&P518941 = RINBE 2, Nabonidus 13, ex. 01 #atf: lang akk @object cylinder @surface a @column 1 1. [{d}na-bi]-um#-na-'i-id _lugal_ babilax(|TIN.TIR|){ki} 2. [ru-bu-u2] mi#-gi-ir {d}marduk 3. [re-e2-a-um] ni#-bi#-it# {d#}na3 4. [x x za-ni-in e2]-sag-il2 5. [u3 e2-zi-da x x] x-szu $ n lines broken 6'. [x x] x li#-ib#-bi# 7'. [a-na] sza-a-t,i se-er-de-szu-un 8'. ka#-an-szu ki-sza-ad-su 9'. i#-sza-ad-da-du sa-ar-ma-szu-un 10'. a-na sza e-li-szu-nu t,a-a-bi e-pe2-szu 11'. gi-na-a u2-sa-al-lu-u3 _dingir-dingir gal-gal_ 12'. _dumu_ {disz}{d}na-bi-um-ba-la-at-su-iq-bi 13'. ru-bu-u2 e-em-qu a-na-ku 14'. e-nu-ma szi-pi2-ir e2-zi-da 15'. a-na szu-ul-lu-mu asz-te-e'-u2 16'. i-ga-ra-ti si-hi-ir-ti e2-ur4-me-imin-an-ki 17'. usz-szi ad-di-ma u2-kin te-me-en-szi-in 18'. e-esz-szisz e-pu2-usz-ma a-na ta-na-da-a-ti asz-tak2-kan @column 2 1. a-na ta-ab-ra-a-ti ki-isz-sza-at ni-szi 2. lu-le-e usz-ma-al-li 3. i-ga-ra-a-ti si-hi-ir-ti e2-zi-da 4. isz-tu _ka2_ ne2-re-bi {d}na-na-a a-di _i7_ 5. [me2]-eh#-ra-at _{im}si-sa2_ u3 me2-eh-re-et _{im}mar-tu_ 6. [ki-lal]-la-szu i-di {i7}ga-at-tim 7. [sza] {d#}nergal-lugal-uru3 _lugal_ pa-ni-i# 8. [i-pu2-szu-ma] la# u2-szak-li-lu szi-pi2-ir#-[szu] 9. [a-szar-szu ul u2]-na#-ak-ki-ir-ma# 10. [u2-ul-la-a re]-e-szi-szu 11. [a?]-ab#-ni-ma# e#-li# sza pa-ni u2-sza-tir 12. [asz-sza]-at#-tim {d}na3 _ibila_ ki-i-num 13. [sza]-qu-u2 szi-it-ra-hu 14. nu-ur2 _dingir-mesz_ ab-be2-e-szu 15. mi-im-mu-u2 e-te-ep-pu-szu 16. ha-di-isz na-ap-li#-is-ma 17. ba-la-t,a4 _u4-mesz_ ar-ku-ti 18. sze-be2-e li-it-tu-ti 19. szar-ru-ti ki-isz-szu-ti be-lu-ti ba-u2-la-a-ti 20. _{gesz}gu-za_ szu-ur2-szu-du pa-la-a ar-ki 21. a-na _u4-mesz_ da-ri2-u2-ti 22. a-na szi-ri-ik-tim szu-ur2-ka-am 23. i-na _{gesz}le-e2-um_-ka ki-i-nim 24. mu-kin pu-lu-uk sza-me2-e u3 er-s,e-tim 25. sza a-ra-ku _u4-mesz_-ia szu-usz-t,i-ir qa2-tuk-ka 26. at-ta lu-u2 sze-e-du du-um-qi2-ia-ma 27. ma-ha-ar {d}marduk u3 {d}e4-ru6 28. szu-ri-ib a-ma-a-at du-um-qi2-ia
Total 1 record(s)