Search results
Page: 1
43 text(s) found
Search aids
Terms of Use
Internal login
|
|
Search resultsPage: 1 43 text(s) found |
Return to Search Page Search aids Terms of Use Internal login |
| Download all text | Download transliterations | Reduce to catalogue data | Unclear abbreviations? | Support the CDLI |
| RIMA 2.0.087.001 composite Click for archival page
Can you improve upon the content of this entry? Please contact us! | No Image Available | Composite text surface a 1. {d}a-szur _en gal_ musz-te-szir3 kisz-szat _dingir-mesz_ 2. na-din {gesz}gidri u3 a-ge-e mu-kin2 _man_-ti 3. {d}en-lil2 be-lu _man_ gi-mir {d}a-nun-na-ki 4. a-bu _dingir-mesz en kur-kur_ 5. {d}3(u2) er-szu _en_ a-ge-e 6. sa-qu-u2 {d}ma-gur8 7. {d}utu _di-ku5 an ki_-ti ha-a-it, 8. s,a-al-pat a-a-be mu-sze-eb-ru s,e-ni 9. {d}iszkur ur-sza-nu ra-hi-is, kib-rat _kur2-mesz_ 10. _kur-mesz ab-mesz_-ti 11. {d}nin-urta qar-du sza2-gisz lem-ni u3 a-a-bi 12. mu-szem-s,u2-u2 mal lib3-bi 13. {d}inanna _sag_-ti _dingir-mesz_ be-lit te-sze-e 14. mu-szar-ri-hat _muru2-mesz_-te 15. _dingir-mesz gal-mesz_ mu-ut-tab-bi-lu-ut _an_-e _ki_-ti 16. sza ti-bu-szu-nu _{gesz}la2_ u3 sza2-asz2-mu 17. mu-szer3-bu-u2 szar-ru-ut 18. {disz}{gesz}tukul-ti-ibila-e2-szar2-ra _nun_ na-ra-me 19. bi-bil2 lib3-bi-ku-un _sipa_-ia na-a-di 20. sza i-na ke-e-ni lib-bi-ku-un tu-ta-a-su 21. a-ga-a s,i-i-ra tu-up-pi-ra-su a-na _man_-ut 22. _kur_ {d}en-lil2 _gal_-es tu-kin2-na-su 23. a-sa-re-du-ta s,i-ru-ta qar-du-ta 24. ta-qi-sza-szu szi-ma-at _en_-ti-szu 25. a-na kisz-szu-te u3 _numun sanga_-ti-su 26. a-na man-za-az e2-hur-sag-kur-kur-ra 27. a-na da-risz tasz-qu-ra 28. {disz}{gesz}tukul-ti-ibila-e2-szar2-ra _lugal_ dan-nu 29. _lugal kis_ la-a sza2-na-an _lugal_ kib-rat 4(asz)-i 30. _lugal du3_ mal-ki-_mesz en en-mesz utul man man-mesz_ 31. i-szip-pu na-a'-du sza2 i-na si-qir {d}utu 32. _{gesz}gidri ku3_-tu na-ad-na-ta-szu-ma _ug3-mesz_ 33. ba-'u2-lat {d}en-lil2 ul-tasz-pi-ru 34. gi-mir-ta _sipa_-iu ke-e-nu sza si-qir-szu 35. _ugu_ ma-li-ki-_mesz_ ne2-bu-u2 36. sza3-tam-mu s,i-ru sza {d}a-szur {gesz}tukul-mesz_-szu 37. u2-sza2-hi-lu-ma a-na mu-'u2-ru-ut kib-rat 4(asz)-i 38. _mu_-szu a-na da-risz isz-qu-ru s,a-bit 39. pu-lu-gi ne2-su-te sza _za3-za3_ 40. e-lisz u3 szap-lisz u4-mu ne2-par5-du-u2 41. sza me-lam-mu-su _ub-mesz_ u2-sah-ha-pu 42. nab-lu szur-ru-hu sza2 ki-ma ti-ik 43. ri-ih-s,i a-na _kur_ nu-kur2-te suz-nu-nu-ma 44. i-na si-qir {d}en-lil2 ma-hi-ra la-a i-szu-u2 45. u2-szam-qi-tu gi-ir {d}a-szur 46. {d}a-szur _dingir-mesz gal-mesz_ mu-szer3-bu-u2 _lugal_-ti-ia 47. sza kisz-szu-ta u3 da-na-na a-na isz-qi-ia 48. isz-ru-ku-ni mi-s,ir _kur_-ti-szu-nu 49. ru-up-pu-sa iq-bu-ni _{gesz}tukul-mesz_-szu-nu 50. dan-nu-ti a-bu-ub tam-ha-ri 51. qa-ti lu-szat-me-hu _kur-kur-mesz kur-mesz_ 52. ma-ha-zi u3 mal-ki-_mesz kur-mesz_-ut {d}a-sur 53. a-pel2-ma mi-is,-ri-te-szu-nu 54. u2-ke-ni-isz it-ti 1(disz) su-szi _lugal-mesz_-ni 55. su-ut _{tug2}sagszu_ al-ta-na-an-ma 56. li-i-ta szit-nun-ta _ugu_-szu-nu 57. al-ta-ka-an _gaba-ri_-a i-na _muru2_ 58. u3 sza-ni-na i-na _me3_ la-a i-sza-a-ku 59. _ugu kur_ {d}a-szur ma-a-ta _ugu ug3-mesz_-sza 60. _ug3-mesz_ lu-rad-di mi-s,ir _kur_-ti-ia 61. u2-re-pis-ma gi-mir _kur-kur_-szu-nu a-pel2 62. i-na szur-ru _lugal_-ti-ia _2(u2) lim lu2-mesz_ 63. _kur_ musz-ka-a-ia-_mesz_ u3 _5(disz) lugal-mesz_-ni-szu-nu 64. sza _5(u2) mu-mesz kur_ al-zi 65. u3 _kur_ pu-ru-lum-u2 na-a-asz2 _gun_ 66. u3 ma-da-at-te sza {d}a-szur _en_-ia is,-ba-tu-ni 67. _lugal_ ia-um-ma i-na tam-ha-ri _gaba_-su-nu 68. la-a u2-ne2-hu a-na da-na-ni-szu-nu 69. it-ka-lu-ma ur-du-ni _kur_ kat-mu-hi 70. is,-ba-tu i-na _{gesz}tukul_-ti {d}a-szur _en_-ia 71. _{gesz}gigir-mesz_ u3 qu-ra-di-ia-_mesz_ lul-te-szir3 72. _egir_-a ul u2-qi _kur_ ka-szi-ia-ra 73. _a-sza3_ nam-ra-s,i lu-u2 ab-bal-kit 74. it-ti _2(u) lim erin2-mesz_ muq-tab-li-szu-nu 75. u3 _5(disz) lugal-mesz_-szu-nu i-na _kur_ kat-mu-hi 76. lu al-ta-na-an a-bi-ik-ta-szu-nu 77. lu asz2-kun szal-ma-at qu-ra-di-szu-nu 78. i-na mit-hu-us, tu-sza-ri ki-ma ra-hi-s,i 79. lu-ke-mir _usz2-mesz_-szu-nu hur-ri 80. u3 ba-ma-a-te sza _kur_-i lu u2-szer3-di 81. _sag-du-mesz_-szu-nu lu-na-ki-sa i-da-at 82. _iri-mesz_-szu-nu ki-ma ka-re-e lu-sze-pi-ik 83. szal-la-su-nu bu-sza-szu-nu nam-kur-szu-nu 84. a-na la-a mi-na u2-sze-s,a-a _6(disz) lim_ 85. si-te-et um-ma-na-te-szu-nu sza i-na pa-an 86. _{gesz}tukul-mesz_-ia ip-par2-szi-du _giri3-mesz_-ia 87. is,-ba-tu al-qa-szu-nu-ti-ma 88. a-na _ug3-mesz kur_-ti-ia am-nu-szu-nu-ti 89. i-na u4-mi-szu-ma a-na _kur_ kat-mu-hi la ma-gi-ri 90. sza _gun_ u3 ma-da-ta a-na {d}a-szur _en_-ia 91. ik-lu-u2 lu al-lik _kur_ kat-mu-hi 92. a-na si-hir2-ti-sza ak-szud 93. szal-la-su-nu bu-sa-szu-nu nam-kur-szu-nu 94. u2-sze-s,a-a _iri-mesz_-szu-nu i-na _izi-mesz_ 95. asz2-ru-up ap-pul2 aq-qur si-te-et 96. _kur_ kat-mu-hi sza i-na pa-an _{gesz}tukul-mesz_-ia 97. ip-par2-szi-du a-na _iri_ sze-re-sze 98. sza _giri3_ am-ma-te sza {i7}idigna 99. lu e-be-ru _iri_ a-na dan-nu-ti-szu-nu 100. lu isz-ku-nu _{gesz}gigir-mesz_ u3 qu-ra-di-ia-_mesz_ 101. lu al-qe2 _kur_-a mar-s,a u3 gir-re-te-szu-nu 102. pa-asz2-qa-a-te i-na aq-qul2-lat _uruda-mesz_ 103. lu ah-si hu-u2-la a-na me-te-eq 104. _{gesz}gigir-mesz_-ia u3 um-ma-na-te-ia lu-t,i-ib 105. {i7}idigna lu e-bir _iri_ sze-re-sze 106. _iri_ dan-nu-ti-szu-nu ak-szud 107. _erin2-mesz_ muq-tab-li-szu-nu i-na qe2-reb tam-ha-ri 108. ki-ma szer3-ma-szi lu-me-s,i 109. _usz2-mesz_-szu-nu hur-ri u3 ba-ma-a-te sza _kur_-i 110. lu-szer3-di i-na u4-mi-szu-ma um-ma-na-at 111. _kur_ pap-he-e sza a-na szu-zu-ub 112. u3 ne2-ra-ru-ut-te sza _kur_ kat-mu-hi 113. il-li-ku-u2-ni it-ti um-ma-na-at 114. _kur_ kat-mu-hi-ma ki-ma szu-u2-be usz-na-il 115. pa-gar muq-tab-li-szu-nu a-na gu-ru-na-a-te 116. i-na gi-sal-lat _kur_-i lu-qe2-ri-in 117. szal-ma-at qu-ra-di-szu-nu _i7_ na-a-me 118. a-na {i7}idigna lu u2-sze-s,i 119. {disz}ki-li-{d}te-szub _dumu_ ka-li-{d}te-szub 120. sza {disz}er-ru-pi i-sa-si-u2-szu-ni 121. _lugal_-szu-nu i-na qe2-reb tam-ha-ri qa-ti 122. ik-szud _dam-mesz_-szu _dumu-mesz_ 123. nab-ni-it lib3-bi-szu el-la-su 3(disz) su-si 124. ruq-qi _uruda-mesz_ 5(disz) nar3-ma-ak _zabar_ 125. it-ti _dingir-mesz_-szu-nu _ku3-sig17 ku3-babbar-mesz_ 126. u3 du-muq nam-kur-ri-szu-nu asz2-sza-a 127. szal-la-su-nu u2-sze-s,a-a 128. _iri_ su-a-tu u3 _e2-gal_-szu i-na _izi-mesz_ 129. asz2-ru-up ap-pul2 aq-qur 130. _iri_ ur-ra-t,i2-na-as _iri_ dan-nu-ti-szu-nu 131. sza i-na _kur_ pa-na-ri na-du-u2 132. pu-ul-hu a-di-ru me-lam {d}a-szur _en_-ia 133. isz-hup2-szu-nu-ti-ma a-na su-zu-ub 134. nap-sza-te-szu-nu _dingir-mesz_-szu-nu bu-sza-szu-nu isz-szu-u2 135. a-na gi-sal-lat _kur_-i sza-qu-ti 136. ki-ma _muszen_ ip-par2-szu _{gesz}gigir-mesz_ 137. u3 um-ma-na-te-ia-_mesz_ lu al-qe2 {i7}idigna lu e-bir 138. {disz}sza-di-{d}te-szub _dumu_ ha-at-tu-hi _lugal_ 139. sza _iri_ ur-ra-t,i2-na-asz2 140. i-na _kur_-szu-ma _giri3-mesz_-ia is,-bat 141. _dumu-mesz_ nab-ni-it lib3-bi-szu u3 kim-ti-su 142. a-na li-t,u2-ut-te as,-bat 143. 1(disz) szu-szi ruq-qi _uruda-mesz_ nam-har _zabar_ 144. u3 nar3-ma-ak _zabar gal-mesz_-te 145. it-ti 2(disz) szu-szi a-mi-lu-te-_mesz gu4-mesz_ 146. s,e-ni _gun_ u3 ma-da-at-ta 147. isz-sza-a am-hur-szu e-t,i2-ir-szu 148. na-pisz-ta-szu ag-mil ni-ir _en_-ti-ia 149. _dugud ugu_-szu a-na s,a-at _u4-mesz_ u2-kin2 150. _kur_ kat-mu-hi _dagal_-ta a-na si-hir-ti-sza 151. ak-szud a-na _giri3-mesz_-ia u2-sze-ek-ni-isz 152. i-na u4-mi-szu-ma 1(disz) nam-har _zabar_ 1(disz) nar3-ma-ak 153. _zabar_ sza ki-szit-ti u3 ma-da-at-ti 154. sza _kur_ kat-mu-hi a-na {d}a-szur _en_-ia a-qisz 155. 1(disz) szu-szi ruq-qi _uruda-mesz_ it-ti _dingir-mesz_-szu-nu 156. a-na {d}iszkur _aga3_-ia asz2-ruk 157. i-na szu-mur _{gesz}tukul-mesz_-ia ez-zu-te sza {d}a-szur _en_ 158. da-na-na u3 me-tel-lu-ta isz-ru-ka 159. i-na _3(u2) {gesz}gigir-mesz_-ia a-li-kat3 i-di 160. ga-mar-ri-ia er-hu-te qu-ra-di-ia-_mesz_ 161. sza mit-hu-us, dab2-de-e li-tam-du 162. lu al-qe2 a-na _kur_ isz-disz szap-s,u2-te 163. la-a ma-gi-ri lu al-lik _kur-mesz_ 164. dan-nu-ti _a-sza3_ nam-ra-s,i 165. _du10-ga_ i-na _{gesz}gigir-mesz_-ia u3 mar-s,a i-na _giri3-mesz_-ia 166. lu e-te-tiq i-na _kur_ a-ru-ma 167. _a-sza3_ pa-asz2-qi sza a-na me-teq _{gesz}gigir-mesz_-ia 168. la na-t,u2-u2 _{gesz}gigir-mesz_ lu e-zib 169. pa-an qu-ra-di-ia as,-bat 170. ki-ma szib-be er-he-ku-ma i-na gi-sal-lat _kur_-i 171. pa-asz2-qa-a-te szal-t,i2-is e-te-ti-iq 172. _kur_ isz-disz ki-ma _du6_ a-bu-be asz2-hu-up 173. _erin2-mesz_ muq-tab-li-szu-nu i-na qe2-reb tam-ha-ri 174. ki-ma szu-be usz-na-il szal-la-su-nu 175. bu-sza-a-szu-nu nam-kur-szu-nu asz2-lul 176. nap-har _iri_-szu-nu i-na _izi-mesz_ aq-mu 177. li-i-t,i2-_mesz gun_ u3 ma-da-ta 178. _ugu_-szu-nu u2-kin2 179. {disz}{gesz}tukul-ti-ibila-e2-szar2-ra et,-lu qar-du 180. mu-pe-ti du-rug _kur-mesz_-ni 181. mu-szek2-nisz la-a ma-gi-ri sa-pi-nu 182. gi-mir al-t,u2-ti 183. _kur_ szu-ba-ri-i szap-s,u2-te la-a ma-gi-ri 184. ak-szud _kur_ al-zi 185. u3 _kur_ pu-ru-lum-zi sza _gun_-su-nu 186. u3 ma-da-ta-szu-nu u2-szam3-si-ku-ni 187. ni-ir _en_-ti-ia _dugud ugu_-szu-nu 188. u2-kin2 _mu_-szam3-ma _gun_ u3 ma-da-ta 189. a-na _iri_-ia {d}a-szur a-na mah-ri-ia 190. li-tar-ru-u2-ni ki-ma sza i-na qar-du-ti-ia-ma 191. sza {d}a-szur _en {gesz}tukul_ dan-na mu-szek2-nisz 192. la-a ma-gi-ri qa-ti u2-szat-me-hu-ma 193. mi-s,ir _kur_-ti-szu a-na ru-pu-szi 194. iq-ba-a _4(disz) lim kur_ kas-ka-ia-_mesz_ 195. _kur_ u2-ru-ma-ia-_mesz erin2-mesz kur_ ha-at-te-e 196. la-a ma-gi-ri sza i-na da-na-ni-szu-nu 197. _iri-mesz_-ni sza _kur_ su-bar-te da-gil 198. pa-an {d}a-szur _en_-ia is,-ba-tu a-la-ki a-na _kur_ su-bar-te lu isz-mu-u2 me-lam qar-du-ti-ia u2-se-hi-ip-szu-nu-ti-ma _me3_ e-du-ru _giri3-mesz_-ia is,-ba-tu 199. a-di nam-kur-ri-szu-nu u3 2(disz) szu-szi 200. _{gesz}gigir-mesz_ s,i-mit-ti ni-ri-szu-nu 201. al-qa-szu-nu-ti-ma a-na _ug3-mesz_ 202. _kur_-ti-ia am-nu-szu-nu-ti 203. i-na szit-mur qar-du-ti-ia 2(disz)-te-ia 204. a-na _kur_ kat-mu-hi lu-u2 al-lik nap-har 205. _iri-mesz_-szu-nu ak-szud szal-la-su-nu 206. bu-sza-szu-nu nam-kur-szu-nu a-na la-a mi-na asz2-lul 207. _iri-mesz_-szu-nu i-na _izi-mesz_ asz2-ru-up 208. ap-pul2 aq-qur si-te-et 209. um-ma-na-te-szu-nu sza i-na pa-an _{gesz}tukul-mesz_-ia 210. ez-zu-te ip-la-hu-ma ti-ib _me3_-ia 211. dan-na e-du-ru a-na szu-zu-ub 212. nap-sza2-te-szu-nu gab-'a-a-ni dan-nu-te 213. sza _kur_-e _a-sza3_ mar-s,a lu-u2 is,-ba-tu 214. a-na szik-kat3 hur-sza-ni sza-qu-ti 215. u3 gi-sal-lat _kur_-i pa-asz2-qa-a-te 216. sza a-na ki-bi-is _lu2_ la-a na-t,u2-u2 217. _egir_-szu-nu lu e-li _{gesz}tukul muru2_ 218. u3 _me3_ it-ti-ia lu-u2 e-pu-szu 219. a-bi-ik-ta-szu-nu lu-u2 asz2-kun szal-ma-at 220. qu-ra-di-szu-nu i-na gi-sal-lat _kur_-i 221. ki-ma ra-hi-s,i lu-ke-mir _usz2-mesz_-szu-nu 222. hur-ri u3 ba-ma-a-te sza _kur_-i 223. lu-szer3-di szal-la-su-nu bu-sza-a-szu-nu 224. nam-kur-szu-nu it-ti gab-'a-a-ni 225. sza _kur_-e dan-nu-te lu-sze-ri-da 226. _kur_ kat-mu-hi a-na pat, gim-ri-sza a-pel2-ma 227. a-na mi-s,ir _kur_-ti-ia u2-te-er 228. {disz}{gesz}tukul-ti-ibila-e2-szar2-ra _lugal_ dan-nu 229. szu-usz-kat la-a ma-gi-ri sa-pi-nu 230. qa-bal tar-gi4-gi4 231. i-na e-mu-qi s,i-ra-te sza {d}a-szur _en_-ia 232. a-na _kur_ ha-ri-a u3 um-ma-na-at-_mesz_ 233. _kur_ pap-he-e-_mesz dagal_-ti hur-sza-ni 234. sza-qu-ti sza2 a-szar-szu-nu _lugal_ ia-um-ma 235. la i-ba-'a {d}a-szur _en_ a-na a-la-ki 236. iq-ba-a _{gesz}gigir-mesz_ u3 um-ma-na-te-ia 237. lul-te-szir3 bir-ti _kur_ et-ni 238. u3 _kur_ a-ia _a-sza3_ nam-ra-s,i lu as,-bat 239. _kur-mesz_ sza-qu-ti sza ki-ma zi-qip _gir2_ 240. szam-t,u2 sza a-na me-ti-iq _{gesz}gigir-mesz_-ia 241. la-a na-t,u2-u2 _{gesz}gigir-mesz_ i-na la-ba-ni 242. lu-u2 e-mi-id _kur-mesz_ pa-asz2-qu-te 243. lu e-te-ti-iq kul2-lat _kur_ pap-he-e-_mesz_ 244. um-ma-na-te-szu-nu _dagal-mesz_-te lul-tak2-s,i-ru-ma 245. a-na e-pesz _{gesz}tukul-mesz muru2_ u3 _me3_ 246. i-na _kur_ a-zu da-ap-ni-isz lu iz-zi-zu-ni-ma 247. i-na _kur_-e _a-sza3_ nam-ra-s,i it-te-szu-nu 248. am-da-hi-is, dab2-da-szu-nu asz2-kun 249. szal-ma-at qu-ra-di-szu-nu i-na ba-ma-at _kur_-i 250. a-na gu-ru-na-a-te lu-qe2-ri-in 251. _usz2-mesz_ qu-ra-di-szu-nu hur-ri u3 ba-ma-a-te 252. sza _kur_-i lu-szer3-di a-na _iri-mesz_-ni 253. sza i-na gi-sal-lat _kur_-i sza-ak-nu szam-risz 254. lu-u2 as-ni-iq 2(u2) 5(disz) _iri-mesz_-ni sza _kur_ ha-ri-a 255. sza i-na _giri3 kur_ a-ia _kur_ szu-i-ra _kur_ et-ni 256. _kur_ se-ez-zu _kur_ sze-el-gu _kur_ ar-za-ni-bi-u2 257. _kur_ u2-ru-szu u3 _kur_ a-ni-it-ku 258. s,a-al-'u2-ni ak-szud szal-la-su-nu 259. bu-sa-szu-nu nam-kur-szu-nu asz2-lul 260. _iri-mesz_-szu-nu i-na _izi-mesz_ asz2-ru-up 261. ap-pul2 aq-qur 262. _kur_ a-da-usz ti-ib ta-ba-zi-ia dan-na 263. lu-u2 e-du-ru-ma a-szar-szu-nu lu u2-masz-sze-ru 264. a-na gi-sal-lat _kur_-i sza-qu-ti 265. ki-ma _muszen_ ip-par2-szu me-lam {d}a-szur _en_-ia 266. is-hup2-szu-nu-ti-ma 267. ur-du-ni _giri3-mesz_-ia is,-ba-tu 268. _gun_ u3 ma-da-ta _ugu_-szu-nu u2-kin2 269. _kur_ sa-ra-usz _kur_ am-ma-usz 270. sza2 isz-tu u4-um s,a-a-te ka-na-sza 271. la-a i-du-u2 ki-ma _du6_ a-bu-be 272. asz2-hu-up it-ti um-ma-na-te-szu-nu _dagal-mesz_-te 273. i-na _kur_ a-ru-ma al-ta-na-an-ma 274. dab2-da-szu-nu asz2-kun szal-ma-at 275. muq-tab-li-szu-nu i-na gi-sal-lat _kur_-i ki-ma ser-ma-sze 276. lu u2-me2-s,i _iri-mesz_-szu-nu ak-szud 277. _dingir-mesz_-szu-nu asz2-sza-a szal-la-su-nu 278. bu-sa-szu-nu nam-kur-szu-nu u2-sze-s,a-a 279. _iri-mesz_-szu-nu i-na _izi-mesz_ asz2-ru-up 280. ap-pul2 aq-qur a-na _du6_ u3 kar-me 281. u2-ter ni-ir _en_-ti-ia _dugud_ 282. _ugu_-szu-nu u2-kin2 pa-an {d}a-szur _en_-ia 283. u2-szad-gil-szu-nu-ti 284. _kur_ i-su-a _kur_ da-ri-a szap-s,u-te 285. la-a ma-gi-ri ak-szud _gun_ 286. u3 ma-da-ta _ugu_-szu-nu u2-kin2 287. pa-an {d}a-szur _en_-ia u2-szad-gil-szu-nu-ti 288. i-na a-sza-re-du-ti-ia-ma sza _kur2-mesz_-ia 289. ak-szu-du _{gesz}gigir-mesz_ u3 um-ma-na-te-ia-_mesz_ 290. lu al-qe _i7_ za-ban szu-pa-la-a 291. lu e-bir _kur_ mu-rat-tasz _kur_ sa-ra-da-usz 292. sza qe2-reb _kur_ a-sa-ni-u2 u3 _kur_ a-t,u2-ma 293. _a-sza3_ nam-ra-s,i ak-szud 294. um-ma-na-te-szu-nu ki-ma ze-er-qe 295. u2-ne2-ki-is _iri_ mu-rat-tasz 296. _iri_ dan-nu-ti-szu-nu a-di _szanabi_-ti u4-me 297. sza {d}utu na-pa-hi ak-szud 298. _dingir-mesz_-szu-nu bu-sa-szu-nu nam-kur-szu-nu 299. 