&P450386 = RINAP 3/1 Sennacherib 38, ex. 03
#atf: lang akk
@tablet
@obverse
1. {disz#}{d#}en#-zu#-szesz#-mesz#-eri#-ba#
2. _lugal gal lugal#_ dan#-nu# _lugal szu2_
3. _lugal kur_ asz-szur _lugal_ kib-rat _limmu2_-ti
4. mi-gir _dingir-mesz gal-mesz_ {d}asz-szur
5. u3 {d}inanna _{gesz}tukul_ la ma-har
6. u2-szat-li-mu-in-ni-ma
7. a-na ra-sa-ab nak-ru-ti _kur_ asz-szur{ki} ip-tu-u2
8. i-da-a-a i-na tu-kul-ti-szu2-un _gal_-tim
9. ul-tu s,i-tasz a-di szil-la-an um-ma-na-ti-ia
10. szal-mesz lu at-ta-bal-ma gim-ri mal-ki a-szib pa-rak-ki
11. sza kib-rat ar-ba-'i sze-pu-u-a u2-szak-nisz-ma
12. i-szu-t,u ab-sza2-a-ni i-na u4-me-szu2-ma
13. sza {iri}ni-na-a _iri_ be-lu-ti-ia szu-bat-su
14. usz-rab-bi su-qi2-szu me-ti-iq ger-ri _lugal_
15. u2-sza2-an-dil-ma u2-nam-mir _gin7_ u4-me _bad3_
16. u3 szal-hu-u2 nak-lisz u2-sze-pisz-ma u2-zaq-qir
17. hur-sza2-nisz 1(disz) _me_ ina 1(disz) _kusz3 gal_-tim ha-ri-s,u-usz
18. usz-rap-pisz ah-ra-tasz u4-me ger-ri _lugal_ a-na
19. la s,u-uh-hu-ri _{na4}na-ru2-a-mesz_ u2-sze-pisz-ma
20. sza a-hi ul-le-e ina me-her-ti-szu2 i-za-zu
21. 5(u) 2(disz) i-na 1(disz) _kusz3 gal_-tim sza ger-ri _lugal_
22. a-di _ka2-gal {gesz}kiri6-mesz_ am-szu-uh ru-pu-us-su
23. ma-ti-ma _ug3-mesz_ a-szi-bu-ut _iri_ sza2-a-szu sza _e2_-su
24. la-bi-ru i-na-aq-qa-ru-ma esz-szu i-ban-nu-u2
25. sza usz-sze _e2_-szu a-na ger-ri _lugal_ ir-ru-ba
26. s,e-er _e2_-szu a-na ga-szi-szi il-la-lu-szu
Total 1 record(s)