Composite
Composite No.: Q003462
Primary Publication: Tadmor, Hayim; Yamada, Shigeo (2011) RINAP 1 Tiglath-pileser III 49 composite
Collection: —
Museum no.: —
Provenience: Kalhu (mod. Nimrud/ Tawfiqiyah)
Period: Neo-Assyrian (ca. 911-612 BC)
Object Type: —
Material: —
Date: Tiglath-pileser3.00.00.00
Transliteration:
atf: lang akk
object composite text
surface a
beginning broken
1'. [...] _bad5-bad5_-szu2 _sig3_-ma ana la ma-ne2-e nap-har _karasz_-szu2 e-kim-szu2
2'. na-mur-rat _{gesz}tukul-mesz_-ia ip-lah3-ma a-na szu-zu-ub _zi-mesz_-szu2 ina _munus-ansze-kur-ra u5_-ma <ana> {kur}si-zi-ir _kur_-i mar-s,u mu-szi-tisz2 ih-liq-ma e-li
3'. {disz}sa-ar-du-ri {kur}u2-ar-ra-t,a-a-a i-na {iri}t,u-ru-usz-pa-a _iri_-szu2 e-sir-szu2-ma di-ik-ta-szu2 ma-'a-at-tu ina _igi ka2-gal-mesz_-szu2 a-duk
4'. s,a-lam _lugal_-ti-ia _du3_-usz-ma ina tar-s,i {iri}t,u-ru-usz-pa-a ul-ziz
5'. 1(gesz2) 1(u) _danna_ qaq-qa-ru ina {kur}u2-ra-ar-t,i ra-ap-szi ul-tu e-lisz a-di szap-lisz e-tel-lisz _du-du_ ma-hi-ra ul i-szi
6'. {kur}ul-lu-ba {kur}hab-hu sza ku-tal {kur}na-al a-na gi-mir-ti-szu2-nu ak-szud a-na mi-s,ir _kur_ asz-szur{ki} u2-ter-ra s,a-lam _lugal_-ti-ia i-na {kur}i-li-im-me-ru ul-ziz
7'. ina qe2-reb {kur}ul-lu-ba _iri du3_-usz {iri}asz-szur-_ba_-sza2 _mu_-szu2 ab-bi _ug3-mesz kur-kur_ ki-szit-ti _szu-min_-ia ina lib3-bi u2-sze-rib
8'. {lu2}szu-ut _sag_-ia _{lu2}en-nam_ ina _ugu_-szu2-nu asz2-kun [...] _iri-mesz_-ni sza _giri3-min_ kar-ri _kur_-i ak-szud [...]
9'. [...] {iri}ma-an-t,u-un {iri}sa-ar-du-ri-a-na [...]
10'. [...] x [...]-lu-up-pi _kur_-i ak-szud ina _ugu nam_ {iri}asz-szur-_ba_-sza2 u2-rad-di
11'. [...] {kur}na-al u2-dan-nin-ma e-pu-usz {iri}x-ti-asz-szur _mu_-szu2 ab-bi _ug3-mesz kur-kur_ ki-szit-ti _szu-min_-ia ina lib3-bi u2-sze-rib
12'. _ta_ [...] {kur}sa-ar-du-ri-a-na {kur}lu-si-a {kur}tap-si-a {kur}su-ba a-di {kur}e2-zu-a {iri}bi-ra-a-ti _kal-mesz_ sza {kur}u2-ra-ar-t,i
13'. _en iri-mesz_-ni sza li-me-ti-szu2-nu ak-szud a-na mi-s,ir _kur_ asz-szur{ki} u2-ter-ra ina _ugu nam {lu2}agrig_ u2-rad-di
14'. [...]-szi-a {kur}mar-ha-ti-an-sza2 {iri}e-nu {iri}sa-as-su {iri}lu-up-sa {iri}lu-qi-a {iri}szi-mir-ra {iri}u2-szur-nu {iri}u2-su-ru
15'. {iri}u2-bu-la a-di {kur}bir-da-an-sza2 _kur_-i {iri}a-li-in-zi-ra-a-nu {iri}tasz-li-a-na {iri}tir-hi-im a-di {kur}si-ni-a _kur_-i ak-szud
16'. ina _ugu nam {lu2}gal-bi-lul_ u2-rad-di
17'. {kur}x x _ta_ {iri}qu-qu-sa-an-szu2 {iri}ba-ar-zu-un-na a-di _<<iri>>_ {iri}har-bi-si-in-na {iri}ab-bi-sa-a
18'. {iri}ta-sa a-di {kur}u2-lu-ru-usz _ugu_ pi-a-ti sza {i7}idigna {kur}lu-si-a _kur a-bar2_ {kur}a-ma-di-i-nu x x [...]
