Witness
Witness to composite(s): Q000343
Primary Publication:
Collection: Yale Babylonian Collection, New Haven, Connecticut, USA
Museum no.: YBC 04621
Provenience: —
Period: Old Babylonian (ca. 1900-1600 BC)
Object Type: tablet or envelope > tablet
Material: clay
Transliteration:
atf lang sux
tablet
obverse
1. i7 a-ba mu-na-ba-e-ne# szu nu-ma-gid2-de3-ne
2. a-sza3 sze-ba mu-na-ba-e-ne szu nu-ma-gid2-de3-ne
3. uzu nig2-sag3-ga {gesz}gag-ta-la2 szum2-me-eb in-na-ne-esz
4. a-ne mu-na-ni-ib-gi4-gi4
5. uzu nig2-sag3-ga nig2 ga-sza-an-zu-ne-ne-ka
6. nig2-sag3-ga nig2 nin-me he2-a szum2-me-eb in-na-an-ne-esz
7. [...] sag3-ga {gesz}gag-ta la2 ba-an-szum2-NE
8. 1(disz)-am3# u2# nam-ti-la 1(disz)-am3 a nam-ti-la ugu-na ba-an-szub {d}inanna gub-ba
9. {d}inanna kur-ta e3-da-ni
10. {d}a-nun-na-ke4-e-ne ba-ab-ha-ha-za-asz
11. a-ba-am3 lu2 kur-ta e11-TA-NE kur-ta silim-ma-ni ab#-ta-e3
12. u4-da {d}inanna kur-ta e3-de3
13. sag dili sag-ga2-na-gin7 ha-ba-ab-szum2-mu [ma-ni-ma]
14. lu2 igi-na sukkal nu-me-a {gesz}gidri szu# bi2-in-du8
15. bar-ra-na ra-gaba nu-MIN-me-a {gesz}tukul ur-ra bi-in-la2
16. gal5-la2 tur-tur gi-szukur-ra-gin2 [ki-ma qa-an gu-ub-ri]
17. gal5-la2 gal-gal gi dub-ba-an-na-gin7 za3-ga-na ba-ab#-be-esz
18. lu2 x-ne lu2 mu-un-ne-re7{re}-esz-am3
19. lu2 {d}inanna mu-e-szi-re7{re}-esz-am3
20. u2 nu-zu-me-esz a nu-zu-me-esz
21. zi3 dub-dub-ba nu-gu7-me-esz
22. a bala-bala-a nu-na8-na8-me-esz
23. kadra nig2-du10-ga szu nu-gid2-me-esz
24. ur2 dam nig2-du10-ge-esz2 nu-si-ge-esz
25. dumu nig2-ku7-ku7-da ne nu-su-ub!-ba-me-esz
26. dam ur2 lu2-ka ba-ra-an-si-il-si-il-le-esz
27. dumu lu2 du10-ub-ta ba-ra-an-zi-ge-esz
28. e2-gi4-a e2 uszbar-ra-ka im-ta-an!-e3-esz-am3
29. {d}inanna kur-ta e3-da-ni
30. {d}nin-szubur-ra-ke4 giri3-ni-sze3 ba-szub
31. sahar-a im-da-an-tusz tug2 mudra6-ra
32. gal5-la2-e-ne ku3 {d}inanna-ke4# gu3 mu-na-de2-e
33. {d}inanna iri-zu-sze3 gub-ba en3 ba-ab-DU-de3-en
34. ku3 {d}inanna-ke4 gal5-la2-e-ne mu-un-ne-ni-gi4-gi4
35. er2 du6-du6-dam ma-ni-gar-gar-re-en
36. szem3 gu2-en-na ma-ni-in-du12-am3
37. e2-dingir-re-e-ne ma-ni-in-nigin2-NE
38. igi-ni ma-an-hur giri17-ni ma-an-hur
39. ki lu2-da nu-du8 hasz4-gal-ni ma-an-hur
40. lu2 nu-tuku-gin7 gal mu-un-mu4
41. e2-kur-re e2 {d}en-lil2-la2-sze3
42. uri5{ki}-ma e2 {d}suen-na-sze3
43. [...] x{ki} ki e2 {d}x
reverse
1. en3 ta-gin7 nam!-ma-ra-ab-ze2-eg3-en#-[ze2-en]
2. ga-an-szi-re7-de3-en umma{ki}-a szex(SIG7)-kur-sza3-ga-sze3 ga-am3-szi-re7-de3-en
3. x iri-ni-a giri3-ni-sze3 ba-x-[...]
4. sahar-a ba-an-DU-an-tusz tug2! mudra6-ra ba-[...]
5. gal5#-la2-e-ne ku3# {d}inanna-ra gu3 mu-na-de2#-[...]
