u2-ki-in-nu-ma
6. ma-tam u2-sa-am ki-nam#
7. u3 ri-dam dam-qa2-am
8. u2-sza-as,-bi-tu
9. {disz}ha-am-mu-ra-pi2
10. szar-ru-um gi-it-ma-lum a-na-ku
11. a-na _sag-ge6_
12. sza {d}en-lil2 isz-ru-kam
13. re-u2-si2-na
14. {d}marduk i-din-nam
15. u2-ul e-gu
16. a-hi u2-ul ad-di
17. asz-ri szu-ul-mi-im
18. esz-te-i-szi-na-szim#
19. pu-usz-qi2 wa-asz-t,u2-tim
20. u2-pe#-et-ti
21. nu-ra-am u2-sze-s,i-szi-na-szi-im
22. i-na _{gesz}tukul_ da-an-nim
23. sza {d}za-ba4-ba4
24. u3 {d}inanna
25. u2-sza-at-li-mu-nim
26. i-na _igi-gal2_
27. sza {d}en-ki i-szi-ma-am
28. i-na le-u2-tim
29. sza {d}marduk id-di-nam
30. na-ak-ri e-li-isz
31. u3 sza-ap-li-isz as-su2-uh2
32. qa2-ab-la-tim u2-be2-el-li
33. szi-ir ma-tim
34. u2-t,i3-ib
35. ni-szi da-ad-mi
36. a-bu-ur2-ri
37. u2-szar-bi2-is,
38. mu-gal-li-tam
39. u2-ul u2-szar-szi-szi-na-ti
40. _dingir gal-gal_
41. ib-bu-u2-nin-ni-ma
42. a-na-ku-ma
43. _sipa_ mu-sza-al-li-mu-um
44. sza _{gesz}gidri_-szu
45. i-sza-ra-at
46. s,i-li2 t,a-bu-um
47. a-na _iri_-ia
48. ta-ri-is,
49. i-na ut-li-ia
50. ni-szi _kalam_ szu-me-ri2-im
51. u3 ak-ka-di-im
52. u2-ki-il
53. i-na la-ma-si2-ia
54. ih-hi-sza
55. i-na szu-ul-mi-im
56. at-tab-ba-al-szi-na-ti
57. i-na ne-me-qi2-ia
58. usz-tap-zi2-ir-szi-na-ti
59. dan-nu-um en-sza-am
60. a-na la ha-ba-lim
61. _nu-siki nu-mu-su_
62. szu-te-szu-ri-im
63. i-na babila{ki}
64. _iri_ sza an u3 {d}en-lil2
65. re-szi-szu
66. u2-ul#-lu-u2
67. i-na e2-sag-il2
68. _e2_ sza ki-ma sza-me-e
69. u3 er-s,e-tim _suhusz_-szu ki-na
70. di-in ma-tim a-na di-a-nim
71. pu-ru-se2-e ma-tim
72. a-na pa-ra-si-im
73. ha-ab-lim szu-te-szu-ri-im
74. a-wa-ti-ia szu-qu2-ra-tim
75. i-na _na-ru_-ia asz-t,ur-ma
76. i-na ma-har _alan_-ia
77. _lugal_ mi-sza-ri-im
78. u2-ki-in
79. _lugal_ sza in _lugal_-ri2
80. szu-tu-ru a-na-ku
81. a-wa-tu-u2-a na-as2-qa2
82. le-u2-ti sza-ni-nam
83. u2-ul i-szu
84. i-na qi2-bi-it {d}utu
85. da-a-a-nim ra-bi-im
86. sza _an_ u3 _ki_
87. mi-sza-ri i-na _kalam_
88. li-isz-te-pi2
89. i-na a-wa-at
90. {d}marduk be-li2-ia
91. u2-s,u2-ra-tu-u2-a
92. mu-sza-si2-kam# a-ir-szi-a
93. i-na e2-sag-il2
94. sza a-ra-am-mu szu-mi i-na da-mi-iq-tim
@column 25
1. a-na da-ar
2. li-iz-za-ki-ir
3. a-wi-lum ha-ab-lum
4. sza a-wa-tam
5. i-ra-asz-szu-u2
6. a-na ma-ha-ar _alan_-ia
7. _lugal_ mi-sza-ri-im
8. li-il-li-ik-ma
9. _na-ru_-i
10. sza-at,-ra-am
11. li-isz-ta-as2-si-ma
12. a-wa-ti-ia
13. szu-qu2-ra-tim
14. li-isz-me-ma
15. _na-ru_-i a-wa-tam
16. li-kal2-lim-szu
17. di-in-szu li-mu-ur2
18. li-ib-ba-szu
19. li#-na#-ap-pi2-isz-ma
20. {disz}ha-am-mu-ra-pi2-mi
21. be-lum sza ki-ma a-bi-im
22. wa-li-di-im
23. a-na ni-szi
24. i-ba-asz-szu-u2
25. a-na a-wa-at
26. {d}marduk be-li2-szu
27. usz-ta-ak-ti-it-ma
28. ir-ni-ti {d}marduk
29. e-li-isz
30. u3 sza-ap-li-isz
31. ik-szu-u4
32. li-ib-bi {d}marduk
33. be-li2-szu u2-t,i3-ib
34. u3 szi-ra-am t,a-ba-am
35. a-na ni-szi
36. a-na da-ar i-szi-im
37. u3 ma-tam
38. usz-te-sze-er
39. a2-ni-tam
40. li-iq-bi-ma
41. i-na ma-har
42. {d}marduk be-li2-ia
43. {d}s,ar-pa-ni-tum
44. be-el-ti-ia
45. i-na li-ib-bi-szu
46. ga-am-ri-im
47. li-ik-ru-ba-am
48. sze-du-um la-ma-sum2
49. _dingir dingir_ e-ri-bu-ut
50. e2-sag-il2
51. _sig4_ e2-sag-il2
52. i-gi-ir-re-e
53. u4-mi-sza-am
54. i-na ma-har
55. {d}marduk be-li2-ia
56. {d}s,ar-pa-ni-tum
57. be-el-ti-ia
58. li-dam-mi-qu2
59. a-na wa-ar-ki-a-at
60. _u4_-mi
61. a-na ma-ti-ma
62. _lugal_ sza i-na _kalam_
63. ib-ba-asz-szu-u2
64. a-wa-a-at
65. mi-sza-ri-im
66. sza i-na _na-ru_-ia
67. asz-t,u2-ru li-s,ur
68. di-in ma-tim
69. sza a-di-nu
70. pu-ru-se2-e _kalam_
71. sza ap-ru-su
72. a u2-na-ak-ki-ir
73. u2-s,u2-ra-ti-ia
74. a u2-sza-si2-ik
75. szum-ma a-wi-lum szu-u2
76. ta-szi-im-tam i-szu-ma
77. ma-su2 szu-te-szu-ra-am i-le-i
78. a-na a-wa-a-tim
79. sza i-na _na-ru_-ia asz-t,u2-ru li-qul2-ma
80. ki-ib-sa-am ri-dam
81. di-in _kalam_ sza a-di-nu
82. pu-ru-se2-e _kalam_
83. sza ap-ru-su
84. _na-ru_-um szu-u2
85. li-kal2-lim-szu-ma
86. s,a-al-ma-at qa2-qa2-di-szu
87. li-isz-te-sze-er
88. di-in-szi-na li-di-in
89. pu-ru-sa3-szi-na
90. li-ip-ru-us2
91. i-na ma-ti-szu ra-ga-am
92. u3 s,e-nam li-su2-uh2
93. szi-ir ni-szi-szu
94. li-t,i-ib
95. {disz}ha-am-mu-ra-pi2
96. _lugal_ mi-sza-ri-im
97. sza {d}utu ki-na-tim
98. isz-ru-ku-szum a-na-ku
99. a-wa-tu-u2-a na-as2-qa2
100. ep-sze-tu-u2-a
101. sza-ni-nam
102. u2-ul i-sza-a
103. e-la a-na la ha-si2-im
104. ri-qa2
105. a-na em-qi2-im
@column 26
1. a-na ta-na-da-tim szu-s,a-a
2. szum-ma a-wi-lum szu-u2
3. a-na a-wa-ti-ia
4. sza i-na _na-ru_-ia asz-t,u2-ru
5. i-qul2-ma
6. di-ni la u2-sza-as-si2-ik
7. a-wa-ti-ia
8. la usz-te-pe-el
9. u2-s,u2-ra-ti-ia
10. la u2-na-ki-ir
11. a-wi-lum szu-u2
12. ki-ma ia-ti
13. _lugal_ mi-sza-ri-im
14. {d}utu _{gesz}gidri_-szu
15. li-ir-ri-ik
16. ni-szi-szu
17. i-na mi-sza-ri-im li-re
18. szum-ma a-wi-lum szu-u2
19. <a-na> a-wa-ti-ia
20. sza i-na _na-ru_-ia
21. asz-t,u2-ru
22. la i-qul2-ma
23. er-re-ti-ia
24. i-me-esz-ma
25. er-re-et i3-li2
26. la i-dur-ma
27. di-in a-di-nu
28. up-ta-as-si2-is
29. a-wa-ti-ia
30. usz-te-pe-el
31. u2-s,u2-ra-ti-ia
32. ut-ta-ak-ki-ir
33. szu-mi sza-at-ra-am
34. ip-szi-it,-ma
35. szum-szu isz-ta-t,ar2
36. asz-szum er-re-szum! szi-na-ti
37. sza-ni-a-am-ma
38. usz-ta-hi-iz
39. a-wi-lum szu-u2
40. lu _lugal_
41. lu _en_
42. lu _ensi2_
43. u3 lu a-wi-lu-tum
44. sza szu-ma-am na-bi-a-at
45. AN ra-bu-um
46. a-bu i3-li2
47. na-bu-u2 _bala_-ia
48. _me-lam2_ szar-ru-tim
49. li-t,e4-er-szu
50. _{gesz}gidri_-szu
51. li-isz-bi-ir
52. szi-ma-ti-szu li-ru-ur
53. {d}en-lil2 be-lum
54. mu-szi-im szi-ma-tim
55. sza qi2-bi2-su2
56. la ut-ta-ka-ru
57. mu-szar-bu-u3
58. szar-ru-ti-ia
59. te-szi la szu-up-pi2-im
60. ga-ba-ra-ah
61. ha-la-qi2-szu
62. i-na szu-ub-ti-szu
63. li-sza-ab!-bi!-ha-asz-szum
64. _bala_ ta-ne-hi-im
65. _u4_-mi i-s,u2-tim
66. sza-na-a-at
67. hu-sza-ah-hi-im
68. ek-le-et
69. la na-wa-ri-im
70. mu-ut ni-t,i-il i-nim
71. a-na szi-im-tim
72. li-szi-im-szum
73. ha-la-aq _iri_-szu
74. na-as2-pu-uh2 ni-szi-szu
75. szar-ru-su2 szu-pe2-lam
76. szum-szu u3 zi-kir-szu
77. i-na ma-tim
78. la szu-ub-sza-a-am
79. i-na _ka_-szu kab-tim
80. li-iq-bi
81. {d}nin-lil2
82. _ama_ ra-bi2-tum
83. sza qi2-bi2-sa3
84. i-na e2-kur kab-ta-at
85. _nin_ mu-dam-mi-qa2-at
86. i-gi-ir-re-ia
87. a-szar szi-ip-t,i-im
88. u3 pu-ru-se2-em
89. i-na ma-har {d}en-lil2
90. a-wa-su2 li-le-mi-in
91. szu-ul-pu-ut ma-ti-szu
92. ha-la-aq ni-szi-szu
93. ta-ba-ak na-pisz-ti-szu
94. ki-ma me-e
95. i-na _ka_ {d}en-lil2
96. szar-ri-im
97. li-sza-asz-ki-in
98. {d}en-ki _nun_ ra-bi-um
99. sza szi-ma-tu-szu
100. i-na mah-ra i-la-ka
101. _abgal_ i3-li2
102. mu-de mi-im-ma szum-szu
103. mu-sza-ri-ku
@column 27
1. _u4_-um ba-la-t,i-ia
2. uz-nam
3. u3 ne-me-qam
4. li-t,e4-er-szu-ma
5. i-na mi-szi-tim
6. li-it-ta-ar-ru-szu
7. _i7-i7_-szu
8. i-na na-ag-bi-im
9. li-is-ki-ir
10. i-na er-s,e-ti-szu
11. {d}asznan
12. na-pi2-isz-ti ni-szi
13. a u2-sza-ab-szi
14. {d}utu da-a-a-nu-um ra-bi-um
15. sza sza-me-e
16. u3 er-s,e-tim
17. mu-usz-te-sze-er
18. sza-ak-na-at na-pi2-isz-tim
19. be-lum tu-kul2-ti
20. szar-ru-su2 li-is-ki-ip
21. di-in-szu
22. a i-di-in
23. u2-ru-uh2-szu li-szi
24. _DU_ um-ma-ni-szu
25. li-isz-he-el-s,i2
26. i-na bi-ri-szu
27. _uzu_ lem-nam
28. sza na-sa-ah
29. _suhusz_ szar-ru-ti-szu
30. u3 ha-la-aq ma-ti-szu li-isz-ku-un-szum
31. a-wa-tum ma-ru-usz-tum
32. sza {d}utu ar-hi-isz
33. li-ik-szu-su2
34. e-li-isz
35. i-na ba-al#-t,u2-tim
36. li-is-su2-uh2-szu
37. sza-ap-li-isz
38. i-na er-s,e-tim
39. _udug-udug_-szu
40. me-e li-sza-az-mi
41. {d}suen be-el sza-me-e
42. _dingir_ ba-ni
43. sza sze-re-su2
44. i-na i3-li2 szu-pa-a-at
45. _aga {gesz}gu-za_ sza szar-ru-tim
46. li-t,e4-er-szu
47. ar-nam kab-tam
48. sze-re-su2 ra-bi-tam
49. sza i-na zu-um-ri-szu
50. la i-hal-li-qu2
51. li-mu-su2-ma
52. _u4_-mi _iti-iti_
53. sza-na-a-at _bala_-szu
54. i-na ta-ne-hi-im
55. u3 di-im-ma-tim
56. li-sza-aq-ti
57. kam-ma-al szar-ru-tim
58. li-sza-at,-t,i-il-szu
59. ba-la-t,am
60. sza it-ti mu-tim
61. szi-ta-an-nu
62. a-na szi-im-tim
63. li-szi-im-szum
64. {d}iszkur be-el _he2-gal2_
65. _gu2-gal_ sza-me-e
66. u3 er-s,e-tim
67. re-s,u2-u2-a
68. zu-ni i-na sza-me-e
69. mi-lam
70. i-na na-ag-bi-im
71. li-t,e4-er-szu
72. ma-su2
73. i-na hu-sza-ah-hi-im
74. u3 bu-bu-tim
75. li-hal-li-iq
76. e-li _iri_-szu
77. ez-zi-isz
78. li-is-si-ma
79. ma-su2 a-na _du6_ a-bu-bi-im
80. li-te-er
81. {d}za-ba4-ba4
82. qar-ra-du-um ra-bi-um
83. _dumu_ re-esz-tu-um
84. sza e2-kur
85. a-li-ku im-ni-ia
86. a-szar tam2-ha-ri-im
87. _{gesz}tukul_-szu li-isz-bi-ir
88. u4-ma-am a-na mu-szi-im
89. li-te-er-szum-ma
90. na-ki-ir-szu e-li-szu
91. li-isz-zi-iz
92. {d}inanna be-le-et
93. _me6_ u3 _szen-szen_
94. pa-ti-a-at
95. _{gesz}tukul#_-ia
96. la-ma-si2
97. da-mi-iq-tum
98. ra-i-ma-at _bala_-ia
99. i-na li-ib-bi-sza
100. ag-gi-im
101. i-na uz-za-ti-sza
102. ra-bi2-a-tim
103. szar-ru-su2 li-ru-ur
104. dam-qa2-ti-szu
105. a-na le-em-ne-tim
106. li-te-er
@column 28
1. li-te-er
# sic
2. a-szar _me6_ u3 _szen-szen_
3. _{gesz}tukul_-szu
4. li-isz-bi#-ir
5. i-szi-tam
6. sa3-ah-ma-asz-tam
7. li-isz-ku-un-szum
8. qar-ra-di-szu
9. li-sza-am-qi2-it
10. da-mi-szu-nu
11. er-s,e-tam li-isz-qi2
12. gu-ru-un
13. sza-al-ma-at
14. um-ma-na-ti-szu
15. i-na s,e-ri-im
16. li-it-ta-ad-di
17. _erin2_-szu-ma? re-ma-am
18. a-i u2-szar-szi
19. szu-a-ti
20. a-na qa2-at na-ak-ri-szu
21. li-ma-al-li-szu-ma
22. a-na ma-at nu-ku-ur2-ti-szu
23. ka-mi-isz li-ru-szu
24. {d}ne3-eri11-gal
25. dan-nu-um i-na i3-li2
26. qa2-ba-al la ma-ha-ar
27. mu-sza-ak-szi-du
28. ir-ni-ti-ia
29. i-na ka-szu-szi-szu
30. ra-bi-im
31. ki-ma i-sza-tim
32. ez-ze-tim sza a-pi2-im
33. ni-szi-szu
34. li-iq-me
35. in _{gesz}tukul_-szu dan-nim
36. li-sza-ti-szu-ma
37. bi-ni-a-ti-szu
38. ki-ma s,a-lam t,i-t,i-im
39. li-ih-bu-usz
40. {d}nin-tu
41. _nin_ s,i-ir-tum
42. sza ma-ta-tim
43. _ama_ ba-ni-ti
44. _ibila_ li-t,e4-re-szu-ma
45. szu-ma-am
46. a u2-szar-szi-szu
47. i-na qer-bi-it ni-szi-szu
48. _numun_ a-wi-lu-tim
49. a ib-ni
50. {d}nin-kar-ra-ak
51. _dumu-munus an_-nim
52. qa2-bi-a-at
53. dum-qi2-ia
54. i-na e2-kur
55. mur-s,a-am kab-tam
56. _a2-sag3_ le-em-nam
57. si2-im-ma-am mar-s,a-am
58. sza la i-pa-asz-sze-hu
59. _a-zu!_ qe2-re-eb-szu
60. la i-lam-ma-du
61. i-na s,i2-im-di
62. la u2-na-ah-hu-szu
63. ki-ma ni-szi-ik mu-tim la in-na-sa3-hu
64. i-na bi-ni-a-ti-szu
65. li-sza-s,i-asz-szum-ma
66. a-di na-pi2-isz-ta-szu
67. i-be2-el-lu-u2
68. a-na et,-lu-ti-szu
69. li-da!-dam-ma-am
70. _dingir gal-gal_
71. sza sza-me-e
72. u3 er-s,e-tim
73. {d}a-nun-na
74. i-na _|SZU+LAGAB|_-szu-nu
75. sze-ed bi-tim
76. _sig4_ e2-babbar-ra
77. szu-a-ti
78. _numun_-szu
79. ma-su2 _erin2_-szu
80. ni-szi-szu
81. u3 um-ma-an-szu
82. er-re-tam
83. ma-ru-usz-tam li-ru-ru
84. er-re-tim
85. da!-ni-a-tim
86. {d}en-lil2
87. i-na _ka_-szu
88. sza la ut-ta-ak-ka-ru
89. li-ru-ur-szu-ma
90. ar-hi-isz
91. li-ik-szu-da-szu

2016-08-30 14:40:00, entered by englund for englund
&P249253 = RIME 4.03.06.add21, ex. 01
#atf: lang akk
@object stele
@surface a
@column 1
@prologue
1. i3-nu an s,i-ru-um
2. _lugal_ {d}a-nun-na-ki
3. {d}en-lil2
4. be-el sza-me-e
5. u3 er-s,e-tim
6. sza-i-im
7. szi-ma-at _kalam_
8. a-na {d}marduk
9. _dumu_ re-esz-ti-im
10. sza {d}en-ki
11. {d}en-lil2-ut
12. kisz ni-szi3
13. i-szi-mu-szum
14. in i-gi4-gi4
15. u2-szar-bi2-u3-szu
16. babila{ki}
17. szum-szu s,i-ra-am ib-bi-u3
18. in ki-ib-ra-tim
19. u2-sza-t,e4-ru-szu
20. i-na li-ib-bi-szu
21. szar-ru-tam da-ri2-tam
22. sza ki-ma sza-me-e
23. u3 er-s,e-tim
24. isz-da-sza
25. szu-ur2-szu-da
26. u2-ki-in-nu-szum
27. i-nu-mi-szu
28. {disz}ha-am-mu-ra-pi2
29. ru-ba-am
30. na-a'-dam
31. pa-li-ih i3-li2 ia-ti
32. mi-sza-ra-am
33. i-na ma-tim
34. a-na szu-pi2-i-im
35. ra-ga-am u3 s,e-nam
36. a-na hu-ul-lu-qi2-im
37. dan-nu-um
38. en-sza-am
39. a-na la ha-ba-li-im
40. ki-ma {d}utu
41. a-na _sag-ge6_
42. wa-s,e-e-em-ma
43. ma-tim
44. nu-wu-ri-im
45. an
46. u3 {d}en-lil2
47. a-na szi-ir ni-szi
48. t,u2-ub-bi-im
49. szu-mi ib-bu-u2
50. {disz}ha-am-mu-ra-pi2
51. re-iu-um
52. ni-bi-it
53. {d}en-lil2 a-na-ku
54. mu-kam-me-er
55. nu-uh2-szi-im
56. u3 t,u2-uh2-di-im
57. mu-sza-ak-li-il
58. mi-im-ma szum-szu
59. a-na nibru{ki} _dur-an-ki_
60. za-ni-nu-um
61. na-a'-du-um
62. sza e2-kur
63. _lugal_ le-iu-um
64. mu-te-er {iri}eridu{ki}
65. a-na asz-ri-szu
66. mu-ub-bi-ib
@column 2
1. szu-luh e2-abzu
2. ti-i-ib
3. ki-ib-ra-at
4. er-be2-tim
5. mu-szar-bi2 zi-ik-ru
6. babila{ki}
7. mu-t,i3-ib
8. li-ib-bi {d}marduk
9. be-li2-szu
10. sza u4-mi-szu
11. iz-za-zu
12. a-na e2-sag-il2
13. _numun_ szar-ru-tim
14. sza {d}suen
15. ib-ni-u3-szu
16. mu-na-ah-hi-isz
17. {iri}uri5{ki}
18. wa-asz-ru-um
19. mu-usz-te-mi-qum
20. ba-bil2 _he2-gal2_
21. a-na e2-kisz-nu-gal2
22. _lugal_ ta-szi-im-tim
23. sze-mu {d}utu da-num2
24. mu-ki-in
25. _suhusz_ zimbir{ki}
26. mu-sza-al-bi-isz
27. wa-ar-qi2-im
28. gi-gu-ne-e {d}a-a
29. mu-s,i-ir
30. e2-babbar
31. sza ki szu-ba-at sza-ma-i
32. _ur-sag_ ga#-mi-il
33. larsa{ki}
34. mu-u4-di-isz e2-babbar
35. a-na {d}utu
36. re-s,i-szu
37. be-lum mu-ba-li2-it,
38. unu{ki}
39. sza-ki-in me-e
40. nu-uh2-szi-im
41. a-na ni-szi-szu
42. mu-ul-li
43. re-esz e2-an-na
44. mu-kam-me-er
45. hi-is,-bi-im
46. a-na _an_-nim
47. u3 {d}inanna
48. _an-dul3_ ma-tim
49. mu-pa-ah-hi-ir
50. ni-szi sa6-ap-ha-tim
51. sza i3-si-in{ki}
52. mu-t,a-ah-hi-id
53. nu-uh2-szi-im
54. _e2_ e2-gal-mah
55. _uszumgal lugal_-ri2
56. ta-li-im
57. {d}za-ba4-ba4
58. mu-szar-szi-id
59. szu-ba-at {iri}kisz{ki}
60. mu-usz-ta-as2-hi-ir
61. me-le-em-mi
62. e2-me-te-ur-sag
63. mu-usz-te-es,-bi
64. pa-ar-s,i2 ra-bu-u2-tim
65. sza {d}inanna
66. pa-qi2-id bi-tim
67. hur-sag-kalam-ma
68. sa-par4 na-ki-ri
69. sza {d}er3-ra ru-szu
70. u2-sza-ak-szi-du
@column 3
1. ni-iz-ma-su2
2. mu-sza-te-er
3. {iri}gu2-du8-a{ki}
4. mu-ra-ap-pi2-isz
5. mi-im-ma szum-szu
6. ana mes-lam
7. ri-mu-um
8. ka-ad-ru-um
9. mu-na-ak-ki-ip za-i-ri
10. na-ra-am {d}tu-tu
11. mu-ri-isz
12. {iri}bar-si2-pa2{ki}
13. na-a'-du-um
14. la mu-up-pa-ar-ku-u2-um
15. a-na e2-zi-da
16. i-lu _lugal_-ri2
17. mu-de _igi-gal2_-im
18. mu-sza-ad-di-il
19. me-re-esz-tim
20. sza dil-bat{ki}
21. mu-ga-ar-ri-in _guru7-guru7_
22. a-na {d}urasz
23. ga-asz-ri-im
24. be-lum si2-ma-at
25. ha-at,-t,i-im
26. u3 a-ge-em
27. sza u2-sza-ak-li-lu-szu
28. e-ri-isz-tum
29. {d}ma-ma
30. mu-ki-in
31. u2-s,u2-ra-tim
32. sza kesz3{ki}
33. mu-de-esz-szi
34. ma-ka-li el-lu-tim
35. a-na {d}nin-tu
36. mu-usz-ta-lum
37. gi-it-ma-lum
38. sza-i-im
39. mi-ri-tim
40. u3 ma-asz-qi2-tim
41. a-na lagasz{ki}
42. u3 gir2-su{ki}
43. mu-ki-il
44. ni-in-da-be2-e
45. ra-bu-tim
46. a-na e2-ninnu
47. mu-tam-me-eh a-a-bi
48. mi-gi4-ir
49. te-li-tim
50. mu-sza-ak-li-il
51. te-re-tim
52. sza zabala2{ki}
53. mu-ha-ad-di
54. li-ib-bi {d}esz18-dar
55. ru-bu-um el-lum
56. sza ni-isz qa2-ti-szu
57. {d}iszkur i-du-u2
58. mu-ne-eh
59. li-ib-bi {d}iszkur
60. gu2-ra-di-im
61. i-na {iri}im{ki}
62. mu-usz-ta-ak-ki-in
63. si2-ma-tim
64. i-na e2-u4-gal-gal
65. _lugal_ na-di-in
66. na-pi2-isz-tim
67. a-na adab{ki}
68. a-sze-er
69. _e2_ e2-mah
70. e-te-el _lugal_-ri2
71. qa2-ba-al
72. la ma-ha-ri-im
@column 4
1. szu i-qi2-szu
2. na-ap-sza-tam
3. a-na {iri}masz-gan-szabra{ki}
4. mu-sze-esz-qi2
5. nu-uh2-szi-im
6. a-na _mes-lam_
7. em-qum
8. mu-tab-bi-lum
9. szu ik-szu-du
10. na-ga-ab ur2-szi-im
11. mu-usz-pa-az-zi-ir
12. ni-szi ma3-al-nag-a {ki}
13. in ka-ra-szi-im
14. mu-szar-szi-du
15. szu-ba-ti-szi-in
16. in nu-uh2-szi-in
17. a-na {d}en-ki
18. u3 {d}dam-gal-nun-na
19. mu-szar-bu-u2
20. szar-ru-ti-szu
21. da-ri2-isz i-szi-mu
22. zi-bi el-lu-tim
23. a-sza-re-ed _lugal_-ri2
24. mu-ka-an-ni-isz
25. da-ad-mi
26. {i7}buranun-na
27. i3-tum {d}da-gan
28. ba-ni-szu
29. szu ig-mi-lu
30. ni-szi me-ra{ki}
31. u3 tu-tu-ul{ki}
32. ru-bu-um
33. na-a'-du-um
34. mu-na-wi-ir
35. pa-ni {d}tiszpak
36. sza-ki-in ma-ka-li el-lu-tim
37. a-na {d}nin-a-zu
38. sza-t,i3-ip ni-szi-szu
39. in pu-usz-qi2-im
40. mu-ki-in-nu
41. isz-di-szi-in
42. qer-bu-um
43. babila{ki}
44. szu-ul-ma-ni-isz
45. _sipa_ ni-szi3
46. sza ep-sze-tu-szu
47. e-li {d}esz18-dar t,a-ba
48. mu-ki-in-ni {d}esz18-dar
49. i-na e2-ul-masz
50. qer-bu-um
51. a-ga-de3{ki}
52. re-bi-tim
53. mu-sze-pi2 ki-na-tim
54. mu-szu-sze-er am-mi
55. mu-te-er
56. {d}lamma-szu
57. da-mi-iq-tim
58. a-na {iri}a-szur4{ki}
59. mu-sze-ep-pi2 na-bi-hi
60. _lugal_ sza i-na ni-nu-a{ki}
61. i-na e2-mes-mes
62. u2-szu-pi2-u3
63. me-e {d}inanna
64. na-a'-du-um
65. mu-usz-te-mi-qum
66. a-na _dingir gal-gal_
67. li-ip-li-pi2
68. sza {disz}su-mu-la-il3
69. _ibila_ da-num2
70. sza {disz}{d}suen-mu-ba-li2-it,
@column 5
1. _numun_ da-ri2-um
2. sza szar-ru-tim
3. _lugal_ da-num2
4. {d}utu-szu
5. babila{ki}
6. mu-sze-s,i2 nu-ri-im
7. a-na ma-at
8. szu-me-ri2-im
9. u3 ak-ka-di-im
10. _lugal_ mu-usz-te-esz-mi
11. ki-ib-ra-at
12. ar-ba-im
13. mi-gi4-ir {d}inanna a-na-ku
14. i-nu-ma
15. {d}marduk
16. a-na szu-te-szu-ur ni-szi
17. _kalam_ u2-si-[im]
18. szu-hu-zi-im
19. u2-wa-e-ra-an-ni
20. ki-it-tam
21. u3 mi-sza-ra-am
22. i-na _ka_ ma-tim
23. asz-ku-un
24. szi-ir ni-szi u2-t,i-ib
25. i-nu-mi-szu
@law 1
26. szum-ma a-wi-lum a-wi-lam
27. u2-ub-bi-ir-ma
28. ne-er-tam e-li-szu
29. id-di-ma
30. la uk-ti-in-szu
31. mu-ub-bi-ir-szu
32. id-da-ak
@law 2
33. szum-ma a-wi-lum
34. ki-isz-pi2
35. e-li a-wi-lim id-di-ma
36. la uk-ti-in-szu
37. sza e-li-szu
38. ki-isz-pu na-du-u2
39. a-na {d}i7
40. i-il-la-ak
41. {d}i7 i-sza-al-li-a-am-ma
42. szum-ma {d}i7
43. ik-ta-sza-su2
44. mu-ub-bi-ir-szu
45. _e2_-su2 i-tab-ba-al
46. szum#-ma a-wi-lam szu-a-ti
47. {d}i7
48. u2-te-eb-bi-ba-asz-szu-ma
49. isz-ta-al-ma-am
50. sza e-li-szu
51. ki-isz-pi2 id-du-u2
52. id-da-ak
53. sza {d}i7
54. isz-li-a-am
55. _e2_ mu-ub-bi-ri-szu
56. i-tab-ba-al
@law 3
57. szum-ma a-wi-lum
58. i-na di-nim
59. a-na szi-bu-ut
60. sa3-ar-ra-tim
61. u2-s,i-a-am-ma
62. a-wa-at iq-bu-u2
63. la uk-ti-in
64. szum-ma di-nu-um szu-u2
65. di-in na-pi2-isz-tim
66. a-wi-lum szu-u2
67. id-da-ak
@law 4
68. szum-ma a-na szi-bu-ut
@column 6
1. _sze_ u3 _ku3-babbar_
2. u2-s,i-a-am
3. a-ra-an
4. di-nim szu-a-ti
5. it-ta-na-asz-szi
@law 5
6. szum-ma da-a-a-nu-um
7. di-nam i-di-in
8. pu-ru-sa2-am
9. ip-ru-us2
10. ku-nu-uk-kam
11. u2-sze-zi-ib
12. wa-ar-ka-nu-um-ma
13. di-in-szu i-te-ni
14. da-a-a-nam szu-a-ti
15. i-na di-in i-di-nu
16. e-ne-em
17. u2-ka-an-nu-szu-ma
18. ru-gu-um-ma-am
19. sza i-na di-nim szu-a-ti
20. ib-ba-asz-szu-u2
21. _a-ra2_ 1(u) 2(disz)-szu
22. i-na-ad-di-in
23. u3 i-na pu-uh2-ri-im
24. i-na _{gesz}gu-za_
25. da-a-a-nu-ti-szu
26. u2-sze-et-bu-u2-szu-ma
27. u2-ul i-ta-ar-ma
28. it-ti da-a-a-ni
29. i-na di-nim
30. u2-ul usz-ta-ab
@law 6
31. szum-ma a-wi-lum
32. _nig2-gur11 dingir_
33. u3 _e2-gal_
34. isz-ri-iq
35. a-wi-lum szu-u2
36. id-da-ak
37. u3 sza szu-ur2-qa2-am
38. i-na qa2-ti-szu
39. im-hu-ru
40. id-da-ak
@law 7
41. szum#-ma a-wi-lum
42. lu _ku3-babbar_
43. lu _ku3-sig17_
44. lu _ARAD2_ lu _geme2_
45. lu _gu4_ lu _udu_
46. lu _ansze_
47. u3 lu mi-im-ma szum-szu
48. i-na qa2-at _dumu_ a-wi-lim
49. u3 lu _ARAD2_ a-wi-lim
50. ba-lum szi-bi
51. u3 ri-ik-sa-tim
52. isz-ta-am
53. u3 lu a-na ma-s,a-ru-tim
54. im-hu-ur
55. a-wi-lum szu-u2
56. szar-ra-aq id-da-ak
@law 8
57. szum-ma a-wi-lum
58. lu _gu4_ lu _udu_ lu _ansze_ lu _szah2_
59. u3 lu _{gesz}ma2_
60. isz-ri-iq
61. szum-ma sza i-lim
62. szum-ma sza _e2-gal_
63. _a-ra2_ 3(u)-szu
64. i-na-ad-di-in
65. szum-ma sza _|MASZ.EN.GAG|_
66. _a-ra2_ 1(u)-szu i-ri-a-ab
67. szum-ma szar-ra-qa2-nu-um
68. sza na-da-nim la i-szu
69. id-da-ak
@law 9
70. szum-ma a-wi-lum
@column 7
1. sza mi-im-mu-szu hal-qu2
2. mi-im-ma-szu
3. hal-qa2-am
4. i-na qa2-ti a-wi-lim
5. is,-s,a-ba-at
6. a-wi-lum sza hu-ul-qum
7. i-na qa2-ti-szu
8. s,a-ab-tu
9. na-di-na-nu-um-mi id-di-nam
10. ma-har szi-bi-mi
11. a-sza-am
12. iq-ta-bi
13. u3 be-el hu-ul-qi2-im
14. szi-bi mu-de
15. hu-ul-qi2-ia-mi
16. lu-ub-lam
17. iq-ta-bi
18. sza-a-a-ma-nu-um
19. na-di-in
20. id-di-nu-szum
21. u3 szi-bi
22. sza i-na mah-ri-szu-nu
23. i-sza-mu it-ba-lam
24. u3 be-el hu-ul-qi2-im
25. szi-bi mu-de hu-ul-qi2-szu
26. it-ba-lam
27. da-a-a-nu
28. a-wa-a-ti-szu-nu
29. i-im-ma-ru-ma
30. szi-bu sza mah-ri-szu-nu
31. szi-mu-um
32. isz-sza-mu
33. u3 szi-bu mu-de
34. hu-ul-qi2-im
35. mu-du-su2-nu
36. ma-har i-lim
37. i-qa2-ab-bu-ma
38. na-di-na-nu-um
39. szar-ra-aq id-da-ak
40. be-el hu-ul-qi2-im
41. hu-lu-uq-szu
42. i-le-qe2
43. sza-a-a-ma-nu-um
44. a-na bi-it
45. na-di-na-nim
46. _ku3-babbar_ isz-qu2-lu
47. i-le-qe2
@law 10
48. szum-ma sza-a-a-ma-nu-um
49. na-di-in
50. id-di-nu-szum
51. u3 szi-bi sza i-na mah-ri-szu-nu
52. i-sza-mu
53. la it-ba-lam
54. be-el hu-ul-qi2-im-ma
55. szi-bi mu-de
56. hu-ul-qi2-szu it-ba-lam
57. sza-a-a-ma-nu-um
58. szar-ra-aq id-da-ak
59. be-el hu-ul-qi2-im
60. hu-lu-uq-szu
61. i-le-qe2
@law 11
62. szum-ma be-el hu-ul-qi2-im
63. szi-bi mu-de
64. hu-ul-qi2-szu
65. la it-ba-lam
@column 8
1. sa3-ar
2. tu-usz-sza-am-ma id-ke
3. id-da-ak
@law 12
4. szum-ma na-di-na-nu-um
5. a-na szi-im-tim
6. it-ta-la-ak
7. sza-a-a-ma-nu-um
8. i-na bi-it
9. na-di-na-nim
10. ru-gu-um-me-e
11. di-nim szu-a-ti
12. _a-ra2_ 5(disz)-szu
13. i-le-qe2
@law 13
14. szum#-ma a-wi-lum szu-u2
15. szi-bu-szu la qer-bu
16. da-a-a-nu a-da-nam
17. a-na _iti 6(disz)-kam_
18. i-sza-ak-ka-nu-szum-ma
19. szum-ma i-na _iti 6(disz)-kam_
20. szi-bi-szu la ir-de-a-am
21. a-wi-lum szu-u2
22. sa3-ar
23. a-ra-an di-nim szu-a-ti
24. it-ta-na-asz-szi
@law 14
25. szum-ma a-wi-lum
26. _dumu_ a-wi-lim
27. s,e-eh-ra-am
28. isz-ta-ri-iq
29. id-da-ak
@law 15
30. szum-ma a-wi-lum
31. lu _ARAD2 e2-gal_
32. lu _geme2 e2-gal_
33. lu _ARAD2 |MASZ.EN.GAG|_
34. lu _geme2 |MASZ.EN.GAG|_
35. _abul_ usz-te-s,i2
36. id-da-ak
@law 16
37. szum-ma a-wi-lum
38. lu _ARAD2_ lu _geme2_
39. hal-qa2-am
40. sza _e2-gal_
41. u3 lu _|MASZ.EN.GAG|_
42. i-na bi-ti-szu
43. ir-ta-qi2-ma
44. a-na szi-si-it
45. na-gi-ri-im
46. la usz-te-s,i2-a-am
47. be-el _e2_ szu-u2
48. id-da-ak
@law 17
49. szum-ma a-wi-lum
50. lu _ARAD2_ lu _geme2_
51. hal-qa2-am
52. i-na s,e-ri-im
53. is,-ba-at-ma
54. a-na be-li2-szu
55. ir-te-de-a-asz-szu
56. 2(disz) _gin2 ku3-babbar_
57. be-el _ARAD2_
58. i-na-ad-di-isz-szum
@law 18
59. szum-ma _ARAD2_ szu-u2
60. be-el-szu
61. la iz-za-kar
62. a-na _e2-gal_
63. i-re-ed-de-szu
64. wa-ar-ka-su2
65. ip-pa-ar-ra-as2-ma
66. a-na be-li2-szu
67. u2-ta-ar-ru-szu
@law 19
68. szum-ma _ARAD2_
69. szu-a-ti
70. i-na bi-ti-szu
71. ik-ta-la-szu
72. wa-ar-ka _ARAD2_
@column 9
1. i-na qa2-ti-szu
2. it-ta-as,-ba-at