2(disz) szu-szi ruq-qi _uruda-mesz_ 300. _3(u) gun uruda-mesz_ sza-bar-ta bu-sze ta-tur 301. _e2-gal_-li3-szu-nu u3 szal-la-su-nu 302. u2-sze-s,a-a _iri_ su-a-tu i-na _izi-mesz_ 303. asz2-ru-up ap-pul2 aq-qur 304. i-na u4-mi-szu-ma _uruda-mesz_ sza-a-tu 305. a-na {d}iszkur ra-'i-mi-ia a-qis 306. i-na e-mu-qi s,i-ra-te sza {d}a-szur _en_-ia 307. a-na _kur_ su-gi sza _kur_ hab-hi la-a ka-ni-szu-ut 308. {d}a-szur _en_-ia lu al-lik it-ti _6(disz) lim_ 309. um-ma-na-te-szu-nu _kur_ hi-me _kur_ lu-hi 310. _kur_ ar-ri-ir-gi _kur_ a-la-mu-un 311. _kur_ nim-ni u3 kul2-lat _kur_ pap-he-e 312. _dagal-mesz_-ti i-na _kur_ hi-ri-hi 313. _a-sza3_ nam-ra-s,i sza ki-ma u2-qip _gir2_ 314. szam-t,u it-ti kul2-lat _kur-kur_-szu-nu 315. i-na _giri3-mesz_-ia lu-u2 am-da-hi-is, 316. a-bi-ik-ta-szu-nu lu asz2-kun 317. _erin2-mesz_ muq-tab-li-szu-nu i-na gi-sal-lat _kur_-i 318. a-na gu-ru-na-a-te lu-qe2-ri-in 319. _usz2-mesz_-szu-nu _kur_ hi-ri-ha 320. ki-ma na-ba-si lu as,-ru-up 321. _kur_ su-gi a-na si-hir2-ti-sza ak-szud 322. _2(u) 5(disz) dingir-mesz_-szu-nu szal-la-su-nu 323. bu-sa-szu-nu nam-kur-szu-nu u2-sze-s,a-a 324. nap-bar _iri-mesz_-szu-nu i-na _izi-mesz_ 325. asz2-ru-up ap-pul2 aq-qur 326. si-te-et um-ma-na-te-szu-nu _giri3-mesz_-ia 327. is,-ba-tu a-re-em-szu-nu-ti 328. _gun_ u3 ma-da-ta _ugu_-szu-nu 329. u2-kin it-ti da-gil pa-an 330. {d}a-szur _en_-ia am-nu-szu-nu-ti 331. i-na u4-mi-szu-ma _2(u) 5(disz) dingir-mesz_-ni sza _kur-kur-mesz_ 332. szi-na-ti-na ki-szit-ti qa-ti-ia 333. sza al-qa-a a-na u2-tu-'u-ut _e2_ {d}nin-lil2 334. hi-ir-te _gal_-le na-mad-di {d}a-szur _en_-ia 335. {d}a-nim {d}iszkur {d}inanna asz2-szu-ri-te 336. _e2-kur-mesz_-at _iri_-ia {d}a-sur 337. u3 _{d}inanna-mesz kur_-ti-ia 338. lu-u2 asz2-ru-uk 339. {disz}{gesz}tukul-ti-ibila-e2-szar2-ra _man_ dan-nu 340. ka-szid kib-rat _kur2-mesz_ sza-ni-nu 341. gi-mir _du3 man-mesz_ 342. i-na u4-mi-szu i-na e-mu-qi s,i-ra-te 343. sza {d}a-szur _en_-ia i-na an-ni ke-e-ni 344. sza {d}utu qu-ra-di i-na _{gesz}tukul_-ti 345. sza2 _dingir-mesz gal-mesz_ sza i-na kib-rat 4(asz)-i 346. mi-sze-risz ul-tal-li-t,u-ma mu-ne2-ha 347. i-na _muru2_ u3 sza-ni-na i-na _me3_ la-a i-szu-u2 348. a-na _kur-kur_ na-i-ri _man-mesz_-ni ne2-su-te 349. sza a-ah _a-ab-ba_ e-le-ni-ti sza sza-la-mu {d}szam-szi 350. sza2 ka-na-sza la-a i-du-u2 351. {d}a-szur _en_ u2-ma-'i-ra-ni-ma al-lik 352. t,u-ud-di mar-s,u2-ti u3 ne2-re-be-ti 353. szup-szu-qa-a-te sza i-na mah-ra 354. _lugal_ ia-um-ma lib3-ba-szu-nu la-a i-du-u2 355. ar-bi ed-lu-te du-ur-gi 356. la-a pe-tu-te u2-sze-ti-iq 357. _kur_ e-la-ma _kur_ a-ma-da-na _kur_ el-hi-isz 358. _kur_ sze-ra-be-li _kur_ tar-hu-na 359. _kur_ ter-ka-hu-li _kur_ ki-is,-ra 360. _kur_ tar-ha-na-be _kur_ e-lu-la 361. _kur_ ha-asz2-ta-ra-e _kur_ sza-hi-sza-ra 362. _kur_ u2-be-ra _kur_ mi-li-ad-ru-ni 363. _kur_ szu-li-an-zi _kur_ nu-ba-na-a-sze 364. u3 _kur_ sze-e-sze _1(u) 6(disz) kur-mesz_-ni dan-nu-te 365. _a-sza3 du10-ga_ i-na _{gesz}gigir-mesz_-ia u3 mar-s,a 366. i-na aq-qul2-lat _uruda-mesz_ lu ah-si 367. u2-ru-mi _gesz-mesz kur_-i lu ak-ki-is 368. ti-tur-ra-a-te-_mesz_ a-na me-ti-iq _{gesz}gigir-mesz_-ia u3 369. um-ma-na-te-ia lu u2-t,i2-ib 370. _i7_ pu-rat-ta lu-u2 e-bir _lugal kur_ tum4-me 371. _lugal kur_ tu-nu-be _lugal kur_ tu-a-li 372. _lugal kur_ dar-da-ri _lugal kur_ u2-zu-la 373. _lugal kur_ un-za-mu-ni _lugal kur_ an-di-a-bi 374. _lugal kur_ pi-la-dar-ni _lugal kur_ a-dur-gi-ni 375. _lugal kur_ ku-li-bar-zi-ni _lugal kur_ szi-ni-bir-ni 376. _lugal kur_ hi-mu-a _lugal kur_ pa-i-te-ri 377. _lugal kur_ u2-i-ra-am _lugal kur_ szu-ru-ri-a 378. _lugal kur_ a-ba-e-ni _lugal kur_ a-da-e-ni 379. _lugal kur_ ki-ri-ni _lugal kur_ al-ba-ia 380. _lugal kur_ u2-gi-na _lugal kur_ na-za-bi-a 381. _lugal kur_ a-bar-si-u2-ni _lugal kur_ da-ie-e-ni 382. _pap 2(u) 3(disz) lugal-mesz_-nu _kur-kur_ na-i-ri 383. i-na qe2-reb _kur-kur_-szu-nu-ma _{gesz}gigir-mesz_-szu-nu 384. u3 um-ma-na-te-szu-nu ul-tak2-s,i-ru-ma 385. a-na e-pesz _{gesz}tukul muru2_ u3 _me3_ 386. lu it-bu-ni i-na szu-mur _{gesz}tukul-mesz_-ia 387. ez-zu-te as-ni-qa-szu-nu-ti 388. sza-gal-ti um-ma-na-te-szu-nu _dagal_-mesz_ 389. ki-ma ri-hi-il-ti {d}iszkur 390. lu asz2-kun szal-ma-at qu-ra-di-szu-nu 391. i-na s,e-ri ba-ma-at _kur_-i u3 i-da-at 392. _iri-mesz_-szu-nu ki-ma ser-ma-sze 393. lu-me-s,i 2(disz) szu-szi _{gesz}gigir-mesz_-szu-nu 394. ha-lup-ta i-na qe2-reb tam-ha-ri 395. lu-te-me-eh 1(disz) szu-szi _lugal-mesz_-ni 396. _kur-kur_ na-i-ri a-di sza a-na 397. ne2-ra-ru-te-szu-nu il-li-ku-ni 398. i-na zi-qit2 mul-mul-li-ia a-di _a-ab-ba_ 399. e-le-ni-te lu ar-di-szu-nu-ti 400. ma-ha-zi-szu-nu _gal-mesz_ ak-szud 401. szal-la-su-nu bu-sa-a-szu-nu nam-kur-szu-nu 402. u2-sze-s,a-a _iri-mesz_-szu-nu i-na _izi-mesz_ 403. asz2-ru-up ap-pul2 aq-qur 404. a-na _du6_ u3 kar-mi u2-ter 405. szu-gul2-lat _ansze-kur-ra-mesz dagal-mesz_ 406. pa-re-e a-ga-li u3 mar-szit 407. qer-be-te-szu-nu a-na la-a ma-ne2-e 408. u2-ter-ra nap-har _lugal-mesz_-ni 409. _kur-kur_ na-i-ri bal-t,u-szu-nu qa-ti 410. ik-szud a-na _lugal-mesz_-ni sza-a-tu-nu 411. re-e-ma ar-sza-szu-nu-ti-ma 412. na-pisz-ta-szu-nu e-t,i2-ir szal-lu-szu-nu 413. u3 ka-mu-szu-nu i-na ma-har {d}utu _en_-ia 414. ap-t,u2-ur ma-mi-it _dingir-mesz_-ia 415. _gal-mesz_ a-na ar-kat3 _ug3-mesz_ a-na u4-um 416. s,a-a-te a-na _ARAD_-ut-te u2-tam-mi-szu-nu-ti 417. _dumu-mesz_ nab-ni-it _lugal_-ti-szu-nu 418. a-na li-t,u-te as,-bat 419. _1(disz) lim 2(disz) me ansze-kur-ra-mesz 2(disz) lim gu4-mesz_ 420. ma-da-at-ta _ugu_-szu-nu u2-kin2 421. a-na _kur-kur_-mesz_-szu-nu u2-masz-sze-er-szu-nu-ti 422. {disz}se-e-ni _lugal kur_ da-ie-e-ni 423. sza a-na {d}a-szur _en_-ia la-a ka-an-szu 424. szal-lu-su u3 ka-mu-su a-na _iri_-ia 425. {d}a-szur ub-la-su re-e-ma 426. ar-sza-szu-ma isz-tu _iri_-ia {d}a-szur 427. da-lil _dingir-mesz gal-mesz_ 428. a-na da-la-a-li a-na na-pi-isz-ti 429. u2-masz-sze-er-szu _kur-kur_ na-i-ri 430. _dagal-mesz_-te a-na pat, gim-ri-szi-na a-pel2 431. u3 nap-har _lugal-mesz_-szu-nu 432. a-na _giri3-mesz_-ia u2-szek-nisz 433. i-na ta-lu-uk gir-ri-ma szu-a-tu 434. a-na _iri_ mi-li-di-a sza _kur_ ha-ni-gal-bat 435. szap-s,u2-te la-a ma-gi-ri al-lik 436. ti-ib _me3_-ia dan-na e-du-ru-ma 437. _giri3-mesz_-ia is,-ba-tu a-re-em-szu-nu-ti 438. _iri_ szu-a-tu ul ak-szud li-i-t,i2-szu-nu 439. as,-bat _1(disz) ansze_ kur-ba-ni sza a-ba-ri 440. ma-da-at-ta _mu_-szam3-ma 441. a-na la szu-par2-ke-e _ugu_-szu-nu u2-kin2 442. {disz}{gesz}tukul-ti-ibila-e2-szar2-ra nab-lu ha-am-t,u2 443. szu-zu-zu a-bu-ub tam-ha-ri 444. i-na _{gesz}tukul_-ti {d}a-szur _en_-ia _{gesz}gigir-mesz_ 445. u3 qu-ra-di-ia-_mesz_ lu-u2 al-qe2 mu-ud-ba-ra 446. as-bat a-na _sza3_ ah-la-mi3-i 447. _kur_ ar-ma-ia-_mesz kur2-mesz_-ut {d}a-szur _en_-ia 448. lu-u2 al-lik is-tu tar-hi _kur_ su-hi 449. a-di _iri_ kar-ga-misz sza _kur_ ha-at-te 450. i-na 1(disz)-en u4-me ah-bu-ut 451. di-ik-ta-szu-nu a-duk szal-la-su-nu 452. bu-sa-a-szu-nu mar-si-szu-nu 453. a-na la-a mi-na u2-ter-ra 454. si-te-et um-ma-na-te-szu-nu 455. sza i-na pa-an _{gesz}tukul-mesz_ sza {d}a-szur _en_-ia 456. ip-par2-si-du _i7_ pu-rat-ta lu e-be-ru 457. ar-ki-szu-nu i-na _{gesz}ma2-mesz {kusz}du8-szi-a_ 458. _i7_ pu-rat-ta lu e-be-er 459. _6(disz) iri-mesz_-szu-nu sza _giri3 kur_ be2-esz-ri 460. ak-szud i-na _izi-mesz_ asz2-ru-up 461. ap-pul2 aq-qur szal-la-su-nu bu-sa-szu-nu 462. mar-szi-szu-nu a-na _iri_-ia {d}a-szur 463. ub-la 464. {disz}{gesz}tukul-ti-ibila-e2-szar2-ra ka-bi-is al-t,u-te 465. mu-szem-qit2 la ma-gi-ri mu-szar-bi-bu 466. ka-lisz mul-tar-hi 467. a-na ka-szad _kur_ mu-us,-ri {d}a-szur _en_ 468. u2-ma-'i-ra-ni-ma bir-ti _kur_ e-la-mu-ni 469. _kur_ ta-la u3 _kur_ ha-ru-sa lu as,-bat 470. _kur_ mu-us,-ri a-na si-hir-ti-sza ak-szud 471. qu-ra-di-szu-nu u2-szem-qit2 472. _iri-mesz_-szu-nu i-na _izi-mesz_ asz2-ru-up ap-pul2 473. aq-qur um-ma-na-at _kur_ qu-ma-ne2-e 474. a-na re-s,u2-ut _kur_ mu-us,-ri 475. lu il-li-ku-ni i-na _kur_-e it-te-szu-nu 476. lu am-da-hi-is, a-bi-ik-ta-szu-nu lu as-kun 477. a-na _1(disz)-en iri iri_ a-ri-ni sza _giri3 kur_ a-i-sa 478. lu-u2 e-si-ir-szu-nu-ti _giri3-mesz_-ia 479. is,-ba-tu _iri_ szu-a-tu e-t,i2-ir 480. li-i-t,i2-_mesz gun_ u3 ma-da-at-ta 481. _ugu_-szu-nu u2-kin2 482. i-na u4-mi-szu-ma kul2-lat _kur_ qu-ma-ne2-e 483. sza a-na re-s,u2-ut _kur_ mu-us,-ri is-sa-ak-nu 484. nap-har _kur-kur-mesz_-szu-nu lu id-ku-li-ni 485. a-na e-pes _{gesz}tukul-mesz_ qab-li u3 _me_ 486. lu iz-zi-zu-ni i-na su-mur _{gesz}tukul-mesz_-ia 487. ez-zu-te it-ti _2(u) lim_ um-ma-na-te-szu-nu 488. dagal_-mesz_ i-na _kur_ ta-la lu am-da-hi-is,-ma 489. a-bi-ik-ta-szu-nu lu asz2-kun 490. ki-s,ir-szu-nu gap-sza lu-pe-ri-ir 491. a-di _kur_ ha-ru-sa sza2 pa-an _kur_ mu-us,-ri 492. ab-ku-szu-nu lu ar-du-ud szal-ma-at 493. qu-ra-di-szu-nu i-na gi-sal-lat _kur_-i 494. ki-ma szu-u2-be usz-na-il 495. _usz2-mesz_-szu-nu hur-ri u3 ba-ma-a-te sza _kur_-i 496. lu-szer3-di ma-ha-zi-szu-nu _gal-mesz_ 497. ak-szud i-na _izi-mesz_ asz2-ru-up 498. ap-pul2 aq-qur a-na _du6_ u3 kar-me u2-ter 499. _iri_ hu-nu-sa _iri_ dan-nu-ti-szu-nu 500. ki-ma _du6_ a-bu-be asz2-hu-up 501. it-ti um-ma-na-te-szu-nu gap-sza-a-te 502. i-na _iri_ u3 _kur_-e szam-risz lu-u2 am-da-hi-is, 503. a-bi-ik-ta-szu-nu lu asz2-kun 504. _erin2-mesz_ muq-tab-li-szu-nu i-na qe2-reb hur-sza-a-ni 505. ki-ma su-u2-be lu us-na-il _sag-du_-mesz_-szu-nu 506. ki-ma ze-er-qe2 u2-ne2-ki-is 507. _usz2-mesz_-szu-nu hur-ri u3 ba-ma-a-te sza2 _kur_-i 508. lu-szer3-di _iri_ szu-a-tu ak-szud 509. _dingir-mesz_-szu-nu asz2-sza-a szal-la-su-nu bu-sa-szu-nu nam-kur-szu-nu 510. u2-sze-s,a-a _iri_ i-na _izi-mesz_ asz2-ru-up 511. _3(disz) bad3-mesz_-szu sza i-na a-gur2-ri 512. ra-as,2-bu u3 si-hir-ti _iri_-szu 513. ap-pul2 aq-qur a-na _du6_ u3 kar-me 514. u2-ter u3 NA4-mesz_ s,i-pa i-na muh-hi-su 515. az-ru _nim-gir2 zabar_ e-pu-usz 516. ki-szit-ti _kur-kur_-mesz_ sza i-na {d}a-szur _en_-ia 517. ak-szu-du _iri_ szu-a-tu a-na la-a s,a-ba-te 518. u3 _bad3_-szu la-a ra-s,a-pi i-na muh-hi 519. al-t,u-ur _e2_ sza a-gur2-ri i-na muh-hi-su 520. ar-s,ip _nim-gir2 zabar_ sza-tu-nu 521. i-na lib3-bi u2-sze-szi-ib 522. i-na _{gesz}tukul_-ti {d}a-szur _en_-ia _{gesz}gigir-mesz_ 523. u3 qu-ra-di-ia-_mesz_ lu al-qe2 _iri_ kip-szu-na 524. _iri lugal_-ti-szu-nu lu al-mi _lugal kur_ qu-ma-ne2-e 525. ti-ib _me3_-ia dan-na e-du-ur-ma 526. _giri3-mesz_-ia is,-bat _iri_ szu-a-tu e-t,i2-ir 527. _bad3_-szu _gal_-a u3 a-sa-ia-te-su 528. sza a-gur2-ri a-na na-pa-li aq-ba-szu-ma 529. isz-tu usz-sze-szu a-di gaba-dib-bi-szu 530. ip-pul2 a-na _du6_ u2-ter 531. u3 5(disz) szu-szi qi-in-na-a-te _en-mesz_ hi-i-t,i2 532. sza lib3-bi-su sza2 a-na {d}a-szur _en_-ia la-a ka-an-szu 533. is-su-ha am-hur-szu li-i-t,i2-_mesz_-szu 534. as,-bat _gun_ u3 ma-da-ta 535. _ugu_ sza pa-na ut-ter i-na muh-hi-szu 536. asz2-kun _kur_ qu-ma-ne2-e _dagal_-ta 537. a-na pat, gim-ri-sza ak-szud a-na _giri3-mesz_-ia 538. u2-szek2-nisz 539. _szu-nigin2 4(u) 2(disz) kur-kur-mesz_ u3 mal-ki-szi-na 540. isz-tu e-ber-ta-an _i7_ za-ban szu-pa-li-i 541. szi-id-di hur-sza-a-ni ne2-su-te 542. a-di e-ber-ta-an _i7_ pu-rat-te 543. _kur_ ha-at-te-e u3 _a-ab-ba_ e-le-ni-ti 544. sza sza-la-mu {d}szam-sze isz-tu ri-isz _lugal_-ti-ia 545. a-di _5(disz) bala_-ia qa-a-ti ik-szud 546. pa-a 1(disz)-en u2-sze-esz-kin-szu-nu-ti 547. li-t,i2-_mesz_-szu-nu as,-bat _gun_ 548. u3 ma-da-ta _ugu_-szu-nu u2-kin2 549. e-zi-ib har-ra-na-at _kur-mesz_ ma-da-a-tu 550. sza a-na li-ta-te-ia la-a qe2-er-ba 551. _a-sza3 du10-ga_ i-na _{gesz}gigir-mesz_-ia u3 mar-s,a 552. i-na _giri3-mesz_-ia ar-ki-szu-nu 553. lu at-tal-lak _giri3-mesz kur-mesz_ 554. i-na _kur_-ti-ia lu-u2 ap-ru-us 555. {disz}{gesz}tukul-ti-ibila-e2-szar2-ra et,-lu qar-du 556. ta-me-eh _{gesz}ban_ la-a sza2-na-an 557. mu-gam-me-ru bu-'u-ur s,e-ri 558. {d}nin-urta u3 {d}igi-du _{gesz}tukul-mesz_-szu-nu 559. ez-zu-te u3 _{gesz}ban_-szu-nu s,ir-ta 560. a-na i-di _en_-ti-ia isz-ru-ku 561. i-na si-qir {d}nin-urta ra-'i-mi-ia 562. 4(disz) pu-hal _am-mesz_ dan-nu-te szu-tu-ru-te 563. i-na hu-rib-te i-na _kur_ mi-ta-ni 564. u3 i-na _iri_ a-ra-zi-qi sza2 pa-an 565. _kur_ ha-at-te i-na _{gesz}ban_-ia dan-na-te 566. szu-ku-ud _an-bar_ u3 mul-mul-li-ia 567. zaq-tu-te na-pisz-ta-szu-nu u2-szeq2-ti 568. _kusz-mesz_-szu-nu _si-mesz_-szu-nu 569. a-na _iri_-ia {d}a-szur ub-la 570. _1(u) am-si-mesz_ pu-ha-li dan-nu-ti 571. i-na _kur-kaskal_-ni u3 szi-di _i7_ ha-bur 572. lu a-duk _4(disz) am-si-mesz_ bal-t,u-te 573. lu-s,a-bi-ta _kusz-mesz_-szu-nu 574. _zu2-mesz_-szu-nu it-ti _am-si-mesz_-ma 575. bal-t,u-te a-na _iri_-ia {d}a-szur ub-la 576. i-na si-qir {d}nin-urta ra-'i-mi-ia 577. 2(disz) szu-szi _ur-mah-mesz_ i-na lib3-bi-ia ek-di 578. i-na qit-ru-ub mi-it-lu-ti-ia 579. i-na _giri3-mesz_-ia lu a-duk 580. u3 8(disz) me _ur-mah-mesz__ i-na _{gesz}gigir_-ia 581. i-na pat-tu-te u2-szem-qit2 582. bu-ul {d}szakkan2 gi-mir-ta u3 _muszen an_-e 583. mut-tap-ri-sza e-em ni-sik _gi-mesz_-ia 584. lu-u2 at-ta-di 585. isz-tu _kur-mesz_-ut {d}a-szur pat, gim-ri-szu-nu 586. a-pe-lu _e2_ {d}inanna asz2-szu-ri-te 587. _nin_-ia _e2_ {d}mar-tu _e2_ {d}en-libir-ra 588. _e2_ {d}1(u)-te _e2-hi-a-mesz dingir-mesz_-ni 589. an-hu-te sza2 _iri_-ia {d}a-szur e-pu-usz 590. u2-szek2-lil te-ru-bat _e2-hi-a-mesz_-szu-nu 591. asz2-kun _dingir-mesz gal-mesz en-mesz_-ia 592. a-na lib3-bi u2-sze-rib 593. lib-bi _dingir_-ti-szu-nu u2-t,i2-ib 594. _e2-gal_-mesz_-te szu-bat _lugal_-ti 595. sza2 ma-ha-za-ni _gal-mesz_-te 596. sza2 szi-di _kur_-ti-ia gab-be sza isz-tu 597. tar-s,i _ad-mesz_-ia i-na _mu-mesz_-te 598. dan-na-te um-da-szi-ra-ma e-na-ha-ma 599. i'-ab-ta _du3_-usz u2-szek2-lil 600. _bad3-mesz kur_-ti-ia an-szu-te 601. ak-sze-er _{gesz}apin-mesz_ i-na nap-bar _kur_ {d}a-szur 602. gab-be u2-szer3-ki-is u3 ta-ab-ka 603. sza _sze_-im-_mesz_ a-na sza _ad-mesz_-ia 604. lu u2-ter lu at-bu-uk 605. su-gul-lat _ansze-kur-ra-mesz gu4-mesz ansze-mesz_ 606. sza i-na _{gesz}tukul-ti {d}a-szur _en_-ia 607. i-na _kur-kur-mesz_ sza a-pe-lu-si-na-ti 608. ki-szit-ti qa-ti-ia 609. sza2 al-qa-a ak-s,ur u3 su-gul-lat 610. na-a-li-_mesz_ dara4-masz-mesz_ ar-mi-_mesz_ 611. tu-ra-hi-_mesz_ sza {d}a-szur u3 {d}masz 612. _dingir-mesz aga3-mesz_-ia e-pesz bu-'u-ri 613. i-qi-szu-ni i-na qe2-reb hur-sza2-ni 614. sza-qu-ti u2-tam-me-hu 615. su-gul-la-te-szu-nu ak-s,ur 616. mi-nu-szu-nu ki-ma sza mar-szit 617. s,e-ni-_mesz_-ma lu-u2 am-nu 618. pu-ha-di e-lu-_mesz_ nab-ni-it 619. lib3-bi-szu-nu a-na bi-ib-lat lib3-bi-ia 620. it-ti _siskur-mesz_-ia _ku3-mesz_ 621. _mu_-szam3-ma a-na {d}a-szur _en_-ia lu at-ta-qi 622. _gesz_ e-re-na _gesz_ tas-ka-ri-na 623. _gesz_ al-la-ka-ni-isz i-na _kur-kur-mesz_ 624. sza a-pe-lu-szi-na-ti _gesz-mesz_ 625. sza-tu-nu sza2 i-na _lugal-mesz_-ni 626. _ad-mesz_-ia mah-ru-te ma-am-ma 627. la iz2-qu-pu al-qa-am-ma 628. i-na _{gesz}kiri6-mesz kur_-ti-ia 629. az-qu-up u3 _gurun {gesz}kiri6_ 630. aq-ra sza i-na _kur_-ti-ia la-asz2-szu 631. al-qa-a _{gesz}kiri6-mesz kur_ {d}a-szur 632. lu-u2 usz-me-li 633. _{gesz}gigir-mesz_ s,i-im-da-at ni-ri 634. a-na e-muq _kur_-ti-ia _ugu_ sza2 pa-na 635. lu u2-ter lu u2-szer3-ki-is 636. _ugu kur_ {d}a-szur ma-a-ta 637. _ugu ug3-mesz_-sza _ug3-mesz_ lu-rad-di 638. _uzu-mesz ug3-mesz_-ia u2-t,i2-ib 639. szub-ta ne2-eh-ta 640. u2-sze-szi-ib-szu-nu-ti 641. {disz}{gesz}tukul-ti-ibila-e2-szar2-ra _nun_ s,i-ru 642. sza {d}a-szur u3 {d}nin-urta a-na bi-ib-lat 643. lib3-bi-su it-tar-ru-szu-ma 644. ar-ki _kur2-mesz_-ut {d}a-szur 645. pat, gim-ri-szu-nu it-tal-la-ku-ma 646. u2-szek2-ni-szu gi-mir mul-tar-hi 647. _a_ {d}a-szur-sag-i-si _lugal_ dan-ni ka-szid 648. _kur-kur kur-mesz_ mu-szek2-ni-szu 649. gi-mir al-t,u2-ti 650. _a a_ sza2 {disz}mu-tak-kil-{d}nusku sza2 {d}a-szur _en gal_ 651. i-na u2-tu-ut ku-un lib3-bi-su 652. ih-szu-hu-szu-ma a-na _sipa_-ut 653. _kur_ {d}a-szur ki-ni-isz ib-bu-szu 654. _ibila_ ke-e-nu sza {disz}{d}a-szur-da-a-an 655. na-asz2 _{gesz}gidri ku3_-te mul-tasz-pi-ru 656. te-ne2-szet {d}en-lil2 sza ep-szet qa-ti-su 657. u3 na-dan zi-bi-su 658. _ugu dingir-mesz gal-mesz_ i-t,i2-bu-ma 659. se-bu-ta u3 la-be-ru-ta il-li-ku 660. lib3-lib3-bi sza {disz}{d}nin-urta-ibila-e2-kur 661. _lugal_ da-pi-ni na-mad {d}a-szur 662. sza nu-ba-lu-su ki-ma u2-ri-ni 663. _ugu kur_-ti-szu szu-par2-ru-ru-ma 664. um-ma-na-at _kur_ {d}a-szur ki-ni-isz ir-te-e-u2 665. i-na u4-mi-szu-ma _e2_ {d}a-nim u3 {d}iszkur 666. _dingir-mesz gal-mesz en-mesz_-ia 667. sza i-na pa-na {disz}szam-szi-{d}iszkur _ensi_ {d}a-szur 668. _dumu_ isz-me-{d}da-gan _ensi_ {d}a-szur-ma 669. e-pu-szu _6(disz) me 4(u) 1(disz) mu-mesz_ 670. il-lik e-na-ah 671. {disz}{d}a-sur-da-a-an _lugal kur_ a-szur 672. _dumu_ {d}masz-ibila-e2-kur _lugal kur_ a-szur-ma 673. _e2_ sza-a-tu ip-pu-ul ul e-pu-usz 674. 