Search results
Page: 1
1 text(s) found
Search aids
Terms of Use
Internal login
|
|
Search resultsPage: 1 1 text(s) found |
Return to Search Page Search aids Terms of Use Internal login |
| Download all text | Download transliterations | Reduce to catalogue data | Unclear abbreviations? | Support the CDLI |
| RIMA 2.0.087.add031, ex. 01 Click for archival page
Can you improve upon the content of this entry? Please contact us! | View line art View detail image  (click on image to enlarge) | Tablet obverse column 1 law 1 1. szum#-ma# _munus_ [lu-u2] _dam lu2_ 2. [lu]-u2# [_dumu]-munus# lu2_ 3. [a-na] _e2 dingir_ te#-ta-ra-ab 4. [i-na] _e2 dingir_ [mi]-im-ma 5. [sza esz]-re#-ti-e# [tal-ti-ri-iq 6. [i-na qa]-ti#-[sza] is,-s,a-bi-[it] 7. lu-u2 ub-ta-e#-ru-u2-[szi] 8. lu-u2 uk-ta-i-nu-[u2-szi] 9. ba#-e-ru-ta# [i-laq-qi2-i-ma] 10. _dingir#_ i#-sza#-'#-[u2-lu] 11. ki#-i sza-a [_dingir_ a-na e-pa-sze] 12. i#-qa#-ab!(AD)-[bi-u2-ni] 13. e#-ep-pu-szu-u2#-szi law 2 14. szum#-[ma] _munus_ lu-u2 _dam_-at _lu2#_ 15. lu-u2 _dumu-munus lu2_ 16. szi-il-la-ta taq-t,i3-bi 17. lu-u2 mi-qi2-it pe-e 18. ta-ar-ti-i-szi 19. _munus_ szi-i-it 20. a-ra-an-sza ta-na-asz2-szi 21. a-na mu-ti-sza _dumu-mesz_-sza _dumu-munus-mesz_-sza 22. la-a i-qar-ri-i-bu law 3 23. szum-ma _lu2_ lu-u2 ma-ri-is, 24. lu-u2 me-et _dam_-su i-na _e2_-szu 25. mi-im-ma tal-ti-ri-iq 26. lu-u2 a-na _lu2_ lu-u2 a-na _munus_ 27. u3 lu-u2 a-na ma-am-ma 28. sza-ne2-em-ma ta-ti-din 29. _dam_-at _lu2_ 30. u3 ma-hi-ra-nu-te-ma 31. i-du-uk-ku-szu-nu 32. u3 szum-ma _dam_-at _lu2_ 33. sza mu-us-sa bal-t,u-u2-ni 34. i-na _e2_ mu-ti-sza tal-ti-ri-iq 35. lu-u2 a-na _lu2_ lu-u2 a-na _munus_ 36. u3 lu-u2 a-na ma-am-ma 37. sza-ne2-em-ma ta-at-ti-din 38. _lu2 dam_-su u2-ba-ar 39. u3 hi-i-t,a e-em-me-ed 40. u3 ma-hi-ra-a-nu sza i-na qa-at 41. _dam_-at _lu2_ im-hu-ru-u2-ni 42. szur-qa i-id-da-an 43. u3 hi-i-t,a ki-i sza-a _lu2_ 44. _dam_-su e-mi-du-u2-ni 45. ma-hi-ra-a-na e-em-mi-du law 4 46. szum-ma lu-u2 _ARAD2_ lu-u2 _geme2_ ARAD2 copied as APIN, photo unclear 47. i-na qa-at _dam_-at _lu2_ 48. mi-im-ma im-ta-ah-ru 49. sza _ARAD2_ u3 _geme2_ ap-pi-szu-nu 50. uz-ni-szu-nu u2-na-ak-ku-su 51. szur-qa u2-mal-lu-u2 _lu2_ sza _dam_-szu# 52. uz-ni-sza u2-na#-ak#-ka#-as2 53. u3 szum#-ma# _dam#_-su# u2-usz-szer3 54. [uz]-ni-sza la-a u2-na-ak-ki-is 55. sza _ARAD2_ u3 _geme2_ la-a u2-na-ku-su-ma 56. szur-qa la-a u2-ma-lu-u2 law 5 57. szum-ma _dam_-at _lu2_ i-na _e2 lu2_ 58. sza-ne2-e-ma mim3-ma tal-ti-ri-iq 59. a-na qa-at _5(disz) ma-na an-na_ 60. tu-ta-at-tir _en_ szur-qi2 i-tam-ma 61. ma-a szum-ma u2-sza-hi-zu-szi-ni 62. ma-a i-na _e2_-ia szi-ir-qi2 63. szum-ma mu-us-sa ma-gi-ir 64. szur-qa id-dan u3 i-pa-at,-t,ar-szi 65. uz-ni-sza u2-na-ak-ka-as2 66. szum-ma mu-us-sa a-na pa-t,a-ri-sza 67. la-a i-ma-ag-gu-ur 68. _en_ szur-qe2 i-laq-qe2-e-szi 69. u3 ap-pa-sza i-na-ak-ki-is law 6 70. szum-ma _dam_-at _lu2_ ma-asz2-ka-at-ta 71. i-na ki-i-di tal-ta-ka-an 72. ma-hi-ra-a-nu 73. szur-qa i-na-asz2-szi law 7 74. szum-ma _munus_ qa-ta a-na _lu2_ ta-ta-bal 75. ub-ta-e-ru-u2-szi 76. _3(u) ma-na an-na_ ta-ad-dan 77. 2(u) i-na _{gesz}pa-mesz_ i-mah-hu-s,u-szi law 8 78. szum-ma _munus_ i-na s,a-al-te isz-ka 79. sza _lu2_ ta-ah-te-e-pi 80. 1(disz) u2-ba-an-sza i-na-ki-su 81. u3 szum-ma _{lu2}a-zu_ ur-tak-ki-is-ma 82. isz-ku sza-ne2-tu il-te-sza-ma 83. ta-at-ta-al-pa-at 84. [e]-ri-im-ma tar-ti-i-szi 85. [u3] lu#-u2 i-na s,a-al-te 86. [isz]-ka# sza-ne2-ta tah-te-pi 87. _[gaba?]