Witness
Witness to composite(s): Q003231
Primary Publication: Leichty, Erle V. (2011) RINAP 4 Esarhaddon 002, ex. 007
Collection: Institute for the Study of Ancient Cultures West Asia & North Africa Museum (formerly Oriental Institute), Chicago, Illinois, USA
Museum no.: OIM A16926
Provenience: Nineveh (mod. Kuyunjik)
Period: Neo-Assyrian (ca. 911-612 BC)
Object Type: prism
Material: clay
Date: Esarhaddon.00.00.00
Transliteration:
atf: lang akk
object prism
surface a
beginning broken
column 1'
beginning broken
1'. [...] x x
2'. [...]-ka a-na szit-mur
3'. [...] szi-tam-du-uh _{gesz}gigir-mesz_
4'. [...]-mi-s,a-an-ni-ma
5'. [...] _{gesz}pan_-ia
6'. [...]-szu-nu-ti-ma
7'. [...] _sig4 hi-a_
8'. [...] szu#-a-tu
9'. [...] aq-qur-ma
10'. [...] ki-ma a-tar-tim-ma
11'. [_...]-sza3#-mesz_ ab-tuq-ma
12'. [...] usz#-rad-di
column 2'
beginning broken
1'. qe2-reb-[...]
2'. u2-szah-[...]
3'. _e2-gal_ sza2 [...]
4'. ul-tu2 _usz8_-sza2 a-di gaba-dib-[x x]
5'. ar-s,ip u2-szak-lil-[x]
6'. lu-le-e u2-ma-al-[x x]
7'. esz3-gal-szid-du3-du3-[x]
8'. _e2-gal_ pa-qi2-da-at ka-la-a-ma
9'. az-ku-ra ni-bit-sa
single ruling
10'. {d}asz-szur _{d}1(u)-5(disz)_ sza2 _nina{ki} dingir-mesz kur_ asz-szur{ki} _du3_-szu2-nu
11'. ina qer-be2-e-sza2 aq-ri-i-ma
Witness
Witness to composite(s): Q003231
Primary Publication: Leichty, Erle V. (2011) RINAP 4 Esarhaddon 002, ex. 002
Collection: British Museum, London, UK
Museum no.: BM 091028
Provenience: Nineveh (mod. Kuyunjik)
Period: Neo-Assyrian (ca. 911-612 BC)
Object Type: prism
Material: clay
Date: Esarhaddon.--.05.18
Transliteration:
atf: lang akk
object prism
surface a
column 1
1. [...]
2. [...]
3. [_...]-gi7_ u uri{ki}
4. [...] _man kur_ asz-szur{ki}
5. [...] _man kur_ asz-szur{ki}
6. [...] {d#}asz-szur {d}3(u) {d}utu
7. {d}ag {d}marduk _{d}1(u)-5(disz)_ sza nina{ki}
8. _{d}1(u)-5(disz)_ sza _limmu2-dingir{ki} dingir-mesz gal-mesz en-mesz_-szu2
9. ul-tu2 s,i-it {d}utu-szi a-di e-reb {d}utu-szi
10. it-tal-lak-u2-ma ma-hi-ra la i-szu-u
single ruling
11. ka-szid {iri}s,i-du-un-ni sza2 ina _muru2_ tam-tim
12. sa-pi-nu gi-mir da-ad2-me-szu2
13. _bad3_-szu2 u3 szu-bat-su as-suh-ma
14. qe2-reb tam-tim ad-di-i-ma
15. a-szar masz-kan2-i-szu2 u2-hal-liq
16. {disz}ab-di-mil-ku-ut-ti _lugal_-szu
17. sza la-pa-an _{gesz}tukul-mesz_-ia
18. ina _muru2_ tam-tim in-nab-tu
19. ki-ma nu-u2-ni ul-tu2 qe2-reb tam-tim
20. a-bar-szu-ma ak-ki-sa qaq-qa-su
21. nak-mu _nig2-gur11_-szu2 _ku3-sig17 ku3-babbar na4-mesz_ a-qar-tu2
22. _kusz am-si zu2 am-si {gesz}esi {gesz}tug2_
23. {tug2}lu-bul-ti _gun3_ u _gada_ mim-ma szum-szu
24. ni-s,ir-ti _e2-gal_-szu2
25. a-na mu-'u-de-e asz2-lu-la
26. _ug3-mesz_-szu2 _dagal-mesz_ sza2 ni-ba la i-sza2-a
27. _gu4-mesz_ u3 s,e-e-ni _ansze-mesz_
28. a-bu-ka a-na qe2-reb _kur_ asz-szur{ki}
29. u2-pa-hir-ma _lugal-mesz_ {kur}hat-ti
30. u3 a-hi tam-tim ka-li-szu2-nu
31. ina asz2#-[x] sza2-nim-ma _iri_ u2-sze-pisz-ma
32. {iri}[...]-szesz-szum2-na at-ta-bi ni-bit-su
33. _ug3-mesz_ hu-bu-ut _{gesz}pan_-ia sza2 _kur_-i
34. u3 tam-tim s,i-it {d}utu-szi
35. ina lib3-bi u2-sze-szi-ib
36. {lu2}szu-ut _sag_-ia _{lu2}nam ugu_-szu2-nu asz2-kun
single ruling
37. u3 {disz}sa-an-du-ar-ri
38. _lugal_ {iri}kun-di {iri}si-su-u2
39. _{lu2}kur2_ ak-s,u la pa-lih3 be-lu-ti-ia
40. sza _dingir-mesz_ u2-masz-szir3-u2-ma
41. a-na _kur_-i mar-s,u-ti it-ta-kil
42. u {disz}ab-di-mil-ku-ut-ti _lugal_ {iri}s,i-du-ni
43. a-na re-s,u-ti-szu2 isz-kun-ma
44. _mu dingir-mesz gal-mesz_ a-na a-ha-mesz iz-kur-u-ma
45. a-na e-mu-qi-szu-un it-tak-lu
46. a-na-ku a-na {d}asz-szur _en_-ia at-ta-kil-ma
47. ki-ma is,-s,u-ri ul-tu2 qe2-reb _kur_-i
48. a-bar-szu2-ma ak-ki-sa qaq-qa-su
49. asz2-szu2 da-na-an {d}asz-szur _en_-ia
50. _ug3-mesz_ kul-lum-mi-im-ma
51. _sag-du-mesz_ {disz}sa-an-du-ar-ri
52. u3 {disz}ab-di-mi-il-ku-ut-ti
53. [x x] ki-sza2-di _{lu2}gal-mesz_-szu2-un a-lul-ma
54. it#-ti _{lu2}nar-mesz_ u _{gesz}za3-mi2_
55. ina re-bet nina{ki} e-te-[x x]-iq#
single ruling
56. sza2-lil {iri}ar-za-a
57. [...] na-hal {kur}mu-[x]
column 2
1. [...]
2. [...]
3. a-na _kur_ asz-szur{ki} [...]
4. ina t,e-hi _ka2-gal muru2 iri_ sza2 _nina_ [x]
5. it-ti a-si _ur-gi7_ u _szah2_
6. u2-sze-szib-szu2-nu-ti ka-mi3-isz
single ruling
7. u3 {disz}te-usz-pa-a {kur}gi-mir-ra-a-a
8. _erim_-man-da sza2 a-szar-szu2 ru-u2-qu
9. ina _ki_-tim {kur}hu-bu-usz-na
10. a-di gi-mir _erin2 hi-a_ u2-ra-si-ba ina _{gesz}tukul_
single ruling
11. ka-bi-is ki-sza2-di _ug3-mesz_ {kur}hi-lak-ki
12. szad-du-u8-a a-szi-bu-ut hur-sza2-ni
13. sza2 t,e-hi {kur}ta-bal
14. sza2 _ugu kur-mesz_-szu2-nu it-tak-lu-ma
15. ul-tu2 u4-me pa-ni la ik-nu-szu2 a-na ni-i-ri-ia2
16. 2(u) 1(disz) _iri-mesz_-szu2-nu dan-nu-ti
17. a-di _iri-mesz tur-mesz_ sza2 li-me-ti-szu2-nu
18. al-me ak-szud asz2-lu-la szal-lat-sun2
19. ap-pul aq-qur ina {d}gesz-bar aq-mu
20. si-it-te-szu2-nu sza hi-it,-t,u
21. u3 gul-lul-tu2 la i-szu-u2
22. kab-tu ni-ir be-lu-ti-ia e-mid-su-nu-ti
single ruling
23. da-isz {kur}bar-na-ki nak-ru ak-s,u
24. a-szi-bu-te {kur}du6-a-szur-ri
25. sza i-na pi-i _ug3-mesz_
26. {iri}me-eh-ra-nu {iri}pi-ta-nu
27. i-nam-bu-u2 zi-kir-szu2-un
single ruling
28. mu-sap-pi-ih _ug3-mesz_ {kur}man-na-a-a
29. qu-tu-u2 la sa-an-qu
30. sza2 um-ma-na-a-ti {disz}isz-pa-ka-a-a
31. {kur}asz2-gu-za-a-a kit-ru la mu-sze-zi-bi-szu2
32. i-na-ru ina _{gesz}tukul_
single ruling
33. t,a-rid {disz}{d}muati-numun-zi-si-sa2 _a_ {disz}{d}szu2-a-asz
34. sza2 a-na _man_ {kur}e-lam-ti it-tak-lu-ma
35. la u2-sze-zi-bu nap-szat-su
36. {disz}na-'i-id-{d}mar-duk _szesz_-szu2
37. asz2-szu2 e-pesz _ARAD2_-u2-ti-ia
38. ul-tu qe2-reb {kur}e-lam-ti in-nab-tam-ma
39. a-na nina{ki} _iri_ be-lu-ti-ia
40. il-lik-am-ma u2-na-asz2-szi-iq _giri3-min_-ia
41. _kur_ tam-tim a-na si-hi-ir-ti-sza2
42. ri-du-ut _szesz_-szu2 u2-szad-gil2 pa-nu-usz-szu2
single ruling
43. na-bi-i' {kur}e2-{disz}dak-kur-ri
44. sza2 qe2-reb {kur}kal-di a-a-ab babila{ki}
45. ka-mu-u2 {disz}{d}utu-ib-ni _lugal_-szu
46. is-hap-pu hab-bi-lu la pa-li-hu zik-ri _en en-en_
47. sza2 _a-sza3-mesz dumu-mesz_ babila2{ki}
48. u bar2-sipa{ki} ina pa-ri-ik-te it-ba-lu-ma
49. asz2-szu2 a-na-ku pu-luh-ti _en_ u _{d}muati_ i-du-u
50. _a-sza3-mesz_ szi-na-a-ti u2-ter-ma
51. pa-an _dumu-mesz_ babila{ki} u bar2-sipa{ki}
52. u2-szad-gil2
53. {disz}{d}muati-szal-lim _a_ {disz}ba-la-su
54. ina _{gesz}gu-za_-szu2 u2-sze-szib-ma
55. i-sza-t,a ab-sza2-a-ni
single ruling
56. {iri}a-du-mu-[x] _iri_ dan-nu-tu {kur}a-ri-bi
57. sza2 {disz}{d}3(u)-pap-mesz-su _man kur_ asz-szur{ki}
58. [x] ba-nu-u-a ik-szu-du-ma
59. [_...]-ga_-szu2 _dingir-mesz_-szu2
column 3
1. [...]-ma a-na _kur_ asz-szur{ki}
2. [x]-qa-a
3. [x x]-za-_dingir lugal_ {kur}a-ri-bi
4. it-ti ta-mar-ti-szu2 ka-bit-ti
5. a-na nina{ki} _iri_ be-lu-ti-ia
6. il-lik-am-ma u2-na-asz2-szi-iq _giri3-min_-ia
7. asz2-szu2 na-dan _dingir-mesz_-szu2 u2-s,al-la-a-ni-ma
8. re-e-mu ar-szi-szu-ma
9. _dingir-mesz_ sza2-tu-nu an-hu-su-nu ud-disz-ma
10. da-na-an {d}asz-szur _en_-ia
11. u szi-t,ir _mu_-ia _ugu_-szu2-nu u2-sza2-asz2-t,ir-ma
12. u2-ter-ma ad-din-szu2
13. {munus}ta-bu-u-a tar-bit _e2-gal_-ia
14. a-na _lugal_-u2-ti _ugu_-szu2-nu asz2-kun-ma
15. it-ti _dingir-mesz_-sza2 a-na _kur_-sza2 u2-ter-szi
16. 1(gesz2) 5(disz) _{ansze}gam-mal-mesz ugu_ ma-da-at-te
17. _ad_-ia mah-ri-ti u2-rad-di-ma
18. u2-kin s,e-ru-usz-szu
19. ar-ka {disz}ha-za-dingir szim-tu2 u2-bil-szu2-ma
20. {disz}ia-a'-lu-u2 _dumu_-szu
21. ina _{gesz}gu-za_-szu2 u2-sze-szib-ma
22. 1(u) _ma-na ku3-sig17_ 1(disz) _lim na4-mesz_ be2-ru-ti
23. 5(u) _{ansze}gam-mal-mesz_ 1(disz) _lim_ kun-zi _szim hi-a_
24. _ugu_ ma-da-te _ad_-szu2 u2-rad-di-ma e-mid-su
single ruling
25. {kur}ba-a-zu na-gu-u sza2 a-szar-szu2 ru-u2-qu
26. mi-szit na-ba-li qaq-qar _mun_ a-szar s,u-ma-me
27. 1(disz) _me_ 4(u) _danna_ qaq-qar ba-a-s,i
28. pu-qut-tu2 u _{na4}zu2_ s,a-bi-ti
29. 2(u) _danna_ qaq-qar _musz_ u _gir2-tab_
30. sza2 ki-ma kul-ba-bi ma-lu-u u2-ga-ru
31. 2(u) _danna_ {kur}ha-zu-u2 szad-di _{na4}sag-gil-mud_
32. a-na _egir_-ia u2-masz-szir-ma e-ti-iq
33. sza2 ul-tu u4-me ul-lu-ti
34. la il-li-ku _lugal_ pa-ni mah-ri-ia
35. ina qi2-bit {d}asz-szur _en_-ia
36. ina qer-bi-szu2 szal-t,a-nisz at-tal-[x]
37. 8(disz) _lugal-mesz_ sza2 qe2-reb na-ge-e szu2-a-tu2
38. a-duk _dingir-mesz_-szu2-nu _nig2-szu_-szu2-nu _nig2-gur11_-szu2-nu
39. u _ug3-mesz_-szu2-nu asz2-lu-la a-na qe2-reb _kur_ asz-szur{ki}
40. {disz}la-a-a-le-e _lugal_ {iri}ia-di-i'
41. sza2 ul-tu2 la-pa-an _{gesz}tukul-mesz_-ia ip-par-szi-du
42. szal-la-at _dingir-mesz_-szu2 isz-me-e-ma
43. a-na nina{ki} _iri_ be-lu-ti-ia
44. a-di mah-ri-ia il-lik-am-ma
45. u2-na-asz2-szi-iq _giri3-min_-ia
46. re-e-mu ar-szi-szu-ma aq-ta-bi-szu2 a-hu-lap
47. _dingir-mesz_-szu2 sza2 asz2-lu-la da-na-an {d}asz-szur _en_-ia
48. _ugu_-szu2-nu asz2-t,ur-ma u2-ter-ma ad-din-szu2
49. na-ge-e {kur}ba-a-zi szu-a-tu2
50. u2-szad-gil2 pa-nu-usz-szu
51. _gun_ man-da-at-tu2 be-lu-ti-ia
52. u2-kin s,e-ru-usz-szu
single ruling
53. {disz}en-ba-sza2 _a_ {disz}bu-na-ni {lu2}gam-bu-la-a-a
54. sza ina 1(u) 2(disz) _danna_ qaq-qar ina _a-mesz_ u _gi-ambar-mesz_
55. ki-ma nu-u2-ni szit-ku-nu szub-tu2
56. ina qi2-bit asz-szur _en_-ia hat-tu im-qut-su-ma
57. ki-i t,e3-em ra-ma-ni-szu2
58. bil-tu2 u man-da-at-tu2
59. _gu4-mah_-hi szuk-lul-u2-tu
60. x x x
61. [...]
