Update made on 2019-10-27 at 15:20:25 by Englund, Robert K. for Jeffers, Joshua; and Novotny, Jamie
&P423051 = RINAP 5/1 Ashurbanipal 009, ex. 001
#atf: lang akk
@object prism
@surface a
@column 1
1. a-na-ku {disz}an#-[...]
2. _dumu lugal_ [...]
3. sza {d}sin [...]
4. _ta sza3 ama_-szu2 [...]
5. {d}utu u {d#}[...]
6. {disz}an-szar2-pap-asz# [...]
7. a-mat _dingir-mesz#_ ti#-ik#-[...]
8. sza# iq-bu#-[x x] e-pesz# [...]
9. [...] {d}e2-a _en_ te#-[...]
10. [...] _sze-ga szum2 ninda_ [x x] gu-la
11. [x x]-hir# _ug3-mesz kur_ an-[x x] _tur#_ u _gal_
12. [x x]-tim# e-li-ti u# szap#-li-ti
13. [...]-s,ir _dumu lugal_-ti-ia
14. [x] _egir#_-nu _lugal_-ut _kur_ an-szar2{ki} e-pe-e-sze
15. [x x]-e# ni-isz _dingir-mesz_ u2-sza2-az-ki-ir-szu2-nu-ti
16. [x]-dan#-ni-na rik-sa-a-ti ina _hul2-mesz_ ri-sza2-a-ti e-ru-ub
17. [x] _e2#_ ri-du-ti asz2-ru nak-lu mar-kas2 _lugal_-u2-ti
18. sza# {disz}{d}sin-pap-mesz-su _ad ad_ a-lid-di-ia
19. _dumu lugal_-tu2 u _lugal_-tu2 e-pu-szu2 ina lib3-bi-szu2
20. a-szar {disz}an-szar2-pap-asz _ad_ ba-nu-u-a
21. qe2-reb-szu2 ib-bi-szu-u ir-bu-u e-pu-szu2 be-lut _kur_ an-szar2{ki}
22. gi-mir mal-ki ir-du-u kim-tu u2-rap-pi-szu2
23. ik-s,u-ru ni-szu-tu2 sa-la-tu
24. u3 a-na-ku {disz}an-szar2-du3-a qe2-reb-szu2 a-hu-uz
25. ne2-me-qi2 {d}ag kul-lat t,up-szar-ru-ti
26. sza2 gi-mir um-ma-ni ma-la ba-szu-u ih-ze-szu2-nu a-hi-it,
27. al-ma-ad sza2-le-e _{gesz}pan_ ru-kub _ansze-kur-ra_
28. _{gesz}gigir_ s,a-bat {kusz}a-sza2-a-ti ina a-me-lu-ti
29. _lugal-mesz_ ina u2-ma-me la-ab-bu la i-szi-hu ina _igi {gesz}pan_-ia
30. i-de e-pesz _muru2 me3_
31. kul-lu-ma-ku se-de-ru mit-hu-s,u-u-tu
32. zi-ka-ru qar-du na-ram an-szar2 u {d}isz-tar
33. li-ip-li-pi _lugal_-u2-ti a-na-ku
34. re-esz _lugal_-ti-ia ina mah-re-e ger-ri-ia
35. a-na {kur}ma2-kan-na u {kur}me-luh-ha usz-te-esz-sze-ra har-ra-nu
36. {disz}ur-da-am-ma-ne2-e' _lugal_ {kur}mu-s,ur u {kur}ku-u-si
37. a-lak ger-ri-ia isz-me-e-ma sza ak-bu-su mi-s,ir {kur}mu-s,ur
38. {iri}me-em-pi u2-masz-szir-ma a-na szu-zu-ub _zi_-ti3-szu2
39. in-na-bit a-na qe2-reb {iri}ni-i'
40. _lugal-mesz {lu2}nam-mesz_ {lu2}qe2-pa-a-ni sza {disz}an#-szar2#-pap-asz _man kur_ an-szar2{ki}
41. _ad_ ba-nu-u-a isz-tak-ka-nu qe2-reb {kur}mu-s,ur
42. ina ir-ti-ia il-li-ku-nim-ma u2-na-asz2-szi-qu _giri3-min_-ia
43. _egir {disz}ur_-da-ma-ne2-e har-ra-nu as,-bat
44. al-lik a-di {iri}ni-i' _iri_ dan-nu-ti-szu2
45. ti-ib _me3_-ia dan-ni e#-mur-ma {iri}ni-i' u2-masz-szir
46. _ni_-na-bit a-na {iri}ki-ip-ki-pi
47. ina tukul-ti an-szar2 {d}sin {d}utu {d}en {d}ag
48. {d}1(u)-5(disz) sza2 nina{ki} {d}1(u)-5(disz) sza2 limmu2-dingir{ki} {d}masz {d}u-gur u {d}nusku
49. {iri}ni-i' {iri}u2-nu a-na si-hir-ti-szu2 ik-szu-da _szu-min_-a-a
50. _ku3-babbar-mesz ku3-sig17-mesz_ ni-siq-ti _na4-mesz nig2-szu-mesz nig2-gur11 iri_ szu-a-tu ma-la ba-szu2-u
51. lu-bul-ti bir-me _gada-mesz ansze-kur-ra-mesz gal-mesz un-mesz_ zik-ra u sin-nisz
52. 2(disz) tim-me _mah-mesz_ pi-tiq za-ha-le-e eb-bi
53. sza 2(disz) _lim_ 5(disz) _me gun ki-la2_-szu2-nu man-za-az _ka2_ e2-kur
54. ul-tu man-zal-ti-szu2-nu as-suh-ma al-qa-a a-na _kur_ an-szar2{ki}
$ single ruling
55. i-na 2(disz)-e ger-ri-ia _ugu_ {disz}ba-'a-li _lugal_ {kur}s,ur-ri
