Update made on 2019-10-27 at 14:46:14 by Englund, Robert K. for Englund, Robert K.
&P462983 = RINAP 4 Esarhaddon 134 composite
#atf: lang akk
@object composite text
@surface a
1. a-na {d}inanna unu{ki} e-tel-let _an_-e u _ki_-tim qa-rit-ti _dingir-mesz_ s,ir-ti
2. _gaszan_ szur-bu-tu2 ha-mi3-mat pa-ra-as, {d}a-nu3-u-tu2 sza na-gab szu-luh-hu szu-up-qu-ud-du qa-tusz-sza2
3. sza2-nu-kat3 i-la-a-te sza ina er-me a-nu u3 ki-gal-li szur-ru-hu zik-ru-sza2
4. i-lat _muru2_ u3 ta-ha-zi a-li-kat3 i-di _lugal_ mi-gir-i-sza2 mu-ra-asz2-szi-bat ga-re-e-szu2
5. a-szi-bat e2-nir-gal2-an-na sza qe2-reb e2-an-na _gaszan unu{ki} gaszan gal_-ti _gaszan_-szu2
6. {disz}an-szar2-szesz-szum2-na _man szu2 man kur_ asz-szur{ki} _szagina_ babila2{ki} _man kur_ szu-me-ri u3 uri{ki}
7. _lugal_ szah2-t,u musz-te-e'-u asz2-ra-a-ti _dingir-mesz gal-mesz_ pa-lih _en en-en_
8. ba-nu-u _e2_ an-szar2 e-pisz e2-sag-il2 u3 babila2{ki} za-nin e2-zi-da
9. mu-ud-disz e2-an-na mu-szak-lil esz-re-e-ti ma-ha-zi sza ina qe2-reb-szi-na isz-tak-ka-nu si-ma-a-ti
10. _dumu_ {disz}{d}sin-pap-mesz-su _man szu2 man kur_ asz-szur{ki} _dumu_ {disz}man-gin _man kur_ asz-szur{ki} _szagina_ ka2-disz-disz{ki} _man kur_ szu-me-ri u uri{ki}
11. e2-nir-gal2-an-na _e2_ pa-pa-hi {d}isz-tar _gaszan_-ia sza qe2-reb e2-an-na
12. sza _man_ mah-ri i-pu-szu la-ba-risz il-lik-ma mi-qit-ti ir-szi
13. asz2-ra-ti-szu2 asz2-te-'e ina a-gur-ri _udun ku3_-tim ma-qit-ta-szu2 ak-sze-er
14. _szu-min {d}inanna unu{ki} gaszan gal_-ti as,-bat-ma a-na qe2-reb-szu2 u2-sze-rib szu-bat da-ra-a-te u2-szar-me
15. _{udu}siskur-mesz_ tasz-ri-ih-ti aq-qi2 usz-par-zi-ih si-ga-ar-sza2
16. {d}inanna unu{ki} _gaszan_ s,ir-ti ina qe2-reb _e2_ pa-pa-hi szu-a-te ha-di-isz ina a-sza2-bi-ki
17. ia-a-ti {disz}an-szar2-szesz-szum2-na _man kur_ asz-szur{ki} a-mat _munus saga_-ia lisz-sza2-kin szap-tuk-ki
18. _ti-la ud-mesz su3-mesz_ sze-be2-e lit-tu-tu t,u-ub _uzu_ u3 hu-ud lib3-bi szi-i-mi3 szi-ma-ti
19. ina qab-lu u3 ta-ha-zi i-da-a-a i-tas-har-ma kul-lat na-ki-ri-ia lu-mi3-isz kul-ba-bisz
20. ma-ti-ma ina ah-rat u4-me _nun egir_-u sza ina _bala_-szu2 _e2_ pa-pa-hi szu-a-te in-na-hu an-hu-us-su lu-ud-disz
21. szu-mi3 it-ti szu-me-szu2 lisz-t,ur _mu-sar_-ru-u szi-t,ir _mu_-ia _i3-gesz_ lip-szu-usz _{udu}siskur bala_-qi2 it-ti _mu-sar_-e-szu2 lisz-kun
22. ik-ri-bi-szu2 _dingir-mesz_ i-szem-mu-u sza szu-mi3 szat,-ru ina szi-pir ni-kil-ti i-pa-asz2-szi-t,u
23. _mu-sar_-ru-u-a i-ab-bat lu-u a-szar-szu2 u2-nak-ka-ru
24. {d}inanna unu{ki} ag-gesz lik-kil-me-szu-ma szi-mat le-mut-tu2 li-szim-szu2
25. _mu_-szu2 _numun_-szu2 ina _kur_ li-hal-liq-ma a-a ir-szi-szu2 re-e-me

Total 1 record(s)

This website uses essential cookies that are necessary for it to work properly. These cookies are enabled by default.