19'. [...] {iri}qi-li-is-sa {iri}ez-ze-e-da {iri}di-u2-ia-ap-li sza {kur}a-te-ia na-ge-e sza ina _ugu_ pi-a-te sza {i7}idigna ina _ugu nam_ {kur}na-'i-i-ri u2-rad-di
20'. {iri}a-ra-a-nu {iri}u2-al-li-a {iri}ta-su {iri}u2-ra sza {kur}ba-zi na-ge-e [...]
21'. {kur}u2-il-la {kur}ur-ba-ak-ka {kur}u2-li-na {kur}a-ra-si-il-la {iri}al-qi-[...]
22'. 1(u) 8(disz)? na-ge-e _ta_ {kur}e-ri-bi _kur_-e a-di _ugu {i7}a-szita3_ mi-s,ir {kur}ku-um-mu-hi [...]
23'. {kur}en-zi a-na gi-mir-ti-szu2 a-di {kur}s,u-up-pa na-ge-e ak-szud a-na mi-s,ir _kur_ asz-szur{ki} u2-ter-ra ina _ugu nam_ {lu2}tur-ta-ni u2-rad-di
24'. {kur}e2-a-gu-si ah-pi 3(u) _gun ku3-sig17_ 2(disz) _lim gun ku3-babbar nig2-ga_ a-na _kur_ asz-szur{ki} u2-ra-a {kur}e2-a-gu-si
25'. a-na mi-s,ir _kur_ asz-szur{ki} u2-ter-ra {lu2}szu-ut _sag_-ia _{lu2}en-nam ugu_-szu2-nu asz2-kun
26'. {kur}un-qi a-na pat, gim-ri-sza2 ak-szud 2(u) _gun ku3-sig17_ [...] _nig2-gur11_ [...] a-na _kur_ asz-szur{ki} u2-ra-a
27'. {kur}un-qi a-na mi-s,ir _kur_ asz-szur{ki} u2-ter-ra {lu2}szu-ut _sag_-ia _{lu2}en-nam ugu_-szu2-nu asz2-kun
28'. {iri}ha-ta-rik-ka a-di {kur}sa-u2-e _kur_-i {iri}ka-asz2-pu-u2-na sza a-ah tam-tim e-li-ti {iri}s,i-mir-ra {iri}ar-qa-a
29'. a-na mi-s,ir _kur_ asz-szur{ki} u2-ter-ra 2(disz) {lu2}szu-ut _sag_-ia _{lu2}en-nam-mesz ugu_-szu2-nu asz2-kun
30'. {kur}e2-{disz}ha-za-'i-i-li rap-szu2 a-na si-hir-<ti>-szu2 _ta_ {kur}lab-na-na a-di lib3-bi {iri}ga-al-'a-a?-di {iri}a-bi-il-szit,-t,i
31'. sza pat-ti {kur}e2-{disz}hu-um-ri-a a-na mi-s,ir _kur_ asz-szur{ki} u2-ter-ra {lu2}szu-ut _sag_-ia _{lu2}en-nam ugu_-szu2-nu asz2-kun
32'. {disz}hi-ri-mu {kur}s,ur-ra-a-a sza it-ti {disz}ra-hi-a-ni isz-ku-na pi-i-szu2 [...]
