CDLI-Found Texts

RINAP 3/1 Sennacherib 017 composite
Click for archival page

Primary publication	RINAP 3/1 Sennacherib 017 composite
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection
Museum no.
Accession no.
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	other (see object remarks)
Remarks	composite text
Material	composite
Language	Akkadian
Genre	Royal/Monumental
Sub-genre	composite
CDLI comments
Catalogue source	20140116 cdliadmin
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/z12n66zc
Composite no.	Q003491
Seal no.
CDLI no.	P462825

Can you improve upon the content of this entry?
Please contact us!

No Image Available

Composite text

surface a
1. {disz}{d}en-zu-szesz-mesz-eri-ba _lugal gal_
2. _lugal_ dan-nu _lugal_ kisz-sza2-ti
3. _lugal kur_ asz-szur{ki} _lugal_ kib-rat _limmu2_-ti
4. _re-e2-um_ it-pe-szu mi-gir _dingir-mesz gal-mesz_
5. na-s,ir kit-ti ra-'i-im mi-sza2-ri
6. e-pisz u2-sa-a-ti a-lik tap-pu-ut
7. a-ki-i sa-hi-ru dam-qa-a-ti
8. et,-lum git2-ma-lum zi-ka-ru qar-du
9. a-sza2-red kal ma-al-ki rap-pu la-'i-it,
10. la ma-gi-ri mu-szab-ri-qu za-ma-a-ni
11. {d}asz-szur _kur_-u2 _gal_-u2 _lugal_-ut la sza2-na-an
12. u2-szat-li-ma-an-ni-ma _ugu_ gi-mir
13. a-szib pa-rak-ki u2-szar-ba-a _{gesz}tukul-mesz_-ia
14. ul-tu _a-ab-ba_ e-le-ni-ti
15. sza szul-mu {d}utu-szi a-di tam-tim szap-li-ti
16. sza s,i-it {d}utu-szi
17. gim-ri s,al-mat _sag-du_ u2-szak-nisz sze-pu-u2-a
18. u3 mal-ki szep-s,u-ti e-du-ru ta-ha-zi
19. da-ad2-me-szu2-un iz-zi-bu-ma
20. ki-ma su-tin-ni ni-gi-is,-s,i
21. e-disz ip-par-szu a-szar la 'a-a-ri
22. i-na mah-re-e ger-ri-ia
23. sza {disz}{d}marduk-ibila-szum2-na _lugal_ {kur}kar2-{d}dun-ia2-asz3
24. a-di _erin2 hi-a_ elam-ma{ki} re-s,i-szu2
25. i-na ta-mir-ti kisz{ki} asz2-ta-kan _bad5-bad5_-szu2
26. i-na _muru2_ tam-ha-ri szu-a-tu
27. e-zib _karasz_-su e-disz ip-par-szid-ma
28. na-pisz-tusz e-t,i2-ir _{gesz}gigir-mesz ansze-kur-ra-mesz_
29. {gesz}s,u-um-bi _{ansze}kunga-mesz_
30. sza i-na qit-ru-ub ta-ha-zi
31. u2-masz-szi-ru ik-szu-da _szu-min_-a-a
32. a-na _e2-gal_-szu2 sza qe2-reb babila2{ki}
33. ha-disz e-ru-um-ma ap-te-e-ma _e2_ ni-s,ir-ti-szu2
34. _ku3-sig17 ku3-babbar_ u2-nu-ut _ku3-sig17 ku3-babbar na4_ a-qar-tu
35. mim-ma szum-szu2 _nig2-szu nig2-gur11_ la ni-bi ka-bit-tu _gun_
36. {munus}_ug3-mesz e2-gal_-szu2 _{lu2}tirum-mesz_ {lu2}man-za-az pa-ni
37. _{lu2}nar-mesz_ {munus}_nar-mesz_
38. si-hir-ti um-ma-a-ni ma-la ba-szu-u2
39. mut-tab-bi-lu-tu2 _e2-gal_-usz
40. u2-sze-s,a-am-ma szal-la-tisz am-nu
41. i-na e-muq {d}asz-szur _en_-ia 1(gesz2) 1(u) 5(disz) _iri-mesz_-szu2 dan-nu-ti
42. _e2 bad3-mesz_-ni sza {kur}kal-di
43. u3 4(disz) _me_ 2(u) _iri-mesz_-ni _tur-mesz_ sza li-me-ti-szu2-nu
44. al-me _kur_-ud asz2-lu-la szal-la-su-un
45. {lu2}ur2-bi {lu2}a-ra-mu {lu2}kal-du
46. sza qe2-reb unu{ki} nibru{ki} kisz{ki}
47. {iri}hur-sag-kalam-ma gu2-du8-a{ki} zimbir{ki}
48. a-di _dumu-mesz iri en_ hi-it,-t,i u2-sze-s,a-am-ma
49. szal-la-tisz am-nu
50. i-na ta-a-a-ar-ti-ia
51. {lu2}tu-'u-mu-na {lu2}ri-hi-hu
52. {lu2}ia-daq-qu {lu2}u2-bu-du
53. {lu2}gib-re-e {lu2}ma-la-hu
54. {lu2}gu-ru-mu {lu2}u2-bu-lu
55. {lu2}da-mu-nu {lu2}gam-bu-lum
56. {lu2}hi-in-da-ru {lu2}ru-'u-u-a
57. {lu2}pu-qu-du {lu2}ha-am-ra-a-nu
58. {lu2}ha-ga-ra-nu {lu2}na-ba-tu
59. {lu2}li-i'-ta-a-u2 {lu2}a-ra-mu
60. la kan-szu-ti mit-ha-risz ak-szud{ud}
61. 2(disz) _me_ 8(disz) _lim un-mesz tur gal nita_ u _munus ansze-kur-ra-mesz_
62. _{ansze}kunga-mesz ansze-mesz {ansze}gam-mal-mesz gu4-mesz_
63. u3 _u8-udu hi-a_ sza la ni-bi szal-la-tu
64. ka-bit-tu asz2-lu-la a-na qe2-reb _kur_ asz-szur{ki}
65. i-na me-ti-iq ger-ri-ia sza {disz}{d}muati-en-mu-mesz
66. {lu2}qi2-pi {iri}ha-ra-ra-te
67. _ku3-sig17 ku3-babbar_ {gesz}mu-suk-kan-ni _gal-mesz ansze-mesz_
68. _{ansze}gam-mal-mesz gu4-mesz_ u3 _u8-udu hi-a_
69. ta-mar-ta-szu2 ka-bit-tu am-hur
70. ba-hu-la-te {iri}hi-rim-me _{lu2}kur2_ ak-s,i
71. i-na _{gesz}tukul-mesz_ u2-szam-qit-ma e-du ul e-zib
72. pag-ri-szu2-un i-na ga-szi-szi a-lul-ma
73. si-hir-ti _iri_ u2-szal-me
74. na-gu-u2 szu-a-tu a-na esz-szu-ti as,-bat
75. 1(disz)-en _gu4_ 1(u) _udu-mesz_ 1(u) _ansze gesztin_ 2(u) _ansze zu2-lum-ma_
76. re-sze-te-szu2 a-na _dingir-mesz_-ni _kur_ asz-szur{ki}
77. _en-mesz_-ia u2-kin da3-ri-szam
78. i-na 2(disz)-e ger-ri-ia {d}asz-szur be-li2 u2-tak-kil-an-ni-ma
79. a-na _kur_ {lu2}kasz-szi-i u3 _kur_ {lu2}ia-su-bi-gal-la-a-a
80. sza ul-tu ul-la a-na _lugal-mesz_-ni _ad-mesz_-ia
81. la kit-nu-szu lu al-lik
82. qe2-reb hur-sza2-a-ni zaq-ru-ti _a-sza3_ nam-ra-s,i
83. i-na _ansze-kur-ra_ ar-kab-ma _{gesz}gigir giri3-min_-ia
84. i-na ti-ik-ka-a-te u2-sza2-asz2-szi
85. asz2-ru szup-szu-qu i-na _giri3-min_-ia ri-ma-nisz at-tag-gisz
86. {iri}e2-{disz}ki-lam-za-ah {iri}ha-ar-disz-pi
87. {iri}e2-{disz}ku-bat-ti _iri-mesz_-szu2-nu
88. _e2 bad3-mesz_-ni dan-nu-ti al-me _kur_-ud
89. _ug3-mesz ansze-kur-ra-mesz {ansze}kunga-mesz_
90. _ansze-mesz gu4-mesz_ u3 _u8-udu hi-a_
91. ul-tu qer-bi-szu2-un u2-sze-s,a-am-ma u2-sze-s,a-am-ma
92. u3 _iri-mesz_-szu2-nu _tur-mesz_ sza ni-ba la i-szu-u2
93. ap-pul aq-qur u2-sze-me kar-mesz
94. _e2 edin_ kul-ta-ri mu-sza2-bi-szu2-nu
95. ina {d}gesz-bar aq-mu-ma di-tal-lisz u2-sze-mi
96. u2-ter-ma {iri}e2-{disz}ki-lam-za-ah szu-a-tu
97. a-na bir-tu-ti as,-bat _ugu_ sza u4-me pa-ni
98. _bad3-mesz_-szu2 u2-dan-nin-ma
99. _ug3-mesz kur-kur_ ki-szit-ti _szu-min_-ia
100. i-na lib3-bi u2-sze-szib
101. _ug3-mesz kur_ {lu2}kasz-szi-i
102. u3 _kur_ {lu2}ia-su-bi-gal-la-a-a
103. sza la-pa-an _{gesz}tukul-mesz_-ia ip-par-szid-du
104. ul-tu qe2-reb _kur_-i u2-sze-ri-dam-ma
105. i-na {iri}har-disz-pi {iri}e2-{disz}ku-bat-ti u2-szar-me
106. i-na _szu-min_ {lu2}szu-ut _sag_-ia
107. _{lu2}en-nam_ {iri}ar-rap-ha am-nu-szu2-nu-ti
108. _{na4}na-ru2-a_ u2-sze-pisz-ma
109. li-i-tum ki-szit-ti _szu-min_ sza _ugu_-szu2-un asz2-tak-ka-nu
110. s,e-ru-usz-szu2 u2-sza2-asz2-t,ir-ma i-na qer-bi _iri_ ul-ziz
111. pa-an ni-ri-ia u2-ter-ma
112. a-na {kur}el-li-pi as,-s,a-bat har-ra-nu
113. el-la-mu-u2-a {disz}is-pa-ba-a-ra _lugal_-szu2-un
114. _iri-mesz_-szu2 dan-nu-ti _e2_ ni-s,ir-ti-szu2
115. u2-masz-szir-ma a-na ru-qe2-e-te in-na-bit
116. gim-ri _kur_-szu2 _dagal_-tim _gin7 muru9_ as-hu-up
117. {iri}mar-u2-bisz-ti {iri}ak-ku-ud-du
118. _iri-mesz_-ni _e2 lugal_-ti-szu2 a-di 3(u) 4(disz) _iri-mesz tur-mesz_
119. sza li-me-ti-szu2-nu al-me _kur_-ud
120. ap-pul aq-qur ina {d}gesz-bar aq-mu
121. _ug3-mesz tur gal nita_ u _munus ansze-kur-ra-mesz_
122. _{ansze}kunga-mesz ansze-mesz {ansze}gam-mal-mesz gu4-mesz_
123. u3 _u8-udu hi-a_ a-na la mi-nam asz2-lu-lam-ma
124. a-di la ba-szi-i u2-sza2-lik-szu-ma
125. u2-s,a-ah-hi-ir _kur_-su
126. {iri}s,i-s,i-ir-tu {iri}ku-um-ma-ah-lum
127. _iri-mesz_ dan-nu-ti a-di _iri-mesz tur-mesz_
128. sza li-me-ti-szu2-nu {kur}e2-{disz}ba-ar-ru-u
129. na-gu-u2 a-na gi-mir-ti-szu2
130. ul-tu qe2-reb _kur_-szu2 ab-tuq-ma
131. _ugu_ mi-s,ir _kur_ asz-szur{ki} u2-rad-di
132. {iri}el-en-za-asz2 a-na _iri lugal_-u2-ti
133. u3 dan-na-at na-ge-e szu-a-tu as,-bat-ma
134. _mu_-szu2 mah-ra-a u2-nak-kir-ma
135. {iri}kar-{disz}{d}en-zu-szesz-mesz-eri-ba
136. at-ta-bi ni-bit-su
137. _ug3-mesz kur-mesz_ ki-szit-ti _szu-min_-ia i-na lib3-bi u2-sze-szib
138. i-na _szu-min_ {lu2}szu-ut _sag_-ia
139. _{lu2}en-nam_ {iri}har-har am-nu-ma
140. u2-rap-pisz ma-a-ti
141. i-na ta-a-a-ar-ti-ia
142. sza {kur}ma-da-a-a ru-qu-u2-te
143. sza i-na _lugal-mesz_-ni _ad-mesz_-ia
144. ma-am-man la isz-mu-u2 zi-kir _kur_-szu2-un
145. man-da-ta-szu2-nu ka-bit-tu am-hur
146. a-na ni-ri be-lu-ti-ia
147. u2-szak-ni-su-nu-ti
148. i-na szal-szi ger-ri-ia a-na {kur}hat-ti lu al-lik
149. {disz}lu-li-i _lugal_ {iri}s,i-du-un-ni
150. pul-hi me-lam-me be-lu-ti-ia is-hu-pu-szu2-ma
151. a-na ru-uq-qi2 _muru2_ tam-tim in-na-bit-ma _kur_-szu2 e-mid
152. {iri}s,i-du-un-nu _gal_-u2 {iri}s,i-du-un-nu s,e-eh-ru
153. {iri}e2-zi-it-te {iri}s,a-ri-ip-tu
154. {iri}ma-hal-li-ba {iri}u2-szu-u2
155. {iri}ak-zi-bi {iri}ak-ku-u2
156. _iri-mesz_-szu2 dan-nu-ti _e2 bad3-mesz_ a-szar ri-i-ti
157. u3 masz-qi2-ti _e2_ tuk-la-ti-szu2
158. ra-szub-bat _{gesz}tukul_ {d}asz-szur _en_-ia
159. is-hu-pu-szu2-nu-ti-ma ik-nu-szu sze-pu-u2-a
160. {disz}tu-ba-a'-lu ina _{gesz}gu-za lugal_-u2-ti
161. _ugu_-szu2-un u2-sze-szib-ma
162. _gun_ man-da-at-tu be-lu-ti-ia
163. szat-ti-szam la ba-at,-lu
164. u2-kin s,e-ru-usz-szu2
165. sza {disz}mi-in-hi-im-mu {iri}sam-si-mu-ru-na-a-a
166. {disz}tu-ba-a'-lu {iri}s,i-du-un-na-a-a
167. {disz}ab-di-li-i'-ti {iri}a-ru-da-a-a
168. {disz}u2-ru-mil-ki {iri}gu-ub-la-a-a
169. {disz}mi-ti-in-ti {iri}as-du-da-a-a
170. {disz}bu-du-dingir {iri}{kur}e2-{disz}am-ma-na-a-a
171. {disz}kam-mu-su-na-ad-bi {kur}ma-'a-ba-a-a
172. {disz}{d}a-a-ram-mu {kur}u2-du-um-ma-a-a
173. _lugal-mesz_-ni _kur_ mar-tu{ki} ka-li-szu2-un
174. _igi-sa2_-e szad-lu-ti ta-mar-ta-szu2-nu ka-bit-tu
175. a-di 4(disz)-szu2 a-na mah-ri-ia isz-szu-nim-ma
176. isz-szi-qu _giri3-min_-ia
177. u3 {disz}s,i-id-qa-a _lugal_ {iri}is-qa-al-lu-na
178. sza la ik-nu-szu a-na ni-ri-ia
179. _dingir-mesz e2 ad_-szu sza2-a-szu _dam_-su _dumu-mesz_-szu2
180. _dumu-munus-mesz_-szu2 _szesz-mesz_-szu2 _numun e2 ad_-szu2
181. as-su-ha-am-ma a-na _kur_ asz-szur{ki} u2-rasz-szu
182. {disz}lugal-lu-da3-a-ri _dumu_ {disz}ru-kib-ti _lugal_-szu2-nu mah-ru-u
183. _ugu un-mesz_ {iri}is-qa-al-lu-na asz2-kun-ma
184. na-dan _gun_ kad3-re-e be-lu-ti-ia
185. e-mid-su-ma i-sza2-a-t,a ab-sza2-a-ni
186. i-na me-ti-iq ger-ri-ia {iri}e2-da-gan-na
187. {iri}ia-ap-pu-u2 {iri}ba-na-a-a-bar-qa
188. {iri}a-zu-ru _iri-mesz_ sza {disz}s,i-id-qa-a
189. sza a-na _giri3-min_-ia ar2-hisz la ik-nu-szu
190. al-me _kur_-ud asz2-lu-la szal-la-su-un
191. _{lu2}szagina-mesz {lu2}nun-mesz_ u3 _ug3-mesz_
192. {iri}am-qar-ru-na sza {disz}pa-di-i _lugal_-szu2-nu
193. _en_ a-de-e u3 ma-mit sza _kur_ asz-szur{ki}
194. bi-re-tu2 _an-bar_ id-du-ma a-na {disz}ha-za-qi-a-u2
195. {kur}ia-u2-da-a-a id-di-nu-szu2 nak-risz
196. a-na an-zil-li i-pu-szu2 ip-lah3 _sza3_-szu2-un
197. _lugal-mesz_-ni {kur}mu-us,-ri _{lu2}erin2-mesz {gesz}pan {gesz}gigir-mesz_
198. _ansze-kur-ra-mesz_ sza _lugal_ {kur}me-luh-ha e-mu-qi2 la ni-bi
199. ik-te-ru-nim-ma il-li-ku re-s,u-us-su-un
200. i-na ta-mir-ti {iri}al-ta-qu-u2 el-la-mu-u-a
201. si-id-ru szit-ku-nu u2-sza2-'a-lu _{gesz}tukul-mesz_-szu2-un
202. i-na tukul-ti {d}asz-szur _en_-ia
203. it-ti-szu2-un am-da-hi-is,-ma asz2-ta-kan _bad5-bad5_-szu2-un
204. _{lu2}en {gesz}gigir-mesz_ u3 _dumu-mesz lugal_ {kur}mu-s,u-ra-a-a
205. a-di _{lu2}en {gesz}gigir-mesz_ sza _lugal_ {kur}me-luh-ha
206. bal-t,u-su-un i-na _muru2_ tam-ha-ri
207. ik-szu-da _szu-min_-a-a {iri}al-ta-qu-u {iri}ta-am-na-a
208. al-me _kur_-ud asz2-lu-la szal-la-su-un
209. a-na {iri}am-qar-ru-na aq-rib-ma
210. _{lu2}szagina-mesz {lu2}nun-mesz_ sza hi-it,-t,u u2-szab-szu-u
211. a-duk-ma i-na di-ma-a-ti
212. si-hir-ti _iri_ a-lul pag-ri-szu2-un
213. _dumu-mesz iri_ e-pisz an-ni u3 gil2-la-ti
214. a-na szal-la-ti am-nu
215. si-it-tu-te-szu2-nu la ba-bil hi-t,i-ti
216. u3 gul-lul-ti
217. sza a-ra-an-szu2-nu la ib-szu-u2
218. usz-szur-szu2-un aq-bi
219. {disz}pa-di-i _lugal_-szu2-nu
220. ul-tu qe2-reb {iri}ur-sa-li-im-ma
221. u2-sze-s,a-am-ma ina _{gesz}gu-za_ be-lu-ti
222. _ugu_-szu2-un u2-sze-szib-ma man-da-at-tu
223. be-lu-ti-ia u2-kin s,e-ru-usz-szu2
224. u3 {disz}ha-za-qi-a-u2 {kur}ia-u2-da-a-a
225. sza la ik-nu-szu a-na ni-ri-ia
226. 4(u) 6(disz) _iri-mesz_-szu2 _e2 bad3-mesz_-ni dan-nu-ti
227. u3 _iri-mesz tur-mesz_ sza li-me-ti-szu2-nu
228. sza ni-ba la i-szu-u2
229. i-na szuk-bu-us a-ram-me
230. u3 qit-ru-ub szu-pe-e
231. mit-hu-us, zu-uk _giri3-min_ pil-szi nik-si
232. u3 kal-ban-na-te al-me _kur_-ud
233. 2(disz) _me lim_ 1(disz) _me_ 5(u) _ug3-mesz tur gal_
234. _nita_ u _munus ansze-kur-ra-mesz {ansze}kunga-mesz_
235. _ansze-mesz {ansze}gam-mal-mesz gu4-mesz_
236. u3 _u8-udu hi-a_ sza la ni-bi ul-tu qer-bi-szu2-un
237. u2-sze-s,a-am-ma szal-la-tisz am-nu
238. sza2-a-szu2 _gin7 muszen_ qu-up-pi qe2-reb
239. {iri}ur-sa-li-im-ma _iri lugal_-ti-szu2 e-sir2-szu
240. {iri}hal-s,u-_mesz_ ugu_-szu2 u2-rak-kis-ma
241. a-s,e-e _ka2-gal iri_-szu2
242. u2-ter-ra ik-ki-bu-usz
243. _iri-mesz_-szu2 sza asz2-lu-la
244. ul-tu qe2-reb _kur_-szu2 ab-tuq-ma
245. a-na {disz}mi-ti-in-ti _lugal_ {iri}as-du-di
246. {disz}pa-di-i _lugal_ {iri}am-qar-ru-na
247. u3 {disz}gissu-en _lugal_ {iri}ha-zi-ti
248. ad-din-ma u2-s,a-ah-hi-ir _kur_-su
249. e-li _gun_ mah-ri-ti na-da-an szat-ti-szu2-un
250. man-da-at-tu kad3-re-e be-lu-ti-ia
251. u2-rad-di-ma u2-kin s,e-ru-usz-szu2-un
252. szu-u2 {disz}ha-za-qi-a-u2 pul-hi me-lam-me
253. be-lu-ti-ia is-hu-pu-szu2-ma
254. {lu2}ur2-bi u3 _{lu2}erin2-mesz_-szu2 _saga-mesz_
255. sza a-na dun-nu-un {iri}ur-sa-li-im-mu
256. _iri lugal_-ti-szu2 u2-sze-ri-bu-ma ir-szu2-u2 til-la-a-te
257. it-ti 3(u) _gun ku3-sig17_ 8(disz) _me gun ku3-babbar_
258. ni-siq-ti gu-uh-li tak2-kas3-si _{na4}an-za-gul-me gal-mesz_
259. _{gesz}na2-mesz zu2 {gesz}gu-za-mesz_ ne2-me-di _zu2_
260. _kusz am-si zu2 am-si {gesz}esi {gesz}tug2_
261. mim-ma szum-szu2 ni-s,ir-tu ka-bit-tu
262. u3 _dumu-munus-mesz_-szu2 {munus}_ug3-mesz e2-gal_-szu2
263. _{lu2}nar-mesz_ {munus}_nar-mesz_
264. a-na qe2-reb nina{ki} _iri_ be-lu-ti-ia
265. _egir_-ia u2-sze-bi-lam-ma
266. a-na na-dan man-da-at-ti
267. u3 e-pesz _ARAD2_-u2-ti isz-pu-ra rak-bu-szu2
268. i-na 4(disz)-e ger-ri-ia {d}asz-szur be-li2 u2-tak-kil-an-ni-ma
269. um-ma-na-te-ia gap-sza2-a-te ad-ke-ma
270. a-na {kur}e2-{disz}ia-kin7 a-la-ku aq-bi
271. i-na me-ti-iq ger-ri-ia
272. sza {disz}szu-zu-bi {lu2}kal-da3-a-a
273. a-szib qe2-reb {i7}a-gam-me
274. ina {iri}bi-it-tu-u2-tu asz2-ta-kan _bad5-bad5_-szu2
275. szu-u2 hur-ba-szu ta-ha-zi-ia _ugu_-szu2 im-qut-ma
276. it-ru-ku _sza3_-szu2 ki-ma az-za-ri e-disz ip-par-szid-ma
277. ul in-na-mir a-szar-szu
278. pa-an ni-ri-ia u2-ter-ma
279. a-na {kur}e2-{disz}ia-kin7 as,-s,a-bat har-ra-nu
280. szu-u2 {disz}{d}marduk-ibila-szum2-na
281. sza ina a-lak _kaskal_-ia mah-re-e
282. _bad5-bad5_-szu2 asz2-ku-nu u2-par-ri-ru el-lat-su
283. ri-gim _{gesz}tukul-mesz_-ia dan-nu-ti
284. u3 ti-ib ta-ha-zi-ia ez-zi e-dur-ma
285. a-na {kur}na-gi-a-te-ra-aq-qi2
286. sza qa-bal tam-ti is,-s,u-risz ip-pa-risz
287. _szesz-mesz_-szu2 _numun e2 ad_-szu2 sza u2-masz-szi-ru a-hi tam-tim
288. a-di si-it-ti _ug3-mesz kur_-szu2
289. ul-tu {kur}e2-{disz}ia-kin7 qe2-reb {i7}a-gam-me
290. ap-pa-ra-a-te u2-sze-s,a-am-ma szal-la-tisz am-nu
291. u2-ter-ma _iri-mesz_-szu2 ap-pul aq-qur u2-sze-me kar-mesz
292. _ugu en_ sa-li-me-szu2 _lugal {kur}elam-ma{ki}_
293. na-mur-ra-tu at-bu-uk
294. i-na ta-a-a-ar-ti-ia {disz}asz-szur-na-din-_mu_
295. _dumu_ resz-tu-u2 tar-bit bir-ki-ia
296. i-na _{gesz}gu-za_ be-lu-ti-szu2 u2-sze-szib-ma
297. _dagal_-tum _kur eme-gi7_ u3 uri{ki}
298. u2-szad-gil pa-nu-usz-szu2
299. i-na 5(disz) ger-ri-ia ba-hu-la-te {iri}tu-mur-ri
300. {iri}sza2-a-ru-um {iri}e-za-a-ma {iri}kib-szu2
301. {iri}hal-bu-da {iri}qu-u2-a {iri}qa-na
302. sza _gin7_ qin-ni _ti8_{muszen} a-sza2-red _muszen hi-a_
303. s,e-er zuq-ti {kur}ni-pur _kur_-i mar-s,i
304. szu-bat-su-un szit-ku-na-at-ma la kit-nu-szu
305. a-na ni-i-ri i-na _giri3-min_ {kur}ni-pur ka-ra-szi u2-sza2-asz2-kin-ma
306. it-ti {lu2}qur-bu-ti _giri3-min_-ia na-as2-qu-ti
307. u3 _{lu2}erin2-mesz_ ta-ha-zi-ia la ga-me-lu-ti
308. a-na-ku _gin7 am_ ek-di pa-nu-usz-szu2-un as,-bat
309. hur-ri na-hal-li na-at-ba-ki _kur_-i me-le-e
310. mar-s,u-ti i-na _{gesz}gu-za_ asz2-ta-am-di-ih
311. a-szar a-na _{gesz}gu-za_ szup-szu-qu
312. i-na _giri3-min_-ia asz2-tah-hi-t,am _gin7_ ar-me
313. a-na zuq-ti sza2-qu-u2-ti s,e-ru-usz-szu2-un e-li
314. a-szar bir-ka-a-a ma-na-ah-tu i-sza2-a
315. s,e-er _na4 kur_-i u2-szib-ma _a-mesz_ {kusz}}na-a-d
316. ka-s,u-ti a-na s,u-me-ia lu asz2-ti
317. i-na _szu-si-mesz_ hur-sza2-a-ni ar-de-szu-nu-ti-ma
318. asz2-ta-kan tah-ta-szu2-un _iri-mesz_-szu2-nu _kur_-ud-ma
319. asz2-lu-la szal-la-su-un ap-pu-ul aq-qur ina {d}gesz-bar aq-mu
320. pa-an ni-ri-ia u2-ter-ma s,e-er {disz}ma-ni-ia-e
321. _lugal_ {iri}uk-ki szad-da-a-a-e la kan-sze as,-s,a-bat har-ra-nu
322. ur-hi la pe-tu-ti t,u-di pa-asz2-qu-ti
323. sza la-pa-an _kur-mesz_ mar-s,u-ti
324. ul-la-nu-u2-a qe2-reb-szu2-un ma-am-man
325. la il-li-ku _lugal-mesz_ pa-ni mah-ru-ti
326. i-na _giri3-min_ {kur}a-na-ra u3 {kur}up-pa _kur-mesz_
327. dan-nu-ti ka-ra-szi u2-sza2-asz2-kin-ma
328. a-na-ku i-na _{gesz}gu-za_ ne2-me-di it-ti _erin2-mesz_
329. ta-ha-zi-ia git2-ma-lu-ti
330. i-na ne-re-bi-szu2-un pi-qu-ti
331. szu-nu-hi-isz e-ru-um-ma mar-s,i-isz e-te-el-la-a
332. _szu-si-mesz kur-mesz_ pa-asz2-qa-a-ti
333. szu-u2 {disz}ma-ni-ia-e tur-bu-u'
334. _giri3-min erim-hi-<a>_-ia e-mur-ma {iri}uk-ku _iri lugal_-ti-szu2
335. e-zib-ma a-na ru-qe2-e-ti in-na-bit
336. {iri}uk-ku al-me _kur_-ud asz2-lu-la szal-la-su
337. mim-ma szum-szu2 _nig2-szu nig2-gur11_ ni-s,ir-ti _e2-gal_-szu2
338. ul-tu qer-bi-szu u2-sze-s,a-am-ma szal-la-tisz am-nu
339. u3 3(u) 5(disz) _iri-mesz_ sza pa-a-t,i li-me-ti-szu2
340. ak-szud{ud}-ma _ug3-mesz gu4-mesz_ u3 s,e-e-ni
341. _ansze-mesz_ asz2-lu-la ap-pu-ul aq-qur ina {d}gesz-bar aq-mu
342. i-na li-mu {disz}szul3-mu-_en {lu2}gar-kur_ {iri}tal-mu-si
343. {disz}ki-ru-a _{lu2}en-iri_ sza {iri}il-lu-ub-ri
344. _{lu2}ARAD2_ da-gil2 pa-ni-ia sza iz-zi-bu-szu _dingir-mesz_-szu2
345. ba-hu-la-te {iri}hi-lak-ki
346. usz-bal-kit-ma ik-s,u-ra ta-ha-zu
347. _ug3-mesz_ a-szi-bu-ut {iri}in-gi-ra-a u {iri}tar-zi
348. i-da-a-szu2 is-hu-ru-ma ger-ri {kur}qu-e
349. is,-ba-tu ip-ru-su a-lak-tu
350. _{lu2}erin2-mesz {gesz}pan_ na-szi tuk-szi u3 az-ma-re-e
351. _{gesz}gigir-mesz ansze-kur-ra-mesz_ ki-s,ir _lugal_-ti-ia
352. u2-ma-'e-er s,e-ru-usz-szu2-un
353. sza ba-hu-la-te {iri}hi-lak-ki
354. sza i-da-a-szu2 is-hu-ru
355. i-na qe2-reb _kur_-i mar-s,i isz-ku-nu tah-ta-szu2-un
356. {iri}in-gi-ra-a {iri}ta-ar-zu ik-szu-du-ma
357. isz-lu-lu szal-la-su-un
358. sza2-a-szu2 qe2-reb {iri}il-lu-ub-ri _iri_ dan-nu-ti-szu2
359. ni-tum il-mu-szu-ma is,-ba-tu mu-s,u-szu
360. i-na qur-ru-ub szu-pe-e nim-gal-li _bad3_