3. a-wi-lum szu-u2
4. id-da-ak
@law 20
5. szum-ma _ARAD2_
6. i-na qa2-at
7. s,a-bi-ta-ni-szu
8. ih-ta-li-iq
9. a-wi-lum szu-u2
10. a-na be-el _ARAD2_
11. ni-isz i-lim
12. i-za-kar-ma
13. u2-ta-asz-szar
@law 21
14. szum-ma a-wi-lum
15. bi-tam
16. ip-lu-usz
17. i-na pa-ni
18. pi2-il-szi-im
19. szu-a-ti
20. i-du-uk-ku-szu-ma
21. i-ha-al-la-lu-szu
@law 22
22. szum-ma a-wi-lum
23. hu-ub-tam
24. ih-bu-ut-ma
25. it-ta-as,-ba-at
26. a-wi-lum szu-u2
27. id-da-ak
@law 23
28. szum-ma ha-ab-ba-tum
29. la it-ta-as,-ba-at
30. a-wi-lum
31. ha-ab-tum
32. mi-im-ma-szu
33. hal-qa2-am
34. ma-ha-ar
35. i-lim
36. u2-ba-ar-ma
37. _iri_
38. u3 ra-bi-a-nu-um
39. sza i-na er-s,e-ti-szu-nu
40. u3 pa-t,i-szu-nu
41. hu-ub-tum
42. ih-ha-ab-tu
43. mi-im-ma-szu
44. hal-qa2-am
45. i-ri-a-ab-bu-szum
@law 24
46. szum-ma na-pi2-isz-tum
47. _iri_ u3 ra-bi-a-nu-um
48. 1(disz) _ma-na ku3-babbar_
49. a-na ni-szi-szu
50. i-sza-qa2-lu
@law 25
51. szum-ma i-na _e2_ a-wi-lim
52. i-sza-tum
53. in-na-pi2-ih-ma
54. a-wi-lum
55. sza a-na bu-ul-li-im
56. il-li-ku
57. a-na nu-ma-at
58. be-el _e2_
59. i-in-szu isz-szi-ma
60. nu-ma-at
61. be-el _e2_
62. il-te-di
63. a-wi-lum szu-u2
64. a-na i-sza-tim szu-a-ti
65. in-na-ad-di
@law 26
66. szum-ma lu _aga-us2_
67. u3 lu _szu-ku6_
68. sza a-na har-ra-an szar-ri-im
69. a-la-ak-szu
@column 10
1. qa2-bu-u2
2. la-il-li-ik
3. lu _{lu2}hun-ga2_
4. i-gur-ma
5. pu-uh2-szu
6. it,-t,a-ra-ad
7. lu _aga-us2_
8. u3 lu _szu-ku6_ szu-u2
9. id-da-ak
10. mu-na-ag-gi-ir-szu
11. _e2_-su2
12. i-tab-ba-al
@law 27
13. szum-ma lu _aga-us2_
14. u3 lu _szu-ku6_
15. sza i-na dan-na-at
16. szar-ri-im
17. tu-ur2-ru
18. wa-ar-ki-szu
19. _a-sza3_-szu u3 _{gesz}kiri6_-szu
20. a-na sza-ni-im
21. id-di-nu-ma
22. i-li-ik-szu
23. it-ta-la-ak
24. szum-ma it#-tu-ra-am-ma
25. _iri_-szu ik-ta-asz2-dam
26. _a-sza3_-szu u3 _{gesz}kiri6_-szu
27. u2-ta-ar-ru-szum-ma
28. szu-ma i-li-ik-szu
29. i-il-la-ak
@law 28
30. szum-ma lu _aga#-us2_
31. u3 lu _szu-ku6_
32. sza i-na dan#-na-at
33. szar-ri-im
34. tu-ur2#-ru
35. _dumu_-szu il-kam
36. a-la-kam i-le-i
37. _a-sza3_ u3 _{gesz}kiri6_
38. in-na-ad-di-isz-szum#-ma
39. i-li-ik# [a]-bi-szu
40. i-il-[la]-ak#
@law 29
41. szum-ma _dumu_-szu
42. s,e-he-er-ma#
43. i-li-ik a-bi-szu
44. a-la-kam
45. la i-le-i
46. sza-lu-usz-ti _a-sza3_ u3 _{gesz}kiri6_
47. a-na um-mi-szu
48. in-na-ad#-di-in-ma
49. um-ma-szu
50. u2-ra-ab-ba-szu
@law 30
51. szum-ma lu _aga-us2#_
52. u3 lu _szu-ku6_
53. _a-sza3_-szu _{gesz}kiri6_-szu# u3 _e2_-su2#
54. i-na pa-ni il-ki-im
55. id-di-ma
56. u4-da-ap-pi2-ir
57. sza-nu-um
58. wa-ar-ki-szu#
59. _a-sza3_-szu _{gesz}kiri6_-szu
60. u3 _e2_-su2
61. is,-ba-at-ma
62. _mu 3(disz)-kam_
63. i-li-ik-szu
64. it-ta-la-ak
65. szum-ma it-tu-ra-am-ma
66. _a-sza3_-szu _{gesz}kiri6_-szu u3 _e2_-su2
67. i-ir-ri-isz
68. u2-ul in-na-ad-di-isz-szum
@column 11
1. sza is,-s,a-ab-tu-ma
2. i-li-ik-szu
3. it-ta-al-ku
4. szu-ma i-il-la-ak
@law 31
5. szum-ma sza-at-tam
6. isz-ti-a-at-ma
7. u4-da-ap-pi2-ir-ma
8. it-tu-ra-am
9. _a-sza3_-szu u3 _e2_-su2
10. in-na-ad-di-isz-szum-ma
11. szu-ma i-li-ik-szu
12. i-il#-la#-ak#
@law 32
13. szum#-ma# lu _aga-us2_
14. u3 lu _szu-ku6_
15. sza i-na har-ra-an
16. szar-ri-im
17. tu-ur2-ru
18. _dam-gar3_ ip-t,u2-ra-asz-szu-ma
19. _iri_-szu usz-ta-ak-szi-da-asz-szu
20. szum-ma i-na bi-ti-szu
21. sza pa-t,a-ri-im
22. i-ba-asz-szi
23. szu-ma ra-ma-an-szu
24. i-pa-at,-t,a-ar
25. szum-ma i-na bi-ti-szu
26. sza pa-t,a-ri-szu
27. la i-ba-asz-szi
28. i-na _e2 dingir iri_-szu
29. ip-pa-at,-t,ar2
30. szum-ma i-na _e2_
31. _dingir iri_-szu
32. sza pa-t,a-ri-szu
33. la i-ba-asz-szi
34. _e2-gal_ i-pa-at,-t,a-ar!(RI)-szu
35. _a-sza3_-szu _{gesz}kiri6_-szu
36. u3 _e2_-su2
37. a-na ip-t,e4-ri-szu
38. u2-ul in-na-ad-di-in
@law 33
39. szum-ma lu _ugula-ugula_
40. u3 lu _nu-banda3_
41. _erin2_ ni-is-ha-tim
42. ir-ta-szi
43. u3 lu a-na _kaskal_
44. szar-ri-im
45. _{lu2}hun-ga2_ pu-ha-am
46. im-hu-ur-ma
47. ir-te-de
48. lu _ugula-ugula_
49. u3 lu _nu-banda3_ szu-u2
50. id-da-ak
@law 34
51. szum-ma lu _ugula-ugula_
52. u3 lu _nu-banda3_
53. nu-ma-at _aga-us2_ il-te-qe2
54. _aga-us2_ ih-ta-ba-al
55. _aga-us2_ a-na ig-ri-im
56. it-ta-di-in
57. _aga-us2_ i-na di-nim
58. a#-na# dan-nim isz-ta-ra-ak
59. qi2#-isz-ti szar-ru-um
60. [a]-na# _aga-us2_ id-di-nu
61. il#-te-di
62. lu# _ugula-ugula_
63. u3# lu _nu-banda3_ szu-u2
64. id#-da#-ak
@law 35
65. szum#-ma a-wi-lum
66. _ab2# gu4!(BI) hi-a_
67. u3 _u8 udu hi-a_
68. sza szar-ru-um
69. a-na _aga-us2_
70. id-di-nu
@column 12
1. i-na qa2-ti _aga-us2_
2. isz-ta-am
3. i-na _ku3-babbar_-szu
4. i-te-el-li
@law 36
5. _a-sza3_-um _{gesz}kiri6_ u3 _e2_
6. sza _aga-us2 szu-ku6_
7. u3 na-szi bi-il-tim
8. a-na _ku3-babbar_
9. u2-ul i-na-ad-di-in
@law 37
10. szum-ma a-wi-lum
11. _a-sza3 {gesz}kiri6_ u3 _e2_
12. sza _aga-us2 szu-ku6_
13. u3# na#-szi _gun#_
14. isz#-ta#-am#
15. t,up-pa-szu
16. ih-he-ep-pe2
17. u3 i-na _ku3-babbar_-szu
18. i-te-el-li
19. _a-sza3 {gesz}kiri6_ u3 _e2_
20. a-na be-li2-szu
21. i-ta-ar
@law 38
22. _aga-us2 szu-ku6_
23. u3 na-szi _gun_
24. i-na _a-sza3 {gesz}kiri6_ u3 _e2_
25. sza il-ki-szu
26. a-na asz-sza-ti-szu
27. u3 _dumu-munus_-szu
28. u2-ul i-sza-at,-t,a-ar
29. u3 a-na i-il-ti-szu
30. u2-ul i-na-ad-di-in
@law 39
31. i-na _a-sza3 kiri6_ u3 _e2_
32. sza i-sza-am-mu-ma
33. i-ra-asz-szu-u2
34. a-na asz-sza-ti-szu
35. u3 _dumu-munus_-szu
36. i-sza-at,-t,ar2
37. u3 a-na e-hi-il-ti-szu
38. i-na-ad-di-in
@law 40
39. _lukur dam-gar3_
40. u3 il-kum a-hu-u2-um
41. _a-sza3_-szu _{gesz}kiri6_-szu
42. u3 _e2_-su2 a-na _ku3-babbar_
43. i-na-ad-di-in
44. sza-a-a-ma-nu-um
45. i-li-ik _a-sza3_
46. _{gesz}kiri6_ u3 _e2_
47. sza i-sza-am-mu
48. i-il-la-ak
@law 41
49. szum-ma a-wi-lum
50. _a-sza3 {gesz}kiri6_ u3 _e2_
51. sza _aga-us2 szu-ku6_
52. u3 na-szi bi-il-tim
53. u2-pi2-ih
54. u3 ni-ip-la-ti
55. id-di-in
56. _aga-us2 szu-ku6_
57. u3 na-szi bi-il-tim
58. a-na _a-sza3_-szu _{gesz}kiri6_-szu u3 _e2_-szu
59. i-ta-ar
60. u3 ni-ip-la-tim
61. sza in-na-ad-nu-szum
62. i-tab-ba-al
@law 42
63. szum-ma a-wi-lum
64. _a-sza3_ a-na er-re-szu-tim
65. u2-sze-s,i-ma
66. i-na _a-sza3 sze_ la usz-tab-szi
67. i-na _a-sza3_ szi-ip-ri-im
@column 13
1. la e-pe2-szi-im
2. u2-ka-an-nu-szu-ma
3. _sze_ ki-ma i-te-szu
4. a-na be-el _a-sza3_
5. i-na-ad-di-in
@law 43
6. szum-ma _a-sza3_-am la i-ri-isz-ma
7. it-ta-di
8. _sze_ ki-ma i-te-szu
9. a-na be-el _a-sza3_
10. i-na-ad-di-in
11. u3 _a-sza3_ sza id-du-u2
12. ma-a-a-ri
13. i-ma-ah-ha-as,
14. i-sza-ak-ka-ak-ma
15. a-na be-el _a-sza3_
16. u2-ta-ar
@law 44
17. szum-ma a-wi-lum
18. _a-sza3 |KI.KAL|_
19. a-na _mu 3(disz)-kam_
20. a-na te-ep-ti-tim
21. u2-sze-s,i-ma
22. a-ah-szu id-di-ma
23. _a-sza3_ la ip-te-te
24. i-na re-bu-tim
25. sza-at-tim
26. _a-sza3_ ma-a-a-ri
27. i-ma-ah-ha-as,
28. i-mar-ra-ar
29. u3 i-sza-ak-ka-ak-ma
30. a-na be-el _a-sza3_
31. u2-ta-ar
32. u3 1(bur3) _GAN2_-e
33. 1(u) _sze gur_
34. i-ma-ad-da-ad
@law 45
35. szum-ma a-wi-lum
36. _a-sza3_-szu a-na _gun_
37. a-na er-re-szi-im
38. id-di-in-ma
39. u3 _gun a-sza3_-szu
40. im-ta-ha-ar
41. wa-ar-ka _a-sza3_
42. {d}iszkur ir-ta-hi-is,
43. u3 lu bi-ib-bu-lum
44. it-ba-al
45. bi-ti-iq-tum
46. sza er-re-szi-im-ma
@law 46
47. szum-ma _gun a-sza3_-szu
48. la im-ta-ha-ar
49. u3 lu a-na mi-isz-la-ni
50. u3 lu a-na sza-lu-usz
51. _a-sza3_ id-di-in
52. _sze_ sza i-na _a-sza3_
53. ib-ba-asz-szu-u2
54. er-re-szum
55. u3 be-el _a-sza3_
56. a-na ap-szi-te-em
57. i-zu-uz-zu
@law 47
58. szum-ma er-re-szum
59. asz-szum i-na sza-at-tim
60. mah-ri-tim
61. ma-na-ha-ti-szu
62. la il-qu2-u2
63. _a-sza3_ e-re-sza-am iq-ta-bi
64. be-el _a-sza3_
65. u2-ul u2-up-pa-as
66. er-re-su-ma
67. _a-sza3_-szu i-ir-ri-isz-ma
68. i-na _buru14_
69. ki-ma ri-ik-sa-ti-szu
70. _sze_ i-le-qe2
@law 48
71. szum-ma a-wi-lum
72. hu-bu-ul-lum
73. e-li-szu
@column 14
1. i-ba-asz-szi-ma
2. _[a]-sza3_-szu
3. {d}iszkur
4. ir-ta-hi-is,
5. u3 lu-u2 bi-ib-bu-lum#
6. it-ba-al
7. u3 lu-u2 i-na la me-e
8. _sze_ i-na _a-sza3_
9. la it-tab-szi
10. i-na sza-at-tim szu-a-ti
11. _sze_ a-na be-el hu-bu-ul-li-szu
12. u2-ul u2-ta-ar
13. t,up-pa-szu
14. u2-ra-at,-t,a-ab
15. u3 s,i-ib-tam
16. sza sza-at-tim szu-a-ti
17. u2-ul i-na-ad-di-in
@law 49
18. szum-ma a-wi-lum
19. _ku3-babbar_ it-ti _dam-gar3_
20. il-qe2-ma
21. _a-sza3_ ep-e-tim
22. sza _sze_ u3 lu _sze-gisz-i3_
23. a-na _dam-gar3_ id-di-in
24. _a-sza3_ e-ri-isz-ma
25. _sze_ u3 lu-u2 _sze-gisz-i3_
26. sza ib-ba-asz-szu-u2
27. e-si-ip ta-ba-al
28. iq-bi-szum
29. szum-ma er-re-szum
30. i-na _a-sza3 sze_
31. u3 lu _sze-gisz-i3_
32. usz-tab-szi
33. i-na _buru14 sze_ u3 _sze-gisz-i3_
34. sza i-na _a-sza3_ ib-ba-asz-szu-u2
35. be-el _a-sza3_-ma
36. i-le-qe2-ma
37. _sze_ sza _ku3-babbar_-szu
38. u3 s,i-ba-su2
39. sza it-ti _dam-gar3_
40. il-qu2-u2
41. u3 ma-na-ha-at
42. e-re-szi-im
43. a-na _dam-gar3_
44. i-na-ad-di-in
@law 50
45. szum-ma _a-sza3_ er-sza-am
46. u3 lu-u2
47. _a-sza3 sze-gisz-i3_
48. er-sza-am id-di-in
49. _sze_ u3 lu _sze-gisz-i3_
50. sza i-na _a-sza3_
51. ib-ba-asz-szu-u2
52. be-el _a-sza3_-ma
53. i-le-qe2-ma
54. _ku3-babbar_ u3 s,i-ba-su2
55. a-na _dam-gar3_ u2-ta-ar
@law 51
56. szum-ma _ku3-babbar_
57. a-na tu-ur2-ri-im
58. la i-szu
59. _sze-gisz-i3_
60. a-na ma-hi-ra-ti-szu-nu
61. sza _ku3-babbar_-szu
62. u3 s,i-ib-ti-szu
63. sza it-ti _dam-gar3_ il-qu2-u2
64. a-na _ka_ s,i-im-da-at
65. szar-ri-im
66. a-na _dam-gar3_ i-na-ad-di-in
@column 15
@law 52
1. szum-ma er-re-szum
2. i-na _a-sza3_ sze-am
3. u3 lu _sze-gisz-i3_
4. la usz-tab-szi
5. ri-ik-sa-ti-szu
6. u2-ul [i]-in-ni
@law 53
7. szum-ma a-wi-lum
8. a-na _kar a-sza3_-szu
9. du-un-nu-nim#
10. a-ah-szu id-di-ma
11. _kar_-szu
12. la u2-dan-ni-in-ma
13. i-na _kar_-szu
14. pi2-tum it-te-ep-te
15. u3 _a-gar3_ me-e usz-ta-bil2
16. a-wi-lum
17. sza i-na _kar_-szu
18. pi2-tum ip-pe2-tu-u2
19. _sze_ sza u2-hal-li-qu2
20. i-ri-a-ab
@law 54
21. szum-ma _sze_ ri-a-ba-am
22. la i-le-i
23. szu-a-ti
24. u3 bi-sza-szu
25. a-na _ku3-babbar_
26. i-na-ad-di-nu-ma
27. _dumu a-gar3-mesz_
28. sza _sze_-szu-nu
29. mu-u2 ub-lu
30. i-zu-uz-zu
@law 55
31. szum-ma a-wi-lum
32. a-tap-pa-szu
33. a-na szi-qi2-tim ip-te
34. a-ah-szu id-di-ma
35. _a-sza3_ i-te-szu
36. me-e usz-ta-bil2
37. _sze_ ki-ma i-te-szu
38. i-ma-ad-da-ad
@law 56
39. szum-ma a-wi-lum
40. me-e ip-te-ma
41. ep-sze-tim sza _a-sza3_ i-te-szu
42. me-e usz-ta-bil2
43. 1(bur3) _GAN2_-e
44. 1(u) _sze gur_
45. i-ma-ad-da-ad
@law 57
46. szum-ma _sipa_
47. a-na sza-am-mi
48. _u8 udu hi-a_ szu-ku-lim
49. it-ti be-el _a-sza3_
50. la im-ta-gar3-ma
51. ba-lum be-el _a-sza3_
52. _a-sza3 u8 udu hi-a_
53. usz-ta-ki-il
54. be-el _a-sza3 a-sza3_-szu
55. i-is,-s,i-id
56. _sipa_ sza i-na ba-lum
57. be-el _a-sza3_
58. _a-sza3 u8 udu hi-a_
59. u2-sza-ki-lu
60. e-le-nu-um-ma
61. 1(bur3) _GAN2_-e
62. 2(u) _sze gur_
63. a-na be-el _a-sza3_
64. i-na-ad-di-in
@law 58
65. szum-ma isz-tu _u8 udu hi-a_
66. i-na _a-gar3_
67. i-te-li-a-nim
68. ka-an-nu ga-ma-ar-tim
69. i-na _abul_
70. it-ta-ah-la-lu
71. _sipa u8 udu hi-a_
72. a-na _a-sza3_ id-di-ma
73. _a-sza3 u8 udu hi-a_
74. usz-ta-ki-il
75. _sipa a-sza3_ u2-sza-ki-lu
76. i-na-s,a-ar-ma
77. i-na _buru14_
78. 1(bur3) _GAN2_-e
@column 16
1. 1(gesz2) _sze gur_
2. a-na be-el _a-sza3_
3. i-ma-ad-da-ad
@law 59
4. szum-ma a-wi-lum
5. ba-lum be-el _{gesz}kiri6_
6. i-na _{gesz}kiri6_ a-wi-lim
7. i-s,a-am ik-ki-is
8. 1/2(disz) _ma-na ku3-babbar_
9. i-sza-qal
@law 60
10. szum-ma a-wi-lum
11. _a-sza3_ a-na _{gesz}kiri6_ [za]-qa2-pi2-im
12. [a]-na# _nu-{gesz}kiri6_ id-di-in
13. _nu-{gesz}kiri6_
14. _{gesz}kiri6_ iz-qu2-up
15. _mu 4(disz)-kam_
16. _{gesz}kiri6_ u2-ra-ab-ba
17. i-na ha-mu-usz-tim
18. sza-at-tim
19. be-el _{gesz}kiri6_
20. u3 _nu-{gesz}kiri6_
21. mi-it-ha-ri-isz
22. i-zu-zu
23. be-el _{gesz}kiri6_
24. _ha-la_-szu
25. i-na-sa3-aq-ma
26. i-le-qe2
@law 61
27. szum-ma _nu-{gesz}kiri6_
28. _a-sza3_ i-na za-qa2-pi2-im
29. la ig-mur-ma
30. ni-di-tam i-zi-ib
31. ni-di-tam
32. a-na li-ib-bi _ha-la_-szu
33. i-sza-ak-ka-nu-szum
@law 62
34. szum-ma _a-sza3_
35. sza in-na-ad-nu-szum
36. a-na _{gesz}kiri6_ la iz-qu2-up
37. szum-ma _ab-sin2_
38. _gun a-sza3_
39. sza sza-na-tim
40. sza in-na-du-u2
41. _nu-{gesz}kiri6_
42. a-na be-el _a-sza3_
43. ki-ma i-te-szu
44. i-ma-ad-da-ad
45. u3 _a-sza3_ szi-ip-ra-am
46. i-ip-pe2-esz-ma
47. a-na be-el _a-sza3_ u2-ta-ar
@law 63
48. szum-ma _a-sza3 |KI.KAL|_
49. _a-sza3_ szi-ip-ra-am
50. i-ip-pe2-esz-ma
51. _a-sza3_ be-el _a-sza3_
52. u2-ta-ar
53. u3 1(bur3) _GAN2_-e
54. 1(u) _sze gur_
55. sza sza-at-tim
56. isz-ti-a-at
57. i-ma-ad-da-ad
@law 64
58. szum-ma a-wi-lum
59. _{gesz}kiri6_-szu
60. a-na _nu-{gesz}kiri6_
61. a-na ru-ku-bi-im
62. id-di-in
63. _nu-{gesz}kiri6_
64. a-di _{gesz}kiri6_ s,a-ab-tu
65. i-na bi-la-at _{gesz}kiri6_
66. szi-it-ti-in
67. a-na be-el _{gesz}kiri6_
68. i-na-ad-di-in
69. sza-lu-usz-tam
70. szu-u2 i-le-qe2
@law 65
71. szum-ma _nu-{gesz}kiri6_
72. _{gesz}kiri6_ la u2-ra-ak-ki-ib-ma
73. bi-il-tam um-ta-t,i
74. _nu-{gesz}kiri6_
75. bi-la-at _{gesz}kiri6_
76. a-na i-te-szu
@column 17
$column missing
1. [i-ma-ad-da-ad]
2. [...]
@reverse
@column 1
1. s,i-ba-a-at _ku3-babbar_
2. ma-la il-qu2-u2
3. i-sa-ad-dar-ma
4. u4-mi-szu
5. i-ma-an-nu-u2-ma
6. _dam-gar3_-szu
7. i-ip-pa-al
@law 101
8. szum-ma a-szar il-li-ku
9. ne-me-lam
10. la i-ta-mar
11. _ku3-babbar_ il-qu2-u2
12. usz-ta-sza-na-ma
13. _szaman2-la2_ a-na _dam-gar3_
14. i-na-ad-di-in
@law 102
15. szum-ma _dam-gar3_
16. a-na _szaman2-la2_
17. _ku3-babbar_ a-na ta-ad-mi-iq-tim
18. it-ta-di-in-ma
19. a-szar il-li-ku
20. bi-ti-iq-tam
21. i-ta-mar
22. qa2-qa2-ad _ku3-babbar_
23. a-na _dam-gar3_ u2-ta-ar
@law 103
24. szum-ma har-ra-nam
25. i-na a-la-ki-szu
26. na-ak-ru-um
27. mi-im-ma sza na-szu-u2
28. usz-ta-ad-di-szu
29. _szaman2-la2_ ni-isz i-lim
30. i-za-kar-ma
31. u2-ta-asz-szar
@law 104
32. szum-ma _dam-gar3_
33. a-na _szaman2-la2_
34. _sze siki i3-gisz_
35. u3 mi-im-ma bi-sza-am
36. a-na pa-sza-ri-im
37. id-di-in
38. _szaman2-la2 ku3-babbar_
39. i-sa-ad-dar-ma
40. a-na _dam-gar3_
41. u2-ta-ar
42. _szaman2-la2_ ka-ni-ik _ku3-babbar_
43. sza a-na _dam-gar3_
44. i-na-ad-di-nu
45. i-le-qe2
@law 105
46. szum-ma _szaman2-la2_
47. i-te-gi-ma
48. ka-ni-ik _ku3-babbar_
49. a-na _dam-gar3_
50. id-di-nu
51. la-il-te-qe2
52. _ku3-babbar_ la ka-ni-ki-im
53. a-na ni-ik-ka-as-si2-im
54. u2-ul isz-sza-ak-ka-an
@law 106
55. szum-ma _szaman2-la2_
56. _ku3-babbar_ it-ti _dam-gar3_
57. il-qe2-ma
58. _dam-gar3_-szu
59. it-ta-ki-ir
60. _dam-gar3_ szu-u2
61. i-na ma-har i-lim u3 szi-bi
62. i-na _ku3-babbar_ le-qe2-em
63. _szaman2-la2_ u2-ka-an-ma
64. _szaman2-la2 ku3-babbar_
65. ma-la il-qu2-u2
66. _a-ra2_ 3(disz)-szu a-na _dam-gar3_
67. i-na-ad-di-in
@law 107
68. szum-ma _dam-gar3 ku3-babbar_
69. _szaman2-la2_ i-qi2-ip-ma
70. _szaman2-la2_ mi-im-ma
71. sza _dam-gar3_ id-di-nu-szum
72. a-na _dam-gar3_-szu
@column 2
1. ut-te-er
2. _dam-gar3_ mi-im-ma
3. sza _szaman2-la2_
4. id-di-nu-szum
5. it-ta-ki-ir-szu
6. _szaman2-la2_ szu-u2
7. i-na ma-har i-lim u3 szi-bi
8. _dam-gar3_ u2-ka-an-ma
9. _dam-gar3_ asz-szum _szaman2-la2_-szu
10. ik-ki-ru
11. mi-im-ma sza il-qu2-u2
12. _a-ra2_ 6(disz)-szu
13. a-na _szaman2-la2_
14. i-na-ad-di-in
@law 108
15. szum-ma _munus-kurun-na_
16. a-na _sa10# kasz_
17. _sze_ la im-ta-har
18. i-na _na4_ ra-bi-tim
19. _ku3-babbar_ im-ta-har
20. u3 _ganba kasz_
21. a-na _ganba sze_ um-ta-t,i
22. _munus-kurun-na_ szu-a-ti
23. u2-ka-an-nu-szi-ma
24. a-na me#-e
25. i-na#-[ad]-du#-u2-szi
@law 109
26. szum#-ma# _munus-kurun-na_
27. sa3-ar#-ru-tum
28. i-na _e2_-sza
29. it-tar-ka-su2#?-ma
30. sa3-ar-ru-tim szu-nu-ti
31. la is,-s,a-ab-tam-ma
32. a-na _e2-gal_
33. la ir-de-a-am
34. _munus-kurun-na_ szi-i
35. id-da-ak
@law 110
36. szum#-ma _lukur nin-dingir_
37. sza i-na _ga2-gi4-a_
38. la wa-asz-ba-at
39. _e2 kurun-na_ ip-te-te
40. u3 lu a-na _kasz_
41. a-na _e2 kurun-na_
42. i-te-ru-ub
43. a-wi-il-tam szu-a-ti
44. i-qal-lu-u2-szi
@law 111
45. szum-ma _munus-kurun-na_
46. 1(disz) _kasz dida ka gag_
47. a-na qi2-ip-tim id-di-in
48. i-na _buru14_
49. 5(ban2) _sze_ i-le-qe2
@law 112
50. szum-ma a-wi-lum
51. i-na har-ra-nim
52. wa-szi-ib-ma
53. _ku3-babbar ku3-sig17 na4_
54. u3 bi-isz qa2-ti-szu
55. a-na a-wi-lim
56. id-di-in-ma
57. a-na szi-bu-ul-tim
58. u2-sza-bil2-szu
59. a-wi-lum szu-u2
60. mi-im-ma sza szu-bu-lu
61. a-szar szu-bu-lu
62. la id-[di]-in-ma
63. it-ba-al
64. be-el szi-bu-ul-tim
65. a-wi-lam szu-a-ti
66. i-na mi-im-ma
67. sza szu-bu-lu-ma
68. la id-di-nu
69. u2-ka-an-nu-szu-ma
70. a-wi-lum szu-u2
71. _a-ra2_ 5(disz)-szu mi-im-ma
72. sza in-na-ad-nu-szum
73. a-na be-el szi-bu-ul-tim
74. i-na-ad-di-in
@law 113
75. szum-ma a-wi-lum
76. e-li a-wi-lim
@column 3
1. _sze_ u3 _ku3-babbar_ i-szu-ma
2. i-na ba-lum be-el _sze_
3. i-na na-asz-pa-ki-im
4. u3 lu i-na ma-asz-ka-nim
5. _sze_ il-te-qe2
6. a-wi-lam szu-a-ti
7. i-na ba-lum be-el _sze_
8. i-na na-asz-pa-ki-im
9. u3# lu i-na _kislah_
10. i#-na# _sze_ le-qe2-em
11. u2-ka-an-nu-szu-ma
12. _sze_ ma-la il-qu2-u2
13. u2-ta-ar
14. u3 i-na mi-im-ma szum-szu
15. ma-la id-di-nu
16. i-te-el-li
@law 114
17. szum-ma a-wi-lum
18. e-li a-wi-lim
19. _sze_ u3 _ku3-babbar_
20. la i-szu-ma
21. ni-pu-su2 it-te-pe2
22. a-na ni-pu-tim
23. isz-ti-a-at
24. 1/3(disz) _ma-na ku3-babbar_
25. i-sza-qal
@law 115
26. szum-ma a-wi-lum
27. e-li a-wi-lim
28. _sze_ u3 _ku3-babbar_
29. i-szu-ma
30. ni-pu-su2 ip-pe2-ma
31. ni-pu-tum
32. i-na _e2_ ne-pi2-sza
33. i-na szi-ma-ti-sza
34. im-tu-ut
35. di-nu-um szu-u2
36. ru-gu-um-ma-am
37. u2-ul i-szu
@law 116
38. szum-ma ni-pu-tum
39. i-na _e2_ ne-pi2-sza
40. i-na ma-ha-s,i2-im
41. u3-lu i-na usz-szu-szi-im
42. im-tu-ut
43. be-el ni-pu-tim
44. _dam-gar3_-szu
45. u2-ka-an-ma
46. szum-ma _dumu_ a-wi-lim
47. _dumu_-szu i-du-uk-ku
48. szum-ma _ARAD2_ a-wi-lim
49. 1/3(disz) _ma-na ku3-babbar_
50. i-sza-qal
51. u3 i-na mi-im-ma szum-szu
52. ma-la id-di-nu
53. i-te-el-li
@law 117
54. szum-ma a-wi-lam
55. e-hi-il-tum
56. is,-ba-su2-ma
57. _dam_-su2 _dumu_-szu u3 _dumu-munus_-su2
58. a-na _ku3-babbar_ id-di-in
59. u3 lu a-na ki-isz-sza-tim
60. it-ta-an-di-in
61. _mu 3(disz)-kam_
62. _e2_ sza-a-a-ma-ni-szu-nu
63. u3 ka-szi-szi-szu-nu
64. i-ip-pe2-szu i-na re-bu-tim
65. sza-at-tim
66. an-du-ra-ar-szu-nu
67. isz-sza-ak-ka-an
@law 118
68. szum-ma _ARAD2_ u3 lu _geme2_
69. a-na ki-isz-sza-tim
70. it-ta-an-di-in
71. _dam-gar3_ u2-sze-te-eq
72. a-na _ku3-babbar_ i-na-ad-din
73. u2-ul ib-ba-qar
@law 119
74. szum-ma a-wi-lam
75. e-hi-il-tum
76. is,-ba-su2-ma
77. _geme2_-su2 sza _dumu-mesz_ ul-du-szum
78. a-na _ku3-babbar_ it-ta-din
@column 4
1. _ku3-babbar dam-gar3_ isz-qu2-lu
2. be-el _geme2#_ i-sza-qal-ma
3. _geme2_-su2 i-pa-t,ar2#
@law 120
4. szum-ma a-wi-lum
5. sze-szu a-na na-asz-pa-ku-tim
6. i-na _e2_ a-wi-lim
7. isz-pu-uk-ma
8. i-na qa2-ri-tim
9. i-ib-bu-u2-um it-tab-szi
10. u3 lu be-el _e2_
11. na-asz-pa-kam ip-te-ma
12. _sze_ il-qe2
13. u3 lu _sze_ sza a-na _e2_-szu
14. isz-sza-ap-ku
15. a-na ga-am-ri-im
16. it-ta-ki-ir
17. be-el _sze_ ma-har i-lim
18. sze-szu u2-ba-ar-ma
19. be-el _e2_
20. _sze_ sza il-qu2-u2
21. usz-ta-sza-na-ma
22. a-na be-el _sze_
23. i-na-ad-di-in
@law 121
24. szum-ma a-wi-lum
25. i-na _e2_ a-wi-lim
26. _sze_ isz-pu-uk
27. i-na sza-na-at
28. a-na _1(asz) sze gur-e 5(disz) sila3 sze_
29. _a2_ na-asz-pa-ki-im
30. i-na-ad-di-in
@law 122
31. szum-ma a-wi-lum
32. a-na a-wi-lim
33. _ku3-babbar ku3-sig17_
34. u3 mi-im-ma szum-szu
35. a-na ma-s,a-ru-tim
36. i-na-ad-di-in
37. mi-im-ma ma-la
38. i-na-ad-di-nu
39. szi-bi-u2-kal2-lam
40. ri-ik-sa-tim
41. i-sza-ak-ka-an-ma
42. a-na ma-s,a-ru-tim
43. i-na-ad-di-in
@law 123
44. szum-ma ba-lum szi-bi
45. u3 ri-ik-sa-tim
46. a-na ma-s,a-ru-tim
47. id-di-in-ma
48. a-sar id-di-nu
49. it-ta-ak-ru-szu
50. di-nu-um szu-u2
51. ru-gu-um-ma-am
52. u2-ul i-szu
@law 124
53. szum-ma a-wi-lum
54. a-na a-wi-lim
55. _ku3-babbar ku3-sig17_
56. u3 mi-im-ma szum-szu
57. ma-har szi-bi
58. a-na ma-s,a-ru-tim
59. id-di-in-ma
60. it-ta-ki-ir-szu
61. a-wi-lam szu-a-ti
62. u2-ka-an-nu-szu-ma
63. mi-im-ma sza ik-ki-ru
64. usz-ta-sza-na-ma
65. i-na-ad-di-in
@law 125
66. szum-ma a-wi-lum
67. mi-im-ma-szu
68. a-na ma-s,a-ru-tim id-di-in-ma
69. a-szar id-di-nu
70. u3 lu a-na pi2-il-szi-im
71. u3 lu i-na na-ba;-al-ka-at-tim
73. mi-im-mu-szu
74. it-ti mi-im-me-e
75. be-el _e2_ ih-ta-li-iq be-el _e2_ sza i-gu-ma
76. mi-im-ma sza a-na
77. ma-s,a-ru-tim id-di-nu-szum-ma
78. u2-hal-li-qu2
79. u2-sza-lam-ma
@column 5
1. a-na be-el _nig2-gur11_
2. i-ri-a-ab
3. be-el _e2_
4. mi-im-ma-szu hal-qa2-am
5. isz#-te-ne-i-ma
6. [it]-ti szar-ra-qa2-ni-szu
7. i-le-qe2
@law 126
8. szum-ma# [a]-wi-lum
9. mi-im-mu-szu
10. la ha-li-iq#-ma
11. mi-im-me-e
12. ha-li-iq iq-ta-bi
13. ba-ab-ta-szu
14. u2-te-eb-bi-ir
15. ki-ma mi-im-mu-szu
16. la hal-qu2
17. ba-ab-ta-szu
18. i-na ma-har i-lim
19. u2-ba-ar-szu-ma
20. mi-im-ma
21. sza ir-gu-mu
22. usz-ta-sza-na-ma
23. a-na ba-ab-ti-szu
24. i-na-ad-di-in
@law 127
25. szum-ma a-wi-lum
26. e-li _nin-dingir_
27. u3 a-sza-at a-wi-lim
28. u2-ba-nam u2-sza-at-ri-is,-ma
29. la uk-ti-in
30. a-wi-lam szu-a-ti
31. ma-har da-a-a-ni
32. i-na-ad-du-u2-szu
33. u3 mu-ut-ta-su2
34. u2-gal-la-bu
@law 128
35. szum-ma a-wi-lum
36. asz-sza-tam
37. i-hu-uz-ma
38. ri-ik-sa-ti-sza
39. la isz-ku-un
40. _munus_ szi-i
41. u2-ul asz-sza-at
@law 129
42. szum-ma asz-sza-at a-wi-lim
43. it-ti zi-ka-ri-im
44. sza-ni-im
45. i-na i-tu-lim
46. it-ta-as,-bat
47. i-ka-su2-szu-nu-ti-ma
48. a-na me-e
49. i-na-ad-du-u2-szu-nu-ti
50. szum-ma be-el asz-sza-tim
51. asz-sza-su2 u2-ba-la-at,
52. u3 szar-ru-um
53. _ARAD2_-su2 u2-ba-la-at,
@law 130
54. szum-ma a-wi-lum
55. asz-sza-at a-wi-lim
56. sza zi-ka-ra-am
57. la i-du-u2-ma
58. i-na _e2_ a-bi-sza
59. wa-asz-ba-at
60. u2-kab-bil2-szi-ma
61. i-na su-ni-sza
62. it-ta-ti-il-ma
63. is,-s,a-ab-tu-szu
64. a-wi-lum szu-u2
65. id-da-ak
66. _munus_ szi-i
67. u2-ta-a-sza-ar
@law 131
68. szum-ma asz#-sza-at
69. a-wi-lim
70. mu-sa3 u2-ub-bi-ir-szi-ma
71. it-ti zi-ka-ri-im sza-ni-im
72. i-na u2-tu-lim
73. la is,-s,a-bi-it
74. ni-isz i-lim
75. i-za-kar-ma
76. a-na _e2_-sza i-ta-ar
@law 132
77. szum-ma asz-sza-at
78. a-wi-lim
79. asz-szum zi-ka-ri-im sza-ni-im
80. u2-ba-nu-um
81. e-li-sza
82. it-ta-ri-is,-ma
83. it-ti zi-ka-ri-im
@column 6
1. sza-ni-im
2. i-na u2-tu-lim
3. la it-ta-as,-ba-at
4. a-na mu-ti-sza
5. {d}i7
6. i-sza-al-li
@law 133
7. szum-ma a-wi-lum
8. isz-sza-li-il-ma
9. i-na _e2_-szu
10. sza a-ka-lim
11. [i]-ba-asz-szi
12. [asz-sza]-su2
13. [a-di mu?]-sa3 [s,a-ab]-tu#?
