CDLI-Found Texts

RINAP 3/1 Sennacherib 022 composite
Click for archival page

Primary publication	RINAP 3/1 Sennacherib 022 composite
Author(s)	Grayson, A. Kirk & Novotny, Jamie R.
Publication date	2012
Secondary publication(s)	Taylor Prism
Collection
Museum no.
Accession no.
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	other (see object remarks)
Remarks	composite text
Material	composite
Language	Akkadian
Genre	Royal/Monumental
Sub-genre	composite
CDLI comments
Catalogue source	20140116 cdliadmin
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/z1dz1f01
Composite no.	Q003496
Seal no.
CDLI no.	P462830

Can you improve upon the content of this entry?
Please contact us!

No Image Available

Composite text

surface a
1. {disz}{d}suen-szesz-mesz-eri-ba _lugal gal_-u2
en: Sennacherib, great king,
2. _lugal_ dan-nu _lugal_ kisz-sza2-ti _lugal kur_ asz-szur{ki}
en: strong king, king of the world, king of Assyria,
3. _lugal_ kib-rat _limmu2_-tim _re-e2-um_ it-pe-szu
en: king of the four quarters, capable shepherd,
4. mi-gir _dingir-mesz gal-mesz_ na-s,ir kit-ti
en: favorite of the great gods, guardian of truth
5. ra-'i-im mi-sza2-ri e-pisz u2-sa-a-ti
en: he who loves justice, renders assistance,
6. a-lik tap-pu-ut a-ki-i sa-hi-ru dam-qa-a-ti
en: goes to the aid of the weak, (and) strives after good deeds,
7. et,-lum git2-ma-lum zi-ka-ru qar-du
en: perfect man, virile warrior,
8. a-sza2-red kal mal-ki rap-pu la-'i-it,
en: foremost of all rulers, bridle who controls
9. la ma-gi-ri mu-szab-ri-qu za-ma-a-ni
en: the insubmissive, the one who strikes enemies with lightning:
10. {d}asz-szur _kur_-u2 _gal_-u2 _lugal_-ut la sza2-na-an
en: Aššur, great mountain, unrivalled sovereignty
11. u2-szat-li-ma-an-ni-ma _ugu_ gim-ri
en: granted to me and greater than (those of) all
12. a-szib pa-rak-ki u2-szar-ba-a _{gesz}tukul-mesz_-ia
en: who sit on (royal) daises my weapons made.
13. ul-tu _a-ab-ba_ e-le-ni-ti sza sza2-lam {d}utu-szi
en: From the Upper Sea of Setting Sun
14. a-di tam-tim szap-li-ti sza s,i-it {d}utu-szi
en: to the Lower Sea of the Rising Sun
15. gim-ri s,al-mat _sag-du_ u2-szak-nisz sze-pu-u2-a
en: all of the black-headed (people) he made bow down at my feet.
16. u3 mal-ki szep-s,u-ti e-du-ru ta-ha-zi
en: ...
17. da-ad2-me-szu2-un iz-zi-bu-ma
18. ki-ma su-tin-ni{muszen} ni-gi-is,-s,i
19. e-disz ip-par-szu2 a-szar la 'a-a-ri
20. i-na mah-re-e ger-ri-ia sza {disz}{d}mes-a-szum2-na
21. _lugal_ {kur}kar2-{d}dun-ia2-asz3 a-di _erin2 hi-a_ elam-ma{ki}
22. re-s,i-szu2 i-na ta-mir-ti kisz{ki} asz2-ta-kan _bad5-bad5_-szu2
23. i-na _muru2_ tam-ha-ri szu-a-tu e-zib _karasz_-su
24. e-disz ip-par-szid-ma na-pisz-tusz e-t,i2-ir
25. _{gesz}gigir-mesz ansze-kur-ra-mesz_ {gesz}s,u-um-bi _{ansze}kunga-mesz_
26. sza i-na qit-ru-ub ta-ha-zi u2-masz-szi-ru
27. ik-szu-da _szu-min_-a-a a-na _e2-gal_-szu2 sza qe2-reb
28. babila2{ki} ha-disz e-ru-um-ma ap-te-ma
29. _e2_ ni-s,ir-ti-szu2 _ku3-sig17 ku3-babbar_ u2-nu-ut _ku3-sig17 ku3-babbar_
30. _na4_ a-qar-tu mim-ma szum-szu2 _nig2-szu nig2-gur11_
31. la ni-bi ka-bit-tu _gun_ {munus}_sza3-e2-gal-mesz_-szu2
32. _{lu2}tirum-mesz_ {lu2}man-za-az pa-ni _{lu2}nar-mesz_
33. {munus}_nar-mesz_ si-hir-ti um-ma-a-ni
34. ma-la ba-szu-u2 mut-tab-bi-lu-tu2 _e2-gal_-usz
35. u2-sze-s,a-am-ma szal-la-tisz am-nu i-na e-muq {d}asz-szur
36. _en_-ia 1(gesz2) 1(u) 5(disz) _iri-mesz_-szu2 dan-nu-ti _e2 bad3-mesz_
37. sza {kur}kal-di u3 4(disz) _me_ 2(u) _iri-mesz tur-mesz_
38. sza li-me-ti-szu2-nu al-me _kur_-ud asz2-lu-la szal-la-sun2
39. {lu2}ur2-bi {lu2}a-ra-mu {lu2}kal-du
40. sza qe2-reb unu{ki} nibru{ki} kisz{ki} {iri}hur-sag-kalam-ma
41. gu2-du8-a{ki} zimbir{ki} a-di _dumu-mesz iri_
42. _en_ hi-it,-t,i u2-sze-s,a-am-ma szal-la-tisz am-nu
43. i-na ta-a-a-ar-ti-ia {lu2}tu-'u-mu-na
44. {lu2}ri-hi-hu {lu2}ia-daq-qu {lu2}u2-bu-du
45. {lu2}gib-re-e {lu2}ma-la-hu {lu2}gu-ru-mu
46. {lu2}u2-bu-lum {lu2}da-mu-nu {lu2}gam-bu-lum
47. {lu2}hi-in-da-ru {lu2}ru-'u-u-a {lu2}pu-qu-du
48. {lu2}ha-am-ra-nu {lu2}ha-ga-ra-nu {lu2}na-ba-tu
49. {lu2}li-i'-ta-a-u2 {lu2}a-ra-mu la kan-szu-ti
50. mit-ha-risz ak-szud{ud} 2(disz) _me_ 8(disz) _lim un-mesz tur gal_
51. _nita_ u3 _munus ansze-kur-ra-mesz {ansze}kunga-mesz ansze-mesz_
52. _{ansze}gam-mal-mesz gu4-mesz_ u3 s,e-e-ni sza la ni-bi
53. szal-la-tu ka-bit-tu asz2-lu-la a-na qe2-reb _kur_ asz-szur{ki}
54. i-na me-ti-iq ger-ri-ia sza {disz}{d}muati-en-mu-mesz
55. {lu2}qi2-pi {iri}ha-ra-ra-te _ku3-sig17 ku3-babbar_ {gesz}mu-suk-kan-ni
56. _gal-mesz ansze-mesz {ansze}gam-mal-mesz gu4-mesz_ u3 s,e-e-ni
57. ta-mar-ta-szu2 ka-bit-tu am-hur ba-hu-la-ti
58. {iri}hi-rim-me _{lu2}kur2_ ak-s,i i-na _{gesz}tukul-mesz_ u2-szam-qit-ma
59. e-du ul e-zib pag-ri-szu-un i-na ga-szi-szi
60. a-lul-ma si-hir-ti _iri_ u2-szal-me na-gu-u2
61. szu-a-tu a-na esz-szu-ti as,-bat 1(disz)-en _gu4_
62. 1(u) _udu-nita2-mesz_ 1(u) _ansze {gesz}gesztin_ 2(u) _ansze zu2-lum-ma_
63. re-sze-ti-szu2 a-na _dingir-mesz_-ni _kur_ asz-szur{ki}
64. _en-mesz_-ia u2-kin da3-ri-szam
65. i-na 2(disz)-e ger-ri-ia {d}asz-szur be-li2 u2-tak-kil-an-ni-ma
66. a-na _kur_ {lu2}kasz-szi-i u3 _kur_ {lu2}ia-su-bi-gal-la-a-a
67. sza ul-tu ul-la a-na _lugal-mesz ad-mesz_-ia la kit-nu-szu2
68. lu al-lik qe2-reb hur-sza2-a-ni zaq-ru-ti
69. _a-sza3_ nam-ra-s,i i-na _ansze-kur-ra_ ar-kab-ma
70. _{gesz}gigir giri3-min_-ia i-na ti-ik-ka-te u2-sza2-asz2-szi
71. asz2-ru szup-szu-qu i-na _giri3-min_-ia ri-ma-nisz at-tag-gisz
72. {iri}e2-{disz}ki-lam-za-ah {iri}ha-ar-disz-pi
73. {iri}e2-{disz}ku-bat-ti _iri-mesz_-szu2-nu _e2 bad3-mesz_-ni
74. dan-nu-ti al-me _kur_-ud _ug3-mesz ansze-kur-ra-mesz_
75. _{ansze}kunga-mesz ansze-mesz gu4-mesz_ u3 s,e-e-ni
76. ul-tu qer-bi-szu2-un u2-sze-s,a-am-ma szal-la-tisz am-nu
77. u3 _iri-mesz_-szu2-nu _tur-mesz_ sza ni-ba la i-szu-u2
78. ap-pul aq-qur u2-sze-me kar-mesz _e2 edin_ kul-ta-ri
79. mu-sza2-bi-szu2-nu i-na {d}gesz-bar aq-mu-ma di-tal-lisz
80. u2-sze-me u2-ter-ma {iri}e2-{disz}ki-lam-za-ah
81. szu-a-tu a-na {iri}bir-tu-ti as,-bat
82. _ugu_ sza u4-um pa-ni _bad3-mesz_-szu2 u2-dan-nin-ma
83. _ug3-mesz kur-kur_ ki-szit-ti _szu-min_-ia ina _sza3_ u2-sze-szib
84. _ug3-mesz kur_ {lu2}kasz-szi-i u3 _kur_ {lu2}ia-su-bi-gal-la-a-a
85. sza la-pa-an _{gesz}tukul-mesz_-ia ip-par-szid-du
86. ul-tu qe2-reb _kur_-i u2-sze-ri-dam-ma
87. i-na {iri}har-disz-pi {iri}e2-{disz}ku-bat-ti u2-szar-me
88. i-na _szu-min_ {lu2}szu-ut _sag_-ia _{lu2}en-nam_ {iri}ar-rap-ha
89. am-nu-szu2-nu-ti _{na4}na-ru2-a_ u2-sze-pisz-ma
90. li-i-tum ki-szit-ti _szu-min_ sza _ugu_-szu2-un
91. asz2-tak-ka-nu s,e-ru-usz-szu2 u2-sza2-asz2-t,ir-ma
92. i-na qer-bi _iri_ ul-ziz pa-an ni-ri-ia u2-ter-ma
93. a-na {kur}el-li-pi as,-s,a-bat har-ra-nu
94. el-la-mu-u2-a {disz}is-pa-ba-a-ra _lugal_-szu-un
95. _iri-mesz_-szu2 dan-nu-ti _e2_ ni-s,ir-ti-szu2
96. u2-masz-szir-ma a-na ru-qe2-e-ti in-na-bit
97. gim-ri _kur_-szu2 _dagal_-tim _gin7 muru9_ as-hu-up
98. {iri}mar-u2-bisz-ti {iri}ak-ku-ud-du _iri-mesz_-ni
99. _e2 lugal_-ti-szu2 a-di 3(u) 4(disz) _iri-mesz tur-mesz_
100. sza li-me-ti-szu2-nu al-me _kur_-ud ap-pul aq-qur
101. i-na {d}gesz-bar aq-mu _ug3-mesz tur gal nita_ u _munus_
102. _ansze-kur-ra-mesz {ansze}kunga-mesz ansze-mesz {ansze}gam-mal-mesz_
103. _gu4-mesz_ u3 s,e-e-ni a-na la mi-nam asz2-lu-lam-ma
104. a-di la ba-szi-i u2-sza2-lik-szu-ma u2-s,a-hir _kur_-su
105. {iri}s,i-s,i-ir-tu {iri}ku-um-ma-ah-lum _iri-mesz_-ni
106. dan-nu-ti a-di _iri-mesz tur-mesz_ sza li-me-ti-szu2-nu
107. {kur}e2-{disz}ba-ar-ru-u2 na-gu-u a-na gi-mir-ti-szu2
108. ul-tu qe2-reb _kur_-szu2 ab-tuq-ma _ugu_ mi-s,ir _kur_ asz-szur
109. u2-rad-di {iri}el-en-za-asz2 a-na _iri lugal_-u2-ti
110. u3 dan-na-at na-ge-e szu-a-tu as,-bat-ma
111. _mu_-szu2 mah-ra-a u2-na-kir-ma {iri}kar-{disz}{d}3(u)-pap-mesz-su
112. at-ta-bi ni-bit-su _ug3-mesz kur-kur_ ki-szit-ti _szu-min_-ia
113. i-na lib3-bi u2-sze-szib i-na _szu-min_ {lu2}szu-ut _sag_-ia
114. _{lu2}en-nam_ {iri}har-har am-nu-ma u2-rap-pisz ma-a-ti
115. i-na ta-a-a-ar-ti-ia sza {kur}ma-da-a-a ru-qu-te
116. sza i-na _lugal-mesz ad-mesz_-ia ma-am-man la isz-mu-u2
117. zi-kir _kur_-szu2-un man-da-ta-szu2-nu ka-bit-tu am-hur
118. a-na ni-ri be-lu-ti-ia u2-szak-ni-su-nu-ti
119. i-na szal-szi ger-ri-ia a-na {kur}hat-ti lu al-lik
120. {disz}lu-li-i _lugal_ {iri}s,i-du-un-ni pul-hi me-lam-me
121. be-lu-ti-ia is-hu-pu-szu-ma a-na ru-uq-qi2
122. qa-bal tam-tim in-na-bit-ma szad-da-szu2 e-mid
123. {iri}s,i-du-un-nu _gal_-u2 {iri}s,i-du-un-nu _tur_
124. {iri}e2-zi-it-ti {iri}s,a-ri-ip-tu {iri}ma-hal-li-ba
125. {iri}u2-szu-u2 {iri}ak-zi-bi {iri}ak-ku-u2
126. _iri-mesz_-szu2 dan-nu-ti _e2 bad3-mesz_ a-szar ri-i-ti
127. u3 masz-qi2-ti _e2_ tuk-la-te-szu2 ra-szub-bat _{gesz}tukul_ {d}asz-szur
128. _en_-ia is-hu-pu-szu2-nu-ti-ma ik-nu-szu2 sze-pu-u2-a
129. {disz}tu-ba-a'-lum i-na _{gesz}gu-za lugal_-u2-ti
130. _ugu_-szu2-un u2-sze-szib-ma _gun_ man-da-tu be-lu-ti-ia
131. szat-ti-szam la ba-at,-lu u2-kin s,e-ru-usz-szu2
132. sza {disz}mi-in-hi-im-mu {iri}sam-si-mu-ru-na-a-a
133. {disz}tu-ba-a'-lum {iri}s,i-du-un-na-a-a
134. {disz}ab-di-li-i'-ti {iri}a-ru-da-a-a
135. {disz}u2-ru-mil-ki {iri}gu-ub-la-a-a
136. {disz}mi-ti-in-ti {iri}as-du-da-a-a
137. {disz}bu-du-dingir {kur}e2-{disz}am-ma-na-a-a
138. {disz}kam-mu-su-na-ad-bi {kur}ma-'a-ba-a-a
139. {disz}{d}a-a-ram-mu {kur}u2-du-um-ma-a-a
140. _lugal-mesz kur_ mar-tu{ki} ka-li-szu2-un _igi-sa2_-e szad-lu-ti
141. ta-mar-ta-szu2-nu ka-bit-tu a-di 4(disz)-szu2 a-na mah-ri-ia
142. isz-szu-nim-ma isz-szi-qu _giri3-min_-ia u3 {disz}s,i-id-qa-a
143. _lugal_ {iri}is-qa-al-lu-na sza la ik-nu-szu2
144. a-na ni-ri-ia _dingir-mesz e2 ad_-szu2 sza2-a-szu2 _dam_-su
145. _dumu-mesz_-szu2 _dumu-munus-mesz_-szu2 _szesz-mesz_-szu2 _numun e2 ad_-szu2
146. as-su-ha-ma a-na _kur_ asz-szur{ki} u2-ra-asz2-szu2
147. {disz}lugal-lu-da3-ri _dumu_ {disz}ru-kib-ti _lugal_-szu2-nu mah-ru-u2
148. _ugu un-mesz_ {iri}is-qa-al-lu-na asz2-kun-ma
149. na-dan _gun_ kad3-re-e be-lu-ti-ia e-mid-su-ma
150. i-sza2-a-at, ab-sza2-a-ni i-na me-ti-iq ger-ri-ia
151. {iri}e2-da-gan-na {iri}ia-ap-pu-u2
152. {iri}ba-na-a-a-bar-qa {iri}a-zu-ru _iri-mesz_-ni
153. sza {disz}s,i-id-qa-a sza a-na _giri3-min_-ia ar2-hisz
154. la ik-nu-szu2 al-me _kur_-ud asz2-lu-la szal-la-su-un
155. _{lu2}szagina-mesz {lu2}nun-mesz_ u3 _ug3-mesz_ {iri}am-qar-ru-na
156. sza {disz}pa-di-i _lugal_-szu2-nu _en_ a-de-e u3 ma-mit
157. sza _kur_ asz-szur{ki} bi-re-tu _an-bar_ id-du-ma
158. a-na {disz}ha-za-qi-a-u2 {kur}ia-u2-da-a-a
159. id-di-nu-szu2 nak-risz a-na an-zil-li i-pu-szu2
160. ip-lah3 lib-ba-szu2-un _lugal-mesz_ {kur}mu-s,u-ri
161. _{lu2}erin2-mesz {gesz}pan {gesz}gigir-mesz ansze-kur-ra-mesz_
162. sza _lugal_ {kur}me-luh-hi e-mu-qi2 la ni-bi
163. ik-te-ru-nim-ma il-li-ku re-s,u-su-un
164. i-na ta-mir-ti {iri}al-ta-qu-u2
165. el-la-mu-u2-a si-id-ru szit-ku-nu
166. u2-sza2-'a-lu _{gesz}tukul-mesz_-szu2-un i-na tukul-ti {d}asz-szur
167. _en_-ia it-ti-szu2-un am-da-hi-is,-ma asz2-ta-kan
168. _bad5-bad5_-szu2-un _{lu2}en {gesz}gigir-mesz_ u3 _dumu-mesz lugal_
169. {kur}mu-s,u-ra-a-a a-di _{lu2}en {gesz}gigir-mesz_ sza _lugal_ {kur}me-luh-hi
170. bal-t,u-su-un i-na _muru2_ tam-ha-ri ik-szu-da
171. _szu-min_-a-a {iri}al-ta-qu-u2 {iri}ta-am-na-a
172. al-me _kur_-ud asz2-lu-la szal-la-sun2 a-na {iri}am-qar-ru-na
173. aq-rib-ma _{lu2}szagina-mesz {lu2}nun-mesz_ sza hi-it,-t,u
174. u2-szab-szu-u2 a-duk-ma i-na di-ma-a-ti
175. si-hir-ti _iri_ a-lul pag-ri-szu2-un _dumu-mesz iri_
176. e-pisz an-ni u3 gil2-la-ti a-na szal-la-ti am-nu
177. si-it-tu-te-szu2-nu la ba-bil hi-t,i-ti
178. u3 gul-lul-ti sza a-ra-an-szu2-nu la ib-szu-u2
179. usz-szur-szu2-un aq-bi {disz}pa-di-i _lugal_-szu2-nu
180. ul-tu qe2-reb {iri}ur-sa-li-im-mu u2-sze-s,a-am-ma
181. i-na _{gesz}gu-za_ be-lu-ti _ugu_-szu2-un u2-sze-szib-ma
182. man-da-at-tu be-lu-ti-ia u2-kin s,e-ru-usz-szu2
183. u3 {disz}ha-za-qi-a-u2 {kur}ia-u2-da-a-a
184. sza la ik-nu-szu2 a-na ni-ri-ia 4(u) 6(disz) _iri-mesz_-szu2 dan-nu-ti
185. _e2 bad3-mesz_ u3 _iri-mesz tur-mesz_ sza li-me-ti-szu2-nu
186. sza ni-ba la i-szu-u2 i-na szuk-bu-us a-ram-me
187. u3 qit-ru-ub szu-pi-i mit-hu-us, zu-uk _giri3-min_
188. pil-szi nik-si u3 kal-ban-na-te al-me _kur_-ud
189. 2(disz) _me lim_ 1(disz) _me_ 5(u) _ug3-mesz tur gal nita_ u3 _munus_
190. _ansze-kur-ra-mesz {ansze}kunga-mesz ansze-mesz {ansze}gam-mal-mesz_
191. _gu4-mesz_ u3 s,e-e-ni sza la ni-bi ul-tu qer-bi-szu2-un
192. u2-sze-s,a-am-ma szal-la-tisz am-nu sza2-a-szu2 _gin7 muszen_ qu-up-pi
193. qe2-reb {iri}ur-sa-li-im-mu _iri lugal_-ti-szu2
194. e-sir2-szu2 {iri}hal-s,u-_mesz_ ugu_-szu2 u2-rak-kis-ma
195. a-s,e-e _ka2-gal iri_-szu2 u2-ter-ra ik-ki-bu-usz _iri-mesz_-szu2
196. sza asz2-lu-la ul-tu qe2-reb _kur_-szu2 ab-tuq-ma
197. a-na {disz}mi-ti-in-ti _lugal_ {iri}as-du-di
198. {disz}pa-di-i _lugal_ {iri}am-qar-ru-na u3 {disz}gissu-en
199. _lugal_ {iri}ha-zi-ti ad-din-ma u2-s,a-ah-hir _kur_-su
200. e-li _gun_ mah-ri-ti na-dan szat-ti-szu2-un
201. man-da-at-tu kad3-re-e be-lu-ti-ia u2-rad-di-ma
202. u2-kin s,e-ru-usz-szu2 szu-u2 {disz}ha-za-qi-a-u2
203. pul-hi me-lam-me be-lu-ti-ia is-hu-pu-szu-ma
204. {lu2}ur2-bi u3 _{lu2}erin2-mesz_-szu2 _saga-mesz_ sza a-na dun-nun
205. {iri}ur-sa-li-im-mu _iri lugal_-ti-szu2 u2-sze-ri-bu-ma
206. ir-szu-u2 til-la-a-ti it-ti 3(u) _gun ku3-sig17_
207. 8(disz) _me gun ku3-babbar_ ni-siq-ti gu-uh-li
208. tak2-kas3-si _{na4}an-za-gul-me gal-mesz {gesz}na2-mesz zu2_
209. _{gesz}gu-za-mesz_ ne2-me-di _zu2 kusz am-si zu2 am-si_
210. _{gesz}esi {gesz}tug2_ mim-ma szum-szu2 ni-s,ir-tu ka-bit-tu
211. u3 _dumu-munus-mesz_-szu2 {munus}_ug3-mesz e2-gal_-szu2 _{lu2}nar-mesz_
212. {munus}_nar-mesz_ a-na qe2-reb nina{ki} _iri_ be-lu-ti-ia
213. _egir_-ia u2-sze-bi-lam-ma a-na na-dan man-da-at-te
214. u3 e-pesz _ARAD2_-u2-ti isz-pu-ra rak-bu-szu2
215. i-na 4(disz)-e ger-ri-ia {d}asz-szur be-li2 u2-tak-kil-an-ni-ma
216. um-ma-na-te-ia gap-sza2-te ad-ke-ma a-na {kur}e2-{disz}ia-kin7
217. a-la-ku aq-bi i-na me-ti-iq ger-ri-ia
218. sza {disz}szu-zu-bi {lu2}kal-da3-a-a a-szib qe2-reb {i7}a-gam-me
219. i-na {iri}bi-it-tu-u2-tu asz2-ta-kan _bad5-bad5_-szu2
220. szu-u2 hur-ba-szu2 _me3_-ia _ugu_-szu2 im-qut-ma
221. it-ru-ku lib-bu-szu2 ki-ma az-za-ri e-disz ip-par-szid-ma
222. ul in-na-mir a-szar-szu2 pa-an ni-ri-ia u2-ter-ma
223. a-na {kur}e2-{disz}ia-kin7 as,-s,a-bat har-ra-nu
224. szu-u2 {disz}{d}marduk-ibila-szum2-na sza i-na a-lak ger-ri-ia
225. mah-re-e _bad5-bad5_-szu2 asz2-ku-nu-ma u2-par-ri-ru
226. el-lat-su ri-gim _{gesz}tukul-mesz_-ia dan-nu-ti
227. u3 ti-ib _me3_-ia ez-zi e-dur2-ma
228. _dingir-mesz_ ma-rak _kur_-szu2 i-na _ki-tusz_-szu2-nu id-ke-ma
229. qe2-reb _{gesz}ma2-mesz_ u2-szar-kib-ma a-na {iri}na-gi-te-raq-qi2
230. sza qa-bal tam-tim is,-s,u-risz ip-pa-risz _szesz-mesz_-szu2
231. _numun e2 ad_-szu2 sza u2-masz-szi-ru a-hi tam-tim
232. a-di si-it-ti _ug3-mesz kur_-szu2 ul-tu {kur}e2-{disz}ia-kin7
233. qe2-reb {i7}a-gam-me u ap-pa-ra-a-te u2-sze-s,a-am-ma
234. szal-la-tisz am-nu u2-ter-ma _iri-mesz_-szu2 ap-pul aq-qur
235. u2-sze-me kar-mesz _ugu en_ sa-li-me-szu2 _lugal_ {kur}elam-ma{ki}
236. na-mur-ra-tum at-bu-uk i-na ta-a-a-ar-ti-ia
237. {disz}{d}asz-szur-na-din-mu _dumu_ resz-tu-u2 tar-bit bir-ki-ia
238. i-na _{gesz}gu-za_ be-lu-ti-szu2 u2-sze-szib-ma
239. _dagal_-tum _kur eme-gi7_ u uri{ki} u2-szad-gil pa-nu-usz-szu2
240. i-na 5(disz) ger-ri-ia ba-hu-la-te {iri}tu-mur-ri
241. {iri}sza2-ru-um {iri}e-za-ma {iri}kib-szu2 {iri}hal-bu-da
242. {iri}qu-u-a {iri}qa-na sza _gin7_ qin-ni _ti8_{muszen} a-sza2-red
243. _muszen hi-a_ s,e-er zuq-ti {kur}ni-pur _kur_-i mar-s,i