56. a-szib _muru2_ tam-tim al-lik sza a-mat _lugal_-ti-ia la is,-s,u-ru
57. la isz-mu-u zi-kir szap-ti-ia
58. {iri}hal-s,u-_mesz ugu_-szu2 u2-rak-kis
59. ina tam#-tim u na-ba-li ger-re-te9-e-szu2 u2-s,ab-bit
60. nap#-szat#-su#-nu u2-si-iq u2-kar-ri
61. a-na _{gesz}szudun_-ia u2-szak-ni-is-su-nu-ti
62. _dumu-munus_ s,i-it lib3-bi-szu2 u3 _dumu-munus-mesz szesz-mesz_-szu2
63. a-na e-pesz _{munus}agrig_-u2-ti u2-bi-la a-di mah-ri-ia
64. _dumu_-szu2 sza ma-te9-e-ma ti-amtu la e-bi-ra
65. isz-te-nisz u2-sze-bi-la a-na e-pesz _ARAD_-ti-ia
66. _dumu-munus_-su u3 _dumu-munus-mesz szesz-mesz_-szu2 it-ti ter-ha-ti
67. ma#-a'-a-si# am-hur-szu2 re-e-mu ar-szi-szu2-ma
68. _dumu_ s,i-it# lib3-bi-szu2 u2-ter-ma a-din-szu2
69. {disz}ia-ki-in#-lu-u _lugal_ {iri}a-ru-u2-ad-da a-szib _muru2_ tam-tim
70. {disz}mu-gal-lu _lugal_ {kur}tab_-iri_ {disz}sa-an-di-szar-me {kur}hi-lak-ka-a-a
71. sza a-na _lugal-mesz ad-mesz_-ia la kan-szu2 ik-nu-szu2 a-na _{gesz}szudun_-ia
72. _dumu-munus-mesz_ s,i-it lib3-bi-szu2-nu it-ti nu-dun-ne2-e ma-a'-di
73. a-na e-pesz _{munus}agrig_-u2-ti a-na nina{ki}
74. u2-bi-lu-nim-ma u2-na-asz2-szi-qu _giri3-min_-ia
75. e-li {disz}mu-gal-li _ansze2-kur-ra-mesz gal-mesz_
76. ma-da-at-tu szat-ti-szam-ma u2-kin _edin_-usz-szu2
77. ul-tu {disz}ia-ki-in#-lu-u _lugal_ {iri}ar-u2-ad-da
78. il#-li-ku a-na szim-ti
@column 2
1. [...]-ni#-ba-a'-al
2. [...] tam-tim
3. [...]-lu#-nim-ma
4. [...]-qu# _giri3-min_-ia
5. [...]-al ha#-[...]-lis#-ma
6. [x x] _lugal#_-u-ti {kur}a-ru#-[...]-kun
7. [x x]-bi#-ba-a'-al {disz}a#-[x x]-ba#-a'-al
8. lu#-bul-tu bir-me u2-lab-bisz _har#-[...]-gi#_ asz2-kun
9. ina mah-ri-ia ul-zi-is-su#-nu#-ti
10. {disz}gu-ug-gu _lugal_ lu-ud#-di
11. na-gu-u2 sza2 ne2-ber-ti _a-ab-ba_ asz2-ru# ru-u-qu
12. sza _lugal-mesz ad-mesz_-ia la isz-mu-u zi-kir# _mu_-szu2
13. ni-bit _lugal_-ti-ia ina _masz2-ge6_ u2-szab-ri-szu2-ma an#-szar2 du3-u-a
14. u4-mi _masz2-ge6_ an-ni-ta e-mu-ra#
15. {lu2}rak-bu-szu2 isz-pu-ra a-na sza2-'a-al szul-mi3-ia#
16. {lu2}gi-mir-a-a _{lu2}kur2_ ek-s,u sza la ip-tal-la-hu _ad-mesz_-ia
17. u3 at-tu-u-a la is,-ba-tu2 _giri3-min lugal_-ti-ia
18. ina tukul-ti an-szar2 u {d}1(u)-5(disz) _en-mesz_-ia
19. ina {gesz}s,i-is,-s,i szat qa-ti {gesz}szi-ga-ri u2-tam-me-eh-ma
20. it-ti ta-mar-ti-szu2 ka-bit-ti u2-sze-bi-la a-di mah-ri-ia
$ single ruling
21. i-na szal-szi ger-ri-ia _ugu_ {disz}ah-sze-e-ri _lugal_ {kur}man-na-a-a
22. usz-te-esz-sze-ra har-ra-nu
23. ina qi2-bit an-szar2 {d}sin {d}utu {d}en {d}ag
24. {d}1(u)-5(disz) sza2 nina{ki} {d}1(u)-5(disz) sza2 limmu2-dingir{ki} {d}masz {d}u-gur {d}nusku
25. qe2-ru-ub {kur}man-na-a-a e-ru-ub-ma at-tal-lak szal-t,isz
26. _iri-mesz_-szu2 dan-nu-ti a-di s,e-eh-ru-ti sza ni-i-ba la i-szu-u
27. a-di qe2-reb {iri}i-zir-ti ak-szu-ud
28. ap-pul aq-qur ina {d}gesz-bar aq-mu
29. _ug3-mesz ansze-kur-ra-mesz ansze-mesz gu4-mesz_ u _u8-udu-hi-a_
30. ul-tu qe2-reb _iri-mesz_ sza2-a-tu-nu
31. u2-sze-s,a-am-ma szal-la-tisz am-nu
32. {disz}ah-sze-e-ri a-lak ger-ri-ia isz-me-e-ma
33. u2-masz-szir {iri}i-zir-tu _iri lugal_-ti-szu2
34. a-na {iri}at-ra-a-ni _iri_ tukul-ti-szu2
35. in-na-bit-ma e-hu-uz mar-qi2-tu
36. na-gu-u2 szu-a-tu ak-szu-ud
37. ma-lak 1(u) u4-me 5(disz) u4-me u2-szah-ri-ib-ma sza2-qu-um-ma-tu at-bu-uk