column 4
1. u2#-bi#-lam#-ma# u2#-na#-asz2#-szi#-iq# _giri3#-min#_-ia#
2. re-e-mu ar-szi-szu-ma u2-szar-hi-is-su lib3-bu
3. {iri}sza2-pi-i-{d}en _iri_ dan-nu-ti-szu2
4. dan-na-as-su u2-dan-nin-ma
5. sza2-a-szu2 a-di _{lu2}erin2-mesz {gesz}pan_-szu2 ina lib3-bi
6. u2-sze-li-szu-ma
7. _gin7 {gesz}ig_ ina _igi_ {kur}e-lam-ti e-di-il-szu2
single ruling
8. {kur}pa-tu-usz-ar-ra na-gu-u sza2 i-te-e _e2-mun_
9. sza2 qe2-reb {kur}ma-da-a-a ru-qu-ti
10. sza2 pa-a-t,i {kur}bi-ik-ni szad-di _{na4}za-gin3_
11. sza2 ina _lugal-mesz ad-mesz_-ia mam2-ma la ik-bu-su
12. _ki_-tim _kur_-szu2-un
13. {disz}szi-dir-pa-ar-na {disz}e-pa-ar-na
14. _{lu2}en-iri-mesz_ dan-nu-ti
15. sza la kit-nu-szu a-na ni-i-ri
16. sza2-a-szu2-nu a-di _ug3-mesz_-szu2-nu _ansze-kur-ra-mesz_ ru-ku-bi-szu2-nu
17. _gu4-mesz_ s,e-e-ni _ansze-mesz_ {ansze}u2-du-ri
18. szal-lat-sun2 ka-bit-tu2 asz2-lu-la a-na _kur_ asz-szur{ki}
single ruling
19. {disz}up-pi-is _{lu2}en-iri_ sza {iri}pa-ar-tak-ka
20. {disz}za-na-sa-na _{lu2}en-iri_ sza {iri}pa-ar-tuk-ka
21. {disz}ra-ma-te-ia _{lu2}en-iri_ sza {iri}u2-ra-ka-za-bar-na
22. {kur}ma-da-a-a sza2 a-szar-szu2-nu ru-u2-qu
23. sza ina tar-s,i _lugal-mesz ad-mesz_-ia _ki_-tim _kur_ asz-szur{ki}
24. la ib-bal-ki-tu-nim-ma la ik-bu-su qaq-qar-sza2
25. pu-luh-tu2 ra-szub-bat asz-szur _en_-ia is-hup-szu-nu-ti-ma
26. {ansze}mur-ni-is-qi _gal-mesz {na4}za-gin3_ hi-ip _kur_-szu2
27. a-na nina{ki} _iri_ be-lu-ti-ia
28. isz-szu-nim-ma u2-na-asz2-szi-qu _giri3-min_-ia
29. asz2-szu2 _{lu2}en-iri-mesz_ sza2 qa-a-tu2 id-ku-szu-nu-ti
30. be-lu-u2-ti u2-s,al-lu-ma
31. e-ri-szu-in-ni kit-ru
32. {lu2}szu-ut _sag-mesz_-ia _{lu2}nam-mesz_
33. sza pa-a-t,i _kur_-szu2-un
34. it-ti-szu2-nu u2-ma-'e-er-ma
35. _ug3-mesz_ a-szi-bu-ut _iri-mesz_ sza2-tu-nu
36. ik-bu-su-ma u2-szak-nisz-szu2 _giri3-min_-usz-szu2-un
37. _gun_ man-da-tu2 be-lu-ti-ia
38. szat-ti-szam-ma u2-kin s,e-ru-szu2-un
39. ul-tu2 {d}asz-szur {d}utu {d}en u {d}ag
40. _{d}1(u)-5(disz)_ sza nina{ki} _{d}1(u)-5(disz)_ sza limmu2-dingir{ki}
41. _ugu_ na-ki-ri-ia ina li-i-ti
42. u2-sza2-zi-zu-ni-ma am-s,u-u ma-la lib3-bi-ia
43. ina ki-szit-ti na-ki-ri szad-lu-u2-ti
44. sza2 ina tu-kul-ti _dingir-mesz gal-mesz en-mesz_-ia
45. ik-szu-da qa-ta-a-a
46. esz-ret ma-ha-zi sza2 _kur_ asz-szur{ki}
47. u _kur_ uri{ki} u2-sze-pisz-ma
48. _ku3-babbar ku3-sig17_ u2-za-in-ma
49. u2-nam-me-ra ki-ma _utu_-szi
single ruling
50. ina _u4-mesz_-szu-ma _e2-gal_ ma-szar-te
51. sza qe2-reb {iri}ni-na-a
52. sza2 _lugal-mesz_ a-lik mah-ri _ad-mesz_-ia
53. u2-sze-pi-szu2 a-na szu-te-szur _karasz_
54. [x]-qa-di {ansze}mur-ni-is-qi _{ansze}kunga-mesz_
55. [x] _gigir-mesz_ til-li u2-nu-ut _me3_
56. u [x]-la-at na-ki-ri gi-mir mim-ma szum-szu2
57. [x x] asz-szur _lugal dingir-mesz_
58. [x x] esz-qi2 _lugal_-ti-ia isz-ru-ka
59. [...]-mur _ansze-kur-ra-mesz_
60. [...] _{gesz}gigir-mesz_
61. [...]
column 5
1. [_x]-mesz kur-kur_ hu-bu-ut _{gesz}pan_-ia
2. {gesz}al-lu tup-szik-ku u2-sza2-asz2-szi-szu-nu-ti-ma
3. il-bi-nu _sig4 hi-a_
4. _e2-gal-tur-ra_ szu-a-tu2
5. a-na si-hi-ir-ti-sza2 aq-qur-ma
6. qaq-qa-ru ma-a'-du _gin7_ a-tar-tim-ma
7. ul-tu2 lib3-bi _a-sza3-mesz_ ab-tuq-ma
8. e-li-sza2 u2-rad-di
9. ina {na4}pi-i-li _na4 kur_-i dan-ni
10. tam-la-a usz-ma-al-li
single ruling
11. ad-ke-e-ma 2(u) 2(disz) _lugal-mesz_ {kur}hat-ti
12. sza2 a-hi tam-tim u _muru2_ tam-tim ka-li-szu2-nu
13. u2-ma-'e-er-szu-nu-ti-ma
14. _gesz-ur3-mesz gal-mesz_ {gesz}tim-me _mah-mesz_
15. {gesz}a-dap2-pi _{gesz}eren {gesz}szur-min3_
16. ul-tu qe2-reb {kur}si-ra-ra {kur}lab-na-na
17. _{munus}{d}lamma-mesz {munus}ab2-za-za_-a-ti
18. _{na4}kun4-mesz_ a-gur2-ri
19. sza _{na4}gesz-nu11-gal_ {na4}{d}asznan
20. _{na4}dur2-mi-na {na4}dur2-mi-na-banda3{da}_
21. _{na4}en-gi-sa6_ {na4}a-lal-lum
22. _{na4}gi-rim-hi-li-ba_ ul-tu2 qe2-reb hur-sza2-ni
23. a-szar nab-ni-ti-szu2-nu
24. a-na hi-szih-ti _e2-gal_-ia
25. mar-s,i-isz pa-asz2-qi-isz
26. a-na nina{ki} u2-szal-di-du-u-ni
single ruling
27. ina {iti}sze-ga u4-mu mit-ga-ri
28. e-li tam-le-e szu-a-tu2
29. _e2-gal-mesz_ rab-ba-a-ti
30. a-na mu-szab be-lu-ti-ia
31. ab-ta-ni s,e-ru-usz-szu
32. _e2_ dan-ni sza2 1(gesz2) 3(u) 5(disz) ina 1(disz) _kusz3 gal_-tim _gid2-da_
33. 3(u) 1(disz) ina 1(disz) _kusz3 gal_-tim _dagal_
34. sza2 ina _lugal-mesz_ a-lik mah-ri _ad-mesz_-ia
35. mam2-ma la e-pu-szu2 a-na-ku e-pu-usz
36. _gesz-ur3-mesz {gesz}eren_ s,i-ru-ti
37. u2-szat-ri-s,a e-li-sza2
38. _{gesz}ig-mesz {gesz}szur-min3_ sza2 e-re-si-na _du10-ga_
39. me-ser _ku3-babbar_ u _zabar_ u2-rak-kis-ma
40. u2-rat-ta-a _ka2-mesz_-sza2
41. _{d}alad-mesz_ u _{d}lamma-mesz_ sza2 _na4-mesz_
42. sza ki-i pi-i szik-ni-szu2-nu
43. ir-ti lem-ni u2-tar-ru
44. na-s,i-ru kib-si mu-szal-li-mu
45. tal-lak-ti _lugal_ ba-ni-szu2-nu
46. _za3_ u _gub3_ u2-sza2-as,-bi-ta
47. _si-gar_-szi-in
48. _e2-gal_ {na4}pi-i-li u _{gesz}eren_
49. szu-te-mu-du-te
50. a-na mul-ta-u-ti be-lu-ti-ia
51. nak-lisz u2-sze-pisz
52. _{munus}{d}lamma-mesz uruda_ masz-sza2-a-ti
53. sza2 a-he-en-na-a pa-na u3 [...]
54. [...]
column 6
1. x x x [...]
2. {gesz}tim-[...]
3. a-dap2-pi ku-lul _ka2-mesz_-szi-in [x x]
4. si-hir-ti _e2-gal_ sza2-[x x]
5. ne2-be2-hu pa-asz2-qu sza2 _{na4}zu2_ [...]
6. u2-sze-pisz-ma u2-szal-ma-a [...]
7. se-el-lu mat-gi-qu _gin7_ {d}[...]