6. {d}inanna iri-zu-sze3 gen#-ba en3 ga-ba-ab-tum2-mu-de3
7. ku3 {d}inanna-ke4 gal5#-la2-e-ne mu-na-ni-ib-gi4-gi4
8. en3-du du# {d}szara2-mu
9. umbin? ku5-ku5-mu gu2-tar-la2-mu
10. en3 ta-gin7 nam-ma-ra-ni-ib-ze2-eg3-gen
11. ga-e-re7-en-de3-en bad3-tibira{ki} e2#-musz3-kalam-ma-sze3
12. bad3-tibira e2-musz3-kalam-ma-sze3 giri3-ni-sze3 ba-e-re7-esz
13. {d}lu2-lal3 iri-ni-a giri3#-ni-sze3 ba-szub
14. sahar-a im-da-an-tusz tug2 mudra6#-ra ba-an-mu4
15. gal5-la2-e-ne ku3 {d}inanna-ke4 gu3 mu-na-de2-e
16. ku3 {d}inanna-ke4 gal5-la2-e-ne mu-na-ni-ib-gi4-gi4
17. {d}lu2-lal3 za3 e3-a zi-da gab2-bu-mu us2-[...]
18. en3 ta-gin7 nam-ma-ra-ab-ze2-eg3-en-ze2-en
19. ga-e-re7-de3-en {gesz}haszhur gul-la edin kul-aba4{ki}
20. {gesz}haszhur gul-la edin kul-aba4{ki} giri3-ni-sze3 ba-e-re7{re}-esz
21. {d}dumu-zi tug2 mah-a i-im-mu4 mah-a dur2-a dur2 im-ma-gar [ki-ma]
22. gal5-la2-e-ne hasz4-a-na i-im-dab5-be2-esz
23. {dug}szakir 7(disz) ga mu-un-de2-esz-am3
24. 7(disz)-am3 x-TU-ra-gin7 sag mu-un-da-sag3-ge-x
25. sipa-de3 gi-gid2 gi-di-da igi-ni szu nu# mu-un-tag-ge-ne
26. igi mu-un-szi-in-bar igi usz2#-[...]-ka
27. inim i-ne-ne inim lipisz gig-ga
28. gu3 i-bi2-de2 [i-si-szi-ma] gu3 nam-tag-tag-ga [sza-se-e ar-ni]
29. en3-sze3 [an-na-x] tum3-mu-an-ze2-en
30. ku3 {d}inanna-ke4 su8-ba {d}dumu-zi-da szu-ne-ne-a in-na-szum2
31. lu2-e-ne lu2 mu-un-de3-re7-esz-am3
32. lu2 {d}dumu-zi mu-un-szi-re7-esz-am3
33. u2 nu-zu-me-esz a nu-zu-me-esz
34. zi3 dub-dub-ba nu-gu7-me-esz
35. a bala-bala-a nu-na8-na8-me-esz
36. ur2 dam nig2-du10-ge-esz2 nu-si-ge-esz
37. dumu nig2-ku7-ku7-da ne nu-su-ub-me-esz
38. dumu lu2 du10-ub-ta ba-ra-an-zi-ge-esz
39. e2-gi4-a e2 uszbar-ra-ka im-ma-an-e3-esz
40. {d}dumu-zi-de3 er2 im-ma-pa3 sig7-sig7 i3-ga2-ga2
41. gurusz-e {d}utu-ra an-sze3 szu-ni ba-an-na-zi
42. {d}utu mu10-u4-ru6-mu-me-en ga-e mu10-us2-sa-zu-me-en
43. e2 ama-zu-sze3 i3 gur3-ru-me-en
44. e2 {d}nin-gal-sze3 ga gur3-ru-me-en
45. szu-mu szu musz-a u3-mu-ni-in-szum2
46. giri3-mu giri3 musz-a u3-mu-ni-in-szum2
47. gal5-la2-mu ga-ba-da-kar nam-mu-un-ha-ha-de3 [la i-x]
next 21 lines of text missing from ETCSL partitur
69. sipa gi-gid2 gi-di-da igi-ni szu nu#-mu-un-tag-ge-ne
70. igi mu-un-szi-in-bar igi-usz2-a#-ka
71. inim i-ne-ne inim lipisz gig-ga
72. gu3 i-bi2-de2 i-si-szi-ma gu3 nam-tag-tag-gasz-a-se-e ar-ni
next 2 lines of text missing from ETCSL partitur
75. lu2-e-ne lu2 mu-un-de3-re7-esz-am3
76. lu2 {d}dumu-zi mu-un-szi-re7-esz-am3
next 7 lines missing from ETCSL partitur
84. {d}dumu-zi-de3 er2 im-ma-pa3 sig7-sig7 i3-ga2-ga2
85. gurusz-e {d}utu-ra an-sze3 szu-ni ba-an-na-zi
86. {d}utu mu10-u4-ru6-mu-me-en ga2-e mu10-us2-sa2-zu-me-en
87. e2-ama-zu-sze3 i3 gur3-ru-me-en
Total 1 record(s)