361. u3 kal-ban-na-te mit-hu-s,u zu-uk _giri3-min_
362. dab2-da-a-szu2 isz-ku-nu-ma is,-ba-tu _iri_
363. {disz}ki-ru-a _{lu2}en-iri_ a-di szal-lat _iri-mesz_-szu2
364. u3 _ug3-mesz_ {iri}hi-lak-ki sza i-da-a-szu2
365. is-hu-ru a-di _ansze-mesz gu4-mesz_ u3 s,e-e-ni
366. a-na {iri}ni-na-a a-di mah-ri-ia ub-lu-ni
367. sza {disz}ki-ru-a ma-szak-szu2 a-ku-us,
368. u2-ter-ma {iri}il-lu-ub-ru a-na esz-szu-te as,-bat
369. _ug3-mesz kur-kur_ ki-szit-ti _szu-min_-ia i-na lib3-bi u2-sze-szib
370. _{gesz}tukul_ {d}asz-szur _en_-ia qe2-reb-szu2 u2-szar-me
371. _{na4}na-ru2-a_-a sza _{na4}gesz-nu11-gal_ u2-sze-pisz-ma
372. ma-har-szu ul-zi-iz
373. i-na li-mu {disz}asz-szur_-en-pap {lu2}gar-kur_ {kur}kat-mu-hi
374. a-na _{iri}du6_-ga-ri-im-me
375. a-lum sza pa-a-t,i {kur}ta-ba-li
376. sza {disz}gur2-di-i _lugal_ {iri}ur-du-ti
377. ir-ku-su _{gesz}tukul-mesz_-szu2
378. as-su-uk-ma _{lu2}erim-mesz {gesz}pan_ na-szi tuk-szi
379. u3 az-ma-re-e _{gesz}gigir-mesz ansze-kur-ra-mesz_
380. ki-s,ir _lugal_-ti-ia u2-ma-'e-er s,e-ru-usz-szu2
381. _iri_ szu-a-tum ni-i-tum il-mu-ma
382. i-na szi-pik e-pe-ri u3 qur-ru-ub szu-pi-i
383. mit-hu-us, zu-uk _giri3-min_ is,-ba-tu _iri_
384. _ug3-mesz_ a-di _dingir-mesz_ a-szib lib3-bi-szu2 im-nu-u2 szal-la-ti-isz
385. _iri_ szu-a-tu ip-pu-lu iq-qu-ru
386. a-na _du6_ u3 kar-me u2-ter-ru
387. i-na szal-lat _kur-mesz_ sza-ti-na sza asz2-lu-la
388. _3(u) lim {gesz}pan 2(u) lim_ {gesz}a-ri-tu
389. i-na lib3-bi-szu2-nu ak-s,ur-ma
390. _ugu_ ki-s,ir _lugal_-ti-ia u2-rad-di
391. si-it-ti szal-lat na-ki-ri ka-bit-tu
392. a-na gi-mir _karasz_-ia u3 _{lu2}en-nam-mesz_-ia
393. _ug3-mesz_ ma-ha-za-ni-ia _gal-mesz_
394. ki-ma s,e-e-ni lu u2-za-'i-iz
395. i-na u4-me-szu-ma nina{ki} ma-ha-zu s,i-i-ru
396. _iri_ na-ram {d}isz-tar
397. sza nap-har ki-du-de-e _dingir-mesz_
398. u3 _{d}isz-tar-mesz_ ba-szu-u2 qe2-reb-szu2
399. tem-me-en-nu da-ru-u2 du-ru-usz s,a-a-ti
400. sza ul-tu ul-la it-ti szi-t,ir bu-ru-um-me
401. es,-rat-su es,-ret-ma szu-pu-u2 s,i-in-du-szu2
402. asz2-ru nak-lu szu-bat pi-risz-ti
403. sza mim-ma szum-szu2 szi-pir ni-kil-ti
404. gi-mir pel-lu-de-e ni-s,ir-ti lal3-gar
405. szu-ta-bu-lu qe2-reb-szu2
406. sza ul-tu ul-la _lugal-mesz_-ni
407. a-li-kut mah-ri _ad-mesz_-ia
408. ul-la-nu-u2-a be-lu-ut _kur_ asz-szur{ki} e-pu-szu2-ma
409. u2-ma-'e-ru ba-'u-lat {d}en-lil2
410. a-a-um-ma i-na lib3-bi-szu2-nu a-na szum-dul6 szu-bat _iri_
411. e-pesz _bad3_ szu-te-szur su-qa-a-ni
412. u3 ha-re-e _i7_ za-qa-ap s,ip-pa-a-ti
413. u2-zu-un-szu ul ib-szi-ma
414. ul usz-ta-bil ka-ras-su
415. a-na _e2-gal_ qer-bi-szu2 kum2-mu ri-mit be-lu-te
416. sza s,u-uh-hu-rat szu-bat-sa
417. e-pisz-tasz la nak-lat-ma
418. le-e-su ul id-da-a
419. lib-bu-usz ul ih-su-us
420. ia-a-ti {disz}{d}en-zu-szesz-mesz-eri-ba
421. _lugal_ kisz-sza2-ti _lugal kur_ asz-szur{ki}
422. e-pesz szip-ri szu-a-tu ki-i t,e3-em _dingir-mesz_
423. i-na uz-ni-ia ib-szi-ma ka-bat-ti ub-lam-ma
424. te-ne-szet {kur}kal-di {lu2}a-ra-me {kur}man-na-a-a
425. {kur}qu-e u3 {kur}hi-lak-ku {kur}pi-lisz-ti u3 {kur}s,ur-ri
426. sza a-na ni-ri-ia la ik-nu-szu
427. as-su-ha-am-ma tup-szik-ku u2-sza2-asz2-szi-szu2-nu-ti-ma
428. il-bi-nu _sig4 e2-gal_ mah-ri-tu
429. sza 3(disz) _me_ 1(gesz2) ina _1(disz) kusz3 us2_
430. 1(gesz2) 3(u) 5(disz) ina _1(disz) kusz3 sag-ki_
431. ma-ra-ku szit-ku-na-at-ma
432. s,u-uh-hu-rat szu-bat-sa
433. sza _lugal-mesz_-ni a-li-kut mah-ri _ad-mesz_-ia
434. a-na ri-mit be-lu-ti-szu2-un u2-sze-pi-szu-ma
435. la u2-nak-ki-lu szi-pir-sza2
436. _{d}alad-{d}lamma-mesz_ sza {na4}pi-i-li pe-s,e-e
437. i-na {iri}ta-as-ti-a-te sza e-ber-tan {i7}idigna
438. ib-tu-qu a-na mu-kil _ka2-mesz_-szi-in
439. a-na szu-pu-usz _{gesz}ma2-mesz_
440. qe2-reb _{gesz}tir-mesz gesz-mesz gal-mesz_
441. u2-qe2-ru i-na nap-har _kur_-szu2-un
442. i-na {iti}gu4 u4-mu a-dan-ni e-de-e pa-an szat-ti
443. i-na _{gesz}ma2-mesz_ s,i-ra-a-te
444. a-na a-ha-an-na-a u2-szeb-bi-ru-ni mar-s,i-isz
445. i-na ne2-ber ka-a-ri _{gesz}ma2-gu-la-mesz_
446. u2-t,e-eb-bu-u2 ba-hu-la-te-szu2-un
447. u2-sza2-ni-hu u2-lam-me-nu ka-ras-si-in
448. i-na da-na-ni u3 szup-szu-qi
449. mar-s,i-isz u2-bi-lu-nim-ma
450. u2-sza2-as,-bi-tu _ka2-mesz_-szi-in
451. {i7}te-bil-ti a-gu-u2 szit-mu-ru
452. sza ul-tu _ud-mesz su3-mesz_
453. t,e-eh _e2-gal_ i-ba-'u-u2-ma
454. i-na _illu_-sza2 gap-szi i-na usz-szi-sza2
455. ab-bu u2-szab-szu-u2 u2-ri-ib-bu tem-me-en-sza2
456. _e2-gal-tur-ra_ sza2-a-tu a-na si-hir-ti-sza2 aq-qur
457. sza {i7}te-bil-ti ma-lak-sza2
458. ul-tu qa-bal-ti _iri_ ap-ru-us-ma
459. i-na ta-mir-ti ku-tal _iri_ u2-sze-szir mu-s,u-sza2
460. i-na _1/2(iku) GAN2_ ma-lak _a-mesz_ 4(disz) {na4}pi-i-li _gal-mesz_
461. it-ti _esir2 had2-a_ ak-si-ma _gi-mesz_ a-pe
462. u3 ku-pe-e u2-szat-ri-s,a _ugu_-szu2-un
463. _3(disz) me 4(u)_ ina _1(disz) kusz3 us2_
464. _2(disz) me 1(gesz2) 2(u) 9(disz)_ ina _1(disz) kusz3 sag-ki_
465. qaq-qa-ru ul-tu qe2-reb {i7}hu-su-ur
466. u3 ta-mir-ti _iri_
467. ki-ma a-tar-tim-ma lu as,-ba-ta s,e-er me-szi-ih-ti
468. tam-li-i mah-re-e lu u2-rad-di-ma
469. a-na si-hir-ti-szu2 ina _1(disz) me 1(gesz2) 3(u)_ ti-ib-ki ul-la-a re-szi-szu2
470. la-ba-risz _u4-mesz_ i-na _illu_ kisz-sza2-ti
471. tem-me-en tam-li-i la e-ne2-szi
472. {na4}pi-i-li _gal-mesz_ ki-su-u2-szu
473. u2-sza2-as-hi-ra u2-dan-nin szu-pu-uk-szu
474. a-na _7(disz) me_ i-na _as4-lum gal_-ti _usz_
475. u3 _4(disz) me 4(u)_ ina _as4-lum gal_-ti _sag-ki_
476. szi-kit-ti _e2-gal_ u2-ter-ma
477. szu-bat-sa usz-rab-bi _e2-gal-mesz ku3-sig17 ku3-babbar_
478. _zabar {na4}an-za-gul-me {na4}dur2-mi-na-banda3{da}_
479. _{na4}gesz-nu11-gal zu2 am-si {gesz}esi {gesz}tug2_
480. _{gesz}mes-ma2-kan-na {gesz}eren {gesz}szur-min3_
481. {szim}_li_ {gesz}e-lam-ma-ku {gesz}si-in-da-a
482. a-na mu-szab be-lu-ti-ia
483. ab-ni-ma _e2_ mu-ter-re-te
484. tam-szil _e2-gal_ {kur}ha-at-ti
485. me2-eh-ret ba-ba-a-ti u2-sze-pisz
486. _gesz-ur3-mesz_ {gesz}ere-ni _{gesz}szur-min3_
487. sza e-ri-su-un t,a-a-bu bi-nu-ut {kur}ha-ma-nim
488. u3 {kur}si-ra-ra _kur-mesz ku3-mesz_
489. u2-szat-ri-s,a e-li-szin
490. _{gesz}ig-mesz_ {gesz}ere-ni _{gesz}szur-min3 szim-li_
491. {gesz}si-in-da-a me-ser _ki-sag uruda_
492. u2-rak-kis-ma u2-rat-ta-a ba-bi-szin
493. i-na ba-rak-ki sza qe2-reb {e2}_pa-pah-mesz_
494. ap-ti bi-ir-ri u2-pat-ta-a
495. _{munus}{d}lamma-mesz {na4}gesz-nu11-gal zu2 am-si_
496. sza il-lu-ru na-sza2-a kit-mu-sa rit-ta-szin
497. bal-tu ku-uz-bu hi-it-lu-pa lu-le-e
498. ma-la-a i-na _ka2-mesz_-szin ul-ziz-ma
499. a-na tab-ra-a-te u2-sza2-lik
500. s,u-lul ta-ra-a-ni sza qe2-reb ba-rak-ka-a-ni
501. e-t,u-su-un u2-szah-la-a
502. u4-mi3-isz usz-nam-mir
503. sik-kat3 kar-ri kas-pi u3 _uruda_
504. qe2-reb-szin u2-szal-me
505. i-na _sig4-al-ur3-ra {na4}zu2 {na4}za-gin3_
506. us-si-ma se-el-lum ne2-be2-hi
507. u3 gi-mir pa-asz2-qi2-szi-in
508. asz2-szu2 szip-ri _e2-gal_-ia szu-te-szu-ri
509. u3 li-pit _szu-min_-ia szul-lu-me
510. i-na u4-me-szu-ma {d}asz-szur u3 {d}isz-tar
511. ra-'i-i-mu _{lu2}sanga_-ti-ia
512. na-bu-u2 _mu_-ia gesz-mah-hi {gesz}ere-ni
513. sza ul-tu _ud-mesz su3-mesz_ i-szi-hu-ma
514. ik-bi-ru ma-gal i-na qe2-reb {kur}si-ra-ra
515. _kur-mesz_ ina pu-uz-ri na-an-zu-zu
516. u2-szak-li-mu-in-ni s,i-i-su-un
517. sza _{na4}gesz-nu11-gal_ sza i-na tar-s,i _lugal-mesz_-ni
518. _ad-mesz_-ia a-na kar-ri nam-s,a-ri szu-qu-ru
519. i-na sa-pan {kur}am-ma-na-na u2-szap-tu-ni pa-ni-szu2
520. u3 _{na4}dur2-mi-na-banda3{da}_ ma-la {dug}bur-zi-gal-li
521. sza la in-nam-ru ma-ti-ma
522. ina {iri}kap-ri-da-ar-gi-la-a
523. sza pa-a-t,i {iri}du6-bar-si-ip
524. u2-kal-lim ra-ma-nu-usz
525. i-te-e nina{ki} ina er-s,e-ti {iri}ba-la-t,a-a-a
526. ki-i t,e3-em _dingir_-ma {na4}pi-i-lu pe-s,u-u
527. a-na mu-'u-de-e in-na-mir-ma
528. _{d}alad-{d}lamma-mesz_ u3 s,a-lam mesz-re-ti _{na4}gesz-nu11-gal_
529. sza i-na 1(disz)-en _na4_ ib-ba-nu-u2 mi-na-a-te szuk-lu-lu
530. i-na ki-gal-li ram-ni-szu2-nu
531. sza2-qisz na-an-zu-zu
532. _{munus}ab2-za-za_-a-te _{na4}gesz-nu11-gal_
533. sza zi-me nu-us-su-qa
534. _gin7_ u4-me na-par-di-i nu-um-mu-ru zu-mur-szin
535. _kun4-mesz {na4}dur2-mi-na-banda3{da} mah-mesz_
536. ab-ni ki-lal-la-an i-na szad-di-szu2-un ab-tuq-ma
537. a-na szip-ri _e2-gal_-ia
538. u2-szal-di-da qe2-reb {iri}ni-na-a
539. _{d}alad-{d}lamma-mesz_ u3 _{munus}ab2-za-za_-a-te
540. {na4}pi-i-li pe-s,e-e i-na lip-ta-at {d}nin-kur-ra
541. i-na er-s,e-et {iri}ba-la-t,a-a-a
542. u2-sza2-a'-lid-ma u2-szak-li-la gat-ta-szu2-un
543. sza ul-tu ul-la _lugal-mesz_-ni _ad-mesz_-ia
544. s,a-lam _uruda_ tam-szil gat-ti-szu2-un
545. a-na szu-zu-zi qe2-reb _e2-kur-mesz_
546. ib-nu-ma i-na e-pisz-ti-szu2-nu
547. u2-sza2-ni-hu gi-mir _dumu_ um-ma-a-ni
548. i-na la bi-szit uz-ni la ha-sa-as a-ma-te
549. a-na szip-ri hi-szih-ti-szu2-nu
550. _i3-gesz_ isz-ku-ru na-al-ba-asz2 s,e-e-ni
551. u2-qe2-ru qe2-reb _kur-mesz_-szu2-un
552. ia-a-ti {disz}{d}en-zu-szesz-mesz-eri-ba
553. a-sza2-red kal mal-ki mu-de-e szip-ri
554. ka-la-ma tim-me _uruda gal-mesz_
555. ur-mah-hi pe-tan bir-ki sza ma-nam-ma
556. la ip-ti-qu _lugal_ pa-ni mah-ri-ia
557. i-na uz-ni ni-kil-ti
558. sza u2-szat-li-ma ru-bu-u2 {d}nin-szi-ku3
559. i-na szi-tul-ti ram-ni-ia
560. a-na e-pesz szip-ri szu-a-tu
561. ra-bisz am-tal-lik-ma ina mi3-lik t,e3-me-ia
562. u3 me-resz ka-bat-ti-ia
563. pi-ti-iq _uruda_ u2-ba-asz2-szim-ma
564. u2-nak-ki-la nik-la2-su
565. sza gesz-mah-hi u3 a-la-mit-ta
566. _gesz_ mesz-re-e _1(u) 2(disz) ur-mah-mesz_ ne2-'i-ru-ti
567. a-di _1(u) 2(disz) {d}alad-{d}lamma-mesz_
568. _mah-mesz_ sza szuk-lu-lu nab-ni-tu
569. _2(u) 2(disz) {munus}ab2-za-za_-a-te sza ku-uz-ba
570. ul-s,u hi-it-lu-pa bal-tu la-la-a
571. kum2-mu-ru s,e-ru-usz-szin
572. ki-i t,e3-em _dingir_-ma zi-i'-pi t,i-it,-t,i
573. ab-ni-ma e-ra-a qe2-reb-szu2 asz2-tap-pa-ka
574. ki-i pi-ti-iq _1/2(disz) gin2-ta-am3_
575. u2-szak-li-la nab-ni-su-un
576. _{d}alad-{d}lamma-mesz_ nab-nit _uruda_
577. sza 2(disz) ina lib3-bi za-ha-lu-u lit-bu-szu2
578. _{d}alad-{d}lamma-mesz {na4}gesz-nu11-gal_
579. a-di _{d}alad-{d}lamma-mesz_ u3 _{munus}ab2-za-za_-a-te
580. {na4}pi-i-li pe-s,e-e sza _e2-gal-mesz_-ia
581. u2-sza2-as,-bi-ta _si-gar_-szi-in
582. tim-me _uruda mah-mesz_ a-di tim-me {gesz}ere-ni
583. _gal-mesz_ bi-ib-lat {kur}ha-ma-nim
584. me-ser _uruda_ u3 _an-na_ u2-rak-kis-ma
585. s,e-er pirig-gal-le-e ul-ziz-ma
586. dap2-pi ku-lul _ka2-mesz_-szin e-mid
587. _{munus}ab2-za-za_-a-te _{na4}gesz-nu11-gal_
588. a-di _{munus}ab2-za-za_-a-te pi-ti-iq u2-ru-de-e
589. sza2 za-ha-lu-u lit-bu-sza2 u3 _{munus}ab2-za-za_-a-te
590. pi-ti-iq _gu-an-na_
591. sza nu-um-mu-ru gat-ta-szi-in
592. {gesz}tim-me _{gesz}esi {gesz}szur-min3_ {gesz}ere-ni {gesz}dup-ra-ni
593. _szim-li_ u3 {gesz}si-in-da-a ih-ze-et pa-szal-li
594. u3 kas-pi s,e-ru-usz-szin ul-ziz-ma
595. sza kum2-me mu-szab be-lu-ti-ia
596. e-mid _{gesz}gan-du7-mesz_-szu2-un
597. _kun4-mesz {na4}dur2-mi-na-banda3{da} {na4}gesz-nu11-gal_
598. u3 _kun4-mesz_ {na4}pi-i-li _gal-mesz_
599. a-sur-ru-szin u2-sza2-as-hi-ra
600. a-na tab-ra-a-te u2-sza2-lik
601. asz2-szu2 u4-me-szam-ma _a-mesz_ di-lu-ti
602. da-lum eb-li gu-has,-s,a-a-te _zabar_
603. u har-ha-ri _zabar_ u2-sze-pisz-ma
604. ki-mu-u2 ma-ka-a-te gesz-mah-hi u3 a-la-mit-ta _uruda_
605. s,e-er _pu2-mesz_ usz-ziz _e2-gal-mesz_ sza2-ti-na u2-sza2-lik as-mi3-isz
606. si-hir-ti _e2-gal_ a-na tab-rat kisz-szat _ug3-mesz_
607. ul-la-a re-szi-sza2 _e2-gal_ sza2-ni-na la i-szu-u
608. ni-bit-sa az-kur
609. _{gesz}kiri6-mah_-hu tam-szil {kur}ha-ma-nim
610. sza gi-mir _szim hi-a gurun_ s,ip-pa-a-te
611. _gesz-mesz_ tuk-lat _kur_-i u3 {kur}kal-di
612. a-di _gesz-mesz_ na-asz2 _siki hi-a_
613. qe2-reb-szu2 hur-ru-szu i-ta-a-sza2 az-qu-up
614. nina{ki} sza ul-tu u4-me pa-ni
615. 9(disz) _lim_ 3(disz) _me_ ina _1(disz) kusz3_ szu-bat li-me-ti-szu2
616. _bad3_ u3 _bad3-szul-hi_ ul u2-sze-pi-szu2
617. a-li-kut mah-ri ma-al-ki
618. _1(u) 2(disz) lim 5(disz) me 1(u) 5(disz)_ a-szar ta-mir-ti li-mit _iri_
619. s,e-er me-szi-ih-te mah-ri-ti u2-rad-di-ma
620. _2(u) 1(disz) lim 8(disz) me 1(u) 5(disz)_ ina _as4-lum gal_-ti u2-kin min3-da-tusz
621. sza _bad3_-szu2 _gal_-i bad3-ni2-gal-bi-lu2-kur2-ra-szu2-szu2
622. du-u2-ru sza nam-ri-ru-szu na-ki-ri sah-pu
623. s,e-er {na4}pi-i-li tem-me-en-szu2 ad-di-ma
624. _4(u) sig4_ u2-kab-bir
625. i-na _1(disz) me 1(gesz2) 2(u)_ ti-ib-ki ul-la-a re-szi-szu
626. a-na er-bet-ti sza2-a-ri _1(u) 5(disz) ka2-gal-mesz_
627. pa-nu u3 ar-ka i-na s,i-li ki-lal-la-an
628. a-na e-re-bi u3 a-s,e-e
629. u2-szap-ta-a qe2-reb-szu2
630. li-bur _ensi2_ {d}asz-szur _ka2-gal_ {d}asz-szur sza {iri}sza3-iri_
631. sa-pi-in gi-mir na-ki-ri
632. _ka2-gal_ {disz}{d}en-zu-szesz-mesz-eri-ba sza {kur}hal-zi
633. {d}en-lil2 mu-kin _bala_-ia _ka2-gal_ {d}utu sza {kur}ga-gal
634. sza {disz}{d}en-zu-szesz-mesz-eri-ba it-ti man-zal-ti e-req-qi
635. kin-ni _bala_-szu2 _ka2-gal_ {d}nin-lil2 sza {iri}kar-{d}nin-lil2
636. mu-sze-s,a-at _uzu azag2 ka2-gal_ musz-la-lum
637. du-muq asz2-na-an u3 {d}lahar qe2-reb-sza2 ka-a-a-an
638. _ka2-gal_ {iri}szi-ba-ni-ba
639. ba-bi-lat hi-s,ib hur-sza2-a-ni _ka2-gal_ {kur}ha-lah-hi
640. _szu-nigin_ 7(disz) _ka2-gal-mesz_ {d}utu-e3
641. me2-eh-ret {im}szu-u2-ti u3 {im}sza2-di-i
642. az-ku-ra ni-bit-si-in
643. {d}iszkur sza2-ri-ik _he2-gal2_ a-na _kur_
644. _ka2-gal_ {d}iszkur sza am-ba-si
645. {d}er3-ra sza2-a-gisz za-ma-ni-ia
646. _ka2-gal_ {d}u-gur sza {iri}tar-bi-s,i
647. {d}nanna-ru na-s,ir _aga_ be-lu-ti-ia _ka2-gal_ {d}en-zu
648. _szu-nigin_ 3(disz) _ka2-gal-mesz_ sza me2-eh-ret {im}il-ta-ni
649. at-ta-bi si-qir-szi-in
650. {d}e2-a mu-sze-szir kup3-pi-ia _ka2-gal_ mas-qe2-e
651. mu-sze-ri-bat mi-szir3-ti da-ad2-me _ka2-gal_ ka-a-ri
652. kad3-re-e {lu2}su-mu-'e-el3 u3 {lu2}te-e-me
653. qe2-reb-sza2 ir-ru-ub _ka2-gal_ mad-ba-ri
654. pa-qi2-da-at ka-la-ma _ka2-gal e2-gal_ ma-szar-ti
655. {d}szar2-ur4 mu-szam-qit a-a-ab _lugal ka2-gal_ ha-an-du-u2-ri
656. _szu-nigin_ 5(disz) _ka2-gal-mesz_ sza me2-eh-ret {im}a-mur-ri
657. at-tas-qa-ra szu-me-szin
658. sza szal-hi-i bad3-nig2-erim2-hu-luh-ha
659. mu-gal-lit za-ma-a-ni usz-sze-szu2 ap-te-e-ma
660. 4(u) 5(disz) _ninda_ u2-szap-pil-ma
661. u2-sza2-ak-szid _a-mesz_ na-ag-bi
662. qe2-reb ma-a-me szap-la-a-nu _na4 kur_-i dan-ni ak-si-ma
663. e-la-nisz a-di pa-asz2-qi2-szu2 i-na {na4}pi-i-li _gal-mesz_
664. u2-nak-kil szi-pir-szu
665. sza nina{ki} _iri_ be-lu-ti-ia szu-bat-su usz-rab-bi
666. re-ba-ti-szu2 u2-sza2-an-dil-ma u2-nam-mir _gin7_ u4-me
667. _bad3_ szal-hu-u2 u2-sze-pisz-ma u2-zaq-qir hur-sza2-nisz
668. e-le-en _iri_ u3 _ki-ta iri_ u2-sze-pisz _{gesz}kiri6-mesz_
669. mut-hum-me _kur_-i u3 ma-ti-tan
670. kul-lat _szim hi-a_ {kur}hat-ti u2-har-ri-sza2 qe2-reb-szu2-un
671. s,e-er sza2-ab-bur-ti sza a-ha am-ba-si _gesztin kur_-i
672. _du3_-szu2-un gi-mir _gurun_ ad-na-a-te
673. _szim hi-a_ u3 {gesz}se-er-di a-na ba-a'-li az-qu-up
674. {i7}hu-su-ur sza ul-tu ul-la-a _a-mesz_-sza2
675. szu-up-lu s,ab-tu-ma i-na _lugal-mesz_-ni _ad-mesz_-ia
676. mam2-ma la is-sir2-szu-nu-ti-ma i-tab-ba-ku _{i7}hal-hal_-isz3
677. a-na mit,-ra-a-te szum-mu-hi
678. ul-tu pa-a-t,i {iri}ki-si-ri
679. mu-la-a musz-pa-lum i-na ak-kul-la-a-te
680. ah-ra-a u2-sze-szir {i7}pat-tu
681. _a-mesz_ szu-nu-te s,e-er ta-mir-ti nina{ki} u2-ki-nam-ma
682. qe2-reb s,ip-pa-a-te sza-ti-na u2-szah-bi-ba a-tap-pisz
683. a-na bit-re-e ma-a-me ina _giri3-min_ mu-us,-ri _kur_-e ger-ri as,-bat-ma
684. asz2-qu-ma a-di {iri}el-mu-na-qin-ne2-e szup-szu-qisz at-tal-lak
685. i-na re-esz {iri}bad3-{d}1(u)-5(disz) {iri}szi-ba-ni-ba
686. u3 {iri}su-li nam-ba-'i a-mur-ma
687. _igi-min_-szu2-nu pi-qa-a-te u2-rab-bi-ma u2-ter a-na kup-pi
688. asz2-szu2 ma-lak _a-mesz_ szu2-nu-ti _kur-mesz_ mar-s,u-ti
689. asz2-ri pa-asz2-qu-ti ina ak-kul-la-ti u2-szat-tir-ma
690. mu-s,u-szu2-un u2-sze-szi-ra a-na ta-mir-ti nina{ki}
691. {i7}har-ra-ti-szu2-un u2-dan-nin ki-i szu-pu-uk _kur_-i
692. _a-mesz_ sza-tu-nu qe2-reb-szu2-un u2-kin-na
693. ki-ma a-tar-tim-ma s,e-er _a-mesz_ {i7}hu-su-ur
694. u2-rad-da-a da-ri-szam
695. i-na um-ma-a-te u2-sza2-asz2-qa-a gi-mir s,ip-pa-a-ti
696. i-na _en-te-na 1(disz) lim {sze}numun-mesz_ ta-me-ra-a-ti
697. e-li _iri_ u3 _ki-ta iri_ u2-sza2-an-kar szat-ti-szam
698. a-na szup-szu-hi a-lak-ti _a-mesz_ szu-nu-ti
699. {i7}a-gam-mu u2-szab-szi-ma s,u-s,u-u2 qe2-reb-sza2
700. as-ti-il _igira2{muszen}-mesz szah-mesz {gesz}gi_
701. a-lap qi2-szi i-na lib3-bi u2-masz-szir
702. i-na t,e3-em _dingir_-ma qe2-reb _{gesz}kiri6-mesz edin_ sza2-ab-bur-ti
703. _gesztin_ gi-mir _gurun_ {gesz}se-er-du
704. _szim hi-a_ ma-gal isz-mu-hu
705. _{gesz}szur-min3 {gesz}mes-ma2-kan-na_
706. nap-har _gesz-mesz_ i-szi-hu-ma
707. u2-s,ar-ri-szu2 pa-pa-al-lum
708. ap-pa-ra-a-ti ma-gal i-szi-ra
709. _muszen-mesz an_-e _igira2_{muszen} sza a-szar-szu2 ru-u2-qu
710. qin-na iq-nun-ma _szah2-mesz {gesz}gi_ a-lap qi2-szi
711. u2-rap-pi-szu2 ta-lit-tu
712. _{gesz}mes-ma2-kan-na {gesz}szur-min3_ tar-bit s,ip-pa-a-ti
713. _gi ambar-mesz_ sza qe2-reb {i7}a-gam-me ak-szit,-ma
714. a-na szip-ri hi-szih-ti _e2-gal-mesz_
715. be-lu-te-ia lu e-pu-usz
716. is,-s,u na-asz2 szi-pa-a-ti ib-qu-mu im-ha-s,u s,u-ba-ti-isz
717. ul-tu szip-ri _e2-gal_-ia u2-qat-tu-u2
718. {d}asz-szur _en gal_-u2 _dingir-mesz_ u3 _{d}isz-tar-mesz_
719. a-szi-bu-ut _kur_ asz-szur{ki}
720. i-na qer-bi-sza2 aq-re-ma
721. _{udu}siskur-mesz_ tasz-ri-ih-te aq-qi2-ma
722. u2-szat-lim kad3-ra-a-a
723. _i3-gesz_ {gesz}ser2-di u3 hi-bi-isz-ti
724. sza _{gesz}kiri6-mesz edin_ sza2-ab-bur-ti
725. u2-raq-qa-a a-na ru-usz-ti
726. i-na tasz-ri-it _e2-gal_ sza ba-hu-la-te _kur_-ia
727. u2-sza2-asz2-qa-a muh-ha-szi-in
728. _gesztin_ du-usz-szu-pu s,ur-ra-szi-in am-kir
729. a-na ar2-kat3 u4-me i-na _lugal-mesz dumu-mesz_-ia
730. sza {d}asz-szur a-na _re-e2-um_-ut _kur_ u3 _ug3-mesz_
731. i-nam-bu-u2 zi-kir-szu2
732. e-nu-ma _bad3_ sza2-a-tu
733. i-lab-bi-ru-ma en-na-hu
734. an-hu-us-su lu-ud-disz
735. _mu-sar_-e szi-t,ir szu-me-ia
736. li-mur-ma _i3-gesz_ lip-szu-usz
737. _{udu}siskur_ liq-qi2 a-na asz2-ri-szu2 li-ter
738. {d}asz-szur u3 {d}isz-tar
739. ik-ri-bi-szu2 i-szem-mu-u2

