&P339001 = ARM 06, 064 #atf: lang akk @tablet @obverse 1. a#-na# be-li2-ia qi2-bi2-ma 2. um-ma ba-ah-di-li-im _ARAD2_-ka-a-ma 3. asz-szum sza _lu2-kur2_ ba-za-ha-tam id-da-ar-sa3-am-ma 4. u3 s,a-ba-am sza ki-ma la-pa-tim il-pu-tu 5. sza be-li2 isz-pu-ra-am a-na an-ni-tim [be]-li2# 6. la i-'a4-ad-da-ar i-na s,a-bi-im ki-bi-it-[tim] 7. ba-za-ha-tam i-la-ap-pa-tu u3 s,a-[ba-am] 8. i-la-ap#-pa-tu-ma a-na an-ni-tim be#-[li2] 9. pa-an {d}da-gan {d}utu u3 {d}iszkur-ma be-li2 li-ta#-[ap-li-is] 10. a-di pa-an {d}da-gan {d}utu u3 {d}iszkur 11. be-li it-ta-na-ap-la-su a-na _{gesz}tukul-hi-a_ e-pe2-szi-im 12. be-li2 la i-ha-am-mu-ut, u3 _lu2-kur2_ sza-a-tu be-li2 la i?-x-du 13. i-ta-ab-bu-lu-um-ma li-ta-ab-ba-al-szu i-nu-[ma] 14. {d}da-gan {d}utu u3 {d}iszkur _dingir-mesz_ an-nu-tu# 15. a-an-nam i-ta-ap-lu-ka u3 te-re-tu-ka# [sza-al-ma] 16. i-na u4-mi-szu be-li2 _{gesz}tukul-hi-a_ [li-pu-usz] 17. isz-tu i-na ha-al-s,i2#-[ia-ma] @reverse 1. szu-ul-mu-um be-li2 la i-[na-a4'-'i3-id] 2. be-li2 li-it-ta-al-la#-[ka-am] 3. i-na qa-at be-li2-ia a#-[na-ku-ma] 4. a-na zi-im te-re-ti-ka a-ta-[al-la-ak] 5. u3 mi-nu-um an-ne2-e-ta-an sza i-na# [um-ma-na-tim] 6. qa-al-la-tim i-na ba-za-<ha>-tim be-li2 i-la-ku 7. isz#-tu#-ma li#-ib#-bi i'2-'i3-du na-s,a-ar pa-ag-ri-im u2-ul 8. ad#-[di] am#-mi-nim be-li2 x a x [x-x] qa#-du# ba-za-ha-tim [qa]-la#-tim 9. i-la#-[ku-u2] i-na ki-bi-it-tim-ma be-li2 li#-[il-li-ik] 10. sza-ni-tam s,a-bu-um pa-t,e4-ru ib-szu-ma 11. u3 i-na a-la-ne2-e iq-bu-nim-ma 12. s,a-ba-am sza ki-ma i-mu-ru-nim 13. u2-sza-a'2-'i3-id u3 at,-ru-dam 14. a?-wa?-tim be-li2 a-na _lu2 gal mar-tu-mesz_ 15. u3 _gal ku5-mesz_ li-da-an-ni-in-ma li#-hi-t,u2-ma 16. u3 s,a-ba-am i-na qa-ti-szu-nu 17. la u2-wa-sza-ru-nim
Total 1 record(s)