1(disz) szu-szi _mu-mesz_-te usz-szu-szu 675. ul i-na-du-u2 676. i-na szur-ru _lugal_-ti-ia {d}a-nu 677. u3 {d}iszkur _dingir-mesz gal-mesz en-mesz_-ia 678. _aga3_-mu _sanga_-ti-ia 679. e-pa-asz2 at-ma-ni-szu-nu 680. iq-bu-ni _sig4-mesz_ al-bi-in 681. qaq-qar-szu u2-me-si 682. dan-na-su ak-szud usz-sze-e-szu 683. i-na _ugu_ ki-sir _kur_-i dan-ni ad-di 684. asz2-ra sa-a-tu a-na si-hir-ti-su 685. i-na _sig4-mesz_ ki-ma ka-nu-ni asz2-pu-uk 686. 5(u) ti-ib-ki a-na szu-pa-li 687. u2-te2-bi i-na muh-hi-szu 688. usz-sze _e2_ {d}a-nim u3 {d}iszkur _dingir-mesz gal-mesz en-mesz_-ia 689. sza pu-li ad-di 690. isz-tu usz-sze-szu a-di gaba-dib-bi-su 691. e-pu-usz _ugu_ mah-re-e ut-ter 692. 2(disz) si-qur-ra-a-te _gal-mesz_-te 693. sza a-na si-mat _dingir_-ti-szu-nu _gal_-le 694. szu-lu-ka lu ab-ni 695. _e2 ku3_ at-ma-na qu-szu-da 696. su-bat hi-da-te-szu-nu 697. mu-szab ta-szi-il-ti-szu-nu 698. sza ki-ma _mul an_-e szu-pu-u2 699. u3 i-na szi-par2 _{lu2}szitim_-nu-ti 700. ma-a'-disz nu-su-qu 701. ak-pu-ud a-na-ah _du3_-usz 702. u2-szek2-lil qe2-reb-szu 703. ki-ma lib3-bi _an_-e u2-be-en-ni 704. i-ga-ra-te-szu ki-ma sza-ru-ur 705. si-it _mul-mesz_ u2-si-im 706. u2-szer3-rib na-me-re-e-szu 707. u3 si-qur-ra-te-su a-na _an_-e 708. u2-sze-qi-ma u3 gaba-dib-bi-szu 709. i-na a-gur2-ri u2-re-ki-is 710. e-lal-la-a 711. pa-ra-as, _dingir_-ti-szu-nu 712. _gal_-ti i-na qe2-reb-su 713. ad-di 714. {d}a-na u3 {d}iszkur _dingir-mesz gal-mesz en-mesz_-ia 715. a-na lib3-bi u2-sze-ri-ib 716. i-na szub-ti-szu-nu s,ir-ti 717. u2-sze-szi-ib-szu-nu-ti 718. lib3-bi _dingir_-ti-szu-nu _gal_-ti 719. u2-t,i2-ib 720. _e2_ ha-am-ri sza {d}iszkur _en_-ia 721. sza {disz}szam-szi-{d}iszkur _ensi_ {d}a-szur 722. _dumu_ isz-me-{d}da-gan _ensi2_ {d}a-szur-ma 723. e-pu-szu e-na-ah-ma i'-a-bit 724. a-szar-szu u2-me-si isz-tu usz-sze-szu 725. a-di gaba-dib-bi-szu i-na a-gur2-ri 726. ar-s,i-ip _ugu_ mah-re-e 727. u2-si-im u2-szer3-szid 728. i-na lib3-bi-su _siskur_-mesz_-te _ku3-mesz_-te 729. a-na {d}iszkur _en_-ia lu at-ta-qi 730. i-na u4-mi-szu-ma _{na4}zu na4_ hal-ta 731. u3 _{na4}ka-gi-na_ i-na _kur-mesz_-ni 732. sza _kur-kur_ na-i-ri sza i-na _{gesz}tukul_-ti {d}a-szur _en_-ia 733. ak-szu-du lu-u2 asz2-sza-a 734. i-na _e2_ ha-am-ri sza {d}iszkur _en_-ia 735. a-na s,a-at u4-me u2-kin2 736. ki-ma a-na-ku _e2 ku3_ at-ma-na s,i-i-ra 737. a-na mu-szab {d}a-nim u3 {d}iszkur _dingir-mesz gal-mesz_ 738. _en-mesz_-ia ak-pu-du-ma la a-par2-ku-u2 739. a-na e-pe-szi a-bi la-a ad-du-u2 740. ha-an-t,isz u2-szek2-li-lu-ma 741. lib3-bi _dingir_-ti-szu-nu _gal_-li 742. u2-t,i2-bu {d}a-nu u3 {d}iszkur 743. ki-ni-isz li-sah-ru-ni-ma 744. ni-isz qa-ti-ia li-ra-mu 745. te-me-eq ik-ri-be-ia lis-me-u2 746. zu-ni t,a-ah-du-te sza-na-at 747. nu-uh-sze u3 masz-re-e a-na _bala-mesz_-ia 748. lisz-ru-ku i-na _muru2_ u3 _me_ 749. szal-misz lit-tar-ru-u2-ni 750. nap-har _kur-kur kur2-mesz_-ia _kur-mesz_ 751. szap-s,u2-te u3 mal-ki-_mesz_ za-e-ri-ia 752. a-na _giri3-mesz_-ia lu-szek2-ni-szu 753. a-na ia-a-si u3 _numun sanga_-ti-ia 754. ki-rib-ta t,a-ab-ta lik-ru-bu-ni-ma 755. _sanga_-ti i-na ma-har {d}a-szur u3 _dingir_-ti-szu-nu 756. _gal_-ti a-na ah-rat _u4-mesz_ 757. ki-ma _kur_-i ki-nisz lu-szer3-szi-du 758. li-ta-at qur-di-ia ir-nin-tu 759. tam-har-ri-ia szuk-nu-usz _kur2-mesz_ 760. za-e-ru-ut {d}a-szur sza {d}a-nu u3 {d}iszkur 761. a-na szi-rik2-ti isz-ru-ku-u2-ni 762. i-na _{na4}na-ru2-a-mesz_-ia u3 tem-me-ni-ia 763. al-t,u2-ur i-na _e2_ {d}a-nim u3 {d}iszkur 764. _dingir-mesz gal-mesz en-mesz_-ia 765. a-na s,a-at _u4-mesz_ asz2-kun 766. u3 _{na4}na-ru2-a-mesz__ sza {disz}szam-szi-{d}iszkur 767. a-bi-ia _i3-mesz_ ap-szu-usz _udu-siskur_ 768. aq-qi a-na asz2-ri-szu-nu u2-ter 769. a-na ar-kat3 _u4-mesz_ a-na u4-um s,a-a-te 770. a-na ma-te-ma _nun egir_-u2 771. e-nu-ma _e2_ {d}a-nim u3 {d}iszkur _dingir-mesz_ 772. _gal-mesz en-mesz_-ia u3 si-qur-ra-a-tu 773. sza-ti-na u2-szal-ba-ru-ma 774. e-na-hu an-hu-szu-nu lu-ud-disz 775. _{na4}na-ru2-a-mesz_-ia u3 tem-me-ni-_mesz_-ia 776. _i3-mesz_ lip-szu-usz _udu-siskur_ li-iq-qi 777. a-na asz2-ri-szu-nu lu-u2-ter 778. u3 _mu_-szu it-ti _mu_-ia lil-t,u-ur 779. ki-ma ia-a-ti-ma {d}a-nu u3 {d}iszkur 780. _dingir-mesz gal-mesz en-mesz_-ia i-na _du10-ga_ lib3-bi 781. u3 ka-szad ir-nin-te _du10-ga_-isz lit-tar-ru-szu 782. sza _{na4}na-ru2-a-mesz_-ia u3 tem-me-ni-_mesz_-ia 783. i-hap-pu-u2 i-sa-pa-nu 784. a-na _a-mesz_ i-na-du-u2 785. i-na _izi-mesz_ i-qal3-lu-u2 786. i-na _sahar-mesz_ i-ka-ta-mu i-na _e2 azag_ 787. a-szar la-ma-ri pi-szi-risz i-na-ki-mu 788. _mu_ szat,-ra i-pa-si-t,u2-ma 789. _mu_-szu i-sza-t,a-ru u3 mi-im-ma 790. lem-na i-ha-sa-sa-ma 791. a-na pa-an _{na4}na-ru2-a-mesz_-ia 792. u2-szap-ra-ku 793. {d}a-nu u3 {d}iszkur _dingir-mesz gal-mesz en-mesz_-ia 794. ez-zi-isz li-kil-mu-szu-ma 795. ar-ra-ta ma-ru-usz-ta li-ru-ru-szu 796. _lugal_-szu lis-ki-pu 797. _suhusz {gesz}gu-za lugal_-ti-szu li-su-hu 798. per2-'e _en_-ti-su li-bal-lu-u2 799. _{gesz}tukul-mesz_-szu lu-u2-szab-bi-ru 800. a-bi-ik-ti um-ma-ni-szu lisz-ku-nu 801. i-na pa-an _kur2-mesz_-szu ka-misz 802. lu-sze-szi-bu-szu {d}iszkur i-na _nim-gir2_ 803. _hul_-le _kur_-szu li-ib-riq2 804. su-un-qa bu-bu-ta hu-szah-ha 805. _usz2-mesz_ a-na _kur_-ti-szu lid-di 806. 1(disz)-en u4-ma la _ti_-su liq-bi 807. _mu_-szu _numun_-szu i-na _kur_-ti lu-u2-hal-liq 808. _iti_ ku-zal-lu _u4 2(u) 8(disz)-kam_ li-mu 809. {disz}i-na-_dingir_-ia-al-lak _gal bi-lul-mesz_ Version History |
| RIMA 2.0.087.001, ex. 01 Click for archival page
Can you improve upon the content of this entry? Please contact us! | No Image Available | Prism surface a column 1 1. {d}a-szur _en gal_ mus-te-szir3 kisz-szat _dingir-mesz_ 2. na-din {gesz}gidri u3 a-ge-e mu-kin2 _man_-ti 3. {d}en-lil2 be-lu _man_ gi-mir {d}a-nun-na-ki 4. a-bu _dingir-mesz en kur-kur_ 5. {d}3(u2) er-szu _en_ a-ge-e 6. sa-qu-u2 {d}ma-gur8 7. {d}utu _di-ku5 an ki_-ti ha-a-it, 8. s,a-al-pat a-a-be mu-sze-eb-ru s,e-ni 9. {d}iszkur ur-sza-nu ra-hi-is, kib-rat _kur2-mesz_ 10. _kur-mesz ab-mesz_-ti 11. {d}nin-urta qar-du sza2-gisz lem-ni u3 a-a-bi 12. mu-szem-s,u2-u2 mal lib3-bi 13. {d}inanna _sag_-ti _dingir-mesz_ be-lit te-sze-e 14. mu-szar-ri-hat _muru2-mesz_-te single ruling 15. _dingir-mesz gal-mesz_ mu-ut-tab-bi-lu-ut _an_-e _ki_-ti 16. sza ti-bu-szu-nu _{gesz}la2_ u3 sza2-asz2-mu 17. mu-szer3-bu-u2 szar-ru-ut 18. {disz}{gesz}tukul-ti-ibila-e2-szar2-ra _nun_ na-ra-me 19. bi-bil2 lib3-bi-ku-un _sipa_-ia na-a-di 20. sza i-na ke-e-ni lib-bi-ku-un tu-ta-a-su 21. a-ga-a s,i-i-ra tu-up-pi-ra-su a-na _man_-ut 22. _kur_ {d}en-lil2 _gal_-es tu-kin2-na-su 23. a-sa-re-du-ta s,i-ru-ta qar-du-ta 24. ta-qi-sza-szu szi-ma-at _en_-ti-szu 25. a-na kisz-szu-te u3 _numun sanga_-ti-su 26. a-na man-za-az e2-hur-sag-kur-kur-ra 27. a-na da-risz tasz-qu-ra single ruling 28. {disz}{gesz}tukul-ti-ibila-e2-szar2-ra _lugal_ dan-nu 29. _lugal kis_ la-a sza2-na-an _lugal_ kib-rat 4(asz)-i 30. _lugal du3_ mal-ki-_mesz en en-mesz utul man man-mesz_ 31. i-szip-pu na-a'-du sza2 i-na si-qir {d}utu 32. _{gesz}gidri ku3_-tu na-ad-na-ta-szu-ma _ug3-mesz_ 33. ba-'u2-lat {d}en-lil2 ul-tasz-pi-ru 34. gi-mir-ta _sipa_-iu ke-e-nu sza si-qir-szu 35. _ugu_ ma-li-ki-_mesz_ ne2-bu-u2 36. sza3-tam-mu s,i-ru sza {d}a-szur {gesz}tukul-mesz_-szu 37. u2-sza2-hi-lu-ma a-na mu-'u2-ru-ut kib-rat 4(asz)-i 38. _mu_-szu a-na da-risz isz-qu-ru s,a-bit 39. pu-lu-gi ne2-su-te sza _za3-za3_ 40. e-lisz u3 szap-lisz u4-mu ne2-par5-du-u2 41. sza me-lam-mu-su _ub-mesz_ u2-sah-ha-pu 42. nab-lu szur-ru-hu sza2 ki-ma ti-ik 43. ri-ih-s,i a-na _kur_ nu-kur2-te suz-nu-nu-ma 44. i-na si-qir {d}en-lil2 ma-hi-ra la-a i-szu-u2 45. u2-szam-qi-tu gi-ir {d}a-szur single ruling 46. {d}a-szur _dingir-mesz gal-mesz_ mu-szer3-bu-u2 _lugal_-ti-ia 47. sza kisz-szu-ta u3 da-na-na a-na isz-qi-ia 48. isz-ru-ku-ni mi-s,ir _kur_-ti-szu-nu 49. ru-up-pu-sa iq-bu-ni _{gesz}tukul-mesz_-szu-nu 50. dan-nu-ti a-bu-ub tam-ha-ri 51. qa-ti lu-szat-me-hu _kur-kur-mesz kur-mesz_ 52. ma-ha-zi u3 mal-ki-_mesz kur-mesz_-ut {d}a-sur 53. a-pel2-ma mi-is,-ri-te-szu-nu 54. u2-ke-ni-isz it-ti 1(disz) su-szi _lugal-mesz_-ni 55. su-ut _{tug2}sagszu_ al-ta-na-an-ma 56. li-i-ta szit-nun-ta _ugu_-szu-nu 57. al-ta-ka-an _gaba-ri_-a i-na _muru2_ 58. u3 sza-ni-na i-na _me3_ la-a i-sza-a-ku 59. _ugu kur_ {d}a-szur ma-a-ta _ugu ug3-mesz_-sza 60. _ug3-mesz_ lu-rad-di mi-s,ir _kur_-ti-ia 61. u2-re-pis-ma gi-mir _kur-kur_-szu-nu a-pel2 single ruling 62. i-na szur-ru _lugal_-ti-ia _2(u2) lim lu2-mesz_ 63. _kur_ musz-ka-a-ia-_mesz_ u3 _5(disz) lugal-mesz_-ni-szu-nu 64. sza _5(u2) mu-mesz kur_ al-zi 65. u3 _kur_ pu-ru-lum-u2 na-a-asz2 _gun_ 66. u3 ma-da-at-te sza {d}a-szur _en_-ia is,-ba-tu-ni 67. _lugal_ ia-um-ma i-na tam-ha-ri _gaba_-su-nu 68. la-a u2-ne2-hu a-na da-na-ni-szu-nu 69. it-ka-lu-ma ur-du-ni _kur_ kat-mu-hi 70. is,-ba-tu i-na _{gesz}tukul_-ti {d}a-szur _en_-ia 71. _{gesz}gigir-mesz_ u3 qu-ra-di-ia-_mesz_ lul-te-szir3 72. _egir_-a ul u2-qi _kur_ ka-szi-ia-ra 73. _a-sza3_ nam-ra-s,i lu-u2 ab-bal-kit 74. it-ti _2(u) lim erin2-mesz_ muq-tab-li-szu-nu 75. u3 _5(disz) lugal-mesz_-szu-nu i-na _kur_ kat-mu-hi 76. lu al-ta-na-an a-bi-ik-ta-szu-nu 77. lu asz2-kun szal-ma-at qu-ra-di-szu-nu 78. i-na mit-hu-us, tu-sza-ri ki-ma ra-hi-s,i 79. lu-ke-mir _usz2-mesz_-szu-nu hur-ri 80. u3 ba-ma-a-te sza _kur_-i lu u2-szer3-di 81. _sag-du-mesz_-szu-nu lu-na-ki-sa i-da-at 82. _iri-mesz_-szu-nu ki-ma ka-re-e lu-sze-pi-ik 83. szal-la-su-nu bu-sza-szu-nu nam-kur-szu-nu 84. a-na la-a mi-na u2-sze-s,a-a _6(disz) lim_ 85. si-te-et um-ma-na-te-szu-nu sza i-na pa-an 86. _{gesz}tukul-mesz_-ia ip-par2-szi-du _giri3-mesz_-ia 87. is,-ba-tu al-qa-szu-nu-ti-ma 88. a-na _ug3-mesz kur_-ti-ia am-nu-szu-nu-ti single ruling 89. i-na u4-mi-szu-ma a-na _kur_ kat-mu-hi la ma-gi-ri 90. sza _gun_ u3 ma-da-ta a-na {d}a-szur _en_-ia 91. ik-lu-u2 lu al-lik _kur_ kat-mu-hi 92. a-na si-hir2-ti-sza ak-szud 93. szal-la-su-nu bu-sa-szu-nu nam-kur-szu-nu 94. u2-sze-s,a-a _iri-mesz_-szu-nu i-na _izi-mesz_ column 2 1. asz2-ru-up ap-pul2 aq-qur si-te-et 2. _kur_ kat-mu-hi sza i-na pa-an _{gesz}tukul-mesz_-ia 3. ip-par2-szi-du a-na _iri_ sze-re-sze 4. sza _giri3_ am-ma-te sza {i7}idigna 5. lu e-be-ru _iri_ a-na dan-nu-ti-szu-nu 6. lu isz-ku-nu _{gesz}gigir-mesz_ u3 qu-ra-di-ia-_mesz_ 7. lu al-qe2 _kur_-a mar-s,a u3 gir-re-te-szu-nu 8. pa-asz2-qa-a-te i-na aq-qul2-lat _uruda-mesz_ 9. lu ah-si hu-u2-la a-na me-te-eq 10. _{gesz}gigir-mesz_-ia u3 um-ma-na-te-ia lu-t,i-ib 11. {i7}idigna lu e-bir _iri_ sze-re-sze 12. _iri_ dan-nu-ti-szu-nu ak-szud 13. _erin2-mesz_ muq-tab-li-szu-nu i-na qe2-reb tam-ha-ri 14. ki-ma szer3-ma-szi lu-me-s,i 15. _usz2-mesz_-szu-nu hur-ri u3 ba-ma-a-te sza _kur_-i 16. lu-szer3-di i-na u4-mi-szu-ma um-ma-na-at 17. _kur_ pap-he-e sza a-na szu-zu-ub 18. u3 ne2-ra-ru-ut-te sza _kur_ kat-mu-hi 19. il-li-ku-u2-ni it-ti um-ma-na-at 20. _kur_ kat-mu-hi-ma ki-ma szu-u2-be usz-na-il 21. pa-gar muq-tab-li-szu-nu a-na gu-ru-na-a-te 22. i-na gi-sal-lat _kur_-i lu-qe2-ri-in 23. szal-ma-at qu-ra-di-szu-nu _i7_ na-a-me 24. a-na {i7}idigna lu u2-sze-s,i 25. {disz}ki-li-{d}te-szub _dumu_ ka-li-{d}te-szub 26. sza {disz}er-ru-pi i-sa-si-u2-szu-ni 27. _lugal_-szu-nu i-na qe2-reb tam-ha-ri qa-ti 28. ik-szud _dam-mesz_-szu _dumu-mesz_ 29. nab-ni-it lib3-bi-szu el-la-su 3(disz) su-si 30. ruq-qi _uruda-mesz_ 5(disz) nar3-ma-ak _zabar_ 31. it-ti _dingir-mesz_-szu-nu _ku3-sig17 ku3-babbar-mesz_ 32. u3 du-muq nam-kur-ri-szu-nu asz2-sza-a 33. szal-la-su-nu u2-sze-s,a-a 34. _iri_ su-a-tu u3 _e2-gal_-szu i-na _izi-mesz_ 35. asz2-ru-up ap-pul2 aq-qur single ruling 36. _iri_ ur-ra-t,i2-na-as _iri_ dan-nu-ti-szu-nu 37. sza i-na _kur_ pa-na-ri na-du-u2 38. pu-ul-hu a-di-ru me-lam {d}a-szur _en_-ia 39. isz-hup2-szu-nu-ti-ma a-na su-zu-ub 40. nap-sza-te-szu-nu _dingir-mesz_-szu-nu bu-sza-szu-nu isz-szu-u2 41. a-na gi-sal-lat _kur_-i sza-qu-ti 42. ki-ma _muszen_ ip-par2-szu _{gesz}gigir-mesz_ 43. u3 um-ma-na-te-ia-_mesz_ lu al-qe2 {i7}idigna lu e-bir 44. {disz}sza-di-{d}te-szub _dumu_ ha-at-tu-hi _lugal_ 45. sza _iri_ ur-ra-t,i2-na-asz2 46. i-na _kur_-szu-ma _giri3-mesz_-ia is,-bat 47. _dumu-mesz_ nab-ni-it lib3-bi-szu u3 kim-ti-su 48. a-na li-t,u2-ut-te as,-bat 49. 1(disz) szu-szi ruq-qi _uruda-mesz_ nam-har _zabar_ 50. u3 nar3-ma-ak _zabar gal-mesz_-te 51. it-ti 2(disz) szu-szi a-mi-lu-te-_mesz gu4-mesz_ 52. s,e-ni _gun_ u3 ma-da-at-ta 53. isz-sza-a am-hur-szu e-t,i2-ir-szu 54. na-pisz-ta-szu ag-mil ni-ir _en_-ti-ia 55. _dugud ugu_-szu a-na s,a-at _u4-mesz_ u2-kin2 56. _kur_ kat-mu-hi _dagal_-ta a-na si-hir-ti-sza 57. ak-szud a-na _giri3-mesz_-ia u2-sze-ek-ni-isz 58. i-na u4-mi-szu-ma 1(disz) nam-har _zabar_ 1(disz) nar3-ma-ak 59. _zabar_ sza ki-szit-ti u3 ma-da-at-ti 60. sza _kur_ kat-mu-hi a-na {d}a-szur _en_-ia a-qisz 61. 