&P431813 = RIME 4.02.14.16, ex. 05 #atf: lang sux @tablet @obverse 1. {d}nin-e2-gal 2. nin gal me kilib3 szu-na dab5-be2 3. ug3 szar2-ra-asz igi-bi gal2 4. na-de5 mah szita5-du3 sag-ge6 5. a-ra2-bi za3 nu-sa2 6. nir-gal2 ukken-na du11-ga-ni igi-sze3 du 7. mu-ni a-re-esz gi7 8. dingir zi ki a-a ugu-ni-ta 9. ka ba-ni sze-ga 10. dumu gal {d}suen-na 11. nin-a-ni-ir 12. si-ma-at-{d}inanna 13. dam ki-ag2 14. {d}ri-im-{d}suen @reverse 15. lugal larsa{ki}-ma 16. dumu-munus ARAD2-{d}nanna-ke4 17. u4 {d}nin-e2-gal nin-a-ne2 18. mu sa6-ga-ni in-sa4-a 19. e2 a2-ag2-ga2 kilib3 ur4-ur4 20. ki-tusz nam-dingir-bi-sze3 tum2-ma 21. nam-ti {d}ri-im-{d}suen 22. u4 da-ri2-sze3 gal2-le-de3 23. u3 nam-ti-la-ni-sze3 24. mu-na-du3 25. diri u4-bi-ta-sze3 26. e2-szu-si3-ga-bi mu-un-dagal 27. temen mu pa3-da nam-nin-a-ka-na 28. u4 su13-ra2-sze3 im-mi-in-gar
Total 1 record(s)