244. szu-bat-sun2 szit-ku-na-at-ma la kit-nu-szu2 a-na ni-ri
245. i-na _giri3-min_ {kur}ni-pur ka-ra-szi u2-sza2-asz2-kin-ma
246. it-ti {lu2}qur-bu-ti _giri3-min_-ia na-as-qu-ti
247. u3 _{lu2}erin2-mesz me3_-ia la ga-me-lu-ti
248. a-na-ku _gin7 am_ ek-di pa-nu-usz-szu2-un as,-bat
249. hur-ri na-hal-li na-at-bak _kur_-i me-le-e
250. mar-s,u-ti i-na _{gesz}gu-za_ asz2-ta-am-di-ih
251. a-szar a-na _{gesz}gu-za_ szup-szu-qu i-na _giri3-min_-ia asz2-tah-<hi>-it,
252. _gin7_ ar-me a-na zuq-ti sza2-qu-ti s,e-ru-usz-szu2-un
253. e-li a-szar bir-ka-a-a ma-na-ah-tu i-sza2-a
254. s,e-er _na4 kur_-i u2-szib-ma _a-mesz_ {kusz}na-a-di ka-s,u-te
255. a-na s,u-um-me-ia lu asz2-ti i-na _szu-si-mesz_
256. hur-sza2-a-ni ar-de-szu2-nu-ti-ma asz2-ta-kan
257. tah-ta-szu2-un _iri-mesz_-szu2-nu _kur_-ma asz2-lu-la szal-la-sun2
258. ap-pul aq-qur i-na {d}gesz-bar aq-mu pa-an ni-ri-ia
259. u2-ter-ma s,e-er {disz}ma-ni-ia-e _lugal_ {iri}uk-ki
260. szad-da-a-a-e la kan-sze as,-s,a-bat har-ra-nu
261. ur-hi la pe-tu-ti t,u-di pa-asz2-qu-ti sza la-pa-an
262. _kur-mesz_ mar-s,u-ti ul-la-nu-u2-a qe2-reb-szu2-un
263. ma-am-man la il-li-ku _lugal-mesz_ pa-ni mah-ru-ti
264. i-na _giri3-min_ {kur}a-na-ra u3 {kur}up-pa szad-di-i dan-nu-ti
265. ka-ra-szi u2-sza2-asz2-kin-ma a-na-ku i-na _{gesz}gu-za_ ne2-me-di
266. it-ti _{lu2}erin2-mesz_ ta-ha-zi-ia git2-ma-lu-ti
267. i-na ne-re-bi-szu2-un pi-qu-ti szu-nu-hi-isz
268. e-ru-um-ma mar-s,i-isz e-te-el-la-a _szu-si-mesz kur_-i
269. pa-asz2-qa-a-te szu-u2 {disz}ma-ni-ia-e tur-bu-u'
270. _giri3-min erin2 hi-a_-ia e-mur-ma {iri}uk-ku _iri lugal_-ti-szu
271. e-zib-ma a-na ru-qe2-e-ti in-na-bit {iri}uk-ku
272. al-me _kur_-ud asz2-lu-la szal-la-su mim-ma szum-szu _nig2-szu nig2-gur11_
273. ni-s,ir-ti _e2-gal_-szu2 ul-tu qer-be2-e-szu
274. u2-sze-s,a-am-ma szal-la-tisz am-nu u3 3(u) 3(disz) _iri-mesz_-ni
275. sza pa-a-t,i na-gi-szu2 _kur_-ma _ug3-mesz ansze-mesz gu4-mesz_
276. u3 s,e-e-ni ul-tu qer-bi-szu2-un asz2-lu-la
277. ap-pu-ul aq-qur i-na {d}gesz-bar aq-mu
278. i-na 6(disz) ger-ri-ia si-it-ti _ug3-mesz_ {kur}e2-{disz}ia-kin7
279. sza la-pa-an _{gesz}tukul-mesz_-ia dan-nu-te _gin7_ ser2-re-me
280. ig-ru-ru _dingir-mesz_ ma-rak _kur_-szu2-un i-na _ki-tusz_-szu2-nu id-ku-ma
281. tam-tum _gal_-tum sza s,i-it {d}utu-szi e-bi-ru-ma
282. i-na {iri}na-gi-ti sza {kur}elam-ma{ki} id-du-u2 szu-bat-sun2
283. i-na _{gesz}ma2-mesz_ {kur}hat-ti tam-tum lu e-bir {iri}na-gi-tu2
284. {iri}na-gi-tu2-di-i'-bi-na a-di {kur}hi-il-mu {kur}pil-la-tu2
285. u3 {kur}hu-pa-pa-nu na-ge-e sza {kur}_elam-ma{ki} kur_-ud
286. _ug3-mesz_ {kur}e2-{disz}ia-kin7 a-di _dingir-mesz_-szu2-nu u3 _ug3-mesz_
287. sza _lugal_ {kur}elam-ma{ki} asz2-lu-lam-ma la e-zi-ba
288. mul-tah-t,u qe2-reb _{gesz}ma2-mesz_ u2-szar-kib-ma
289. a-na a-ha-an-na-a u2-sze-bi-ra-ma u2-sza2-as,-bi-ta
290. har-ra-an _kur_ asz-szur{ki} _iri-mesz_ sza qe2-reb na-ge-e
291. sza2-tu-nu ap-pul aq-qur i-na {d}gesz-bar aq-mu a-na _du6_ u kar-me
292. u2-ter i-na ta-a-a-ar-ti-ia {disz}szu-zu-bu
293. _dumu_ babila2{ki} sza i-na e-szi-ti ma-a-te be-lu-tu
294. _kur eme-gi7_ u uri{ki} ra-ma-nu-usz u2-ter-ru
295. i-na _me3 edin bad5-bad5_-szu2 asz2-kun bal-t,u-su i-na _szu-min_
296. as,-bat-su szum-man-nu u3 bi-re-tu _an-bar_ ad-di-szu-ma
297. a-na _kur_ asz-szur{ki} u2-ra-asz2-szu2 _lugal_ {kur}elam-ma{ki} sza _a2-min_-szu2
298. is-hu-ru-ma il-li-ku re-s,u-su _bad5-bad5_-szu2 asz2-kun
299. _illat-mesz_-szu2 u2-sap-pi-ih-ma u2-par-ri-ir pu-hur-szu2
300. i-na 7(disz)-e ger-ri-ia {d}asz-szur be-li2 u2-tak-kil-an-ni-ma
301. a-na {kur}e-lam-ti lu al-lik {iri}e2-{disz}ha-'i-i-ri
302. {iri}ra-s,a-a _iri-mesz_ sza mi-s,ir _kur_ asz-szur{ki}
303. sza i-na tar-s,i _ad_-ia e-la-mu-u2 e-ki-mu da-na-nisz
304. i-na me-ti-iq ger-ri-ia _kur_-ud asz2-lu-la szal-la-sun2
305. _erin2-mesz_ szu-lu-ti-ia u2-sze-rib qe2-reb-szu2-un a-na mi-s,ir
306. _kur_ asz-szur{ki} u2-ter-ra-ma _szu-min {lu2}gal_ {iri}hal-s,u bad3-an{ki}
307. am-nu {iri}bu-be2-e {iri}dun-ni-{d}utu {iri}e2-{disz}ri-si-ia
308. {iri}e2-ah-la-me-e {iri}du-ru {iri}dan-nat-{disz}su-la-a-a
309. {iri}szi-li-ib-tu {iri}e2-{disz}a-s,u-si {iri}kar-{disz}numun-ba-sza2
310. {iri}e2-{disz}gi-is,-s,i {iri}e2-{disz}kat3-pa-la-ni {iri}e2-{disz}im-bi-ia
311. {iri}ha-ma-a-nu {iri}e2-{disz}ar-ra-bi {iri}bu-ru-tu
312. {iri}dim-tu2-sza-{disz}su-la-a-a {iri}dim-tu2-sza-{disz}{d}dumu-e2-kar-ir
313. {iri}har-ri-asz2-la-ke-e {iri}rab-ba-a-a
314. {iri}ra-a-su {iri}ak-ka-ba-ri-na {iri}du6-{disz}u2-hu-ri
315. {iri}ha-am-ra-nu {iri}na-di-tu a-di _iri-mesz_-ni
316. sza ne2-re-bi sza {iri}e2-{disz}bu-na-ki {iri}du6-{d}hu-um-bi
317. {iri}dim-tu2-sza-{disz}du-me-dingir {iri}e2-{disz}u2-bi-ia
318. {iri}ba-al-ti-li-szir {iri}ta-qab-li-szir
319. {iri}sza-na-qi-da-te {iri}ma-su-tu2-szap-li-ti
320. {iri}sa-ar-hu-de-ri {iri}a-lum-sza-_gaszan-e2_
321. {iri}e2-{disz}pap-mesz-szum2-na {iri}il-te-u2-ba
322. 3(u) 4(disz) _iri-mesz_ dan-nu-ti a-di _iri-mesz tur-mesz_
323. sza li-me-ti-szu2-nu sza ni-ba la i-szu-u2
324. al-me _kur_-ud asz2-lu-la szal-la-sun2 ap-pul aq-qur
325. i-na {d}gesz-bar aq-mu qu-tur naq-mu-ti-szu2-nu
326. _gin7 muru9_ kab-ti pa-an _an_-e rap-szu-ti
327. u2-szak-ti-im isz-me-ma ki-szit-ti _iri-mesz_-szu2
328. {disz}nig2-du-{d}na-hu-un-du {lu2}e-la-mu-u2
329. im-qut-su hat-tum si-it-ti _iri-mesz_-szu2
330. a-na dan-na-a-te u2-sze-rib szu-u2 {iri}ma-dak-tu
331. _iri lugal_-ti-szu2 e-zib-ma a-na {iri}ha-i-da-la
332. sza qe2-reb _kur-mesz su3-mesz_ is,-s,a-bat har-ra-nu
333. a-na {iri}ma-dak-ti _iri lugal_-ti-szu2 a-la-ku aq-bi
334. {iti}tam-hi-ri _en-te-na_ dan-nu e-ru-ba-am-ma
335. sza2-mu-tum ma-at-tum u2-sza2-az-ni-na _szeg3-mesz_-sza2
336. _szeg3-mesz_ u3 szal-gi na-ah-lu na-at-bak _kur_-i a-du-ra
337. pa-an ni-ri-ia u2-ter-ma a-na nina{ki} as,-s,a-bat
338. har-ra-nu i-na u4-me-szu-ma i-na qi2-bit {d}asz-szur _en_-ia
339. {disz}nig2-du-{d}na-hu-un-du _lugal_ {kur}elam-ma{ki} 3(disz) _iti-mesz_
340. ul u2-mal-li-ma i-na u4-me la szi-im-ti-szu2
341. ur-ru-hi-isz im-tu-ut _egir_-szu2 {disz}um-man-me-na-nu
342. la ra-asz2 t,e3-e-me u3 mil-ki
343. _szesz_-szu2 dup-pu-us-su-u2 i-na _{gesz}gu-za_-szu2 u2-szib-ma
344. i-na 8(disz)-e ger-ri-ia _egir_ {disz}szu-zu-bi is-se-hu-ma
345. _dumu-mesz babila2{ki} gal5-la2-mesz_ lem-nu-ti _ka2-gal-mesz iri_
346. u2-di-lu ik-pu-ud lib-ba-szu2-nu a-na e-pesz _{gesz}la2_
347. {disz}szu-zu-bu {lu2}kal-da3-a-a et,-lum dun-na-mu-u2
348. sza la i-szu-u2 bir-ki _{lu2}ARAD2_ da-gil2 pa-an _{lu2}en-nam_
349. {iri}la-hi-ri {lu2}a-ra-me hal-qu mun-nab-tu2 a-mir da-me
350. hab-bi-lu s,e-ru-usz-szu2 ip-hu-ru-ma qe2-reb {i7}a-gam-me
351. u2-ri-du-ma u2-szab-szu-u si-hu a-na-ku ni-tum al-me-szu2-ma
352. nap-sza2-tusz u2-si-qa la-pa-an hat-ti u3 ne2-eb-re-te
353. a-na {kur}elam-ma{ki} in-na-bit ki-i ri-kil-ti
354. u3 gil2-la-ti s,e-ru-usz-szu2 ba-szi-i ul-tu {kur}elam-ma{ki}
355. i-hi-szam-ma qe2-reb szu-an-na{ki} e-ru-ub _{lu2}babila2{ki}-mesz_
356. a-na la si-ma-ti-szu2 i-na _{gesz}gu-za_ u2-sze-szi-bu-szu2
357. be-lut _kur eme-gi7_ u3 uri{ki} u2-szad-gi-lu pa-ni-szu2
358. _e2 nig2-gur11_ sza e2-sag-il2 ip-tu-ma _ku3-sig17 ku3-babbar_
359. sza {d}en u {d}zar-pa-ni-tum _nig2-szu e2 dingir-mesz_-szu2-nu u2-sze-s,u-ni
360. a-na {disz}um-man-me-na-nu _lugal_ {kur}elam-ma{ki} sza la i-szu-u2
361. t,e3-e-mu u3 mil-ku u2-sze-bi-lu-usz t,a-a'-tu2
362. pu-uh-hir um-man-ka di-ka-a _karasz_-ka
363. a-na babila2{ki} hi-szam-ma i-da-a-ni i-zi-iz-ma
364. tu-kul-ta-ni lu at-ta szu-u2 {lu2}e-la-mu-u2
365. sza i-na a-lak ger-ri-ia mah-ri-ti sza {kur}elam-ma{ki}
366. _iri-mesz_-szu2 ak-szu-du-ma u2-ter-ru a-na kar-me
367. lib-bu-usz ul ih-su-us t,a-a'-tu2
368. im-hur-szu2-nu-ti-ma _erin2 hi-a_-szu2 _karasz_-su u2-pa-hir-ma
369. _{gesz}gigir-mesz_ {gesz}s,u-um-bi e-szu-ra _ansze-kur-ra-mesz_
370. _{ansze}kunga-mesz_ is-ni-qa s,i-in-di-szu2 {kur}par-su-asz2
371. {kur}an-za-an {kur}pa-sze-ru {kur}el-li-pi {lu2}ia-as-il3
372. {lu2}la-kab-ra {lu2}ha-ar-zu-nu {lu2}du-um-mu-qu
373. {lu2}su-la-a-a {lu2}sa-am-u2-na _dumu_ {disz}{d}mes-a-szum2-na
374. {kur}e2-{disz}a-di-ni {kur}e2-{disz}a-muk-ka-na {kur}e2-{disz}szil-la-na
375. {kur}e2-{disz}sa-a-la ud-ud-ag{ki} {iri}la-hi-ru {lu2}pu-qu-du
376. {lu2}gam-bu-lum {lu2}ha-la-tum {lu2}ru-'u-u2-a
377. {lu2}u2-bu-lum {lu2}ma-la-hu {lu2}ra-pi-qu
378. {lu2}hi-in-da-ru {lu2}da-mu-nu kit-ru _gal_-u2
379. ik-te-ra it-ti-szu2 gi-ip-szu-su-un u2-ru-uh
380. _kur_ uri{ki} is,-ba-tu-nim-ma a-na babila2{ki} te-bu-ni
381. a-di {disz}szu-zu-bi {lu2}kal-da3-a-a _lugal_ babila2{ki}
382. a-na a-ha-mesz iq-ru-bu-ma pu-hur-szu2-nu in-nen-du
383. ki-ma ti-bu-ut a-ri-bi ma-a'-di sza pa-an szat-ti
384. mit-ha-risz a-na e-pesz tuq-ma-te te-bu-ni s,e-ru-u-a
385. _sahar-hi-a giri3-min_-szu2-nu ki-ma _muru9_ kab-ti
386. sza dun-ni e-ri-ia-ti pa-an _an_-e rap-szu-te ka-tim
387. el-la-mu-u2-a ina {iri}ha-lu-le-e sza ki-szad {i7}idigna
388. szit-ku-nu si-dir-ta pa-an masz-qi2-ia s,ab-tu-ma
389. u2-sza2-'a-lu _{gesz}tukul-mesz_-szu2-un a-na-ku a-na {d}asz-szur
390. {d}3(u) {d}utu {d}en {d}muati {d}u-gur {d}inanna sza nina{ki}
391. {d}inanna sza {iri}limmu2-dingir _dingir-mesz_ ti-ik-li-ia
392. a-na ka-sza2-di _{lu2}kur2_ dan-ni am-hur-szu2-nu-ti-ma
393. su-pe-e-a ur-ru-hi-isz isz-mu-u2 il-li-ku
394. re-s,u-ti la-ab-bisz an-na-dir-ma at-tal-bi-sza2
395. si-ri-ia-am hu-li-ia-am si-mat s,i-il-ti
396. a-pi-ra ra-szu-u2-a i-na _{gesz}gigir me3_-ia
397. s,ir-ti sa-pi-na-at za-'i-i-ri i-na ug-gat
398. lib-bi-ia ar-ta-kab ha-an-t,isz _{gesz}pan_ dan-na-tu2
399. sza {d}asz-szur u2-szat-li-ma i-na _szu-min_-ia as,-bat
400. {gesz}szil-ta-hu pa-ri-i' nap-sza2-ti at-muh rit-tu-u-a
401. s,e-er gi-mir um-ma-na-te na-ki-ri lem-nu-ti
402. u4-mi3-isz s,ar-pisz al-sa-a _gin7_ {d}iszkur asz2-gu-um
403. i-na qi2-bit {d}asz-szur _en gal en_-ia a-na szid-di u pu-ti
404. _gin7_ ti-ib me-he-e szam-ri a-na _{lu2}kur2_ a-zi-iq
405. i-na _{gesz}tukul-mesz_ {d}asz-szur _en_-ia u3 ti-ib _me3_-ia ez-zi
406. i-rat-su-un a-ne2-e'-ma suh-hur-ta-szu2-nu asz2-kun
407. _erin2 hi-a_ na-ki-ri i-na us,-s,i mul-mul-li
408. u2-sza2-qir-ma gim-ri _adda-mesz_-szu2-nu u2-pal-li-sza2
409. _ud_-zi-zi-isz {disz}{d}hu-um-ban-un-da-sza2 _{lu2}nimgir2_
410. sza _lugal_ {kur}elam-ma{ki} et,-lum pit-qu-du mu-ma-'e-er
411. _erin2 hi-a_-szu2 tu-kul-ta-szu2 _gal_-u2 a-di _{lu2}gal-mesz_-szu2
412. sza _gir2_ szib-bi _ku3-sig17_ szit-ku-nu
413. u3 i-na _har-mesz_ as-pi _ku3-sig17_ ru-usz-szi-i
414. ruk-ku-sa rit-ti-szu2-un ki-ma szu-u2-ri
415. ma-ru-ti sza na-du-u2 szum-man-nu
416. ur-ru-hi-isz u2-pal-liq-szu2-nu-ti-ma asz2-ku-na tah-ta-szu2-un
417. ki-sza2-da-te-szu2-nu u2-na-kis as-lisz aq-ra-a-ti
418. nap-sza2-te-szu2-nu u2-par-ri-i' qu3-u'3-isz ki-ma _illu_
419. gap-szi sza sza2-mu-tum si-ma-ni u3-mun-ni-szu2-nu u2-szar-da-a
420. s,e-er er-s,e-ti sza2-di-il-ti la-as-mu-ti
421. mur-ni-is-qi s,i-mit-ti ru-ku-bi-ia i-na da-me-szu2-nu
422. gap-szu-ti i-szal-lu-u2 {d}i7-isz sza _{gesz}gigir me3_-ia
423. sa-pi-na-at rag-gi u3 s,e-ni da-mu u par-szu2
424. ri-it-mu-ku ma-gar-ru-usz pag-ri qu-ra-di-szu2-nu
425. ki-ma ur-qi2-ti u2-mal-la-a _edin_ sa-ap-sa-pa-te
426. u2-na-kis-ma bal-ta-szu2-un a-bu-ut ki-ma bi-ni
427. qisz-sze-e si-ma-ni u2-na-kis qa-ti-szu2-un
428. _har-mesz_ as-pi _ku3-sig17 ki-sag_ eb-bi sza2 rit-ti-szu2-nu
429. am-hur i-na nam-s,a-ri zaq-tu-ti hu-s,a-an-ni-szu2-nu
430. u2-par-ri-i' _gir2-mesz_ szib-bi _ku3-sig17 ku3-babbar_ sza2 _muru2-mesz_-szu2-nu
431. e-kim si-it-ti _{lu2}gal-mesz_-szu2 a-di {disz}{d}muati-mu-gar-un
432. _dumu_ {disz}{d}marduk-ibila-szum2-na sza la-pa-an _me3_-ia ip-la-hu
433. id-ku-u2 _a2-min_-szu2-un bal-t,u-su-un ina _muru2_ tam-ha-ri
434. it-mu-ha _szu-min_-a-a _{gesz}gigir-mesz_ a-di _ansze-kur-ra-mesz_-szi-na
435. sza i-na qit-ru-ub _me3_ dan-ni ra-ki-bu-szin de-ku-ma
436. u3 szi-na musz-szu-ra-ma ra-ma-nu-usz-szin
437. it-ta-na-al-la-ka mit-ha-risz u2-ter-ra
438. a-di 2(disz) _danna ge6_ il-li-ku da-ak-szu2-nu ap-ru-us
439. szu-u2 {disz}um-ma-an-me-na-nu _lugal_ {kur}elam-ma{ki}
440. a-di _lugal_ babila2{ki} {lu2}na-sik-ka-ni sza {kur}kal-di
441. a-li-kut _a2-min_-szu2 hur-ba-szu2 _me3_-ia ki-ma-le-e
442. zu-mur-szu2-un is-hu-up {gesz}za-ra-te-szu2-un u2-masz-sze-ru-ma
443. a-na szu-zu-ub _zi-mesz_-szu2-nu pag-ri _erin2 hi-a_-szu2-nu
444. u2-da-'i-i-szu2 e-ti-qu ki-i sza at-mi _tu_{muszen}
445. kusz-szu-di i-tar-ra-ku lib-bu-szu2-un szi-na-te-szu2-un
446. u2-s,ar-ra-pu qe2-reb _{gesz}gigir-mesz_-szu2-nu u2-masz-sze-ru-ni
447. zu-u2-szu2-un a-na ra-da-di-szu2-nu _{gesz}gigir-mesz_
448. _ansze-kur-ra-mesz_-ia u2-ma-'e-er _egir_-szu2-un
449. mun-na-rib-szu2-nu sza a-na nap-sza2-a-te u2-s,u-u2
450. a-szar i-kasz-sza2-du u2-ra-sa-bu i-na _{gesz}tukul_
451. i-na u4-me-szu-ma ul-tu _e2-gal muru2 iri_ sza nina{ki}
452. a-na ri-mit _lugal_-ti-ia u2-szak-li-lu
453. a-na tab-ra-a-te kisz-szat _ug3-mesz_ lu-le-e u2-ma-lu-szi
454. _e2-gal_ ku-tal-li sza a-na szu-te-szur ka-ra-szi
455. pa-qa-a-di _ansze-kur-ra-mesz_ sa-na-qi2 mim-ma szum-szu2
456. u2-sze-pi-szu2 _lugal-mesz_ a-li-kut mah-ri _ad-mesz_-ia
457. tam-lu-sza2 ul ib-szi szu-bat-sa s,u-uh-hu-rat-ma
458. la nu-ku-lat e-pisz-tasz la-ba-risz u4-me tem-me-en-sza2
459. e-nisz-ma isz-da-a-sza2 ir-ma-a i-qu-pa re-sza2-a-sza2
460. _e2-gal_ sza2-a-tu a-na si-hir-ti-sza2 aq-qur
461. ki-szub-bu-u2 ma-a'-du ul-tu qe2-reb u2-szal-li
462. u3 ta-mir-ti _iri gim_ a-tar-tim-ma lu as,-ba-ta
463. i-na muh-hi lu u2-rad-di masz-kan2 _e2-gal_ mah-ri-ti
464. e-zib-ma i-na qaq-qa-ri u2-szal-li sza ul-tu
465. mal-di _i7_ as,-ba-ta tam-la-a usz-mal-li 2(disz) _me_ ti-ib-ki
466. a-na e-la-ni u2-szaq-qi2 re-e-su ina _iti_ sze-me-e
467. u4-mu mit-ga-ri s,e-er tam-le-e sza2-a-tu
468. i-na nik-lat lib-bi-ia _e2-gal_ {na4}pi-i-li
469. u3 {gesz}ere-ni ne2-pesz-ti {kur}hat-ti u3 _e2-gal_
470. s,i-ir-tu ep-szet _kur_ asz-szur{ki} sza _ugu_ mah-ri-ti
471. ma-a'-disz szu-tu-rat ra-ba-ta u3 nak-lat
472. i-na szi-pir _{lu2}szitim-gal_-le-e en-qu-ti
473. a-na mu-szab be-lu-ti-ia u2-sze-pisz _gesz-ur3-mesz_
474. {gesz}ere-ni s,i-ru-ti tar-bit {kur}ha-ma-nim _kur_-i el-li
475. u2-szat-ri-s,a e-li-szin _{gesz}ig-mesz_ li-ia-ri
476. me-ser _uruda_ nam-ri u2-rak-kis-ma u2-rat-ta-a
477. _ka2-mesz_-szin i-na {na4}pi-i-li pe-s,e-e
478. sza i-na er-s,e-et {iri}ba-la-t,a-a-a in-nam-ru
479. _{d}alad-{d}lamma-mesz_ s,i-ru-ti u2-sze-pisz-ma im-na
480. u3 szu-me-la u2-sza2-as,-bi-ta _si-gar_-szin a-na szu-te-szur
481. s,al-mat _sag-du_ pa-qa-di mur-ni-is-qi2 _{ansze}kunga-mesz_ a-ga-li-i
482. til-li _{gesz}gigir-mesz_ {gesz}at-ta-ra-te e-req-qi2 isz-pa-a-te
483. til-pa-na-a-te u3 us,-s,i mim-ma szum-szu2 u2-nu-ut _me3_
484. na-as,-ma-di _ansze-kur-ra-mesz {ansze}kunga-mesz_ sza2 e-mu-qi2
485. ra-ba-a-te i-szu-u2 szuk-nu-sze a-na ni-ri ki-sal-la-sza2
486. _ka2_-nu-u2 ma-gal usz-rab-bi _e2-gal_ sza2-a-tu2 ul-tu2 usz-sze-sza2
487. a-di na-bur-ri-sza2 ar-s,ip u2-szak-lil _mu-sar_-e
488. szi-t,ir _mu_-ia i-na qer-bi-sza2 asz2-kun a-na ar2-kat3 _u4-mesz_
489. i-na _lugal-mesz dumu-mesz_-ia sza {d}asz-szur u3 {d}inanna
490. a-na _re-e2-um kur_ u3 _ug3-mesz_ i-nam-bu-u zi-kir-szu2
491. e-nu-ma _e2-gal_ sza2-a-tu i-lab-bi-ru-ma en-na-hu
492. _nun_ ar-ku-u2 an-hu-sa lu-ud-disz _mu-sar_-e
493. szi-t,ir _mu_-ia li-mur-ma _i3-gesz_ lip-szu-usz _{udu}siskur_
494. liq-qi2 a-na asz2-ri-szu lu-ter {d}asz-szur u3 {d}inanna
495. ik-ri-bi-szu2 i-szem-mu-u mu-nak-kir szit,-ri-ia
496. u3 _mu_-ia {d}asz-szur _en gal ad dingir-mesz_
497. nak-risz li-zi-is-su _{gesz}gidru_ u3 _{gesz}gu-za_
498. li-kim-szu-ma lis-ki-pa _bala_-szu2
499. {iti}szu-numun-na li-mu {disz}ga-hi-lu
500. _{lu2}en-nam_ {iri}ha-ta-rik2-ka

