Search results
Page: 1
3 text(s) found
Search aids
Terms of Use
Internal login
|
|
Search resultsPage: 1 3 text(s) found |
Return to Search Page Search aids Terms of Use Internal login |
| Download all text | Download transliterations | Reduce to catalogue data | Unclear abbreviations? | Support the CDLI |
| RINBE 2, Nabonidus 47 composite Click for archival page
Can you improve upon the content of this entry? Please contact us! | No Image Available | Composite text surface a 1. i-pisz-ti {d}sin _gal_-ti sza2 _dingir-mesz_ u3 {d}isz-tar 2. ma-am-ma-an _nu zu_-szu2 sza2 ul-tu u4-mu ru-qu-tu 3. a-na _kur_ la tu-ri-du u _ug3-mesz kur_ la ip-pal-su-ma 4. i-na t,up-pi la isz-t,u-ru-ma la isz-tak-ka-nu 5. a-na u4-mu s,a-a-ti {d}sin _en dingir-mesz_ u {d}inanna a-szi-bu-tu2 6. sza2 _an_-e sza2 ina pa-ni {disz}{d}muati-ni2-tuku _lugal_ babilax(|TIN.TIR|){ki} 7. ul-tu _an_-e tal-li-ku a-na-ku {disz}{d}muati-i_ 8. _dumu_ e-du sza2 mam-ma-an la i-szu-u2 sza2 _lugal_-u-tu2 9. ina lib3-bi-ia la tab-szu-u2 _dingir-mesz_ u {d}inanna a-na _ugu_-ia 10. u2-s,al-lu-u2 u3 {d}sin a-na _lugal_-u2-ti 11. im-ba-an-ni ina sza2-at mu-szi _masz2-ge6_ u2-szab-ra-an-ni 12. um-ma e2-hul2-hul2 _e2_ {d}sin sza2 _{iri}kaskal_ ha-an-t,isz 13. e-pu-usz _kur-kur-mesz_ ka-la-szi-na a-na _szu-min_-ka 14. lu-mal2-la _ug3-mesz dumu-mesz_ babilax(|TIN.TIR|){ki} bar2-sipa{ki} 15. nibru{ki} uri2{ki} unu{ki} larsa{ki} _{lu2}sanga-mesz_ 16. _ug3-mesz_ ma-ha-zi _kur-uri{ki}_ a-na _dingir_-u2-ti-szu 17. _gal_-ti ih-t,u-'i-i-ma i-sze-ti u u2-gal-li-lu 18. la i-du-u e-ze-es-su _gal_-tu2 sza2 _lugal dingir-mesz {d}nanna_-ri 19. par-s,i-szu2-nu im-szu-'i-i-ma i-dab-bu-bu sur-ra-a-tu2 20. u la ki-na-a-tu2 ki-ma _ur-gi7_ it-ta-nak-ka-lu 21. a-ha-misz2 di-'u u _su-gu7_-u2 ina lib3-bi-szu2-nu 22. u2-szab-szu-u2 u2-s,a-ah-hi-ir _ug3-mesz kur_ u ana-ku 23. ul-tu _iri_-ia babilax(|TIN.TIR|){ki} u2-sze-ri-qa-an-ni-ma 24. u2-ru-uh {iri}te-ma-a {iri}da-da-nu {iri}pa-dak-ku 25. {iri}hi-ib-ra-a {iri}ia2-di-hu u a-di {iri}ia2-at-ri-bu 26. 1(u) _mu-an-na-mesz_ at-tal-la-ku qe2-reb-szu2-un a-na 27. _iri_-ia babilax(|TIN.TIR|){ki} la e-ru-ub ina a-mat {d}sin 28. _lugal dingir-mesz en en-en_ sza2 _dingir-mesz_ u {d}inanna a-szi-bu-ti 29. sza2 _an_-e u2-szal-lim-u qi2-bit {d}sin {d}nanna-ri 30. {d}utu {d}inanna {d}iszkur u {d}u-gur _en-nun_-ti3 szu-lum u _din_ 31. ip-qi2-du it-ti-ia ina _mu_ sza2-a-szu2 ina {iti}bara2 32. u {iti}du6 ug3-mesz kur-uri{ki}_ u {kur}hat-ti hi-s,ib _kur_-i 33. u tam-tim i-leq-qu-nim-ma ina dan-na-tu2 um-ma-a-tu2 34. {iti}sig4 {iti}szu {iti}ne {iti}kin {iti}du6_ ina _iti-mesz_ an-nu-tu2 35. ina kal _mu-an-na-mesz_ an-na-a-ti la ba-t,a-a-lu 36. ina qi2-bit {d}sin {d}iszkur _gu2-gal an_-e u _ki_-tim _a-mesz_ 37. _szeg3_ i-sza2-aq-qi2-szu-nu-ti _nig2-mesz?