2019-08-31 12:01:14, entered by englund for englund
&P463071 = RINAP 1 Tiglath-pileser III 42 composite
#atf: lang akk
@object composite text
@surface a
$ beginning broken
1'. [...]-qi sza2 [...] {iri}ha-ta-rik-ka a-di {kur}sa-u2-e
2'. [...] {iri}gu-ub-la [...] {iri}s,i-mir-ra {iri}ar-qa-a {iri}zi-mar-ra
3'. [...] {iri}us-nu-u2 {iri}si-an-nu {iri}ma-'a-ra-ba-a {iri}ri-'i-si-s,u-ri
4'. [...] _iri-mesz e2_ ka-ri x [...] tam-tim e-li-te a-bel 6(disz) {lu2}szu-ut _sag-mesz_-ia
5'. _{lu2}en-nam-mesz ugu_-szu2-nu asz2-kun [...] {iri}ka-asz2-pu-na sza2 a-ah tam-tim e-li-ti
6'. [...]-ni-te {iri}ga-al-'a-a-di u3 {iri}a-bi-il-szit,-t,i sza2 _za3_ {kur}e2-hu-um-ri-a
7'. {kur}e2-{disz}ha-za-'i-i-li rap-szu2 a-na si-hir-ti-szu2 a-na mi-s,ir _kur_ asz-szur u2-ter-ra
8'. x {lu2}szu-ut _sag-mesz_-ia _{lu2}en-nam-mesz ugu_-szu2-nu asz2-kun {disz}ha-a-nu-u2-nu {iri}ha-az-za-at-a-a
9'. sza2 la-pa-an _{gesz}tukul-mesz_-ia ip-par-szi-du-ma a-na {kur}mu-us,-ri in-nab-tu2 {iri}ha-az-zu-tu
10'. _iri lugal_-ti-szu2 ak-szud _nig2-szu_-szu2 _dingir-mesz_-ni-szu2 asz2-lu-la s,a-lam _dingir-mesz_-ni _en-mesz_-ia u3 _alam lugal_-ti-ia
11'. sza _ku3-sig17 du3_-usz i-na qe2-reb _e2-gal_ sza {iri}ha-az-zi-ti ul-ziz a-na _dingir-mesz kur_-szu-nu am-nu-ma
12'. sat-tuk-ki-szu2-nu u2-kin2 u3 szu-u2 na-mur-rat? asz-szur? _en_-ia? is-hup-szu-ma ki- is,-s,u-ri
13'. ul-tu {kur}mu-us,-ri ip-par-szam-ma [...] a-na _ki_-szu u2-ter-szu-ma
14'. [...]-szu2 a-na _e2_ ka-a-ri sza _kur_ asz-szur{ki} am-nu _ku3-sig17 ku3-babbar_ lu-bul-ti bir-me _gada_
15'. _ansze-kur-ra-mesz gal-mesz_ {gesz}[...] am-hur {kur}e2-hu-um-ri-a
16'. [...] ti-il-lut _{lu2}erin2 hi-a_-szu [...] pu-hur _ug3-mesz_-szu
17'. [...] a-na _kur_ asz-szur u2-ra-a {disz}pa-qa-ha _lugal_-szu2-nu x-du-x-x-ma {disz}a-u2-si-'i
18'. a-na _lugal_-ti i-na _ugu_-szu2-nu asz2-kun 1(u) _gun ku3-sig17_ x x _gun ku3-babbar_ a-di mar-szi-ti-szu2-nu am-hur-szu2-nu-ma
19'. a-na _kur_ asz-szur u2-ra-asz2-szu2-nu sza {munus}sa-am-si szar-rat {kur}a-ri-bi ina {kur}sa-qu-ur-ri _kur_-i
20'. 9(disz) _lim_ 4(disz) _me_ di-ik-ta-szu2-nu a-duk 1(disz) _lim un-mesz_ 3(u) _lim ansze-a-ab-ba-mesz_ 2(u) _lim gu4-nita2-mesz_
21'. _[...]-mesz_ 5(disz) _lim szim hi-a du3_-ma x _tu du_ ne2-mat-ti _dingir-mesz_-ni-sza2
22'. {gesz}til-li _{gesz}nig2-gidru-mesz_ {d}isz-tar-sza2 _nig2-ga_-sza2 e-kim _<>_ u3 szi-i a-na szu-zu-ub _zi-mesz_-sza2
23'. [...] a-na ma-ad-ba-ri a-szar s,u-ma-me _gin7 {munus}ansze-edin-na_
24'. tasz-ku-na pa-ni-sza2 si-ta-at _nig2-gur11_-sza2 kul-ta-ri-sza2 hu-ra-da-at _ug3-mesz_-sza2 i-na _muru2 karasz_-sza2
25'. ina _izi_ asz2-ru-up {munus}sa-am-si la-pa-an _{gesz}tukul-mesz_-ia _kal-mesz_ tasz-hu-ut-ma _ansze-a-ab-ba-mesz_ {ansze}a-na-qa-a-te
26'. a-di {ansze}ba-ak-ka-ri-szi-na a-na _kur_ asz-szur a-di mah-ri-ia tasz-sza2-a {lu2}qe-e-pu ina muh-hi-sza2 asz2-kun-ma
27'. 1(u)? _lim? {lu2}erin2-mesz?_ [...] {iri}ma-as-'a-a-a {iri}te-ma-a-a {lu2}sa-ba-'a-a-a
28'. {iri}ha-a-a-ap-pa-a-a {iri}ba-da-na-a-a {iri}ha-at-te-e-a {lu2}i-di-ba-a'-il-a-a
29'. [...] sza mi-s,ir _kur-kur_ sza szu-lum {d}szam-szi
30'. sza mam2-ma la i-du-szu2-nu-ti-ma a-szar-szu2-un ru-u2-qu ta-nit-ti be-lu-ti-ia
31'. al-ka-ka-at qur-di-ia isz-mu-ma? u2-s,al-lu-u2? be-lu-ti _ku3-sig17 ku3-babbar_
32'. _ansze-a-ab-ba-mesz_ {munus}{ansze}a-na-qa-a-ti _szim hi-a du3_-a-ma ma-da-ta-szu2-nu ki-i 1(disz)-en
33'. a-di mah-ri-ia u2-bi-lu-nim-ma? u2-na-asz2-szi-qu _giri3-min-mesz_-ia
34'. {disz}i-di-bi-'i-i-lu a-na _{lu2}i3-du8_-u2-ti ina _ugu_ {kur}mu-us,-ri ap-qid
35'. [...] _{gesz}tukul?_ asz-szur ina lib3-bi asz2-kun
36'. [...] x e-pu-usz-ma
37'. [...] {gesz}ni-ri asz-szur _en_-ia
38'. e-mid-su-nu-ti [...] ina? _kur-kur? du3_-szi-na? sza? at-tal-la-ku-u2-ma
$ (continued on the next slab, not preserved)