&P271076 = EA 109 #atf: lang akk @tablet @obverse 1. [{disz}]ri#-ib-{d}iszkur [iq-bi] a-na _en_-szu 2. _lugal kur-mesz lugal [gal] {d}nin_ sza _iri_ gub-la 3. ti-di-in4 _kal-ga_ a-na _lugal en_-ia 4. a-na _giri3-mesz en_-ia _{d}utu_-ia 7(disz)-szu 5. [7(disz)]-ta-an am-qu2-ut pa-na-nu 6. _lugal# kur_ mi-ta-na nu-kur2 a-na a-bu-ti-ka 7. u3 la-a yi#-na-mu-szu-na# 8. [a]-bu-tu-ka isz-tu a-bu#-ti#-[ia] 9. [u3] an-nu-u2 _dumu-mesz# ARAD2#_-a-szi-ir-ta 10. _ARAD2# ur-ku_ la#-[qu2] _iri-mesz lugal_-ri u3 11. [_iri]{ki}-mesz_ ha#-za#-ni-szu ki-ma lib3-bi-szu-nu 12. [_iri_] ar#-[da]-ta a-na sza-szu-nu 13. [yi-il3-ti-qu2] szu-nu u3 qa-la-ta 14. [a-na ip-szi]-szu#-nu i-nu-ma ti-isz3-me 15. [u3 _iri_ ul]-la#-sa3 la-qu2 a-na-ku aq-bu 16. [szum-ma _u4]-kam2#-mesz_ yi-isz-mu _lugal_-ru 17. [u3 _u4]-kam2#-mesz_ yi-il3-te9-qu2-szu-nu 18. [u3 szum]-ma mu-sza yi-isz-mu u3 19. [mu]-sza# yi-il3-te9-qu2 szu-nu ki-na-[na] 20. [ka]-iax(ASZ)# a-na-ku i-na lib3-bi-ia la-qu2# 21. [_nig2]-ga# lu2-mesz_ ha-za-ni-ka u3 _lu2#-[mesz_ ...] 22. [_{gesz}]gigir#-mesz_-ka u3 _lu2-mesz_ wi-e-[ma la]-qu2# 23. [u3] qa-la-ta ki-na-na ka-iax(ASZ)#-[nu] 24. [lib3]-bi-szu-nu u3 ar-na ar#-[na-ma] 25. tu#-ba-u2!-na u3 an-nu-u2 nu#-[kur2] 26. it#-ti-ia u3 s,a-ab-tu [1(u) 2(disz) _lu2-mesz_-ia] ki-li 27. u3# ra-ak-szu-<szu>-nu i-na _e2#_ [...] 28. szu-nu u3 sza-ak-nu ip-[ti-ra] 29. be#-ri-nu 5(u) _ku3-babbar_ u3 [...] 30. [a]-mur# la#-qi2#-ti# isz-tu e [...] 31. [...] x [...] x [...] @reverse 1. [...] u2 [...] 2. [szu]-nu ti-la-qu2-na# u3 [...] 3. szu#-nu sza-ra-qu2-ma u3 [...] 4. i-de {disz}ia-an-ha-mu _lu2_ [...] 5. _lugal_-ru sza-ak-nu-szu i-na x 6. :" tu-uh-nu u3 _lu2_ wi-a ti-di#-[nu] 7. i-na _kur_ su-ba#-ri i-na lu-qi 8. a-na a-ka-li-szu-nu a-mur 9. a-na-ku _ARAD2_ ki-ti a-na _lugal_-ri [u3] 10. ia-nu ki-ma ia-ti-ia _ARAD2_ a-na 11. _lugal_-ri pa-na-nu da-ga-li-ma 12. _lu2#-kur_ mi-is,-ri u3 in4-<na>-ab-tu 13. _lugal#-mesz kur_ ki-na-ah#-ni isz-tu pa-ni#-[szu] 14. [u3] an-nu-u2 _dumu-mesz_ {disz}ARAD2-a-szi-ir#-[ta] 15. [ti]-da!-lu-na _lu2-mesz kur_ mi-is,-ri# [ki-ma] 16. [_ur]-ku-mesz_ da-mi-iq mu-tu a-[na ia]-szi 17. [u3] isz-mu lum-<na> a-na _en_-ia u3 18. [_ti-la] zi#_-ia# ka-li _dingir-mesz_-nu 19. [u3 _{d}nin_] sza# _iri_ gub-la{ki} 20. _ti#-la_ u3#? [szu]-ut# _lu2_ sza-a yu-ba-u2 21. lum#-na a-na# _en#_-szu# szum-ma du-na du-na-ma 22. [u2]-ba-u2 a-na-ku [a]-na# _en_-ia 23. sza-ni-tam la-a i-li-[u2] szu#-ri-ib 24. _lu2_-ka an-nu-u2 a-na _iri_ s,u#-mu#-ra# 25. ka-li _iri-mesz_-ia nu-kur2 a-na ia#-[szi] 26. it-ti _dumu-mesz_ {disz}ARAD2-a-szi-ir-ta 27. ki-na-na da-nu u3 _lu2-mesz_ 28. ha#-za-nu-tu u2-ul# tar-s,a it-ti-ia 29. [i]-nu#-ma {disz}ha-[ia u3 {disz}a]-ma-an-ap-[pa] 30. [a]-s,i2 isz-tu# [_iri_ s,u]-mu-ra 31. qa#-du _uruda#_ [u3 ... _x]-mesz_-szu 32. [a-na _iri_ gub]-la# @left 1. [...] 2. [...] 3. [...] ti#-iq-ta#-[bu] 4. [... _ARAD2_] ki#-[it-ti-ka a]-na-ku
Total 1 record(s)