38. {disz}ah-sze-e-ri la pa-lih _en_-ti-ia an-szar2 u {d}1(u)-5(disz) im-nu-szu2 ina _szu-min ARAD-mesz_-szu2
39. _ug3-mesz kur_-szu2 si-hu e-li-szu2 u2-szab-szu-u2
40. ina _sila iri_-szu2 id-du-u2 _adda_-szu2
41. _egir_-nu {disz}u2-al-li-i _dumu_-szu2 u2-szib ina _{gesz}gu-za_-szu2
42. da-na-an an-szar2 {d}sin {d}utu {d}en {d}ag
43. {d}1(u)-5(disz) sza2 nina{ki} {d}1(u)-5(disz) sza2 limmu2-dingir{ki} {d}masz {d}u-gur {d}nusku
44. _dingir-mesz gal-mesz en-mesz_-ia e-mur-ma ik-nu-sza2 a-na _{gesz}szudun_-ia
45. asz2-szu2 ba-lat, _zi_-ti3-szu2 up#-[x x] up#-ta-a u2-s,a-al-la-a _en_-u2-ti
46. {disz}e-ri-si-in-ni [x] ri#-du-ti-szu2
47. a-na nina{ki} isz-pur-am#-[x x]-na#-asz2-szi-qa _giri3-min_-ia
48. re-e-mu ar-szi-szu2-ma _{lu2}a_ szip-ri-ia# sza# szul-me u2-ma-'e-er _edin_-usz-szu2
49. _dumu-munus_ s,i-it lib3-bi-szu2 u2-sze-bi-la a-na e-pesz _{munus}agrig_-u2-ti
50. ma-da-at-ta-szu2 mah-ri-ti
51. sza ina ter-s,i _lugal-mesz ad-mesz_-ia u2-szab-t,i-lu isz-szu-u-ni a-di mah-ri-ia
52. 3(u) _ansze-kur-ra-mesz ugu_ ma-da-at-ti-szu2 mah-ri-ti u2-rad-di-ma e-mi3-is-su
$ single ruling
53. i-na 4(disz)-e ger-ri-ia a-na {kur}elam-ma{ki}
54. usz-te-esz-sze-ra har-ra-nu
55. ina qi2-bit an-szar2 {d}sin {d}utu {d}en {d}ag
56. {d}1(u)-5(disz) sza2 nina{ki} {d}1(u)-5(disz) sza2 limmu2-dingir{ki} {d}masz {d}u-gur {d}nusku
57. ina _{iti}kin-{d}inanna_ szi-pir _{d}inanna-mesz iti lugal dingir-mesz_ an-szar2
58. _ad dingir-mesz_ {d}nun-nam-nir
59. _gin7_ ti-ib me-he-e ez-zi
60. ak-tum3 {kur}elam-ma{ki} a-na si-hir-ti-sza2
61. ak-kis _sag-du_ {disz}te-um-man _lugal_-szu2-nu mul-tar-hu sza2 ik-pu-da _hul_-tu
62. ina la mi3-ni a-duk qu-ra-de-e-szu2
63. ina _szu-min ti-mesz_ u2-s,ab-bit mun-dah-s,e-e-szu2
64. szal-ma-a-ti-szu2-nu _gin7 {gesz}dih3 {gesz}kiszi16_ u2-mal-la-a ta-mir-ti {iri}szu-sza2-an
65. _usz2-mesz_-szu2-nu {i7}u2-la-a-a u2-szar-di
66. _a-mesz_-sza2 as,-ru-up _gin7_ na-ba-as-si
67. {disz}um-man-i-gasz _dumu_ {disz}ur-ta-ki _man_ {kur}elam-ma{ki}
68. sza la-pa-an {disz}te-um-man a-na _kur_ an-szar2{ki} in-nab-tu is,-ba-tu _giri3-min_-ia
69. it-ti-ia u2-bil-szu2 a-na {kur}elam-ma{ki} u2-sze-szib-szu2 ina _{gesz}gu-za_ {disz}te-um-man
70. {disz}tam-ma-ri-tu _szesz_-szu2 szal-sza2-a-a sza2 it-ti-szu2 in-nab-ta
71. ina {iri}hi-da-la asz2-kun a-na _lugal_-u-ti
72. ul-tu _{gesz}tukul_ an-szar2 u {d}1(u)-5(disz) _ugu_ {kur}elam-ma{ki} u2-szam-ri-ru
73. asz2-tak-ka-nu da-na-nu u li-i-tu
74. ina ta-a-a-ar-ti-ia _ugu_ {disz}du-na-ni
75. {kur}gam-bu-la-a-a sza a-na {kur}elam-ma{ki} it-tak-lu
76. asz2-ku-na pa-ni-ia
77. {iri}sza2-pi-i-{d}en _iri_ tukul-ti {kur}gam-bu-li ak-szu2-ud
78. qe2-reb _iri_ szu-a-tu e-ru-ub _ug3-mesz_-szu2 as-lisz u2-t,ab-bi-ih
79. {disz}du-na-nu {disz}sa-am-gu-nu mu-nar3-ri-t,u e-pesz _lugal_-ti-ia
@column 3
1. ina {gesz}s,i-is,-s,i# [...]
2. u2-tam-me-[...]
3. _ug3-mesz gu4-mesz u8#-[...]_
4. ul-tu qe2-reb [...]
5. {iri}sza2-pi-i_-en iri#_ [...]
6. {disz}um-man-i-gasz# [x] _mun#_ [...]
7. qe2-reb {kur}elam#-[ma]{ki#} asz2-ku-nu-usz# [...]
8. sza a-de-ia# la is,#-[x x]
9. it-ti {disz}{d#}gesz-nu11-mu-gi-na _szesz_ nak-ri# [...]
10. {disz}tam-ma-ri#-tu _edin_-usz-szu2 ib#-[...]
11. sza2-a-szu2# [x]-du# kim#-ti-szu2 u2-ra-as#-[...]