-mesz#_-sza ki-la-lu-un i-na-pu-lu law 9 88. [szum-ma] _lu2_ qa-ta a-na _dam_-at _lu2_ 89. [u2]-bil# ki-i šer2-re e-pu-us-si 90. [ub]-ta-e-ru-u2-usz 91. [uk]-ta-i-nu-u2-usz 92. [1(disz)] u2-ba-an-szu i-na-ki-su 93. [szum]-ma i-it-ti-szi-iq-szi 94. [sza]-pa-as-su szap-li-ta 95. [a-na] pe#-e ri-im-te sza-a pa-a-sze 96. [i-sza]-ad#-du-du i-na-ki-su law 10 97. [szum-ma lu]-u2# _lu2_ lu-u2 _munus_ 98. [a-na _e2 lu2_] e-ru-bu-ma 99. [lu-u2 _lu2_ lu]-u2 _munus_ i-du-ku 100. [a-na _en e2_] da#-i-ka-nu-te 101. [i-id-du-nu] pa-nu-szu-u2-ma 102. [i-du-uk]-ku#-szu-nu 103. [pa-nu-szu-ma im-ma-an]-ga-ar 104. [mi-im-ma-szu-nu] i-laq-qe2 column 2 1. [u3 szum-ma i-na _e2_] da-i-[ka-nu-te] 2. mi-im#-[ma sza ta-da-ne2 la-asz2-szu] 3. lu-u2 _dumu#_ [lu-u2 _dumu-munus_] 4. [...] im-[...] 5. [...]-na# _e2_ [...] 6. [...] 7. [...] law 11 8. [szum-ma ...] 9. [...] 10. [...] 11. [...] 12. szi-[...] 13. sza [x x] e#-pa-a-[...]-li law 12 14. szum-ma _dam_-at _lu2_ i-na re-be-e-te 15. te-te-ti-iq _lu2_ is,-s,a-ba-a-si 16. la-ni-ik-ki-me iq-t,i3-bi-a-asz#-sze 17. la-a ta-ma-gu-ur ta-ta-na-s,a-ar 18. e-mu-qa-ma is,-s,a-ba-as-si 19. it-ti-ak-szi 20. lu-u2 i-na _ugu dam lu2_ ik-szu-du-usz 21. u3 lu-u2 ki-i _munus_ i-ni-ku-u2-ni 22. sze-bu-tu ub-ta-e-ru-usz 23. _lu2_ i-du-uk-ku 24. sza _munus_ hi-i-t,u la-asz2-szu law 13 25. szum-ma _dam#_-at _lu2_ isz-tu _e2_-ti-sza 26. ta-at-ti#-s,i-ma a-na _ugu lu2_ 27. a-szar us#-bu-u2-ni ta-ta-lak 28. it-ti-ak-szi ki-i _dam_-at _lu2_-ni 29. i-di _lu2_ u3 _munus_-ma i-duk-ku law 14 30. szum-ma _dam_-at _lu2 lu2_ lu-u2 31. i-na _e2_ al-tam-me lu-u2 i-na re-be-te 32. ki-i _dam_-at _lu2_-ni i-di 33. it-ti-ak-si ki-i _lu2_ sza _dam_-su 34. a-na e-pa-sze e-qa-ab-bi-u2-ni 35. {lu2}na-i-ka-na e-pu-szu 36. szum-ma ki-i _dam_-at _lu2_-ni la-a i-di 37. i-it-ti-a-ak-szi 38. {lu2}na-i-ka-a-nu za-a-ku 39. _lu2 dam_-su u2-ba-ar 40. ki-i lib3-bi-szu e-pa-a-si#!(su) law 15 41. szum-ma _lu2_ isz-tu _dam_-ti-szu _lu2_ is,-s,a-bat 42. ub-ta-e-ru-u2-usz 43. uk-ta-i-nu-u2-usz 44. ki-la-al-le-szu-nu-ma 45. i-du-uk-ku-szu-nu 46. a-ra-an-szu la-asz2-szu 47. szum-ma is,-s,a-ab-ta lu-u2 a-na _ugu lugal_ 48. lu-u2 a-na _ugu di-ku5-mesz_ it-tab-la 49. u2-ub-ta-e-ru-u2-usz 50. u2-uk-ta-i-nu-u2-usz 51. szum-ma mu-ut _munus dam_-su i-du-ak 52. u3 a-i-la i-du-ak-ma 53. szum-ma ap-pa sza _dam_-szu i-na-ki-is5 54. _lu2_ a-na sza re-sze-en u3-tar 55. u3 pa-ni-szu gab-ba i-na-qu-ru 56. u3 szum-ma _dam_-su# [u2-usz-szir3] 57. _lu2_ u2#-[usz-szu-ru] law 16 58. szum-ma _lu2 dam_-at# [_lu2_ i-na lu-mun?] 59. pi-i-sza [it-ti-a-ak-szi] 60. hi-i-t,u sza _lu2_ la-[asz2-szu] 61. _lu2 {munus}dam_-su hi-i-t,a 62. ki-i lib3-bi-szu e-em-mi-id 63. szum-ma e-mu-qa-a-ma it-ti-ak-szi 64. ub-ta-e-ru-u2-usz 65. uk-ta-i-nu-u2-usz 66. hi-t,a-szu ki-i sza _dam_-at _lu2_-ma law 17 67. szum-ma _lu2_ a-na _lu2_ iq-ti-bi 68. ma-a _dam_-ka it-ti-ni-ik-ku 69. sze-bu-u2-tu la-asz2-szu 70. ri-ik-sa-a-te i-sza-ak-ku-nu 71. a-na _i7_{i-id} il-lu-u2-ku law 18 72. szum-ma _lu2_ a-na tap-pa-i-szu 73. lu-u2 i-na pu-uz-ri lu-u2 i-na s,a-al-te 74. iq-bi ma-a _dam_-ka it-ti-ni-ku 75. ma-a a-na-ku u2-ba-ar 76. ba-u2-ra la-a i-la-'-e 77. la-a u2-ba-e-er _lu2_ szu-a-tu 78. 4(u) i-na _{gesz}pa-mesz_ i-mah-hu-s,u-usz 79. _1(disz) iti u4-mesz_-te szi-par2 _lugal_ e-pa-asz2 80. i-ga-ad-di-mu-usz 81. u3 _1(asz) gun an-na_ id-da-an law 19 82. szum-ma _lu2_ i-na pu-uz-ri 83. i-na _ugu_ tap-pa-i-szu a-ba-ta isz-kun 84. ma-a it-ti-ni-ku-u2-usz 85. lu-u2 i-na s,a-al-te a-na pa-ni _erin2-mesz_ 86. iq-bi-asz2-szu ma-a it-ti-ni-ku-ka 87. ma-a u2-ba-ar-ka ba-u2-ra 88. la-a i-la-a-'-e 89. la-a u2-ba-e-er _lu2_ szu-a-tu 90. 5(u) i-na _{gesz}pa-mesz_ i-mah-hu-s,u-usz 91. _1(disz) iti u4-mesz_-te szi-par2 _lugal_ e-pa-asz2 92. i-ga-di-musz u3 _1(asz) gun an-na_ id-dan law 20 93. szum-ma _lu2_ tap-pa-i-a-szu i-ni-ik 94. ub-ta-e-ru-u2-usz 95. uk-ta-i-nu-u2-usz 96. i-ni-ik-ku-u2-usz 97. a-na sza re-sze-en u2-tar-ru-usz law 21 98. szum-ma _lu2 dumu-munus lu2_ im-ha-as,-ma 99. sza-a lib3-bi-sza ul-ta-as,-le-esz 100. ub-ta-e-ru-u2-usz 101. uk-ta-i-nu-u2-usz 102. _2(asz) gun 3(u) ma-na an-na_ id-dan 103. 