8. u2-sza2-as-hi-ra gi-mir _ka2-[x_]
9. sik-kat3 _ku3-babbar_ eb-bi u _zabar_ nam-[x]
10. u2-rat-ta-a qe2-reb-sza2
11. da-na-an {d}asz-szur _en_-ia
12. sza2 ina _kur-kur_ nak-ra-a-te
13. i-tep-pu-szu2
14. [x x x]-pir {lu2}ur5-ra-ku-te e-si-qa qe2-reb-sza2
15. _{gesz}kiri6-mah_ tam-szil {kur}ha-ma-nim
16. sza ka-la _szim hi-a_ u _gesz hi-a_
17. hur-ru-szu2 i-ta-a-sza2 e-mid
18. ki-sal-la-sza ma-gal u2-rab-bi-ma
19. tal-lak-ta-sza2 ma-a'-disz u2-rap-pisz
20. a-na masz-qit _ansze-kur-ra-mesz_ qe2-reb-sza2
21. pat-tu u2-sze-sze-ram-ma
22. u2-szah-bi-ba a-tap-pisz
23. _e2-gal_ szu-a-tu2 ul-tu2 _usz8_-sza2
24. a-di gaba-dib-bi-sza2
25. ar-s,ip u2-szak-lil-ma lu-le-e u2-ma-al-li
26. esz3-gal-szid-du3-du3-a
27. _e2-gal_ pa-qi-da-at ka-la-mu az-ku-ra ni-bit-sa
single ruling
28. {d}asz-szur _{d}1(u)-5(disz)_ sza2 _nina{ki} dingir-mesz kur_ asz-szur{ki}
29. _du3_-szu2-nu ina qer-bi-sza2 aq-re-ma
30. _{udu}siskur-mesz_ tasz-ri-ih-te eb-bu-ti
31. ma-har-szu-un aq-qi2-ma
32. u2-szam-hi-ra kad3-ra-a-a
33. _dingir-mesz_ sza2-tu-nu ina ku-un lib3-bi-szu2-nu
34. ik-tar-ra-bu _lugal_-u-ti
35. _{lu2}gal-mesz_ u _ug3-mesz kur_-ia ka-li-szu2-nu
36. ina ta-kul-te u qe2-re-e-ti
37. ina _{gesz}banszur_ ta-szi-la-a-ti
38. qe2-reb-sza2 u2-sze-szib-ma
39. u2-sza2-li-s,a nu-pa-ar-szu2-un
40. _gesztin-mesz_ ku-ru-un-nu am-ki-ra s,ur-ra-szu2-un
41. _i3-sag_ i3-gu-la-a muh-ha-szu2-nu u2-sza2-asz2-qi2
single ruling
42. ina qi2-bit asz-szur _man dingir-mesz_ u _dingir-mesz kur_ asz-szur
43. ka-li-szu2-nu ina t,u-ub _uzu-mesz_ hu-ud lib3-bi
44. nu-um-mur ka-bat-ti sze-be2-e lit-tu-te
45. qe2-reb-sza2 da-risz lu-ur-mi3-ma
46. lu-usz-ba-a la-la-a-sza2
47. ina za3-muk-ki <_iti>_ resz-ti-i kul-lat mur-ni-is-qi
48. _{ansze}kunga-mesz ansze-mesz {ansze}gam-mal-mesz_
49. til-li u2-nu-ut ta-ha-zi
50. gi-mir _erin2 hi-a_ szal-lat na-ki-ri
51. szat-ti-szam-ma la na-par-ka-a
52. lu-up-qi-da qe2-reb-sza2
53. ina qe2-reb _e2-gal_ sza2-a-tu
54. {d}alad _saga_ la-mas-si _saga_
55. na-s,ir kib-si _lugal_-ti-ia
56. [x]-ha-du-u ka-bat-ti-ia
57. x x x
single ruling
58. [...]
59. [...]
Witness
Witness to composite(s): Q003231
Primary Publication: Leichty, Erle V. (2011) RINAP 4 Esarhaddon 002, ex. 001
Collection: National Museum of Iraq, Baghdad, Iraq
Museum no.: IM 059046
Provenience: Nineveh (mod. Kuyunjik)
Period: Neo-Assyrian (ca. 911-612 BC)
Object Type: prism
Material: clay
Date: Esarhaddon.05.02.22
Transliteration:
atf: lang akk
object prism
surface a
column 1
1. _e2-gal_ {disz}{d}asz-szur-szesz-szum2-na
2. _lugal gal_-u2 _lugal_ dan-nu
3. _lugal_ kisz-sza2-ti _lugal kur_ asz-szur{ki}
4. _szagina_ babila2{ki} _lugal kur eme-gi7_ u uri{ki}
5. _dumu_ {disz}{d}3(u)-pap-mesz-su _lugal kur_ asz-szur{ki}
6. _dumu_ {disz}lugal-gi-na _lugal kur_ asz-szur{ki}
7. _lugal_ sza2 ina tu-kul-ti {d}a-szur
8. {d}3(u) {d}utu {d}ag {d}marduk
9. _{d}1(u)-5(disz)_ sza2 nina{ki} _{d}1(u)-5(disz)_ sza2 limmu2-dingir{ki}
10. _dingir-mesz gal-mesz en-mesz_-szu2
11. ul-tu s,i-it {d}utu-szi
12. a-di e-reb {d}utu-szi
13. it-tal-lak-u2-ma ma-hi-ra la i-szu-u2
single ruling
14. ka-szid {iri}s,i-du-un-ni sza2 ina _muru2_ tam-tim
15. sa-pi-nu gi-mir da-ad2-me-szu2
16. _bad3_-szu2 u3 szu-bat-su as-suh-ma
17. qe2-reb tam-tim ad-di-i-ma
18. a-szar masz-kan2-i-szu2 u2-hal-liq
19. {disz}ab-di-mi-il-ku-ut-ti _lugal_-szu
20. sza la-pa-an _{gesz}tukul-mesz_-ia
21. ina _muru2_ tam-tim in-nab-tu
22. ki-ma nu-u-ni ul-tu qe2-reb tam-tim
23. a-bar-szu-ma ak-ki-sa qaq-qa-su
24. nak-mu _nig2-gur11_-szu2 _ku3-sig17 ku3-babbar na4-mesz_ a-qar-tu
25. _kusz am-si zu2 am-si {gesz}esi {gesz}tug2_
26. {tug2}lu-bul-ti _gun3_ u _gada_ mim-ma szum-szu2
27. ni-s,ir-ti _e2-gal_-szu2 a-na mu-'u-de-e asz2-lu-la
28. _ug3-mesz_-szu2 _dagal-mesz_ sza2 ni-ba la i-sza2-a
29. _gu4-mesz_ u3 s,e-e-ni _ansze-mesz_
30. a-bu-ka a-na qe2-reb _kur_ asz-szur{ki}
31. u2-pah-hir-ma _lugal-mesz_ {kur}hat-ti
32. u3 a-hi tam-tim ka-li-szu2-nu
33. ina asz2-ri sza2-nim-ma _iri_ u2-sze-pisz-ma
34. {iri}kar-{disz}{d}asz-szur-szesz-szum2-na at-ta-bi ni-bit-su
35. _ug3-mesz_ hu-bu-ut _{gesz}pan_-ia sza2 _kur_-i
36. u3 tam-tim s,i-it {d}utu-szi ina lib3-bi u2-sze-szib
37. {lu2}szu-ut _sag_-ia _{lu2}nam ugu_-szu2-nu asz2-kun
single ruling
38. u3 {disz}sa-an-du-ar-ri
39. _lugal_ {iri}kun-di {iri}si-su-u2
40. _{lu2}kur2_ ak-s,u la pa-lih3 be-lu-ti-ia
41. sza _dingir-mesz_ u2-masz-szir3-u2-ma
42. a-na _kur_-i mar-s,u-ti it-ta-kil
43. u3 {disz}ab-di-mil-ku-ti _lugal_ {iri}s,i-du-un-ni
44. a-na re-s,u-ti-szu2 isz-kun-ma
45. _mu dingir-mesz gal-mesz_ a-na a-ha-mesz iz-kur-u2-ma
46. a-na e-mu-qi-szu2-un it-tak-lu
47. a-na-ku a-na {d}asz-szur _en_-ia at-ta-kil-ma
48. ki-ma is,-s,u-ri ul-tu qe2-reb _kur_-i
49. a-bar-szu-ma ak-ki-sa qaq-qa-su
50. asz2-szu2 da-na-an {d}asz-szur _en_-ia
51. _ug3-mesz_ kul-lum-mi-ma
52. _sag-du-mesz_ {disz}sa-an-du-ar-ri
53. u3 {disz}ab-di-mi-il-ku-ut-ti
54. ina ki-sza2-di _{lu2}gal-mesz_-szu2-un a-lul-ma
55. it-ti _{lu2}nar-mesz_ u _{gesz}za3-mi2_
56. ina re-bet nina{ki} e-te-et-ti-iq
single ruling
57. sza2-lil {kur}ar-za-a sza2 pa-a-t,i na-hal {kur}mu-s,ur
58. sza2 {disz}a-su-hi-li _lugal_-szu
59. a-di ma-li-ke-e-szu2 bi-re-tu2 ad-di-ma
60. a-na _kur_ asz-szur{ki} u2-ra-a
61. ina t,e-hi _ka2-gal muru2 iri_ sza2 nina{ki}
62. it-ti a-si _ur-gi7_ u3 _szah2_
63. u2-sze-szib-szu2-nu-ti ka-mi-isz
column 2
single ruling
1. u3 {disz}te-usz-pa-a {kur}gi-mir-ra-a-a
2. _erim_-man-da sza2 a-szar-szu2 ru-u2-qu
3. ina _ki_-tim {kur}hu-bu-usz-na
4. a-di gi-mir _erin2 hi-a_-szu2 u2-ra-si-ba ina _{gesz}tukul_
single ruling
5. ka-bi-is ki-sza2-di _ug3-mesz_ {kur}hi-lak-ki
6. szad-du-u8-a a-szi-bu-te hur-sza2-a-ni
7. sza2 t,e-hi {iri}ta-bal sza2 _ugu kur-mesz_-szu2-un
8. it-tak-lu-ma ul-tu u4-me pa-ni
9. la ik-nu-szu a-na ni-i-ri
10. 2(u) 1(disz) _iri-mesz_-szu2-un a-di _iri-mesz tur-mesz_ sza2 li-me-ti-szu2-nu
11. al-me ak-szud asz2-lu-la szal-lat-sun2
12. ap-pul aq-qur ina {d}gesz-bar aq-mu
13. si-tu-ti-szu2-nu sza hi-it,-t,u
14. u3 gul-lul-tu la i-szu-u2
15. kab-tu ni-ir be-lu-ti-ia e-mid-su-nu-ti
single ruling
16. da-isz {kur}bar-na-ki nak-ru ak-s,i
17. a-szi-bu-te {kur}du6-a-szur-ri
18. sza2 ina pi-i _ug3-mesz_ {iri}me-eh-ra-a-nu {iri}pi-ta-a-nu
19. i-nam-bu-u2 zi-kir-szu2-un
single ruling
20. mu-sap-pi-ih _ug3-mesz_ {kur}man-na-a-a
21. qu-tu-u2 la sa-an-qu
22. sza2 um-ma-na-a-ti {disz}isz-pa-ka-a-a {kur}asz2-gu-za-a-a
23. kit-ru la mu-sze-zi-bi-szu2 i-na-ru ina _{gesz}tukul_
single ruling
24. t,a-rid {disz}{d}ag-numun-zi-si-sa2 _dumu_ {disz}{d}marduk-a-asz
25. sza a-na _lugal_ {kur}e-lam-ti it-tak-lu-ma
26. la u2-sze-zi-bu nap-szat-su
27. {disz}na-'i-id-{d}mar-duk _szesz_-szu2
28. asz2-szu2 e-pesz _ARAD2_-u2-ti-ia