Version History

RINAP 3/1 Sennacherib 017, ex. 001
Click for archival page

Primary publication	RINAP 3/1 Sennacherib 017, ex. 001
Author(s)	Grayson, A. Kirk & Novotny, Jamie R.
Publication date	2012
Secondary publication(s)	CT 26, pl. 01-37
Collection	British Museum, London, UK
Museum no.	BM 103000
Accession no.	1909-03-13, 0001
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.11.05.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20110629 cdliadmin_bm
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz0029wq2n
Composite no.	Q003491
Seal no.
CDLI no.	P422273

Can you improve upon the content of this entry?
Please contact us!

(click on image to enlarge)

Prism

surface a

column 1
1. {disz}{d}en-zu-szesz-mesz-eri-ba _lugal gal_
2. _lugal_ dan-nu _lugal_ kisz-sza2-ti
3. _lugal kur_ asz-szur{ki} _lugal_ kib-rat _limmu2_-ti
4. _re-e2-um_ it-pe-szu mi-gir _dingir-mesz gal-mesz_
5. na-s,ir kit-ti ra-'i-im mi-sza2-ri
6. e-pisz u2-sa-a-ti a-lik tap-pu-ut
7. a-ki-i sa-hi-ru dam-qa-a-ti
8. et,-lum git2-ma-lum zi-ka-ru qar-du
9. a-sza2-red kal ma-al-ki rap-pu la-'i-it,
10. la ma-gi-ri mu-szab-ri-qu za-ma-a-ni
11. {d}asz-szur _kur_-u2 _gal_-u2 _lugal_-ut la sza2-na-an
12. u2-szat-li-ma-an-ni-ma _ugu_ gi-mir
13. a-szib pa-rak-ki u2-szar-ba-a _{gesz}tukul-mesz_-ia
14. ul-tu _a-ab-ba_ e-le-ni-ti
15. sza szul-mu {d}utu-szi a-di tam-tim szap-li-ti
16. sza s,i-it {d}utu-szi
17. gim-ri s,al-mat _sag-du_ u2-szak-nisz sze-pu-u2-a
18. u3 mal-ki szep-s,u-ti e-du-ru ta-ha-zi
19. da-ad2-me-szu2-un iz-zi-bu-ma
20. ki-ma su-tin-ni ni-gi-is,-s,i
21. e-disz ip-par-szu a-szar la 'a-a-ri
single ruling
22. i-na mah-re-e ger-ri-ia
23. sza {disz}{d}marduk-ibila-szum2-na _lugal_ {kur}kar2-{d}dun-ia2-asz3
24. a-di _erin2 hi-a_ elam-ma{ki} re-s,i-szu2
25. i-na ta-mir-ti kisz{ki} asz2-ta-kan _bad5-bad5_-szu2
26. i-na _muru2_ tam-ha-ri szu-a-tu
27. e-zib _karasz_-su e-disz ip-par-szid-ma
28. na-pisz-tusz e-t,i2-ir _{gesz}gigir-mesz ansze-kur-ra-mesz_
29. {gesz}s,u-um-bi _{ansze}kunga-mesz_
30. sza i-na qit-ru-ub ta-ha-zi
31. u2-masz-szi-ru ik-szu-da _szu-min_-a-a
32. a-na _e2-gal_-szu2 sza qe2-reb babila2{ki}
33. ha-disz e-ru-um-ma ap-te-e-ma _e2_ ni-s,ir-ti-szu2
34. _ku3-sig17 ku3-babbar_ u2-nu-ut _ku3-sig17 ku3-babbar na4_ a-qar-tu
35. mim-ma szum-szu2 _nig2-szu nig2-gur11_ la ni-bi ka-bit-tu _gun_
36. {munus}_ug3-mesz e2-gal_-szu2 _{lu2}tirum-mesz_ {lu2}man-za-az pa-ni
37. _{lu2}nar-mesz_ {munus}_nar-mesz_
38. si-hir-ti um-ma-a-ni ma-la ba-szu-u2
39. mut-tab-bi-lu-tu2 _e2-gal_-usz
40. u2-sze-s,a-am-ma szal-la-tisz am-nu
41. i-na e-muq {d}asz-szur _en_-ia 1(gesz2) 1(u) 5(disz) _iri-mesz_-szu2 dan-nu-ti
42. _e2 bad3-mesz_-ni sza {kur}kal-di
43. u3 4(disz) _me_ 2(u) _iri-mesz_-ni _tur-mesz_ sza li-me-ti-szu2-nu
44. al-me _kur_-ud asz2-lu-la szal-la-su-un
45. {lu2}ur2-bi {lu2}a-ra-mu {lu2}kal-du
46. sza qe2-reb unu{ki} nibru{ki} kisz{ki}
47. {iri}hur-sag-kalam-ma gu2-du8-a{ki} zimbir{ki}
48. a-di _dumu-mesz iri en_ hi-it,-t,i u2-sze-s,a-am-ma
49. szal-la-tisz am-nu
50. i-na ta-a-a-ar-ti-ia
51. {lu2}tu-'u-mu-na {lu2}ri-hi-hu
52. {lu2}ia-daq-qu {lu2}u2-bu-du
53. {lu2}gib-re-e {lu2}ma-la-hu
54. {lu2}gu-ru-mu {lu2}u2-bu-lu
55. {lu2}da-mu-nu {lu2}gam-bu-lum
56. {lu2}hi-in-da-ru {lu2}ru-'u-u-a
57. {lu2}pu-qu-du {lu2}ha-am-ra-a-nu
58. {lu2}ha-ga-ra-nu {lu2}na-ba-tu
59. {lu2}li-i'-ta-a-u2 {lu2}a-ra-mu
60. la kan-szu-ti mit-ha-risz ak-szud{ud}
61. 2(disz) _me_ 8(disz) _lim un-mesz tur gal nita_ u _munus ansze-kur-ra-mesz_
62. _{ansze}kunga-mesz ansze-mesz {ansze}gam-mal-mesz gu4-mesz_
63. u3 _u8-udu hi-a_ sza la ni-bi szal-la-tu
64. ka-bit-tu asz2-lu-la a-na qe2-reb _kur_ asz-szur{ki}
65. i-na me-ti-iq ger-ri-ia sza {disz}{d}muati-en-mu-mesz
66. {lu2}qi2-pi {iri}ha-ra-ra-te
67. _ku3-sig17 ku3-babbar_ {gesz}mu-suk-kan-ni _gal-mesz ansze-mesz_
68. _{ansze}gam-mal-mesz gu4-mesz_ u3 _u8-udu hi-a_
69. ta-mar-ta-szu2 ka-bit-tu am-hur
70. ba-hu-la-te {iri}hi-rim-me _{lu2}kur2_ ak-s,i
71. i-na _{gesz}tukul-mesz_ u2-szam-qit-ma e-du ul e-zib
72. pag-ri-szu2-un i-na ga-szi-szi a-lul-ma
73. si-hir-ti _iri_ u2-szal-me
74. na-gu-u2 szu-a-tu a-na esz-szu-ti as,-bat
75. 1(disz)-en _gu4_ 1(u) _udu-mesz_ 1(u) _ansze gesztin_ 2(u) _ansze zu2-lum-ma_
76. re-sze-te-szu2 a-na _dingir-mesz_-ni _kur_ asz-szur{ki}
77. _en-mesz_-ia u2-kin da3-ri-szam
single ruling
78. i-na 2(disz)-e ger-ri-ia {d}asz-szur be-li2 u2-tak-kil-an-ni-ma
79. a-na _kur_ {lu2}kasz-szi-i u3 _kur_ {lu2}ia-su-bi-gal-la-a-a
80. sza ul-tu ul-la a-na _lugal-mesz_-ni _ad-mesz_-ia
81. la kit-nu-szu lu al-lik
82. qe2-reb hur-sza2-a-ni zaq-ru-ti _a-sza3_ nam-ra-s,i
83. i-na _ansze-kur-ra_ ar-kab-ma _{gesz}gigir giri3-min_-ia
84. i-na ti-ik-ka-a-te u2-sza2-asz2-szi
85. asz2-ru szup-szu-qu i-na _giri3-min_-ia ri-ma-nisz at-tag-gisz
86. {iri}e2-{disz}ki-lam-za-ah {iri}ha-ar-disz-pi
87. {iri}e2-{disz}ku-bat-ti _iri-mesz_-szu2-nu
88. _e2 bad3-mesz_-ni dan-nu-ti al-me _kur_-ud
89. _ug3-mesz ansze-kur-ra-mesz {ansze}kunga-mesz_
90. _ansze-mesz gu4-mesz_ u3 _u8-udu hi-a_

