&P509366 = RINAP 1 Tiglath-pileser III 15 composite
#atf: lang akk
@object composite text
@surface a
$ (continued from RINAP 1 Tiglath-pileser III 14)
1. {iri}kas-ka-a-a {disz}u2-as-sur-me {kur}ta-bal-a-a {disz}usz-hi-it-ti {kur}tu-na-a-a {disz}ur-bal-la-a {kur}tu-ha-na-a-a {disz}tu-ha-am-me {iri}isz-tu-un-da-a-a
2. {disz}u2-ri-im-mi3-i {iri}hu-bi-isz-na-a-a {munus}za-bi-be2-e szar-rat {kur}a-ri-bi _ku3-sig17 ku3-babbar an-na an-bar kusz am-si zu2 am-si_
3. lu-bul-ti bir-me _{tug2}gada_ {siki}ta-kil-tu {siki}ar2-ga-man-nu _{gesz}esi {gesz}tug2_ mim-ma aq-ru ni-s,ir-ti _lugal_-u2-ti _udu-nita2-mesz_ bal-t,u-ti sza _siki-mesz_-szu2-nu
4. ar-ga-man-nu s,ar-pat is,-s,ur _an_-e mut-tap-ri-szu2-ti sza2 a-gap-pi-szu2-nu a-na ta-kil-te s,ar-pu _ansze-kur-ra-mesz {ansze}giri3-nun-na-mesz gu4-nita2-mesz_ u3 s,e-e-ni _ansze-a-ab-ba-mesz_
5. {munus}{ansze}a-na-qa-a-te a-di {ansze}ba-ak-ka-ri-szi-na am-hur i-na 9(disz) _bala-mesz_-ia asz-szur be-li2 u2-tak-kil-an-ni-ma a-na {kur}e2-kap-si {kur}e2-sa-an-gi
6. {kur}e2-ur-zak-ki {kur}ma-da-a-a {kur}e2-zu-al-za-asz2 {kur}e2-ma-at-ti {kur}tup-li-ia-asz2 al-lik {iri}e2-{d}1(u)-5(disz) {iri}ki-in-ka-an-gi {iri}ki-in-di-gi-a-su
7. {iri}ki-in-gi-al-ka-si-isz {iri}ku-bu-usz-ha-ti-di-isz {iri}u2-pu-szu2 {iri}ah-si-pu-na {iri}gi-ir-gi-ra-a {iri}ki-im-ba-az-ha-ti a-di _iri-mesz_-ni
8. sza li-me-te-szu2-nu ak-szud szal-la-su-nu asz2-lu-la ap-pul aq-qur ina _izi_ asz2-ru-up ina u4-me-szu2-ma mul-mul-lu _an-bar_ zaq-tu2 _du3_-usz li-ta-at asz-szur _en_-ia
9. i-na muh-hi asz2-t,ur ina _ugu_ nam-ba-'i sza {iri}e2-{d}1(u)-5(disz) u2-kin {disz}u2-pa-asz2 _dumu_ {disz}kap-si _ug3-mesz_-szu2 u2-pah-hir-ma a-na {kur}a-bi-ru-us _kur_-e e-li ar-ke-e-szu2
10. ar-de-e-ma di-ik-ta-szu2 a-duk szal-la-su asz2-lu-la _iri-mesz_-ni-szu2 ap-pul aq-qur ina _izi_ asz2-ru-up {disz}u2-szu-ru {iri}x-x-x-ru-ta {disz}bur-da-da
11. sza {iri}ni-ru-tak-ta ip-la-hu-ma _kur_-u2 is,-ba-tu ar-ke-e-szu2-nu e-li di-ik-ta-szu2-nu a-duk szal-la-su-nu asz2-lu-la {disz}bur-da-da ina qa-ti as,-bat
12. _iri-mesz_-ni-szu2-nu ap-pul aq-qur ina _izi_ asz2-ru-up {iri}s,i-bu-ur a-di _iri-mesz_-ni sza li-me-ti-szu ak-szud szal-la-su asz2-lu-la {disz}ta-nu-us
$ (continued in RINAP 1 Tiglath-pileser III 16)
Total 1 record(s)