&P371220 = RINBE 2, Nabonidus 28, ex. 11 #atf: lang akk @object cylinder @surface a @column 1 1. a-na-ku {d}na-bi#-um-na-'i-id _lugal_ ra-bu-u2 _lugal_ dan-nu 2. _lugal_ kisz#-sza2#-tum# _lugal_ babila2{ki} _lugal_ kib-ra-a-tu2 er-bet-ti 3. za-ni-in e2-sag-il2 u3 e2-zi-da 4. sza {d}suen u3 {d}nin-gal i#-na _sza3_ um-mi-szu 5. a-na szi-ma-at _lugal_-u2-ti i-szi-mu szi-ma-at-su 6. _dumu_ {disz}{d}na3-tin-su-iq#-bi _nun_ e-em-qa2 pa-li-hu _dingir gal-gal_ a-na-ku 7. e2-hul2-hul2 _e2 {d}suen_ sza2 qe2-er-ba {iri}har-ra-nu 8. sza ul-tu u4-mu# s,a-a-ti {d#}suen# _en_ ra-bi2-u3 9. szu-ba-at t,u-ub# lib3#-bi-szu ra-mu-u2 qe2-re-eb-szu 10. e-li _iri_ u3# _e2_ sza-a-szu lib3-bu-usz i-zu-uz-ma 11. um-man-ma-an#-du# u2-szat-ba-am-ma _e2_ szu-a-tim ub-bi-it-ma 12. u2-sza-lik#-szu kar-mu-tu i-na pa-le-e-a ki!(DI) i-nim 13. {d}suen _en# gal_-u2 i-na na-ra-am _lugal_-u2-ti-ia 14. a-na _uru#_ u3 _e2_ sza-a-szu is-li-mu ir-szu-u2 ta-a-a-ri 15. i-na# re-esz _lugal_-u2-ti-ia da-ri2-ti u2-szab-ru-'i-in-ni szu-ut-ti 16. {d#}marduk# _en gal_-u2 u3 {d}suen na-an-na-ri _an_-e u3 _ki!(DI)_-tim 17. iz#-zi-zu ki-lal-la-an {d}marduk i-ta-ma-a it-ti-ia 18. {d}na3-ni2-tuku _lugal_ babilax(|TIN.TIR|){ki} i-na _ansze-kur-ra_ ru-ku-bi-ka 19. i-szi _sig4-hi-a_ e2-hul2-hul2 e-pu-usz-ma {d}suen _en gal_-u2 20. i-na qe2-er-bi-szu szu-ur-ma-a szu-ba-at-su 21. pa#-al-hi-isz a-ta-ma-a a-na {d}en-lil2 _dingir-mesz_ {d}marduk 22. _e2#_ szu-a-tim sza ta-aq-bu-u2 e-pe-szu 23. um#-man-ma-an-du sa-hi-ir-szum-ma pu-ug-gu-lu e-mu-qa2-a-szu 24. [x] _amar#-utu_-ma i-ta-ma-a it-ti-ia um-man-ma-an-du sza2 taq-bu-u2 25. [x x]-szu# _kur#_-szu# u3# _lugal#-mesz#_ a-lik i-di-szu2 ul i-ba-asz2-szi 26. [...]-lu-ul-ti _mu-an-na#_ i#-na ka-sza2-du 27. [...]-nisz-szum-ma {disz}ku-ra-asz2 _lugal_ {kur}an-za#-an# _ARAD_-su s,a-ah#-ri# 28. i-na um#-ma#-ni#-szu# i#-s,u#-tu# um#-man#-ma#-an#-du# rap#-sza2-a-ta u2#-sap-pi-ih 29. {disz}isz-tu-[x x] _lugal#_ um-man-ma-an-du is,-ba-at-ma ka#-mu#-ut-su a-na _kur_-szu il-qe2# 30. a-mat {d}en [...] u3 {d}suen na-an-na-ri _an_-e u3# [x]-tim# 31. sza2 qi2-bi-[...]