Search results
Page: 1
1 text(s) found
Search aids
Terms of Use
Internal login
|
|
Search resultsPage: 1 1 text(s) found |
Return to Search Page Search aids Terms of Use Internal login |
| Download all text | Download transliterations | Reduce to catalogue data | Unclear abbreviations? | Support the CDLI |
| Gilgamesh II 001-003 CBS 07771 Click for archival page
Can you improve upon the content of this entry? Please contact us! | View line art View detail image View detail line art  (click on image to enlarge) | Tablet obverse column 1 1. it-bi-e-ma {d}gesz szu-na-tam i-pa-asz-szar 2. iz-za-kar3-am a-na um-mi-szu 3. um-mi i-na sza-at mu-szi-ti-ia 4. sza-am-ha-ku-ma at-ta-na-al-la-ak 5. i#-na bi-ri-it it-lu-tim 6. ib-ba#-szu#-nim-ma ka-ka-bu sza-ma-i 7. ki#-is,#-ru3 sza a-nim im-qu2-ut a-na s,i-ri-ia 8. asz-szi-szu-ma ik-ta-bi-it e-li-ia 9. u2-ni-isz-szu-ma nu-usz-sza-szu u2-ul il-ti-'i 10. unu{ki} ma-tum pa-hi-ir e-li-szu 11. it-lu-tum u2-na-sza-ku szi-pi-szu 12. u2-um-mi-id-ma pu-ti 13. i-mi-du ia-ti 14. asz-szi-a-szu-ma ab-ba-la-asz-szu a-na s,i-ri-ki 15. um-mi {d}gesz mu-di-a-at ka-la-ma 16. iz-za-kar3-am a-na {d}gesz 17. mi-in-di {d}gesz sza ki-ma ka-ti 18. i-na s,i-ri i-wa-li-id-ma 19. u2-ra-ab-bi-szu sza-du-u2 20. ta-mar-szu-ma [_gin7 munus?_] ta-ha-du at-ta 21. it-lu-tum u2-na-sza-ku szi-pi-szu 22. ti2-it,-t,i-ra-asz#-szu# tu2#?-ut#-tu2-u2-ma 23. ta#-tar-ra-asz-szu a-na s,i-ri#-ia# 24. usz#-ti-nim-ma i-ta-mar sza-ni-tam 25. [szu]-na#-ta# i-ta-wa-a-am a-na um-mi-szu 26. [um]-mi# a#-ta#-mar sza-ni-tam 27. [szu-na-tu a-ta]-mar# e-mi-a i-na su-qi2-im 28. [sza] unu#{ki} ri-bi-tim 29. ha#-as,#-s,i#-nu na-di-i-ma 30. e-li-szu pa-ah-ru 31. ha-as,-s,i-nu-um-ma sza-ni bu-nu-szu 32. a-mur-szu-ma ah-ta-du a-na-ku 33. a-ra-am-szu-ma ki-ma asz-sza-tim 34. a-ha-ab-bu-ub el-szu 35. el-ki-szu-ma asz-ta-ka-an-szu 36. a-na a-hi-ia 37. um#-mi# {d#}gesz mu#-da-at ka#-la#-ma 38. [iz-za-kar3-am a-na {d}gesz] 39. [{d}gesz sza ta-mu-ru _lu2_] 40. [ta-ha-ab-bu-ub ki-ma asz-sza-tim el-szu] column 2 1. asz-szum usz-[ta]-ma-ha-ru it-ti-ka 2. {d}gesz szu#-na#-tam i-pa-szar 3. {d}en-ki-[du10] wa#-szi-ib ma-har ha-ri-im-tim 4. ur2-sza# [ir]-ha#-mu di-da-sza ip-ti2-[e] 5. {d#}en#-ki#-du10 im-ta-szi a-szar i-wa-al-du 6. _u4 6(disz)# u3 7(disz) mu-szi-a-tim 7. {d}en-[ki-du10] ti#-bi-i-ma 8. sza#-[am-ka]-ta# ir-hi 9. ha-ri#-[im-tum pa]-a#-sza i-pu-sza-am-ma 10. iz-za-kar3#-[am] a-na {d}en-ki-du10 11. a-na-tal-ka# {d#}en-ki-du10 ki-ma _dingir_ ta-ba-asz-szi 12. am-mi-nim it-ti na-ma-asz-te-e 13. ta-at-ta-[na]-al#-ak s,i-ra-am 14. al-kam lu-ur2-di-ka 15. a-na _sza3_ unu#{ki} ri-bi-tim 