14. [pa-gar3]-sza#
15. [i-na-s,a]-ar#
16. [a-na _e2_ sza-ni]-im#
17. [u2-ul i-ir]-ru-ub
18. szum#-[ma] _munus_ szi-i
19. [pa]-gar3#-sza
20. la is,-s,ur-ma
21. a-na _e2_ sza-ni-im
22. i-te-ru-ub
23. _munus_ szu-a-ti
24. u2-ka-an-nu-szi-ma
25. a-na me-e
26. i-na-ad-du-u2-szi
@law 134
27. szum-ma a-wi-lum
28. isz-sza-li-il-ma
29. i-na _e2_-szu
30. sza a-ka-li-im
31. la i-ba-asz-szi
32. asz-sza-su2
33. a-na _e2_ sza-ni-im
34. i-ir-ru-ub
35. _munus_ szi-i
36. ar-nam u2-ul i-szu
@law 135
37. szum-ma a-wi-lum
38. isz-sza-li-il-ma
39. i-na _e2_-szu
40. sza a-ka-li-im
41. la i-ba-asz-szi
42. a-na pa-ni-szu
43. asz-sza-su2
44. a-na _e2_ sza-ni-im
45. i-te-ru-ub-ma
46. _dumu-mesz_ it-ta-la-ad
47. i-na wa-ar-ka
48. mu-sa3 it-tu-ra-am-ma
49. _iri_-szu
50. ik-ta-asz2-dam
51. _munus_ szi-i
52. a-na ha-wi-ri-sza
53. i-ta-ar
54. _dumu-mesz_ wa-ar-ki
55. a-bi-szu-nu
56. i-il-la-ku
@law 136
57. szum-ma a-wi-lum
58. _iri_-szu id-di-ma
59. it-ta-bi-it
60. wa-ar-ki-szu
61. asz-sza-su2
62. a-na _e2_ sza-ni-im
63. i-te-ru-ub
64. szum-ma a-wi-lum szu-u2
65. it-tu-ra-am-ma
66. asz-sza-su2
67. is,-s,a-ba-at
68. asz-szum _iri_-szu
69. i-ze-ru-ma
70. in-na-bi-tu
71. asz-sza-at mu-na-ab-tim
72. a-na mu-ti-sza
73. u2-ul i-ta-ar
@law 137
74. szum-ma a-wi-lum
75. a-na {munus}szu-gi4-tim
76. sza _dumu-mesz_ ul-du-szum u3 lu _lukur_ sza _dumu-mesz_
77. u2-szar-szu-szu
78. e-ze2-bi-im
79. pa-ni-szu
80. isz-ta-ka-an
81. a-na _munus_ szu-a-ti
82. sze-ri-ik-ta-sza
83. u2-ta-ar-ru-szi-im
84. u3 mu-ut-ta-at
85. _a-sza3 {gesz}kiri6_ u3 bi-szi-im
@column 7
1. i-na-ad-di-nu-szi-im-ma
2. _dumu-mesz_-sza
3. u2-ra-ab-ba
4. isz-tu _dumu-mesz_-sza
5. ur2-ta-ab-bu-u2
6. i-na mi-im-ma
7. sza a-na _dumu-mesz_-sza
8. in-na-ad-nu
9. zi2-it-tam
10. ki-ma ap-lim isz-te-en
11. i-na-ad-di-nu-szi-im-ma
12. mu-tu li-ib-bi-sza
13. i-ih-ha-as-si2
@law 138
14. szum-ma a-wi-lum
15. hi-ir-ta-szu
16. sza _dumu-mesz_ la ul-du-szum
17. i-iz-zi-ib
18. _ku3-babbar_ ma-la
19. ter-ha-ti-sza
20. i-na-ad-di-isz-szi-im
21. u3 sze-ri-ik-tam
22. sza isz-tu _e2_ a-bi-sza ub-lam
23. u2-sza-lam-szi-im-ma
24. i-iz-zi-ib-szi
@law 139
25. szum-ma ter-ha-tum
26. la i-ba-asz-szi
27. 1(disz) ma-na _ku3-babbar_
28. a-na u2-zu-ub-be2-em
29. i-na-ad-di-isz-szi-im
@law 140
30. szum-ma _|MASZ.EN.GAG|!_
# MASZ-EN-NI
31. 1/3(disz) _ma-na ku3-babbar_
32. i-na-ad-di-isz-szi-im
@law 141
33. szum-ma asz-sza-at a-wi-lim
34. sza i-na _e2_ a-wi-lim
35. wa-asz-ba-at
36. a-na wa-s,e-em
37. pa-ni-sza
38. isz-ta-ka-an-ma
39. si2-ki-il-tam
40. i-sa3-ak-ki-il
41. _e2_-sa3 u2-sa3-ap-pa-ah
42. mu-sa3 u2-sza-am-t,a
43. u2-ka-an-nu-szi-ma
44. szum-ma mu-sa3
45. e-ze2-eb-sza
46. iq-ta-bi
47. i-iz-zi-ib-szi
48. ha-ra-an-sza
49. u2-zu-ub-bu-sza
50. mi-im-ma
51. u2-ul in-na-ad-di-isz-szi-im
52. szum-ma mu-sa3
53. la e-ze2-eb-sza iq-ta-bi
54. mu-sa3 _munus_ sza-ni-tam
55. i-ih-ha-az
56. _munus_ szi-i
57. ki-ma _geme2_
58. i-na _e2_ mu-ti-sza
59. usz-sza-ab
@law 142
60. szum-ma _munus_ mu-sa3 i-ze-er-ma
61. u2-ul ta-ah-ha-za-an-ni
62. iq-ta-bi
63. wa-ar-ka-sa3
64. i-na ba-ab-ti-sza
65. ip-pa-ar-ra-as2-ma
66. szum-ma na-as,-ra-at-ma
67. hi-t,i-tam
68. la i-szu
69. u3 mu-sa6
70. wa-s,i2-ma
71. ma-ga-al
72. u2-sza-am-t,a-szi
73. _munus_ szi-i
@column 8
1. ar-nam u2-ul i-szu
2. sze-ri-ik-ta-sza
3. i-le-qe2-ma
4. a-na _e2_ a-bi-sza
5. it-ta-al-la-ak
@law 143
6. szum-ma la na-as,-ra-at-ma
7. wa-s,i2-a-at
8. bi-sa3 u2-sa3-ap-pa-ah
9. mu-sa3 u2-sza-am-t,a
10. _munus_ szu-a-ti
11. a-na me-e
12. i-na-ad-du-u2-szi
@law 144
13. szum-ma a-wi-lum
14. _lukur_ i-hu-uz-ma
15. _lukur_ szi-i
16. _geme2_ a-na mu-ti-sza
17. id-di-in-ma
18. _dumu-mesz_ usz-tab-szi
19. a-wi-lum szu-u2
20. a-na {munus}szu-gi4-tim
21. a-ha-zi-im
22. pa-ni-szu
23. isz-ta-ka-an
24. a-wi-lam szu-a-ti
25. u2-ul i-ma-ag-ga-ru-szu
26. {munus}szu-gi4-tam
27. u2-ul i-ih-ha-az
@law 145
28. szum-ma a-wi-lum
29. _lukur_ i-hu-uz-ma
30. _dumu-mesz_ la u2-szar-szi-szu-ma
31. a-na {munus}szu-gi4-tim
32. a-ha-zi-im
33. pa-ni-szu
34. isz-ta-ka-an
35. a-wi-lum szu-u2
36. {munus}szu-gi4-tam
37. i-ih-ha-az
38. a-na _e2_-szu
39. u2-sze-er-re-eb-szi
40. {munus}szu-gi4-tum szi-i
41. it-ti _lukur_
42. u2-ul usz-ta-ma-ah-ha-ar
@law 146
43. szum-ma a-wi-lum
44. _lukur_ i-hu-uz-ma
45. _geme2_ a-na mu-ti-sza
46. id-di-in-ma
47. _dumu-mesz_ it-ta-la-ad
48. wa-ar-ka-nu-um
49. _geme2_ szi-i
50. it-ti be-el-ti-sza
51. usz-ta-tam-hi-ir
52. asz-szum _dumu-mesz_ ul-du
53. be-le-sa3
54. a-na _ku3-babbar_
55. u2-ul i-na-ad-di-isz-szi
56. ab-bu-ut-tam
57. i-sza-ak-ka-an-szi-ma
58. it-ti _geme2 hi-a_
59. i-ma-an-nu-szi
@law 147
60. szum-ma _dumu-mesz_
61. la u2-li-id
62. be-le-sa3
63. a-na _ku3-babbar_
64. i-na-ad-di-isz-szi
@law 148
65. szum-ma a-wi-lum
66. asz-sza-tam
67. i-hu-uz-ma
68. la-a'-bu-um
69. is,-s,a-ba-as-si2
70. a-na sza-ni-tim
71. a-ha-zi-im
72. pa-ni-szu
73. isz-ta-ka-an
74. i-ih-ha-az
75. asz-sza-su2
76. sza la-a'-bu-um
77. is,-ba-tu
78. u2-ul i-iz-zi-ib-szi
79. i-na _e2_ i-pu-szu
80. usz-sza-am-ma
81. a-di ba-al-t,a-at it-ta-na-asz-szi-szi
@column 9
@law 149
1. szum-ma _munus_ szi-i
2. i-na _e2_ mu-ti-sza
3. wa-sza-ba-am
4. la im-ta-gar3
5. sze-ri-ik-ta-sza
6. sza isz-tu _e2_ a-bi-sza
7. ub-lam
8. u2-sza#-lam-szim-ma
9. it-ta-al-la-ak
@law 150
10. szum-ma a-wi-lum
11. a-na asz-sza-ti-szu
12. _a-sza3 {gesz}kiri6 e2_
13. u3 bi-sza-am
14. isz-ru-uk-szim
15. ku-nu-uk-kam
16. i-zi-ib-szi-im
17. wa-ar-ki mu-ti-sza
18. _dumu-mesz_-sza u2-ul i-ba-qa2-ru-szi
19. um-mu-um
20. wa-ar-ka-sa3
21. a-na _dumu_-sza
22. sza i-ra-am-mu
23. i-na-ad-di-in
24. a-na a-hi-im
25. u2-ul i-na-ad-di-in
@law 151
26. szum-ma _munus_
27. sza i-na _e2_ a-wi-lim
28. wa-asz-ba-at
29. asz-szum be-el hu-bu-ul-lim
30. sza mu-ti-sza
31. la s,a-ba-ti-sza
32. mu-sa3 ur2-ta-ak-ki-is
33. t,up-pa-am
34. usz-te-zi-ib
35. szum-ma a-wi-lum
36. la-ma _munus_ szu-a-ti
37. i-ih-ha-zu
38. hu-bu-ul-lum
39. e-li-szu
40. i-ba-asz-szi
41. be-el hu-bu-ul-li-szu
42. asz-sza-su2
43. u2-ul i-s,a-ba-tu
44. u3 szum-ma _munus_ szi-i
45. la-ma a-na _e2_ a-wi-lim
46. i-ir-ru-bu
47. hu-bu-ul-lum
48. e-li-sza
49. i-ba-asz-szi
50. be-el hu-bu-ul-li-sza
51. mu-sa3 u2-ul i-s,a-ba-tu
@law 152
52. szum-ma isz-tu
53. _munus_ szi-i
54. a-na _e2_ a-wi-lim
55. i-ru-bu
56. e-li-szu-nu
57. hu-bu-ul-lum
58. it-tab-szi
59. ki-la-la-szu-nu
60. _dam-gar3_ i-ip-pa-lu
@law 153
61. szum-ma asz-sza-at a-wi-lim
62. asz-szum zi-ka-ri-im
63. sza-ni-im
64. mu-sa3 usz-di-ik
65. _munus_ szu-a-ti i-na ga-szi-szi-im
66. i-sza-ak-ka-nu-szi
@law 154
67. szum-ma a-wi-lum
68. _dumu-munus_-su2
69. il-ta-ma-ad
70. a-wi-lam szu-a-ti
71. _iri_ u2-sze-es,-s,u2-u2-szu
@law 155
72. szum-ma a-wi-lum
73. a-na _dumu_-szu
74. _e2-gi4-a_ i-hi-ir-ma
75. _dumu_-szu il-ma-si2
76. szu-u2 wa-ar-ka-nu-um
77. i-na su2-ni-sza
78. it-ta-ti-il-ma
79. is,-s,a-ab-tu-szu
80. a-wi-lam szu-a-ti
81. i-ka-su2-szu-ma
82. a-na me-e
@column 10
1. i-na-ad-du-u2-szi!
@law 156
2. szum-ma a-wi-lum
3. a-na _dumu_-szu
4. _e2-gi4-a_
5. i-hi-ir-ma
6. _dumu_-szu la il-ma-si2-ma
7. szu-u2 i-na su2-ni-sza
8. it-ta-ti-il
9. 1/2(disz) _ma-na ku3-babbar_
10. i-sza-qal-szi-im-ma
11. u3 mi-im-ma
12. sza isz-tu
13. _e2_ a-bi-sza
14. ub-lam
15. u2-sza-lam-szi-im-ma
16. mu-tu li-ib-bi-sza
17. i-ih-ha-as-si2
@law 157
18. szum-ma a-wi-lum
19. wa-ar-ki a-bi-szu
20. i-na su2-un um-mi-szu
21. i-ta-ti-il
22. ki-la-li-szu-nu
23. i-qal-lu-u2-szu-nu-ti
@law 158
24. szum-ma a-wi-lum
25. wa-ar-ki a-bi-szu
26. i-na su2-un
27. ra-bi-ti-szu
28. sza _dumu-mesz_ wa-al-da-at
29. it-ta-as,-ba-at
30. a-wi-lum szu-u2
31. i-na _e2 a-ba_
32. in-na-as-sa3-ah
@law 159
33. szum-ma a-wi-lum
34. sza a-na _e2_ e-mi-szu
35. bi-ib-lam
36. u2-sza-bi-lu
37. ter-ha-tam id-di-nu
38. a-na _munus_ sza-ni-tim
39. ub-ta-al-li-is,-ma
40. a-na e-mi-szu
41. _dumu-munus_-ka
42. u2-ul a-ha-az iq-ta-bi
43. a-bi _dumu-munus_
44. mi-im-ma
45. sza ib-ba-ab-lu-szum
46. i-tab-ba-al
@law 160
47. szum-ma a-wi-lum
48. a-na _e2_ e-mi-im
49. bi-ib-lam
50. u2-sza-bi-il
51. ter-ha-tam
52. id-di-in-ma
53. a-bi _dumu-munus_
54. _dumu-munus_-i u2-ul a-na-ad-di-ik-kum
55. iq-ta-bi
56. mi-im-ma ma-la
57. ib-ba-ab-lu-szum
58. usz-ta-sza-an-na-ma
59. u2-ta-ar
@law 161
60. szum-ma a-wi-lum
61. a-na _e2_ e-mi-szu
62. bi-ib-lam u2-sza-bil2
63. ter-ha-tam
64. id-di-in-ma
65. i-bi-ir-szu
66. uk-tar-ri-su2
67. e-mu-szu
68. a-na be-el asz-sza-tim
69. _dumu-munus_-i u2-ul ta-ah-ha-az
70. iq-ta-bi
71. mi-im-ma ma-la
72. ib-ba-ab-lu-szum
73. usz-ta-sza-an-na-ma
74. u2-ta-ar
75. u3 asz-sza-su2
76. i-bi-ir-szu
77. u2-ul i-ih-ha-az
@law 162
78. szum-ma a-wi-lum
79. asz-sza-tam
80. i-hu-uz
81. _dumu-mesz_ u2-li-sum2-ma
82. _munus_ szi-i
83. a-na szi-im-tim
@column 11
1. it-ta-la-ak
2. a-na sze-ri-ik-ta-sza
3. a-bu-sza
4. u2-ul i-ra-ag-gu-um
5. sze-ri-ik-ta-sza
6. sza _dumu-mesz_-sza-ma
@law 163
7. szum-ma a-wi-lum
8. asz-sza-tam
9. i-hu-uz-ma
10. _dumu-mesz_ la u2-szar-szi-szu
11. _munus_ szi-i
12. a-na szi-im-tim
13. it-ta-la-ak
14. szum-ma ter-ha-tam
15. sza a-wi-lum szu-u2
16. a-na _e2_ e-mi-szu ub-lu
17. e-mu-szu
18. ut-te-er-szum
19. a-na sze-ri-ik-ti
20. _munus_ szu-a-ti
21. mu-sa3 u2-ul i-ra-ag-gu-um
22. sze-ri-ik-ta-sza
23. sza _e2_ a-bi-sza-ma
@law 164
24. szum-ma e-mu-szu
25. ter-ha-tam
26. la ut-te-er-szum
27. i-na sze-ri-ik-ti-sza
28. ma-la ter-ha-ti-sza
29. i-har-ra-as,-ma
30. sze-ri-ik-ta-sza
31. a-na _e2_ a-ta!-sza
32. u2-ta-ar
@law 165
33. szum-ma a-wi-lum
34. a-na _ibila_-szu
35. sza i-in-szu mah-ru
36. _a-sza3 {gesz}kiri6_ u3 _e2_
37. isz-ru-uk
38. ku-nu-kam isz-t,ur-szum
39. wa-ar-ka a-bu-um
40. a-na szi-im-tim
41. it-ta-al-ku
42. i-nu-ma ah-hu
43. i-zu-uz-zu
44. qi2-isz-ti a-bu-um
45. id-di-nu-szum
46. i-le-qe2-ma
47. e-le-nu-um-ma
48. i-na _nig2-gur11 e2 a-ba_
49. mi-it-ha-ri-isz
50. i-zu-uz-zu
@law 166
51. szum-ma a-wi-lum
52. a-na _dumu-mesz_ sza ir-szu-u2
53. asz-sza-tim i-hu-uz
54. a-na _dumu_-szu
55. s,e-eh-ri-im
56. asz-sza-tam
57. la i-hu-uz
58. wa-ar-ka a-bu-um
59. a-na szi-im-tim
60. it-ta-al-ku
61. i-nu-ma ah-hu
62. i-zu-uz-zu
63. i-na _nig2-gur11 e2 a-ba_
64. a-na a-hi-szu-nu
65. s,e-eh-ri-im
66. sza asz-sza-tam
67. la ah-zu
68. e-li-a-at
69. zi-it-ti-szu
70. _ku3-babbar_ ter-ha-tim
71. i-sza-ak-ka-nu-szum-ma
72. asz-sza-tam
73. u2-sza-ah-ha-zu-szu
@law 167
74. szum-ma a-wi-lum
75. asz-sza-tam
76. i-hu-uz-ma
77. _dumu-mesz_ u2-li-sum2
78. _munus_ szi-i
79. a-na szi-im-tim
80. it-ta-la-ak
81. wa-ar-ki-sza
82. _munus_ sza-ni-tam
83. i-ta-ha-az-ma
84. _dumu-mesz_ it-ta-la-ad
85. wa-ar-ka-nu-um
86. a-bu-um a-na szi-im-tim
87. it-ta-al-ku
@column 12
1. _dumu-mesz_ a-na um-ma-tim
2. u2-ul i-zu-uz-zu
3. sze-ri-ik-ti
4. um-ma-ti-szu-nu
5. i-le-qu2-ma
6. _nig2-gur11 e2 a-ba_
7. mi-it-ha-ri-isz
8. i-zu-uz-zu
@law 168
9. szum-ma a-wi-lum
10. a-na _dumu_-szu
11. na-sa-hi-im
12. pa-nam isz-ta-ka-an
13. a-na da-a-a-ni
14. _dumu_-i a-na-sa3-ah iq-ta-bi
15. da-a-a-nu
16. wa-ar-ka-su2
17. i-par2-ra-su-ma
18. szum-ma _dumu_ ar-nam kab-tam
19. sza i-na ap-lu-tim
20. na-sa-hi-im
21. la ub-lam
22. a-bu-um _dumu_-szu
23. i-na ap-lu-tim
24. u2-ul i-na-sa3-ah
@law 169
25. szum-ma ar-nam kab-tam
26. sza i-na ap-lu-tim
27. na-sa-hi-im
28. a-na a-bi-szu
29. it-ba-lam
30. a-na isz-ti-isz-szu
31. pa-ni-szu ub-ba-lu
32. szum-ma ar-nam kab-tam
33. a-di szi-ni-szu it-ba-lam
34. a-bu-um _dumu_-szu
35. i-na ap-lu-tim
36. i-na-sa3-ah
@law 170
37. szum-ma a-wi-lum
38. hi-ir-ta-szu
39. _dumu-mesz_ u2-li-sum2
40. u3 _geme2_-su2
41. _dumu-mesz_ u2-li-sum2
42. a-bu-um
43. i-na bu-ul-t,i3-szu
44. a-na _dumu-mesz_ sza _geme2_ ul-du-szum
45. _dumu-mesz_-u2-a iq-ta-bi
46. it-ti _dumu-mesz_ hi-ir-tim
47. im-ta-nu-szu-nu-ti
48. wa-ar-ka a-bu-um
49. a-na szi-im-tim
50. it-ta-al-ku
51. i-na _nig2-gur11 e2 a-ba_
52. _dumu-mesz_ hi-ir-tim
53. u3 _dumu-mesz geme2_
54. mi-it-ha-ri-isz
55. i-zu-uz-zu
56. _ibila dumu_ hi-ir-tim
57. i-na zi-it-tim
58. i-na-sa3-aq-ma
59. i-le-qe2
@law 171
60. u3 szum-ma a-bu-um
61. i-na bu-ul-t,i3-szu
62. a-na _dumu-mesz_ sza _geme2_ ul-du-szum
63. _dumu-mesz_-u2-a la iq-ta-bi
64. wa-ar-ka a-bu-um
65. a-na szi-im-tim
66. it-ta-al-ku
67. i-na _nig2-gur11 e2 a-ba_
68. _dumu-mesz geme2_
69. it-ti _dumu-mesz_ hi-ir-tim
70. u2-ul i-zu-uz-zu
71. an-du-ra-ar
72. _geme2_ u3 _dumu-mesz_-sza
73. isz-sza-ak-ka-an
74. _dumu-mesz_ hi-ir-tim
75. a-na _dumu-mesz geme2_
76. a-na wa-ar-du-tim
77. u2-ul i-ra-ag-gu-mu
78. hi-ir-tum
79. sze-ri-ik-ta-sza
80. u3 nu-du-un-na-am
81. sza mu-sa3
82. id-di-nu-szi-im
83. i-na t,up-pi2-im
84. isz-t,u2-ru-szi-im
85. i-le-qe2-ma
86. i-na szu-ba-at
87. mu-ti-sza usz-sza-ab
@column 13
1. a-di ba-al-t,a-at i-ik-ka-al
2. a-na _ku3-babbar_
3. u2-ul i-na-ad-di-in
4. wa-ar-ka-sa3
5. sza _dumu-mesz_-sza-ma
@law 172
6. szum-ma mu-sa3
7. nu-du-un-na-am
8. la id-di-isz-szi-im
9. sze-ri-ik-ta-sza
10. u2-sza-la-mu-szi-im-ma
11. i-na _nig2-gur11_
12. _e2_ mu-ti-sza
13. zi2-it-tam
14. ki-ma _ibila_ isz-te-en
15. i-le-qe2
16. szum-ma _dumu-mesz_-sza
17. asz-szum i-na _e2_ szu-s,i2-im
18. u2-sa3-ah-ha-mu-szi
19. da-a-a-nu
20. wa-ar-ka-sa3
21. i-par2-ra-su-ma
22. _dumu-mesz_ ar-nam
23. i-im-mi-du
24. _munus_ szi-i
25. i-na _e2_ mu-ti-sza
26. u2-ul us,-s,i2
27. szum-ma _munus_ szi-i
28. a-na wa-s,e-em
29. pa-ni-sza
30. isz-ta-ka-an
31. nu-du-un-na-am
32. sza mu-sa3
33. id-di-nu-szi-im
34. a-na _dumu-mesz_-sza
35. i-iz-zi-ib
36. sze-ri-ik-tam
37. sza _e2_ a-bi-sza
38. i-le-qe2-ma
39. mu-ut li-ib-bi-sza
40. i-ih-ha-as-si2
@law 173
41. szum-ma _munus_ szi-i
42. a-szar i-ru-bu
43. a-na mu-ti-sza
44. wa-ar-ki-im
45. _dumu-mesz_ it-ta-la-ad
46. wa-ar-ka _munus_ szi-i im-tu-ut
47. sze-ri-ik-ta-sza
48. _dumu-mesz_ mah-ru-tum
49. u3 wa-ar-ku-tum
50. i-zu-uz-zu
@law 174
51. szum-ma a-na mu-ti-sza
52. wa-ar-ki-im
53. _dumu-mesz_ la it-ta-la-ad
54. sze-ri-ik-ta-sza
55. _dumu-mesz_ ha-wi-ri-sza-ma
56. i-le-qu2-u2
@law 175
57. szum-ma lu _ARAD2 e2-gal_
58. u3 lu _ARAD2_
59. _|MASZ.EN.GAG|_
60. _dumu-munus_ a-wi-lim
61. i-hu-uz-ma
62. _dumu-mesz_
63. it-ta-la-ad
64. be-el _ARAD2_
65. a-na _dumu-mesz_
66. _dumu-munus_ a-wi-lim
67. a-na wa-ar-du-tim
68. u2-ul i-ra-ag-gu-um
@law 176
69. u3 szum-ma _ARAD2 e2-gal_
70. u3 lu _ARAD2 |MASZ.EN.GAG|_
71. _dumu-munus_ a-wi-lim
72. i-hu-uz-ma
73. i-nu-ma i-hu-zu-szi
74. qa2-du-um
75. sze-ri-ik-tim
76. sza _e2_ a-bi-sza
77. a-na _e2 ARAD2 e2-gal_
78. u3 lu _ARAD2 |MASZ.EN.GAG|_
79. i-ru-ub-ma
80. isz-tu in-ne-em-du
81. _e2_ i-pu-szu
82. bi-sza-am ir-szu-u2
83. wa-ar-ka-nu-um-ma
84. lu _ARAD2 e2-gal_
85. u3 lu _ARAD2 |MASZ.EN.GAG|_
86. a-na szi-im-tim
87. it-ta-la-ak
88. _dumu-munus_ a-wi-lim
89. sze-ri-ik-ta-sza
90. i-le-qe2
91. u3 mi-im-ma
92. sza mu-sa3 u3 szi-i
@column 14
1. isz-tu in-ne-em-du
2. ir-szu-u2
3. a-na szi-ni-szu
4. i-zu-uz-zu-ma
5. mi-isz-lam be-el _ARAD2_
6. i-le-qe2
7. mi-isz-lam
8. _dumu-munus_ a-wi-lim
9. a-na _dumu-mesz_-sza i-le-qe2
10. szum-ma _dumu-munus_ a-wi-lim
11. sze-ri-ik-tam la i-szu
12. mi-im#-ma sza mu-sa3 u3 szi-i
13. isz-tu in-ne-em-du
14. ir-szu-u2
15. a-na szi-ni-szu
16. i-zu-uz-zu-ma
17. mi-isz-lam be-el _ARAD2_
18. i-le-qe2
19. mi-isz-lam
20. _dumu-munus_ a-wi-lim
21. a-na _dumu-mesz_-sza i-le-qe2
@law 177
22. szum-ma _nu-mu-su_
23. sza _dumu-mesz_-sza
24. s,e-eh-he-ru
25. a-na _e2_ sza-ni-im
26. e-re-bi-im
27. pa-ni-sza
28. isz-ta-ka-an
29. ba-lum da-a-a-ni
30. u2-ul i-ir-ru-ub
31. i-nu-ma
32. a-na _e2_ sza-ni-im
33. i-ir-ru-bu
34. da-a-a-nu
35. wa-ar-ka-at
36. _e2_ mu-ti-sza
37. pa-ni-im
38. i-par2-ra-su-ma
39. _e2_ sza mu-ti-sza
40. pa-ni-im
41. a-na mu-ti-sza
42. wa-ar-ki-im
43. u3 _munus_ szu-a-ti
44. i-pa-aq-qi2-du-ma
45. t,up-pa-am
46. u2-sze-ez-ze-bu-szu-nu-ti
47. _e2_ i-na-s,a-ru
48. u3 s,e-eh-he-ru-tim
49. u2-ra-ab-bu-u2
50. u2-ni-a-tim
51. a-na _ku3-babbar_
52. u2-ul i-na-ad-di-nu
53. sza-a-a-ma-nu-um
54. sza u2-nu-ut
55. _dumu-mesz nu-mu-su_
56. i-sza-am-mu
57. i-na _ku3-babbar_-szu
58. i-te-el-li
59. _nig2-gur11_ a-na be-li2-szu
60. i-ta-ar
@law 178
61. szum-ma _nin-dingir lukur_
62. u3 lu {munus}_zi-ik-ru-um_
63. sza a-bu-sza
64. sze-ri-ik-tam
65. isz-ru-uk-szi-im
66. t,up-pa-am
67. isz-t,u2-ru-szi-im
68. i-na t,up-pi2-im
69. sza isz-t,u2-ru-szi-im
70. wa-ar-ka-sa3
71. e-me e-li-sza
72. t,a-bu na-da-nam
73. la isz-t,ur-szi-im-ma
74. ma-la li-ib-bi-sza
75. la u2-sza-am-s,i2-szi
76. wa-ar-ka a-bu-um
77. a-na szi-im-tim
78. it-ta-al-ku
79. _a-sza3_-sza u3 _kiri6_-sza
80. ah-hu-sza
81. i-le-qu2-ma
82. ki-ma e-mu-uq
83. zi-it-ti-sza
84. _sze-ba i3-ba_ u3 _siki-ba_
85. i-na-ad-di-nu-szim-ma
86. li-ib-ba-sza
87. u2-t,a-ab-bu
88. szum-ma ah-hu-sza
89. ki-ma e-mu-uq
90. zi-it-ti-sza
91. _sze-ba i3-ba_ u3 _siki-ba_
92. la it-ta-ad-nu-szi-im-ma
@column 15
1. li-ib-ba-sza
2. la ut,-t,i-ib-bu
3. _a-sza3_-sza u3 _kiri6_-sza
4. a-na er-re-szi-im
5. sza e-li-sza t,a-bu
6. i-na-ad-di-in-ma
7. er-re-sa3
8. it-ta-na-asz-szi-szi
9. _a-sza3 {gesz}kiri6_
10. u3 mi-im-ma
11. sza a-bu-sza
12. id-di-nu-szi-im
13. a-di ba-al-t,a-at i3-kal
14. a-na _ku3-babbar_
15. u2-ul i-na-ad-di-in
16. sza-ni-a-am
17. u2-ul u2-up-pa-al
18. ap-lu-sa3
19. sza ah-hi-sza-ma
@law 179
20. szum-ma _nin-dingir lukur_
21. u3 lu {munus}_zi-ik-ru-um_
22. sza a-bu-sza
23. sze-ri-ik-tam
24. isz-ru-uk-szi-im
25. ku-nu-kam
26. isz-t,u2-ru-szi-im
27. i-na t,up-pi2-im
28. sza isz-t,u2-ru-szi-im
29. wa-ar-ka-sa3
30. e-ma e-li-sza t,a-bu
31. na-da-nam
32. isz-t,ur-szi-im-ma
33. ma-la li-ib-bi-sza
34. usz-tam-s,i2-szi
35. wa-ar-ka a-bu-um
36. a-na szi-im-tim
37. it-ta-al-ku
38. wa-ar-ka-sa3
39. e-ma e-li-sza t,a-bu
40. i-na-ad-di-in
41. ah-hu-sza
42. u2-ul i-ba-aq-qa2-ru-szi
@law 180
43. szum-ma a-bu-um
44. a-na _dumu-munus_-szu
45. _lukur ga2-gi4-a_
46. u3 lu {munus}_zi-ik-ru-um_
47. sze-ri-ik-tam
48. la isz-<ru>-uk-szi-im
49. wa-ar-ka a-bu-um
50. a-na szi-im-tim
51. it-ta-al-ku
52. i-na _nig2-gur11 e2 a-ba_
53. zi2-it-tam ki-ma
54. ap-lim isz-te-en
55. i-za-az-ma
56. a-di ba-al-t,a-at
57. i-ik-ka-al
58. wa-ar-ka-sa3
59. sza ah-hi-sza-ma
@law 181
60. szum-ma a-bu-um
61. _lukur nu-gig_
62. u3 lu _nu-bar_
63. a-na _dingir_ isz-szi-ma
64. sze-ri-ik-tam
65. la isz-ru-uk-szi-im
66. wa-ar-ka a-bu-um
67. a-na szi-im-tim
68. it-ta-al-ku
69. i-na _nig2-gur11 e2 a-ba_
70. _igi 3(disz)-gal2 ibila_-sza
71. i-za-az-ma
72. a-di ba-al-t,a-at
73. i-ik-ka-al
74. wa-ar-ka-sa3
75. sza ah-hi-sza-am-ma
@law 182
76. szum-ma a-bu-um
77. a-na _dumu-munus_-szu
78. _lukur_ {d}marduk
79. sza babila#{ki}
80. sze-ri-ik-tam
81. la isz-ru-uk-szi-im
82. ku-nu-kam
83. la isz-t,ur-szi-im
84. wa-ar-ka a-bu-um
85. a-na szi-im-tim
86. it-ta-al-ku
87. i-na _nig2-gur11 e2 a-ba_
88. _igi 3(disz)-gal2 ibila_-sza
89. it-ti ah-hi-sza
90. i-za-az-ma
91. il-kam
92. u2-ul i-il-la-ak
93. _lukur_ {d}marduk
94. wa-ar-ka-sa3
95. e-ma e-li-sza
96. t,a-bu
@column 16
1. i-na-ad-di-in
@law 183
2. szum-ma a-bu-um
3. a-na _dumu-munus_-szu szu-gi4-tim
4. sze-ri-ik-tam
5. isz-ru-uk-szi-im
6. a-na mu-tim
7. id-di-isz-szi
8. ku-nu-uk-kam
9. isz-t,ur-szi-im
10. wa-ar-ka a-bu-um
11. a-na szi-im-tim