12. {disz}tam-[...] _egir#_ {disz}um-man-[x x]
13. u2#-[...] _gu-za {kur}elam-[x_ x]
14. [...] {disz}{d}gesz-nu11-mu-gi#-[x]
15. [...]-nu# il-lik-am-[x]
16. a-na# [x x]-s,u# _erin2-hi-a-mesz_-ia ur-ri-ha _{gesz}tukul-mesz_-szu2#
17. ina su-up-pe-e sza2 an-szar2 u {d}1(u)-5(disz) u2-sap-pu-u
18. isz-mu-u2 un-ni-ni-ia
19. {disz}in-da-bi-bi _ARAD_-su _edin_-usz-szu2 ib-bal-kit-ma
20. ina _me3 edin bad5-bad5_-szu2 isz#-kun u2-szib ina _{gesz}gu-za_-szu2
21. {disz}tam-ma-ri-tu _szesz-mesz_-szu2 qin-nu-szu2 _numun e2 ad_-szu2
22. it-ti 1(gesz2) 2(u) 5(disz) _nun-mesz_ a-li-kut _a2-min_-szu2
23. la-pa-an {disz}in-da-bi-bi _ARAD_-szu2
24. mi-ra-nu-usz-szu2-un ina _ugu_ lib3#-bi-szu2-nu
25. ip-szi-lu-nim-ma a-na _kur_ an-szar2{ki}
26. in-nab-tu-nim-ma is,-ba-tu2 _giri3-min_-ia
27. {disz}tam-ma-ri-tu a-na e-pesz _ARAD_-ti-ia ra-man-szu2 im-nu-u-ma
28. asz2-szu2 e-pesz# di-ni-szu2 a-lik _a2-tah_-szu2
29. ina qi2-bit _an-[x]_ u {d}1(u)-5(disz) u2-s,al-la-a _en_-u2-ti
30. ina mah-ri-ia i-zi-iz-ma
31. i-dal-la-la qur-di _dingir-mesz_-ia dan-nu-ti
32. sza il-li-ku re-s,u-u-ti
$ single ruling
33. i-na 5(disz)-szi ger-ri-ia ina _{iti}sig4 iti_ {d}sin
34. _en esz-bar_-e _dumu_ resz-tu-u a-sza2-re-du sza2 {d}en-lil2
35. ad-ke _erin2-hi-a_-ia _edin_ {disz}um-man-al-da-si _man_ {kur}elam-ma{ki}
36. usz-te-esz-sze-ra har-ra-nu
37. u2-bil it-ti-ia {disz}tam-ma-ri-tu _man_ {kur}elam-ma{ki}
38. sza la-pa-an {disz}in-da-bi-bi _ARAD_-szu2 in-nab-tu2-ma is,-ba-ta _giri3-min_-ia
39. _ug3-mesz_ {iri}hi-il-me {iri}pil-la-ti
40. ti-ib _me3_-ia dan-ni isz-mu-u sza2 al-la-ku a-na {kur}elam-ma{ki}
41. nam-ri-ri an-szar2 u {d}1(u)-5(disz) _en-mesz_-ia
42. pu-luh-ti _lugal_-ti-ia is-hup-szu2-nu-ti
43. szu-nu _ug3-mesz_-szu2-nu _gu4-mesz_-szu2-nu _u8-udu-hi-a-mesz_-szu2-nu
44. a-na e-pesz _ARAD_-ti-ia a-na _kur_ an-szar2{ki}
45. im-qu-tu2-nim-ma is,-ba-tu2 _giri3-min lugal_-ti-ia
46. ina me-ti-iq ger-ri-ia {iri}e2-{disz}im-bi-i _iri lugal_-ti#
47. _e2_ tuk-la-a-te sza2 {kur}elam-ma{ki}
48. sza2 _gin7# bad3 gal_-e pa-an {kur}elam-ma{ki} par-ku ak-szu-ud
49. _ug3-mesz_ a-szib lib3-bi-szu2 sza2 la u2-s,u-nim-ma
50. la isz-'a-a-lu szu-lum _lugal_-ti-ia a-nir
51. _sag-du-mesz_-szu2-nu ak-kis _eme-mesz_-szu2-nu ap-ru-u'
52. a-na ta-mar-ti _ug3-mesz kur_-ia al-qa-a a-na _kur_ an-szar2{ki}
53. {disz}im-ba-ap-pi _{lu2}gal {gesz}pan_ sza2 {kur}elam-ma{ki}
54. sza ina {iri}e2-{disz}im-bi-i pa-aq-du a-na _en-nun_-u-ti
55. bal-t,u-us-su ul-tu qe2-reb _iri_ szu-a-tu
56. u2-sze-s,a-am-ma _szu-min_ u _giri3-min_ bi-re-tu2 _an-bar_ ad-di-szu2-ma
57. u2-ra-a a-na _kur_ an-szar2{ki} _munus-e2-gal dumu-mesz_-szu2
58. sza {disz}te-um-man _lugal_ {kur}elam-ma{ki} sza2 ina na-asz2-par-ti an-szar2
59. i-na ger-ri-ia mah-re-e ak-ki-su _sag-du_-su
60. it-ti si-it-ti _ug3-mesz_ a-szi-bu-ti {iri}e2-{disz}im-bi-i
61. u2-sze-s,a-am-ma szal-la-tisz am-nu
62. {disz}um-man-al-da-si _lugal_ {kur}elam-ma{ki} e-reb _erin2-hi-a_-ia
63. sza2 qe2-reb {kur}e-lam-ti e-ru-bu isz-me-e-ma
64. {iri}ma-dak-tu _iri lugal_-ti-szu2 u2-masz-szir-ma
65. in-na-bit-ma _kur_-szu2 e-li
66. {disz}um-ba_-lagab_-u-a sza2 me2-eh-ret {disz}um-man-al-da-si
67. asz2-bu ina _{gesz}gu-za_ {kur}e-lam-ti ki-ma sza2-a-szu2-ma
68. isz-me-e-ma {iri}bu-bi-lu _iri_ mu-szab _en_-ti-szu2
69. u2-masz-szir-ma ki-ma _ku6-hi-a_ is,-bat szu-pul _a-mesz_ ru-qu-ti
70. {disz}tam-ma-ri-tu sza2 in-nab-ta is,-ba-tu2 _giri3-min_-ia
71. qe2-reb {iri}szu-sza2-an u2-sze-rib asz2-kun#-szu2 a-na _lugal_-ti
72. _saga_-tu e-pu-szu2-usz sza2 asz2-pu-ru _a2#-tah_-su
73. in-szi-ma isz-te-ne2-'a-a _hul_-tu2
74. a-na ka-szad _erin2-hi-a_-ia an-szar2 u {d}1(u)-5(disz) sza2 _a2-min_-a-a il-li-ku
75. u2-sza2-zi-zu-in-ni _edin_ ga-re-ia
76. lib3-bi {disz}tam-ma-ri-tu ek-s,u ba-ra-nu-u
77. ib-ru-u2-ma u2-ba-'u-u2 qa-tusz-szu2
78. ul-tu _{gesz}gu-za lugal_-ti-szu2 id-ku-nisz-szum-ma
79. u2-ter-ru-nisz-szu2 sza2-ni-a-nu u2-szak-ni-szu2-usz [...]-ia#
80. ina li-i-ti da-na-a-ni sza2 _dingir-mesz gal-[...]_
81. qe2-reb {kur}e-lam-ti e-ru-ub-ma at#-[...]
