2019-10-27 15:20:24, entered by englund for novotny & jeffers
&P516905 = RINAP 5/2 Sîn-šarru-iškun 11 composite
#atf: lang akk
@object composite text
@surface a
1. a-na-ku {disz}sin-lugal-gar-un _man gal man_ dan-nu _man szu2 lugal kur_ asz-szur{ki} _a_ {disz}asz-szur-du3-a _man gal_
2. _man_ dan-nu _man szu2 lugal kur_ asz-szur{ki} _man kur eme-gi7_ u _uri{ki} a_ {disz}asz-szur-pap-asz _man gal man_ dan-nu _man szu2 man kur_ asz-szur{ki}
3. _szagina ka2-dingir{ki} man kur eme-gi7_ u _uri{ki} a_ {disz}{d}sin-pap-mesz-su
4. _man gal man_ dan-nu _man szu2 man kur_ asz-szur{ki} _nun_ la sza2-na-an _sza3-bala-bala {disz}lugal-gi-na man gal man_ dan-nu
5. _man szu2 man kur_ asz-szur{ki} _szagina ka2-dingir{ki} man kur eme-gi7_ u uri{ki} ina _sag lugal_-ti-ia ki-i
6. t,e3-me _dingir_-ma
7. a-na _du3_-esz _e2 {d}muati_ sza2 qe2-reb bal-til{ki} lib3-bi ub-la ina _iti du10-ga_ u4-me
8. sze-me-e te-me-en-szu2 ad-di-ma ina _kasz-sag gesztin_ ka-lak-ka-szu2 ab-lul
9. la-bi-in _sig4-mesz_-szu2
10. za-bil2 ku-dur2-ri-szu2 ina e-le-li nin-gu-tu ub-ba-la _ud_-szu-un
11. _ta usz8_-szu2 a-di gaba-dib-bi-szu ar-s,ip u2-szak-lil
12. _{iti}du6-ku3_ lim-mu {disz}sa-'i-lu _{lu2}gal muhaldim_