Composite
Composite No.: Q003509
Primary Publication: Grayson, A. Kirk; Novotny, Jamie (2012) RINAP 3/1 035 composite
Collection: —
Museum no.: —
Provenience: Nineveh (mod. Kuyunjik)
Period: Neo-Assyrian (ca. 911-612 BC)
Object Type: —
Material: —
Date: Sennacherib.00.00.00
Transliteration:
atf: lang akk
object composite text
surface a
beginning broken
1'. [...] x x [...] _ug3-mesz_ {kur}e2-{disz}ia-kin7
2'. u3 _dingir-mesz_-szu2-nu a-di ba-hu-la-ti _lugal_ {kur}elam-ma{ki} asz2-lu-lam-ma
3'. a-na _kur_ asz-szur{ki} u2-ra-a ar-ka {lu2}_babila2{ki}-mesz_ [...]
4'. [...] sza2 it-ti {disz}{d}marduk-ibila-szum2-na i-na a-lak ger-ri-ia
5'. mah-ri-ti la-pa-an _{gesz}tukul-mesz_-ia dan-nu-ti ig-ru?-ru?-ma?
6'. [...] x us,-s,u-ma in-nab-tu e-lam-tasz
7'. [...] {lu2}e-la-mu-u2 a-na babila2{ki} il-du-du-nim-ma
8'. {disz}szu-zu-bu _dumu_ {disz}ga-hul2 i-na _{gesz}gu-za man_-ti _ugu_-szu2-nu u2-sze-szib-ma
9'. _erin2-mesz {gesz}pan? {gesz}gigir-mesz ansze-kur-ra-mesz_ ki-s,ir _man_-ti-ia a-na me-eh-ret
10'. _lugal_ {kur}elam-ma{ki} u2-ma-'e-er _erim hi-a_-szu2 ma-a'-du it-ti _dumu_-szu2 i-du-ku-ma
11'. i-tur ar-ka-nisz szu-nu a-di unu{ki} isz-tam-di-hu {d}utu sza ararma{ki}
12'. {d}gaszan-sza-unu{ki} _dingir?-mesz_ a-szi-bu-ut qer-bi-szu2 a-di _nig2-szu_-szu2-nu
13'. _nig2-gur11_-szu2-nu sza la ni-bi isz-lu-lu-ni ina ta-a-a-ar-ti-szu2-nu {disz}szu-zu-bu
14'. _lugal_ babila2{ki} i-na _me3 edin_ bal-t,u-su is,-ba-tu-nim-ma a-di mah-ri-ia
15'. ub-lu-nisz-szu i-na _ka2-gal muru2 iri_ sza2 nina{ki} ar-ku-su da-bu-u2-isz3
16'. _lugal kur_ elam-ma{ki} sza re-s,u-ut {lu2}babila2{ki}-_mesz_ il-li-ku
17'. a-na _kur_-szu2 lu al-lik _iri-mesz_ dan-nu-ti _e2_ ni-s,ir-ti-szu2 u3 _iri-mesz tur-mesz_
18'. sza li-me-ti-szu2-nu a-di ne-re-bi sza {kur}e2-{disz}bu-na-ak-ki al-me _kur_-ud
19'. asz2-lu-la szal-la-su-un ap-pu-ul aq-qur i-na {d}gesz-bar aq-mu
20'. _lugal_ elam-ma{ki} ka-szad _iri-mesz_-szu2 isz-me-ma im-qut-su hat-tum si-it-ti _ug3-mesz kur_-szu2
21'. a-na dan-na-a-ti u2-sze-li {iri}ma-dak-tu _iri man_-ti-szu2 e-zib-ma
22'. a-na {iri}ha-i-da-la sza qe2-reb _kur_-i isz-ta-kan pa-ni-szu2
23'. a-na {iri}ma-dak-te _iri man_-ti-szu2 a-la-ku aq-bi {iti}ab ku-us,-s,u dan-nu