Version History

RINAP 3/1 Sennacherib 022, ex. 001
Click for archival page

Primary publication	RINAP 3/1 Sennacherib 022, ex. 001
Author(s)	Grayson, A. Kirk & Novotny, Jamie R.
Publication date	2012
Secondary publication(s)	Taylor Prism
Collection	Oriental Institute, University of Chicago, Chicago, Illinois, USA
Museum no.	OIM A02793
Accession no.
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.16.04.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20060222 cdliadmin
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz00206dvh
Composite no.	Q003496
Seal no.
CDLI no.	P313081

Can you improve upon the content of this entry?
Please contact us!

View detail image

(click on image to enlarge)

Prism

surface a

column 1
1. {disz}{d}en-zu-szesz-mesz-eri-ba _lugal gal_-u2
2. _lugal_ dan-nu _lugal_ kisz-sza2-ti _lugal kur_ asz-szur{ki}
3. _lugal_ kib-rat _limmu2_-tim _re-e2-um_ it-pe-szu
4. mi-gir _dingir-mesz gal-mesz_ na-s,ir kit-ti
5. ra-'i-im mi-sza2-ri e-pisz u2-sa-a-ti
6. a-lik tap-pu-ut a-ki-i sa-hi-ru dam-qa-a-ti
7. et,-lum git2-ma-lum zi-ka-ru qar-du
8. a-sza2-red kal mal-ki rap-pu la-'i-it,
9. la ma-gi-ri mu-szab-ri-qu za-ma-a-ni
10. {d}asz-szur _kur_-u2 _gal_-u2 _lugal_-ut la sza2-na-an
11. u2-szat-li-ma-an-ni-ma _ugu_ gim-ri
12. a-szib pa-rak-ki u2-szar-ba-a _{gesz}tukul-mesz_-ia
13. ul-tu _a-ab-ba_ e-le-ni-ti sza sza2-lam {d}utu-szi
14. a-di tam-tim szap-li-ti sza s,i-it {d}utu-szi
15. gim-ri s,al-mat _sag-du_ u2-szak-nisz sze-pu-u2-a
16. u3 mal-ki szep-s,u-ti e-du-ru ta-ha-zi
17. da-ad2-me-szu2-un iz-zi-bu-ma
18. ki-ma su-tin-ni{muszen} ni-gi-is,-s,i
19. e-disz ip-par-szu2 a-szar la 'a-a-ri
single ruling
20. i-na mah-re-e ger-ri-ia sza {disz}{d}mes-a-szum2-na
21. _lugal_ {kur}kar2-{d}dun-ia2-asz3 a-di _erin2 hi-a_ elam-ma{ki}
22. re-s,i-szu2 i-na ta-mir-ti kisz{ki} asz2-ta-kan _bad5-bad5_-szu2
23. i-na _muru2_ tam-ha-ri szu-a-tu e-zib _karasz_-su
24. e-disz ip-par-szid-ma na-pisz-tusz e-t,i2-ir
25. _{gesz}gigir-mesz ansze-kur-ra-mesz_ {gesz}s,u-um-bi _{ansze}kunga-mesz_
26. sza i-na qit-ru-ub ta-ha-zi u2-masz-szi-ru
27. ik-szu-da _szu-min_-a-a a-na _e2-gal_-szu2 sza qe2-reb
28. babila2{ki} ha-disz e-ru-um-ma ap-te-ma
29. _e2_ ni-s,ir-ti-szu2 _ku3-sig17 ku3-babbar_ u2-nu-ut _ku3-sig17 ku3-babbar_
30. _na4_ a-qar-tu mim-ma szum-szu2 _nig2-szu nig2-gur11_
31. la ni-bi ka-bit-tu _gun_ {munus}_sza3-e2-gal-mesz_-szu2
32. _{lu2}tirum-mesz_ {lu2}man-za-az pa-ni _{lu2}nar-mesz_
33. {munus}_nar-mesz_ si-hir-ti um-ma-a-ni
34. ma-la ba-szu-u2 mut-tab-bi-lu-tu2 _e2-gal_-usz
35. u2-sze-s,a-am-ma szal-la-tisz am-nu i-na e-muq {d}asz-szur
36. _en_-ia 1(gesz2) 1(u) 5(disz) _iri-mesz_-szu2 dan-nu-ti _e2 bad3-mesz_
37. sza {kur}kal-di u3 4(disz) _me_ 2(u) _iri-mesz tur-mesz_
38. sza li-me-ti-szu2-nu al-me _kur_-ud asz2-lu-la szal-la-sun2
39. {lu2}ur2-bi {lu2}a-ra-mu {lu2}kal-du
40. sza qe2-reb unu{ki} nibru{ki} kisz{ki} {iri}hur-sag-kalam-ma
41. gu2-du8-a{ki} zimbir{ki} a-di _dumu-mesz iri_
42. _en_ hi-it,-t,i u2-sze-s,a-am-ma szal-la-tisz am-nu
43. i-na ta-a-a-ar-ti-ia {lu2}tu-'u-mu-na
44. {lu2}ri-hi-hu {lu2}ia-daq-qu {lu2}u2-bu-du
45. {lu2}gib-re-e {lu2}ma-la-hu {lu2}gu-ru-mu
46. {lu2}u2-bu-lum {lu2}da-mu-nu {lu2}gam-bu-lum
47. {lu2}hi-in-da-ru {lu2}ru-'u-u-a {lu2}pu-qu-du
48. {lu2}ha-am-ra-nu {lu2}ha-ga-ra-nu {lu2}na-ba-tu
49. {lu2}li-i'-ta-a-u2 {lu2}a-ra-mu la kan-szu-ti
50. mit-ha-risz ak-szud{ud} 2(disz) _me_ 8(disz) _lim un-mesz tur gal_
51. _nita_ u3 _munus ansze-kur-ra-mesz {ansze}kunga-mesz ansze-mesz_
52. _{ansze}gam-mal-mesz gu4-mesz_ u3 s,e-e-ni sza la ni-bi
53. szal-la-tu ka-bit-tu asz2-lu-la a-na qe2-reb _kur_ asz-szur{ki}
54. i-na me-ti-iq ger-ri-ia sza {disz}{d}muati-en-mu-mesz
55. {lu2}qi2-pi {iri}ha-ra-ra-te _ku3-sig17 ku3-babbar_ {gesz}mu-suk-kan-ni
56. _gal-mesz ansze-mesz {ansze}gam-mal-mesz gu4-mesz_ u3 s,e-e-ni
57. ta-mar-ta-szu2 ka-bit-tu am-hur ba-hu-la-ti
58. {iri}hi-rim-me _{lu2}kur2_ ak-s,i i-na _{gesz}tukul-mesz_ u2-szam-qit-ma
59. e-du ul e-zib pag-ri-szu-un i-na ga-szi-szi
60. a-lul-ma si-hir-ti _iri_ u2-szal-me na-gu-u2
61. szu-a-tu a-na esz-szu-ti as,-bat 1(disz)-en _gu4_
62. 1(u) _udu-nita2-mesz_ 1(u) _ansze {gesz}gesztin_ 2(u) _ansze zu2-lum-ma_
63. re-sze-ti-szu2 a-na _dingir-mesz_-ni _kur_ asz-szur{ki}
64. _en-mesz_-ia u2-kin da3-ri-szam
single ruling
65. i-na 2(disz)-e ger-ri-ia {d}asz-szur be-li2 u2-tak-kil-an-ni-ma
66. a-na _kur_ {lu2}kasz-szi-i u3 _kur_ {lu2}ia-su-bi-gal-la-a-a
67. sza ul-tu ul-la a-na _lugal-mesz ad-mesz_-ia la kit-nu-szu2
68. lu al-lik qe2-reb hur-sza2-a-ni zaq-ru-ti
69. _a-sza3_ nam-ra-s,i i-na _ansze-kur-ra_ ar-kab-ma
70. _{gesz}gigir giri3-min_-ia i-na ti-ik-ka-te u2-sza2-asz2-szi
71. asz2-ru szup-szu-qu i-na _giri3-min_-ia ri-ma-nisz at-tag-gisz
72. {iri}e2-{disz}ki-lam-za-ah {iri}ha-ar-disz-pi
73. {iri}e2-{disz}ku-bat-ti _iri-mesz_-szu2-nu _e2 bad3-mesz_-ni
74. dan-nu-ti al-me _kur_-ud _ug3-mesz ansze-kur-ra-mesz_
75. _{ansze}kunga-mesz ansze-mesz gu4-mesz_ u3 s,e-e-ni
76. ul-tu qer-bi-szu2-un u2-sze-s,a-am-ma szal-la-tisz am-nu
77. u3 _iri-mesz_-szu2-nu _tur-mesz_ sza ni-ba la i-szu-u2
78. ap-pul aq-qur u2-sze-me kar-mesz _e2 edin_ kul-ta-ri
79. mu-sza2-bi-szu2-nu i-na {d}gesz-bar aq-mu-ma di-tal-lisz
80. u2-sze-me u2-ter-ma {iri}e2-{disz}ki-lam-za-ah
81. szu-a-tu a-na {iri}bir-tu-ti as,-bat
82. _ugu_ sza u4-um pa-ni _bad3-mesz_-szu2 u2-dan-nin-ma

column 2
1. _ug3-mesz kur-kur_ ki-szit-ti _szu-min_-ia ina _sza3_ u2-sze-szib
2. _ug3-mesz kur_ {lu2}kasz-szi-i u3 _kur_ {lu2}ia-su-bi-gal-la-a-a
3. sza la-pa-an _{gesz}tukul-mesz_-ia ip-par-szid-du
4. ul-tu qe2-reb _kur_-i u2-sze-ri-dam-ma
5. i-na {iri}har-disz-pi {iri}e2-{disz}ku-bat-ti u2-szar-me
6. i-na _szu-min_ {lu2}szu-ut _sag_-ia _{lu2}en-nam_ {iri}ar-rap-ha
7. am-nu-szu2-nu-ti _{na4}na-ru2-a_ u2-sze-pisz-ma
8. li-i-tum ki-szit-ti _szu-min_ sza _ugu_-szu2-un
9. asz2-tak-ka-nu s,e-ru-usz-szu2 u2-sza2-asz2-t,ir-ma
10. i-na qer-bi _iri_ ul-ziz pa-an ni-ri-ia u2-ter-ma
11. a-na {kur}el-li-pi as,-s,a-bat har-ra-nu
12. el-la-mu-u2-a {disz}is-pa-ba-a-ra _lugal_-szu-un
13. _iri-mesz_-szu2 dan-nu-ti _e2_ ni-s,ir-ti-szu2
14. u2-masz-szir-ma a-na ru-qe2-e-ti in-na-bit
15. gim-ri _kur_-szu2 _dagal_-tim _gin7 muru9_ as-hu-up
16. {iri}mar-u2-bisz-ti {iri}ak-ku-ud-du _iri-mesz_-ni
17. _e2 lugal_-ti-szu2 a-di 3(u) 4(disz) _iri-mesz tur-mesz_
18. sza li-me-ti-szu2-nu al-me _kur_-ud ap-pul aq-qur
19. i-na {d}gesz-bar aq-mu _ug3-mesz tur gal nita_ u _munus_
20. _ansze-kur-ra-mesz {ansze}kunga-mesz ansze-mesz {ansze}gam-mal-mesz_
21. _gu4-mesz_ u3 s,e-e-ni a-na la mi-nam asz2-lu-lam-ma
22. a-di la ba-szi-i u2-sza2-lik-szu-ma u2-s,a-hir _kur_-su
23. {iri}s,i-s,i-ir-tu {iri}ku-um-ma-ah-lum _iri-mesz_-ni
24. dan-nu-ti a-di _iri-mesz tur-mesz_ sza li-me-ti-szu2-nu
25. {kur}e2-{disz}ba-ar-ru-u2 na-gu-u a-na gi-mir-ti-szu2
26. ul-tu qe2-reb _kur_-szu2 ab-tuq-ma _ugu_ mi-s,ir _kur_ asz-szur
27. u2-rad-di {iri}el-en-za-asz2 a-na _iri lugal_-u2-ti
28. u3 dan-na-at na-ge-e szu-a-tu as,-bat-ma
29. _mu_-szu2 mah-ra-a u2-na-kir-ma {iri}kar-{disz}{d}3(u)-pap-mesz-su
30. at-ta-bi ni-bit-su _ug3-mesz kur-kur_ ki-szit-ti _szu-min_-ia
31. i-na lib3-bi u2-sze-szib i-na _szu-min_ {lu2}szu-ut _sag_-ia
32. _{lu2}en-nam_ {iri}har-har am-nu-ma u2-rap-pisz ma-a-ti
33. i-na ta-a-a-ar-ti-ia sza {kur}ma-da-a-a ru-qu-te
34. sza i-na _lugal-mesz ad-mesz_-ia ma-am-man la isz-mu-u2
35. zi-kir _kur_-szu2-un man-da-ta-szu2-nu ka-bit-tu am-hur
36. a-na ni-ri be-lu-ti-ia u2-szak-ni-su-nu-ti
single ruling
37. i-na szal-szi ger-ri-ia a-na {kur}hat-ti lu al-lik
38. {disz}lu-li-i _lugal_ {iri}s,i-du-un-ni pul-hi me-lam-me
39. be-lu-ti-ia is-hu-pu-szu-ma a-na ru-uq-qi2
40. qa-bal tam-tim in-na-bit-ma szad-da-szu2 e-mid
41. {iri}s,i-du-un-nu _gal_-u2 {iri}s,i-du-un-nu _tur_
42. {iri}e2-zi-it-ti {iri}s,a-ri-ip-tu {iri}ma-hal-li-ba
43. {iri}u2-szu-u2 {iri}ak-zi-bi {iri}ak-ku-u2
44. _iri-mesz_-szu2 dan-nu-ti _e2 bad3-mesz_ a-szar ri-i-ti
45. u3 masz-qi2-ti _e2_ tuk-la-te-szu2 ra-szub-bat _{gesz}tukul_ {d}asz-szur
46. _en_-ia is-hu-pu-szu2-nu-ti-ma ik-nu-szu2 sze-pu-u2-a
47. {disz}tu-ba-a'-lum i-na _{gesz}gu-za lugal_-u2-ti
48. _ugu_-szu2-un u2-sze-szib-ma _gun_ man-da-tu be-lu-ti-ia
49. szat-ti-szam la ba-at,-lu u2-kin s,e-ru-usz-szu2
50. sza {disz}mi-in-hi-im-mu {iri}sam-si-mu-ru-na-a-a
51. {disz}tu-ba-a'-lum {iri}s,i-du-un-na-a-a
52. {disz}ab-di-li-i'-ti {iri}a-ru-da-a-a
53. {disz}u2-ru-mil-ki {iri}gu-ub-la-a-a
54. {disz}mi-ti-in-ti {iri}as-du-da-a-a
55. {disz}bu-du-dingir {kur}e2-{disz}am-ma-na-a-a
56. {disz}kam-mu-su-na-ad-bi {kur}ma-'a-ba-a-a
57. {disz}{d}a-a-ram-mu {kur}u2-du-um-ma-a-a
58. _lugal-mesz kur_ mar-tu{ki} ka-li-szu2-un _igi-sa2_-e szad-lu-ti
59. ta-mar-ta-szu2-nu ka-bit-tu a-di 4(disz)-szu2 a-na mah-ri-ia
60. isz-szu-nim-ma isz-szi-qu _giri3-min_-ia u3 {disz}s,i-id-qa-a
61. _lugal_ {iri}is-qa-al-lu-na sza la ik-nu-szu2
62. a-na ni-ri-ia _dingir-mesz e2 ad_-szu2 sza2-a-szu2 _dam_-su
63. _dumu-mesz_-szu2 _dumu-munus-mesz_-szu2 _szesz-mesz_-szu2 _numun e2 ad_-szu2
64. as-su-ha-ma a-na _kur_ asz-szur{ki} u2-ra-asz2-szu2
65. {disz}lugal-lu-da3-ri _dumu_ {disz}ru-kib-ti _lugal_-szu2-nu mah-ru-u2
66. _ugu un-mesz_ {iri}is-qa-al-lu-na asz2-kun-ma
67. na-dan _gun_ kad3-re-e be-lu-ti-ia e-mid-su-ma
68. i-sza2-a-at, ab-sza2-a-ni i-na me-ti-iq ger-ri-ia
69. {iri}e2-da-gan-na {iri}ia-ap-pu-u2
70. {iri}ba-na-a-a-bar-qa {iri}a-zu-ru _iri-mesz_-ni
71. sza {disz}s,i-id-qa-a sza a-na _giri3-min_-ia ar2-hisz
72. la ik-nu-szu2 al-me _kur_-ud asz2-lu-la szal-la-su-un
73. _{lu2}szagina-mesz {lu2}nun-mesz_ u3 _ug3-mesz_ {iri}am-qar-ru-na
74. sza {disz}pa-di-i _lugal_-szu2-nu _en_ a-de-e u3 ma-mit
75. sza _kur_ asz-szur{ki} bi-re-tu _an-bar_ id-du-ma
76. a-na {disz}ha-za-qi-a-u2 {kur}ia-u2-da-a-a
77. id-di-nu-szu2 nak-risz a-na an-zil-li i-pu-szu2
78. ip-lah3 lib-ba-szu2-un _lugal-mesz_ {kur}mu-s,u-ri
79. _{lu2}erin2-mesz {gesz}pan {gesz}gigir-mesz ansze-kur-ra-mesz_
80. sza _lugal_ {kur}me-luh-hi e-mu-qi2 la ni-bi
81. ik-te-ru-nim-ma il-li-ku re-s,u-su-un
82. i-na ta-mir-ti {iri}al-ta-qu-u2
83. el-la-mu-u2-a si-id-ru szit-ku-nu