29. ul-tu qe2-reb {kur}e-lam-ti in-nab-tam-ma
30. a-na nina{ki} _iri_ be-lu-ti-ia
31. il-lik-am-ma u2-na-asz2-szi-iq _giri3-min_-ia
32. _kur_ tam-tim a-na si-hi-ir-ti-sza2
33. ri-du-ut _szesz_-szu2 u2-szad-gil pa-nu-usz-szu2
single ruling
34. na-bi-i' {kur}e2-{disz}dak-kur-ri
35. sza qe2-reb {kur}kal-di a-a-ab babila2{ki}
36. ka-mu-u2 {disz}{d}utu-ib-ni _lugal_-szu2
37. is-hap-pu hab-bi-lu la pa-li-hu zik-ri _en en-en_
38. sza2 _a-sza3-mesz dumu-mesz_ babila2{ki} u bar2-sipa{ki}
39. ina pa-ri-ik-ti it-ba-lu-ma
40. asz2-szu2 a-na-ku pu-luh-ti {d}en u {d}ag i-du-u2
41. _a-sza3-mesz_ szi-na-a-ti u2-ter-ma
42. pa-an _dumu-mesz_ babila2{ki} u3 bar2-sipa{ki} u2-szad-gil
43. {disz}{d}ag-szal-lim _dumu_ {disz}ba-la-su
44. ina _{gesz}gu-za_-szu2 u2-sze-szi-ib-ma
45. i-sza2-t,a ab-sza2-a-ni
single ruling
46. {iri}a-du-mu-tu _iri_ dan-nu-ti {kur}a-ri-bi
47. sza2 {disz}{d}3(u)-pap-mesz-su _man kur_ asz-szur{ki} _ad_ ba-nu-u-a
48. ik-szu-du-ma _nig2-szu_-szu2 _nig2-gur11_-szu2 _dingir-mesz_-szu2
49. a-di {munus}ap-kal-la-ti szar-rat {kur}a-ri-bi
50. isz-lu-lam-ma a-na _kur_ asz-szur{ki} il-qa-a
51. {disz}ha-za-_dingir lugal_ {kur}a-ri-bi
52. it-ti ta-mar-ti-szu2 ka-bit-ti
53. a-na nina{ki} _iri_ be-lu-ti-ia
54. il-lik-am-ma u2-na-asz2-szi-iq _giri3-min_-ia
55. asz2-szu2 na-dan _dingir-mesz_-szu2 u2-s,al-la-an-ni-ma
56. re-e-mu ar-szi-szu-ma
57. _dingir-mesz_ sza2-tu-nu an-hu-su-nu ud-disz-ma
58. da-na-an {d}asz-szur _en_-ia u szi-t,ir _mu_-ia
59. _ugu_-szu2-nu u2-sza2-asz2-t,ir-ma u2-ter-ma ad-din-szu2
60. {munus}ta-bu-u-a tar-bit _e2-gal_-ia
61. a-na _lugal_-u2-ti _ugu_-szu2-nu asz2-kun-ma
62. it-ti _dingir-mesz_-sza2 a-na _kur_-sza2 u2-ter-szi
single ruling
column 3
1. 1(gesz2) 5(disz) _{ansze}gam-mal-mesz ugu_ ma-da-at-ti _ad_-ia
2. mah-ri-ti u2-rad-di-ma u2-kin s,e-ru-usz-szu2
3. ar-ka {disz}ha-za-dingir szim-tu2 u2-bil2-szu-ma
4. {disz}ia-a'-lu-u2 _dumu_-szu2
5. ina _{gesz}gu-za_-szu2 u2-sze-szi-ib-ma
6. 1(u) _ma-na ku3-sig17_ 1(disz) _lim na4-mesz_ be2-ru-ti
7. 5(u) _{ansze}gam-mal-mesz_ 1(disz) _lim_ kun-zi _szim hi-a_
8. _ugu_ ma-da-ti _ad_-szu2 u2-rad-di-ma e-mid-su
single ruling
9. {kur}ba-a-zu na-gu-u sza2 a-szar-szu2 ru-u-qu
10. mi-szit na-ba-li qaq-qar _mun_ a-szar s,u-ma-mi
11. 1(disz) _me_ 4(u) _danna_ qaq-qar ba-a-s,i
12. pu-qut-ti u _{na4}zu2_ s,a-bi-ti
13. 2(u) _danna_ qaq-qar _musz_ u _gir2-tab_
14. sza2 ki-ma kul-ba-bi ma-lu-u u2-ga-ru
15. 2(u) _danna_ {kur}ha-zu-u szad-di _{na4}sag-gil-mud_
16. a-na _egir_-ia u2-masz-szir-ma e-ti-iq
17. sza2 ul-tu u4-me ul-lu-ti
18. la il-li-ku _lugal_ pa-ni mah-ri-ia
19. ina qi2-bit {d}asz-szur _en_-ia
20. ina qer-bi-szu2 szal-t,a-nisz at-tal-lak
21. 8(disz) _lugal-mesz_ sza2 qe2-reb na-ge-e szu-a-tu2 a-duk
22. _dingir-mesz_-szu2-nu _nig2-szu_-szu2-nu _nig2-gur11_-szu2-nu _ug3-mesz_-szu2-nu
23. asz2-lu-la a-na qe2-reb _kur_ asz-szur{ki}
24. {disz}la-a-a-le-e _lugal_ {iri}ia-di-i'
25. sza2 ul-tu la-pa-an _{gesz}tukul-mesz_-ia ip-par-szi-du
26. szal-la-at _dingir-mesz_-szu2 isz-me2-e-ma
27. a-na nina{ki} _iri_ be-lu-ti-ia
28. a-di mah-ri-ia il-lik-am-ma
29. u2-na-asz2-szi-iq _giri3-min_-ia
30. re-e-mu ar-szi-szu2-ma aq-ta-bi-szu2 a-hu-lap
31. _dingir-mesz_-szu2 sza2 asz2-lu-la da-na-an {d}asz-szur _en_-ia
32. _ugu_-szu2-nu asz2-t,ur-ma u2-ter-ma ad-din-szu2
33. na-ge-e {kur}ba-a-zi szu-a-tu2
34. u2-szad-gil pa-nu-usz-szu2
35. _gun_ man-da-at-tu2 be-lu-ti-ia
36. u2-kin s,e-ru-usz-szu2
single ruling
37. {disz}en-ba-sza2 _dumu_ {disz}bu-na-ni {lu2}gam-bu-la-a-a
38. sza2 ina 1(u) 2(disz) _danna_ qaq-qa-ru ina _a-mesz_ u _gi-ambar-mesz_
39. ki-ma nu-u-ni szit-ku-nu szu-ub-tu2
40. ina qi2-bit {d}asz-szur _en_-ia hat-tu im-qut-su-ma
41. ki-i t,e3-mi ra-ma-ni-szu2 bil2-tu2 u man-da-at-tu2
42. _gu4-mah_-hi szuk-lul-u2-ti s,a-ma-da-ni
43. _{ansze}kunga-mesz babbar-mesz_ ul-tu2 {kur}e-lam-ti il-qa-a
44. a-na nina{ki} a-di mah-ri-ia
45. u2-bi-lam-ma u2-na-asz2-szi-iq _giri3-min_-ia
46. re-e-mu ar-szi-szu-ma
47. u2-szar-hi-is-su lib3-bu
48. {iri}sza2-pi-i-{d}en _iri_ dan-nu-ti-szu2
49. dan-na-as-su u2-dan-nin-ma
50. sza2-a-szu2 a-di _{lu2}erin2-mesz {gesz}pan_-szu2
51. ina lib3-bi u2-sze-li-szu-ma
52. _gin7 {gesz}ig_ ina _igi_ {kur}e-lam-ti e-di-il-szu2
single ruling
53. {kur}pa-tu-usz-ar-ra na-gu-u sza2 i-te-e _e2-mun_
54. sza2 qe2-reb {kur}ma-da-a-a ru-qu-ti
55. sza2 pa-a-t,i {kur}bi-ik-ni szad-di _{na4}za-gin3_
56. sza2 ina _lugal-mesz ad-mesz_-ia mam2-ma la ik-bu-su
57. _ki_-tim _kur_-szu2-un {disz}szi-dir-pa-ar-na {disz}e-pa-ar-na
58. _{lu2}en-iri-mesz kal-mesz_ sza2 la kit-nu-szu a-na ni-i-ri
59. sza2-a-szu2-nu a-di _ug3-mesz_-szu2-nu _ansze-kur-ra-mesz_ ru-ku-bi-szu2-nu
60. _gu4-mesz_ s,e-e-ni _ansze-mesz_ {ansze}u2-du-ri
61. szal-la-sun2 ka-bi-tu2 asz2-lu-la a-na _kur_ asz-szur{ki}
column 4
1. {disz}up-pi-is _{lu2}en-iri_ sza2 {iri}pa-ri-tak-ka
2. {disz}za-na-sa-na _{lu2}en-iri_ sza2 {iri}pa-ar-tuk-ka
3. {disz}ra-ma-te-ia _{lu2}en-iri_ sza2 {iri}u2-ra-ka-za-bar-na
4. {kur}ma-da-a-a sza2 a-szar-szu2-nu ru-u2-qu
5. sza2 ina tar-s,i _lugal-mesz ad-mesz_-ia _ki_-tim _kur_ asz-szur{ki}
6. la ib-bal-ki-tu-nim-ma la ik-bu-su qaq-qar-sza2
7. pu-luh-tu2 ra-szub-bat {d}asz-szur _en_-ia is-hup-szu2-nu-ti-ma
8. {ansze}mur-ni-is-qi2 _gal-mesz {na4}za-gin3_ hi-ip _kur_-szu2
9. a-na nina{ki} _iri_ be-lu-ti-ia
10. isz-szu-nim-ma u2-na-asz2-szi-qu _giri3-min_-ia
11. asz2-szu2 _{lu2}en-iri-mesz_ sza2 qa-a-tu2 id-ku-szu2-nu-ti
12. be-lu-u2-ti u2-s,al-lu-ma
13. e-ri-szu-in-ni kit-ru
14. {lu2}szu-ut _sag-mesz_-ia _{lu2}nam-mesz_
15. sza pa-a-t,i _kur_-szu2-un
16. it-ti-szu2-nu u2-ma-'e-er-ma
17. _ug3-mesz_ a-szi-bu-te _iri-mesz_ sza2-tu-nu
18. ik-bu-su-ma u2-szak-nisz-szu2 _giri3-min_-usz-szu2-un
19. _gun_ man-da-at-tu2 be-lu-ti-ia
20. szat-ti-szam-ma u2-kin s,e-ru-usz-szu2-un
single ruling
21. ul-tu {d}asz-szur {d}utu {d}en u {d}ag
22. _{d}1(u)-5(disz)_ sza2 nina{ki} _{d}1(u)-5(disz)_ sza2 limmu2-dingir{ki}
23. _ugu_ na-ki-ri-ia ina li-i-ti
24. u2-sza2-zi-zu-ni-ma am-s,u-u ma-la lib3-bi-ia
25. ina ki-szit-ti na-ki-ri szad-lu-u2-ti
26. sza ina tu-kul-ti _dingir-mesz gal-mesz en-mesz_-ia
27. ik-szu-da qa-ta-a-a
28. esz-ret ma-ha-zi sza2 _kur_ asz-szur{ki}
29. u _kur_ uri{ki} u2-sze-pisz-ma
30. _ku3-babbar ku3-sig17_ u2-za-in-ma
31. u2-nam-me-ra _gin7_ u4-me
single ruling
32. ina u4-me-szu-ma _e2-gal_ ma-szar-ti
33. sza qe2-reb {iri}ni-na-a
34. sza2 _lugal-mesz_ a-lik mah-ri _ad-mesz_-ia
35. u2-sze-pi-szu a-na szu-te-szur _karasz_
36. pa-qa-di {ansze}mur-ni-is-qi2 _{ansze}kunga-mesz_
37. _{gesz}gigir-mesz_ til-lu u2-nu-ut _me3_
38. u szal-la-at na-ki-ri gi-mir mim-ma szum-szu2
39. sza {d}a-szur _lugal dingir-mesz_
40. a-na esz-qi2 _lugal_-ti-ia isz-ru-ka
41. a-na szit-mur _ansze-kur-ra-mesz_