24'. ik-szu-dam-ma pa-an ni-ri-ia u2-ter-ma a-na _kur_ asz-szur{ki} as,-ba-ta har-ra-nu
25'. ar-ki-ia szu?-u2? asz2-szu2 szu-szu-ub na-gi-szu2 i-na _ugu_ ti-la-ni
26'. [...] si-it-ti _ug3-mesz kur_-szu2 sza la-pa-an _{gesz}tukul-mesz_-ia
27'. ip-par-szi-du [...] u2-sze-ri-dam-ma u2-sze-szib t,e-ra-a-ti
28'. [...] x _ug3-mesz kur_-szu2 ak-szu-ud-ma szal-la-tisz am-nu
29'. _iri-mesz_-szu2 ap-pu-ul aq-qur i-na {d}gesz-bar aq-mu _{lu2}babila2{ki}-mesz_
30'. [...] _lugal_ {kur}elam-ma{ki} is-hu-ru-ma ik-nu-szu2 sza-pal-szu2
31'. [...] a-na szu-an-na{ki} a-la-ku aq-bi
32'. [...] x-u2 ni-sa-ti-isz hat-tum im-qut-su-nu-ti
33'. _e2 nig2-gur11_ sza e2-sag-il2 ip-tu-u2 _ku3-sig17 ku3-babbar_ ni-siq-ti _na4-mesz_ a-na _man_ elam-ma{ki}
34'. u2-sze-bi-lu-usz t,a-a'-tu2 isz-pu-ru-szu2 ki-a-am a-na babila2{ki}
35'. hi-szam-ma i-da-a-ni i-zi-iz-ma tu-kul-ta-ni lu at-ta szu-u2 _man_ elam-ma{ki}
36'. sza _ug3-mesz kur_-szu2 ak-szu-du-ma asz2-lu-la szal-la-su _iri-mesz_-szu2 ap-pu-la
37'. aq-qu-ra i-na {d}gesz-bar aq-mu-u2 i-na uz-ni-szu2 ul ib-sza2-a
38'. t,e3-e-mu u3 mil-ku t,a-a'-tu _{lu2}babila2{ki}-mesz_ im-hur-ma
39'. [...] x x ul iq-ba-a e-pi-su-un
40'. _erin2 hi-a_-szu2 _karasz_-su u2-pa-hi-ir-ma {kur}par-su-asz2 {kur}an-za-an {kur}pa-szi-ru
41'. {kur}el-li-pi nap-har {kur}kal-di {lu2}a-ra-me ka-li-szu2-un kit-ru _gal_-u2
42'. ik-te-ra it-ti-szu2 a-di _lugal_ babila2{ki} _dumu-mesz_ babila2{ki} bar2-sipa{ki}
43'. a-na a-ha-mesz iq-ri-bu-ma a-na e-pesz ta-ha-zi a-na _gaba_-ia _du_-ku-ni
44'. i-na e-muq {d}asz-szur _en_-ia i-na ta-mir-ti {iri}ha-lu-le-e it-ti-szu2-nu
45'. am-da-hi-is, _bad5-bad5_-szu2-nu asz2-kun 1(disz) _me_ 5(u) _lim_ {lu2}_erin2-mesz_ ta-ha-zi-szu2-nu
46'. i-na _{gesz}tukul_ u2-szam-qit _{gesz}gigir-mesz_ {gesz}s,u-um-ba-a-ti {gesz}za-ra-ti _lugal_-ti-szu2-nu e-kim-szu2-nu-ti
47'. _{lu2}gal-mesz_-szu2-nu a-di {disz}{d}ag-mu-gar-un _dumu_ {disz}{d}marduk-ibila-szum2-na
48'. sza i-na _{gesz}gigir-mesz ku3-babbar_ u2-szu-uz-zu as-ma-a-ti _ku3-sig17_ tul5-lu-u _gir2-mesz ku3-sig17_ szit-ku-nu
49'. u3 i-na _har-mesz ku3-sig17_ ru-uk-ku-sa rit-ti-szu2-un bal-t,u-us-su-un
50'. qe2-reb tam-ha-ri ik-szu-da _szu-min_-a-a _lugal_ babila2{ki} u3 _man_ {kur}elam-ma{ki}
51'. hur-ba-szu2 _me3_-ia is-hup-szu2-nu-ti qe2-reb _{gesz}gigir_-szu2-nu u2-masz-sze-ru-ni