82. ina ta-a-a-ar-ti-ia sza2 szul-me-[...]
83. pa-an _{gesz}szudun_-ia u2-ter-[...]
@column 4
1. [...] {iri#}da-e-ba
2. [...] _bad3#_-{disz}am-na-ni-ma
3. [...] {iri#}ha-a-a-u2-si
4. [...] _e2#_-{disz}ar-ra-bi
5. [...]-tu {iri}szu-sza2-an
6. [...] {iri}ur-da-li-ka
7. [...] tu#?-u2-bu {iri}du6!(DUL)-tu-u2-bu
8. [...] {iri}bad3-{disz}un-da-si
9. [...]-ma# {iri}bu-bi-lu {iri}sa-am-u-nu
10. [...] {iri#}qa-ab-ri-na {iri}qa2-ab-ri-na-ma#
11. [...]-a'# _iri-mesz_ szu2-nu-ti _kur_-ud#
12. [x x] aq#-qur ina {d}gesz-bar aq-mu#
13. [...]-nu _ug3-mesz_-szu2-nu _gu4-mesz_-szu2-nu _u8#-udu-hi-a_-szu2-nu
14. [x _x]-mesz_-szu2-nu _nig2-ga-mesz_-szu2-nu {gesz}s,u-um-bi
15. _ansze#-kur-ra-mesz ansze-kunga#-mesz#_ {gesz#}til-li u2-nu-ut _me3_
16. asz2-lu-la a#-na# _kur#_ an-szar2{ki}
$ single ruling
17. ina 6(disz)-szi ger-ri-ia ina qi2-bit an-szar2 u {d}isz-tar ad-ke _erin2-hi-a-mesz_-ia
18. s,e-er {disz}um-man-al-da-si _lugal_ {kur}elam-ma{ki}
19. usz-te-esz-sze-ra har-ra-nu
20. {iri}e2-{disz}im-bi-i sza ina ger-ri-ia mah-re-e# ak#-szu2-du
21. e-nen-na {kur}ra-a-szi {kur}ha-ma-nu a-di na-ge-szu2 ak-szu2-ud
22. u3 szu-u2 {disz}um-man-al-da-si _man_ {kur}elam-ma{ki}
23. ka-szad {kur}ra-a-szi {kur}ha-ma-nu isz-me-e-ma
24. pu-luh-ti an-szar2 u {d}1(u)-5(disz) a-li-kut _a2-min_-ia is-hu-pu-szu2-ma
25. {iri}ma-dak-tu _iri lugal_-ti-szu2 u2-masz-szir-ma
26. in#-na-bit a-na {iri}bad3-{disz}un-da-si
27. {id2#}id#-id e-bir-ma _i7_ szu2-a-tu2 a-na dan-nu-ti-szu2 isz-kun
28. uk#-ta#-ta-s,ar a-na s,al-ti-ia
29. {iri#}na-di-tu _iri lugal_-u2-ti a-di na-ge-szu2 ak-szu2-ud
30. {iri}e2-{disz}bu-na-ku _iri lugal_-u2-ti a-di na-ge-szu2 ak-szu2-ud
31. {iri}har-tap-pa-ni _iri lugal_-u2-ti a-di na-ge-szu2 ak-szu2-ud
32. {iri}tu-u2-bu a-di na-ge-szu2 ak-szu2-ud
33. bi-rit _i7_ ka-la-mu
34. {iri}ma-dak-tu _iri man_-ti a-di na-ge-szu2 ak-szu2-ud
35. {iri}hal-te-ma-asz2 _iri lugal_-u2-ti-szu2 ak-szu2-ud
36. {iri}szu-sza2-an _iri lugal_-u2-ti-szu2 ak-szu2-ud
37. {iri#}di-in_-lugal_ {iri}su-mu-un-tu-na-asz2 _iri man_-ti-<szu2> ak-szu2-ud
38. {iri#}pi-di-il-ma _iri lugal_-ti-szu2 ak-szu2-ud
39. {iri#}bu-bi-lu _iri lugal_-ti-szu2 ak-szu2-ud
40. {iri#}ka-bi-in-ak _iri lugal_-ti-szu2 ak-szu2-ud
41. [x] tukul-ti an-szar2 u {d}1(u)-5(disz) ar-de-e-ma al-lik
42. _edin#_ {disz}um-man-al-da-si _man_ {kur}elam-ma{ki}
43. sza# la ik-nu-szu2 a-na _{gesz}szudun#_-ia
44. ina me-ti-iq ger-ri-ia {iri}bad3-{disz}un-da-si
45. _iri lugal_-ti-szu2 ak-szu2-ud
46. 1(disz)-en u4-me 2(disz) u4-me ul u2-qi pa-an ar-ke-e ul ad-gul#
47. ina u4-me-szu2-ma e-bir _i7_ 1(u) 4(disz) _iri-mesz_ dan-nu-ti mu-szab _lugal_-ti-szu2
48. a-di _iri-mesz tur-mesz_ sza ni-ba la i-szu-u2