5(u) i-na _{gesz}pa-mesz_ i-mah-hu-s,u-usz 104. _1(disz) iti u4-mesz_ szi-par2 _lugal_ e-pa-asz law 22 105. szum-ma _dam_-at _lu2_ la-a a-bu-sza 106. la-a a-hu-sza la-a _dumu_-sza 107. _lu2_ sza-ni-um-ma har-ra-a-na 108. ul-ta-as,-bi-si u3 ki-i _dam_-at 109. _lu2_-ni la-a i-de i-tam-ma-ma 110. u3 _2(asz) gun an-na_ 111. a-na mu-ut _munus_ i-id-dan column 3 1. [szum]-ma ki-[i _dam_-at _lu2_-ni i-de] 2. [bi]-it-qa#-a-te id-[dan-ma i-tam-ma] 3. [ma]-a# szum-ma a-ni-[ku-szi-ni] 4. u3# szum-ma _dam_-at [_lu2_ taq-t,i-bi] 5. [ma]-a# i-it-ti-ka-an-ni 6. [ki-i] _lu2#_ bi-it-qa-a-te 7. [a-na] _lu2_ id-di-nu-u2-ni 8. [a-na i7]{i#-id} il-lak 9. [ri-ik]-sa-tu-szu la-asz2-szu 10. szum#-[ma] i-na i7{i-id} it-tu-ra 11. ki-i mu-ut _munus dam_-su 12. e-pu-szu-u2-ni a-na szu-a-szu 13. e-ep-pu-u2-szu-usz law 23 14. szum-ma _dam_-at _lu2 dam_-at _lu2_-ma 15. a-na _e2_-ti-sza tal-te-e-qe2 16. a-na _lu2_ a-na ni-a-ke ta-ti-din-szi 17. u3 _lu2_ ki-i _dam_-at _lu2_-ni i-de 18. ki-i sza _dam_-at _lu2_ i-ni-ku-u2-ni 19. e-pu-szu-usz u3 ki-i sza mu-ut _munus_ 20. _dam_-su ni-ik-ta ep-pu-szu-u2-ni 21. {munus}mu-um-me-er-ta e-pu-szu 22. u3 szum-ma mu-ut _munus dam_-su 23. ni-ik-ta mim3-ma la-a e-pa-asz2 24. na-i-ka-na u3 mu-um-me-er-ta 25. mi-im-ma la-a e-pu-szu 26. u2-usz-szu-ru-szu-nu 27. u3 szum-ma _dam_-at _lu2_ la-a ti-i-de 28. u3 _munus_ sza a-na _e2_-ti-sza 29. ta-al-qi-u2-szi-ni 30. ki-i pi-i-ge _lu2_ a-na _ugu_-sza 31. tu-ul-te-re-eb u3 it-ti-ak-szi 32. szum-ma isz-tu _e2_ i-na u2-s,a-i-sza 33. ki-i ni-ku-tu-u2-ni taq-t,i3-bi 34. _munus_ u2-usz-szu-ru za-ku-a-at 35. na-i-ka-na u3 mu-um-me-er-ta 36. i-du-uk-ku 37. u3 szum-ma _munus_ la-a taq-t,i3-bi 38. _lu2 dam_-su hi-i-t,a ki-i lib3-bi-szu 39. e-em-mi-id na-i-ka-a-na 40. u3 mu-me-er-ta i-duk-ku law 24 41. szum-ma _dam_-at _lu2_ i-na pa-ni mu-ti-sza 42. ra-ma-an-sza tal-ta-da-ad 43. lu-u2 i-na _sza3 iri_ am-mi-e-em-ma 44. lu-u2 i-na _iri-didli_ qur-bu-u2-te 45. a-szar# _e2_ ud-du-szi-i-ni 46. a-na _e2_ asz-szu-ra-ia-e te-ta-rab 47. isz-tu# _nin e2_ u2-us-bat 48. 3(disz)-szu# 4(disz)-szu# be-da-at _en e2_ 49. ki#-i# _dam_-at _lu2_ i-na _e2_-szu 50. us#-bu#-tu-u2-ni la-a i-de 51. i#-na# ur#-ki#-it-te _munus_ szi-i-<it> 52. ta#-[at]-ta-as,-bat _en e2_ sza _dam_-su 53. [i-na pa]-ni-szu ra-ma-an-sza 54. [tal-ta-du]-du#-u2#-ni _dam_-su 55. [u2-na-ka-as2-ma] i-laq-qe2 56. [_dam_]-at _lu2_ sza _dam_-su il-te-sza 57. us-bu-tu-ni uz-ni-sza u2-na-ku-su 58. ha-di-ma mu-us-sa 3(asz) _gun_ 3(u) _ma-na_ 59. _an-na sa10_-sza i-id-dan 60. u3 ha-di-ma _dam_-su i-laq-qe2-u2 61. u3 szum-ma _en e2_ ki-i _dam_-at _lu2_ 62. i-na _e2_-szu isz-tu _dam_-[szu] 63. us-bu-tu-u2-ni i-[de] 64. 3(disz)-a-te i-id-da-an# 65. u3 szum-ma it-te-ke-e-er 66. la-a i-de-e-ma i-qa-ab-bi 67. a-na i7{i-id} il-lu-u2-ku 68. u3 szum-ma _lu2_ sza _dam_-at _lu2_ 69. i-na _e2_-szu us-bu-tu-u2-ni 70. i-na i7{i-id} it-tu-u2-ra 71. 3(disz)-a-te i-id-da-an 72. szum-ma _lu2_ sza _dam_-su i-na pa-ni-szu 73. ra-ma-an-sza tal-du-du-u2-ni 74. i-na i7{i-id} it-tu-ra za-a-ku 75. gi-im-ri sza i7{i-id} u2-mal-la 76. u3 szum-ma _lu2_ sza _dam_-su 77. i-na pa-ni-szu ra-ma-an-sza 78. ta-al-du-du-u2-ni 79. _dam_-su la-a u2-na-ak-ki-is5 80. _dam_-su-ma i-laq-qe2 81. e-mi-it-tu mi-im-ma la-asz2-szu law 25 82. szum-ma _munus_ i-na _e2_ a-bi-sza-ma us-bat 83. u3 mu-us-sa me-e-et 84. _szesz-mesz_ mu-ti-sza la-a ze-e-zu 85. u3 _dumu_-sza la-asz2-szu 86. mi-im-ma du-ma-a-qi2 sza mu-us-sa 87. i-na _ugu_-sza isz-ku-nu-u2-ni 88. la hal-qu-u2-ni _szesz-mesz_ mu-ti-sza 89. la-a ze-zu-u2-tu i-laq-qe2-u2 90. a-na re-ha-a-te _dingir-mesz_-ni 91. u3-sze-et-tu-qu u2-ba-ar-ru 92. i-laq-qe2-u2 