column 3
1. u2-sza2-'a-lu _{gesz}tukul-mesz_-szu2-un i-na tukul-ti {d}asz-szur
2. _en_-ia it-ti-szu2-un am-da-hi-is,-ma asz2-ta-kan
3. _bad5-bad5_-szu2-un _{lu2}en {gesz}gigir-mesz_ u3 _dumu-mesz lugal_
4. {kur}mu-s,u-ra-a-a a-di _{lu2}en {gesz}gigir-mesz_ sza _lugal_ {kur}me-luh-hi
5. bal-t,u-su-un i-na _muru2_ tam-ha-ri ik-szu-da
6. _szu-min_-a-a {iri}al-ta-qu-u2 {iri}ta-am-na-a
7. al-me _kur_-ud asz2-lu-la szal-la-sun2 a-na {iri}am-qar-ru-na
8. aq-rib-ma _{lu2}szagina-mesz {lu2}nun-mesz_ sza hi-it,-t,u
9. u2-szab-szu-u2 a-duk-ma i-na di-ma-a-ti
10. si-hir-ti _iri_ a-lul pag-ri-szu2-un _dumu-mesz iri_
11. e-pisz an-ni u3 gil2-la-ti a-na szal-la-ti am-nu
12. si-it-tu-te-szu2-nu la ba-bil hi-t,i-ti
13. u3 gul-lul-ti sza a-ra-an-szu2-nu la ib-szu-u2
14. usz-szur-szu2-un aq-bi {disz}pa-di-i _lugal_-szu2-nu
15. ul-tu qe2-reb {iri}ur-sa-li-im-mu u2-sze-s,a-am-ma
16. i-na _{gesz}gu-za_ be-lu-ti _ugu_-szu2-un u2-sze-szib-ma
17. man-da-at-tu be-lu-ti-ia u2-kin s,e-ru-usz-szu2
18. u3 {disz}ha-za-qi-a-u2 {kur}ia-u2-da-a-a
19. sza la ik-nu-szu2 a-na ni-ri-ia 4(u) 6(disz) _iri-mesz_-szu2 dan-nu-ti
20. _e2 bad3-mesz_ u3 _iri-mesz tur-mesz_ sza li-me-ti-szu2-nu
21. sza ni-ba la i-szu-u2 i-na szuk-bu-us a-ram-me
22. u3 qit-ru-ub szu-pi-i mit-hu-us, zu-uk _giri3-min_
23. pil-szi nik-si u3 kal-ban-na-te al-me _kur_-ud
24. 2(disz) _me lim_ 1(disz) _me_ 5(u) _ug3-mesz tur gal nita_ u3 _munus_
25. _ansze-kur-ra-mesz {ansze}kunga-mesz ansze-mesz {ansze}gam-mal-mesz_
26. _gu4-mesz_ u3 s,e-e-ni sza la ni-bi ul-tu qer-bi-szu2-un
27. u2-sze-s,a-am-ma szal-la-tisz am-nu sza2-a-szu2 _gin7 muszen_ qu-up-pi
28. qe2-reb {iri}ur-sa-li-im-mu _iri lugal_-ti-szu2
29. e-sir2-szu2 {iri}hal-s,u-_mesz_ ugu_-szu2 u2-rak-kis-ma
30. a-s,e-e _ka2-gal iri_-szu2 u2-ter-ra ik-ki-bu-usz _iri-mesz_-szu2
31. sza asz2-lu-la ul-tu qe2-reb _kur_-szu2 ab-tuq-ma
32. a-na {disz}mi-ti-in-ti _lugal_ {iri}as-du-di
33. {disz}pa-di-i _lugal_ {iri}am-qar-ru-na u3 {disz}gissu-en
34. _lugal_ {iri}ha-zi-ti ad-din-ma u2-s,a-ah-hir _kur_-su
35. e-li _gun_ mah-ri-ti na-dan szat-ti-szu2-un
36. man-da-at-tu kad3-re-e be-lu-ti-ia u2-rad-di-ma
37. u2-kin s,e-ru-usz-szu2 szu-u2 {disz}ha-za-qi-a-u2
38. pul-hi me-lam-me be-lu-ti-ia is-hu-pu-szu-ma
39. {lu2}ur2-bi u3 _{lu2}erin2-mesz_-szu2 _saga-mesz_ sza a-na dun-nun
40. {iri}ur-sa-li-im-mu _iri lugal_-ti-szu2 u2-sze-ri-bu-ma
41. ir-szu-u2 til-la-a-ti it-ti 3(u) _gun ku3-sig17_
42. 8(disz) _me gun ku3-babbar_ ni-siq-ti gu-uh-li
43. tak2-kas3-si _{na4}an-za-gul-me gal-mesz {gesz}na2-mesz zu2_
44. _{gesz}gu-za-mesz_ ne2-me-di _zu2 kusz am-si zu2 am-si_
45. _{gesz}esi {gesz}tug2_ mim-ma szum-szu2 ni-s,ir-tu ka-bit-tu
46. u3 _dumu-munus-mesz_-szu2 {munus}_ug3-mesz e2-gal_-szu2 _{lu2}nar-mesz_
47. {munus}_nar-mesz_ a-na qe2-reb nina{ki} _iri_ be-lu-ti-ia
48. _egir_-ia u2-sze-bi-lam-ma a-na na-dan man-da-at-te
49. u3 e-pesz _ARAD2_-u2-ti isz-pu-ra rak-bu-szu2
single ruling
50. i-na 4(disz)-e ger-ri-ia {d}asz-szur be-li2 u2-tak-kil-an-ni-ma
51. um-ma-na-te-ia gap-sza2-te ad-ke-ma a-na {kur}e2-{disz}ia-kin7
52. a-la-ku aq-bi i-na me-ti-iq ger-ri-ia
53. sza {disz}szu-zu-bi {lu2}kal-da3-a-a a-szib qe2-reb {i7}a-gam-me
54. i-na {iri}bi-it-tu-u2-tu asz2-ta-kan _bad5-bad5_-szu2
55. szu-u2 hur-ba-szu2 _me3_-ia _ugu_-szu2 im-qut-ma
56. it-ru-ku lib-bu-szu2 ki-ma az-za-ri e-disz ip-par-szid-ma
57. ul in-na-mir a-szar-szu2 pa-an ni-ri-ia u2-ter-ma
58. a-na {kur}e2-{disz}ia-kin7 as,-s,a-bat har-ra-nu
59. szu-u2 {disz}{d}marduk-ibila-szum2-na sza i-na a-lak ger-ri-ia
60. mah-re-e _bad5-bad5_-szu2 asz2-ku-nu-ma u2-par-ri-ru
61. el-lat-su ri-gim _{gesz}tukul-mesz_-ia dan-nu-ti
62. u3 ti-ib _me3_-ia ez-zi e-dur2-ma
63. _dingir-mesz_ ma-rak _kur_-szu2 i-na _ki-tusz_-szu2-nu id-ke-ma
64. qe2-reb _{gesz}ma2-mesz_ u2-szar-kib-ma a-na {iri}na-gi-te-raq-qi2
65. sza qa-bal tam-tim is,-s,u-risz ip-pa-risz _szesz-mesz_-szu2
66. _numun e2 ad_-szu2 sza u2-masz-szi-ru a-hi tam-tim
67. a-di si-it-ti _ug3-mesz kur_-szu2 ul-tu {kur}e2-{disz}ia-kin7
68. qe2-reb {i7}a-gam-me u ap-pa-ra-a-te u2-sze-s,a-am-ma
69. szal-la-tisz am-nu u2-ter-ma _iri-mesz_-szu2 ap-pul aq-qur
70. u2-sze-me kar-mesz _ugu en_ sa-li-me-szu2 _lugal_ {kur}elam-ma{ki}
71. na-mur-ra-tum at-bu-uk i-na ta-a-a-ar-ti-ia
72. {disz}{d}asz-szur-na-din-mu _dumu_ resz-tu-u2 tar-bit bir-ki-ia
73. i-na _{gesz}gu-za_ be-lu-ti-szu2 u2-sze-szib-ma
74. _dagal_-tum _kur eme-gi7_ u uri{ki} u2-szad-gil pa-nu-usz-szu2
single ruling
75. i-na 5(disz) ger-ri-ia ba-hu-la-te {iri}tu-mur-ri
76. {iri}sza2-ru-um {iri}e-za-ma {iri}kib-szu2 {iri}hal-bu-da
77. {iri}qu-u-a {iri}qa-na sza _gin7_ qin-ni _ti8_{muszen} a-sza2-red
78. _muszen hi-a_ s,e-er zuq-ti {kur}ni-pur _kur_-i mar-s,i
79. szu-bat-sun2 szit-ku-na-at-ma la kit-nu-szu2 a-na ni-ri
80. i-na _giri3-min_ {kur}ni-pur ka-ra-szi u2-sza2-asz2-kin-ma
81. it-ti {lu2}qur-bu-ti _giri3-min_-ia na-as-qu-ti

column 4
1. u3 _{lu2}erin2-mesz me3_-ia la ga-me-lu-ti
2. a-na-ku _gin7 am_ ek-di pa-nu-usz-szu2-un as,-bat
3. hur-ri na-hal-li na-at-bak _kur_-i me-le-e
4. mar-s,u-ti i-na _{gesz}gu-za_ asz2-ta-am-di-ih
5. a-szar a-na _{gesz}gu-za_ szup-szu-qu i-na _giri3-min_-ia asz2-tah-<hi>-it,
6. _gin7_ ar-me a-na zuq-ti sza2-qu-ti s,e-ru-usz-szu2-un
7. e-li a-szar bir-ka-a-a ma-na-ah-tu i-sza2-a
8. s,e-er _na4 kur_-i u2-szib-ma _a-mesz_ {kusz}na-a-di ka-s,u-te
9. a-na s,u-um-me-ia lu asz2-ti i-na _szu-si-mesz_
10. hur-sza2-a-ni ar-de-szu2-nu-ti-ma asz2-ta-kan
11. tah-ta-szu2-un _iri-mesz_-szu2-nu _kur_-ma asz2-lu-la szal-la-sun2
12. ap-pul aq-qur i-na {d}gesz-bar aq-mu pa-an ni-ri-ia
13. u2-ter-ma s,e-er {disz}ma-ni-ia-e _lugal_ {iri}uk-ki
14. szad-da-a-a-e la kan-sze as,-s,a-bat har-ra-nu
15. ur-hi la pe-tu-ti t,u-di pa-asz2-qu-ti sza la-pa-an
16. _kur-mesz_ mar-s,u-ti ul-la-nu-u2-a qe2-reb-szu2-un
17. ma-am-man la il-li-ku _lugal-mesz_ pa-ni mah-ru-ti
18. i-na _giri3-min_ {kur}a-na-ra u3 {kur}up-pa szad-di-i dan-nu-ti
19. ka-ra-szi u2-sza2-asz2-kin-ma a-na-ku i-na _{gesz}gu-za_ ne2-me-di
20. it-ti _{lu2}erin2-mesz_ ta-ha-zi-ia git2-ma-lu-ti
21. i-na ne-re-bi-szu2-un pi-qu-ti szu-nu-hi-isz
22. e-ru-um-ma mar-s,i-isz e-te-el-la-a _szu-si-mesz kur_-i
23. pa-asz2-qa-a-te szu-u2 {disz}ma-ni-ia-e tur-bu-u'
24. _giri3-min erin2 hi-a_-ia e-mur-ma {iri}uk-ku _iri lugal_-ti-szu
25. e-zib-ma a-na ru-qe2-e-ti in-na-bit {iri}uk-ku
26. al-me _kur_-ud asz2-lu-la szal-la-su mim-ma szum-szu _nig2-szu nig2-gur11_
27. ni-s,ir-ti _e2-gal_-szu2 ul-tu qer-be2-e-szu
28. u2-sze-s,a-am-ma szal-la-tisz am-nu u3 3(u) 3(disz) _iri-mesz_-ni
29. sza pa-a-t,i na-gi-szu2 _kur_-ma _ug3-mesz ansze-mesz gu4-mesz_
30. u3 s,e-e-ni ul-tu qer-bi-szu2-un asz2-lu-la
31. ap-pu-ul aq-qur i-na {d}gesz-bar aq-mu
single ruling
32. i-na 6(disz) ger-ri-ia si-it-ti _ug3-mesz_ {kur}e2-{disz}ia-kin7
33. sza la-pa-an _{gesz}tukul-mesz_-ia dan-nu-te _gin7_ ser2-re-me
34. ig-ru-ru _dingir-mesz_ ma-rak _kur_-szu2-un i-na _ki-tusz_-szu2-nu id-ku-ma
35. tam-tum _gal_-tum sza s,i-it {d}utu-szi e-bi-ru-ma
36. i-na {iri}na-gi-ti sza {kur}elam-ma{ki} id-du-u2 szu-bat-sun2
37. i-na _{gesz}ma2-mesz_ {kur}hat-ti tam-tum lu e-bir {iri}na-gi-tu2
38. {iri}na-gi-tu2-di-i'-bi-na a-di {kur}hi-il-mu {kur}pil-la-tu2
39. u3 {kur}hu-pa-pa-nu na-ge-e sza {kur}_elam-ma{ki} kur_-ud
40. _ug3-mesz_ {kur}e2-{disz}ia-kin7 a-di _dingir-mesz_-szu2-nu u3 _ug3-mesz_
41. sza _lugal_ {kur}elam-ma{ki} asz2-lu-lam-ma la e-zi-ba
42. mul-tah-t,u qe2-reb _{gesz}ma2-mesz_ u2-szar-kib-ma
43. a-na a-ha-an-na-a u2-sze-bi-ra-ma u2-sza2-as,-bi-ta
44. har-ra-an _kur_ asz-szur{ki} _iri-mesz_ sza qe2-reb na-ge-e
45. sza2-tu-nu ap-pul aq-qur i-na {d}gesz-bar aq-mu a-na _du6_ u kar-me
46. u2-ter i-na ta-a-a-ar-ti-ia {disz}szu-zu-bu
47. _dumu_ babila2{ki} sza i-na e-szi-ti ma-a-te be-lu-tu
48. _kur eme-gi7_ u uri{ki} ra-ma-nu-usz u2-ter-ru
49. i-na _me3 edin bad5-bad5_-szu2 asz2-kun bal-t,u-su i-na _szu-min_
50. as,-bat-su szum-man-nu u3 bi-re-tu _an-bar_ ad-di-szu-ma
51. a-na _kur_ asz-szur{ki} u2-ra-asz2-szu2 _lugal_ {kur}elam-ma{ki} sza _a2-min_-szu2
52. is-hu-ru-ma il-li-ku re-s,u-su _bad5-bad5_-szu2 asz2-kun
53. _illat-mesz_-szu2 u2-sap-pi-ih-ma u2-par-ri-ir pu-hur-szu2
single ruling
54. i-na 7(disz)-e ger-ri-ia {d}asz-szur be-li2 u2-tak-kil-an-ni-ma
55. a-na {kur}e-lam-ti lu al-lik {iri}e2-{disz}ha-'i-i-ri
56. {iri}ra-s,a-a _iri-mesz_ sza mi-s,ir _kur_ asz-szur{ki}
57. sza i-na tar-s,i _ad_-ia e-la-mu-u2 e-ki-mu da-na-nisz
58. i-na me-ti-iq ger-ri-ia _kur_-ud asz2-lu-la szal-la-sun2
59. _erin2-mesz_ szu-lu-ti-ia u2-sze-rib qe2-reb-szu2-un a-na mi-s,ir
60. _kur_ asz-szur{ki} u2-ter-ra-ma _szu-min {lu2}gal_ {iri}hal-s,u bad3-an{ki}
61. am-nu {iri}bu-be2-e {iri}dun-ni-{d}utu {iri}e2-{disz}ri-si-ia
62. {iri}e2-ah-la-me-e {iri}du-ru {iri}dan-nat-{disz}su-la-a-a
63. {iri}szi-li-ib-tu {iri}e2-{disz}a-s,u-si {iri}kar-{disz}numun-ba-sza2
64. {iri}e2-{disz}gi-is,-s,i {iri}e2-{disz}kat3-pa-la-ni {iri}e2-{disz}im-bi-ia
65. {iri}ha-ma-a-nu {iri}e2-{disz}ar-ra-bi {iri}bu-ru-tu
66. {iri}dim-tu2-sza-{disz}su-la-a-a {iri}dim-tu2-sza-{disz}{d}dumu-e2-kar-ir
67. {iri}har-ri-asz2-la-ke-e {iri}rab-ba-a-a
68. {iri}ra-a-su {iri}ak-ka-ba-ri-na {iri}du6-{disz}u2-hu-ri
69. {iri}ha-am-ra-nu {iri}na-di-tu a-di _iri-mesz_-ni
70. sza ne2-re-bi sza {iri}e2-{disz}bu-na-ki {iri}du6-{d}hu-um-bi
71. {iri}dim-tu2-sza-{disz}du-me-dingir {iri}e2-{disz}u2-bi-ia
72. {iri}ba-al-ti-li-szir {iri}ta-qab-li-szir
73. {iri}sza-na-qi-da-te {iri}ma-su-tu2-szap-li-ti
74. {iri}sa-ar-hu-de-ri {iri}a-lum-sza-_gaszan-e2_
75. {iri}e2-{disz}pap-mesz-szum2-na {iri}il-te-u2-ba
76. 3(u) 4(disz) _iri-mesz_ dan-nu-ti a-di _iri-mesz tur-mesz_
77. sza li-me-ti-szu2-nu sza ni-ba la i-szu-u2
78. al-me _kur_-ud asz2-lu-la szal-la-sun2 ap-pul aq-qur
79. i-na {d}gesz-bar aq-mu qu-tur naq-mu-ti-szu2-nu
80. _gin7 muru9_ kab-ti pa-an _an_-e rap-szu-ti
81. u2-szak-ti-im isz-me-ma ki-szit-ti _iri-mesz_-szu2

column 5
1. {disz}nig2-du-{d}na-hu-un-du {lu2}e-la-mu-u2
2. im-qut-su hat-tum si-it-ti _iri-mesz_-szu2
3. a-na dan-na-a-te u2-sze-rib szu-u2 {iri}ma-dak-tu
4. _iri lugal_-ti-szu2 e-zib-ma a-na {iri}ha-i-da-la
5. sza qe2-reb _kur-mesz su3-mesz_ is,-s,a-bat har-ra-nu
6. a-na {iri}ma-dak-ti _iri lugal_-ti-szu2 a-la-ku aq-bi
7. {iti}tam-hi-ri _en-te-na_ dan-nu e-ru-ba-am-ma
8. sza2-mu-tum ma-at-tum u2-sza2-az-ni-na _szeg3-mesz_-sza2
9. _szeg3-mesz_ u3 szal-gi na-ah-lu na-at-bak _kur_-i a-du-ra
10. pa-an ni-ri-ia u2-ter-ma a-na nina{ki} as,-s,a-bat
11. har-ra-nu i-na u4-me-szu-ma i-na qi2-bit {d}asz-szur _en_-ia
12. {disz}nig2-du-{d}na-hu-un-du _lugal_ {kur}elam-ma{ki} 3(disz) _iti-mesz_
13. ul u2-mal-li-ma i-na u4-me la szi-im-ti-szu2
14. ur-ru-hi-isz im-tu-ut _egir_-szu2 {disz}um-man-me-na-nu
15. la ra-asz2 t,e3-e-me u3 mil-ki
16. _szesz_-szu2 dup-pu-us-su-u2 i-na _{gesz}gu-za_-szu2 u2-szib-ma
single ruling
17. i-na 8(disz)-e ger-ri-ia _egir_ {disz}szu-zu-bi is-se-hu-ma
18. _dumu-mesz babila2{ki} gal5-la2-mesz_ lem-nu-ti _ka2-gal-mesz iri_
19. u2-di-lu ik-pu-ud lib-ba-szu2-nu a-na e-pesz _{gesz}la2_
20. {disz}szu-zu-bu {lu2}kal-da3-a-a et,-lum dun-na-mu-u2
21. sza la i-szu-u2 bir-ki _{lu2}ARAD2_ da-gil2 pa-an _{lu2}en-nam_
22. {iri}la-hi-ri {lu2}a-ra-me hal-qu mun-nab-tu2 a-mir da-me
23. hab-bi-lu s,e-ru-usz-szu2 ip-hu-ru-ma qe2-reb {i7}a-gam-me
24. u2-ri-du-ma u2-szab-szu-u si-hu a-na-ku ni-tum al-me-szu2-ma
25. nap-sza2-tusz u2-si-qa la-pa-an hat-ti u3 ne2-eb-re-te
26. a-na {kur}elam-ma{ki} in-na-bit ki-i ri-kil-ti
27. u3 gil2-la-ti s,e-ru-usz-szu2 ba-szi-i ul-tu {kur}elam-ma{ki}
28. i-hi-szam-ma qe2-reb szu-an-na{ki} e-ru-ub _{lu2}babila2{ki}-mesz_
29. a-na la si-ma-ti-szu2 i-na _{gesz}gu-za_ u2-sze-szi-bu-szu2
30. be-lut _kur eme-gi7_ u3 uri{ki} u2-szad-gi-lu pa-ni-szu2
31. _e2 nig2-gur11_ sza e2-sag-il2 ip-tu-ma _ku3-sig17 ku3-babbar_
32. sza {d}en u {d}zar-pa-ni-tum _nig2-szu e2 dingir-mesz_-szu2-nu u2-sze-s,u-ni
33. a-na {disz}um-man-me-na-nu _lugal_ {kur}elam-ma{ki} sza la i-szu-u2
34. t,e3-e-mu u3 mil-ku u2-sze-bi-lu-usz t,a-a'-tu2
35. pu-uh-hir um-man-ka di-ka-a _karasz_-ka
36. a-na babila2{ki} hi-szam-ma i-da-a-ni i-zi-iz-ma
37. tu-kul-ta-ni lu at-ta szu-u2 {lu2}e-la-mu-u2
38. sza i-na a-lak ger-ri-ia mah-ri-ti sza {kur}elam-ma{ki}
39. _iri-mesz_-szu2 ak-szu-du-ma u2-ter-ru a-na kar-me
40. lib-bu-usz ul ih-su-us t,a-a'-tu2
41. im-hur-szu2-nu-ti-ma _erin2 hi-a_-szu2 _karasz_-su u2-pa-hir-ma
42. _{gesz}gigir-mesz_ {gesz}s,u-um-bi e-szu-ra _ansze-kur-ra-mesz_
43. _{ansze}kunga-mesz_ is-ni-qa s,i-in-di-szu2 {kur}par-su-asz2
44. {kur}an-za-an {kur}pa-sze-ru {kur}el-li-pi {lu2}ia-as-il3
45. {lu2}la-kab-ra {lu2}ha-ar-zu-nu {lu2}du-um-mu-qu
46. {lu2}su-la-a-a {lu2}sa-am-u2-na _dumu_ {disz}{d}mes-a-szum2-na
47. {kur}e2-{disz}a-di-ni {kur}e2-{disz}a-muk-ka-na {kur}e2-{disz}szil-la-na
48. {kur}e2-{disz}sa-a-la ud-ud-ag{ki} {iri}la-hi-ru {lu2}pu-qu-du
49. {lu2}gam-bu-lum {lu2}ha-la-tum {lu2}ru-'u-u2-a
50. {lu2}u2-bu-lum {lu2}ma-la-hu {lu2}ra-pi-qu
51. {lu2}hi-in-da-ru {lu2}da-mu-nu kit-ru _gal_-u2
52. ik-te-ra it-ti-szu2 gi-ip-szu-su-un u2-ru-uh
53. _kur_ uri{ki} is,-ba-tu-nim-ma a-na babila2{ki} te-bu-ni
54. a-di {disz}szu-zu-bi {lu2}kal-da3-a-a _lugal_ babila2{ki}
55. a-na a-ha-mesz iq-ru-bu-ma pu-hur-szu2-nu in-nen-du
56. ki-ma ti-bu-ut a-ri-bi ma-a'-di sza pa-an szat-ti
57. mit-ha-risz a-na e-pesz tuq-ma-te te-bu-ni s,e-ru-u-a
58. _sahar-hi-a giri3-min_-szu2-nu ki-ma _muru9_ kab-ti
59. sza dun-ni e-ri-ia-ti pa-an _an_-e rap-szu-te ka-tim
60. el-la-mu-u2-a ina {iri}ha-lu-le-e sza ki-szad {i7}idigna
61. szit-ku-nu si-dir-ta pa-an masz-qi2-ia s,ab-tu-ma
62. u2-sza2-'a-lu _{gesz}tukul-mesz_-szu2-un a-na-ku a-na {d}asz-szur
63. {d}3(u) {d}utu {d}en {d}muati {d}u-gur {d}inanna sza nina{ki}
64. {d}inanna sza {iri}limmu2-dingir _dingir-mesz_ ti-ik-li-ia
65. a-na ka-sza2-di _{lu2}kur2_ dan-ni am-hur-szu2-nu-ti-ma
66. su-pe-e-a ur-ru-hi-isz isz-mu-u2 il-li-ku
67. re-s,u-ti la-ab-bisz an-na-dir-ma at-tal-bi-sza2
68. si-ri-ia-am hu-li-ia-am si-mat s,i-il-ti
69. a-pi-ra ra-szu-u2-a i-na _{gesz}gigir me3_-ia
70. s,ir-ti sa-pi-na-at za-'i-i-ri i-na ug-gat
71. lib-bi-ia ar-ta-kab ha-an-t,isz _{gesz}pan_ dan-na-tu2
72. sza {d}asz-szur u2-szat-li-ma i-na _szu-min_-ia as,-bat
73. {gesz}szil-ta-hu pa-ri-i' nap-sza2-ti at-muh rit-tu-u-a
74. s,e-er gi-mir um-ma-na-te na-ki-ri lem-nu-ti
75. u4-mi3-isz s,ar-pisz al-sa-a _gin7_ {d}iszkur asz2-gu-um
76. i-na qi2-bit {d}asz-szur _en gal en_-ia a-na szid-di u pu-ti
77. _gin7_ ti-ib me-he-e szam-ri a-na _{lu2}kur2_ a-zi-iq
78. i-na _{gesz}tukul-mesz_ {d}asz-szur _en_-ia u3 ti-ib _me3_-ia ez-zi
79. i-rat-su-un a-ne2-e'-ma suh-hur-ta-szu2-nu asz2-kun
80. _erin2 hi-a_ na-ki-ri i-na us,-s,i mul-mul-li
81. u2-sza2-qir-ma gim-ri _adda-mesz_-szu2-nu u2-pal-li-sza2
82. _ud_-zi-zi-isz {disz}{d}hu-um-ban-un-da-sza2 _{lu2}nimgir2_
83. sza _lugal_ {kur}elam-ma{ki} et,-lum pit-qu-du mu-ma-'e-er
84. _erin2 hi-a_-szu2 tu-kul-ta-szu2 _gal_-u2 a-di _{lu2}gal-mesz_-szu2
85. sza _gir2_ szib-bi _ku3-sig17_ szit-ku-nu
86. u3 i-na _har-mesz_ as-pi _ku3-sig17_ ru-usz-szi-i
87. ruk-ku-sa rit-ti-szu2-un ki-ma szu-u2-ri
88. ma-ru-ti sza na-du-u2 szum-man-nu

