&P272913 = ARM 02, 001 #atf: lang akk @tablet @obverse 1. a-na ia-as2-ma-ah-{d}iszkur 2. qi2-bi2-ma 3. um-ma {d}utu-{d}iszkur# a-bu-ka-a-ma 4. _uruda_ a-na za-am-ra-tim# e-pe2-szi-im 5. ad-di-na-kum i-na-an-na t,up-pi2 an-ne2-e-em 6. i-na sze-me-e-<em> a-na ma-ri{ki} szu-pu-ur-ma 7. {gesz}za-am-ra-tim ep-sze-tim 8. sza _uruda_ sza ad-di-na-kum 9. ar-hi-isz a-na s,e-ri-ia li-ib-lu-nim 10. sza-ni-tam i-na ha-na.mesz sza tu-ub-ba-bu 11. 4(disz) me s,a-ba-am dam-qa-am a-na _ka2 e2-gal_-li-ia 12. a-na u2-zu-zi-im s,a-ba-at 13. i-na li-ib-bi s,a-bi-im sza-a-ti 14. 2(disz) me s,a-bu-um _1(disz) ku5_ 15. lu-u2 _dumu-mesz lu2-mesz_ dam-[qu2]-tim# @reverse 1. u3 2(disz) me s,a-bu-um _1(disz) ku5#_ 2. lu-u2 _lu2-mesz_ et,-lu-tum la-ap#-nu-tum 3. na-aq-du-u2 _lu2-mesz_ et,-li-tim 4. la-ap-nu-tim a-na-ku 5. i-na _e2-gal_-lim dam-qi2-isz a-pa-qi2-id 6. u3 _dumu-mesz lu2-mesz_ dam-qu2-tim 7. i-na _e2-hi-a_ a-bi-szu-nu-ma 8. usz-ta-al-la-mu 9. u3 ha-na_-mesz_ ar-hi-isz 10. ub-bi-ib it-ti ia-ri-im-{d}iszkur 11. szi-ta-al-ma u2-lu-u2 i-na ga-asz-szi-im{ki} 12. u2-lu-ma i-na szu-ur2-im{ki} a-szar mu-u2 13. i-ba-asz-szu-u2 li-ip-hu-ur 14. s,a-bu-um sza a-ah {i7}buranun 15. [i-na sa]-ga#-ra-tim{ki} li-ip-hu-ur @left 1. _kaskal_ a-na re-esz _iti_ u3 ki-ma sza asz-pu-ra-kum 2. at-ta it-ti-ia ta-al-la-ak 3. e-nu-ut-ka lu na-sze-ta t,e4-em-ka lu s,a-bi-it
Total 1 record(s)