93. a-na {dingir}i7{i-id} u3 ma-mi-te 94. la-a is,-s,a-ab-bu-u2-tu law 26 95. szum-ma _munus_ i-na _e2_ a-bi-sza-ma us-bat 96. u3 mu-us-sa me-e-et 97. mi-im-ma du-ma-a-qe2 98. sza mu-us-sa isz-ku-nu-szi-i-ni 99. szum-ma _dumu-mesz_ mu-ti-sza 100. i-ba-asz-szi i-laq-qe2-u2 101. szum-ma _dumu-mesz_ mu-ti-sza la-asz2-szu 102. szi-it-ma ta-laq-qi2 law 27 103. szum-ma _munus_ i-na _e2_ a-bi-sza-ma us-bat 104. mu-us-sa e-ta-na-ra-ab 105. mim3-ma nu-du-un-na-a sza-a mu-us-sa3 106. id-di-na-asz-sze-ni szu-a-am-ma 107. i-laq-qe2 a-na sza _e2_ a-bi-sza 108. la-a i-qa-ar-re-eb column 4 law 28 1. [szum]-ma# {munus#}[al]-ma-at-tu a-na _e2 lu2#_ 2. te-ta-ra-ab u3 _dumu_-sza 3. hu#?-ur-da il-te-sza na-s,a-a-at 4. i-na _e2_ a-hi-za-ni-sza ir-ti-bi 5. u3 t,up-pu sza-a _dumu_-ut-ti-szu la-a szat,-rat 6. _ha-la_ i-na _e2_ mu-ra-bi-a-ni-szu 7. la-a i-laq-qi2 8. hu-bu-ul-le la-a i-na-asz2-szi 9. i-na _e2_ a-li-da-ni-szu 10. _ha-la_ ki-i qa-ti-szu i-laq-qe2 law 29 11. szum-ma _munus_ a-na _e2_ mu-ti-sza te-ta-rab 12. szi-ir-ki-sza u3 mi-im-ma 13. sza isz-tu _e2_ a-bi-sza na-s,u-tu-u2-ni 14. u3 lu-u2 sza-a e-mu-u2-sza 15. i-na e-ra-bi-sza id-di-na-asz2-sze-en-ni 16. a-na _dumu-mesz_-sza za-a-ku 17. _dumu-mesz_ e-mi-e-sza la-a i-qar-ri-bu 18. u3 szum-ma mu-us-sa i-pu-ag-szi 19. a-na _dumu-mesz_-szu sza-a lib3-bi-szu i-id-dan law 30 20. szum-ma a-bu a-na _e2_ e-me sza _dumu_-szu 21. bi-ib-la it-ta-bal iz-ze-be2-el 22. _munus_ a-na _dumu_-szu la-a ta-ad-na-at 23. u3 _dumu_-szu sza-ni-u2 sza _dam_-su 24. i-na _e2_ a-bi-sza us-bu-tu-u2-ni 25. me-e-et _dam_-at _dumu_-szu me-e-te 26. a-na _dumu_-szu sza-na-i-e 27. sza a-na _e2_ e-me-szu iz-bi-lu-u2-ni 28. a-na a-hu-zi-te i-id-dan-szi 29. szum-ma _en dumu-munus_ sza zu-bu-ul-la-a 30. im-ta-ah-hu-ru-u2-ni 31. _dumu-munus_-su a-na ta-da-a-ni 32. la-a i-ma-ag-gu-ur 33. ha-di-ma a-bu sza-a zu-bu-ul-la-a 34. iz-bi-lu-u2-ni kal-la-a-su 35. i-laq-qe2-a a-na _dumu_-szu id-dan 36. u3 ha-di-ma am-mar iz-bi-lu-u2-ni 37. _an-na_ s,ar-pa _ku3-gi_ sza la a-ka-a-li 38. _sag-du_-ma i-laq-qe2 39. a-na sza a-ka-li-la-a i-qar-ri-ib law 31 40. szum-ma _lu2_ a-na _e2_ e-me-szu 41. zu-bu-ul-la-a iz-bil2 u3 _dam_-su 42. me-ta-at _dumu-munus-mesz_ e-mi-szu 43. i-ba-asz2-szi ha-di-ma e-mu 44. _dumu-munus_ e-mi-szu ki-i _dam_-szu me-et-te 45. ih-ha-az u3 ha-di-ma 46. _ku3-babbar_ sza id-di-nu-u2-ni i-laq-qi2 47. lu-u2 _sze_-am lu-u2 _udu-mesz_ lu-u2 mim3-ma 48. sza a-ka-li la-a id-du-nu-ni-szu 49. _ku3-babbar_-ma i-mah-ha-ar law 32 50. szum-ma _munus_ i-na _e2_ a-bi-sza-ma us-bat 51. u3# nu#-du#-nu#-sza ta-ad-na-at 52. lu#-u2 a-[na _e2_] e-mi-sza la-qi2-a-at 53. lu-u2 la-a la-qe-a-at hu-bu-ul-li 54. ar#-na# u3# [hi]-i-t,a sza-a mu-ti-sza 55. [ta]-na#-asz2-szi law 33 56. [szum-ma] _munus_ i-na _e2#_ [a]-bi-sza-ma us-bat 57. [mu]-us#-sa [me-e]-et# u3 _dumu-[mesz_-sza] 58. [i-ba]-asz2#-szi [...] 59. [...] 60. [...] 61. [...] 62. [...] 63. [...] 64. [...] 65. u3 [ha-di-ma] a-[na] e#-mi-sza 66. a-na a-[hu-zi]-te i-id-dan-szi 67. szum-ma [mu-us]-sa u3 e-mu-sza 68. me-e-tu#-[ma] u3 _dumu_-sza la-asz2-szu 69. al-ma-at-[tu] szi-i-it 70. a-szar ha-de-tu#-u2-ni ta-al-lak law 34 71. szum-ma _lu2_ al#-[ma]-at-tu e-ta-ha-az 72. ri-ka-sa# la-a ra-ki-i-is5 73. _2(disz) mu-mesz_ i-[na] _e2_-szu us-bat 74. _dam_ szi-i-it# la-a tu-us,-s,a law 35 75. szum-ma {munus}al-ma-at-tu 76. a-na _e2 lu2_ te-ta-ra-ab 77. mi-im-ma am-mar na-s,a-tu-u2-ni 78. gab-bu sza-a mu-ti-sza 79. u3 szum-ma _lu2_ a-na _ugu munus_ e-ta-rab 80. mi-im-ma am-mar na-as,-s,u-u2-ni 81. gab-bu sza-a _munus_ law 36 82. szum-ma _munus_ i-na _e2_ a-bi-sza-ma us-bat 83. lu-u2 mu-us-sa _e2_ a-na ba-at-te 84. u2-sze-szi-ib-szi 85. u3 mu-us-sa3 a-na _a-sza3_ i-it-ta-lak 86. la-a _i3-gesz_ la-a _siki-mesz_ la-a lu-bu-ul-ta 87. la-a u2-ku-ul-la-a 88. la-a mi-im-ma e-zi-ba-asz2-sze 89. la-a mi-im-ma szu-bu-ul-ta 90. isz-tu _a-sza3_ u2-sze-bi-la-asz2-sze 91. _munus_ szi-i-it _5(disz) mu-mesz_ pa-ni mu-ti-sza 92. ta-da-gal a-na mu-te la-a tu-usz-szab2 93. szum-ma _dumu-mesz_-sza i-ba-asz2-szi 94. in-na-gu-u2-ru u3 e-ek-ku-lu 95. _munus_ mu-us-sa tu-u2-qa-a 96. a-na mu-te la-a tu-usz-szab2 97. szum-ma _dumu-mesz_-sza la-asz-szu 98. _5(disz) mu-mesz_ mu-us-sa tu-qa-'-a 99. _6(disz) mu-mesz_ i-na ka-ba-a-si 100. a-na mu-ut lib3-bi-sza tu-usz-szab2 101. mu-us-sa3 i-na a-la-ki la-a i-qar-ri-ba-sze 102. a-na mu-ti-sza ur-ke-e za-ku-at 103. szum-ma a-na qa-at _5(disz) mu-mesz_ 104. u2-he-ra-an-ni i-na ra-mi-ni-szu 105. la-a ik-kal-u2-ni lu-u2 qa-a-li 106. is,-ba-at-su-ma in-na-bi-[it] 107. lu-u2 ki-i sa-ar-[ri] 108. s,a-bi-it-ma u2-ta-ah-[he-ra] reverse column 1 1. i-na a-la-ke u2-ba-a-ar#-[szi] 2. _munus_ sza ki-i _dam_-szu id-dan 3. u3 _dam_-su i-laq-qe2 4. u3 szum-ma _lugal_ a-na ma-a-te 5. sza-ni-te-em-ma il-ta-par2-szu 6. a-na qa-at _5(disz) mu-mesz_ u2-tah-hi-ra 7. _dam_-su tu-qa-a-szu a-na mu-te 8. la tu-usz-szab2 u3 szum-ma i-na pa-ni 9. _5(disz) mu-mesz_ a-na mu-te ta-ta#-sza#-ab 10. u3 ta-at-ta-la-ad 11. mu-us-sa i-na a-la-a-ki 12. asz-szum ri-ik-sa la-a tu-qa-i-u2-ni 13. u3 ta-na-hi-zu-u2-ni a-na szu-a-sza 14. u3 li-da-ni-sza-ma i-laq-qe2-szu-nu law 37 15. szum-ma _lu2 dam_-su e-ez-zi-ib 16. lib3-bu-szu-ma mim3-ma id-da-na-asz2-sze 17. la-a lib3-bu-szu-ma mi-im-ma 18. la-a i-id-da-na-asz2-sze 19. ra-qu-te-e-sza tu-u2-us,-s,a law 38 20. szum-ma _munus_ i-[na] _e2#_ a-bi-sza-ma us-bat 21. u3 mu-us-sa# e-te-zi-ib-szi 22. du-ma-qi2 sza-a szu-ut-ma isz-ku-nu-szi-ni 23. i-laq-qe2 a-na te-er-he-te 24. sza-a ub-lu-u2-ni la-a i-qar-rib 25. a-na _munus_ za-a-ku law 39 26. szum-ma _lu2_ la-a _dumu-munus_-su a-na mu-te 27. it-ti-din szum-ma pa-ni-ma 28. a-bu-sza hab-bu-ul ki-i sza-par2-te 29. sze-szu-bat um-mi-a-nu pa-ni-u2 30. it-tal-ka i-na _ugu_ ta-di-na-a-ni 31. sza-a _munus sa10 munus_ i-szal-lim 32. szum-ma a-na ta-da-a-ni la#-asz2-szu 33. _lu2_ ta-di-na-na i-laq-qe2 34. u3 szum-ma i-na lum-ni bal#-t,a-at 35. a-na mu-bal-li-t,a-ni-sza# [za]-ku-at 36. u3 szum-ma {lu2}a-hi-za-a-[nu sza]-a _munus_ 37. lu-u2 t,up-pa ul-ta-[t,a-ru]-u2#-szu 38. u3 lu-u2 ru-gu-um#-[ma]-na#-a 39. ir-ti-szi-u2-ne2#-esz#-szu 40. _sa10 munus_ u2#-[szal-lam] 41. u3 ta-di-na-a-nu [za-a-ku] law 40 42. lu-u2 _dam-mesz lu2_ lu-u2# [al-ma-na-tu] 43. u3 lu-u2 _munus-mesz_ [asz-szu-ra-ia-a-te] 44. sza a-na re-be-te us,#-[s,a-a-ni] 45. _sag-du_-si-na [la-a pa-at-tu] 46. _dumu-munus-mesz lu2_ [...] 47. lu-u2 {tug2}sza-re-[esz-tu] 48. lu-u2 _tug2-hi-a_ lu-[u2 {tug2}gu-li-nu] 49. pa-as,-[s,u-u2-na-a] 50. _sag-du_-si-na# [la-a pa-at-tu] 51. lu-u2 [...] 52. lu-u2 [...] 53. [lu]-u2# [...] 54. [...] 55. [la-a up]-ta#-as,#-s,a-[na-ma] 56. i-na _u4_-mi i-na re-be-te e#-[di-isz] 57. il-la-ka-a-ni up-ta s,a#-[na-ma] 58. e-si-ir-tu sza isz-tu _nin_-[sza] 59. i-na re-be-e-te tal-lu-ku-u2-ni# 60. pa-as,-s,u-u2-na-at 61. qa-di-il-tu sza mu-tu ih-zu-szi-ni 62. i-na re-be-e-te pa-s,u-na-at-ma 63. sza-a mu-tu la-a ih-zu-szi-i-ni 64. i-na re-be-te _sag-du_-sa pa-at-tu 65. la-a tu-up-ta-as,-s,a-an 66. _kar-ke4_ la-a tu-up-ta-as,-s,a-an 67. _sag-du_-sa pa-at-tu 68. sza _kar-ke4_ pa-as,-s,u-un-ta 69. e-tam-ru-u2-ni i-<s,a>-ba-as-si 70. _lu2-mesz_ sze-bu-te i-sza-ak-ka-an 71. a-na pi-i _e2-gal_-lim ub-ba-la-a-szi# 72. szu-ku-ut-ta-sza la-a i-laq-qe2-u2 73. lu-bu-ul-ta-sza s,a-bi-ta-asz2-sza 74. i-laq-qe2 75. 5(u) i-na _{gesz}pa-mesz_ i-mah-<hu>-s,u-u2-szi 76. qi-ra a-na _sag-du_-sza i-tab-bu-ku 77. u3 szum-ma _lu2 kar-kie4_ pa-s,u-un-ta 78. e-ta-mar-ma u2-ta-asz2-szer3 79. a-na pi-i _e2-gal_-lim la-a ub-la-asz2-szi 80. _lu2_ szu-a-tu 81. 