&P271206 = EA 106 #atf: lang akk @tablet @obverse 1. {disz}ri-ib-{d}iszkur iq-bi a-[na _be_-szu] 2. _lugal_-ri _kur{ki}-hi-a_ a-na _giri3-mesz [be_-ia _lugal_]-ri# 3. 7(disz)-szu u3 7(disz)-ta-a-an am-[qu2-ut] 4. a-mur _iri_ gub-la _iri{ki}_ ki-it#-[ti isz-tu] da-ri-ti 5. be#-li-ia _{d}utu kur-kur{ki}-didli_ u3 6. [a]-mur a-na-ku _{gesz}giri3-gub_ sza _giri3-mesz_-pi2 7. _lugal be_-ia a-na-ku u3 _ARAD2_ ki-it-ti-szu 8. a-nu-ma _iri_ s,u-mu-ur nu-kur2-_tu4-mesz ma-gal_ 9. _kal-ga ugu_-szi u3 _ugu_-ia _kal-ga_-at 10. u3 a-nu-ma i-na-an-na szi-ih-t,a2-at 11. _iri_ s,u-mu-ur a-di a-bu-li-szi 12. sza-ha-at,-szi i-le-u2 u3 s,a-bat-szi 13. la i-le-u2 sza2-ni-tam a-na mi-nim 14. yi-isz-tap-ru {disz}ri-ib-{d}iszkur ki-na-an-na-ma 15. _dub2_-pa a-na _e2-gal_ ma-an-ga isz-tu a-hi-szu-_mesz_ 16. _ugu iri_ s,u-mu-ur a-mur a-na-ku 17. nu-kur2-tu4 _ugu_-ia 5(disz) _mu-mesz_ u3 ki-na-an-na 18. isz#-tap#-ru a-na _be_-ia a-mur a-na-ku u2-ul# 19. ki#-ma# {disz}ia-pa-ah-{d}iszkur u3 u2-ul ki-[ma] 20. {disz}[zi]-im#-re-da gab2-bi _szesz-mesz_ pa-ta#-[ru] 21. _ugu#_-ia nu-kur3-tu4 _ugu iri_ s,u-mu-[ur] 22. u3 a-nu-ma i-na-an-na mi-it _{lu2}maszkim2#_-szi 23. [u3] a-nu-ma a-na-ku i-na-an-na mar#-s,a#-ku# 24. u3 i-ba-sza-ti i-na [_iri_ s,u-mu-ur] 25. [u3] gab2#-bi _lu2-mesz_-szi en#-[na-bi-tu] 26. [u3 lu]-wa-szi-ra be-li# [_{lu2}maszkim2_] 27. [u3] _erin2#_ it-ti-szu ki-ma# [ar-hi-isz] @reverse 1. [u3 li-is,]-s,ur-szi u3 a-na-ku la u2-[s,u-u2?] 2. [yi]-na-mu-usz-mi bi-ri-szu-ni sza x x 3. u3 ki-i i-qa-bu _lugal_ a-na mi-nim isz-tap-ru# 4. {disz}ri-ib-{d}iszkur _dub2_-pa a-na ma-har be-li-szu# 5. _ugu_ lu-um-ni sza pa-na-nu-um i-ne2-pu#-[szu] 6. u3 a-nu-ma i-na-an-na la i-ne2-pu-[usz?] 7. ki-szu-ma i-na-an-na a-na ia-a-szi 8. sza2-ni-tam li-it-ri-is, a-na pa-ni be-li#-[ia] 9. u3 lu-wa-szi-ra {disz}ia-an-ha-ma 10. i-na _{lu2}maszkim2_-szi {disz}ia-an-ha-ma 11. mu-s,a-li-il3 _lugal_ be-li-ia i-sze20-me2 12. isz-tu _uzu-ka lu2-mesz_-tum _lu2_ em-qu2 szu-ut 13. u3 gab2-bi _lu2-mesz_ i-ra-'a4-mu-szu 14. sza2-ni-tam li-it-<ri>-is, a-na _be en_-ia 15. u3 lu-wa-szi-ra 2(u) ta-pal sza _sig_-qu2 16. _ansze-kur-ra_ a-na _ARAD2_-szu ma-du _lu2-mesz_ 17. it-ti-ia asz-szum-ma a-la-ki-ia 18. a-na nu-kur2-_ti-mesz lugal be_-ia sza2-ni-tam 19. gab2-bi _iri{ki}-hi-a_-ia sza i-qa-bi a-na pa-ni _en_-ia 20. i-di be-li szum-ma ta-ru i-na _u4-kam2_ 21. pa-t,a2-ar _erin2-mesz ki-kal-kib_ be-li-ia# 22. na-ak-ru gab2-bu $ single ruling
Total 1 record(s)