column 2
1. ul-tu qer-bi-szu2-un u2#-sze#-s,a#-am#-ma# [...]
2. u3 _iri-mesz_-szu2-nu _tur-mesz_ sza ni-ba la# [...]
3. ap-pul aq-qur u2-sze-me kar#-[x]
4. _e2 edin_ kul-ta-ri mu-sza2-bi#-[x x]
5. ina {d}gesz-bar aq-mu-ma di-tal-lisz u2-[x x]
6. u2-ter-ma {iri}e2-{disz}ki-lam-za-ah szu#-[x x]
7. a-na bir-tu-ti as,-bat _ugu_ sza u4-me pa#-[x]
8. _bad3-mesz_-szu2 u2-dan-nin-[x]
9. _ug3-mesz kur-kur_ ki-szit-ti _szu-min_-ia#
10. i-na lib3-bi u2-sze-szib#
11. _ug3-mesz kur_ {lu2}kasz-szi-i
12. u3 _kur_ {lu2}ia-su-bi-gal-la-a-a
13. sza la-pa-an _{gesz}tukul-mesz_-ia ip-par-szid-du
14. ul-tu qe2-reb _kur_-i u2-sze-ri-dam-ma
15. i-na {iri}har-disz-pi {iri}e2-{disz}ku-bat-ti u2-szar#-me
16. i-na _szu-min_ {lu2}szu-ut _sag_-ia#
17. _{lu2}en-nam_ {iri}ar-rap-ha am-nu-szu2-nu-ti
18. _{na4}na-ru2-a_ u2-sze-pisz-ma
19. li-i-tum ki-szit-ti _szu-min_ sza _ugu_-szu2-un asz2-tak-ka-nu
20. s,e-ru-usz-szu2 u2-sza2-asz2-t,ir-ma i-na qer-bi _iri_ ul-ziz
21. pa-an ni-ri-ia u2-ter-ma
22. a-na {kur}el-li-pi as,-s,a-bat har-ra-nu
23. el-la-mu-u2-a {disz}is-pa-ba-a-ra _lugal_-szu2-un
24. _iri-mesz_-szu2 dan-nu-ti _e2_ ni-s,ir-ti-szu2
25. u2-masz-szir-ma a-na ru-qe2-e-te in-na-bit
26. gim-ri _kur_-szu2 _dagal_-tim _gin7 muru9_ as-hu-up
27. {iri}mar-u2-bisz-ti {iri}ak-ku-ud-du
28. _iri-mesz_-ni _e2 lugal_-ti-szu2 a-di 3(u) 4(disz) _iri-mesz tur-mesz_
29. sza li-me-ti-szu2-nu al-me _kur_-ud
30. ap-pul aq-qur ina {d}gesz-bar aq-mu
31. _ug3-mesz tur gal nita_ u _munus ansze-kur-ra-mesz_
32. _{ansze}kunga-mesz ansze-mesz {ansze}gam-mal-mesz gu4-mesz_
33. u3 _u8-udu hi-a_ a-na la mi-nam asz2-lu-lam-ma
34. a-di la ba-szi-i u2-sza2-lik-szu-ma
35. u2-s,a-ah-hi-ir _kur_-su
36. {iri}s,i-s,i-ir-tu {iri}ku-um-ma-ah-lum
37. _iri-mesz_ dan-nu-ti a-di _iri-mesz tur-mesz_
38. sza li-me-ti-szu2-nu {kur}e2-{disz}ba-ar-ru-u
39. na-gu-u2 a-na gi-mir-ti-szu2
40. ul-tu qe2-reb _kur_-szu2 ab-tuq-ma
41. _ugu_ mi-s,ir _kur_ asz-szur{ki} u2-rad-di
42. {iri}el-en-za-asz2 a-na _iri lugal_-u2-ti
43. u3 dan-na-at na-ge-e szu-a-tu as,-bat-ma
44. _mu_-szu2 mah-ra-a u2-nak-kir-ma
45. {iri}kar-{disz}{d}en-zu-szesz-mesz-eri-ba
46. at-ta-bi ni-bit-su
47. _ug3-mesz kur-mesz_ ki-szit-ti _szu-min_-ia i-na lib3-bi u2-sze-szib
48. i-na _szu-min_ {lu2}szu-ut _sag_-ia
49. _{lu2}en-nam_ {iri}har-har am-nu-ma
50. u2-rap-pisz ma-a-ti
51. i-na ta-a-a-ar-ti-ia
52. sza {kur}ma-da-a-a ru-qu-u2-te
53. sza i-na _lugal-mesz_-ni _ad-mesz_-ia
54. ma-am-man la isz-mu-u2 zi-kir _kur_-szu2-un
55. man-da-ta-szu2-nu ka-bit-tu am-hur
56. a-na ni-ri be-lu-ti-ia
57. u2-szak-ni-su-nu-ti
single ruling
58. i-na szal-szi ger-ri-ia a-na {kur}hat-ti lu al-lik
59. {disz}lu-li-i _lugal_ {iri}s,i-du-un-ni
60. pul-hi me-lam-me be-lu-ti-ia is-hu-pu-szu2-ma
61. a-na ru-uq-qi2 _muru2_ tam-tim in-na-bit-ma _kur_-szu2 e-mid
62. {iri}s,i-du-un-nu _gal_-u2 {iri}s,i-du-un-nu s,e-eh-ru
63. {iri}e2-zi-it-te {iri}s,a-ri-ip-tu
64. {iri}ma-hal-li-ba {iri}u2-szu-u2
65. {iri}ak-zi-bi {iri}ak-ku-u2
66. _iri-mesz_-szu2 dan-nu-ti _e2 bad3-mesz_ a-szar ri-i-ti
67. u3 masz-qi2-ti _e2_ tuk-la-ti-szu2
68. ra-szub-bat _{gesz}tukul_ {d}asz-szur _en_-ia
69. is-hu-pu-szu2-nu-ti-ma ik-nu-szu sze-pu-u2-a
70. {disz}tu-ba-a'-lu ina _{gesz}gu-za lugal_-u2-ti
71. _ugu_-szu2-un u2-sze-szib-ma
72. _gun_ man-da-at-tu be-lu-ti-ia
73. szat-ti-szam la ba-at,-lu
74. u2-kin s,e-ru-usz-szu2
75. sza {disz}mi-in-hi-im-mu {iri}sam-si-mu-ru-na-a-a
76. {disz}tu-ba-a'-lu {iri}s,i-du-un-na-a-a
77. {disz}ab-di-li-i'-ti {iri}a-ru-da-a-a
78. {disz}u2-ru-mil-ki {iri}gu-ub-la-a-a
79. {disz}mi-ti-in-ti {iri}as-du-da-a-a
80. {disz}bu-du-dingir {iri}{kur}e2-{disz}am-ma-na-a-a
81. {disz}kam-mu-su-na-ad-bi {kur}ma-'a-ba-a-a
82. {disz}{d}a-a-ram-mu {kur}u2-du-um-ma-a-a
83. _lugal-mesz_-ni _kur_ mar-tu{ki} ka-li-szu2-un
84. _igi-sa2_-e szad-lu-ti ta-mar-ta-szu2-nu ka-bit-tu
85. a-di 4(disz)-szu2 a-na mah-ri-ia isz-szu-nim-ma
86. isz-szi-qu _giri3-min_-ia
87. u3 {disz}s,i-id-qa-a _lugal_ {iri}is-qa-al-lu-na
88. sza la ik-nu-szu a-na ni-ri-ia
89. _dingir-mesz e2 ad_-szu sza2-a-szu _dam_-su _dumu-mesz_-szu2
90. _dumu-munus-mesz_-szu2 _szesz-mesz_-szu2 _numun e2 ad_-szu2
91. as-su-ha-am-ma a-na _kur_ asz-szur{ki} u2-rasz-szu
92. {disz}lugal-lu-da3-a-ri _dumu_ {disz}ru-kib-ti _lugal_-szu2-nu mah-ru-u
93. _ugu un-mesz_ {iri}is-qa-al-lu-na asz2-kun-ma
94. na-dan _gun_ kad3-re-e be-lu-ti-ia
95. e-mid-su-ma i-sza2-a-t,a ab-sza2-a-ni
96. i-na me-ti-iq ger-ri-ia {iri}e2-da-gan-na

column 3
1. {iri#}ia-ap-pu-u2 {iri}ba-na#-a-a-bar-qa#
2. {iri}a-zu-ru _iri-mesz_ sza# {disz}s,i-id-qa-a#
3. sza a-na _giri3-min_-ia ar2#-hisz la ik-nu-szu#
4. al-me _kur_-ud asz2-lu-la szal-la-su-un#
5. _{lu2}szagina-mesz {lu2}nun-mesz_ u3 _ug3-mesz#_
6. {iri}am-qar-ru-na sza {disz}pa-di-i _lugal_-szu2-nu
7. _en#_ a-de-e u3 ma-mit sza _kur_ asz-szur{ki}
8. bi#-re#-tu2# _an#-bar#_ id#-du#-ma# a#-na# {disz#}ha#-za#-qi#-a#-u2#
9. {kur}ia-u2-da-a-a id-di-nu-szu2 nak-risz
10. a-na an-zil-li i-pu-szu2 ip-lah3 _sza3_-szu2-un
11. _lugal-mesz_-ni {kur}mu-us,-ri _{lu2}erin2-mesz {gesz}pan {gesz}gigir-mesz_
12. _ansze-kur-ra-mesz_ sza _lugal_ {kur}me-luh-ha e-mu-qi2 la ni-bi
13. ik-te-ru-nim-ma il-li-ku re-s,u-us-su-un
14. i-na ta-mir-ti {iri}al-ta-qu-u2 el-la-mu-u-a
15. si-id-ru szit-ku-nu u2-sza2-'a-lu _{gesz}tukul-mesz_-szu2-un
16. i-na tukul-ti {d}asz-szur _en_-ia
17. it-ti-szu2-un am-da-hi-is,-ma asz2-ta-kan _bad5-bad5_-szu2-un
18. _{lu2}en {gesz}gigir-mesz_ u3# _dumu#-mesz# lugal#_ {kur#}mu#-s,u#-ra#-a#-a#
19. a-di _{lu2}en {gesz}gigir-mesz_ sza _lugal_ {kur}me-luh-ha
20. bal-t,u-su-un i-na _muru2_ tam-ha-ri
21. ik-szu-da _szu-min_-a-a {iri}al-ta-qu-u {iri}ta-am-na-a
22. al-me _kur_-ud asz2-lu-la szal-la-su-un
23. a-na {iri}am-qar-ru-na aq-rib-ma
24. _{lu2}szagina-mesz {lu2}nun-mesz_ sza hi-it,-t,u u2-szab-szu-u
25. a-duk-ma i-na di-ma-a-ti
26. si-hir-ti _iri_ a-lul pag-ri-szu2-un
27. _dumu-mesz iri_ e-pisz an-ni u3 gil2-la-ti
28. a-na szal-la-ti am-nu
29. si-it-tu-te-szu2-nu la ba-bil hi-t,i-ti
30. u3 gul-lul-ti
31. sza a-ra-an-szu2-nu la ib-szu-u2
32. usz-szur-szu2-un aq-bi
33. {disz}pa-di-i _lugal_-szu2-nu
34. ul-tu qe2-reb {iri}ur-sa-li-im-ma
35. u2-sze-s,a-am-ma ina _{gesz}gu-za_ be-lu-ti
36. _ugu_-szu2-un u2-sze-szib-ma man-da-at-tu
37. be-lu-ti-ia u2-kin s,e-ru-usz-szu2
38. u3 {disz}ha-za-qi-a-u2 {kur}ia-u2-da-a-a
39. sza la ik-nu-szu a-na ni-ri-ia
40. 4(u) 6(disz) _iri-mesz_-szu2 _e2 bad3-mesz_-ni# dan-nu-ti
41. u3 _iri-mesz tur-mesz_ sza li-me-ti-szu2-nu
42. sza ni-ba la i-szu-u2
43. i-na szuk-bu-us a-ram-me
44. u3 qit-ru-ub szu-pe-e
45. mit-hu-us, zu-uk _giri3-min_ pil-szi nik-si
46. u3 kal-ban-na-te al-me _kur_-ud
47. 2(disz) _me lim_ 1(disz) _me_ 5(u) _ug3-mesz tur gal_
48. _nita_ u _munus ansze-kur-ra-mesz {ansze}kunga-mesz_
49. _ansze-mesz {ansze}gam-mal-mesz gu4-mesz_
50. u3 _u8-udu hi-a_ sza la ni-bi ul-tu qer-bi-szu2-un
51. u2-sze-s,a-am-ma szal-la-tisz am-nu
52. sza2-a-szu2 _gin7 muszen_ qu-up-pi qe2-reb
53. {iri}ur-sa-li-im-ma _iri lugal_-ti-szu2 e-sir2-szu
54. {iri}hal-s,u-_mesz_ ugu_-szu2 u2-rak-kis-ma
55. a-s,e-e _ka2-gal iri_-szu2
56. u2-ter-ra ik-ki-bu-usz
57. _iri-mesz_-szu2 sza asz2-lu-la
58. ul-tu qe2-reb _kur_-szu2 ab-tuq-ma
59. a-na {disz}mi-ti-in-ti _lugal_ {iri}as-du-di
60. {disz}pa-di-i _lugal_ {iri}am-qar-ru-na
61. u3 {disz}gissu-en _lugal_ {iri}ha-zi-ti
62. ad-din-ma u2-s,a-ah-hi-ir _kur_-su
63. e-li _gun_ mah-ri-ti na-da-an szat-ti-szu2-un
64. man-da-at-tu kad3-re-e be-lu-ti-ia
65. u2-rad-di-ma u2-kin s,e-ru-usz-szu2-un
66. szu-u2 {disz}ha-za-qi-a-u2 pul-hi me-lam-me
67. be-lu-ti-ia is-hu-pu-szu2-ma
68. {lu2}ur2-bi u3 _{lu2}erin2-mesz_-szu2 _saga-mesz_
69. sza a-na dun-nu-un {iri}ur-sa-li-im-mu
70. _iri lugal_-ti-szu2 u2-sze-ri-bu-ma ir-szu2-u2 til-la-a-te
71. it-ti 3(u) _gun ku3-sig17_ 8(disz) _me gun ku3-babbar_
72. ni-siq-ti gu-uh-li tak2-kas3-si _{na4}an-za-gul-me gal-mesz_
73. _{gesz}na2-mesz zu2 {gesz}gu-za-mesz_ ne2-me-di _zu2_
74. _kusz am-si zu2 am-si {gesz}esi {gesz}tug2_
75. mim-ma szum-szu2 ni-s,ir-tu ka-bit-tu
76. u3 _dumu-munus-mesz_-szu2 {munus}_ug3-mesz e2-gal_-szu2
77. _{lu2}nar-mesz_ {munus}_nar-mesz_
78. a-na qe2-reb nina{ki} _iri_ be-lu-ti-ia
79. _egir_-ia u2-sze-bi-lam-ma
80. a-na na-dan man-da-at-ti
81. u3 e-pesz _ARAD2_-u2-ti isz-pu-ra rak-bu-szu2
single ruling
82. i-na 4(disz)-e ger-ri-ia {d}asz-szur be-li2 u2-tak-kil-an-ni-ma
83. um-ma-na-te-ia gap-sza2-a-te ad-ke-ma
84. a-na {kur}e2-{disz}ia-kin7 a-la-ku aq-bi
85. i-na me-ti-iq ger-ri-ia
86. sza {disz}szu-zu-bi {lu2}kal-da3-a-a
87. a-szib qe2-reb {i7}a-gam-me
88. ina {iri}bi-it-tu-u2-tu asz2-ta-kan _bad5-bad5_-szu2
89. szu-u2 hur-ba-szu ta-ha-zi-ia _ugu_-szu2 im-qut-ma
90. it-ru-ku _sza3_-szu2 ki-ma az-za-ri e-disz ip-par-szid-ma
91. ul in-na-mir a-szar-szu
92. pa-an ni-ri-ia u2-ter-ma
93. a-na {kur}e2-{disz}ia-kin7 as,-s,a-bat har-ra-nu
94. szu-u2 {disz}{d}marduk-ibila-szum2-na
95. sza ina a-lak _kaskal_-ia mah-re-e

column 4
1. [...]-su#
2. [...]-nu#-ti#
3. [...] e#-dur#-ma#
4. [...]-ra#-aq-qi2#
5. [...]-risz# ip-pa-risz#
6. [...]-szi#-ru a-hi tam#-tim#
7. [_...]-mesz# kur_-szu2
8. [...] {i7#}a-gam-me
9. [...]-ma# szal-la-tisz am-nu
10. [...]-pul# aq#-qur u2-sze-me kar-mesz
11. _ugu en_ sa#-[...] _lugal#_ {kur}elam-ma{ki}
12. na-mur-ra-tu# at-bu-uk
13. i-na ta-a#-a#-ar#-ti#-ia# {disz}asz-szur-na-din-_mu_
14. _dumu_ resz-tu-u2 tar-bit bir-ki-ia
15. i-na _{gesz}gu-za_ be-lu-ti-szu2 u2-sze-szib-ma
16. _dagal#_-tum# _kur eme-gi7_ u3# uri{ki}
17. u2-szad-gil pa-nu#-usz-szu2
single ruling
18. i-na 5(disz) ger-ri-ia# ba#-hu-la-te {iri}tu-mur-ri
19. {iri}sza2-a-ru-um {iri}e-za-a-ma# {iri}kib-szu2
20. {iri}hal-bu-da {iri}qu-u2#-a# {iri}qa-na
21. sza _gin7_ qin-ni _ti8_{muszen} a#-sza2#-red# _muszen hi-a_
22. s,e-er zuq-ti {kur}ni-pur# [x]-i# mar-s,i
23. szu-bat-su-un szit-ku-na-at#-[x]-la# kit-nu-szu
24. a-na ni-i-ri i-na _giri3-min_ {kur}ni-pur# [x]-ra#-szi u2-sza2-asz2-kin-ma
25. it-ti {lu2}qur-bu-ti _giri3-min_-ia# na#-as2-qu-ti
26. u3 _{lu2}erin2-mesz_ ta-ha-zi-ia# [x] ga-me-lu-ti
27. a-na-ku _gin7 am_ ek-di pa-nu#-[x x]-un as,-bat
28. hur-ri na-hal-li na-at-ba-ki# [x x] me-le-e
29. mar-s,u-ti i-na _{gesz}gu-za#_ asz2#-[x x]-di-ih#
30. a-szar a-na _{gesz}gu-za_ szup#-[x x]
31. i-na _giri3-min_-ia asz2-tah-hi-t,am ki#-[...]
32. a-na zuq-ti sza2-qu-u2-ti s,e-ru-usz#-[...]
33. a-szar bir-ka-a-a ma-na-ah-tu [...]
34. s,e-er _na4 kur_-i u2-szib-ma _a-mesz_ {kusz#}[...]
35. ka-s,u-ti a-na s,u-me-ia lu# [x x]
36. i-na _szu-si-mesz_ hur-sza2-a-ni ar-de-[...]
37. asz2-ta-kan tah-ta-szu2-un _iri-mesz_-szu2-nu _kur#_-[x x]
38. asz2-lu-la szal-la-su-un ap-pu-ul aq-qur ina {d}gesz-bar aq#-[x]
39. pa-an ni-ri-ia u2-ter-ma s,e-er {disz}ma-ni-ia-e#
40. _lugal_ {iri}uk-ki szad-da-a-a-e la kan-sze as,-s,a-bat har-ra#-nu
41. ur-hi la pe-tu-ti t,u-di pa-asz2-qu-ti
42. sza la-pa-an _kur-mesz_ mar-s,u-ti
43. ul-la-nu-u2-a qe2-reb-szu2-un ma-am-man
44. la il-li-ku _lugal-mesz_ pa-ni mah-ru-ti
45. i-na _giri3-min_ {kur}a-na-ra u3 {kur}up-pa _kur-mesz_
46. dan-nu-ti ka-ra-szi u2-sza2-asz2-kin-ma
47. a-na-ku i-na _{gesz}gu-za_ ne2-me-di it-ti _erin2-mesz_
48. ta-ha-zi-ia git2-ma-lu-ti
49. i-na ne-re-bi-szu2-un pi-qu-ti
50. szu-nu-hi-isz e-ru-um-ma mar-s,i-isz e-te-el-la-a
51. _szu-si-mesz kur-mesz_ pa-asz2-qa-a-ti
52. szu-u2 {disz}ma-ni-ia-e tur-bu-u'
53. _giri3-min erim-hi-<a>_-ia e-mur-ma {iri}uk-ku _iri lugal_-ti-szu2
54. e-zib-ma a-na ru-qe2-e-ti in-na-bit
55. {iri}uk-ku al-me _kur_-ud asz2-lu-la szal-la-su
56. mim-ma szum-szu2 _nig2-szu nig2-gur11_ ni-s,ir-ti _e2-gal_-szu2
57. ul-tu qer-bi-szu u2-sze-s,a-am-ma szal-la-tisz am-nu
58. u3 3(u) 5(disz) _iri-mesz_ sza pa-a-t,i li-me-ti-szu2
59. ak-szud{ud}-ma _ug3-mesz gu4-mesz_ u3 s,e-e-ni
60. _ansze-mesz_ asz2-lu-la ap-pu-ul aq-qur ina {d}gesz-bar aq-mu
single ruling
61. i-na li-mu {disz}szul3-mu-_en {lu2}gar-kur_ {iri}tal-mu-si
62. {disz}ki-ru-a _{lu2}en-iri_ sza {iri}il-lu-ub-ri
63. _{lu2}ARAD2_ da-gil2 pa-ni-ia sza iz-zi-bu-szu _dingir-mesz_-szu2
64. ba-hu-la-te {iri}hi-lak-ki
65. usz-bal-kit-ma ik-s,u-ra ta-ha-zu
66. _ug3-mesz_ a-szi-bu-ut {iri}in-gi-ra-a u {iri}tar-zi
67. i-da-a-szu2 is-hu-ru-ma ger-ri {kur}qu-e
68. is,-ba-tu ip-ru-su a-lak-tu
69. _{lu2}erin2-mesz {gesz}pan_ na-szi tuk-szi u3 az-ma-re-e
70. _{gesz}gigir-mesz ansze-kur-ra-mesz_ ki-s,ir _lugal_-ti-ia
71. u2-ma-'e-er s,e-ru-usz-szu2-un
72. sza ba-hu-la-te {iri}hi-lak-ki
73. sza i-da-a-szu2 is-hu-ru
74. i-na qe2-reb _kur_-i mar-s,i isz-ku-nu tah-ta-szu2-un
75. {iri}in-gi-ra-a {iri}ta-ar-zu ik-szu-du-ma
76. isz-lu-lu szal-la-su-un
77. sza2-a-szu2 qe2-reb {iri}il-lu-ub-ri _iri_ dan-nu-ti-szu2
78. ni-tum il-mu-szu-ma is,-ba-tu mu-s,u-szu
79. i-na qur-ru-ub szu-pe-e nim-gal-li _bad3_
80. u3 kal-ban-na-te mit-hu-s,u zu-uk _giri3-min_
81. dab2-da-a-szu2 isz-ku-nu-ma is,-ba-tu _iri_
82. {disz}ki-ru-a _{lu2}en-iri_ a-di szal-lat _iri-mesz_-szu2
83. u3 _ug3-mesz_ {iri}hi-lak-ki sza i-da-a-szu2
84. is-hu-ru a-di _ansze-mesz gu4-mesz_ u3 s,e-e-ni
85. a-na {iri}ni-na-a a-di mah-ri-ia ub-lu-ni
86. sza {disz}ki-ru-a ma-szak-szu2 a-ku-us,
87. u2-ter-ma {iri}il-lu-ub-ru a-na esz-szu-te as,-bat
88. _ug3-mesz kur-kur_ ki-szit-ti _szu-min_-ia i-na lib3-bi u2-sze-szib
89. _{gesz}tukul_ {d}asz-szur _en_-ia qe2-reb-szu2 u2-szar-me
90. _{na4}na-ru2-a_-a sza _{na4}gesz-nu11-gal_ u2-sze-pisz-ma
91. ma-har-szu ul-zi-iz

