&P270909 = EA 102 #atf: lang akk @tablet @obverse 1. [a-na {disz}ia-an-ha]-mi# [...] 2. [qi2]-bi2-ma 3. um-ma {disz}ri-ib-{d}iszkur 4. a-na _giri3-mesz_-ka am-qu2-ut 5. _{d}nin_ sza _iri_ gub-la 6. _dingir lugal en_-ia li-din 7. _tesz2-ba_-ka a-na pa-ni _lugal_ be-li-ku 8. _{d}utu kur-didli-mesz{ki}_ sza2-ni-tam ti-di-mi 9. i-nu-ma lam-da-ta uh-hu-ra-ta 10. a-s,a a-na mi-nim ta-szap-par-ta 11. u3 an-nu-u2 i-na-an-na ti-ir-bu 12. a-na _e2_-ti ri-qi2 ga-mi-ir gab2-bu 13. ti-ih!-ta-ti gab2-ba sza2-ni-tam 14. i-nu-ma ta-asz-tap-ra a-na ia-szi 15. a-lik-mi i-zi-iz a-na _iri_ s,u-mu-ur 16. a-di ka-sza-di-ia 17. ti#-de i-nu-ma nu-kur2-tu4-_mesz_ 18. _kal-ga_ ma-gal _ugu_-ia @reverse 1. u3 u2-ul i-le-u2!# a-la-kam2# 2. u3 a-nu-ma _iri_ am-pi2 nu-kur3-tu4# 3. it-ti-ia ti-de i-<nu-ma> 4. _lu2-gal_ u3 _lu2-mesz_ be-li _iri_-lim 5. szal-mu it-ti _dumu#-mesz_ {disz}ARAD2-asz-ra-ta 6. u3 ki-na-an-na la i-li-u2 7. a-la-kam2 ti-de i-nu-ma gab2-bu 8. sza-ru u3 la-[mi] ti#-sza-lu-ni! 9. a-na _lu2_ ha-ia-bi#-ia# u3 i-na-an-na 10. ki-na-an-na pal-ha-ku sza2-ni-tam 11. szi-me-e ia-szi hu-mi-t,ax(MA) ki-ma 12. ar-hi-isz ka-sza-da u3 13. i-ru-ub asz-ra-nu ti-de i-nu-ma _lu2-mesz_ 14. sza#-ru-tu4 szu-nu sza2-ni-tam la-mi 15. [tu-uh]-hi#-ra ka-sza-da 16. [u3 usz-szi-ra] _erin2-mesz_ pi2-t,a2-[ti] 17. [...] ka# @left 1. [x] ru#-ub# la tu-pal-la-ah# 2. [u3 ir]-ba-ta a-na _iri_-lim u3 3. isz#-tu lib3-bi-szi ta-szap-par2 a-na x
Total 1 record(s)