Search results
Page: 1
2 text(s) found
Search aids
Terms of Use
Internal login
|
|
Search resultsPage: 1 2 text(s) found |
Return to Search Page Search aids Terms of Use Internal login |
| Download all text | Download transliterations | Reduce to catalogue data | Unclear abbreviations? | Support the CDLI |
| RINAP 4 Esarhaddon 006 composite Click for archival page
Can you improve upon the content of this entry? Please contact us! | No Image Available | Composite text surface a beginning broken 1'. [...] x x x 2'. [...] u2-sza2-as,-ri-ha si-pit-tu 3'. lab-bisz an-na-dir-ma is,-s,a-ri-ih ka-bat-ti 4'. asz2-szu2 e-pesz _lugal_-u-ti _e2 ad_-ia ar-pi-sa rit-ti-ia2 5'. a-na {d}asz-szur {d}sin {d}utu {d}en {d}ag u {d}u-gur {d}1(u)-5(disz) sza2 nina{ki} 6'. {d}1(u)-5(disz) sza2 {iri}limmu2-dingir qa-ti asz2-szi-ma im-gu-ru qi2-bi-ti 7'. ina an-ni-szu2-nu ke-nim _uzu_ ta-kil-ti isz-tap-pa-ru-nim-ma 8'. a-lik la ka-la-a-ta i-da-a-ka ni-it-tal-lak-ma 9'. ni-na-a-ra ga-re-e-ka 1(disz)-en u4-me 2(disz) u4-me ul uq-qi2 10'. pa-an _erin2-hi-a_-ia ul ad-gul ar-ka-a ul a-mur 11'. pi-qit-ti _ansze-kur-ra-mesz_ s,i-mit-ti _{gesz}szudun_ u3 u2-nu-ut _me3_-ia2 12'. ul a-szu-ur s,i-di-it ger-ri-ia ul asz2-pu-uk 13'. szal-gu ku-us,-s,u _{iti}udru_ dan-na-at _en-te-na_ ul a-dur 14'. ki-ma u5-ri2-in-ni mu-up-pa-ar-szi a-na sa-kap za-'i-ri-ia2 15'. ap-ta-a i-da-a-a [...] x 16'. [...] 17'. [...] x n lines broken 18'. x x x x [...] 19'. qe2-reb elam-ma{ki} i-na-ru-usz ina _{gesz}tukul_ 20'. {disz}na-'i-id-mar-duk _szesz_-szu2 ep-szet {kur}elam-ma{ki} 21'. sza a-na _szesz_-szu2 e-tep-pu-szu2 e-mur-ma ul-tu {kur}elam-ma{ki} 22'. in-nab-tam-ma a-na e-pesz _ARAD_-ti-ia ana _kur_ asz-szur{ki} il-lik-am-ma 23'. u2-s,al-la-a be-lu-ti _kur_ tam-tim ana si-hir-ti-sza2 ri-du-ut _szesz_-szu2 24'. u2-szad-gil2 pa-nu-usz-szu2 szat-ti-szam la na-par-ka-a 25'. it-ti ta-mar-ti-szu2 ka-bit-te ana nina{ki} _iri_ be-lu-ti-ia2 26'. il-lik-am-ma u2-na-asz2-sza2-qa sze-pi-ia 27'. ina 2(disz)-e ger-ri-ia2 {disz}ab-di-mil-ku-ut-ti _man_ {iri}s,i-dun-ni 28'. la pa-lih3 be-lu-ti-ia la sze-mu-u zi-kir szap-ti-ia2 29'. sza _ugu_ tam-tim gal-la-tim it-tak-lu-ma is-lu-u _{gesz}szudun_ an-szar2 30'. {iri}s,i-dun-nu _iri_ tuk-la-te-szu2 sza2 qe2-reb tam-tim na-du-u 31'. a-bu-bisz as-pu-un _bad3_-szu2 u szu-bat-su as-suh-ma 32'. qe2-reb tam-tim ad-di-ma a-szar masz-kan2-i-szu2 u2-hal-liq 