-nen#-nu-u2 a-na qi2-bi-ti-szu2-nu s,ir#-ti# 32. ap#-la#-[...]-ti# ar-sze-e-ma dul-lu-hu# pa-nu-u2-a 33. la e-gi# la# [...]-hi# la ad-da u2#-szat#-ba-am-ma 34. um-ma-ni-ia rap-sza2-a-ti# ul#-tu# {kur#}ha-az-za-ti pa-at, {kur}mi-s,ir 35. tam-tim e-li-ti a-bar-ti {i7#}buranun#{ki} a-di tam-tim szap-li-ti 36. _lugal-mesz ug3-mesz szagina-mesz_ u3# um-ma-ni-ia rap-sza2-a-ta 37. sza# {d}sin {d}utu u3 {d}isz-tar _en#-mesz_-e-a ia-ti i-qi2-pu-nu 38. a-na e-pe-szu e2-hul2-hul2# _e2_ {d}suen _en_-ia a-lik i-di-ia 39. sza qe2-reb {iri}har-ra-nu sza2 {disz}an-szar2-ba#-an-ibila _lugal kur_ asz-szur{ki} 40. _dumu_ {disz}an-szar2-szesz-mu _lugal kur_ asz-szur{ki} _nun_ a#-lik mah-ri-ia i-pu2-szu 41. i-na _iti_ sza2-al-mu i-na u4-mu# sze-mi-i 42. sza i-na bi-ri u2-ad-du-ni {d}utu# u3 {d}iszkur 43. i-na ne2-me-qu {d}e2-a u3 {d}asal-lu2-hi i#-na ka-ku3-gal2-u2-tu 44. i-na szi-ip-ri {d}kulla _en_ usz-szu u3# _sig4-hi#-a#_ 45. i-na# _ku3-babbar ku3-sig17 na4_ ni-siq-ti szu-qu-ru-tu# hi-bisz-ti# [x x] 46. _szim-hi-a {gesz}erin_ i-na hi-da-a-ti u3# ri-sza2#-a#-[x] 47. e-li te-me-en-na sza {disz}an-szar2-ba-an-ibila# _lugal# kur_ asz-szur#{ki} 48. sza te-me-en-na {disz}szul-ma-an-a-sza2-red _dumu#_ {disz#}an-szar2-na-s,ir-ibila i-mu-ru 49. usz-szu-szu ad-di-ma u2-ki#-in# lib-na-at#-su @column 2 1. i-na _kasz-sag gesztin i3-gesz lal3_ szal-la-ar-szu am-ha-as,-ma 2. ab-lu-ul ta-ra-ah-hu-usz 3. e-li sza2 _lugal-mesz_ ab-be2-e-a ep2-sze-ti-szu u2-dan-nin-ma 4. u2-nak-ki-lu szi-pi2-ir-szu _e2-kur_ szu-a-tim 5. ul-tu te-me-en-ni-szu a-di gaba-dab-bi-szu 6. e-esz-szi-isz ab-ni-ma u2-szak-lil szi-pir-szu 7. _gesz-ur3 {gesz}erin_ s,i-ru-tu ta-ar-bi-it {kur}ha-ma-nu 8. u2-sza-at-ri-is, s,e-ru-usz-szu 9. _{gesz}ig-mesz {gesz}erin_ sza i-ri-is-si-na t,a-a-bi 10. u2-ra-at-ta-a i-na _ka2-ka2_-szu 11. _ku3-babbar_ u3 _ku3-sig17 e2-gar8-mesz_-szu u2-szal-bisz#-ma u2-sza2-an-bi-it, {d}utu-szi-nisz 12. ri-i-mu za-ha-le-e eb-bi mu-nak-kip ga-ri-ia 13. ka-ad-ri-isz usz-zi-iz i-na at-ma-ni-szu 14. 