42. szi-tam-du-uh _{gesz}gigir-mesz_
43. asz2-ru szu-a-tu2 i-mi-s,a-an-ni-ma
44. _ug3-mesz kur-kur_ hu-bu-ut _{gesz}pan_-ia
45. al-lu tup-szik-ku u2-sza2-asz2-szi-szu2-nu-ti-ma
46. il-bi-nu _sig4 hi-a_
47. _e2-gal-tur-ra_ szu-a-tu
48. a-na si-hi-ir-ti-sza2 aq-qur-ma
49. qaq-qa-ru ma-a'-du _gin7_ a-tar-tim-ma
50. ul-tu lib3-bi _a-sza3-mesz_ ab-tuq-ma
51. e-li-sza2 u2-rad-di
52. i-na {na4}pi-i-li _na4 kur_-i dan-ni
53. tam-la-a usz-ma-al-li
single ruling
54. ad-ke-e-ma 2(u) 2(disz) _lugal-mesz_ {kur}hat-ti
55. sza a-hi tam-tim u _muru2_ tam-tim ka-li-szu2-nu
56. u2-ma-'e-er-szu2-nu-ti-ma
57. _gesz-ur3-mesz gal-mesz_ {gesz}tim-me _mah-mesz_
column 5
1. {gesz}a-dap2-pi _{gesz}eren {gesz}szur-min3_
2. ul-tu qe2-reb {kur}si-ra-ra {kur}lab-na-na
3. _{munus}{d}lamma-mesz {munus}ab2-za-za_-a-ti
4. _{na4}kun4-mesz_ a-gur2-ri
5. sza2 _{na4}gesz-nu11-gal_ {na4}{d}asznan
6. _{na4}dur2-mi-na {na4}dur2-mi-na-banda3{da}_
7. _{na4}en-gi-sa6_ {na4}a-lal-lum
8. _{na4}girim-hi-li-ba_ ul-tu qe2-reb hur-sza2-a-ni
9. a-szar nab-ni-ti-szu2-nu
10. a-na hi-szih-ti _e2-gal_-ia
11. mar-s,i-isz pa-asz2-qi2-isz
12. a-na nina{ki} u2-szal-di-du-u-ni
single ruling
13. ina {iti}sze-ga u4-mu mit-ga-ri
14. e-li tam-le-e szu-a-tu
15. _e2-gal-mesz_ rab-ba-a-ti
16. a-na mu-szab be-lu-ti-ia
17. ab-ta-ni s,e-ru-usz-szu2
18. _e2_ dan-ni sza 1(gesz2) 3(u) 5(disz) ina 1(disz) _kusz3 gal_-tim _gid2-da_
19. 3(u) 1(disz) ina 1(disz) _kusz3 gal_-tim _dagal_
20. sza ina _lugal-mesz_ a-lik mah-ri _ad-mesz_-ia
21. mam2-ma la e-pu-szu2 a-na-ku e-pu-usz
22. _gesz-ur3-mesz {gesz}eren_ s,i-ru-ti
23. u2-szat-ri-s,a e-li-sza2
24. _{gesz}ig-mesz {gesz}szur-min3_ sza2 e-re-si-na _du10-ga_
25. me-ser _ku3-babbar_ u _zabar_ u2-rak-kis-ma
26. u2-rat-ta-a _ka2-mesz_-sza2
27. _{d}alad-mesz_ u _{d}lamma-mesz_ sza2 _na4-mesz_
28. sza2 ki-i pi-i szik-ni-szu2-nu
29. ir-ti lem-ni u2-tar-ru
30. na-s,ir kib-si mu-szal-li-mu
31. tal-lak-ti _lugal_ ba-ni-szu2-nu
32. _za3_ u _gub3_ u2-sza2-as,-bi-ta _si-gar_-szi-in
33. _e2-gal_ {na4}pi-i-li u _{gesz}eren_ szu-te-mu-du-te
34. a-na mul-ta-u2-ti be-lu-ti-ia
35. nak-lisz u2-sze-pisz
36. _{munus}{d}lamma-mesz uruda_ masz-sza2-a-ti
37. sza2 a-he-en-na-a pa-na u ar-ka
38. i-na-at,-t,a-la ki-la-ta-an
39. qe2-reb-sza2 ul-zi-iz
40. {gesz}tim-me _{gesz}eren_ s,i-ru-ti
41. {gesz}a-dap2-pi ku-lul _ka2-mesz_-szi-in e-mid
42. si-hi-ir-ti _e2-gal_ sza2-a-tu
43. ne2-be2-hu pa-asz2-qu sza2 _{na4}zu2 {na4}za-gin3_
44. u2-sze-pisz-ma u2-szal-ma-a ki-li-lisz
45. se-el-lu mat-gi-qu _gin7_ {d}tir-an-na
46. u2-sza2-as-hi-ra gi-mir _ka2-mesz_
47. sik-kat3 _ku3-babbar_ eb-bi u _zabar_ nam-ri
48. u2-rat-ta-a qe2-reb-sza2
49. da-na-an {d}asz-szur _en_-ia
50. sza2 ina _kur-kur_ nak-ra-a-ti
51. e-te-ep-pu-sza2
52. ina szi-pir {lu2}ur5-ra-ku-te
53. e-si-qa qe2-reb-sza2
54. _{gesz}kiri6-mah_ tam-szil {kur}ha-ma-nim
55. sza2 ka-la _szim hi-a_ u _gesz hi-a_
56. hur-ru-szu i-ta-a-sza2 e-mid
57. ki-sal-la-sza ma-gal u2-rab-bi-ma
58. tal-lak-ta-sza2 ma-a'-disz u2-rap-pisz
column 6
1. a-na masz-qit _ansze-kur-ra-mesz_ qe2-reb-sza2
2. pat-tu u2-sze-sze-ram-ma
3. u2-szah-bi-ba a-tap-pisz
4. _e2-gal_ szu-a-tu2 ul-tu _usz8_-sza2
5. a-di gaba-dib-bi-sza2 ar-s,ip u2-szak-lil-ma
6. lu-le-e u2-ma-al-li
7. esz3-gal-szid-du3-du3-a
8. _e2-gal_ pa-qi-da-at ka-la-ma
9. az-ku-ra ni-bit-sa
single ruling
10. {d}a-szur _{d}1(u)-5(disz)_ sza2 nina{ki}
11. _dingir-mesz kur_ asz-szur{ki} ka-li-szu2-nu
12. ina qer-bi-sza2 aq-re-ma
13. _{udu}siskur-mesz_ tasz-ri-ih-ti eb-bu-ti
14. ma-har-szu2-un aq-qi2-ma
15. u2-szam-hi-ra kad3-ra-a-a
16. _dingir-mesz_ sza2-tu-nu ina ku-un lib3-bi-szu2-nu
17. ik-tar-ra-bu _lugal_-u2-ti
18. _{lu2}gal-mesz un-mesz kur_-ia ka-li-szu2-nu
19. ina ta-kul-ti u qe2-re-e-ti
20. ina _{gesz}banszur_ ta-szi-la-a-ti
21. qe2-reb-sza2 u2-sze-szi-ib-ma
22. u2-sza2-li-s,a nu-pa-ar-szu2-un
23. _gesztin-mesz_ ku-ru-un-nu am-ki-ra s,ur-ra-szu2-un
24. _i3-sag_ i3-gu-la-a muh-ha-szu2-nu u2-sza2-asz2-qi2
25. ina qi2-bit {d}a-szur _lugal dingir-mesz_
26. u3 _dingir-mesz kur_ asz-szur{ki} ka-li-szu2-nu
27. ina t,u-ub _uzu-mesz_ hu-ud lib3-bi
28. nu-um-mur ka-bat-ti sze-be2-e lit-tu-ti
29. qe2-reb-sza2 da-risz lu-ur-mi3-ma
30. lu-usz-ba-a la-la-a-sza2
31. ina za3-muk-ki _iti_ resz-ti-i
32. kul-lat {ansze}mur-ni-is-qi2 _{ansze}kunga-mesz_
33. _ansze-mesz {ansze}gam-mal-mesz_
34. til-li u2-nu-ut _me3_
35. gi-mir _erin2 hi-a_ szal-la-at na-ki-ri
36. szat-ti-szam-ma la na-par-ka-a
37. lu-up-qi-da qe2-reb-sza2
38. ina qe2-reb _e2-gal_ sza2-a-tu
39. {d}alad _saga_ la-mas-si _saga_
40. na-s,ir kib-si _lugal_-ti-ia
41. mu-ha-du-u ka-bat-ti-ia
42. da-ri-isz lisz-tab-ru-u2
43. a-a ip-par-ku-u i-da-a-sza2
double ruling
44. {iti}gu4-si-sa2 _u4 2(u) 2(disz)-kam_
45. li-mu {disz}ban-ba-a _{lu2}sukkal kas4_
Witness
Witness to composite(s): Q003231
Primary Publication: Leichty, Erle V. (2011) RINAP 4 Esarhaddon 002, ex. 003
Collection: École Pratique des Hautes Études, Paris, France
Museum no.: HE 323
Provenience: Nineveh (mod. Kuyunjik)
Period: Neo-Assyrian (ca. 911-612 BC)
Object Type: prism
Material: clay
Date: Esarhaddon.00.00.00
Transliteration:
atf: lang akk
object prism
surface a
column 1
beginning broken
1'. sza _dingir#_ [...]
2'. a-na _kur_-[...]
3'. u3 {disz}ab-di#-[...]
4'. a-na re-s,u-[...]
5'. _mu dingir-mesz gal-mesz#_ [...]
6'. a-na e-mu-qi-szu#-[...]
7'. a-na-ku a-na {d}asz-szur [...]
8'. ki-ma is,-s,u-ri ul#-tu2 qe2-[...]
9'. a-bar-szu-ma ak-ki-sa [...]
10'. asz2-szu da-na-an {d}asz-szur [x x]
11'. [_x]-mesz_ kul-lum-mi-[x x]
12'. [...] {disz}sa-an-du-[x x]
13'. [x x] ab#-di-mi-[...]
rest broken
column 2
beginning broken
1'. [...] kad3#-ra-[x x]
2'. [...] lib3#-bi-szu2-[x]
3'. [...]-u2-[x]
4'. [...]-ia ka-li-szu2-[x]
5'. [...] qe2-re-e-ti
6'. [...]-la-a-ti
7'. [...]-szi-ib-ma
8'. [...]-pa-ar-szu-un
9'. [...]-ki-ra s,ur-ra-szu2-un
10'. [...]-ha-szu2-nu u2-sza2-asz2-qi
11'. [...] u _dingir-mesz kur_ asz-szur{ki}
12'. [_...]-mesz_ hu-ud lib3-bi
13'. [...]-be2-e lit-tu-ti
14'. [...]-ur-mi3-ma
rest broken
Witness
Witness to composite(s): Q003231
Primary Publication: Leichty, Erle V. (2011) RINAP 4 Esarhaddon 002, ex. 006
Collection: British Museum, London, UK
Museum no.: BM —
Provenience: Nineveh (mod. Kuyunjik)
Period: Neo-Assyrian (ca. 911-612 BC)
Object Type: prism
Material: clay
Date: Esarhaddon.00.00.00
Transliteration:
atf: lang akk
object prism
surface a
beginning broken
column 1'
beginning broken
1'. [...]-sza2 _dumu_ {disz}bu-na-[...]
2'. [...] 1(u) 2(disz) _danna_ qaq-qar [...]
3'. [...]-ma nu-[x x] szit-[...]
4'. [...]-bit {d}asz-szur _en_-ia hat-tu [...]
5'. [...] t,e3-me-szu2-ma bil2#-[...]
6'. [...] szuk-lul-u2-te [...]
7'. [...]-qa-a# [...]
