&P293426 = JCS 01, 007-023 #atf: lang sux #link: def A = Q000365 = Gilgamesh and Huwawa, version A @tablet @obverse 1. en-e kur lu2 ti-la-sze3 gesztu2-ga-ni na-an-gub >>A 1 2. en {d}bil4-ga-mes-e kur lu2 ti-la-sze3 gesztu2-ga-ni na-an-gub >>A 2 3. arad-da-ni en-ki-du10-ra gu3 mu-un-na-de2-e >>A 3 4. en-ki-du10 murgu gurusz-e ti-la sag til#-bi-sze3 la-ba-ra-an-e3-a >>A 4 5. kur-ra ga-an-ku4 mu-gu10 ga-am3-gar >>A 5 6. ki mu gub-bu-ba-am3 mu-gu10 ga-bi2-ib-gub >>A 6 7. ki mu nu-gub-bu-ba-am3 mu digir-re-e-ne ga-bi2-ib-gub >>A 7 8. arad-da-ni en-ki-du10-e inim mu-un-ni-ib-gi4-gi4 >>A 8 9. lugal-gu10 tukum-bi kur-ra i-in-ku4-ku4-de3-en / {d}utu he2-me-da-an-zu >>A 9 10. {d}utu szul {d}utu he2-me-da-an-zu >>A 10 11. kur-ra dim2-ma-bi {d}utu-kam >>A 11 12. kur-{gisz}eren-ku5 dim2-ma-bi szul {d}utu-kam {d}utu he2-me-da-an-zu >>A 12 13. {d}bil4-ga-mes masz2 babbar2-ra szu im-mi-in-tag >>A 13 14. masz2-si4 masz2-da-ri-a gaba-ni ba-an-tab >>A 14 15. szu-ni gidri ku3 kiri3-na ba-da-gal2 >>A 15 16. {d}utu-an-na-ra gu3 mu-un-na-de2-e >>A 16 17. {d}utu kur-sze3 i-in-ku4-ku4-de3-en a2-dah-gu10 he2-me-en >>A 17 18. kur-{gisz}eren-ku5-sze3 i-in-ku4-ku4-de3-en a2-dah-gu10 he2-me-en >>A 18 @reverse 1. {d}utu an-na-ta inim mu-un-ni-ib-gi4-gi4 >>A 19 2. gurusz dumu-gi7 ni2-zu-a he2-me-en kur-ra a-na-bi-me-en >>A 20 3. {d}utu inim ga-ra-ab-du inim-gu10-sze3 gesztu2-zu >>A 21 4. silim ga-ra-ab-du11 gizzal |HA.QA| he2-em-szi-ia-a5 >>A 22 5. iri{ki}-ga2 lu2 ba-usz2 sza3 ba-sag3 >>A 23 6. lu2 u2-gu ba-an-de2 sza3-gu10 ba-an-gi4 >>A 24 7. bad3-da gu2-gu10 im-ma-an-la2 >>A 25 8. ad6 a-a i7 i3-ib2-diri-ge igi im-ma-an-sze3 >>A 26 9. u3 ge26-e ur5-gim nam-ba-ak-e ur5-sze3 he2-me-a >>A 27 10. lu2 sukux(SUKUD)-da an-sze3 nu-mu-un-da-la2 >>A 28 11. lu2 dagal-la kur-ra la-ba-an-szu2-szu2 >>A 29 12. murgu gurusz-e ti-la sag til-bi-sze3 la-ba-ra-an-e3-a >>A 30 13. kur-ra ga-an-ku4 mu-gu10 ga-am3-gar >>A 31 14. ki mu gub-bu-ba-am3 mu-gu10 ga-bi2-ib-gub >>A 32 15. ki mu nu-gub-bu-ba-am3 mu# digir-re-e-ne ga-bi2-ib-gub >>A 33 16. {d}utu er2-na kadra-gin7 szu ba-an-szi-in-ti >>A 34 17. lu2 arhusz-a-gin7 arhusz ba-ni-in-ak >>A 35 18. ur-sag dumu ama dili inim-me-esz >>A 36
Total 1 record(s)