&P481130 = Q000509 (ETCSL 2.6.9.2 A hymn to Haia for Rim-Sin (Rim-Sin B))&P481130 = CDLI Literary 000509 (Rim-Sin B) composite #atf: lang sux @object composite text @surface a 1. en gesztu2 mah szu du7 sa2 gal-e pa3-da >>Q000509 001 2. {d}ha-ia3 dub gal-gal ha-ha-za gesztu2-gesztu2-ga pesz-pesz >>Q000509 002 3. szid-du3 hal-an-ku3 igi za3 til galam-ma-ke4 e2-|GESZTUG2.AN.NISABA|-ke4 >>Q000509 003 4. pisag-dub-ba e2-gal an ki-a kig2 kilib-ba szid-szid >>Q000509 004 5. gi ku3-ga szu gal2-le im nam-tar gal-gal mul-mul >>Q000509 005 6. gal-an-zu inim gesztu2 de5-ge u4-bi-sze3 an ku3-ga-ra >>Q000509 006 7. kiszib-gal2 a-a {d}en-lil2-la2-ke4 lu2 tam-ma e3 erim3 e2-kur-ra >>Q000509 007 8. he2-du7 esz3-e abzu-a siki bar-ra la2-la2 en {d}nu-dim2-mud-ra >>Q000509 008 9. {d}ha-ia3 sza3-gada-la2 e2-u6-nir-ra uz-ga ku3 lu-lu >>Q000509 009 10. umun2 ak-ak esz3 e2-kisz-nu-gal2-la2-ke4 mu mah-bi gal-la >>Q000509 010 11. sza3 inim-gal2 ki-sikil {d}nin-gal-e unu7 gal-e ti-la >>Q000509 011 12. musz3-me sa6 nitalam2 ki ag2 {d}nun-bar-sze-gu-nu >>Q000509 012 13. lu2 mu mah mussa kur gal a-a {d}en-lil2-la2-kam >>Q000509 013 14. sagga ban3-da igi-gal2-tuku pa3-da an ki-bi-da-ke415. gu2-un dingir-re-[e-ne] szu gid2-i ma-dam kur ab su3-u4-da inim-ma-ni bur2-e16. gal-zu me mah nam#-nun#-na#-ka u5 tur3? za3 kesze2-da>>Q000509 014 15. gu2-un dingir-re-e-ne szu gid2-i ma-dam kur ab su3-u4-da inim-ma-ni bur2-e >>Q000509 015 16. gal-zu me mah nam-nun-na-ka u5 tur3? za3 kesze2-da >>Q000509 016 17. sza3 dagal sur-ra gesz-hur ku3-ga e2 eridu{ki}-ga-ke4 szu dab-be2 >>Q000509 017 18. {d}ha-ia3 lu2 szu-luh sikil-la engur-ra-ke4 tug2-ba13 tug2 la2-la219. {d}indagara sagga7(|GA.DUB2|) utah-he2 kur-ta ka du8-u3 dingir-re-e-ne-ke4>>Q000509 018 19. {d}indagara sagga7 utah-he2 kur-ta ka du8-u3 dingir-re-e-ne-ke4 >>Q000509 019 20. sza3 dub-ba su3-u4-da zu-a galam ak-ak dingir gal-gal-e-ne >>Q000509 020 21. szu-nir-nir {gesz}gag-a du3-du3 sag si-ga ki galam hur kalam-ma >>Q000509 021 22. ki szu tag-tag unu7 sig7-ga an-szar2 kur gal-ra >>Q000509 022 23. sag il2 mah esz3-e abzu-ta du11-ga-ni sze-ga >>Q000509 023 24. lu2 sag kesze2 ninda babbar sikil-la szu dab-be2 e2 