column 5
single ruling
1. i#-na li-mu {disz}asz-szur-_en-pap {lu2}gar#_ [...]
2. a#-na {iri}du6-ga-ri#-[x x]
3. a-lum sza pa-a-t,i {kur}ta#-[x x]
4. sza {disz}gur2-di-i _lugal_ {iri#}ur#-[x x]
5. ir-ku#-su _{gesz}tukul-mesz#_-[x]
6. as-su-uk-ma _{lu2}erin2-mesz {gesz}pan_ na-szi# [x x]
7. u3# az#-ma-re-e _{gesz}gigir-mesz ansze-kur#-[x_ x]
8. ki#-s,ir# _lugal_-ti#-ia u2-ma-'e-er# [...]
9. _iri_ szu#-a#-tum# ni#-i-tum il#-[x x]
10. i#-na# szi#-pik# e#-pe#-ri# u3# qur#-ru-ub# [...]
11. mit-hu-us,# [...] is,#-ba#-[x x]
12. _ug3-mesz_ a-di# [...]
13. _iri_ szu-a#-[...]
14. a-na _du6#_ [...]
15. i-na szal#-[...]
16. 3(u) _lim_ [...]-ri-[x]
17. i#-na# [...]-s,ur-ma#
18. _ugu#_ [...] u2#-rad-di#
19. [...] ka-bit-tu
20. [...] _en#-nam-mesz_-ia
21. [...] _gal-mesz#_
22. [...] u2#-za-'i-iz#
single ruling
23. [...]-zu# s,i-i-ru#
24. [...] {d#}isz-tar#
25. [...]-e# _dingir-mesz#_
26. [...]-szu-u2 qe2-reb#-szu2
27. [...] du#-ru-usz s,a-a-ti#
28. [...] it#-ti szi-t,ir bu-ru-um-me
29. [...]-u2 s,i-in-du-szu2
30. [...] szu-bat pi-risz-ti
31. [...] szi#-pir ni-kil-ti
32. [...] ni#-s,ir-ti lal3-gar
33. [...] qe2-reb-szu2
34. [...]-la# _lugal-mesz_-ni
35. [x x]-kut# mah#-ri _ad-mesz_-ia
36. [x]-la#-nu-u2-a be-lu-ut _kur_ asz-szur{ki} e-pu-szu2-ma
37. u2#-ma-'e-ru ba-'u-lat {d}en-lil2
38. a-a-um-ma i-na lib3-bi-szu2-nu a-na szum-dul6 szu-bat _iri_
39. e-pesz _bad3_ szu-te-szur su-qa-a-ni
40. u3 ha-re-e _i7_ za-qa-ap s,ip-pa-a-ti
41. u2-zu-un-szu ul ib-szi-ma
42. ul usz-ta-bil ka-ras-su
43. a-na _e2-gal_ qer-bi-szu2 kum2-mu ri-mit be-lu-te
44. sza s,u-uh-hu-rat szu-bat-sa
45. e-pisz-tasz la nak-lat-ma
46. le-e-su ul id-da-a
47. lib-bu-usz ul ih-su-us
48. ia-a-ti {disz}{d}en-zu-szesz-mesz-eri-ba
49. _lugal_ kisz-sza2-ti _lugal kur_ asz-szur{ki}
50. e-pesz szip-ri szu-a-tu ki-i t,e3-em _dingir-mesz_
51. i-na uz-ni-ia ib-szi-ma ka-bat-ti ub-lam-ma
52. te-ne-szet {kur}kal-di {lu2}a-ra-me {kur}man-na-a-a
53. {kur}qu-e u3 {kur}hi-lak-ku {kur}pi-lisz-ti u3 {kur}s,ur-ri
54. sza a-na ni-ri-ia la ik-nu-szu
55. as-su-ha-am-ma tup-szik-ku u2-sza2-asz2-szi-szu2-nu-ti-ma
56. il-bi-nu _sig4 e2-gal_ mah-ri-tu
57. sza 3(disz) _me_ 1(gesz2) ina 1(disz) _kusz3 us2_
58. 1(gesz2) 3(u) 5(disz) ina 1(disz) _kusz3 sag-ki_
59. ma-ra-ku szit-ku-na-at-ma
60. s,u-uh-hu-rat szu-bat-sa
61. sza _lugal-mesz_-ni a-li-kut mah-ri _ad-mesz_-ia
62. a-na ri-mit be-lu-ti-szu2-un u2-sze-pi-szu-ma
63. la u2-nak-ki-lu szi-pir-sza2
64. _{d}alad-{d}lamma-mesz_ sza {na4}pi-i-li pe-s,e-e
65. i-na {iri}ta-as-ti-a-te sza e-ber-tan {i7}idigna
66. ib-tu-qu a-na mu-kil _ka2-mesz_-szi-in
67. a-na szu-pu-usz _{gesz}ma2-mesz_
68. qe2-reb _{gesz}tir-mesz gesz-mesz gal-mesz_
69. u2-qe2-ru i-na nap-har _kur_-szu2-un
70. i-na {iti}gu4 u4-mu a-dan-ni e-de-e pa-an szat-ti
71. i-na _{gesz}ma2-mesz_ s,i-ra-a-te
72. a-na a-ha-an-na-a u2-szeb-bi-ru-ni mar-s,i-isz
73. i-na ne2-ber ka-a-ri _{gesz}ma2-gu-la-mesz_
74. u2-t,e-eb-bu-u2 ba-hu-la-te-szu2-un
75. u2-sza2-ni-hu u2-lam-me-nu ka-ras-si-in
76. i-na da-na-ni u3 szup-szu-qi
77. mar-s,i-isz u2-bi-lu-nim-ma
78. u2-sza2-as,-bi-tu _ka2-mesz_-szi-in
79. {i7}te-bil-ti a-gu-u2 szit-mu-ru
80. sza ul-tu _ud-mesz su3-mesz_
81. t,e-eh _e2-gal_ i-ba-'u-u2-ma
82. i-na _illu_-sza2 gap-szi i-na usz-szi-sza2
83. ab-bu u2-szab-szu-u2 u2-ri-ib-bu tem-me-en-sza2
84. _e2-gal-tur-ra_ sza2-a-tu a-na si-hir-ti-sza2 aq-qur
85. sza {i7}te-bil-ti ma-lak-sza2
86. ul-tu qa-bal-ti _iri_ ap-ru-us-ma
87. i-na ta-mir-ti ku-tal _iri_ u2-sze-szir mu-s,u-sza2
88. i-na 1/2(iku) _GAN2_ ma-lak _a-mesz_ 4(disz) {na4}pi-i-li _gal-mesz_
89. it-ti _esir-ud-a_ ak-si-ma _gi-mesz_ a-pe
90. u3 ku-pe-e u2-szat-ri-s,a _ugu_-szu2-un
91. 3(disz) _me_ 4(u) ina 1(disz) _kusz3 us2_

column 6
1. [x] _me_ 1(gesz2) 2(u) 9(disz) ina 1(disz) _kusz3 sag-ki_
2. qaq#-qa-ru ul-tu qe2-reb {i7}hu-su-ur
3. u3# ta-mir-ti _iri_
4. ki#-ma a-tar-tim#-ma# lu as,-ba-ta s,e-er me-szi-ih-ti
5. tam#-li-i mah#-re-e lu u2-rad-di-ma
6. a#-na si-hir-ti-szu2 ina 1(disz) _me_ 1(gesz2) 3(u) ti-ib-ki ul-la-a re-szi-szu2
7. la#-ba-risz _u4-mesz_ i-na _illu_ kisz-sza2-ti
8. tem#-me-en tam-li-i la e-ne2-szi
9. {na4#}pi-i-li _gal-mesz_ ki-su-u2-szu
10. u2#-sza2#-as-hi-ra u2-dan-nin szu-pu-uk-szu
11. a#-na# 7(disz)# _me_ i-na _as4-lum gal_-ti _usz_
12. u3# 4(disz) _me_ 4(u) ina _as4-lum gal_-ti _sag-ki_
13. szi#-kit-ti _e2-gal_ u2-ter-ma
14. szu-bat-sa usz-rab-bi _e2-gal-mesz ku3-sig17 ku3-babbar_
15. _zabar {na4}an-za-gul-me {na4}dur2-mi-na-banda3{da}_
16. _{na4}gesz-nu11-gal zu2 am-si {gesz}esi {gesz}tug2_
17. _{gesz}mes-ma2-kan-na {gesz}eren {gesz}szur-min3_
18. {szim}_li_ {gesz}e-lam-ma-ku {gesz}si-in-da-a
19. a-na mu-szab be-lu-ti-ia
20. ab-ni-ma _e2_ mu-ter-re-te
21. tam-szil _e2-gal_ {kur}ha-at-ti
22. me2-eh-ret ba-ba-a-ti u2-sze-pisz
23. _gesz-ur3-mesz_ {gesz}ere-ni _{gesz}szur-min3_
24. sza e-ri-su-un t,a-a-bu bi-nu-ut {kur}ha-ma-nim
25. u3 {kur}si-ra-ra _kur-mesz ku3-mesz_
26. u2-szat-ri-s,a e-li-szin
27. _{gesz}ig-mesz_ {gesz}ere-ni _{gesz}szur-min3 szim-li_
28. {gesz}si-in-da-a me-ser _ki-sag uruda_
29. u2-rak-kis-ma u2-rat-ta-a ba-bi-szin
30. i-na ba-rak-ki sza qe2-reb {e2}_pa-pah-mesz_
31. ap-ti bi-ir-ri u2-pat-ta-a
32. _{munus}{d}lamma-mesz {na4}gesz-nu11-gal zu2 am-si_
33. sza il-lu-ru na-sza2-a kit-mu-sa rit-ta-szin
34. bal-tu ku-uz-bu hi-it-lu-pa lu-le-e
35. ma-la-a i-na _ka2-mesz_-szin ul-ziz-ma
36. a-na tab-ra-a-te u2-sza2-lik
37. s,u-lul ta-ra-a-ni sza qe2-reb ba-rak-ka-a-ni
38. e-t,u-su-un u2-szah-la-a
39. u4-mi3-isz usz-nam-mir
40. sik-kat3 kar-ri kas-pi u3 _uruda_
41. qe2-reb-szin u2-szal-me
42. i-na _sig4-al-ur3-ra {na4}zu2 {na4}za-gin3_
43. us-si-ma se-el-lum ne2-be2-hi
44. u3 gi-mir pa-asz2-qi2-szi-in
45. asz2-szu2 szip-ri _e2-gal_-ia szu-te-szu-ri
46. u3 li-pit _szu-min_-ia szul-lu-me
47. i-na u4-me-szu-ma {d}asz-szur u3 {d}isz-tar
48. ra-'i-i-mu _{lu2}sanga_-ti-ia
49. na-bu-u2 _mu_-ia gesz-mah-hi {gesz}ere-ni
50. sza ul-tu _ud-mesz su3-mesz_ i-szi-hu-ma
51. ik-bi-ru ma-gal i-na qe2-reb {kur}si-ra-ra
52. _kur-mesz_ ina pu-uz-ri na-an-zu-zu
53. u2-szak-li-mu-in-ni s,i-i-su-un
54. sza _{na4}gesz-nu11-gal_ sza i-na tar-s,i _lugal-mesz_-ni
55. _ad-mesz_-ia a-na kar-ri nam-s,a-ri szu-qu-ru
56. i-na sa-pan {kur}am-ma-na-na u2-szap-tu-ni pa-ni-szu2
57. u3 _{na4}dur2-mi-na-banda3{da}_ ma-la {dug}bur-zi-gal-li
58. sza la in-nam-ru ma-ti-ma
59. ina {iri}kap-ri-da-ar-gi-la-a
60. sza pa-a-t,i {iri}du6-bar-si-ip
61. u2-kal-lim ra-ma-nu-usz
62. i-te-e nina{ki} ina er-s,e-ti {iri}ba-la-t,a-a-a
63. ki-i t,e3-em _dingir_-ma {na4}pi-i-lu pe-s,u-u
64. a-na mu-'u-de-e in-na-mir-ma
65. _{d}alad-{d}lamma-mesz_ u3 s,a-lam mesz-re-ti _{na4}gesz-nu11-gal_
66. sza i-na 1(disz)-en _na4_ ib-ba-nu-u2 mi-na-a-te szuk-lu-lu
67. i-na ki-gal-li ram-ni-szu2-nu
68. sza2-qisz na-an-zu-zu
69. _{munus}ab2-za-za_-a-te _{na4}gesz-nu11-gal_
70. sza zi-me nu-us-su-qa
71. _gin7_ u4-me na-par-di-i nu-um-mu-ru zu-mur-szin
72. _kun4-mesz {na4}dur2-mi-na-banda3{da} mah-mesz_
73. ab-ni ki-lal-la-an i-na szad-di-szu2-un ab-tuq-ma
74. a-na szip-ri _e2-gal_-ia
75. u2-szal-di-da qe2-reb {iri}ni-na-a
76. _{d}alad-{d}lamma-mesz_ u3 _{munus}ab2-za-za_-a-te
77. {na4}pi-i-li pe-s,e-e i-na lip-ta-at {d}nin-kur-ra
78. i-na er-s,e-et {iri}ba-la-t,a-a-a
79. u2-sza2-a'-lid-ma u2-szak-li-la gat-ta-szu2-un
80. sza ul-tu ul-la _lugal-mesz_-ni _ad-mesz_-ia
81. s,a-lam _uruda_ tam-szil gat-ti-szu2-un
82. a-na szu-zu-zi qe2-reb _e2-kur-mesz_
83. ib-nu-ma i-na e-pisz-ti-szu2-nu
84. u2-sza2-ni-hu gi-mir _dumu_ um-ma-a-ni
85. i-na la bi-szit uz-ni la ha-sa-as a-ma-te
86. a-na szip-ri hi-szih-ti-szu2-nu
87. _i3-gesz_ isz-ku-ru na-al-ba-asz2 s,e-e-ni
88. u2-qe2-ru qe2-reb _kur-mesz_-szu2-un
89. ia-a-ti {disz}{d}en-zu-szesz-mesz-eri-ba
90. a-sza2-red kal mal-ki mu-de-e szip-ri
91. ka-la-ma tim-me _uruda gal-mesz_
92. ur-mah-hi pe-tan bir-ki sza ma-nam-ma
93. la ip-ti-qu _lugal_ pa-ni mah-ri-ia

column 7
1. i-na uz-ni ni-kil-ti
2. sza u2-szat-li-ma ru-bu-u2 {d}nin-szi-ku3
3. i-na szi-tul-ti ram-ni-ia
4. a-na e-pesz szip-ri szu-a-tu
5. ra-bisz am-tal-lik-ma ina mi3-lik t,e3-me-ia
6. u3 me-resz ka-bat-ti-ia
7. pi-ti-iq _uruda_ u2-ba-asz2-szim-ma
8. u2-nak-ki-la nik-la2-su
9. sza gesz-mah-hi u3 a-la-mit-ta
10. _gesz_ mesz-re-e 1(u) 2(disz) _ur-mah-mesz_ ne2-'i-ru-ti
11. a-di 1(u) 2(disz) _{d}alad-{d}lamma-mesz_
12. _mah-mesz_ sza szuk-lu-lu nab-ni-tu
13. 2(u) 2(disz) _{munus}ab2-za-za_-a-te sza ku-uz-ba
14. ul-s,u hi-it-lu-pa bal-tu la-la-a
15. kum2-mu-ru s,e-ru-usz-szin
16. ki-i t,e3-em _dingir_-ma zi-i'-pi t,i-it,-t,i
17. ab-ni-ma e-ra-a qe2-reb-szu2 asz2-tap-pa-ka
18. ki-i pi-ti-iq 1/2(disz) _gin2-ta-am3_
19. u2-szak-li-la nab-ni-su-un
20. _{d}alad-{d}lamma-mesz_ nab-nit _uruda_
21. sza 2(disz) ina lib3-bi za-ha-lu-u lit-bu-szu2
22. _{d}alad-{d}lamma-mesz {na4}gesz-nu11-gal_
23. a-di _{d}alad-{d}lamma-mesz_ u3 _{munus}ab2-za-za_-a-te
24. {na4}pi-i-li pe-s,e-e sza _e2-gal-mesz_-ia
25. u2-sza2-as,-bi-ta _si-gar_-szi-in
26. tim-me _uruda mah-mesz_ a-di tim-me {gesz}ere-ni
27. _gal-mesz_ bi-ib-lat {kur}ha-ma-nim
28. me-ser _uruda_ u3 _an-na_ u2-rak-kis-ma
29. s,e-er pirig-gal-le-e ul-ziz-ma
30. dap2-pi ku-lul _ka2-mesz_-szin e-mid
31. _{munus}ab2-za-za_-a-te _{na4}gesz-nu11-gal_
32. a-di _{munus}ab2-za-za_-a-te pi-ti-iq u2-ru-de-e
33. sza2 za-ha-lu-u lit-bu-sza2 u3 _{munus}ab2-za-za_-a-te
34. pi-ti-iq _gu-an-na_
35. sza nu-um-mu-ru gat-ta-szi-in
36. {gesz}tim-me _{gesz}esi {gesz}szur-min3_ {gesz}ere-ni {gesz}dup-ra-ni
37. _szim-li_ u3 {gesz}si-in-da-a ih-ze-et pa-szal-li
38. u3 kas-pi s,e-ru-usz-szin ul-ziz-ma
39. sza kum2-me mu-szab be-lu-ti-ia
40. e-mid _{gesz}gan-du7-mesz_-szu2-un
41. _kun4-mesz {na4}dur2-mi-na-banda3{da} {na4}gesz-nu11-gal_
42. u3 _kun4-mesz_ {na4}pi-i-li _gal-mesz_
43. a-sur-ru-szin u2-sza2-as-hi-ra
44. a-na tab-ra-a-te u2-sza2-lik
45. asz2-szu2 u4-me-szam-ma _a-mesz_ di-lu-ti
46. da-lum eb-li gu-has,-s,a-a-te _zabar_
47. u har-ha-ri _zabar_ u2-sze-pisz-ma
48. ki-mu-u2 ma-ka-a-te gesz-mah-hi u3 a-la-mit-ta _uruda_
49. s,e-er _pu2-mesz_ usz-ziz _e2-gal-mesz_ sza2-ti-na u2-sza2-lik as-mi3-isz
50. si-hir-ti _e2-gal_ a-na tab-rat kisz-szat _ug3-mesz_
51. ul-la-a re-szi-sza2 _e2-gal_ sza2-ni-na la i-szu-u
52. ni-bit-sa az-kur
53. _{gesz}kiri6-mah_-hu tam-szil {kur}ha-ma-nim
54. sza gi-mir _szim hi-a gurun_ s,ip-pa-a-te
55. _gesz-mesz_ tuk-lat _kur_-i u3 {kur}kal-di
56. a-di _gesz-mesz_ na-asz2 _siki hi-a_
57. qe2-reb-szu2 hur-ru-szu i-ta-a-sza2 az-qu-up
58. nina{ki} sza ul-tu u4-me pa-ni
59. 9(disz) _lim_ 3(disz) _me_ ina 1(disz) _kusz3_ szu-bat li-me-ti-szu2
60. _bad3_ u3 _bad3-szul-hi_ ul u2-sze-pi-szu2
61. a-li-kut mah-ri ma-al-ki
62. 1(u) 2(disz) _lim_ 5(disz) _me_ 1(u) 5(disz) a-szar ta-mir-ti li-mit _iri_
63. s,e-er me-szi-ih-te mah-ri-ti u2-rad-di-ma
64. 2(u) 1(disz) _lim_ 8(disz) _me_ 1(u) 5(disz) ina _as4-lum gal_-ti u2-kin min3-da-tusz
65. sza _bad3_-szu2 _gal_-i bad3-ni2-gal-bi-lu2-kur2-ra-szu2-szu2
66. du-u2-ru sza nam-ri-ru-szu na-ki-ri sah-pu
67. s,e-er {na4}pi-i-li tem-me-en-szu2 ad-di-ma
68. 4(u) _sig4_ u2-kab-bir
69. i-na 1(disz) _me_ 1(gesz2) 2(u) ti-ib-ki ul-la-a re-szi-szu
70. a-na er-bet-ti sza2-a-ri 1(u) 5(disz) _ka2-gal-mesz_
71. pa-nu u3 ar-ka i-na s,i-li ki-lal-la-an
72. a-na e-re-bi u3 a-s,e-e
73. u2-szap-ta-a qe2-reb-szu2
74. li-bur _ensi2_ {d}asz-szur _ka2-gal_ {d}asz-szur sza {iri}sza3-iri_
75. sa-pi-in gi-mir na-ki-ri
76. _ka2-gal_ {disz}{d}en-zu-szesz-mesz-eri-ba sza {kur}hal-zi
77. {d}en-lil2 mu-kin _bala_-ia _ka2-gal_ {d}utu sza {kur}ga-gal
78. sza {disz}{d}en-zu-szesz-mesz-eri-ba it-ti man-zal-ti e-req-qi
79. kin-ni _bala_-szu2 _ka2-gal_ {d}nin-lil2 sza {iri}kar-{d}nin-lil2
80. mu-sze-s,a-at _uzu azag2 ka2-gal_ musz-la-lum
81. du-muq asz2-na-an u3 {d}lahar qe2-reb-sza2 ka-a-a-an
82. _ka2-gal_ {iri}szi-ba-ni-ba
83. ba-bi-lat hi-s,ib hur-sza2-a-ni _ka2-gal_ {kur}ha-lah-hi
84. _szu-nigin_ 7(disz) _ka2-gal-mesz_ {d}utu-e3
85. me2-eh-ret {im}szu-u2-ti u3 {im}sza2-di-i
86. az-ku-ra ni-bit-si-in
87. {d}iszkur sza2-ri-ik _he2-gal2_ a-na _kur_
88. _ka2-gal_ {d}iszkur sza am-ba-si
89. {d}er3-ra sza2-a-gisz za-ma-ni-ia
90. _ka2-gal_ {d}u-gur sza {iri}tar-bi-s,i
91. {d}nanna-ru na-s,ir _aga_ be-lu-ti-ia _ka2-gal_ {d}en-zu
92. _szu-nigin_ 3(disz) _ka2-gal-mesz_ sza me2-eh-ret {im}il-ta-ni
93. at-ta-bi si-qir-szi-in
94. {d}e2-a mu-sze-szir kup3-pi-ia _ka2-gal_ mas-qe2-e
95. mu-sze-ri-bat mi-szir3-ti da-ad2-me _ka2-gal_ ka-a-ri
96. kad3-re-e {lu2}su-mu-'e-el3 u3 {lu2}te-e-me

column 8
1. qe2-reb-sza2 ir-ru-ub _ka2-gal_ mad-ba-ri#
2. pa#-qi2-da-at ka-la-ma _ka2-gal e2-gal_ ma-szar-ti
3. {d}szar2-ur4 mu-szam-qit a-a-ab _lugal ka2-gal_ ha-an-du-u2-ri
4. _szu-nigin_ 5(disz) _ka2-gal-mesz_ sza me2-eh-ret {im}a-mur-ri
5. at-tas-qa-ra szu-me-szin
6. sza szal-hi-i bad3-nig2-erim2-hu-luh-ha
7. mu-gal-lit za-ma-a-ni usz-sze-szu2 ap-te-e-ma
8. 4(u) 5(disz) _ninda_ u2-szap-pil-ma
9. u2-sza2-ak-szid _a-mesz_ na-ag-bi
10. qe2-reb ma-a-me szap-la-a-nu _na4 kur_-i dan-ni ak-si-ma
11. e-la-nisz a-di pa-asz2-qi2-szu2 i-na {na4}pi-i-li _gal-mesz_
12. u2-nak-kil szi-pir-szu
13. sza nina{ki} _iri_ be-lu-ti-ia szu-bat-su usz-rab-bi
14. re-ba-ti-szu2 u2-sza2-an-dil-ma u2-nam-mir _gin7_ u4-me
15. _bad3_ szal-hu-u2 u2-sze-pisz-ma u2-zaq-qir hur-sza2-nisz
16. e-le-en _iri_ u3 _ki-ta iri_ u2-sze-pisz _{gesz}kiri6-mesz_
17. mut-hum-me _kur_-i u3 ma-ti-tan
18. kul-lat _szim hi-a_ {kur}hat-ti u2-har-ri-sza2 qe2-reb-szu2-un
19. s,e-er sza2-ab-bur-ti sza a-ha am-ba-si _gesztin kur_-i
20. _du3_-szu2-un gi-mir _gurun_ ad-na-a-te
21. _szim hi-a_ u3 {gesz}se-er-di a-na ba-a'-li az-qu-up
22. {i7}hu-su-ur sza ul-tu ul-la-a _a-mesz_-sza2
23. szu-up-lu s,ab-tu-ma i-na _lugal-mesz_-ni _ad-mesz_-ia
24. mam2-ma la is-sir2-szu-nu-ti-ma i-tab-ba-ku _{i7}hal-hal_-isz3
25. a-na mit,-ra-a-te szum-mu-hi
26. ul-tu pa-a-t,i {iri}ki-si-ri
27. mu-la-a musz-pa-lum i-na ak-kul-la-a-te
28. ah-ra-a u2-sze-szir {i7}pat-tu
29. _a-mesz_ szu-nu-te s,e-er ta-mir-ti nina{ki} u2-ki-nam-ma
30. qe2-reb s,ip-pa-a-te sza-ti-na u2-szah-bi-ba a-tap-pisz
31. a-na bit-re-e ma-a-me ina _giri3-min_ mu-us,-ri _kur_-e ger-ri as,-bat-ma
32. asz2-qu-ma a-di {iri}el-mu-na-qin-ne2-e szup-szu-qisz at-tal-lak
33. i-na re-esz {iri}bad3-{d}1(u)-5(disz) {iri}szi-ba-ni-ba
34. u3 {iri}su-li nam-ba-'i a-mur-ma
35. _igi-min_-szu2-nu pi-qa-a-te u2-rab-bi-ma u2-ter a-na kup-pi
36. asz2-szu2 ma-lak _a-mesz_ szu2-nu-ti _kur-mesz_ mar-s,u-ti
37. asz2-ri pa-asz2-qu-ti ina ak-kul-la-ti u2-szat-tir-ma
38. mu-s,u-szu2-un u2-sze-szi-ra a-na ta-mir-ti nina{ki}
39. {i7}har-ra-ti-szu2-un u2-dan-nin ki-i szu-pu-uk _kur_-i
40. _a-mesz_ sza-tu-nu qe2-reb-szu2-un u2-kin-na
41. ki-ma a-tar-tim-ma s,e-er _a-mesz_ {i7}hu-su-ur
42. u2-rad-da-a da-ri-szam
43. i-na um-ma-a-te u2-sza2-asz2-qa-a gi-mir s,ip-pa-a-ti
44. i-na _en-te-na_ 1(disz) _lim_ {sze}_numun-mesz_ ta-me-ra-a-ti
45. e-li _iri_ u3 _ki-ta iri_ u2-sza2-an-kar szat-ti-szam
46. a-na szup-szu-hi a-lak-ti _a-mesz_ szu-nu-ti
47. {i7}a-gam-mu u2-szab-szi-ma s,u-s,u-u2 qe2-reb-sza2
48. as-ti-il _igira2{muszen}-mesz szah-mesz {gesz}gi_
49. a-lap qi2-szi i-na lib3-bi u2-masz-szir
50. i-na t,e3-em _dingir_-ma qe2-reb _{gesz}kiri6-mesz edin_ sza2-ab-bur-ti
51. _gesztin_ gi-mir _gurun_ {gesz}se-er-du
52. _szim hi-a_ ma-gal isz-mu-hu
53. _{gesz}szur-min3 {gesz}mes-ma2-kan-na_
54. nap-har _gesz-mesz_ i-szi-hu-ma
55. u2-s,ar-ri-szu2 pa-pa-al-lum
56. ap-pa-ra-a-ti ma-gal i-szi-ra
57. _muszen-mesz an_-e _igira2_{muszen} sza a-szar-szu2 ru-u2-qu
58. qin-na iq-nun-ma _szah-mesz {gesz}gi_ a-lap qi2-szi
59. u2-rap-pi-szu2 ta-lit-tu#
60. _{gesz}mes-ma2-kan-na {gesz}szur-min3_ tar-bit s,ip-pa-a-ti
61. _gi ambar-mesz_ sza qe2-reb {i7}a-gam-me ak-szit,-ma#
62. a-na szip-ri hi-szih-ti _e2-gal-mesz_
63. be-lu-te-ia lu e-pu-usz
64. is,-s,u na-asz2 szi-pa-a-ti ib-qu-mu im-ha-s,u s,u-ba-ti-isz
65. ul-tu szip-ri _e2-gal_-ia u2-qat-tu-u2
66. {d}asz-szur _en gal_-u2 _dingir-mesz_ u3 _{d}isz-tar-mesz_
67. a-szi-bu-ut _kur_ asz-szur{ki}
68. i-na qer-bi-sza2 aq-re-ma
69. _{udu}siskur-mesz_ tasz-ri-ih-te aq-qi2-ma
70. u2-szat-lim kad3-ra-a-a
71. _i3-gesz_ {gesz}ser2-di u3 hi-bi-isz-ti
72. sza _{gesz}kiri6-mesz edin_ sza2-ab-bur-ti
73. u2-raq-qa-a a-na ru-usz-ti
74. i-na tasz-ri-it _e2-gal_ sza ba-hu-la-te _kur_-ia
75. u2-sza2-asz2-qa-a muh-ha-szi-in
76. _gesztin_ du-usz-szu-pu s,ur-ra-szi-in am-kir
77. a-na ar2-kat3 u4-me i-na _lugal-mesz dumu-mesz_-ia
78. sza {d}asz-szur a-na _re-e2-um_-ut _kur_ u3 _ug3-mesz_
79. i-nam-bu-u2 zi-kir-szu2
80. e-nu-ma _bad3_ sza2-a-tu
81. i-lab-bi-ru-ma en-na-hu
82. an-hu-us-su lu-ud-disz
83. _mu-sar_-e szi-t,ir szu-me-ia
84. li-mur-ma _i3-gesz_ lip-szu-usz
85. _{udu}siskur_ liq-qi2 a-na asz2-ri-szu2 li-ter
86. {d}asz-szur u3 {d}isz-tar
87. ik-ri-bi-szu2 i-szem-mu-u2
double ruling
88. {iti}ne li-mu {disz}dingir-ki-ia _{lu2}gar-kur_ {iri}di-masz-qa

Version History

RINAP 3/1 Sennacherib 017, ex. 002
Click for archival page

Primary publication	RINAP 3/1 Sennacherib 017, ex. 002
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	National Museum of Iraq, Baghdad, Iraq
Museum no.	IM 056578
Accession no.
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.11.05.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20130327 cdliadmin_tinney
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz002h42rf
Composite no.	Q003491
Seal no.
CDLI no.	P450362

Can you improve upon the content of this entry?
Please contact us!