12. it-ta-al-ku
13. i-na _nig2-gur11 e2 a-ba_
14. u2-ul i-za-az
@law 184
15. szum-ma a-wi-lum
16. a-na _dumu-munus_-szu
17. szu-gi4-tim
18. sze-ri-ik-tam
19. la isz-ru-uk-szim
20. a-na mu-tim
21. la id-di-isz-szi
22. wa-ar-ka a-bu-um
23. a-na szi-im-tim
24. it-ta-al-ku
25. ah-hu-sza
26. ki-ma e-mu-uq _e2 a-ba_
27. sze-ri-ik-tam
28. i-szar-ra-ku-szi-im-ma
29. a-na mu-tim
30. i-na-ad-di-nu-szi
@law 185
31. szum-ma a-wi-lum
32. s,e-eh-ra-am
33. i-na me-e-szu
34. a-na ma-ru-tim
35. il-qe2-ma
36. ur2-ta-ab-bi-szu
37. tar-bi-tum szi-i
38. u2-ul ib-ba-aq-qar
@law 186
39. szum-ma a-wi-lum
40. s,e-eh-ra-am
41. a-na ma-ru-tim il-qe2
42. i-nu-ma
43. il-qu2-u2-szu
44. a-ba-szu
45. u3 um-ma-szu
46. i-hi-a-at,
47. tar-bi-tum szi-i
48. a-na _e2_ a-bi-szu
49. i-ta-ar
@law 187
50. _dumu giri3-se3-ga_
51. mu-za-az _e2-gal_
52. u3 _dumu {munus}zi-ik-ru-um_
53. u2-ul ib-ba-aq-qar
@law 188
54. szum-ma _dumu um-mi-a_
55. _dumu_ a-na tar-bi-tim
56. il-qe2-ma
57. szi-pi2-ir qa2-ti-szu
58. usz-ta-hi-su2
59. u2-ul ib-ba-qar
@law 189
60. szum-ma szi-pi2-ir qa2-ti-szu
61. la usz-ta-hi-su2
62. tar-bi-tum szi-i
63. a-na _e2_ a-bi-szu
64. i-ta-ar
@law 190
65. szum-ma a-wi-lum
66. s,e-eh-ra-am
67. sza a-na ma-ru-ti-szu
68. il-qu2-szu-ma
69. u2-ra-ab-bu-szu
70. it-ti _dumu-mesz_-szu
71. la im-ta-nu-szu
72. tar-bi-tum szi-i
73. a-na _e2_ a-bi-szu
74. i-ta-ar
@law 191
75. szum-ma a-wi-lum
76. s,e-eh-ra-am
77. sza a-na ma-ru-ti-szu
78. il-qu2-szu-ma
79. u2-ra-ab-bu-u2-szu
80. _e2_-ba! i-pu-usz
81. wa-ar-ka _dumu-mesz_
82. ir-ta-szi-ma
83. a-na tar-bi-tim na-sa-hi-im
84. pa-nam isz-ta-ka-an
85. _dumu_ szu-u2 ri-qu2-su2
86. u2-ul it-ta-al-la-ak
87. a-bu-um mu-ra-bi-szu
88. i-na _nig2-gur11_-szu
89. _igi 3(disz)-gal2 ibila_-szu
90. i-na-ad-di-isz-szum-ma
91. it-ta-la-ak
92. i-na _a-sza3 {gesz}kiri6_
93. u3 _e2_
94. u2-ul i-na-ad-di;-isz-szum
@law 192
96. szum-ma _dumu giri3-se3-ga_
@column 17
1. u3 lu _dumu {munus}zi-ik-ru-um#_
2. a-na a-bi-im
3. mu-ra-bi-szu
4. u3 um-mi-im
5. mu-ra-bi-ti-szu
6. u2-ul a-bi at-ta
7. u2-ul um-mi at-ti iq-ta-bi
8. _eme_-szu
9. i-na-ak-ki-su
@law 193
10. szum-ma _dumu giri3-se3-ga_
11. u3 lu _dumu {munus}zi-ik-ru-um_
12. _e2_ a-bi-szu
13. u2-we-ed-di-ma
14. a-ba-am
15. mu-ra-bi-szu
16. u3 um-ma-am
17. mu-ra-bi-su2
18. i-ze2-er-ma
19. a-na _e2_ a-bi-szu
20. it-ta-la-ak
21. i-in-szu
22. i-na-sa3-hu
@law 194
23. szum-ma a-wi-lum
24. _dumu_-szu a-na mu-sze-ni-iq-tim
25. id-di-in-ma
26. _dumu_ szu-u2
27. i-na# qa2-at mu-sze-ni-iq-tim
28. im-tu-ut
29. mu-sze-ni-iq-tum#
30. ba-lum a-bi-szu
31. u3 um-mi-szu
32. _dumu_ sza-ni-a-am-ma
33. ir-ta-ka-as2
34. u2-ka-an-nu-szi-ma
35. asz-szum ba-lum a-bi-szu#
36. u3 um-mi-[szu]
37. _dumu_ sza-ni-a-am#
38. ir-ku-su#
39. _ubur_-sza
40. i-na-ak-ki-su
@law 195
41. szum-ma _dumu a-ba_-szu
42. im-ta-ha-as,
43. _kiszib3-la2_-szu
44. i-na-ak-ki-su
@law 196
45. szum-ma a-wi-lum
46. i-in _dumu_ a-wi-lim
47. uh2-tap-pi2-id
48. i-in-szu
49. u2-ha-ap-pa-du
@law 197
50. szum-ma _giri3-pad-ra2_ a-wi-lim
51. isz-te-bi-ir
52. _giri3-pad-ra2_-szu
53. i-sze-eb-bi-ru
@law 198
54. szum-ma i-in _|MASZ.EN.GAG|_
55. uh2-tap-pi2-id
56. u3 lu _giri3-pad-ra2 |MASZ.EN.GAG|_
57. isz-te-bi-ir
58. 1(disz) _ma-na ku3-babbar_
59. i-sza-qal
@law 199
60. szum-ma i-in _ARAD2_ a-wi-lim
61. uh2-tap-pi2-id
62. u3 lu _giri3-pad-ra2 ARAD2_ a-wi-lim
63. isz-te-bi-ir
64. mi-szi-il _sa10_-szu
65. i-sza-qal
@law 200
66. szum-ma a-wi-lum
67. szi-in-ni a-wi-lim
68. me-eh-ri-szu
69. it-ta-di
70. szi-in-na-szu i-na-ad-du-u2
@law 201
71. szum-ma szi-in-ni szi-in-gag
72. _|MASZ.EN.GAG|_ it-ta-di
73. 1/3(disz) _ma-na ku3-babbar_
74. i-sza-qal
@law 202
75. szum-ma a-wi-lum
76. le-e-et a-wi-lim
77. sza e-li-szu ra-bu-u2
78. im-ta-ha-as,
79. i-na pu-uh2-ri-im
80. i-na _{kusz}usan3 gu4_
81. 1(disz) szu-szi im-mah-ha-as,
@law 203
82. szum-ma _dumu_ a-wi-lim
83. le-e-et _dumu_ a-wi-lim
84. sza ki-ma szu-a-ti
85. im-ta-ha-as,
86. 1(disz) ma-na _ku3-babbar_
87. i-sza-qal
@law 204
88. szum-ma _|MASZ.EN.GAG|_
89. le-e-et _|MASZ.EN.GAG|_
90. im-ta-ha-as,
91. 1(u) _gin2 ku3-babbar_ i-sza-qal
@law 205
92. szum-ma _ARAD2_ a-wi-lim
93. le-e-et _dumu_ a-wi-lim
@column 18
1. im-ta-ha-as,
2. u2-zu-un-szu
3. i-na-ak-ki-su
@law 206
4. szum-ma a-wi-lum a-wi-lam
5. i-na ri-is-ba-tim
6. im-ta-ha-as,-ma
7. si2-im-ma-am
8. isz-ta-ka-an-szu
9. a-wi-lum szu-u2
10. i-na i-du-u2
11. la am-ha-s,u2
12. i-tam-ma
13. u3 _a-zu_ i-ip-pa-al
@law 207
14. szum-ma i-na ma-ha-s,i2-szu
15. im-tu-ut
16. i-tam-ma-ma
17. szum-ma _dumu_ a-wi-lim
18. 1/2(disz) _ma-na ku3-babbar_
19. i-sza-qal
@law 208
20. szum-ma _dumu |MASZ.EN.GAG|_
21. 1/3(disz) _ma-na ku3-babbar_
22. i-sza-qal
@law 209
23. szum-ma a-wi-lum
24. _dumu-munus_ a-wi-lim
25. im-ha-as,-ma
26. sza li-ib-bi-sza
27. usz-ta-di-szi
28. 1(u) _gin2 ku3-babbar_
29. a-na sza li-ib-bi-sza
30. i-sza-qal
@law 210
31. szum-ma _munus_ szi-i
32. im-tu-ut
33. _dumu-munus_-su2
34. i-du-uk-ku
@law 211
35. szum-ma _dumu-munus |MASZ.EN.GAG|_
36. i-na ma-ha-s,i2-im
37. sza li-ib-bi-sza
38. usz-ta-ad-di-szi
39. 5(disz) _gin2 ku3-babbar_
40. i-sza-qal
@law 212
41. szum-ma _munus_ szi-<i>
42. im-tu-ut
43. 1/2(disz) _ma-na ku3-babbar_
44. i-sza-qal
@law 213
45. szum-ma _geme2_ a-wi-lim
46. im-ha-as,-ma
47. sza li-ib-bi-sza
48. usz-ta-ad-di-szi
49. 2(disz) _gin2 ku3-babbar_
50. i-sza-qal
@law 214
51. szum-ma _geme2_ szi-i
52. im-tu-ut
53. 1/3(disz) _ma-na ku3-babbar_
54. i-sza-qal
@law 215
55. szum-ma _a-zu_
56. a-wi-lam si2-im-ma-am kab-tam
57. i-na _gir2 gag zabar_
58. i-pu-usz-ma
59. a-wi-lam ub-ta-al-li-it,
60. u3 lu na-kap-ti a-wi-lim
61. i-na _gir2 gag zabar_
62. ip-te-ma
63. i-in a-wi-lim
64. ub-ta-al-li-it,
65. 1(u) _gin2 ku3-babbar_
66. i-le-qe2
@law 216
67. szum-ma _dumu |MASZ.EN.GAG|_
68. 5(disz) _gin2 ku3-babbar_
69. i-le-qe2
@law 217
70. szum-ma _ARAD2_ a-wi-lim
71. be-el _ARAD2_ a-na _a-zu_
72. 2(disz) _gin2 ku3-babbar_
73. i-na-ad-di-in
@law 218
74. szum-ma _a-zu_ a-wi-lam
75. si2-im-ma-am kab-tam
76. i-na _gir2 gag zabar_
77. i-pu-usz-ma
78. a-wi-lam usz-ta-mi-it
79. u3 lu na-a2!-ti a-wi-lim
80. i-na _gir2 gag zabar_
81. ip-te-ma i-in a-wi-lim
82. uh2-tap-pi2-id
83. _kiszib3-la2_-szu i-na-ki-su
@law 219
84. szum-ma _a-zu_ si2-im-ma-am kab-tam
85. _ARAD2 |MASZ.EN.GAG|_
86. i-na _gir2 gag zabar_
87. i-pu-usz-ma usz-ta-mi-it
88. _ARAD2_ ki-ma _ARAD2_ i-ri-ab
@law 220
89. szum-ma na-kap-ta-szu
90. i-na _gir2 gag zabar_
91. ip-te-ma
92. i-in-szu uh2-tap-<pi2>-da
93. _ku3-babbar_ mi-szi-il
94. _sa10_-szu i-sza-qal
@law 221
95. szum-ma _a-zu_
96. _giri3-pad-ra2_ a-wi-lim
@column 19
1. sze-bi-ir-tam
2. usz-ta-li-im
3. u3 lu sze-er-ha-nam
4. mar-s,a-am _ku3-babbar_
5. ub-ta-al-li-it,
6. be-el s,e-em-ma-im
7. a-na _a-zu_
8. 5(disz) _gin2 ku3-babbar_
9. i-na-ad-di-in
@law 222
10. szum-ma _dumu |MASZ.EN.GAG|_
11. 3(disz) _gin2 ku3-babbar_
12. i-na-ad-di-in
@law 223
13. szum-ma _ARAD2_ a-wi-lim
14. be-el _ARAD2_
15. a-na _a-zu_
16. 2(disz) _gin2 ku3-babbar_
17. i-na-ad-di-in
@law 224
18. szum-ma _a-zu gu4_
19. u3 lu _ansze_
20. lu _gu4_ u3 lu _ansze_
21. s,e-em-ma-am kab-tam
22. i-pu-usz-ma
23. ub-ta-al-li-it,
24. be-el _gu4_ u3 lu _ansze_
25. _igi 6(disz)-gal2 ku3-babbar_
26. a-na _a-zu_
27. _a2_-szu
28. i-na-ad-di-in
@law 225
29. szum-ma _gu4_ u3 lu _ansze_
30. si2-im-ma-am kab-tam
31. i-pu-usz-ma
32. usz-ta-mi-it
33. _igi 4(disz)?-gal2 sa10_-szu
34. a-na be-el _gu4_ u3 lu _ansze_
35. i-na-ad-di-in
@law 226
36. szum-ma _szu-i_
37. ba-lum be-el _ARAD2_
38. ab-bu-ti _ARAD2_ la sze-e-em
40. u2-ga-al-li-ib
41. _kiszib3-la2 szu-i_ szu-a-ti
42. i-na-ak-ki-su2
@law 227
43. szum-ma a-wi-lum
44. _szu-i_ i-da-as,-ma
45. ab-bu-ti
46. _ARAD2_ la sze-e-em
47. ug-da-al-li-ib
48. a-wi-lam szu-a-ti
49. i-du-uk-ku-szu-ma
50. i-na _ka2_-szu
51. i-ha-al-la-lu-szu
52. _szu-i_ i-na i-du-u2
53. la u2-gal-li-bu
54. i-tam-ma-ma
55. u2-ta-asz-szar
@law 228
56. szum-ma _szitim_
57. _e2_ a-na a-wi-lim
58. i-pu-usz-ma
59. u2-sza-ak-li-il-szum
60. a-na 1(disz) _sar e2_
61. 2(disz) _gin2 ku3-babbar_
62. a-na qi2-isz-ti-szu
63. i-na-ad-di-isz-szum
@law 229
64. szum-ma _szitim_
65. a-na a-wi-lim
66. _e2_ i-pu-usz-ma
67. szi-pi2-ir-szu
68. la u2-da-an-ni-in-ma
69. _e2_ i-pu-szu
70. im-qu2-ut-ma
71. be-el _e2_ usz-ta-mi-it
72. _szitim_ szu-u2 id-da-ak
@law 230
73. szum-ma _dumu_ be-el _e2_
74. usz-ta-mi-it
75. _dumu szitim_ szu-a-ti
76. i-du-uk-ku
@law 231
77. szum-ma _ARAD2_ be-el _e2_
78. usz-ta-mi-it
79. _ARAD2_ ki-ma _ARAD2_
80. a-na be-el _e2_
81. i-na-ad-di-in
@law 232
82. szum-ma _nig2-gur11_
83. uh2-ta-al-li-iq
84. mi-im-ma
85. sza u2-hal-li-qu2
86. i-ri-ab
87. u3 asz-szum _e2_ i-pu-szu
88. la u2-dan-ni-nu-ma
89. im-qu2-tu
90. i-na _nig2-gur11_
91. ra-ma-ni-szu
92. _e2_ im-qu2-tu i-ip-pe2-esz
@law 233
93. szum-ma _szitim e2_
94. a-na a-wi-lim i-pu-usz-ma
95. szi-pi2-ir-szu
96. la usz-te-es,-bi-ma
97. _e2-gar8_ iq-tu-up
98. _szitim_ szu-u2
@column 20
1. i-na _ku3-babbar_ ra-ma-ni-szu
2. _e2-gar8_ szu-a-ti
3. u2-dan-na-an
@law 234
4. szum-ma _ma2-lah5_
5. _{gesz}ma2 1(gesz2) gur_
6. a-na a-wi-lim ip-he
7. 2(disz) _gin2 ku3-babbar_
8. a-na qi2-isz-ti-szu
9. i-na-ad-di-isz-szum
@law 235
10. szum-ma _ma2-lah5_
11. _{gesz}ma2_ a-na a-wi-lim
12. ip-he-ma
13. szi-pi2-ir-szu
14. la u2-tak2-ki-il-ma
15. i-na sza-at-tim-ma szu-a-ti
16. _{gesz}ma2_ szi-i
17. is,-s,a-bar
18. hi-t,i-tam ir-ta-szi
19. _ma2-lah5_
20. _{gesz}ma2_ szu-a-ti
21. i-na-qar-ma
22. i-na _nig2-gur11_ ra-ma-ni-szu
23. u2-dan-na-an-ma
24. _{gesz}ma2_ dan-na-tam
25. a-na be-el _{gesz}ma2_
26. i-na-ad-di-in
@law 236
27. szum-ma a-wi-lum
28. _{gesz}ma2_-szu
29. a-na _ma2-lah5_
30. a-na ig-ri-im
31. id-di-in-ma
32. _ma2-lah5_ i-gi-ma
33. _{gesz}ma2_ ut,-t,e4-bi
34. u3 lu uh2-ta-al-li-iq
35. _ma2-lah5 {gesz}ma2_
36. a-na be-el _{gesz}ma2_
37. i-ri-a-ab
@law 237
38. szum-ma a-wi-lum
39. _ma2-lah5_ u3 _{gesz}ma2_
40. i-gur-ma
41. _sze siki i3-gisz zu2-lum_
42. u3 mi-im-ma szum-szu
43. sza s,e-nim
44. i-s,e-en-szi
45. _ma2-lah5_ szu-u2
46. i-gi-ma
47. _{gesz}ma2_ ut,-t,e4-eb-bi
48. u3 sza li-ib-bi-sza
49. uh2-ta-al-li-iq
50. _ma2-lah5_
51. _{gesz}ma2_ sza u2-t,e4-eb-bu-u2
52. u3 mi-im-ma
53. sza i-na li-ib-bi-sza
54. u2-hal-li-qu2
55. i-ri-a-ab
@law 238
56. szum-ma _ma2-lah5_
57. _{gesz}ma2_ a-wi-lim
58. u2-t,e4-eb-bi-ma
59. usz-te-li-a-asz-szi#
60. _ku3-babbar_ mi-szi-il# _sa10_-sza#
61. i-na-ad-di-in#
@law 239
62. szum-ma a-wi-lum#
63. _ma2-lah5_ [i-gur]
64. 6(asz) [_sze gur_]
65. i-na sza-na#-[at]
66. i-na-ad#-[di]-isz-[szum]
@law 240
67. szum-ma {gesz#}[_ma2_]
68. sza ma-hi-ir-tim
69. _{gesz}ma2_ sza mu-uq-qe2-el-pi2-tim
70. im-ha-as,-ma
71. ut,-t,e4-eb-bi
72. be-el _{gesz}ma2_ sza _{gesz}ma2_-szu t,e4-bi-a-at
73. mi-im-ma sza i-na _{gesz}ma2_-szu hal-qu2
74. i-na ma-har i-lim
75. u2-ba-ar-ma
76. sza ma-hi-ir-tim
77. sza _{gesz}ma2_ sza mu-uq-qe2-el-pi2-tim
78. u2-t,e4-eb-bu-u2
79. _{gesz}ma2_-szu u3 mi-im-ma-szu hal-qa2-am
80. i-ri-a-ab-szum
@law 241
81. szum-ma a-wi-lum
82. _gu4_ a-na ni-pu-tim
83. it-te-pe2
84. 1/3(disz) _ma-na ku3-babbar_ i-sza-qal
@law 242-243
85. szum-ma a-wi-lum <_gu4_>
86. a-na _mu_ 1(disz) i-gur
87. _a2 gu4-a2-ur3-ra_
88. 4(asz) _sze gur_
89. _a2 gu4 ab2 muru2 sag_
90. 3(asz) _sze gur_ a-na be-li2-szu
91. i-na-ad-di-in
@column 21
@law 244
1. szum-ma a-wi-lum
2. _gu4 ansze_ i-gur-ma
3. i-na s,e-ri-im
4. _ur-mah_ id-du-uk-szu
5. a-na be-li2-szu-ma
@law 245
6. szum-ma a-wi-lum
7. _gu4_ i-gur-ma
8. i-na me-gu-tim
9. u3 lu i-na ma-ha-s,i2-im
10. usz-ta-mi-it
11. _gu4_ ki-ma _gu4_
12. a-na be-el _gu4_
13. i-ri-a-ab
@law 246
14. szum-ma a-wi-lum
15. _gu4_ i-gur-ma
16. _giri3_-szu isz-te-bi-ir
17. u3 lu la-bi-a-an-szu
18. it-ta-ki-is
19. _gu4_ ki-ma _gu4_
20. a-na be-el _gu4_
21. i-ri-a-ab
@law 247
22. szum-ma a-wi-lum
23. _gu4_ i-gur-ma
24. _igi_-szu uh2-tap-pi2-id
25. _ku3-babbar_ mi-szi-il _sa10_-szu
26. a-na be-el _gu4_
27. i-na-ad-di-in
@law 248
28. szum-ma a-wi-lum
29. _gu4_ i-gur-ma
30. _si_-szu isz-bi-ir
31. _kun_-su2 it-ta-ki-is
32. u3 lu {uzu}_sa-sal_-szu
33. it-ta-sa-ag!
34. _ku3-babbar igi 4(disz)?-gal2 sa10_-szu
35. i-na-ad-di-in
@law 249
36. szum-ma a-wi-lum
37. _gu4_ i-gur-ma
38. i-lum im-ha-su2-ma
39. im-tu-ut
40. a-wi-lum sza _gu4_ i-gu-ru
41. ni-isz i-lim
42. i-za-kar-ma
43. u2-ta-asz-szar
@law 250
44. szum-ma _gu4_ su2?-qa2-am
45. i-na a-la-ki-szu
46. a-wi-lam
47. ik-ki-ip-ma
48. usz-ta-mi-it
49. di-nu-um szu-u2
50. ru-gu-um-ma-am
51. u2-ul i-szu
@law 251
52. szum-ma# _gu4_ a-wi-lim
53. na-ak-ka#-pi2-[ma]
54. ki-ma na-ak-ka#-pu-u2
55. ba-ab-ta-szu
56. u2-sze-di-szum-ma
57. qar-ni-szu
58. la u2-szar-ri#-im
59. _gu4_-szu la u2-sa-an-ni-iq-ma
60. _gu4_ szu-u2
61. _dumu_ a#-wi-lim
62. ik#-ki#-ip-ma
63. usz#-[ta]-mi-it
64. 1/2(disz)# _[ma]-na ku3-babbar_
65. i#-[na]-ad-di-in
@law 252
66. [szum]-ma# _ARAD2_ a-wi-lim
67. 1/3(disz)# _[ma]-na ku3-babbar_
68. i#-na-ad-di-in
@law 253
69. szum#-ma a-wi-lum a-wi-lam
70. a-na pa-ni _a-sza3_-szu
71. u2-zu-uz-zi-im
72. i-gur-ma
73. _al# du3-a_-am
74. [i]-qi2-ip-szu
75. _[ab2] gu4 hi-a_ ip#-qi2-sum2
76. [a-na?] _a-sza3_ e-re-szi-im u2-ra-ak-ki-su2
77. szum#-ma a-wi-lum szu-u2
78. _sze numun_ u3 lu _sza3-gal_
79. isz-ri-iq-ma
80. i-na qa2-ti-szu
81. it-ta-as,-ba-at
82. _kiszib3-la2_-szu i-na-ak-ki-su
@law 254
83. szum-ma _al du3-a_-am
84. il-qe2-ma _ab2 gu4 hi-a_
85. u2-te-en-ni!-isz u2-te-en-gag-isz
86. ta-[asz?]-na _sze_ sza im-ri!-ru
87. i-ri-ab
@law 255
88. szum-ma _ab2 gu4 hi-a_
89. a-wi-lim a-na# ig-ri-im
90. it-ta-di-in
91. u3 lu _sze numun#_ isz-ri-iq-ma
92. i-na _a-sza3#_ la usz-tab-szi
93. a-wi-lam szu-a-ti
94. u2-ka-an-nu-szu-ma
95. i-na _buru14 1(bur3) GAN2_-e
96. 1(gesz2) _sze gur#_ i-ma-ad-da-ad
@law 256
97. szum-ma pi2-ha-su2
98. a-pa-lam la-i-le-i
99. i-na _a-sza3_ szu-a-ti i-na _ab2 gu4 hi-a_
100. im-ta-na-asz-sza-ru-szu
@law 257
101. szum-ma a-wi-lum
@column 22
1. _engar_ i-gur
2. 8(asz) _sze gur_
3. i-na _mu 1(disz)-kam_
4. i-na-ad-di-isz-szum
@law 258
5. szum-ma a-wi-lum
6. _sza3 gu4_ i-gur
7. 6(asz) _sze gur_
8. i-na _mu 1(disz)-kam_
9. i-na-ad-di-isz-szum
@law 259
10. szum-ma a-wi-lum
11. {gesz}APIN i-na _a-gar3_
12. isz-ri-iq
13. 5(disz) _gin2 ku3-babbar_
14. a-na be-el _{gesz}apin_
15. i-na-ad-di-in
@law 260
16. szum-ma _{gesz}apin tug2-gur10_
17. u3 lu _GAN2 ur3_
18. isz-ta-ri-iq
19. 3(disz) _gin2 ku3-babbar_
20. i-na-ad-di-in
@law 261
21. szum-ma a-wi-lum
22. _na-gada_ a-na _ab2 gu4 hi-a_
23. u3 _u8 udu hi-a_
24. re-im i-gur
25. 8(asz) _sze gur_
26. i-na _mu 1(disz)-kam_
27. i-na-ad-di-isz-szum
@law 262
28. szum-ma a-wi-lum
29. _gu4_ u3 lu _udu#_
30. a-na [...]
31. [...]
32. [...]
33. [...]
34. [...]
35. [...]
36. [...]
@law 263
37. szum-ma# [_gu4_] u3 lu [_udu_]
38. sza in-na-ad-nu-szum#
39. uh2-ta-al-li-[iq]
40. _gu4_ ki-ma [_gu4_]
41. _udu_ ki-ma [_udu_]
42. a-na be-li2-[szu-nu]
43. i-ri-a-[ab]
@law 264
44. szum-ma [_sipa_]
45. sza _ab2 gu4 [hi-a_]
46. u3 lu _u8 [udu hi-a_]
47. a-na re#-[im]
48. in-na-[ad]-nu#-szum#
49. _a2_-szu ga#-am#-ra-tim
50. ma-hi-ir
51. li-ib#-ba-szu t,a-ab
52. _ab2 gu4# hi-a_
53. us,-s,a-ah-hi-ir
54. _u8# udu hi-a_
55. us,-s,a-ah-hi-ir
56. ta-li-it-tam um-ta-t,i
57. a-na _ka_ ri-ik-sa-ti-szu
58. ta-li-it-tam
59. u3 bi-il-tam
60. i-na-ad-di-in
@law 265
61. szum-ma _sipa_
62. sza _ab2 gu4 hi-a_
63. u3 lu _u8 udu hi-a_
64. a-na re-im
65. in-na-ad-nu-szum
66. u2-sa-ar-ri-ir-ma
67. szi-im-tam ut-ta-ak-ki-ir
68. u3 a-na _ku3-babbar_
69. it-ta-di-in
70. u2-ka-an-nu-szu-ma
71. _a-ra2_ 1(u)-szu sza isz-ri-qu2
72. _ab2 gu4 hi-a_
73. u3 _u8 udu hi-a_
74. a-na be-li2-szu-nu
75. i-ri-a-ab
@law 266
76. szum-ma i-na _tur3_
77. li-pi2-it _dingir_ it-tab-szi
78. u3 lu _ur-mah_ id-du-uk _sipa_ ma-hi! _dingir_
79. u2-ub-ba-am-ma
80. mi-qi2-it-ti _tur3_
81. be-el _tur3_ i-mah-har-szu
@law 267
82. szum-ma _sipa_ i-_geme2_-ma
83. i-na _tur3_ pe2-sa2-tam usz-tab-szi
84. _sipa_ hi-t,i-it pe2-sa3-tim
85. sza i-na _tur3_ u2-sza-ab-szu-u2
86. _ab2 gu4 hi-a_ u3 _u8 udu hi-a_
87. u2-sza-lam-ma
88. a-na be-li2-szu-nu
89. i-na-ad-di-in
@law 268
90. szum-ma a-wi-lum _gu4_
91. a-na di-a-szi-im i-gur
92. 2(ban2) _sze a2_-szu
@law 269
93. szum-ma _ansze_
94. a-na di-a-szi-im i-gur
95. 1(ban2) _sze a2_-szu
@law 270
96. szum-ma _masz2_
97. a-na di-a-szi-im i-gur
98. 1(disz) _sila3 sze a2_-szu
@law 271
99. szum-ma a-wi-lum
100. _ab2 gu4 hi-a {gesz}mar-gid2-da_
101. u3 mu-ur2-te-di-sza i-gur
@column 23
1. i-na _u4 1(disz)-kam 3(barig) sze_
2. i-na-ad-di-in
@law 272
3. szum-ma a-wi-lum
4. _{gesz}mar-gid2-da_-ma
5. a-na ra-ma-ni-sza i-gur
6. i-na _u4 1(disz)-kam 4(ban2) sze_
7. i-na-ad-di-in
@law 273
8. szum-ma a-wi-lum
9. _{lu2}hun-ga2_ i-gur
10. isz-tu re-esz sza-at-tim
11. a-di ha-am-szi-im _iti_-im
12. 1(u) 2(disz) _sze ku3-babbar_
13. i-na _u4 1(disz)-kam_
14. i-na-ad-di-in
15. isz-tu szi-szi-im _iti_-im
16. a-di ta-aq-ti-da! sza-at-tim
17. 5(disz) _sze ku3-babbar_
18. i-na _u4 1(disz)-kam_
19. i-na-ad-di-in
@law 274
20. szum-ma a-wi-lum
21. _dumu um-mi-a_
22. i-ig-ga-ar#
23. _a2 {lu2}[hun-ga2?]_
24. 5(disz) _sze ku3#-babbar#_
25. _a2 {lu2}[tug2]-du8-a_
26. 5(disz) _[sze ku3]-babbar_
27. [_a2] {lu2#}gada_
28. [n(disz) _sze] ku3-babbar_
29. [_a2 bur]-gul_
30. [n(disz) _sze ku3]-babbar_
31. [_a2] zadim#?_
32. [n(disz) _sze ku3]-babbar_
33. [_a2] simug#_
34. [n(disz) _sze ku3]-babbar_
35. [_a2] nagar_
36. 5(disz)#? _sze ku3-babbar_
37. _a2 aszgab_
38. [n(disz)] _sze ku3-babbar_
39. _a2 ad-kup4_
40. [n(disz)] _sze ku3-babbar_
41. [_a2] szitim_
42. [n(disz) _sze ku3]-babbar_
43. [i-na _u4] 1(disz)-kam_
44. [i-na-ad]-di#-in
@law 275
45. [szum-ma a]-wi-lum
46. [...] i-gur
47. i-na _u4 1(disz)-kam_
48. 3(disz) _sze ku3-babbar a2_-szu
@law 276
49. szum-ma ma-hi-ir-tam i-gur
50. 1/2(disz) _sze ku3-babbar a2_-sza
51. i-na _u4 1(disz)-kam_
52. i-na-ad-di-in
@law 277
53. szum-ma a-wi-lum
54. _{gesz}ma2 1(gesz2) gur_ i-gur
55. i-na _u4 1(disz)-kam_
56. _igi 6(disz)-gal2 ku3-babbar a2_-sza
57. i-na-ad-di-in
@law 278
58. szum-ma a-wi-lum
59. _ARAD2 geme2_ i-sza-am-ma
60. _iti_-szu la im-la-ma
61. be2-en-ni e-li-szu
62. im-ta-qu2-ut a-na na-di-na-ni-szu
63. u2-ta-ar-ma
64. sza-a-a-ma-nu-um
65. _ku3-babbar_ isz-qu2-lu
66. i-le-qe2
@law 279
67. szum-ma a-wi-lum
68. _ARAD2 geme2_ i-sza-am-ma
69. ba-aq-ri ir-ta-szi
70. na-di-na-an-szu
71. ba-aq-ri i-ip-pa-al
@law 280
72. szum-ma a-wi-lum
73. i-na ma-at
74. nu-ku-ur2-tim
75. _ARAD2 geme2_ sza a-wi-lim
76. isz-ta-am
77. i-nu-ma
78. i-na li-ib-bu _kalam_
79. it-ta-al-kam-ma
80. be-el _ARAD2_ u3 lu _geme2_
81. lu _ARAD2_-su2 u3 lu _geme2_-su2
82. u2-te-ed-di
83. szum-ma _ARAD2_ u3 lu _geme2_ szu-nu
84. _dumu-mesz_ ma-tim
85. ba-lum _ku3-babbar_-ma
86. an-du-ra-ar-szu-nu
87. isz-sza-ak-ka-an
@law 281
88. szum-ma _dumu-mesz_ ma-tim sza-ni-tim
89. sza-a-a-ma-nu-ma
90. i-na ma-har i-lim
91. _ku3-babbar_ isz-lu!-lu
92. i-bi!-ab-bi-ma
93. be-el _ARAD2_ u3 lu _geme2_
94. _ku3-babbar_ isz-qu2-lu a-na _dam-gar3_
95. i-na-ad-di-in-ma
96. lu _ARAD2_-su2 lu _geme2_-su2 i-pa-ag!