33'. {disz}ab-di-mil-ku-ut-tim _lugal_-szu sza2 la-pa-an _{gesz}tukul-mesz_-ia2 34'. ina _muru2_ tam-tim in-na-bit ina qi2-bit {d}asz-szur _en_-ia2 35'. ki-ma nu-u-ni ul-tu qe2-reb tam-tim a-bar-szu2-ma ak-ki-sa _sag-du_-su 36'. _dam_-su _dumu-mesz_-szu2 _dumu-munus-mesz_-szu2 _ug3-mesz e2-gal_-szu2 _ku3-babbar ku3-sig17_ 37'. _nig2-szu_ u nig2-gur11 _na4-mesz_ a-qar-tu2 lu-bul-ti _gun3_ u _gada_ mim-ma szum-szu2 38'. ni-s,ir-ti _e2-gal_-szu2 a-na mu-'u-de-e asz2-lu-la 39'. _ug3-mesz dagal-mesz_ sza2 ni-ba la i-sza2-a _gu4-me_ s,e-e-ni _ansze-mesz_ 40'. a-na mu-'u-de-e a-bu-ka ana qe2-reb _kur_ asz-szur{ki} u2-pa-hir-ma 41'. _lugal-mesz_ {kur}hat-ti u a-hi tam-tim _du3_-szu2-nu ina asz2-ri sza2-nim-ma _iri_ u2-sze-pisz-ma 42'. {iri}kar-{disz}asz-szur-szesz-szum2-na at-ta-bi ni-bit-su 43'. {iri}e2-{disz}s,u-pu-ri {iri}sik-ku-u {iri}gi-i' {iri}in-im-me 44'. {iri}hi-il-du-u-a {iri}qar-ti-im-me {iri}bi-i'-ru-u 45'. {iri}ki-il-me-e {iri}bi-ti-ru-me {iri}sa-gu-u 46'. {iri}am-pa {iri}e2-gi-si-me-ia {iri}bi-ir-gi-i' 47'. {iri}ga-am-bu-lu {iri}da-la-im-me {iri}i-si-hi-im-me 48'. _iri-mesz_-ni sza li-me-et {iri}s,i-dun-ni a-szar ri-i-ti 49'. u masz-qi2-ti? _e2_ tuk-la-te-szu2 sza2 ina tu-kul-ti asz-szur _en_-ia2 50'. ik-szu-da _szu-min_-a-a _{lu2}un-mesz_ hu-bu-ut _{gesz}pan_-ia2 51'. sza _kur_-i u3 tam-tim s,i-it _{d}utu_-szi ina lib3-bi u2-sze-szib-ma 52'. a-na mi-s,ir _kur_ asz-szur{ki} u2-ter na-gu-u szu-a-tu2 a-na esz-szu-te 53'. as,-bat {lu2}szu-ut _sag_-ia a-na _{lu2}nam_-u-te _ugu_-szu2-nu asz2-kun-ma 54'. _gun_ u3 man-da-at-tu _ugu_ sza2 mah-ri u2-tir-ma e-mid-su 55'. u3 {disz}sa-an-du-ar-ri _man_ {iri}kun-di u3 {iri}si-is-su-u2 56'. _{lu2}kur2_ ak-s,u la pa-lih3 be-lu-te-ia2 sza2 _dingir-mesz_ u2-masz-szir-u-ma 57'. a-na _kur_-i mar-s,u-ti it-ta-kil szu-u2 {disz}ab-di-mil-ku-ut-ti 58'. _man_ {iri}s,i-du-un-ni a-na re-s,u-ti a-ha-mesz isz-szak-nu-u-ma 59'. _mu dingir-mesz_-szu2-nu it-ti a-ha-mesz iz2-kur-u2-ma 60'. a-na e-mu-qi ra-ma-ni-szu2-nu it-tak-lu 61'. a-na-ku a-na {d}asz-szur {d}sin {d}utu {d}en u {d}ag 62'. _dingir-mesz gal-mesz en-mesz_-ia at-ta-kil-ma ni-i-tu al-me-szu-ma 63'. ki-ma is,-s,u-ri ul-tu2 qe2-reb _kur_-e a-bar-szu-ma ak-ki-sa 64'. _sag-du_-su i-na _{iti}du6 sag-du_ {disz}ab-di-mil-ku-ut-ti 65'. ina _{iti}sze sag-du_ {disz}sa-an-du-ar-ri ina 1(disz)-et _mu-an-na_ 66'. u2-nak-ki-is-ma mah-ru-u la