dingir-re-e-ne >>Q000509 024 25. {d}ku3-su3 {d}indagara e-ne-ne-da nu an nu-sikil-la ki nu-dadag-ge >>Q000509 025 26. u2 gal-gal su3-su3 an {d}en-lil2-la2 unu7 mah-ne-ne-ke4 >>Q000509 026 27. lu2 musz3 ku3-ga igi du8 en {d}nu-dim2-mud-e >>Q000509 027 28. zabar ku3-ga szu gal2-le sza3 hul2-hul2 bar se3-se3-ge5 >>Q000509 028 29. lugal-gu10 nam-mah-zu szir3-ra ga-am3-i-i >>Q000509 029 30. {d}ha-ia3 nam-gal-zu gi16-sa-sze3 ga-am3-pa3-pa3-de3-en >>Q000509 030 31. a-ba za-a-gin7 dingir-re-e-ne-ke4 me ku3-ga-asz tum2-ma >>Q000509 031 32. nitalam ki ag2-zu ki-sikil {d}nisaba nin gal nin-e-ne >>Q000509 032 33. u3-tu-da sza3-ga-ni {d}nin-lil2-la2 dam mah {d}nu-nam-nir-ra >>Q000509 033 34. bara2 e2-kur-ra-ke4 sag il2-la an-sze3 szi-in-da-ti >>Q000509 034 35. nam-nin dingir-re-e-ne-ke4 me-er-ga-bi al-ak-e dingir za3 sza4 nu-tuku >>Q000509 035 36. za-e ninda2 gal galga zi pa3-da en3 tar-tar dingir-re-e-ne-ke4 >>Q000509 036 37. {d}ha-ia3 me szum2-szum2-mu kig2 ag2-e ki-szu-pesz igi zu-zu-me-en >>Q000509 037 38. {d}en-ki-ke4 esz3-e abzu-ta mu7-mu7 nam-ti-la-ni mu-ra-rig7 >>Q000509 038 39. en ge6-par3-e mu-ni-ib-hug-en sag se3 mu-ni-ib-gar-re-en >>Q000509 039 40. sipa kalam-ma-ra gidru mah u4 su3-ra2 szu-ni-sze3 bi2-ib-dab5-e-en >>Q000509 040 41. {d}ha-ia3 dingir kalam-ma a-ra-zu ug3 szar2-ra gesz tuku-me-en >>Q000509 041 42. za-e dingir gal-gal-e-ne ug3 dagal-la szu-ni-sze3 bi2-ib-dab5-e-en >>Q000509 042 43. a-a {d}en-ki abzu-ta ed2-da-ni-ta >>Q000509 043 44. {d}ha-ia3 nam-gal-bi za-e sza-mu-re-da-an-ag2 >>Q000509 044 45. ug3 sza3-ba i3-ni-me-a-ke4 gu2-bi an-sze3 szi-bi2-ib2-zi-zi >>Q000509 045 46. nam-lu2-ulu3-bi u4 asil-la2 mi-ni-ib-zal-zal-le-ne >>Q000509 046 47. ug3 szar2-ra-bi sza3 hul2-la u4 ul-le2-a-asz bi2-ib-ak-e-en >>Q000509 047 48. e2 dingir gal-gal-e-ne ezen ab-gar-re-en giri17-zal szi-bi2-du8-du8-un >>Q000509 048 49. sag-kal sag-kal-e dingir-re-e-ne-ke4 gesz-szub gal-gal ug3 til-la-ni >>Q000509 049 50. igi sa6-ga-zu nam-ti si-a lugal-ra igi zi bar-mu-un-szi-ib >>Q000509 050 51. nun {d}ri-im-{d}suen bala hul2-hul2 u4 su3-u4-da szu zi gar-mu-na-ab >>Q000509 051 52. im nam-ti-la-ke4 du-ri2-sze3 nu-kur2-ru mu-bi gub-i3 >>Q000509 052 53. sipa {d}ri-im-{d}suen nam-en-bi an {d}en-lil2-la2 ki he2-ag2-e-ne >>Q000509 053 54. lu2 szir3-ra-ke4 za3-mi2-zu ka-bi-a mi-ni-ib-du10-ge-ne >>Q000509 054 55. {d}ha-ia3 lu2 szir3-ra-ke4 za3-mi2-zu ka-bi-a mi-ni-ib-du10-ge-ne >>Q000509 055 56. en an ki lugal abzu-a za3-mi2-bi mah-a >>Q000509 056 57. a-a {d}en-ki lugal abzu-a za3-mi2-zu du10-ga >>Q000509 057 58. u18-ru12-bi-im >>Q000509 058 59. {d}ha-ia3 dingir kalam-ma ga-ti-e ki ag2 nun {d}ri-im-{d}suen-e a2 bad tal2-ni he2-me-en60. gesz-gi-gal2-bi-im>>Q000509 059 60. gesz-gi-gal2-bi-im >>Q000509 060
&P481130 = Q000509 (ETCSL 2.6.9.2 A hymn to Haia for Rim-Sin (Rim-Sin B)) #atf: lang sux @object composite text 1. en gesztu2 mah szu du7 sa2 gal-e pa3-da 2. {d}ha-ia3 dub gal-gal ha-ha-za gesztu2-gesztu2-ga pesz-pesz 3. szid-du3 hal-an-ku3 igi za3 til galam-ma-ke4 e2-|GESZTUG2.AN.NISABA|-ke4 4. pisag-dub-ba e2-gal an ki-a kig2 kilib-ba szid-szid 5. gi ku3-ga szu gal2-le im nam-tar gal-gal mul-mul 6. gal-an-zu inim gesztu2 de5-ge u4-bi-sze3 an ku3-ga-ra 7. kiszib-gal2 a-a {d}en-lil2-la2-ke4 lu2 tam-ma e3 erim3 e2-kur-ra 8. he2-du7 esz3-e abzu-a siki bar-ra la2-la2 en {d}nu-dim2-mud-ra 9. {d}ha-ia3 sza3-gada-la2 e2-u6-nir-ra uz-ga ku3 lu-lu 10. umun2 ak-ak esz3 e2-kisz-nu-gal2-la2-ke4 mu mah-bi gal-la 11. sza3 inim-gal2 ki-sikil {d}nin-gal-e unu7 gal-e ti-la 12. musz3-me sa6 nitalam2 ki ag2 {d}nun-bar-sze-gu-nu 13. lu2 mu mah mussa kur gal a-a {d}en-lil2-la2-kam 14. sagga ban3-da igi-gal2-tuku pa3-da an ki-bi-da-ke4 15. gu2-un dingir-re-[e-ne] szu gid2-i ma-dam kur ab su3-u4-da inim-ma-ni bur2-e 16. gal-zu me mah nam#-nun#-na#-ka u5 tur3? za3 kesze2-da 17. sza3 dagal sur-ra gesz-hur ku3-ga e2 eridu{ki}-ga-ke4 szu dab-be2 18. {d}ha-ia3 lu2 szu-luh sikil-la engur-ra-ke4 tug2-ba13 tug2 la2-la2 19. {d}indagara sagga7(|GA.DUB2|) utah-he2 kur-ta ka du8-u3 dingir-re-e-ne-ke4 20. sza3 dub-ba su3-u4-da zu-a galam ak-ak dingir gal-gal-e-ne 21. szu-nir-nir {gesz}gag-a du3-du3 sag si-ga ki galam hur kalam-ma 22. ki szu tag-tag unu7 sig7-ga an-szar2 kur gal-ra 23. sag il2 mah esz3-e abzu-ta du11-ga-ni sze-ga 24. lu2 sag kesze2 ninda babbar sikil-la szu dab-be2 e2 dingir-re-e-ne 25. {d}ku3-su3 {d}indagara