16. a-na _e2_ el#-lim mu-sza-bi sza a-nim 17. {d}en-ki-du10# ti-bi lu-ru-ka 18. a-na e2-[an]-na# mu#-sza#-bi sza a-nim 19. a-szar [{d}gesz gi]-it-ma#-lu# ne-pe-szi-tim 20. u3 at-[ta] ki-[ma sal ta-ha]-bu#-ub#-szu# 21. ta-ra#-[am-szu ki-ma] ra#-ma-an-ka 22. al-ka ti-ba i-na# ga-ag-ga-ri 23. ma-a-ag#-ri-i-im 24. isz-me a-wa#-as-sa im-ta-har ga-ba-sza 25. mi-il-kum# sza _munus_ 26. im-ta-qu2-ut a#-na _sza3_-szu 27. isz-hu-ut li#-ib-sza-am 28. isz-ti-nam u2#-la-ab-bi-isz-su2 29. li-ib-sza#-am# sza-ni-a-am 30. szi-i it#-ta-al-ba-asz 31. s,a-ab-ta#-at ga-as-su 32. ki-ma _dingir#_ i-ri-id-di-szu 33. a-na gu-up#-ri sza-ri-i-im 34. a-szar# tar#-ba-s,i-im 35. i-na [asz]-ri#-szu# im#-hu-ru ri-ia-u2 36. u3# szu#-[u {d}en]-ki#-[du10 i-lit]-ta#-szu# [sza-du-um]-ma# 37. [it-ti _dab5_-ma ik-ka-la szam-ma] 38. [it-ti bu-lim masz-qa-a i-szat-ti] 39. [it-ti na-ma-asz-te-e _a_ i-t,ab lib-ba-szu] 40. [...] column 3 1. szi-iz-ba sza na-ma-asz-te-e# 2. i-te-en-ni-ik 3. a-ka-lam isz-ku-nu ma-har-szu 4. ib-ti2-ik-ma i-na-at-tal 5. u3 ip-pa-al-la-as 6. u2-ul i-di {d}en-ki-du10 7. _ninda_ a-na a-ka-lim 8. _kasz_ a-na sza-te-e-im 9. la-a lum-mu-ud 10. ha-ri-im-tum pi-sza i-pu-sza-am-ma 11. iz-za-kar3-am a-na {d}en-ki-du10 12. a-ku-ul ak-lam {d}en-ki-du10 13. zi-ma-at ba-la-t,i-im 14. _kasz_ szi-ti szi-im-ti ma-ti 15. i-ku-ul a-ak-lam {d}en-ki-du10 16. a-di szi-bi-e-szu 17. _kasz_ isz-ti-a-am 18. 7(disz) as,-s,a-am-mi-im 19. it-tap-szar kab-ta-tum i-na-an-gu 20. i-li-is, _sza3_-szu-ma 21. pa-nu#-szu# it#-tam-ru 22. ul-tap-pi-it# _[{lu2}]szu-i_ 23. szu-hu-ra-am pa-ga-ar#-szu# 24. sza-am-nam ip-ta-sza-asz-ma 25. a-wi-li-isz i-we 26. il-ba-asz li-ib-sza-am 27. ki-ma mu-ti i-ba-asz-szi 28. il-ki ka-ak-ka-szu 29. la-bi u2-gi#-ir-ri 30. usz-sa-ak-pu _sipa_ mu-szi-a-tim 31. ut-tap-pi-isz szib-ba-ri 32. la-bi uk-ta#-szi-id 33. it-ti-lu na-ki-di#-e# ra-bu-tum 34. {d}en-ki-du10 ma-as,#-s,a-ar-szu-nu 35. a-wi-lum gesz-ru-um 36. isz-te#-en et-lum 37. a#-na# [na-ki-de-e?] i#-za-ak-ki-ir 38. i#-na# x at x x x rest broken reverse column 1 beginning broken 1'. x x [...] x x 2'. i-ip-pu-usz# ul-s,a-am 3'. isz#-szi-ma i-ni-i#-szu 4'. i-ta-mar a#-wi#-lam 5'. iz-za-kar3-am a-na _kar-ke4_ 6'. sza-am-ka-at uk-ki-szi a-wi-lam 7'. a-na mi-nim il-li#-kam 8'. zi-ki-ir-szu lu-usz#-szu 9'. ha-ri-im-tum isz-ta-si a-wi#-lam 10'. i-ba-usz-su-um-ma i-ta-mar#-szu# 11'. e-di-il e-esz ta-hi-il#-[la]-am# 12'. mi-nu a-la-ku ma-na-ah-ti#-ka 13'. e-pi-szu i-pu-sza-am-ma# 14'. iz#-za#-kar3-am a-na {d}en#-[ki-du10] 15'. bi-ti#-isz# e#-mu-tim ik-x x x 16'. szi-ma-a-at ni-szi-i-ma 17'. tu-a-ar e-lu-tim 18'. a-na _iri?