&P453468 = RINAP 4 Esarhaddon 114, ex. 01 #atf: lang akk @object prism @surface a @column 1 1. an-szar2-szesz-szum2-na _lugal_ 2. kisz-sza2-ti _lugal kur_ asz-szur{ki} 3. _szagina_ babila2{ki} 4. _lugal kur eme-gi7_ u3 uri{ki} 5. _nun_ na-a-du pa-lih3 6. {d}ag u3 {d}marduk 7. ul-la-nu-u2-a ina _bala_ 8. _lugal_ mah-re-e ina _kur eme-gi7_ 9. u3 uri{ki} it-tab-sza2-a 10. _a2-mesz hul-mesz un-mesz_ 11. a-szib lib3-bi-szu an-na 12. ul-la a-ha-mesz e-tap-pa-lu 13. i-dab-bu-ba sur-ra-a-ti 14. a-na _nig2-gur11_ e2-sag-il2 15. _e2-gal dingir-mesz szu_-szu-[nu] 16. u2-bi-lu-ma _ku3-sig17 ku3-[babbar_] 17. ni-siq-ti _na4-mesz_ a-na 18. {kur}elam-ma{ki} ip-szu-ru ma-hi-risz 19. i-gu-ug-ma {d}en-lil2 20. _dingir-mesz_ {d}marduk a-na sa-pan 21. _kur_ hul-lu-qu _ug3-mesz_-[sza2] 22. ik-ta-pu-ud _munus-hul_ 23. {i7}a-ra-ah-[ti] @column 2 1. [_i7 he2]-gal2 illu_ kasz-[szu] 2. tam-szil a-bu-bi [ib-bab-lam-ma] 3. a-lum szu-bat-su 4. esz-re-e-ti-szu [_a-mesz_] 5. usz-bi-i'-ma u2-sze-me 6. _kar-mesz dingir-mesz {d}1(u)-5(disz)-mesz_ 7. a-szib lib3-bi-szu e-lu-u2 8. sza2-ma-mesz _ug3-mesz_ a-szib 9. qer-bi-szu a-na s,i-in-di 10. u3 bir-te zu-u'-u2-zu 11. il-li-ku re-e-szu-tu2 12. 1(gesz2) 1(u) _mu-an-na-mesz_ mi-nu-ut 13. ni-du-ti-szu isz-t,ur-ma 14. re-me2-nu-u2 {d}marduk 15. sur-risz lib3-ba-szu i-nu-uh-ma 16. e-lisz a-na szap-lisz 17. usz-bal-kit-ma a-na 1(u) 1(disz) 18. _mu-an-na-mesz_ a-szab-szu iq-bi 19. ia-a-ti _an-szar2-szesz-mu_ 20. asz2-szu ep-sze-e-te szi-na-ti 21. a-na asz2-ri-szi-na tur-ri 22. ina _ukken szesz-mesz_-ia _gal-mesz_ 23. [ke-nisz] tu-ut-tan-ni-ma @column 3 1. [_an]-dul3_-ka _du10-ga_ tasz-ku-nu-ma 2. [_ugu_]-ia kul-lat za-'i-ri-ia 3. [a-bu]-bisz tas-pu-nu-ma gi-mir 4. [za-ma-ni]-ia ta-na-ru-ma 5. tu-[szak]-szi-du ni-iz-ma-ti 6. a-na nu-uh-hi lib3-bi _dingir_-ti-ka 7. _gal_-ti szup-szu-uh ka-bat-ti-ka 8. _sipa_-ut _kur_ asz-szur{ki} tu-mal-lu-u2 9. ina _sag lugal_-ti-ia ina mah-re-e 10. _bala_-ia sza ina _{gesz}gu-za_ 11. _lugal_-ti ra-bisz u2-szi-bu 12. isz-[szak]-na-nim-ma _a2-mesz_ 13. [_saga-mesz_] ina sza2-ma-me qaq-qa-ri 14. [isz-tap-pa]-ra gesz-kim-mu-usz 15. [sza] e-pesz szip-ri szu-a-tu2 16. [asz2-hu-ut] ak-kud sza {d}utu 17. [{d}iszkur] {d}marduk _di-ku5-gal_ 18. _dingir-[mesz] en-mesz_-ia ak-ta-mis 19. ma-har-szu-un ina ma-kal-ti 20. _{lu2}hal_-u2-ti _uzu-mesz_ 21. tu-kul-ti isz-szak-nu-nim-ma 22. sza e-pesz babila2{ki} 23. ud-du-usz e2-sag-il2 24. u2-sza2-asz2-t,i-ra a-mu-tu2 @column 4 1. a-na an-ni-szu-nu ke-[e-nu] 2. at-kal-ma ad-ke-e-ma 3. gi-mir _erin2 hi-a_ u _ug3-mesz_ 4. {kur}kar2-{d}dun-ia2-asz3 5. si-hir-ti-sza2 {gesz}al-lu 6. u2-szat-rik-ma e-mid-da 7. tup-szik-ki ina _i3-gesz du10-ga_ disz-pu 8. _i3-nun-na kurun-nam_ szi-kar 9. _kur_-i _ku3_ ab-lu-la ta-ra-husz 10. ku-dur2-ru ina _sag-du_-ia asz2-szi-ma 11. u2-sza2-az-bil ra-ma-ni 12. ina _{gesz}u3-szub-mesz zu2 am-si_ 13. _{gesz}esi {gesz}tug2 {gesz}mes-ma2-kan-na_ 14. _ad-me-kar2_ a-na ne2-ri-sza2 15. u2-szal-bi-na _sig4_ 16. e2-sag-il2 _e2-gal dingir-mesz_ 17. u3 esz-re-e-ti-szu 18. _babila2{ki} iri_ ki-din-ni 19. im-gur-{d}en-lil2 _bad3_-szu 20. ne2-med-{d}en-lil2 szal-hu-szu 21. ul-tu usz-sze-szu-un a-di 22. na-bur-ri-szu-un esz-szisz 23. u2-sze-pisz u2-szar-bi 24. u2-szaq-qi2 u2-szar-ri-ih 25. s,a-lam _dingir-mesz gal-mesz_ ud-disz 26. ina _bara2-mesz_-szu-nu u2-szar-ma-a 27. szu-bat da-ra-a-ti _sa2-du11_-szu2-nu 28. ba-at,-lu-ti u2-ki-in 29. _dumu-mesz_ babila2{ki} sza 30. a-na re-e-szu-ti szu-lu-ku 31. a-na s,in-di u3 bir-te 32. zu-u'-u2-zu u2-pa-hi-ir-ma 33. a-na _{lu2}babila2{ki}-mesz_ 34. am-nu ki-din-nu-sun2 esz-szisz 35. asz2-kun
Total 1 record(s)