1(disz) szu-szi ruq-qi _uruda-mesz_ it-ti _dingir-mesz_-szu-nu 62. a-na {d}iszkur _aga3_-ia asz2-ruk single ruling 63. i-na szu-mur _{gesz}tukul-mesz_-ia ez-zu-te sza {d}a-szur _en_ 64. da-na-na u3 me-tel-lu-ta isz-ru-ka 65. i-na _3(u2) {gesz}gigir-mesz_-ia a-li-kat3 i-di 66. ga-mar-ri-ia er-hu-te qu-ra-di-ia-_mesz_ 67. sza mit-hu-us, dab2-de-e li-tam-du 68. lu al-qe2 a-na _kur_ isz-disz szap-s,u2-te 69. la-a ma-gi-ri lu al-lik _kur-mesz_ 70. dan-nu-ti _a-sza3_ nam-ra-s,i 71. _du10-ga_ i-na _{gesz}gigir-mesz_-ia u3 mar-s,a i-na _giri3-mesz_-ia 72. lu e-te-tiq i-na _kur_ a-ru-ma 73. _a-sza3_ pa-asz2-qi sza a-na me-teq _{gesz}gigir-mesz_-ia 74. la na-t,u2-u2 _{gesz}gigir-mesz_ lu e-zib 75. pa-an qu-ra-di-ia as,-bat 76. ki-ma szib-be er-he-ku-ma i-na gi-sal-lat _kur_-i 77. pa-asz2-qa-a-te szal-t,i2-is e-te-ti-iq 78. _kur_ isz-disz ki-ma _du6_ a-bu-be asz2-hu-up 79. _erin2-mesz_ muq-tab-li-szu-nu i-na qe2-reb tam-ha-ri 80. ki-ma szu-be usz-na-il szal-la-su-nu 81. bu-sza-a-szu-nu nam-kur-szu-nu asz2-lul 82. nap-har _iri_-szu-nu i-na _izi-mesz_ aq-mu 83. li-i-t,i2-_mesz gun_ u3 ma-da-ta 84. _ugu_-szu-nu u2-kin2 single ruling 85. {disz}{gesz}tukul-ti-ibila-e2-szar2-ra et,-lu qar-du 86. mu-pe-ti du-rug _kur-mesz_-ni 87. mu-szek2-nisz la-a ma-gi-ri sa-pi-nu 88. gi-mir al-t,u2-ti single ruling 89. _kur_ szu-ba-ri-i szap-s,u2-te la-a ma-gi-ri 90. ak-szud _kur_ al-zi 91. u3 _kur_ pu-ru-lum-zi sza _gun_-su-nu 92. u3 ma-da-ta-szu-nu u2-szam3-si-ku-ni 93. ni-ir _en_-ti-ia _dugud ugu_-szu-nu 94. u2-kin2 _mu_-szam3-ma _gun_ u3 ma-da-ta 95. a-na _iri_-ia {d}a-szur a-na mah-ri-ia 96. li-tar-ru-u2-ni ki-ma sza i-na qar-du-ti-ia-ma 97. sza {d}a-szur _en {gesz}tukul_ dan-na mu-szek2-nisz 98. la-a ma-gi-ri qa-ti u2-szat-me-hu-ma 99. mi-s,ir _kur_-ti-szu a-na ru-pu-szi 100. iq-ba-a _4(disz) lim kur_ kas-ka-ia-_mesz_ 101. _kur_ u2-ru-ma-ia-_mesz erin2-mesz kur_ ha-at-te-e 102. la-a ma-gi-ri sza i-na da-na-ni-szu-nu column 3 1. _iri-mesz_-ni sza _kur_ su-bar-te da-gil 2. pa-an {d}a-szur _en_-ia is,-ba-tu a-la-ki a-na _kur_ su-bar-te lu isz-mu-u2 me-lam qar-du-ti-ia u2-se-hi-ip-szu-nu-ti-ma _me3_ e-du-ru _giri3-mesz_-ia is,-ba-tu 3. a-di nam-kur-ri-szu-nu u3 2(disz) szu-szi 4. _{gesz}gigir-mesz_ s,i-mit-ti ni-ri-szu-nu 5. al-qa-szu-nu-ti-ma a-na _ug3-mesz_ 6. _kur_-ti-ia am-nu-szu-nu-ti single ruling 7. i-na szit-mur qar-du-ti-ia 2(disz)-te-ia 8. a-na _kur_ kat-mu-hi lu-u2 al-lik nap-har 9. _iri-mesz_-szu-nu ak-szud szal-la-su-nu 10. bu-sza-szu-nu nam-kur-szu-nu a-na la-a mi-na asz2-lul 11. _iri-mesz_-szu-nu i-na _izi-mesz_ asz2-ru-up 12. ap-pul2 aq-qur si-te-et 13. um-ma-na-te-szu-nu sza i-na pa-an _{gesz}tukul-mesz_-ia 14. ez-zu-te ip-la-hu-ma ti-ib _me3_-ia 15. dan-na e-du-ru a-na szu-zu-ub 16. nap-sza2-te-szu-nu gab-'a-a-ni dan-nu-te 17. sza _kur_-e _a-sza3_ mar-s,a lu-u2 is,-ba-tu 18. a-na szik-kat3 hur-sza-ni sza-qu-ti 19. u3 gi-sal-lat _kur_-i pa-asz2-qa-a-te 20. sza a-na ki-bi-is _lu2_ la-a na-t,u2-u2 21. _egir_-szu-nu lu e-li _{gesz}tukul muru2_ 22. u3 _me3_ it-ti-ia lu-u2 e-pu-szu 23. a-bi-ik-ta-szu-nu lu-u2 asz2-kun szal-ma-at 24. qu-ra-di-szu-nu i-na gi-sal-lat _kur_-i 25. ki-ma ra-hi-s,i lu-ke-mir _usz2-mesz_-szu-nu 26. hur-ri u3 ba-ma-a-te sza _kur_-i 27. lu-szer3-di szal-la-su-nu bu-sza-a-szu-nu 28. nam-kur-szu-nu it-ti gab-'a-a-ni 29. sza _kur_-e dan-nu-te lu-sze-ri-da 30. _kur_ kat-mu-hi a-na pat, gim-ri-sza a-pel2-ma 31. a-na mi-s,ir _kur_-ti-ia u2-te-er single ruling 32. {disz}{gesz}tukul-ti-ibila-e2-szar2-ra _lugal_ dan-nu 33. szu-usz-kat la-a ma-gi-ri sa-pi-nu 34. qa-bal tar-gi4-gi4 single ruling 35. i-na e-mu-qi s,i-ra-te sza {d}a-szur _en_-ia 36. a-na _kur_ ha-ri-a u3 um-ma-na-at-_mesz_ 37. _kur_ pap-he-e-_mesz dagal_-ti hur-sza-ni 38. sza-qu-ti sza2 a-szar-szu-nu _lugal_ ia-um-ma 39. la i-ba-'a {d}a-szur _en_ a-na a-la-ki 40. iq-ba-a _{gesz}gigir-mesz_ u3 um-ma-na-te-ia 41. lul-te-szir3 bir-ti _kur_ et-ni 42. u3 _kur_ a-ia _a-sza3_ nam-ra-s,i lu as,-bat 43. _kur-mesz_ sza-qu-ti sza ki-ma zi-qip _gir2_ 44. szam-t,u2 sza a-na me-ti-iq _{gesz}gigir-mesz_-ia 45. la-a na-t,u2-u2 _{gesz}gigir-mesz_ i-na la-ba-ni 46. lu-u2 e-mi-id _kur-mesz_ pa-asz2-qu-te 47. lu e-te-ti-iq kul2-lat _kur_ pap-he-e-_mesz_ 48. um-ma-na-te-szu-nu _dagal-mesz_-te lul-tak2-s,i-ru-ma 49. a-na e-pesz _{gesz}tukul-mesz muru2_ u3 _me3_ 50. i-na _kur_ a-zu da-ap-ni-isz lu iz-zi-zu-ni-ma 51. i-na _kur_-e _a-sza3_ nam-ra-s,i it-te-szu-nu 52. am-da-hi-is, dab2-da-szu-nu asz2-kun 53. szal-ma-at qu-ra-di-szu-nu i-na ba-ma-at _kur_-i 54. a-na gu-ru-na-a-te lu-qe2-ri-in 55. _usz2-mesz_ qu-ra-di-szu-nu hur-ri u3 ba-ma-a-te 56. sza _kur_-i lu-szer3-di a-na _iri-mesz_-ni 57. sza i-na gi-sal-lat _kur_-i sza-ak-nu szam-risz 58. lu-u2 as-ni-iq 2(u2) 5(disz) _iri-mesz_-ni sza _kur_ ha-ri-a 59. sza i-na _giri3 kur_ a-ia _kur_ szu-i-ra _kur_ et-ni 60. _kur_ se-ez-zu _kur_ sze-el-gu _kur_ ar-za-ni-bi-u2 61. _kur_ u2-ru-szu u3 _kur_ a-ni-it-ku 62. s,a-al-'u2-ni ak-szud szal-la-su-nu 63. bu-sa-szu-nu nam-kur-szu-nu asz2-lul 64. _iri-mesz_-szu-nu i-na _izi-mesz_ asz2-ru-up 65. ap-pul2 aq-qur single ruling 66. _kur_ a-da-usz ti-ib ta-ba-zi-ia dan-na 67. lu-u2 e-du-ru-ma a-szar-szu-nu lu u2-masz-sze-ru 68. a-na gi-sal-lat _kur_-i sza-qu-ti 69. ki-ma _muszen_ ip-par2-szu me-lam {d}a-szur _en_-ia 70. is-hup2-szu-nu-ti-ma 71. ur-du-ni _giri3-mesz_-ia is,-ba-tu 72. _gun_ u3 ma-da-ta _ugu_-szu-nu u2-kin2 single ruling 73. _kur_ sa-ra-usz _kur_ am-ma-usz 74. sza2 isz-tu u4-um s,a-a-te ka-na-sza 75. la-a i-du-u2 ki-ma _du6_ a-bu-be 76. asz2-hu-up it-ti um-ma-na-te-szu-nu _dagal-mesz_-te 77. i-na _kur_ a-ru-ma al-ta-na-an-ma 78. dab2-da-szu-nu asz2-kun szal-ma-at 79. muq-tab-li-szu-nu i-na gi-sal-lat _kur_-i ki-ma ser-ma-sze 80. lu u2-me2-s,i _iri-mesz_-szu-nu ak-szud 81. _dingir-mesz_-szu-nu asz2-sza-a szal-la-su-nu 82. bu-sa-szu-nu nam-kur-szu-nu u2-sze-s,a-a 83. _iri-mesz_-szu-nu i-na _izi-mesz_ asz2-ru-up 84. ap-pul2 aq-qur a-na _du6_ u3 kar-me 85. u2-ter ni-ir _en_-ti-ia _dugud_ 86. _ugu_-szu-nu u2-kin2 pa-an {d}a-szur _en_-ia 87. u2-szad-gil-szu-nu-ti single ruling 88. _kur_ i-su-a _kur_ da-ri-a szap-s,u-te 89. la-a ma-gi-ri ak-szud _gun_ 90. u3 ma-da-ta _ugu_-szu-nu u2-kin2 91. pa-an {d}a-szur _en_-ia u2-szad-gil-szu-nu-ti single ruling 92. i-na a-sza-re-du-ti-ia-ma sza _kur2-mesz_-ia 93. ak-szu-du _{gesz}gigir-mesz_ u3 um-ma-na-te-ia-_mesz_ 94. lu al-qe _i7_ za-ban szu-pa-la-a 95. lu e-bir _kur_ mu-rat-tasz _kur_ sa-ra-da-usz 96. sza qe2-reb _kur_ a-sa-ni-u2 u3 _kur_ a-t,u2-ma 97. _a-sza3_ nam-ra-s,i ak-szud 98. um-ma-na-te-szu-nu ki-ma ze-er-qe 99. u2-ne2-ki-is _iri_ mu-rat-tasz 100. _iri_ dan-nu-ti-szu-nu a-di _szanabi_-ti u4-me 101. sza {d}utu na-pa-hi ak-szud 102. _dingir-mesz_-szu-nu bu-sa-szu-nu nam-kur-szu-nu 103. 2(disz) szu-szi ruq-qi _uruda-mesz_ column 4 1. _3(u) gun uruda-mesz_ sza-bar-ta bu-sze ta-tur 2. _e2-gal_-li3-szu-nu u3 szal-la-su-nu 3. u2-sze-s,a-a _iri_ su-a-tu i-na _izi-mesz_ 4. asz2-ru-up ap-pul2 aq-qur 5. i-na u4-mi-szu-ma _uruda-mesz_ sza-a-tu 6. a-na {d}iszkur ra-'i-mi-ia a-qis single ruling 7. i-na e-mu-qi s,i-ra-te sza {d}a-szur _en_-ia 8. a-na _kur_ su-gi sza _kur_ hab-hi la-a ka-ni-szu-ut 9. {d}a-szur _en_-ia lu al-lik it-ti _6(disz) lim_ 10. um-ma-na-te-szu-nu _kur_ hi-me _kur_ lu-hi 11. _kur_ ar-ri-ir-gi _kur_ a-la-mu-un 12. _kur_ nim-ni u3 kul2-lat _kur_ pap-he-e 13. _dagal-mesz_-ti i-na _kur_ hi-ri-hi 14. _a-sza3_ nam-ra-s,i sza ki-ma u2-qip _gir2_ 15. szam-t,u it-ti kul2-lat _kur-kur_-szu-nu 16. i-na _giri3-mesz_-ia lu-u2 am-da-hi-is, 17. a-bi-ik-ta-szu-nu lu asz2-kun 18. _erin2-mesz_ muq-tab-li-szu-nu i-na gi-sal-lat _kur_-i 19. a-na gu-ru-na-a-te lu-qe2-ri-in 20. _usz2-mesz_-szu-nu _kur_ hi-ri-ha 21. ki-ma na-ba-si lu as,-ru-up 22. _kur_ su-gi a-na si-hir2-ti-sza ak-szud 23. _2(u) 5(disz) dingir-mesz_-szu-nu szal-la-su-nu 24. bu-sa-szu-nu nam-kur-szu-nu u2-sze-s,a-a 25. nap-bar _iri-mesz_-szu-nu i-na _izi-mesz_ 26. asz2-ru-up ap-pul2 aq-qur 27. si-te-et um-ma-na-te-szu-nu _giri3-mesz_-ia 28. is,-ba-tu a-re-em-szu-nu-ti 29. _gun_ u3 ma-da-ta _ugu_-szu-nu 30. u2-kin it-ti da-gil pa-an 31. {d}a-szur _en_-ia am-nu-szu-nu-ti single ruling 32. i-na u4-mi-szu-ma _2(u) 5(disz) dingir-mesz_-ni sza _kur-kur-mesz_ 33. szi-na-ti-na ki-szit-ti qa-ti-ia 34. sza al-qa-a a-na u2-tu-'u-ut _e2_ {d}nin-lil2 35. hi-ir-te _gal_-le na-mad-di {d}a-szur _en_-ia 36. {d}a-nim {d}iszkur {d}inanna asz2-szu-ri-te 37. _e2-kur-mesz_-at _iri_-ia {d}a-sur 38. u3 _{d}inanna-mesz kur_-ti-ia 39. lu-u2 asz2-ru-uk single ruling 40. {disz}{gesz}tukul-ti-ibila-e2-szar2-ra _man_ dan-nu 41. ka-szid kib-rat _kur2-mesz_ sza-ni-nu 42. gi-mir _du3 man-mesz_ single ruling 43. i-na u4-mi-szu i-na e-mu-qi s,i-ra-te 44. sza {d}a-szur _en_-ia i-na an-ni ke-e-ni 45. sza {d}utu qu-ra-di i-na _{gesz}tukul_-ti 46. sza2 _dingir-mesz gal-mesz_ sza i-na kib-rat 4(asz)-i 47. mi-sze-risz ul-tal-li-t,u-ma mu-ne2-ha 48. i-na _muru2_ u3 sza-ni-na i-na _me3_ la-a i-szu-u2 49. a-na _kur-kur_ na-i-ri _man-mesz_-ni ne2-su-te 50. sza a-ah _a-ab-ba_ e-le-ni-ti sza sza-la-mu {d}szam-szi 51. sza2 ka-na-sza la-a i-du-u2 52. {d}a-szur _en_ u2-ma-'i-ra-ni-ma al-lik 53. t,u-ud-di mar-s,u2-ti u3 ne2-re-be-ti 54. szup-szu-qa-a-te sza i-na mah-ra 55. _lugal_ ia-um-ma lib3-ba-szu-nu la-a i-du-u2 56. ar-bi ed-lu-te du-ur-gi 57. la-a pe-tu-te u2-sze-ti-iq 58. _kur_ e-la-ma _kur_ a-ma-da-na _kur_ el-hi-isz 59. _kur_ sze-ra-be-li _kur_ tar-hu-na 60. _kur_ ter-ka-hu-li _kur_ ki-is,-ra 61. _kur_ tar-ha-na-be _kur_ e-lu-la 62. _kur_ ha-asz2-ta-ra-e _kur_ sza-hi-sza-ra 63. _kur_ u2-be-ra _kur_ mi-li-ad-ru-ni 64. _kur_ szu-li-an-zi _kur_ nu-ba-na-a-sze 65. u3 _kur_ sze-e-sze _1(u) 6(disz) kur-mesz_-ni dan-nu-te 66. _a-sza3 du10-ga_ i-na _{gesz}gigir-mesz_-ia u3 mar-s,a 67. i-na aq-qul2-lat _uruda-mesz_ lu ah-si 68. u2-ru-mi _gesz-mesz kur_-i lu ak-ki-is 69. ti-tur-ra-a-te-_mesz_ a-na me-ti-iq _{gesz}gigir-mesz_-ia u3 70. um-ma-na-te-ia lu u2-t,i2-ib 71. _i7_ pu-rat-ta lu-u2 e-bir _lugal kur_ tum4-me 72. _lugal kur_ tu-nu-be _lugal kur_ tu-a-li 73. _lugal kur_ dar-da-ri _lugal kur_ u2-zu-la 74. _lugal kur_ un-za-mu-ni _lugal kur_ an-di-a-bi 75. _lugal kur_ pi-la-dar-ni _lugal kur_ a-dur-gi-ni 76. _lugal kur_ ku-li-bar-zi-ni _lugal kur_ szi-ni-bir-ni 77. _lugal kur_ hi-mu-a _lugal kur_ pa-i-te-ri 78. _lugal kur_ u2-i-ra-am _lugal kur_ szu-ru-ri-a 79. _lugal kur_ a-ba-e-ni _lugal kur_ a-da-e-ni 80. _lugal kur_ ki-ri-ni _lugal kur_ al-ba-ia 81. _lugal kur_ u2-gi-na _lugal kur_ na-za-bi-a 82. _lugal kur_ a-bar-si-u2-ni _lugal kur_ da-ie-e-ni 83. _pap 2(u) 3(disz) lugal-mesz_-nu _kur-kur_ na-i-ri 84. i-na qe2-reb _kur-kur_-szu-nu-ma _{gesz}gigir-mesz_-szu-nu 85. u3 um-ma-na-te-szu-nu ul-tak2-s,i-ru-ma 86. a-na e-pesz _{gesz}tukul muru2_ u3 _me3_ 87. lu it-bu-ni i-na szu-mur _{gesz}tukul-mesz_-ia 88. ez-zu-te as-ni-qa-szu-nu-ti 89. sza-gal-ti um-ma-na-te-szu-nu _dagal_-mesz_ 90. ki-ma ri-hi-il-ti {d}iszkur 91. lu asz2-kun szal-ma-at qu-ra-di-szu-nu 92. i-na s,e-ri ba-ma-at _kur_-i u3 i-da-at 93. _iri-mesz_-szu-nu ki-ma ser-ma-sze 94. lu-me-s,i 2(disz) szu-szi _{gesz}gigir-mesz_-szu-nu 95. ha-lup-ta i-na qe2-reb tam-ha-ri 96. lu-te-me-eh 1(disz) szu-szi _lugal-mesz_-ni 97. _kur-kur_ na-i-ri a-di sza a-na 98. ne2-ra-ru-te-szu-nu il-li-ku-ni 99. i-na zi-qit2 mul-mul-li-ia a-di _a-ab-ba_ 100. e-le-ni-te lu ar-di-szu-nu-ti 101. ma-ha-zi-szu-nu _gal-mesz_ ak-szud column 5 1. szal-la-su-nu bu-sa-a-szu-nu nam-kur-szu-nu 2. u2-sze-s,a-a _iri-mesz_-szu-nu i-na _izi-mesz_ 3. asz2-ru-up ap-pul2 aq-qur 4. a-na _du6_ u3 kar-mi u2-ter 5. szu-gul2-lat _ansze-kur-ra-mesz dagal-mesz_ 6. pa-re-e a-ga-li u3 mar-szit 7. qer-be-te-szu-nu a-na la-a ma-ne2-e 8. u2-ter-ra nap-har _lugal-mesz_-ni 9. _kur-kur_ na-i-ri bal-t,u-szu-nu qa-ti 10. ik-szud a-na _lugal-mesz_-ni sza-a-tu-nu 11. re-e-ma ar-sza-szu-nu-ti-ma 12. na-pisz-ta-szu-nu e-t,i2-ir szal-lu-szu-nu 13. u3 ka-mu-szu-nu i-na ma-har {d}utu _en_-ia 14. ap-t,u2-ur ma-mi-it _dingir-mesz_-ia 15. _gal-mesz_ a-na ar-kat3 _ug3-mesz_ a-na u4-um 16. s,a-a-te a-na _ARAD_-ut-te u2-tam-mi-szu-nu-ti 17. _dumu-mesz_ nab-ni-it _lugal_-ti-szu-nu 18. a-na li-t,u-te as,-bat 19. _1(disz) lim 2(disz) me ansze-kur-ra-mesz 2(disz) lim gu4-mesz_ 20. ma-da-at-ta _ugu_-szu-nu u2-kin2 21. a-na _kur-kur_-mesz_-szu-nu u2-masz-sze-er-szu-nu-ti single ruling 22. {disz}se-e-ni _lugal kur_ da-ie-e-ni 23. sza a-na {d}a-szur _en_-ia la-a ka-an-szu 24. szal-lu-su u3 ka-mu-su a-na _iri_-ia 25. {d}a-szur ub-la-su re-e-ma 26. ar-sza-szu-ma isz-tu _iri_-ia {d}a-szur 27. da-lil _dingir-mesz gal-mesz_ 28. a-na da-la-a-li a-na na-pi-isz-ti 29. u2-masz-sze-er-szu _kur-kur_ na-i-ri 30. _dagal-mesz_-te a-na pat, gim-ri-szi-na a-pel2 31. u3 nap-har _lugal-mesz_-szu-nu 32. a-na _giri3-mesz_-ia u2-szek-nisz single ruling 33. i-na ta-lu-uk gir-ri-ma szu-a-tu 34. a-na _iri_ mi-li-di-a sza _kur_ ha-ni-gal-bat 35. szap-s,u2-te la-a ma-gi-ri al-lik 36. ti-ib _me3_-ia dan-na e-du-ru-ma 37. _giri3-mesz_-ia is,-ba-tu a-re-em-szu-nu-ti 38. _iri_ szu-a-tu ul ak-szud li-i-t,i2-szu-nu 39. as,-bat _1(disz) ansze_ kur-ba-ni sza a-ba-ri 40. ma-da-at-ta _mu_-szam3-ma 41. a-na la szu-par2-ke-e _ugu_-szu-nu u2-kin2 single ruling 42. {disz}{gesz}tukul-ti-ibila-e2-szar2-ra nab-lu ha-am-t,u2 43. szu-zu-zu a-bu-ub tam-ha-ri single ruling 44. i-na _{gesz}tukul_-ti {d}a-szur _en_-ia _{gesz}gigir-mesz_ 45. u3 qu-ra-di-ia-_mesz_ lu-u2 al-qe2 mu-ud-ba-ra 46. as-bat a-na _sza3_ ah-la-mi3-i 47. _kur_ ar-ma-ia-_mesz kur2-mesz_-ut {d}a-szur _en_-ia 48. lu-u2 al-lik is-tu tar-hi _kur_ su-hi 49. a-di _iri_ kar-ga-misz sza _kur_ ha-at-te 50. i-na 1(disz)-en u4-me ah-bu-ut 51. di-ik-ta-szu-nu a-duk szal-la-su-nu 52. bu-sa-a-szu-nu mar-si-szu-nu 53. a-na la-a mi-na u2-ter-ra 54. si-te-et um-ma-na-te-szu-nu 55. sza i-na pa-an _{gesz}tukul-mesz_ sza {d}a-szur _en_-ia 56. ip-par2-si-du _i7_ pu-rat-ta lu e-be-ru 57. ar-ki-szu-nu i-na _{gesz}ma2-mesz {kusz}du8-szi-a_ 58. _i7_ pu-rat-ta lu e-be-er 59. _6(disz) iri-mesz_-szu-nu sza _giri3 kur_ be2-esz-ri 60. ak-szud i-na _izi-mesz_ asz2-ru-up 61. ap-pul2 aq-qur szal-la-su-nu bu-sa-szu-nu 62. mar-szi-szu-nu a-na _iri_-ia {d}a-szur 63. ub-la single ruling 64. {disz}{gesz}tukul-ti-ibila-e2-szar2-ra ka-bi-is al-t,u-te 65. mu-szem-qit2 la ma-gi-ri mu-szar-bi-bu 66. ka-lisz mul-tar-hi single ruling 67. a-na ka-szad _kur_ mu-us,-ri {d}a-szur _en_ 68. u2-ma-'i-ra-ni-ma bir-ti _kur_ e-la-mu-ni 69. _kur_ ta-la u3 _kur_ ha-ru-sa lu as,-bat 70. _kur_ mu-us,-ri a-na si-hir-ti-sza ak-szud 71. qu-ra-di-szu-nu u2-szem-qit2 72. _iri-mesz_-szu-nu i-na _izi-mesz_ asz2-ru-up ap-pul2 73. aq-qur um-ma-na-at _kur_ qu-ma-ne2-e 74. a-na re-s,u2-ut _kur_ mu-us,-ri 75. lu il-li-ku-ni i-na _kur_-e it-te-szu-nu 76. lu am-da-hi-is, a-bi-ik-ta-szu-nu lu as-kun 77. a-na _1(disz)-en iri iri_ a-ri-ni sza _giri3 kur_ a-i-sa 78. lu-u2 e-si-ir-szu-nu-ti _giri3-mesz_-ia 79. is,-ba-tu _iri_ szu-a-tu e-t,i2-ir 80. li-i-t,i2-_mesz gun_ u3 ma-da-at-ta 81. _ugu_-szu-nu u2-kin2 single ruling 82. i-na u4-mi-szu-ma kul2-lat _kur_ qu-ma-ne2-e 83. sza a-na re-s,u2-ut _kur_ mu-us,-ri is-sa-ak-nu 84. nap-har _kur-kur-mesz_-szu-nu lu id-ku-li-ni 85. a-na e-pes _{gesz}tukul-mesz_ qab-li u3 _me_ 86. lu iz-zi-zu-ni i-na su-mur _{gesz}tukul-mesz_-ia 87. ez-zu-te it-ti _2(u) lim_ um-ma-na-te-szu-nu 88. dagal_-mesz_ i-na _kur_ ta-la lu am-da-hi-is,-ma 89. a-bi-ik-ta-szu-nu lu asz2-kun 90. ki-s,ir-szu-nu gap-sza lu-pe-ri-ir 91. a-di _kur_ ha-ru-sa sza2 pa-an _kur_ mu-us,-ri 92. ab-ku-szu-nu lu ar-du-ud szal-ma-at 93. qu-ra-di-szu-nu i-na gi-sal-lat _kur_-i 94. ki-ma szu-u2-be usz-na-il 95. _usz2-mesz_-szu-nu hur-ri u3 ba-ma-a-te sza _kur_-i 96. lu-szer3-di ma-ha-zi-szu-nu _gal-mesz_ 97. ak-szud i-na _izi-mesz_ asz2-ru-up 98. ap-pul2 aq-qur a-na _du6_ u3 kar-me u2-ter single ruling 99. _iri_ hu-nu-sa _iri_ dan-nu-ti-szu-nu 100. ki-ma _du6_ a-bu-be asz2-hu-up column 6 1. it-ti um-ma-na-te-szu-nu gap-sza-a-te 2. i-na _iri_ u3 _kur_-e szam-risz lu-u2 am-da-hi-is, 3. a-bi-ik-ta-szu-nu lu asz2-kun 4. _erin2-mesz_ muq-tab-li-szu-nu i-na qe2-reb hur-sza-a-ni 5. ki-ma su-u2-be lu us-na-il _sag-du_-mesz_-szu-nu 6. ki-ma ze-er-qe2 u2-ne2-ki-is 7. _usz2-mesz_-szu-nu hur-ri u3 ba-ma-a-te sza2 _kur_-i 8. lu-szer3-di _iri_ szu-a-tu ak-szud 9. _dingir-mesz_-szu-nu asz2-sza-a szal-la-su-nu bu-sa-szu-nu nam-kur-szu-nu 10. u2-sze-s,a-a _iri_ i-na _izi-mesz_ asz2-ru-up 11. _3(disz) bad3-mesz_-szu sza i-na a-gur2-ri 12. ra-as,2-bu u3 si-hir-ti _iri_-szu 13. ap-pul2 aq-qur a-na _du6_ u3 kar-me 14. u2-ter u3 NA4-mesz_ s,i-pa i-na muh-hi-su 15. az-ru _nim-gir2 zabar_ e-pu-usz 16. ki-szit-ti _kur-kur_-mesz_ sza i-na {d}a-szur _en_-ia 17. ak-szu-du _iri_ szu-a-tu a-na la-a s,a-ba-te 18. u3 _bad3_-szu la-a ra-s,a-pi i-na muh-hi 19. al-t,u-ur _e2_ sza a-gur2-ri i-na muh-hi-su 20. ar-s,ip _nim-gir2 zabar_ sza-tu-nu 21. i-na lib3-bi u2-sze-szi-ib single ruling 22. i-na _{gesz}tukul_-ti {d}a-szur _en_-ia _{gesz}gigir-mesz_ 23. u3 qu-ra-di-ia-_mesz_ lu al-qe2 _iri_ kip-szu-na 24. _iri lugal_-ti-szu-nu lu al-mi _lugal kur_ qu-ma-ne2-e 25. ti-ib _me3_-ia dan-na e-du-ur-ma 26. _giri3-mesz_-ia is,-bat _iri_ szu-a-tu e-t,i2-ir 27. _bad3_-szu _gal_-a u3 a-sa-ia-te-su 28. sza a-gur2-ri a-na na-pa-li aq-ba-szu-ma 29. isz-tu usz-sze-szu a-di gaba-dib-bi-szu 30. ip-pul2 a-na _du6_ u2-ter 31. u3 5(disz) szu-szi qi-in-na-a-te _en-mesz_ hi-i-t,i2 32. sza lib3-bi-su sza2 a-na {d}a-szur _en_-ia la-a ka-an-szu 33. is-su-ha am-hur-szu li-i-t,i2-_mesz_-szu 34. as,-bat _gun_ u3 ma-da-ta 35. _ugu_ sza pa-na ut-ter i-na muh-hi-szu 36. asz2-kun _kur_ qu-ma-ne2-e _dagal_-ta 37. a-na pat, gim-ri-sza ak-szud a-na _giri3-mesz_-ia 38. u2-szek2-nisz single ruling 39. _szu-nigin2 4(u) 2(disz) kur-kur-mesz_ u3 mal-ki-szi-na 40. isz-tu e-ber-ta-an _i7_ za-ban szu-pa-li-i 41. szi-id-di hur-sza-a-ni ne2-su-te 42. a-di e-ber-ta-an _i7_ pu-rat-te 43. _kur_ ha-at-te-e u3 _a-ab-ba_ e-le-ni-ti 44. sza sza-la-mu {d}szam-sze isz-tu ri-isz _lugal_-ti-ia 45. a-di _5(disz) bala_-ia qa-a-ti ik-szud 46. pa-a 1(disz)-en u2-sze-esz-kin-szu-nu-ti 47. li-t,i2-_mesz_-szu-nu as,-bat _gun_ 48. u3 ma-da-ta _ugu_-szu-nu u2-kin2 single ruling 49. e-zi-ib har-ra-na-at _kur-mesz_ ma-da-a-tu 50. sza a-na li-ta-te-ia la-a qe2-er-ba 51. _a-sza3 du10-ga_ i-na _{gesz}gigir-mesz_-ia u3 mar-s,a 52. i-na _giri3-mesz_-ia ar-ki-szu-nu 53. lu at-tal-lak _giri3-mesz kur-mesz_ 54. i-na _kur_-ti-ia lu-u2 ap-ru-us single ruling 55. {disz}{gesz}tukul-ti-ibila-e2-szar2-ra et,-lu qar-du 56. ta-me-eh _{gesz}ban_ la-a sza2-na-an 57. mu-gam-me-ru bu-'u-ur s,e-ri single ruling 58. {d}nin-urta u3 {d}igi-du _{gesz}tukul-mesz_-szu-nu 59. ez-zu-te u3 _{gesz}ban_-szu-nu s,ir-ta 60. a-na i-di _en_-ti-ia isz-ru-ku 61. i-na si-qir {d}nin-urta ra-'i-mi-ia 62. 4(disz) pu-hal _am-mesz_ dan-nu-te szu-tu-ru-te 63. i-na hu-rib-te i-na _kur_ mi-ta-ni 64. u3 i-na _iri_ a-ra-zi-qi sza2 pa-an 65. _kur_ ha-at-te i-na _{gesz}ban_-ia dan-na-te 66. szu-ku-ud _an-bar_ u3 mul-mul-li-ia 67. zaq-tu-te na-pisz-ta-szu-nu u2-szeq2-ti 68. _kusz-mesz_-szu-nu _si-mesz_-szu-nu 69. a-na _iri_-ia {d}a-szur ub-la single ruling 70. _1(u) am-si-mesz_ pu-ha-li dan-nu-ti 71. i-na _kur-kaskal_-ni u3 szi-di _i7_ ha-bur 72. lu a-duk _4(disz) am-si-mesz_ bal-t,u-te 73. lu-s,a-bi-ta _kusz-mesz_-szu-nu 74. _zu2-mesz_-szu-nu it-ti _am-si-mesz_-ma 75. bal-t,u-te a-na _iri_-ia {d}a-szur ub-la single ruling 76. i-na si-qir {d}nin-urta ra-'i-mi-ia 77. 2(disz) szu-szi _ur-mah-mesz_ i-na lib3-bi-ia ek-di 78. i-na qit-ru-ub mi-it-lu-ti-ia 79. i-na _giri3-mesz_-ia lu a-duk 80. u3 8(disz) me _ur-mah-mesz__ i-na _{gesz}gigir_-ia 81. i-na pat-tu-te u2-szem-qit2 82. bu-ul {d}szakkan2 gi-mir-ta u3 _muszen an_-e 83. mut-tap-ri-sza e-em ni-sik _gi-mesz_-ia 84. lu-u2 at-ta-di single ruling 85. isz-tu _kur-mesz_-ut {d}a-szur pat, gim-ri-szu-nu 86. a-pe-lu _e2_ {d}inanna asz2-szu-ri-te 87. _nin_-ia _e2_ {d}mar-tu _e2_ {d}en-libir-ra 88. _e2_ {d}1(u)-te _e2-hi-a-mesz dingir-mesz_-ni 89. an-hu-te sza2 _iri_-ia {d}a-szur e-pu-usz 90. u2-szek2-lil te-ru-bat _e2-hi-a-mesz_-szu-nu 91. asz2-kun _dingir-mesz gal-mesz en-mesz_-ia 92. a-na lib3-bi u2-sze-rib 93. lib-bi _dingir_-ti-szu-nu u2-t,i2-ib 94. _e2-gal_-mesz_-te szu-bat _lugal_-ti 95. sza2 ma-ha-za-ni _gal-mesz_-te 96. sza2 szi-di _kur_-ti-ia gab-be sza isz-tu 97. tar-s,i _ad-mesz_-ia i-na _mu-mesz_-te 98. dan-na-te um-da-szi-ra-ma e-na-ha-ma 99. i'-ab-ta _du3_-usz u2-szek2-lil 100. _bad3-mesz kur_-ti-ia an-szu-te 101. ak-sze-er _{gesz}apin-mesz_ i-na nap-bar _kur_ {d}a-szur 102. gab-be u2-szer3-ki-is u3 ta-ab-ka 103. sza _sze_-im-_mesz_ a-na sza _ad-mesz_-ia 104. lu u2-ter lu at-bu-uk 105. su-gul-lat _ansze-kur-ra-mesz gu4-mesz ansze-mesz_ column 7 1. sza i-na _{gesz}tukul-ti {d}a-szur _en_-ia 2. i-na _kur-kur-mesz_ sza a-pe-lu-si-na-ti 3. ki-szit-ti qa-ti-ia 4. sza2 al-qa-a ak-s,ur u3 su-gul-lat 5. na-a-li-_mesz_ dara4-masz-mesz_ ar-mi-_mesz_ 6. tu-ra-hi-_mesz_ sza {d}a-szur u3 {d}masz 7. _dingir-mesz aga3-mesz_-ia e-pesz bu-'u-ri 8. i-qi-szu-ni i-na qe2-reb hur-sza2-ni 9. sza-qu-ti u2-tam-me-hu 10. su-gul-la-te-szu-nu ak-s,ur 11. mi-nu-szu-nu ki-ma sza mar-szit 12. s,e-ni-_mesz_-ma lu-u2 am-nu 13. pu-ha-di e-lu-_mesz_ nab-ni-it 14. lib3-bi-szu-nu a-na bi-ib-lat lib3-bi-ia 15. it-ti _siskur-mesz_-ia _ku3-mesz_ 16. _mu_-szam3-ma a-na {d}a-szur _en_-ia lu at-ta-qi single ruling 17. _gesz_ e-re-na _gesz_ tas-ka-ri-na 18. _gesz_ al-la-ka-ni-isz i-na _kur-kur-mesz_ 19. sza a-pe-lu-szi-na-ti _gesz-mesz_ 20. sza-tu-nu sza2 i-na _lugal-mesz_-ni 21. _ad-mesz_-ia mah-ru-te ma-am-ma 22. la iz2-qu-pu al-qa-am-ma 23. i-na _{gesz}kiri6-mesz kur_-ti-ia 24. az-qu-up u3 _gurun {gesz}kiri6_ 25. aq-ra sza i-na _kur_-ti-ia la-asz2-szu 26. al-qa-a _{gesz}kiri6-mesz kur_ {d}a-szur 27. lu-u2 usz-me-li single ruling 28. _{gesz}gigir-mesz_ s,i-im-da-at ni-ri 29. a-na e-muq _kur_-ti-ia _ugu_ sza2 pa-na 30. lu u2-ter lu u2-szer3-ki-is 31. _ugu kur_ {d}a-szur ma-a-ta 32. _ugu ug3-mesz_-sza _ug3-mesz_ lu-rad-di 33. _uzu-mesz ug3-mesz_-ia u2-t,i2-ib 34. szub-ta ne2-eh-ta 35. u2-sze-szi-ib-szu-nu-ti single ruling 36. {disz}{gesz}tukul-ti-ibila-e2-szar2-ra _nun_ s,i-ru 37. sza {d}a-szur u3 {d}nin-urta a-na bi-ib-lat 38. lib3-bi-su it-tar-ru-szu-ma 39. ar-ki _kur2-mesz_-ut {d}a-szur 40. pat, gim-ri-szu-nu it-tal-la-ku-ma 41. u2-szek2-ni-szu gi-mir mul-tar-hi single ruling 42. _a_ {d}a-szur-sag-i-si _lugal_ dan-ni ka-szid 43. _kur-kur kur-mesz_ mu-szek2-ni-szu 44. gi-mir al-t,u2-ti single ruling 45. _a a_ sza2 {disz}mu-tak-kil-{d}nusku sza2 {d}a-szur _en gal_ 46. i-na u2-tu-ut ku-un lib3-bi-su 47. ih-szu-hu-szu-ma a-na _sipa_-ut 48. _kur_ {d}a-szur ki-ni-isz ib-bu-szu single ruling 49. _ibila_ ke-e-nu sza {disz}{d}a-szur-da-a-an 50. na-asz2 _{gesz}gidri ku3_-te mul-tasz-pi-ru 51. te-ne2-szet {d}en-lil2 sza ep-szet qa-ti-su 52. u3 na-dan zi-bi-su 53. _ugu dingir-mesz gal-mesz_ i-t,i2-bu-ma 54. se-bu-ta u3 la-be-ru-ta il-li-ku single ruling 55. lib3-lib3-bi sza {disz}{d}nin-urta-ibila-e2-kur 56. _lugal_ da-pi-ni na-mad {d}a-szur 57. sza nu-ba-lu-su ki-ma u2-ri-ni 58. _ugu kur_-ti-szu szu-par2-ru-ru-ma 59. um-ma-na-at _kur_ {d}a-szur ki-ni-isz ir-te-e-u2 single ruling 60. i-na u4-mi-szu-ma _e2_ {d}a-nim u3 {d}iszkur 61. _dingir-mesz gal-mesz en-mesz_-ia 62. sza i-na pa-na {disz}szam-szi-{d}iszkur _ensi_ {d}a-szur 63. _dumu_ isz-me-{d}da-gan _ensi_ {d}a-szur-ma 64. e-pu-szu _6(disz) me 4(u) 1(disz) mu-mesz_ 65. il-lik e-na-ah 66. {disz}{d}a-sur-da-a-an _lugal kur_ a-szur 67. _dumu_ {d}masz-ibila-e2-kur _lugal kur_ a-szur-ma 68. _e2_ sza-a-tu ip-pu-ul ul e-pu-usz 69. 1(disz) szu-szi _mu-mesz_-te usz-szu-szu 70. ul i-na-du-u2 single ruling 71. i-na szur-ru _lugal_-ti-ia {d}a-nu 72. u3 {d}iszkur _dingir-mesz gal-mesz en-mesz_-ia 73. _aga3_-mu _sanga_-ti-ia 74. e-pa-asz2 at-ma-ni-szu-nu 75. iq-bu-ni _sig4-mesz_ al-bi-in 76. qaq-qar-szu u2-me-si 77. dan-na-su ak-szud usz-sze-e-szu 78. i-na _ugu_ ki-sir _kur_-i dan-ni ad-di 79. asz2-ra sa-a-tu a-na si-hir-ti-su 80. i-na _sig4-mesz_ ki-ma ka-nu-ni asz2-pu-uk 81. 5(u) ti-ib-ki a-na szu-pa-li 82. u2-te2-bi i-na muh-hi-szu 83. usz-sze _e2_ {d}a-nim u3 {d}iszkur _dingir-mesz gal-mesz en-mesz_-ia 84. sza pu-li ad-di 85. isz-tu usz-sze-szu a-di gaba-dib-bi-su 86. e-pu-usz _ugu_ mah-re-e ut-ter 87. 2(disz) si-qur-ra-a-te _gal-mesz_-te 88. sza a-na si-mat _dingir_-ti-szu-nu _gal_-le 89. szu-lu-ka lu ab-ni 90. _e2 ku3_ at-ma-na qu-szu-da 91. su-bat hi-da-te-szu-nu 92. mu-szab ta-szi-il-ti-szu-nu 93. sza ki-ma _mul an_-e szu-pu-u2 94. u3 i-na szi-par2 _{lu2}szitim_-nu-ti 95. ma-a'-disz nu-su-qu 96. ak-pu-ud a-na-ah _du3_-usz 97. u2-szek2-lil qe2-reb-szu 98. ki-ma lib3-bi _an_-e u2-be-en-ni 99. i-ga-ra-te-szu ki-ma sza-ru-ur 100. si-it _mul-mesz_ u2-si-im 101. u2-szer3-rib na-me-re-e-szu 102. u3 si-qur-ra-te-su a-na _an_-e 103. u2-sze-qi-ma u3 gaba-dib-bi-szu 104. i-na a-gur2-ri u2-re-ki-is 105. e-lal-la-a 106. pa-ra-as, _dingir_-ti-szu-nu 107. _gal_-ti i-na qe2-reb-su 108. ad-di 109. {d}a-na u3 {d}iszkur _dingir-mesz gal-mesz en-mesz_-ia 110. a-na lib3-bi u2-sze-ri-ib 111. i-na szub-ti-szu-nu s,ir-ti 112. u2-sze-szi-ib-szu-nu-ti 113. lib3-bi _dingir_-ti-szu-nu _gal_-ti 114. u2-t,i2-ib single ruling column 8 1. _e2_ ha-am-ri sza {d}iszkur _en_-ia 2. sza {disz}szam-szi-{d}iszkur _ensi_ {d}a-szur 3. _dumu_ isz-me-{d}da-gan _ensi2_ {d}a-szur-ma 4. e-pu-szu e-na-ah-ma i'-a-bit 5. a-szar-szu u2-me-si isz-tu usz-sze-szu 6. a-di gaba-dib-bi-szu i-na a-gur2-ri 7. ar-s,i-ip _ugu_ mah-re-e 8. u2-si-im u2-szer3-szid 9. i-na lib3-bi-su _siskur_-mesz_-te _ku3-mesz_-te 10. a-na {d}iszkur _en_-ia lu at-ta-qi single ruling 11. i-na u4-mi-szu-ma _{na4}zu na4_ hal-ta 12. u3 _{na4}ka-gi-na_ i-na _kur-mesz_-ni 13. sza _kur-kur_ na-i-ri sza i-na _{gesz}tukul_-ti {d}a-szur _en_-ia 14. ak-szu-du lu-u2 asz2-sza-a 15. i-na _e2_ ha-am-ri sza {d}iszkur _en_-ia 16. a-na s,a-at u4-me u2-kin2 single ruling 17. ki-ma a-na-ku _e2 ku3_ at-ma-na s,i-i-ra 18. a-na mu-szab {d}a-nim u3 {d}iszkur _dingir-mesz gal-mesz_ 19. _en-mesz_-ia ak-pu-du-ma la a-par2-ku-u2 20. a-na e-pe-szi a-bi la-a ad-du-u2 21. ha-an-t,isz u2-szek2-li-lu-ma 22. lib3-bi _dingir_-ti-szu-nu _gal_-li 23. u2-t,i2-bu {d}a-nu u3 {d}iszkur 24. ki-ni-isz li-sah-ru-ni-ma 25. ni-isz qa-ti-ia li-ra-mu 26. te-me-eq ik-ri-be-ia lis-me-u2 27. zu-ni t,a-ah-du-te sza-na-at 28. nu-uh-sze u3 masz-re-e a-na _bala-mesz_-ia 29. lisz-ru-ku i-na _muru2_ u3 _me_ 30. szal-misz lit-tar-ru-u2-ni 31. nap-har _kur-kur kur2-mesz_-ia _kur-mesz_ 32. szap-s,u2-te u3 mal-ki-_mesz_ za-e-ri-ia 33. a-na _giri3-mesz_-ia lu-szek2-ni-szu 34. a-na ia-a-si u3 _numun sanga_-ti-ia 35. ki-rib-ta t,a-ab-ta lik-ru-bu-ni-ma 36. _sanga_-ti i-na ma-har {d}a-szur u3 _dingir_-ti-szu-nu 37. _gal_-ti a-na ah-rat _u4-mesz_ 38. ki-ma _kur_-i ki-nisz lu-szer3-szi-du single ruling 39. li-ta-at qur-di-ia ir-nin-tu 40. tam-har-ri-ia szuk-nu-usz _kur2-mesz_ 41. za-e-ru-ut {d}a-szur sza {d}a-nu u3 {d}iszkur 42. a-na szi-rik2-ti isz-ru-ku-u2-ni 43. i-na _{na4}na-ru2-a-mesz_-ia u3 tem-me-ni-ia 44. al-t,u2-ur i-na _e2_ {d}a-nim u3 {d}iszkur 45. _dingir-mesz gal-mesz en-mesz_-ia 46. a-na s,a-at _u4-mesz_ asz2-kun 47. u3 _{na4}na-ru2-a-mesz__ sza {disz}szam-szi-{d}iszkur 48. a-bi-ia _i3-mesz_ ap-szu-usz _udu-siskur_ 49. aq-qi a-na asz2-ri-szu-nu u2-ter single ruling 50. a-na ar-kat3 _u4-mesz_ a-na u4-um s,a-a-te 51. a-na ma-te-ma _nun egir_-u2 52. e-nu-ma _e2_ {d}a-nim u3 {d}iszkur _dingir-mesz_ 53. _gal-mesz en-mesz_-ia u3 si-qur-ra-a-tu 54. sza-ti-na u2-szal-ba-ru-ma 55. e-na-hu an-hu-szu-nu lu-ud-disz 56. _{na4}na-ru2-a-mesz_-ia u3 tem-me-ni-_mesz_-ia 57. _i3-mesz_ lip-szu-usz _udu-siskur_ li-iq-qi 58. a-na asz2-ri-szu-nu lu-u2-ter 59. u3 _mu_-szu it-ti _mu_-ia lil-t,u-ur 60. ki-ma ia-a-ti-ma {d}a-nu u3 {d}iszkur 61. _dingir-mesz gal-mesz en-mesz_-ia i-na _du10-ga_ lib3-bi 62. u3 ka-szad ir-nin-te _du10-ga_-isz lit-tar-ru-szu single ruling 63. sza _{na4}na-ru2-a-mesz_-ia u3 tem-me-ni-_mesz_-ia 64. i-hap-pu-u2 i-sa-pa-nu 65. a-na _a-mesz_ i-na-du-u2 66. i-na _izi-mesz_ i-qal3-lu-u2 67. i-na _sahar-mesz_ i-ka-ta-mu i-na _e2 azag_ 68. a-szar la-ma-ri pi-szi-risz i-na-ki-mu 69. _mu_ szat,-ra i-pa-si-t,u2-ma 70. _mu_-szu i-sza-t,a-ru u3 mi-im-ma 71. lem-na i-ha-sa-sa-ma 72. a-na pa-an _{na4}na-ru2-a-mesz_-ia 73. u2-szap-ra-ku single ruling 74. {d}a-nu u3 {d}iszkur _dingir-mesz gal-mesz en-mesz_-ia 75. ez-zi-isz li-kil-mu-szu-ma 76. ar-ra-ta ma-ru-usz-ta li-ru-ru-szu 77. _lugal_-szu lis-ki-pu 78. _suhusz {gesz}gu-za lugal_-ti-szu li-su-hu 79. per2-'e _en_-ti-su li-bal-lu-u2 80. _{gesz}tukul-mesz_-szu lu-u2-szab-bi-ru 81. a-bi-ik-ti um-ma-ni-szu lisz-ku-nu 82. i-na pa-an _kur2-mesz_-szu ka-misz 83. lu-sze-szi-bu-szu {d}iszkur i-na _nim-gir2_ 84. _hul_-le _kur_-szu li-ib-riq2 85. su-un-qa bu-bu-ta hu-szah-ha 86. _usz2-mesz_ a-na _kur_-ti-szu lid-di 87. 1(disz)-en u4-ma la _ti_-su liq-bi 88. _mu_-szu _numun_-szu i-na _kur_-ti lu-u2-hal-liq double ruling 89. _iti_ ku-zal-lu _u4 2(u) 8(disz)-kam_ li-mu 90. {disz}i-na-_dingir_-ia-al-lak _gal bi-lul-mesz_ Version History |
| RIMA 2.0.087.001, ex. 02 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 03 Click for archival page