u2-hi-ir-ma [...] n lines broken 67'. _nig2-szu_-szu2 _nig2-gur11_-szu2 _dingir-mesz_-szu2 a-di {munus}ap-kal-la-tu2 szar-rat {lu2}a-ri-bi 68'. isz-lu-lam-ma a-na _kur_ asz-szur{ki} il-qa-a {disz}ha-za-dingir _lugal_ {lu2}a-ri-bi 69'. it-ti ta-mar-te-szu2 ka-bit-te a-na nina{ki} _iri_ be-lu-ti-ia 70'. il-lik-am-ma u2-na-asz2-sziq _giri3-min_-ia2 asz2-szu2 na-dan _dingir-mesz_-szu2 u2-s,al-la-an-ni-ma 71'. re-e-mu ar-szi-szu2-ma {d}a-tar-sa-ma-a-a-in {d}da-a-a 72'. {d}nu-ha-a-a {d}ru-ul-da-a-a-u {d}a-bi-ri-il-lu 73'. {d}a-tar-qu-ru-ma-a _dingir-mesz_ sza2 {lu2}a-ri-bi an-hu-su-nu ud-disz-ma 74'. da-na-an asz-szur _en_-ia u3 szi-t,ir _mu_-ia _ugu_-szu2-nu asz2-t,ur-ma 75'. u2-ter-ma ad-din-szu2 {munus}ta-bu-u-a tar-bit _e2-gal ad_-ia a-na _lugal_-u-ti 76'. _ugu_-szu2-nu asz2-kun-ma it-ti _dingir-mesz_-sza2 a-na _kur_-sza2 u2-ter-szi 77'. 1(gesz2) 5(disz) _ansze-gam-mal-mesz_ 1(u) _ansze-nita2-mesz ugu_ ma-da-ti mah-ri-ti 78'. u2-rad-di-ma u2-kin s,e-ru-usz-szu2 {disz}ha-za_-dingir_ szim-tu 79'. u2-bil-szu2-ma {disz}ia-ta-a' _dumu_-szu2 ina _{gesz}gu-za_-szu2 u2-sze-szib-ma 80'. 1(u) _ma-na ku3-sig17_ 1(disz) _me na4-mesz_ be2-ru-te 5(u) _ansze-gam-mal-mesz_ 81'. 1(disz) _me_ {kusz}kun-zi _szim-hi-a ugu_ man-da-at-ti _ad_-szu2 82'. u2-rad-di-ma e-mid-su ar-ka {disz}u2-a-bu 83'. a-na e-pesz _lugal_-ti {lu2}a-ru-bu ka-li-szu2 84'. _ugu_ {disz}ia-ta-a' usz-bal-kit-ma a-na-ku {disz}asz-szur-pap-asz _lugal kur_ asz-szur{ki} 85'. _lugal_ kib-rat _limmu2_-te sza2 kit-tu i-ram-mu-ma s,a-lip-tu2 ik-kib-szu2 86'. _{lu2}erin2-mesz me3_-ia2 ana na-ra-ru-ti {disz}ia-ta-a' asz2-pur-ma 87'. {lu2}a-ru-bu ka-li-szu2 ik-bu-su-ma {disz}u2-a-bu 88'. a-di _{lu2}erin2-mesz_ sza2 is-si-szu2 bi-re-tu2 id-du-u-ma u2-bi-lu-nim-ma 89'. szi-ga-ru asz2-kun-szu2-nu-ti-ma 90'. ina le-et _ka2_-ia ar-ku-us-szu2-nu-ti 91'. {disz}up-pi-is _{lu2}en-iri_ sza2 {iri}pa-ar-tak2-ka 92'. {disz}za-na-sa-na _{lu2}en-iri_ sza2 {iri}pa-ar-tuk-ka 93'. {disz}ra-ma-te-ia _{lu2}en-iri_ sza2 {iri}u2-ra-a-ka-za-bar-na 94'. {kur}ma-da-a-a sza a-szar-szu2-nu ru-u-qu sza ina _lugal-mesz ad-mesz_-ia 95'. mi-s,ir _kur_ asz-szur{ki} la ib-bal-ki-tu2-nim-ma la ik-bu-su 96'. qaq-qar-sza2 pu-ul-hi me-lam-me sza asz-szur _en_-ia is-hup-szu-nu-ti 97'. {ansze}mur-ni-is-qi2 _gal-mesz_ tak-kas _{na4}za-gin3_ hi-ip szad-di-szu2 98'. a-na nina{ki} _iri_ be-lu-ti-ia? isz-szu-nim-ma [...] rest broken Version History |