_ dup-szak-ki-i e-s,i-en 19'. uk-la-at _iri?_ e-mi-sa a-a-ha-tim 20'. a-na _lugal_ sza unu{ki} ri-bi-tim 21'. pi-ti pu-uk _du3_-szi a-na ha-a-a-ri 22'. a-na {d}gesz _lugal_ sza unu{ki} ri-bi-tim 23'. pi-ti pu-uk _du3_-szi 24'. a-na ha-a-a-ri 25'. asz-sza-at szi-ma-tim i-ra-ah-hi 26'. szu-u2 pa-na-nu-um-ma 27'. mu-uk wa-ar-ka-nu 28'. i-na mi-il-ki sza _dingir_ ga-bi-ma 29'. i-na bi-ti-iq a-bu-un-na-ti-szu 30'. szi-ma-as-su 31'. a-na zi-ik-ri et-li-im 32'. i-ri-ku pa-nu-szu column 2 beginning broken 1'. x x x lu# [...] 2'. i-il-la-ak [{d}en-ki-du10 i-na pa-ni] 3'. u-sza-am-ka-at [wa]-ar-ki-szu 4'. i-ru-ub-ma a-na _sza3_ unu{ki} ri-bi-tim 5'. ip-hur um-ma-nu-um i-na s,i-ri-szu 6'. iz-zi-za-am-ma i-na su-qi2-im 7'. sza unu{ki} ri-bi-tim 8'. pa-ah-ra-a-ma ni-szu 9'. i-ta-wa-a i-na s,i-ri-szu 10'. a-na _ge6_ {d}gesz ma#-szi-il pi-it-tam 11'. la-nam sza#-pi-il 12'. x x x-ki# [pu]-uk-ku-ul 13'. x [...] i-pa-ka#-du 14'. i-na# [_kur_ da-an e]-mu#?-ki i-wa 15'. szi-iz-ba sza# na#-ma#-asz#-[te]-e# 16'. i-te-en-ni#-ik 17'. ka-a-a-na i-na [_sza3_] unu#{ki} kak-ki-a-tum 18'. et-lu-tum u2-te-el-li-lu 19'. sza-ki-in ur-sza-nu 20'. a-na _gurusz_ sza i-sza-ru zi-mu-szu 21'. a-na {d}gesz ki-ma i-li-im 22'. sza-ki-isz-szum me-ih-ru3 23'. a-na disz-ha-ra ma-a-a-lum 24'. na-di#-i-ma 25'. {d}gesz it-til-ma# wa-ar#-ka#-[tim] 26'. i-na mu-szi in#-ne2-[bi]-it# 27'. i-na-ak-sza#-am-ma 28'. it-ta-zi#-[iz {d}en-ki-du10] i#-na _tar_ 29'. ip-ta-ra#-[as, a]-la#-ak-tam 30'. sza {d}gesz 31'. [a-na ...]-x-an da-nu-ni-isz-szu column 3 beginning broken 1'. ma#-ha-x [...] 2'. {d}gesz x-[...] 3'. i-na s,i-ri#-szu# [il-li-ka-am {d}en-ki-du10] 4'. i-ha-an-ni-ib# [pi-ir-ta-szu] 5'. it-bi-ma il#-[li-ik] 6'. a-na pa-ni-szu# 7'. it-tam-ha-ru i-na ri-bi-tum ma-ti 8'. {d}en-ki-du10 ba-ba-am ip-ta-ri-ik 9'. i-na# szi-pi-szu 10'. {d}gesz e-ri-ba-am u2-ul id-di-in 11'. is,-s,a-ab-tu-ma ki-ma li-i-im 12'. i-lu-du 13'. zi-ip-pa-am 'i-bu-tu 14'. i#-ga-rum ir-tu-tu 15'. {d}gesz u3 {d#}en#-ki-du10 16'. is,-s,a-ab-tu-u2-ma 17'. ki-ma li-i-im i-lu-du 18'. zi-ip-pa-am 'i-bu-tu 19'. i-ga#-rum ir-tu-tu2 20'. ik-mi-is-ma {d}gesz 21'. i-na ga-ag-ga-ri szi-ip-szu 22'. ip-szi-ih uz-za-szu-ma 23'. i-ni-ih i-ra-as-su 24'. isz-tu i-ra-su i-ni-hu 25'. {d}en-ki-du10 a-na sza-szi-im 26'. iz-za-kar3-am a-na {d}gesz 27'. ki-ma isz-te-en-ma um-ma-ka 28'. u2-li-id-ka 29'. ri-im-tum sza su-pu-ri 30'. {d}nin-sun2-na 31'. ul#-lu e-li mu-ti re-esz-ka 32'. szar-ru-tu2 sza ni-szi 33'. i-szi-im-kum {d}en-lil double ruling 34'. _dub 2(disz)-kam#-ma#_ 35'. szu#-tu-ur e-li x [...] bottom 1. 4(gesz2) szu#-szi Version History |