No Image Available

Prism

surface a

column 1
1. [...]
2. _lugal#_ [...]{ki#}
3. _lugal_ kib-rat# _limmu2#_-ti
4. _re-e2-um_ it-pe-szu mi-gir# [_x]-mesz# gal-mesz_
5. na-s,ir kit-ti ra-'i-[x] mi-sza2-ri
6. e-pisz u2-sa-a#-ti
7. a-lik tap-pu-ut a-ki-i sa-hi-ru dam-qa-a-ti
8. et,-lum git2-ma-lum zi-ka-ru qar-du
9. a-sza2-red kal ma-al-ki
10. rap-pu la-'i-it, la ma#-gi-ri
11. mu-szab-ri-qu za-ma-a-ni
12. {d}asz-szur _kur_-u2 _gal_-u2 _lugal_-ut# la sza2-na-an
13. u2-szat-li-ma-an-ni-ma _ugu_ gi-mir a-szib pa-rak-ki
14. u2-szar-ba-a _{gesz}tukul-mesz_-ia#
15. ul-tu _a-ab-ba_ e-le-ni-ti#
16. sza szul-mu {d}utu-szi a-di tam-tim szap-li-ti
17. sza s,i-it {d}utu-szi
18. gim-ri s,al-mat _sag-du_ u2-szak-nisz sze-pu-u2-a
19. u3 mal-ki szep-s,u-ti e-du#-ru ta-ha-zi
20. da-ad2-me-szu2-un [x]-zi-bu-ma
21. ki-ma su-tin-ni[{muszen} ni]-gi-is,-s,i
22. e-disz ip-par-szu a#-szar# la 'a-a-ri
single ruling
23. i-na mah-re-e ger-ri-ia
24. sza {disz}{d}marduk-ibila-szum2-na# _lugal#_ {kur}kar2-{d}dun-ia2-asz3
25. a-di _erin2 hi-a_ elam-ma{ki} re-s,i-szu2
26. i-na ta-mir-ti kisz{ki} asz2-ta-kan _bad5-bad5_-szu2
27. i-na _muru2_ tam-ha-ri szu-[x x] e-zib _karasz_-su
28. e-disz ip-par-szid-ma [x]-pisz#-tusz e-t,i2-ir
29. _{gesz}gigir-mesz ansze-kur-ra-mesz_ {gesz#}s,u-um-bi# _{ansze#}kunga#-mesz#_
30. sza i-na qit-ru-ub# ta#-ha-zi#
31. u2-masz-szi-ru ik-szu#-da _szu-min_-a-a
32. a-na _e2-gal_-szu2 sza qe2-reb babila2{ki}
33. ha-disz e-ru-um-ma
34. ap-te-e-ma _e2_ ni-s,ir-ti-szu2 _ku3-sig17 ku3-babbar_
35. u2-nu-ut _ku3-sig17 ku3-babbar na4#_ a#-qar-tu
36. mim-ma szum-szu2 _nig2-szu nig2-gur11_ la ni-bi ka-[x]-tu# _gun_
37. {munus}_ug3-mesz e2-gal_-szu2 _{lu2}tirum#-[x_] {lu2#}man-za-az pa-ni
38. _{lu2}nar-mesz_ {munus}_nar-mesz_
39. si-hir-ti um-ma-a-ni ma-la ba-szu-u2
40. mut-tab-bi-lu-tu2 _e2-gal_-usz
41. u2-sze-s,a-am-ma szal-la-tisz# am-nu#
42. i-na e-muq {d#}asz#-szur# [x]-ia#
43. 1(gesz2) 1(u) 5(disz) _iri#-mesz_-szu2 dan#-[x]-ti#
44. [x] _bad3-mesz_-ni sza# [x x]-di#
45. u3 4(disz) _me_ 2(u) _iri-mesz_-ni [_x]-mesz#_
46. sza li-me-ti-szu2-nu al-me [x]-ud
47. asz2-lu-la szal-la-[x]-un
48. {lu2}ur2-bi {lu2}a-ra-mu {lu2#}[x x]
49. sza qe2-reb unu{ki} nibru{ki} [x]{ki}
50. {iri}hur-sag-kalam-ma gu2-du8-a{ki} [x]{ki}
51. a-di _dumu-mesz iri en_ hi-it,-t,i [...]-am#-ma
52. szal-la-tisz am#-nu
53. i-na ta-a-a-ar#-[x]-ia
54. {lu2}tu-'u-mu-na {lu2}ri#-[x]-hu
55. {lu2}ia-daq-qu {lu2}u2-[x]-du
56. {lu2}gib-re-e {lu2}ma-[x]-hu
57. {lu2}gu-ru-mu {lu2}u2-[x x]
58. {lu2}da-mu-nu {lu2}gam-bu-lum
59. {lu2}hi-in-da-ru {lu2}ru-'u-a
60. {lu2}pu-qu-du {lu2}ha-am-ra-a-nu {lu2}ha-ga#-ra-nu
61. {lu2}na-ba-tu {lu2}li-i'-ta#-a-u2
62. {lu2}a-ra-mu la kan-szu-ti
63. mit-ha-risz ak-szud{ud}
64. 2(disz) _me_ 8(disz) _lim un-mesz tur gal nita_ u _munus_
65. _ansze-kur-ra-mesz {ansze}kunga-mesz ansze-mesz {ansze}gam#-mal-mesz_
66. [x x] u3# _u8#-udu hi-a_ sza# la# [x]-bi#
67. [x x]-tu# ka-bit-tu# [...]{ki#}
68. [...]-ti-iq ger-ri-[x] sza# {disz}{d}[_...]-mesz#_
69. {lu2#}qi2#-pi [x] ha#-ra-ra#-tu
70. _ku3#-sig17# ku3-babbar_ {gesz}mu-suk-kan-ni# _gal#-mesz#_
71. _ansze-mesz {ansze}gam-mal-mesz gu4-mesz_ u3# _u8-[x x]-a_
72. ta-mar-ta-szu ka#-bit-tu# am#-[x]
73. ba-hu-la-te {iri}[x]-rim#-me _{lu2}kur2#_ [x]-s,i#
74. i-[x] _{gesz}tukul-mesz_ u2-szam-qit-ma e-du [x] e-zib
75. pag#-ri#-szu2-un i-na ga-szi-szi a-lul-ma si-hir-ti _iri#_ u2-szal-me
76. [x]-gu-u2 szu-a-tu a-na esz-szu-ti as,-bat
77. [x x] _gu4_ 1(u) _udu-mesz_ 1(u) _ansze gesztin_ 2(u) _ansze zu2-lum-ma-mesz_
78. [x]-sze-te-szu2 a-na _dingir-mesz_-ni _kur_ asz#-szur#{ki}
79. _en#-mesz_-ia u2-kin da3-ri-szam
single ruling
80. [x]-na# 2(disz)-e ger-ri-ia {d}asz-szur be-li2 u2-tak-kil#-an#-ni-ma
81. [x x] _kur#_ {lu2}kasz-szi-i u3 _kur_ {lu2}ia-su-bi-[x]-la#-a-a
82. [x] ul#-tu ul-la a-na _lugal-mesz_-ni _ad#-mesz#_-ia
83. [x] kit#-nu-szu lu# [x]-lik
84. [x x] hur#-sza2#-[x]-ni# zaq-ru-ti _a-sza3#_ [x x]-s,i
85. [_...]-kur-ra_ ar-kab-ma# [...]-ia
86. [...]-ik-ka-a-ti u2#-sza2#-asz2#-szi
87. [...]-szu-qu ina _giri3-min_-ia ri-ma-nisz at-tag-gisz
88. [...]-lam-za#-[x] {iri}ha-ar-disz-pi
89. [...] _iri#-mesz_-szu2-nu
90. [...]-ti# al-me _kur_-ud
91. [_...]-mesz {ansze}kunga-mesz_
92. _ansze#-mesz# [x]-mesz_ u3# _u8#-udu#-hi#-a_
93. ul-tu# qer#-[x]-szu2-un u2-sze-s,a-am#-ma szal-la-tisz am#-nu

column 2
1. u3 _iri-mesz_-szu2-nu _tur-mesz_ [x] ni#-ba la i#-[x]-u2#
2. ap-pul aq-qur u2#-sze#-mi kar#-mesz#
3. _e2 edin_ kul-ta-ri# mu-sza2-bi-[x]-nu#
4. ina {d}gesz-bar aq-mu-ma di-tal-lisz u2-[x]-mi#
5. u2-ter-ma {iri}e2-{disz}ki#-lam-za-ah szu-a#-tu#
6. a-na bir-tu-ti as,-bat _ugu_ sza u4-[x x]-ni#
7. _bad3-mesz_-szu2 u2-dan-nin-ma
8. _ug3-mesz kur-kur_ ki-szit-ti _szu-min#_-ia
9. i-na lib3-bi u2-sze-szib
10. _ug3-mesz kur_ {lu2}kasz-szi-i [x x] {lu2#}ia-su-bi-gal-[x x]-a
11. sza la-pa-an _{gesz}tukul-[x_]-ia ip-par-szid#-du#
12. ul-tu qe2-reb _kur_-i u2-sze-ri-dam-ma
13. ina {iri}ha-ar-disz-pi# {iri#}_e2_-{disz}ku-bat-ti u2-szar-me
14. i-na _szu-min_ [x] szu-ut _sag_-ia
15. _{lu2}en-nam_ {iri#}ar#-rap#-ha# [x]-nu#-szu2-nu-ti
16. _{na4}na-ru2-a_ u2-sze-pisz-ma
17. li-i-tum ki#-szit-ti _szu-min_
18. sza _ugu_-szu2-un# asz2-tak-ka-nu
19. s,e-ru-usz-szu2# u2-sza2-asz2-t,ir-ma
20. i-na qer-bi _iri_ ul-ziz
21. pa-an ni-ri#-ia u2-ter-ma
22. a-na {kur}el-li-pi as,-s,a-bat har-ra-nu
23. el-la-mu-u2#-a {disz}is-pa-ba-a-ra _lugal_-szu2-un
24. _iri-mesz_-szu2 dan-nu-ti _e2_ ni#-s,ir-ti-szu2
25. u2-masz-szir-ma a-na ru-qe2-e-ti# in-na-bit
26. gim-ri _kur_-szu2 _dagal_-ti _gin7 muru9_ as-hu#-up#
27. {iri}mar-u2-bisz-ti {iri}ak-ku-ud-du#
28. _iri-mesz_-ni _e2 lugal_-ti#-szu2#
29. a-di 3(u) 4(disz) _iri-mesz tur-mesz_ sza li-me-ti-[x x]
30. al-me _kur_-ud ap-pul aq-qur ina {d}gesz-bar aq-mu#
31. _ug3-mesz tur gal nita_ u _munus_
32. _ansze-kur-ra-mesz {ansze}kunga-mesz ansze-mesz_
33. _{ansze}gam-mal-mesz gu4-mesz_ u3 _u8-udu hi-a_
34. a-na la mi-nam asz2-lu-lam-ma
35. a-di la ba-szi-i u2-sza2-lik-szu-ma
36. u2-s,a-ah-hi-ir _kur#_-su
37. {iri}s,i-s,i-ir-tu {iri}ku-um-ma-ah#-lum
38. _iri-mesz_ [x]-nu#-ti a-di _iri-mesz# [x]-mesz#_
39. sza# li#-me#-[x x]-nu {kur#}_e2_-{disz}ba-[x x]-u
40. na-gu-u2 a-na gi-mir-ti-szu2
41. ul-tu qe2-reb _kur_-szu2 ab-tuq-ma#
42. _ugu_ mi-s,ir _kur_ asz-szur{ki} u2-rad-di#
43. {iri}el-en-za#-asz2# a-na _iri lugal_-u2-ti#
44. u3 dan-na-at na#-ge-e szu-a-tu as,-bat-ma
45. _mu_-szu2 mah#-ra#-a u2-na-kir-ma
46. {iri#}kar-{disz}[x] _en-zu-szesz-mesz_-eri-ba
47. at#-ta#-[x] ni-bit-su
48. _ug3-mesz kur-mesz_ ki#-szit#-ti# _szu-min_-ia
49. i-na lib3-bi u2-sze-szib
50. i-na _szu-min_ {lu2}szu-ut _sag#_-ia#
51. _{lu2}en-nam_ {iri}har-har am-nu#-[x]
52. u2-rap-pisz ma-a-[x]
53. i-na ta-a-a-ar-ti-[x]
54. sza {kur}ma-da-a-a ru-qu-[x x]
55. sza i-na _lugal-mesz_-ni _ad-mesz_-[x]
56. ma-am-man la isz-mu-u2 zi-kir _kur_-szu2#-[x]
57. man-da-ta-szu2-nu ka-bit-tu am-hur#
58. a-na ni-ri be-lu-ti-[x]
59. u2-szak-ni-su-nu-[x]
single ruling
60. i-na szal-szi ger-ri-ia
61. a-na {kur}ha-at-ti lu al-lik#
62. {disz}lu-li-i _lugal_ {iri}s,i-du-un#-ni#
63. pul-hi me-lam-me be-lu-ti-ia is-hu-pu-szu-ma
64. a-na ru-uq-qi2 _muru2_ tam-tim
65. in#-na#-bit-ma _kur_-szu2 e-mid
66. {iri}s,i-du-un-nu _gal_-u2
67. {iri}s,i-du-un-nu s,e-eh#-ru#
68. {iri}e2-zi-it-te {iri}s,a-ri-ip#-tu#
69. {iri}ma-hal-li-ba {iri}u2-szu-u2
70. {iri}ak-zi-bi {iri}ak-ku-u2
71. _iri-mesz_-szu2 dan-nu-ti _e2 bad3-mesz_
72. a-szar ri-i-ti u3 masz-qi2-ti
73. _e2_ tuk-la-ti-szu2
74. ra-szub-bat _{gesz}tukul_ {d}asz-szur _en_-ia
75. is-hu-pu-szu-nu-ti-ma ik-nu-szu sze-pu-u2-a
76. {disz}tu-ba-a'-lu ina _{gesz}gu-za lugal_-u2-ti
77. _ugu_-szu2-un u2-sze-szib-ma
78. _gun_ man-da-at-tu be-lu-ti-ia
79. szat-ti-szam la ba-at,-lu
80. u2-kin s,e-ru-usz-szu2
81. sza {disz}mi-in-hi-im-mu {iri}sam-si-mu-ru-na-a-a
82. {disz}tu-ba-a'-lu {iri}s,i-du-un-na-a-a
83. {disz}ab-di-li-i'-ti {iri}a-ru-da-a-a
84. {disz}u2-ru-mil-ki {iri}gu-ub-la-a-a
85. {disz}mi-ti-in-ti {iri}as-du-da-a-a
86. {disz}bu-du-dingir {kur}e2-{disz}am-ma-na-a-a
87. {disz}kam-mu-su-na-ad-bi {iri}ma-'a-ba-a-a
88. {disz}{d}a-a-ram-mu {kur}u2-du-um-ma-a-a
89. _lugal-mesz_-ni _kur_ mar-tu{ki} ka-li-szu2-un
90. _igi-sa2_-e szad-lu-ti ta-mar-ta-szu2-nu ka-bit-tu
91. a-di 4(disz)-szu2 a-na mah-ri-ia isz-szu-nim-ma
92. isz-szi-qu _giri3-min_-ia
93. u3 {disz}s,i-id-qa-a _lugal_ {iri}is-qa-al-lu-na#

column 3
1. sza la ik-nu-szu a-na ni-ri-ia
2. _dingir-mesz e2 ad_-szu sza2#-a-szu _dam_-su _dumu-mesz_-szu2
3. [_x]-munus#-mesz_-szu2 _szesz-mesz_-szu2 _numun e2 ad_-szu2 as#-su-ha#-am-ma
4. [x]-na# _kur_ asz-szur{ki} u2-rasz-szu
5. {disz#}lugal#-lu-da3-a-ri _dumu_ {disz}ru-kib#-ti
6. _lugal_-szu2-nu mah-ru-u2#
7. _ugu un-mesz_ {iri}is-qa-al-lu-na [x]-kun#-ma
8. na-dan _gun#_ kad3#-re#-e# be-lu-ti#-ia#
9. e-mid-su-ma i-sza2-a-t,a ab-sza2-a-[x]
10. i-na me-ti-iq ger-ri-ia {iri}e2-da-gan#-na#
11. {iri}ia-ap-pu-u2 {iri}ba-na#-a-a-bar-qa
12. {iri}a-zu-ru _iri-mesz_ sza {disz}s,i-id-qa-a#
13. sza a-na _giri3-min_-ia ar2-hisz la ik#-[x x]
14. al-me _kur_-ud asz2-lu-la szal-la-su#-[x]
15. _{lu2}nita2-mesz {lu2}nun-mesz_ u3 _un-[x_]
16. {iri}am-qar-ru-na sza {disz}pa-di-i _lugal_-szu2#-[x]
17. _en_ a-de-e u3 ma-mit sza _kur_ asz-szur{ki#}
18. bi-re-tu2 _an-bar_ id-du-[x]
19. a-na {disz}ha-za-qi-a-u2 {kur}ia-u2-da-[x x]
20. id-di-nu-szu2 nak-risz#
21. a-na an-zil-li i-pu-szu2 ip-lah3 _sza3_-szu2#-un#
22. _lugal-mesz_-ni {kur}mu-us,#-[x]
23. _{lu2}erin2-mesz {gesz}pan {gesz}gigir#-[x_]
24. _ansze-kur-ra-mesz_ sza _lugal_ {kur}me#-[x x]
25. e-mu-qi2 la ni-bi ik-te-ru#-[x x]
26. il-li-ku re-s,u-us-[x x]
27. i-na ta-mir-ti {iri}al-ta-qu#-[x]
28. el-la-mu-u-a si-id-ru szit-ku-nu#
29. u2-sza2-'a-lu _{gesz}tukul-mesz_-szu2-un#
30. i#-na tukul-ti {d}asz-szur _en_-ia
31. it-ti-szu2-un am-da-hi-is,-ma
32. asz2-ta-kan _bad5-bad5_-szu2-un
33. _{lu2}en {gesz}gigir-mesz_ u3 _dumu-mesz lugal_ {kur}mu-us,-ra-a-a
34. a-di _{lu2}en {gesz}gigir-mesz_ sza _lugal_ {kur}me-luh-ha#
35. bal-t,u-su-un# i-na _muru2_ tam-ha-ri#
36. ik-szu-da _szu-min_-a#-a#
37. {iri#}al#-ta-qu-u2 {iri}ta-am-na#-a#
38. al#-me _kur_-ud asz2-lu-la szal-la-su-un#
39. a#-na {iri}am-qar-ru-na aq-rib-ma
40. _{lu2}szagina-mesz {lu2}nun-mesz_ sza hi-it,-t,u
41. u2-szab-szu-u2 a-duk-ma#
42. i-na di-ma-a-ti si-hir-ti _iri#_
43. a-lul pag-ri-szu2-un#
44. _dumu-mesz iri_ e-pisz an-ni u3 gil2-la-ti#
45. a-na szal-la-ti am-nu
46. si-it-tu-te-szu2-nu la ba-bil hi-t,i-ti#
47. u3 gul-lul-ti
48. sza a-ra-an-szu-nu la ib-szu-u2
49. usz-szur-szu2-un aq-bi
50. [x] pa#-di-i _lugal_-szu2-nu#
51. [x]-tu# qe2-reb {iri}ur-sa-li-im-ma#
52. [x x]-s,a-am-ma ina _{gesz}gu-za_ be-lu-ti
53. [x]-szu2-un u2-sze-szib-ma
54. [x]-da#-at-tu be-lu-ti-ia
55. [x]-kin s,e-ru-usz-szu2#
56. u3 {disz}ha-za-qi-a-u2 {kur}ia-u2-da-a-a#
57. sza la ik-nu-szu2 a-na ni-ri-ia
58. 4(u) 6(disz) _iri-mesz_-szu2 _e2 bad3-mesz_ dan-nu-ti
59. u3 _iri-mesz tur-mesz_ sza li-me-ti-szu2#-nu
60. sza ni-ba la i-szu-u2
61. i-na szuk-bu-us a-ram-me#
62. u3 qit-ru-ub szu-pe-e#
63. mit-hu-us, zu-uk _giri3-min_ pil-sze nik-si#
64. u3 kal-ban#-na-ti al-me _kur_-ud
65. 2(disz) _me lim_ 1(disz) _me_ 5(u) _ug3-mesz tur gal nita_ u _munus_
66. _ansze-kur-ra-mesz {ansze}kunga-mesz_
67. _ansze-mesz {ansze}gam-mal-mesz gu4-mesz_ u3 _u8-udu-hi-[x_]
68. sza# la# ni#-bi# ul-tu qer-bi#-szu2#-un#
69. u2-sze-s,a-am-ma szal#-la#-tisz# am-nu
70. sza2-a-szu2 _gin7 muszen_ qu-up-pi
71. qe2-reb {iri}ur-sa-li-im-ma
72. _iri lugal_-ti-szu2 e-sir2-szu
73. {iri}hal-s,u-_mesz_ ugu_-szu2 u2-rak-kis-ma
74. a-s,e-e _ka2-gal iri_-szu2
75. u2-ter-ra ik-ki-bu-usz
76. _iri-mesz_-szu2 sza asz2-lu-la
77. ul-tu qe2-reb _kur_-szu2 ab-tuq-ma
78. a-na {disz}mi-ti-in-ti _lugal_ {iri}as-du-di
79. {disz}pa-di-i _lugal_ {iri}am-qar-ru-na
80. u3 {disz}gissu-en _lugal_ {iri}<<{disz>>}ha-zi-ti
81. ad-din-ma# u2-s,a-ah-hi-ir _kur_-su
82. e-li _gun_ mah-ri-ti
83. na-da-an szat-ti-szu2-un
84. man-da-at-tu kad3-re-e
85. be-lu-ti-ia u2-rad-di-ma
86. u2-kin s,e-ru-usz-szu2-un
87. szu-u2 {disz}ha-za-qi-a-u2 pul-hi
88. me-lam-me be-lu-te-ia is-hu-pu-szu-ma
89. {lu2}ur2-bi u3 _{lu2}erin2-mesz_-szu2 _saga-mesz_
90. sza a-na dun-nu-un {iri}ur-sa-li-im-ma
91. _iri lugal_-ti-szu2 u2-sze-ri-bu-ma
92. ir-szu-u2 til-la-a-ti
93. it-ti 3(u) _gun ku3-sig17_ 8(disz) _me gun ku3-babbar_
94. ni-siq-ti gu-uh-li tak2-kas3-si
95. _{na4}an-za-gul-me gal-mesz_
96. _{gesz}na2-me zu2 {gesz}gu-za-mesz_ ne2-me-di _zu2_