5(u) i-na _{gesz}pa-mesz_ i-mah-hu-s,u-usz 82. ba-ti-qa-an-szu lu-bu-ul-tu-szu 83. i-laq-qe2 84. uz-ni-szu u2-pal-lu-u2-su 85. i-na eb-li i-sza-ak-ku-ku 86. i-na ku-tal-li-szu i-ra-ak-ku-su 87. _1(disz) iti u4-mesz_-te szi-par2 _lugal_ e-pa-asz2 88. _geme2-mesz_ la-a up-ta-s,a-na-ma 89. sza _geme2_ pa-s,u-un-ta e-tam-ru-u2-ni 90. i-s,a-ba-ta-asz-szi 91. a-na pi-i _e2-gal_-lim ub-ba-la-asz2-szi 92. uz-ni-sza u2-na-ku-u2-su 93. s,a-bi-ta-an-sza _tug2-hi-a_-sza i-laq-qe2 94. szum-ma _lu2 geme2_ pa-s,u-un-ta 95. e-ta-mar-szi-ma u2-ta-asz-szer3 96. la-a i-is,-s,a-ab-ta-asz2-szi 97. a-na pi-i _e2-gal_-lim la-a ub-la-asz2-szi 98. ub-ta-e-ru-u2-usz 99. uk-ta-i-nu-u2-usz 100. 5(u) i-na _{gesz}pa-mesz_ i-mah-hu-s,u-usz 101. uz-ni-szu u2-pal-lu-szu 102. i-na eb-li i-sza-ak-ku-ku 103. [i-na ku]-tal#-le-szu i-ra-ak-ku-su2 104. [ba-ti]-qa#-an-szu 105. _tug2-hi-a_-szu# [i-laq]-qe2 106. _1(disz) iti u4-mesz_ szi-par2 [_lugal_] e#-pa#-asz2 column 2 law 41 1. szum-ma _lu2_ e-si-ir-tu-szu u2-pa#-s,a-an 2. 5(disz) 6(disz) tap-pa-e-szu u2-sze-szab2 3. a-na pa-ni-szu-nu u2-pa-s,a-an-szi 4. ma-a _dam_-ti szi-i-it i-qa-ab-bi 5. _dam_-su szi-i-it 6. {munus}e-si-ir-tu sza a-na pa-ni _erin2-mesz_ 7. la-a pa-s,u-nu-tu-u2-ni 8. mu-us-sa la-a iq-bi-u2-ni 9. ma-a _dam_-ti szi-it la-a asz2-sza-at 10. e-si-ir-tu-u2-ma szi-i-it 11. szum-ma _lu2_ me-e-et _dumu-mesz dam_-szu 12. pa-s,u-un-te la-asz2-szu _dumu-mesz_ es2-ra-a-te 13. _dumu-mesz_ szu-nu _ha-la_ i-laq-qe2-u2 law 42 14. szum-ma _lu2_ i-na _u4_-me2 ra-a-qe2 15. _i3-gesz_ a-na _sag-du dumu-munus lu2_ it-bu-uk 16. lu-u2 i-na sza-ku-ul-te 17. hu-ru-up-pa-a-te u2-bi-il 18. tu-ur-ta la-a u2-ta-ar-ru law 43 19. szum-ma _lu2_ lu-u2 _i3-gesz_ a-na _sag-du_ it-bu-uk 20. lu-u2 hu-ru-up-pa-a-te u2-bil 21. _dumu_ sza _dam_-ta u2-di-u2-ni-szu-ni 22. lu-u2 me-e-et lu-u2 in-na-bi-it 23. i-na _dumu-mesz_-szu re-ha-a-te 24. isz-tu _ugu dumu gal_-e a-di _ugu dumu_ 25. s,e-eh-re sza-a 1(u) _mu-mesz_-szu-ni 26. a-na sza ha-di-u2-ni i-id-dan 27. szum-ma a-bu me-et u3 _dumu_ sza _dam_-ta 28. u2-ud-di-u2!(e2)-ni-szu-ni me-e-et-ma 29. _dumu dumu_-e me-e-te sza 1(u) _mu-mesz_-szu-ni 30. i-ba-asz2-szi ih-ha-az-ma 31. szum-ma a-na qa-a-at 1(u) _mu-mesz_ 32. _dumu-mesz dumu_-e s,e-eh-he-ru 33. a-bu sza _dumu-munus_ ha-di-ma _dumu-munus_-su id-dan 34. u3 ha-di-i-ma tu-ur-ta 35. a-na mi-it-ha-ar u2-ta-ar 36. szum-ma _dumu_ la-asz2-szu am-mar im-hu-ru-u2-ni 37. _na4_ u3 mi-im-ma sza la a-ka-li 38. _sag-du_-ma u2-ta-ar 39. u3 sza-a a-ka-li la-a u2-tar law 44 40. szum-ma _lu2_ asz-szu-ra-a-ia-u2 41. u3 szum-ma _munus_ asz-szu-ra-i-tu 42. sza ki-i sza-par2-te am-mar _sa10_-szu i-na _e2 lu2_ 43. us-bu-u2-ni a-na _sa10_ ga-me-er la-qe2-u2-ni 44. i-na-at,-t,u i-ba-aq-qa-an 45. uz-ni-szu u2-hap-pa u2-pal-la-asz2 law 45 46. [szum]-ma# _munus_ ta-ad-nat 47. [u3] mu-us-sa na-ak-ru il-te-qe2 48. e-mu-sza u3 _dumu_-sza la-asz2-szu 49. _2(disz) mu-mesz_ pa-ni mu-ti-sza ta-da-gal 50. i-na _2(disz) mu-mesz_ an-na-te szum-ma sza a-ka-le 51. la#-[asz2]-szu tal-la-ka-ma ta-qa-ab-bi 52. [šum-ma] a#-la-i-tu sza _e2-gal_-le3 szi-it 53. [...]-sza u2-sza-kal-szi 54. [szi-pa-a]-ar-szu te-ep-pa-asz2 55. [szum-ma _dam_ sza]-a# hu-up-sze szi-i-it 56. [... u2]-sza#-[kal]-szi# 57. [szi-pa-a-ar-szu te-ep-pa-asz2] 58. u3# [szum-ma mu-us-sa i-na _iri_-szu] 59. _a-sza3_ u3# [_e2_ it-ta-lak] 60. tal-la-ka-[ma a-na _{lu2}di-ku5-mesz_ ta-qab-bi] 61. ma a-na a-ka-[li-ia _ninda-mesz_ la-asz2-szu] 62. _{lu2}di-ku5-mesz_ ha#-zi#-a-na _gal-mesz_ sza-a _iri_ 63. i-sza-'-u2-lu 64. ki-i _a-sza3_ i-na _iri_ szu-a-tu il-lu-ku-u2-ni 65. _a-sza3_ u3 _e2_ a-na u2-ku-la-i-sza 66. sza _2(disz) mu-mesz_ u2-up-pu-szu 67. i-id-du-nu-ne2-esz-sze 68. us-bat u3 t,up-pa-sza i-szat,-t,u-ru 69. _2(disz) mu-mesz_ tu-ma-al-la a-na mu-ut lib3-bi-sza 70. tu-u2-usz-sza-ab 71. t,up-pa-sza ki-i al-ma-te-ma i-szat,-t,u-ru 72. szum-ma i-na ar-kat3 _u4-mesz_ mu-us-sa 73. hal-qu a-na ma-a-te it-tu-u2-ra 74. _dam_-su sza a-na ki-i-de 75. ah-zu-tu-u2-ni i-laq-qe2-asz2-szi 76. a-na _dumu-mesz_ sza a-na mu-ti-sza ur-ki-e 77. ul-du-tu-u2-ni la-a i-qar-rib 78. mu-us-sa-ma ur-ki-u2 i-laq-qe2 79. _a-sza3_ u3 _e2_ sza ki-i u2!