@law 282
97. szum-ma _ARAD2_ a-na be-li2-szu
98. u2-ul be-li2 at-ta
99. iq-ta-bi
100. ki-ma _ARAD2_-su2
101. u2-ka-an-szu-ma
102. be-el-szu u2-zu-un-szu i-na-ak-ki-is
@column 24
@epilogue
1. di-na-a-at
2. mi-sza-ri-im
3. sza {disz}ha-am-mu-ra-pi2
4. szar-ru-um le-u2-um
5. u2-ki-in-nu-ma
6. ma-tam u2-sa-am ki-nam#
7. u3 ri-dam dam-qa2-am
8. u2-sza-as,-bi-tu
9. {disz}ha-am-mu-ra-pi2
10. szar-ru-um gi-it-ma-lum a-na-ku
11. a-na _sag-ge6_
12. sza {d}en-lil2 isz-ru-kam
13. re-u2-si2-na
14. {d}marduk i-din-nam
15. u2-ul e-gu
16. a-hi u2-ul ad-di
17. asz-ri szu-ul-mi-im
18. esz-te-i-szi-na-szim#
19. pu-usz-qi2 wa-asz-t,u2-tim
20. u2-pe#-et-ti
21. nu-ra-am u2-sze-s,i-szi-na-szi-im
22. i-na _{gesz}tukul_ da-an-nim
23. sza {d}za-ba4-ba4
24. u3 {d}inanna
25. u2-sza-at-li-mu-nim
26. i-na _igi-gal2_
27. sza {d}en-ki i-szi-ma-am
28. i-na le-u2-tim
29. sza {d}marduk id-di-nam
30. na-ak-ri e-li-isz
31. u3 sza-ap-li-isz as-su2-uh2
32. qa2-ab-la-tim u2-be2-el-li
33. szi-ir ma-tim
34. u2-t,i3-ib
35. ni-szi da-ad-mi
36. a-bu-ur2-ri
37. u2-szar-bi2-is,
38. mu-gal-li-tam
39. u2-ul u2-szar-szi-szi-na-ti
40. _dingir gal-gal_
41. ib-bu-u2-nin-ni-ma
42. a-na-ku-ma
43. _sipa_ mu-sza-al-li-mu-um
44. sza _{gesz}gidri_-szu
45. i-sza-ra-at
46. s,i-li2 t,a-bu-um
47. a-na _iri_-ia
48. ta-ri-is,
49. i-na ut-li-ia
50. ni-szi _kalam_ szu-me-ri2-im
51. u3 ak-ka-di-im
52. u2-ki-il
53. i-na la-ma-si2-ia
54. ih-hi-sza
55. i-na szu-ul-mi-im
56. at-tab-ba-al-szi-na-ti
57. i-na ne-me-qi2-ia
58. usz-tap-zi2-ir-szi-na-ti
59. dan-nu-um en-sza-am
60. a-na la ha-ba-lim
61. _nu-siki nu-mu-su_
62. szu-te-szu-ri-im
63. i-na babila{ki}
64. _iri_ sza an u3 {d}en-lil2
65. re-szi-szu
66. u2-ul#-lu-u2
67. i-na e2-sag-il2
68. _e2_ sza ki-ma sza-me-e
69. u3 er-s,e-tim _suhusz_-szu ki-na
70. di-in ma-tim a-na di-a-nim
71. pu-ru-se2-e ma-tim
72. a-na pa-ra-si-im
73. ha-ab-lim szu-te-szu-ri-im
74. a-wa-ti-ia szu-qu2-ra-tim
75. i-na _na-ru_-ia asz-t,ur-ma
76. i-na ma-har _alan_-ia
77. _lugal_ mi-sza-ri-im
78. u2-ki-in
79. _lugal_ sza in _lugal_-ri2
80. szu-tu-ru a-na-ku
81. a-wa-tu-u2-a na-as2-qa2
82. le-u2-ti sza-ni-nam
83. u2-ul i-szu
84. i-na qi2-bi-it {d}utu
85. da-a-a-nim ra-bi-im
86. sza _an_ u3 _ki_
87. mi-sza-ri i-na _kalam_
88. li-isz-te-pi2
89. i-na a-wa-at
90. {d}marduk be-li2-ia
91. u2-s,u2-ra-tu-u2-a
92. mu-sza-si2-kam# a-ir-szi-a
93. i-na e2-sag-il2
94. sza a-ra-am-mu szu-mi i-na da-mi-iq-tim
@column 25
1. a-na da-ar
2. li-iz-za-ki-ir
3. a-wi-lum ha-ab-lum
4. sza a-wa-tam
5. i-ra-asz-szu-u2
6. a-na ma-ha-ar _alan_-ia
7. _lugal_ mi-sza-ri-im
8. li-il-li-ik-ma
9. _na-ru_-i
10. sza-at,-ra-am
11. li-isz-ta-as2-si-ma
12. a-wa-ti-ia
13. szu-qu2-ra-tim
14. li-isz-me-ma
15. _na-ru_-i a-wa-tam
16. li-kal2-lim-szu
17. di-in-szu li-mu-ur2
18. li-ib-ba-szu
19. li#-na#-ap-pi2-isz-ma
20. {disz}ha-am-mu-ra-pi2-mi
21. be-lum sza ki-ma a-bi-im
22. wa-li-di-im
23. a-na ni-szi
24. i-ba-asz-szu-u2
25. a-na a-wa-at
26. {d}marduk be-li2-szu
27. usz-ta-ak-ti-it-ma
28. ir-ni-ti {d}marduk
29. e-li-isz
30. u3 sza-ap-li-isz
31. ik-szu-u4
32. li-ib-bi {d}marduk
33. be-li2-szu u2-t,i3-ib
34. u3 szi-ra-am t,a-ba-am
35. a-na ni-szi
36. a-na da-ar i-szi-im
37. u3 ma-tam
38. usz-te-sze-er
39. a2-ni-tam
40. li-iq-bi-ma
41. i-na ma-har
42. {d}marduk be-li2-ia
43. {d}s,ar-pa-ni-tum
44. be-el-ti-ia
45. i-na li-ib-bi-szu
46. ga-am-ri-im
47. li-ik-ru-ba-am
48. sze-du-um la-ma-sum2
49. _dingir dingir_ e-ri-bu-ut
50. e2-sag-il2
51. _sig4_ e2-sag-il2
52. i-gi-ir-re-e
53. u4-mi-sza-am
54. i-na ma-har
55. {d}marduk be-li2-ia
56. {d}s,ar-pa-ni-tum
57. be-el-ti-ia
58. li-dam-mi-qu2
59. a-na wa-ar-ki-a-at
60. _u4_-mi
61. a-na ma-ti-ma
62. _lugal_ sza i-na _kalam_
63. ib-ba-asz-szu-u2
64. a-wa-a-at
65. mi-sza-ri-im
66. sza i-na _na-ru_-ia
67. asz-t,u2-ru li-s,ur
68. di-in ma-tim
69. sza a-di-nu
70. pu-ru-se2-e _kalam_
71. sza ap-ru-su
72. a u2-na-ak-ki-ir
73. u2-s,u2-ra-ti-ia
74. a u2-sza-si2-ik
75. szum-ma a-wi-lum szu-u2
76. ta-szi-im-tam i-szu-ma
77. ma-su2 szu-te-szu-ra-am i-le-i
78. a-na a-wa-a-tim
79. sza i-na _na-ru_-ia asz-t,u2-ru li-qul2-ma
80. ki-ib-sa-am ri-dam
81. di-in _kalam_ sza a-di-nu
82. pu-ru-se2-e _kalam_
83. sza ap-ru-su
84. _na-ru_-um szu-u2
85. li-kal2-lim-szu-ma
86. s,a-al-ma-at qa2-qa2-di-szu
87. li-isz-te-sze-er
88. di-in-szi-na li-di-in
89. pu-ru-sa3-szi-na
90. li-ip-ru-us2
91. i-na ma-ti-szu ra-ga-am
92. u3 s,e-nam li-su2-uh2
93. szi-ir ni-szi-szu
94. li-t,i-ib
95. {disz}ha-am-mu-ra-pi2
96. _lugal_ mi-sza-ri-im
97. sza {d}utu ki-na-tim
98. isz-ru-ku-szum a-na-ku
99. a-wa-tu-u2-a na-as2-qa2
100. ep-sze-tu-u2-a
101. sza-ni-nam
102. u2-ul i-sza-a
103. e-la a-na la ha-si2-im
104. ri-qa2
105. a-na em-qi2-im
@column 26
1. a-na ta-na-da-tim szu-s,a-a
2. szum-ma a-wi-lum szu-u2
3. a-na a-wa-ti-ia
4. sza i-na _na-ru_-ia asz-t,u2-ru
5. i-qul2-ma
6. di-ni la u2-sza-as-si2-ik
7. a-wa-ti-ia
8. la usz-te-pe-el
9. u2-s,u2-ra-ti-ia
10. la u2-na-ki-ir
11. a-wi-lum szu-u2
12. ki-ma ia-ti
13. _lugal_ mi-sza-ri-im
14. {d}utu _{gesz}gidri_-szu
15. li-ir-ri-ik
16. ni-szi-szu
17. i-na mi-sza-ri-im li-re
18. szum-ma a-wi-lum szu-u2
19. <a-na> a-wa-ti-ia
20. sza i-na _na-ru_-ia
21. asz-t,u2-ru
22. la i-qul2-ma
23. er-re-ti-ia
24. i-me-esz-ma
25. er-re-et i3-li2
26. la i-dur-ma
27. di-in a-di-nu
28. up-ta-as-si2-is
29. a-wa-ti-ia
30. usz-te-pe-el
31. u2-s,u2-ra-ti-ia
32. ut-ta-ak-ki-ir
33. szu-mi sza-at-ra-am
34. ip-szi-it,-ma
35. szum-szu isz-ta-t,ar2
36. asz-szum er-re-szum! szi-na-ti
37. sza-ni-a-am-ma
38. usz-ta-hi-iz
39. a-wi-lum szu-u2
40. lu _lugal_
41. lu _en_
42. lu _ensi2_
43. u3 lu a-wi-lu-tum
44. sza szu-ma-am na-bi-a-at
45. AN ra-bu-um
46. a-bu i3-li2
47. na-bu-u2 _bala_-ia
48. _me-lam2_ szar-ru-tim
49. li-t,e4-er-szu
50. _{gesz}gidri_-szu
51. li-isz-bi-ir
52. szi-ma-ti-szu li-ru-ur
53. {d}en-lil2 be-lum
54. mu-szi-im szi-ma-tim
55. sza qi2-bi2-su2
56. la ut-ta-ka-ru
57. mu-szar-bu-u3
58. szar-ru-ti-ia
59. te-szi la szu-up-pi2-im
60. ga-ba-ra-ah
61. ha-la-qi2-szu
62. i-na szu-ub-ti-szu
63. li-sza-ab!-bi!-ha-asz-szum
64. _bala_ ta-ne-hi-im
65. _u4_-mi i-s,u2-tim
66. sza-na-a-at
67. hu-sza-ah-hi-im
68. ek-le-et
69. la na-wa-ri-im
70. mu-ut ni-t,i-il i-nim
71. a-na szi-im-tim
72. li-szi-im-szum
73. ha-la-aq _iri_-szu
74. na-as2-pu-uh2 ni-szi-szu
75. szar-ru-su2 szu-pe2-lam
76. szum-szu u3 zi-kir-szu
77. i-na ma-tim
78. la szu-ub-sza-a-am
79. i-na _ka_-szu kab-tim
80. li-iq-bi
81. {d}nin-lil2
82. _ama_ ra-bi2-tum
83. sza qi2-bi2-sa3
84. i-na e2-kur kab-ta-at
85. _nin_ mu-dam-mi-qa2-at
86. i-gi-ir-re-ia
87. a-szar szi-ip-t,i-im
88. u3 pu-ru-se2-em
89. i-na ma-har {d}en-lil2
90. a-wa-su2 li-le-mi-in
91. szu-ul-pu-ut ma-ti-szu
92. ha-la-aq ni-szi-szu
93. ta-ba-ak na-pisz-ti-szu
94. ki-ma me-e
95. i-na _ka_ {d}en-lil2
96. szar-ri-im
97. li-sza-asz-ki-in
98. {d}en-ki _nun_ ra-bi-um
99. sza szi-ma-tu-szu
100. i-na mah-ra i-la-ka
101. _abgal_ i3-li2
102. mu-de mi-im-ma szum-szu
103. mu-sza-ri-ku
@column 27
1. _u4_-um ba-la-t,i-ia
2. uz-nam
3. u3 ne-me-qam
4. li-t,e4-er-szu-ma
5. i-na mi-szi-tim
6. li-it-ta-ar-ru-szu
7. _i7-i7_-szu
8. i-na na-ag-bi-im
9. li-is-ki-ir
10. i-na er-s,e-ti-szu
11. {d}asznan
12. na-pi2-isz-ti ni-szi
13. a u2-sza-ab-szi
14. {d}utu da-a-a-nu-um ra-bi-um
15. sza sza-me-e
16. u3 er-s,e-tim
17. mu-usz-te-sze-er
18. sza-ak-na-at na-pi2-isz-tim
19. be-lum tu-kul2-ti
20. szar-ru-su2 li-is-ki-ip
21. di-in-szu
22. a i-di-in
23. u2-ru-uh2-szu li-szi
24. _DU_ um-ma-ni-szu
25. li-isz-he-el-s,i2
26. i-na bi-ri-szu
27. _uzu_ lem-nam
28. sza na-sa-ah
29. _suhusz_ szar-ru-ti-szu
30. u3 ha-la-aq ma-ti-szu li-isz-ku-un-szum
31. a-wa-tum ma-ru-usz-tum
32. sza {d}utu ar-hi-isz
33. li-ik-szu-su2
34. e-li-isz
35. i-na ba-al#-t,u2-tim
36. li-i-su2-uh2-szu
37. sza-ap-li-isz
38. i-na er-s,e-tim
39. _udug-udug_-szu
40. me-e li-sza-az-mi
41. {d}suen be-el sza-me-e
42. _dingir_ ba-ni
43. sza sze-re-su2
44. i-na i3-li2 szu-pa-a-at
45. _aga {gesz}gu-za_ sza szar-ru-tim
46. li-t,e4-er-szu
47. ar-nam kab-tam
48. sze-re-su2 ra-bi-tam
49. sza i-na zu-um-ri-szu
50. la i-hal-li-qu2
51. li-mu-su2-ma
52. _u4_-mi _iti-iti_
53. sza-na-a-at _bala_-szu
54. i-na ta-ne-hi-im
55. u3 di-im-ma-tim
56. li-sza-aq-ti
57. kam-ma-al szar-ru-tim
58. li-sza-at,-t,i-il-szu
59. ba-la-t,am
60. sza it-ti mu-tim
61. szi-ta-an-nu
62. a-na szi-im-tim
63. li-szi-im-szum
64. {d}iszkur be-el _he2-gal2_
65. _gu2-gal_ sza-me-e
66. u3 er-s,e-tim
67. re-s,u2-u2-a
68. zu-ni i-na sza-me-e
69. mi-lam
70. i-na na-ag-bi-im
71. li-t,e4-er-szu
72. ma-su2
73. i-na hu-sza-ah-hi-im
74. u3 bu-bu-tim
75. li-hal-li-iq
76. e-li _iri_-szu
77. ez-zi-isz
78. li-is-si-ma
79. ma-su2 a-na _du6_ a-bu-bi-im
80. li-te-er
81. {d}za-ba4-ba4
82. qar-ra-du-um ra-bi-um
83. _dumu_ re-esz-tu-um
84. sza e2-kur
85. a-li-ku im-ni-ia
86. a-szar tam2-ha-ri-im
87. _{gesz}tukul_-szu li-isz-bi-ir
88. u4-ma-am a-na mu-szi-im
89. li-te-er-szum-ma
90. na-ki-ir-szu e-li-szu
91. li-isz-zi-iz
92. {d}inanna be-le-et
93. _me6_ u3 _szen-szen_
94. pa-ti-a-at
95. _{gesz}tukul#_-ia
96. la-ma-si2
97. da-mi-iq-tum
98. ra-i-ma-at _bala_-ia
99. i-na li-ib-bi-sza
100. ag-gi-im
101. i-na uz-za-ti-sza
102. ra-bi2-a-tim
103. szar-ru-su2 li-ru-ur
104. dam-qa2-ti-szu
105. a-na le-em-ne-tim
106. li-te-er
@column 28
1. li-te-er
# sic
2. a-szar _me6_ u3 _szen-szen_
3. _{gesz}tukul_-szu
4. li-isz-bi#-ir
5. i-szi-tam
6. sa3-ah-ma-asz-tam
7. li-isz-ku-un-szum
8. qar-ra-di-szu
9. li-sza-am-qi2-it
10. da-mi-szu-nu
11. er-s,e-tam li-isz-qi2
12. gu-ru-un
13. sza-al-ma-at
14. um-ma-na-ti-szu
15. i-na s,e-ri-im
16. li-it-ta-ad-di
17. _erin2_-szu-ma? re-ma-am
18. a-i u2-szar-szi
19. szu-a-ti
20. a-na qa2-at na-ak-ri-szu
21. li-ma-al-li-szu-ma
22. a-na ma-at nu-ku-ur2-ti-szu
23. ka-mi-isz li-ru-szu
24. {d}ne3-eri11-gal
25. dan-nu-um i-na i3-li2
26. qa2-ba-al la ma-ha-ar
27. mu-sza-ak-szi-du
28. ir-ni-ti-ia
29. i-na ka-szu-szi-szu
30. ra-bi-im
31. ki-ma i-sza-tim
32. ez-ze-tim sza a-pi2-im
33. ni-szi-szu
34. li-iq-me
35. in _{gesz}tukul_-szu dan-nim
36. li-sza-ti-szu-ma
37. bi-ni-a-ti-szu
38. ki-ma s,a-lam t,i-t,i-im
39. li-ih-bu-usz
40. {d}nin-tu
41. _nin_ s,i-ir-tum
42. sza ma-ta-tim
43. _ama_ ba-ni-ti
44. _ibila_ li-t,e4-re-szu-ma
45. szu-ma-am
46. a u2-szar-szi-szu
47. i-na qer-bi-it ni-szi-szu
48. _numun_ a-wi-lu-tim
49. a ib-ni
50. {d}nin-kar-ra-ak
51. _dumu-munus an_-nim
52. qa2-bi-a-at
53. dum-qi2-ia
54. i-na e2-kur
55. mur-s,a-am kab-tam
56. _a2-sag3_ le-em-nam
57. si2-im-ma-am mar-s,a-am
58. sza la i-pa-asz-sze-hu
59. _a-zu!_ qe2-re-eb-szu
60. la i-lam-ma-du
61. i-na s,i2-im-di
62. la u2-na-ah-hu-szu
63. ki-ma ni-szi-ik mu-tim la in-na-sa3-hu
64. i-na bi-ni-a-ti-szu
65. li-sza-s,i-asz-szum-ma
66. a-di na-pi2-isz-ta-szu
67. i-be2-el-lu-u2
68. a-na et,-lu-ti-szu
69. li-da!-dam-ma-am
70. _dingir gal-gal_
71. sza sza-me-e
72. u3 er-s,e-tim
73. {d}a-nun-na
74. i-na _|SZU+LAGAB|_-szu-nu
75. sze-ed bi-tim
76. _sig4_ e2-babbar-ra
77. szu-a-ti
78. _numun_-szu
79. ma-su2 _erin2_-szu
80. ni-szi-szu
81. u3 um-ma-an-szu
82. er-re-tam
83. ma-ru-usz-tam li-ru-ru
84. er-re-tim
85. da!-ni-a-tim
86. {d}en-lil2
87. i-na _ka_-szu
88. sza la ut-ta-ak-ka-ru
89. li-ru-ur-szu-ma
90. ar-hi-isz
91. li-ik-szu-da-szu

2016-03-12 09:46:48, entered by englund for englund
&P249253 = RIME 4.03.06.add21, ex. 01
#atf: lang akk
@object stele
@surface a
@column 1
@prologue
1. i3-nu an s,i-ru-um
2. _lugal_ {d}a-nun-na-ki
3. {d}en-lil2
4. be-el sza-me-e
5. u3 er-s,e-tim
6. sza-i-im
7. szi-ma-at _kalam_
8. a-na {d}marduk
9. _dumu_ re-esz-ti-im
10. sza {d}en-ki
11. {d}en-lil2-ut
12. kisz ni-szi3
13. i-szi-mu-szum
14. in i-gi4-gi4
15. u2-szar-bi2-u3-szu
16. babila{ki}
17. szum-szu s,i-ra-am ib-bi-u3
18. in ki-ib-ra-tim
19. u2-sza-t,e4-ru-szu
20. i-na li-ib-bi-szu
21. szar-ru-tam da-ri2-tam
22. sza ki-ma sza-me-e
23. u3 er-s,e-tim
24. isz-da-sza
25. szu-ur2-szu-da
26. u2-ki-in-nu-szum
27. i-nu-mi-szu
28. {disz}ha-am-mu-ra-pi2
29. ru-ba-am
30. na-a'-dam
31. pa-li-ih i3-li2 ia-ti
32. mi-sza-ra-am
33. i-na ma-tim
34. a-na szu-pi2-i-im
35. ra-ga-am u3 s,e-nam
36. a-na hu-ul-lu-qi2-im
37. dan-nu-um
38. en-sza-am
39. a-na la ha-ba-li-im
40. ki-ma {d}utu
41. a-na _sag-ge6_
42. wa-s,e-e-em-ma
43. ma-tim
44. nu-wu-ri-im
45. an
46. u3 {d}en-lil2
47. a-na szi-ir ni-szi
48. t,u2-ub-bi-im
49. szu-mi ib-bu-u2
50. {disz}ha-am-mu-ra-pi2
51. re-iu-um
52. ni-bi-it
53. {d}en-lil2 a-na-ku
54. mu-kam-me-er
55. nu-uh2-szi-im
56. u3 t,u2-uh2-di-im
57. mu-sza-ak-li-il
58. mi-im-ma szum-szu
59. a-na nibru{ki} _dur-an-ki_
60. za-ni-nu-um
61. na-a'-du-um
62. sza e2-kur
63. _lugal_ le-iu-um
64. mu-te-er {iri}eridu{ki}
65. a-na asz-ri-szu
66. mu-ub-bi-ib
@column 2
1. szu-luh e2-abzu
2. ti-i-ib
3. ki-ib-ra-at
4. er-be2-tim
5. mu-szar-bi2 zi-ik-ru
6. babila{ki}
7. mu-t,i3-ib
8. li-ib-bi {d}marduk
9. be-li2-szu
10. sza u4-mi-szu
11. iz-za-zu
12. a-na e2-sag-il2
13. _numun_ szar-ru-tim
14. sza {d}suen
15. ib-ni-u3-szu
16. mu-na-ah-hi-isz
17. {iri}uri5{ki}
18. wa-asz-ru-um
19. mu-usz-te-mi-qum
20. ba-bil2 _he2-gal2_
21. a-na e2-kisz-nu-gal2
22. _lugal_ ta-szi-im-tim
23. sze-mu {d}utu da-num2
24. mu-ki-in
25. _suhusz_ zimbir{ki}
26. mu-sza-al-bi-isz
27. wa-ar-qi2-im
28. gi-gu-ne-e {d}a-a
29. mu-s,i-ir
30. e2-babbar
31. sza ki szu-ba-at sza-ma-i
32. _ur-sag_ ga#-mi-il
33. larsa{ki}
34. mu-u4-di-isz e2-babbar
35. a-na {d}utu
36. re-s,i-szu
37. be-lum mu-ba-li2-it,
38. unu{ki}
39. sza-ki-in me-e
40. nu-uh2-szi-im
41. a-na ni-szi-szu
42. mu-ul-li
43. re-esz e2-an-na
44. mu-kam-me-er
45. hi-is,-bi-im
46. a-na _an_-nim
47. u3 {d}inanna
48. _an-dul3_ ma-tim
49. mu-pa-ah-hi-ir
50. ni-szi sa6-ap-ha-tim
51. sza i3-si-in{ki}
52. mu-t,a-ah-hi-id
53. nu-uh2-szi-im
54. _e2_ e2-gal-mah
55. _uszumgal lugal_-ri2
56. ta-li-im
57. {d}za-ba4-ba4
58. mu-szar-szi-id
59. szu-ba-at {iri}kisz{ki}
60. mu-usz-ta-as2-hi-ir
61. me-le-em-mi
62. e2-me-te-ur-sag
63. mu-usz-te-es,-bi
64. pa-ar-s,i2 ra-bu-u2-tim
65. sza {d}inanna
66. pa-qi2-id bi-tim
67. hur-sag-kalam-ma
68. sa-par4 na-ki-ri
69. sza {d}er3-ra ru-szu
70. u2-sza-ak-szi-du
@column 3
1. ni-iz-ma-su2
2. mu-sza-te-er
3. {iri}gu2-du8-a{ki}
4. mu-ra-ap-pi2-isz
5. mi-im-ma szum-szu
6. ana mes-lam
7. ri-mu-um
8. ka-ad-ru-um
9. mu-na-ak-ki-ip za-i-ri
10. na-ra-am {d}tu-tu
11. mu-ri-isz
12. {iri}bar-si2-pa2{ki}
13. na-a'-du-um
14. la mu-up-pa-ar-ku-u2-um
15. a-na e2-zi-da
16. i-lu _lugal_-ri2
17. mu-de _igi-gal2_-im
18. mu-sza-ad-di-il
19. me-re-esz-tim
20. sza dil-bat{ki}
21. mu-ga-ar-ri-in _guru7-guru7_
22. a-na {d}urasz
23. ga-asz-ri-im
24. be-lum si2-ma-at
25. ha-at,-t,i-im
26. u3 a-ge-em
27. sza u2-sza-ak-li-lu-szu
28. e-ri-isz-tum
29. {d}ma-ma
30. mu-ki-in
31. u2-s,u2-ra-tim
32. sza kesz3{ki}
33. mu-de-esz-szi
34. ma-ka-li el-lu-tim
35. a-na {d}nin-tu
36. mu-usz-ta-lum
37. gi-it-ma-lum
38. sza-i-im
39. mi-ri-tim
40. u3 ma-asz-qi2-tim
41. a-na lagasz{ki}
42. u3 gir2-su{ki}
43. mu-ki-il
44. ni-in-da-be2-e
45. ra-bu-tim
46. a-na e2-ninnu
47. mu-tam-me-eh a-a-bi
48. mi-gi4-ir
49. te-li-tim
50. mu-sza-ak-li-il
51. te-re-tim
52. sza zabala2{ki}
53. mu-ha-ad-di
54. li-ib-bi {d}esz18-dar
55. ru-bu-um el-lum
56. sza ni-isz qa2-ti-szu
57. {d}iszkur i-du-u2
58. mu-ne-eh
59. li-ib-bi {d}iszkur
60. gu2-ra-di-im
61. i-na {iri}im{ki}
62. mu-usz-ta-ak-ki-in
63. si2-ma-tim
64. i-na e2-u4-gal-gal
65. _lugal_ na-di-in
66. na-pi2-isz-tim
67. a-na adab{ki}
68. a-sze-er
69. _e2_ e2-mah
70. e-te-el _lugal_-ri2
71. qa2-ba-al
72. la ma-ha-ri-im
@column 4
1. szu i-qi2-szu
2. na-ap-sza-tam
3. a-na {iri}masz-gan-szabra{ki}
4. mu-sze-esz-qi2
5. nu-uh2-szi-im
6. a-na _mes-lam_
7. em-qum
8. mu-tab-bi-lum
9. szu ik-szu-du
10. na-ga-ab ur2-szi-im
11. mu-usz-pa-az-zi-ir
12. ni-szi ma3-al-nag-a {ki}
13. in ka-ra-szi-im
14. mu-szar-szi-du
15. szu-ba-ti-szi-in
16. in nu-uh2-szi-in
17. a-na {d}en-ki
18. u3 {d}dam-gal-nun-na
19. mu-szar-bu-u2
20. szar-ru-ti-szu
21. da-ri2-isz i-szi-mu
22. zi-bi el-lu-tim
23. a-sza-re-ed _lugal_-ri2
24. mu-ka-an-ni-isz
25. da-ad-mi
26. {i7}buranun-na
27. i3-tum {d}da-gan
28. ba-ni-szu
29. szu ig-mi-lu
30. ni-szi me-ra{ki}
31. u3 tu-tu-ul{ki}
32. ru-bu-um
33. na-a'-du-um
34. mu-na-wi-ir
35. pa-ni {d}tiszpak
36. sza-ki-in ma-ka-li el-lu-tim
37. a-na {d}nin-a-zu
38. sza-t,i3-ip ni-szi-szu
39. in pu-usz-qi2-im
40. mu-ki-in-nu
41. isz-di-szi-in
42. qer-bu-um
43. babila{ki}
44. szu-ul-ma-ni-isz
45. _sipa_ ni-szi3
46. sza ep-sze-tu-szu
47. e-li {d}esz18-dar t,a-ba
48. mu-ki-in-ni {d}esz18-dar
49. i-na e2-ul-masz
50. qer-bu-um
51. a-ga-de3{ki}
52. re-bi-tim
53. mu-sze-pi2 ki-na-tim
54. mu-szu-sze-er am-mi
55. mu-te-er
56. {d}lamma-szu
57. da-mi-iq-tim
58. a-na {iri}a-szur4{ki}
59. mu-sze-ep-pi2 na-bi-hi
60. _lugal_ sza i-na ni-nu-a{ki}
61. i-na e2-mes-mes
62. u2-szu-pi2-u3
63. me-e {d}inanna
64. na-a'-du-um
65. mu-usz-te-mi-qum
66. a-na _dingir gal-gal_
67. li-ip-li-pi2
68. sza {disz}su-mu-la-il3
69. _ibila_ da-num2
70. sza {disz}{d}suen-mu-ba-li2-it,
@column 5
1. _numun_ da-ri2-um
2. sza szar-ru-tim
3. _lugal_ da-num2
4. {d}utu-szu
5. babila{ki}
6. mu-sze-s,i2 nu-ri-im
7. a-na ma-at
8. szu-me-ri2-im
9. u3 ak-ka-di-im
10. _lugal_ mu-usz-te-esz-mi
11. ki-ib-ra-at
12. ar-ba-im
13. mi-gi4-ir {d}inanna a-na-ku
14. i-nu-ma
15. {d}marduk
16. a-na szu-te-szu-ur ni-szi
17. _kalam_ u2-si-[im]
18. szu-hu-zi-im
19. u2-wa-e-ra-an-ni
20. ki-it-tam
21. u3 mi-sza-ra-am
22. i-na _ka_ ma-tim
23. asz-ku-un
24. szi-ir ni-szi u2-t,i-ib
25. i-nu-mi-szu
@law 1
26. szum-ma a-wi-lum a-wi-lam
27. u2-ub-bi-ir-ma
28. ne-er-tam e-li-szu
29. id-di-ma
30. la uk-ti-in-szu
31. mu-ub-bi-ir-szu
32. id-da-ak
@law 2
33. szum-ma a-wi-lum
34. ki-isz-pi2
35. e-li a-wi-lim id-di-ma
36. la uk-ti-in-szu
37. sza e-li-szu
38. ki-isz-pu na-du-u2
39. a-na {d}i7
40. i-il-la-ak
41. {d}i7 i-sza-al-li-a-am-ma
42. szum-ma {d}i7
43. ik-ta-sza-su2
44. mu-ub-bi-ir-szu
45. _e2_-su2 i-tab-ba-al
46. szum#-ma a-wi-lam szu-a-ti
47. {d}i7
48. u2-te-eb-bi-ba-asz-szu-ma
49. isz-ta-al-ma-am
50. sza e-li-szu
51. ki-isz-pi2 id-du-u2
52. id-da-ak
53. sza {d}i7
54. isz-li-a-am
55. _e2_ mu-ub-bi-ri-szu
56. i-tab-ba-al
@law 3
57. szum-ma a-wi-lum
58. i-na di-nim
59. a-na szi-bu-ut
60. sa3-ar-ra-tim
61. u2-s,i-a-am-ma
62. a-wa-at iq-bu-u2
63. la uk-ti-in
64. szum-ma di-nu-um szu-u2
65. di-in na-pi2-isz-tim
66. a-wi-lum szu-u2
67. id-da-ak
@law 4
68. szum-ma a-na szi-bu-ut
@column 6
1. _sze_ u3 _ku3-babbar_
2. u2-s,i-a-am
3. a-ra-an
4. di-nim szu-a-ti
5. it-ta-na-asz-szi
@law 5
6. szum-ma da-a-a-nu-um
7. di-nam i-di-in
8. pu-ru-sa2-am
9. ip-ru-us2
10. ku-nu-uk-kam
11. u2-sze-zi-ib
12. wa-ar-ka-nu-um-ma
13. di-in-szu i-te-ni
14. da-a-a-nam szu-a-ti
15. i-na di-in i-di-nu
16. e-ne-em
17. u2-ka-an-nu-szu-ma
18. ru-gu-um-ma-am
19. sza i-na di-nim szu-a-ti
20. ib-ba-asz-szu-u2
21. _a-ra2_ 1(u) 2(disz)-szu
22. i-na-ad-di-in
23. u3 i-na pu-uh2-ri-im
24. i-na _{gesz}gu-za_
25. da-a-a-nu-ti-szu
26. u2-sze-et-bu-u2-szu-ma
27. u2-ul i-ta-ar-ma
28. it-ti da-a-a-ni
29. i-na di-nim
30. u2-ul usz-ta-ab
@law 6
31. szum-ma a-wi-lum
32. _nig2-gur11 dingir_
33. u3 _e2-gal_
34. isz-ri-iq
35. a-wi-lum szu-u2
36. id-da-ak
37. u3 sza szu-ur2-qa2-am
38. i-na qa2-ti-szu
39. im-hu-ru
40. id-da-ak
@law 7
41. szum#-ma a-wi-lum
42. lu _ku3-babbar_
43. lu _ku3-sig17_
44. lu _ARAD2_ lu _geme2_
45. lu _gu4_ lu _udu_
46. lu _ansze_
47. u3 lu mi-im-ma szum-szu
48. i-na qa2-at _dumu_ a-wi-lim
49. u3 lu _ARAD2_ a-wi-lim
50. ba-lum szi-bi
51. u3 ri-ik-sa-tim
52. isz-ta-am
53. u3 lu a-na ma-s,a-ru-tim
54. im-hu-ur
55. a-wi-lum szu-u2
56. szar-ra-aq id-da-ak
@law 8
57. szum-ma a-wi-lum
58. lu _gu4_ lu _udu_ lu _ansze_ lu _szah2_
59. u3 lu _{gesz}ma2_
60. isz-ri-iq
61. szum-ma sza i-lim
62. szum-ma sza _e2-gal_
63. _a-ra2_ 3(u)-szu
64. i-na-ad-di-in
65. szum-ma sza _|MASZ.EN.GAG|_
66. _a-ra2_ 1(u)-szu i-ri-a-ab
67. szum-ma szar-ra-qa2-nu-um
68. sza na-da-nim la i-szu
69. id-da-ak
@law 9
70. szum-ma a-wi-lum
@column 7
1. sza mi-im-mu-szu hal-qu2
2. mi-im-ma-szu
3. hal-qa2-am
4. i-na qa2-ti a-wi-lim
5. is,-s,a-ba-at
6. a-wi-lum sza hu-ul-qum
7. i-na qa2-ti-szu
8. s,a-ab-tu
9. na-di-na-nu-um-mi id-di-nam
10. ma-har szi-bi-mi
11. a-sza-am
12. iq-ta-bi
13. u3 be-el hu-ul-qi2-im
14. szi-bi mu-de
15. hu-ul-qi2-ia-mi
16. lu-ub-lam
17. iq-ta-bi
18. sza-a-a-ma-nu-um
19. na-di-in
20. id-di-nu-szum
21. u3 szi-bi
22. sza i-na mah-ri-szu-nu
23. i-sza-mu it-ba-lam
24. u3 be-el hu-ul-qi2-im
25. szi-bi mu-de hu-ul-qi2-szu
26. it-ba-lam
27. da-a-a-nu
28. a-wa-a-ti-szu-nu
29. i-im-ma-ru-ma
30. szi-bu sza mah-ri-szu-nu
31. szi-mu-um
32. isz-sza-mu
33. u3 szi-bu mu-de
34. hu-ul-qi2-im
35. mu-du-su2-nu
36. ma-har i-lim
37. i-qa2-ab-bu-ma
38. na-di-na-nu-um
39. szar-ra-aq id-da-ak
40. be-el hu-ul-qi2-im
41. hu-lu-uq-szu
42. i-le-qe2
43. sza-a-a-ma-nu-um
44. a-na bi-it
45. na-di-na-nim
46. _ku3-babbar_ isz-qu2-lu
47. i-le-qe2
@law 10
48. szum-ma sza-a-a-ma-nu-um
49. na-di-in
50. id-di-nu-szum
51. u3 szi-bi sza i-na mah-ri-szu-nu
52. i-sza-mu
53. la it-ba-lam
54. be-el hu-ul-qi2-im-ma
55. szi-bi mu-de
56. hu-ul-qi2-szu it-ba-lam
57. sza-a-a-ma-nu-um
58. szar-ra-aq id-da-ak
59. be-el hu-ul-qi2-im
60. hu-lu-uq-szu
61. i-le-qe2
@law 11
62. szum-ma be-el hu-ul-qi2-im
63. szi-bi mu-de
64. hu-ul-qi2-szu
65. la it-ba-lam
@column 8
1. sa3-ar
2. tu-usz-sza-am-ma id-ke
3. id-da-ak
@law 12
4. szum-ma na-di-na-nu-um
5. a-na szi-im-tim
6. it-ta-la-ak
7. sza-a-a-ma-nu-um
8. i-na bi-it
9. na-di-na-nim
10. ru-gu-um-me-e
11. di-nim szu-a-ti
12. _a-ra2_ 5(disz)-szu
13. i-le-qe2
@law 13
14. szum#-ma a-wi-lum szu-u2
15. szi-bu-szu la qer-bu
16. da-a-a-nu a-da-nam
17. a-na _iti 6(disz)-kam_
18. i-sza-ak-ka-nu-szum-ma
19. szum-ma i-na _iti 6(disz)-kam_
20. szi-bi-szu la ir-de-a-am
21. a-wi-lum szu-u2
22. sa3-ar
23. a-ra-an di-nim szu-a-ti
24. it-ta-na-asz-szi
@law 14
25. szum-ma a-wi-lum
26. _dumu_ a-wi-lim
27. s,e-eh-ra-am
28. isz-ta-ri-iq
29. id-da-ak
@law 15
30. szum-ma a-wi-lum
31. lu _ARAD2 e2-gal_
32. lu _geme2 e2-gal_
33. lu _ARAD2 |MASZ.EN.GAG|_
34. lu _geme2 |MASZ.EN.GAG|_
35. _abul_ usz-te-s,i2
36. id-da-ak
@law 16
37. szum-ma a-wi-lum
38. lu _ARAD2_ lu _geme2_
39. hal-qa2-am
40. sza _e2-gal_
41. u3 lu _|MASZ.EN.GAG|_
42. i-na bi-ti-szu
43. ir-ta-qi2-ma
44. a-na szi-si-it
45. na-gi-ri-im
46. la usz-te-s,i2-a-am
47. be-el _e2_ szu-u2
48. id-da-ak
@law 17
49. szum-ma a-wi-lum
50. lu _ARAD2_ lu _geme2_
51. hal-qa2-am
52. i-na s,e-ri-im
53. is,-ba-at-ma
54. a-na be-li2-szu
55. ir-te-de-a-asz-szu
56. 2(disz) _gin2 ku3-babbar_
57. be-el _ARAD2_
58. i-na-ad-di-isz-szum
@law 18
59. szum-ma _ARAD2_ szu-u2
60. be-el-szu
61. la iz-za-kar
62. a-na _e2-gal_
63. i-re-ed-de-szu
64. wa-ar-ka-su2
65. ip-pa-ar-ra-as2-ma
66. a-na be-li2-szu
67. u2-ta-ar-ru-szu
@law 19
