&P473741 = CDLI Literary 000582 (Letter from Inannaka to Nintinuga) composite #atf: lang sux @object composite text @surface a 1. {d}nin-tin-ug5-ga agrig zi e2-kur-ra 2. a-zu kalam-ma-ra u3-na-a-du11 3. nin tu6 du11-ga-ni ug3 szar2 ti-le 4. mu7-mu7-ma-ni ug3 sa6-ga 5. nin sza3-ne-sza4 lu2 ti-ti szudu3-de3 ki ag2-ra 6. sza3 gur-ru sza3-la2 sug4 a-ra-zu gesz tuku-gu10-ur2 7. u3-na-de3-tah 8. ti-la ug5-ga en3 tar-bi za-e-me-en 9. lu2-ku5-lu2-ku5-ba du7-du7 gal-bi-me-en 10. {disz}{d}inanna-ka dumu-munus {d}en-lil2-a2-mah 11. geme2-zu na-ab-be2-a 12. ki-nu2 szub-ba-gu10-da 2(disz)-kam-ma-bi 13. u2-u8-a-u8-a al-gen-na-gu10 a-ra2-bi nu-zu 13a. [...] mu-da-an-TAR [...] ra x [...] x 14. nin-gu10 e2 ma-an-du3-ma igi la2-bi ba-tusz-en 15. zu-a kal-la-gu10 giri3 kur2 ba-an-dab5-be2-esz 16. lu2 en3 tar-re la-ba-an-tuku 17. im-ma-si im-ma-dirig-ga-ta 18. zi al-ir-ir-re-en 19. tukum-bi nin-ga2 an-na-kam 20. a2-sag3 su-ga2 gal2-la su-ga2 ib2-ta-an-zi 21. ki-in-du nam-ti-la-ka giri3-gu10 he2-bi2-ib-gub-be2 22. u3 ge26-e geme2-zu he2-me-en 23. e2-za-a kisal-luh-bi he2-me-en igi-zu-sze3 he2-gub 24. u3-ba-sa6-ge nin-gu10 lu2-ku5-da du7-du7 25. mu-zu ga-am3-mi-ib2-sa4
&P473741 = CDLI Literary 000582 (Letter from Inannaka to Nintinuga) composite #atf: lang sux @object composite text @surface a 1. {d}nin-tin-ug5-ga agrig zi e2-kur-ra 2. a-zu kalam-ma-ra u3-na-a-du11 3. nin tu6 du11-ga-ni ug3 szar2 ti-le 4. mu7-mu7-ma-ni ug3 sa6-ga 5. nin sza3-ne-sza4 lu2 ti-ti szudu3-de3 ki ag2-ra 6. sza3 gur-ru sza3-la2 sug4 a-ra-zu gesz tuku-gu10-ur2 7. u3-na-de3-tah 8. ti-la ug5-ga en3 tar-bi za-e-me-en 9. lu2-ku5-lu2-ku5-ba du7-du7 gal-bi-me-en 10. {disz}{d}inanna-ka dumu-munus {d}en-lil2-a2-mah 11. geme2-zu na-ab-be2-a 12. ki-nu2 szub-ba-gu10-da 2(disz)-kam-ma-bi 13. u2-u8-a-u8-a al-gen-na-gu10 a-ra2-bi nu-zu 13a. [...] mu-da-an-TAR [...] ra x [...] x 14. nin-gu10 e2 ma-an-du3-ma igi la2-bi ba-tusz-en 15. zu-a kal-la-gu10 giri3 kur2 ba-an-dab5-be2-esz 16. lu2 en3 tar-re la-ba-an-tuku 17. im-ma-si im-ma-dirig-ga-ta 18. zi al-ir-ir-re-en 19. tukum-bi nin-ga2 an-na-kam 20. a2-sag3 su-ga2 gal2-la su-ga2 ib2-ta-an-zi 21. ki-in-du nam-ti-la-ka giri3-gu10 he2-bi2-ib-gub-be2 22. u3 ge26-e geme2-zu he2-me-en 23. e2-za-a kisal-luh-bi he2-me-en igi-zu-sze3 he2-gub 24. u3-ba-sa6-ge nin-gu10 lu2-ku5-da du7-du7 25. mu-zu ga-am3-mi-ib2-sa4
Total 2 record(s)