33'. {iri}ma-ha-la-ab _iri_ dan-nu-ti-szu2 a-di _iri-mesz_-ni _gal-mesz_ ak-szud szal-la-su-nu asz2-lu-la [...]
34'. a-di mah-ri-ia _du_-ka-ma u2-na-asz2-szi-qa _giri3-min-mesz_-ia 2(u) _gun ku3-sig17_ [...]
35'. lu-bul-ti bir-me _tug2-gada_ {lu2}szu-ut _sag-mesz {lu2}nar-mesz_ _{munus}nar-mesz_ x [...] _ansze-kur-ra-mesz?_ sza? {kur}mu-us,-ri [...] am-hur
36'. {kur}e2-hu-um-ri-a a-na gi-mir-ti-szu2 ak-szud [...] a-di mar-szi-ti-szu2-nu a-na _kur_ asz-szur{ki} u2-ra-a
37'. [...] {disz}a-u2-si-'i a-na _lugal_-u2-ti ina _ugu_-szu2-nu asz2-kun
38'. [...] ana {iri}sar-ra-ba-ni a-di mah-ri-ia u2-bi-lu-ni
39'. [...] 1(disz) _me gun ku3-babbar_ as-su-ha-am-ma a-na _kur_ asz-szur{ki} u2-ra-a
40'. {disz}ha-a-nu-u2-nu {iri}ha-az-za-ta-a-a la-pa-an _{gesz}tukul-mesz_-ia _kal-mesz_ ip-lah3-ma a-na {kur}mu-us,-ri in-na-bi-it {iri}ha-az-zu-tu _iri lugal_-ti-szu2 ak-szud
41'. [...] s,a-lam _dingir-mesz gal-mesz en-mesz_-ia u3 s,a-lam _lugal_-ti-ia sza _ku3-sig17 du3_-usz ina qe2-reb _e2-gal_ sza {iri}ha-az-zi-ti ul-ziz
42'. a-na _dingir-mesz kur_-szu2-nu am-nu-ma sat-tuk-ki-szu2-nu u2-kin u3 szu-u2 _gim muszen_ ul-tu {kur}mu-us,-ri ip-par-szam-ma
43'. [...] a-na _ki_-szu u2-ter-szu-ma [...]-x-szu2 a-na _e2_ ka-a-ri sza _kur_ asz-szur{ki} am-nu
44'. sza2 {munus}sa-am-si szar-rat {kur}a-ri-bi ina {kur}sa-qu-ur-ri _kur_-e [...] x ina _{gesz}tukul_ u2-szam-qit-ma gim-ri _karasz_-sza2 [...]
45'. [...] _szim hi-a du3_-ma a-na la ma-ni _dingir-mesz_-ni-sza2 e-kim
46'. u3 szi-i a-na szu-zu-ub _zi-mesz_-sza2 a-na ma-ad-ba-ri a-szar s,u-ma-me _gin7 {munus}<ansze>-edin-na_ tasz-ku-na pa-ni-sza2
47'. si-ta-at _nig2-gur11_-sza2 kul-ta-ri-sza2 hu-ra-da-at _ug3-mesz_-sza2 i-na _muru2 karasz_-sza2 ina _izi_ asz2-ru-up
48'. {munus}sa-am-si la-pa-an _{gesz}tukul-mesz_-ia _kal-mesz_ tasz-hu-ut-ma _ansze-a-ab-ba-mesz_ {munus}{ansze}a-na-qa-ti a-di {ansze}ba-ak-ka-ri-szi-na
49'. ana _kur_ asz-szur a-di mah-ri-ia tasz-sza2-a {lu2}qe-e-pu ina muh-hi-sza2 asz2-kun-ma 1(u) _lim {lu2}erin2-mesz_ [...]