52'. zu-u2-szu2-un e-disz ip-par-szid-du-ma ma-tu-usz-szu2-un in-nab-tu
53'. [...] {munus}te-'e-el-hu?-nu szar-rat {lu2}a-ra-bi i-na qe2-reb mad-ba-ri
54'. [...] _lim {ansze}gam-mal-mesz_ e-kim qa-tusz-sza2 szi-i it-ti {disz}ha-za-_dingir_
55'. [...] hur-ba-szu2 ta-ha-zi-ia is-hup-szu2-nu-ti kul-ta-ri-szu2-nu u2-masz-sze-ru-ma
56'. a-na [...] u3? {iri}a-du-um-ma-te a-na nap-sza2-a-ti in-nab-tu
57'. [...] {iri}a-du-um-ma-tu sza qe2-reb mad-ba-ri szit-ku-na-at szu-bat-sun2
58'. [...] qaq-qar? s,u-me sza ri-i-tu masz-qi2-tu2 la ba-szu2-u2 qe2-reb-szu2-un
59'. [...] x x x x x x x x
n lines broken
60'. [...] i-na szuk-bu-us a-ram-me [...]
61'. [...]-x-ma? man-da-at-ta-szu2-nu ka-bit-tu am-hur? [...]
62'. [...]-lu?-ni {iri}ka-pa-a-nu {iri}[...]
63'. [...] a-szar ni-s,ir-ti-sza2 i-na? [...]
64'. [...] {munus}te-'e-el-hu-nu? szar-rat {lu2}a-ra-bi a-di _dingir-mesz_-sza2? [...]
65'. [...] x-a-ti _{na4}babbar-dili-mesz {na4}babbar?-min5?-mesz_ [...]
66'. [...] ha?-szur-ru _szim-mesz_ ka-la-ma [...]
67'. [...] x-a-te u3 _lugal-mesz_-ni x [...]
68'. [...] asz2-lu-la _iri-mesz_-ni sza2-tu-nu ap-pu-ul aq-qur i-na {d}gesz-bar aq-mu
69'. i-nu-szu2? [...] sza2 qe2-reb nina{ki} ka-bat-ti ub-lam-ma [...]
70'. [...] _{na4}gesz-nu11-gal_ {na4}pi-i-li [...]
71'. [...] _gesz-ur3-mesz {gesz}szur-min3_ [...]
72'. [...] _ku3-babbar zabar_ x [...]
73'. [...] pa-qa?-du szal-la-at na-ki-ri? ka-bit-tu? [...]
74'. [...] x [...]
rest broken
Witness
Witness to composite(s): Q003509
Primary Publication: Grayson, A. Kirk; Novotny, Jamie (2012) RINAP 3/1 035, ex. 002
Collection: British Museum, London, UK
Museum no.: BM —
Provenience: Nineveh (mod. Kuyunjik)
Period: Neo-Assyrian (ca. 911-612 BC)
Object Type: tablet or envelope > tablet
Material: stone
Date: Sennacherib.15?.00.00
Transliteration:
atf: lang akk
tablet
obverse
beginning broken
1'. [...] x x [...]
2'. [...]-unu#{ki#} _dingir#?_ [...]
3'. [...]-bi# isz-lu-lu-ni# [...]
4'. [...] bal#-t,u-su is,-ba#-tu#-[...]
5'. [...] da#-bu-u2-isz3 _lugal_ {kur#}[...]
6'. [...] _iri#-mesz_ dan-nu-ti _e2#_ [...]
7'. [...]-ak-ku al-me _kur_-ud asz2-[...]
8'. [...]-ma# im-qu-su hat-tum [...]
9'. [...] a#-na# {iri#}ha-i-da-la sza# [...]
