&P270888 = EA 009 #atf: lang akk @tablet @obverse 1. a-na ni-ip-hu-ur-ri-ri-ia _lugal kur_ mi#-[is,-ri-i] 2. qi2-bi2-ma# 3. um-ma bur-ra-bu-ri-ia-asz _lugal kur_ ka-ra-du#-ni#-ia-asz 4. _szesz_-ka-ma a-na ia-a-szi szu-ul-mu 5. a-na ka-a-sza _e2_-ka _dam-mesz_-ka _dumu-mesz_-ka _kur_-ka 6. _lu2-gal-mesz_-ka _ansze-kur-ra-mesz_-ka _{gesz}gigir-mesz_-ka da-an-[ni]-isz# lu szu-ul-mu $ single ruling 7. ul-tu ab-bu-u2-a-a u3 ab-bu-ka it-ti a-ha-mi-[isz] 8. t,a-bu-ta id-bu-bu 9. szu-ul-ma-na ba-na-a a-na a-ha-mi-isz ul-te-bi-i-lu-ni# 10. u3 me-ri-el-ta ba-ni-ta a-na a-ha-mi-isz ul ik-lu#-u2 11. i-na-an-na a-hu-u2-a-a 2(disz) _ma-na# ku3-sig17_ a-na szu-ul-ma-ni-ia ul-te-bi-i-la 12. i-na-an-na-ma _ku3-sig17_ ma-a-ad ma-la sza ab-bi-ka szu-bi-la 13. u3 szum-ma mi-i-is, mi-szi-el sza ab-bi-ka szu-bi-i-la 14. am-mi-ni 2(disz) _ma-na ku3-sig17_ tu-sze-bi-e-la 15. i-na-an-na du-ul-li i-na _e2 dingir_ ma-a-ad u3 ma-gal 16. s,a-ab-ta-ku-u2-ma ip-pu-usz _ku3-sig17_ ma-a-da szu-bi-la 17. u3 at-ta mi-im-ma sza ha-asz-ha-a-ta i-na _kur_-ia 18. szu-up-ra-am-ma li-el-qu-ni-ik-ku $ single ruling 19. i-na ku-ri-gal-zu a-bi-ia ki-na-ha-a-a-u2 ga-ab-bi-szu-nu 20. a-na mu-uh-hi-szu el-ta-ap-ru-ni um-ma-a a-na qa-an-ni _kur_ 21. ku#-usz#-da-am-ma i ni-ba-al-ki-ta-am-ma 22. [it]-ti#-ka i ni-sza-ki-in a-bu-u2-a-a 23. an-ni-ta el-ta-ap-ra-szu-nu-ti 24. um-ma-a @reverse 1. mu-usz-sze-ir it-ti-ia a-na na-asz-ku-u2-ni 2. szum-ma it-ti _lugal_ sza mi-is,-ri-i a-hi-ia ta-at-ta-ak-ra-ma 3. it-ti sza-ni-im-ma ta-at-ta-asz-ka-na 4. a-na-ku ul al-la-ka-am-ma ul a-ha-ba-at-ku-nu-szi-i 5. ki-i it-ti-ia na-asz-ku-nu a-bu-u2-a-a 6. asz-szum a-bi-ka ul isz-mi-szu-nu-ti 7. i-na-an-na asz-szur-ra-a-a-u2 da-gi-il pa-ni-ia 8. a-na-ku ul asz-pu-ra-ak-ku ki-i t,i-mi-szu-nu 9. a-na _kur_-ka am-mi-ni el-li-ku-u2-ni 10. szum-ma ta-ra-ah-ma-an-ni szi-ma-a-ti mi-im-ma 11. la ip-pu-u2-szu ri-qu-ti szu-nu ku-usz-szi-da-szu-nu-ti $ blank space 12. a-na szu-ul-ma-ni-ka 3(disz) _ma-na {na4}za-gin3 kur_ 13. u 5(disz) _lal_ sza _ansze-kur-ra-mesz_ sza 5(disz) _{gesz}gigir-mesz gesz-mesz_ 14. ul-te-bi-la-ak-ku $ blank space
Total 1 record(s)