68. szum-ma _ARAD2_
69. szu-a-ti
70. i-na bi-ti-szu
71. ik-ta-la-szu
72. wa-ar-ka _ARAD2_
@column 9
1. i-na qa2-ti-szu
2. it-ta-as,-ba-at
3. a-wi-lum szu-u2
4. id-da-ak
@law 20
5. szum-ma _ARAD2_
6. i-na qa2-at
7. s,a-bi-ta-ni-szu
8. ih-ta-li-iq
9. a-wi-lum szu-u2
10. a-na be-el _ARAD2_
11. ni-isz i-lim
12. i-za-kar-ma
13. u2-ta-asz-szar
@law 21
14. szum-ma a-wi-lum
15. bi-tam
16. ip-lu-usz
17. i-na pa-ni
18. pi2-il-szi-im
19. szu-a-ti
20. i-du-uk-ku-szu-ma
21. i-ha-al-la-lu-szu
@law 22
22. szum-ma a-wi-lum
23. hu-ub-tam
24. ih-bu-ut-ma
25. it-ta-as,-ba-at
26. a-wi-lum szu-u2
27. id-da-ak
@law 23
28. szum-ma ha-ab-ba-tum
29. la it-ta-as,-ba-at
30. a-wi-lum
31. ha-ab-tum
32. mi-im-ma-szu
33. hal-qa2-am
34. ma-ha-ar
35. i-lim
36. u2-ba-ar-ma
37. _iri_
38. u3 ra-bi-a-nu-um
39. sza i-na er-s,e-ti-szu-nu
40. u3 pa-t,i-szu-nu
41. hu-ub-tum
42. ih-ha-ab-tu
43. mi-im-ma-szu
44. hal-qa2-am
45. i-ri-a-ab-bu-szum
@law 24
46. szum-ma na-pi2-isz-tum
47. _iri_ u3 ra-bi-a-nu-um
48. 1(disz) _ma-na ku3-babbar_
49. a-na ni-szi-szu
50. i-sza-qa2-lu
@law 25
51. szum-ma i-na _e2_ a-wi-lim
52. i-sza-tum
53. in-na-pi2-ih-ma
54. a-wi-lum
55. sza a-na bu-ul-li-im
56. il-li-ku
57. a-na nu-ma-at
58. be-el _e2_
59. i-in-szu isz-szi-ma
60. nu-ma-at
61. be-el _e2_
62. il-te-di
63. a-wi-lum szu-u2
64. a-na i-sza-tim szu-a-ti
65. in-na-ad-di
@law 26
66. szum-ma lu _aga-us2_
67. u3 lu _szu-ku6_
68. sza a-na har-ra-an szar-ri-im
69. a-la-ak-szu
@column 10
1. qa2-bu-u2
2. la-il-li-ik
3. lu _{lu2}hun-ga2_
4. i-gur-ma
5. pu-uh2-szu
6. it,-t,a-ra-ad
7. lu _aga-us2_
8. u3 lu _szu-ku6_ szu-u2
9. id-da-ak
10. mu-na-ag-gi-ir-szu
11. _e2_-su2
12. i-tab-ba-al
@law 27
13. szum-ma lu _aga-us2_
14. u3 lu _szu-ku6_
15. sza i-na dan-na-at
16. szar-ri-im
17. tu-ur2-ru
18. wa-ar-ki-szu
19. _a-sza3_-szu u3 _{gesz}kiri6_-szu
20. a-na sza-ni-im
21. id-di-nu-ma
22. i-li-ik-szu
23. it-ta-la-ak
24. szum-ma it#-tu-ra-am-ma
25. _iri_-szu ik-ta-asz2-dam
26. _a-sza3_-szu u3 _{gesz}kiri6_-szu
27. u2-ta-ar-ru-szum-ma
28. szu-ma i-li-ik-szu
29. i-il-la-ak
@law 28
30. szum-ma lu _aga#-us2_
31. u3 lu _szu-ku6_
32. sza i-na dan#-na-at
33. szar-ri-im
34. tu-ur2#-ru
35. _dumu_-szu il-kam
36. a-la-kam i-le-i
37. _a-sza3_ u3 _{gesz}kiri6_
38. in-na-ad-di-isz-szum#-ma
39. i-li-ik# [a]-bi-szu
40. i-il-[la]-ak#
@law 29
41. szum-ma _dumu_-szu
42. s,e-he-er-ma#
43. i-li-ik a-bi-szu
44. a-la-kam
45. la i-le-i
46. sza-lu-usz-ti _a-sza3_ u3 _{gesz}kiri6_
47. a-na um-mi-szu
48. in-na-ad#-di-in-ma
49. um-ma-szu
50. u2-ra-ab-ba-szu
@law 30
51. szum-ma lu _aga-us2#_
52. u3 lu _szu-ku6_
53. _a-sza3_-szu _{gesz}kiri6_-szu# u3 _e2_-su2#
54. i-na pa-ni il-ki-im
55. id-di-ma
56. u4-da-ap-pi2-ir
57. sza-nu-um
58. wa-ar-ki-szu#
59. _a-sza3_-szu _{gesz}kiri6_-szu
60. u3 _e2_-su2
61. is,-ba-at-ma
62. _mu 3(disz)-kam_
63. i-li-ik-szu
64. it-ta-la-ak
65. szum-ma it-tu-ra-am-ma
66. _a-sza3_-szu _{gesz}kiri6_-szu u3 _e2_-su2
67. i-ir-ri-isz
68. u2-ul in-na-ad-di-isz-szum
@column 11
1. sza is,-s,a-ab-tu-ma
2. i-li-ik-szu
3. it-ta-al-ku
4. szu-ma i-il-la-ak
@law 31
5. szum-ma sza-at-tam
6. isz-ti-a-at-ma
7. u4-da-ap-pi2-ir-ma
8. it-tu-ra-am
9. _a-sza3_-szu u3 _e2_-su2
10. in-na-ad-di-isz-szum-ma
11. szu-ma i-li-ik-szu
12. i-il#-la#-ak#
@law 32
13. szum#-ma# lu _aga-us2_
14. u3 lu _szu-ku6_
15. sza i-na har-ra-an
16. szar-ri-im
17. tu-ur2-ru
18. _dam-gar3_ ip-t,u2-ra-asz-szu-ma
19. _iri_-szu usz-ta-ak-szi-da-asz-szu
20. szum-ma i-na bi-ti-szu
21. sza pa-t,a-ri-im
22. i-ba-asz-szi
23. szu-ma ra-ma-an-szu
24. i-pa-at,-t,a-ar
25. szum-ma i-na bi-ti-szu
26. sza pa-t,a-ri-szu
27. la i-ba-asz-szi
28. i-na _e2 dingir iri_-szu
29. ip-pa-at,-t,ar2
30. szum-ma i-na _e2_
31. _dingir iri_-szu
32. sza pa-t,a-ri-szu
33. la i-ba-asz-szi
34. _e2-gal_ i-pa-at,-t,a-ar!(RI)-szu
35. _a-sza3_-szu _{gesz}kiri6_-szu
36. u3 _e2_-su2
37. a-na ip-t,e4-ri-szu
38. u2-ul in-na-ad-di-in
@law 33
39. szum-ma lu _ugula-ugula_
40. u3 lu _nu-banda3_
41. _erin2_ ni-is-ha-tim
42. ir-ta-szi
43. u3 lu a-na _kaskal_
44. szar-ri-im
45. _{lu2}hun-ga2_ pu-ha-am
46. im-hu-ur-ma
47. ir-te-de
48. lu _ugula-ugula_
49. u3 lu _nu-banda3_ szu-u2
50. id-da-ak
@law 34
51. szum-ma lu _ugula-ugula_
52. u3 lu _nu-banda3_
53. nu-ma-at _aga-us2_ il-te-qe2
54. _aga-us2_ ih-ta-ba-al
55. _aga-us2_ a-na ig-ri-im
56. it-ta-di-in
57. _aga-us2_ i-na di-nim
58. a#-na# dan-nim isz-ta-ra-ak
59. qi2#-isz-ti szar-ru-um
60. [a]-na# _aga-us2_ id-di-nu
61. il#-te-di
62. lu# _ugula-ugula_
63. u3# lu _nu-banda3_ szu-u2
64. id#-da#-ak
@law 35
65. szum#-ma a-wi-lum
66. _ab2# gu4!(BI) hi-a_
67. u3 _u8 udu hi-a_
68. sza szar-ru-um
69. a-na _aga-us2_
70. id-di-nu
@column 12
1. i-na qa2-ti _aga-us2_
2. isz-ta-am
3. i-na _ku3-babbar_-szu
4. i-te-el-li
@law 36
5. _a-sza3_-um _{gesz}kiri6_ u3 _e2_
6. sza _aga-us2 szu-ku6_
7. u3 na-szi bi-il-tim
8. a-na _ku3-babbar_
9. u2-ul i-na-ad-di-in
@law 37
10. szum-ma a-wi-lum
11. _a-sza3 {gesz}kiri6_ u3 _e2_
12. sza _aga-us2 szu-ku6_
13. u3# na#-szi _gun#_
14. isz#-ta#-am#
15. t,up-pa-szu
16. ih-he-ep-pe2
17. u3 i-na _ku3-babbar_-szu
18. i-te-el-li
19. _a-sza3 {gesz}kiri6_ u3 _e2_
20. a-na be-li2-szu
21. i-ta-ar
@law 38
22. _aga-us2 szu-ku6_
23. u3 na-szi _gun_
24. i-na _a-sza3 {gesz}kiri6_ u3 _e2_
25. sza il-ki-szu
26. a-na asz-sza-ti-szu
27. u3 _dumu-munus_-szu
28. u2-ul i-sza-at,-t,a-ar
29. u3 a-na i-il-ti-szu
30. u2-ul i-na-ad-di-in
@law 39
31. i-na _a-sza3 kiri6_ u3 _e2_
32. sza i-sza-am-mu-ma
33. i-ra-asz-szu-u2
34. a-na asz-sza-ti-szu
35. u3 _dumu-munus_-szu
36. i-sza-at,-t,ar2
37. u3 a-na e-hi-il-ti-szu
38. i-na-ad-di-in
@law 40
39. _lukur dam-gar3_
40. u3 il-kum a-hu-u2-um
41. _a-sza3_-szu _{gesz}kiri6_-szu
42. u3 _e2_-su2 a-na _ku3-babbar_
43. i-na-ad-di-in
44. sza-a-a-ma-nu-um
45. i-li-ik _a-sza3_
46. _{gesz}kiri6_ u3 _e2_
47. sza i-sza-am-mu
48. i-il-la-ak
@law 41
49. szum-ma a-wi-lum
50. _a-sza3 {gesz}kiri6_ u3 _e2_
51. sza _aga-us2 szu-ku6_
52. u3 na-szi bi-il-tim
53. u2-pi2-ih
54. u3 ni-ip-la-ti
55. id-di-in
56. _aga-us2 szu-ku6_
57. u3 na-szi bi-il-tim
58. a-na _a-sza3_-szu _{gesz}kiri6_-szu u3 _e2_-szu
59. i-ta-ar
60. u3 ni-ip-la-tim
61. sza in-na-ad-nu-szum
62. i-tab-ba-al
@law 42
63. szum-ma a-wi-lum
64. _a-sza3_ a-na er-re-szu-tim
65. u2-sze-s,i-ma
66. i-na _a-sza3 sze_ la usz-tab-szi
67. i-na _a-sza3_ szi-ip-ri-im
@column 13
1. la e-pe2-szi-im
2. u2-ka-an-nu-szu-ma
3. _sze_ ki-ma i-te-szu
4. a-na be-el _a-sza3_
5. i-na-ad-di-in
@law 43
6. szum-ma _a-sza3_-am la i-ri-isz-ma
7. it-ta-di
8. _sze_ ki-ma i-te-szu
9. a-na be-el _a-sza3_
10. i-na-ad-di-in
11. u3 _a-sza3_ sza id-du-u2
12. ma-a-a-ri
13. i-ma-ah-ha-as,
14. i-sza-ak-ka-ak-ma
15. a-na be-el _a-sza3_
16. u2-ta-ar
@law 44
17. szum-ma a-wi-lum
18. _a-sza3 |KI.KAL|_
19. a-na _mu 3(disz)-kam_
20. a-na te-ep-ti-tim
21. u2-sze-s,i-ma
22. a-ah-szu id-di-ma
23. _a-sza3_ la ip-te-te
24. i-na re-bu-tim
25. sza-at-tim
26. _a-sza3_ ma-a-a-ri
27. i-ma-ah-ha-as,
28. i-mar-ra-ar
29. u3 i-sza-ak-ka-ak-ma
30. a-na be-el _a-sza3_
31. u2-ta-ar
32. u3 1(bur3) _GAN2_-e
33. 1(u) _sze gur_
34. i-ma-ad-da-ad
@law 45
35. szum-ma a-wi-lum
36. _a-sza3_-szu a-na _gun_
37. a-na er-re-szi-im
38. id-di-in-ma
39. u3 _gun a-sza3_-szu
40. im-ta-ha-ar
41. wa-ar-ka _a-sza3_
42. {d}iszkur ir-ta-hi-is,
43. u3 lu bi-ib-bu-lum
44. it-ba-al
45. bi-ti-iq-tum
46. sza er-re-szi-im-ma
@law 46
47. szum-ma _gun a-sza3_-szu
48. la im-ta-ha-ar
49. u3 lu a-na mi-isz-la-ni
50. u3 lu a-na sza-lu-usz
51. _a-sza3_ id-di-in
52. _sze_ sza i-na _a-sza3_
53. ib-ba-asz-szu-u2
54. er-re-szum
55. u3 be-el _a-sza3_
56. a-na ap-szi-te-em
57. i-zu-uz-zu
@law 47
58. szum-ma er-re-szum
59. asz-szum i-na sza-at-tim
60. mah-ri-tim
61. ma-na-ha-ti-szu
62. la il-qu2-u2
63. _a-sza3_ e-re-sza-am iq-ta-bi
64. be-el _a-sza3_
65. u2-ul u2-up-pa-as
66. er-re-su-ma
67. _a-sza3_-szu i-ir-ri-isz-ma
68. i-na _buru14_
69. ki-ma ri-ik-sa-ti-szu
70. _sze_ i-le-qe2
@law 48
71. szum-ma a-wi-lum
72. hu-bu-ul-lum
73. e-li-szu
@column 14
1. i-ba-asz-szi-ma
2. _[a]-sza3_-szu
3. {d}iszkur
4. ir-ta-hi-is,
5. u3 lu-u2 bi-ib-bu-lum#
6. it-ba-al
7. u3 lu-u2 i-na la me-e
8. _sze_ i-na _a-sza3_
9. la it-tab-szi
10. i-na sza-at-tim szu-a-ti
11. _sze_ a-na be-el hu-bu-ul-li-szu
12. u2-ul u2-ta-ar
13. t,up-pa-szu
14. u2-ra-at,-t,a-ab
15. u3 s,i-ib-tam
16. sza sza-at-tim szu-a-ti
17. u2-ul i-na-ad-di-in
@law 49
18. szum-ma a-wi-lum
19. _ku3-babbar_ it-ti _dam-gar3_
20. il-qe2-ma
21. _a-sza3_ ep-e-tim
22. sza _sze_ u3 lu _sze-gisz-i3_
23. a-na _dam-gar3_ id-di-in
24. _a-sza3_ e-ri-isz-ma
25. _sze_ u3 lu-u2 _sze-gisz-i3_
26. sza ib-ba-asz-szu-u2
27. e-si-ip ta-ba-al
28. iq-bi-szum
29. szum-ma er-re-szum
30. i-na _a-sza3 sze_
31. u3 lu _sze-gisz-i3_
32. usz-tab-szi
33. i-na _buru14 sze_ u3 _sze-gisz-i3_
34. sza i-na _a-sza3_ ib-ba-asz-szu-u2
35. be-el _a-sza3_-ma
36. i-le-qe2-ma
37. _sze_ sza _ku3-babbar_-szu
38. u3 s,i-ba-su2
39. sza it-ti _dam-gar3_
40. il-qu2-u2
41. u3 ma-na-ha-at
42. e-re-szi-im
43. a-na _dam-gar3_
44. i-na-ad-di-in
@law 50
45. szum-ma _a-sza3_ er-sza-am
46. u3 lu-u2
47. _a-sza3 sze-gisz-i3_
48. er-sza-am id-di-in
49. _sze_ u3 lu _sze-gisz-i3_
50. sza i-na _a-sza3_
51. ib-ba-asz-szu-u2
52. be-el _a-sza3_-ma
53. i-le-qe2-ma
54. _ku3-babbar_ u3 s,i-ba-su2
55. a-na _dam-gar3_ u2-ta-ar
@law 51
56. szum-ma _ku3-babbar_
57. a-na tu-ur2-ri-im
58. la i-szu
59. _sze-gisz-i3_
60. a-na ma-hi-ra-ti-szu-nu
61. sza _ku3-babbar_-szu
62. u3 s,i-ib-ti-szu
63. sza it-ti _dam-gar3_ il-qu2-u2
64. a-na _ka_ s,i-im-da-at
65. szar-ri-im
66. a-na _dam-gar3_ i-na-ad-di-in
@column 15
@law 52
1. szum-ma er-re-szum
2. i-na _a-sza3_ sze-am
3. u3 lu _sze-gisz-i3_
4. la usz-tab-szi
5. ri-ik-sa-ti-szu
6. u2-ul [i]-in-ni
@law 53
7. szum-ma a-wi-lum
8. a-na _kar a-sza3_-szu
9. du-un-nu-nim#
10. a-ah-szu id-di-ma
11. _kar_-szu
12. la u2-dan-ni-in-ma
13. i-na _kar_-szu
14. pi2-tum it-te-ep-te
15. u3 _a-gar3_ me-e usz-ta-bil2
16. a-wi-lum
17. sza i-na _kar_-szu
18. pi2-tum ip-pe2-tu-u2
19. _sze_ sza u2-hal-li-qu2
20. i-ri-a-ab
@law 54
21. szum-ma _sze_ ri-a-ba-am
22. la i-le-i
23. szu-a-ti
24. u3 bi-sza-szu
25. a-na _ku3-babbar_
26. i-na-ad-di-nu-ma
27. _dumu a-gar3-mesz_
28. sza _sze_-szu-nu
29. mu-u2 ub-lu
30. i-zu-uz-zu
@law 55
31. szum-ma a-wi-lum
32. a-tap-pa-szu
33. a-na szi-qi2-tim ip-te
34. a-ah-szu id-di-ma
35. _a-sza3_ i-te-szu
36. me-e usz-ta-bil2
37. _sze_ ki-ma i-te-szu
38. i-ma-ad-da-ad
@law 56
39. szum-ma a-wi-lum
40. me-e ip-te-ma
41. ep-sze-tim sza _a-sza3_ i-te-szu
42. me-e usz-ta-bil2
43. 1(bur3) _GAN2_-e
44. 1(u) _sze gur_
45. i-ma-ad-da-ad
@law 57
46. szum-ma _sipa_
47. a-na sza-am-mi
48. _u8 udu hi-a_ szu-ku-lim
49. it-ti be-el _a-sza3_
50. la im-ta-gar3-ma
51. ba-lum be-el _a-sza3_
52. _a-sza3 u8 udu hi-a_
53. usz-ta-ki-il
54. be-el _a-sza3 a-sza3_-szu
55. i-is,-s,i-id
56. _sipa_ sza i-na ba-lum
57. be-el _a-sza3_
58. _a-sza3 u8 udu hi-a_
59. u2-sza-ki-lu
60. e-le-nu-um-ma
61. 1(bur3) _GAN2_-e
62. 2(u) _sze gur_
63. a-na be-el _a-sza3_
64. i-na-ad-di-in
@law 58
65. szum-ma isz-tu _u8 udu hi-a_
66. i-na _a-gar3_
67. i-te-li-a-nim
68. ka-an-nu ga-ma-ar-tim
69. i-na _abul_
70. it-ta-ah-la-lu
71. _sipa u8 udu hi-a_
72. a-na _a-sza3_ id-di-ma
73. _a-sza3 u8 udu hi-a_
74. usz-ta-ki-il
75. _sipa a-sza3_ u2-sza-ki-lu
76. i-na-s,a-ar-ma
77. i-na _buru14_
78. 1(bur3) _GAN2_-e
@column 16
1. 1(gesz2) _sze gur_
2. a-na be-el _a-sza3_
3. i-ma-ad-da-ad
@law 59
4. szum-ma a-wi-lum
5. ba-lum be-el _{gesz}kiri6_
6. i-na _{gesz}kiri6_ a-wi-lim
7. i-s,a-am ik-ki-is
8. 1/2(disz) _ma-na ku3-babbar_
9. i-sza-qal
@law 60
10. szum-ma a-wi-lum
11. _a-sza3_ a-na _{gesz}kiri6_ [za]-qa2-pi2-im
12. [a]-na# _nu-{gesz}kiri6_ id-di-in
13. _nu-{gesz}kiri6_
14. _{gesz}kiri6_ iz-qu2-up
15. _mu 4(disz)-kam_
16. _{gesz}kiri6_ u2-ra-ab-ba
17. i-na ha-mu-usz-tim
18. sza-at-tim
19. be-el _{gesz}kiri6_
20. u3 _nu-{gesz}kiri6_
21. mi-it-ha-ri-isz
22. i-zu-zu
23. be-el _{gesz}kiri6_
24. _ha-la_-szu
25. i-na-sa3-aq-ma
26. i-le-qe2
@law 61
27. szum-ma _nu-{gesz}kiri6_
28. _a-sza3_ i-na za-qa2-pi2-im
29. la ig-mur-ma
30. ni-di-tam i-zi-ib
31. ni-di-tam
32. a-na li-ib-bi _ha-la_-szu
33. i-sza-ak-ka-nu-szum
@law 62
34. szum-ma _a-sza3_
35. sza in-na-ad-nu-szum
36. a-na _{gesz}kiri6_ la iz-qu2-up
37. szum-ma _ab-sin2_
38. _gun a-sza3_
39. sza sza-na-tim
40. sza in-na-du-u2
41. _nu-{gesz}kiri6_
42. a-na be-el _a-sza3_
43. ki-ma i-te-szu
44. i-ma-ad-da-ad
45. u3 _a-sza3_ szi-ip-ra-am
46. i-ip-pe2-esz-ma
47. a-na be-el _a-sza3_ u2-ta-ar
@law 63
48. szum-ma _a-sza3 |KI.KAL|_
49. _a-sza3_ szi-ip-ra-am
50. i-ip-pe2-esz-ma
51. _a-sza3_ be-el _a-sza3_
52. u2-ta-ar
53. u3 1(bur3) _GAN2_-e
54. 1(u) _sze gur_
55. sza sza-at-tim
56. isz-ti-a-at
57. i-ma-ad-da-ad
@law 64
58. szum-ma a-wi-lum
59. _{gesz}kiri6_-szu
60. a-na _nu-{gesz}kiri6_
61. a-na ru-ku-bi-im
62. id-di-in
63. _nu-{gesz}kiri6_
64. a-di _{gesz}kiri6_ s,a-ab-tu
65. i-na bi-la-at _{gesz}kiri6_
66. szi-it-ti-in
67. a-na be-el _{gesz}kiri6_
68. i-na-ad-di-in
69. sza-lu-usz-tam
70. szu-u2 i-le-qe2
@law 65
71. szum-ma _nu-{gesz}kiri6_
72. _{gesz}kiri6_ la u2-ra-ak-ki-ib-ma
73. bi-il-tam um-ta-t,i
74. _nu-{gesz}kiri6_
75. bi-la-at _{gesz}kiri6_
76. a-na i-te-szu
@column 17
$column missing
1. [i-ma-ad-da-ad]
2. [...]
@reverse
@column 1
1. s,i-ba-a-at _ku3-babbar_
2. ma-la il-qu2-u2
3. i-sa-ad-dar-ma
4. u4-mi-szu
5. i-ma-an-nu-u2-ma
6. _dam-gar3_-szu
7. i-ip-pa-al
@law 101
8. szum-ma a-szar il-li-ku
9. ne-me-lam
10. la i-ta-mar
11. _ku3-babbar_ il-qu2-u2
12. usz-ta-sza-na-ma
13. _szaman2-la2_ a-na _dam-gar3_
14. i-na-ad-di-in
@law 102
15. szum-ma _dam-gar3_
16. a-na _szaman2-la2_
17. _ku3-babbar_ a-na ta-ad-mi-iq-tim
18. it-ta-di-in-ma
19. a-szar il-li-ku
20. bi-ti-iq-tam
21. i-ta-mar
22. qa2-qa2-ad _ku3-babbar_
23. a-na _dam-gar3_ u2-ta-ar
@law 103
24. szum-ma har-ra-nam
25. i-na a-la-ki-szu
26. na-ak-ru-um
27. mi-im-ma sza na-szu-u2
28. usz-ta-ad-di-szu
29. _szaman2-la2_ ni-isz i-lim
30. i-za-kar-ma
31. u2-ta-asz-szar
@law 104
32. szum-ma _dam-gar3_
33. a-na _szaman2-la2_
34. _sze siki i3-gisz_
35. u3 mi-im-ma bi-sza-am
36. a-na pa-sza-ri-im
37. id-di-in
38. _szaman2-la2 ku3-babbar_
39. i-sa-ad-dar-ma
40. a-na _dam-gar3_
41. u2-ta-ar
42. _szaman2-la2_ ka-ni-ik _ku3-babbar_
43. sza a-na _dam-gar3_
44. i-na-ad-di-nu
45. i-le-qe2
@law 105
46. szum-ma _szaman2-la2_
47. i-te-gi-ma
48. ka-ni-ik _ku3-babbar_
49. a-na _dam-gar3_
50. id-di-nu
51. la-il-te-qe2
52. _ku3-babbar_ la ka-ni-ki-im
53. a-na ni-ik-ka-as-si2-im
54. u2-ul isz-sza-ak-ka-an
@law 106
55. szum-ma _szaman2-la2_
56. _ku3-babbar_ it-ti _dam-gar3_
57. il-qe2-ma
58. _dam-gar3_-szu
59. it-ta-ki-ir
60. _dam-gar3_ szu-u2
61. i-na ma-har i-lim u3 szi-bi
62. i-na _ku3-babbar_ le-qe2-em
63. _szaman2-la2_ u2-ka-an-ma
64. _szaman2-la2 ku3-babbar_
65. ma-la il-qu2-u2
66. _a-ra2_ 3(disz)-szu a-na _dam-gar3_
67. i-na-ad-di-in
@law 107
68. szum-ma _dam-gar3 ku3-babbar_
69. _szaman2-la2_ i-qi2-ip-ma
70. _szaman2-la2_ mi-im-ma
71. sza _dam-gar3_ id-di-nu-szum
72. a-na _dam-gar3_-szu
@column 2
1. ut-te-er
2. _dam-gar3_ mi-im-ma
3. sza _szaman2-la2_
4. id-di-nu-szum
5. it-ta-ki-ir-szu
6. _szaman2-la2_ szu-u2
7. i-na ma-har i-lim u3 szi-bi
8. _dam-gar3_ u2-ka-an-ma
9. _dam-gar3_ asz-szum _szaman2-la2_-szu
10. ik-ki-ru
11. mi-im-ma sza il-qu2-u2
12. _a-ra2_ 6(disz)-szu
13. a-na _szaman2-la2_
14. i-na-ad-di-in
@law 108
15. szum-ma _munus-kurun-na_
16. a-na _sa10# kasz_
17. _sze_ la im-ta-har
18. i-na _na4_ ra-bi-tim
19. _ku3-babbar_ im-ta-har
20. u3 _ganba kasz_
21. a-na _ganba sze_ um-ta-t,i
22. _munus-kurun-na_ szu-a-ti
23. u2-ka-an-nu-szi-ma
24. a-na me#-e
25. i-na#-[ad]-du#-u2-szi
@law 109
26. szum#-ma# _munus-kurun-na_
27. sa3-ar#-ru-tum
28. i-na _e2_-sza
29. it-tar-ka-su2#?-ma
30. sa3-ar-ru-tim szu-nu-ti
31. la is,-s,a-ab-tam-ma
32. a-na _e2-gal_
33. la ir-de-a-am
34. _munus-kurun-na_ szi-i
35. id-da-ak
@law 110
36. szum#-ma _lukur nin-dingir_
37. sza i-na _ga2-gi4-a_
38. la wa-asz-ba-at
39. _e2 kurun-na_ ip-te-te
40. u3 lu a-na _kasz_
41. a-na _e2 kurun-na_
42. i-te-ru-ub
43. a-wi-il-tam szu-a-ti
44. i-qal-lu-u2-szi
@law 111
45. szum-ma _munus-kurun-na_
46. 1(disz) _kasz dida ka gag_
47. a-na qi2-ip-tim id-di-in
48. i-na _buru14_
49. 5(ban2) _sze_ i-le-qe2
@law 112
50. szum-ma a-wi-lum
51. i-na har-ra-nim
52. wa-szi-ib-ma
53. _ku3-babbar ku3-sig17 na4_
54. u3 bi-isz qa2-ti-szu
55. a-na a-wi-lim
56. id-di-in-ma
57. a-na szi-bu-ul-tim
58. u2-sza-bil2-szu
59. a-wi-lum szu-u2
60. mi-im-ma sza szu-bu-lu
61. a-szar szu-bu-lu
62. la id-[di]-in-ma
63. it-ba-al
64. be-el szi-bu-ul-tim
65. a-wi-lam szu-a-ti
66. i-na mi-im-ma
67. sza szu-bu-lu-ma
68. la id-di-nu
69. u2-ka-an-nu-szu-ma
70. a-wi-lum szu-u2
71. _a-ra2_ 5(disz)-szu mi-im-ma
72. sza in-na-ad-nu-szum
73. a-na be-el szi-bu-ul-tim
74. i-na-ad-di-in
@law 113
75. szum-ma a-wi-lum
76. e-li a-wi-lim
@column 3
1. _sze_ u3 _ku3-babbar_ i-szu-ma
2. i-na ba-lum be-el _sze_
3. i-na na-asz-pa-ki-im
4. u3 lu i-na ma-asz-ka-nim
5. _sze_ il-te-qe2
6. a-wi-lam szu-a-ti
7. i-na ba-lum be-el _sze_
8. i-na na-asz-pa-ki-im
9. u3# lu i-na _kislah_
10. i#-na# _sze_ le-qe2-em
11. u2-ka-an-nu-szu-ma
12. _sze_ ma-la il-qu2-u2
13. u2-ta-ar
14. u3 i-na mi-im-ma szum-szu
15. ma-la id-di-nu
16. i-te-el-li
@law 114
17. szum-ma a-wi-lum
18. e-li a-wi-lim
19. _sze_ u3 _ku3-babbar_
20. la i-szu-ma
21. ni-pu-su2 it-te-pe2
22. a-na ni-pu-tim
23. isz-ti-a-at
24. 1/3(disz) _ma-na ku3-babbar_
25. i-sza-qal
@law 115
26. szum-ma a-wi-lum
27. e-li a-wi-lim
28. _sze_ u3 _ku3-babbar_
29. i-szu-ma
30. ni-pu-su2 ip-pe2-ma
31. ni-pu-tum
32. i-na _e2_ ne-pi2-sza
33. i-na szi-ma-ti-sza
34. im-tu-ut
35. di-nu-um szu-u2
36. ru-gu-um-ma-am
37. u2-ul i-szu
@law 116
38. szum-ma ni-pu-tum
39. i-na _e2_ ne-pi2-sza
40. i-na ma-ha-s,i2-im
41. u3-lu i-na usz-szu-szi-im
42. im-tu-ut
43. be-el ni-pu-tim
44. _dam-gar3_-szu
45. u2-ka-an-ma
46. szum-ma _dumu_ a-wi-lim
47. _dumu_-szu i-du-uk-ku
48. szum-ma _ARAD2_ a-wi-lim
49. 1/3(disz) _ma-na ku3-babbar_
50. i-sza-qal
51. u3 i-na mi-im-ma szum-szu
52. ma-la id-di-nu
53. i-te-el-li
@law 117
54. szum-ma a-wi-lam
55. e-hi-il-tum
56. is,-ba-su2-ma
57. _dam_-su2 _dumu_-szu u3 _dumu-munus_-su2
58. a-na _ku3-babbar_ id-di-in
59. u3 lu a-na ki-isz-sza-tim
60. it-ta-an-di-in
61. _mu 3(disz)-kam_
62. _e2_ sza-a-a-ma-ni-szu-nu
63. u3 ka-szi-szi-szu-nu
64. i-ip-pe2-szu i-na re-bu-tim
65. sza-at-tim
66. an-du-ra-ar-szu-nu
67. isz-sza-ak-ka-an
@law 118
68. szum-ma _ARAD2_ u3 lu _geme2_
69. a-na ki-isz-sza-tim
70. it-ta-an-di-in
71. _dam-gar3_ u2-sze-te-eq
72. a-na _ku3-babbar_ i-na-ad-din
73. u2-ul ib-ba-qar
@law 119
74. szum-ma a-wi-lam
75. e-hi-il-tum
76. is,-ba-su2-ma
77. _geme2_-su2 sza _dumu-mesz_ ul-du-szum
78. a-na _ku3-babbar_ it-ta-din
@column 4
1. _ku3-babbar dam-gar3_ isz-qu2-lu
2. be-el _geme2#_ i-sza-qal-ma
3. _geme2_-su2 i-pa-t,ar2#
@law 120
4. szum-ma a-wi-lum
5. sze-szu a-na na-asz-pa-ku-tim
6. i-na _e2_ a-wi-lim
7. isz-pu-uk-ma
8. i-na qa2-ri-tim
9. i-ib-bu-u2-um it-tab-szi
10. u3 lu be-el _e2_
11. na-asz-pa-kam ip-te-ma
12. _sze_ il-qe2
13. u3 lu _sze_ sza a-na _e2_-szu
14. isz-sza-ap-ku
15. a-na ga-am-ri-im
16. it-ta-ki-ir
17. be-el _sze_ ma-har i-lim
18. sze-szu u2-ba-ar-ma
19. be-el _e2_
20. _sze_ sza il-qu2-u2
21. usz-ta-sza-na-ma
22. a-na be-el _sze_
23. i-na-ad-di-in
@law 121
24. szum-ma a-wi-lum
25. i-na _e2_ a-wi-lim
26. _sze_ isz-pu-uk
27. i-na sza-na-at
28. a-na _1(asz) sze gur-e 5(disz) sila3 sze_
29. _a2_ na-asz-pa-ki-im
30. i-na-ad-di-in
@law 122
31. szum-ma a-wi-lum
32. a-na a-wi-lim
33. _ku3-babbar ku3-sig17_
34. u3 mi-im-ma szum-szu
35. a-na ma-s,a-ru-tim
36. i-na-ad-di-in
37. mi-im-ma ma-la
38. i-na-ad-di-nu
39. szi-bi-u2-kal2-lam
40. ri-ik-sa-tim
41. i-sza-ak-ka-an-ma
42. a-na ma-s,a-ru-tim
43. i-na-ad-di-in
@law 123
44. szum-ma ba-lum szi-bi
45. u3 ri-ik-sa-tim
46. a-na ma-s,a-ru-tim
47. id-di-in-ma
48. a-sar id-di-nu
49. it-ta-ak-ru-szu
50. di-nu-um szu-u2
51. ru-gu-um-ma-am
52. u2-ul i-szu
@law 124
53. szum-ma a-wi-lum
54. a-na a-wi-lim
55. _ku3-babbar ku3-sig17_
56. u3 mi-im-ma szum-szu
57. ma-har szi-bi
58. a-na ma-s,a-ru-tim
59. id-di-in-ma
60. it-ta-ki-ir-szu
61. a-wi-lam szu-a-ti
62. u2-ka-an-nu-szu-ma
63. mi-im-ma sza ik-ki-ru
64. usz-ta-sza-na-ma
65. i-na-ad-di-in
@law 125
66. szum-ma a-wi-lum
67. mi-im-ma-szu
68. a-na ma-s,a-ru-tim id-di-in-ma
69. a-szar id-di-nu
70. u3 lu a-na pi2-il-szi-im
71. u3 lu i-na na-ba;-al-ka-at-tim
73. mi-im-mu-szu
74. it-ti mi-im-me-e
75. be-el _e2_ ih-ta-li-iq be-el _e2_ sza i-gu-ma
76. mi-im-ma sza a-na
77. ma-s,a-ru-tim id-di-nu-szum-ma
78. u2-hal-li-qu2
79. u2-sza-lam-ma
@column 5
1. a-na be-el _nig2-gur11_
2. i-ri-a-ab
3. be-el _e2_
4. mi-im-ma-szu hal-qa2-am
5. isz#-te-ne-i-ma
6. [it]-ti szar-ra-qa2-ni-szu
7. i-le-qe2
@law 126
8. szum-ma# [a]-wi-lum
9. mi-im-mu-szu
10. la ha-li-iq#-ma
11. mi-im-me-e
12. ha-li-iq iq-ta-bi
13. ba-ab-ta-szu
14. u2-te-eb-bi-ir
15. ki-ma mi-im-mu-szu
16. la hal-qu2
17. ba-ab-ta-szu
18. i-na ma-har i-lim
19. u2-ba-ar-szu-ma
20. mi-im-ma
21. sza ir-gu-mu
22. usz-ta-sza-na-ma
23. a-na ba-ab-ti-szu
24. i-na-ad-di-in
@law 127
25. szum-ma a-wi-lum
26. e-li _nin-dingir_
27. u3 a-sza-at a-wi-lim
28. u2-ba-nam u2-sza-at-ri-is,-ma
29. la uk-ti-in
30. a-wi-lam szu-a-ti
31. ma-har da-a-a-ni
32. i-na-ad-du-u2-szu
33. u3 mu-ut-ta-su2
34. u2-gal-la-bu
@law 128
35. szum-ma a-wi-lum
36. asz-sza-tam
37. i-hu-uz-ma
38. ri-ik-sa-ti-sza
39. la isz-ku-un
40. _munus_ szi-i
41. u2-ul asz-sza-at
@law 129
42. szum-ma asz-sza-at a-wi-lim
43. it-ti zi-ka-ri-im
44. sza-ni-im
45. i-na i-tu-lim
46. it-ta-as,-bat
47. i-ka-su2-szu-nu-ti-ma
48. a-na me-e
49. i-na-ad-du-u2-szu-nu-ti
50. szum-ma be-el asz-sza-tim
51. asz-sza-su2 u2-ba-la-at,
52. u3 szar-ru-um
53. _ARAD2_-su2 u2-ba-la-at,
@law 130
54. szum-ma a-wi-lum
55. asz-sza-at a-wi-lim
56. sza zi-ka-ra-am
57. la i-du-u2-ma
58. i-na _e2_ a-bi-sza
59. wa-asz-ba-at
60. u2-kab-bil2-szi-ma
61. i-na su-ni-sza
62. it-ta-ti-il-ma
63. is,-s,a-ab-tu-szu
64. a-wi-lum szu-u2
65. id-da-ak
66. _munus_ szi-i
67. u2-ta-a-sza-ar
@law 131
68. szum-ma asz#-sza-at
69. a-wi-lim
70. mu-sa3 u2-ub-bi-ir-szi-ma
71. it-ti zi-ka-ri-im sza-ni-im
72. i-na u2-tu-lim
73. la is,-s,a-bi-it
74. ni-isz i-lim
75. i-za-kar-ma
76. a-na _e2_-sza i-ta-ar
@law 132
77. szum-ma asz-sza-at
78. a-wi-lim
79. asz-szum zi-ka-ri-im sza-ni-im
80. u2-ba-nu-um
81. e-li-sza
82. it-ta-ri-is,-ma
83. it-ti zi-ka-ri-im
@column 6
1. sza-ni-im
2. i-na u2-tu-lim
3. la it-ta-as,-ba-at
4. a-na mu-ti-sza
5. {d}i7
6. i-sza-al-li
@law 133
7. szum-ma a-wi-lum
8. isz-sza-li-il-ma
9. i-na _e2_-szu
10. sza a-ka-lim
11. [i]-ba-asz-szi
12. [asz-sza]-su2
13. [a-di mu?]-sa3 [s,a-ab]-tu#?