49. u3 1(u) 2(disz) na-ge-e sza2 qe2-reb {kur}elam-ma{ki} ka-li#-[x] ak-szu2-ud
50. ap-pul aq-qur ina {d}gesz-bar aq-mu
51. a-na _du6_ u kar-me u2-ter
52. ina la-a mi3-ni a-duk qu-ra-de-e-szu2 ina _{gesz}tukul_ u2-ra-sib
53. mun-dah-s,e-e-szu2 s,i-ru-ti {disz}um-man-al-da-si
54. _lugal_ {kur}elam-ma{ki} me-ra-nu-usz-szu2 in-na-bit-ma is,-ba-ta _kur_-u2
55. {iri}ba-nu-nu a-di na-ge-e sza {iri}ta-sa-ar-ra
56. ka-la-mu ak-szu-ud
57. _2(u)-am3 iri-mesz_ ina na-ge-e sza {iri}hu-un-nir
58. ina _ugu_ mi3-is,-ri sza {iri}hi-da-lu ak-szu-ud
59. {iri}ba-szi-mu u3# _iri#-mesz_ sza2 li-me-ti-szu2 ap-pul aq-qur#
60. sza _ug3-mesz_ a-szib# lib3#-bi-szu2-un ka-mar-szu2-nu asz2-kun
61. u2-szab-bir _dingir-mesz_-szu2
62. u2-szap-szi-ih ka-bat-ti _en en-en_
63. _dingir-mesz_-szu2 _{d}1(u)-5(disz)-mesz_-szu2 _nig2-szu_-szu2 _nig2-gur11_-szu2
64. _ug3-mesz tur_ u _gal_ asz2-lu-la a-na _kur_ an-szar2{ki}
65. 1(gesz2) _danna_ qaq-qa#-ru# ina# a#-mat# an#-szar2 u {d}1(u)-5(disz) sza u2-ma-'e-er-u-in-ni
66. qe2-reb {kur}e#-lam#-ti# at-tal-lak szal-t,isz
67. ina ta-a-a-ar#-ti#-ia# sza2 an-szar2 u {d}1(u)-5(disz)
68. u2-sza2-zi-zu#-[x]-ni# _edin_ ga-re-ia
69. {iri}szu-sza2-an ma#-[x x] _gal_-u mu-szab _dingir-mesz_-szu2-un
70. a-szar pi#-[...] ak#-szu-ud ina a-mat an-szar2 u {d}1(u)-5(disz)
71. qe2-reb# [...]-ub# u2-szib ina _hul2-mesz_
72. [...]-nu sza2 _ku3-babbar-mesz ku3-sig17#-mesz_
73. [...]-mu# qe2-reb-szu2-un
74. [...]-u2#-ti
75. [...]
76. [...]
77. [...]
@column 5
1. _ugu_ a-a-szi# _szu-min_-su# [x] u2#-[x]-lu# ina# lib3#-bi
2. u2-sze-s,a-am-ma szal-la-tisz am-nu#
3. _ku3-babbar-mesz ku3#-sig17#-mesz nig2-szu-mesz nig2-gur11 kur eme#-gi7#_ uri{ki}
4. {kur}kar2-{d#}dun#-ni#-ia2#-asz3 ka-la-mu sza2 _lugal-mesz_ {kur}elam-ma{ki}
5. mah-ru-[...] 7(disz)#-szu2 isz-lu-lu u2#-bi#-la qe2-reb {kur}elam-ma{ki}
6. [...] esz#-ma-ru-u eb#-bu# ni#-siq#-ti _na4-mesz#_
7. [...] a#-qar-tu si#-mat# _lugal#_-u#-[x]
8. [...] iri#{ki#} mah#-ru#-ti# u3# {disz}{d}gesz-nu11-mu#-[x x]
9. [...] ip#-szu-ru# a#-na {kur}e-lam-[x]
10. [...] si#-mat _man#_-ti#-szu2 {gesz}til-li qa-[x x]
11. [...]-ma# e#-pesz# _me3_ si-mat qa-ti#-[x]
12. u2#-nu#-[x] mut#-tab-bil-ti# _e2#-gal-mesz_-szu2 ka-la-mu#
13. sza2 ina# muh#-hi u2-szi-bu it#-ti#-lu ina lib3-bi e-ku#-[x]
14. isz#-[x]-u2 ir-mu#-ku ip-pa-asz2#-[x]
15. _{gesz#}gigir#-mesz_ {gesz}sza2 sza2-da-di {gesz}s,u-um#-[x x?]
16. sza2 ih-zu-szi-na s,a-ri-ru za-ha-lu#-[x]
17. _ansze-kur-ra#-mesz# ansze-kunga-mesz gal#-[x]_
18. sza2 tal-lul-ta#-szu2-nu _ku3-sig17 ku3-babbar_ asz2-lu-la a-na [...]
19. ziq-qur-rat {iri}szu-sza2-an sza# ina a-gur2-ri {na4#}[x x]
20. szu-pu-szat ub-bit u2-kap-pi-ra _si-mesz#_-[x]
21. sza pi-tiq _uruda_ nam-ri {d}musz3-szesz2 _dingir_ pi-risz#-[...]