2(disz) {d}lah3-mu esz-ma-ru-u2 sa-pi-in a-a-bi-ia 15. i-na _ka2_ s,i-it {d}utu-szi _za3_ u3 _gub3_ u2-szar-szi-id 16. qa2-ti3 {d}sin {d}nin-gal {d#}nusku u3 {d}sa-dar3-nun-na 17. _en-mesz_-e-a ul-tu szu-an-na{ki} _iri lugal_-ti-ia as,-bat-ma 18. i-na hi-da-a-ti u3 ri-sza2-a-ti 19. szu-ba-at t,u-ub lib3-bi qe2-er-ba-szu u2-sze-szi-ib 20. _{udu}siskur2_ tasz-ri-ih-ti eb-bi ma-har-szu2-nu aq-qi2-ma 21. u2-szam-hi-ir ka-ad-ra-a-a e2-hul2-hul2 re-esz-ti u2-mal2-li-ma 22. {iri}har-ra-nu a-na pa-at, gi-mi-ri-szu 23. ki-ma s,e-et _iti_ u2-nam-mi-ir sza2-ru-ru-szu 24. {d}suen _lugal dingir-dingir_ sza2 _an_-e u3 _ki_-tim 25. sza ul-la-nu-usz-szu _iri_ u3 _kur_ la in-nam-du-u2 26. la i-tu-ur-ru asz2-ru-usz-szu 27. a-na e2-hul2-hul2 _e2_ szu-ba-at la-le-ka i-na e-re-bi-ka 28. _saga_-ti3 _iri_ u3 _e2_ sza2-a-szu li-isz-sza2-ki-in szap-tuk-ka 29. _dingir-mesz_ a-szi-bu-tu _an_-e u3 _ki_-tim 30. li-ik-ta-ra-bi _e2_ {d}sin a-bi ba-ni-szu-un 31. ia-a-ti {d}na3-ni2-tuku _lugal_ babilax(|TIN.TIR|){ki} mu-szak-lil _e2_ szu-a-tim 32. {d}sin _lugal dingir-mesz#_ sza2 _an_-e u3 _ki_-tim i-na ni-isz i-ni-szu _saga-mesz_ 33. ha-di-isz# lip-pal-sa-an-ni-ma ar2-hi-szam-ma i-na ni-ip-hi u3 ri-ba 34. li#-dam-mi-iq it-ta-tu-u2-a _u4-mesz_-ia li-sza2-ri-ik 35. _mu#-an-na-<mesz>_-ia li-sza2-an-di-il li-ki-in pa-lu-u2-a 36. nak#-ru-ti-ia lik-szu-ud {lu2}za-ma-ni-ia li-sza2-am-qi-it 37. li-is-pu-un {lu2}ga-ri-ia {d}nin-gal _ama dingir gal-gal_ 38. i-na ma-har {d}sin na-ra-mi-szu li-iq-ba-a ba-ni-tum 39. {d}utu u3 {d}isz-tar s,i-it lib3-bi-szu nam-ri 40. a#-na {d}suen a-bi ba-ni-szu2-un li-iq-bu-u2 _saga_-ti3 41. {d}nusku# _sukkal_ s,i-i-ri su-pe-e-a li-isz-me-e-ma 42. li-is,#-ba#-at a-bu-tu mu-sa-ru-u2 szi-t,ir szu-um 43. sza {disz}an#-szar2#-ba-an-ibila _lugal kur_ asz-szur{ki} a-mu-ur-ma 44. la u2-nak#-ki#-ir _i3-gesz_ ap-szu-usz _{udu}siskur2_ aq-qi2 45. it-ti _mu-sar#_-re-e-a asz2-ku-un-ma u2-te-er asz2-ru-usz-szu 46. a-na {d}utu# da-a-a-nu sza2 _an_-e u3 _ki_-tim 47. e2-babbar-ra _e2#_-su sza qe2-re-eb zimbir{ki} 48. sza {d}na3-nig2#-gub#-uru3 _lugal_ mah-ri i-pu-szu-ma 49. te-me-en-szu la#-bi-ri u2-ba-'u-u2-ma la i-mu-ru 50. _e2_ szu-a-tim i#-pu-usz-ma i-na 4(u) 5(disz) _mu-an-na-mesz_ 51. sza _e2_ szu-a#-tim# i-qu-pu i-ga-ri-szu ak-ku-ud 52. asz2-hu-ut na-qu2#-ut-ti ar-sze-e-ma dul-lu-hu pa-nu-u2-a 53. a-di {d}utu ul#-tu qe2-er-bi-szu u2-sze-s,u-u2 54. u2-sze-szi-bu# i-na _e2_ sza2-nim-ma 55. _e2_ szu-a-tim ad#-ke-e-ma te-me-en-szu la-bi-ri u2-ba-'i-i-ma 56. 