Search results
Page: 1
2 text(s) found
Search aids
Terms of Use
Internal login
|
|
Search resultsPage: 1 2 text(s) found |
Return to Search Page Search aids Terms of Use Internal login |
| Download all text | Download transliterations | Reduce to catalogue data | Unclear abbreviations? | Support the CDLI |
| CDLI Literary 000401 (Shulgi G) composite Click for archival page
Can you improve upon the content of this entry? Please contact us! | No Image Available | Composite text surface a 1. {d}en-lil2 gal-di en me-te-na nig2-du11-ga-ni zi 2. {d}nu-nam-nir sipa da-ri2 kalam-ma kur gal-ta e3-a 3. sa2 gal pa3-de3 gu2-gal an ki me sza-ra u5-a 4. en nam-nun-na-ni-sze3 ni2 gal im-guru3 mul-an szu du7-a 5. me ul me sag5-e gal kin-ga2 dili-ni dingir mah 6. en u4 ti kur-za3 til-la-sze3 ug3 du10-us2 dili-a tum2 7. sa-par3 mah an ki szu2-a esz2 kur-kur-ra la2-a 8. {d}en-lil2-da a-ba a2 mu-da-an-ag2 a-ba-ga-an-da-sa2 9. gal bi2-du11 sza3-ga-ni i7 mah a-na-am3 de6-a-bi 10. inim ku3-ga-na LIL2 lal3-gar-ra-bi e2-ta nam-ta-e3 11. nig2-bi nig2 ku3-ga-am3 nig2 szen-nam me e2-kur-ra-kam 12. sig4 zi nam tar-ra abzu sa-dur2-ra nig2 kal-kal-la-am3 13. e2-kur lu2 zi-de3 i3-du3-e mu da-ri2-kam 14. dumu lu2 zi-da-ke4 gidri mi-ni-ib2-su3-ra2 {gesz}gu-za-bi nu-kur2 15. nam-bi-sze3 e2-kur-ra sig7 mi-ni-gar dasz-im2-babbar-re 16. a-a-ni {d}en-lil2 inim-ma bi2-se3 ama di-da mi-ni-in-de6 17. e2-du10-ga {d}nanna dumu nun-ne2 nig2 al ba-ni-du11 18. en-ne2 a sza3-tur-sze3 gal2-la-na lu2 zi mi-ni-u3-tu 19. {d}en-lil2 sipa a2 kal-ga-ke4 mes-e pa bi2-e3 20. dumu nam-lugal bara2-ge4 he2-du7 szul-gi lugal-am3 21. a pirig-ga2 e2-kur szu dagal-la du11-du11 ki ag2 {d}nin-lil2-la2 22. e2-kur-ta nam-nir-gal2 szum2-ma lugal uri5{ki}-ma 23. sza3 zalag-zalag sipa {d}lamma kalam-ma mu-ni bi2-in?-du10 24. szul-gi {d}en-lil2-le sza3 ku3-ge bi2-pa3 kalam szu-ni bi2-si 25. szibir eszgiri2 a2-na mu-ni-la2 sipa kur-kur-ra-kam 26. gidri {d}nanna szu nu-bala-e szu-ni-sze3 mu-gar 27. dur2 nam-lugal sag2 nu-di-da gu2 an-sze3 mi-ni-zi 28. u4 szu12-dam ge6 nam-szita-am3 kalam u2-sal-la-am3 29. sipa he2-gal2-la szul-gi mu gil-sa lugal asilx(EZEN)-le2 30. kal-ga a lu2 zi-de3 ri-a {d}en-lil2 mu-i-i 31. sa-gid2-da-am3 32. szul-gi lugal uru16 [...] ku?-kur silim-e-esz2 du11-ga 33. lugal x aga3-kar2 {d}inanna ki-bala-a bi2-se3 34. gesz-gi5-gal2 sa-gid2-da-kam 35. {d}en-lil2 zi-da-am3 inim-ma-ni mah-am3 36. nam du10 tar-ra-ni sag-bi-sze3 e3-a-am3 37. gu nig2 kal mu2-mu2 sze nig2 kal mu2-mu2 38. szul-gi e2-kur-ra u2-a-bi na-nam 39. gu-bi gu na-nam sze-bi sze na-nam 40. nig2-u2-rum {d}nanna ama-tu e2-kur-ra 41. sza3-ta mu pa3-da {d}nin-lil2-la2 na-nam 42. szul-gi sipa kalam-ma sag {d}en-lil2-le zu 43. e2-a lu2-bi na-nam u4 he2-em-ma-ab-su3-re6 44. uri5{ki} iri{ki} du10 nun-ne2 ki gar-ra 45. sza3-bi dub-szen ku3 abzu igi nu-bar 46. nam-iszib du10-ga-kam szu-luh dadag-ga-kam 47. nidba gal-gal-bi e2-kur hul2-le-de3 48. {d}en-lil2-le gu3 ba-an-de2 du11-ga zi-zi-dam 49. sipa nam-lugal-la bara2 mah-ha tum2-ma 50. szul-gi nam-en-na tug2-ba13 su3-su3-am3 51. bur naggax(AN) he-nun-na su8-su8?-ga?-ni-sze3 52. unu2 e2-kur-ra-ka kin?-sig? gub?-ba?-ni-sze3 53. {d}en-lil2 nam-nun-na mu-ni?-in?-tar?-e 54. an-gin7 sig7-ga-ni x ...-e 55. {d}nanna lugal-am3 [...]-am3 56. ki-ur3 ki gal-la? [...] du10 mu-na-szum2 57. {d}en-lil2-la2 KA? [...] mu-szi-dagal?-e 58. kur a nun gi4-a gu2-un-gu2-un mu-na-ab-za 59. ma-da mu-ge-ge-en6 ug3 giri3-ni-sze3 mu-nu2 60. szul-gi sipa lu2-lal3 nibru{ki} ki ag2-am3 61. sig4 {d}en-lil2-la2 gissu-bi du10-ga-am3 62. sipa zi szul-gi-re ni2 he2-em-szi-ib2-te-te 63. sa-gar-ra-am3 64. szul-gi bala-za {d}en-lil2-le u4 du10 ma-ra-ni-in-e3 65. gesz-gi5-gal2 sa-gar-ra-kam 66. an-na lugal-be2-e ki-a kur gal-be2-e 67. a-a {d}en-lil2 an-na lugal-be2-e ki-a kur gal-be2-e 68. gal bi2-du11 szul-gi bala zi-da sza3-ge-esz i-pa3 69. u18-ru12-NI-bi-im 70. a-da-ab {d}en-lil2-la2-kam Version History |
| CDLI Literary 000401, ex. 001 Click for archival page
Can you improve upon the content of this entry? Please contact us! | View detail image (click on image to enlarge) | Tablet |