Can you improve upon the content of this entry? Please contact us! | View line art View detail line art  (click on image to enlarge) | Prism surface a column 1 0. _sag_ ts: rēšu en: Head. 1. {d}a-szur_en gal_ musz-te-szer3 kisz-szat _dinger mesz_ ts: aššur bēlu rabû muštešer kiššat ilī en: Aššur, great lord, who sets straight all the gods, 2. na-din {gisz}gidri u3 a-ge-e mu-kin2 _man_-ti ts: nādin ḫaṭṭi u age mukin šarrūti en: grantor of sceptre and crown, establisher of kingship, 3. {d}en-lil2 be-lu _man_ gi-mir {d}a-nun-na-ki ts: enlil bēlu šarru gimir anunnnaki en: Enlil lord, king of all the Anunnaki, 4. a-bu _dingir-mesz en kur kur_ ts: abu ilê bēl mātāte en: father of the gods, lord of the lands, 5. {d}4(asz) er-szu _en_ a-ge-e ts: sîn eršu bēl age en: Sin, wise one, lord of the lunar disk, 6. sza-qu-u2 {d}ma2-gur ts: šaqû magurrû en: elevated, barge; 7. {d}utu _di-ku5 an ki_-ti ha-a-it, ts: šamaš dayyān šāmê erṣeti ḫā’it en: Shamash judge of the heavens and the earth, observer 8. s,a-al-pat a-a-be mu-sze-eb-ru s,e-ni ts: ṣalpat ayyābe mušebru ṣeni en: of the treachery of the enemy, exposer of the wicked; 9. {d}iszkur ur-sza2-nu ra-hi-is, kib-rat _kur2 mesz_ ts: adad uršānu rāḫiṣ kibrat nakerē en: Adad, warrior, stormer of the regions of the enemy, 10. _kur-mesz ab-mesz_-te ts: mātāte tiamāte en: the lands, the seas, 11. {d}nin-urta qar-du sza2-gisz lem-ni u3 a-a-bi ts: ninurta qardu šāgiš lemni u ayyābe en: Ninurta, hero, slaughtererof the evil and the enemy, 12. mu-szem-s,u2-u2 mal lib3-bi ts: mušemṣu mal libbi en: satisfier of all of the stomach, 13. {d}inanna _sag_-ti _dingir-mesz_ be-let te-sze-e ts: ištar rešti ilê bēlet tēšê en: Ištar, first of the gods, lady of chaos, 14. mu-szar-ri-hat _muru2-mesz_-te ts: mušarriḫat qablute en: adorner of battle. single ruling 15. _dingir-mesz gal-mesz_ mu-ut-tab-bi-lu-ut _an_-e _ki_-ti ts: ilānū rabūtu muttabbilūt šamê u erṣete en: The great gods, the ones who administer heaven and earth, 16. sza ti-bu-szu-nu _{gesz}la2_ u3 sza2-asz2-mu ts: ša tībūšunu tuquntu u šašmu en: whose attacks are battle and combat, 17. mu-szer3-bu-u2 szar-ru-ut ts: mušerbû šarrūt en: who make great the sovereignty of 18. {disz}{gesz}tukul-ti-ibila-e2-szar2-ra _nun_ na-ra-me ts: tukulti-apil-ešara rubê narāme en: Tiglath-Pileser, the beloved prince, 19. bi-bil2 lib3-bi-ku-un _sipa_-ie na-a-de ts: bibil libbīkun rē’e nāde en: gift of your hearts, attentive shepherd, 20. sza i-na ke-e-ni lib-bi-ku-un tu-ta-a-su ts: ša ina kēni libbīkun tūtâšu en: who in the firmness of your hearts you chose; 21. a-ga-a s,i-i-ra tu-up-pe-ra-su a-na _man_-ut ts: agâ ṣīra tupperāšu ana šarrūt en: the supreme crown you put on his head, for the sovereignty of 22. _kur_ {d}en-lil2 _gal_-esz tu-kin2-na-su ts: māt enlil rabêš tukinnāšu en: the land of Enlil you greatly established him; 23. a-sza-re-du-ta s,i-ru-ta qar-du-ta ts: ašarēdūta ṣīrūta qardūta en: leadership, supremacy, heroism 24. ta-qi-sza-szu szi-ma-at _en_-ti-szu ts: taqīšāšu šīmat bēlūtišu en: you presented to him, the destiny of his rule 25. a-na kisz-szu-te u3 _numun sanga_-ti-su ts: ana kiššūte u zēr šangūtišu en: for the exercise of power and the seed of his priesthood 26. a-na man-za-az e2-hur-sag-kur-kur-ra ts: ana manzāz eḫursagkurkurra en: for the post of Eḫursagkurkura 27. a-na da-risz tas-qu-ra ts: ana dāriš tasqurā en: for eternity you pronounced. single ruling 28. {disz}{gesz}tukul-ti-ibila-e2-szar2-ra _lugal_ dan-nu 29. _lugal kis_ la-a sza2-na-an _lugal_ kib-rat 4(asz)-i 30. _lugal du3_ mal-ki-_mesz en en-mesz utul man man-mesz_ 31. i-szip-pu na-a'-du sza2 i-na si-qir {d}utu 32. _{gesz}gidri ku3_-tu na-ad-na-ta-szu-ma _ug3-mesz_ 33. ba-'u2-lat {d}en-lil2 ul-tasz-pi-ru 34. gi-mir-ta _sipa_-iu ke-e-nu sza si-qir-szu 35. _ugu_ ma-li-ki-_mesz_ ne2-bu-u2 36. sza3-tam-mu s,i-ru sza {d}a-szur {gesz}tukul-mesz_-szu 37. u2-sza2-hi-lu-ma a-na mu-'u2-ru-ut kib-rat 4(asz)-i 38. _mu_-szu a-na da-risz isz-qu-ru s,a-bit 39. pu-lu-gi ne2-su-te sza _za3-za3_ 40. e-lisz u3 szap-lisz u4-mu ne2-par5-du-u2 41. sza me-lam-mu-su _ub-mesz_ u2-sah-ha-pu 42. nab-lu szur-ru-hu sza2 ki-ma ti-ik 43. ri-ih-s,i a-na _kur_ nu-kur2-te suz-nu-nu-ma 44. i-na si-qir {d}en-lil2 ma-hi-ra la-a i-szu-u2 45. u2-szam-qi-tu gi-ir {d}a-szur single ruling 46. {d}a-szur _dingir-mesz gal-mesz_ mu-szer3-bu-u2 _lugal_-ti-ia 47. sza kisz-szu-ta u3 da-na-na a-na isz-qi-ia 48. isz-ru-ku-ni mi-s,ir _kur_-ti-szu-nu 49. ru-up-pu-sa iq-bu-ni _{gesz}tukul-mesz_-szu-nu 50. dan-nu-ti a-bu-ub tam-ha-ri 51. qa-ti lu-szat-me-hu _kur-kur-mesz kur-mesz_ 52. ma-ha-zi u3 mal-ki-_mesz kur-mesz_-ut {d}a-sur 53. a-pel2-ma mi-is,-ri-te-szu-nu 54. u2-ke-ni-isz it-ti 1(disz) su-szi _lugal-mesz_-ni 55. su-ut _{tug2}sagszu_ al-ta-na-an-ma 56. li-i-ta szit-nun-ta _ugu_-szu-nu 57. al-ta-ka-an _gaba-ri_-a i-na _muru2_ 58. u3 sza-ni-na i-na _me3_ la-a i-sza-a-ku 59. _ugu kur_ {d}a-szur ma-a-ta _ugu ug3-mesz_-sza 60. _ug3-mesz_ lu-rad-di mi-s,ir _kur_-ti-ia 61. u2-re-pis-ma gi-mir _kur-kur_-szu-nu a-pel2 single ruling 62. i-na szur-ru _lugal_-ti-ia _2(u) lim lu2-mesz_ ts: ina šurrū šarrūtiya ešrā līm a’īlū en: In the beginning of my reign 20,000 men 63. _kur_ musz-ka-a-ia-_mesz_ u3 _5(disz) lugal-mesz_-ni-szu-nu ts: māt muškāya u ḫamšat šarrānīšunu en: of the land of Muškāya and their 5 kings 64. sza _5(u) mu-mesz kur_ al-zi ts: ša ḫamšā šanāte māt alzi en: who for 50 years the land of Alzi 65. u3 _kur_ pu-ru-lum-zi na-a-asz2 _gun_ ts: u māt purulumzi nāš bilte en: and the land of Purulumzi, bearers of tribute 66. u3 ma-da-at-te sza {d}a-szur _en_-ia is,-ba-tu-ni ts: u madatte ša aššur belīya iṣbatuni en: and tax of Aššur my lord, seized; 67. _lugal_ ia-um-ma i-na tam-ha-ri _gaba_-su-nu ts: šarru ya’umma ina tamḫari irassunu en: Not one king in battle their breast 68. la-a u2-ne2-hu a-na da-na-ni-szu-nu ts: lā uneḫḫu ana danānišunu en: subdued, in their strength 69. it-ka-lu-ma ur-du-ni _kur_ kat-mu-hi ts: itkalūma urdūni māt katmuḫi en: they trusted, and they came down, the land of Katmuḫi 70. is,-ba-tu i-na _{gesz}tukul_-ti {d}a-szur _en_-ia ts: iṣbatū ina tukulti aššur belīya en: seized; with the help of Aššur, my lord 71. _{gesz}gigir-mesz_ u3 qu-ra-di-ia-_mesz_ lul-te-szer3 ts: narkabātī u quradīya lultešer en: my chariots and troops I set straight, 72. _egir_-a ul u2-qi _kur_ ka-szi-ia-ra ts: arkata ul uqqi māt kašīyara en: on the rear (guard) I did not wait, (but) the land of Kašiyara, 73. _a-sza3_ nam-ra-s,i lu-u2 ab-bal-kit ts: eqel namraṣi lū abbalkit en: difficult terrain, I crossed, 74. it-ti _2(u) lim erin2-mesz_ muq-tab-li-szu-nu ts: itti ešrā līm ṣābê muqtablišunu en: with 20,000 of their troops of battle 75. u3 _5(disz) lugal-mesz_-szu-nu i-na _kur_ kat-mu-hi ts: u ḫamšat šarrānīšunu ina māt katmuḫi en: and their 5 kings in the land of Katmuḫi 76. lu al-ta-na-an a-bi-ik-ta-szu-nu ts: lū altanan abiktašunu en: I opposed, their defeat 77. lu asz2-kun szal-ma-at qu-ra-di-szu-nu ts: lū aškun šalmāt qurādīšunu en: I verily established; the corpses of their warriors 78. i-na mit-hu-us, tu-sza-ri ki-ma ra-hi-s,e ts: ina mitḫuṣ tušarī kīma raḫīṣe en: in the destructive plain like a flood 79. lu-ke-mer _usz2-mesz_-szu-nu hur-ri ts: lukemmer dāmīšunu ḫurrī en: I piled up, their blood in the hollows 80. u3 ba-ma-a-te sza _kur_-i lu u2-szar-di ts: u bamāte ša šadî lū ušardi en: and flatlands of mountain I verily caused to flow; 81. _sag-du-mesz_-szu-nu lu-na-ki-sa i-da-at ts: qaqqadīšunu lunakkisa idāt en: their heads I verily cut off; next to 82. _iri-mesz_-szu-nu ki-ma ka-re-e lu-sze-pi-ik ts: alānīšunu kīma karê lušeppik en: their cities like grain-heaps I poured out; 83. szal-la-su-nu bu-sza-szu-nu nam-kur-szu-nu ts: šallassunu bušāšunu namkuršunu en: their plunder, their property, their possessions 84. a-na la-a mi-na u2-sze-s,a-a _6(disz) lim_ ts: ana lā mīna lušeṣa šeššu līm en: without number I sent out; 6,000 85. si-te-et um-ma-na-te-szu-nu sza i-na pa-an ts: sitêt ummānātešunu ša ina pān en: of the remainder of their army that before 86. _{gesz}tukul-mesz_-ia ip-par2-szi-du _giri3-mesz_-ia ts: kakkīya ipparšidū šēpīya en: my weapons flew, my feet 87. is,-ba-tu al-qa-szu-nu-ti-ma ts: iṣbatū alqašunūtima en: seized; I took them, and 88. a-na _ug3-mesz kur_-ti-ia am-nu-szu-nu-ti ts: ana nišī mātiya amnušunūti en: to the people of my land counted. single ruling 89. i-na u4-mi-szu-ma a-na _kur_ kat-mu-hi la ma-gi-ri 90. sza _gun_ u3 ma-da-ta a-na {d}a-szur _en_-ia 91. ik-lu-u2 lu al-lik _kur_ kat-mu-hi 92. a-na si-hir2-ti-sza ak-szud 93. szal-la-su-nu bu-sa-szu-nu nam-kur-szu-nu 94. u2-sze-s,a-a _iri-mesz_-szu-nu i-na _izi-mesz_ column 2 1. asz2#-ru-up ap-pul2 aq-qur si-te-et 2. _kur_ kat-mu-hi sza i-na pa-an _{gesz}tukul-mesz_-ia 3. ip-par2-szi-du a-na _iri_ sze-re-sze 4. sza _giri3_ am-ma-te sza {i7}idigna 5. lu e-be-ru _iri_ a-na dan-nu-ti-szu-nu 6. lu isz-ku-nu _{gesz}gigir-mesz_ u3 qu-ra-di-ia-_mesz_ 7. lu al-qe2 _kur_-a mar-s,a u3 gir-re-te-szu-nu 8. pa-asz2-qa-a-te i-na aq-qul2-lat _uruda-mesz_ 9. lu ah-si hu-u2-la a-na me-te-eq 10. _{gesz}gigir-mesz_-ia u3 um-ma-na-te-ia lu-t,i-ib 11. {i7}idigna lu e-bir _iri_ sze-re-sze 12. _iri_ dan-nu-ti-szu-nu ak-szud 13. _erin2-mesz_ muq-tab-li-szu-nu i-na qe2-reb tam-ha-ri 14. ki-ma szer3-ma-szi lu-me-s,i 15. _usz2-mesz_-szu-nu hur-ri u3 ba-ma-a-te sza _kur_-i 16. lu-szer3-di i-na u4-mi-szu-ma um-ma-na-at 17. _kur_ pap-he-e sza a-na szu-zu-ub 18. u3 ne2-ra-ru-ut-te sza _kur_ kat-mu-hi 19. il-li-ku-u2-ni it-ti um-ma-na-at 20. _kur_ kat-mu-hi-ma ki-ma szu-u2-be usz-na-il 21. pa-gar muq-tab-li-szu-nu a-na gu-ru-na-a-te 22. i-na gi-sal-lat _kur_-i lu-qe2-ri-in 23. szal-ma-at qu-ra-di-szu-nu _i7_ na-a-me 24. a-na {i7}idigna lu u2-sze-s,i 25. {disz}ki-li-{d}te-szub _dumu_ ka-li-{d}te-szub 26. sza {disz}er-ru-pi i-sa-si-u2-szu-ni 27. _lugal_-szu-nu i-na qe2-reb tam-ha-ri qa-ti 28. ik-szud _dam-mesz_-szu _dumu-mesz_ 29. nab-ni-it lib3-bi-szu el-la-su 3(disz) su-si 30. ruq-qi _uruda-mesz_ 5(disz) nar3-ma-ak _zabar_ 31. it-ti _dingir-mesz_-szu-nu _ku3-sig17 ku3-babbar-mesz_ 32. u3 du-muq nam-kur-ri-szu-nu asz2-sza-a 33. szal-la-su-nu u2-sze-s,a-a 34. _iri_ su-a-tu u3 _e2-gal_-szu# i-na _izi-mesz#_ 35. asz2-ru-up ap-pul2# aq-qur single ruling 36. _iri_ ur-ra-t,i2-na-as _iri_ dan-nu-ti-szu-nu 37. sza i-na _kur_ pa-na-ri na-du-u2 38. pu-ul-hu a-di-ru me-lam {d}a-szur _en_-ia 39. isz-hup2-szu-nu-ti-ma a-na su-zu-ub 40. nap-sza-te-szu-nu _dingir-mesz_-szu-nu bu-sza-szu-nu isz-szu-u2 41. a-na gi-sal-lat _kur_-i sza-qu-ti 42. ki-ma _muszen_ ip-par2-szu _{gesz}gigir-mesz_ 43. u3 um-ma-na-te-ia-_mesz_ lu al-qe2 {i7}idigna lu e-bir 44. {disz}sza-di-{d}te-szub _dumu_ ha-at-tu-hi _lugal_ 45. sza _iri_ ur-ra-t,i2-na-asz2 46. i-na _kur_-szu-ma _giri3-mesz_-ia is,-bat 47. _dumu-mesz_ nab-ni-it lib3-bi-szu u3 kim-ti-su 48. a-na li-t,u2-ut-te as,-bat 49. 1(disz) szu-szi ruq-qi _uruda-mesz_ nam-har _zabar_ 50. u3 nar3-ma-ak _zabar gal-mesz_-te 51. it-ti 2(disz) szu-szi a-mi-lu-te-_mesz gu4-mesz_ 52. s,e-ni _gun_ u3 ma-da-at-ta 53. isz-sza-a am-hur-szu e-t,i2-ir-szu 54. na-pisz-ta-szu ag-mil ni-ir _en_-ti-ia 55. _dugud ugu_-szu a-na s,a-at _u4-mesz_ u2-kin2 56. _kur_ kat-mu-hi _dagal_-ta a-na si-hir-ti-sza 57. ak-szud a-na _giri3-mesz_-ia u2-sze-ek-ni-isz 58. i-na u4-mi-szu-ma 1(disz) nam-har _zabar_ 1(disz) nar3-ma-ak 59. _zabar_ sza ki-szit-ti u3 ma-da-at-ti 60. sza _kur_ kat-mu-hi a-na {d}a-szur _en_-ia a-qisz 61. 1(disz) szu-szi ruq-qi _uruda-mesz_ it-ti _dingir-mesz_-szu-nu 62. a-na {d}iszkur _aga3_-ia asz2-ruk single ruling 63. i-na szu-mur _{gesz}tukul-mesz_-ia ez-zu-te sza {d}a-szur _en_ 64. da-na-na u3 me-tel-lu-ta isz-ru-ka 65. i-na _3(u2) {gesz}gigir-mesz_-ia a-li-kat3 i-di 66. ga-mar-ri-ia er-hu-te qu-ra-di-ia-_mesz_ 67. sza mit-hu-us, dab2-de-e li-tam-du 68. lu al-qe2 a-na _kur_ isz-disz szap-s,u2-te 69. la-a ma-gi-ri lu al-lik _kur-mesz_ 70. dan-nu-ti _a-sza3_ nam-ra-s,i 71. _du10-ga_ i-na _{gesz}gigir-mesz_-ia u3 mar-s,a i-na _giri3-mesz_-ia 72. lu e-te-tiq i-na _kur_ a-ru-ma 73. _a-sza3_ pa-asz2-qi sza a-na me-teq _{gesz}gigir-mesz_-ia 74. la na-t,u2-u2 _{gesz}gigir-mesz_ lu e-zib 75. pa-an qu-ra-di-ia as,-bat 76. ki-ma szib-be er-he-ku-ma i-na gi-sal-lat _kur_-i 77. pa-asz2-qa-a-te szal-t,i2-is e-te-ti-iq 78. _kur_ isz-disz ki-ma _du6_ a-bu-be asz2-hu-up 79. _erin2-mesz_ muq-tab-li-szu-nu i-na qe2-reb tam-ha-ri 80. ki-ma szu-be usz-na-il szal-la-su-nu 81. bu-sza-a-szu-nu nam-kur-szu-nu asz2-lul 82. nap-har _iri_-szu-nu i-na _izi-mesz_ aq-mu 83. li-i-t,i2-_mesz gun_ u3 ma-da-ta 84. _ugu_-szu-nu u2-kin2 single ruling 85. {disz}{gesz}tukul-ti-ibila-e2-szar2-ra et,-lu qar-du 86. mu-pe-ti du-rug _kur-mesz_-ni 87. mu-szek2-nisz la-a ma-gi-ri sa-pi-nu 88. gi-mir al-t,u2-ti single ruling 89. _kur_ szu-ba-ri-i szap-s,u2-te la-a ma-gi-ri 90. ak-szud _kur_ al-zi 91. u3 _kur_ pu-ru-lum-zi sza _gun_-su-nu 92. u3 ma-da-ta-szu-nu u2-szam3-si-ku-ni 93. ni-ir _en_-ti-ia _dugud ugu_-szu-nu 94. u2-kin2 _mu_-szam3-ma _gun_ u3 ma-da-ta 95. a-na _iri_-ia {d}a-szur a-na mah-ri-ia 96. li-tar-ru-u2-ni ki-ma sza i-na qar-du-ti-ia-ma 97. sza {d}a-szur _en {gesz}tukul_ dan-na mu-szek2-nisz 98. la-a ma-gi-ri qa-ti u2-szat-me-hu-ma 99. mi-s,ir _kur_-ti-szu a-na ru-pu-szi 100. iq-ba-a _4(disz) lim kur_ kas-ka-ia-_mesz_ 101. _kur_ u2-ru-ma-ia-_mesz erin2-mesz kur_ ha-at-te-e 102. la-a ma-gi-ri sza i-na da-na-ni-szu-nu column 3 1. _iri#-mesz_-ni sza _kur_ szu-bar-te da-gil 2. pa-an# {d}a-szur _en_-ia is,-ba-tu 3. a-di nam-kur-ri-szu-nu u3 2(disz) szu-szi 4. _{gesz}gigir-mesz_ s,i-mit-ti ni-ri-szu-nu 5. al-qa-szu-nu-ti-ma a-na _ug3-mesz_ 6. _kur_-ti-ia am-nu-szu-nu-ti single ruling 7. i-na szit-mur qar-du-ti-ia 2(disz)-te-ia 8. a-na _kur_ kat-mu-hi lu-u2 al-lik nap-har 9. _iri-mesz_-szu-nu ak-szud szal-la-su-nu 10. bu-sza-szu-nu nam-kur-szu-nu a-na la-a mi-na asz2-lul 11. _iri-mesz_-szu-nu i-na _izi-mesz_ asz2-ru-up 12. ap-pul2 aq-qur si-te-et 13. um-ma-na-te-szu-nu sza i-na pa-an _{gesz}tukul-mesz_-ia 14. ez-zu-te ip-la-hu-ma ti-ib _me3_-ia 15. dan-na e-du-ru a-na szu-zu-ub 16. nap-sza2-te-szu-nu gab-'a-a-ni dan-nu-te 17. sza _kur_-e _a-sza3_ mar-s,a lu-u2 is,-ba-tu 18. a-na szik-kat3 hur-sza-ni sza-qu-ti 19. u3 gi-sal-lat _kur_-i pa-asz2-qa-a-te 20. sza a-na ki-bi-is _lu2_ la-a na-t,u2-u2 21. _egir_-szu-nu lu e-li _{gesz}tukul muru2_ 22. u3 _me3_ it-ti-ia lu-u2 e-pu-szu 23. a-bi-ik-ta-szu-nu lu-u2 asz2-kun szal-ma-at 24. qu-ra-di-szu-nu i-na gi-sal-lat _kur_-i 25. ki-ma ra-hi-s,i lu-ke-mir _usz2-mesz_-szu-nu 26. hur-ri u3 ba-ma-a-te sza _kur_-i 27. lu-szer3-di szal-la-su-nu bu-sza-a-szu-nu 28. nam-kur-szu-nu it-ti gab-'a-a-ni 29. sza _kur_-e dan-nu-te lu-sze-ri-da 30. _kur_ kat-mu-hi a-na pat, gim-ri-sza a-pel2-ma 31. a-na mi-s,ir _kur_-ti-ia u2-te-er single ruling 32. {disz}{gesz}[tukul-ti]-ibila#-e2-szar2-ra _lugal_ dan-nu 33. [szu-usz-kat] la ma-gi-ri sa-pi-nu 34. [qa-bal] tar-gi4-gi4 single ruling 35. [i-na e-mu-qi s,i]-ra-te sza {d}a-szur _en_-ia 36. a-na _kur_ ha-ri-a u3 um-ma-na-at-_mesz_ 37. _kur_ pap-he-e-_mesz dagal_-ti hur-sza-ni 38. sza-qu-ti sza2 a-szar-szu-nu _lugal_ ia-um-ma 39. la i-ba-'a {d}a-szur _en_ a-na a-la-ki 40. iq-ba-a _{gesz}gigir-mesz_ u3 um-ma-na-te-ia 41. lul-te-szir3 bir-ti _kur_ et-ni 42. u3 _kur_ a-ia _a-sza3_ nam-ra-s,i lu as,-bat 43. _kur-mesz_ sza-qu-ti sza ki-ma zi-qip _gir2_ 44. szam-t,u2 sza a-na me-ti-iq _{gesz}gigir-mesz_-ia 45. la-a na-t,u2-u2 _{gesz}gigir-mesz_ i-na la-ba-ni 46. lu-u2 e-mi-id _kur-mesz_ pa-asz2-qu-te 47. lu e-te-ti-iq kul2-lat _kur_ pap-he-e-_mesz_ 48. um-ma-na-te-szu-nu _dagal-mesz_-te lul-tak2-s,i-ru-ma 49. a-na e-pesz _{gesz}tukul-mesz muru2_ u3 _me3_ 50. i-na _kur_ a-zu da-ap-ni-isz lu iz-zi-zu-ni-ma 51. i-na _kur_-e _a-sza3_ nam-ra-s,i it-te-szu-nu 52. am-da-hi-is, dab2-da-szu-nu asz2-kun 53. szal-ma-at qu-ra-di-szu-nu i-na ba-ma-at _kur_-i 54. a-na gu-ru-na-a-te lu-qe2-ri-in 55. _usz2-mesz_ qu-ra-di-szu-nu hur-ri u3 ba-ma-a-te 56. sza _kur_-i lu-szer3-di a-na _iri-mesz_-ni 57. sza i-na gi-sal-lat _kur_-i sza-ak-nu szam-risz 58. lu-u2 as-ni-iq 2(u2) 5(disz) _iri-mesz_-ni sza _kur_ ha-ri-a 59. sza i-na _giri3 kur_ a-ia _kur_ szu-i-ra _kur_ et-ni 60. _kur_ se-ez-zu _kur_ sze-el-gu _kur_ ar-za-ni-bi-u2 61. _kur_ u2-ru-szu u3 _kur_ a-ni-it-ku 62. s,a-al-'u2-ni ak-szud szal-la-su-nu 63. bu-sa-szu-nu nam-kur-szu-nu asz2-lul 64. _iri-mesz_-szu-nu i-na _izi-mesz_ asz2-ru-up 65. ap-pul2 aq-qur single ruling 66. _kur_ a-da-usz ti-ib ta-ba-zi-ia dan-na 67. lu-u2 e-du-ru-ma a-szar-szu-nu lu u2-masz-sze-ru 68. a-na gi-sal-lat _kur_-i sza-qu-ti 69. ki-ma _muszen_ ip-par2-szu me-lam {d}a-szur _en_-ia 70. is-hup2-szu-nu-ti-ma 71. ur-du-ni _giri3-mesz_-ia is,-ba-tu 72. _gun_ u3 ma-da-ta _ugu_-szu-nu u2-kin2 single ruling 73. _kur_ sa-ra-usz _kur_ am-ma-usz 74. sza2 isz-tu u4-um s,a-a-te ka-na-sza 75. la-a i-du-u2 ki-ma _du6_ a-bu-be 76. asz2-hu-up it-ti um-ma-na-te-szu-nu _dagal-mesz_-te 77. i-na _kur_ a-ru-ma al-ta-na-an-ma 78. dab2-da-szu-nu asz2-kun szal-ma-at 79. muq-tab-li-szu-nu i-na gi-sal-lat _kur_-i ki-ma ser-ma-sze 80. lu u2-me2-s,i _iri-mesz_-szu-nu ak-szud 81. _dingir-mesz_-szu-nu asz2-sza-a szal-la-su-nu 82. bu-sa-szu-nu nam-kur-szu-nu u2-sze-s,a-a 83. _iri-mesz_-szu-nu i-na _izi-mesz_ asz2-ru-up 84. ap-pul2 aq-qur a-na _du6_ u3 kar-me 85. u2-ter ni-ir _en_-ti-ia _dugud_ 86. _ugu_-szu-nu u2-kin2 pa-an {d}a-szur _en_-ia 87. u2-szad-gil-szu-nu-ti single ruling 88. _kur_ i-su-a _kur_ da-ri-a szap-s,u-te 89. la-a ma-gi-ri ak-szud _gun_ 90. u3 ma-da-ta _ugu_-szu-nu u2-kin2 91. pa-an {d}a-szur _en_-ia u2-szad-gil-szu-nu-ti single ruling 92. i-na a-sza-re-du-ti-ia-ma sza _kur2-mesz_-ia 93. ak-szu-du _{gesz}gigir-mesz_ u3 um-ma-na-te-ia-_mesz_ 94. lu al-qe _i7_ za-ban szu-pa-la-a 95. lu e-bir _kur_ mu-rat-tasz _kur_ sa-ra-da-usz 96. sza qe2-reb _kur_ a-sa-ni-u2 u3 _kur_ a-t,u2-ma 97. _a-sza3_ nam-ra-s,i ak-szud 98. um-ma-na-te-szu-nu ki-ma ze-er-qe 99. u2-ne2-ki-is _iri_ mu-rat-tasz 100. _iri_ dan-nu-ti-szu-nu a-di _szanabi_-ti u4-me 101. sza {d}utu na-pa-hi ak-szud 102. _dingir-mesz_-szu-nu bu-sa-szu-nu nam-kur-szu-nu 103. 