14. [pa-gar3]-sza#
15. [i-na-s,a]-ar#
16. [a-na _e2_ sza-ni]-im#
17. [u2-ul i-ir]-ru-ub
18. szum#-[ma] _munus_ szi-i
19. [pa]-gar3#-sza
20. la is,-s,ur-ma
21. a-na _e2_ sza-ni-im
22. i-te-ru-ub
23. _munus_ szu-a-ti
24. u2-ka-an-nu-szi-ma
25. a-na me-e
26. i-na-ad-du-u2-szi
@law 134
27. szum-ma a-wi-lum
28. isz-sza-li-il-ma
29. i-na _e2_-szu
30. sza a-ka-li-im
31. la i-ba-asz-szi
32. asz-sza-su2
33. a-na _e2_ sza-ni-im
34. i-ir-ru-ub
35. _munus_ szi-i
36. ar-nam u2-ul i-szu
@law 135
37. szum-ma a-wi-lum
38. isz-sza-li-il-ma
39. i-na _e2_-szu
40. sza a-ka-li-im
41. la i-ba-asz-szi
42. a-na pa-ni-szu
43. asz-sza-su2
44. a-na _e2_ sza-ni-im
45. i-te-ru-ub-ma
46. _dumu-mesz_ it-ta-la-ad
47. i-na wa-ar-ka
48. mu-sa3 it-tu-ra-am-ma
49. _iri_-szu
50. ik-ta-asz2-dam
51. _munus_ szi-i
52. a-na ha-wi-ri-sza
53. i-ta-ar
54. _dumu-mesz_ wa-ar-ki
55. a-bi-szu-nu
56. i-il-la-ku
@law 136
57. szum-ma a-wi-lum
58. _iri_-szu id-di-ma
59. it-ta-bi-it
60. wa-ar-ki-szu
61. asz-sza-su2
62. a-na _e2_ sza-ni-im
63. i-te-ru-ub
64. szum-ma a-wi-lum szu-u2
65. it-tu-ra-am-ma
66. asz-sza-su2
67. is,-s,a-ba-at
68. asz-szum _iri_-szu
69. i-ze-ru-ma
70. in-na-bi-tu
71. asz-sza-at mu-na-ab-tim
72. a-na mu-ti-sza
73. u2-ul i-ta-ar
@law 137
74. szum-ma a-wi-lum
75. a-na {munus}szu-gi4-tim
76. sza _dumu-mesz_ ul-du-szum u3 lu _lukur_ sza _dumu-mesz_
77. u2-szar-szu-szu
78. e-ze2-bi-im
79. pa-ni-szu
80. isz-ta-ka-an
81. a-na _munus_ szu-a-ti
82. sze-ri-ik-ta-sza
83. u2-ta-ar-ru-szi-im
84. u3 mu-ut-ta-at
85. _a-sza3 {gesz}kiri6_ u3 bi-szi-im
@column 7
1. i-na-ad-di-nu-szi-im-ma
2. _dumu-mesz_-sza
3. u2-ra-ab-ba
4. isz-tu _dumu-mesz_-sza
5. ur2-ta-ab-bu-u2
6. i-na mi-im-ma
7. sza a-na _dumu-mesz_-sza
8. in-na-ad-nu
9. zi2-it-tam
10. ki-ma ap-lim isz-te-en
11. i-na-ad-di-nu-szi-im-ma
12. mu-tu li-ib-bi-sza
13. i-ih-ha-as-si2
@law 138
14. szum-ma a-wi-lum
15. hi-ir-ta-szu
16. sza _dumu-mesz_ la ul-du-szum
17. i-iz-zi-ib
18. _ku3-babbar_ ma-la
19. ter-ha-ti-sza
20. i-na-ad-di-isz-szi-im
21. u3 sze-ri-ik-tam
22. sza isz-tu _e2_ a-bi-sza ub-lam
23. u2-sza-lam-szi-im-ma
24. i-iz-zi-ib-szi
@law 139
25. szum-ma ter-ha-tum
26. la i-ba-asz-szi
27. 1(disz) ma-na _ku3-babbar_
28. a-na u2-zu-ub-be2-em
29. i-na-ad-di-isz-szi-im
@law 140
30. szum-ma _|MASZ.EN.GAG|!_
# MASZ-EN-NI
31. 1/3(disz) _ma-na ku3-babbar_
32. i-na-ad-di-isz-szi-im
@law 141
33. szum-ma asz-sza-at a-wi-lim
34. sza i-na _e2_ a-wi-lim
35. wa-asz-ba-at
36. a-na wa-s,e-em
37. pa-ni-sza
38. isz-ta-ka-an-ma
39. si2-ki-il-tam
40. i-sa3-ak-ki-il
41. _e2_-sa3 u2-sa3-ap-pa-ah
42. mu-sa3 u2-sza-am-t,a
43. u2-ka-an-nu-szi-ma
44. szum-ma mu-sa3
45. e-ze2-eb-sza
46. iq-ta-bi
47. i-iz-zi-ib-szi
48. ha-ra-an-sza
49. u2-zu-ub-bu-sza
50. mi-im-ma
51. u2-ul in-na-ad-di-isz-szi-im
52. szum-ma mu-sa3
53. la e-ze2-eb-sza iq-ta-bi
54. mu-sa3 _munus_ sza-ni-tam
55. i-ih-ha-az
56. _munus_ szi-i
57. ki-ma _geme2_
58. i-na _e2_ mu-ti-sza
59. usz-sza-ab
@law 142
60. szum-ma _munus_ mu-sa3 i-ze-er-ma
61. u2-ul ta-ah-ha-za-an-ni
62. iq-ta-bi
63. wa-ar-ka-sa3
64. i-na ba-ab-ti-sza
65. ip-pa-ar-ra-as2-ma
66. szum-ma na-as,-ra-at-ma
67. hi-t,i-tam
68. la i-szu
69. u3 mu-sa6
70. wa-s,i2-ma
71. ma-ga-al
72. u2-sza-am-t,a-szi
73. _munus_ szi-i
@column 8
1. ar-nam u2-ul i-szu
2. sze-ri-ik-ta-sza
3. i-le-qe2-ma
4. a-na _e2_ a-bi-sza
5. it-ta-al-la-ak
@law 143
6. szum-ma la na-as,-ra-at-ma
7. wa-s,i2-a-at
8. bi-sa3 u2-sa3-ap-pa-ah
9. mu-sa3 u2-sza-am-t,a
10. _munus_ szu-a-ti
11. a-na me-e
12. i-na-ad-du-u2-szi
@law 144
13. szum-ma a-wi-lum
14. _lukur_ i-hu-uz-ma
15. _lukur_ szi-i
16. _geme2_ a-na mu-ti-sza
17. id-di-in-ma
18. _dumu-mesz_ usz-tab-szi
19. a-wi-lum szu-u2
20. a-na {munus}szu-gi4-tim
21. a-ha-zi-im
22. pa-ni-szu
23. isz-ta-ka-an
24. a-wi-lam szu-a-ti
25. u2-ul i-ma-ag-ga-ru-szu
26. {munus}szu-gi4-tam
27. u2-ul i-ih-ha-az
@law 145
28. szum-ma a-wi-lum
29. _lukur_ i-hu-uz-ma
30. _dumu-mesz_ la u2-szar-szi-szu-ma
31. a-na {munus}szu-gi4-tim
32. a-ha-zi-im
33. pa-ni-szu
34. isz-ta-ka-an
35. a-wi-lum szu-u2
36. {munus}szu-gi4-tam
37. i-ih-ha-az
38. a-na _e2_-szu
39. u2-sze-er-re-eb-szi
40. {munus}szu-gi4-tum szi-i
41. it-ti _lukur_
42. u2-ul usz-ta-ma-ah-ha-ar
@law 146
43. szum-ma a-wi-lum
44. _lukur_ i-hu-uz-ma
45. _geme2_ a-na mu-ti-sza
46. id-di-in-ma
47. _dumu-mesz_ it-ta-la-ad
48. wa-ar-ka-nu-um
49. _geme2_ szi-i
50. it-ti be-el-ti-sza
51. usz-ta-tam-hi-ir
52. asz-szum _dumu-mesz_ ul-du
53. be-le-sa3
54. a-na _ku3-babbar_
55. u2-ul i-na-ad-di-isz-szi
56. ab-bu-ut-tam
57. i-sza-ak-ka-an-szi-ma
58. it-ti _geme2 hi-a_
59. i-ma-an-nu-szi
@law 147
60. szum-ma _dumu-mesz_
61. la u2-li-id
62. be-le-sa3
63. a-na _ku3-babbar_
64. i-na-ad-di-isz-szi
@law 148
65. szum-ma a-wi-lum
66. asz-sza-tam
67. i-hu-uz-ma
68. la-a'-bu-um
69. is,-s,a-ba-as-si2
70. a-na sza-ni-tim
71. a-ha-zi-im
72. pa-ni-szu
73. isz-ta-ka-an
74. i-ih-ha-az
75. asz-sza-su2
76. sza la-a'-bu-um
77. is,-ba-tu
78. u2-ul i-iz-zi-ib-szi
79. i-na _e2_ i-pu-szu
80. usz-sza-am-ma
81. a-di ba-al-t,a-at it-ta-na-asz-szi-szi
@column 9
@law 149
1. szum-ma _munus_ szi-i
2. i-na _e2_ mu-ti-sza
3. wa-sza-ba-am
4. la im-ta-gar3
5. sze-ri-ik-ta-sza
6. sza isz-tu _e2_ a-bi-sza
7. ub-lam
8. u2-sza#-lam-szim-ma
9. it-ta-al-la-ak
@law 150
10. szum-ma a-wi-lum
11. a-na asz-sza-ti-szu
12. _a-sza3 {gesz}kiri6 e2_
13. u3 bi-sza-am
14. isz-ru-uk-szim
15. ku-nu-uk-kam
16. i-zi-ib-szi-im
17. wa-ar-ki mu-ti-sza
18. _dumu-mesz_-sza u2-ul i-ba-qa2-ru-szi
19. um-mu-um
20. wa-ar-ka-sa3
21. a-na _dumu_-sza
22. sza i-ra-am-mu
23. i-na-ad-di-in
24. a-na a-hi-im
25. u2-ul i-na-ad-di-in
@law 151
26. szum-ma _munus_
27. sza i-na _e2_ a-wi-lim
28. wa-asz-ba-at
29. asz-szum be-el hu-bu-ul-lim
30. sza mu-ti-sza
31. la s,a-ba-ti-sza
32. mu-sa3 ur2-ta-ak-ki-is
33. t,up-pa-am
34. usz-te-zi-ib
35. szum-ma a-wi-lum
36. la-ma _munus_ szu-a-ti
37. i-ih-ha-zu
38. hu-bu-ul-lum
39. e-li-szu
40. i-ba-asz-szi
41. be-el hu-bu-ul-li-szu
42. asz-sza-su2
43. u2-ul i-s,a-ba-tu
44. u3 szum-ma _munus_ szi-i
45. la-ma a-na _e2_ a-wi-lim
46. i-ir-ru-bu
47. hu-bu-ul-lum
48. e-li-sza
49. i-ba-asz-szi
50. be-el hu-bu-ul-li-sza
51. mu-sa3 u2-ul i-s,a-ba-tu
@law 152
52. szum-ma isz-tu
53. _munus_ szi-i
54. a-na _e2_ a-wi-lim
55. i-ru-bu
56. e-li-szu-nu
57. hu-bu-ul-lum
58. it-tab-szi
59. ki-la-la-szu-nu
60. _dam-gar3_ i-ip-pa-lu
@law 153
61. szum-ma asz-sza-at a-wi-lim
62. asz-szum zi-ka-ri-im
63. sza-ni-im
64. mu-sa3 usz-di-ik
65. _munus_ szu-a-ti i-na ga-szi-szi-im
66. i-sza-ak-ka-nu-szi
@law 154
67. szum-ma a-wi-lum
68. _dumu-munus_-su2
69. il-ta-ma-ad
70. a-wi-lam szu-a-ti
71. _iri_ u2-sze-es,-s,u2-u2-szu
@law 155
72. szum-ma a-wi-lum
73. a-na _dumu_-szu
74. _e2-gi4-a_ i-hi-ir-ma
75. _dumu_-szu il-ma-si2
76. szu-u2 wa-ar-ka-nu-um
77. i-na su2-ni-sza
78. it-ta-ti-il-ma
79. is,-s,a-ab-tu-szu
80. a-wi-lam szu-a-ti
81. i-ka-su2-szu-ma
82. a-na me-e
@column 10
1. i-na-ad-du-u2-szi!
@law 156
2. szum-ma a-wi-lum
3. a-na _dumu_-szu
4. _e2-gi4-a_
5. i-hi-ir-ma
6. _dumu_-szu la il-ma-si2-ma
7. szu-u2 i-na su2-ni-sza
8. it-ta-ti-il
9. 1/2(disz) _ma-na ku3-babbar_
10. i-sza-qal-szi-im-ma
11. u3 mi-im-ma
12. sza isz-tu
13. _e2_ a-bi-sza
14. ub-lam
15. u2-sza-lam-szi-im-ma
16. mu-tu li-ib-bi-sza
17. i-ih-ha-as-si2
@law 157
18. szum-ma a-wi-lum
19. wa-ar-ki a-bi-szu
20. i-na su2-un um-mi-szu
21. i-ta-ti-il
22. ki-la-li-szu-nu
23. i-qal-lu-u2-szu-nu-ti
@law 158
24. szum-ma a-wi-lum
25. wa-ar-ki a-bi-szu
26. i-na su2-un
27. ra-bi-ti-szu
28. sza _dumu-mesz_ wa-al-da-at
29. it-ta-as,-ba-at
30. a-wi-lum szu-u2
31. i-na _e2 a-ba_
32. in-na-as-sa3-ah
@law 159
33. szum-ma a-wi-lum
34. sza a-na _e2_ e-mi-szu
35. bi-ib-lam
36. u2-sza-bi-lu
37. ter-ha-tam id-di-nu
38. a-na _munus_ sza-ni-tim
39. ub-ta-al-li-is,-ma
40. a-na e-mi-szu
41. _dumu-munus_-ka
42. u2-ul a-ha-az iq-ta-bi
43. a-bi _dumu-munus_
44. mi-im-ma
45. sza ib-ba-ab-lu-szum
46. i-tab-ba-al
@law 160
47. szum-ma a-wi-lum
48. a-na _e2_ e-mi-im
49. bi-ib-lam
50. u2-sza-bi-il
51. ter-ha-tam
52. id-di-in-ma
53. a-bi _dumu-munus_
54. _dumu-munus_-i u2-ul a-na-ad-di-ik-kum
55. iq-ta-bi
56. mi-im-ma ma-la
57. ib-ba-ab-lu-szum
58. usz-ta-sza-an-na-ma
59. u2-ta-ar
@law 161
60. szum-ma a-wi-lum
61. a-na _e2_ e-mi-szu
62. bi-ib-lam u2-sza-bil2
63. ter-ha-tam
64. id-di-in-ma
65. i-bi-ir-szu
66. uk-tar-ri-su2
67. e-mu-szu
68. a-na be-el asz-sza-tim
69. _dumu-munus_-i u2-ul ta-ah-ha-az
70. iq-ta-bi
71. mi-im-ma ma-la
72. ib-ba-ab-lu-szum
73. usz-ta-sza-an-na-ma
74. u2-ta-ar
75. u3 asz-sza-su2
76. i-bi-ir-szu
77. u2-ul i-ih-ha-az
@law 162
78. szum-ma a-wi-lum
79. asz-sza-tam
80. i-hu-uz
81. _dumu-mesz_ u2-li-sum2-ma
82. _munus_ szi-i
83. a-na szi-im-tim
@column 11
1. it-ta-la-ak
2. a-na sze-ri-ik-ta-sza
3. a-bu-sza
4. u2-ul i-ra-ag-gu-um
5. sze-ri-ik-ta-sza
6. sza _dumu-mesz_-sza-ma
@law 163
7. szum-ma a-wi-lum
8. asz-sza-tam
9. i-hu-uz-ma
10. _dumu-mesz_ la u2-szar-szi-szu
11. _munus_ szi-i
12. a-na szi-im-tim
13. it-ta-la-ak
14. szum-ma ter-ha-tam
15. sza a-wi-lum szu-u2
16. a-na _e2_ e-mi-szu ub-lu
17. e-mu-szu
18. ut-te-er-szum
19. a-na sze-ri-ik-ti
20. _munus_ szu-a-ti
21. mu-sa3 u2-ul i-ra-ag-gu-um
22. sze-ri-ik-ta-sza
23. sza _e2_ a-bi-sza-ma
@law 164
24. szum-ma e-mu-szu
25. ter-ha-tam
26. la ut-te-er-szum
27. i-na sze-ri-ik-ti-sza
28. ma-la ter-ha-ti-sza
29. i-har-ra-as,-ma
30. sze-ri-ik-ta-sza
31. a-na _e2_ a-ta!-sza
32. u2-ta-ar
@law 165
33. szum-ma a-wi-lum
34. a-na _ibila_-szu
35. sza i-in-szu mah-ru
36. _a-sza3 {gesz}kiri6_ u3 _e2_
37. isz-ru-uk
38. ku-nu-kam isz-t,ur-szum
39. wa-ar-ka a-bu-um
40. a-na szi-im-tim
41. it-ta-al-ku
42. i-nu-ma ah-hu
43. i-zu-uz-zu
44. qi2-isz-ti a-bu-um
45. id-di-nu-szum
46. i-le-qe2-ma
47. e-le-nu-um-ma
48. i-na _nig2-gur11 e2 a-ba_
49. mi-it-ha-ri-isz
50. i-zu-uz-zu
@law 166
51. szum-ma a-wi-lum
52. a-na _dumu-mesz_ sza ir-szu-u2
53. asz-sza-tim i-hu-uz
54. a-na _dumu_-szu
55. s,e-eh-ri-im
56. asz-sza-tam
57. la i-hu-uz
58. wa-ar-ka a-bu-um
59. a-na szi-im-tim
60. it-ta-al-ku
61. i-nu-ma ah-hu
62. i-zu-uz-zu
63. i-na _nig2-gur11 e2 a-ba_
64. a-na a-hi-szu-nu
65. s,e-eh-ri-im
66. sza asz-sza-tam
67. la ah-zu
68. e-li-a-at
69. zi-it-ti-szu
70. _ku3-babbar_ ter-ha-tim
71. i-sza-ak-ka-nu-szum-ma
72. asz-sza-tam
73. u2-sza-ah-ha-zu-szu
@law 167
74. szum-ma a-wi-lum
75. asz-sza-tam
76. i-hu-uz-ma
77. _dumu-mesz_ u2-li-sum2
78. _munus_ szi-i
79. a-na szi-im-tim
80. it-ta-la-ak
81. wa-ar-ki-sza
82. _munus_ sza-ni-tam
83. i-ta-ha-az-ma
84. _dumu-mesz_ it-ta-la-ad
85. wa-ar-ka-nu-um
86. a-bu-um a-na szi-im-tim
87. it-ta-al-ku
@column 12
1. _dumu-mesz_ a-na um-ma-tim
2. u2-ul i-zu-uz-zu
3. sze-ri-ik-ti
4. um-ma-ti-szu-nu
5. i-le-qu2-ma
6. _nig2-gur11 e2 a-ba_
7. mi-it-ha-ri-isz
8. i-zu-uz-zu
@law 168
9. szum-ma a-wi-lum
10. a-na _dumu_-szu
11. na-sa-hi-im
12. pa-nam isz-ta-ka-an
13. a-na da-a-a-ni
14. _dumu_-i a-na-sa3-ah iq-ta-bi
15. da-a-a-nu
16. wa-ar-ka-su2
17. i-par2-ra-su-ma
18. szum-ma _dumu_ ar-nam kab-tam
19. sza i-na ap-lu-tim
20. na-sa-hi-im
21. la ub-lam
22. a-bu-um _dumu_-szu
23. i-na ap-lu-tim
24. u2-ul i-na-sa3-ah
@law 169
25. szum-ma ar-nam kab-tam
26. sza i-na ap-lu-tim
27. na-sa-hi-im
28. a-na a-bi-szu
29. it-ba-lam
30. a-na isz-ti-isz-szu
31. pa-ni-szu ub-ba-lu
32. szum-ma ar-nam kab-tam
33. a-di szi-ni-szu it-ba-lam
34. a-bu-um _dumu_-szu
35. i-na ap-lu-tim
36. i-na-sa3-ah
@law 170
37. szum-ma a-wi-lum
38. hi-ir-ta-szu
39. _dumu-mesz_ u2-li-sum2
40. u3 _geme2_-su2
41. _dumu-mesz_ u2-li-sum2
42. a-bu-um
43. i-na bu-ul-t,i3-szu
44. a-na _dumu-mesz_ sza _geme2_ ul-du-szum
45. _dumu-mesz_-u2-a iq-ta-bi
46. it-ti _dumu-mesz_ hi-ir-tim
47. im-ta-nu-szu-nu-ti
48. wa-ar-ka a-bu-um
49. a-na szi-im-tim
50. it-ta-al-ku
51. i-na _nig2-gur11 e2 a-ba_
52. _dumu-mesz_ hi-ir-tim
53. u3 _dumu-mesz geme2_
54. mi-it-ha-ri-isz
55. i-zu-uz-zu
56. _ibila dumu_ hi-ir-tim
57. i-na zi-it-tim
58. i-na-sa3-aq-ma
59. i-le-qe2
@law 171
60. szum-ma a-bu-um
61. i-na bu-ul-t,i3-szu
62. a-na _dumu-mesz_ sza _geme2_ ul-du-szum
63. _dumu-mesz_-u2-a la iq-ta-bi
64. wa-ar-ka a-bu-um
65. a-na szi-im-tim
66. it-ta-al-ku
67. i-na _nig2-gur11 e2 a-ba_
68. _dumu-mesz geme2_
69. it-ti _dumu-mesz_ hi-ir-tim
70. u2-ul i-zu-uz-zu
71. an-du-ra-ar
72. _geme2_ u3 _dumu-mesz_-sza
73. isz-sza-ak-ka-an isz-ta-ak-ka-an
74. _dumu-mesz_ hi-ir-tim
75. a-na _dumu-mesz geme2_
76. a-na wa-ar-du-tim
77. u2-ul i-ra-ag-gu-mu
78. hi-ir-tum
79. sze-ri-ik-ta-sza
80. u3 nu-du-un-na-am
81. sza mu-sa3
82. id-di-nu-szi-im
83. i-na t,up-pi2-im
84. isz-t,u2-ru-szi-im
85. i-le-qe2-ma
86. i-na szu-ba-at
87. mu-ti-sza usz-sza-ab
@column 13
1. a-di ba-al-t,a-at i-ik-ka-al
2. a-na _ku3-babbar_
3. u2-ul i-na-ad-di-in
4. wa-ar-ka-sa3
5. sza _dumu-mesz_-sza-ma
@law 172
6. szum-ma mu-sa3
7. nu-du-un-na-am
8. la id-di-isz-szi-im
9. sze-ri-ik-ta-sza
10. u2-sza-la-mu-szi-im-ma
11. i-na _nig2-gur11_
12. _e2_ mu-ti-sza
13. zi2-it-tam
14. ki-ma _ibila_ isz-te-en
15. i-le-qe2
16. szum-ma _dumu-mesz_-sza
17. asz-szum i-na _e2_ szu-s,i2-im
18. u2-sa3-ah-ha-mu-szi
19. da-a-a-nu
20. wa-ar-ka-sa3
21. i-par2-ra-su-ma
22. _dumu-mesz_ ar-nam
23. i-im-mi-du
24. _munus_ szi-i
25. i-na _e2_ mu-ti-sza
26. u2-ul us,-s,i2
27. szum-ma _munus_ szi-i
28. a-na wa-s,e-em
29. pa-ni-sza
30. isz-ta-ka-an
31. nu-du-un-na-am
32. sza mu-sa3
33. id-di-nu-szi-im
34. a-na _dumu-mesz_-sza
35. i-iz-zi-ib
36. sze-ri-ik-tam
37. sza _e2_ a-bi-sza
38. i-le-qe2-ma
39. mu-ut li-ib-bi-sza
40. i-ih-ha-as-si2
@law 173
41. szum-ma _munus_ szi-i
42. a-szar i-ru-bu
43. a-na mu-ti-sza
44. wa-ar-ki-im
45. _dumu-mesz_ it-ta-la-ad
46. wa-ar-ka _munus_ szi-i im-tu-ut
47. sze-ri-ik-ta-sza
48. _dumu-mesz_ mah-ru-tum
49. u3 wa-ar-ku-tum
50. i-zu-uz-zu
@law 174
51. szum-ma a-na mu-ti-sza
52. wa-ar-ki-im
53. _dumu-mesz_ la it-ta-la-ad
54. sze-ri-ik-ta-sza
55. _dumu-mesz_ ha-wi-ri-sza-ma
56. i-le-qu2-u2
@law 175
57. szum-ma lu _ARAD2 e2-gal_
58. u3 lu _ARAD2_
59. _|MASZ.EN.GAG|_
60. _dumu-munus_ a-wi-lim
61. i-hu-uz-ma
62. _dumu-mesz_
63. it-ta-la-ad
64. be-el _ARAD2_
65. a-na _dumu-mesz_
66. _dumu-munus_ a-wi-lim
67. a-na wa-ar-du-tim
68. u2-ul i-ra-ag-gu-um
@law 176
69. u3 szum-ma _ARAD2 e2-gal_
70. u3 lu _ARAD2 |MASZ.EN.GAG|_
71. _dumu-munus_ a-wi-lim
72. i-hu-uz-ma
73. i-nu-ma i-hu-zu-szi
74. qa2-du-um
75. sze-ri-ik-tim
76. sza _e2_ a-bi-sza
77. a-na _e2 ARAD2 e2-gal_
78. u3 lu _ARAD2 |MASZ.EN.GAG|_
79. i-ru-ub-ma
80. isz-tu in-ne-em-du
81. _e2_ i-pu-szu
82. bi-sza-am ir-szu-u2
83. wa-ar-ka-nu-um-ma
84. lu _ARAD2 e2-gal_
85. u3 lu _ARAD2 |MASZ.EN.GAG|_
86. a-na szi-im-tim
87. it-ta-la-ak
88. _dumu-munus_ a-wi-lim
89. sze-ri-ik-ta-sza
90. i-le-qe2
91. u3 mi-im-ma
92. sza mu-sa3 u3 szi-i
@column 14
1. isz-tu in-ne-em-du
2. ir-szu-u2
3. a-na szi-ni-szu
4. i-zu-uz-zu-ma
5. mi-isz-lam be-el _ARAD2_
6. i-le-qe2
7. mi-isz-lam
8. _dumu-munus_ a-wi-lim
9. a-na _dumu-mesz_-sza i-le-qe2
10. szum-ma _dumu-munus_ a-wi-lim
11. sze-ri-ik-tam la i-szu
12. mi-im#-ma sza mu-sa3 u3 szi-i
13. isz-tu in-ne-em-du
14. ir-szu-u2
15. a-na szi-ni-szu
16. i-zu-uz-zu-ma
17. mi-isz-lam be-el _ARAD2_
18. i-le-qe2
19. mi-isz-lam
20. _dumu-munus_ a-wi-lim
21. a-na _dumu-mesz_-sza i-le-qe2
@law 177
22. szum-ma _nu-mu-su_
23. sza _dumu-mesz_-sza
24. s,e-eh-he-ru
25. a-na _e2_ sza-ni-im
26. e-re-bi-im
27. pa-ni-sza
28. isz-ta-ka-an
29. ba-lum da-a-a-ni
30. u2-ul i-ir-ru-ub
31. i-nu-ma
32. a-na _e2_ sza-ni-im
33. i-ir-ru-bu
34. da-a-a-nu
35. wa-ar-ka-at
36. _e2_ mu-ti-sza
37. pa-ni-im
38. i-par2-ra-su-ma
39. _e2_ sza mu-ti-sza
40. pa-ni-im
41. a-na mu-ti-sza
42. wa-ar-ki-im
43. u3 _munus_ szu-a-ti
44. i-pa-aq-qi2-du-ma
45. t,up-pa-am
46. u2-sze-ez-ze-bu-szu-nu-ti
47. _e2_ i-na-s,a-ru
48. u3 s,e-eh-he-ru-tim
49. u2-ra-ab-bu-u2
50. u2-ni-a-tim
51. a-na _ku3-babbar_
52. u2-ul i-na-ad-di-nu
53. sza-a-a-ma-nu-um
54. sza u2-nu-ut
55. _dumu-mesz nu-mu-su_
56. i-sza-am-mu
57. i-na _ku3-babbar_-szu
58. i-te-el-li
59. _nig2-gur11_ a-na be-li2-szu
60. i-ta-ar
@law 178
61. szum-ma _nin-dingir lukur_
62. u3 lu {munus}_zi-ik-ru-um_
63. sza a-bu-sza
64. sze-ri-ik-tam
65. isz-ru-uk-szi-im
66. t,up-pa-am
67. isz-t,u2-ru-szi-im
68. i-na t,up-pi2-im
69. sza isz-t,u2-ru-szi-im
70. wa-ar-ka-sa3
71. e-me e-li-sza
72. t,a-bu na-da-nam
73. la isz-t,ur-szi-im-ma
74. ma-la li-ib-bi-sza
75. la u2-sza-am-s,i2-szi
76. wa-ar-ka a-bu-um
77. a-na szi-im-tim
78. it-ta-al-ku
79. _a-sza3_-sza u3 _kiri6_-sza
80. ah-hu-sza
81. i-le-qu2-ma
82. ki-ma e-mu-uq
83. zi-it-ti-sza
84. _sze-ba i3-ba_ u3 _siki-ba_
85. i-na-ad-di-nu-szim-ma
86. li-ib-ba-sza
87. u2-t,a-ab-bu
88. szum-ma ah-hu-sza
89. ki-ma e-mu-uq
90. zi-it-ti-sza
91. _sze-ba i3-ba_ u3 _siki-ba_
92. la it-ta-ad-nu-szi-im-ma
@column 15
1. li-ib-ba-sza
2. la ut,-t,i-ib-bu
3. _a-sza3_-sza u3 _kiri6_-sza
4. a-na er-re-szi-im
5. sza e-li-sza t,a-bu
6. i-na-ad-di-in-ma
7. er-re-sa3
8. it-ta-na-asz-szi-szi
9. _a-sza3 {gesz}kiri6_
10. u3 mi-im-ma
11. sza a-bu-sza
12. id-di-nu-szi-im
13. a-di ba-al-t,a-at i3-kal
14. a-na _ku3-babbar_
15. u2-ul i-na-ad-di-in
16. sza-ni-a-am
17. u2-ul u2-up-pa-al
18. ap-lu-sa3
19. sza ah-hi-sza-ma
@law 179
20. szum-ma _nin-dingir lukur_
21. u3 lu {munus}_zi-ik-ru-um_
22. sza a-bu-sza
23. sze-ri-ik-tam
24. isz-ru-uk-szi-im
25. ku-nu-kam
26. isz-t,u2-ru-szi-im
27. i-na t,up-pi2-im
28. sza isz-t,u2-ru-szi-im
29. wa-ar-ka-sa3
30. e-ma e-li-sza t,a-bu
31. na-da-nam
32. isz-t,ur-szi-im-ma
33. ma-la li-ib-bi-sza
34. usz-tam-s,i2-szi
35. wa-ar-ka a-bu-um
36. a-na szi-im-tim
37. it-ta-al-ku
38. wa-ar-ka-sa3
39. e-ma e-li-sza t,a-bu
40. i-na-ad-di-in
41. ah-hu-sza
42. u2-ul i-ba-aq-qa2-ru-szi
@law 180
43. szum-ma a-bu-um
44. a-na _dumu-munus_-szu
45. _lukur ga2-gi4-a_
46. u3 lu {munus}_zi-ik-ru-um_
47. sze-ri-ik-tam
48. la isz-<ru>-uk-szi-im
49. wa-ar-ka a-bu-um
50. a-na szi-im-tim
51. it-ta-al-ku
52. i-na _nig2-gur11 e2 a-ba_
53. zi2-it-tam ki-ma
54. ap-lim isz-te-en
55. i-za-az-ma
56. a-di ba-al-t,a-at
57. i-ik-ka-al
58. wa-ar-ka-sa3
59. sza ah-hi-sza-ma
@law 181
60. szum-ma a-bu-um
61. _lukur nu-gig_
62. u3 lu _nu-bar_
63. a-na _dingir_ isz-szi-ma
64. sze-ri-ik-tam
65. la isz-ru-uk-szi-im
66. wa-ar-ka a-bu-um
67. a-na szi-im-tim
68. it-ta-al-ku
69. i-na _nig2-gur11 e2 a-ba_
70. _igi 3(disz)-gal2 ibila_-sza
71. i-za-az-ma
72. a-di ba-al-t,a-at
73. i-ik-ka-al
74. wa-ar-ka-sa3
75. sza ah-hi-sza-am-ma
@law 182
76. szum-ma a-bu-um
77. a-na _dumu-munus_-szu
78. _lukur_ {d}marduk
79. sza babila#{ki}
80. sze-ri-ik-tam
81. la isz-ru-uk-szi-im
82. ku-nu-kam
83. la isz-t,ur-szi-im
84. wa-ar-ka a-bu-um
85. a-na szi-im-tim
86. it-ta-al-ku
87. i-na _nig2-gur11 e2 a-ba_
88. _igi 3(disz)-gal2 ibila_-sza
89. it-ti ah-hi-sza
90. i-za-az-ma
91. il-kam
92. u2-ul i-il-la-ak
93. _lukur_ {d}marduk
94. wa-ar-ka-sa3
95. e-ma e-li-sza
96. t,a-bu
@column 16
1. i-na-ad-di-in
@law 183
2. szum-ma a-bu-um
3. a-na _dumu-munus_-szu szu-gi4-tim
4. sze-ri-ik-tam
5. isz-ru-uk-szi-im
6. a-na mu-tim
7. id-di-isz-szi
8. ku-nu-uk-kam
9. isz-t,ur-szi-im
10. wa-ar-ka a-bu-um
11. a-na szi-im-tim
12. it-ta-al-ku
13. i-na _nig2-gur11 e2 a-ba_
14. u2-ul i-za-az
@law 184
15. szum-ma a-wi-lum
16. a-na _dumu-munus_-szu
17. szu-gi4-tim
18. sze-ri-ik-tam
19. la isz-ru-uk-szim
20. a-na mu-tim
21. la id-di-isz-szi
22. wa-ar-ka a-bu-um
23. a-na szi-im-tim
24. it-ta-al-ku
25. ah-hu-sza
26. ki-ma e-mu-uq _e2 a-ba_
27. sze-ri-ik-tam
28. i-szar-ra-ku-szi-im-ma
29. a-na mu-tim
30. i-na-ad-di-nu-szi
@law 185
31. szum-ma a-wi-lum
32. s,e-eh-ra-am
33. i-na me-e-szu
34. a-na ma-ru-tim
35. il-qe2-ma
36. ur2-ta-ab-bi-szu
37. tar-bi-tum szi-i
38. u2-ul ib-ba-aq-qar
@law 186
39. szum-ma a-wi-lum
40. s,e-eh-ra-am
41. a-na ma-ru-tim il-qe2
42. i-nu-ma
43. il-qu2-u2-szu
44. a-ba-szu
45. u3 um-ma-szu
46. i-hi-a-at,
47. tar-bi-tum szi-i
48. a-na _e2_ a-bi-szu
49. i-ta-ar
@law 187
50. _dumu giri3-se3-ga_
51. mu-za-az _e2-gal_
52. u3 _dumu {munus}zi-ik-ru-um_
53. u2-ul ib-ba-aq-qar
@law 188
54. szum-ma _dumu um-mi-a_
55. _dumu_ a-na tar-bi-tim
56. il-qe2-ma
57. szi-pi2-ir qa2-ti-szu
58. usz-ta-hi-su2
59. u2-ul ib-ba-qar
@law 189
60. szum-ma szi-pi2-ir qa2-ti-szu
61. la usz-ta-hi-su2
62. tar-bi-tum szi-i
63. a-na _e2_ a-bi-szu
64. i-ta-ar
@law 190
65. szum-ma a-wi-lum
66. s,e-eh-ra-am
67. sza a-na ma-ru-ti-szu
68. il-qu2-szu-ma
69. u2-ra-ab-bu-szu
70. it-ti _dumu-mesz_-szu
71. la im-ta-nu-szu
72. tar-bi-tum szi-i
73. a-na _e2_ a-bi-szu
74. i-ta-ar
@law 191
75. szum-ma a-wi-lum
76. s,e-eh-ra-am
77. sza a-na ma-ru-ti-szu
78. il-qu2-szu-ma
79. u2-ra-ab-bu-u2-szu
80. _e2_-ba! i-pu-usz
81. wa-ar-ka _dumu-mesz_
82. ir-ta-szi-ma
83. a-na tar-bi-tim na-sa-hi-im
84. pa-nam isz-ta-ka-an
85. _dumu_ szu-u2 ri-qu2-su2
86. u2-ul it-ta-al-la-ak
87. a-bu-um mu-ra-bi-szu
88. i-na _nig2-gur11_-szu
89. _igi 3(disz)-gal2 ibila_-szu
90. i-na-ad-di-isz-szum-ma
91. it-ta-la-ak
