&P431817 = RIME 4.02.14.17, ex. 01-02 #atf: lang sux @object cone @surface a @column 1 1. {d}nin-e2-gal 2. nin gal kilib3 sag-ge6 szar2-ra-ba 3. an {d}en-lil2 {d}en-ki-bi 4. szu-ni-sze3 bi2-in-si-esz-a 5. di esz-bar-bi si sa2-sa2-e 6. sa2-gar-gar en3-tar-tar gal-zu 7. gu2 dingir gal-gal-e-ne-ka 8. inim mah du11-ga-ni nu-kam3-me 9. ki igi zalag-ga-ni an dagal-la dag-ga 10. ki igi zi bar-ra-na 11. {d}lamma nir-gal2 12. bi2-ib2-szum2-mu-a 13. dingir arhusz su3 szu-nigin-bi du10 14. szud3 a-ra-zu-e gesz tuku 15. dumu-gal {d}suen-na 16. a2-ag2-ga2 an-ki-a ur4-ur4 17. nin-a-ni-ir 18. si-ma-at-{d}inanna 19. dam ki-ag2 20. {d}ri-im-{d}suen 21. szul gesz tuku {d}en-lil2-la2 22. igi-du8-a an-na sza3 ku3-ge pa3-da23. lugal ki ag2 dingir gal-gal-e-ne23. lugal ki-ag2 dingir gal-gal-e-ne @column 2 1. szu-il2-la-ni sze-ga 2. sipa gu2-un kar2 nibru{ki} 3. me gesz-hur szu du7 eridu{ki}-ga 4. engar zi u2-a uri2{ki}-ma 5. e2-babbar-da ni2 te-ge26 6. lugal larsa2{ki}-ma 7. lugal ki-en-gi ki-uri-ke4 8. munus sun5-na 9. me-te lugal-sze3 tum2-ma 10. inim sa6-sa6-ge-bi mah-a 11. {d}nin-e2-gal-ka-sze3 12. u4 {d}nin-e2-gal nin-a-ne2 13. mu sa6-ga-ne2 gu3 zi bi2-in-de2-a 14. e2-a2-ag2-ga2-kilib3-ur4-ur4 15. ki-tusz nam-dingir-bi-sze3 tum2-ma 16. sag-bi hur-sag gal-gin7 im-mi-in-il2 17. nam-ti {d}ri-im-{d}suen 18. u4 da-ri2-sze3 gal2-le-de3 19. u3 nam-ti-la-ni-sze3 20. mu-na-du3 21. temen mu pa3-da 22. nam-nin-a-ka-na 23. u4 su3-ra2-sze3 im-mi-in-gar
&P431817 = RIME 4.02.14.17, ex. 01-02 #atf: lang sux @object cone @surface a @column 1 1. {d}nin-e2-gal 2. nin gal kilib3 sag-ge6 szar2-ra-ba 3. an {d}en-lil2 {d}en-ki-bi 4. szu-ni-sze3 bi2-in-si-esz-a 5. di esz-bar-bi si sa2-sa2-e 6. sa2-gar-gar en3-tar-tar gal-zu 7. gu2 dingir gal-gal-e-ne-ka 8. inim mah du11-ga-ni nu-kam3-me 9. ki igi zalag-ga-ni an dagal-la dag-ga 10. ki igi zi bar-ra-na 11. {d}lamma nir-gal2 12. bi2-ib2-szum2-mu-a 13. dingir arhusz su3 szu-nigin-bi du10 14. szud3 a-ra-zu-e gesz tuku 15. dumu-gal {d}suen-na 16. a2-ag2-ga2 an-ki-a ur4-ur4 17. nin-a-ni-ir 18. si-ma-at-{d}inanna 19. dam ki-ag2 20. {d}ri-im-{d}suen 21. szul gesz tuku {d}en-lil2-la2 22. igi-du8-a an-na sza3 ku3-ge pa3-da 23. lugal ki ag2 dingir gal-gal-e-ne @column 2 1. szu-il2-la-ni sze-ga 2. sipa gu2-un kar2 nibru{ki} 3. me gesz-hur szu du7 eridu{ki}-ga 4. engar zi u2-a uri2{ki}-ma 5. e2-babbar-da ni2 te-ge26 6. lugal larsa2{ki}-ma 7. lugal ki-en-gi ki-uri-ke4 8. munus sun5-na 9. me-te lugal-sze3 tum2-ma 10. inim sa6-sa6-ge-bi mah-a 11. {d}nin-e2-gal-ka-sze3 12. u4 {d}nin-e2-gal nin-a-ne2 13. mu sa6-ga-ne2 gu3 zi bi2-in-de2-a 14. e2-a2-ag2-ga2-kilib3-ur4-ur4 15. ki-tusz nam-dingir-bi-sze3 tum2-ma 16. sag-bi hur-sag gal-gin7 im-mi-in-il2 17. nam-ti {d}ri-im-{d}suen 18. u4 da-ri2-sze3 gal2-le-de3 19. u3 nam-ti-la-ni-sze3 20. mu-na-du3 21. temen mu pa3-da 22. nam-nin-a-ka-na 23. u4 su3-ra2-sze3 im-mi-in-gar
Total 2 record(s)