column 4
1. _kusz# am#-si zu2 am-si {gesz}esi {gesz}tug2_
2. mim#-[x x]-szu2# ni#-s,ir#-tu# ka-bit-tu
3. [x] _dumu#-munus-mesz_-szu2 {munus}_ug3-mesz e2-gal_-szu2
4. [x] _nar-mesz_ {munus}_nar-mesz_
5. a-na qe2-reb nina{ki} _iri_ be-lu-ti-ia
6. _egir_-ia u2-sze-bi-lam-ma
7. a#-na# na-dan man-da#-at-ti
8. u3# e#-pesz _ARAD2#_-u2-ti
9. isz-[x]-ra rak-bu-szu2
single ruling
10. i-na# 4(disz)#-e# ger-ri-ia
11. {d#}asz-szur be-li2 u2-tak-kil-an-ni-ma
12. um-ma-na-ti-ia gap#-sza2-a-ti ad-ke-ma
13. a#-na# {kur#}_e2#_-{disz#}ia#-kin7 a-la-ku aq-bi
14. i#-na# me-ti-iq ger-ri-ia
15. sza {disz}szu-zu-bi {lu2}kal-da3-a-a
16. a-szib qe2-reb {i7}a-gam-me
17. ina {iri}bi-it-tu-u2-tu
18. asz2-ta-kan _bad5-bad5_-szu2
19. szu#-u2# hur#-ba-szu ta-ha-zi-ia
20. _ugu_-szu2 im-qut-ma it-ru-ku _sza3_-szu2
21. ki-ma az-za-ri e-disz ip-par-szid-ma
22. ul in-na-mir a-szar-szu
23. pa-an ni-ri-ia u2-ter-ma
24. a-na# {kur}e2-{disz}ia-kin7 as,-s,a-bat har-ra-nu
25. szu-u2 {disz}{d}marduk-ibila-szum2-na
26. sza ina a-lak _kaskal_-ia mah-re-e#
27. _bad5-bad5_-szu2 asz2-ku-nu
28. u2-par-ri-ru el-lat-su
29. ri-gim _{gesz}tukul-mesz_-ia dan-nu-ti#
30. u3 ti-ib ta-ha-zi-ia#
31. ez-zi e-dur-ma
32. a-na {kur}na-gi-a-te-ra-aq-qi2
33. sza qa-bal tam-ti#
34. is,-s,u-risz ip-pa-risz#
35. _szesz-mesz_-szu2 _numun# e2# ad#_-szu2
36. sza# u2#-masz#-szi#-ru# a#-hi tam-tim
37. a-di si-it-ti _un#-mesz kur_-szu2
38. ul-tu {kur}e2-{disz}ia-kin7 qe2#-reb {i7}a-gam-me
39. ap-pa-ra-a-te u2-sze-s,a-am#-ma szal-la-tisz am-nu
40. u2-ter-ma _iri-mesz_-szu2 ap-pul
41. aq#-qur u2-sze-me# kar-mesz
42. _ugu en_ sa-li-me-szu2 _lugal#_ {kur}elam-ma{ki}
43. na-mur-ra-tum at-bu-uk
44. i-na ta-a-a-ar-ti-ia# {disz}asz-szur-na-din-_mu_
45. _dumu_ resz-tu-u2 tar-bit bir-ki-ia
46. i-na _{gesz}gu-za_ be-lu-ti#-szu2 u2-sze-szib-ma
47. _dagal_-tum _kur eme-gi7_ u3# uri{ki}
48. u2-szad-gil pa-nu-usz-szu2
single ruling
49. i-na 4(disz) ger#-ri-ia
50. ba-hu-la-te {iri#}tu-mur-ri
51. {iri}sza2-a-ru-um {iri}e-za-a-ma# {iri#}kib#-szu2# {iri}hal-bu-da
52. {iri}qu-u2-a {iri}qa-na sza _gim#_ qin#-ni _ti8_{muszen}
53. a-sza2-red _muszen hi-a_ s,e-er zuq-ti {kur}ni-pur# _kur_-i mar-s,i
54. szu-bat-su-un szit-ku-na-at-ma# la# kit-nu#-szu a-na ni-i-ri
55. i-na _giri3-min_ {kur}ni-pur ka-ra#-szi# u2#-sza2-asz2-kin-ma
56. it-ti {lu2}qur-bu-ti _gir3#-[x_]-ia# na-as2-qu-ti
57. u3 _{lu2}erin2-mesz_ ta-ha-zi-ia# la# ga-me-lu-ti
58. a-na-ku _gin7 am_ ek-di pa-[x]-usz#-szu2-un as,-bat
59. hur-ri na-hal-li na-at-ba-ki# _kur_-i me-le-e
60. mar-s,u-ti i-na _{gesz}gu-za_ asz2-ta-am-di-ih
61. a-szar a-na _{gesz}gu-za_ szup-szu-qu
62. i-na _giri3-min_-ia asz2-tah-hi-t,a _gin7_ ar-me
63. a-na zuq-ti sza2-qu-u2-ti s,e-ru-usz-szu2-un# e#-li
64. a#-szar# bir#-ka-a-a ma-na-ah#-tu# i-sza2-a
65. s,e-er _na4 kur_-i u2-szib-ma# _a-mesz kusz#-na_-a-di ka-s,u-ti
66. a-na s,u-me-ia lu asz2-ti
67. i-na _szu-si-mesz_ hur-sza2-a-ni ar-de#-szu-nu-ti-ma
68. asz2-ta-kan tah-ta-szu2-un _iri-mesz_-szu2-[x] _kur_-ud-ma
69. asz2-lu-la szal-la-su-un ap-pul# aq#-qur# ina {d}gesz-bar aq-mu
70. pa-an ni-ri-ia u2-ter-ma s,e-er {disz}[x]-ni-ia-e
71. _lugal_ {iri#}uk-ki szad-da-a-a-e la kan-sze# as,-s,a-bat har-ra-nu
72. ur-hi la pe-tu-ti t,u-di# pa-asz2-qu-ti
73. sza la-pa-an _kur-mesz_ mar#-s,u#-ti#
74. ul-la-nu-u2-a qe2-reb-szu2-un ma-am-man
75. la il-li-ku _lugal-mesz_ pa-ni mah-ru-ti
76. i-na _giri3-min_ {kur}a-na-ra u3 {kur}up-pa _kur-mesz_
77. dan-nu-ti ka-ra-szi u2-sza2-asz2-kin-ma
78. a-na-ku i-na _{gesz}gu-za_ ne2-me-di it-ti _erin2-mesz_
79. ta-ha-zi-ia git2-ma-lu-ti
80. i-na ne-re-bi-szu2-un pi-qu-ti szu#-nu-hi-isz
81. e-ru-um-ma mar-s,i-isz e-te-el-la-a
82. _szu-si-mesz kur-mesz_ pa-asz2-qa#-a-ti
83. szu-u2 {disz}ma-ni-ia-e tur-bu-u'
84. _giri3-min erin2 hi-a_-ia e-mur-ma {iri}uk-ku _iri# lugal_-ti-szu2
85. e-zib-ma a-na ru-qe2-e-ti in-na-bit
86. {iri}uk-ku al-me _kur_-ud asz2-lu-la szal-la-su
87. mim#-ma szum-szu2 _nig2-szu nig2-gur11_ ni-s,ir-ti _e2-gal_-szu2
88. ul-tu qer-bi-szu u2-sze-s,a-am-ma# [x]-la#-tisz am-nu
89. u3 3(u) 5(disz) _iri-mesz_ sza pa-a-t,i li#-me-ti-szu2
90. ak-szud{ud}-ma _ug3-mesz gu4-mesz_ u3# s,e-e-ni
91. _ansze-mesz_ asz2-lu-la ap-pu-ul aq-qur ina {d}gesz-bar aq-mu
single ruling
92. i-na li-mu {disz}szul3-mu-_en {lu2}gar-kur_ {iri#}tal-mu-si
93. {disz}ki-ru-a _{lu2}en-iri_ sza {iri}il#-lu#-ub-ri

column 5
1. _{lu2}ARAD2_ da#-gil2 pa-ni-ia sza iz-zi-bu-szu _dingir-mesz_-szu2
2. ba-hu-la-te# {iri}hi-lak-ki usz-bal-kit-ma ik-s,u-ra
3. ta-ha-zu _ug3-mesz_ a-szi-bu-ut
4. {iri}in-gi-ra-a u {iri}tar-zi
5. i-da-a-szu2 is-hu-ru-ma ger-ri {kur}qu-e
6. is,-ba-tu ip-ru-su a-lak-tu
7. _{lu2}erin2-mesz {gesz}pan_ na-szi tuk-szi u3 az-ma-re-e
8. _{gesz}gigir-mesz ansze-kur-ra-mesz_ ki-s,ir _lugal_-ti-ia
9. u2-ma-'e-er s,e-ru-usz-szu2-un
10. sza ba-hu-la-te {iri}hi-lak-ki sza i-da-a-szu2 is-hu-ru
11. i-na qe2-reb _kur_-i mar-s,i isz-ku-nu tah-ta-szu2-un
12. {iri}in-gi-ra-a {iri}ta-ar-zu ik-szu-du-ma
13. isz-lu-lu szal-la-su-un
14. sza2-a-szu2 qe2-reb {iri}il-lu-ub-ri _iri_ dan-nu-ti-szu2
15. ni-tum il-mu-szu-ma is,-ba-tu mu-s,u-szu
16. i-na qur-ru-ub szu-pe-e nim-gal-li _bad3_
17. u3 kal-ban-na-te mit-hu-s,u zu-uk _giri3-min_
18. dab2-da-a-szu2 isz-ku-nu-ma is,-ba-tu _iri_
19. {disz}ki-ru-a _{lu2}en-iri_ a-di szal-lat _iri-mesz_-szu2
20. u3 _ug3-mesz_ {iri}hi-lak-ki sza i-da-a-szu2 is-hu-ru
21. a-di _ansze-mesz gu4-mesz_ u3 s,e-e-ni
22. a-na {iri}ni-na-a a-di mah-ri-ia ub-lu-ni
23. sza {disz}ki-ru-a ma-szak-szu2 a-ku-us,
24. u2-ter-ma {iri}il-lu-ub-ru a-na esz-szu-ti as,-bat
25. _un#-mesz kur-kur_ ki-szit-ti _szu-min_-ia i-na lib3-bi u2-sze-szib
26. _{gesz}tukul_ {d}asz-szur _en_-ia qe2-reb-szu2 u2-szar-me
27. _{na4}na-ru2-a_-a sza _{na4}gesz-nu11-gal_ u2-sze-pisz-ma
28. ma-har-szu ul-zi-iz
single ruling
29. i-na li-mu {disz}asz-szur-_en-pap {lu2}gar-kur_ {kur}kat-mu-hi
30. a#-na# {iri}du6-ga-ri-im-me
31. a-lum sza# pa-a-t,i {kur}ta-ba-li
32. sza {disz}gur2-di-i _lugal_ {iri}ur-du-ti
33. ir-ku-su _{gesz}tukul-mesz_-szu2
34. as-su-uk-ma _{lu2}erin2-mesz {gesz}pan_ na-szi tuk-szi
35. u3 az-ma-re-e _{gesz}gigir-mesz ansze-kur-ra-mesz_
36. ki-s,ir _lugal_-ti-ia u2-ma-'e-er s,e-ru-usz-szu2
37. _iri_ szu-a-tu ni-i-tum il-mu-ma
38. i-na szi-pik e-pe-ri u3 qur-ru-ub szu-pi-i
39. mit-hu-us, <<sza>> zu-uk _giri3-min_ is,-ba-tu _iri_
40. _ug3-mesz_ a-di _dingir-mesz_ a-szib lib3-bi-szu2
41. im-nu-u2 szal-la-ti-isz
42. _iri_ szu-a-tu ip-pu-lu iq-qu-ru
43. a-na _du6_ u3 kar-me u2-ter-ru
44. i-na szal-lat _kur-mesz_ sza-ti-na sza asz2-lu-la
45. 3(u) _lim {gesz}pan_ 2(u) _lim_ {gesz}a-ri-tu
46. i-na lib3-bi-szu2-nu ak-s,ur-ma
47. _ugu_ ki-s,ir _lugal_-ti-ia u2-rad-di
48. si-it-ti szal-lat na-ki-ri ka-bit-tu
49. a-na gi-mir _karasz_-ia
50. u3 _{lu2}en-nam-mesz_-ia
51. _ug3-mesz_ ma-ha-za-ni-ia _gal-mesz_
52. ki-ma s,e-e-ni lu u2-za-'i-iz
single ruling
53. i-na u4-me-szu-ma nina{ki} ma-ha-zu s,i-i-ru
54. _iri_ na-ram {d}isz-tar sza nap-har
55. ki-du-de-e _dingir-mesz_ u3 _{d}isz-tar-mesz_
56. ba-szu-u2 qe2-reb-szu2
57. tem-me-en-nu da-ru-u2 du-ru-usz s,a-a-ti
58. sza ul-tu ul-la it-ti szi-t,ir bu-ru-um-me
59. es,-rat-su es,-ret-ma szu-pu-u2 s,i-in-du-szu2
60. asz2-ru nak-lu szu-bat pi-risz-ti
61. sza mim-ma szum-szu2 szi-pir ni-kil-ti
62. gi-mir pel-lu-de-e ni-s,ir-ti lal3-gar
63. szu-ta-bu-lu qe2-reb-szu2
64. sza ul-tu ul-la _lugal-mesz_-ni
65. a-li-kut mah-ri _ad-mesz_-ia
66. ul-la-nu-u2-a be-lu-ut _kur_ asz-szur{ki} e-pu-szu-ma
67. u2-ma-'e-ru ba-'u-lat {d}en-lil2
68. a-a-um-ma i-na lib3-bi-szu2-nu a-na szum-dul6 szu-bat _iri_
69. e-pesz _bad3_ szu-te-szur su-qa-a-ni
70. u3 ha-re-e _i7_ za-qa-ap s,ip-pa-a-ti
71. u2-zu-un-szu ul ib-szi-ma
72. ul usz-ta-bil ka-ras-su
73. a-na _e2-gal_ qer-bi-szu2 kum2-mu ri-mit be-lu-ti
74. sza s,u-uh-hu-rat szu-bat-sa
75. e-pisz-tasz la nak-lat-ma le-e-su ul id-da-a
76. lib-bu-usz ul ih-su-us
77. ia-a-ti {disz}{d}en-zu-szesz-mesz-eri-ba
78. _lugal_ kisz-sza2-ti _lugal kur_ asz-szur{ki}
79. e-pesz szip-ri szu-a-tu ki-i t,e3-em _dingir-mesz_
80. i-na uz-ni-ia ib-szi-ma ka-bat-ti ub-lam-ma
81. te-ne-szet {kur}kal-di {lu2}a-ra-me {kur}man-na-a-a
82. {kur}qu-e u3 {kur}hi-lak-ku {kur}pi-lisz-ti u3 {kur}s,ur-ri
83. sza a-na ni-ri-ia la ik-nu-szu
84. as-su-ha-am-ma tup-szik-ku
85. u2-sza2-asz2-szi-szu2-nu-ti-ma
86. il-bi-nu _sig4 e2-gal_ mah-ri-tu
87. sza 3(disz) _me_ 1(gesz2) ina 1(disz) _kusz3 us2_ 1(gesz2) 3(u) 5(disz) ina 1(disz) _kusz3 sag-ki_
88. ma-ra-ku szit-ku-na-at-ma s,u-uh-hu-rat szu-bat-sa
89. sza# _lugal-mesz_-ni a-li-kut mah-ri _ad-mesz_-ia
90. a-na ri-mit be-lu-ti-szu2-un u2-sze-pi-szu-ma

column 6
1. la u2-nak#-ki-lu szi#-[x x]
2. _{d}alad-{d}lamma-mesz_ sza# {na4#}pi#-i-li# [...]
3. i-na {iri}ta-as#-ti#-a-te sza e-ber-tan {i7#}[x]
4. ib-tu-qu a-na mu-kil _ka2-mesz_-szi#-[x]
5. a-na szu-pu-usz _{gesz}ma2-mesz_ qe2-reb _{gesz}tir-mesz#_
6. _gesz-mesz gal-mesz_ u2-qe2-ru ina nap-har _kur_-szu2-un#
7. i-na {iti}gu4 u4-mu a-dan-ni e-de-e
8. pa-an szat-ti i-na _{gesz}ma2-mesz_ s,i-ra-a-ti
9. a-na a-ha-an-na-a u2-szeb#-bi-ru-ni mar-s,i-isz
10. i-na ne2-ber ka-a-ri _{gesz}ma2-gu-la-mesz_
11. u2-t,e-eb-bu-u2 ba-hu-la-te-szu2-un u2-sza2-ni-hu
12. u2-lam-me-nu ka-ras-si-in i-na da-na-ni
13. u3 szup-szu-qi mar-s,i-isz u2-bi-lu-nim-ma
14. u2-sza2-as,-bi-tu _ka2-mesz_-szi-in
15. {i7}te-bil-ti a-gu-u2 szit-mu-ru
16. sza ul-tu _ud-mesz su3-mesz_
17. t,e-eh _e2-gal_ i-ba-'u-u2-ma
18. i-na _illu_-sza2 gap-szi i-na usz-szi-sza2
19. ab-bu u2-szab-szu-u2 u2-ri-ib-bu
20. tem-me-en-sza2 _e2-gal-tur-ra_ sza2-a-tu
21. a-na si-hir-ti-sza2 aq-qur
22. sza {i7}te-bil-ti ma-lak-sza2
23. ul-tu qa-bal-ti _iri_ ap-ru-us-ma
24. i-na ta-mir-ti ku-tal _iri#_ u2#-sze#-szir# mu-s,u-sza2
25. i-na 1/2(iku) _GAN2_ ma-lak _a-mesz_ 4(disz) {na4#}pi#-i#-li# _gal-mesz_
26. it-ti _esir-ud-a_ ak-si-ma _gi-mesz_ a-pe
27. u3 ku-pe-e u2-szat-ri-s,a _ugu_-szu2-un
28. 3(disz) _me_ 4(u) ina 1(disz) _kusz3 us2_ 2(disz) _me_ 1(gesz2) 2(u) 9(disz) ina 1(disz) _kusz3 sag-ki_
29. qaq-qa-ru ul-tu qe2-reb {i7}hu-su-ur
30. u3 ta-mir-ti _iri_ ki-ma a-tar-tim-ma
31. lu as,-ba-ta s,e-er me-szi-ih-ti
32. tam-li-i mah-re-e lu u2-rad-di-ma
33. a-na si-hir-ti-szu2 ina 1(disz) _me_ 1(gesz2) 3(u) ti-ib-ki
34. ul-la-a re-szi-szu2 la-ba-risz _u4-mesz_
35. i-na _illu_ kisz-sza2-te tem-me-en tam-li-i
36. la e-ne2-szi {na4}pi-i-li _gal-mesz_
37. ki-su-u2-szu u2-sza2-as-hi-ra
38. u2-dan-nin szu-pu-uk-szu
39. a-na 7(disz) _me_ i-na _as4-lum gal_-ti _usz_
40. u3 4(disz) _me_ 4(u) i-na _as4-lum gal_-ti _sag-ki_
41. szi-kit-ti _e2-gal_ u2-ter-ma szu-bat-sa usz-rab-bi
42. _e2-gal-mesz ku3-sig17 ku3-babbar zabar {na4}an-za-gul-me_
43. _{na4}dur2-mi-na-banda3{da} {na4}gesz-nu11-gal zu2 am-si_
44. _{gesz}esi {gesz}tug2 {gesz}mes-ma2-kan-na {gesz}eren {gesz}szur-min3_
45. {szim}_li_ {gesz}e-lam-ma-ku {gesz}si-in-da-a
46. a-na mu-szab be-lu-ti-ia ab-ni-ma
47. _e2_ mu-ter-re-te tam-szil _e2-gal_ {kur}ha-at-ti
48. me2-eh-ret ba-ba-a-te u2-sze-pisz _gesz-ur3-mesz_ {gesz}ere-ni
49. _{gesz}szur-min3_ sza e-ri-su-un t,a-a-bu bi-nu-ut {kur}ha-ma-nim
50. u3 {kur}si-ra-ra _kur-mesz ku3-mesz_ u2-szat-ri-s,a e-li-szin
51. _{gesz}ig-mesz_ {gesz}ere-ni _{gesz}szur-min3_ {szim}_li_ {gesz}si-in-da-a
52. me-ser _ki-sag uruda_ u2-rak-kis-ma u2-rat-ta-a ba-bi-szin
53. i-na ba-rak-ki sza qe2-reb {e2}_pa-pah-mesz_
54. ap-ti bi-ir-ri u2-pat-ta-a
55. _{munus}{d}lamma-mesz {na4}gesz-nu11-gal zu2 am-si_
56. sza il-lu-ru na-sza2-a kit-mu-sa rit-ta-szin
57. bal-tu ku-uz-bu hi-it-lu-pa lu-le-e ma-la-a
58. i-na _ka2-mesz_-szin ul-ziz-ma a-na tab-ra-a-te u2-sza2-lik
59. s,u-lul ta-ra-a-ni sza qe2-reb ba-rak-ka-a-ni
60. e-t,u-su-un u2-szah-la-a u4-mi3-isz usz-nam-mir
61. sik-kat3 kar-ri kas-pi u3 _uruda_ qe2-reb-szin u2-szal-me
62. i-na _sig4-al-ur3-ra {na4}zu2 {na4}za-gin3_ us-si-ma
63. se-el-lum ne2-be2-hi u3 gi-mir pa-asz2-qi2-szi-in
64. asz2-szu2 szip-ri _e2-gal_-ia szu-te-szu-ri
65. u3 li-pit _szu-min_-ia szul-lu-me
66. i-na u4-me-szu-ma {d}asz-szur u3 {d}isz-tar
67. ra-'i-i-mu _{lu2}sanga_-ti-ia na-bu-u2 _mu_-ia
68. gesz-mah-hi {gesz}ere-ni sza ul-tu _ud-mesz su3-mesz_
69. i-szi-hu-ma ik-bi-ru ma-gal
70. i-na qe2-reb {kur}si-ra-ra _kur-mesz_ ina pu-uz-ri
71. na-an-zu-zu u2-szak-li-mu-in-ni s,i-i-su-un
72. sza _{na4}gesz-nu11-gal_ sza i-na tar-s,i _lugal-mesz_-ni _ad-mesz_-ia
73. a-na kar-ri nam-s,a-ri szu-qu-ru
74. i-na sa-pan {kur}am-ma-na-na u2-szap-tu-ni pa-ni-szu2
75. u3 _{na4}dur2-mi-na-banda3{da}_ ma-la {dug}bur-zi-gal-li
76. sza la in-nam-ru ma-ti-ma
77. ina {iri}kap-ri-da-ar-gi-la-a
78. sza pa-a-t,i {iri}du6-bar-si-ip u2-kal-lim ra-ma-nu-usz
79. i-te-e nina{ki} ina er-s,e-ti {iri}ba-la-t,a-a-a
80. ki-i t,e3-em _dingir_-ma {na4}pi-i-lu pe-s,u-u
81. a-na mu-'u-di-i in-na-mir-ma
82. _{d}alad-{d}lamma-mesz_ u3 s,a-lam mesz-re-ti _{na4}gesz-nu11-gal_
83. sza i-na 1(disz)-en _na4_ ib-ba-nu-u2 mi-na-a-te szuk-lu-lu
84. i-na _ki-gal_ ram-ni-szu2-nu sza2-qisz na-an-zu-zu
85. _{munus}ab2-za-za_-a-te _{na4}gesz-nu11-gal_ sza zi-me nu-us-su-qa
86. _gin7_ u4-me na-par-de-e nu-um-mu-ru zu-mur-szin
87. _kun4-mesz {na4}dur2-mi-na-banda3{da}_ s,i-ra-te#
88. ab-ni ki-lal-la-an i-na szad-di-szu2-un