_-szu2-nu u bu-sza2-szu2-nu 38. ina szu-lum ir-ru-bu-nu a-na mah-ri-ia2 ina a-mat 39. {d}sin u {d}inanna be-let _me3_ sza2 nu-kur2-ti u su-lum-mu-u2 40. ina ba-li-szu ina _kur_ la ib-ba-asz2-szu-u u3 kak-ku 41. la in-ne2-ep-pu-szu _szu-min_-su ana3 muh-hi-szu2-nu 42. ta-ap-ri-ik-ma _lugal_ {kur}mi-s,ir {kur}ma-da-a-a 43. {kur}a-ra-bi u nap-har _lugal-mesz_ na-ki-ru-tu2 a-na 44. su-lum-mu-u2 u t,u-ub-ba-a-ti i-szap-pa-ru-nu 45. a-na mah-ri-ia _ug3-mesz_ {kur}a-ra-bi sza2 _{gesz}tukul_ 46. isz gal [...] sza2 _kur_-ak-ka-di-i{ki} 47. [...] x x a-na 48. ha-ba-ti u la-qe2-e sza2 bu-sze-e iz-zi-zu-ma 49. i-na a-mat {d}sin {d}u-gur kak-ki-szu-nu 50. u2-szab-bir-ma nap-har-szu2-nu ik-nu-szu2 a-na _giri3-min_-a? 51. {d}utu _en_ ur-ti sza2 ina ba-li-szu2 pu-u2 52. la ip-pat2-tu-u2 u pu-u la uk-ta-at-ta-mu 53. mu-szal-lim qi2-bit {d}nanna-ri _ad_ ba-ni-szu2 54. _ug3-mesz kur-uri{ki}_ u {kur}hat-ti sza2 u2-mal2-lu-u 55. _szu-min_-u2-a pu-u2 u lib3-bi ki-nim it-ti-ia 56. isz-kun-szu2-nu-ti-ma i-na-as,-s,a-ru _en-nun_-ti3 57. u2-szal-la-mu qi2-bi-ti ina pi-rik _kur-i-mesz_ 58. ne2-su-ti ur-hu pa-rik-tu2 sza2 at-tal-la-ku 59. 1(u) _mu-an-na-mesz_ ik-szu-dam-ma a-dan-nu 60. im-lu-u u4-mu sza2 iq-bu-u _lugal dingir_ {d}nanna-ri 61. ina {iti}du6 _u4 1(u) 7(disz)-kam_ u4-mu {d}sin im-ma-ag-gar3 62. pi-szir3-szu2 {d}sin _en_ sza2 _dingir-mesz_ sza2 ina _u4 1(disz)-kam_ 63. _tukul_ {d}a-nim zi-kir-szu _an_-e ta-lap-pa-tu2 64. u _ki_-tim ta-he-ep-pu-u2 ha-mi-im _garza_ 65. {d}a-nu3-u2-tu2 mu-gam-mi-ir _garza {d}en-lil2_-u2-tu2 66. le-qu-u2 pa-ra-as, {d}e2-a-u2-ti 67. sza2 nap-har gi-mi-ir pa-ra-as, _an_-e ina _szu-min_-szu2 68. tam-hu {d}en-lil2 _dingir-mesz lugal lugal-lugal en en-en_ 69. sza2 a-na qi2-bi-ti-szu la i-tur-ru 70. u3 a-mat-su la ta-qab-bu-u2 2(disz)-szu2 71. sza2 pu-luh-ti _dingir_-ti-szu2 _gal_-ti _an_-e 72. u _ki_-tim ma-lu-u2 ki-ma zi-mi-szu2 _an_-e 73. u _ki_-tim sah-pu sza2 la ka-a-szu man-nu 74. mi-na-a ip-pu-usz _kur_ sza2 lib3-bi-ka a-szab-szu2 75. ub-lu pu-luh-tu2 _dingir_-ti-ka _gal_-ti ina lib3-bi-szu2 76. ta-szak-kan-ma a-na u4-mu ru-qu-ti 77. _suhusz-mesz_-szu2 i-ku-un-nu _kur_ sza2 lib3-ba-ka 78. ha-pu-szu2 ub-lu pu-luh-ta-ka ul-tu 79. lib3-bi-szu2 ta-ne2-es-se-e-mu ta-na-an-di-isz 80. a-na u4-mu _su3-mesz_ sza2 nap-har _dingir-mesz_ u {d}1(u)-5(disz) 81. a-szi-bu-ti sza2 _an_-e i-na-as,-s,a-ru 82. s,i-it pi-i-szu2 u2-szal-la-mu qi2-bi-ti 83. {d}nanna-ri _ad_ ba-ni-szu2-un mu-ga-mi-ir 84. _garza an_-e u _ki_-tim sza2 a-bal qi2-bi-ti-szu2 85. s,ir-tu2 sza2 u4-mi-szam-ma ina sza2-ma-mi 86. i-qab-bu-u _kur_ la ta-an-na-du-u 87. u nu-ur2 ina _kur_ la ib-ba-asz2-szu-u2 88. _dingir-mesz gim gi_ i-szub-bu i-na-ar-ru-t,u 89. {d}a-nun-na-ki sza2 la-pa-ni qi2-bit _dingir_-ti-szu2 90. _gal_-ti sza2 la in-nen-nu-u x x _kur_-i 91. x x x 92. x x x 93. x x x 94. x x x 95. x x x 96. x x x 97. x x x 98. x x x 99. it-ti _{lu2}hal_ u 100. _{lu2}ensi_ a-lak-tu2 ul par-sat at-til-ma 101. ina szat mu-szi _masz2-ge6_ par2-da-at a-di a-mat {d?