22. sza asz2-bu ina pu-uz-ra-a-ti sza2 mam-ma-an la im#-ma#-ru#
23. ep-szet _dingir_-ti-szu2 {d}szu-mu-du {d}la-ga-ma-ru
24. {d}pa-ar-ti-ki-ra {d}am-man-ka-si-masz
25. {d}<u2>-du-ra-an {d}sa-pa-ag {d}ra-gi-ba
26. {d}su-mu-un_-gam_-sa-ra-a {d}ka-ar-sa
27. {d}ki-ir-sa-ma-as {d}szu-da-a-nu
28. {d}a-a-pa-ag-si-na {d}bi-la-la
29. {d}pa-ni-in-tim-ri {d}si-la-ga-ra-a
30. {d}na-ab-sa-a {d}na-bir-tu
31. {d}ki-in-da-kar-bu _dingir-mesz {d}1(u)-5(disz)-mesz_ sza2-a-tu-nu
32. it-ti szu-kut-ti-szu2-nu _nig2-gur11_-szu2-nu u2-na-a-ti-szu2-nu
33. a-di {lu2}sza2-an-ge-e bu-uh-la-le-e asz2-lu-la a-na _kur_ an-szar2{ki}
34. 3(u) 2(disz) _alam-mesz lugal-mesz_ pi-tiq _ku3-sig17 ku3-babbar uruda {na4}gesz-nu-gal_
35. ul-tu qe2-reb {iri}szu-sza2-an {iri}ma-dak-tu {iri}hu-ra-di
36. a-di _alam_ {disz}um-man-i-gasz _dumu_ {disz}um-ba-da-ra-a
37. _alam_ {disz}{d}isz-tar-na-an-hu-un-di _alam_ {disz}hal-lu-si
38. u3 _alam_ {disz}tam-ma-ri-tu _egir_-u2
39. sza2 ina qi2-bit an-szar2 u {d}1(u)-5(disz) e-pu-szu2 _ARAD_-ti-ia al-qa-a a-na _kur_ an-szar2{ki}
40. ad-ka-a _{d}alad-mesz {d}lamma-mesz en-nun-mesz_ szu-ut e2-kur ma-la ba-szu2-u
41. u2-na-as-si-ha _am-mesz_ na-ad-ru-ti si-mat _ka2-mesz_-ni
42. esz-re-e-ti {kur}e-lam-ti a-di la ba-sze-e u2-szal-pit
43. _dingir-mesz_-szu2 _{d}1(u)-5(disz)-mesz_-szu2 am-na-a a-na za-qi2-qi2
44. _{gesz}tir-mesz_-szu2-nu pa-az-ra-a-ti
45. sza2 mam2-ma a-hu-u la u2-szar-ru ina lib3-bi
46. la i-kab-ba-su i-ta-szin
47. _erin2-mesz me3_-ia qe2-reb-szin e-ru-bu
48. e-mu-ru pu-uz-ra-szin iq-mu-u ina {d}gesz-bar
49. ki-mah-hi _lugal-mesz_-szu2-nu mah-ru-ti u _egir-mesz_
50. la pa-li-hu-ti {d}1(u)-5(disz) _gaszan_-ia
51. mu-nar3-ri-t,u _lugal-mesz ad-mesz_-ia
52. ap-pul aq-qur {d}utu u2-kal-lim
53. _giri3-pad-ra2-mesz_-szu2-nu al-qa-a a-na _kur_ an-szar2{ki}
54. e-t,em2-me-szu2-nu la s,a-la-lu e-mi3-id ki-is-pu naq me-e u2-za-am-me-szu2-nu-ti
55. ma-lak _iti_ 2(u) 5(disz) _u4-mesz_ na-ge-e {kur}elam-ma{ki} u2-szah-rib
56. _mun-mesz_ {u2}sah-le-e u2-sap-pi-ha _edin_-usz-szu2
57. _dumu-munus-mesz lugal-mesz nin9-mesz lugal-mesz_ a-di qi-in-ni mah-ri-ti
58. u3 ar-ki-ti sza2 _lugal-mesz_ {kur}elam-ma{ki}
59. {lu2}qe2-pa-a-ni {lu2}ha-za-na-a-ti#
60. sza _iri-mesz_ sza2-a-tu-nu ma-la ak-szu-du _{lu2}gal {gesz}pan#-[x]_
61. _{lu2}gar-nu-mesz_ {lu2}mu-kil _{kusz}pa-mesz_ {lu2}_3(disz)-u5-mesz_ {lu2}sza2 pet2#-[x x?]
62. _{lu2}erin2-mesz {gesz}pan {lu2}sag-mesz_ {lu2}kit-kit-tu#-[x]
63. gi-mir um-ma-ni ma-la ba-szu2-u _ug3-mesz nita munus# tur_ u [x]
64. _ansze-kur-ra-mesz ansze-kunga-mesz ansze-mesz gu4#-mesz#_ u _u8-udu-[x_ x]
65. sza2 _ugu buru5-mesz_ ma-a'-du asz2-lu#-la# a#-na _kur_ an-[x x]
66. _sahar-hi-a_ {iri}szu-sza2-an# {iri}ma-dak-tu {iri}hal-te-[x x]
67. u3 si-it-ti ma-ha-ze-e-szu2 e-si-pa al-qa-a a-na# [...]
68. _ansze-edin-<na> masz-da3-mesz_ u2-ma-am _edin#_ [...]
69. par-ga-nisz u2-szar-bi-s,a qe2#-[...]
70. ri-gim a-me-lu-ti ki-bi-is _gu4#-[...]_
71. szi-si-it {d}a-la-la _du10-ga_ u2-za-[...]
72. {d}na-na-a sza 1(disz) _lim_ 6(disz) _me 3(u)-am3#_ [...]
73. ta#-as-bu-su tal-li-ku [...]
74. [x]-szar la si#-[...]
@column 6
1. u3 ina u4#_-[...]-mesz#_-sza2
2. [x]-bu-u szu-mi3# [...] _kur#-kur_
3. ta#-a-a-rat _en_-ti-sza2 [...]-u-a
4. um-ma {disz}an-szar2-du3-a ul-tu# [...]-ne2#-ti
5. u2-sze-s,a-an-ni-ma u2-sze-[...]-an#-na
6. a#-mat# qi2#-bit _dingir_-ti-sza2 sza2 ul-tu# u4#-me# _su3#?-[x_ x]-bu#-u
7. [x]-nen#-na tu-kal-lim _ug3-mesz egir-mesz szu-min_ [...]-ti#
8. [x x]-uh# har-ra-nu i-szir-tu sza2 ul-[...]
9. [x x]-ba#-ta a-na e2-an#-[x]
10. [...] unu#{ki} u2-sze-rib-szi-ma ina e2#-[...]
11. [x x]-ram-mu u2-szar-mi3-isz _bara2_ da#-[...]
12. [...] szal#-lat {kur}elam-ma{ki} sza ina qi2-bit an-szar2 {d}sin {d#}[...]