1(u) 8(disz) _kusz3_ qa2#-qa2-ri u2-szap-pil-ma te-me-en-na {disz}na-ram-{d}suen 57. _dumu_ {disz}lugal#-gi#-na sza2 3(disz) _lim_ 2(disz) _me mu-an-na-mesz_ ma-na-ma _lugal_ 58. [...]-ri-ia <la> i-mu-ru {d}utu _en gal_-u2 e2-babbar-ra 59. [...]-at# t,u-ub lib3-bi-szu u2-kal-lim-an-ni ia-a-szi 60. [x x] {iti#}du6 i-na _iti_ sza-al-mu i-na _u4 sze-ga_ 61. [x x]-na bi-ri u2-ad-du-ni {d}utu u3 {d}iszkur# 62. i#-na# _ku3-babbar ku3-sig17 na4_ ni-siq-ti szu-qu-ru-tu 63. hi-bisz#-ti _{gesz}tir szim-hi-a {gesz}erin_ 64. i#-na hi-da-a-ti u3 ri-sza-a-ti 65. <e-li> te-me-en-na {disz}na-ra-am-{d}suen _dumu_ {disz}lugal-gi-na 66. _szu-si_ la a-s,e-e _szu-si_ la e-re-bi u2-ki-in lib-na-at-su @column 3 1. 5(disz) _lim {gesz}erin_ dan-nu-tu a-na s,u-lu-li-szu2 u2-szat-ri-is, 2. _{gesz}ig-mesz {gesz}erin_ s,i-ra-a-ti as-kup-pu u3 nu-ku-sze-e 3. i-na _ka2-ka2_-szu u2-ra-at-ti 4. e2-babbar-ra a-di e2-kun4-an-ku3-ga ziq-qur-ra-ti-szu 5. esz-szi-isz e-pu-usz-ma u2-szak-lil szi-pi-ir-szu 6. qa2-at {d}utu _en_-ia as,-bat-ma i-na hi-da-a-ti u3 ri-sza2-a-ti 7. szu-ba-at t,u-ub lib3-bi qe2-er-ba-szu u2-sze-szi-ib 8. szi-t,i-ir szu-um sza2 {disz}na-ra-am-{d}sin _dumu_ {disz}lugal-gi-na a-mu-ur-ma 9. la u2-nak-ki-ir _i3-gesz_ ap-szu-usz _{udu}siskur2_ aq-qi2 10. it-ti mu-sa-re-e-a asz2-ku-un-ma u2-te-er asz2-ru-usz-szu 11. {d}utu _en gal_-u2 sza2 _an_-e u3 _ki_-tim nu-ur2 _dingir-mesz_ ab-be2-e-szu 12. s,i-it lib3-bi sza {d}suen u3 {d}nin-gal 13. a-na e2-babbar-ra _e2_ na-ra-mi-ka i-na e-re-bi-ka 14. _bara2_-ka da-ru-u2 i-na ra-me2-e-ka 15. ia-ti {d}na3-ni2-tuku _lugal_ babilax(|TIN.TIR|){ki} _nun_ za-ni-in-ka 16. mu-t,i-ib lib3-bi-ka e-pi2-isz ku-um-mi-ka s,i-i-ri 17. e-ep-sze-tu-u2-a _saga-mesz_ ha-di-isz na-ap-li-is-ma 18. u4-mi-szam-ma i-na ni-ip-hi u3 ri-bi 19. i-na sza2-ma-mi u3 qaq-qa-ri du-um-mi-iq