&P498472 = RINBE 2, Nabonidus 01, ex. 02 #atf: lang akk @object barrel @surface a @column 1 1. {d}na3-na-'i-id _lugal_ babilax(|TIN.TIR|)#{ki#} _nun#_ na-a-du 2. re-e2-a-am za-ni-nu sza2# <a#-na> t,e4#-em# _dingir#-mesz#_ pu-tuq-qu 3. e-em-qa2 mu-ut-ne2-en-'u-u2 mu-usz#-te#-<ne2>-'u-u2 asz-ra-a-tu2 _dingir-mesz gal-mesz_ 4. et,-lu szu-us-su-mu bi-nu-ut _abgal dingir-mesz_ {d}marduk 5. na-ab-ni-it {d}e4-ru6 ba-na-a-ta gi-mir ma-al-ku 6. i-ti-it {d}mu-u2-a-ti a-pil e2-sag-il2 sa-niq!(IL2) mit-hur-tu2 7. bi-nu-tu {d}nin-szi-ku3 mu-du-u2 ba-nu-u2 ka-la-ma 8. ni-bi-it {d}nanna-ri be-lu a-gi-i mu-kal-li-im s,a-ad-du 9. sza u4-mi-szam-ma isz-te-ne2-e'-u2 pu-luh-tu4 _dingir gal-gal_ 10. a-na zi-in-na-a-ti e2-sag-il2 u3 e2-zi-da 11. ba-sza-a uz-na-a-szu 12. _dumu_ {disz}{d}na-bi-um-din-su-iq-bi _nun_ e-em-qa2 a-na-ku 13. _iri_ babila2{ki} <a-na> dam-qa-a-ti asz-te-ne2-e'-e 14. a-na e2-sag-il2 _e2-gal dingir-mesz gal-mesz_ szu-tu-ra-ku _igi-sa2_-e 15. a-na e2-zi-da sza2-ad ba-la-t,u mim-ma szum-szu du-usz-sza2-ku 16. sza2 e2-mes-lam _e2_ qar-ra-du _dingir-mesz_ t,u2-uh-hu-da-ku hi-is,-bi 17. i3-nu-szu im-gur-{d}en-lil2 _bad3_ babila2{ki} 18. _dal-ba-an-na ka2-gal_ {d}marduk u3 _ka2-gal_ {d}za-ba4-ba4 19. re-e-szi-szu it-ru-<ur>-ma ne2-me2-et#-[x x] i-szi 20. _bad3_ szu-a-ti <ana> du-un-nu-nim-ma ne2-me2#-[x x] szu#-ur2-szi-i 21. i-ga-ru-szu qu-up-pu-tim ad-ke-e!(DISZ) ma 22. _bad3_ im-gur-{d}en-lil2 _bad3_ babila2{ki} ku-du-ur-ru _usz-2(u)-ta-a_ 23. pu-lu-uk-<ku> da-ra-u2 u2-s,ur-ti3 ki-na-a-ta @column 2 1. mi-s,i-ir szu-ur2-szu-du ki-sur-ra-a szu-un-du-lu 2. tu-uk-szu da-num2 e-di-il pi-i a-a-bi 3. ma-ha-za re-esz-tu-u2 tuk-la-tu4 ba-u2-la-a-ti i-szi-id-su 4. u2-da-an-ni-in ki-ma kin-ne2-e u2-pat-tin-ma 5. sza-da-ni-isz u2-zaq-qi2-ir me2-la-a-szu 6. uhu2-<mi-isz> u2-szar-szi-id-su!(MASZ) a-na tab-ra-a-ti asz-tak2-kan-szu 7. szi-t,i-ir szu-mi sza _lugal_ mah-ri sza qe2-re-eb-szu ap-pal-su 8. it-ti szi-t,i-ir szu-mi-ia qer-ba-szu u2-ki-in a-na s,a-a-tu2 9. {d}en-lil2 _dingir-mesz_ {d}marduk sza qi2-bit-su ki-na-at 10. be-lu ap-kal-lu _dingir-mesz_ szu-ur2-bu-u2 qu-ra-du 11. szi-ip-ri szu-a-ti ha-di-isz nap-lis-ma 12. mi-im-mu-u2 e-te#-ep-pu-usz-szu li-bur-ma 13. li-ku-un ma-ha-ar-ka 14. szu-ri-ik _u4-mesz_ ba-la-t,u-ia lu-usz-ba-a lit-tu-tu 15. a-a ar-sza2-a sza2-<ni>-na szu-um-qi2-it a-a-bi-ia 16. lu-pu-usz re-e2-u2-<<ti3>>-si-na sza2 ka-li-isz kib-ra-a-ti 17. nap-har s,al-mat _sag-du_ gi-mir te-ne2-sze-e-ti 18. lu-be-el a-na da-ri2-a-ti lu-re-'e na-gab-szu-un 19. _lugal-mesz_ a-szi-ib pa-rak-ku 20. sza isz-na-ta-at-tu-u2 me2-e na-gab-bi 21. e-li-szu-nu lu-ki-in _{gesz}nig2-gidri_ lu-pu-usz be-lu-su-un 22. be-lu pa-li-ih-ka i-lab-bi-ir a-na da-ri2-a-ti 23. us,-s,a-ab ba-la-t,u i-ba-il szu-um-szu 24. a-na-ku lu-u2 _lugal_ za-nin-ku mu-usz-te-'u-u2 25. asz-ri-ka a-na da-ri2-a-ti
Total 1 record(s)