column 6
1. ur-ru-hi-isz u2-pal-liq-szu2-nu-ti-ma asz2-ku-na tah-ta-szu2-un
2. ki-sza2-da-te-szu2-nu u2-na-kis as-lisz aq-ra-a-ti
3. nap-sza2-te-szu2-nu u2-par-ri-i' qu3-u'3-isz ki-ma _illu_
4. gap-szi sza sza2-mu-tum si-ma-ni u3-mun-ni-szu2-nu u2-szar-da-a
5. s,e-er er-s,e-ti sza2-di-il-ti la-as-mu-ti
6. mur-ni-is-qi s,i-mit-ti ru-ku-bi-ia i-na da-me-szu2-nu
7. gap-szu-ti i-szal-lu-u2 {d}i7-isz sza _{gesz}gigir me3_-ia
8. sa-pi-na-at rag-gi u3 s,e-ni da-mu u par-szu2
9. ri-it-mu-ku ma-gar-ru-usz pag-ri qu-ra-di-szu2-nu
10. ki-ma ur-qi2-ti u2-mal-la-a _edin_ sa-ap-sa-pa-te
11. u2-na-kis-ma bal-ta-szu2-un a-bu-ut ki-ma bi-ni
12. qisz-sze-e si-ma-ni u2-na-kis qa-ti-szu2-un
13. _har-mesz_ as-pi _ku3-sig17 ki-sag_ eb-bi sza2 rit-ti-szu2-nu
14. am-hur i-na nam-s,a-ri zaq-tu-ti hu-s,a-an-ni-szu2-nu
15. u2-par-ri-i' _gir2-mesz_ szib-bi _ku3-sig17 ku3-babbar_ sza2 _muru2-mesz_-szu2-nu
16. e-kim si-it-ti _{lu2}gal-mesz_-szu2 a-di {disz}{d}muati-mu-gar-un
17. _dumu_ {disz}{d}marduk-ibila-szum2-na sza la-pa-an _me3_-ia ip-la-hu
18. id-ku-u2 _a2-min_-szu2-un bal-t,u-su-un ina _muru2_ tam-ha-ri
19. it-mu-ha _szu-min_-a-a _{gesz}gigir-mesz_ a-di _ansze-kur-ra-mesz_-szi-na
20. sza i-na qit-ru-ub _me3_ dan-ni ra-ki-bu-szin de-ku-ma
21. u3 szi-na musz-szu-ra-ma ra-ma-nu-usz-szin
22. it-ta-na-al-la-ka mit-ha-risz u2-ter-ra
23. a-di 2(disz) _danna ge6_ il-li-ku da-ak-szu2-nu ap-ru-us
24. szu-u2 {disz}um-ma-an-me-na-nu _lugal_ {kur}elam-ma{ki}
25. a-di _lugal_ babila2{ki} {lu2}na-sik-ka-ni sza {kur}kal-di
26. a-li-kut _a2-min_-szu2 hur-ba-szu2 _me3_-ia ki-ma-le-e
27. zu-mur-szu2-un is-hu-up {gesz}za-ra-te-szu2-un u2-masz-sze-ru-ma
28. a-na szu-zu-ub _zi-mesz_-szu2-nu pag-ri _erin2 hi-a_-szu2-nu
29. u2-da-'i-i-szu2 e-ti-qu ki-i sza at-mi _tu_{muszen}
30. kusz-szu-di i-tar-ra-ku lib-bu-szu2-un szi-na-te-szu2-un
31. u2-s,ar-ra-pu qe2-reb _{gesz}gigir-mesz_-szu2-nu u2-masz-sze-ru-ni
32. zu-u2-szu2-un a-na ra-da-di-szu2-nu _{gesz}gigir-mesz_
33. _ansze-kur-ra-mesz_-ia u2-ma-'e-er _egir_-szu2-un
34. mun-na-rib-szu2-nu sza a-na nap-sza2-a-te u2-s,u-u2
35. a-szar i-kasz-sza2-du u2-ra-sa-bu i-na _{gesz}tukul_
single ruling
36. i-na u4-me-szu-ma ul-tu _e2-gal muru2 iri_ sza nina{ki}
37. a-na ri-mit _lugal_-ti-ia u2-szak-li-lu
38. a-na tab-ra-a-te kisz-szat _ug3-mesz_ lu-le-e u2-ma-lu-szi
39. _e2-gal_ ku-tal-li sza a-na szu-te-szur ka-ra-szi
40. pa-qa-a-di _ansze-kur-ra-mesz_ sa-na-qi2 mim-ma szum-szu2
41. u2-sze-pi-szu2 _lugal-mesz_ a-li-kut mah-ri _ad-mesz_-ia
42. tam-lu-sza2 ul ib-szi szu-bat-sa s,u-uh-hu-rat-ma
43. la nu-ku-lat e-pisz-tasz la-ba-risz u4-me tem-me-en-sza2
44. e-nisz-ma isz-da-a-sza2 ir-ma-a i-qu-pa re-sza2-a-sza2
45. _e2-gal_ sza2-a-tu a-na si-hir-ti-sza2 aq-qur
46. ki-szub-bu-u2 ma-a'-du ul-tu qe2-reb u2-szal-li
47. u3 ta-mir-ti _iri gim_ a-tar-tim-ma lu as,-ba-ta
48. i-na muh-hi lu u2-rad-di masz-kan2 _e2-gal_ mah-ri-ti
49. e-zib-ma i-na qaq-qa-ri u2-szal-li sza ul-tu
50. mal-di _i7_ as,-ba-ta tam-la-a usz-mal-li 2(disz) _me_ ti-ib-ki
51. a-na e-la-ni u2-szaq-qi2 re-e-su ina _iti_ sze-me-e
52. u4-mu mit-ga-ri s,e-er tam-le-e sza2-a-tu
53. i-na nik-lat lib-bi-ia _e2-gal_ {na4}pi-i-li
54. u3 {gesz}ere-ni ne2-pesz-ti {kur}hat-ti u3 _e2-gal_
55. s,i-ir-tu ep-szet _kur_ asz-szur{ki} sza _ugu_ mah-ri-ti
56. ma-a'-disz szu-tu-rat ra-ba-ta u3 nak-lat
57. i-na szi-pir _{lu2}szitim-gal_-le-e en-qu-ti
58. a-na mu-szab be-lu-ti-ia u2-sze-pisz _gesz-ur3-mesz_
59. {gesz}ere-ni s,i-ru-ti tar-bit {kur}ha-ma-nim _kur_-i el-li
60. u2-szat-ri-s,a e-li-szin _{gesz}ig-mesz_ li-ia-ri
61. me-ser _uruda_ nam-ri u2-rak-kis-ma u2-rat-ta-a
62. _ka2-mesz_-szin i-na {na4}pi-i-li pe-s,e-e
63. sza i-na er-s,e-et {iri}ba-la-t,a-a-a in-nam-ru
64. _{d}alad-{d}lamma-mesz_ s,i-ru-ti u2-sze-pisz-ma im-na
65. u3 szu-me-la u2-sza2-as,-bi-ta _si-gar_-szin a-na szu-te-szur
66. s,al-mat _sag-du_ pa-qa-di mur-ni-is-qi2 _{ansze}kunga-mesz_ a-ga-li-i
67. til-li _{gesz}gigir-mesz_ {gesz}at-ta-ra-te e-req-qi2 isz-pa-a-te
68. til-pa-na-a-te u3 us,-s,i mim-ma szum-szu2 u2-nu-ut _me3_
69. na-as,-ma-di _ansze-kur-ra-mesz {ansze}kunga-mesz_ sza2 e-mu-qi2
70. ra-ba-a-te i-szu-u2 szuk-nu-sze a-na ni-ri ki-sal-la-sza2
71. _ka2_-nu-u2 ma-gal usz-rab-bi _e2-gal_ sza2-a-tu2 ul-tu2 usz-sze-sza2
72. a-di na-bur-ri-sza2 ar-s,ip u2-szak-lil _mu-sar_-e
73. szi-t,ir _mu_-ia i-na qer-bi-sza2 asz2-kun a-na ar2-kat3 _u4-mesz_
74. i-na _lugal-mesz dumu-mesz_-ia sza {d}asz-szur u3 {d}inanna
75. a-na _re-e2-um kur_ u3 _ug3-mesz_ i-nam-bu-u zi-kir-szu2
76. e-nu-ma _e2-gal_ sza2-a-tu i-lab-bi-ru-ma en-na-hu
77. _nun_ ar-ku-u2 an-hu-sa lu-ud-disz _mu-sar_-e
78. szi-t,ir _mu_-ia li-mur-ma _i3-gesz_ lip-szu-usz _{udu}siskur_
79. liq-qi2 a-na asz2-ri-szu lu-ter {d}asz-szur u3 {d}inanna
80. ik-ri-bi-szu2 i-szem-mu-u mu-nak-kir szit,-ri-ia
81. u3 _mu_-ia {d}asz-szur _en gal ad dingir-mesz_
82. nak-risz li-zi-is-su _{gesz}gidru_ u3 _{gesz}gu-za_
83. li-kim-szu-ma lis-ki-pa _bala_-szu2
single ruling
84. {iti}szu-numun-na li-mu {disz}ga-hi-lu
85. _{lu2}en-nam_ {iri}ha-ta-rik2-ka

Version History

RINAP 3/1 Sennacherib 022, ex. 002
Click for archival page

Primary publication	RINAP 3/1 Sennacherib 022, ex. 002
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	British Museum, London, UK
Museum no.	BM 091032
Accession no.	1855-10-03, 0001
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.14.12.20
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20110629 cdliadmin_bm
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz0029x62v
Composite no.	Q003496
Seal no.
CDLI no.	P421809

Can you improve upon the content of this entry?
Please contact us!

(click on image to enlarge)

Prism

surface a

column 1
1. {disz}{d}en-zu-szesz-mesz-eri-ba _lugal gal lugal_ dan-nu
2. _lugal_ kisz-sza2-ti _lugal kur_ asz-szur{ki} _lugal_ kib-rat _limmu2_-tim
3. _re-e2-um_ it-pe-szu2 mi-gir _dingir-mesz gal-mesz_
4. na-s,ir kit-ti ra-'i-im mi-sza2-ri
5. e-pisz u2-sa-a-ti a-lik tap-pu-ut a-ki-i
6. sa-hi-ru dam-qa-a-ti et,-lum git2-ma-lum
7. zi-ka-ru qar-du a-sza2-red kal ma-al-ki
8. rap-pu la-'i-it, la ma-gi-ri
9. mu-szab-ri-qu za-ma-a-ni
10. {d}asz-szur _kur_-u2 _gal_-u2 _lugal_-ut la sza2-na-an
11. u2-szat-li-ma-an-ni-ma
12. _ugu_ gi-mir a-szib pa-rak-ki u2-szar-ba-a _{gesz}tukul-mesz_-ia
13. ul-tu _a-ab-ba_ e-le-ni-ti sza sza2-lam {d}utu-szi
14. a-di tam-tim szap-li-ti sza s,i-it {d}utu-szi
15. gim-ri s,al-mat _sag-du_ u2-szak-nisz sze-pu-u2-a
16. u3 mal-ki szep-s,u-ti e-du-ru ta-ha-zi
17. da-ad2-me-szu-un iz-zi-bu-ma ki-ma su-tin-ni{muszen}
18. ni-gi-is,-s,i e-disz ip-par-szu2 a-szar la 'a-a-ri
single ruling
19. i-na mah-re-e ger-ri-ia sza {disz}{d}marduk-ibila-szum2-na
20. _lugal_ {kur}kar2-{d}dun-ia2-asz3 a-di _erin2 hi-a_ elam-ma{ki} re-s,i-szu2
21. i-na ta-mir-ti kisz{ki} asz2-ta-kan _bad5-bad5_-szu2
22. i-na _muru2_ tam-ha-ri szu-a-tu e-zib _karasz_-su
23. e-disz ip-par-szid-ma na-pisz-tusz e-t,i2-ir
24. _{gesz}gigir-mesz ansze-kur-ra-mesz_ {gesz}s,u-um-bi _{ansze}kunga-mesz_
25. sza i-na qit-ru-ub ta-ha-zi u2-masz-sze-ru ik-szu-da _szu-min_-a-a
26. a-na _e2-gal_-szu2 sza qe2-reb babila2{ki} ha-disz e-ru-um-ma
27. ap-te-e-ma _e2_ ni-s,ir-ti-szu2 _ku3-sig17 ku3-babbar_
28. u2#-[x x] _ku3-sig17 ku3-babbar# na4#_ a-qar-tu mim-ma szum-szu2
29. _nig2-szu nig2-gur11_ la ni-bi ka-bit#-tu# _gun_ {munus}_sza3-e2-gal-mesz_-szu2
30. _{lu2}tirum-mesz_ {lu2}man-za-az pa-ni _{lu2}nar-mesz_ {munus}_nar-mesz_
31. si-hir-ti um-ma-a-ni ma-la ba-szu-u2
32. mut-tab-bi-lu-tu2 _e2-gal_-usz u2-sze-s,a-am-ma
33. szal-la-ti-isz am-nu i-na e-muq {d}asz-szur _en_-ia
34. 1(gesz2) 1(u) 5(disz) _iri-mesz_-szu2 dan-nu-ti _e2 bad3-mesz_-ni sza {kur}kal-di
35. u3 4(disz) _me_ 2(u) _iri-mesz_-ni _tur-mesz_ sza li-me-ti-szu2-nu
36. al-me ak-szud{ud} asz2-lu-la szal-la-su-un
37. {lu2}ur2-bi {lu2}a-ra-mu {lu2}kal-du sza qe2-reb unu{ki}
38. nibru{ki} kisz{ki} hur-sag-kalam-ma{ki} gu2-du8-a{ki} zimbir{ki}
39. a-di _dumu-mesz iri en_ hi-it,-t,i u2-sze-s,a-am-ma
40. szal-la-tisz am-nu i-na ta-a-a-ar-ti-ia
41. {lu2}tu-'u-mu-na {lu2}ri-hi-hu {lu2}ia-daq-qu
42. {lu2}u2-bu-du {lu2}gib-re-e {lu2}ma-la-hu
43. {lu2}gu-ru-mu {lu2}u2-bu-lum {lu2}da-mu-nu
44. {lu2}gam-bu-lum {lu2}hi-in-da-ru {lu2}ru-'u-u2-a
45. {lu2}pu-qu-du {lu2}ha-am-ra-nu {lu2}ha-ga-ra-nu
46. {lu2}na-ba-tu {lu2}li-i'-ta-u2 {lu2}a-ra-mu
47. la kan-szu-u2-ti mit-ha-risz ak-szud{ud}
48. 2(disz) _me_ 8(disz) _lim un-mesz tur gal nita_ u3 _munus_
49. _ansze-kur-ra-mesz {ansze}kunga-mesz ansze-mesz {ansze}gam-mal-mesz_
50. _gu4-mesz_ u3 s,e-e-ni sza la ni-bi szal-la-tu
51. ka-bit-tu asz2-lu-la a-na qe2-reb _kur_ asz-szur{ki}
52. i#-na# me-ti-iq ger-ri-ia sza {disz}{d}muati-en-mu-mesz
53. {lu2}qi2-pi {iri}ha-ra-ra-ti _ku3-sig17 ku3-babbar_
54. {gesz}mu-suk-kan-ni _gal-mesz ansze-mesz {ansze}gam-mal-mesz gu4-mesz_
55. u3 s,e-e-ni ta-mar-ta-szu2 ka-bit-tu am-hur
56. ba-hu-la-te {iri}hi-rim-me _{lu2}kur2_ ak-s,i
57. i-na _{gesz}tukul-mesz_ u2-szam-qit-ma e-du ul e-zib
58. pag-ri-szu2-un i-na ga-szi-szi a-lul-ma
59. si-hir-ti _iri_ u2-szal-me na-gu-u2 szu-a-tu
60. a#-na# esz-szu-ti as,-bat 1(disz)-en _gu4_
61. 1(u) _udu-nita2-mesz_ 1(u) _ansze# {gesz}gesztin_ 2(u) _ansze zu2-lum-ma_ re-sze-te-szu2
62. a-na _dingir-mesz_-ni _kur_ asz-szur{ki} _en-mesz_-ia u2-kin da3-ri-szam
single ruling
63. i-na 2(disz)-e ger-ri-ia {d}asz-szur be-li2 u2-tak-kil-an-ni-ma
64. a-na _kur_ {lu2}kasz-szi-i u3 _kur_ {lu2}ia-su-bi-gal-la-a-a
65. sza ul-tu ul-la a-na _lugal-mesz_-ni _ad-mesz_-ia
66. la kit-nu-szu2 lu al-lik qe2-reb hur-sza2-a-ni zaq-ru-ti
67. _a-sza3_ nam-ra-s,i i-na _ansze-kur-ra_ ar-kab-ma
68. _{gesz}gigir giri3-min_-ia i-na ti-ik-ka-a-ti u2-sza2-asz2-szi
69. asz2-ru szup-szu-qu i-na _giri3-min_-ia ri-ma-nisz at-tag-gisz
70. {iri}e2-{disz}ki-lam-za-ah {iri}har-disz-pi {iri}e2-{disz}ku-bat-ti
71. _iri-mesz_-ni-szu2-nu _e2 bad3-mesz_-ni dan-nu-te al-me _kur_-ud
72. _ug3-mesz ansze-kur-ra-mesz {ansze}kunga-mesz ansze-mesz_
73. _gu4-mesz_ u3 s,e-e-ni ul-tu qer-bi-szu2-un
74. u2-sze-s,a-am-ma szal-la-tisz am-nu u3 _iri-mesz_-ni-szu2-nu _tur-mesz_
75. sza ni-ba la i-szu-i ap-pul aq-qur u2-sze-me kar-mesz
76. _e2 edin_ kul-ta-ri mu-sza2-bi-szu2-nu i-na {d}gesz-bar aq-mu-ma
77. di-tal-lisz u2-sze-me u2-ter-ma {iri}e2-{disz}ki-lam-za-ah
78. szu-a-tu a-na {iri}bir-tu-ti as,-bat _ugu_ sza u4-um pa-ni
79. _bad3-mesz_-szu2 u2-dan-nin-ma _ug3-mesz kur-kur_
80. ki-szit-ti _szu-min_-ia i-na lib3-bi u2-sze-szib
81. _ug3-mesz kur_ {lu2}kasz-szi-i u3 _kur_ {lu2}ia-su-bi-gal-la-a-a
82. sza la-pa-an _{gesz}tukul-mesz_-ia ip-par-szid-du