rest broken
Composite
Composite No.: Q003231
Primary Publication: Leichty, Erle V. (2011) RINAP 4 Esarhaddon 002 composite
Collection: —
Museum no.: —
Provenience: Nineveh (mod. Kuyunjik)
Period: Neo-Assyrian (ca. 911-612 BC)
Object Type: —
Material: —
Date: Esarhaddon.00.00.00
Transliteration:
atf: lang akk
object composite text
surface a
1. _e2-gal_ {disz}{d}asz-szur-szesz-szum2-na
2. _lugal gal_-u2 _lugal_ dan-nu
3. _lugal_ kisz-sza2-ti _lugal kur_ asz-szur{ki}
4. _szagina_ babila2{ki} _lugal kur eme-gi7_ u uri{ki}
5. _dumu_ {disz}{d}sin-pap-mesz-su _lugal kur_ asz-szur{ki}
6. _dumu_ {disz}lugal-gi-na _lugal kur_ asz-szur{ki}
7. _lugal_ sza2 ina tu-kul-ti {d}a-szur
8. {d}sin {d}utu {d}ag {d}marduk
9. {d}1(u)-5(disz) sza2 nina{ki} {d}1(u)-5(disz) sza2 limmu2-dingir{ki}
10. _dingir-mesz gal-mesz en-mesz_-szu2
11. ul-tu s,i-it _{d}utu_-szi
12. a-di e-reb _{d}utu_-szi
13. it-tal-lak-u2-ma ma-hi-ra la i-szu-u2
14. ka-szid {iri}s,i-du-un-ni sza2 ina _muru2_ tam-tim
15. sa-pi-nu gi-mir da-ad2-me-szu2
16. _bad3_-szu2 u3 szu-bat-su as-suh-ma
17. qe2-reb tam-tim ad-di-i-ma
18. a-szar masz-kan2-i-szu2 u2-hal-liq
19. {disz}ab-di-mi-il-ku-ut-ti _lugal_-szu
20. sza la-pa-an _{gesz}tukul-mesz_-ia
21. ina _muru2_ tam-tim in-nab-tu
22. ki-ma nu-u-ni ul-tu qe2-reb tam-tim
23. a-bar-szu-ma ak-ki-sa qaq-qa-su
24. nak-mu _nig2-gur11_-szu2 _ku3-sig17 ku3-babbar na4-mesz_ a-qar-tu
25. _kusz am-si zu2 am-si {gesz}esi {gesz}taszkarin_
26. {tug2}lu-bul-ti _gun3_ u _gada_ mim-ma szum-szu2
27. ni-s,ir-ti _e2-gal_-szu2 a-na mu-'u-de-e asz2-lu-la
28. _ug3-mesz_-szu2 _dagal-mesz_ sza2 ni-ba la i-sza2-a
29. _gu4-mesz_ u3 s,e-e-ni _ansze-mesz_
30. a-bu-ka a-na qe2-reb _kur_ asz-szur{ki}
31. u2-pah-hir-ma _lugal-mesz_ {kur}hat-ti
32. u3 a-hi tam-tim ka-li-szu2-nu
33. ina asz2-ri sza2-nim-ma _iri_ u2-sze-pisz-ma
34. {iri}kar-{disz}{d}asz-szur-szesz-szum2-na at-ta-bi ni-bit-su
35. _ug3-mesz_ hu-bu-ut _{gesz}pan_-ia sza2 _kur_-i
36. u3 tam-tim s,i-it _{d}utu_-szi ina lib3-bi u2-sze-szib
37. {lu2}szu-ut _sag_-ia _{lu2}nam ugu_-szu2-nu asz2-kun
38. u3 {disz}sa-an-du-ar-ri
39. _lugal_ {iri}kun-di {iri}si-su-u2
40. _{lu2}kur2_ ak-s,u la pa-lih3 be-lu-ti-ia
41. sza _dingir-mesz_ u2-masz-szir3-u2-ma
42. a-na _kur_-i mar-s,u-ti it-ta-kil
43. u3 {disz}ab-di-mil-ku-ti _lugal_ {iri}s,i-du-un-ni
44. a-na re-s,u-ti-szu2 isz-kun-ma
45. _mu dingir-mesz gal-mesz_ a-na a-ha-mesz iz-kur-u2-ma
46. a-na e-mu-qi-szu2-un it-tak-lu
47. a-na-ku a-na {d}asz-szur _en_-ia at-ta-kil-ma
48. ki-ma is,-s,u-ri ul-tu qe2-reb _kur_-i
49. a-bar-szu-ma ak-ki-sa qaq-qa-su
50. asz2-szu2 da-na-an {d}asz-szur _en_-ia
51. _ug3-mesz_ kul-lu4-mi-im-ma
52. _sag-du-mesz_ {disz}sa-an-du-ar-ri
53. u3 {disz}ab-di-mi-il-ku-ut-ti
54. ina ki-sza2-di _{lu2}gal-mesz_-szu2-un a-lul-ma
55. it-ti _{lu2}nar-mesz_ u _{gesz}za3-mi2_
56. ina re-bet nina{ki} e-te-et-ti-iq
57. sza2-lil {kur}ar-za-a sza2 pa-a-t,i na-hal {kur}mu-s,ur
58. sza2 {disz}a-su-hi-li _lugal_-szu
59. a-di ma-li-ke-e-szu2 bi-re-tu2 ad-di-ma
60. a-na _kur_ asz-szur{ki} u2-ra-a
61. ina t,e-hi _abul muru2 iri_ sza2 nina{ki}
62. it-ti a-si _ur-gi7_ u3 _szah_
63. u2-sze-szib-szu2-nu-ti ka-mi-isz
64. u3 {disz}te-usz-pa-a {kur}gi-mir-ra-a-a
65. erin2-man-da sza2 a-szar-szu2 ru-u2-qu
66. ina _ki_-tim {kur}hu-bu-usz-na
67. a-di gi-mir _erin2-hi-a_-szu2 u2-ra-si-ba ina _{gesz}tukul_
68. ka-bi-is ki-sza2-di _ug3-mesz_ {kur}hi-lak-ki
69. szad-du-u8-a a-szi-bu-te hur-sza2-a-ni
70. sza2 t,e-hi {iri}ta-bal sza2 _ugu kur-mesz_-szu2-un
71. it-tak-lu-ma ul-tu u4-me pa-ni
72. la ik-nu-szu a-na ni-i-ri
73. 2(u) 1(disz) _iri-mesz_-szu2-un a-di _iri-mesz tur-mesz_ sza2 li-me-ti-szu2-nu
74. al-me ak-szud asz2-lu-la szal-lat-sun2
75. ap-pul aq-qur ina {d}gesz-bar aq-mu
76. si-tu-ti-szu2-nu sza hi-it,-t,u
77. u3 gul-lul-tu la i-szu-u2
78. kab-tu ni-ir be-lu-ti-ia e-mid-su-nu-ti
79. da-isz {kur}bar-na-ki nak-ru ak-s,i
80. a-szi-bu-te {kur}du6-a-szur-ri
81. sza2 ina pi-i _ug3-mesz_ {iri}me-eh-ra-a-nu {iri}pi-ta-a-nu
82. i-nam-bu-u2 zi-kir-szu2-un
83. mu-sap-pi-ih _ug3-mesz_ {kur}man-na-a-a
84. qu-tu-u2 la sa-an-qu
85. sza2 um-ma-na-a-ti {disz}isz-pa-ka-a-a {kur}asz2-gu-za-a-a
86. kit-ru la mu-sze-zi-bi-szu2 i-na-ru ina _{gesz}tukul_
87. t,a-rid {disz}{d}ag-numun-zi-si-sa2 _dumu_ {disz}{d}marduk-a-asz
88. sza a-na _lugal_ {kur}e-lam-ti it-tak-lu-ma
89. la u2-sze-zi-bu nap-szat-su
90. {disz}na-'i-id-{d}mar-duk _szesz_-szu2
91. asz2-szu2 e-pesz _ARAD_-u2-ti-ia
92. ul-tu qe2-reb {kur}e-lam-ti in-nab-tam-ma
93. a-na nina{ki} _iri_ be-lu-ti-ia
94. il-lik-am-ma u2-na-asz2-szi-iq _giri3-min_-ia
95. _kur_ tam-tim a-na si-hi-ir-ti-sza2
96. ri-du-ut _szesz_-szu2 u2-szad-gil pa-nu-usz-szu2
97. na-bi-i' {kur}e2-{disz}dak-kur-ri
98. sza qe2-reb {kur}kal-di a-a-ab babila2{ki}
99. ka-mu-u2 {disz}{d}utu-ib-ni _lugal_-szu2
100. is-hap-pu hab-bi-lu la pa-li-hu zik-ri _en en-en_
101. sza2 _a-sza3-mesz dumu-mesz_ babila2{ki} u bar2-sipa{ki}
102. ina pa-ri-ik-ti it-ba-lu-ma
103. asz2-szu2 a-na-ku pu-luh-ti {d}en u {d}ag i-du-u2
104. _a-sza3-mesz_ szi-na-a-ti u2-ter-ma
105. pa-an _dumu-mesz_ babila2{ki} u3 bar2-sipa{ki} u2-szad-gil
106. {disz}{d}ag-szal-lim _dumu_ {disz}ba-la-su
107. ina _{gesz}gu-za_-szu2 u2-sze-szi-ib-ma
108. i-sza2-t,a ab-sza2-a-ni
109. {iri}a-du-mu-tu _iri_ dan-nu-ti {kur}a-ri-bi
110. sza2 {disz}{d}sin-pap-mesz-su _man kur_ asz-szur{ki} _ad_ ba-nu-u-a
111. ik-szu-du-ma _nig2-szu_-szu2 _nig2-gur11_-szu2 _dingir-mesz_-szu2
112. a-di {munus}ap-kal-la-ti szar-rat {kur}a-ri-bi
113. isz-lu-lam-ma a-na _kur_ asz-szur{ki} il-qa-a
114. {disz}ha-za-dingir _lugal_ {kur}a-ri-bi
115. it-ti ta-mar-ti-szu2 ka-bit-ti
116. a-na nina{ki} _iri_ be-lu-ti-ia
117. il-lik-am-ma u2-na-asz2-szi-iq _giri3-min_-ia
118. asz2-szu2 na-dan _dingir-mesz_-szu2 u2-s,al-la-an-ni-ma
119. re-e-mu ar-szi-szu-ma
120. _dingir-mesz_ sza2-tu-nu an-hu-su-nu ud-disz-ma
121. da-na-an {d}asz-szur _en_-ia u szi-t,ir _mu_-ia
122. _ugu_-szu2-nu u2-sza2-asz2-t,ir-ma u2-ter-ma ad-din-szu2
123. {munus}ta-bu-u-a tar-bit _e2-gal_-ia
124. a-na _lugal_-u2-ti _ugu_-szu2-nu asz2-kun-ma
125. it-ti _dingir-mesz_-sza2 a-na _kur_-sza2 u2-ter-szi
126. 1(gesz2) 5(disz) _ansze-gam-mal-mesz ugu_ ma-da-at-ti _ad_-ia
127. mah-ri-ti u2-rad-di-ma u2-kin s,e-ru-usz-szu2
128. ar-ka {disz}ha-za_-dingir_ szim-tu2 u2-bil2-szu-ma
129. {disz}ia-a'-lu-u2 _dumu_-szu2
130. ina _{gesz}gu-za_-szu2 u2-sze-szi-ib-ma
131. 1(u) _ma-na ku3-sig17_ 1(disz) _lim na4-mesz_ be2-ru-ti
132. 5(u) _ansze-gam-mal-mesz_ 1(disz) _lim_ kun-zi _szim-hi-a_
133. _ugu_ ma-da-ti _ad_-szu2 u2-rad-di-ma e-mid-su
134. {kur}ba-a-zu na-gu-u sza2 a-szar-szu2 ru-u-qu
135. mi-szit na-ba-li qaq-qar _mun_ a-szar s,u-ma-mi
136. 1(disz) _me_ 4(u) _danna_ qaq-qar ba-a-s,i
137. pu-qut-ti u _{na4}zu2_ s,a-bi-ti
138. 2(u) _danna_ qaq-qar _musz_ u _gir2-tab_
139. sza2 ki-ma kul-ba-bi ma-lu-u u2-ga-ru
140. 2(u) _danna_ {kur}ha-zu-u szad-di _{na4}sag-gil-mud_
141. a-na _egir_-ia u2-masz-szir-ma e-ti-iq
142. sza2 ul-tu u4-me ul-lu-ti
143. la il-li-ku _lugal_ pa-ni mah-ri-ia
144. ina qi2-bit {d}asz-szur _en_-ia
145. ina qer-bi-szu2 szal-t,a-nisz at-tal-lak
146. 8(disz) _lugal-mesz_ sza2 qe2-reb na-ge-e szu-a-tu2 a-duk
147. _dingir-mesz_-szu2-nu _nig2-szu_-szu2-nu _nig2-gur11_-szu2-nu _ug3-mesz_-szu2-nu
148. asz2-lu-la a-na qe2-reb _kur_ asz-szur{ki}
149. {disz}la-a-a-le-e _lugal_ {iri}ia-di-i'
150. sza2 ul-tu2 la-pa-an _{gesz}tukul-mesz_-ia ip-par-szi-du
151. szal-la-at _dingir-mesz_-szu2 isz-me2-e-ma
152. a-na nina{ki} _iri_ be-lu-ti-ia
153. a-di mah-ri-ia il-lik-am-ma
154. u2-na-asz2-szi-iq _giri3-min_-ia
155. re-e-mu ar-szi-szu2-ma aq-ta-bi-szu2 a-hu-lap
156. _dingir-mesz_-szu2 sza2 asz2-lu-la da-na-an {d}asz-szur _en_-ia
157. _ugu_-szu2-nu asz2-t,ur-ma u2-ter-ma ad-din-szu2
158. na-ge-e {kur}ba-a-zi szu-a-tu2
159. u2-szad-gil pa-nu-usz-szu2
160. _gun_ man-da-at-tu2 be-lu-ti-ia
161. u2-kin s,e-ru-usz-szu2
162. {disz}en-ba-sza2 _dumu_ {disz}bu-na-ni {lu2}gam-bu-la-a-a
163. sza2 ina 1(u) 2(disz) _danna_ qaq-qa-ru ina _a-mesz_ u _gi-ambar-mesz_
164. ki-ma nu-u-ni szit-ku-nu szu-ub-tu2
165. ina qi2-bit {d}asz-szur _en_-ia hat-tu im-qut-su-ma
166. ki-i t,e3-mi ra-ma-ni-szu2 bil2-tu2 u man-da-at-tu2
167. _gu4-mah_-hi szuk-lul-u2-ti s,a-ma-da-ni
168. _ansze-kunga-mesz babbar-mesz_ ul-tu2 {kur}e-lam-ti il-qa-a
169. a-na nina{ki} a-di mah-ri-ia
170. u2-bi-lam-ma u2-na-asz2-szi-iq _giri3-min_-ia