10'. [...] ku#-us,#-s,u# dan-nu ik-szu#-[...]
11'. [...]-u2#? asz2#-szu2 szu-szu-ub na-gi#-[...]
12'. [...] _tukul#-mesz_-ia ip-par-szi-du x [...]
13'. [_...]-mesz# kur#_-szu _kur_-ud-ma szal-[...]
14'. [...] _lugal#_ {kur#}elam#-ma#{ki} is#-[...]
broken
reverse
beginning broken
1'. [... i-na] szuk#-bu-us a#-ram-me# [...]
2'. [...]-x-ma? man-da-at-ta-szu2-nu ka#-[bit-tu am-hur? ...]
3'. [...]-lu?-ni {iri}ka-pa-a-nu {iri}[...]
4'. [...] a-szar ni-s,ir-ti-sza2 i-na#? [...]
5'. [... {munus}te-'e-el-hu-nu? szar]-rat {lu2}a-ra-bi a-di _dingir-[mesz_-sza2? ...]
6'. [...] x-a-ti _{na4}babbar-dili-mesz {na4}babbar#?-[min5?-mesz_ ...]
7'. [...] ha#?-szur-ru _szim-mesz_ ka-la#-[ma ...]
8'. [...] x-a-te u3 _lugal-mesz_-ni x [...]
9'. [... asz2-lu]-la _iri-mesz_-ni sza2-tu-nu# [ap-pu-ul aq-qur i-na {d}gesz-bar aq-mu]
10'. [i-nu-szu2? ... sza2] qe2-reb nina{ki} ka-bat-ti# [ub-lam-ma ...]
11'. [... _{na4}gesz]-nu11#-gal_ {na4}pi-i-li# [...]
12'. [... _gesz]-ur3#-mesz {gesz}szur-[min3_ ...]
13'. [...] _ku3#-babbar zabar_ x [...]
14'. [... pa-qa?]-du# szal-la-at [na-ki-ri? ka-bit-tu? ...]
15'. [...] x [...]
rest broken
Witness
Witness to composite(s): Q003509
Primary Publication: Grayson, A. Kirk; Novotny, Jamie (2012) RINAP 3/1 035, ex. 001
Collection: Vorderasiatisches Museum, Berlin, Germany
Museum no.: VA 03310
Provenience: Nineveh (mod. Kuyunjik)
Period: Neo-Assyrian (ca. 911-612 BC)
Object Type: tablet or envelope > tablet
Material: stone
Date: Sennacherib.15?.00.00
Transliteration:
atf: lang akk
tablet
obverse
1'. [...] x x [... _ug3-mesz_ {kur}e2-{disz}ia-kin7]
2'. [u3 _dingir-mesz_-szu2-nu a-di ba]-hu#-la-ti# [_lugal_ {kur}elam-ma{ki} asz2-lu-lam-ma]
3'. [a-na _kur_ asz-szur{ki} u2-ra-a] ar-ka {lu2#}[_babila2{ki}-mesz_ ...]
4'. [... sza2 it-ti {disz}{d}]marduk#-ibila-szum2-na i#-[na a-lak ger-ri-ia]
5'. [mah-ri-ti la-pa-an _{gesz}]tukul#-mesz_-ia dan-nu#-ti# [ig]-ru#?-ru#?-ma#?