50'. [...] sza a-na _lugal-mesz_-ni a-li-kut pa-ni-ia la isz-pi-lu-ma la isz-pu-ra szi-pir-szu2
51'. [...] ki-szit-te {kur}hat-ti isz-me2-e-ma na-mur-rat asz-szur _en_-ia is-hup-szu2-ma
52'. ir-sza2-a na-kut-tu2 _{lu2}mah-mesz_-szu2 sza e-pesz _{lu2}ARAD2_-u2-te a-na {iri}kal-ha a-di mah-ri-ia isz-pu-ra
53'. {lu2}szu-ut _sag_-ia _{lu2}gal sag_ a-na {iri}s,ur-ri asz2-pur sza {disz}me2-e-te-en-na {iri}s,ur-ra-a-a 5(u) _gun ku3-sig17_ 2(disz) _lim gun ku3-babbar_ ta-mar-ta-szu2 am-hur
54'. {disz}u2-as-sur-me {kur}ta-bal-a-a a-na ep-szet _kur_ asz-szur{ki} u2-masz-szil-ma a-di mah-ri-ia la il-li-ka {lu2}szu-ut _sag_-ia _{lu2}gal sag_ ana {kur}ta-bal asz2-pur
55'. [...] {disz}hu-ul-le-e _dumu_ la ma-am-ma-na ina _{gesz}gu-za lugal_-ti-szu2 u2-sze-szib
56'. 1(u) _gun ku3-sig17_ 1(disz) _lim gun ku3-babbar_ 2(disz) _lim ansze-kur-ra-mesz [...] {ansze}giri3-nun-na-mesz_ ta-mar-ta-szu2 am-hur
57'. [...] sza ina _lugal-mesz_-ni _ad-mesz_-ia mam2-ma la [...]
58'. [...] ta-mar-ta-szu2 am-hur
rest broken
Witness
Witness to composite(s): Q003462
Primary Publication: Tadmor, Hayim; Yamada, Shigeo (2011) RINAP 1 Tiglath-pileser III 49, ex. 001
Collection: National Museum of Iraq, Baghdad, Iraq
Museum no.: IM —
Provenience: Kalhu (mod. Nimrud/ Tawfiqiyah)
Period: Neo-Assyrian (ca. 911-612 BC)
Object Type: tablet or envelope > tablet
Material: clay
Date: Tiglath-pileser3.00.00.00
Transliteration:
atf: lang akk
tablet
obverse
beginning broken
1'. [... _bad5-bad5_-szu2 _sig3_-ma ana] la# ma-ne2-e# [nap-har _karasz_-szu2 e-kim-szu2]
2'. [na-mur-rat _{gesz}tukul-mesz_-ia ip-lah3-ma a-na szu-zu-ub _zi-mesz_-szu2 ina _munus-ansze-kur-ra] u5#_-ma <ana> {kur}si-zi-ir _kur_-i [mar-s,u mu-szi-tisz2 ih-liq-ma e-li]
3'. [{disz}sa-ar-du-ri {kur}u2-ar-ra-t,a-a-a i-na {iri}t,u-ru-usz-pa-a _iri_-szu2] e#-sir#-szu2-ma di-ik-ta-szu2 ma-'a-[at-tu ina _igi ka2-gal-mesz_-szu2 a-duk]
4'. [s,a-lam _lugal_-ti-ia _du3_-usz-ma] ina tar-s,i {iri}t,u-ru-[usz-pa-a ul-ziz]
5'. [1(gesz2) 1(u) _danna_ qaq-qa-ru ina {kur}u2-ra-ar-t,i ra-ap-szi ul-tu] e#-lisz a-di szap-lisz e-tel-lisz _du#-[du_ ma-hi-ra ul i-szi]
single ruling
6'. [{kur}ul-lu-ba {kur}hab-hu sza ku-tal {kur}na-al a-na gi-mir-ti-szu2-nu ak-szud] a#-na mi-s,ir _kur_ asz-szur{ki} u2-ter-ra s,a-lam _lugal_-ti-ia [i-na {kur}i-li-im-me-ru ul-ziz]
7'. [ina qe2-reb {kur}ul-lu-ba _iri du3_-usz {iri}asz-szur-_ba_-sza2 _mu_-szu2 ab-bi] _ug3-mesz kur-kur_ ki-[szit-ti _szu-min_-ia ina lib3-bi u2-sze-rib]
8'. [{lu2}szu-ut _sag_-ia _{lu2}en-nam_ ina _ugu_-szu2-nu asz2-kun ...] _iri#-mesz_-ni sza _giri3-min_ kar-ri _kur_-i ak-szud# [...]
single ruling
9'. [... {iri}ma]-an#-t,u-un {iri}sa-ar-[du-ri-a-na ...]