}x x x 102. im-li _mu_ ik-szu-du a-dan-nu sza2 iq-bu-u2 {d}nanna-ri 103. ul-tu {iri}te-ma-a u2-[...] 104. babilax(|TIN.TIR|){ki} _iri_ be-lu-ti-ia x x-u2-a 105. i-mu-ru-ma x x x 106. [...] ana3 szul-ma-nu u kad2-ra-a 107. il-lu?-u a-na mah-ri-ia2 _lugal-mesz_ qer-bu-tu2 108. il-lu-nim-ma u-na-asz2-sza2-qu _giri3-min_-a 109. u ru-qu-tu2 isz-mu-u ip-la-hu _dingir_-ut-su _gal_-tu2 110. _dingir-mesz_ u {d}isz-tar sza2 ip-par-du-ma i-re-qa 111. is-sah-ru-nim-ma i-qab-bu-u2 ba-ni-ti 112. ina pi-i _{lu2}hal_ isz-sza2-kin _uzu_ dum-qi2-ia2 ina nu-uh-szu2 113. t,uh-du u _he2-gal2_-la _ug3-mesz_-ia2 ina _kur-i-mesz_ ne2-su-ti 114. ar-te-ed-dam-ma ina sza2-lim-ti as,-bat u2-ru-uh 115. ma-ti-ia a-mat _dingir_-ti-szu2 _gal_-tu2 at-tas,-s,a-ar-ma 116. la e-gi la a-szit a-hi la ad-du u2-szad-kam-ma 117. _ug3-mesz kur-uri{ki}_ u {kur}hat-ti ul-tu pa-at, {kur}mi-s,ir 118. tam-tim e-lit a-di tam-tim szap-lit sza2 {d}sin _lugal dingir_ 119. u2-mal2-lu-u _szu-min_-u2-a e2-hul2-hul2 _e2_ {d}sin esz-szisz 120. e-pu-usz u2-szak-lil szi-pir-szu2 _szu-min_ {d}sin 121. {d}nin-gal {d}nusku u {d}sa-dar3-nun-na ul-tu 122. szu-an-na _iri lugal_-u2-ti-ia2 a-s,a-bat-ma ina hi-da-a-tu2 123. u ri-sza2-a-tu2 u2-sze-rib u2-sze-szib _bara2_ da-ri-a-tu2 124. ni-qu-u tasz-ri-ih-tu2 ma-har-szu2-nu aq-qi2-ma 125. u2-szar-ri-hi kad2-ra-a e2-hul2-hul2 resz-tu2 126. u2-mal2-li-ma u-sza2-li-is, lib3-bi _ug3-mesz_-szu2 127. u2-szal-lim qi2-bi-ti {d}sin _lugal dingir en en-en_ 128. a-szib sza2-ma-mu sza2 _dingir_ sza2 _dingir-mesz_ ina _an_-e zi-kir-szu2 szu-tuq 129. {d}utu sza2 ni-bu-szu2 {d}nusku {d}inanna {d}iszkur u {d}u-gur 130. sza2 u2-szal-lim-u' qi2-bit {d}nanna-ri 131. szu-tuq-szu2-nu e-ma _{gesz}tukul-mesz_-ia2 an-na-di-iq-ma 132. a-na e-pesz ta-ha-zi _igi_-ia2 asz2-kun-ma 133. a-na szul-lu-mu qi2-bit {d}nanna-ri man-nu at-ta 134. sza2 {d}sin a-na _lugal_-u-ti? i-nam-bu-ka-ma 135. _dumu_-u2-ia-a-ma i-qab-bu-ka asz-rat {d}sin 136. a-szib sza2-ma-me sza2 qi2-bit-su la in-nen-nu-u2 137. u a-mat-su la ta-qab-bu-u 2(disz)-szu2 138. x x x 139. x x x 140. x x x 141. x x x 142. x x x Version History |
| RINBE 2, Nabonidus 47, ex. 01 Click for archival page