column 2
1. ul-tu qe2-reb _kur_-i u2-sze-ri-dam-ma
2. i-na {iri}har-disz-pi {iri}e2-{disz}ku-bat-ti u2-szar-me
3. i-na _szu-min_ {lu2}szu-ut _sag_-ia _{lu2}en-nam_ {iri}ar-rap-ha
4. am-nu-szu-nu-ti _{na4}na-ru2-a_ u2-sze-pisz-ma
5. li-i-tum ki-szit-ti _szu-min_ sza _ugu_-szu2-un
6. asz2-tak-ka-nu s,e-ru-usz-szu2 u2-sza2-asz2-t,ir-ma
7. ina qer-bi _iri_ ul-ziz pa-an ni-ri-ia
8. u2-ter-ma a-na {kur}el-li-pi as,-s,a-bat har-ra-nu
9. el-la-mu-u2-a {disz}is-pa-ba-a-ra _lugal_-szu2-un _iri-mesz_-szu2 dan-nu-ti
10. _e2_ ni-s,ir-ti-szu2 u2-masz-szir-ma a-na ru-qe2-e-ti
11. in-na-bit gim-ri _kur_-szu2 _dagal_-tim ki-ma _muru9_ as-hu-up
12. {iri}mar-u2-bisz-ti {iri}ak-ku-ud-du _iri-mesz_-ni
13. _e2 lugal_-ti-szu2 a-di 3(u) 4(disz) _iri-mesz tur-mesz_ sza li-me-ti-szu2-nu
14. al-me ak-szud{ud} ap-pu-ul aq-qur
15. i-na {d}gesz-bar aq-mu _ug3-mesz tur gal nita_ u _munus_
16. _ansze-kur-ra-mesz {ansze}kunga-mesz ansze-mesz {ansze}gam-mal-mesz_
17. _gu4-mesz_ u3 s,e-e-ni a-na la mi-nam asz2-lu-lam-ma
18. a-di la ba-szi-i u2-sza2-lik-szu-ma u2-s,a-hir _kur_-su
19. {iri}s,i-s,i-ir-tu {iri}ku-um-ma-ah-lum _iri-mesz_-ni
20. dan-nu-ti a-di _iri-mesz tur-mesz_ sza li-me-ti-szu2-nu
21. {kur}e2-{disz}ba-ar-ru-u2 na-gu-u2 a-na gi-mir-ti-szu2
22. ul-tu qe2-reb _kur_-szu2 ab-tuq-ma _ugu_ mi-s,ir
23. _kur_ asz-szur{ki} u2-rad-di {iri}el-en-za-asz2
24. a-na _iri lugal_-ti u3 dan-na-at na-ge-e szu-a-tu
25. as,-bat-ma _mu_-szu2 mah-ra-a u2-nak-kir-ma
26. {iri}kar-{d}en-<zu>-szesz-mesz-su at-ta-bi ni-bit-su
27. _ug3-mesz kur-kur_ ki-szit-ti _szu-min_-ia i-na lib3-bi u2-sze-szib
28. i-na _szu-min_ {lu2}szu-ut _sag_-ia _{lu2}en-nam_ {iri}har-har
29. am-nu-ma u2-rap-pisz ma-a-ti i-na ta-a-a-ar-ti-ia
30. sza {kur}ma-da-a-a ru-qu-ti sza i-na _lugal-mesz_-ni
31. _ad-mesz_-ia ma-am-man la isz-mu-u2 zi-kir _kur_-szu2-un
32. man-da-ta-szu2-nu ka-bit-tu am-hur
33. a-na ni-ri be-lu-ti-ia u2-szak-ni-su-nu-ti
single ruling
34. i-na szal-szi ger-ri-ia a-na {kur}ha-at-ti lu al-lik
35. {disz}lu-li-i _lugal_ {iri}s,i-du-un-ni pul-hi me-lam-me
36. be-lu-ti-ia is-hu-pu-szu-ma a-na ru-uq-qi2
37. _muru2_ tam-tim in#-na#-bit-ma _kur_-szu2 e-mid
38. {iri}s,i-du-un-nu _gal_-u2 {iri}s,i-du-un-nu _tur_
39. {iri}e2-zi-it-te {iri}s,a-ri-ip-tu2 {iri}ma-hal-li-ba
40. {iri}u2-szu-u2 {iri}ak-zi-bi {iri}ak-ku-u2
41. _iri-mesz_-szu2 dan-nu-ti _e2 bad3-mesz_-ni a-szar ri-i-ti
42. u3 masz-qi2-ti _e2_ tuk-la-ti-szu2 ra-szub-bat _{gesz}tukul_
43. {d}asz-szur _en_-ia is-hu-pu-szu-nu-ti-ma ik-nu-szu
44. sze-pu-u2-a {disz}tu-ba-a'-lu i-na _{gesz}gu-za lugal_-ti
45. _ugu_-szu2-un u2-sze-szib-ma _gun_ man-da-at-tu be-lu-ti-ia
46. szat-ti-szam la ba-at,-lu u2-kin s,e-ru-usz-szu2
47. sza {disz}mi-in-hi-im-mu {iri}sam-si-mu-ru-na-a-a
48. {disz}tu-ba-a'-lu {iri}s,i-du-un-na-a-a
49. {disz}ab-di-li-i'-ti {iri}a-ru-da-a-a
50. {disz}u2-ru-mil-ki {iri}gu-ub-la-a-a
51. {disz}mi-ti-in-ti {iri}as-du-da-a-a
52. {disz}bu-du-dingir {kur}e2-{disz}am-ma-na-a-a
53. {disz}kam-mu-su-na-ad-bi {kur}<ma>-'a-ba-a-a
54. {disz}{d}a-a-ram-mu {kur}u2-du-um-ma-a-a
55. _lugal-mesz_-ni _kur_ mar-tu{ki} ka-li-szu2-un _igi-sa2_-e
56. szad-lu-ti ta-mar-ta-szu2-nu ka-bit-tu a-di 4(disz)-szu2
57. a-na mah-ri-ia isz-szu-nim-ma isz-szi-qu _giri3-min_-ia
58. u3 {disz}s,i-id-qa-a _lugal_ {iri}is-qa-al-lu-na
59. sza la ik-nu-szu2 a-na ni-ri-ia _dingir-mesz e2 ad_-szu2 sza2-a-szu2
60. _dam_-su _dumu-mesz_-szu2 _dumu-munus-mesz_-szu2 _szesz-mesz_-szu2 _numun e2 ad_-szu2
61. as-su-ha-am-ma a-na _kur_ asz-szur{ki} u2-ra-asz2-szu2
62. {disz}lugal-lu-da3-ri _dumu_ {disz}ru-kib-ti _lugal_-szu2-nu mah-ru-u2
63. _ugu un-mesz_ {iri}is-qa-al-lu-na asz2-kun-ma na-dan _gun_
64. kad3-re-e be-lu-ti-ia e-mid-su-ma i-sza2-at, ab-sza2-a-ni
65. i-na me-ti-iq ger-ri-ia {iri}e2-da-gan-na
66. {iri}ia-ap-pu-u2 {iri}ba-na-a-a-bar-qa {iri}a-zu-ru
67. _iri-mesz_-ni sza {disz}s,i-id-qa-a sza a-na _giri3-min_-ia
68. ar2-hisz la ik-nu-szu2 al-me _kur_-ud asz2-lu-la szal-la-sun2
69. _{lu2}szagina-mesz {lu2}nun-mesz_ u3 _ug3-mesz_ {iri}am-qar-ru-na
70. sza {disz}pa-di-i _lugal_-szu2-nu _en_ a-de-e u3 ma-mit
71. sza _kur_ asz-szur{ki} bi-re-tu _an-bar_ id-du-ma a-na {disz}ha-za-qi-ia-u2
72. {kur}ia-u2-da-a-a id-di-nu-szu2 nak-risz a-na an-zil-li e-pu-szu2
73. ip-lah3 lib-ba-szu2-un _lugal-mesz_-ni {kur}mu-s,u-ri
74. _{lu2}erin2-mesz {gesz}pan {gesz}gigir-mesz ansze-kur-ra-mesz_ sza _lugal_ {kur}me-luh-hi
75. e-mu-qi2 la ni-bi ik-te-ru-nim-ma il-li-ku
76. re-s,u-us-su-un i-na ta-mir-ti {iri}al-ta-qu-u2
77. el-la-mu-u2-a si-id-ru szit-ku-nu u2-sza2-'a-lu
78. _{gesz}tukul-mesz_-szu2-un i-na tukul-ti {d}asz-szur _en_-ia it-ti-szu2-un
79. am-da-hi-is,-ma asz2-ta-kan _bad5-bad5_-szu2-un
80. _{lu2}en {gesz}gigir-mesz_ u3 _dumu-mesz lugal_ {kur}mu-s,u-ra-a-a
81. a-di _{lu2}en {gesz}gigir-mesz_ sza _lugal_ {kur}me-luh-hi bal-t,u-su-un
82. i-na _muru2_ tam-ha-ri ik-szu-da _szu-min_-a-a {iri}al-ta-qu-u
83. {iri}ta-am-na-a al-me _kur_-ud asz2-lu-la szal-la-sun2

column 3
1. a-na {iri}am-qar-ru-na aq-rib-ma
2. _{lu2}szagina-mesz {lu2}nun-mesz_ sza hi-it,-t,u u2-szab-szu-u2 a-duk-ma
3. i-na di#-ma#-a#-te# si#-hir#-ti# _iri_ a-lul pag-ri-szu2-un
4. _dumu#-mesz# iri_ e-pisz an-ni u3 gil2-la-ti
5. a-na szal-la-ti am-nu si-it-tu-te-szu2-nu
6. la ba-bil hi-t,i-ti u3 gul-lul-ti sza a-ra-an-szu2-nu
7. la ib-szu-u2 usz-szur-szu2-un aq-bi {disz}pa-di-i
8. _lugal_-szu2-nu ul-tu qe2-reb {iri}ur-sa-li-im-mu
9. u2-sze-s,a-am-ma i-na _{gesz}gu-za_ be-lu-ti _ugu_-szu2-un
10. u2-sze-szib-ma man-da-at-tu be-lu-ti-ia
11. u2-kin s,e-ru-usz-szu2 u3 {disz}ha-za-qi-a-u2
12. {kur}ia-u2-da-a-a sza la ik-nu-szu2 a-na ni-ri-ia
13. 4(u) 6(disz) _iri-mesz_-szu2 dan-nu-ti _e2 bad3-mesz_ u3 _iri-mesz tur-mesz_
14. sza li-me-ti-szu2-nu sza ni-ba la i-szu-u2
15. i-na szuk-bu-us a-ram-me u3 qit-ru-ub szu-pi-i
16. mit-hu-s,u zu-uk _giri3-min_ pil-szi nik-si u kal-ban-na-te
17. al-me _kur_-ud 2(disz) _me lim_ 1(disz) _me_ 5(u) _ug3-mesz tur gal nita_ u3 _munus_
18. _ansze-kur-ra-mesz {ansze}kunga-mesz ansze-mesz {ansze}gam-mal-mesz gu4-mesz_
19. u3 s,e-e-ni sza la ni-bi ul-tu qer-bi-szu2-un u2-sze-s,a-am-ma
20. szal-la-tisz am-nu sza2-a-szu2 _gin7 muszen_ qu-up-pi qe2-reb {iri}ur-sa-li-im-mu
21. _iri lugal_-ti-szu2 e-sir2-szu2 {iri}hal-s,u-_mesz_ ugu_-szu2
22. u2-rak-kis-ma a-s,e-e _ka2-gal iri_-szu2 u2-ter-ra
23. ik-ki-bu-usz _iri-mesz_-szu2 sza asz2-lu-la ul-tu qe2-reb _kur_-szu2
24. ab-tuq-ma a-na {disz}mi-ti-in-ti _lugal_ {iri}as-du-di
25. {disz}pa-di-i _lugal_ {iri}am-qar-ru-na u3 {disz}gissu-en
26. _lugal_ {iri}ha-zi-ti ad-din-ma u2-s,a-ah-hir _kur_-su
27. e-li _gun_ mah-ri-ti na-dan szat-ti-szu2-un
28. man-da-at-tu kad3-re-e be-lu-ti-ia u2-rad-di-ma
29. u2-kin s,e-ru-usz-szu2-un szu-u2 {disz}ha-za-qi-a-u2
30. pul-hi me-lam-me be-lu-ti-ia is-hu-pu-szu-ma
31. {lu2}ur2-bi u3 _{lu2}erin2-mesz_-szu2 _saga-mesz_
32. sza a-na dun-nu-un {iri}ur-sa-li-im-mu _iri lugal_-ti-szu2
33. u2-sze-ri-bu-ma ir-szu-u2 til-la-a-ti
34. it-ti 3(u) _gun ku3-sig17_ 8(disz) _me gun ku3-babbar_ ni-siq-ti
35. gu-uh-li tak2-kas3-si _{na4}an-za-gul-me gal-mesz_
36. _{gesz}na2-mesz zu2 {gesz}gu-za-mesz_ ne2-me-di _zu2 kusz am-si_
37. _zu2 am-si {gesz}esi {gesz}tug2_ mim-ma szum-szu2 ni-s,ir-tu2 ka-bit-tu2
38. u3# _dumu#-munus-mesz_-szu2 _munus-un-mesz e2-gal_-szu2 _{lu2}nar-mesz_
39. {munus}_nar-mesz_ a-na qe2-reb nina{ki} _iri_ be-lu-ti-ia
40. _egir_-ia u2-sze-bi-lam-ma a-na na-dan man-da-at-ti
41. u3 e-pesz _ARAD2_-u2-ti isz-pu-ra rak-bu-szu2
single ruling
42. i-na 4(disz)-e ger-ri-ia {d}asz-szur be-li2 u2-tak-kil-an-ni-ma
43. um-ma-na-te-ia gap-sza2-a-te ad-ke-ma a-na {kur}e2-{disz}ia-kin7
44. a-la-ku aq-bi i-na me-ti-iq ger-ri-ia
45. sza {disz}szu-zu-bi {lu2}kal-da3-a-a a-szib qe2-reb {i7}a-gam-me
46. i-na {iri}bi-it-tu-u2-tu asz2-ta-kan _bad5-bad5_-szu2
47. szu-u2 hur-ba-szu2 ta-ha-zi-ia _ugu_-szu2 im-qut-ma
48. it-ru-ku lib-bu-szu2 ki-ma az-za-ri e-disz ip-par-szid-ma
49. ul in-na-mir a-szar-szu2 pa-an ni-ri-ia u2-ter-ma
50. a-na {kur}e2-{disz}ia-kin7 as,-s,a-bat har-ra-nu
51. szu-u2 {disz}{d}marduk-ibila-szum2-na sza ina a-lak
52. ger-ri-ia mah-re-e _bad5-bad5_-szu2 asz2-ku-nu-ma
53. u2-par-ri-ru el-lat-su ri-gim _{gesz}tukul-mesz_-ia dan-nu-ti
54. u3 ti-ib _me3_-ia ez-zi e-dur-ma
55. _dingir-mesz_ ma-rak _kur_-szu2 i-na _ki-tusz_-szu2-nu id-ke-ma qe2-reb _{gesz}ma2-mesz_
56. u2-szar-kib-ma a-na {iri}na-gi-te-ra-aq-qi2
57. sza qa-bal tam-tim is,-s,u-risz ip-pa-risz _szesz-mesz_-szu2 _numun e2 ad_-szu2
58. sza u2-masz-sze-ru a-hi tam-tim a-di si-it-ti _ug3-mesz kur_-szu2
59. ul-tu {kur}e2-{disz}ia-kin7 qe2-reb {i7}a-gam-me u ap-pa-ra-te
60. u2-sze-s,a-am-ma szal-la-tisz am-nu u2-ter-ma _iri-mesz_-szu2 ap-pul
61. aq-qur u2-sze-me kar-mesz _ugu en_ sa-li-me-szu2
62. _lugal_ {kur}elam-ma{ki} na-mur-ra-tum at-bu-uk
63. i-na ta-a-a-ar-ti-ia {disz}{d}asz-szur-na-din-mu _dumu_ resz-tu-u2
64. tar-bit bir-ki-ia i-na _{gesz}gu-za_ be-lu-ti-szu2 u2-sze-szib-ma
65. _dagal_-tum _kur eme-gi7_ u uri{ki} u2-szad-gil pa-nu-usz-szu2
single ruling
66. i-na 5(disz) ger-ri-ia ba-hu-la-te {iri}tu-mur-ri
67. {iri}sza2-ru-um {iri}e-za-ma {iri}kib-szu2 {iri}hal-bu-da
68. {iri}qu-u2-a {iri}qa-na sza _gin7_ qin-ni _ti8_{muszen}
69. a-sza2-red _muszen hi-a_ s,e-er zuq-ti {kur}ni-pur _kur_-i mar-s,i
70. szu-bat-sun2 szit-ku-na-at-ma la kit-nu-szu2 a-na ni-i-ri
71. i-na _giri3-min_ {kur}ni-pur ka-ra-szi u2-sza2-asz2-kin-ma
72. it-ti {lu2}qur-bu-ti _giri3-min_-ia na-as-qu-ti
73. u3 _{lu2}erin2-mesz_ ta-ha-zi-ia la ga-me-lu-ti
74. a-na-ku _gin7 am_ ek-di pa-nu-usz-szu2-un as,-bat
75. hur-ri na-hal-li na-at-bak _kur_-i me-le-e mar-s,u-ti
76. i-na _{gesz}gu-za_ asz2-tam-di-ih a-szar a-na _{gesz}gu-za_ szup-szu-qu
77. i-na _giri3-min_-ia asz2-tah-hi-it, _gin7_ ar-me a-na zuq-ti sza2-qu-te
78. s,e-ru-usz-szu2-un e-li a-szar bir-ka-a-a
79. ma-na-ah-tu i-sza2-a s,e-er _na4 kur_-i u2-szib-ma
80. _a-mesz_ {kusz}na-a-di ka-s,u-ti a-na s,u-um-me-ia lu asz2-ti
81. i-na _szu-si-mesz_ hur-sza2-a-ni ar-de-szu2-nu-ti-ma
82. asz2-ta-kan tah-ta-szu2-un _iri-mesz_-szu2-nu _kur_-ma

column 4
1. asz2-lu#-la# szal#-la-sun2 ap-pul aq-qur ina {d}gesz-bar aq-mu
2. pa-an ni-ri-ia u2-ter-ma s,e-er {disz}ma-ni-ia-e
3. _lugal_ {iri}uk-ki szad-da-a-a-e la kan-sze as,-s,a-bat har-ra-nu
4. ur-hi la pe-tu-ti t,u-di pa-asz2-qu-ti sza la-pa-an
5. _kur-mesz_ mar-s,u-ti ul-la-nu-u2-a qe2-reb-szu2-un
6. ma-am-man la il-li-ku _lugal-mesz_-ni pa-ni mah-ru-ti
7. i-na _giri3-min_ {kur}a-na-ra u3 {kur}up-pa _kur-mesz_ dan-nu-ti
8. ka-ra-szi u2-sza2-asz2-kin-ma ana-ku i-na _{gesz}gu-za_ ne2-me-di
9. it-ti _{lu2}erin2-mesz_ ta-ha-zi-ia git2-ma-lu-ti
10. i-na ne-re-bi-szu2-un pi-qu-ti szu-nu-hi-isz e-ru-um-ma
11. mar-s,i-isz e-te-el-la-a _szu-si-mesz kur-mesz_ pa-asz2-qa-a-ti
12. szu-u2 {disz}ma-ni-ia-e tur-bu-u' _giri3-min erin2 hi-a_-ia
13. e-mur-ma {iri}uk-ku _iri lugal_-ti-szu2 e-zib-ma
14. a-na ru-qe2-e-ti in-na-bit {iri}uk-ku al-me _kur_-ud
15. asz2-lu-la szal-la-su mim-ma szum-szu _nig2-szu nig2-gur11_
16. ni-s,ir-ti _e2-gal_-szu2 ul-tu qer-be2-szu2
17. u2-sze-s,a-am-ma szal-la-tisz am-nu u3 3(u) 3(disz) _iri-mesz_
18. sza pa-a-t,i na-gi-szu2 _kur_-ud-ma _ug3-mesz ansze-mesz_
19. _gu4-mesz_ u3 s,e-e-ni ul-tu qer-bi-szu2-un
20. asz2-lu-la ap-pu-ul aq-qur i-na {d}gesz-bar aq-mu
single ruling
21. i-na 6(disz) ger-ri-ia si-it-ti _ug3-mesz_ {kur}e2-{disz}ia-kin7
22. sza la-pa-an _{gesz}tukul-mesz_-ia dan-nu-ti _gin7_ ser2-re-me
23. ig-ru-ru _dingir-mesz_ ma-rak _kur_-szu2-un i-na _ki-tusz_-szu2-nu
24. id-ku-ma tam-tum _gal_-tum sza s,i-it {d}utu-szi
25. e-bi-ru-ma i-na {iri}na-gi-te sza {kur}elam-ma{ki} id-du-u2
26. szu-bat-sun2 i-na _{gesz}ma2-mesz_ {kur}hat-ti tam-tum lu e-bir
27. {iri}na-gi-tu {iri}na-gi-tu-di-i'-bi-na a-di {kur}hi-il-mu
28. {iri}pil-la-tu u3 {kur}hu-pa-pa-nu na-ge-e
29. sza {kur}_elam-ma<{ki>} kur_-ud _ug3-mesz_ {kur}e2-{disz}ia-kin7 a-di _dingir-mesz_-szu2-nu
30. u3 _ug3-mesz_ sza _lugal_ {kur}elam-ma{ki} asz2-lu-lam-ma la e-zi-ba mul-tah-t,u
31. qe2-reb _{gesz}ma2-mesz_ u2-szar-kib-ma a-na a-ha-an-na-a
32. u2-sze-bi-ra-ma u2-sza2-as,-bi-ta har-ra-an _kur_ asz-szur{ki}
33. _iri-mesz_ sza qe2-reb na-ge-e sza2-tu-nu ap-pul aq-qur
34. i-na {d}gesz-bar aq-mu a-na _du6_ u3 kar-me u2-ter
35. i-na ta-a-a-ar-ti-ia {disz}szu-zu-bu _dumu_ babila2{ki}
36. sza i-na e-szi-ti _kur_ be-lut _kur eme-gi7_ u3 uri{ki}
37. ra-ma-nu-usz u2-ter-ru i-na ta-ha-az _edin_
38. _bad5-bad5_-szu2 asz2-kun bal-t,u-su i-na _szu-min_ as,-bat-su
39. szum-man-nu u3 bi-re-tu _an-bar_ ad-di-szu-ma a-na _kur_ asz-szur{ki}
40. u2-ra-asz2-szu2 _lugal_ {kur}elam-ma{ki} sza _a2-min_-szu2 is-hu-ru-ma
41. il-li-ku re-s,u-us-su _bad5-bad5_-szu2 asz2-kun
42. _illat-mesz_-szu2 u2-sap-pi-ih-ma u2-par-ri-ir pu-hur-szu2
single ruling
43. i-na 7(disz)#-e ger-ri-ia {d}asz-szur be-li2 u2-tak-kil-an-ni-ma
44. a-na {kur}elam-ma{ki} lu al-lik {iri}e2-{disz}ha-'i-i-ri
45. {iri}ra-s,a-a _iri-mesz_-ni sza mi-s,ir _kur_ asz-szur{ki}
46. sza i-na tar-s,i _ad_-ia {lu2}e-la-mu-u2 e-ki-mu da-na-nisz
47. i-na me-ti-iq ger-ri-ia _kur_-ma asz2-lu-la szal-la-sun2
48. _{lu2}erin2-mesz_ szu-lu-ti-ia u2-sze-rib qe2-reb-szu2-un
49. a-na mi-s,ir _kur_ asz-szur{ki} u2-ter-ram-ma
50. _szu-min {lu2}gal_ {iri}hal-s,u bad3-an{ki} am-nu
51. {iri}bu-be2-e {iri}dun-ni-{d}utu {iri}e2-{disz}ri-si-ia
52. {iri}e2-ah-la-me-e {iri}du-ru {iri}dan-nat-{disz}su-la-a-a
53. {iri}szi-li-ib-tu {iri}e2-{disz}a-s,u-si {iri}kar-{disz}mu-ba-sza2
54. {iri}e2-gi-is,-s,i {iri}e2-{disz}kat3-pa-la-ni {iri}e2-{disz}im-bi-ia
55. {iri}ha-ma-nu {iri}e2-{disz}ar-ra-bi {iri}bu-ru-tu
56. {iri}di-in-tu-sza-{disz}su-la-a-a {iri}di-in-tu-sza-{disz}{d}dumu-e2-kar-ir {iri}har-ri-asz2-la-ke-e {iri}ra-ba-a-a
57. {iri}ra-a-su {iri}ak-ka-ba-ri-na {iri}du6-{disz}u2-hu-ri
58. {iri}ha-am-ra-nu {iri}na-di-tu a-di _iri-mesz_ sza ne2-re-bi
59. sza {iri}e2-{disz}bu-na-ki {iri}du6-{d}hu-um-bi {iri}di-in-tu-sza-{disz}du-me-_dingir {iri}e2_-{disz}u2-bi-ia {iri}ba-al-ti-li-szir
60. {iri}ta-qab-li-szir {iri}sza-na-qi-da-a-ti
61. {iri}ma-su-tu2-szap-li-tu {iri}sa-ar-hu-de-e-ri {iri}a-lum-sza-_gaszan-e2_
62. {iri}e2-{disz}pap-mesz-szum2-na {iri}il-te-u2-ba 3(u) 4(disz) _iri-mesz_ dan-nu-ti
63. a-di _iri-mesz_-ni _tur-mesz_ sza li-me-ti-szu2-nu
64. sza ni-ba la i-szu-u2 al-me _kur_-ud asz2-lu-la szal-la-sun2
65. ap-pul aq-qur i-na {d}gesz-bar aq-mu
66. qu-tur na-aq-mu-ti-szu2-nu _gin7 muru9_ kab-ti
67. pa-an _an_-e rap-szu-ti u2-szak-tim isz-me-ma ki-szit-ti
68. _iri-mesz_-szu2 {disz}nig2-du-{d}na-hu-un-du {lu2}e-la-mu-u2 im-qut-su
69. ha-at-tum si-it-ti _iri-mesz_-szu2 a-na dan-na-ti u2-sze-rib
70. szu-u2 {iri}ma-dak-te _iri lugal_-ti-szu2 e-zib-ma
71. a-na {iri}ha-i-da-la sza qe2-reb szad-di-i _su3-mesz_
72. is,-s,a-bat har-ra-nu a-na {iri}ma-dak-te _iri lugal_-ti-szu2
73. a-la-ku aq-bi {iti}tam-hi-ri _en-te-na_ dan-nu
74. e-ru-ba-am-ma sza2-mu-tum ma-at-tum u2-sza2-az-ni-na
75. _szeg3-mesz_-sza2 _szeg3-mesz_ u3 szal-gu na-ah-li na-at-bak
76. szad-di-i a-du-ra pa-an ni-ri-ia u2-ter-ma
77. a-na nina{ki} as,-s,a-bat har-ra-nu i-na u4-me-szu-ma
78. i-na qi2-bit {d}asz-szur _en_-ia {disz}nig2-du-{d}na-hu-un-di