1(disz) szu-szi ruq-qi _uruda-mesz_ column 4 1. _3(u) gun uruda-mesz_ sza-bar-ta bu-sze ta-tur 2. _e2-gal_-li3-szu-nu u3 szal-la-su-nu 3. u2-sze-s,a-a _iri_ su-a-tu i-na _izi-mesz_ 4. asz2-ru-up ap-pul2 aq-qur 5. i-na u4-mi-szu-ma _uruda-mesz_ sza-a-tu 6. a-na {d}iszkur ra-'i-mi-ia a-qis single ruling 7. i-na e-mu-qi s,i-ra-te sza {d}a-szur _en_-ia 8. a-na _kur_ su-gi sza _kur_ hab-hi la-a ka-ni-szu-ut 9. {d}a-szur _en_-ia lu al-lik it-ti _6(disz) lim_ 10. um-ma-na-te-szu-nu _kur_ hi-me _kur_ lu-hi 11. _kur_ ar-ri-ir-gi _kur_ a-la-mu-un 12. _kur_ nim-ni u3 kul2-lat _kur_ pap-he-e 13. _dagal-mesz_-ti i-na _kur_ hi-ri-hi 14. _a-sza3_ nam-ra-s,i sza ki-ma u2-qip _gir2_ 15. szam-t,u it-ti kul2-lat _kur-kur_-szu-nu 16. i-na _giri3-mesz_-ia lu-u2 am-da-hi-is, 17. a-bi-ik-ta-szu-nu lu asz2-kun 18. _erin2-mesz_ muq-tab-li-szu-nu i-na gi-sal-lat _kur_-i 19. a-na gu-ru-na-a-te lu-qe2-ri-in 20. _usz2-mesz_-szu-nu _kur_ hi-ri-ha 21. ki-ma na-ba-si lu as,-ru-up 22. _kur_ su-gi a-na si-hir2-ti-sza ak-szud 23. _2(u) 5(disz) dingir-mesz_-szu-nu szal-la-su-nu 24. bu-sa-szu-nu nam-kur-szu-nu u2-sze-s,a-a 25. nap-bar _iri-mesz_-szu-nu i-na _izi-mesz_ 26. asz2-ru-up ap-pul2 aq-qur 27. si-te-et um-ma-na-te-szu-nu _giri3-mesz_-ia 28. is,-ba-tu a-re-em-szu-nu-ti 29. _gun_ u3 ma-da-ta _ugu_-szu-nu 30. u2-kin it-ti da-gil pa-an 31. {d}a-szur _en_-ia am-nu-szu-nu-ti single ruling 32. i-na u4-mi-szu-ma _2(u) 5(disz) dingir-mesz_-ni sza _kur-kur-mesz_ 33. szi-na-ti-na ki-szit-ti qa-ti-ia 34. sza al-qa-a a-na u2-tu-'u-ut _e2_ {d}nin-lil2 35. hi-ir-te _gal_-le na-mad-di {d}a-szur _en_-ia 36. {d}a-nim {d}iszkur {d}inanna asz2-szu-ri-te 37. _e2-kur-mesz_-at _iri_-ia {d}a-sur 38. u3 _{d}inanna-mesz kur_-ti-ia 39. lu-u2 asz2-ru-uk single ruling 40. {disz}{gesz}tukul-ti-ibila-e2-szar2-ra _man_ dan-nu 41. ka-szid kib-rat _kur2-mesz_ sza-ni-nu 42. gi-mir _du3 man-mesz_ single ruling 43. i-na u4-mi-szu i-na e-mu-qi s,i-ra-te 44. sza {d}a-szur _en_-ia i-na an-ni ke-e-ni 45. sza {d}utu qu-ra-di i-na _{gesz}tukul_-ti 46. sza2 _dingir-mesz gal-mesz_ sza i-na kib-rat 4(asz)-i 47. mi-sze-risz ul-tal-li-t,u-ma mu-ne2-ha 48. i-na _muru2_ u3 sza-ni-na i-na _me3_ la-a i-szu-u2 49. a-na _kur-kur_ na-i-ri _man-mesz_-ni ne2-su-te 50. sza a-ah _a-ab-ba_ e-le-ni-ti sza sza-la-mu {d}szam-szi 51. sza2 ka-na-sza la-a i-du-u2 52. {d}a-szur _en_ u2-ma-'i-ra-ni-ma al-lik 53. t,u-ud-di mar-s,u2-ti u3 ne2-re-be-ti 54. szup-szu-qa-a-te sza i-na mah-ra 55. _lugal_ ia-um-ma lib3-ba-szu-nu la-a i-du-u2 56. ar-bi ed-lu-te du-ur-gi 57. la-a pe-tu-te u2-sze-ti-iq 58. _kur_ e-la-ma _kur_ a-ma-da-na _kur_ el-hi-isz 59. _kur_ sze-ra-be-li _kur_ tar-hu-na 60. _kur_ ter-ka-hu-li _kur_ ki-is,-ra 61. _kur_ tar-ha-na-be _kur_ e-lu-la 62. _kur_ ha-asz2-ta-ra-e _kur_ sza-hi-sza-ra 63. _kur_ u2-be-ra _kur_ mi-li-ad-ru-ni 64. _kur_ szu-li-an-zi _kur_ nu-ba-na-a-sze 65. u3 _kur_ sze-e-sze _1(u) 6(disz) kur-mesz_-ni dan-nu-te 66. _a-sza3 du10-ga_ i-na _{gesz}gigir-mesz_-ia u3 mar-s,a 67. i-na aq-qul2-lat _uruda-mesz_ lu ah-si 68. u2-ru-mi _gesz-mesz kur_-i lu ak-ki-is 69. ti-tur-ra-a-te-_mesz_ a-na me-ti-iq _{gesz}gigir-mesz_-ia u3 70. um-ma-na-te-ia lu u2-t,i2-ib 71. _i7_ pu-rat-ta lu-u2 e-bir _lugal kur_ tum4-me 72. _lugal kur_ tu-nu-be _lugal kur_ tu-a-li 73. _lugal kur_ dar-da-ri _lugal kur_ u2-zu-la 74. _lugal kur_ un-za-mu-ni _lugal kur_ an-di-a-bi 75. _lugal kur_ pi-la-dar-ni _lugal kur_ a-dur-gi-ni 76. _lugal kur_ ku-li-bar-zi-ni _lugal kur_ szi-ni-bir-ni 77. _lugal kur_ hi-mu-a _lugal kur_ pa-i-te-ri 78. _lugal kur_ u2-i-ra-am _lugal kur_ szu-ru-ri-a 79. _lugal kur_ a-ba-e-ni _lugal kur_ a-da-e-ni 80. _lugal kur_ ki-ri-ni _lugal kur_ al-ba-ia 81. _lugal kur_ u2-gi-na _lugal kur_ na-za-bi-a 82. _lugal kur_ a-bar-si-u2-ni _lugal kur_ da-ie-e-ni 83. _pap 2(u) 3(disz) lugal-mesz_-nu _kur-kur_ na-i-ri 84. i-na qe2-reb _kur-kur_-szu-nu-ma _{gesz}gigir-mesz_-szu-nu 85. u3 um-ma-na-te-szu-nu ul-tak2-s,i-ru-ma 86. a-na e-pesz _{gesz}tukul muru2_ u3 _me3_ 87. lu it-bu-ni i-na szu-mur _{gesz}tukul-mesz_-ia 88. ez-zu-te as-ni-qa-szu-nu-ti 89. sza-gal-ti um-ma-na-te-szu-nu _dagal_-mesz_ 90. ki-ma ri-hi-il-ti {d}iszkur 91. lu asz2-kun szal-ma-at qu-ra-di-szu-nu 92. i-na s,e-ri ba-ma-at _kur_-i u3 i-da-at 93. _iri-mesz_-szu-nu ki-ma ser-ma-sze 94. lu-me-s,i 2(disz) szu-szi _{gesz}gigir-mesz_-szu-nu 95. ha-lup-ta i-na qe2-reb tam-ha-ri 96. lu-te-me-eh 1(disz) szu-szi _lugal-mesz_-ni 97. _kur-kur_ na-i-ri a-di sza a-na 98. ne2-ra-ru-te-szu-nu il-li-ku-ni 99. i-na zi-qit2 mul-mul-li-ia a-di _a-ab-ba_ 100. e-le-ni-te lu ar-di-szu-nu-ti 101. ma-ha-zi-szu-nu _gal-mesz_ ak-szud column 5 1. szal-la-su-nu bu-sa-a-szu-nu nam-kur-szu-nu 2. u2-sze-s,a-a _iri-mesz_-szu-nu i-na _izi-mesz_ 3. asz2-ru-up ap-pul2 aq-qur 4. a-na _du6_ u3 kar-mi u2-ter 5. szu-gul2-lat _ansze-kur-ra-mesz dagal-mesz_ 6. pa-re-e a-ga-li u3 mar-szit 7. qer-be-te-szu-nu a-na la-a ma-ne2-e 8. u2-ter-ra nap-har _lugal-mesz_-ni 9. _kur-kur_ na-i-ri bal-t,u-szu-nu qa-ti 10. ik-szud a-na _lugal-mesz_-ni sza-a-tu-nu 11. re-e-ma ar-sza-szu-nu-ti-ma 12. na-pisz-ta-szu-nu e-t,i2-ir szal-lu-szu-nu 13. u3 ka-mu-szu-nu i-na ma-har {d}utu _en_-ia 14. ap-t,u2-ur ma-mi-it _dingir-mesz_-ia 15. _gal-mesz_ a-na ar-kat3 _ug3-mesz_ a-na u4-um 16. s,a-a-te a-na _ARAD_-ut-te u2-tam-mi-szu-nu-ti 17. _dumu-mesz_ nab-ni-it _lugal_-ti-szu-nu 18. a-na li-t,u-te as,-bat 19. _1(disz) lim 2(disz) me ansze-kur-ra-mesz 2(disz) lim gu4-mesz_ 20. ma-da-at-ta _ugu_-szu-nu u2-kin2 21. a-na _kur-kur_-mesz_-szu-nu u2-masz-sze-er-szu-nu-ti single ruling 22. {disz}se-e-ni _lugal kur_ da-ie-e-ni 23. sza a-na {d}a-szur _en_-ia la-a ka-an-szu 24. szal-lu-su u3 ka-mu-su a-na _iri_-ia 25. {d}a-szur ub-la-su re-e-ma 26. ar-sza-szu-ma isz-tu _iri_-ia {d}a-szur 27. da-lil _dingir-mesz gal-mesz_ 28. a-na da-la-a-li a-na na-pi-isz-ti 29. u2-masz-sze-er-szu _kur-kur_ na-i-ri 30. _dagal-mesz_-te a-na pat, gim-ri-szi-na a-pel2 31. u3 nap-har _lugal-mesz_-szu-nu 32. a-na _giri3-mesz_-ia u2-szek-nisz single ruling 33. i-na ta-lu-uk gir-ri-ma szu-a-tu 34. a-na _iri_ mi-li-di-a sza _kur_ ha-ni-gal-bat 35. szap-s,u2-te la-a ma-gi-ri al-lik 36. ti-ib _me3_-ia dan-na e-du-ru-ma 37. _giri3-mesz_-ia is,-ba-tu a-re-em-szu-nu-ti 38. _iri_ szu-a-tu ul ak-szud li-i-t,i2-szu-nu 39. as,-bat _1(disz) ansze_ kur-ba-ni sza a-ba-ri 40. ma-da-at-ta _mu_-szam3-ma 41. a-na la szu-par2-ke-e _ugu_-szu-nu u2-kin2 single ruling 42. {disz}{gesz}tukul-ti-ibila-e2-szar2-ra nab-lu ha-am-t,u2 43. szu-zu-zu a-bu-ub tam-ha-ri single ruling 44. i-na _{gesz}tukul_-ti {d}a-szur _en_-ia _{gesz}gigir-mesz_ 45. u3 qu-ra-di-ia-_mesz_ lu-u2 al-qe2 mu-ud-ba-ra 46. as-bat a-na _sza3_ ah-la-mi3-i 47. _kur_ ar-ma-ia-_mesz kur2-mesz_-ut {d}a-szur _en_-ia 48. lu-u2 al-lik is-tu tar-hi _kur_ su-hi 49. a-di _iri_ kar-ga-misz sza _kur_ ha-at-te 50. i-na 1(disz)-en u4-me ah-bu-ut 51. di-ik-ta-szu-nu a-duk szal-la-su-nu 52. bu-sa-a-szu-nu mar-si-szu-nu 53. a-na la-a mi-na u2-ter-ra 54. si-te-et um-ma-na-te-szu-nu 55. sza i-na pa-an _{gesz}tukul-mesz_ sza {d}a-szur _en_-ia 56. ip-par2-si-du _i7_ pu-rat-ta lu e-be-ru 57. ar-ki-szu-nu i-na _{gesz}ma2-mesz {kusz}du8-szi-a_ 58. _i7_ pu-rat-ta lu e-be-er 59. _6(disz) iri-mesz_-szu-nu sza _giri3 kur_ be2-esz-ri 60. ak-szud i-na _izi-mesz_ asz2-ru-up 61. ap-pul2 aq-qur szal-la-su-nu bu-sa-szu-nu 62. mar-szi-szu-nu a-na _iri_-ia {d}a-szur 63. ub-la single ruling 64. {disz}{gesz}tukul-ti-ibila-e2-szar2-ra ka-bi-is al-t,u-te 65. mu-szem-qit2 la ma-gi-ri mu-szar-bi-bu 66. ka-lisz mul-tar-hi single ruling 67. a-na ka-szad _kur_ mu-us,-ri {d}a-szur _en_ 68. u2-ma-'i-ra-ni-ma bir-ti _kur_ e-la-mu-ni 69. _kur_ ta-la u3 _kur_ ha-ru-sa lu as,-bat 70. _kur_ mu-us,-ri a-na si-hir-ti-sza ak-szud 71. qu-ra-di-szu-nu u2-szem-qit2 72. _iri-mesz_-szu-nu i-na _izi-mesz_ asz2-ru-up ap-pul2 73. aq-qur um-ma-na-at _kur_ qu-ma-ne2-e 74. a-na re-s,u2-ut _kur_ mu-us,-ri 75. lu il-li-ku-ni i-na _kur_-e it-te-szu-nu 76. lu am-da-hi-is, a-bi-ik-ta-szu-nu lu as-kun 77. a-na _1(disz)-en iri iri_ a-ri-ni sza _giri3 kur_ a-i-sa 78. lu-u2 e-si-ir-szu-nu-ti _giri3-mesz_-ia 79. is,-ba-tu _iri_ szu-a-tu e-t,i2-ir 80. li-i-t,i2-_mesz gun_ u3 ma-da-at-ta 81. _ugu_-szu-nu u2-kin2 single ruling 82. i-na u4-mi-szu-ma kul2-lat _kur_ qu-ma-ne2-e 83. sza a-na re-s,u2-ut _kur_ mu-us,-ri is-sa-ak-nu 84. nap-har _kur-kur-mesz_-szu-nu lu id-ku-li-ni 85. a-na e-pes _{gesz}tukul-mesz_ qab-li u3 _me_ 86. lu iz-zi-zu-ni i-na su-mur _{gesz}tukul-mesz_-ia 87. ez-zu-te it-ti _2(u) lim_ um-ma-na-te-szu-nu 88. dagal_-mesz_ i-na _kur_ ta-la lu am-da-hi-is,-ma 89. a-bi-ik-ta-szu-nu lu asz2-kun 90. ki-s,ir-szu-nu gap-sza lu-pe-ri-ir 91. a-di _kur_ ha-ru-sa sza2 pa-an _kur_ mu-us,-ri 92. ab-ku-szu-nu lu ar-du-ud szal-ma-at 93. qu-ra-di-szu-nu i-na gi-sal-lat _kur_-i 94. ki-ma szu-u2-be usz-na-il 95. _usz2-mesz_-szu-nu hur-ri u3 ba-ma-a-te sza _kur_-i 96. lu-szer3-di ma-ha-zi-szu-nu _gal-mesz_ 97. ak-szud i-na _izi-mesz_ asz2-ru-up 98. ap-pul2 aq-qur a-na _du6_ u3 kar-me u2-ter single ruling 99. _iri_ hu-nu-sa _iri_ dan-nu-ti-szu-nu 100. ki-ma _du6_ a-bu-be asz2-hu-up column 6 1. it-ti um-ma-na-te-szu-nu gap-sza-a-te 2. i-na _iri_ u3 _kur_-e szam-risz lu-u2 am-da-hi-is, 3. a-bi-ik-ta-szu-nu lu asz2-kun 4. _erin2-mesz_ muq-tab-li-szu-nu i-na qe2-reb hur-sza-a-ni 5. ki-ma su-u2-be lu us-na-il _sag-du_-mesz_-szu-nu 6. ki-ma ze-er-qe2 u2-ne2-ki-is 7. _usz2-mesz_-szu-nu hur-ri u3 ba-ma-a-te sza2 _kur_-i 8. lu-szer3-di _iri_ szu-a-tu ak-szud 9. _dingir-mesz_-szu-nu asz2-sza-a szal-la-su-nu bu-sa-szu-nu nam-kur-szu-nu 10. u2-sze-s,a-a _iri_ i-na _izi-mesz_ asz2-ru-up 11. _3(disz) bad3-mesz_-szu sza i-na a-gur2-ri 12. ra-as,2-bu u3 si-hir-ti _iri_-szu 13. ap-pul2 aq-qur a-na _du6_ u3 kar-me 14. u2-ter u3 NA4-mesz_ s,i-pa i-na muh-hi-su 15. az-ru _nim-gir2 zabar_ e-pu-usz 16. ki-szit-ti _kur-kur_-mesz_ sza i-na {d}a-szur _en_-ia 17. ak-szu-du _iri_ szu-a-tu a-na la-a s,a-ba-te 18. u3 _bad3_-szu la-a ra-s,a-pi i-na muh-hi 19. al-t,u-ur _e2_ sza a-gur2-ri i-na muh-hi-su 20. ar-s,ip _nim-gir2 zabar_ sza-tu-nu 21. i-na lib3-bi u2-sze-szi-ib single ruling 22. i-na _{gesz}tukul_-ti {d}a-szur _en_-ia _{gesz}gigir-mesz_ 23. u3 qu-ra-di-ia-_mesz_ lu al-qe2 _iri_ kip-szu-na 24. _iri lugal_-ti-szu-nu lu al-mi _lugal kur_ qu-ma-ne2-e 25. ti-ib _me3_-ia dan-na e-du-ur-ma 26. _giri3-mesz_-ia is,-bat _iri_ szu-a-tu e-t,i2-ir 27. _bad3_-szu _gal_-a u3 a-sa-ia-te-su 28. sza a-gur2-ri a-na na-pa-li aq-ba-szu-ma 29. isz-tu usz-sze-szu a-di gaba-dib-bi-szu 30. ip-pul2 a-na _du6_ u2-ter 31. u3 5(disz) szu-szi qi-in-na-a-te _en-mesz_ hi-i-t,i2 32. sza lib3-bi-su sza2 a-na {d}a-szur _en_-ia la-a ka-an-szu 33. is-su-ha am-hur-szu li-i-t,i2-_mesz_-szu 34. as,-bat _gun_ u3 ma-da-ta 35. _ugu_ sza pa-na ut-ter i-na muh-hi-szu 36. asz2-kun _kur_ qu-ma-ne2-e _dagal_-ta 37. a-na pat, gim-ri-sza ak-szud a-na _giri3-mesz_-ia 38. u2-szek2-nisz single ruling 39. _szu-nigin2 4(u) 2(disz) kur-kur-mesz_ u3 mal-ki-szi-na 40. isz-tu e-ber-ta-an _i7_ za-ban szu-pa-li-i 41. szi-id-di hur-sza-a-ni ne2-su-te 42. a-di e-ber-ta-an _i7_ pu-rat-te 43. _kur_ ha-at-te-e u3 _a-ab-ba_ e-le-ni-ti 44. sza sza-la-mu {d}szam-sze isz-tu ri-isz _lugal_-ti-ia 45. a-di _5(disz) bala_-ia qa-a-ti ik-szud 46. pa-a 1(disz)-en u2-sze-esz-kin-szu-nu-ti 47. li-t,i2-_mesz_-szu-nu as,-bat _gun_ 48. u3 ma-da-ta _ugu_-szu-nu u2-kin2 single ruling 49. e-zi-ib har-ra-na-at _kur-mesz_ ma-da-a-tu 50. sza a-na li-ta-te-ia la-a qe2-er-ba 51. _a-sza3 du10-ga_ i-na _{gesz}gigir-mesz_-ia u3 mar-s,a 52. i-na _giri3-mesz_-ia ar-ki-szu-nu 53. lu at-tal-lak _giri3-mesz kur-mesz_ 54. i-na _kur_-ti-ia lu-u2 ap-ru-us single ruling 55. {disz}{gesz}tukul-ti-ibila-e2-szar2-ra et,-lu qar-du ts: tukulti-apil-ešara eṭlu qardu en: Tiglath-Pileser, heroic man, 56. ta-me-eh _{gesz}ban_ la-a sza2-na-an ts: tāmeḫ qāšti la šanān en: holder of the bow without rival, 57. mu-gam-me-ru bu-'u-ur s,e-ri ts: mugammeru bu’’ur ṣēri en: expert of the hunt of the steppe: single ruling 58. {d}nin-urta u3 {d}igi-du _{gesz}tukul-mesz_-szu-nu ts: ninurta u palil kakkīšunu en: Ninurta and Palil their weapons 59. ez-zu-te u3 _{gesz}ban_-su-nu s,er-ta ts: ezzūte u qašassunu ṣerta en: angry and their bow exalted 60. a-na i-di _en_-ti-ia isz-ru-ku ts: ana idi bēlūtiya išrukū en: to my lordly side they gave; 61. i-na si-qir {d}nin-urta ra-'i-mi-ia ts: ina siqir ninurta rā’imiya en: by order of Ninurta who loves me, 62. 