&P463050 = RINAP 1 Tiglath-pileser III 07 composite
#atf: lang akk
@object composite text
@surface a
$ (continued from RINAP 1 Tiglath-pileser III 6)
1. [...] {iri}ku-szi-a-na-asz2 {iri}ha-ar-szu2 {iri}sza2-na-asz2-ti-ku {iri}kisz-ki-ta-ra {iri}ha-ar-sza2-a-a {iri}a-a-u2-ba-ak
2. [...] _kur_-e sza {kur}ha-li-ha-ad-ri _szu-si kur_-e sza2-qi-tu is,-ba-tu ar-ki-szu2-nu ar-de-e-ma _bad5-bad5_-szu-nu asz2-kun
3. [...] hur-ri _kur_-e e-ru-bu ina {d}gesz-bar aq-mu {iri}uz-ha-ri sza {kur}e2-za-at-ti al-me ak-szud {disz}ka-ki-i
4. [...] {iri}ki-it-pa-at-ti-a sza {kur}e2-ab-da-da-ni sza {disz}tu-na-ku e-ki-mu al-me ak-szud szal-la-su
5. asz2-lu-la [...] {iri}ni-kur a-di _iri-mesz_ sza li-me-ti-szu2 a-na esz-szu-te _du3_-usz _ug3-mesz kur-kur_ ki-szit-ti _szu-min_-ia ina lib3-bi u2-sze-szib
6. [...] {lu2}szu-ut _sag_-ia _{lu2}en-nam ugu_-szu2-nu asz2-kun {kur}e2-kap-si {kur}e2-sa-an-gi {kur}e2-ur-zak-ki _gin7_ sa-pa-ri as-hu-up di-ik-ta-szu2-nu ma-'a-at-tu
7. a-duk [...] a-na {gesz}za-qi-pa-a-ni u2-sze-li si-ta-at {lu2}mun-dah-s,e-e-szu2-nu rit-ti-szu2-nu u2-nak-kis-ma ina qe2-reb _kur_-szu2-nu u2-masz-szir
8. [...] {ansze}ud-ra-a-te-szu2-nu _gu4-nita2-mesz_-szu2-nu s,e-e-ni-szu2-nu um-ma-ni a-na la ma-ni il-qa-a {disz}mi-ta-a-ki
9. [...] {iri}ur-sza-ni-ka _ku4_-ub {iri}ur-sza-ni-ka {iri}ki-an-pal ak-szud sza2-a-szu2 _dam_-su _dumu-mesz_-szu2 _dumu-munus-mesz_-szu2
10. [...] _iri-mesz_-ni szu-a-tu-nu a-di _iri-mesz_-ni sza li-me-ti-szu2-nu ap-pul2 aq-qur ina _izi gibil2_-up {disz}ba-at-ta-a-nu _dumu_ {disz}kap-si
11. [...]-tu ik-nu-usz-ma isz-sza2-a tup-szik-ku a-na la sa-pa-ah na-gi-i-szu2 {iri}kar-ka-ri-hu-un-dir e-zi-ba-asz2-szu
12. [...] _ugu_-szu2 asz2-kun {iri}e-ri-in-zi-a-szu2 sza it-ti {disz}bi-si-ha-dir {iri}ki-szi-sa-a-a ib-bal-ki-tu ak-szud
$ (continued in RINAP 1 Tiglath-pileser III 8)
Total 1 record(s)