Can you improve upon the content of this entry? Please contact us! | No Image Available | Stele surface a column 1 1. i-pisz-ti {d}sin _gal_-ti sza2 _dingir-mesz_ u3 {d}isz-tar 2. ma-am-ma-an _nu zu_-szu2 sza2 ul-tu u4-mu ru-qu-tu 3. a-na _kur_ la tu-ri-du u _ug3-mesz kur_ <la> ip-pal-su-ma 4. i-na t,up-pi la isz-t,u-ru-ma la isz-tak-ka-nu 5. a-na u4-mu s,a-a-ti {d}sin _en dingir-mesz_ u {d}inanna a-szi-bu-tu2 6. sza2 _an_-e sza2 ina pa-ni {disz}{d}muati-ni2-tuku _lugal_ babilax(|TIN.TIR|){ki} 7. ul-tu _an_-e tal-li-ku a-na-ku {disz}{d}muati-i_ 8. _dumu_ e-du sza2 mam-ma-an la i-szu-u2 sza2 _lugal_-u-tu2 9. ina lib3-bi-ia la tab-szu-u2 _dingir-mesz_ u {d}inanna a-na _ugu_-ia# 10. u2-s,al-lu-u2 u3 {d}sin a-na _lugal_-u2-ti 11. im#-ba-an-ni ina sza2-at mu-szi _masz2-ge6_ u2-szab-ra-an-<ni> 12. um-ma e2-hul2-hul2 _e2_ {d}sin sza2 _{iri}kaskal_ ha-an-t,isz 13. e-pu-usz _kur-kur-mesz_ ka-la-szi-na a-na _szu-min_-ka 14. lu-mal2-la _ug3-mesz dumu-mesz_ babilax(|TIN.TIR|){ki} bar2-sipa{ki} 15. nibru{ki} uri2{ki} unu{ki} larsa{ki} _{lu2}sanga-mesz_ 16. _ug3-mesz_ ma-ha-zi _kur uri{ki}_ a-na _dingir_-u2-ti-szu 17. _gal_-ti ih-t,u-'i-i-ma i-sze-ti u u2-gal-li-lu 18. la i-du-u e-ze-es-su <_gal_-tu2> sza2 _lugal dingir-mesz_ {d}nanna-ri 19. par-s,i-szu2-nu im-szu-'i-i-ma i-dab-bu-bu sur-ra-a-tu2 20. u la ki-na-a-tu2 ki-ma _ur-gi7_ it-ta-nak-ka-lu 21. a-ha-misz2 di-'u u _su-gu7_-u2 ina lib3-bi-szu2-nu 22. u2-szab-szu-u2 u2-s,a-ah-hi-ir _ug3-mesz kur_ u ana-ku 23. ul-tu _iri_-ia babilax(|TIN.TIR|){ki} u2-sze-ri-qa-an-ni-ma 24. u2-ru-uh {iri}te-ma-a {iri}da-da-<nu> {iri}pa-dak-ku 25. {iri}hi-ib-ra-a {iri}ia2-di-hu u a-di {iri}ia2-at-ri-bu 26. 1(u) _mu-an-na-mesz_ at#-tal#-la#-ku# qe2-reb-szu2-un a-na 27. _iri_-ia babilax(|TIN.TIR|)#{ki#} la# e-ru-ub ina a-mat {d}sin 28. _lugal dingir-mesz en en-en#_ sza2 _dingir-mesz_ u {d}inanna a-szi-bu-ti 29. sza2 _an_-e u2-szal-lim-u qi2-bit {d}sin {d}nanna-ri 30. {d}utu {d}inanna {d}iszkur u {d}u-gur _en-nun_-ti3 szu-lum u _din_ 31. ip#-qi2-du it-ti-ia ina _mu_ sza2-a-szu2 ina {iti}bara2 32. u {iti}du6 _ug3-mesz kur uri{ki}_ u {kur}hat-ti hi-s,ib _kur_-i 33. u tam-tim i-leq-qu-nim-ma ina dan-na-tu2 um-ma-a-tu2 34. {iti}sig4 {iti}szu {iti}ne {iti}kin {iti}du6 ina _iti-mesz_ an-nu-tu2 35. ina kal _mu-an-na-mesz_ an-na-a-ti la ba-t,a-a-lu 36. ina qi2-bit {d}sin {d}iszkur _gu2-gal an_-e u _ki_-tim _a-mesz_ 37. _szeg3_ i-sza2-aq-qi2-szu-nu-ti _nig2-mesz?_-szu2-nu u bu-sza2-szu2-nu 38. ina# szu#-lum# ir-ru-bu-nu a-na mah-ri-ia2 ina a-mat 39. {d#}sin# u {d}inanna be-let _me3_ sza2 nu-kur2-ti u su-lum-mu-u2 40. ina ba-li-szu ina _kur_ la ib-ba-asz2-szu-u u3 kak-ku 41. la in-ne2-ep-pu-szu _szu-min_-su ana3# muh#-hi-szu2-nu 42. ta-ap#-ri#-ik#-ma# _lugal_ {kur}mi-s,ir {kur#}[x]-da#-a-a 43. {kur}a-ra#-[x x] nap#-har# _lugal-mesz_ na#-ki#-ru#-tu2# a#-[x] 44. su-lum-[...] 45. a-na mah-ri#-[x] _un#-[...]