| RINAP 4 Esarhaddon 006, ex. 001 Click for archival page
Can you improve upon the content of this entry? Please contact us! | No Image Available | Prism surface a beginning broken column 1' beginning broken 1'. [...] x x x 2'. [... u2-sza2-as,-ri-ha] si-pit-tu 3'. [lab-bisz an-na-dir-ma is,-s,a-ri]-ih ka-bat-ti 4'. [asz2-szu2 e-pesz _lugal_-u-ti _e2 ad_-ia ar]-pi#-sa rit-ti-ia2 5'. [a-na {d}asz-szur {d}3(u) {d}utu {d}en {d}ag u {d}u-gur] _{d}1(u)-5(disz)_ sza2 nina{ki} 6'. [{d}1(u)-5(disz) sza2 {iri}limmu2-dingir qa-ti asz2-szi-ma im-gu]-ru qi2-bi-ti 7'. [ina an-ni-szu2-nu ke-nim _uzu_ ta-kil-ti isz-tap]-pa-ru-nim-ma 8'. [a-lik la ka-la-a-ta i-da-a-ka ni-it]-tal-lak-ma 9'. [ni-na-a-ra ga-re-e-ka 1(disz)-en u4-me 2(disz) u4-me ul] uq-qi2 10'. [pa-an _erin2 hi-a_-ia ul ad-gul ar-ka-a ul a]-mur 11'. [pi-qit-ti _ansze-kur-ra-mesz_ s,i-mit-ti _{gesz}szudun_ u3 u2-nu-ut] _me3#_-ia2 12'. [ul a-szu-ur s,i-di-it ger-ri-ia ul asz2-pu]-uk 13'. [szal-gu ku-us,-s,u {iti}ziz2 dan-na-at _en-te-na_ ul a]-dur 14'. [ki-ma u5-ri2-in-ni mu-up-pa-ar-szi a-na sa-kap za-'i-ri]-ia2 15'. [ap-ta-a i-da-a-a ...] x rest broken column 2' beginning broken 1'. [...] x x x [...] 2'. qe2-reb elam-ma{ki} i-na-[ru-usz ina _{gesz}tukul_] 3'. {disz}na-'i-id-mar-duk _szesz_-szu2 [ep-szet {kur}_elam-ma{ki}_] 4'. sza a-na _szesz_-szu2 e-tep-pu-szu2 e-mur-ma ul-tu elam-ma{ki} 5'. in-nab-tam-ma a-na e-pesz _ARAD2_-ti-ia ana _kur_ asz-szur{ki} il-lik-am-ma 6'. u2-s,al-la-a be-lu-ti _kur_ tam-tim ana si-hir-ti-sza2 ri-du-ut _szesz_-szu2 7'. u2-szad-gil2 pa-nu-usz-szu2 szat-ti-szam la na-par-ka-a 8'. it-ti ta-mar-ti-szu2 ka-bit-te ana nina{ki} _iri_ be-lu-ti-ia2 9'. il-lik-am-ma u2-na-asz2-sza2-qa sze-pi-ia single ruling 10'. ina 2(disz)-e ger-ri-ia2 {disz}ab-di-mil-ku-ut-ti _man_ {iri}s,i-dun-ni 11'. la pa-lih3 be-lu-ti-ia la sze-mu-u zi-kir szap-ti-ia2 12'. sza _ugu_ tam-tim gal-la-tim it-tak-lu-ma is-lu-u _{gesz}szudun an-szar2_ 13'. {iri}s,i-dun-nu _iri_ tuk-la-te-szu2 sza2 qe2-reb tam-tim na-du-u 14'. a-bu-bisz as-pu-un _bad3_-szu2 u szu-bat-su as-suh-ma 15'. qe2-reb tam-tim ad-di-ma a-szar masz-kan2-i-szu2 u2-hal-liq 16'. {disz}ab-di-mil-ku-ut-tim _lugal_-szu sza2 la-pa-an _{gesz}tukul-mesz_-ia2 17'. ina _muru2_ tam-tim in-na-bit ina qi2-bit {d}asz-szur _en_-ia2 18'. ki-ma nu-u-ni ul-tu qe2-reb tam-tim a-bar-szu2-ma ak-ki-sa _sag-du_-su 19'. _dam_-su _dumu-mesz_-szu2 _dumu-munus-mesz_-szu2 _ug3-mesz e2-gal_-szu2 _ku3-babbar ku3-sig17_ 20'. _nig2-szu_ u _nig2-gur11 na4-mesz_ a-qar-tu2 lu-bul-ti _gun3_ u _gada_ mim-ma szum-szu2 21'. ni-s,ir-ti _e2-gal_-szu2 a-na mu-'u-de-e asz2-lu-la 22'. _ug3-mesz dagal-mesz_ sza2 ni-ba la i-sza2-a _gu4-me_ s,e-e-ni _ansze-mesz_ 23'. a-na mu-'u-de-e a-bu-ka a-na qe2-reb _kur_ asz-szur{ki} u2-pa-hir-ma 24'. _lugal-mesz_ {kur}hat-ti u a-hi tam-tim _du3_-szu2-nu ina asz2-ri sza2-nim-ma _iri_ u2-sze-pisz-ma 25'. {iri}kar-{disz}{d}asz-szur-szesz-szum2-na at-ta-bi ni-bit-su 26'. {iri}e2-{disz}s,u-pu-ri {iri}sik-ku-u {iri}gi-i' {iri}in-im-me 27'. {iri#}hi-il-du-u-a {iri}qar-ti-im-me {iri}bi-i'-ru-u 28'. {iri#}ki-il-me-e {iri}bi-ti-ru-me {iri}sa-gu-u 29'. [{iri}]am-pa {iri}e2-gi-si-me-ia {iri}bi-ir-gi-i' 30'. [{iri}]ga-am-bu-lu {iri}da-la-im-me {iri}i-si-hi-im-me 31'. [_iri-mesz_-ni] sza2 li-me-et {iri}s,i-dun-ni a-szar ri-i-ti 32'. [u masz-qi2-ti] _e2_ tuk-la-te-szu2 sza2 ina tu-kul-ti {d}asz-szur _en_-ia2 33'. [ik-szu-da] _szu#-min_-a-a _{lu2}ug3-mesz_ hu-bu-ut _{gesz}pan_-ia2 34'. [sza _kur_-i u3 tam]-tim s,i-it {d}utu-szi ina# lib3#-[bi u2-sze-szib-ma] 35'. [a-na mi-s,ir _kur_ asz]-szur#{ki} u2-ter na-gu-u szu-a-[tu2 a-na esz-szu-te] 36'. [as,-bat {lu2}szu-ut _sag_-ia] a#-na _{lu2}nam_-u-te _ugu_-szu2-nu [asz2-kun-ma] 37'. [_gun_ u3 man-da-at]-tu# _ugu_ sza2 mah-ri u2-tir-[ma e-mid-su] single ruling 38'. [u3 {disz}sa-an]-du#-ar-ri _man_ {iri}kun-[di u3 {iri}si-is-su-u2] 39'. [_{lu2}kur2_ ak-s,u la pa]-lih3 be-lu-te-ia2 sza2 _dingir-mesz_ [u2-masz-szir-u-ma] 40'. [a-na _kur_-i mar-s,u]-ti it-ta-kil szu-u2 [{disz}ab-di-mil-ku-ut-ti] 41'. [_man_ {iri}s,i-du-un-ni a]-na# re-s,u-ti a-ha-mesz isz#-[szak-nu-u-ma] 42'. [_mu dingir-mesz_-szu2-nu it]-ti a-ha-mesz iz2-kur-[u-ma] 43'. [a-na e-mu-qi ra]-ma#-ni-szu2-nu it-[tak-lu] 44'. [a-na-ku a-na {d}asz]-szur {d}3(u) {d}utu {d}en [u {d}ag] 45'. [_dingir-mesz gal-mesz en-mesz_]-ia2 at-ta-kil-ma ni-i-tu al#-[me-szu-ma] 46'. [ki-ma is,-s,u-ri ul-tu2] qe2-reb _kur_-e a-bar-szu-[ma ak-ki-sa] 47'. [_sag-du_-su i]-na# {iti}du6 _sag-du_ {disz}ab-di#-[mil-ku-ut-ti] 48'. [ina {iti}sze _sag-du_ {disz}sa-an-du]-ar-ri ina 1(disz)-et _mu-[an-na_] 49'. [u2-nak-ki-is-ma mah]-ru-u la u2-hi-ir-[ma ...] column 3' beginning broken 1'. _nig2-szu_-szu2 _nig2-gur11_-szu2 _dingir-mesz_-szu2 a-di {munus}[ap-kal-la-tu2 