column 5
1. _lugal_ {kur}elam-ma{ki} 3(disz) _iti_ ul u2-mal-li-ma
2. i-na u4-um la szi-im-ti-szu2 ur-ru-hisz im-tu-ut
3. _egir_-szu2 {disz}um-ma-an-me-na-nu la ra-asz2 t,e3-e-me u3 mil-ki
4. _szesz_-szu2 dup-pu-us-su-u2 i-na _{gesz}gu-za_-szu2 u2-szib-ma
single ruling
5. i-na 8(disz)-e ger-ri-ia _egir_ {disz}szu-zu-bi is-se-hu-ma
6. _dumu-mesz babila2{ki} gal5-la2-mesz_ lem-nu-ti _ka2-gal-mesz iri_
7. u2-di-lu ik-pu-ud lib-ba-szu2-nu a-na e-pesz _{gesz}la2_
8. {disz}szu-zu-bu {lu2}kal-da3-a-a et,-lum dun-na-mu-u2
9. sza2 la i-szu-u2 bir-ki _ARAD2_ da-gil2 pa-an _{lu2}en-nam_
10. {iri}la-hi-ri {lu2}a-ra-[x x]-qu mun-nab-tu
11. a-mir da-me hab-bi-lu s,e#-ru#-usz-szu2 ip-hu-ru-ma
12. qe2-reb {i7}a-gam-me u2-ri-du#-ma# u2-szab-szu-u si-hu
13. a-na-ku ni-tum al-me-szu-ma nap#-sza2-tusz u2-si-qa
14. la-pa-an hat-ti u3 ne2-eb-re-ti a-na {kur}elam-ma{ki} in-na-bit
15. ki-i ri-kil-ti u3 gil2-la-ti s,e-ru-usz-szu2 ba-szi-i
16. ul-tu {kur}elam-ma{ki} i-hi-szam-ma qe2-reb szu-an-na{ki} e-ru-ub
17. _{lu2}babila2{ki}-mesz_ a-na la si-ma-te-szu2 i-na _{gesz}gu-za_
18. u2-sze-szi-bu-szu2 be-lu-ut _kur eme-gi7_ u uri#{ki#} u2-szad-gi-lu pa-ni-szu2
19. _e2 nig2-gur11_ sza e2-sag-il2 ip-[x]-ma _ku3-sig17 ku3-babbar_
20. sza {d}en {d}numun-du3-tum _nig2-[x] e2 dingir-mesz_-szu2-nu u2-sze-s,u-ni
21. a-na {disz}um-ma-an-me-na-nu _lugal_ {kur}elam-ma{ki} sza la i-szu-u2
22. t,e3-e-mu u3 mil-ki u2-sze-bi-lu-usz t,a-a'-tu2
23. pu-uh-hir um-man-ka di-ka-a _karasz_-ka
24. a-na babila2{ki} hi-szam-ma i-da-a-ni i-zi-iz-ma
25. tu-kul-ta-ni lu at-ta szu-u2 {lu2}e-la-mu-u2
26. sza i-na a-lak ger-ri-ia mah-ri-ti sza {kur}elam-ma{ki}
27. _iri-mesz_-szu2 ak-szud-du-ma u2-ter-ru a-na kar-me
28. lib-bu-usz ul ih-su-us t,a-a'-tu im-hur-szu2-nu-ti-ma
29. _erin2 hi-a_-szu2 _karasz_-su u2-pa-hir-ma _{gesz}gigir-mesz_ {gesz}s,u-um-bi
30. e-szu-ra _ansze-kur-ra-mesz {ansze}kunga-mesz_ is-ni-qa s,i-in-di-szu2
31. {kur}par-su-asz2 {kur}an-za-an {kur}pa-szi-ru {kur}el-li-pi
32. {lu2}ia-as-il3 {lu2}la-kab-eri {lu2}ha-ar-zu-nu
33. {iri}du-um-mu-qu {iri}su-la-a-a {iri}sa-am-u2-na
34. _dumu_ {disz}{d}marduk-ibila-szum2-na {kur}e2-{disz}a-di-ni {kur}e2-{disz}a-muk-ka-na
35. {kur}e2-{disz}szil-la-na {kur}e2-{disz}sa-a-la ud-ud-ag{ki} {iri}la-hi-ru
36. {lu2}pu-qu-du {lu2}gam-bu-lum {lu2}ha-la-tu {lu2}ru-'u-u-a
37. {lu2}u2-bu-lum {lu2}ma-la-hu {lu2}ra-pi-qu
38. {lu2}hi-in-da-ru {lu2}da-mu-nu kit-ru _gal_-u2
39. ik-te-ra it-ti-szu2 gi-ip-szu-su-un u2-ru-uh
40. _kur_ uri{ki} is,-ba-tu-nim-ma a-na babila2{ki} te-bu-ni
41. a-di {disz}szu-zu-bi {lu2}kal-da3-a-a _lugal_ babila2{ki}
42. a-na a-ha-mesz iq-ru-bu-ma pu-hur-szu2-nu in-nen-du
43. ki-ma ti-bu-ut a-ri-bi ma-a'-di sza pa-an szat-ti
44. mit-ha-risz a-na e-pesz tuq-ma-ti te-bu-u2-ni
45. s,e-ru-u2-a _sahar-hi-a giri3-min_-szu2-nu _gin7 muru9_ kab-te
46. sza dun-ni e-ri-ia-a-ti pa-an _an_-e rap-szu-ti
47. ka-ti-im el-la-mu-u2-a i-na {iri}ha-lu-le-e
48. sza ki-szad {i7}idigna szit-ku-nu si-dir-ta
49. pa-an masz-qi2-ia s,ab-tu-ma u2-sza2-'a-lu _{gesz}tukul-mesz_-szu2-un
50. a-na-ku a-na {d}asz-szur {d}3(u) {d}utu {d}en {d}muati {d}u-gur
51. {d}inanna sza nina{ki} {d}inanna sza {iri}limmu2-dingir _dingir-mesz_ ti-ik-li-ia
52. a-na ka-sza2-di _{lu2}kur2_ dan-ni am-hur-szu2-nu-ti-ma
53. su-pe-e-a ur-ru-hisz isz-mu-u2 il-li-ku
54. re-s,u-ti la-ab-bisz an-na-dir-ma at-tal-bi-sza2
55. si-ri-ia-am hu-li-ia-am si-mat s,i-il-te
56. a-pi-ra ra-szu-u2-a i-na _{gesz}gigir me3_-ia s,ir-ti
57. sa-pi-na-at za-'i-i-ri i-na ug-gat lib-bi-ia
58. ar-ta-kab ha-an-t,isz _{gesz}pan_ dan-na-tum
59. sza {d}asz-szur u2-szat-li-ma i-na _szu-min_-ia as,-bat
60. {gesz}szil-ta-hu pa-ri-i' nap-sza2-te at-muh rit-tu-u-a
61. s,e-er gi-mir um-ma-na-a-ti na-ki-ri lem-nu-ti
62. s,ar-pisz u4-mi3-isz al-sa-a _gin7_ {d}iszkur asz2-gu-um
63. i-na qi2-bit {d}asz-szur _en gal en_-ia a-na szid-di u3 pu-te
64. _gin7_ ti-ib me-he-e szam-ri a-na _{lu2}kur2_ a-zi-iq
65. i-na _{gesz}tukul-mesz_ {d}asz-szur _en_-ia u3 ti-ib _me3_-ia
66. ez-zi i-rat-su-un a-ne2-e'-ma suh-hur-ta-szu2-nu
67. asz2-kun _erin2 hi-a_ na-ki-ri i-na us,-s,i mul-mul-li
68. u2-sza2-qir-ma gim-ri _adda-mesz_-szu2-nu u2-pal-li-sza2
69. _ud_-zi-zi-isz {disz}{d}hu-um-ba-an-un-da-sza2 {lu2}na-gi-ru
70. sza _lugal_ {kur}elam-ma{ki} et,-lum pit-qu-du mu-ma-'e-er _erin2 hi-a_-szu2
71. tu-kul-ta-szu2 _gal_-u2 a-di _{lu2}gal-mesz_-szu2
72. sza _gir2_ szib-bi _ku3-sig17_ szit-ku-nu u3 i-na _har-mesz_
73. as-pi _ku3-sig17_ ru-usz-szi-i ruk-ku-sa rit-ti-szu2-un
74. ki-ma szu-u2-ri ma-ru-ti sza na-du-u2 szum-man-nu
75. ur-ru-hisz u2-pal-<liq>-szu2-nu-ti-ma asz2-ku-na tah-ta-szu2-un
76. ki-sza-da-te-szu2-nu u2-nak-kis as-li-isz
77. aq-ra-te nap-sza2-te-szu2-nu u2-par-ri-i' qu3-u'3-isz
78. _gin7 illu_ gap-szi sza sza2-mu-tum si-ma-ni u3-mun-ni-szu2-nu
79. u2-szar-da-a s,e-er er-s,e-ti sza2-di-il-te
80. la-as-mu-ti mur-ni-is-qi2 s,i-mit-ti ru-ku-bi-ia
81. i-na da-me-szu-nu gap-szu-ti i-szal-lu-u2 {d}i7-isz
82. sza _{gesz}gigir me3_-ia sa-pi-na-at rag-gi u3 s,e-ni
83. da-mu u3 par-szu2 ri-it-mu-ku ma-gar-ru-usz
84. pag-ri qu-ra-di-szu2-nu ki-ma ur-qi2-ti
85. u2-mal-la-a _edin_ sa-ap-sa-pa-te u2-na-kis-ma

column 6
1. bal-ta-szu2-un a-bu-ut ki-ma bi-ni qisz-sze-e
2. si-ma-ni u2-na-ak-kis qa-ti-szu2-un
3. _har-mesz_ as-pi _ku3-sig17 ki-sag_ eb-bi sza2 rit-ti-szu2-nu am-hur
4. i-na nam-s,a-ri zaq-tu-ti hu-s,a-an-ni-szu2-nu u2-par-ri-i'
5. _gir2-mesz_ szib-bi _ku3-sig17 ku3-babbar_ sza _muru2-mesz_-szu2-nu e-kim
6. si-it-ti _{lu2}gal-mesz_-szu2 a-di {disz}{d}muati-mu-isz-kun
7. _dumu_ {disz}{d}marduk-ibila-szum2-na sza la-pa-an ta-ha-zi-ia
8. ip-la-hu id-ku-u2 i-da-szu2-un bal-t,u-su-un
9. i-na _muru2_ tam-ha-ri it-mu-ha _szu-min_-a-a _{gesz}gigir-mesz_
10. a-di _ansze-kur-ra-mesz_-szi-na sza ina qit-ru-ub ta-ha-zi dan-ni
11. ra-ki-bu-szi-in de-ku-ma u3 szi-na musz-szu-ra-ma
12. ra-ma-nu-usz-szin it-ta-na-al-la-ka mit-ha-risz
13. u2-ter-ra a-di 2(disz) _danna ge6_ il-li-ku
14. da-ak-szu-nu ap-ru-us szu-u2 {disz}um-ma-an-me-na-nu
15. _lugal_ {kur}elam-ma{ki} a-di _lugal_ babila2{ki} {lu2}na-sik-ka-ni
16. sza {kur}kal-di a-li-kut _a2-min_-szu2 hur-ba-szu2 _me3_-ia _gin7_-le-e
17. zu-mur-szu-un is-hu-up {gesz}za-ra-te-szu2-un u2-masz-sze-ru-ma
18. a-na szu-zu-ub _zi-mesz_-szu2-nu pag-ri um-ma-na-te-szu2-nu u2-da-i-szu2
19. i-ti-qu ki-i sza at-mi _tu_{muszen} kusz-szu-di i-tar-ra-ku lib-bu-szu2-un
20. szi-na-te-szu2-un u2-s,a-ra-pu qe2-reb _{gesz}gigir-mesz_-szu2-nu
21. u2-masz-sze-ru-ni zu-szu2-un a-na ra-da-di-szu2-nu
22. _{gesz}gigir-mesz ansze-kur-ra-mesz_-ia u2-ma-'e-er ar-ki-szu2-un
23. mun-na-rib-szu2-nu sza2 a-na nap-sza2-a-ti u2-s,u-u2
24. a-szar i-kasz-sza2-du u2-ra-sa-bu i-na _{gesz}tukul_
single ruling
25. i-na u4-me-szu-ma ul-tu# _e2-gal muru2 iri_ sza nina{ki}
26. a-na ri-mit _lugal_-ti-ia u2-szak-li-lu
27. a-na tab-ra-ti kisz-szat _ug3-mesz_ lu-le-e u2-mal-lu-szi
28. _e2-gal_ ku-tal-li sza a-na szu-te-szur ka-ra-szi
29. pa-qa-a-di _ansze-kur-ra-mesz_ sa-na-qi2 mim-ma szum-szu2
30. u2-sze-pi-szu2 _lugal-mesz_-ni a-li-kut mah-ri _ad-mesz_-ia
31. tam-lu-sza2 ul ib-szi szu-bat-sa s,u-uh-hu-rat-ma
32. la nu-ku-lat e-pisz-tasz la-ba-risz u4-me tem-me-en-sza2
33. e-nisz-ma isz-da-sza2 ir-ma-a i-qu-pa re-sza2-a-sza2
34. _e2-gal_ sza-a-tu a-na si-hir-ti-sza2 aq-qur
35. ki-szub-bu-u2 ma-a'-du ul-tu qe2-reb u2-szal-li
36. u3 ta-mir-ti _iri_ ki-ma a-tar-tim-ma lu as,-ba-ta ina muh-hi
37. lu usz-rad-di masz-kan2 _e2-gal_ mah-ri-ti e-zib-ma
38. i-na qaq-qar u2-szal-li sza ul-tu mal-di _i7_
39. as,-ba-ta tam-la-a usz-mal-li 2(disz) _me_ ti-ib-ki
40. a-na e-la-ni u2-szaq-qi2 re-e-su i-na _iti_ sze-me-e
41. u4-mu mit-ga-ri s,e-er tam-le-e sza2-a-tu ina nik-lat lib-bi-ia
42. _e2-gal_ {na4}pi-i-li u3 {gesz}ere-ni ne2-pesz-ti
43. {kur}ha-at-ti u3 _e2-gal_ s,i-ir-tu ep-szet _kur_ asz-szur{ki}
44. sza _ugu_ mah-ri-ti ma-a'-disz szu-tu-rat ra-ba-ta
45. u3 nak-lat i-na szi-pir _{lu2}szitim-gal_-le-e
46. en-qu-ti a-na mu-szab be-lu-ti-ia u2-sze-pisz
47. _gesz-ur3-mesz_ {gesz}ere-ni s,i-ru-ti tar-bit {kur}ha-ma-nim
48. _kur_-i el-li u2-szat-ri-s,a e-li-szin
49. _{gesz}ig-mesz_ {gesz}li-ia-ri me-ser _uruda_ nam-ri
50. u2-rak-kis-ma u2-rat-ta-a _ka2-mesz_-szi-in
51. i-na {na4}pi-i-li pe-s,i-i sza i-na er-s,e-et
52. {iri}ba-la-t,a-a-a in-nam-ru _{d}alad-{d}lamma-mesz_ s,i-ru-te
53. u2-sze-pisz-ma im-na u szu-me-la u2-sza2-as,-bi-ta
54. _si-gar_-szin a-na szu-te-szur s,al-mat _sag-du_ pa-qa-di
55. mur-ni-is-qi2 _{ansze}kunga-mesz_ a-ga-li-i til-li
56. _{gesz}gigir-mesz_ {gesz}at-ta-ra-te e-req-qi2 isz-pa-a-te
57. til-pa-na-te u3 us,-s,i mim-ma szum-szu2 u2-nu-tu ta-ha-zi
58. na-as,-ma-di _ansze-kur-ra-mesz {ansze}kunga-mesz_
59. sza e-mu-qi2 ra-ba-a-te i-szu-u2 szuk-nu-sze a-na ni-ri
60. ki-sal-la-sza2 _ka2_-nu-u2 ma-gal usz-rab-bi
61. _e2-gal_ sza2-a-tu ul-tu usz-sze-sza2 a-di na-bur-ri-sza2
62. ar-s,ip u2-szak-lil _mu-sar_-e szi-t,ir szu-me-ia
63. i-na qer-bi-sza2 asz2-kun a-na ar2-kat3 _u4-mesz_
64. i-na _lugal-mesz_-ni _dumu-mesz_-ia sza {d}asz-szur u3 {d}isz-tar
65. a-na _re-e2-um_-ut _kur_ u3 _ug3-mesz_ i-nam-bu-u2
66. zi-kir-szu2 e-nu-ma _e2-gal_ sza2-a-tu2 i-lab-bi-ru-ma
67. en-na-hu _nun_ ar-ku-u2 an-hu-sa lu-ud-disz
68. _mu-sar_-e szi-t,ir szu-me-ia li-mur-ma
69. _i3-gesz_ lip-szu-usz _{udu}siskur_ liq-qi2 a-na asz2-ri-szu2 lu-ter
70. {d}asz-szur u3 {d}isz-tar ik-ri-bi-szu2 i-szem-mu-u2
71. mu-nak-kir szit,-ri-ia u3 szu-me-ia
72. {d}asz-szur _en gal ad dingir-mesz_ nak-risz li-zi-is-su
73. _{gesz}gidru_ u3 _{gesz}gu-za_ li-kim-szu-ma lis-ki-pa _bala_-szu2
single ruling
74. {iti}sze-sag11-ku5 _u4 2(u)-kam_ li-mu {disz}en-igi-a-ni
75. _{lu2}en-nam_ {iri}gar-ga-misz#

Version History

RINAP 3/1 Sennacherib 022, ex. 003
Click for archival page

Primary publication	RINAP 3/1 Sennacherib 022, ex. 003
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	British Museum, London, UK
Museum no.	BM 103218
Accession no.	1910-10-08, 0146
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20110629 cdliadmin_bm
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz0029wq4p
Composite no.	Q003496
Seal no.
CDLI no.	P422275

Can you improve upon the content of this entry?
Please contact us!

No Image Available

Prism

surface a

column 1
beginning broken
1'. u2-masz#-[...]
2'. a-na _e2-gal#_-[...]
3'. ha-disz e-ru-um-ma# [...]
4'. _ku3-sig17 ku3-babbar_ u2-nu-[...]
5'. mim-ma szum-szu2 _nig2-szu_ [...]
6'. {munus}_sza3-e2-gal-mesz_-[...]
7'. {lu2}man-za-az pa-ni [...]
8'. si-hir-ti um-ma-[...]
9'. mut-tab-bi-lu-tu2 [...]
10'. szal-la-tisz am#-[...]
11'. [x x] 1(gesz2) 1(u) 5(disz) _iri#_ [...]
rest broken

column 6
beginning broken
1'. [...] x [...]
2'. [...]{ki} {lu2}na-sik#-[...]
3'. [...] hur#-ba-szu2 _me3_-ia# [...]
4'. [...]-hu#-up {gesz}za-ra-te#-[x x]
5'. [...]-ma# a-na szu-zu-ub _zi-mesz_-[x x]
6'. [...]-nu u2-da-'i-i-szu2 e-ti-qu#
7'. [...] _tu#_{muszen} kusz-szu-di i-tar-ra-ku lib-bu-szu2-un
8'. [...] u2-s,ar-ra-pu qe2-reb _{gesz}gigir-mesz_-szu2-nu
9'. [...] zu-u2-szu2-un a-na ra-da-di-szu2-nu
10'. [_...]-ra#-mesz_-ia u2-ma-'e-er _egir_-szu2-un
11'. [...] sza# a-na nap-sza2-a-te u2-s,u-u2
12'. [...]-du# u2-ra-sa-bu i-na _{gesz}tukul_
single ruling
13'. [...]-tu# _e2-gal_ ina _muru2 iri_ sza nina{ki}
14'. [...]-ti#-ia u2-szak-li-lu
15'. [_...]-mesz#_ lu-le-e u2-ma-lu-szi
16'. [...]-na# szu#-te-szur ka-ra-szi
17'. [...]-na#-qi2 mim-ma szum-szu2
18'. [...] mah#-ri _ad-mesz_-ia
19'. [...]-uh#-hu-rat-ma
rest broken

Version History

RINAP 3/1 Sennacherib 022, ex. 004
Click for archival page

Primary publication	RINAP 3/1 Sennacherib 022, ex. 004
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	Sulaymaniyah Museum, Sulaymaniyah, Iraq
Museum no.	SM T.0409
Accession no.
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20130327 cdliadmin_tinney
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz002h42zj
Composite no.	Q003496
Seal no.
CDLI no.	P450368

Can you improve upon the content of this entry?
Please contact us!

