&P431807 = RIME 4.02.14.13, ex. 01-02 #atf: lang sux @object cone @surface a 1. {d}nin-szubur 2. en gal umusz galga za3 il2 3. inim zi du11-ga-ni nu-kam3-me 4. sukkal-mah u3-luh gi4-rin szu du7 5. a2-ag2-ga2 an-ki-a si sa2-e 6. ba-an-gi4 szum2-mu dingir gal-gal-e-ne-er 7. a-ra-zu-e gesz tuku 8. lugal-mu-ra 9. {d}ri-im-{d}suen nita kal-ga 10. szul gesz tuku kur-gal-la 11. sipa gu2-un kar2 nibru{ki} 12. me gesz-hur szu du7 eridu{ki}-ga 13. engar zi u2-a uri2{ki}-ma 14. e2-babbar-da ni2 te-ge26 15. sag-en3-tar gir2-su{ki} ki-lagasz{ki} 16. inim sa6-sa6-ge-bi# mah#-a 17. e2-babbar gal-gal-la-e 18. nidba# nu-szilig-ge 19. {d}lugal-gu2-du8-a-sze3 20. sa2-du11 lah5 e2-an-na-sze3 21. lugal larsa{ki}-ma 22. lugal ki-en-gi ki-uri-me-en 23. u4 an {d}en-lil2 {d}en-ki 24. u3 dingir gal-gal-e-ne 25. unu{ki} iri ul 26. szu-mu-sze3 bi2-in-si-esz-a 27. nam-bi-sze3 28. {d}nin-szubur lugal-mu-ra 29. nam-ga-me-esz3-ak-da-mu-ne 30. e2-me-kilib3-ba-sag-il2 31. ki-tusz nam-dingir-bi-sze3 tum2-ma 32. nam-ti-mu-sze3 33. mu-na-du3 34. diri# u4-bi-ta-sze3 35. e2-szu-si3-ga-bi# mu#-dagal# 36. temen mu pa3-da nam#-lugal-mu 37. u4 ul-sze3 im-mi-gar
Total 1 record(s)