13. [x] 1(u) 5(disz)# sza2 nina{ki} {d}szar-rat-kid-[x x]
14. [x] 1(u) 5(disz)# sza2 limmu2-dingir{ki} {d}masz {d}u-gur {d#}[x]
15. ah#-bu-ta re-sze-e-ti a-na _dingir-mesz_-ia [x x]
16. _erin2-mesz {gesz}pan_ {gesz}a-rit {lu2}um-ma-ni {lu2}kit-kit-[x x]
17. sza2# asz2#-lu-la ul-tu qe2-reb {kur}elam-ma{ki#}
18. _ugu_ ki-s,ir _lugal_-ti-ia u2-rad-di
19. si-it-tu-ti a-na _{lu2#}nam-mesz_-ia
20. _{lu2}gal-mesz_-ia ma-ha-zi-[x]-ia# gi-mir _karasz_-ia
21. _gin7_ s,e-e-ni u2-za-iz
$ single ruling
22. ina u4-me-szu2 _e2_ ri-du-ti te-ne2-e _e2-gal_ sza2 qe2-reb nina{ki}
23. _iri_ s,i-i-ru na-ram {d}nin-lil2
24. sza2 {disz}{d}sin-pap-mesz-su _man kur_ an-szar2{ki}
25. _ad ad_ ba-ni-ia ud-di-szu2 a-na mu-szab _lugal_-ti-szu2
26. _e2_ ri-du-ti szu2-a-tu2 ina _hul2-mesz_ ri-sza2-a-ti la-ba-risz il-lik
27. e-na-ha _e2-gar8-mesz_-szu2 a-na-ku {disz}asz-szur-du3-a _lugal gal_-u
28. _lugal_ dan-nu _lugal szu2 lugal kur_ an-szar2{ki} _lugal_ kib-rat _limmu2_-tim
29. asz2-szu2 qe2-reb _e2_ ri-du-ti szu2-a-tu2 ar-ba-a
30. _{d}alad-mesz_-szu2 _{d}lamma-mesz_-szu2 is,-s,u-ru _dumu lugal_-u2-ti
31. u3 {d}gaszan-garza s,u-lul-sza2 _du10-ga an-dul3_-sza sza2 sza-la-me
32. ta-at-ru-s,a _ugu_-ia
33. ul-tu ina _{gesz}gu-za ad du3_-ia u2-szi-bu i-te-ne2-ep-pu-szu2 be-lut _kur#-kur#_
34. u3 _ug3-mesz dagal-mesz_ ka-a-a-an pu-us-su-rat ha#-de#-e#
35. sza ka-szad _{lu2}kur2-mesz_-ia u2-pa-sa-ru-in-ni ina lib3-bi-szu2
36. ina ma-a-a-al mu-szi du-um-mu-qa _masz2-ge6-mesz_-ia
37. ina sza2 sze-e-ri ba-nu-u ger-ru-u#-a#
38. masz-ta-ku szu-a-tu mu-szal-li-mu _en_-szu2 szu-tu-u#-ma#
39. _dingir-mesz gal-mesz_ szi-mat-su i-szim-mu a-na _saga_-tim#
40. an-hu-us-su ad-ke
41. asz2-szu2 ru-up-pu-usz tal-lak-ti-szu2 a-na si-hir-ti-szu2 aq-qur
42. _5(u)-am3_ ti-ik-pe masz-kan2 szi-kit-ti-szu2
43. pi-ti-iq-tu2 ap-ti-iq tam-la-a u2-mal-li
44. ina _iti du10-ga_ u4-me sze-me-e s,e-er tam-le-e szu2-a-tu2
45. _usz8_-szu2 ad-di u2-kin lib-na-as-su
46. ina _kasz-sag gesztin_ ka-lak-ka-szu2 ab-lu-ul am-ha-s,a szal-la-ar-szu2
47. la-bi-in _sig4-hi-a_-szu2 za-bi-lu tup-szik-ki-szu2
48. ina e-le-li ni-gu-tu2 u2-bal u4-um-szu2
49. ina _hul2-mesz_ ri-sza2-a-ti ul-tu _usz8_-szu2 a-di gaba-dib-be2-e-szu2 ar-s,ip
50. e-li sza _lugal-mesz ad-mesz_-ia szu-bat-su u2-rap-pisz u2-szar-ri-ha ep-sze-ti-szu2
51. _gesz-ur3-mesz {gesz}eren-mesz mah-mesz_ tar-bit {kur}si-ra-ra {kur}lab-na-ni
52. u2-szat-ri-s,a _ugu_-szu2
53. _{gesz}ig-mesz_ li-a-a-ri sza2 e-re-si-na _du10-ga_
54. me-se-ri _zabar_ u2-rak-kis u2-rat-ta-a _ka2-mesz_-szu2
55. {gesz}tim-me _mah-mesz uruda_ nam-ru u2-hal-lip-ma hi-it-ti _ka2#_
56. _e2_ hi-le-ni-szu2 e-mi3-id _e2 usz_-u-ti szu-a#-tu#?
57. na-[x] _lugal#_-ti-ia a-na si-hir-ti-szu2 u2-szak-lil#
58. [...] u2#-ma-al-li _{gesz}kiri6-mah_ sza2 gi-mir _gesz#-mesz#_
59. [...] ka#-la#-mu az-qu-pa i-ta-te-e-szu2
60. [...] tasz#-ri-ih-ti aq-qa-a a-na _dingir-mesz en-mesz_-ia
61. [...]-ru#-ub qe2-reb-szu2 ina za-mar tak-ne2-e
62. [...] _dumu#-mesz#_-ia sza2 an-szar2 u {d}1(u)-5(disz)
63. [...] i#-nam#-bu#-u# zi-kir-szu2
64. [...] i#-lab-bi#-ru#-ma# e-na-hu
65. [...]-t,ir _mu_-ia _ad_-ia
66. [...] _lugal#_-ti li-mur-ma
67. [...] _bala#_-qi2# it#-ti _mu-sar_-e
68. [...] _mu#-sar_-e an-ne2-e szat,-ru
69. [...]-na-nu u li-i-tu
70. [...]-ia# _ad ad_-ia ib-ba-tu2
71. [...] i#-szak-ka-nu
72. [...] li-ru!(LI)-ru-usz
73. [...] _kur#_ li-hal-li-qu
$ single ruling
74. [...] _ag#-man-pap-mesz_-szu2
75. [...] {iri#}sa-mir#-i-na

Total 1 record(s)

This website uses essential cookies that are necessary for it to work properly. These cookies are enabled by default.