10'. [...] x [...]-lu-up-pi _kur_-i ak-szud ina _ugu nam#_ [{iri}asz-szur]-_ba#_-sza2# u2#-rad#-[di]
single ruling
11'. [... {kur}]na#-al u2-dan-[nin]-ma e-pu-usz# {iri#}[x]-ti#-asz-szur _mu_-szu2 ab-bi _ug3-mesz kur-kur_ ki-szit#-[ti] _szu-min_-ia ina lib3-bi u2-sze-rib
12'. [_ta_ ... {kur}sa]-ar-du-ri-a-na {kur}lu-si-a {kur}tap-si-a {kur}su-ba# a-di {kur}e2-zu-a {iri}bi-ra-a-ti _kal#-mesz_ sza {kur}u2-ra-ar-t,i
13'. [_en iri-mesz_-ni sza] li#-me-ti-szu2-nu ak-szud a-na mi-s,ir _kur_ asz-szur{ki} u2-ter#-ra ina _ugu# nam# {lu2}agrig_ u2-rad-di
single ruling
14'. [...]-szi-a {kur}mar-ha-ti-an-sza2 {iri}e-nu {iri}sa-as-su {iri}lu-up-sa {iri}lu-qi-a {iri}szi-mir-ra# {iri#}u2-szur-nu {iri}u2-su-ru
15'. [{iri}u2-bu-la] a#-di {kur}bir-da-an-sza2 _kur_-i {iri}a-li-in-zi-ra-a-nu {iri}tasz-li-a-na {iri}tir-hi-im a-di {kur#}si-ni-a _kur#_-i ak-szud
16'. [ina] _ugu nam {lu2}gal-bi-lul_ u2#-rad-di
single ruling
17'. [{kur}x x] _ta_ {iri}qu-qu-sa-an-szu2 {iri}ba-ar-zu-un-na a-di _<<iri>>_ {iri}har-bi-si-[in-na {iri}ab]-bi#-sa-[a]
18'. [{iri}ta]-sa# a-di {kur}u2-lu-ru-usz _ugu_ pi-a-ti sza {i7}idigna {kur}lu-si-a _kur# a-bar2_ {kur}a-ma-di-[i-nu] x x [...]
19'. [... {iri}]qi#-li-is-sa {iri}ez-ze-e-da {iri}di-u2-ia-ap-li sza {kur}a-te-ia na-ge-e# [sza ina] _ugu#_ pi-a-te sza [{i7}_idigna_ ina _ugu nam_ {kur}na-'i-i-ri u2-rad-di]
single ruling
20'. [{iri}]a-ra-a-nu {iri}u2-al-li-a {iri}ta-su {iri}u2-ra sza {kur}ba-zi na-ge#-[e ...]
21'. {kur#}u2-il-la {kur}ur-ba-ak-ka {kur}u2-li-na {kur}a-ra-si-il-la {iri}al-qi-[...]
22'. 1(u) 8(disz)#? na-ge-e _ta_ {kur}e-ri-bi _kur_-e a-di _ugu {i7}a-szita3_ mi-s,ir {kur}[ku-um-mu-hi ...]