(e2)-kul2-la-i-sza 80. a-na _sa10_ ga-me-er 81. a-na ki-i-de ta-di-nu-u2-ni 82. szum-ma a-na dan-na-at _lugal_ la-a e-ru-ub 83. ki-i ta-ad-nu-ni-ma id-da-an 84. u3 i-laq-qe2 85. u3 szum-ma la-a it-tu-u2-ra 86. i-na ma-a-te sza-ni-te-em-ma me-e-et 87. _a-sza3_-szu u3 _e2_-su a-szar _lugal_ 88. id-du-nu-u2-ni i-id-dan law 46 89. szum-ma _munus_ sza mu-us-sa me-tu-u2-ni 90. mu-us-sa i-na mu-a-te isz-tu _e2_-sza 91. la-a tu-u2-us,-s,a 92. szum-ma mu-sa mim3-ma la-a il-tu-ra-asz2-sze 93. i-na _e2 dumu-mesz_-sza a-szar pa-nu-sza-a-ni 94. tu-u2-usz-sza-ab 95. _dumu-mesz_ mu-ti-sza u2-sza-ku-lu-u2-szi 96. u2-kul2-la-a-sze u3 ma-al-ti-sa 97. ki-i kal-le-te sza-a i-ra-'-mu-szi-ni 98. i-ra-ak-ku-su-ne2-esz-sze 99. szum-ma ur-ki-it-tu szi-i-it 100. _dumu-mesz_-sza la-asz-szu 101. isz-tu il-te-en tu-u2-usz-szab2 102. a-na pu-uh-ri-szu-nu u2-sza-ku-lu-szi 103. szum-ma _dumu-mesz_ sza i-ba-asz-szi 104. _dumu-mesz_ pa-ni-te a-na sza-ku-li-i-sza 105. la-a i-ma-gu-ru i-na _e2 dumu-mesz_ 106. ra-mi-ni-sza a-szar pa-nu-sza-a-ni 107. tu-usz-szab2 _dumu-mesz_ ra-mi-ni-sza-ma 108. u2-sza-ku-lu-si u3 szi-par2-szu-nu te-pa-asz2 109. u3 szum-ma i-na _dumu-mesz_ mu-ti-sza-a-ma 110. sza-a e-hu-zu-szi-ni i#-[ba-asz2]-szi 111. [a-hi-za-asz2]-sza-ma [u2-sza-kal-szi] 112. [_dumu-mesz_-sza-ma la]-a u2-sza#-ku-lu-szi column 3 law 47 1. szum-ma lu-u2 _lu2_ lu-u2 _munus_ 2. kisz-pi u2-up-pi-szu-ma 3. i-na qa-ti-szu-nu is,-s,a-ab-tu 4. ub-ta-e-ru-szu-nu 5. uk-ta-i-nu-szu-nu 6. mu-up-pi-sza-na sza kisz-pi i-duk-ku 7. _lu2_ sza-a kisz-pi e-pa-a-sza 8. e-mu-ru-u2-ni i-na pi-i 9. a-me-ra-a-ni sza-a kisz-pi 10. isz-me-u2-ni-ma a-na-ku a-ta-mar 11. iq-bi-asz2-szu-un-ni 12. sza-me-a-nu i-il-la-ka 13. a-na _lugal_ i-qa-ab-bi 14. szum-ma a-me-ra-a-nu sza a-na _lugal_ 15. iq-bi-u2-ni it-te-ke-er 16. a-na pa-ni {d}gu4-dumu-{d}utu i-qa-bi 17. ma-a szum-ma la-a iq-bi-an-ni za-a-ku 18. a-me-ra-a-nu sza iq-bi-u2-ni 19. u3 ik-ke-ru-u2-ni 20. _lugal_ ki-i i-la-'-u2-ni 21. il-ta-na-'-al-szu 22. u3 ku-tal-lu-szu e-em-mar 23. {lu2}a-szi-pu i-na _u4_-mi ul-lu-lu!(KU)-u2-ni 24. _lu2_ u2-sza-aq-ba 25. u3 szu-ut i-qa-ab-bi 26. ma-a ma-mi-ta sza a-na _lugal_ 27. u3 _dumu_-szu ta-am-'-a-ta-ni 28. la-a i-pa-sza-ra-ku-nu ki-i pi-i 29. t,up-pi-ma sza a-na _lugal_ u3 _dumu_-szu 30. ta-am-'-a-ta-a-ni 31. ta-am-'-a-ta law 48 32. szum-ma _lu2 dumu-munus_ {lu2}hab-bu-li-szu 33. sza-a ki-i hu-bu-ul-le 34. i-na _e2_-szu us-bu-tu-u2-ni 35. a-bu-sza i-sza-'-a-al 36. a-na mu-te i-id-da-an-szi 37. szum-ma a-bu-sza la ma-gir la-a id-dan 38. szum-ma a-bu-sza me-e-et 39. 1(disz)-en i-na _szesz-mesz_-sza i-sza-'-a-al 40. u3 szu-ut a-na _szesz-mesz_ sza i-qab-bi 41. szum-ma _szesz_ i-qa-ab-bi 42. ma-a a-ha-ti a-di 1(disz) _iti u4-mesz_ a-pa-t,ar 43. szum-ma a-di 1(disz) _iti u4-mesz_ la-a ip-ta-t,ar 44. _en ku3-babbar_ ha-di-ma u2-zak-ka-a-szi 45. a#-na# mu#-te# i#-id-dan-szi 46. [u3 ha-di-ma a-na] pi-i 47. [t,up-pi-szu a-na _ku3-babbar_ i-id]-dan-szi 48. [...]-szi [...] 49. [...] 50. [...]-szu#-nu 51. [...]-szu-nu 52. [...]-szu law 49 53. [szum-ma ...] 54. [...] 55. ki#-i# [...] 56. ki#-i _szesz_ x [x] x [...] 