column 7
1. [...] a#-na szip-ri _e2-gal_-ia
2. [...]-da# qe2-reb {iri}ni-na-a
3. [...] _lamma#-mesz_ u3 _{munus}ab2-za-za_-a-te
4. [...]-li pe-s,e-e i-na lip-ta-at {d}nin-kur-ra
5. [x x] er#-s,e-et {iri}ba-la-t,a-a-a
6. [x]-sza2#-lid-ma u2-szak-li-la gat-ta-szu2-un
7. sza ul-tu ul-la _lugal-mesz_-ni _ad-mesz_-ia
8. s,a-lam _uruda_ tam-szil gat-ti-szu2-un a-na szu-zu-zi qe2-reb _e2-kur-mesz_
9. ib-nu-ma i-na e-pisz-ti-szu2-nu
10. u2-sza2-ni-hu gi-mir _dumu_ um-ma-a-ni
11. i-na la bi-szit uz-ni la ha-sa-as a-ma-ti
12. a-na szip-ri hi-szih-ti-szu2-nu
13. _i3-gesz_ isz-ku-ru na-al-ba-asz2 s,e-e-ni
14. u2-qe2-ru qe2-reb _kur-mesz_-szu2-un
15. ia-a-ti {disz}{d}en-zu-szesz-mesz-eri-ba
16. a#-sza2#-red# kal mal-ki mu-de-e szip-ri ka-la-ma
17. tim-me _uruda# gal-mesz_ ur-mah-hi pe-tan bir-ki
18. sza ma-nam-ma la ip-ti-qu _lugal_ pa-ni
19. mah-ri-ia i-na uz-ni ni-kil-ti
20. sza u2-szat#-li-ma ru-bu-u2 {d}nin-szi-ku3
21. i-na szi-tul-ti ram-ni-ia
22. a-na e-pesz szip#-ri szu-a-tu ra-bisz am-tal-lik-ma
23. ina mi3-lik t,e3-me#-ia u3 me-resz ka-bat-ti-ia
24. pi-ti-iq _uruda_ u2-ba-asz2-szim-ma
25. u2-nak-ki-la nik-la2-su sza gesz-mah-hi u3 a-la-mit-ta
26. _gesz_ mesz-re-e 1(u) 2(disz) _ur-mah-mesz_ ne2-'i-ru-ti
27. a-di 1(u) 2(disz) _{d}alad-{d}lamma-mesz mah-mesz_
28. sza szuk-lu-lu nab-ni-tu 2(u) 2(disz) _{munus}ab2-za-za_-a-te
29. sza ku-uz-ba ul-s,u hi-it-lu-pa
30. bal-tu la-la-a kum2-mu-ru s,e-ru-usz-szin
31. ki-i t,e3#-em _dingir_-ma zi-i'-pi t,i-it,-t,i ab-ni-ma
32. e-ra-a qe2-reb-szu2 asz2-tap-pa-ka ki-i pi-ti-iq 1/2(disz) _gin2-ta-am3_
33. u2-szak-li-la nab-ni-su-un _{d}alad-{d}lamma-me_ nab-nit _uruda_
34. sza 2(disz) ina lib3-bi za-ha-lu-u lit-bu-szu2 _{d}alad-{d}lamma-mesz_
35. _{na4}gesz-nu11-gal_ a-di _{d}alad-{d}lamma-mesz_ u3 _{munus}ab2-za-za_-a-te
36. {na4}pi-i-li pe-s,e-e sza _e2-gal-mesz_-ia
37. u2-sza2-as,-bi-ta _si-gar_-szi-in tim-me _uruda mah-mesz_
38. a-di tim-me {gesz}ere-ni _gal-mesz_ bi-ib-lat {kur}ha-ma-nim
39. me-ser _uruda#_ u3 _an-na_ u2-rak-kis-ma
40. s,e-er pirig-gal#-le-e ul-ziz-ma dap2-pi ku-lul _ka2-mesz_-szin e-mid
41. _{munus}ab2-za-za_-a-te _{na4}gesz-nu11-gal_
42. a-di _{munus}ab2-za#-za_-a-te pi-ti-iq u2-ru-de-e
43. sza2 za-ha-lu-[x] lit-bu-sza2 u3 _{munus}ab2-za-za_-a-te
44. pi-ti-iq _gu-an-na_ sza nu-um-mu-ru gat-ta-szi-in
45. {gesz}tim-me _{gesz}esi {gesz}szur-min3_ {gesz}ere-ni# {gesz}dup-ra-ni {szim}_li_
46. u3 {gesz}si-in#-da#-a# ih#-ze#-et# pa#-szal#-li#
47. u3 kas-pi s,e-ru-usz-szin ul-ziz-ma
48. sza kum2-me mu-szab be-lu-ti-ia e-mid _{gesz}gan-du7-mesz_-szu2-un
49. _kun4-mesz {na4}dur2-mi-na-banda3{da} {na4}gesz-nu11-gal_
50. u3 _kun4-mesz_ {na4}pi-i-li _gal-mesz_
51. a-sur-ru-szin u2-sza2-as-hi-ra
52. a-na tab-ra-a-te u2-sza2-lik
53. asz2-szu2 u4-me-szam-ma _a-mesz_ di-lu-ti
54. da-lum eb-li gu-has,-s,a-a-te _zabar_ u har-ha-ri _zabar_
55. u2-sze-pisz-ma ki-mu-u2 ma-ka-a-te gesz-mah-hi
56. u3 a-la-mit-ta _uruda#_ s,e-er _pu2-mesz_ usz-ziz
57. _e2-gal-mesz_ sza2-ti-na u2-sza2-lik as-mi3-isz
58. si-hir-ti _e2-gal_ a-na tab-rat kisz-szat _ug3-mesz_ ul-la-a re-szi-sza2
59. _e2-gal_ sza2-ni-na la i-szu-u ni-bit-sa az-kur
60. _{gesz}kiri6-mah_-hu tam-szil {kur}ha-ma-nim
61. sza gi-mir _szim hi-a gurun_ s,ip-pa-a-te
62. _gesz-mesz_ tuk-lat _kur_-i u3 {kur}kal-di a-di _gesz-mesz_ na-asz2 _siki hi-a_
63. qe2-reb-szu2 hur-ru-szu2 i-ta-a-sza2 az-qu-up
64. nina{ki} sza ul-tu u4-me pa-ni
65. 9(disz) _lim_ 3(disz) _me_ ina 1(disz) _kusz3_ szu-bat li-me-ti-szu2
66. _bad3_ u3 _bad3-szul-hi_ ul u2-sze-pi-szu
67. a-li-kut mah-ri ma-al-ki
68. 1(u) 2(disz) _lim_ 5(disz) _me_ 1(u) 5(disz) a-szar ta-mir-ti li-mit _iri_
69. s,e-er me-szi-ih-ti mah-ri-ti u2-rad-di-ma
70. 2(u) 1(disz) _lim_ 8(disz) _me_ 1(u) 5(disz) ina _as4-lum gal_-ti u2-kin min3-da-tusz
71. sza _bad3_-szu2 _gal_-i bad3-ni2-gal-bi-lu2-kur2-ra-szu2-szu2
72. du-u2-ru sza nam-ri-ru-szu2 na-ki-ri sah-pu
73. s,e-er pi-i-li tem-me-en-szu2 ad-di-ma 4(u) _sig4_ u2-kab-bir
74. i-na 1(disz) _me_ 1(gesz2) 2(u) ti-ib-ki ul-la-a re-szi-szu
75. i-na er-bet-ti sza2-a-ri 1(u) 5(disz) _ka2-gal-mesz_
76. pa-nu u3 ar-ka i-na s,i-li ki-lal-la-an
77. a-na e-re-bi u3 a-s,e-e u2-szap-ta-a qe2-reb-szu2
78. li-bur _ensi2_ {d}asz-szur _ka2-gal_ {d}asz-szur sza {iri}sza3-iri
79. sa-pi-in gi-mir na-ki-ri
80. _ka2-gal_ {disz}{d}en-zu-szesz-mesz-eri-ba sza {kur}hal-zi
81. {d}en-lil2 mu-kin _bala_-ia _ka2-gal_ {d}sza2-masz sza {kur}ga-gal
82. sza {disz}{d}en-zu-szesz-mesz-eri-ba it-ti man-zal-ti e-req-qi
83. kin-ni _bala_-szu2 _ka2-gal_ {d}nin-lil2 sza {iri}kar-{d}nin-lil2
84. mu-sze-s,a-at _uzu azag2 ka2-gal_ musz-la-lum
85. du-muq asz2-na-an u3 {d}lahar qe2-reb-sza2 ka-a-a-an
86. _ka2-gal_ {iri}szi-ba-ni-ba
87. ba-bi-lat hi-s,ib hur-sza2-a-ni _ka2-gal_ {kur}ha-lah-hi
88. _szu-nigin_ 7(disz) _ka2-gal-mesz_ {d}utu-e3
89. me2-eh-ret {im}szu-u2-ti u3 {im}sza2-di-i
90. az-ku-ra ni-bit-si-in

column 8
1. {d}iszkur sza2-ri-ik _he2-gal2_ a-na _kur ka2#-gal#_ {d#}iszkur# sza# am#-ba#-si#
2. {d}er3-ra sza2-a-gisz za-ma-ni-ia _ka2-gal_ {d}u-gur sza {iri}tar-bi-s,i
3. {d}nanna-ru na-s,ir _aga_ be-lu-te-ia _ka2-gal_ {d}en-zu
4. _szu-nigin_ 3(disz) _ka2-gal-mesz_ sza me2-eh-ret {im}il-ta-ni
5. at-ta-bi si-qir-szi-in
6. {d}e2-a mu-sze-szir kup3-pi-ia _ka2-gal_ mas-qe2-e
7. mu-sze-ri-bat mi-szir3-ti da-ad2-me _ka2-gal_ ka-a-ri
8. kad3-re-e {lu2}su-mu-'e-el3 u3 {lu2}te-e-me
9. qe2-reb-sza2 ir-ru-ub _ka2-gal_ mad-ba-ri
10. pa-qi2-da-at ka-la-ma _ka2-gal e2-gal_ ma-szar-ti
11. {d}szar2-ur4 mu-szam-qit a-a-ab _lugal ka2-gal_ ha-an-du-u2-ri
12. _szu-nigin_ 5(disz) _ka2-gal-mesz_ sza me2-eh-ret {im}a-mur-ri
13. at-tas-qa-ra szu-me-szin
14. sza szal-hi-i bad3-nig2-erim2-hu-luh-ha
15. mu-gal-lit za-ma-a-ni usz-sze-szu2 ap-te-e-ma
16. 4(u) 5(disz) _ninda_ u2-szap-pil-ma u2-sza2-ak-szid _a-mesz_ na-ag-bi
17. qe2-reb ma-a-me szap-la-a-nu _na4 kur_-i dan-ni ak-si-ma
18. e-la-nisz a-di pa-asz2-qi2-szu2 i-na {na4}pi-i-li _gal-mesz_
19. u2-nak-kil szi-pir-szu
20. sza nina{ki} _iri_ be-lu-ti-ia szu-bat-su usz-rab-bi
21. re-ba-ti-szu2 u2-sza2-an-dil-ma u2-nam-mir _gin7_ u4-me
22. _bad3_ szal-hu-u2 u2-sze-pisz-ma u2-zaq-qir hur-sza2-nisz
23. e-le-en _iri_ u3 _ki-ta iri_ u2-sze-pisz _{gesz}kiri6-mesz_
24. _mut-hum-mesz kur_-i u3 ma-ti-tan kul-lat _szim hi-a_ {kur}hat-ti
25. u2-har-ri-sza2 qe2-reb-szu2-un
26. s,e-er sza2-ab-bur-ti sza a-ha am-ba-si _gesztin kur_-i _du3_-szu2-un
27. gi-mir _gurun_ ad-na-a-te _szim hi-a_ u3 {gesz}se-er-di
28. a-na ba-a'-li az-qu-up
29. {i7}hu-su-ur sza ul-tu ul-la-a _a-mesz_-sza2
30. szu-up-lu s,ab-tu-ma i-na _lugal-mesz_-ni _ad-mesz_-ia
31. mam2-ma la is-sir2-szu-nu-ti-ma i-tab-ba-ku _{i7}hal-hal_-isz3
32. a-na mit,-ra-a-te szum-mu-hi
33. ul-tu pa-a-t,i {iri}ki-si-ri
34. mu-la-a musz-pa-lum i-na ak-kul-la-a-te
35. ah-ra-a u2-sze-szir {i7}pat-tu
36. _a-mesz_ szu-nu-ti s,e-er ta-mir-ti nina{ki} u2-ki-nam-ma
37. qe2-reb s,ip-pa-a-te sza2-ti-na u2-szah-bi-ba a-tap-pisz
38. a-na bit-re-e ma-a-me ina _giri3-min_ mu-us,-ri _kur_-e
39. ger-ri as,-bat-ma asz2-qu-ma a-di
40. {iri}el-mu-na-qin-ne2-e szup-szu-qisz at-tal-lak
41. i-na re-esz {iri}bad3-{d}1(u)-5(disz) {iri}szi-ba-ni-ba
42. u3 {iri}su-li nam-ba-'i a-mur-ma
43. _igi-min_-szu2-nu pi-qa-a-te u2-rab-bi-ma u2-ter a-na kup-pi
44. asz2-szu2 ma-lak _a-mesz_ szu2-nu-ti _kur-mesz_ mar-s,u-ti
45. asz2-ri pa-asz2-qu-ti ina ak-kul-la-te u2-szat-tir-ma
46. mu-s,u-szu2-un u2-sze-szi-ra a-na ta-mir-ti nina{ki}
47. {i7}har-ra-ti-szu2-un u2-dan-nin ki-i szu-pu-uk _kur_-i
48. _a-mesz_ sza-tu-nu qe2-reb-szu2-un u2-kin-na
49. ki#-ma# a-tar-tim-ma s,e-er _a-mesz_ {i7}hu-su-ur
50. u2-rad-da-a da-ri-szam
51. i-na um-ma-a-te u2-sza2-asz2-qa-a gi-mir s,ip-pa-a-ti
52. i-na _en-te-na_ 1(disz) _lim_ {sze}_numun-mesz_ ta-me-ra-a-te
53. e-li _iri_ u3 _ki-ta iri_ u2-sza2-an-kar szat-ti-szam
54. a-na szup-szu-hi a-lak-ti _a-mesz_ szu-nu-ti
55. {i7}a-gam-mu u2-szab-szi-ma s,u-s,u-u2 qe2-reb-sza2
56. as-ti-il _igira2{muszen}-mesz szah-mesz {gesz}gi_
57. a-lap qi2-szi i-na lib3-bi u2-masz-szir
58. i-na t,e3-em _dingir_-ma qe2-reb _{gesz}kiri6-mesz edin_ sza2-ab-bur-ti
59. _gesztin_ gi-mir _gurun_ {gesz}se-er-du _szim hi-a_ ma-gal isz-mu-hu
60. _{gesz}szur-min3 {gesz}mes-ma2-kan-na_ nap-har _gesz-mesz_ i-szi-hu-ma
61. u2-s,ar-ri-szu2 pa-pa-al-lum
62. ap-pa-ra-a-ti ma-gal i-szi-ra
63. _muszen-mesz an_-e _igira2_{muszen} sza a-szar-szu2 ru-u2-qu
64. qin-na iq-nun-ma _szah-mesz {gesz}gi_ a-lap qi2-szi
65. u2-rap-pi-szu2 ta-lit-tu
66. _{gesz}mes-ma2-kan-na {gesz}szur-min3_ tar-bit s,ip-pa-a-ti
67. _gi ambar-mesz_ sza qe2-reb {i7}a-gam-me ak-szit,-ma
68. a-na szip-ri hi-szih-ti _e2-gal-mesz_
69. be-lu-te-ia lu e-pu-usz
70. is,-s,u na-asz2 szi-pa-a-ti ib-qu-mu im-ha-s,u s,u-ba-ti-isz
71. ul-tu szip-ri _e2-gal_-ia u2-qat-tu-u2
72. {d}asz-szur _en gal_-u2 _dingir#-mesz#_ u3 _{d#}isz#-tar#-mesz#_ a#-szi#-bu#-ut# _kur#_ asz#-szur#{ki#}
73. i-na qer-bi-sza2 aq-re-ma
74. _{udu}siskur-mesz_ tasz-ri-ih-ti aq-qi2-ma
75. u2-szat-lim kad3-ra-a-a
76. _i3-gesz_ ser2-di u3 hi-bi-isz-ti
77. sza _{gesz}kiri6-mesz edin_ sza2-ab-bur-ti
78. u2-raq-qa-a a-na ru-usz-ti
79. i-na tasz-ri-it _e2-gal_ sza ba-hu-la-te _kur_-ia
80. u2-sza2-asz2-qa-a muh-ha-szi-in
81. _gesztin_ du-usz-szu-pu s,ur-ra-szi-in# am-kir
82. a-na ar2-kat3 u4-me i-na _lugal-mesz dumu-mesz_-ia
83. sza {d}asz-szur a-na _re-e2-um_-ut _kur_ u3 _ug3-mesz_
84. i-nam-bu-u2 zi-kir-szu2
85. e-nu-ma _bad3_ sza2-a-tu i-lab-bi-ru-ma en-na-hu#
86. an-hu-us-su lu-ud-[x]
87. _mu-sar_-e szi-t,ir szu-me-ia#
88. li-mur-ma _i3-gesz_ lip-szu-usz#
89. _{udu}siskur_ liq-qi2 a-na asz2-ri-szu2 li-ter#
90. {d}asz-szur u3 {d}isz-tar ik-ri-bi-szu2 i-szem-mu-u2#
double ruling
91. {iti}ne li-mu {disz}dingir-ki-ia __{lu2#}gar-kur_ {iri}di-masz#-[x]

Version History

RINAP 3/1 Sennacherib 017, ex. 003
Click for archival page

Primary publication	RINAP 3/1 Sennacherib 017, ex. 003
Author(s)	Grayson, A. Kirk & Novotny, Jamie R.
Publication date	2012
Secondary publication(s)	CT 26, pl. 38
Collection	British Museum, London, UK
Museum no.	BM 102996
Accession no.	1909-02-13, 0001
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20110629 cdliadmin_bm
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz0029wk8t
Composite no.	Q003491
Seal no.
CDLI no.	P422272

Can you improve upon the content of this entry?
Please contact us!

No Image Available

Prism

surface a
beginning broken

column 1'
1. [_...]-ra#-mesz_
2. [...]-usz-szu2
3. [...]-ma
4. [...] szu#-pi-i
5. [...]-tu# _iri_
6. [...] im#-nu szal-la-ti-isz
7. [...] iq#-qu-ru
8. [...] u2-ter-ru
9. [...] sza# asz2-lu-la
10. [...] {gesz#}a-ri-tu
11. [...] ak#-s,ur-ma
12. [...] u2-rad-di
13. [...] ka-bit-tu
14. [...] _en-nam-mesz_-ia
15. [_...]-mesz_
16. [...]-'i#-iz
17. [...]-ru#
rest broken

column 2'
1. {na4}pi-i-li _gal-mesz_ ki-su-u2-szu
2. u2-sza2-as-hi-ru u2-dan-nin szu-pu-uk-szu
3. a-na 7(disz) _me_ i-na _as4-lum gal_-ti _usz_
4. u3 4(disz) _me_ i-na _as4-lum gal_-ti _sag-ki_
5. szi-kit-ti _e2-gal_ u2-ter-ma
6. szu-bat-sa usz-rab-bi _e2-gal-mesz ku3-sig17 ku3-babbar_
7. _zabar {na4}an-za-gul-me {na4}dur2-mi-na-banda3{da}_
8. _{na4}gesz-nu11-gal zu2 am-si {gesz}esi {gesz}tug2_
9. _{gesz}mes-ma2-kan-na {gesz}eren {gesz}szur-min3_
10. {szim}_li_ {gesz}e-lam-ma-ku {gesz}si-in-da-a
11. a-na mu-szab be-lu-ti-ia ab-ni-ma
12. _e2_ mu-ter-re-te
13. tam-szil _e2-gal_ {kur}ha-at-ti
14. me2-eh-ret ba-ba-a-ti u2-sze-pisz
15. _gesz-ur3-mesz_ {gesz}ere-ni _{gesz}szur-min3_
16. sza e-ri-su-un t,a-a-bu bi-nu-ut {kur}ha-ma-nim
17. u3 {kur}si-ra-ra _kur-mesz ku3-mesz_
18. [x x]-ri#-s,a e-li-szin
19. [...] _{gesz#}szur#-min3#_ {szim}_li_
20. [_...]-sag# uruda#_
rest broken

column 3'
1. pi-ti-[...]
2. u2-[...]
3. sza gesz-mah#-[hi ...]
4. _gesz_ mesz-re#-[...]
5. a-di [...]
6. _mah-mesz#_ [...]
7. 2(u) 2(disz) _{munus#}[..._]
8. ul-s,u# [...]
9. kum2-mu-ru# [...]
10. ki-i t,e3#-[...]
11. e-ra-a [...]
12. ki-i [...]
13. u2-szak#-[...]
14. _{d}alad#_ [...]
15. sza# [...]
16. a-di# [...]
rest broken

Version History

RINAP 3/1 Sennacherib 017, ex. 004
Click for archival page

Primary publication	RINAP 3/1 Sennacherib 017, ex. 004
Author(s)	Grayson, A. Kirk & Novotny, Jamie R.
Publication date	2012
Secondary publication(s)	Bezold C 1896a
Collection	British Museum, London, UK
Museum no.	BM —
Accession no.	Rm 0026
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20111110 cdliadmin_bmcat
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz002bh3zw
Composite no.	Q003491
Seal no.
CDLI no.	P424594

Can you improve upon the content of this entry?
Please contact us!

(click on image to enlarge)

Prism

surface a
beginning broken

column 1'
beginning broken
1'. [...] x [x x]
2'. [...]-har# _kur_-szu2-un
3'. [...]-de#-e pa-an szat-ti
4'. [...] a#-ha-an-na-a
5'. [...] ka-a-ri
6'. [...]-la#-te-szu2-un
7'. [...]-si#-in
8'. [...]-s,i-isz
9'. [...]-szi#-in
10'. [...]-ru
11'. [_...]-gal#_
12'. [...]-szi#
13'. [...] x
14'. [...] x
15'. [...] x
16'. [...] x
rest broken

column 2'
beginning broken
1'. _ka2-mesz_-[...]
2'. a-di _{munus#}ab2#-[..._]
3'. sza za-ha-lu-[...]
4'. pi-ti-iq _gu#_ [...]
5'. tim-me _{gesz}esi {gesz}szur-min3#_ [...]
6'. {szim}_li#_ {gesz}si-in-[...]
7'. u3# kas-pi s,e-ru#-usz#-[...]
8'. mu-szab be-lu-ti-ia e#-[...]
9'. _kun4-mesz {na4}dur2-mi-na-banda3#[{da}_ ...]
10'. u3 _kun4-mesz_ {na4}pi-i-li [...]
11'. u2-sza2-as-hi-ra a-na tab-ra#-[...]
12'. asz2-szu2 u4-me-szam-ma _a-mesz_ di#-lu#-ti# [...]
13'. gu-ha-s,a-a-te _zabar_ u3 [...]
14'. u2-sze-pisz-ma ki-mu-u2 ma-[...]
15'. u3 a-la-mit-ta s,e-er# [...]
16'. _e2#-gal#-mesz_ sza2-ti-na u2-sza2-[...]
17'. [...]-ra-a-ti# [...]
rest broken

Version History

RINAP 3/1 Sennacherib 017, ex. 005 ?
Click for archival page

Primary publication	RINAP 3/1 Sennacherib 017, ex. 005 ?
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	Pushkin State Museum of Fine Arts, Moscow, Russian
Museum no.	GMII 1502
Accession no.
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20130327 cdliadmin_tinney
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz002h4312
Composite no.	Q003491
Seal no.
CDLI no.	P450361

Can you improve upon the content of this entry?
Please contact us!

No Image Available

Prism

surface a
beginning broken

column 1'
beginning broken
1'. [...] {kur}qu-e {kur}hi-lak-ku {kur}pi-lisz-ti# [...]
2'. [...] sza# a-na ni-ri-ia la ik-nu-szu# [...]
3'. [...] tup#-szik-ku u2-sza2-asz2-szi-szu2-nu-ti-[...]
4'. [...] _e2-gal_ mah-ri-tu sza 3(disz)? _me_ 4(u) ina 1(disz) [...]
5'. [...] sza# _lugal-mesz_-ni a-li-kut mah-ri _ad-mesz#_-[...]
6'. [...] be#-lu-ti-szu2-un u2-sze-pi-szu-ma la u2-nak#-[...]
7'. [...] _{d}alad-{d}lamma-mesz_ sza {na4}pi-i-li# [...]
8'. [...]-na# {iri}ta-as-ti-a-te sza e-ber-[...]
9'. [...]-tu-qu a-na mu-kil _ka2-mesz_-szi-in a-na# [...]
10'. [...]-reb# _{gesz}tir-mesz gesz-mesz gal-mesz_ u2-qe2-ru# [...]
11'. [...] {iti#}gu4 u4-mu a-dan-ni e-de-e# [...]
12'. [...] _ma2#-mesz_ s,i-ra-a-te a-na# [...]
13'. [...]-t,e-eb-bu-u2 [...]
14'. [...]-sza2#?-[...]
rest broken

Version History

Page: 1

Search results