171. re-e-mu ar-szi-szu-ma
172. u2-szar-hi-is-su lib3-bu
173. {iri}sza2-pi-i-{d}en _iri_ dan-nu-ti-szu2
174. dan-na-as-su u2-dan-nin-ma
175. sza2-a-szu2 a-di _{lu2}erin2-mesz {gesz}pan_-szu2
176. ina lib3-bi u2-sze-li-szu-ma
177. _gin7 {gesz}ig_ ina _igi_ {kur}e-lam-ti e-di-il-szu2
178. {kur}pa-tu-usz-ar-ra na-gu-u sza2 i-te-e _e2-mun_
179. sza2 qe2-reb {kur}ma-da-a-a ru-qu-ti
180. sza2 pa-a-t,i {kur}bi-ik-ni szad-di _{na4}za-gin3_
181. sza2 ina _lugal-mesz ad-mesz_-ia mam2-ma la ik-bu-su
182. _ki_-tim _kur_-szu2-un {disz}szi-dir-pa-ar-na {disz}e-pa-ar-na
183. _{lu2}en-iri-mesz kal-mesz_ sza la kit-nu-szu a-na ni-i-ri
184. sza2-a-szu2-nu a-di _ug3-mesz_-szu2-nu _ansze-kur-ra-mesz_ ru-ku-bi-szu2-nu
185. _gu4-mesz_ s,e-e-ni _ansze-mesz_ {ansze}u2-du-ri
186. szal-la-sun2 ka-bi-tu2 asz2-lu-la a-na _kur_ asz-szur{ki}
187. {disz}up-pi-is _{lu2}en-iri_ sza2 {iri}pa-ri-tak-ka
188. {disz}za-na-sa-na _{lu2}en-iri_ sza2 {iri}pa-ar-tuk-ka
189. {disz}ra-ma-te-ia _{lu2}en-iri_ sza2 {iri}u2-ra-ka-za-bar-na
190. {kur}ma-da-a-a sza2 a-szar-szu2-nu ru-u2-qu
191. sza2 ina tar-s,i _lugal-mesz ad-mesz_-ia _ki_-tim _kur_ asz-szur{ki}
192. la ib-bal-ki-tu-nim-ma la ik-bu-su qaq-qar-sza2
193. pu-luh-tu2 ra-szub-bat {d}asz-szur _en_-ia is-hup-szu2-nu-ti-ma
194. {ansze}mur-ni-is-qi2 _gal-mesz {na4}za-gin3_ hi-ip _kur_-szu2
195. a-na nina{ki} _iri_ be-lu-ti-ia
196. isz-szu-nim-ma u2-na-asz2-szi-qu _giri3-min_-ia
197. asz2-szu2 _{lu2}en-iri-mesz_ sza2 qa-a-tu2 id-ku-szu2-nu-ti
198. be-lu-u2-ti u2-s,al-lu-ma
199. e-ri-szu-in-ni kit-ru
200. {lu2}szu-ut _sag-mesz_-ia _{lu2}nam-mesz_
201. sza pa-a-t,i _kur_-szu2-un
202. it-ti-szu2-nu u2-ma-'e-er-ma
203. _ug3-mesz_ a-szi-bu-te _iri-mesz_ sza2-tu-nu
204. ik-bu-su-ma u2-szak-nisz-szu2 _giri3-min_-usz-szu2-un
205. _gun_ man-da-at-tu2 be-lu-ti-ia
206. szat-ti-szam-ma u2-kin s,e-ru-usz-szu2-un
207. ul-tu {d}asz-szur {d}utu {d}en u {d}ag
208. {d}1(u)-5(disz) sza2 nina{ki} {d}1(u)-5(disz) sza2 limmu2-dingir{ki}
209. _ugu_ na-ki-ri-ia ina li-i-ti
210. u2-sza2-zi-zu-ni-ma am-s,u-u ma-la lib3-bi-ia
211. ina ki-szit-ti na-ki-ri szad-lu-u2-ti
212. sza ina tu-kul-ti _dingir-mesz gal-mesz en-mesz_-ia
213. ik-szu-da qa-ta-a-a
214. esz-ret ma-ha-zi sza2 _kur_ asz-szur{ki}
215. u _kur_ uri{ki} u2-sze-pisz-ma
216. _ku3-babbar ku3-sig17_ u2-za-in-ma
217. u2-nam-me-ra _gin7_ u4-me
218. ina u4-me-szu-ma _e2-gal_ ma-szar-ti
219. sza2 qe2-reb {iri}ni-na-a
220. sza2 _lugal-mesz_ a-lik mah-ri _ad-mesz_-ia
221. u2-sze-pi-szu a-na szu-te-szur _karasz_
222. pa-qa-di {ansze}mur-ni-is-qi2 _ansze-kunga-mesz_
223. _{gesz}gigir-mesz_ til-lu u2-nu-ut _me3_
224. u szal-la-at na-ki-ri gi-mir mim-ma szum-szu2
225. sza {d}a-szur _lugal dingir-mesz_
226. a-na esz-qi2 _lugal_-ti-ia isz-ru-ka
227. a-na szit-mur _ansze-kur-ra-mesz_
228. szi-tam-du-uh _{gesz}gigir-mesz_
229. asz2-ru szu-a-tu2 i-mi-s,a-an-ni-ma
230. _ug3-mesz kur-kur_ hu-bu-ut _{gesz}pan_-ia
231. al-lu tup-szik-ku u2-sza2-asz2-szi-szu2-nu-ti-ma
232. il-bi-nu _sig4-hi-a_
233. _e2-gal-tur-ra_ szu-a-tu
234. a-na si-hi-ir-ti-sza2 aq-qur-ma
235. qaq-qa-ru ma-a'-du _gin7_ a-tar-tim-ma
236. ul-tu lib3-bi _a-sza3-mesz_ ab-tuq-ma
237. e-li-sza2 u2-rad-di
238. i-na {na4}pi-i-li _na4 kur_-i dan-ni
239. tam-la-a usz-ma-al-li
240. ad-ke-e-ma 2(u) 2(disz) _lugal-mesz_ {kur}hat-ti
241. sza a-hi tam-tim u _muru2_ tam-tim ka-li-szu2-nu
242. u2-ma-'e-er-szu2-nu-ti-ma
243. _gesz-ur3-mesz gal-mesz_ {gesz}tim-me _mah-mesz_
244. {gesz}a-dap2-pi _{gesz}eren {gesz}szur-min3_
245. ul-tu2 qe2-reb {kur}si-ra-ra {kur}lab-na-na
246. _{munus}{d}lamma-mesz {munus}ab2-za-za_-a-ti
247. _{na4}kun4-mesz_ a-gur2-ri
248. sza2 _{na4}gesz-nu11-gal {na4}{d}sze-tir_
249. _{na4}dur2-mi-na {na4}dur2-mi-na-banda3{+da}_
250. _{na4}en-gi-sa6_ {na4}a-lal-lum
251. _{na4}girim-hi-li-ba_ ul-tu qe2-reb hur-sza2-a-ni
252. a-szar nab-ni-ti-szu2-nu
253. a-na hi-szih-ti _e2-gal_-ia
254. mar-s,i-isz pa-asz2-qi2-isz
255. a-na nina{ki} u2-szal-di-du-u-ni
256. ina _iti sze-ga_ u4-mu mit-ga-ri
257. e-li tam-le-e szu-a-tu
258. _e2-gal-mesz_ rab-ba-a-ti
259. a-na mu-szab be-lu-ti-ia
260. ab-ta-ni s,e-ru-usz-szu2
261. _e2_ dan-ni sza 1(gesz2) 3(u) 5(disz) ina _1(disz) kusz3 gal_-tim _gid2-da_
262. 3(u) 1(disz) ina _1(disz) kusz3 gal_-tim _dagal_
263. sza ina _lugal-mesz_ a-lik mah-ri _ad-mesz_-ia
264. mam2-ma la e-pu-szu2 a-na-ku e-pu-usz
265. _gesz-ur3-mesz {gesz}eren_ s,i-ru-ti
266. u2-szat-ri-s,a e-li-sza2
267. _{gesz}ig-mesz {gesz}szur-min3_ sza2 e-re-si-na _du10-ga_
268. me-ser _ku3-babbar_ u _zabar_ u2-rak-kis-ma
269. u2-rat-ta-a _ka2-mesz_-sza2
270. _{d}alad-mesz_ u _{d}lamma-mesz_ sza2 _na4-mesz_
271. sza2 ki-i pi-i szik-ni-szu2-nu
272. ir-ti lem-ni u2-tar-ru
273. na-s,ir kib-si mu-szal-li-mu
274. tal-lak-ti _lugal_ ba-ni-szu2-nu
275. _za3_ u _gub3_ u2-sza2-as,-bi-ta _si-gar_-szi-in
276. _e2-gal_ {na4}pi-i-li u _{gesz}eren_ szu-te-mu-du-te
277. a-na mul-ta-u2-ti be-lu-ti-ia
278. nak-lisz u2-sze-pisz
279. _{munus}{d}lamma-mesz uruda_ masz-sza2-a-ti
280. sza2 a-he-en-na-a pa-na u ar-ka
281. i-na-at,-t,a-la ki-la-ta-an
282. qe2-reb-sza2 ul-zi-iz
283. {gesz}tim-me _{gesz}eren_ s,i-ru-ti
284. {gesz}a-dap2-pi ku-lul _ka2-mesz_-szi-in e-mid
285. si-hi-ir-ti _e2-gal_ sza2-a-tu
286. ne2-be2-hu pa-asz2-qu sza2 _{na4}zu2 {na4}za-gin3_
287. u2-sze-pisz-ma u2-szal-ma-a ki-li-lisz
288. se-el-lu mat-gi-qu _gin7 {d}tir-an-na_
289. u2-sza2-as-hi-ra gi-mir _ka2-mesz_
290. sik-kat3 _ku3-babbar_ eb-bi u _zabar_ nam-ri
291. u2-rat-ta-a qe2-reb-sza2
292. da-na-an {d}asz-szur _en_-ia
293. sza2 ina _kur-kur_ nak-ra-a-ti
294. e-te-ep-pu-sza2
295. ina szi-pir {lu2}ur5-ra-ku-te
296. e-si-qa qe2-reb-sza2
297. _{gesz}kiri6-mah_ tam-szil {kur}ha-ma-nim
298. sza2 ka-la _szim-hi-a_ u _gesz-hi-a_
299. hur-ru-szu2 i-ta-a-sza2 e-mid
300. ki-sal-la-sza2 ma-gal u2-rab-bi-ma
301. tal-lak-ta-sza2 ma-a'-disz u2-rap-pisz
302. a-na masz-qit _ansze-kur-ra-mesz_ qe2-reb-sza2
303. pat-tu u2-sze-sze-ram-ma
304. u2-szah-bi-ba a-tap-pisz
305. _e2-gal_ szu-a-tu2 ul-tu _usz8_-sza2
306. a-di gaba-dib-bi-sza2 ar-s,ip u2-szak-lil-ma
307. lu-le-e u2-ma-al-li
308. esz3-gal-szid-du3-du3-a
309. _e2-gal_ pa-qi-da-at ka-la-ma
310. az-ku-ra ni-bit-sa
311. {d}a-szur {d}1(u)-5(disz) sza2 nina{ki}
312. _dingir-mesz kur_ asz-szur{ki} ka-li-szu2-nu
313. ina qer-bi-sza2 aq-re-ma
314. _{udu}siskur-mesz_ tasz-ri-ih-ti eb-bu-ti
315. ma-har-szu2-un aq-qi2-ma
316. u2-szam-hi-ra kad3-ra-a-a
317. _dingir-mesz_ sza2-tu-nu ina ku-un lib3-bi-szu2-nu
318. ik-tar-ra-bu _lugal_-u2-ti
319. _{lu2}gal-mesz un-mesz kur_-ia ka-li-szu2-nu
320. ina ta-kul-ti u qe2-re-e-ti
321. ina _{gesz}banszur_ ta-szi-la-a-ti
322. qe2-reb-sza2 u2-sze-szi-ib-ma
323. u2-sza2-li-s,a nu-pa-ar-szu2-un
324. _gesztin-mesz_ ku-ru-un-nu am-ki-ra s,ur-ra-szu2-un
325. _i3-sag_ i3-gu-la-a muh-ha-szu2-nu u2-sza2-asz2-qi2
326. ina qi2-bit {d}a-szur _lugal dingir-mesz_
327. u3 _dingir-mesz kur_ asz-szur{ki} ka-li-szu2-nu
328. ina t,u-ub _uzu-mesz_ hu-ud lib3-bi
329. nu-um-mur ka-bat-ti sze-be2-e lit-tu-ti
330. qe2-reb-sza2 da-risz lu-ur-me-ma
331. lu-usz-ba-a la-la-a-sza2
332. ina zag-muk-ki _iti_ resz-ti-i
333. kul-lat {ansze}mur-ni-is-qi2 _ansze-kunga-mesz_
334. _ansze-mesz ansze-gam-mal-mesz_
335. til-li u2-nu-ut _me3_
336. gi-mir _erin2-hi-a_ szal-la-at na-ki-ri
337. szat-ti-szam-ma la na-par-ka-a
338. lu-up-qi-da qe2-reb-sza2
339. ina qe2-reb _e2-gal_ sza2-a-tu
340. _{d}alad saga_ la-mas-si _saga_
341. na-s,ir kib-si _lugal_-ti-ia
342. mu-ha-du-u ka-bat-ti-ia
343. da-risz lisz-tab-ru-u2
344. a-a ip-par-ku-u i-da-a-sza2
Witness
Witness to composite(s): Q003231
Primary Publication: Leichty, Erle V. (2011) RINAP 4 Esarhaddon 002, ex. 005
Collection: British Museum, London, UK
Museum no.: BM —
Provenience: Nineveh (mod. Kuyunjik)
Period: Neo-Assyrian (ca. 911-612 BC)
Object Type: prism
Material: clay
Date: Esarhaddon.00.00.00
Transliteration:
atf: lang akk
object prism
surface a
column 1
beginning broken
1'. [...] be-lu-ti-ia u2-[x x]-ru-usz-szu2
single ruling
2'. [...] _dumu_ {disz}bu-na-ni {lu2}gam-bu-la-a-a
3'. [_...]-gid2_ qaq-qar _a-mesz gi-ambar-mesz_
4'. [...] szit-ku-nu# szub-tu2
5'. [...]-ia hat-tu im-qut-su-ma
6'. [...]-ma#-ni-szu2
7'. [...]-mah#-hi szuk-lul-u2-te
8'. [_{ansze}]kunga#-mesz babbar-mesz_
9'. [...] il-qa-a
10'. [...]-ia#
11'. [...]-ia#
rest broken
column 2'
beginning broken
1'. _e2_ [...]