_ sza2# _{gesz#}tukul#_ 46. isz gal [...] sza2# _kur#_-ak#-ka#-di#-i#{ki#} 47. [...] x x a-na 48. [...] sza2 bu-sze-e iz-zi-zu#-ma# column 2 1. i-na a-mat {d}sin {d}u-gur kak-ki-szu-nu 2. u2-szab-bir-ma nap-har-szu2-nu ik-nu-szu2 a-na _giri3-min_-a? 3. {d}utu _en_ ur-ti sza2 ina ba-li-szu2 pu-u2 4. la ip-pat2-tu-u2 u pu-u la uk-ta-at-ta-mu 5. mu-szal-lim qi2-bit {d}nanna-ri _ad_ ba#-ni#-szu2# 6. _ug3-mesz kur-uri{ki}_ u {kur}hat-ti sza2 u2-mal2-lu-u 7. _szu-min_-u2-a pu-u2 u lib3-bi ki-nim it#-ti#-ia# 8. isz-kun-szu2-nu-ti-ma i-na-as,-s,a-ru _en-[x_ x] 9. u2-szal-la-mu qi2-bi-ti ina pi-rik _kur_-[x x] 10. ne2-su-ti ur-hu pa-rik-tu2 sza2 at-tal-la-ku 11. 1(u) _mu-an-na-mesz_ ik-szu-dam-ma a-dan-nu 12. im-lu-u u4-mu sza2 iq-bu-u _lugal dingir_ {d}nanna-[x] 13. ina {iti}du6 _u4 1(u) 7(disz)-kam_ u4-mu {d}sin im-ma-ag#-gar3# 14. pi-szir3-szu2 {d}sin _en_ sza2 _dingir-mesz_ sza2 ina _u4 1(disz)-kam_ 15. _tukul_ {d}a-nim zi-kir-szu _an_-e ta-lap?-pa?-tu2 16. u _ki_-tim ta-he-ep-pu-u2 ha-mi-im _garza_ 17. {d}a-nu3-u2-tu2 mu-gam-mi-ir _garza {d#}en#-lil2#_-u2-tu2 18. le-qu-u2 pa-ra-as, {d}e2-a-u2-ti 19. sza2 nap-har gi-mi-ir pa-ra-as, _an_-e ina _szu-min_-szu2 20. tam-hu {d}en-lil2 _dingir-mesz lugal lugal-lugal en en-en_ 21. sza2# a#-na# qi2#-bi#-ti#-szu# la# i#-tur#-ru# 22. u3# a#-mat#-su# la# ta#-qab#-bu#-u2# 2(disz)#-szu2# 23. sza2 pu-luh-ti _dingir#_-ti#-szu2# _gal#_-ti# _an#_-e# 24. u _ki_-tim ma-lu-u2 ki#-ma# zi#-mi#-szu2# _an#_-e# 25. u _ki_-tim sah-pu sza2 la ka#-a#-szu man#-nu# 26. mi-na-a ip-pu-usz _kur_ sza2 lib3-[...]-szu2 27. ub-lu pu-luh-tu2 _dingir_-ti-ka _gal_-ti ina# lib3#-bi#-szu2# 28. ta-szak-kan-ma a-na u4-mu ru-qu-ti 29. _suhusz-mesz_-szu2 i-ku-un-nu _kur_ sza2 lib3-ba-ka 30. ha-pu-szu2 ub-lu pu-luh-ta-ka ul-tu 31. lib3-bi-szu2 ta-ne2-es-se-e-mu ta-na-an-di-isz 32. a-na u4-mu _su3-mesz_ sza2 nap-har _dingir-mesz_ u {d}1(u)-5(disz) 33. a#-szi#-bu#-ti# sza2 _an_-e i-na-as,-s,a-ru 34. s,i#-it# pi#-i#-szu2# u2#-szal#-la#-mu qi2-bi-ti 35. {d#}nanna#-ri# _ad#_ ba#-ni#-szu2#-un mu-ga-mi-ir 36. _garza an#_-e# u# _ki_-tim sza2 [x]-bal# qi2-bi-ti-szu2 37. [...]-mi#-szam-ma ina sza2-ma-mi 38. i-[x]-bu-u# _kur#_ la ta-an-na-du-u 39. u [x x] ina _kur_ la ib-ba-asz2-szu-u2 40. _dingir#-mesz# gim# gi_ i-szub-bu i-na-ar-ru-t,u 41. {d#}a-[...] sza2 la-pa-ni qi2-bit _dingir_-ti-szu2 42. _gal#_-ti# [...]-nen-nu-u# x x _kur#_-i# 8 illegible lines column 3 1. [x] _ensi_ a-lak-tu2 ul par-sat at#-til#-[x] 2. [x x] mu-szi _masz2-ge6_ par2-da-at a-di a-mat [...] 3. im#-li _mu_ ik-szu-du a-dan-nu sza2 [...]-ri# 4. ul-tu {iri}te-ma-a u2-[...] 5. babilax(|TIN.TIR|){ki} _iri_ be-lu-[...] 6. i#-mu#-ru#-ma# x x x 7. [...] ana3# szul#-ma#-[...] 