&P270922 = EA 053 #atf: lang akk @tablet @obverse 1. a-na {disz}nam#-mur#-ia# _dumu# {d}utu_ be-li2-ia 2. um#-ma# [{disz}a]-ki#-iz#-zi# _{lu2}ARAD2_-ka-ma 3. 7(disz)-szu# [7(disz)-szu a]-na# _uzu# giri3-mesz_ be-li2-ia am-qut $ single ruling 4. be-[li2 e]-nu#-ma# a-masz#-szar#-ma pa-li-it, u3 la-a mit [...] 5. [...] a-na sza# be-li2-ia [u3 i]-na#-an#-na be#-li2# 6. [_lu2] ARAD2#_ sza be-li2-ia-ma i-na asz-ri _kur#_ {d}iszkur# 7. [a]-mur# i-na#-an-na [ia-na] asz-ri _dingir_-ka# a x x li-it-tal#-[kam2] 8. sza be-li2-ia a-[ra]-mu#-szu# [u3 i]-na#-an-na {disz}a-i-t,u#-ga#-ma# [qa-du] 9. _lugal kur_ ha-[at]-te# [a-na _ugu_]-hi#-ia yi#-iz-zi 10. u3 _uzu sag#-du#_-[ia u2]-ba-ah-a-szu $ single ruling 11. u3 i-na-an-na {disz}[a-i-t,u-ga]-ma# a-na# ia-szi isz-ta-par 12. u3 iq-ta-bi# [al-kam2-mi] it#-ti ia-szi 13. a-na sza _lugal# kur_ ha-at#-[te aq-ta]-bi a-na-ku# 14. ki-i a-[mu]-ta# [la a-na sza] _lugal# kur_ ha-[at]-te# 15. a-na-ku a-na# _lugal#_ be-[li2-ia] _lugal# kur#_ [{disz}]is,-ri _ARAD2#_ 16. asz-ta-par u3 aq#-[bi ki]-ia#-[am] a-na sza# _lugal kur_ ha-at-te $ single ruling 17. be-li2 [...] 18. u3 _kur_-tum an#-nu#-[u2 ...] an# 19. u3 szum-ma [...] 20. u3 be-li2-ia ki#-[i]-ma# [ar-hi-isz li]-wa-asz-sze-ir-szu 21. u3 li-il-li-kam2# a-na# [sza {disz}a-i]-t,u-ga-ma 22. ki-i-me-e be-li2 [...] pa-nu-ka 23. i-pal-la-ah u3 _kur_ [u2-be ib-bal]-kat# [a]-na# sza# be-li2-ia $ single ruling 24. be-li2 a-mur# [{disz}a-i]-t,u#-ga#-[ma il-li-kam2] 25. [a]-na# sza# _kur_ ha#-[at-te ...] _lu2_ nu-kur-tum 26. sza be-li2-ia [i]-na# lib3#-bi#-szu# [...] 27. u3 _kur_ [u2]-be# [...] ab-bi-szu 28. be-li2 il#-li#-kam2# {disz}a-i-t,u#-[ga]-ma# [u3 _kur_ u2]-be# 29. _kur-kur_-tum sza# be-li2-ia# i-na# [...]-szu#-nu# 30. u3 il-te-qe3 szu _e2_-tum# _ku3-[babbar_] 31. u3 il-te-qe3 szu 2(disz) me qa#-[aq-qa-ru] 32. u3 il-te-qe3 szu 3(disz) qa#-aq#-qa#-ru# 33. u3 il-te-qe3 szu [1(disz) qa]-aq#-qa#-ru [...] 34. isz-tu _e2_-tum sza# {disz}nam-ia-za# $ single ruling 35. be#-li2 i-szak-ka3-[nu] {disz}te-u2-wa#-at-ti _iri_ la#-[pa]-na# 36. u3 {disz}ar#-za-u2-ia _iri_ ru-hi-iz-zi 37. a-na pa-ni {disz}a-i-t,u-ga-ma u3 _kur_ [u2-a]-be 38. _kur-kur_-tum sza be-li2-ia 39. i-na _izi-mesz_ i-szar-ri-ip szu $ single ruling @reverse 1. be-li2 ki-i-me-e a-na-ku a-na _lugal_ be-li2-ia# 2. a-ra-ah-am u3 ki-ia-am _lugal kur_ nu-ha-asz-sze 3. _lugal kur_ ni-i _lugal kur_ zi-in-za-ar 4. u3 _lugal kur_ tu-na-na-at u3 an-nu-ut-ti 5. gab2-ba2 _lugal-mesz_ a-na sza be-li2-ia _{lu2}ARAD2-mesz_-ma# $ single ruling 6. ki-i-me-e i-li-ih-e _lugal_ be-li2-ia u3 it-ta#-[as,-zi] 7. [u3] um-ma-a _lugal_ be-li2-ia la it-ta-as,#-zi# 8. [u3] be-li2-ia _erin2-mesz_ bi-it-ta-te li-wa-asz-sze-ir 9. [u3] li-il#-[li-kam2] isz-tu _kur_-tum an-nu-[u2] 10. [ki]-i-me-e be-li2# _lugal-mesz_ an-nu-ut-ti ra#-im#-tum#-szu 11. _lu2#-gal_-bi sza be-li2-ia u3 mi-nu-um-me-e 12. _nig2-ba-mesz_-szu-nu li-iq-bi u3 li-it-ti-nu-nim $ single ruling 13. be-li2 szum-ma _kur_-tum an-nu-u2 isz-tu lib3-bi be-li2-ia 14. i-szak-ka3-an u3 _erin2-mesz_ bi-it-ta-te be-li2-ia 15. li-wa-asz-sze-ir u3 li-il-li-kam2 u3 _{lu2-mesz}dumu-kin_-szu# 16. sza be-li2-ia ik-szu-du-nim $ single ruling 17. be-li2 szum-ma {disz}ar-za-u2-ia _iri_ ru-hi-zi 18. u3 {disz}te-u2-wa-at-ti _iri_ la-pa-na i-na _kur#_ u2-be asz-bu 19. u3 {disz}da#-sza i-na _kur_ am-ki# asz-bu u3 lu-u2 i-te-szu-nu 20. be-li2-ia e-nu-ma _kur_ u2-be sza la be-li2-ia 21. i-na _u4_-mi-sza-am-ma a-na {disz}a-i-tu-ga-ma i-sza-ap-pa-ru-nim 22. u3 ki-ia-am iq-bu-nim al-kam2-mi u3 li-gi#-[mi] 23. _kur_ u2-be gab2-ba2-am-ma $ single ruling 24. be-li2 ki-i-me-e _iri_ ti-ma-asz-gi i-na _kur_ u2-be 25. a-na _uzu giri3-mesz_-ka qa-ti-hi u3 ki-ia-am _iri_ qat,3-na 26. a-na _uzu giri3-mesz_-ka qa-ti-hu li-esz u3 be-li2-ia 27. a-na pa-ni _{lu2}dumu-kin_-ia _nam-til-la_ a i-ir-ri-szu# [x x] me#-e 28. la pal-ha-ak-ku a-na pa-ni _erin2-mesz_ bi-it-ta#-[te sza be]-li2-ia# 29. e-nu-ma _erin2-mesz_ bi-it-ta-te sza be-li2-[ia] 30. ki-i-me-e u2-wa-asz-szar-an-ni u3 i-ir-[ru-bu] 31. i-na _iri_ qat,3-na $ blank space
Total 1 record(s)