57. u3# szum-ma _kar#-[ke4]_ me2-ta-at 58. [asz]-szum _szesz-mesz_-sza 59. [i]-qa-ab-bi-u2-ni 60. [...] sza ki-i# [...] _szesz ha-la_ 61. [...] _szesz-[mesz_ um]-mi-szu-nu# 62. [i-zu-uz]-zu law 50 63. [szum-ma _lu2 dam lu2_] im#-ha-as,#-ma 64. [sza-a lib3-bi-sza u2-sza-as,-li]-szi 65. [... _dam_]-at# _lu2_ 66. sza# [lib3-bi-sza u2-sza-as,-li-u2]-ni 67. ki-[i sza-a e-pu]-szu#-szi-ni 68. e-pu#-[szu-szu ki-mu-u2 sza]-a lib3-bi-sza 69. nap-sza-a-te u2-[ma]-al-la 70. u3 szum-ma _munus_ szi-it mi-ta-at 71. _lu2_ i-du-uk-ku 72. ki-i-mu-u2 sza-a lib3-bi-sza 73. nap-sza-a-te u2-ma-al-la 74. u3 szum-ma sza-a mu-ut _munus_ szi-a-ti 75. _dumu_-szu la-asz2-szu _dam_-su 76. im-hu-s,u-u2-ma sza lib3-bi-sza 77. ta-as,-li 78. ki-mu-u2 sza lib3-bi-sza 79. ma-hi-s,a-a-na i-du-uk-ku 80. szum-ma sza lib3-bi-sza s,u-ha-ar-tu 81. nap-sza-a-te-ma u2-ma-al-la law 51 82. szum-ma _lu2 dam_-at _lu2_ 83. la-a mu-ra-bi-ta im-ha-as,-ma 84. sza-a lib3-bi-sza u2-sza-as,-li-szi 85. hi-i-t,u an-ni-u2 86. _2(asz) gun an-na_ i-id-dan law 52 87. szum-ma _lu2 kar-ke4_ im-ha-as,-ma 88. sza lib3-bi-sza u2-sza-as,-li-szi 89. mi-ih-s,i ki-i mi-ih-s,i 90. i-sza-ak-ku-u2-nu-usz 91. nap-sza2-a-te u2-ma-al-la law 53 92. szum-ma _munus_ i-na ra-mi-ni-sza 93. sza lib3-bi-sza ta-as,-<s,i>-li 94. ub-ta-e-ru-u2-szi 95. uk-ta-i-nu-u2-szi 96. i-na _gesz-mesz_ i-za-qu-pu-u2-szi 97. la-a i-qa-ab-bi-ru-szi 98. szum-ma sza-a lib3-bi-sza 99. i-na s,a-al-e mi-ta-a-at 100. i-na _gesz-mesz_ i-za-qu-pu-u2-szi 101. la-a i-qa-ab-bi-ru-szi 102. szum-ma _munus_ szi-it ki-i sza lib3-bi-sza 103. ta#-as,#-li-u2-ni 104. [up-ta]-zi-ru-u2-szi 105. [a-na _lugal_ la-a] iq-bi-u2 106. [...]-me 107. [...]-te 108. [...] law 54 109. [szum-ma ...] 110. [...] 111. [...] 112. [...] 113. [...] 114. [...] column 4 1. [...] la-asz2-szu 2. [... _x]-mesz_ 3. [...]-u2-ni 4. [lu-u2 _ARAD2-mesz_] lu#-u2 _geme2-mesz_ 5. [...]-as, law 55 6. [szum-ma ] _lu2#_ ba-tu-ul-ta 7. [sza i-na _e2_ a]-bi-i-sza 8. [us-bu]-tu-u2-ni 9. [pa-ga-ar]-sza la-a u2-tar-ri-szu-ni 10. [e-mu]-qa# la-a pa-te-a-tu-u2-ni 11. la-a# ah-za-tu-u2-ni 12. u3 ru-gu-um-ma-na-a 13. a-na _e2_ a-bi-i-sza 14. la-a ir-szi-u2-ni 15. _lu2_ lu-u2 i-na lib3-bi _iri_ 16. lu-u2 i-na s,e-e-re 17. lu-u2 i-na mu-sze i-na re-be-e-te 18. lu-u2 i-na _e2_ qa-re-e-te 19. lu-u2 i-na i-si-ni a-le 20. _lu2_ ki-i da-'-a-ni 21. {munus}ba-tul-ta is,-ba-at-ma 22. u2-ma-an-ze-e-'-szi 23. a-bu-sza {munus}ba-tu-ul-te 24. _dam_-at na-i-ka-a-na 25. sza {munus}ba-tul-te i-laq-qi2 26. a-na ma-an-zu-u2-'-e 27. i-id-da-an-szi 28. a-na mu-te-sza la-a u2-tar-szi 29. i-laq-qi2-szi 30. a-bu _dumu-munus_-su ni-ik-ta 31. a-na na-i-ka-ni-sza 32. ki-i a-hu-ze-te i-id-dan-szi 33. szum-ma _dam_-su la-asz2-szu 34. 3(disz)-a-te _ku3-babbar sa10_ ba-tu-ul-te 35. na-i-ka-a-nu a-na a-bi-sza id-dan 36. na-i-ka-an-sza ih-ha-a-si 37. la-a i-sa-ma-ak-szi 38. szum-ma a-bu la-a ha-a-di 39. _ku3-babbar_ 3(disz)-a-te sza {munus}ba-tul-te 40. i-ma-har _dumu-munus_-su 41. a-na sza ha-di-u2-ni i-id-dan law 56 42. szum-ma _munus_ ba-tul-tu ra-ma-an-sza 43. a-na _lu2_ ta-at-ti-din 44. _lu2_ i-tam-ma a-na _dam_-ti-szu 45. la-a i-qar-ri-i-bu 46. 3(disz)-a-te _ku3-babbar sa10_ ba-tu-ul-te 47. na-i-ka-a-nu i-id-dan 48. a-bu _dumu-munus_-[su] 49. ki-i ha-di-u2-ni e-ep-pa#-[asz] law 57 50. lu-u2 ma-ha-s,u lu-u2 [...] 51. [sza-a _dam_]-at _lu2#_ [...] 52. [sza i-na t,up]-pe# szat,-ru#-[u2-ni] 53. [ma-har _{lu2}di-ku5-mesz_ li-in-ni-pu-usz] law 58 54. i-na hi-t,a-a-ni gab-[bi lu-u2 na-pa-li lu-u2] 55. na-ka-a-si sza#-[a _dam_-at _lu2_] 56. u3 gal-lu-le de-e-[...] 57. ki-i sza-a [i-na t,up-pi szat,-ru-u2-ni] law 59 58. usz-szer hi-t,a-a-ni sza-[a _dam_-at _lu2_] 59. sza i-na t,up-pi [szat,-ru-u2-ni] 60. _lu2 dam_-su [i-na-at,-t,u] 61. i-ba-qa-an uz#-[ni-sza] 62. u2-hap-pa u2-la#-[ap-pat] 63. a-ra-an-szu la-asz2-szu# colophon 64. _iti_ ša-sa-ra-a-te _u4 2(disz)-[kam_] 65. li-mu {disz}sa-[gi]-u2 Version History |