6'. [...] x us,-s,u-ma in-nab#-tu# e#-lam#-tasz#
7'. [... {lu2}e]-la-mu-u2 a-na babila2#{ki#} il#-du#-du-nim-[ma]
8'. [{disz}szu-zu-bu _dumu_ {disz}ga-hul2 i]-na _{gesz}gu-za man_-ti# _ugu_-szu2-nu u2#-sze-[szib-ma]
9'. [_erin2-mesz {gesz}pan? {gesz}gigir-mesz] ansze#-kur-ra-mesz_ ki-s,ir _man#_-ti#-ia a#-na# me-eh-ret#
10'. [_lugal_ {kur}elam-ma{ki} u2-ma-'e-er] _erim# hi-a_-szu2 ma-a'-du it#-ti# _dumu#_-szu2# i#-du#-ku-ma#
11'. [i-tur ar-ka-nisz szu-nu a-di] unu{ki} isz-tam-di-hu {d#}utu# sza# ararma#{ki#}
12'. [{d}gaszan-sza-unu{ki} _dingir?-mesz_] a-szi-bu-ut qer-bi-szu2 a-di _nig2-szu_-szu2-nu#
13'. [_nig2-gur11_-szu2-nu sza la ni-bi] isz#-lu-lu-ni ina ta-a-a-ar-ti-szu2-nu {disz}szu-zu-bu#
14'. [_lugal_ babila2{ki} i-na _me3] edin#_ bal-t,u-su is,-ba-tu-nim-ma a-di mah-ri-ia#
15'. [ub-lu-nisz-szu i-na _ka2]-gal# muru2 iri_ sza2 nina{ki} ar-ku-su da-bu-u2-isz3#
16'. _lugal kur#_ [elam-ma{ki} sza re]-s,u#-ut {lu2}babila2{ki}-_mesz_ il-li-ku#
17'. [a-na _kur_-szu2 lu al-lik _iri-mesz_] dan#-nu-ti _e2_ ni-s,ir-ti-szu2 u3 _iri-mesz# tur#-mesz#_
18'. [sza li-me-ti-szu2-nu a-di] ne#-re-bi sza {kur}e2-{disz}bu-na#-ak#-ki al-me _kur_-ud
19'. asz2-[lu-la szal-la-su-un ap]-pu-ul# aq#-qur i-na {d}gesz-bar aq-mu
20'. [_lugal_ elam-ma{ki} ka-szad _iri-mesz_-szu2 isz]-me#-ma im-qut-su hat-tum si-it-ti _ug3-mesz kur_-szu2
21'. [a-na dan-na-a-ti u2-sze]-li# {iri}ma-dak-tu _iri man_-ti-szu2 e-zib-ma
22'. [a-na {iri}ha-i-da-la sza qe2]-reb# _kur_-i isz-ta-kan pa-ni-szu2
23'. [a-na {iri}ma-dak-te _iri man_]-ti#-szu2 a-la-ku aq-bi {iti}ab ku-us,-s,u dan-nu
24'. [ik-szu-dam-ma pa-an ni-ri]-ia# u2-ter-ma a-na _kur_ asz-szur{ki} as,-ba-ta har-ra-nu
25'. [ar-ki-ia szu?-u2? asz2-szu2] szu#-szu-ub na-gi-szu2 i-na _ugu_ ti-la-ni
26'. [... si-it]-ti _ug3-mesz kur_-szu2 sza la-pa-an _{gesz}tukul-mesz_-ia
27'. [ip-par-szi-du ... u2-sze]-ri#-dam-ma u2-sze-szib t,e-ra-a-ti
28'. [...] x _ug3-mesz kur_-szu2 ak-szu-ud-ma szal-la-tisz am-nu
29'. [_iri-mesz_-szu2 ap-pu-ul aq-qur i-na] {d}gesz-bar aq-mu _{lu2}babila2{ki}-mesz_
30'. [... _lugal_ {kur}elam-ma{ki} is]-hu#-ru-ma ik-nu-szu2 sza-pal-szu2
31'. [... a-na] szu#-an-na{ki} a-la-ku aq-bi
reverse
1. [...] x-u2 ni-sa#-ti#-isz# hat#-tum# im#-qut#-su#-nu#-ti#
2. [_e2 nig2-gur11_ sza e2-sag-il2 ip-tu]-u2# _ku3-sig17 ku3-babbar_ ni-siq#-ti# _na4#-mesz#_ a-na _man_ elam#-ma#{ki#}