e-ne-ne-da nu an nu-sikil-la ki nu-dadag-ge 26. u2 gal-gal su3-su3 an {d}en-lil2-la2 unu7 mah-ne-ne-ke4 27. lu2 musz3 ku3-ga igi du8 en {d}nu-dim2-mud-e 28. zabar ku3-ga szu gal2-le sza3 hul2-hul2 bar se3-se3-ge5 29. lugal-gu10 nam-mah-zu szir3-ra ga-am3-i-i 30. {d}ha-ia3 nam-gal-zu gi16-sa-sze3 ga-am3-pa3-pa3-de3-en 31. a-ba za-a-gin7 dingir-re-e-ne-ke4 me ku3-ga-asz tum2-ma 32. nitalam ki ag2-zu ki-sikil {d}nisaba nin gal nin-e-ne 33. u3-tu-da sza3-ga-ni {d}nin-lil2-la2 dam mah {d}nu-nam-nir-ra 34. bara2 e2-kur-ra-ke4 sag il2-la an-sze3 szi-in-da-ti 35. nam-nin dingir-re-e-ne-ke4 me-er-ga-bi al-ak-e dingir za3 sza4 nu-tuku 36. za-e ninda2 gal galga zi pa3-da en3 tar-tar dingir-re-e-ne-ke4 37. {d}ha-ia3 me szum2-szum2-mu kig2 ag2-e ki-szu-pesz igi zu-zu-me-en 38. {d}en-ki-ke4 esz3-e abzu-ta mu7-mu7 nam-ti-la-ni mu-ra-rig7 39. en ge6-par3-e mu-ni-ib-hug-en sag se3 mu-ni-ib-gar-re-en 40. sipa kalam-ma-ra gidru mah u4 su3-ra2 szu-ni-sze3 bi2-ib-dab5-e-en 41. {d}ha-ia3 dingir kalam-ma a-ra-zu ug3 szar2-ra gesz tuku-me-en 42. za-e dingir gal-gal-e-ne ug3 dagal-la szu-ni-sze3 bi2-ib-dab5-e-en 43. a-a {d}en-ki abzu-ta ed2-da-ni-ta 44. {d}ha-ia3 nam-gal-bi za-e sza-mu-re-da-an-ag2 45. ug3 sza3-ba i3-ni-me-a-ke4 gu2-bi an-sze3 szi-bi2-ib2-zi-zi 46. nam-lu2-ulu3-bi u4 asil-la2 mi-ni-ib-zal-zal-le-ne 47. ug3 szar2-ra-bi sza3 hul2-la u4 ul-le2-a-asz bi2-ib-ak-e-en 48. e2 dingir gal-gal-e-ne ezen ab-gar-re-en giri17-zal szi-bi2-du8-du8-un 49. sag-kal sag-kal-e dingir-re-e-ne-ke4 gesz-szub gal-gal ug3 til-la-ni 50. igi sa6-ga-zu nam-ti si-a lugal-ra igi zi bar-mu-un-szi-ib 51. nun {d}ri-im-{d}suen bala hul2-hul2 u4 su3-u4-da szu zi gar-mu-na-ab 52. im nam-ti-la-ke4 du-ri2-sze3 nu-kur2-ru mu-bi gub-i3 53. sipa {d}ri-im-{d}suen nam-en-bi an {d}en-lil2-la2 ki he2-ag2-e-ne 54. lu2 szir3-ra-ke4 za3-mi2-zu ka-bi-a mi-ni-ib-du10-ge-ne 55. {d}ha-ia3 lu2 szir3-ra-ke4 za3-mi2-zu ka-bi-a mi-ni-ib-du10-ge-ne 56. en an ki lugal abzu-a za3-mi2-bi mah-a 57. a-a {d}en-ki lugal abzu-a za3-mi2-zu du10-ga 58. u18-ru12-bi-im 59. {d}ha-ia3 dingir kalam-ma ga-ti-e ki ag2 nun {d}ri-im-{d}suen-e a2 bad tal2-ni he2-me-en 60. gesz-gi-gal2-bi-im
Total 2 record(s)