&P270897 = EA 026 #atf: lang akk @tablet @obverse 1. a-na# {munus}te-i-e _nin# kur_ mi-is,#-[ri-i qi2-bi2-ma] 2. um#-[ma {disz}du-usz]-rat-ta _lugal# [kur_ mi-ta-an-ni a-na ia-szi] 3. szul#-[mu] a-na ka-a-szi lu-u2 szul#-[mu a-na _e2_-ka a-na] 4. [_dumu-mesz_]-ka lu-u2 szul-mu a-na {munus}ta-a-tu4-he2-pa [_dumu-munus_-ia] 5. _e2-gi4-a_-ka lu-u2 szul-mu a-na _kur-kur#_-ka a-[na x-ka] 6. u3 mim-mu-ka dan-nisz2 dan-nisz2 lu-u2 [szul-mu] $ single ruling 7. at-ti-i-ma ti-i-ta-a-an-ni ki-i-me-e [a-na-ku? it-ti] 8. {disz}mi-im-mu-ri-ia mu-ti-i-ka ar-[ta-na-'a-am] 9. u3 {disz}mi-im-mu-ri-ia ap-pu-na mu-ut#-[ka?] 10. ki-i-me-e it-ti-ia ir-ta-na-'a-am [u3 a-ma-te-_mesz_] 11. [a]-na# {disz}mi-im-mu-ri-ia mu-ti-i-ki sza a-sza#-[ap-pa-ru] 12. [u3] sza a-dab2-bu-bu u3 {disz}mi-im-mu-ri#-[ia] 13. [ap-pu]-na mu-ti-i-ki a-ma-te-_mesz_ a-na ia-szi# [sza] 14. [il-ta]-na#-ap-pa-ru u3 sza i-dab2-bu-bu at-ti-[i] 15. [{disz}gi-li]-ia u3 {disz}ma-ne2-e i-te u3 at-ti-i-ma# 16. [ap-pu]-na# el gab2-bi-szu-nu-ma ti-i-te a-ma-te-_mesz_ 17. [sza it]-ti# ha-mi-isz ni-id-bu-bu ma-am-ma 18. [sza-nu]-um#-ma la i-te-szu-nu $ single ruling 19. [u3 a-nu]-um-ma at-ti-i-ma a-na {disz}gi-li-ia 20. [ta-aq]-ta-bi a-na be-li-i-ka qi2-bi-i-me# 21. {disz}mi#-[im]-mu-ri-ia mu-ti it-ti a-bi-i-ka# 22. ir-ta#-na-'a-am-me u3 ak-ka-a-sza it-ta-s,a-ar-ka# 23. u3 it-ti a-bi-i-ka ra-'a-mu-ut-ta-szu la im-sze# 24. u3 har#-ra-na sza il-ta-na-ap-pa-ru la ip-ru#-[us] 25. u3 i-na#-an-na at-ta it-ti {disz}mi-im-mu-[ri-ia] 26. _szesz_-ka ra#-'a-mu-ut-ka la ta-ma-asz-szi it#-[ti] 27. {disz}na-ap-hur-ri-ia# ru-ub-bi u3 u2-s,u2-ur-szu# 28. u3 har-ra#-na sza he-du-ti ta-al-ta-na-ap#-[par2] 29. la ta-pa-ar#-ra-as [si-me?] $ single ruling 30. it-ti {disz}mi-im-mu-ri-ia mu-ti-i-ki ra-'a-mu-ut-ta# [la] 31. a-[ma-asz-szi] el sza pa-[na-a]-nu i-na-an-na-a-ma# 32. it-ti {disz}na-ap-hur-ri-ia# [_dumu_]-ka a-na 1(u)-szu 33. dan-nisz2 dan-nisz2 ar-ta-[na-'a]-am u3 a-ma-a-te-_mesz#_ 34. {disz}mi-im-mu-ri-ia mu-[ut-ki ...] 35. szul#-ma-a-ni sza a-na [...] 36. mi-it-ha-ri-isz la tu-sze#-[e-bi-la u3 _alam-mesz_ sza _ku3-sig17_] 37. sza-ap-gu-u2-ti up-pu-[ku-u2-ti ... a-na mu-ti-i-ki] 38. e-te-ti-isz um-ma [...] 39. u3 sza _{na4}za-gin3-kur_ a-[na szul-ma-a-ni-ia ...] @reverse 1. u3 i-na-an-na {disz}na-ap-[hur-ri-ia _dumu_-ki _alam-mesz_] 2. sza _gesz_ u2-te-eh-hi-iz-ma [u3 i-na _kur_ sza _dumu_-ka] 3. _ku3-sig17-mesz_ e-be-ru szu-u2 [am]-mi-i-ni i-na _sza3#_-[szu] 4. sza _dumu_-ka im-tar#-s,u2-ma la# it-ti-na u3 an-ni-[ta] 5. ap-pu-na a-na x [...] x na-ta-a-ni i-te-[ri-isz] 6. ra-a-'a-mu-tu4 an-nu-[u2] szu-u2 um-ma a-na#-[ku-ma] 7. el a-bi-i-szu a-na 1(u)-szu {disz}na-ap-hur-ri-[ia _dumu_-ki] 8. u2-ut-ta-ra-an-ni-me u3 a-nu-um-ma i-na-[an-na-a-ma] 9. sza a-bu-u2-szu-u2-ma i-na-an-ti-nu la [it-ti-na] $ single ruling 10. a-ma-a-te-_mesz_ sza# [at-ti]-i-ma i-na pi2-i-ki a-[na ia-szi] 11. ta-aq-ta-bi u3 a-na pa-ni {disz}na-ap-[hur-ri-ia] 12. am-mi-[i-ni la]-a ta-at-ru-us, szum-ma [at-ti-i] 13. a-na pa#-[ni]-szu# la ta-tar-ra-as, u3 ta#-[sa-ku-ti] ma#-[an-nu] 14. sza-[nu]-u2 i-de4 _alam-mesz_ sza _ku3-sig17_ up-pu-[ku-u2-ti] 15. [{disz}na]-ap#-hur-ri-ia li-it-ti-na la mi-im-ma#-[ma] 16. [lib3]-bi# lu-u2 la-a u2-sza-am-ra-as,-ma la-a [...] 17. el# a-bi-szu 1(u)-szu li-i-it-te-er-an-[ni] 18. [i]-na# ra-a-'a-mu-ti u3 i-na gu-ub-bu-[ut-ti] $ single ruling 19. [u3] ad-du-ki _lu2-dumu-mesz-kin_-ki it-ti _lu2-dumu#-[mesz-kin_] 20. sza# {disz}na-ap-hur-ri-ia it-ti [...] 21. [a]-na# {munus}i-u2-ni _dam_-ia li-il#-[li-ku] 22. [a]-na# ma-al-ta-ri-isz-ma u3 _lu2-dumu-[mesz-kin_-sza] 23. sza# {munus}i-u2-ni _dam_-ia a-n [ka-a-szi] 24. [li]-il-li-ku a-na ma-al-ta-[ri-isz-ma] $ single ruling 25. [a]-nu-um-ma a-na szul-ma-ni-i-ka [...] 26. [x] {na4}ta-pa-tu4 sza _i3_ ta-a-pa [ma-lu-u2] 27. 1(disz)-nu-tu4 _na4-mesz [ku3-sig17 gar_] $ single ruling
Total 1 record(s)