szar-rat {lu2}a-ri-bi] 2'. isz-lu-lam-ma a-na _kur_ asz-szur{ki} il-qa-[a {disz}ha-za-_dingir lugal_ {lu2}a-ri-bi] 3'. it-ti ta-mar-te-szu2 ka-bit-te a-na [_nina{ki} iri_ be-lu-ti-ia] 4'. il-lik-am-ma u2-na-asz2-szi-iq _giri3-min_-ia2 asz2-szu2 na-[dan _dingir-mesz_-szu2 u2-s,al-la-an-ni-ma] 5'. re-e-mu ar-szi2-szu2-ma {d}a-tar-sa-ma-a-a#-[in {d}da-a-a] 6'. {d}nu-ha-a-a {d}ru-ul-da-a-a-u {d}a-[bi-ri-il-lu] 7'. {d}a-tar-qu-ru-ma-a _dingir-mesz_ sza2 {lu2}a-ri-bi [an-hu-su-nu ud-disz-ma] 8'. da-na-an asz-szur _en_-ia u3 szi-t,ir _mu_-[ia _ugu_-szu2-nu asz2-t,ur-ma] 9'. u2-ter-ma ad-din-szu2 {munus}ta-bu-u-a tar#-[bit _e2-gal ad_-ia a-na _lugal_-u-ti] 10'. _ugu_-szu2-nu asz2-kun-ma it-ti _dingir-mesz_-sza2 [a-na _kur_-sza2 u2-ter-szi] single ruling 11'. 1(gesz2) 5(disz) _{ansze}gam-mal-mesz_ 1(u) _ansze-nita2-mesz ugu_ [ma-da-ti mah-ri-ti] 12'. u2-rad-di-ma u2-kin s,e-ru-usz-szu2 {disz}ha-[za-dingir szim-tu] 13'. u2-bil-szu2-ma {disz}ia-ta-a' _dumu_-szu2 ina [_{gesz}gu-za_-szu2 u2-sze-szib-ma] 14'. 1(u) _ma-na ku3-sig17_ 1(disz) _me na4-mesz_ be2-ru-te [5(u) _{ansze}gam-mal-mesz_] 15'. 1(disz) _me_ {kusz}kun-zi _szim hi-a ugu_ [man-da-at-ti _ad_-szu2] 16'. u2-rad-di-ma e-mid-su ar-[ka {disz}u2-a-bu] 17'. a-na e-pesz _lugal_-ti {lu2}a-ru-[bu ka-li-szu2] 18'. _ugu_ {disz}ia-ta-a' usz-bal-kit-ma [a-na-ku {disz}asz-szur-pap-asz _lugal kur_ asz-szur{ki}] 19'. _lugal_ kib-rat _limmu2_-te sza2 kit-tu i-ram-[mu-ma s,a-lip-tu2 ik-kib-szu2] 20'. _{lu2}erin2-mesz me3_-ia2 ana na-ra-ru-ti {disz}[ia-ta-a' asz2-pur-ma] 21'. {lu2}a-ru-bu ka-li-szu2 ik-bu-[su-ma {disz}u2-a-bu] 22'. a-di _{lu2}erin2-mesz_ sza2 is-si-szu2 bi-re-tu2# [id-du-u-ma u2-bi-lu-nim-ma] 23'. szi-ga-ru asz2-kun#-[szu2-nu-ti-ma] 24'. ina le-et _ka2_-ia [ar-ku-us-szu2-nu-ti] single ruling 25'. {disz}up-pi2-is _{lu2}en-iri_ [sza2 {iri}pa-ar-tak2-ka] 26'. {disz}za-na-sa-na _{lu2}en-[iri_ sza2 {iri}pa-ar-tuk-ka] 27'. {disz}ra-ma-te-a _{lu2}en-[iri_ sza2 {iri}u2-ra-a-ka-za-bar-na] 28'. {kur}ma-da-a-a sza2 a-szar-[szu2-nu ru-u-qu sza ina _lugal-mesz ad-mesz_-ia] 29'. mi-s,ir _kur_ asz-szur{ki} la ib-[bal-ki-tu2-nim-ma la ik-bu-su] 30'. qaq-qar-sza2 pu-ul-hi me-lam#-[me sza {d}asz-szur _en_-ia is-hup-szu-nu-ti] 31'. [{ansze}]mur#-ni-is-qi2 _gal-mesz#_ [tak-kas _{na4}za-gin3_ hi-ip szad-di-szu2] 32'. [a-na nina{ki} _iri_ be-lu-ti]-ia# [isz-szu-nim-ma ...] rest broken Version History |