&P271028 = EA 126 #atf: lang akk @tablet @obverse 1. {disz}ri-ib-id-di qi2-bi2-[ma] 2. a-na _lugal_ be-li-ia a-na _ki-ta_ 3. _giri3-mesz be_-ia 7(disz) u 7(disz) am-qut{ut} 4. i-nu-ma sza-par2 be-li a-na _{gesz}taskarin#_-ma# 5. isz-tu _kur-mesz_ sa3-al-hi u3 isz-tu# 6. _iri ki_ u2-ga-ri-ti7 tu-ulx(AN)-qu2-na 7. la-a-mi i-le-u2 usz-szar 8. _{gesz}ma2-mesz_-ia a-na asz-ra-nu 9. i-nu-ma nu-kur2-tu4 {disz}a-zi-ru 10. it-ti-ia u3 gab2-bi _lu2-mesz_ ha-za-nu-tu4 11. szal-mu-szu ki lib3-bi-szu-nu 12. ti-la-ku-na _{gesz}ma2-mesz_-szu-nu 13. u3 ti7#-il3-qu2-na hi-szi-ih-ta-szu-nu 14. sza-ni-tam mi-nu-um ia-di-nu 15. mi-im-ma u3 ba-la-t,am2 16. _lugal_ a-na _lu2-mesz_ ha-za-nu-ti ib-ri-ia 17. u3 a-na ia-szi la-a-mi 18. ia-di-nu mi-im-ma u3 pa-na-nu 19. a-na _lu2_ a-bu-ti-ia yu-sza-ru 20. isz-tu _e2-gal-mesz ku3-babbar-mesz_ 21. u3 mi-im-mu a-na ba-la-t,i3-szu-<nu> 22. u3 yu-szi-ru be-li _erin2-mesz_ 23. a-na sza-a-szu-nu u3 a-nu-ma 24. a-na-ku asz-pu-ru a-na be-li-ia 25. a-na _erin2-mesz_ u3 _erin2-mesz_ ma-s,a-ar-tu 26. la-a tu-[sza-ru] u3 27. mi-im-mu [la-a]-mi 28. yu-da-nu [a-na] ia#-a-szi 29. [x] e bi#-am [...] 30. a-na-ku i-nu#-[ma qa]-bi#-mi# 31. _lugal_ be-li u2-s,ur#-[mi ra-ma-an-ka] @reverse 1. u3 u2-s,ur# [_iri lugal_ sza it-ti-ka] 2. ki a-na-s,a-ru# [ra-ma-ni-ia] 3. sza-par2-ti a-[na _lugal_ be-li-ia] 4. la-qu2-mi gab2#-[bi _iri-mesz_]-ia# 5. _dumu_ {disz}ARAD2-a-[szi-ir-ti _en_]-szu-nu 6. _iri ki_ gu-ub#-[li 1(disz)-en] _iri#_ 7. a-na ia-a-szi u3 al#-[lu usz-szi-ir]-ti 8. _lu2-dumu_ szi-<ip>-ri-ia a-na# [_lugal_] be#-li-ia 9. _erin2-mesz_ la-a yu-sza-ru# 10. u3 _lu2-dumu_ szi-ip-ri#-[ia] 11. la-a tu-sza-s,u2-na 12. u3 usz-szi-ra-szu qa-du#-mi 13. _erin2-mesz_ ri-s,u2-ti szum-ma _lugal_ 14. za-ir _iri{ki#}_-szu u3 i-zi-ba-szi 15. u3 szum-ma ia-ti-ia u3# 16. i-pa-t,a2-ra-ni-mi [u3] 17. usz-szi-ra _lu2_-ka yi-[na-s,a]-ar#-szi 18. mi-nu-mi la-a yu-da-nu# 19. isz-tu _e2-gal#_ mi-im-mu# 20. a-na ia-szi asz-ma _erin2-mesz_ ha-ti# 21. u3 i-sza-ra-pu _kur-mesz#_ [a]-na# _ne_ 22. asz-tap-par2 asz-ta-ni la-a 23. ia-tu-ru-na a-wa-tu 24. a-na ia-a-szi s,a-ab-tu 25. ka-li _kur-mesz lugal be_-ia 26. u3 qa-al be-li isz-tu-szu-nu 27. u3 a-nu-ma i-na-na tu-ba-lu-na _erin2-mesz kur-mesz_ ha-ti 28. a-na# s,a-bat#-ti _iri ki_ gub-[li] 29. u3 mi-lik a-na _iri ki#_-[ka] 30. u3 la-a-mi yi-isz-mi# 31. _lugal#_ a-na _lu2-mesz_ mi-lim gab2-bi _ku3-babbar_ u _ku3-sig17 lugal_ 32. ta-di-nu-ni a-na _dumu-mesz_ ARAD2-a-szi-ir-ti 33. u3 szu-a-ti ta-di-nu-ni _dumu-mesz_ {disz}ARAD2-a-szi-ir-ti 34. a-na _lugal_-ri da-an-ni u3 ki-na-na da-nu
Total 1 record(s)