4(disz) pu-hal _am-mesz_ dan-nu-te szu-tu-ru-te ts: erbei puḫal rīmū dannūte šuturūte en: 4 wild virile bulls, strong exceeding, 63. i-na hu-rib-te i-na _kur_ mi-ta-ni ts: ina ḫuribte ina māt mitani en: in the wilderness in the land of the Mitanu, 64. u3 i-na _iri_ a-ra-zi-qi sza2 pa-an ts: u ina āl araziqi ša pan en: and in the city Araziqu which is before 65. _kur_ ha-at-te i-na _{gesz}ban_-ia dan-na-te ts: māt ḫatte ina qaštiya dannate en: the land Ḫattu with my strong bow, 66. szu-ku-ud _an-bar_ u3 mul-mul-li-ia ts: šukud parzillu u mulmullīya en: spear of iron and my arrows 67. zaq-tu-te na-pisz-ta-szu-nu u2-szeq2-ti ts: zaqtūte napištašunu ušeqti en: sharp, their lives I ended; 68. _kusz-mesz_-szu-nu _si-mesz_-szu-nu ts: maškīšunu qarnīšunu en: their skins and their hides 69. a-na _iri_-ia {d}a-szur ub-la ts: ana āliya aššur ubla en: to my city Assur I brought. single ruling 70. _1(u) am-si-mesz_ pu-ha-li dan-nu-ti ts: ešret pīrū puḫalī dannūti en: 10 elephant bulls, strong, 71. i-na _kur kaskal_-ni u3 szi-di _i7_ ha-bur ts: ina māt ḫarrāni u šiddi nār ḫabur en: in the land Ḫarrān and the region of the river Ḫabur 72. lu a-duk _4(disz) am-si-mesz_ bal-t,u-te ts: lū aduk erbeti pīrī balṭūte en: I verily killed, four living elephants 73. lu-s,a-bi-ta _kusz-mesz_-szu-nu ts: luṣabbita maškīšunu en: I seized. Their skins 74. _zu2-mesz_-szu-nu it-ti _am-si-mesz_-ma ts: šinnīšunu itti pīrī en: and their teeth with elephants 75. bal-t,u-te a-na _iri_-ia {d}a-szur ub-la ts: balṭūte ana āliya aššur ubla en: living to my city of Aššur I brought. single ruling 76. i-na si-qir {d}nin-urta ra-'i-mi-ia ts: ina siqir ninurta rā’imiya en: By order of Ninurta who loves me 77. 2(disz) szu-szi _ur-mah-mesz_ i-na lib3-bi-ia ek-di ts: šina šuši nēšī ina libbiya ekdi en: 120 lions in my wild heart 78. i-na qit-ru-ub mi-it,-lu-ti-ia ts: ina qitrub miṭlūtia en: in combat heroic, 79. i-na _giri3-mesz_-ia lu a-duk ts: ina šēpīya lū aduk en: on foot I verily killed; 80. u3 8(disz) me _ur-mah-mesz__ i-na _{gesz}gigir_-ia ts: u sāmanat meat nēšī ina narkabtiya en: and 800 lions in my chariot 81. i-na pat-tu-te u2-szem-qit2 ts: ina pattūte ušemqit en: in the open I felled; 82. bu-ul {d}szakkan2 gi-mir-ta u3 _muszen an_-e ts: būl šakkan gimirta u iṣṣūr šamê en: all of the creatures of Šakkan and birds of the sky 83. mut-tap-ri-sza e-em ni-sik _gi-mesz_-ia ts: muttapriša ēm nisik qanêya en: flying with the bite of my reeds 84. lu-u2 at-ta-ad-di ts: lū attaddi en: I brought low. single ruling 85. isz-tu _kur-mesz_-ut {d}a-szur pat, gim-ri-szu-nu 86. a-pe-lu _e2_ {d}inanna asz2-szu-ri-te 87. _nin_-ia _e2_ {d}mar-tu _e2_ {d}en-libir-ra 88. _e2_ {d}1(u)-te _e2-hi-a-mesz dingir-mesz_-ni 89. an-hu-te sza2 _iri_-ia {d}a-szur e-pu-usz 90. u2-szek2-lil te-ru-bat _e2-hi-a-mesz_-szu-nu 91. asz2-kun _dingir-mesz gal-mesz en-mesz_-ia 92. a-na lib3-bi u2-sze-rib 93. lib-bi _dingir_-ti-szu-nu u2-t,i2-ib 94. _e2-gal_-mesz_-te szu-bat _lugal_-ti 95. sza2 ma-ha-za-ni _gal-mesz_-te 96. sza2 szi-di _kur_-ti-ia gab-be sza isz-tu 97. tar-s,i _ad-mesz_-ia i-na _mu-mesz_-te 98. dan-na-te um-da-szi-ra-ma e-na-ha-ma 99. i'-ab-ta _du3_-usz u2-szek2-lil 100. _bad3-mesz kur_-ti-ia an-szu-te 101. ak-sze-er _{gesz}apin-mesz_ i-na nap-bar _kur_ {d}a-szur 102. gab-be u2-szer3-ki-is u3 ta-ab-ka 103. sza _sze_-im-_mesz_ a-na sza _ad-mesz_-ia 104. lu u2-ter lu at-bu-uk 105. su-gul-lat _ansze-kur-ra-mesz gu4-mesz ansze-mesz_ column 7 1. sza i-na _{gesz}tukul-ti {d}a-szur _en_-ia 2. i-na _kur-kur-mesz_ sza a-pe-lu-si-na-ti 3. ki-szit-ti qa-ti-ia 4. sza2 al-qa-a ak-s,ur u3 su-gul-lat 5. na-a-li-_mesz_ dara4-masz-mesz_ ar-mi-_mesz_ 6. tu-ra-hi-_mesz_ sza {d}a-szur u3 {d}masz 7. _dingir-mesz aga3-mesz_-ia e-pesz bu-'u-ri 8. i-qi-szu-ni i-na qe2-reb hur-sza2-ni 9. sza-qu-ti u2-tam-me-hu 10. su-gul-la-te-szu-nu ak-s,ur 11. mi-nu-szu-nu ki-ma sza mar-szit 12. s,e-ni-_mesz_-ma lu-u2 am-nu 13. pu-ha-di e-lu-_mesz_ nab-ni-it 14. lib3-bi-szu-nu a-na bi-ib-lat lib3-bi-ia 15. it-ti _siskur-mesz_-ia _ku3-mesz_ 16. _mu_-szam3-ma a-na {d}a-szur _en_-ia lu at-ta-qi single ruling 17. _gesz_ e-re-na _gesz_ tas-ka-ri-na 18. _gesz_ al-la-ka-ni-isz i-na _kur-kur-mesz_ 19. sza a-pe-lu-szi-na-ti _gesz-mesz_ 20. sza-tu-nu sza2 i-na _lugal-mesz_-ni 21. _ad-mesz_-ia mah-ru-te ma-am-ma 22. la iz2-qu-pu al-qa-am-ma 23. i-na _{gesz}kiri6-mesz kur_-ti-ia 24. az-qu-up u3 _gurun {gesz}kiri6_ 25. aq-ra sza i-na _kur_-ti-ia la-asz2-szu 26. al-qa-a _{gesz}kiri6-mesz kur_ {d}a-szur 27. lu-u2 usz-me-li single ruling 28. _{gesz}gigir-mesz_ s,i-im-da-at ni-ri 29. a-na e-muq _kur_-ti-ia _ugu_ sza2 pa-na 30. lu u2-ter lu u2-szer3-ki-is 31. _ugu kur_ {d}a-szur ma-a-ta 32. _ugu ug3-mesz_-sza _ug3-mesz_ lu-rad-di 33. _uzu-mesz ug3-mesz_-ia u2-t,i2-ib 34. szub-ta ne2-eh-ta 35. u2-sze-szi-ib-szu-nu-ti single ruling 36. {disz}{gesz}tukul-ti-ibila-e2-szar2-ra _nun_ s,i-ru 37. sza {d}a-szur u3 {d}nin-urta a-na bi-ib-lat 38. lib3-bi-su it-tar-ru-szu-ma 39. ar-ki _kur2-mesz_-ut {d}a-szur 40. pat, gim-ri-szu-nu it-tal-la-ku-ma 41. u2-szek2-ni-szu gi-mir mul-tar-hi single ruling 42. _a_ {d}a-szur-sag-i-si _lugal_ dan-ni ka-szid 43. _kur-kur kur-mesz_ mu-szek2-ni-szu 44. gi-mir al-t,u2-ti single ruling 45. _a a_ sza2 {disz}mu-tak-kil-{d}nusku sza2 {d}a-szur _en gal_ 46. i-na u2-tu-ut ku-un lib3-bi-su 47. ih-szu-hu-szu-ma a-na _sipa_-ut 48. _kur_ {d}a-szur ki-ni-isz ib-bu-szu single ruling 49. _ibila_ ke-e-nu sza {disz}{d}a-szur-da-a-an 50. na-asz2 _{gesz}gidri ku3_-te mul-tasz-pi-ru 51. te-ne2-szet {d}en-lil2 sza ep-szet qa-ti-su 52. u3 na-dan zi-bi-su 53. _ugu dingir-mesz gal-mesz_ i-t,i2-bu-ma 54. se-bu-ta u3 la-be-ru-ta il-li-ku single ruling 55. lib3-lib3-bi sza {disz}{d}nin-urta-ibila-e2-kur 56. _lugal_ da-pi-ni na-mad {d}a-szur 57. sza nu-ba-lu-su ki-ma u2-ri-ni 58. _ugu kur_-ti-szu szu-par2-ru-ru-ma 59. um-ma-na-at _kur_ {d}a-szur ki-ni-isz ir-te-e-u2 single ruling 60. i-na u4-mi-szu-ma _e2_ {d}a-nim u3 {d}iszkur 61. _dingir-mesz gal-mesz en-mesz_-ia 62. sza i-na pa-na {disz}szam-szi-{d}iszkur _ensi_ {d}a-szur 63. _dumu_ isz-me-{d}da-gan _ensi_ {d}a-szur-ma 64. e-pu-szu _6(disz) me 4(u) 1(disz) mu-mesz_ 65. il-lik e-na-ah 66. {disz}{d}a-sur-da-a-an _lugal kur_ a-szur 67. _dumu_ {d}masz-ibila-e2-kur _lugal kur_ a-szur-ma 68. _e2_ sza-a-tu ip-pu-ul ul e-pu-usz 69. 1(disz) szu-szi _mu-mesz_-te usz-szu-szu 70. ul i-na-du-u2 single ruling 71. i-na szur-ru _lugal_-ti-ia {d}a-nu 72. u3 {d}iszkur _dingir-mesz gal-mesz en-mesz_-ia 73. _aga3_-mu _sanga_-ti-ia 74. e-pa-asz2 at-ma-ni-szu-nu 75. iq-bu-ni _sig4-mesz_ al-bi-in 76. qaq-qar-szu u2-me-si 77. dan-na-su ak-szud usz-sze-e-szu 78. i-na _ugu_ ki-sir _kur_-i dan-ni ad-di 79. asz2-ra sa-a-tu a-na si-hir-ti-su 80. i-na _sig4-mesz_ ki-ma ka-nu-ni asz2-pu-uk 81. 5(u) ti-ib-ki a-na szu-pa-li 82. u2-te2-bi i-na muh-hi-szu 83. usz-sze _e2_ {d}a-nim u3 {d}iszkur _dingir-mesz gal-mesz en-mesz_-ia 84. sza pu-li ad-di 85. isz-tu usz-sze-szu a-di gaba-dib-bi-su 86. e-pu-usz _ugu_ mah-re-e ut-ter 87. 2(disz) si-qur-ra-a-te _gal-mesz_-te 88. sza a-na si-mat _dingir_-ti-szu-nu _gal_-le 89. szu-lu-ka lu ab-ni 90. _e2 ku3_ at-ma-na qu-szu-da 91. su-bat hi-da-te-szu-nu 92. mu-szab ta-szi-il-ti-szu-nu 93. sza ki-ma _mul an_-e szu-pu-u2 94. u3 i-na szi-par2 _{lu2}szitim_-nu-ti 95. ma-a'-disz nu-su-qu 96. ak-pu-ud a-na-ah _du3_-usz 97. u2-szek2-lil qe2-reb-szu 98. ki-ma lib3-bi _an_-e u2-be-en-ni 99. i-ga-ra-te-szu ki-ma sza-ru-ur 100. si-it _mul-mesz_ u2-si-im 101. u2-szer3-rib na-me-re-e-szu 102. u3 si-qur-ra-te-su a-na _an_-e 103. u2-sze-qi-ma u3 gaba-dib-bi-szu 104. i-na a-gur2-ri u2-re-ki-is 105. e-lal-la-a 106. pa-ra-as, _dingir_-ti-szu-nu 107. _gal_-ti i-na qe2-reb-su 108. ad-di 109. {d}a-na u3 {d}iszkur _dingir-mesz gal-mesz_ 110. a-na lib3-bi u2-sze-ri-ib 111. i-na szub-ti-szu-nu s,ir-ti 112. u2-sze-szi-ib-szu-nu-ti 113. ki lib3-bi _dingir_-ti-szu-nu _gal_-ti 114. u2-t,i2-ib single ruling column 8 1. _e2_ ha-am-ri sza {d}iszkur _en_-ia 2. sza {disz}szam-szi-{d}iszkur _ensi_ {d}a-szur 3. _dumu_ isz-me-{d}da-gan _ensi2_ {d}a-szur-ma 4. e-pu-szu e-na-ah-ma i'-a-bit 5. a-szar-szu u2-me-si isz-tu usz-sze-szu 6. a-di gaba-dib-bi-szu i-na a-gur2-ri 7. ar-s,i-ip _ugu_ mah-re-e 8. u2-si-im u2-szer3-szid 9. i-na lib3-bi-su _siskur_-mesz_-te _ku3-mesz_-te 10. a-na {d}iszkur _en_-ia lu at-ta-qi single ruling 11. i-na u4-mi-szu-ma _{na4}zu na4_ hal-ta 12. u3 _{na4}ka-gi-na_ i-na _kur-mesz_-ni 13. sza _kur-kur_ na-i-ri sza i-na _{gesz}tukul_-ti {d}a-szur _en_-ia 14. ak-szu-du lu-u2 asz2-sza-a 15. i-na _e2_ ha-am-ri sza {d}iszkur _en_-ia 16. a-na s,a-at u4-me u2-kin2 single ruling 17. ki-ma a-na-ku _e2 ku3_ at-ma-na s,i-i-ra 18. a-na mu-szab {d}a-nim u3 {d}iszkur _dingir-mesz gal-mesz_ 19. _en-mesz_-ia ak-pu-du-ma la a-par2-ku-u2 20. a-na e-pe-szi a-bi la-a ad-du-u2 21. ha-an-t,isz u2-szek2-li-lu-ma 22. lib3-bi _dingir_-ti-szu-nu _gal_-li 23. u2-t,i2-bu {d}a-nu u3 {d}iszkur 24. ki-ni-isz li-sah-ru-ni-ma 25. ni-isz qa-ti-ia li-ra-mu 26. te-me-eq ik-ri-be-ia lis-me-u2 27. zu-ni t,a-ah-du-te sza-na-at 28. nu-uh-sze u3 masz-re-e a-na _bala-mesz_-ia 29. lisz-ru-ku i-na _muru2_ u3 _me_ 30. szal-misz lit-tar-ru-u2-ni 31. nap-har _kur-kur kur2-mesz_-ia _kur-mesz_ 32. szap-s,u2-te u3 mal-ki-_mesz_ za-e-ri-ia 33. a-na _giri3-mesz_-ia lu-szek2-ni-szu 34. a-na ia-a-si u3 _numun sanga_-ti-ia 35. ki-rib-ta t,a-ab-ta lik-ru-bu-ni-ma 36. _sanga_-ti i-na ma-har {d}a-szur u3 _dingir_-ti-szu-nu 37. _gal_-ti a-na ah-rat _u4-mesz_ 38. ki-ma _kur_-i ki-nisz lu-szer3-szi-du single ruling 39. li-ta-at qur-di-ia ir-nin-tu 40. tam-har-ri-ia szuk-nu-usz _kur2-mesz_ 41. za-e-ru-ut {d}a-szur sza {d}a-nu u3 {d}iszkur 42. a-na szi-rik2-ti isz-ru-ku-u2-ni 43. i-na _{na4}na-ru2-a-mesz_-ia u3 tem-me-ni-ia 44. al-t,u2-ur i-na _e2_ {d}a-nim u3 {d}iszkur 45. _dingir-mesz gal-mesz en-mesz_-ia 46. a-na s,a-at _u4-mesz_ asz2-kun 47. u3 _{na4}na-ru2-a-mesz__ sza {disz}szam-szi-{d}iszkur 48. a-bi-ia _i3-mesz_ ap-szu-usz _udu-siskur_ 49. aq-qi a-na asz2-ri-szu-nu u2-ter single ruling 50. a-na ar-kat3 _u4-mesz_ a-na u4-um s,a-a-te 51. a-na ma-te-ma _nun egir_-u2 52. e-nu-ma _e2_ {d}a-nim u3 {d}iszkur _dingir-mesz_ 53. _gal-mesz en-mesz_-ia u3 si-qur-ra-a-tu 54. sza-ti-na u2-szal-ba-ru-ma 55. e-na-hu an-hu-szu-nu lu-ud-disz 56. _{na4}na-ru2-a-mesz_-ia u3 tem-me-ni-_mesz_-ia 57. _i3-mesz_ lip-szu-usz _udu-siskur_ li-iq-qi 58. a-na asz2-ri-szu-nu lu-u2-ter 59. u3 _mu_-szu it-ti _mu_-ia lil-t,u-ur 60. ki-ma ia-a-ti-ma {d}a-nu u3 {d}iszkur 61. _dingir-mesz gal-mesz en-mesz_-ia i-na _du10-ga_ lib3-bi 62. u3 ka-szad ir-nin-te _du10-ga_-isz lit-tar-ru-szu single ruling 63. sza _{na4}na-ru2-a-mesz_-ia u3 tem-me-ni-_mesz_-ia 64. i-hap-pu-u2 i-sa-pa-nu 65. a-na _a-mesz_ i-na-du-u2 66. i-na _izi-mesz_ i-qal3-lu-u2 67. i-na _sahar-mesz_ i-ka-ta-mu i-na _e2 azag_ 68. a-szar la-ma-ri pi-szi-risz i-na-ki-mu 69. _mu_ szat,-ra i-pa-si-t,u2-ma 70. _mu_-szu i-sza-t,a-ru u3 mi-im-ma 71. lem-na i-ha-sa-sa-ma 72. a-na pa-an _{na4}na-ru2-a-mesz_-ia 73. u2-szap-ra-ku single ruling 74. {d}a-nu u3 {d}iszkur _dingir-mesz gal-mesz en-mesz_-ia 75. ez-zi-isz li-kil-mu-szu-ma 76. ar-ra-ta ma-ru-usz-ta li-ru-ru-szu 77. _lugal_-szu lis-ki-pu 78. _suhusz {gesz}gu-za lugal_-ti-szu li-su-hu 79. per2-'e _en_-ti-su li-bal-lu-u2 80. _{gesz}tukul-mesz_-szu lu-u2-szab-bi-ru 81. a-bi-ik-ti um-ma-ni-szu lisz-ku-nu 82. i-na pa-an _kur2-mesz_-szu ka-misz 83. lu-sze-szi-bu-szu {d}iszkur i-na _nim-gir2_ 84. _hul_-le _kur_-szu li-ib-riq2 85. su-un-qa bu-bu-ta hu-szah-ha 86. _usz2-mesz_ a-na _kur_-ti-szu lid-di 87. 1(disz)-en u4-ma la _ti_-su liq-bi 88. _mu_-szu _numun_-szu i-na _kur_-ti lu-u2-hal-liq double ruling blank space 89. _iti_ ku-zal-lu _u4# 2(u) 9(disz@v)-kam_ li-mu 90. {disz}i-na-_dingir_-ia-al-lak _gal bi-lul-mesz_ Version History |
| RIMA 2.0.087.001, ex. 04 Click for archival page
Can you improve upon the content of this entry? Please contact us! | View detail image (click on image to enlarge) | Prism |
| RIMA 2.0.087.001, ex. 05 Click for archival page
Can you improve upon the content of this entry? Please contact us! |  (click on image to enlarge) | Prism |
| RIMA 2.0.087.001, ex. 06 Click for archival page
Can you improve upon the content of this entry? Please contact us! |  (click on image to enlarge) | Prism |
| RIMA 2.0.087.001, ex. 07 Click for archival page
Can you improve upon the content of this entry? Please contact us! |  (click on image to enlarge) | Prism surface a beginning broken column 1' 1'. [...] si-it# [...] 2'. [...]-szer3-[...] 3'. [...]-te#-szu [...] 4'. [...] u3 gaba#-[..] 5'. [...]-ri# u2-re#-[...] 6'. [...]-a# pa-ra-as, [...] 7'. [...] i#-na# qe2-reb-szu# [...] 8'. [...] u3 {d}iszkur [...] 9'. [...]-ia# a-na lib3-bi# [...] 10'. [...]-ti#-szu-nu [...] 11'. [...]-szi#-ib-szu-nu-ti# [...] 12'. [...]-szu#-nu _gal_-[...] rest broken Version History |
| RIMA 2.0.087.001, ex. 08 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 09 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 10 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 11 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 12 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 13 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 14 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 15 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 16 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 17 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 18 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 19 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 20 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 21 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 22 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 23 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 24 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 25 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 26 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 27 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 28 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 29 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 30 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 31 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 32 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 33 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 34 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 35 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 36 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 37 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 38 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 39 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 40 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 41 Click for archival page
Can you improve upon the content of this entry? Please contact us! | No Image Available | Prism |
| RIMA 2.0.087.001, ex. 42 Click for archival page
Can you improve upon the content of this entry? Please contact us! | No Image Available | Prism |