&P516910 = RINAP 5/2 Sîn-šarru-iškun 16 composite #atf: lang akk @object composite text @surface a 1. a-na {d}lal2 i-lat tasz-me-e u sa-li-me qa-rit-ti _dingir-mesz_ sza2-qu-ut _{d}inanna-mesz_ 2. hi-rat {d}muati _ibila_ resz-tu-u2 sza2 ku-uz-bu za-a'-nat ma-lat nam-ri-ir-ri 3. sa-ni-qat {d}i2-gi3-gi3 {d}gesz2-u a-szi-ir _du3_ mim-ma szum-szu2 le-qat3 un-ni-ni 4. sza2 ina qe2-reb sza2-asz2-me u _muru2_ u2-sze-szi-bu _nun_ pa-lih _dingir_-ti-sza2 5. il3-tum szur-bu-tu2 a-szi-bat qe2-reb bal-til{ki} _gaszan gal_-tu2 _gaszan_-szu2 6. {disz}{d}sin-lugal-gar-un _lugal gal_-u2 _lugal_ dan-nu _lugal szu2 lugal kur_ asz-szur 7. _a_ {disz}an-szar2-du3-a _lugal gal_-u2 _lugal_ dan-nu _lugal szu2 lugal kur_ asz-szur 8. _a_ {disz}an-szar2-pap-asz _lugal gal_-u2 _lugal_ dan-nu _lugal szu2 lugal kur_ asz-szur 9. u2-sze-pisz-ma _{gesz}dilim2 ku3-babbar_ eb-bi a-na qur-ru-ub-e nap-tan sze-rim 10. u3 li-la-a-ti ma-har _dingir_-ti-sza2 a-na _ti-la zi-mesz_-szu2 _gid2-da ud-mesz_-szu2 sza2-lam _numun_-szu2 szur-szu-du _{gesz}gu-za lugal_-ti-szu2 11. sa-kap _{lu2}kur2-mesz_-szu2 ka-szad i-zi-im-ti-szu2 u2-kin ma-har-sza2 12. sza2 ina _ugu dilim2 ku3-babbar_ sza2 {d}lal2 sza2 {iri}sza3-iri
Total 1 record(s)