92. i-na _a-sza3 {gesz}kiri6_
93. u3 _e2_
94. u2-ul i-na-ad-di;-isz-szum
@law 192
96. szum-ma _dumu giri3-se3-ga_
@column 17
1. u3 lu _dumu {munus}zi-ik-ru-um#_
2. a-na a-bi-im
3. mu-ra-bi-szu
4. u3 um-mi-im
5. mu-ra-bi-ti-szu
6. u2-ul a-bi at-ta
7. u2-ul um-mi at-ti iq-ta-bi
8. _eme_-szu
9. i-na-ak-ki-su
@law 193
10. szum-ma _dumu giri3-se3-ga_
11. u3 lu _dumu {munus}zi-ik-ru-um_
12. _e2_ a-bi-szu
13. u2-we-ed-di-ma
14. a-ba-am
15. mu-ra-bi-szu
16. u3 um-ma-am
17. mu-ra-bi-su2
18. i-ze2-er-ma
19. a-na _e2_ a-bi-szu
20. it-ta-la-ak
21. i-in-szu
22. i-na-sa3-hu
@law 194
23. szum-ma a-wi-lum
24. _dumu_-szu a-na mu-sze-ni-iq-tim
25. id-di-in-ma
26. _dumu_ szu-u2
27. i-na# qa2-at mu-sze-ni-iq-tim
28. im-tu-ut
29. mu-sze-ni-iq-tum#
30. ba-lum a-bi-szu
31. u3 um-mi-szu
32. _dumu_ sza-ni-a-am-ma
33. ir-ta-ka-as2
34. u2-ka-an-nu-szi-ma
35. asz-szum ba-lum a-bi-szu#
36. u3 um-mi-[szu]
37. _dumu_ sza-ni-a-am#
38. ir-ku-su#
39. _ubur_-sza
40. i-na-ak-ki-su
@law 195
41. szum-ma _dumu a-ba_-szu
42. im-ta-ha-as,
43. _kiszib3-la2_-szu
44. i-na-ak-ki-su
@law 196
45. szum-ma a-wi-lum
46. i-in _dumu_ a-wi-lim
47. uh2-tap-pi2-id
48. i-in-szu
49. u2-ha-ap-pa-du
@law 197
50. szum-ma _giri3-pad-ra2_ a-wi-lim
51. isz-te-bi-ir
52. _giri3-pad-ra2_-szu
53. i-sze-eb-bi-ru
@law 198
54. szum-ma i-in _|MASZ.EN.GAG|_
55. uh2-tap-pi2-id
56. u3 lu _giri3-pad-ra2 |MASZ.EN.GAG|_
57. isz-te-bi-ir
58. 1(disz) _ma-na ku3-babbar_
59. i-sza-qal
@law 199
60. szum-ma i-in _ARAD2_ a-wi-lim
61. uh2-tap-pi2-id
62. u3 lu _giri3-pad-ra2 ARAD2_ a-wi-lim
63. isz-te-bi-ir
64. mi-szi-il _sa10_-szu
65. i-sza-qal
@law 200
66. szum-ma a-wi-lum
67. szi-in-ni a-wi-lim
68. me-eh-ri-szu
69. it-ta-di
70. szi-in-na-szu i-na-ad-du-u2
@law 201
71. szum-ma szi-in-ni szi-in-gag
72. _|MASZ.EN.GAG|_ it-ta-di
73. 1/3(disz) _ma-na ku3-babbar_
74. i-sza-qal
@law 202
75. szum-ma a-wi-lum
76. le-e-et a-wi-lim
77. sza e-li-szu ra-bu-u2
78. im-ta-ha-as,
79. i-na pu-uh2-ri-im
80. i-na _{kusz}usan3 gu4_
81. 1(disz) szu-szi im-mah-ha-as,
@law 203
82. szum-ma _dumu_ a-wi-lim
83. le-e-et _dumu_ a-wi-lim
84. sza ki-ma szu-a-ti
85. im-ta-ha-as,
86. 1(disz) ma-na _ku3-babbar_
87. i-sza-qal
@law 204
88. szum-ma _|MASZ.EN.GAG|_
89. le-e-et _|MASZ.EN.GAG|_
90. im-ta-ha-as,
91. 1(u) _gin2 ku3-babbar_ i-sza-qal
@law 205
92. szum-ma _ARAD2_ a-wi-lim
93. le-e-et _dumu_ a-wi-lim
@column 18
1. im-ta-ha-as,
2. u2-zu-un-szu
3. i-na-ak-ki-su
@law 206
4. szum-ma a-wi-lum a-wi-lam
5. i-na ri-is-ba-tim
6. im-ta-ha-as,-ma
7. si2-im-ma-am
8. isz-ta-ka-an-szu
9. a-wi-lum szu-u2
10. i-na i-du-u2
11. la am-ha-s,u2
12. i-tam-ma
13. u3 _a-zu_ i-ip-pa-al
@law 207
14. szum-ma i-na ma-ha-s,i2-szu
15. im-tu-ut
16. i-tam-ma-ma
17. szum-ma _dumu_ a-wi-lim
18. 1/2(disz) _ma-na ku3-babbar_
19. i-sza-qal
@law 208
20. szum-ma _dumu |MASZ.EN.GAG|_
21. 1/3(disz) _ma-na ku3-babbar_
22. i-sza-qal
@law 209
23. szum-ma a-wi-lum
24. _dumu-munus_ a-wi-lim
25. im-ha-as,-ma
26. sza li-ib-bi-sza
27. usz-ta-di-szi
28. 1(u) _gin2 ku3-babbar_
29. a-na sza li-ib-bi-sza
30. i-sza-qal
@law 210
31. szum-ma _munus_ szi-i
32. im-tu-ut
33. _dumu-munus_-su2
34. i-du-uk-ku
@law 211
35. szum-ma _dumu-munus |MASZ.EN.GAG|_
36. i-na ma-ha-s,i2-im
37. sza li-ib-bi-sza
38. usz-ta-ad-di-szi
39. 5(disz) _gin2 ku3-babbar_
40. i-sza-qal
@law 212
41. szum-ma _munus_ szi-<i>
42. im-tu-ut
43. 1/2(disz) _ma-na ku3-babbar_
44. i-sza-qal
@law 213
45. szum-ma _geme2_ a-wi-lim
46. im-ha-as,-ma
47. sza li-ib-bi-sza
48. usz-ta-ad-di-szi
49. 2(disz) _gin2 ku3-babbar_
50. i-sza-qal
@law 214
51. szum-ma _geme2_ szi-i
52. im-tu-ut
53. 1/3(disz) _ma-na ku3-babbar_
54. i-sza-qal
@law 215
55. szum-ma _a-zu_
56. a-wi-lam si2-im-ma-am kab-tam
57. i-na _gir2 gag zabar_
58. i-pu-usz-ma
59. a-wi-lam ub-ta-al-li-it,
60. u3 lu na-kap-ti a-wi-lim
61. i-na _gir2 gag zabar_
62. ip-te-ma
63. i-in a-wi-lim
64. ub-ta-al-li-it,
65. 1(u) _gin2 ku3-babbar_
66. i-le-qe2
@law 216
67. szum-ma _dumu |MASZ.EN.GAG|_
68. 5(disz) _gin2 ku3-babbar_
69. i-le-qe2
@law 217
70. szum-ma _ARAD2_ a-wi-lim
71. be-el _ARAD2_ a-na _a-zu_
72. 2(disz) _gin2 ku3-babbar_
73. i-na-ad-di-in
@law 218
74. szum-ma _a-zu_ a-wi-lam
75. si2-im-ma-am kab-tam
76. i-na _gir2 gag zabar_
77. i-pu-usz-ma
78. a-wi-lam usz-ta-mi-it
79. u3 lu na-a2!-ti a-wi-lim
80. i-na _gir2 gag zabar_
81. ip-te-ma i-in a-wi-lim
82. uh2-tap-pi2-id
83. _kiszib3-la2_-szu i-na-ki-su
@law 219
84. szum-ma _a-zu_ si2-im-ma-am kab-tam
85. _ARAD2 |MASZ.EN.GAG|_
86. i-na _gir2 gag zabar_
87. i-pu-usz-ma usz-ta-mi-it
88. _ARAD2_ ki-ma _ARAD2_ i-ri-ab
@law 220
89. szum-ma na-kap-ta-szu
90. i-na _gir2 gag zabar_
91. ip-te-ma
92. i-in-szu uh2-tap-<pi2>-da
93. _ku3-babbar_ mi-szi-il
94. _sa10_-szu i-sza-qal
@law 221
95. szum-ma _a-zu_
96. _giri3-pad-ra2_ a-wi-lim
@column 19
1. sze-bi-ir-tam
2. usz-ta-li-im
3. u3 lu sze-er-ha-nam
4. mar-s,a-am _ku3-babbar_
5. ub-ta-al-li-it,
6. be-el s,e-em-ma-im
7. a-na _a-zu_
8. 5(disz) _gin2 ku3-babbar_
9. i-na-ad-di-in
@law 222
10. szum-ma _dumu |MASZ.EN.GAG|_
11. 3(disz) _gin2 ku3-babbar_
12. i-na-ad-di-in
@law 223
13. szum-ma _ARAD2_ a-wi-lim
14. be-el _ARAD2_
15. a-na _a-zu_
16. 2(disz) _gin2 ku3-babbar_
17. i-na-ad-di-in
@law 224
18. szum-ma _a-zu gu4_
19. u3 lu _ansze_
20. lu _gu4_ u3 lu _ansze_
21. s,e-em-ma-am kab-tam
22. i-pu-usz-ma
23. ub-ta-al-li-it,
24. be-el _gu4_ u3 lu _ansze_
25. _igi 6(disz)-gal2 ku3-babbar_
26. a-na _a-zu_
27. _a2_-szu
28. i-na-ad-di-in
@law 225
29. szum-ma _gu4_ u3 lu _ansze_
30. si2-im-ma-am kab-tam
31. i-pu-usz-ma
32. usz-ta-mi-it
33. _igi 4(disz)?-gal2 sa10_-szu
34. a-na be-el _gu4_ u3 lu _ansze_
35. i-na-ad-di-in
@law 226
36. szum-ma _szu-i_
37. ba-lum be-el _ARAD2_
38. ab-bu-ti _ARAD2_ la sze-e-em
40. u2-ga-al-li-ib
41. _kiszib3-la2 szu-i_ szu-a-ti
42. i-na-ak-ki-su2
@law 227
43. szum-ma a-wi-lum
44. _szu-i_ i-da-as,-ma
45. ab-bu-ti
46. _ARAD2_ la sze-e-em
47. ug-da-al-li-ib
48. a-wi-lam szu-a-ti
49. i-du-uk-ku-szu-ma
50. i-na _ka2_-szu
51. i-ha-al-la-lu-szu
52. _szu-i_ i-na i-du-u2
53. la u2-gal-li-bu
54. i-tam-ma-ma
55. u2-ta-asz-szar
@law 228
56. szum-ma _szitim_
57. _e2_ a-na a-wi-lim
58. i-pu-usz-ma
59. u2-sza-ak-li-il-szum
60. a-na 1(disz) _sar e2_
61. 2(disz) _gin2 ku3-babbar_
62. a-na qi2-isz-ti-szu
63. i-na-ad-di-isz-szum
@law 229
64. szum-ma _szitim_
65. a-na a-wi-lim
66. _e2_ i-pu-usz-ma
67. szi-pi2-ir-szu
68. la u2-da-an-ni-in-ma
69. _e2_ i-pu-szu
70. im-qu2-ut-ma
71. be-el _e2_ usz-ta-mi-it
72. _szitim_ szu-u2 id-da-ak
@law 230
73. szum-ma _dumu_ be-el _e2_
74. usz-ta-mi-it
75. _dumu szitim_ szu-a-ti
76. i-du-uk-ku
@law 231
77. szum-ma _ARAD2_ be-el _e2_
78. usz-ta-mi-it
79. _ARAD2_ ki-ma _ARAD2_
80. a-na be-el _e2_
81. i-na-ad-di-in
@law 232
82. szum-ma _nig2-gur11_
83. uh2-ta-al-li-iq
84. mi-im-ma
85. sza u2-hal-li-qu2
86. i-ri-ab
87. u3 asz-szum _e2_ i-pu-szu
88. la u2-dan-ni-nu-ma
89. im-qu2-tu
90. i-na _nig2-gur11_
91. ra-ma-ni-szu
92. _e2_ im-qu2-tu i-ip-pe2-esz
@law 233
93. szum-ma _szitim e2_
94. a-na a-wi-lim i-pu-usz-ma
95. szi-pi2-ir-szu
96. la usz-te-es,-bi-ma
97. _e2-gar8_ iq-tu-up
98. _szitim_ szu-u2
@column 20
1. i-na _ku3-babbar_ ra-ma-ni-szu
2. _e2-gar8_ szu-a-ti
3. u2-dan-na-an
@law 234
4. szum-ma _ma2-lah5_
5. _{gesz}ma2 1(gesz2) gur_
6. a-na a-wi-lim ip-he
7. 2(disz) _gin2 ku3-babbar_
8. a-na qi2-isz-ti-szu
9. i-na-ad-di-isz-szum
@law 235
10. szum-ma _ma2-lah5_
11. _{gesz}ma2_ a-na a-wi-lim
12. ip-he-ma
13. szi-pi2-ir-szu
14. la u2-tak2-ki-il-ma
15. i-na sza-at-tim-ma szu-a-ti
16. _{gesz}ma2_ szi-i
17. is,-s,a-bar
18. hi-t,i-tam ir-ta-szi
19. _ma2-lah5_
20. _{gesz}ma2_ szu-a-ti
21. i-na-qar-ma
22. i-na _nig2-gur11_ ra-ma-ni-szu
23. u2-dan-na-an-ma
24. _{gesz}ma2_ dan-na-tam
25. a-na be-el _{gesz}ma2_
26. i-na-ad-di-in
@law 236
27. szum-ma a-wi-lum
28. _{gesz}ma2_-szu
29. a-na _ma2-lah5_
30. a-na ig-ri-im
31. id-di-in-ma
32. _ma2-lah5_ i-gi-ma
33. _{gesz}ma2_ ut,-t,e4-bi
34. u3 lu uh2-ta-al-li-iq
35. _ma2-lah5 {gesz}ma2_
36. a-na be-el _{gesz}ma2_
37. i-ri-a-ab
@law 237
38. szum-ma a-wi-lum
39. _ma2-lah5_ u3 _{gesz}ma2_
40. i-gur-ma
41. _sze siki i3-gisz zu2-lum_
42. u3 mi-im-ma szum-szu
43. sza s,e-nim
44. i-s,e-en-szi
45. _ma2-lah5_ szu-u2
46. i-gi-ma
47. _{gesz}ma2_ ut,-t,e4-eb-bi
48. u3 sza li-ib-bi-sza
49. uh2-ta-al-li-iq
50. _ma2-lah5_
51. _{gesz}ma2_ sza u2-t,e4-eb-bu-u2
52. u3 mi-im-ma
53. sza i-na li-ib-bi-sza
54. u2-hal-li-qu2
55. i-ri-a-ab
@law 238
56. szum-ma _ma2-lah5_
57. _{gesz}ma2_ a-wi-lim
58. u2-t,e4-eb-bi-ma
59. usz-te-li-a-asz-szi#
60. _ku3-babbar_ mi-szi-il# _sa10_-sza#
61. i-na-ad-di-in#
@law 239
62. szum-ma a-wi-lum#
63. _ma2-lah5_ [i-gur]
64. 6(asz) [_sze gur_]
65. i-na sza-na#-[at]
66. i-na-ad#-[di]-isz-[szum]
@law 240
67. szum-ma {gesz#}[_ma2_]
68. sza ma-hi-ir-tim
69. _{gesz}ma2_ sza mu-uq-qe2-el-pi2-tim
70. im-ha-as,-ma
71. ut,-t,e4-eb-bi
72. be-el _{gesz}ma2_ sza _{gesz}ma2_-szu t,e4-bi-a-at
73. mi-im-ma sza i-na _{gesz}ma2_-szu hal-qu2
74. i-na ma-har i-lim
75. u2-ba-ar-ma
76. sza ma-hi-ir-tim
77. sza _{gesz}ma2_ sza mu-uq-qe2-el-pi2-tim
78. u2-t,e4-eb-bu-u2
79. _{gesz}ma2_-szu u3 mi-im-ma-szu hal-qa2-am
80. i-ri-a-ab-szum
@law 241
81. szum-ma a-wi-lum
82. _gu4_ a-na ni-pu-tim
83. it-te-pe2
84. 1/3(disz) _ma-na ku3-babbar_ i-sza-qal
@law 242-243
85. szum-ma a-wi-lum <_gu4_>
86. a-na _mu_ 1(disz) i-gur
87. _a2 gu4-a2-ur3-ra_
88. 4(asz) _sze gur_
89. _a2 gu4 ab2 muru2 sag_
90. 3(asz) _sze gur_ a-na be-li2-szu
91. i-na-ad-di-in
@column 21
@law 244
1. szum-ma a-wi-lum
2. _gu4 ansze_ i-gur-ma
3. i-na s,e-ri-im
4. _ur-mah_ id-du-uk-szu
5. a-na be-li2-szu-ma
@law 245
6. szum-ma a-wi-lum
7. _gu4_ i-gur-ma
8. i-na me-gu-tim
9. u3 lu i-na ma-ha-s,i2-im
10. usz-ta-mi-it
11. _gu4_ ki-ma _gu4_
12. a-na be-el _gu4_
13. i-ri-a-ab
@law 246
14. szum-ma a-wi-lum
15. _gu4_ i-gur-ma
16. _giri3_-szu isz-te-bi-ir
17. u3 lu la-bi-a-an-szu
18. it-ta-ki-is
19. _gu4_ ki-ma _gu4_
20. a-na be-el _gu4_
21. i-ri-a-ab
@law 247
22. szum-ma a-wi-lum
23. _gu4_ i-gur-ma
24. _igi_-szu uh2-tap-pi2-id
25. _ku3-babbar_ mi-szi-il _sa10_-szu
26. a-na be-el _gu4_
27. i-na-ad-di-in
@law 248
28. szum-ma a-wi-lum
29. _gu4_ i-gur-ma
30. _si_-szu isz-bi-ir
31. _kun_-su2 it-ta-ki-is
32. u3 lu {uzu}_sa-sal_-szu
33. it-ta-sa-ag!
34. _ku3-babbar igi 4(disz)?-gal2 sa10_-szu
35. i-na-ad-di-in
@law 249
36. szum-ma a-wi-lum
37. _gu4_ i-gur-ma
38. i-lum im-ha-su2-ma
39. im-tu-ut
40. a-wi-lum sza _gu4_ i-gu-ru
41. ni-isz i-lim
42. i-za-kar-ma
43. u2-ta-asz-szar
@law 250
44. szum-ma _gu4_ su2?-qa2-am
45. i-na a-la-ki-szu
46. a-wi-lam
47. ik-ki-ip-ma
48. usz-ta-mi-it
49. di-nu-um szu-u2
50. ru-gu-um-ma-am
51. u2-ul i-szu
@law 251
52. szum-ma# _gu4_ a-wi-lim
53. na-ak-ka#-pi2-[ma]
54. ki-ma na-ak-ka#-pu-u2
55. ba-ab-ta-szu
56. u2-sze-di-szum-ma
57. qar-ni-szu
58. la u2-szar-ri#-im
59. _gu4_-szu la u2-sa-an-ni-iq-ma
60. _gu4_ szu-u2
61. _dumu_ a#-wi-lim
62. ik#-ki#-ip-ma
63. usz#-[ta]-mi-it
64. 1/2(disz)# _[ma]-na ku3-babbar_
65. i#-[na]-ad-di-in
@law 252
66. [szum]-ma# _ARAD2_ a-wi-lim
67. 1/3(disz)# _[ma]-na ku3-babbar_
68. i#-na-ad-di-in
@law 253
69. szum#-ma a-wi-lum a-wi-lam
70. a-na pa-ni _a-sza3_-szu
71. u2-zu-uz-zi-im
72. i-gur-ma
73. _al# du3-a_-am
74. [i]-qi2-ip-szu
75. _[ab2] gu4 hi-a_ ip#-qi2-sum2
76. [a-na?] _a-sza3_ e-re-szi-im u2-ra-ak-ki-su2
77. szum#-ma a-wi-lum szu-u2
78. _sze numun_ u3 lu _sza3-gal_
79. isz-ri-iq-ma
80. i-na qa2-ti-szu
81. it-ta-as,-ba-at
82. _kiszib3-la2_-szu i-na-ak-ki-su
@law 254
83. szum-ma _al du3-a_-am
84. il-qe2-ma _ab2 gu4 hi-a_
85. u2-te-en-ni!-isz u2-te-en-gag-isz
86. ta-[asz?]-na _sze_ sza im-ri!-ru
87. i-ri-ab
@law 255
88. szum-ma _ab2 gu4 hi-a_
89. a-wi-lim a-na# ig-ri-im
90. it-ta-di-in
91. u3 lu _sze numun#_ isz-ri-iq-ma
92. i-na _a-sza3#_ la usz-tab-szi
93. a-wi-lam szu-a-ti
94. u2-ka-an-nu-szu-ma
95. i-na _buru14 1(bur3) GAN2_-e
96. 1(gesz2) _sze gur#_ i-ma-ad-da-ad
@law 256
97. szum-ma pi2-ha-su2
98. a-pa-lam la-i-le-i
99. i-na _a-sza3_ szu-a-ti i-na _ab2 gu4 hi-a_
100. im-ta-na-asz-sza-ru-szu
@law 257
101. szum-ma a-wi-lum
@column 22
1. _engar_ i-gur
2. 8(asz) _sze gur_
3. i-na _mu 1(disz)-kam_
4. i-na-ad-di-isz-szum
@law 258
5. szum-ma a-wi-lum
6. _sza3 gu4_ i-gur
7. 6(asz) _sze gur_
8. i-na _mu 1(disz)-kam_
9. i-na-ad-di-isz-szum
@law 259
10. szum-ma a-wi-lum
11. {gesz}APIN i-na _a-gar3_
12. isz-ri-iq
13. 5(disz) _gin2 ku3-babbar_
14. a-na be-el _{gesz}apin_
15. i-na-ad-di-in
@law 260
16. szum-ma _{gesz}apin tug2-gur10_
17. u3 lu _GAN2 ur3_
18. isz-ta-ri-iq
19. 3(disz) _gin2 ku3-babbar_
20. i-na-ad-di-in
@law 261
21. szum-ma a-wi-lum
22. _na-gada_ a-na _ab2 gu4 hi-a_
23. u3 _u8 udu hi-a_
24. re-im i-gur
25. 8(asz) _sze gur_
26. i-na _mu 1(disz)-kam_
27. i-na-ad-di-isz-szum
@law 262
28. szum-ma a-wi-lum
29. _gu4_ u3 lu _udu#_
30. a-na [...]
31. [...]
32. [...]
33. [...]
34. [...]
35. [...]
36. [...]
@law 263
37. szum-ma# [_gu4_] u3 lu [_udu_]
38. sza in-na-ad-nu-szum#
39. uh2-ta-al-li-[iq]
40. _gu4_ ki-ma [_gu4_]
41. _udu_ ki-ma [_udu_]
42. a-na be-li2-[szu-nu]
43. i-ri-a-[ab]
@law 264
44. szum-ma [_sipa_]
45. sza _ab2 gu4 [hi-a_]
46. u3 lu _u8 [udu hi-a_]
47. a-na re#-[im]
48. in-na-[ad]-nu#-szum#
49. _a2_-szu ga#-am#-ra-tim
50. ma-hi-ir
51. li-ib#-ba-szu t,a-ab
52. _ab2 gu4# hi-a_
53. us,-s,a-ah-hi-ir
54. _u8# udu hi-a_
55. us,-s,a-ah-hi-ir
56. ta-li-it-tam um-ta-t,i
57. a-na _ka_ ri-ik-sa-ti-szu
58. ta-li-it-tam
59. u3 bi-il-tam
60. i-na-ad-di-in
@law 265
61. szum-ma _sipa_
62. sza _ab2 gu4 hi-a_
63. u3 lu _u8 udu hi-a_
64. a-na re-im
65. in-na-ad-nu-szum
66. u2-sa-ar-ri-ir-ma
67. szi-im-tam ut-ta-ak-ki-ir
68. u3 a-na _ku3-babbar_
69. it-ta-di-in
70. u2-ka-an-nu-szu-ma
71. _a-ra2_ 1(u)-szu sza isz-ri-qu2
72. _ab2 gu4 hi-a_
73. u3 _u8 udu hi-a_
74. a-na be-li2-szu-nu
75. i-ri-a-ab
@law 266
76. szum-ma i-na _tur3_
77. li-pi2-it _dingir_ it-tab-szi
78. u3 lu _ur-mah_ id-du-uk _sipa_ ma-hi! _dingir_
79. u2-ub-ba-am-ma
80. mi-qi2-it-ti _tur3_
81. be-el _tur3_ i-mah-har-szu
@law 267
82. szum-ma _sipa_ i-_geme2_-ma
83. i-na _tur3_ pe2-sa2-tam usz-tab-szi
84. _sipa_ hi-t,i-it pe2-sa3-tim
85. sza i-na _tur3_ u2-sza-ab-szu-u2
86. _ab2 gu4 hi-a_ u3 _u8 udu hi-a_
87. u2-sza-lam-ma
88. a-na be-li2-szu-nu
89. i-na-ad-di-in
@law 268
90. szum-ma a-wi-lum _gu4_
91. a-na di-a-szi-im i-gur
92. 2(ban2) _sze a2_-szu
@law 269
93. szum-ma _ansze_
94. a-na di-a-szi-im i-gur
95. 1(ban2) _sze a2_-szu
@law 270
96. szum-ma _masz2_
97. a-na di-a-szi-im i-gur
98. 1(disz) _sila3 sze a2_-szu
@law 271
99. szum-ma a-wi-lum
100. _ab2 gu4 hi-a {gesz}mar-gid2-da_
101. u3 mu-ur2-te-di-sza i-gur
@column 23
1. i-na _u4 1(disz)-kam 3(barig) sze_
2. i-na-ad-di-in
@law 272
3. szum-ma a-wi-lum
4. _{gesz}mar-gid2-da_-ma
5. a-na ra-ma-ni-sza i-gur
6. i-na _u4 1(disz)-kam 4(ban2) sze_
7. i-na-ad-di-in
@law 273
8. szum-ma a-wi-lum
9. _{lu2}hun-ga2_ i-gur
10. isz-tu re-esz sza-at-tim
11. a-di ha-am-szi-im _iti_-im
12. 1(u) 2(disz) _sze ku3-babbar_
13. i-na _u4 1(disz)-kam_
14. i-na-ad-di-in
15. isz-tu szi-szi-im _iti_-im
16. a-di ta-aq-ti-da! sza-at-tim
17. 5(disz) _sze ku3-babbar_
18. i-na _u4 1(disz)-kam_
19. i-na-ad-di-in
@law 274
20. szum-ma a-wi-lum
21. _dumu um-mi-a_
22. i-ig-ga-ar#
23. _a2 {lu2}[hun-ga2?]_
24. 5(disz) _sze ku3#-babbar#_
25. _a2 {lu2}[tug2]-du8-a_
26. 5(disz) _[sze ku3]-babbar_
27. [_a2] {lu2#}gada_
28. [n(disz) _sze] ku3-babbar_
29. [_a2 bur]-gul_
30. [n(disz) _sze ku3]-babbar_
31. [_a2] zadim#?_
32. [n(disz) _sze ku3]-babbar_
33. [_a2] simug#_
34. [n(disz) _sze ku3]-babbar_
35. [_a2] nagar_
36. 5(disz)#? _sze ku3-babbar_
37. _a2 aszgab_
38. [n(disz)] _sze ku3-babbar_
39. _a2 ad-kup4_
40. [n(disz)] _sze ku3-babbar_
41. [_a2] szitim_
42. [n(disz) _sze ku3]-babbar_
43. [i-na _u4] 1(disz)-kam_
44. [i-na-ad]-di#-in
@law 275
45. [szum-ma a]-wi-lum
46. [...] i-gur
47. i-na _u4 1(disz)-kam_
48. 3(disz) _sze ku3-babbar a2_-szu
@law 276
49. szum-ma ma-hi-ir-tam i-gur
50. 1/2(disz) _sze ku3-babbar a2_-sza
51. i-na _u4 1(disz)-kam_
52. i-na-ad-di-in
@law 277
53. szum-ma a-wi-lum
54. _{gesz}ma2 1(gesz2) gur_ i-gur
55. i-na _u4 1(disz)-kam_
56. _igi 6(disz)-gal2 ku3-babbar a2_-sza
57. i-na-ad-di-in
@law 278
58. szum-ma a-wi-lum
59. _ARAD2 geme2_ i-sza-am-ma
60. _iti_-szu la im-la-ma
61. be2-en-ni e-li-szu
62. im-ta-qu2-ut a-na na-di-na-ni-szu
63. u2-ta-ar-ma
64. sza-a-a-ma-nu-um
65. _ku3-babbar_ isz-qu2-lu
66. i-le-qe2
@law 279
67. szum-ma a-wi-lum
68. _ARAD2 geme2_ i-sza-am-ma
69. ba-aq-ri ir-ta-szi
70. na-di-na-an-szu
71. ba-aq-ri i-ip-pa-al
@law 280
72. szum-ma a-wi-lum
73. i-na ma-at
74. nu-ku-ur2-tim
75. _ARAD2 geme2_ sza a-wi-lim
76. isz-ta-am
77. i-nu-ma
78. i-na li-ib-bu _kalam_
79. it-ta-al-kam-ma
80. be-el _ARAD2_ u3 lu _geme2_
81. lu _ARAD2_-su2 u3 lu _geme2_-su2
82. u2-te-ed-di
83. szum-ma _ARAD2_ u3 lu _geme2_ szu-nu
84. _dumu-mesz_ ma-tim
85. ba-lum _ku3-babbar_-ma
86. an-du-ra-ar-szu-nu
87. isz-sza-ak-ka-an
@law 281
88. szum-ma _dumu-mesz_ ma-tim sza-ni-tim
89. sza-a-a-ma-nu-ma
90. i-na ma-har i-lim
91. _ku3-babbar_ isz-lu!-lu
92. i-bi!-ab-bi-ma
93. be-el _ARAD2_ u3 lu _geme2_
94. _ku3-babbar_ isz-qu2-lu a-na _dam-gar3_
95. i-na-ad-di-in-ma
96. lu _ARAD2_-su2 lu _geme2_-su2 i-pa-ag!
@law 282
97. szum-ma _ARAD2_ a-na be-li2-szu
98. u2-ul be-li2 at-ta
99. iq-ta-bi
100. ki-ma _ARAD2_-su2
101. u2-ka-an-szu-ma
102. be-el-szu u2-zu-un-szu i-na-ak-ki-is
@column 24
@epilogue
1. di-na-a-at
2. mi-sza-ri-im
3. sza {disz}ha-am-mu-ra-pi2
4. szar-ru-um le-u2-um
5. u2-ki-in-nu-ma
6. ma-tam u2-sa-am ki-nam#
7. u3 ri-dam dam-qa2-am
8. u2-sza-as,-bi-tu
9. {disz}ha-am-mu-ra-pi2
10. szar-ru-um gi-it-ma-lum a-na-ku
11. a-na _sag-ge6_
12. sza {d}en-lil2 isz-ru-kam
13. re-u2-si2-na
14. {d}marduk i-din-nam
15. u2-ul e-gu
16. a-hi u2-ul ad-di
17. asz-ri szu-ul-mi-im
18. esz-te-i-szi-na-szim#
19. pu-usz-qi2 wa-asz-t,u2-tim
20. u2-pe#-et-ti
21. nu-ra-am u2-sze-s,i-szi-na-szi-im
22. i-na _{gesz}tukul_ da-an-nim
23. sza {d}za-ba4-ba4
24. u3 {d}inanna
25. u2-sza-at-li-mu-nim
26. i-na _igi-gal2_
27. sza {d}en-ki i-szi-ma-am
28. i-na le-u2-tim
29. sza {d}marduk id-di-nam
30. na-ak-ri e-li-isz
31. u3 sza-ap-li-isz as-su2-uh2
32. qa2-ab-la-tim u2-be2-el-li
33. szi-ir ma-tim
34. u2-t,i3-ib
35. ni-szi da-ad-mi
36. a-bu-ur2-ri
37. u2-szar-bi2-is,
38. mu-gal-li-tam
39. u2-ul u2-szar-szi-szi-na-ti
40. _dingir gal-gal_
41. ib-bu-u2-nin-ni-ma
42. a-na-ku-ma
43. _sipa_ mu-sza-al-li-mu-um
44. sza _{gesz}gidri_-szu
45. i-sza-ra-at
46. s,i-li2 t,a-bu-um
47. a-na _iri_-ia
48. ta-ri-is,
49. i-na ut-li-ia
50. ni-szi _kalam_ szu-me-ri2-im
51. u3 ak-ka-di-im
52. u2-ki-il
53. i-na la-ma-si2-ia
54. ih-hi-sza
55. i-na szu-ul-mi-im
56. at-tab-ba-al-szi-na-ti
57. i-na ne-me-qi2-ia
58. usz-tap-zi2-ir-szi-na-ti
59. dan-nu-um en-sza-am
60. a-na la ha-ba-lim
61. _nu-siki nu-mu-su_
62. szu-te-szu-ri-im
63. i-na babila{ki}
64. _iri_ sza an u3 {d}en-lil2
65. re-szi-szu
66. u2-ul#-lu-u2
67. i-na e2-sag-il2
68. _e2_ sza ki-ma sza-me-e
69. u3 er-s,e-tim _suhusz_-szu ki-na
70. di-in ma-tim a-na di-a-nim
71. pu-ru-se2-e ma-tim
72. a-na pa-ra-si-im
73. ha-ab-lim szu-te-szu-ri-im
74. a-wa-ti-ia szu-qu2-ra-tim
75. i-na _na-ru_-ia asz-t,ur-ma
76. i-na ma-har _alan_-ia
77. _lugal_ mi-sza-ri-im
78. u2-ki-in
79. _lugal_ sza in _lugal_-ri2
80. szu-tu-ru a-na-ku
81. a-wa-tu-u2-a na-as2-qa2
82. le-u2-ti sza-ni-nam
83. u2-ul i-szu
84. i-na qi2-bi-it {d}utu
85. da-a-a-nim ra-bi-im
86. sza _an_ u3 _ki_
87. mi-sza-ri i-na _kalam_
88. li-isz-te-pi2
89. i-na a-wa-at
90. {d}marduk be-li2-ia
91. u2-s,u2-ra-tu-u2-a
92. mu-sza-si2-kam# a-ir-szi-a
93. i-na e2-sag-il2
94. sza a-ra-am-mu szu-mi i-na da-mi-iq-tim
@column 25
1. a-na da-ar
2. li-iz-za-ki-ir
3. a-wi-lum ha-ab-lum
4. sza a-wa-tam
5. i-ra-asz-szu-u2
6. a-na ma-ha-ar _alan_-ia
7. _lugal_ mi-sza-ri-im
8. li-il-li-ik-ma
9. _na-ru_-i
10. sza-at,-ra-am
11. li-isz-ta-as2-si-ma
12. a-wa-ti-ia
13. szu-qu2-ra-tim
14. li-isz-me-ma
15. _na-ru_-i a-wa-tam
16. li-kal2-lim-szu
17. di-in-szu li-mu-ur2
18. li-ib-ba-szu
19. li#-na#-ap-pi2-isz-ma
20. {disz}ha-am-mu-ra-pi2-mi
21. be-lum sza ki-ma a-bi-im
22. wa-li-di-im
23. a-na ni-szi
24. i-ba-asz-szu-u2
25. a-na a-wa-at
26. {d}marduk be-li2-szu
27. usz-ta-ak-ti-it-ma
28. ir-ni-ti {d}marduk
29. e-li-isz
30. u3 sza-ap-li-isz
31. ik-szu-u4
32. li-ib-bi {d}marduk
33. be-li2-szu u2-t,i3-ib
34. u3 szi-ra-am t,a-ba-am
35. a-na ni-szi
36. a-na da-ar i-szi-im
37. u3 ma-tam
38. usz-te-sze-er
39. a2-ni-tam
40. li-iq-bi-ma
41. i-na ma-har
42. {d}marduk be-li2-ia
43. {d}s,ar-pa-ni-tum
44. be-el-ti-ia
45. i-na li-ib-bi-szu
46. ga-am-ri-im
47. li-ik-ru-ba-am
48. sze-du-um la-ma-sum2
49. _dingir dingir_ e-ri-bu-ut
50. e2-sag-il2
51. _sig4_ e2-sag-il2
52. i-gi-ir-re-e
53. u4-mi-sza-am
54. i-na ma-har
55. {d}marduk be-li2-ia
56. {d}s,ar-pa-ni-tum
57. be-el-ti-ia