23'. {kur}en-zi a-na gi-mir-ti-szu2 a-di {kur}s,u-up-pa na-ge-e ak-szud [a-na mi-s,ir _kur_ asz-szur{ki} u2-ter-ra ina _ugu nam_ {lu2}tur-ta-ni u2-rad-di]
single ruling
24'. {kur}e2-a-gu-si ah-pi 3(u) _gun ku3-sig17_ 2(disz) _lim gun# ku3#-babbar# nig2#-ga#_ [a-na _kur_ asz-szur{ki} u2-ra-a {kur}e2-a-gu-si]
25'. [a]-na# mi-s,ir _kur_ asz-szur{ki} u2-ter-ra [{lu2}szu-ut _sag_-ia _{lu2}en-nam ugu_-szu2-nu asz2-kun]
single ruling
26'. [{kur}un]-qi# a-na pat, gim-ri-sza2 ak-szud 2(u) _gun [ku3-sig17_ ... _nig2-gur11_ ... a-na _kur_ asz-szur{ki} u2-ra-a]
27'. [{kur}un]-qi# a-na mi-s,ir _kur_ asz-szur{ki} [u2-ter-ra {lu2}szu-ut _sag_-ia _{lu2}en-nam ugu_-szu2-nu asz2-kun]
single ruling
reverse
1. [{iri}ha]-ta#-rik-ka a-di {kur}sa#-[u2-e _kur_-i {iri}ka-asz2-pu-u2-na sza a-ah tam-tim e-li-ti {iri}s,i-mir-ra {iri}ar-qa-a]
2. [a-na] mi-s,ir _kur_ asz-szur{ki} u2-ter-ra [2(disz) {lu2}szu-ut _sag_-ia _{lu2}en-nam-mesz ugu_-szu2-nu asz2-kun]
single ruling
3. [{kur}_e2_]-{disz#}ha-za-'i-i-li rap-szu2 a-na si-hir-<ti>-szu2 _ta_ {kur#}[lab-na-na a-di lib3-bi {iri}ga-al-'a-a?-di {iri}a-bi-il-szit,-t,i]
4. [sza pat]-ti {kur}e2-{disz}hu-um-ri-a a-na mi-s,ir _kur_ asz-szur#{ki#} [u2-ter-ra {lu2}szu-ut _sag_-ia _{lu2}en-nam ugu_-szu2-nu asz2-kun]
single ruling
5. [{disz}hi]-ri#-mu {kur}s,ur-ra-a-a sza it-ti {disz}ra-hi-a-ni isz-ku-na [pi-i-szu2 ...]
6. [{iri}]ma#-ha-la-ab _iri_ dan-nu-ti-szu2 a-di _iri-mesz_-ni _gal-mesz_ ak-szud szal-la-[su-nu asz2-lu-la ...]
7. [a-di] mah-ri-ia _du_-ka-ma u2-na-asz2-szi-qa _giri3-min-mesz_-ia 2(u) _gun [ku3-sig17_ ...]
8. [lu-bul-ti] bir-me _tug2-gada_ {lu2}szu-ut _sag-mesz {lu2}nar-mesz_ {munus#}_nar#-mesz#_ x [... _ansze-kur-ra-mesz?_ sza? {kur}]mu#-us,-[ri ... am-hur]
single ruling
9. [{kur}e2-hu-um-ri]-a# a-na gi-mir#-[ti-szu2 ak-szud ... a-di mar]-szi#-ti-szu2-nu a-[na _kur_ asz-szur{ki} u2-ra-a]
10. [... {disz}a-u2-si-'i a]-na# _lugal#_-u2-ti ina _ugu_-szu2-nu [asz2-kun]
11. [... ana {iri}]sar#-ra-ba-ni a-di mah-ri-ia [u2-bi-lu-ni]
single ruling
12. [...] 1(disz) _me gun ku3-babbar_ as-su-ha-am-ma a-[na _kur_ asz-szur{ki} u2-ra-a]
single ruling
13. [{disz}ha-a-nu-u2-nu {iri}ha-az-za-ta-a-a la-pa-an _{gesz}tukul-mesz_-ia _kal-mesz_ ip-lah3-ma a-na {kur}mu-us,-ri] in-na-bi-it {iri}ha-az-zu-tu# [_iri lugal_-ti-szu2 ak-szud]
14. [... s,a-lam _dingir-mesz gal-mesz en-mesz_-ia u3 s,a-lam _lugal_-ti-ia sza _ku3-sig17] du3_-usz ina qe2-reb _e2-gal_ sza {iri}ha-az#-[zi-ti ul-ziz]
15. [a-na _dingir-mesz kur_-szu2-nu am-nu-ma sat-tuk-ki-szu2-nu u2-kin u3 szu-u2 _gim] muszen_ ul-tu {kur}mu-us,-ri [ip-par-szam-ma]
16. [... a-na _ki_-szu u2-ter-szu-ma ...]-x-szu2 a-na _e2_ ka-a-ri sza _kur_ asz-szur{ki} [am-nu]
single ruling
17. [sza2 {munus}sa-am-si szar-rat {kur}a-ri-bi ina {kur}sa-qu-ur-ri _kur_-e ...] x ina _{gesz}tukul_ u2-szam-qit-ma gim-ri _karasz#_-[sza2 ...]