8. [...] mah#-ri#-ia2# _lugal#-mesz#_ qer#-bu#-tu2# 9. [...] u#-na#-asz2#-sza2#-qu# _giri3#-min#_-a# 10. [...] isz#-mu#-u# ip#-la#-hu# _dingir_-ut-su _gal_- 11. [...] _isz#-tar#_ sza2# ip#-par#-du#-ma# i#-re#-qa# 12. [...] i#-qab#-bu#-u2# ba-ni-ti 13. [...] isz#-sza2#-kin# _uzu#_ dum#-qi2#-ia2# ina nu-uh-szu2 14. t,uh#-du# u# _he2#-gal2#_-la _ug3-mesz_-ia2# [...] ne2-su-ti 15. ar-te-ed-dam-ma ina sza2-lim#-ti# as,#-bat# u2-ru-uh 16. ma-ti-ia a-mat _dingir_-ti-szu2 _gal_-tu2# at#-tas,-s,a-ar-ma 17. la e-gi# la a-szit a-hi la# ad#-du# u2#-szad-kam-ma 18. _ug3-mesz kur-uri{ki}_ u {kur}hat-ti [...]-at, {kur}mi-s,ir 19. tam-tim e-lit a-di tam-tim# szap#-lit# sza2# {d}sin _lugal dingir_ 20. u2-mal2-lu-u _szu-min_-u2-a e2-hul2#-hul2# _e2_ {d}sin esz-szisz# 21. e-pu-usz u2-szak-lil szi#-pir-szu2 _szu#-min#_ {d#}sin# 22. [{d}]nin-gal {d}nusku u {d}sa-dar3-nun#-na# ul#-tu# 23. szu#-an#-na# _iri# lugal#_-u2-[...] hi-da-[x x] 24. [x] ri#-sza2-a#-tu2# u2#-sze#-rib# u2#-sze#-szib# _bara2#_ da#-ri#-a-[x] 25. ni-qu-u tasz-[...]-szu2-nu aq#-qi2#-[x] 26. u2-szar-ri#-[...]-hul2 resz-[x] 27. u2-mal2-li#-[...] _ug3#-mesz#_-szu2# 28. u2#-szal#-[...] _en# en#-en#_ 29. a#-szib# [...] _dingir#-mesz#_ ina# _an#_-[x x]-kir-szu2 szu#-tuq# 30. {d#}utu# sza2# ni#-bu#-szu2# [...] {d#}iszkur# {d#}u#-gur# 31. sza2# u2#-[...] {d#}nanna#-ri# 32. szu-tuq-[...]-na#-di#-iq#-ma# 33. a-na e#-pesz# ta#-ha#-zi# [x]-ia# asz2-kun#-ma# 34. a-na szul-lu-mu qi2#-bit# [...] man-nu at-ta 35. sza2 {d#}sin# a#-na# _lugal#_-u#-ti#? [...]-ka-ma 36. _dumu_-u2#-ia#-a#-ma i-[...] {d}sin 37. a#-szib# sza2#-ma#-me# sza2# qi2#-[...]-nen#-nu-u2 38. u# a#-mat#-su la ta-[x x]-u# 2(disz)#-szu2 5 illegible lines Version History |
| RINBE 2, Nabonidus 47, ex. 02 Click for archival page
Can you improve upon the content of this entry? Please contact us! | No Image Available | Stele surface a column 1 1. i-pisz-ti {d}sin _gal_-ti sza2 _dingir-mesz_ u3 {d}1(u)-5(disz) ma-am-ma-an 2. _nu zu_-szu2 sza2 ul-tu u4-mu ru-qu-tu a-na ma-a-tu 3. la tu-ri-du u _ug3-mesz kur_ <la> ip-pal-su-ma 4. ina t,up-pi la isz-t,u-ru-ma la isz-tak-ka-nu 5. a-na u4-mu s,a-a-ti {d}sin _en dingir-mesz_ u {d}1(u)-5(disz) 6. [...]-tu2# sza2 _an_-e sza2 ina pa-ni {disz}{d}muati-[x x] 7. [...]-e tal-li-ku a-na-ku 8. [...] la# i-szu-u 9. [...] 10. [...] 11. [...]-szi# _masz2-ge6_ u2-szab-ra-an-ni# [x x] 12. e2-hul2-hul2 _e2_ {d}sin sza2 _kaskal-min{ki}_ ha-an#-t,i#-isz# 13. e-pu-usz _kur-kur-mesz_ ka-la-szi-na a-na _szu-min_-ka 14. lu-mal2-la _ug3-mesz dumu-mesz_ babilax(|TIN.TIR|){ki} bar2-sipa{ki} 15. nibru{ki} uri2{ki} unu{ki} larsa{ki} _{lu2}sanga-mesz_ 16. _ug3-mesz_ ma-ha-zu _kur-uri{ki}_ a-na _dingir_-ti-szu2 _gal_-tu2 17. ih-t,u-'i-i-ma i-sze-ti u u2-gal-li-lu-u' 18. la i-du-u e-ze-es-su2 _gal_-tu2 sza2 _lugal dingir-mesz_ 19. {d}nanna-ri par-s,i-szu2-nu im-szu-'i-i-ma 20. i-dab-bu-bu sur-ra-a-tu2 u la ki-na-a-tu2 21. ki-ma _ur-gi7_ i-ta-na-kal a-ha-misz2 di-'u 22. u su-gu-u ina lib3-bi-szu2-nu u2-szab-szu-u2 23. u2-s,a-hi-ri _ug3-mesz kur_ u a-na-ku ul-tu 24. _iri_-ia2 