&P510726 = AbB 13, 004 #atf: lang akk @tablet @obverse 1. [a-na] be-li2-ia 2. qi2#-bi2-ma 3. um-ma ib-ni-{d}mar-tu ARAD-ka-ma 4. i-nu-ma a-na _erin2_ i3-si-in-na{ki} be-li2 isz-ku#-na-an-ni 5. _4(bur3) 1(esze3) 3(iku) GAN2 a-sza3 szuku_ sza _bala-ri i7_ ir-ni-na it-ba#-lu 6. _1(bur'u) 5(bur3) GAN2 a-sza3_ i-na i3-si-in-na{ki} be-li2 it-ba-al#-ma 7. it-ti _dam-gar3_ il-qe2-e ma-na-ha-tim ra-bi-a-tim asz-ku-un-ma 8. gi-mi-il-li u2-ul u2-te-er# i-nu-ma i-na _kaskal_ a-na-ku 9. i-ki-mu-ni-in-ni-ma a-na sa3-ni-iq-pi4-{d}utu _dumu_ x-ra#-am-ma _dub-sar_ 10. sza _5(bur3) GAN2 a-sza3_ i-ik-ka-lu it-ta-an-di-in 11. a-na e-mu-ut-ba-lum{ki} a-na a-[nu]-um#-pi2-{d}marduk [x (x)] 12. a-li-ik pa-ni-ia na-da#-nim# [(x)] 13. be-li2 a-na {d}suen-i-din-nam isz-[ta-ap]-pa-ar-ma# 14. _a-sza3_ u2-ul id-di-nam-ma# [u2]-ul# i-ri-isz [x x x x x (x)]-szu# 15. isz-tu al-li-kam-ma a-na e-mu#-[ut]-ba-lum{ki} al-[li-ku?] 16. ma-ha-ar {d}suen-i-din-nam asz-ta#-ak-ka-an-[ma] 17. ti-x-tim sza ma-ti-ma la in-ne2#-ep#-sza-[am?] 18. AZ? x-am al x [...] 19. _a-sza3_ na-da-nu-um [...] 20. isz-tu x li [...] $ rest broken @reverse $ beginning broken 1'. i-na x [x x x] x x x x x in#-na#-s,a#-[ar? ...] 2'. {disz}e-tel-pi4-{d}marduk ma-as,-s,a-ri i-du-kam u2-sza-x [x (x) (x)] 3'. a-na be-li2-ia asz-pur-am-[ma] 4'. be-li2 {d}suen-i-din-nam u3 {d}utu-ha-zi-ir i-sza#-[al-szu-nu-ti-ma] 5'. ki-ma _a-sza3_ a-na _gu2-un_ a-na e-tel-pi4-{d}marduk la [id-di-nu-ma] 6'. a-ia-szi-im id-di-nu-nim a-na be-li2-ia iq-[bu-u2] 7'. be-li2 a-na {d}suen-i-din-nam _sze_-am ma-ka-sa-am iq-bi# [(x) (x)] 8'. u3 a-na e-tel-pi4-{d}marduk isz-pur 9'. a-di i-na-an-na ma-as,-s,a-ri ma-asz-ka-nam i-na-as,-s,a-ar# [(x) (x)] 10'. i-di-isz iz-ru-u2-ma _sze_-am usz-te-ri-ib 11'. ma-as,-s,a-ri it,-t,a-ar-du-nim 12'. _aga-us2-mesz_ sza _a-sza3_-ti-szu-nu i-ri-szu _sze_-am im-ku-su#-[ma] 13'. a-ia-szi-im _1(disz) sila3 sze_ u2-ul in-na-ad-nam 14'. ba-ri-a-ku i-na _buru14_ an-ni-im _1(asz) sze gur_ a-na bi-ti-ni u2-ul u2-sze#-[ri-bu] 15'. a-na _4(bur3) 1(esze3) 3(iku) <GAN2> 4(u) sar a-sza3_ pe2-te-e-em sza be-li2 i-si-ha-an-ni 16'. _2(disz) gu4-apin_-ia sza i-szu-u2 at,-ru-ud-ma 17'. a-na _sza3-gal gu4 hi-a_ 2(disz) s,e-eh-he-ru-ti-ia at-ta-di-in 18'. _zi3-kaskal_ i-na mi-nim li-isz-pu-ku-nim u3 _a-sza3_ i-na mi-nim lu-ri-isz 19'. be-li2 li-isz-pur-ma mi-ik-sa-at _a-sza3_-ia li-id-di-nu-nim-ma 20'. la# e-be2-er-ri 21'. [me]-e u2-ul id-di-nu-nim-ma 22'. _[a]-sza3_ u2-ul as,-pu 23'. u3 i-na ki-ma i-na-an-na 24'. _1(disz) sar_ ip-sze-tim u2-ul i-szu-u2 $ single ruling
Total 1 record(s)