No Image Available

Prism

surface a
beginning broken

column 1'
beginning broken
1'. [...]-ma#
2'. [_{ansze}]kunga#-mesz_
3'. [...]-za#-an
4'. [...]-as#-il3
5'. [...]-zu-nu
6'. [...]-la-a-a
7'. [...]-a#-szum2-na
8'. [...]-ka-na
9'. [...]-a#-la
10'. [...]-qu#-du
11'. [...]-'u#-u2-a
12'. [...]-pi#-qu
13'. [...]-ru# _gal_-u2
14'. [...]-su#-un
15'. [...]-tu#-nim#-ma
16'. [...]-zu#-bi#
rest broken

column 2'
beginning broken
1'. hur#-ba-szu [...]
2'. zu-mur-szu2-un# [...]
3'. u2-masz-szi-ru-ma a#-[...]
4'. pag-ri _erin2 hi-a_-szu2-nu [...]
5'. ki-i sza at-mi _tu_{muszen#} [...]
6'. lib-bu-szu2-un szi-na-te#-[...]
7'. qe2-reb _{gesz}gigir-mesz_-[...]
8'. zu-u2-szu2-un a-na# [...]
9'. _ansze-kur-ra-mesz_-ia u2-ma#-[...]
10'. mun-na-rib-szu2-nu sza a-na# [...]
11'. a-szar i-kasz-sza2-du u2-ra#-[...]
single ruling
12'. i-na u4-me-szu-ma ul-tu _e2-gal muru2 iri#_ [...]
13'. a-na ri-mit _lugal_-ti-ia u2-szak#-[x x]
14'. a-na tab-ra-a-te kisz-szat _ug3-mesz_ lu-le-e u2-ma#-lu#-[x]
15'. _e2-gal_ ku-tal-li sza a-na szu-te-szur ka#-[x x]
16'. pa-qa-a-di _ansze-kur-ra-mesz#_ sa#-na-qi2 mim-ma# [x x]
17'. u2-sze-pi-szu2 _lugal-mesz_ a-li-kut mah-ri# [...]
18'. tam-lu-sza2 ul ib-szi szu-bat-sa s,u-uh#-[...]
19'. la nu-ku-lat e-pisz-tasz la-ba#-[...]
20'. tem-me-en-sza2 e-nisz-ma isz-da#-[...]
21'. i#-qu#-[x x]-sza2#-a#-sza2# _e2_ [...]
22'. [...] x x [...]
rest broken

Version History

RINAP 3/1 Sennacherib 022, ex. 005
Click for archival page

Primary publication	RINAP 3/1 Sennacherib 022, ex. 005
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	British Museum, London, UK
Museum no.	BM —
Accession no.	1879-07-08, 0007
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20130327 cdliadmin_tinney
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz002h42pd
Composite no.	Q003496
Seal no.
CDLI no.	P450370

Can you improve upon the content of this entry?
Please contact us!

(click on image to enlarge)

Prism

surface a
beginning broken

column 1'
beginning broken
1'. [...] x x x
2'. [...] {kur}e2-{disz}sa-a-la#
3'. [...]-hi#-ru# {lu2}pu-qu-du
4'. [...] {lu2#}ha-la-tu {lu2}ru-'u-u2-a
5'. [x] u2#-bu-lum {lu2}ma-la-hu {lu2}ra-pi-qu
6'. {lu2#}hi-in-da-ru {lu2}da-mu-nu kit-ru _gal_-u2
7'. ik#-te-ra it-ti-szu2 gi-ip-szu-us-su-un
8'. u2#-ru-uh _kur_ uri{ki} is,-ba-tu-nim-ma
9'. [x]-na# babila2#{ki} te-bu-ni a-di {disz}szu-zu-bi
10'. babilax(|DIN.TIR|)#{ki} a-na a-ha-mesz
11'. [...] in#-nen-du
12'. [...]-an# szat#-ti
rest broken

column 2'
beginning broken
1'. qe2#-[...]
2'. lu [...]
3'. masz-kan2# [...]
4'. i-na qaq#-[...]
5'. as,-ba-ta# [...]
6'. a#-na# [...]
rest broken

Version History

RINAP 3/1 Sennacherib 022, ex. 006 ?
Click for archival page

Primary publication	RINAP 3/1 Sennacherib 022, ex. 006 ?
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	British Museum, London, UK
Museum no.	BM 033019
Accession no.	1878-08-28, 0001
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20110629 cdliadmin_bm
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz0029x1pr
Composite no.	Q003496
Seal no.
CDLI no.	P421798

Can you improve upon the content of this entry?
Please contact us!

No Image Available

Prism

surface a

column 1
1. [_...]-mesz#_-eri-ba
2. [...] _lugal#_ kisz-sza2-ti
3. [...] kib#-rat _limmu2_-ti
4. [...]-gir# _dingir-mesz gal-mesz_
5. [...] mi-sza2-ri
6. [...]-ut a-ki-i
7. [...] git2-ma-lum
8. [...] mal-ki
9. [...] ma#-gi-ri
10. [...]-a#-ni
rest broken

column 2
1. qe2-reb hur-sza2-a-ni [...]
2. i-na _ansze-kur-ra_ ar#-[...]
3. i-na ti-ik-ka#-[...]
4. asz2-ru szup-szu-[...]
5. {iri#}_e2_-[...]
6. _iri-mesz_-[...]
7. _ug3-mesz_ [...]
8. _gu4_ [...]
9. x [...]
rest broken

Version History

RINAP 3/1 Sennacherib 022, ex. 007 ?
Click for archival page

Primary publication	RINAP 3/1 Sennacherib 022, ex. 007 ?
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	British Museum, London, UK
Museum no.	BM —
Accession no.	1879-07-08, 0307
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20130327 cdliadmin_tinney
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz002h42wh
Composite no.	Q003496
Seal no.
CDLI no.	P450366

Can you improve upon the content of this entry?
Please contact us!

(click on image to enlarge)

Prism

surface a

column 1
1. [x x] _en-zu-szesz-mesz_-eri-ba _lugal#_ [x x]
2. [...]-sza2-ti _lugal kur_ asz-szur{ki} _lugal#_
3. [...] it#-pe#-szu2 mi-gir [...]
4. [...] ra#-'i-[...]
rest broken

column 5
single ruling
1. [...]-ri-ia _egir_ {disz}szu-zu-bi
2. [_...]-mesz#_ babila2{ki} gal-le-e
3. [...] _ka2#-gal#-mesz iri_ u2-di-lu ik-pu-ud
4. [...]-na# e-pesz _{gesz}la2_ {disz}szu-zu-bu
5. [...]-lum dun-na-mu-u2
6. [...] bir#-ki _ARAD2_ da-gil2 pa-an
7. [...]-hi#-ri {lu2}a-ra-me hal-qu
8. [...] da#-me hab-bi-lu s,e-ru-usz-szu2
9. [...] {i7#}a-gam-me u2-ri-du-ma
10. [...] a#-na-ku ni-tum al-me-szu-ma
11. [...]-an# hat-ti u ne2-eb-re-ti
12. [...]-bit# ki-i ri-kil-ti
13. [...] ba#-szi#-i#
rest broken

column 6
1. ki-ma bi-ni qisz-sze-e si-ma-ni u2-na-kis qa-te-[x x]
2. _har-mesz#_ as-pi _ku3-sig17 ki-sag_ eb-bi sza2# rit#-[...]
3. i-na nam-s,a-ri zaq-tu-ti hu-s,a-[...]
4. _gir2-mesz_ szib-bi _ku3-sig17 ku3-babbar_ sza2# [...]
5. si-it-ti _{lu2}gal-mesz_-szu2# [...]
6. _dumu_ {disz}{d}marduk-ibila-szum2-na# [...]
7. ip-la-hu id-ku-u2 [...]
8. i-na _muru2_ tam-ha-ri# [...]
9. _{gesz}gigir-mesz_ a-[...]
10. sza i#-na# [...]
rest broken

Version History

RINAP 3/1 Sennacherib 022, ex. 008 ?
Click for archival page

Primary publication	RINAP 3/1 Sennacherib 022, ex. 008 ?
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	British Museum, London, UK
Museum no.	BM —
Accession no.	1879-07-08, 0006
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20130327 cdliadmin_tinney
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz002h42v0
Composite no.	Q003496
Seal no.
CDLI no.	P450367

Can you improve upon the content of this entry?
Please contact us!

(click on image to enlarge)

Prism

surface a

column 1
beginning broken
1'. [...] sza# {disz}{d}marduk-ibila-szum2-na
2'. [...]-di# _erin2 hi-a_ elam-ma{ki} re#-s,i#-[x]
3'. [...] asz2-ta#-kan# _bad5-bad5_-szu2
4'. [...]-tu# e-zib _karasz_-su
5'. [...]-pisz#-tusz e-t,i2-ir
6'. [...]-um-bi _{ansze#}kunga#-mesz#_
7'. [...]-zi# u2#-masz#-szi#-ru#
8'. [...]-reb#
rest broken

column 2
beginning broken
1'. [x x] u3 [...]
2'. a-di la ba-szi-i# [...]
3'. {iri}s,i-s,i-ir-tu [...]
4'. _iri-mesz_-ni dan-nu#-ti# [x x]
5'. sza li-me-ti-szu2#-nu [...]
6'. na-gu-u2 a#-na# gi#-[...]
7'. _kur_-szu2 ab-tuq#-ma# _ugu#_ mi#-[...]
8'. {iri}el-en-za-asz2# [...]
9'. u3 dan#-na#-at# [...]
10'. _mu_-szu2 mah-ra#-[...]
11'. [x] kar-{disz}{d}[...]
12'. [x x] x [...]
rest broken

Version History

RINAP 3/1 Sennacherib 022, ex. 009 ?
Click for archival page

Primary publication	RINAP 3/1 Sennacherib 022, ex. 009 ?
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	British Museum, London, UK
Museum no.	BM 138185
Accession no.	1932-12-12, 0912
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20130327 cdliadmin_tinney
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz002h42x1
Composite no.	Q003496
Seal no.
CDLI no.	P450369

Can you improve upon the content of this entry?
Please contact us!

No Image Available

Prism

surface a

column 1
beginning broken
1'. [...]{ki#}
2'. [...]-t,i# u2#-sze#-s,a-am-ma
3'. [...]-a-ar-ti-ia
4'. [...] {lu2#}ia-daq-qu
5'. [...] {lu2#}ma-la#-hu
6'. [...]-bu#-lu# {lu2}da#-mu#-nu
7'. [...] hi#-in#-da-ru {lu2}ru-'u#-u#-a
8'. [...] ha-am-ra-nu {lu2}ha-ga-ra#-nu#
9'. [...]-tu# {lu2}li-i'-ta-a-u2
10'. [...] kan#-szu-ti mit-ha-risz ak-szud{ud}
11'. [_...]-mesz# tur gal nita_ u _munus ansze-kur-ra-mesz_
12'. [_...]-mesz {ansze}gam-mal-mesz gu4-mesz_
13'. [...] ni#-bi szal-la-tu ka-bit-tu
14'. [...] qe2-reb _kur_ asz-szur{ki}
15'. [...] ger#-ri-ia sza {disz}{d}muati-en-mu-mesz
16'. [...]-ra-ra-ti _ku3-sig17 ku3-babbar_
17'. [...] _gal#-mesz ansze-mesz {ansze}gam-mal-mesz gu4-mesz_
18'. [...] ta#-mar-ta-szu2 ka-bit-tu am-hur
19'. [...] {iri#}hi-rim-me _{lu2}kur2_ ak-s,i
20'. [...] ul# e#-zib#
rest broken

column 2
broken
1. a#-na# la# mi#-nam# asz2-lu-lam#-ma# [...]
2. u2-sza2-lik-szu-ma u2-s,a-[...]
3. {iri}s,i-s,i-ir-tu {iri}ku-[...]
4. _iri-mesz_-ni dan-nu-ti a-di [...]
5. sza li-me-ti-szu2-nu {kur}e2-{disz#}[...]
6. na-gu-u2 a-na gi-mir-ti-szu2# [...]
7. ab-tuq-ma _ugu_ mi-s,ir _kur_ asz-szur{ki#} [...]
8. {iri}el-en-za-asz2 a-na _iri_ [...]
9. u3 dan-na-at na-ge-e szu-a#-[...]
10. _mu_-szu2 mah-ra-a u2-[...]
11. {iri}kar-{disz}{d}en-zu-szesz-mesz-eri-ba [...]
12. _ug3-mesz kur-kur_ ki-szit-ti _szu-min_-ia i#-[...]
13. i-na _szu-min_ {lu2}szu-ut _sag_-ia {lu2}[...]
14. am-nu-ma u2-rap-pisz ma-a-ti [...]
15. sza {kur}ma-da-a-a ru-qu-[...]
16. _ad-mesz_-ia ma-am-man la isz#-[...]
17. man-da-ta-szu-nu [...]
18. a-na ni-ri be#-lu#-[...]
single ruling
19. i#-na# [...]
rest broken

Version History

RINAP 3/1 Sennacherib 022, ex. 010 ?
Click for archival page

Primary publication	RINAP 3/1 Sennacherib 022, ex. 010 ?
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	British Museum, London, UK
Museum no.	BM —
Accession no.	Sm 1026
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20070811 cdliadmin_dahl
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz0022bcnj
Composite no.	Q003496
Seal no.
CDLI no.	P370911

Can you improve upon the content of this entry?
Please contact us!

(click on image to enlarge)

Prism

surface a
beginning broken

column 1'
beginning broken
1'. [...] x x [...]
2'. [...] u4#-um pa-ni#
3'. [_...]-mesz kur-[x_]
4'. [...] lib3#-bi u2-sze-szib
5'. [...]-su#-bi-gal-la-a-a
6'. [...] ip#-par-szid-du
7'. [...]-ri#-dam-ma
8'. [...] u2-szar-me
9'. [...] {iri#}ar-rap-ha
10'. [...] u2#-sze#-pisz-ma
11'. [...]-szu#-un asz2-tak-ka-nu
12'. [...] qer-bi _iri_ ul-ziz
13'. [...] a-na {kur}el-li-pi
14'. [...] {disz}is-pa-ba-a-ra
15'. [...] ni-s,ir-ti-szu2
16'. [...]-ti# in-na-bit
17'. [...] as-hu-up
18'. [...]-du# _iri-mesz_-ni
19'. [...] li#-me-ti-szu2-nu
20'. [...] {d#}gesz#-bar# aq#-mu
21'. [_...]-ra#-mesz {ansze}kunga-mesz_
22'. [...]-ni# a-na la mi-nam#
23'. [...] u2#-sza2#-lik#-szu2-ma
24'. [...]-um#-ma-ah#-lum#
25'. [...] li#-me-ti-szu2-nu
26'. [...] gi#-mir#-ti#-szu2
27'. [...] _kur#_ asz-szur{ki}
28'. [...]-u2-ti
29'. [...]-ma
30'. [...]-_su_
rest broken

column 2'
beginning broken
1'. [x]-id#-ru szit#-[...]
2'. i#-na tukul-ti {d}asz-szur# [...]
3'. asz2-ta-kan _bad5-bad5_-szu2-un [...]
4'. {kur}mu-s,u-ra-a-a a-di {lu2#}[...]
5'. bal-t,u-su-un i-na _muru2_ tam#-[...]
6'. {iri}al-ta-qu-u2 {iri}ta-[...]
7'. asz2-lu-la szal-la-sun2 a-na {iri}am#-[...]
8'. _{lu2}szagina-mesz {lu2}nun-mesz_ sza hi-it,#-[...]
9'. a-duk-ma i-na di-ma-a-te si-hir-ti _iri_ a#-[...]
10'. _dumu-mesz iri_ e-pisz an-ni u3 gil2-la-ti a-na# [...]
11'. si-it-tu-te-szu2-nu la ba-bil hi-t,i u3 [...]
12'. sza a-ra-an-szu2-nu la ib-szu-u2 usz-szur-szu2-un [x x]
13'. {disz}pa-di-i _lugal_-szu2-nu ul-tu qe2-reb {iri}ur-sa-li-[x x]
14'. u2-sze-s,a-am-ma i-na _{gesz}gu-za_ be-lu-ti _ugu_-szu2-un u2-sze#-[x x]
15'. man-da-at-tu be-lu-ti-ia u2-kin s,e-ru-usz#-[x]
16'. u3 {disz}ha-za-qi-a-u2 {kur}ia-u2-da-a-a sza la ik-nu-[x]
17'. a-na ni-ri-ia 4(u) 6(disz) _iri-mesz_-szu2 dan-nu-ti _e2 bad3-mesz_
18'. u3 _iri-mesz tur-mesz_ sza li-me-ti-szu2-nu sza ni-ba la i#-[x x]
19'. i-na szuk-bu-us a-ram-me u3 qit-ru-ub szu-[x x]
20'. mit-hu-us, zu-uk _giri3-min_ pil-szi nik#-si u3 kal#-[...]
21'. al-me _kur_-ud 2(disz) _me lim_ 1(disz) _me_ 5(u) _ug3-mesz tur gal nita#_ [x x]
22'. _ansze-kur-ra-mesz {ansze}kunga-mesz ansze-mesz {ansze}gam#-[mal-mesz_ ...]
23'. u3 s,e-e-ni sza la ni-bi ul-tu [...]
24'. u2-sze-s,a-am-ma szal-la-tisz am-nu sza2-a-szu2 _gim#_ [...]
25'. qe2-reb {iri}ur-sa-li-im-ma _iri lugal#_-[...]
26'. {iri#}_hal#-s,u#-mesz# ugu#_-szu2# u2-rak-kis-ma# [...]
27'. [...]-bu#-usz {iri#}[...]
rest broken

Version History

RINAP 3/1 Sennacherib 022, ex. 011 ?
Click for archival page

Primary publication	RINAP 3/1 Sennacherib 022, ex. 011 ?
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	British Museum, London, UK
Museum no.	BM —
Accession no.	1880-07-19, 0317
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20130327 cdliadmin_tinney
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz002h42mc
Composite no.	Q003496
Seal no.
CDLI no.	P450371

Can you improve upon the content of this entry?
Please contact us!

(click on image to enlarge)

Prism

surface a
beginning broken

column 1'
beginning broken
1'. [...] x x x
2'. [...]-un# ma-am-man
3'. [...]-ni mah-ru-ti
4'. [...] up#-pa szad-di-i
5'. [...] u2#-sza2-asz2-kin-ma
6'. [...]-ti# _{lu2}erin2-mesz_
7'. [...]-re#-bi-szu2-un
8'. [...]-s,i#-isz
9'. [...]-ti#
rest broken

column 2'
beginning broken
1'. x [...]
2'. {lu2#}[...]
3'. sza2#? [...]
rest broken

Version History

RINAP 3/1 Sennacherib 022, ex. 012 ?
Click for archival page

Primary publication	RINAP 3/1 Sennacherib 022, ex. 012 ?
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	British Museum, London, UK
Museum no.	BM —
Accession no.	1880-07-19, 0004
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20130327 cdliadmin_tinney
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz002h42nw
Composite no.	Q003496
Seal no.
CDLI no.	P450372

Can you improve upon the content of this entry?
Please contact us!

(click on image to enlarge)

Prism

surface a
beginning broken

column 1'
beginning broken
1'. [...]-szu2#-un# [...]
2'. [...] i#-na# {d#}gesz-bar aq-[x]
3'. [...]-ia# si-it-ti _ug3-mesz_ {kur}e2-{disz}ia-kin7
4'. [...] _{gesz#}tukul-mesz_-ia dan-nu-ti _gin7 ansze-edin-na_
5'. [...] _dingir#-mesz_ ma-rak _kur_-szu2-un i-na _ki#-tusz#_-szu2-nu
6'. [...] tam#-tum _gal_-tum sza s,i-it {d}szam-szi
7'. [...]-ma# i-na {iri}na-gi-te sza {kur}elam-ma{ki}
8'. [x x]-u2# szu-bat-su-un i-na _{gesz}ma2-mesz_
9'. [x x]-ti# tam-tum lu e-bir {iri}na-gi-tu
10'. [x x]-gi#-tu-di-i'-bi-na a-di {kur}hi-il-mu
11'. [...] u3# {kur}hu-pa-pa-nu na-ge-e
12'. [_...]-mesz#_ {kur#}_e2_-{disz}ia-kin7
13'. [...] elam#-ma#{ki#}
rest broken

column 2'
beginning broken
1'. a-[...]
2'. sza2 la [...]
3'. u2-[...]
4'. di-ka-a# [...]
5'. i-da-a-ni# [...]
6'. szu-u2 {lu2}e#-[...]
7'. mah-ri-ti# [...]
8'. u2-ter-ru [...]
9'. t,a-a'-tu [...]
10'. u2-pa-hir-ma [...]
11'. _ansze-kur-ra-mesz#_ [...]
rest broken

Version History

RINAP 3/1 Sennacherib 022, ex. 013 ?
Click for archival page

Primary publication	RINAP 3/1 Sennacherib 022, ex. 013 ?
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	Museum of Fine Arts, Boston, Massachusetts, USA
Museum no.	MFAB —
Accession no.
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20130327 cdliadmin_tinney
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz002h42g9
Composite no.	Q003496
Seal no.
CDLI no.	P450373

Can you improve upon the content of this entry?
Please contact us!

No Image Available

Prism

surface a
beginning broken

column 1'
beginning broken
1'. [...] x x x
2'. [...] har-ra-nu
3'. [...]-bit {d}asz-szur _en_-ia
4'. [...]-du# _lugal_ {kur}elam-ma{ki}
5'. [...] u2-mal-li-ma
6'. [...] ur-ru-hi-isz im-tu-ut
7'. [...] la ra-asz2 t,e3-me u mil-ki
8'. [...] _{gesz}gu-za_-szu2 u2-szib-ma
9'. [...] _egir#_ {disz}szu-zu-bi#
10'. [...]{ki} gal-le-e
11'. [...]-di-lu
rest broken

column 2'
beginning broken
1'. si-[...]
2'. _dumu_ {d}marduk-[...]
3'. ip-la-hu [...]
4'. id-ku-u2 [...]
5'. i-na _muru2_ tam-ha-ri
6'. _{gesz}gigir-mesz_ a-di _ansze-kur-[ra-mesz_ ...]
7'. ta-ha-zi dan-ni ra-[...]
8'. u3 szi-na musz-szu-ru-[...]
9'. it-ta-na-al-la-ka [...]
10'. a-di 2(disz) _danna ge6_ il-[...]
11'. szu-u2 {disz}um-ma-an-[...]
12'. a-di _lugal_ babila2[{ki} ...]
rest broken

Version History

RINAP 3/1 Sennacherib 022, ex. 014 ?
Click for archival page

Primary publication	RINAP 3/1 Sennacherib 022, ex. 014 ?
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	unlocated
Museum no.	unknown
Accession no.
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20130327 cdliadmin_tinney
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz002h42fs
Composite no.	Q003496
Seal no.
CDLI no.	P450374

Can you improve upon the content of this entry?
Please contact us!

No Image Available

Prism

RINAP 3/1 Sennacherib 022, ex. 015 ?
Click for archival page

Primary publication	RINAP 3/1 Sennacherib 022, ex. 015 ?
Author(s)	Grayson, A. Kirk & Novotny, Jamie R.
Publication date	2012
Secondary publication(s)
Collection	British Museum, London, UK
Museum no.	BM 099327
Accession no.	1904-10-09, 0360
Provenience	Nineveh (mod. Kuyunjik)
Excavation no.
Period	Neo-Assyrian (ca. 911-612 BC)
Dates referenced	Sennacherib.00.00.00
Object type	prism
Remarks
Material	clay
Language	Akkadian
Genre	Royal/Monumental
Sub-genre	witness
CDLI comments
Catalogue source	20110629 cdliadmin_bm
ATF source	Grayson, A. Kirk & Novotny, Jamie R.
Translation	no translation
UCLA Library ARK	21198/zz0029wjn1
Composite no.	Q003496
Seal no.
CDLI no.	P422254

Can you improve upon the content of this entry?
Please contact us!

No Image Available

Prism

surface a
beginning broken

column 1'
beginning broken
1'. [...] x [...]
2'. [...]-a#-ni i-zi#-[...]
3'. [...] {lu2}elam-ma{ki#} [...]
4'. [...]-ti sza {kur}_elam#-[x_ x]
5'. [...]-ter-ru a-na kar-[x]
6'. [...]-us# t,a-a'-[x]
7'. [...] _karasz_-su
8'. [...]-bi e-szu-ra
9'. [...]-qa# s,i#-in-di-szu2
10'. [...] el#-li-pi
11'. [...] x x
rest broken

column 2'
beginning broken
1'. _gim#_-le-e zu#-mur#-[...]
2'. u2-masz-szi-ru-ma [...]
3'. pag-ri _erim-hi#-a#_-szu2#-[...]
4'. ki-i sza at#-[...]
5'. szi-na-te#-[...]
rest broken

Version History

Page: 1

Search results