&P271039 = EA 038 #atf: lang akk @tablet @obverse 1. a-na _lugal_-ri _kur_ mi-is,-ri _szesz_-ia qi2-bi2-ma 2. um-ma _lugal_-ri _kur_ a-la-szi-ia _szesz_-ka-ma 3. a-na ia-szi szul-mu u3 a-na ka-sza lu-u2 szul-mu 4. a-na _e2_-ka _munus-us2-mesz_-ka _dumu-mesz_-ka _ansze-kur-ra-mesz_-ka 5. _{gesz}gigir-mesz_-ka u3 i-na ma-a-du _erin2-mesz_-ka 6. _kur-kur_-ka _lu2-mesz gal-gal_-ka dan-nesz lu-u2 szul-mu $ single ruling 7. am-mi-ni _szesz_-ia a-wa-ta an-ni-ta 8. a-na ia-szi ta-qab-bi szu-u2 _szesz_-ia 9. la-a i-de4-szu a-ya-ma an-ni-ta la-a i-pu-usz 10. a-na-ku e-nu-ma _lu2-mesz_ sza _kur_ lu-uk-ki 11. sza-at-ta sza-ta-ma i-na _kur_-ia _iri#_ zi#-ih-ra 12. i-le2-qe3 $ single ruling 13. _szesz_-hi at-ta ta-qab-bi a-na ia-szi 14. _lu2-mesz_ sza _kur_-ka it-ti-szu-nu i-ba-asz-szi 15. u3 a-na-ku _szesz_-ia la-a i-de4-disz# ki#-i# it#-ti#-szu#-nu# 16. i-ba-asz-szi szum-ma i-ba-asz-szi _lu2-mesz_ sza _kur_-ia 17. u3 at-ta a-na ia-szi szu-pur u3 a-na-ku 18. ki-i lib3-bi-ia e-pu-usz $ single ruling 19. at-ta-ma la-a ti-te-e _lu2-mesz_ sza _kur_-ia# 20. la-a e-pu-usz a-ma-ta an-ni-ta szum-ma 21. i-pu-szu _lu2-mesz_ sza _kur_-ia u3 at-ta ki-i lib3-bi-ka 22. e-pu-usz $ single ruling 23. e-nu-ma _szesz_-ia ki-i _{lu2}dumu-kin_-ri-ia 24. la-a ta-asz-pur t,up-pu an-ni-tu4 _szesz_ sza _lugal_ 25. li#-isz-pur sza e-pu-usz# _{lu2#}dumu-kin_-ri-ka 26. i-qab-bu-ni $ single ruling @reverse 1. sza-ni-tam a-i-tum a-ba-e-ka3 a-na 2. a-ba-e-ia i-na pa2-na-ni e-pu-szu 3. a-ma#-<ta> an-ni-ta u3 i-na-an-na _szesz_-ia 4. la-a ta-sza-ka3-an i-na lib3-bi-ka $ blank space
Total 1 record(s)