3. [u2-sze-bi-lu-usz t,a-a'-tu2 isz]-pu#-ru-szu2 ki-a-am a-na babila2#{ki#}
4. [hi-szam-ma i-da-a-ni i-zi-iz-ma] tu-kul-ta-ni lu at-ta szu-u2# [_man_] elam#-ma#{ki}
5. [sza _ug3-mesz kur_-szu2 ak-szu-du]-ma asz2-lu-la szal-la-su _iri-mesz_-szu2# ap#-pu#-la#
6. [aq-qu-ra i-na {d}gesz-bar] aq#-mu-u2 i-na uz-ni-szu2 ul ib-sza2#-a#
7. [t,e3-e-mu u3 mil-ku t,a]-a'-tu _{lu2}babila2{ki}-mesz_ im-hur-ma#
8. [...] x x ul iq-ba-a e-pi-su-un#
9. [_erin2 hi-a_-szu2 _karasz_-su u2-pa]-hi-ir-ma {kur}par-su-asz2 {kur}an-za-an {kur}pa-szi-ru#
10. [{kur}el-li-pi nap-har {kur}kal-di] {lu2}a-ra-me ka-li-szu2-un kit-ru _gal_-u2#
11. [ik-te-ra it-ti-szu2 a-di _lugal_] babila2#{ki} _dumu-mesz_ babila2{ki} bar2-sipa{ki#}
12. [a-na a-ha-mesz iq-ri-bu-ma a]-na e-pesz ta-ha#-zi# a#-na# _gaba_-ia _du_-ku-ni
13. [i-na e-muq {d}asz-szur _en_-ia i-na] ta#-mir#-ti {iri#}[ha-lu-le]-e# it-ti-szu2-nu
14. [am-da-hi-is, _bad5-bad5_-szu2-nu asz2]-kun# 1(disz) _me_ 5(u) _lim_ {lu2#}[_erin2-mesz_ ta-ha]-zi#-szu2-nu
15. [i-na _{gesz}tukul_ u2-szam-qit _{gesz}gigir-mesz_ {gesz}]s,u#-um-ba-a-ti {gesz}za-ra#-ti# [_lugal_]-ti#-szu2#-nu# e#-kim-szu2-nu-ti#
16. [_{lu2}gal-mesz_-szu2-nu a-di {disz}{d}]ag#-mu-gar-un _dumu_ {disz}{d}marduk#-ibila#-szum2#-na#
17. [sza i-na _{gesz}gigir-mesz ku3-babbar_ u2-szu]-uz#-zu as-ma-a-ti _ku3-sig17_ tul5-lu-u _gir2-mesz ku3-sig17_ szit-ku#-nu#
18. [u3 i-na _har-mesz ku3-sig17_ ru]-uk-ku-sa rit-ti-szu2-un bal-t,u-us-su-[un]
19. [qe2-reb tam-ha-ri ik]-szu#-da _szu-min_-a-a _lugal_ babila2{ki} u3 _man_ {kur}elam-ma{ki#}
20. [hur-ba-szu2 _me3_-ia is]-hup-szu2-nu-ti qe2-reb _{gesz}gigir_-szu2-nu u2-masz-sze-ru-ni#
21. [zu-u2-szu2-un e-disz ip-par-szid]-du#-ma ma-tu-usz-szu2-un in-nab-tu#
22. [... {munus}te-'e-el-hu?]-nu# szar-rat {lu2}a-ra-bi i-na qe2-reb mad-ba-ri#
23. [...] _lim {ansze}gam-mal-mesz_ e-kim qa-tusz-sza2 szi-i it-ti {disz}ha-za#-_dingir#_
24. [... hur-ba-szu2 ta-ha]-zi#-ia is-hup-szu2-nu-ti kul-ta-ri-szu2-nu u2-masz-sze-ru#-ma#
25. [a-na ...] u3#? {iri}a-du-um-ma-te a-na nap-sza2-a-ti in-nab-tu#
26. [... {iri}a]-du#-um-ma-tu sza qe2-reb mad-ba-ri szit-ku-na-at szu-bat-sun2#
27. [... qaq]-qar#? s,u#-me sza ri-i-tu masz-qi2-tu2 la ba-szu2-u2 qe2-reb-szu2-[un]
28. [...] x x x x x x x x
rest broken
Total 3 record(s)
