&P270900 = EA 083 #atf: lang akk @tablet @obverse 1. [{disz}]ri#-ib-[{d}iszkur] iq#-bi a-[na] 2. [_en_]-szu# _lugal kur-kur{ki}-mesz lugal gal_ 3. _nin#_ sza _iri_ gub-la ti-di-in4 4. [_kal]-ga#_ a-na _lugal_-ri _en_-ia 5. a-na _giri3-mesz en_-ia _{d}utu_-ia 6. 7(disz)-szu 7(disz)-ta-an am-qu2-ut 7. a-na mi-ni la-a tu-te-ru-na# 8. a-wa-tam a-na ia-a-szi u3 9. i-de ip-sza sza i-pu-szu# 10. _lu2_-ia ut-ta-szi-ir a-na ma-har# 11. _en_-ia u3 la-qu2 2(disz) _ansze-kur-ra_-szu 12. u3 _lu2_ sza-nu la-qe2 _lu2_-szu 13. [u3] t,up-pi2 _lugal_ la-a na-di-in4 14. [i]-na qa-at _lu2_-ia szi-me2# ia#-szi 15. a-na# mi-<ni> qa-la-ta u3 tu#-ul#-qu2# 16. _kur#_-ka u2-ul yu-uq-ba i-na 17. _u4-kam2-mesz lu2-mesz maszkim2_ la-qu2 _lu2-mesz gaz-mesz_ 18. ka-li _kur-kur-hi-a_ u2-ul ka-a-ma 19. yu-uq-bu i-na _u4-kam2-mesz_ 20. u3 la-a ti-le-u2 la-qa-szi 21. sza-ni-tam asz-ta-par2 a-na _lu2-mesz_ ma-s,a-ar-ti 22. u3 a-na _ansze-kur-ra-mesz_ u3 la-a 23. tu-da-nu-na szu-te-ra a-wa-ta5 24. a-na ia-szi u3 i-pu-sza a-na-ku 25. ki-ta it-ti {disz}ARAD2-a-szi-ir-ta 26. ki-ma {disz}ia-pa-{d}iszkur u3 {disz}zi-im-re-da# 27. u3 bal-t,a2-ti sza-ni-tam szum-ma# 28. ap-pu-na-ma a-nu-ma pa-at,-ra-<at> 29. _iri_ s,u#-mu-ra u3 _iri e2_-ar-ha# @reverse 1. yi!#-din-ni i-na qa-at 2. {disz}ia-an-ha-mi u3 ia-di3-na 3. _sze_-im-_hi-a_ a-na a-ka-li ia-szi 4. a-na-s,a-ra _iri lugal_ a-na sza-a-szu 5. u3 ia-aq-bi _lugal_ u3 yu-wa-szi-ra 6. _lu2_-ia _lu2-mesz_-szu ti-sza-szu-na _ugu_-ia 7. ur-ra mu-sza at-ta-mi na-ad-na#-ta 8. _dumu_-nu a-na _lugal_ u3 usz-szi-ra-szu szu-ut 9. 2(disz) _lu2 iri_ i-bir-ta al-la-mi i-na 10. _e2_ {disz}ia-an-ha#-mi sza-ni-tam qi2-ba-mi 11. a-na {disz}ia-<an>-ha-mi al-lu-mi {disz}ri-ib-{d}iszkur 12. i-na qa-ti-ka u3 mi-im-mu 13. sza <in4>-ne2-ep-szu a-na sza-szu _ugu_-ka# 14. u2-ul yi-ma-qu2-ta _erin2-mesz_ ka-ra-szi# 15. _ugu_-ia u3 asz-pu-ru a-na sza-szu 16. szum-ma ki-a-ma la-a ti-iq-bi 17. u3 i-te9-zi-ib _iri#_ u3 18. pa-at,-ra-ti sza-ni-tam szum-ma la-a 19. tu-te-ru-na a-wa-ta5 a-na ia-szi 20. u3 i-te9-zi-ib _iri_ u3 21. pa-at,-ra-ti qa-du _lu2-mesz_ 22. sza i-ra-a-mu-ni u3 23. li-ma-ad al-le-mi 24. {munus}um-ma-ah-nu u3 {disz}isz-ku-ru 25. mu-ut-sze _geme2_ sza _{d}nin_ 26. [sza] _iri#_ gub#-la# [u3] _kal-ga_ 27. [ti-ik-tar]-ra-bu? 28. [a]-na# _{d}nin#_ [...] $ single ruling
Total 1 record(s)