2'. a-na si-hi-ir#-[...]
3'. qaq-qa-ru ma#-[...]
4'. ul-tu2 lib3-bi [...]
5'. e-li-sza2 [...]
6'. ina {na4}pi-i-li# [...]
7'. tam-la-a [...]
single ruling
8'. ad-ke-e-ma 2(u) 2(disz) _lugal#_ [...]
9'. sza2 a-hi tam-tim u _muru2#_ [...]
10'. u2-ma-'e-er-[...]
11'. _gesz-ur3-mesz gal-mesz#_ [...]
12'. [x] a-dap2-pi {gesz}[...]
rest broken
Witness
Witness to composite(s): Q003231
Primary Publication: Leichty, Erle V. (2011) RINAP 4 Esarhaddon 002, ex. 004
Collection: Yale Babylonian Collection, New Haven, Connecticut, USA; Peabody Essex Museum, Salem, Massachusetts, USA
Museum no.: YBC 02297 (+) E06970
Provenience: Nineveh (mod. Kuyunjik)
Period: Neo-Assyrian (ca. 911-612 BC)
Object Type: prism
Material: clay
Date: Esarhaddon.00.00.00
Transliteration:
atf: lang akk
object prism
surface a
column 1
1. _e2-gal_ {disz}asz-szur-szesz-[x x]
2. _lugal gal_-u2 _lugal_ [x x]
3. _lugal_ kisz-sza2-ti [...]
4. _szagina_ babila2#{ki} lugal_ [...]
5. [...]-szesz#-mesz-su _lugal_ [...]
6. [...]-_gi-na lugal kur_ [...]
7. [...] tu-kul-ti {d}asz-szur
8. [x x] {d}utu {d}ag {d}marduk
9. [x x] sza nina{ki} _{d}1(u)-5(disz)_ sza2 {iri}limmu2-dingir
10. [_x]-mesz gal-mesz en-mesz_-szu
11. ul-tu s,i-it {d}utu-szi
12. a-di e-reb {d}utu-szi
13. it-tal-lak-u2-ma ma-hi-ri la i-szu-u2
single ruling
14. ka-szid {iri}s,i-du-un-ni sza2 ina _muru2_ tam-tim
15. sa-pi-nu gi-mir da-ad2-me-szu
16. _bad3_-szu2 u3 szu-bat-su as-suh-ma
17. qe2-reb tam-tim ad-di-i-ma
18. a-szar masz-kan2-i-szu2 u2-hal-liq
19. {disz}ab-di-mi-il-ku-ut-ti _lugal_-szu
20. sza la-pa-an _{gesz}tukul-mesz_-ia
21. ina _muru2_ tam-tim in-nab-tu
22. ki-ma nu-u2-ni ul-tu _muru2_ tam-tim
23. a-bar-szu-ma ak-ki-sa _sag-du_-su
24. nak-mu _nig2-gur11_-szu _ku3-sig17 ku3-babbar na4-mesz_ a-qar-tu2
25. _kusz am-si zu2 am-si {gesz}esi {gesz}tug2_
26. {tug2}lu-bul-tu _gun3_ u3 _gada_ mim-ma szum-szu
27. ni-s,ir-ti _e2-gal_-szu
28. a-na mu-'u-de-e asz2-lu-la
29. _ug3-mesz_-szu2 _dagal-mesz_ sza2 ni-ba la i-sza2-a
30. _gu4-mesz_ u3 s,e-e-ni _ansze-mesz_
31. a-bu-ka a-na qe2-reb _kur_ asz-szur{ki}
32. u2#-pa#-hir-ma _lugal-mesz_ {kur}hat-ti
33. [x x]-hi# tam-tim ka-li-szu2-nu
34. [...]-nim#-ma# _iri_ u2-sze-pisz-ma
35. [_...]-na#_ at-ta-bi ni-bit-su
36. [...] _pan_-ia sza2 _kur_-i
37. [...] {d}utu-szi
38. [...]-szib
39. [...] x x x
rest broken
column 2
beginning broken
1'. ina _ki_-[...]
2'. a-di [...]
3'. u2-ra-[...]
single ruling
4'. ka-bi-is [...]
5'. szad-du-u-a [...]
6'. sza t,e-hi [...]
7'. sza2 _ugu_ {kur}[...]
8'. ul-tu u4-me# [...]
9'. a-na ni-[x x x]
10'. 2(u) 1(disz) _iri-mesz#_-[...]
11'. sza li-me-[...]
12'. asz2-lu-la [...]
13'. ap-pul [...]
14'. si-[...]
15'. la [...]
single ruling
16'. da-isz [...]
17'. a-szi-bu-te [...]
18'. sza ina pi-i _ug3-mesz_ {kur}me-eh-[...]
19'. i-nam-bu-u2 zi-[...]
single ruling
20'. mu-sap-pi-ih _ug3-mesz_ {kur}[...]
21'. qu-tu-u2 la sa-an-qu [...]
22'. {disz}isz-pa-ka-a-a {kur}asz2-gu-za-a-[x]
23'. kit-ru la [x]-sze-zi-bi-szu2 i-na-ru i-na {gesz}[x]
single ruling
24'. t,a-rid {disz}{d}ag-numun-zi-si-sa2 _dumu_ {disz}{d}marduk-a-asz
25'. sza2 a-na _lugal_ {kur}e-lam-ti it-tak-lu-ma
26'. la u2-sze-zi-bu nap-szat-su
27'. {disz}na-'i-id-di-mar-duk _szesz_-szu
28'. asz2-szu2 e-pesz _ARAD2_-u2-ti-ia
29'. ul-tu qe2-reb {kur}e-lam-ti in-nab-tam-[x]
30'. a-na nina{ki} _iri_ be-lu-ti-ia il-lik-am#-[x]
31'. [x x]-asz2#-szi#-iq# _giri3#-min#_-[...]
rest broken
column 3
beginning broken
1'. [x]-na _nina_ [...]
2'. il-lik-[...]
3'. re-e-mu# [...]
4'. _dingir-mesz_-szu2 sza2# [...]
rest broken
column 4
1. [...]-ka
2. [...]-tuk-ka
3. [...]
4. [...]
5. [...]{ki}
6. [...] ik-bu-su qaq-qar-sza2
7. [...]-ia# is-hup-szu2-nu-ti-ma
8. [...] x x x
n lines broken
9'. [...]{ki#}
10'. [_...]-mesz#_-ia
11'. [...] _karasz_
12'. [_...]-mesz_
13'. [...] szum#-szu#
14'. [...] a-na esz-qi2
15'. [...]-ru-ka
16'. [...]-tam-du-uh _{gesz}gigir-mesz_
17'. [...]-an-ni-ma
18'. [...] _pan_-ia
19'. [...]-asz2-szi-szu2-nu-ti-ma
20'. [...] _x-mesz_
21'. [...] si#-hir-ti-sza2 aq-qur
22'. [...] a#-tar-tim-ma
23'. [...] ab-tuq-ma
24'. [...]-di
25'. [...] dan#-ni
26'. [...] x
rest broken
column 5
1. a-na hi-szih-ti _e2-gal_-ia
2. mar-s,i-isz pa-asz2-qi2-isz
3. a-na nina{ki} u2-szal-di-du-u-ni
single ruling
4. ina {iti}sze-ga u4-mu mit-ga-ri
5. _ugu_ tam-le-e szu-a-tu2
6. _e2-gal_ rab-ba-a-ti
7. a-na mu-szab be-lu-ti-ia
8. ab-ta-ni s,e-ru-usz-szu2
9. _e2_ dan-ni sza2 1(gesz2) 3(u) 5(disz) ina 1(disz) _kusz3 gal_-tim
10. [_x]-da#_ 3(u) 1(disz) ina 1(disz) _kusz3 gal_-tim _dagal_
11. [_...]-mesz_ a-lik mah-ri _ad-mesz_-ia
12. [...] a-na-ku e-pu-usz
13. [_...]-mesz_
14. [...]-szu2
n lines broken
15'. sza ki-i pi-[...]
16'. ir-ti lem-ni [...]
17'. na-s,i-ru kib-si mu#-[...]
18'. tal-lak-ti _lugal_ ba-ni#-[x x]
19'. _za3_ u _gub3_ u2-sza2-as,#-[x x]
20'. _si-gar_-szi-[x]
21'. _e2-gal_ {na4}pi-i-li u _{gesz}eren_ x
22'. a-na mul-ta-u-ti
23'. be-lu-ti#-[x] nak-lisz u2-sze-pisz
24'. _{munus}{d}lamma-mesz# uruda#_ masz-sza2-a-ti
25'. sza2 a-he-en-[x]-a pa-na u ar-ka
26'. i-na-at,-t,a#-la ki-la-ta-an
27'. qe2-reb-sza2# ul-zi-iz
28'. {gesz}tim-me _{gesz}eren_ s,i-ru-ti
29'. a-dap2-pi ku-lul _ka2-mesz_-szi-in e-mid
30'. si-hi-ir-ti _e2-gal_ sza2-a-tu
31'. ne2-be2-hu pa-asz2-qu
32'. sza2 _{na4}zu2 {na4}za-gin3_
33'. u2-sze-pisz-ma u2-szal-ma-a ki-li-lisz
34'. se-el-lu mat-gi-qu
35'. _gin7_ {d}tir-an-na u2-sza2-as-hi-ra
36'. gi-mir _ka2-mesz_
37'. sik-kat3 _ku3-babbar_ eb-bi
38'. u _zabar_ nam-ri
39'. u2-rat-ta-a qe2-reb-sza2
40'. [x]-na-an {d}asz-szur _en_-ia
41'. sza# i-na ma-ta-a-ti
42'. nak-ra-a-ti
43'. [x]-tep#-pu#-[...]
44'. [...]
column 6
1. _{gesz}kiri6-mah_ [x]-szil# {kur}ha-ma-nim#
2. sza ka-la _szim# hi-a_
3. u3 _gesz-hi-[x_ x]-ru-szu2
4. i-ta-a-[x] e-mid
5. ki-sal-la-[...] u2-rab-bi-ma
6. tal-lak-ta-[...] u2-rap-pisz
7. a-na masz-qit2 _ansze#_ [...]
8. qe2-reb-sza2 pat-[...]
9. u2-szah-bi-[...]
10. _e2-gal_ szu-a-tu2 [...]
11. a-di gaba-dib-[x]-sza2
12. ar-s,ip u2-szak#-lil-ma
13. lu-le-e u2-ma-al-li
14. esz3-gal-[x x]-du3-a
15. [...]-la-mu az-ku-ra ni-bit-sa
single ruling
16. [...] _dingir-mesz kur_ asz-szur{ki} [...]
17. [...]-bi-sza2 aq-re-ma
18. [...]-ih-ti eb-bu-te
19. [...] aq#-qi2-i-ma
20. [...] kad3-ra-a-a
21. [...]-un lib3-bi-szu2-un
22. [...]-u2-ti
23. [...]-ia _du3_-szu2-nu
24. [...]-re-ti
25. [...]-a#-ti
n lines broken
26'. qe2-reb-[...]
27'. u2-sza2-li#-[...]
28'. _gesztin-mesz_ ku-[...]
29'. _i3-sag_ i3-gu-[...]
30'. ina qi2-bit {d}asz-szur [...]
31'. u _dingir-mesz kur_ asz-[...]
32'. ina t,u-ub _uzu_ [...]
33'. nu-um-mu-ru ka#-[...]
34'. qe2-reb-sza2 da-risz# [...]
35'. lu-usz-ba-a [...]
36'. i-na za3-muk-ki [...]
37'. kul-lat mur-ni-is-[...]
38'. _ansze-mesz {ansze}gam-mal_ [...]
39'. u2-nu-ut [...]
40'. gi-mir _erin2 hi-a_ [...]
41'. szat-ti-szam-ma la [...]
42'. lu-up-qi2-da [...]
43'. ina qe2-reb _e2_ [...]
44'. {d}alad _saga_ la-[...]
45'. na-s,ir kib-si [...]
46'. mu-ha-du-u [...]
47'. da-risz lisz-[...]
48'. a-a ip-[...]
double ruling
rest broken
Total 8 record(s)