18. [... _szim hi-a du3_]-ma# a-na la ma-ni _dingir-mesz#_-[ni-sza2 e-kim]
19. [u3 szi-i a-na szu-zu-ub _zi-mesz_-sza2 a-na ma-ad-ba-ri a]-szar# s,u-ma-me _gin7 {munus}<ansze>-edin-na_ tasz-ku-na# [pa-ni-sza2]
20. [si-ta-at _nig2-gur11_-sza2 kul-ta-ri-sza2 hu-ra-da-at _ug3-mesz_-sza2 i-na] _muru2# karasz_-sza2 ina _izi#_ [asz2-ru-up]
21. [{munus}sa-am-si la-pa-an _{gesz}tukul-mesz_-ia _kal-mesz_ tasz-hu-ut-ma _ansze-a-ab-ba-mesz_ {munus}{ansze}a]-na#-qa-ti a-di {ansze}ba-ak#-[ka-ri-szi-na]
22. [ana _kur_ asz-szur a-di mah-ri-ia tasz-sza2-a {lu2}qe-e-pu] ina# muh-hi-sza2 asz2-kun-ma 1(u) _lim {lu2}erin2-mesz_ [...]
single ruling
23. [... sza] a-na _lugal-mesz_-ni a-li-kut pa-ni-ia la isz-pi-lu-ma [la isz-pu-ra szi-pir-szu2]
24. [... ki-szit-te {kur}hat]-ti# isz-me2-e-ma na-mur-rat asz-szur _en_-ia [is-hup-szu2-ma]
25. [ir-sza2-a na-kut-tu2 _{lu2}mah-mesz_-szu2 sza e-pesz _{lu2}ARAD2_]-u2#-te a-na {iri}kal-ha a-di mah-ri-ia [isz-pu-ra]
single ruling
26. [{lu2}szu-ut _sag_-ia _{lu2}gal sag_ a-na {iri}s,ur-ri asz2-pur sza {disz}me2-e-te-en-na {iri}s,ur-ra]-a#-a 5(u) _gun ku3-sig17_ 2(disz) _lim gun ku3-babbar_ ta-[mar-ta-szu2 am-hur]
single ruling
27. [{disz}u2-as-sur-me {kur}ta-bal-a-a a-na ep-szet _kur_ asz-szur{ki} u2-masz-szil-ma a-di] mah#-ri-ia la il-li-ka {lu2}szu-ut _sag_-ia [_{lu2}gal sag_ ana {kur}ta-bal asz2-pur]
28. [... {disz}hu-ul-le]-e# _dumu_ la ma-am-ma-na ina _{gesz}gu#-[za lugal_-ti-szu2 u2-sze-szib]
29. [1(u) _gun ku3-sig17_ 1(disz) _lim gun ku3-babbar_ 2(disz) _lim ansze-kur-ra-mesz ...] {ansze}giri3-nun-na-mesz_ ta-mar#-[ta-szu2 am-hur]
single ruling
30. [... sza ina] _lugal-mesz_-ni _ad-mesz_-ia mam2-ma# la# [...]
31. [...] ta#-mar-ta#-szu2# [am-hur]
rest broken
Total 2 record(s)