babilax(|TIN.TIR|){ki} u2-sze-ri-qa-an-ni-ma 25. u2-ru-uh {iri}te-ma-a' {iri}da-da-nu 26. {iri}hi-bi-ra-a {iri}pa-dak-ka {iri}ia2-di-hu 27. u a-di {iri}ia2-at-ri-bu 1(u) _mu-an-na-mesz_ 28. at-tal-lak qe2-reb-szu2-un a-na _iri_-ia2 babilax(|TIN.TIR|){ki} 29. la e-ru-ub ina a-mat {d}sin _lugal dingir-mesz_ 30. _en en-en_ sza2 _dingir-mesz_ u {d}isz-tar 31. a-szi-bu-tu2 sza2 _an_-e u2-szal-li-mu-u' 32. qi2-bit {d}sin {d}nanna-ri {d}utu {d}1(u)-5(disz) 33. {d}iszkur u {d}u-gur _en-nun_-ti3 szu-lum u _din_ 34. ip-qi2-du it-ti-ia2 ina _mu-an-na_ <sza2>-a-szu2 35. <ina> {iti}bara2 u {iti}du6 un-<mesz> kur-uri{ki}_ u {kur}hat-ti 36. hi-s,ib _kur-mesz_ u tam-tim i-leq-qu-nim-ma 37. ina dan-na-ti um-ma-a-tu2 {iti}sig4 {iti}szu_ 38. {iti}ne {iti}kin {iti}du6_ ina _iti-mesz_ an-nu-tu2 39. ina kal _mu-an-na-mesz_ an-na-a-tu2 a-na 40. la ba-t,a-lu ina qi2-bit {d}sin {d}iszkur 41. _gu2-gal an_-e u _ki_-tim _a-mesz szeg3_ 42. i-szaq-qi2-szu2-nu-tu2 _nig2_-szu2-nu u bu-sza2-szu2-nu 43. ina szu-lum ir-ru-bu-nu a-na _igi_-ia 44. ina# a#-mat {d}sin u {d}isz-tar be-let ta-ha-zu 45. [x x]-kur2-tu2 u su-lum-mu-u ina ba-li-szu2 46. [x] _kur_ la _gal2_-u2 u kak-ku 47. [x] in-ne2-ep-pu-szu2 _szu-min_-su a-na 48. muh#-hi-szu2-nu ta-ap-ri-ik-ma 49. [x x] mi-s,ir {iri}ma-da-a-a column 2 1. {kur}a-ra-bi u nap-har _lugal-mesz_ na-ki-ru-tu2 2. a-na su-lum-mu-u2 u t,u-ub-ba-a-ti 3. i#-szap#-pa-ru-nu a-na mah-ri-ia# _un#-mesz_ 4. {kur#}a#-ra#-bi# sza2# _{gesz#}tukul#_ x x x 5. x x sza2# _kur#-uri#{ki#}_ x x x 6. ha#-ba#-ti# u# la#-qe2#-e# sza2# bu#-sze#-e# [...] 7. ina#? a#-mat# {d#}sin# {d#}u#-gur# [...] 8. u2#-szab#-[...] 9. [...] 10. [...] 11. [...]-mu# mu-szal-lim 12. [...]-ti#? 13. sza2 u2-mal2-lu#-[...] 14. ki-i-nim it#-[...] 15. i-na-as,-s,a-ru _en-nun_-ti3# [...] 16. qi2_-e2_ ina pi-rik _kur-i-mesz_ ne2-su#-[x] 17. ur-hu pa-rik-ti sza2 at-tal-la-ku 18. 1(u) _mu-an-na-mesz_ ik-szu-dam-<ma> a-dan-nu 19. im-lu-u2 u4-mu sza2 iq-bu-u _lugal dingir_ 20. {d}nanna-ri ina {iti}du6 _u4 1(u) 7(disz)-kam_ 21. u4-mu {d}sin im-ma-ag-gar3 pi-szir3-szu2 22. {d}sin _en_ sza2 _dingir-<mesz>_ sza2 ina _u4 1(disz)-kam tukul_ {d}a-nim 23. zi-kir3-szu2 _an_-e ta-lap-pa-tu2 u _ki_-tim 24. ta-he-ep-pu-u ha-mi-im _garza_ {d}a-nu3-tu2 25. mu-gam-mi-ru pa-ra-as, {d}en-lil2-u2-tu2 26. le-qu-u _garza_ {d}idim-u2-tu 27. sza2 nap-har gi-mi-ir _garza an_-e 28. ina qa-ti-szu2 tam-hu {d}en-lil2 _dingir-mesz_ 29. _lugal lugal-lugal en en-en_ sza2 a-na 30. qi2-bi-ti-szu la i-tur-ru u a-mat-su 31. la ta-qab-bu-u 2(disz)-szu2 sza2 pu-luh-ti _dingir_-ti-szu2 32. _gal_-ti _an_-e u _ki_-tim ma-lu-u2 33. ki-ma zi-mi-szu2 _an_-e u _ki_-tim 34. sah-pu sza2 la ka-a-szu2 man-nu mi-na-a 35. ip-pu-usz _kur_ sza2 lib3-bi-ka a-szab-szu2 36. ub-lu pu-luh-tu2 _dingir_-ti-ka _gal_-ti 37. ina lib3-bi-szu2 ta-szak-kan-ma a-na u4-mu 38. ru-qu-tu2 _suhusz-mesz_-szu2 i-ku-un-na 39. _kur_ sza2 lib3-ba-ka ha-pu-szu2 ub-la pu-luh-ta-ku 40. ul-tu lib3-bi-szu2 ta-ne2-es-se-e-mu 41. ta-na-an-di-isz a-na u4-mu _su3-mesz_ 42. sza2 nap-har _dingir-mesz_ u {d}1(u)-5(disz) a-szi-bu-tu2 sza2 _an_-e 43. i-na-as,-s,a-ru s,i-it pi-i-szu2 44. u2-szal-la-mu qi2-bit {d}nanna-ru 45. _ad_ ba-ni-szu2-un mu-gam-mir _garza_ 46. _an_-e u _ki_-tim sza2 a-bal qi2-bi-ti-szu2 47. s,ir-tu2 sza2 u4-mi-szam-ma ina sza2-ma-mu 48. i-qab-bu-u _kur_ la tan-na-an-du-u 49. u nu-ur2 ina ma-a-tu2 la ib-ba-szu-u column 3 1. _dingir#-mesz gim_ [x x]-szub#-bu# i#-na#-ar#-ru#-t,u# 2. {d}a-nun-na-ki sza2 la-[x x] qi2-bit _dingir_-ti-szu2 3. _gal#_-ti# sza2 la in#-nen#-nu#-u# x x sza2#-di#-i# 8 illegible lines 12. it#-ti# _{lu2#}hal#_ u# _{lu2#}ensi#_ a#-lak#?-ti# 13. ul par-sat at#-til-ma ina szat mu-szi _masz2-[x]_ 14. [x]-da#-at# a#-di# a-mat {d?}x x x 15. [...] 16. [...] 17. x x [...] 18. ana3 szul-ma-[x] u kad2-ra-a il#-lu#?-u# a-na _igi#_-ia2# 19. _lugal-mesz_ qer-bu-tu2 il-lu-nim-ma u-na-asz2-sza2-qu# 20. sze-pi-ia2 u ru-qu-tu2 isz-mu-u ip-la-hu _dingir_-ut-su 21. _gal_-tu2 _dingir-mesz_ u {d}inanna sza2 ip-par-du-ma i-re-qa 22. is-sah-ru-nim-ma i-qab-bu-u ba-ni-ti ina pi#-i# 23. _{lu2}hal_ isz-sza2-kin _uzu_ dum-qi2-ia2 ina nu-uh-szu2 u t,uh-du 24. u _he2-gal2_-la _ug3-mesz_-ia2 ina _kur-i-mesz_ ne2-su-tu2 25. asz-te-ed-dam-ma ina sza2-lim-ti as,-bat <u2>-ru-uh 26. _kur_-ia a-mat _dingir_-ti-szu2 _gal_-ti at-tas,-s,a-ar-mu 27. la e-gi la a-szit a-hi la ad-du u-szad-kam-ma 28. _ug3-mesz kur-uri{ki}_ u {kur}hat-ti ul-tu pa-at, 29. {kur}mi-s,ir tam-tim e-lit a-di tam-tim szap-lit 30. sza2 {d}sin _lugal dingir_ u-mal2-lu-u _szu-min_-u-a e2-hul2-hul2 31. _e2_ {d}sin esz-szisz e-pu-usz u-szak-lil szi-pir-szu2 32. _szu-min_ {d}sin {d}nin-gal {d}nusku 33. u {d}sa-dar3-nun-na ul-tu szu-an-na 34. _iri lugal_-u-ti-ia2 a-s,a-bat-ma ina hi-da-a-tu2 35. u ri-sza2-a-tu2 u-sze-rib u-sze-szib _bara2_ da-ri-a-tu2 36. ni-qu-u tasz-<ri>-ih-tu2 ma-har-szu2-nu aq-qi2-ma 37. u-szar-ri-hi kad2-ra-a e2-hul2-hul2 resz-tu2# 38. u-mal2-li-ma u-sza2-li-is, lib3-bi _ug3-mesz_-szu2 39. u-szal-lim qi2-bi-ti {d}sin _lugal dingir en en_ 40. a-szib sza2-ma-mu sza2 _dingir_ sza2 _dingir-mesz_ ina _an_-e 41. zi-kir-szu2 szu!(DI)? tuq {d}utu sza2 ni-bu-szu2 42. {d}nusku {d}inanna {d}iszkur u {d}u-gur 43. sza2 u-szal-lim-u' qi2-bit {d}nanna-ri szu-tuq-szu2-nu 44. e-ma _{gesz}tukul-mesz_-ia2 an-na-di-<iq>-ma a-na e-pesz 45. _me3 igi_-ia2 asz-ku-un-ma a-na szul-lu-mu 46. qi2-bit {d}nanna-ri man-nu at-ta 47. sza2 {d}sin a-na _lugal#_-u-tu2 48. i-nam-bu-ka-mu _dumu_-u-ia2-a?-ma? 49. i-qab-bu-ka asz-rat {d#}sin# rest broken Version History |