it-ta-tu-u2-a 20. un-nin-ni-ia le-qe2-e-ma mu-gu-ur ta-as,-li-ti 21. _{gesz}nig2-gidri_ u3 szi-bir-ri ki-i-nim sza2 tu-szat-mi-hi qa-tu-u2-a 22. lu-be2-el a-na du-u2-ri da-a-ri 23. a-na {d}a-nu-ni-tum _gaszan me3_ na-sza2-ta _{gesz}pan_ u3 isz-pa-ti 24. mu-szal-li-ma-at qi2-bi-it {d}en-lil2 a-bi-szu 25. sa-pi-na-at na-ak-ru mu-hal-li-qa-at rag-gu 26. a-li-ka-at mah-ri sza _dingir-mesz_ 27. sza <i-na> _{d}utu-e3_ u3 _{d}utu-szu2-a_ 28. u2-dam-ma-qu it-ta-tu-u2-a e2-ul-masz _e2_-su 29. sza i-na zimbir{ki}-{d}a-nu-ni-tum sza 8(disz) _me mu-an-na-mesz_ 30. ul-tu pa-ni {disz}sza3-ga-rak-ti-szur!(BUR) ia-asz2 _lugal_ babilax(|TIN.TIR|){ki} 31. _dumu_ {disz}nig2-gub-{d}en-lil2 _lugal_ ma-na-ma la i-pu-szu 32. te-me-en-szu la-bi-ri ah-t,u-ut,-ma a-hi-it, ab-re-e-ma 33. e-li te-me-en-na {disz}sza3-ga-rak-ti-szur!(BUR) ia-asz2 _dumu_ {disz}nig2-gub-{d}en-lil2_ 34. usz-szu-szu ad-di-ma u2-ki-in lib-na-at-su 35. _e2_ szu-a-tim esz-szi-isz e-pu-usz-ma u2-szak-lil szi-pir-szu2 36. {d}a-nu-ni-tum _gaszan me3_ mu-szal-li-mat qi2-bit {d}en-lil2 a-bi-szu2 37. sa-pi-na-at na-ak-ru mu-hal-li-qa-at rag-gu 38. a-li-ka-at mah-ri sza2 _dingir-mesz_ u2-szar-ma-a szu-bat-su 39. sat-tuk-ku u3 nin-da-be2-e e-li sza2 mah-ri 40. u2-sza2-te-er-ma u2-ki-in ma-har-szu 41. at-ta {d}a-nu-ni-tum _gaszan_ ra-bi-ti 42. a-na _e2_ szu-a-tim ha-di-isz i-na e-re-bi-ka 43. ep2-sze-tu-u2-a _saga-mesz_ ha-di-isz na-ap-li-si-ma 44. ar2-hi-szam-ma i-na _{d}utu-e3_ u3 _{d}utu-szu2-a_ 45. a-na {d}suen a-bi a-li-di-ka szu-uq-ri-ba _saga_-ti3 46. man-nu at-ta sza2 {d}sin u3 {d}utu a-na _lugal_-u2-tu i-nam-bu-szu-ma 47. i-na pa-le-e-szu2 _e2_ szu-a-tim in-na-hu-ma 48. esz-szi-isz ip-pu-szu mu-sa-ru-u2 szi-t,i-ir szu-mi-ia 49. li-mur-ma la u2-nak-ka-ar _i3-gesz_ lip-szu-usz 50. _{udu}siskur2_ li-iq-qu it-ti mu-sa-ru-u2 51. szi-t,i-ir szu-mi-szu lisz-ku-un-ma lu-te-er asz2-ru-usz-szu 52. {d}utu u3 {d}a-nu-ni-tum su-pu-u2-szu lisz-mu-u2 53. li-im-gu-ru qi2-bit-su i-da-a-szu2 lil-li-ka 54. li-szam-qi2-tu ga-ri-szu u4-mi-szam-ma 55. a-na {d}suen a-bi ba-ni-szu-un da-mi-iq-ta-szu2 liq-bu-u2
Total 1 record(s)