&P469109 = RIMB 2.06.32.14 composite #atf: lang akk @object composite text @surface a 1. a-na-ku an-szar2-du3-a 2. _man gal man_ dan-nu _man szu2 man kur_ asz-szur 3. _man_ kib-rat _limmu2_-ti _lugal-lugal-mesz_ 4. _nun_ la sza2-na-an sza2 ina a-mat an-szar2 {d}utu 5. u3 {d}marduk ul-tu tam-tim e-lit 6. a-di x? tam-tim szap-lit i-be-lu-ma 7. gi-mir ma-lik u2-szak-nisz sze-pu-usz-szu2 8. za-nin e2-sag-il2 _e2-gal dingir-mesz_ 9. sza2 ki-ma szi-t,ir bu-ru-mu u2-nam-mir 10. _si-gar_-szu2 u3 sza2 esz-re-e-ti ka-li-szi-na 11. hi-bil-ta-szi-na u2-szal-lim e-li kul-lat 12. ma-ha-zi u2-kin an-dul-lu4 sza2 ep-sze-e-tu2-szu2 13. _ugu_ kal _dingir-mesz du10-ga ugu_ s,al-mat _sag-du_ 14. du-szu-pat _sipa_-us-su _dumu {disz}an-szar2-szesz-mu_ 15. _man szu2 man kur_ asz-szur _szagina_ babila2{ki} 16. _man kur eme-gi7_ u3 uri{ki} mu-sze-szib babilax(|DIN.TIR|){ki} 17. e-pisz e2-sag-il2 mu-ud-disz esz-re-e-ti 18. kul-lat ma-ha-zi sza2 ina qer-bi-szi-na 19. isz-tak-kan si-ma-te sat-tuk-ki-szi-na 20. bat,-lu-tu2 u2-ki-nu par-s,i ki-du-de-e 21. ki-ma la-bi-rim-ma u2-ter-ru a-na 22. asz2-ri-szu-un _dumu dumu_ {disz}{d}sin-szesz-mesz-su 23. _man szu2 man kur_ asz-szur a-na-ku-ma _en gal_ {d}marduk 24. sza2 ina _bala_-e _lugal_ mah-ri ina ma-har 25. _ad_ ba-ni-i-szu2 u2-szi-bu ina qe2-reb 26. bal-til{ki} ina u4-me _bala_-e-a ina ri-sza2-a-ti? 27. a-na babilax(|DIN.TIR|){ki} i-ru-um-ma sat-tuk-ki 28. e2-sag-il2 u _dingir-mesz_ babilax(|DIN.TIR|){ki} u2-kin 29. ki-din-nu-ti babila2{ki} ak-s,ur 30. asz2-szu2 dan-nu a-na _sig_ la ha-ba-li 31. {disz}{d}gesz-nu11-mu-gi-na _szesz_ ta-lim 32. a-na _lugal_-u2-ti babilax(|DIN.TIR|){ki} ap-qid 33. ina u4-me-szu2-ma _e2-gar8_ e2-zi-da 34. sza2 la-ba-risz il-lik-u-ma i-ni-szu2 35. tem-me-en-szu2 ina _bala_-e-a an-hu-us-su 36. lu-disz-ma u2-za-aq-qi2-ir hur-sa-nisz 37. a-na szat-ti {d}na-bi-um _en_ s,i-ru 38. ep-sze-te-ia _munus saga-mesz_ ha-disz _igi-bar_-ma 39. ia-a-ti {disz}an-szar2-du3-a _nun_ pa-lih-szu2 40. a-mat da-mi-iq-ti-ia2 lisz-sza2-kin szap-tusz-szu2 41. _din_ u4-me _su3-mesz_ sze-be2-e lit-tu-tu 42. t,u-ub _uzu_ hu-ud lib3-bi li-szim 43. szi-ma-ti _suhusz {gesz}gu-za lugal_-u-ti-ia 44. ki-ma _kur_-i li-szar-szid it-ti 45. _an_-e u _ki_-tim lu-kin _bala_-u-a 46. u3 sza2 {disz}{d}gesz-nu11-mu-gi-na 47. _lugal_ babilax(|DIN.TIR|){ki} _szesz_ ta-lim-ia2 u4-me-szu2 48. li-ri-ku lisz-bi bu-'-a-ri 49. ma-ti-ma ina ah-rat u4-me _nun egir_-u 50. sza2 ina u4-me _bala_-szu2 51. szi-pir szu-a-ti 52. in-na-hu 53. an-hu-us-su 54. lu-ud-disz s,a-lam 55. _lugal_-ti-ia 56. li-mur-ma _i3-gesz_ 57. lip-szu-usz _{udu}siskur_ 58. _bala_-qi2 it-ti 59. s,a-lam-i-szu2 60. li-isz-kun 61. ik-ri-bi-i-szu2 62. {d}ag i-szem-me 63. sza2 szu-mi3 szat,-ru 64. i-pa-asz2-szi-t,u 65. s,a-lam _lugal_-ti-ia 66. i-ab-ba-tu 67. lu-u a-szar-szu2 68. u2-nak-ka-ru-ma 69. it-ti s,a-lam-szu2 70. la i-szak-kan 71. {d}na-bi-um 72. _en_ szur-bu-u2 73. ag-gi-isz 74. lik-kil-me-szu2-ma 75. _{gesz}gu-za lugal_-ti-szu2 76. li-sza2-bal-kit-ma 77. li-t,ir be-lut-su 78. _mu_-szu2 _numun_-szu2 ina _kur-kur_ 79. li-hal-liq-ma 80. a-a ir-szi-szu2 81. re-e-mu
Total 1 record(s)